ရခိုင်ပြည်နယ်အတွင်း ကျန်းမာရေး စောင့်ရှောက်မှု လုပ်ငန်းများ တိုးမြှင့်ဆောင်ရွက်ရန် အထူးကုဆရာဝန်ကြီးများ အပါအ၀င် ကျန်းမာရေးဝန်ထမ်း ၇၈ ဦး ထပ်မံခန့်အပ်

ရခိုင်ပြည်နယ်အတွင်း ကျန်းမာရေး စောင့်ရှောက်မှု လုပ်ငန်းများ တိုးမြှင့်ဆောင်ရွက်ရန် အထူးကုဆရာဝန်ကြီးများ အပါအ၀င် ဆရာဝန်နှင့် ကျန်းမာရေးဝန်ထမ်း ၇၈ ဦးကို ထပ်မံဖြည့်တင်း ခန့်ထားကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ရခိုင်ပြည်နယ်အတွင်း ကျန်းမာရေး စောင့်ရှောက်မှု လုပ်ငန်းများနှင့် ပတ်သက်၍ မည်သူမဆို ကျန်းမာရေး စောင့်ရှောက်မှု လာရောက် ခံယူနိုင်ကြောင်း နှင့် ဆေးရုံဆေးခန်းများသည် ကျန်းမာရေး စောင့်ရှောက်မှု ခံယူသူများအတွက် အကာအကွယ် ပေးထားသည့် နေရာများဖြစ်ကြောင်း အသိပေးကြေညာချက်များ ပြုလုပ်၍ ကျန်းမာရေး စောင့်ရှောက်မှု ပေးလျက်ရှိကြောင်းနှင့် ၂၀၁၈ ခုနှစ် ဇန်န၀ါရီမှ ဧပြီလအတွင်း စစ်တွေဆေးရုံ၊ သက္ကယ်ပြင်ဆေးရုံ၊ မြောင်းဘွေဆေးရုံ၊ ဘူးသီးတောင်ဆေးရုံ၊ စေတီတောင်ဆေးရုံ၊ မောင်တောဆေးရုံများတွင် ပြင်ပလူနာနှင့် အတွင်းလူနာအဖြစ် တိုင်းရင်းသား ၂,၈၂၃ ဦး၊ မွတ်စလင်ဘာသာဝင် ၁၁,၃၇၃ ဦး၊ စုစုပေါင်း ၁၄,၁၉၆ ဦးကို ကုသပေးခဲ့ပြီး ဖြစ်ကြောင်း သိရသည်။

ဝန်ကြီးဌာန အနေဖြင့် ဆရာဝန်၊ သူနာပြုများ အပါအ၀င် သားဖွားဆရာမ၊ ပြည်သူ့ကျန်းမာရေးကြီးကြပ် စသည့် အခြေခံကျန်းမာရေး ၀န်ထမ်းများကို နှစ်စဉ် မွေးထုတ်သွားမည်ဖြစ်ပြီး ရခိုင်ပြည်နယ်အတွင်းရှိ မြို့နယ်များအား ဦးစားပေး အစီအစဉ် သတ်မှတ်၍ ခန့်အပ်သွားမည် ဖြစ်ကြောင်းနှင့် သူနာပြုနှင့် သားဖွားသင်တန်းကျောင်း (စစ်တွေ) ၌ သူနာပြုနှင့် သားဖွားသင်တန်းသား၊ သင်တန်းသူ စုစုပေါင်း ၄၃၀၊ ပြည်သူ့ကျန်းမာရေးကြီးကြပ် (၂) ခြောက်လ သင်တန်းအား စစ်တွေမြို့ ၌ သင်တန်းသား၊ သင်တန်းသူ စုစုပေါင်း ၁၀၁ ဦးတို့ဖြင့် လေ့ကျင့် သင်တန်းပေးထားပြီး ဖြစ်ကြောင်း သိရသည်။

ကျန်းမာရေးနှင့် အားကစားဝန်ကြီးဌာန အနေဖြင့် ဆရာဝန်၊ သူနာပြုများနှင့် အခြေခံကျန်းမာရေး ၀န်ထမ်းများ ရာထူးတိုးမြှင့်ပေးရေးအတွက် အစီအစဉ်များ ဆောင်ရွက်သွားရန်ရှိပြီး ရာထူးတိုး၍ လစ်လပ်နေရာများနှင့် သက်ပြည့်ပင်စင်ယူခြင်း အပါအ၀င် အခြားလစ်လပ်နေရာများ၌ ပြန်လည် ခန့်အပ်နိုင်ရေးအတွက် အစီအစဉ်များအား စနစ်တကျ ဆောင်ရွက်သွားမည် ဖြစ်ကြောင်းနှင့် ရခိုင်ပြည်နယ်အတွင်းရှိ ဆေးရုံများ၌ ဆရာဝန်များ ပိုမို ခန့်အပ်နိုင်ရေးအတွက် ဆေးတက္ကသိုလ်များမှ မွေးထုတ်ပေးသော ဆရာဝန်များအား ကျန်းမာရေးနှင့် အားကစားဝန်ကြီးဌာန အနေဖြင့် ဦးစားပေး ခန့်အပ်သွားမည်ဖြစ်ပြီး ရခိုင်ပြည်နယ်အစိုးရ၏ အထူးအစီအစဉ် အနေဖြင့်လည်း ခန့်အပ်သွားမည် ဖြစ်ကြောင်း သိရသည်။

မောင်တောမြို့တွင် ညမထွက်ရ ကန့်သတ်အချိန်ကို လျှော့ချ

မောင်တောမြို့တွင် ညမထွက်ရ ကန့်သတ်အချိန်ကိုလျှော့ချကာ ညမထွက်ရအမိန့်ကို ပြစ်မှုဆိုင်ရာကျင့်ထုံး ဥပဒေပုဒ်မ-၁၄၄ အရ ပြင်ဆင် ထုတ်ပြန်ခဲ့ကြောင်း သိရသည်။

မောင်တောမြို့နယ်အတွင်း လမ်းမကြီးများ၊ အများပြည်သူတို့သွားရာလမ်း၊ လမ်းမကြီး၊ လမ်းသွယ်၊ လမ်းကြား၊ ဥယျာဉ် (သို့မဟုတ်) အများပြည်သူနှင့်ဆိုင်သော ဗလီ၊ ကျောင်းနေရာများတွင် ငါးဦး သို့မဟုတ် ငါးဦးထက် ပိုသောသူများ စုဝေးခြင်း မပြုလုပ်ရေးအတွက် ယခင်ထုတ်ပြန်ခဲ့သည့် ည ၉ နာရီမှ နောက်တစ်နေ့ နံနက် ၅ နာရီအစား ည ၁၀ နာရီမှ နောက်တစ်နေ့ နံနက် ၅ နာရီအချိန်ထိ ကာလအတွင်း ညမထွက်ရအမိန့်ကို ပြစ်မှုဆိုင်ရာ ကျင့်ထုံးဥပဒေပုဒ်မ-၁၄၄ အရ ပြင်ဆင် ထုတ်ပြန်လိုက်ခြင်းဖြစ်ကြောင်း သိရသည်။

အချိန် တစ်နာရီ လျှော့ချလိုက်သည့် ညမထွက်ရအမိန့် ပုဒ်မ-၁၄၄ ထပ်မံထုတ်ပြန်မှုအား မောင်တောမြို့နယ် မီးသတ်ဦးစီးမှူးရုံးမှ ဇွန် ၁၂ ရက် ညနေပိုင်းက လိုက်လံကြေညာခဲ့ခြင်း ဖြစ်ကြောင်း သိရသည်။

၂၀၁၇ ခုနှစ် သြဂုတ် ၂၅ ရက်က ARSA အကြမ်းဖက်အဖွဲ့၏ အကြမ်းဖက်မှုဖြစ်စဉ်နှင့် ပတ်သက်၍ တရားဥပဒေ စိုးမိုးရေးနှင့် ပြည်သူများ အေးချမ်းစွာ နေထိုင်ရေးအတွက် မောင်တောမြို့နယ် အထွေထွေအုပ်ချုပ်ရေးဦးစီးဌာနမှ ရာဇ၀တ်ကျင့်ထုံး ဥပဒေပုဒ်မ-၁၄၄ အရ ၂၀၁၈ ခုနှစ် ဧပြီ ၁၁ ရက်တွင် အမိန့်အမှတ် ၁/၂၀၁၈ ဖြင့် ညနေ ၉ နာရီမှ နောက်တစ်နေ့ နံနက် ၅ နာရီအချိန်ထိ ညမထွက်ရအမိန့်ကို ထုတ်ပြန်ခဲ့ကြောင်း သိရသည်။

ယခုအချိန်တွင် နယ်မြေ တည်ငြိမ်အေးချမ်းမှု ရှိလာပြီ ဖြစ်သော်လည်း တရားဥပဒေစိုးမိုးမှု ရရှိစေရေးအတွက် တပ်မတော်နှင့်လုံခြုံရေး အဖွဲ့အစည်းများမှ ဥပဒေနှင့်အညီ ဆက်လက် ဆောင်ရွက်ရန် လိုအပ်နေဆဲ ဖြစ်သည့်အတွက် ဒေသ၏ ဖွံ့ဖြိုးတိုးတက်မှု၊ လွတ်လပ်စွာ ဆက်သွယ်သွားမှု ကန့်သတ်ချက်များအပြင် စားဝတ်နေရေး ကိစ္စရပ်များအပေါ် အထိုက်အလျောက် ထိခိုက်မှုရှိနေသည့်အအတွက် ဒေသတွင်းနေ ပြည်သူလူထု၏ ရေရှည်အကျိုးကို မျှော်ကိုး၍ ပုဒ်မ-၁၄၄ အမိန့်ထုတ်ပြန်ထားသည့် ကန့်သတ်အချိန်ကို လျှော့ပေါ့စဉ်းစားပေးရန် လိုအပ်ကြောင်း သုံးသပ်ရရှိကြောင်း ကြေငြာချက်တွင် ပါဝင်ကြောင်း သိရသည်။

 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်တို့ တွေ့ဆုံပြီး ရခိုင်ပြည်နယ်အရေး ဆွေးနွေး

Photo: Ministry of Foreign Affairs Myanmar

နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေး ၀န်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် ခရစ္စတင်းရှာနေး ဘာဂျန်နာအား ဇွန် ၁၃ ရက် နံနက် ၁၀ နာရီတွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်သည်။

ထိုသို့ တွေ့ဆုံရာတွင် နိုင်ငံတော်၏ အတိုင်ပင်ခံပုဂ္ဂိုလ်နှင့် အထူးကိုယ်စားလှယ်တို့က ရခိုင်ပြည်နယ်အရေး အပါအ၀င် မြန်မာနိုင်ငံတွင် ရင်ဆိုင်နေရသော စိန်ခေါ်မှုများကို ဖြေရှင်းရေးတွင် မြန်မာအစိုးရနှင့် ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ်ရုံး တို့အကြား ပူးပေါင်းဆောင်ရွက်မှုများ၊ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး လုပ်ငန်းစဉ်တို့နှင့် စပ်လျဉ်း၍ မြန်မာအစိုးရ၏ ကြိုးပမ်းအားထုတ်မှုများအပေါ် ဆွေးနွေးခဲ့ကြောင်း သတင်းထုတ်ပြန်မှုတွင် ပါရှိသည်။

ထို့ပြင် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်က ခရီးစဉ် လာရောက်ခြင်းမှာ ရခိုင်ပြည်နယ်ကိစ္စ ဖြေရှင်းရေးတွင် မြန်မာနိုင်ငံနှင့် ကုလသမဂ္ဂအကြား အပြုသဘောဆောင်သည့် ပူးပေါင်းဆောင်ရွက်မှုများ တိုးမြှင့်နိုင်ရန်အတွက် ညှိနှိုင်းဆောင်ရွက်ပေးရန် ဖြစ်ကြောင်း၊ အသိုက်အ၀န်း နှစ်ခုအား ပိုမိုနီးကပ်လာစေရန်နှင့် မြန်မာနိုင်ငံ၏ ငြိမ်းချမ်းရေး လုပ်ငန်းစဉ်တို့အား အထောက်အကူပြုရန် ဖြစ်ကြောင်း ပြောကြားခဲ့သည်ဟု သတင်းထုတ်ပြန်မှုတွင် ဖော်ပြထားသည်။

ထို့အတူ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မြေပြင် အခြေအနေနှင့် နက်နဲ ရှုပ်ထွေးမှုများ၏ ပကတိအခြေအနေများကို သိရှိနားလည်ပြီး အမှန်တရားဘက်မှ ရပ်တည်ရန်၊ အခြေအနေမှန်များအား နိုင်ငံတကာ အသိုက်အ၀န်းမှ သိရှိနိုင်စေရန် ဆောင်ရွက်ပေးနိုင်ရန် လိုအပ်ကြောင်း၊ အထူးကိုယ်စားလှယ်အနေဖြင့် မြန်မာနိုင်ငံနှင့် ကုလသမဂ္ဂတို့အကြား အပြုသဘောဆောင်သည့် ပံ့ပိုးမှုများဖြင့် ပေါင်းကူး ဆောင်ရွက်ပေးရန် မျှော်လင့်ကြောင်း ပြောကြားခဲ့သည်ဟု သတင်းထုတ်ပြန်ချက်တွင် ပါရှိသည်။

အဆိုပါ အစည်းအဝေးသို့ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာန ပြည်ထောင်စုဝန်ကြီး ဦးကျော်တင်၊ နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူနှင့် အဆင့်မြင့်အရာရှိကြီးများ တက်ရောက်ခဲ့ကြောင်း သိရသည်။

ထို့နောက် ညနေပိုင်းတွင် အထူးကိုယ်စားလှယ်နှင့် အဖွဲ့အား ပြည်ထောင်စုဝန်ကြီး ဦးကျော်တင်က သင်္ဂဟဟိုတယ်တွင် ညစာဖြင့် တည်ခင်းဧည့်ခံခဲ့ပြီး ညစာသုံးဆောင်ခြင်း မပြုမီ မြန်မာနိုင်ငံနှင့် ကုလသမဂ္ဂတို့ အကြား ပူးပေါင်းဆောင်ရွက်မှု မြှင့်တင်ရေးအပေါ် ဆွေးနွေးခဲ့ကြကြောင်း သတင်းထုတ်ပြန်ချက်အရ သိရသည်။

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဆွေးနွေး

တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီးစိုးမြင့်အောင် ဆွေးနွေးနေစဉ်ကို တွေ့ရစဉ်

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးဆိုင်ရာ အချုပ်အခြာအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး စိုးမြင့်အောင်က ထောက်ပြ ဆွေးနွေးခဲ့သည်။

မိုင်းပန်မဲဆန္ဒနယ် ပြည်သူ့လွှတ်တော် ကိုယ်စားလှယ် တင်သွင်းသည့် ”နိုင်ငံတော်အစိုးရ အနေဖြင့် ရခိုင်ပြည်နယ်အတွက် လွတ်လပ်သော ကော်မရှင်တစ်ခုကို နိုင်ငံတကာမှ ပုဂ္ဂိုလ်ကြီးတစ်ဦး အပါအ၀င် အဖွဲ့ဝင် သုံးဦးဖြင့် ဖွဲ့စည်းခြင်းနှင့် စပ်လျဉ်း၍ UNSC ကိုယ်စားလှယ်အဖွဲ့၏ အကြံပြုချက်တွင် ပြည်ပအဖွဲ့ဖြင့် စစ်ဆေးခြင်းနှင့် ပြည်တွင်းအဖွဲ့ဖြင့် စစ်ဆေးခြင်းနည်းလမ်း နှစ်သွယ်ပါရှိရာ လွတ်လပ်သော နိုင်ငံတော်၏ အချုပ်အခြာအာဏာနှင့် နိုင်ငံသားပြည်သူများ၏ ဂုဏ်သိက္ခာကို လေးစား ယုံကြည်သောအားဖြင့် ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေးကို ပြန်လည်စဉ်းစား ဆုံးဖြတ်ပေးရန် ပြည်ထောင်စု အစိုးရအား တိုက်တွန်းကြောင်း” အရေးကြီးအဆိုကို ဇွန် ၁၁ ရက်က ပြုလုပ်သည့် ပြည်သူ့လွှတ်တော် အစည်းအဝေး၌ လွှတ်တော်ကိုယ်စားလှယ်များက ဆွေးနွေးရာတွင် ၎င်းက ထည့်သွင်းပြောကြားခြင်း ဖြစ်သည်။

”အဖွဲ့ဝင်သုံးဦး ပါဝင်ဖွဲ့စည်းမည့် စစ်ဆေးရေးကော်မရှင်မှာ နိုင်ငံတကာပုဂ္ဂိုလ်တစ်ဦး ပါဝင်မှုဆိုတာ ကျွန်တော်တို့ရဲ့ ဖွဲ့စည်းပုံ အခြေခံဥပဒေနှင့် ညီ မညီ စိစစ်ကြည့်ရန် လိုအပ်ပါတယ်။ ဖွဲ့စည်းပုံ အခြေခံဥပဒေ ပုဒ်မ ၄ မှာ နိုင်ငံတော်၏ အချုပ်အခြာအာဏာသည် နိုင်ငံသားများထံမှ ဆင်းသက်ပြီး နိုင်ငံတော်တစ်ဝန်းလုံး၌ တည်သည်ဟု အတိအလင်း ပြဋ္ဌာန်းထားပြီး ဖြစ်တဲ့အတွက် နိုင်ငံတော်ရဲ့အချုပ်အခြာအာဏာ အုပ်ချုပ်ရေးပိုင်းအထိ ယခုဖွဲ့စည်းသော ကော်မရှင်က စစ်ဆေးနိုင်မယ့် အခြေအနေရှိတဲ့အတွက် နိုင်ငံတော်သားများထံမှ ဆင်းသက်လာသော ကော်မရှင် မဟုတ်ဘဲ နိုင်ငံခြားသားထံမှ ဆင်းသာလာသော ကော်မရှင်ဖြစ်လာမည်ကို သတိပြုရမည် ဖြစ်သောကြောင့် နိုင်ငံတကာပုဂ္ဂိုလ် ပါဝင်သာ စစ်ဆေးရေး ကော်မရှင်ဟာ နိုင်ငံတော် ဖွဲ့စည်းပုံအခြေခံဥပဒေနှင့် ကိုက်ညီမှု မရှိကြောင်း ပထမဦးစွာ တွေ့ရပါတယ်။ ယင်းကော်မရှင်ဟာ မြန်မာနိုင်ငံသားများကို ခေါ်ယူခြင်း တွေ့ဆုံခြင်း မေးမြန်းခြင်းတို့ကို ပြုလုပ်ရမှာ ဖြစ်ပါတယ်။ နိုင်ငံသား တစ်ဦးဦးကို ဥပဒေရဲ့ ခွင့်ပြုချက်မှတစ်ပါး မည်သူကမှ မေးမြန်းပိုင်ခွင့် မရှိပါဘူး။ ၎င်းအာဏာမှာ တရားရေးအာဏာသာ ဖြစ်ပါတယ်။ တရားရေး အာဏာကို ကော်မရှင်သို့ ပေးအပ်ပါက မြန်မာနိုင်ငံရဲ့ တရားရေးဆိုင်ရာ အချုပ်အခြာအာဏာကို နိုင်ငံခြား အဖွဲ့အစည်းတစ်ခုကို အပ်နှင်းလိုက်သလို ဖြစ်နေမှာ သတိပြုရမှာ ဖြစ်ပါတယ်။ မြန်မာနိုင်ငံ Sovereign Decision ကို နိုင်ငံခြားသားက ချမှတ်ပါက မမျှော်လင့်သော ရှုပ်ထွေးမှုများ ဖြစ်ပေါ်လာနိုင်ပြီး ကျွန်တော်တို့ ပြည်နယ်တစ်ခုရဲ့ လုံခြုံရေးပိုင်းဆိုင်ရာ ကျိုးပေါက်သွားနိုင်သကဲ့သို့ နိုင်ငံတော်ရဲ့ အချုပ်အခြာကိုပါ ထိပါး စွက်ဖက်လာနိုင်တာကိုပါ သတိပြုရမှာ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင် က ပြောကြားသည်။

ထို့ပြင် အာဆာအကြမ်းဖက်မှု ကာလနောက်ပိုင်းအား စုံစမ်းမယ်ဆိုသည့်အတွက် ၎င်းကာလသည် ဒေသတွင်း တည်ငြိမ်းအေးချမ်းမှု မရှိချိန်၊ အစိုးရ၏ အုပ်ချုပ်မှုယန္တရား ပျက်ပြားနေချိန်၊ ဒေသခံ ပြည်သူများ စိုးရိမ်ကြောက်လန့်ပြီး တစ်ဦးနှင့်တစ်ဦး၊ လူမျိုး တစ်မျိုးနှင့်တစ်မျိုး နာကျင်ခံစားပြီး သံသယကြီးနေချိန် ဖြစ်ကြောင်း၊ အစိုးရ၏ အုပ်ချုပ်ရေးအဖွဲ့အစည်းများ၊ လုံခြုံရေးတပ်ဖွဲ့ဝင်များ၊ လုံခြုံရေးတပ်ဖွဲ့ဝင်များနှင့် ပူးပေါင်းဆောင်ရွက်နေကြသည့် ဒေသခံပြည်သူများဖြင့် ဒေသတွင်း တည်ငြိမ်ရေး၊ အုပ်ချုပ်ရေးယန္တရား လည်ပတ်နိုင်ရေး၊ အချုပ်အခြာအာဏာ ထပ်မံမဆုံးရှုံးရေး၊ ပြည်သူလူထု အိုးအိမ်စည်းစိမ် ထပ်မံမထိခိုက်စေရေး၊ လုံခြုံရေးနှင့် တရားဥပဒေစိုးမိုးရေးတို့ကို အဓိကထား လုပ်ဆောင်နေချိန် ကာလဖြစ်၍ ၎င်းကာလကို နိုင်ငံခြားသား ပုဂ္ဂိုလ်တစ်ဦးအနေဖြင့် သမိုင်းနောက်ခံ အခြေအနေမသိ၊ ဒေသခံများ၏ ခံစားနေရသည့် ဒုက္ခကိုမသိဘဲ လူ့အခွင့်အရေး၊ လူသားချင်း စာနာထောက်ထားမှု ခေါင်းစဉ်များဖြင့် သုံးသပ် စစ်ဆေးလာမည်ဆိုပါက နိုင်ငံတော်အစိုး၏ ပုံရိပ်ကို ထိခိုက်လာနိုင်သည်ကို ထည့်သွင်း စဉ်းစားရမည်ဖြစ်ကြောင်း ၎င်းကဆက်လက် ဆွေးနွေးသည်။

”မြန်မာနိုင်ငံရဲ့ ပြည်တွင်းရေးကို မြန်မာနိုင်ငံသားများကသာ ကွပ်ကဲစီရင်ပိုင်ခွင့် ရှိပြီးတော့ ပြည်ပနိုင်ငံသားများ ပါဝင်စေခြင်းဟာ ပြည်ပမှ ၀င်ရောက်စွက်ဖက်မှုကို မိမိကိုယ်တိုင် ကြိုဆိုနေသလို ဖြစ်နေတာကို သတိပြုရမှာ ဖြစ်ပါတယ်။ မြန်မာနိုင်ငံကို မြန်မာအစိုးရကသာ အုပ်ချုပ်နေတာဖြစ်ပြီးတော့ UN က လာရောက် အုပ်ချုပ်နေတာ မဟုတ်ကြောင်း သတိပြုရမှာ ဖြစ်ပါတယ်”ဟု တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး မင်းသော်အေး ကပြောကြားသည်။

ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေးကော်မရှင်တစ်ခုကို ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေး အရေးကြီးအဆိုအား ပြည်သူ့လွှတ်တော်တွင် မဲခွဲဆုံးဖြတ်ရာတွင် ရှုံးနိမ့်သွားသည့် မဲရလဒ်အား တွေ့ရစဉ်

ယခုကဲ့သို့ နောက်ကြောင်းပြန် ဆောင်ရွက်ခြင်းသည် ကျယ်ပြန့် နက်ရှိုင်းပြီး ပြည်ပ ပယောဂများ အဖျက်အမှောင့်များ မတည်ငြိမ်မှုများ စသည့် ကဏ္ဍပေါင်းစုံမှ ဆက်နွှယ်လာနိုင်သည်ကို သတိပေး ဆွေးနွေးလိုကြောင်း၊ ကော်မရှင်အနေဖြင့် မြန်မာနိုင်ငံအကျိုးကို ထည့်သွင်းမစဉ်းစားဘဲ လူ့အခွင့်အရေးကို ဇောင်းပေးကာ ဒေသခံ တိုင်းရင်းသားများ၏အရေးကို မျက်ကွယ်ပြုပြီး ၎င်းတို့ဖြစ်စေချင်သည့် အကြောင်းအရာများကိုသာ စစ်ဆေး ဖော်ထုတ်လာပါက ပြည်တွင်းရေး ပြဿနာကို တရားနည်းလမ်းကျ ဖြေရှင်းရာမရောက်ဘဲ နိုင်ငံတကာသို့ ကျယ်ပြန့်စွာ လှုံ့ဆော်ဖန်တီးမှုမျိုး ဖြစ်လာနိုင်ကြောင်း၊ နိုင်ငံခြားသား ပါဝင်သည့် ကော်မရှင်ဖွဲ့စည်းခြင်းကို နိုင်ငံတော်အစိုးရ အနေဖြင့် နက်နက်နဲနဲ စဉ်းစားသင့်ကြောင်း၊ ပြဿနာများကို ပိုမို ကျယ်ပြန့်စေခြင်း၊ အခြေအနေ ပိုမိုရှုပ်ထွေး ဆိုးရွားသွားစေခြင်း မရှိစေရန်နှင့် တစ်ဖက်နှင့် တစ်ဖက် အမုန်းတရားများ မဖြစ်ပေါ်စေရေး ထိန်းသိမ်းရန်မှာ ပြည်ထောင်စုအစိုးရ၏ တာဝန်သာ ဖြစ်ကြောင်း ဒုတိယဗိုလ်မှူးကြီး စိုးမြင့်အောင်က ပြောကြားသည်။

”လုံခြုံရေး၊ တည်ငြိမ်အေးချမ်းရေးနဲ့ တရားဥပဒေ စိုးမိုးရေးကို အခြေခံကျကျ စဉ်းစားပြီး အစိုးရရဲ့ အခွင့်အာဏာအတွင်းမှ နိုင်ငံတော်နဲ့နိုင်ငံသားများ၊ ဒေသခံ တိုင်းရင်းသားများရဲ့ မွေးရာပါ အခွင့်အရေးများနဲ့ အကျိုးစီးပွားကို ရှေးရှုသော ကော်မရှင်တစ်ရပ် ဖွဲ့စည်းရေးကိုသာ ဦးစားပေး ဆောင်ရွက်သင့်ပါတယ်။ ရခိုင်ပြည်နယ်အရေးကိစ္စဟာ မြန်မာပထ၀ီဝင် အနေအထားအရ နိုင်ငံခြားသားများနဲ့ ဖြေရှင်းရမယ့်ကိစ္စ မဟုတ်ဘဲ မိမိနိုင်ငံရဲ့ အမျိုးသား အကျိုးစီးပွားဖြစ်တဲ့ တိုင်းပြည် တည်ငြိမ်အေးချမ်းရေး တိုင်းရင်းသား စည်းလုံးညီညွတ်ရေးနဲ့ ဖွံ့ဖြိုးတိုးတက်ရေးအတွက် စိတ်ရင်း စေတနာအမှန်နဲ့ ဆောင်ရွက်လိုသူများ၊ မြန်မာနိုင်ငံ အတိတ်သမိုင်းကြောင်းကို သိရှိလက်ခံနိုင်သည့် မိမိနိုင်ငံသား အသိပညာရှင်များ၊ အတက်ပညာရှင်များနဲ့သာ ဖြေရှင်းနိုင်တဲ့ ကိစ္စတစ်ခု ဖြစ်ပါတယ်။ နိုင်ငံတော်အတွင်းမှာရှိတဲ့ ပညာရှင်နိုင်ငံသားများနဲ့သာ ပါဝင်ဖွဲ့စည်းသော ကော်မရှင်တစ်ခုကို ပြည်သူတို့ရဲ့ ဆန္ဒနဲ့အညီ ဖွဲ့စည်းဆောင်ရွက်သင့်ပါတယ်။ ထိုသို့ ကော်မရှင် ဖွဲ့စည်းသောကိစ္စဟာ နိုင်ငံတော်အတွက် အထူးအရေးကြီးပြီး အတိမ်းအစောင်း မခံသည့်ကိစ္စဖြစ်၍ လုပ်ဆောင်မှု နည်းလမ်းမှားယွင်းခဲ့ရင် ဒေသခံ ပြည်သူလူထုများ ထိခိုက်နစ်နာပြီး မလိုလားအပ်သော ပြဿနာများ နစ်နာဆုံးရှုံးမှုများ နက်ရှိုင်းစွာ ဖြစ်ပေါ်လာနိုင်ခြင်း၊ နိုင်ငံတော်ရဲ့ လုံခြုံရေးနှင့် အမျိုးသားအကျိုးစီးပွားများကို ထိခိုက်လာနိုင်ခြင်းတို့ကြောင့် နိုင်ငံတော်နှင့် နိုင်ငံသားများအကျိုးအတွက် ပွင့်လင်းမြင်သာစွာနဲ့ ပြည်သူ့ကိုယ်စားလှယ်ဖြစ်သော လွှတ်တော် ကိုယ်စားလှယ်များတို့ရဲ့ အတည်ပြုချက်ရယူပြီး အထူးဂရုပြု ဆောင်ရွက်သင့်တဲ့ကိစ္စ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင်က ပြောကြားသည်။

ထို့ပြင် ကုလသမဂ္ဂ လူ့အခွင့်အရေးကောင်စီက ရခိုင်ပြည်နယ်အတွင်း စုံစမ်းစစ်ဆေးနိုင်ရန် အချက်အလက် ရှာဖွေဖော်ထုတ်ရေးအဖွဲ့ကို ဖွဲ့စည်း၍ မြန်မာနိုင်ငံကို စေလွှတ်ရန် ၂၀၁၇ ခုနှစ် မတ် ၂၄ ရက်တွင် မဲခွဲမှု မလုပ်ဘဲ အတည်ပြု ဆုံးဖြတ်ခဲ့ကြောင်း၊ ထို့အတူ မြန်မာနိုင်ငံအပေါ် R2P ဆောင်ရွက်ရန် တွန်းအားပေးမှုများ ပြုလုပ်ခြင်း၊ ဆွေးနွေးပွဲများ ကျင်းပခြင်း၊ နိုင်ငံတကာ တက္ကသိုလ်ကောလိပ်များတွင် ဘွဲ့လွန်စာတမ်းများ ပြုစုခြင်းတို့ကိုပါ အချိန်ကိုက် ဆောင်ရွက်လာကြကြောင်း၊ ကိုဖီအာနန် ကော်မရှင်သည် အကြံပေးရန်ဟု ဆိုခဲ့သော်လည်း ဖွဲ့စည်းဆောင်ရွက်ပြီးသည့်နောက်တွင် ကော်မရှင်၏ အကြံပြုချက်များကို UN တွင် တင်ပြခဲ့ပြီး တရားဝင်အတည်ဖြစ်ကာ ယခုအခါတွင် ရခိုင်အရေး လမ်းပြမြေပုံအဖြစ်သို့ ရောက်ရှိနေပြီ ဖြစ်ကြောင်း၊ အဆိုပါဖြစ်စဉ်သည် ကိုဖီအာနန် ကော်မရှင်ဆိုသည့် နိုင်ငံခြားသားများ ပါဝင်လာသည့် အကျိုးဆက်ဖြစ်ပြီး မိအေးနှစ်ခါနာ သာမက ၁၀ ခါမကနာသည့်အဖြစ်သို့ ရောက်နေကာ မိမိနိုင်ငံသူ၊ နိုင်ငံသားများကိုလည်း မယုံကြည်ရာ ရောက်ကြောင်း ဒုတိယဗိုလ်မှူးကြီး မင်းသော်အေး ကပြောကြားသည်။

မြန်မာနိုင်ငံသည် ကမ္ဘာ့ကုလသမဂ္ဂ အဖွဲ့ဝင်နိုင်ငံဖြစ်သည်နှင့်အညီ မြန်မာနိုင်ငံအပေါ် ဥပဒေအရ စည်းနှောင်မှုရှိသည့် ပြဋ္ဌာန်းချက်များ၊ ဆုံးဖြတ်ချက်များကို လိုက်နာ ဆောင်ရွက်ရမည် ဖြစ်သော်လည်း ဥပဒေအရ စည်းနှောင်မှု မရှိသည့် ကုလသမဂ္ဂ၏ တိုက်တွန်း အကြံပြုချက်များကို အလုံးစုံလိုက်နာ ဆောင်ရွက်ရန်မလိုဘဲ မိမိနိုင်ငံ၏ အခြေအနေအရ ဆောင်ရွက်သင့်သည်များကိုသာ ဆောင်ရွက်ရန်ဖြစ်ပြီး မဆောင်ရွက်နိုင်သည့် ကိစ္စများကို မဆောင်ရွက်ဘဲ ထားရှိသင့်ကြောင်းနှင့် ရွေးချယ်စရာ နည်းလမ်းများနှင့် အကောင်းဆုံး ရွေးချယ်မှုကို မိမိနိုင်ငံ၏ အမျိုးသားအကျိုးစီးပွား ထိခိုက်နစ်နာမှု မရှိစေနိုင်သော အခြေခံအချက်အပေါ် မူတည်ပြီး ရွေးချယ် ဆောင်ရွက်သင့်ကြောင်း ဗိုလ်မှူးကြီး ခင်မောင်ချိုက ပြောကြားသည်။

အဆိုပါ အရေးကြီးအဆိုအား တပ်မတော်သား လွှတ်တော်ကိုယ်စားလှယ်များ၊ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီဝင် လွှတ်တော်ကိုယ်စားလှယ်များ၊ ရခိုင်အမျိုးသားပါတီဝင် လွှတ်တော်ကိုယ်စားလှယ်များက ထောက်ခံဆွေးနွေးခဲ့ပြီး အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်များက ကန့်ကွက်ဆွေးနွေးခဲ့ကာ နိုင်ငံတော်အတိုင်ပင်ခံရုံးဝန်ကြီးဌာန ဒုတိယ၀န်ကြီးက အစိုးရ၏ ဆောင်ရွက်ချက်များကို ရှင်းလင်း၍ အဆိုအား အတည်မပြုရန် သဘောထားတင်ပြခဲ့ပြီးနောက် အဆိုအပေါ် မဲခွဲဆုံးဖြတ်ရာတွင် ကန့်ကွက်မဲများသည့်အတွက် အဆိုတင်သွင်းခြင်း ရှုံးနိမ့်ခဲ့သည်။

ရခိုင်ပြည်နယ် လွှတ်တော်ဥက္ကဋ္ဌက ဖမ်းဆီးခွင့် ပြုလိုက်သည်နှင့် သွားရောက် အဖမ်းခံမည် ဖြစ်ကြောင်း ပညာရေးဌာနမှ အမှုဖွင့်ထားသော ပြည်နယ် လွှတ်တော်ကိုယ်စားလှယ် ပြောကြား

ရမ်းဗြဲမြို့နယ် ပြည်နယ် လွှတ်တော်ကိုယ်စားလှယ် ဦးသန်းမောင်ဦးအား လွှတ်တော်အစည်းအဝေးတွင် တွေ့ရစဉ်

ရခိုင်ပြည်နယ် လွှတ်တော်ဥက္ကဋ္ဌက ဖမ်းဆီးခွင့် ပြုလိုက်သည်နှင့် သွားရောက် အဖမ်းခံမည် ဖြစ်ကြောင်း Facebook လူမှုကွန်ရက်တွင် ရေးသားချက်နှင့် ပတ်သက်ပြီး ရခိုင်ပြည်နယ်အစိုးရမှ ညွန်ကြားချက်ဖြင့် ပညာရေးဌာနမှ ပုဒ်မ ၆၆ (ဃ) ဖြင့် အမှုဖွင့်ထားခြင်းကို ခံနေရသော ရမ်းဗြဲမြို့နယ်မှ ပြည်နယ် လွှတ်တော်ကိုယ်စားလှယ် ဦးသန်းမောင်ဦးက ပြောကြားလိုက်သည်။

ဦးသန်းမောင်ဦးသည် လွန်ခဲ့သော ရက်ပိုင်းက ၎င်း၏ Facebook စာမျက်နှာတွင် ပညာရေးကိစ္စ အပါအ၀င် အချက်တချို့ကို ရေးသားဝေဖန် ထောက်ပြခဲ့သဖြင့် ရခိုင်ပြည်နယ် ရမ်းဗြဲမြို့နယ်မှ ပြည်နယ် လွှတ်တော်ကိုယ်စားလှယ် ဦးသန်းမောင်ဦးအား ပြည်နယ်အစိုးရ၏ ညွှန်ကြားချက်ဖြင့် ပြည်နယ်ပညာရေးဌာနမှ စစ်တွေမြို့မရဲစခန်းတွင် အမှုဖွင့်လှစ်ခဲ့ခြင်း ဖြစ်ကြောင်း သိရသည်။

ယင်းနှင့် ပတ်သက်ပြီး ဦးသန်းမောင်ဦး က “ သူတို့ဘက်က အမှုဖွင့်တယ် ဆိုရင်တော့ ရင်ဆိုင်ရမှာပေါ့။ လွှတ်တော်ဥက္ကဋ္ဌကလည်း ခွင့်ပြုလိုက်ပြီ ဆိုရင်တော့ ရဲစခန်းမှာ သွားရောက် အဖမ်းခံမယ်။ သူတို့ ဒီကိုလာဖို့တော့ မလိုဘူးပေါ့။ ကျွန်တော် Facebook မှာ ရေးတာကလည်း အများကြီး ရေးခဲ့တာပဲလေ၊ ပြည်သူတွေကို နှိုးဆော်တာ၊ ချပြတာမျိုးသာ လုပ်တာဖြစ်တယ်။ ဘယ်သူ့ကိုမှ တိုက်ခိုက်တာမျိုး မရှိဘူး။ ဖမ်းဆီးခွင့်တောင်းတဲ့ စာထဲမှာတော့ သူတို့ဘက်က ရေးထားတဲ့အထဲမှာတော့ တိုင်းနဲ့ပြည်နယ်အလိုက် အောင်ချက် ရာခိုင်နှုန်းတွေကို အမှားတွေ ရေးတင်ခဲ့တယ်လို့ ပါတယ်။ ပညာရေးဌာနကို သိက္ခာကျအောင် လုပ်တယ်လို့ ပါတယ်။ ကျွန်တော်ကလည်း သူများတင်တာကို ကိုးကားပြီး ရေးတင်လိုက်တာပါ။ အတိအကျက နောက်မှထွက်လာတော့ ကျွန်တော် ပြန်ပြင်လိုက်တယ်။ သူတို့က အာဏာရှင်ဆန်ဆန် လုပ်တယ်လို့ မြင်တယ်။ ကျွန်တော်က အာဏာရှင်ဆန်တာကို မကြိုက်လို့ လွှတ်တော်ထဲ ရောက်လာသူ ဖြစ်တယ်။ အာဏာရှင်စနစ် ပပျောက်အောင်လုပ်ဖို့ တာဝန်ရှိတယ်။ ဒီလိုဖြစ်လာမယ်လို့ လုံးဝ မမျှော်လင့်ခဲ့ဘူး။ အချက်အလက် အမှန်ကိုလည်း နှစ်နာရီလောက်အတွင်းမှာ ကျွန်တော် ပြန်တင်ပြခဲ့တယ်။ အမှားပြင်ဆင်ပြီးပြီ ဒါအပြစ်လား။ အားနည်းချက် အားသာချက်တွေကို ပြည်သူတွေကို ချပြတာသာ ဖြစ်တယ်။ ဘယ်ဌာနကိုမှ နစ်နာအောင် မပြောခဲ့ဘူး။ ကျွန်တော်ဟာ အစိုးရကို ထိန်းကျောင်းဖို့၊ အစိုးရလုပ်တာကို တည့်မတ်ဖို့ ပြည်သူက ရွေးချယ်ပေးလိုက်တဲ့ လွှတ်တော်ကိုယ်စားလှယ် ဖြစ်တယ်။ တင်ဒါကိစ္စတွေကိုလည်း ထောက်ပြခဲ့တယ်။ အကောင်းဘက်က ထောက်ပြခဲ့တာသာ ဖြစ်တယ်။ သူတို့ဘက်က ညှိနှိုင်းဖြေရှင်းပေးရင်တော့ ကောင်းတာပေါ့။ သူတို့ဘက်က ဖြေလျော့မပေးရင်တော့ ရင်ဆိုင်ရမှာပေါ့”ဟု ပြောကြားသည်။

ဦးသန်းမောင်ဦး အနေဖြင့် သူ၏ Facebook တွင် ငါတို့ ရခိုင်ပြည်က တိုင်းနှင့်ပြည်နယ် ၁၄ ခုထဲမှာ ၁။ ပညာရေး အနိမ့်ကျဆုံး၊ ၂။ စီးပွားရေး အနိမ့်ကျဆုံး၊ ၃။ ကျန်းမာရေးဝန်ဆောင်မှု အနိမ့်ကျဆုံး၊ ၄။ လူမှုရေးနယ်ပယ်ကြီး အပျက်စီးဆုံး၊ ၅။ အုပ်ချုပ်ရေးယန္တရား ဖရိုဖရဲအရှိဆုံး၊ ၆။ ပြည်နယ်အစိုးရအဖွဲ့ကို ပြည်သူများ မကြိုက်ဆုံး၊ (ကျန် တိုင်းနှင့်ပြည်နယ်များမှာ လူထုနှင့် အစိုးရများဟာ ရခိုင်မှာထက် သဟဇာတ ဖြစ်တယ်) ၇။ လူငယ်များ နေရပ်စွန့်ခွာမှု အများဆုံး၊ ၈။ လမ်းများ မကောင်းဆုံး၊ ၉။ ပထ၀ီ ရေခံမြေခံ အကောင်းဆုံး၊ ၁၀။ သဘာဝ မြေသြဇာ အကောင်းဆုံး၊ ၁၁။ ငါး ပုစွန် ရေသယံဇာတ အပေါများဆုံး၊ ၁၂။ ရေနက်ဆိပ်ကမ်းကြီးများ အကောင်းဆုံး၊ ၁၃။ သဘာဝဓာတ်ငွေ့ အထွက်ဆုံး အစရှိသော စာသားများ အပါအ၀င် အောင်ချက်ရာခိုင်နှုန်းများကိုလည်း ရေးသားခဲ့ကြောင်း သိရသည်။

ထို့ပြင် ဦးသန်းမောင်ဦးက ကိုယ်တစ်ယောက်တည်းသာ မှန်သည်ဟု လုပ်ဆောင်နေမည်ဆိုပါက ပြည်သူများအနေဖြင့် နစ်နာကြောင်း၊ မိသားစုအတွင်း၌ပင် တစ်ယောက် နှင့် တစ်ယောက် သဘောထား တူ မတူသည်များလည်း ရှိနိုင်ကြောင်း၊ မိသားစုအတွင်း၌ပင် တစ်ထပ်တည်းမကျသည့် အနေအထားများစွာ ရှိနိုင်ကြောင်း၊ မတူတိုင်းသာ အနိုင်လိုချင်လို့ အနိုင်ကျင့်မည် ဆိုပါက တိုင်းပြည်တိုးတက်မည် မဟုတ်ကြောင်း၊ မိမိမှာ ရခိုင်ပြည်နယ် အနှံ့အပြားသို့ ကွင်းဆင်း လေ့လာခြင်းသည် ပြည်သူများအတွက် လုပ်ဆောင်နေခြင်းသာ ဖြစ်ကြောင်း ဦးသန်းမောင်ဦး က ပြောကြားသည်။

ဦးသန်းမောင်ဦးအား ဖမ်းဆီးရန်အတွက် လွှတ်တော်သို့ တင်ပြထားသော်လည်း လွှတ်တော် မပြီးသေးသည့်အချိန်တွင် ခွင့်မပြုနိုင်ကြောင်း ဖြေကြားထားသည်ဟုလည်း သိရှိရပြီး ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေး ၃/၂၀၁၈ တတိယနေ့မှာ ဇွန် ၇ ရက်တွင် ပြီးဆုံးခဲ့ပြီ ဖြစ်ကြောင်းလည်း သိရသည်။

“ဦးသန်းမောင်ဦးကို ဖမ်းဆီးခွင့် လွှတ်တော်ကို တင်ပြထားတဲ့အတွက် လွှတ်တော်ဥက္ကဋ္ဌကလည်း လွှတ်တော်ပြီးမှသာ ဥပဒေအတိုင်း ဆောင်ရွက်ပါလို့ ပြန်လည် တင်ပြထားတဲ့အတွက် ဇွန် ၈ ရက်မှာ သွားရောက် အဖမ်းခံမှာ ဖြစ်တယ်။ လွှတ်တော် ကိုယ်စားလှယ်တွေက သွားပြီးအပ်မှာ ဖြစ်ပါတယ်” ဟုလည်း ရခိုင်ပြည်နယ်လွှတ်တော် ဒုဥက္ကဋ္ဌ ဦးမြသန်းက ပြောကြားသည်။

အပြည်ပြည်ဆိုင်ရာ ရာဇ၀တ်ခုံရုံး (ICC) သို့ မေ ၃၀ ရက်က တင်သွင်းခဲ့သော ရှေ့နေများ၏ တရားစွဲဆိုရန် လျှောက်လွှာတွင် ဘင်္ဂါလီ မွတ်စလင်အမျိုးသမီး ၄၀၀ ၏ လက်ဗွေနှိပ်ထားမှုများ ပါဝင်

အပြည်ပြည်ဆိုင်ရာ ရာဇ၀တ်ခုံရုံး (ICC) သို့ မေ ၃၀ ရက်က တင်သွင်းခဲ့သော ရှေ့နေများ၏ တရားစွဲဆိုရန် လျှောက်လွှာတွင် ပုံမှန်မဟုတ်သော ပူးတွဲတင်ပြမှု စာမျက်နှာပေါင်း ၂၀ ပါဝင်ခဲ့ပြီး ယင်းတွင် ဘင်္ဂါလီ မွတ်စလင် အမျိုးသမီးနှင့် မိန်းကလေး ၄၀၀ တို့၏ ခရမ်းရောင် လက်ဗွေနှိပ်ထားမှုများ ပါဝင်ကြောင်း သိရသည်။

၎င်းတို့သည် လွန်ခဲ့သည့်နှစ်က မြန်မာနိုင်ငံမှ ထွက်ပြေးလာသော ဘင်္ဂါလီ မွတ်စလင် ဒုက္ခသည်များဖြစ်ပြီး အများစုမှာ စာမတတ်သူများ ဖြစ်ကြောင်းလည်း သိရသည်။

ယင်းလျှောက်ထားလွှာသည် သည်ဟိတ်မြို့အခြေစိုက် (ICC) ကို ဘင်္ဂါလီ မွတ်စလင်များအပေါ် လူမျိုးတုံး သတ်ဖြတ်မှု အပါအ၀င် ရက်စက်ကြမ်းကြုတ်မှုများ ဆက်လက် ကျူးလွန်မှုကို ရာဇ၀တ်ကြောင်းအရ စုံစမ်းစစ်ဆေးမှု စတင်ပြုလုပ်ရန် တောင်းဆိုထားခြင်း ဖြစ်သည်။ ကုလသမဂ္ဂနှင့် အမေရိကန်တို့က လူမျိုးစုလိုက် သုတ်သင်မှုဟု ခေါ်ဆိုသောကိစ္စအား (ICC) အနေဖြင့် ၀င်ရောက် စွက်ဖက်ပိုင်ခွင့် ရှိ မရှိနှင့် ပတ်သက်၍ ဆူညံစွာ ငြင်းခုံနေမှုများ ဖြစ်ပေါ်နေသည့်အကြား ယခုလျှောက်ထားမှု ထပ်မံထွက်ပေါ်လာခြင်း ဖြစ်သည်။

ယင်းတိုက်ခိုက်မှုများသည် ယခုအထိ အပြစ်ပေး အရေးယူမခံရသေးဘဲ သက်သေများစွာတို့က အရပ်သားများကို မုဒိမ်းကျင့်ခြင်းနှင့် သတ်ဖြတ်ခြင်းတို့ကို ကျူးလွန်ခဲ့ကြသူများသည် မြန်မာအစိုးရ တပ်မတော် ယူနီဖောင်းများ ၀တ်ထားကြောင်း ပြောကြားခဲ့ကြသည်။

လူ့အခွင့်အရေးအဖွဲ့များက တာဝန်ခံမှု မရှိခြင်းသည် အထူးသဖြင့် တုန်လှုပ်ချောက်ချားဖွယ်ဖြစ်ပြီး ဘင်္ဂါလီ မွတ်စလင်များအပေါ် တိုက်ခိုက်မှုများသည် (ICC) တည်ထောင်ရခြင်း ရည်ရွယ်ချက်ဖြစ်သည့် လူအစုလိုက် အပြုံလိုက်အပေါ် ရက်စက်ကြမ်းကြုတ်မှုများ ကျူးလွန်းခြင်းနှင့် အတိအကျ အကျုံးဝင်သည်ဟုလည်း ပြောကြားခဲ့သည်။

အဓိက ပြဿနာမှာ အကြမ်းဖက်မှုများ ဖြစ်ပွားခဲ့ရာ နေရာဖြစ်သော မြန်မာနိုင်ငံသည် (ICC) ကို လက်မှတ် ထိုးထားသည့်နိုင်ငံ မဟုတ်ခြင်း ဖြစ်သည်။ ထို့ကြောင့် ကုလသမဂ္ဂ လုံခြုံရေးကောင်စီက လွှဲပြောင်းပေးခြင်း မရှိဘဲ (ICC) အနေဖြင့် မြန်မာနိုင်ငံတွင် ဖြစ်ပွားသော ရာဇ၀တ်မှုများ သို့မဟုတ် မြန်မာနိုင်ငံသားများက ကျူးလွန်သော ရာဇ၀တ်မှုများကို ကိုင်တွယ်ပိုင်ခွင့် မရှိပေ။ လုံခြုံရေးကောင်စီက လွှဲပြောင်းပေးရန် ကိစ္စမှာလည်း မဖြစ်နိုင်ဟု သုံးသပ်သူအများစုက ဆိုကြသည်။

မြန်မာနိုင်ငံသည် တာဝန်ရှိသူများကို အပြစ်ပေးရန်အတွက် လည်းကောင်း လူ့အခွင့်အရေးအဖွဲ့များ၊ ဂျာနယ်လစ်များနှင့် ဂြိုဟ်တုဓာတ်ပုံများတို့မှ ရရှိထားသည့် အထောက်အထားများကို လိုက်လံစုံစမ်းရန်အတွက် လည်းကောင်း စိတ်ဝင်စားဟန် မပြပေ။

ထို့ကြောင့် တရားစွဲဆိုသူများနှင့် လူ့အခွင့်အရေးဆိုင်ရာ ရှေ့နေများက ချဉ်းကပ်မှုအသစ် တစ်ရပ်ကို ကြိုးပမ်း ဆောင်ရွက်နေကြသည်။ ၎င်းတို့က သိန်းနှင့်ချီသော ဘင်္ဂါလီ မွတ်စလင်များ ဘင်္ဂလားဒေ့ရ်ှနိုင်ငံသို့ မောင်းထုတ်ခံရသောကြောင့် လူသားဆန်မှုကို ချိုးဖောက်သော ရာဇ၀တ်မှုများသည် ဘင်္ဂလားဒေ့ရ်ှနိုင်ငံအတွင်း၌ ဆက်လက် ဖြစ်ပွားသည်ဟု အခိုင်အမာ ဆိုကြသည်။ ဘင်္ဂလားဒေ့ရှ် နိုင်ငံသည် (ICC) ကို လက်မှတ်ထိုးထားသော နိုင်ငံဖြစ်ပြီး တရားစွဲဆိုသူများအနေဖြင့် ယင်းအမှုကို ကိုင်တွယ်ပိုင်ခွင့် ရှိသည်ဟု ဆိုသည်။

ငြိမ်းချမ်းရေး အမျိုးသမီးများဟု အဓိပ္ပာယ်ရသော ရှန်တိမိုဟီလာအဖွဲ့က မေ ၃၀ ရက်တွင် တင်သွင်းသော လျှောက်ထားလွှာတွင် ၎င်းအဖွဲ့၏ ရှေ့နေများက မြန်မာနိုင်ငံအနေဖြင့် ဘင်္ဂါလီမွတ်စလင်များ ပြန်လာရေးကို ငြင်းဆိုပြီး ၎င်းတို့အား ကြောက်မက်ဖွယ်ကောင်းသည့် အခြေအနေရပ်များ၌ နေထိုင်ရရန် အတင်းအကျပ် ပြုနေသမျှ ကာလပတ်လုံး ယင်းသည် လူမျိုးရေးခွဲခြားခြင်း၊ နှိပ်ကွပ်ခြင်းနှင့် လူမျိုးတုံး သတ်ဖြတ်ခြင်းဆိုင်ရာ ရာဇ၀တ်မှုများကို ၎င်းနိုင်ငံပိုင်နက်၏ ပြင်ပ၌သာ ဆက်လက် ကျူးလွန်ရာရောက်သည်ဟု ဆိုသည်။

ဧပြီလအတွင်းက (ICC) ၏ တရားစွဲဆို ရေးအကြီးအကဲ ဖာတူးဘင်ဆူဒါက (ICC) တရားသူကြီးများ၏ အကြံဉာဏ်ကို တောင်းခံခဲ့သည်။ သူ၏ ရပ်တည်ချက်မှာ တရားစီရင်ရန် ခွင့်ပြုခြင်းသည် ကောင်းစွာ ချမှတ်ထားသည့် သဘောတရား စည်းမျဉ်းများနှင့် လျော်ညီကြောင်းနှင့် နိုင်ငံတွင်းမှ အတင်းအဓမ္မ မောင်းထုတ်ခြင်းသည် ရုတ်တရက် ဖြစ်ပေါ်လာသည့် နိုင်ငံတကာနှင့် သက်ဆိုင်သော အကြောင်းအရာဖြစ်ကြောင်း ယုံကြည်ထားခြင်း ဖြစ်သည်။

ဇွန် ၂၀ ရက်တွင် (ICC) တရားသူကြီးများ ဘုတ်အဖွဲ့က ဘင်ဆူဒါ၏ တောင်းဆိုချက်နှင့် ပတ်သက်၍ တံခါးပိတ် စစ်ဆေးကြားနားမှုတစ်ရပ် ပြုလုပ်မည်ဖြစ်ကြောင်း သိရသည်။

မောင်တောမြို့နယ် မြောက်ဖျားစွန်းဒေသ အောင်သပြေကျေးရွာနှင့် အခြားကျေးရွာအချို့သို့ ရောက်ရှိနေကြသော ဒုက္ခသည်များ စားဝတ်နေရေး အခက်အခဲဖြစ်နေ

မောင်တောမြို့နယ် မြောက်ဖျားစွန်းဒေသ အောင်သပြေကျေးရွာနှင့် အခြားကျေးရွာအချို့သို့ ရောက်ရှိနေကြသော ဒုက္ခသည်များ စားဝတ်နေရေး အခက်အခဲ ဖြစ်နေကြောင်းနှင့် အစိုးရဘက်က ပံ့ပိုးမှု အားနည်းကြောင်း သိရသည်။

အဆိုပါ ဒုက္ခသည်များသည် ဘင်္ဂလားဒေ့ရ်ှမှ နေရပ်စွန့်ခွာ ထွက်ပြေးခိုလှုံ ရောက်ရှိလာကြသူများဖြစ်ပြီး မာရမာ၊ ရခိုင်နှင့် မြိုတိုင်းရင်းသား ပါဝင်ကြောင်း သိရသည်။ ၎င်းတို့သည် အောင်သပြေကျေးရွာ စာသင်ကျောင်းတွင် ယခင်က နေထိုင်ခွင့် ရရှိခဲ့သော်လည်း ယခုအခါတွင် ရွက်ဖျင်တဲများဖြင့် နေထိုင်ကြရသည့်အတွက် ကျန်းမာရေးထိခိုက်မည်ကို စိုးရိမ်ရသည့် အခြေအနေရှိနေကြောင်း သိရသည်။

“သူတို့က အခုနေထိုင်ရတာ အခက်အခဲ ရှိတယ်။ ဒီလောက် ပူပြင်းခြောက်သွေ့တဲ့ ရာသီဥတုမှာ ရွက်ဖျင်တဲထိုးပြီး နေထိုင်ကြရတော့ အပူဒဏ်ကို မခံနိုင်အောင် ဖြစ်နေကြတယ်။ ဒါကြောင့် ကျန်းမာရေးဆိုင်ရာ စောင့်ရှောက်မှုတွေ ပေးထားဖို့လိုတယ်။ ကျန်းမာရေး ချို့တဲ့လာနိုင်ခြေ ရှိတယ်။ နောက်ပြီး အလုပ်အကိုင်လုပ်ဖို့ကလည်း မရှိဆိုတော့ စားသောက်ရေးအတွက် စိုးရိမ်ရတယ်။ အခု လောလောဆယ် စားဖို့အတွက်ကတော့ အဖွဲ့အစည်းတွေက ကူညီပေးထားကြတယ်။ အစိုးရပိုင်းက ကူညီတာကတော့ မြင်သာထင်သာ မရှိလှပါဘူး” ဟု အဆိုပါ ဒုက္ခသည်စခန်းများသို့ သွားရောက်ခဲ့သူ မောင်တောမြို့မှ ဦးစိန်လှဖြူက ပြောကြားသည်။

အောင်သပြေကျေးရွာတွင် လူဦးရေ ၉၀ ၀န်းကျင် ရောက်ရှိနေကြောင်းနှင့် သုပဏ္ဏကကျေးရွာ၊ သစ်တုံးနားခွဆုံ ကျေးရွာတို့တွင်လည်း ရောက်ရှိနေသူများ ရှိကြောင်း၊ သစ်တုံးနားခွဆုံကျေးရွာမှ ဟင်းရှာဟင်းခူးသွားသော အမျိုးသမီးတစ်ဦး မကြာသေးမီက အသတ်ခံခဲ့ရကြောင်း၊ ၎င်းတို့မှာ မတ်လ ပထမပတ်မှ စတင်ရောက်ရှိလာခြင်းဖြစ်ကာ ကျောင်းနေအရွယ် ကလေးငယ်များလည်း ပါဝင်သည့်အတွက် ကလေးငယ်များ ပညာသင်ကြားရေး အခက်အခဲရှိနေသည်။

ဓည၀တီ ရှေးဟောင်းဇုန်အတွင်း ကျရောက်သည့် ကျောက်တော်-မြောက်ဦး ရထားလမ်းပိုင်း ပြန်လည် ဖျက်သိမ်းခြင်းလုပ်ငန်း စတင်

ဖျက်သိမ်းပြီး ရထားလမ်းပိုင်းအား မြေညှိပေးနေစဉ် (Photo : Khaing Morn Twan)

ဓည၀တီ ရှေးဟောင်းဇုန်ထဲတွင် ကျရောက်သည့် ကျောက်တော်-မြောက်ဦး ရထားလမ်းပိုင်း ပြန်လည်ဖျက်သိမ်းခြင်းနှင့် ရထားလမ်းအား စိုက်ပျိုးအဖြစ် မြေညှိခြင်းလုပ်ငန်းကို စတင်ဆောင်ရွက်နေပြီ ဖြစ်ကြောင်း သိရသည်။

ဓည၀တီရှေးဟောင်းဇုန်ထဲတွင် ကျရောက်သည့် ကျောက်တော်-မြောက်ဦး ရထားလမ်းပိုင်း ပြန်လည်ဖျက်သိမ်းခြင်း လုပ်ငန်းတွင် ကျောက်တော်မြို့နယ် မဟာမုနိ ဘူတာမှ မြောက်ဦးဘက်သို့ လမ်းပိုင်းအား လယ်ယာမြေအဖြစ် ပြန်လည်လုပ်ကိုင်နိုင်ရန် မြေညှိခြင်းလုပ်ငန်းကို မေ ၁၆ ရက်ကစပြီး လက်ရှိ တွင် ပေ ၅၀၀ အထိ ပြီးစီးနေပြီဖြစ်ကြောင်းနှင့် မြေညှိပေးနေသည်မှာ မဟာမြတ်မုနိဘူတာကနေ မြောက်ဦးဘက်သို့ တစ်မိုင်ခန့် မြေညှိပေးမည်ဖြစ်ပြီး ဘဏ္ဍာနှစ်အလိုက် ဘတ်ဂျက်အပေါ်မူတည်ပြီး ရထားလမ်းပိုင်းကို မြေညှိပေးသွားမည်ဟု စစ်တွေ-မင်းဘူး ရထားလမ်း စီမံကိန်းရုံးမှ မန်နေဂျာ ဦးဝင်းထွဋ်က ပြောကြားသည်။

စစ်တွေ-မင်းဘူး ရထားလမ်းစီမံကိန်းရုံးမှ မန်နေဂျာ ဦးဝင်းထွဋ်က “အခုတော့ ဓည၀တီ ရှေးဟောင်းနယ်မြေထဲကဟာကို ဖျက်သိမ်းနေပါပြီ။ လောလောဆယ် ပေ ၅၀၀၊ ပေ ၇၅၀ လောက်တော့ မြေညှိပြီးပါပြီ။ လမ်းပိုင်းစလုပ်တာက ၂၀၀၉ ခုနှစ်က စတယ်။ ၂၀၁၄ ခုနှစ်မှာ ဒေသခံတွေက တောင်းဆိုတဲ့အတွက် ရထားလမ်းကို ယာယီရပ်ဆိုင်းလိုက်တယ်။ ပြီးခဲ့တဲ့ ၂၀၁၆ ခုနှစ်မှာကျတော့ ကျောက်တော်-မြောက်ဦး ရထားလမ်းပိုင်းကို ဖျက်သိမ်းဖို့ ညွှန်ကြားချက် ရောက်တယ်။ အဲဒီကတည်းကစပြီး ဖျက်သိမ်းလိုက်တာပါ။ ကျွန်တော်တို့က ဖျက်သိမ်းလိုက်တဲ့အခါ ဒေသခံတောင်သူတွေက ဒီလမ်းမြေတွေကို ပြန်ပြီး စိုက်ပျိုးလို့ရအောင် လုပ်ပေးပါဆိုပြီး တောင်းဆိုပါတယ်။ အဲဒါကြောင့် ၀န်ကြီးဌာနက ရထားလမ်းမြေတွေကို ပြန်ညှိပေးနေတာပါ” ဟု ပြောကြားသည်။

မြေညှိခြင်းကို ၂၀၁၈ ခုနှစ် ဧပြီလမှ စက်တင်ဘာလထိ ခြောက်လဘတ်ဂျက်တွင် တစ်မိုင်လောက် ညှိပေးမည်ဖြစ်ပြီး ဘဏ္ဍာငွေရရှိမူ အပေါ်မှာ မူတည်ပြီး ဆက်လက်မြေညှိ ပေးသွားမည်ဖြစ်ကြောင်း သိရသည်။

တောင်သူလယ်သမားများ ဥပဒေအထောက်အကူပြုကွန်ရက် (ရခိုင်ပြည်နယ်) မှ စီမံကိန်းမန်နေဂျာ ကိုကျော်ထွီးက “အခုတော့ ဘတ်ဂျက်အလိုက် မြေညှိပေးနေတဲ့အတွက် အများကြီး ၀မ်းသာပါတယ်။ ဆက်ပြီးတော့ လယ်သမားတွေ စိုက်ပျိုးနိုင်အောင်အထိ ပြုလုပ်ပေးဖို့ကိုလည်း နိုင်ငံတော်အစိုးရထံ တောင်းဆိုချင်ပါတယ်။ အခုမြေညှိပေးတဲ့မြေတွေမှာ သီးနှံစိုက်လို့တော့ မဖြစ်သေးပါဘူး။ အနည်းဆုံး တစ်နှစ်နှစ်နှစ်ထိ စောင့်ရပါ မယ်” ဟု ပြောကြားသည်။

ရခိုင်ပြည်နယ်တွင် စစ်တွေ -ရေချမ်းပြင် ၁၁ မိုင် လမ်းပိုင်း၊ ပုဏ္ဏားကျွန်း (ကွမ်းတောင်)  – ကျောက်တော် ၄၃ မိုင် လမ်းပိုင်း စုစုပေါင်း ၅၄ မိုင်တွင်ရထားများ ပုံမှန်ပြေးဆွဲပေးနေကြောင်းနှင့် ဖျက်သိမ်းလိုက်သည့် ကျောက်တော် -မြောက်ဦး လမ်းပိုင်းသည် ၃၂ မိုင်ခွဲရှိကြောင်း သိရသည်။

ARSA အနေဖြင့် ဒုက္ခသည်စခန်းများ၌ ခြေကုပ်ယူလျက်ရှိပြီး အကြမ်းဖက်မှုနှင့် အစွန်းရောက်တို့၏ အမာခံနယ်မြေတစ်ခု မကြာမီဖြစ်လာလိမ့်မည် ဖြစ်ကြောင်း သတင်းထုတ်ပြန်ရေးကော်မတီ ထုတ်ပြန်

ARSA အနေဖြင့် ဒုက္ခသည်စခန်းများ၌ ခြေကုပ်ယူလျက်ရှိနေပြီး အကြမ်းဖက်မှုနှင့် အစွန်းရောက်တို့၏ အမာခံ နယ်မြေတစ်ခု မကြာမီ ဖြစ်လာလိမ့်မည် ဖြစ်ကြောင်း သတင်းထုတ်ပြန်ရေးကော်မတီက မေ ၁၆ ရက်က ထုတ်ပြန်သည့် ထုတ်ပြန်ချက်တွင် ပါရှိသည်။

အလားတူ ဘင်္ဂလားဒေ့ရ်ှဘက်မှ ဒေသတွင်း၌ အစွန်းရောက်များ ပေါ်ပေါက်လာစေရန် အမှတ်တမဲ့ ခွင့်ပြုနေခြင်းအပေါ် မိမိတို့အနေဖြင့် လွန်စွာ စိုးရိမ်ပူပန်ပါကြောင်း ထုတ်ပြန်ချက်တွင် ပါရှိသည်။

မေ ၉ ရက်က လေးဦးမှ ခြောက်ဦးအထိ ပါဝင်သည့် အကြမ်းဖက်အုပ်စုသည် ဘူလူကာလီ ဒုက္ခသည်စခန်းသို့ ၀င်ရောက်ခဲ့ပြီး အသက် ၄၆ နှစ်အရွယ် Mohamed Faisal Ulhaq ဆိုသူအား ခေါ်ထုတ်ပြီး ဓားဖြင့် ထိုးသတ်မှု ဖြစ်ပွားခဲ့ကြောင်း၊ ၎င်းသည် နေရပ်တိမ်းရှောင်နေသူများ ရခိုင်ပြည်နယ်သို့ ပြန်ရန် လှုံ့ဆော်စည်းရုံးနေသူ တစ်ဦးဖြစ်သည်ဟု သိရကြောင်း သတင်းထုတ်ပြန်ချက်တွင် ပါဝင်သည်။

မြန်မာဘက်ခြမ်းရှိ အပြည်ပြည်ဆိုင်ရာ နယ်နိမိတ်မျဉ်းအတွင်း တရားမ၀င် နေထိုင်သူများကို အဆောက်အအုံများ ဆောက်လုပ်နိုင်ရန် ဘင်္ဂလားဒေ့ရ်ှက အကူအညီပေးလျက် ရှိသည်ကို တွေ့ရှိရကြောင်း၊ ယင်းမှာ မြန်မာနိုင်ငံ၏ ပိုင်နက်နယ်မြေ တည်တံ့မှုနှင့် အချုပ်အခြာအာဏာကို ပေါ်ပေါ်တင်တင် ချိုးဖောက်နေခြင်းပင် ဖြစ်ကြောင်း၊ ယင်းလုပ်ရပ်ကို ချက်ချင်းရပ်တန့်ရန် လိုအပ်ကြောင်း သတင်းထုတ်ပြန်ချက်တွင် ပါဝင်သည်။

မောင်တောဒေသရှိ တိုင်းရင်းသားများသည် အကြမ်းဖက်များ၏ ဆိုးရွားသည့် လုပ်ရပ်များကြောင့် စိတ်ဒဏ်ရာများ ခံစားနေကြရကြောင်း၊ ARSA များကြောင့် စိုးရိမ်ကြောက်ရွံ့မှုများ ကြီးမားလာပြီး မိမိတို့ပိုင်သည့် မြေပေါ်တွင်ပင် လူနည်းစု မလုံခြုံမှုများ ခံစားနေကြရကြောင်း သိရသည်။

 

ဘင်္ဂလားဒေ့ရ်ှသို့ ရောက်ရှိသွားသူများက ပြန်လည် ခိုးဝင်လာပြီး ဘူးသီးတောင်မြို့နယ်အတွင်း နေအိမ်ဆောက်လုပ် နေထိုင်မှု အများအပြားရှိနေကြောင်း လွှတ်တော်ကိုယ်စားလှယ်များ ပြောကြား

ဂူတာပြင်ကျေးရွာတွင် ခိုးဝင်ပြီး အိမ်အသစ် ဆောက်လုပ်ထားသည်ကို ယခုရက်ပိုင်းအတွင်း တွေ့ရစဉ်

၂၀၁၇ သြဂုတ် ၂၅ ရက်က လက်နက်ကိုင်စခန်းပေါင်း ၃၀ ကျော်ကို တစ်ချိန်တည်း တစ်ပြိုင်တည်း ၀င်ရောက် တိုက်ခိုက်ခဲ့ပြီး နောက်ပိုင်း ဘင်္ဂလားဒေ့ရ်ှနိုင်ငံသို့ ရောက်ရှိသွားကြပြီးနောက် ယခုလပိုင်းများအတွင်း ဘူးသီးတောင်မြို့နယ်အတွင်းသို့ တိတ်တဆိတ် ပြန်လည် ၀င်ရောက်လာကာ နေအိမ်ဆောက်လုပ်နေထိုင်မှု အများအပြား ရှိနေကြောင်း ဒေသခံ လွှတ်တော်ကိုယ်စားလှယ်များက ပြောကြားသည်။

ယင်းနှင့်ပတ်သက်ပြီး ဘူးသီးတောင်မြို့မှ ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက “ဂူတာပြင်ရွာဟာ သြဂုတ်လအတွင်းက စခန်းတွေကို တိုက်ခိုက်ပြီးနောက်ပိုင်းမှာ လက်နက်ကိုင်တပ်ဖွဲ့တွေကို တိုက်ခိုက်ခဲ့တဲ့ ရွာဖြစ်တယ်။ အဲဒီရွာကလည်း အားလုံး ထွက်ပြေးသွားတယ်။ ဒါပေမဲ့ အခု အိမ်သစ် ဆောက်လုပ်နေတာ အိမ်ခြေ ၆၀ နီးပါး ရှိနေပြီဖြစ်တယ်။ ဒါကို အစိုးရက မသိဘူး လုပ်နေတယ်။ ဒီလိုဆောက်ခွင့် ရတာဟာ လက်နက်ကိုင်တပ်ဖွဲ့တွေ ပူးပေါင်းပါဝင်မှု ရှိနေတယ်လို့ သိရတယ်။ အထူးသဖြင့် ညောင်ချောင်းစခန်းက တာဝန်ရှိသူတွေ အလိုတူအလိုပါ လုပ်နေတယ်လို့ သိရတယ်။ ပြဿနာဖြစ်တိုင်းလည်း အဲဒီရွာက စတင်ခဲ့တာ ရှိတယ်။ ဂူတာပြင်နဲ့ စိမ့်ညှင်းပြားရွာမှာ တစ်ယောက်မှ မရှိတော့ပေမယ့် အခုအိမ်တွေ ဆောက်နေတယ်ဆိုတာ တရားဥပဒေ စိုးမိုးမှု မရှိတာကို ပြသနေတာ ဖြစ်ပါတယ်။ သပိတ်တောင် ရခိုင်ရွာသားတွေကို ၀ိုင်းထားလို့ စစ်ကူသွားရောက်ပြီး ကယ်ထုတ်ခဲ့ရတဲ့ အနေအထားမှာ ရှိခဲ့တယ်။ ဂူတာပြင်ရွာသားတွေဟာ လက်နက်ကိုင်တပ်ဖွဲ့တွေကို လမ်းက ဖြတ်တိုက်ပြီးနောက် ကိုယ့်အိမ်ကိုယ် မီးရှို့ပြီး ထွက်ပြေးသွားကြတဲ့အတွက် တစ်ယောက်မှ မရှိတော့တဲ့ ရွာဖြစ်တယ်။ အခုဆိုရင် ဓာတ်ပုံမှာ မြင်နေရသလို အိမ်တွေ ၆၀ နီးပါး ဖြစ်နေပြီ”ဟု ပြောကြားသည်။

သို့သော်လည်း ဘူးသီးတောင်မြို့နယ် အုပ်ချုပ်ရေးမှူးက တရားမ၀င် ၀င်ရောက်နေထိုင်မှု ရှိသည်ဟု မသိရကြောင်း၊ တရားမ၀င် ၀င်ရောက်လာပါက သက်ဆိုင်ရာ ဌာနဆိုင်ရာများအနေဖြင့် အရေးယူသွားမည် ဖြစ်ကြောင်း၊ ဂူတာပြင်တွင် နေအိမ်များ ဆောက်လုပ်နေသည့် သတင်းအပေါ်လည်း အထက်သို့ တင်ပြထားကြောင်း ပြောကြားသည်။

ထို့ပြင် နယ်ခြားစောင့် တပ်ရင်းမှူးက “ကျွန်တော် သိထားသလောက်တော့ ဘင်္ဂလားဘက်က ခိုးဝင်တာ ဘာညာတော့ မရှိဘူးခင်ဗျ။ လွှတ်တော် ကိုယ်စားလှယ်တော့ ပြောတာပဲ။ ဘယ်လိုများ သိလို့လဲတော့ မသိဘူး။ ဂူတာပြင်ကတော့ ကျွန်တော်တို့ သဘောထား မှတ်ချက် ပေးထားပြီးသားပါ။ ဖြစ်စဉ်မှာ ပါဝင်ခဲ့တဲ့အတွက် လုံခြုံရေးအရ ခွင့်မပြုဘူးလို့ မှတ်ချက်ပေးထားတာ ရှိတယ်။ ထွေအုပ်ကတော့ အကြောင်းကြားစာလည်း မလာဘူး။ မီးမလောင်ဘဲနဲ့ ကျန်ခဲ့တဲ့အိမ်တွေ ရှိတာပေါ့။ အဲဒီမှာ ပေါင်းပြီးနေကြတာတော့ ရှိတယ်။ ဒါပေမဲ့ အိမ်ဆောက်လုပ်ခွင့်တော့ ပြုမထားသေးဘူး”ဟု ပြောကြားသည်။

ဂူတာပြင်ကျေးရွာတွင် ခိုးဝင်ပြီး အိမ်အသစ် ဆောက်လုပ်ထားသည်ကို ယခုရက်ပိုင်းအတွင်း တွေ့ရစဉ်

ဘူးသီးတောင်မြို့နယ်အပြင် မောင်တောမြို့နယ်အတွင်း၌လည်း ထိုသို့ ခိုးဝင်နေထိုင်မှုများ ရှိနေကြောင်း ဒေသခံများက ပြောဆိုကြသည့်အပြင် လူမှုကွန်ရက်များတွင်လည်း ရေးသားတင်ပြနေသည်ကို မြင်တွေ့ရသော်လည်း သက်ဆိုင်ရာဌာနများ အနေဖြင့် ပြတ်သားစွာ ပြောဆိုရန်နှင့် ပြတ်သားစွာ လုပ်ဆောင်ရန် လိုအပ်ကြောင်း လွှတ်တော်ကိုယ်စားလှယ်များက ထောက်ပြမှုများ ရှိနေသည်။

“ဒေသခံ ပြည်သူတွေကလည်း ကျွန်တော့်ကို လှမ်းပြီးပြောနေကြတယ်။ ဘူးသီးတောင်နယ်မှာ အိမ်တွေ ဆောက်လုပ်နေတာကို မြင်ရတယ်လို့ ပြောတယ်။ ကျွန်းပေါက်ကျေးရွာမှာလည်း ၀င်ရောက်ပြီး အိမ်တွေ ဆောက်လုပ်နေကြပြီလို့ သိရတယ်။ ဒီလိုမျိုး နယ်စပ်ဖြတ်ကျော်သွားသူတွေကို လျစ်လျူရှုထားမယ်ဆိုရင် အကြမ်းဖက်မှုတွေ ထပ်ပြီး ဖြစ်လာနိုင်တယ်။ သူတို့ကို အမှီပြုပြီး အကြမ်းဖက်သမားတွေ ၀င်လာနိုင်တယ်။ အကြမ်းဖက်သမားတွေအတွက် အထောက်အပံ့ဖြစ်လာနိုင်သလို ကူညီသူလည်း ဖြစ်လာနိုင်တယ်။ ဒီကိစ္စဟာ ဒေသခံ တိုင်းရင်းသားတွေအတွက် အလွန်တစ်ရာ စိုးရိမ်ရတဲ့ အခြေအနေ ဖြစ်လာပါတယ်။ ဂူတာပြင်ဆိုတာကလည်း အကြမ်းဖက်တိုက်ခိုက်မှုကို လုပ်ဆောင်ခဲ့တဲ့ ရွာဖြစ်တယ်။ စစ်ကြောင်းကိုလည်း တိုက်ခိုက်ခဲ့တယ်။ နောက်ပိုင်းမှာ ရွာကို မီးရှို့ပြီး ထွက်ပြေးသွားကြတယ်။ အဲဒါကလည်း စစ်တပ်ကို အပြစ်ပုံချဖို့ လုပ်ဆောင်ခဲ့တာသာ ဖြစ်တယ်။ တစ်ယောက်မှ မကျန်တော့တဲ့ ရွာမှာ အခုလိုမျိုး နေအိမ်တွေ ဆောက်လုပ်နေတာ အထင်အရှား မြင်တွေ့နေရပေမယ့် မျက်စိမှိတ်ထားမယ်ဆိုရင် တိုင်းရင်းသားတွေ ထပ်ပြီး အသတ်ခံရနိုင်တယ်။ တရားဥပဒေ စိုးမိုးရေးဆိုတာ ဘာလဲလို့ မေးစရာ ဖြစ်နေပါတယ်။ တိုင်းရင်းသားအတွက် တရားဥပဒေ စိုးမိုးရေးဆိုတာ မရှိတော့တဲ့ အနေအထားမှာ ရှိနေတယ်လို့ မြင်ပါတယ်”ဟု ဘူးသီးတောင်မြို့နယ်မှ ပြည်နယ်လွှတ်တော် ကိုယ်စားလှယ် ဦးထွန်းအောင်သိန်းက ပြောကြားသည်။

ဂူတာပြင်ကျေးရွာတွင် ခိုးဝင်ပြီး အိမ်အသစ် ဆောက်လုပ်ထားသည်ကို ယခုရက်ပိုင်းအတွင်း တွေ့ရစဉ်

လက်ရှိအချိန်တွင် မြန်မာအစိုးရအနေဖြင့် ဘင်္ဂလားဒေ့ရ်ှသို့ ရောက်ရှိသွားသော ဘင်္ဂါလီများအား ပြန်လည်လက်ခံရေးစခန်းများ ဖွင့်လှစ်ပြီး လက်ခံနေသော်လည်း တရားဝင် ၀င်ရောက်လာသူ ဆယ်ဂဏန်းမျှသာ ရှိသေးသည့်တိုင် တရားမ၀င် လမ်းကြောင်းမှ ၀င်ရောက်နေထိုင်မှုများ ရှိနေသည်ကို အထင်အရှား မြင်တွေ့နေရကြောင်းနှင့် ၎င်းတို့အား ဥပဒေကြောင်းအရ အပြစ်ပေးမှုများ မရှိပါက မောင်တော၊ ဘူးသီးတောင်နှင့် ရသေ့တောင် မြို့နယ်များအတွင်း အခြေချနေထိုင်နေကြသည့် တိုင်းရင်းသားများ အနေဖြင့် နေရပ်စွန့်ခွာမှု ပိုများလာနိုင်ကြောင်း သုံးသပ်ကြသည်။

“တိုင်းရင်းသားတွေအနေနဲ့ မောင်တောတောင်ပိုင်းက သင်္ဘောကွေ့ကျေးရွာမှာ အခြေချဖို့လုပ်တော့ အစိုးရဘက်က ဟန့်တားမှုတွေ လုပ်တယ်။ မီးလောင်ပြင်ဖြစ်လို့ နေထိုင်လို့ မရဆိုဘူးဆိုပြီး မောင်းထုတ်နေချိန်မှာ ဒီနေ့ ဂူတာပြင်ကျေးရွာမှာ ဆောက်လုပ်နေတဲ့ နေအိမ်တွေကို တွေ့ရခြင်းအားဖြင့် ဥပဒေဟာ တရားမ၀င် လာရောက်နေထိုင်သူတွေကို အကာအကွယ်ပေးဖို့အတွက်သာ ဖြစ်နေသလားလို့ ထင်ရပါတယ်။ ခိုးဝင်ပြီး နေအိမ်ဆောက်လုပ်မှုတွေကို အမြန်ဆုံး အရေးယူဖို့ လိုအပ်နေပါတယ်။ ဒါဟာ သိပ်ပြီး အရေးကြီးတဲ့ ကိစ္စတစ်ရပ်လည်း ဖြစ်ပါတယ်”ဟု ဦးထွန်းအောင်သိန်းက ပြောကြားသည်။