ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီးနှင့်အဖွဲ့ တောင်ပြိုနယ်စပ်သို့ ရောက်ရှိပြီး နယ်စပ်ခြံစည်းရိုးအနီး တဲထိုးနေထိုင်နေသည့် ဘင်္ဂါလီစခန်းများကို ကြည့်ရှု

ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီးနှင့်အဖွဲ့ နယ်စပ်မှတ်တိုင်တွင် အမှတ်တရဓာတ်ပုံ ရိုက်ကြစဉ်

ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီး H.E. Mr. Abul Hassan Mahmood Ali နှင့်အဖွဲ့သည် သြဂုတ် ၁၁ ရက် နံနက်ပိုင်းက တောင်ပြိုနယ်စပ်သို့ ရောက်ရှိခဲ့ပြီး နယ်စပ်ခြံစည်းရိုးအနီး တဲထိုးနေထိုင်နေကြသည့် ဘင်္ဂါလီစခန်း အခြေအနေများကို ကြည့်ရှုခဲ့ကြောင်း သိရသည်။

ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီး H.E. Mr. Abul Hassan Mahmood Ali နှင့်အဖွဲ့သည် ရခိုင်ပြည်နယ် စစ်တွေမြို့သို့ သြဂုတ် ၁၁ ရက် နံနက်ပိုင်းက လေကြောင်းခရီးဖြင့် ရောက်ရှိခဲ့ကြောင်း သိရသည်။ ယင်းနောက် စစ်တွေလေဆိပ်မှတစ်ဆင့် ရဟတ်ယာဉ်ဖြင့် မြန်မာ-ဘင်္ဂလားဒေ့ရ်ှနယ်စပ် တောင်ပြိုလက်ဝဲမြို့သို့  နံနက် ၁၀ နာရီကျော်တွင် ရောက်ရှိခဲ့ပြီး နှစ်နိုင်ငံ ချစ်ကြည်ရေး တံတားသို့ ဦးစွာသွားရောက် လေ့လာခဲ့ကြောင်း သိရသည်။

ထို့နောက် ချစ်ကြည်ရေးတံတား၊ နယ်စပ်မှတ်တိုင်တွင် အမှတ်တရဓာတ်ပုံ ရိုက်ကြပြီး ပြန်လည်လက်ခံရေး စခန်းသို့ သွားရောက်ကာ စခန်းတွင် လုပ်ငန်းဆိုင်ရာ ကိစ္စရပ်များ၊ လ၀က လုပ်ငန်းစဉ်များကို စခန်းရှိ တာဝန်ရှိသူများက ရှင်းလင်းပြောကြားခဲ့ကြောင်း သိရသည်။

ထို့နောက် စခန်းတွင် ကြိုတင်ပြင်ဆင်ထားသည့် ကယ်ဆယ်ရေးပစ္စည်း ထောက်ပံ့မည့် အခြေအနေနှင့် ကျန်းမာရေး စောင့်ရှောက်မှုများ အခြေအနေများ၊ လက်ခံမည့် အိပ်ဆောင်များအား ကြည့်ရှုခဲ့ကြပြီး နှစ်နိုင်ငံခြား စည်းရိုးအနီးတွင် ယာယီနေထိုင်သည့် ဘင်္ဂါလီစခန်းသို့ မော်တော်ယာဉ်များဖြင့် ဆက်လက်သွားရောက်ကာ ယာယီစခန်းရှိ နေထိုင်သူများ၏ အခြေအနေများကို မြန်မာဘက် တောင်ကုန်းပေါ်မှ ကြည့်ရှုခဲ့ကြပြီး နံနက် ၁၁ နာရီကျော်တွင် ပြန်လည်ထွက်ခွာ ခဲ့ကြကြောင်း သိရသည်။

ဘင်္ဂလားဒေ့ရှ် နိုင်ငံခြားရေး ၀န်ကြီးနှင့် အဖွဲ့သည် တောင်ပြိုလက်ဝဲမှ စစ်ရဟတ်ယာဉ် ဖြင့် ၁၁ နာရီ ၂၂ မိနစ်ခန့်တွင် ပြန်လည်ထွက်ခွာ ခဲ့ကြကြောင်း သိရသည်။

ထို့နောက် ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီး မစ္စတာအဘူလ်ဟတ်ဆန်မာမွတ်အလီနှင့် အဖွဲ့သည် ငါးခူရ ပြန်လည်လက်ခံရေးစခန်းသို့ နံနက် ၁၁ နာရီခွဲတွင် ရောက်ရှိခဲ့ကာ စခန်းတည်ဆောက်ထားမှုကို ကြည့်ရှုပြီး နံနက် ၁၁ နာရီ မိနစ် ၄၀ တွင် လှဖိုးခေါင်ကြားစခန်းသို့ ဆက်လက် ထွက်ခွာခဲ့ကြောင်း သိရသည်။

ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီး မစ္စတာအဘူလ်ဟတ်ဆန်မာမွတ်အလီ ဦးဆောင်သော ကိုယ်စားလှယ်များနှင့်အတူ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ ဒုတိယ၀န်ကြီး ဦးစိုးအောင်၊ ရခိုင်ပြည်နယ် ၀န်ကြီးချုပ် ဦးညီပု၊ ပြည်နယ်အစိုးရအဖွဲ့ဝင် ၀န်ကြီးများ ဖြစ်ကြသော လုံနယ်ဝန်ကြီးဗိုလ်မှူးကြီးဖုန်းတင့်၊ လမ်းပန်းဝန်ကြီး ဦးအောင်ကျော်ဇံတို့ လိုက်ပါခဲ့ကြောင်း သိရသည်။

ထို့နောက် ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီးနှင့် အဖွဲ့သည် အောင်ဗလ၊ ပန်းတောပြင်၊ ကိုင်းကြီးကျေးရွာများသို့ ကွင်းဆင်းကြည့်ရှုခဲ့ကြောင်း သိရသည်။

 

ကျောက်တော်မြို့နယ်အတွင်း နိုင်ငံခြားသို့ တရားမ၀င် ပို့ဆောင်ပေးသူအား ဖမ်းဆီးအမှုဖွင့်

ရခိုင်ပြည်နယ်၊ ကျောက်တော်မြို့နယ်အတွင်း နိုင်ငံခြားသို့တရားမ၀င် ပို့ဆောင်ခံရသူများက တိုင်တန်းသဖြင့် ပို့ဆောင်ပေးခဲ့သူ တစ်ဦးအား ဖမ်းဆီးခဲ့သည်ဟု သိရသည်။

ဦးထွန်းလှဆိုသူသည် ကျောက်တော်မြို့နယ်မှ ကျေးရွာများသို့ ဖေဖော်ဝါရီလအတွင်းက ရောက်ရှိလာခဲ့ပြီး တရုတ်နိုင်ငံတွင် အလုပ်ရမည်ဖြစ်ကြောင်း၊ တစ်လလျှင် ကျပ်ခြောက်သိန်းရမည်ဖြစ်ကြောင်းနှင့် ပို့ဆောင်ခအဖြစ် ငွေကျပ်ငါးသိန်းငါးသောင်းကို ပေးဆောင်ရမည်ဖြစ်ကြောင်း ပြောဆိုခဲ့သဖြင့် ဂုတ်ပီတောင့်၊ ကွမ်းအုံချောင်း၊ ပြိန်းချောင်း အစရှိကျေးရွာများ အပါအ၀င် ရွာငါးရွာမှ အမျိုးသမီးအမျိုးသား ၂၃ ဦးတို့သည် ဦးထွန်းလှနှင့်အတူ လိုက်ပါခဲ့ရာ ဦးထွန်းလှက နယ်စပ်တွင် ထားခဲ့ကြောင်း သိရသည်။

“ဦးထွန်းလှက အဲဒီရွာသား ၂၃ ဦးကို ၂၀၁၈ ဖေဖော်ဝါရီ ၁၈ ရက်က ခေါ်သွားတယ်။ တရုတ်နယ်စပ်မှာ တစ်ဖက်ကမ်းကလူနဲ့ ချိတ်ဆက်ပြီးထားခဲ့တယ်။ အဲဒီ ၂၃ ယောက်ဟာ နယ်စပ်မှာ သူတို့ကိုလာခေါ်တဲ့ လူနဲ့လိုက်ပါသွားပြီး ထီးစက်ရုံတစ်ခုမှာ အလုပ်အကိုင်ရခဲ့ပေမဲ့ လစာငွေလည်း မရရှိခဲ့တဲ့အပြင် တရုတ်မှာ တရားမ၀င်နေထိုင်မှုနဲ့ အဖမ်းခံရပြီး ထောင်သုံးလကျခဲ့တယ်လို့ သိရတယ်။ အဲဒါကြောင့် ဦးထွန်းလှကို လိမ်လည်ခေါ်ဆောင်မှုကြောင့် နစ်နာခဲ့ကြသူတွေအနေနဲ့ အမှုဖွင့် တိုင်တန်းတာဖြစ်ပါတယ်။ ကျွန်တော်တို့အပေါက်ဝရဲခစန်းက အမှုဖွင့်ပေးလိုက်ပြီး မနေ့ကတည်းက ဖမ်းထားပါတယ်” ဟု အပေါက်ဝ ရဲစခန်းမှူးဒုရဲအုပ်ဌေးဇော်က ပြောကြားသည်။

ရခိုင်ပြည်နယ် ရမ်းဗြဲ-လေးတောင်လမ်း ဆိုးရွားစွာ ပျက်စီးနေသဖြင့် သွားလာရေး အခက်တွေ့နေ

ရခိုင်ပြည်နယ် ရမ်းဗြဲ-လေးတောင်လမ်း ဆိုးရွားစွာ ပျက်စီးနေသဖြင့် ခက်ခက်ခဲခဲ သွားလာနေရစဉ်

ရခိုင်ပြည်နယ် ရမ်းဗြဲ -လေးတောင်လမ်း ဆိုးရွားစွာ ပျက်စီးနေသဖြင့် သွားလာရေး အခက်အခဲ ကြုံတွေ့နေရကြောင်း ဒေသခံများထံမှ သိရသည်။

ရမ်းဗြဲ -လေးတောင်ကားလမ်း တစ်လျှောက်တွင် ရှောက်ချောင်း ကျေးရွာအနီး တစ်နေရာ၊ အတွင်းပြင် တောင်ပေါ်လမ်း တစ်နေရာ၊ လေးတောင်ချောင်းနှင့် ကုန်ဘောင်ရွာအကြား တောင်ပေါ်လမ်းတို့တွင် ဆိုးရွားစွာ ပျက်စီးနေပြီး ကားဗွက်နစ်ခြင်းတို့ ဖြစ်ပေါ်နေခြင်း ဖြစ်ကြောင်း သိရသည်။

“ရမ်းဗြဲ -လေးတောင်လမ်း တစ်လျှောက်မှာ ကုန်ဘောင်ရွာ မရောက်ခင် တောင်ပေါ်မှာ တစ်နေရာ၊ အတွင်းပြင် တောင်တစ်နေရာ၊ ရှောက်ချောင်းရွာနား တစ်နေရာ၊ မြင်းဘို မရောက်ခင် တစ်နေရာ အဲလို ဆိုးဆိုးရွားရွား ဖြစ်နေတာ ငါးနေရာလောက်ရှိပါတယ်။ ကုန်ဘောင်ရွာ မရောက်ခင် တောင်တက်လမ်းက ရေခန်းသွားတဲ့ ချောင်းကမ်းစပ်က ရွှံ့နွံပြင်လို တောင်ရွှံ့စေးတွေနဲ့ စေးကပ်နေတယ်။ ဆိုင်ကယ်ချော်ပြီး ယိုင်သွားလို့ ခြေလိုက်ထောက်မိတာ ဖိနပ်တစ်ဖက်က ရွှံ့ထဲနစ်ဝင်သွားပြီး ပြန်ဖော်မရ ကျကျန်ခဲ့တာ မနည်းပြန်ပြီး ရှာယူလိုက်ရတယ်။ ကျောက်ခင်းဖို့လိုတဲ့ နေရာမှာ ကျောက်မခင်း၊ တောင်က ပြိုကျလာတော့ လမ်းပေါ်မှာ မြေစာပုံကျ၊ လမ်းကတော့ ပြင်နေတာပဲ။ ဒါပေမဲ့ လမ်းက ကောင်းမလာဘူး။ ၀န်ကြီးတွေ ခရီးစဉ်မှာတော့ ဒီလမ်းကို ပြင်ဖို့ ပြောခဲ့တယ်။ ရမ်းဗြဲ-လေးတောင်လမ်းကို ရာသီမရွေး သွားနိုင်အောင်ဆိုရင် ကွန်ကရစ်လမ်းလုပ်မှ ကောင်းပါမယ်။ အခုက ကျောက်ချောလမ်းဆိုပြီး ဘတ်ဂျက်တွေ ချပေးပေမယ့် ကောင်းမလာဘူးလေ။ လွှတ်တော်ဒုတိယဥက္ကဋ္ဌ ဦးအေးသာအောင် ခရီးစဉ်မှာလည်း ပြောလိုက်ပါတယ်။ ကျောက်ချောလမ်းဆိုပြီးလုပ်၊ မိုးရာသီမှာ နဂိုအတိုင်း ပြန်ဖြစ်ဆိုတော့ နိုင်ငံဘဏ္ဍာတွေ အလဟဿ ဆုံးရှုံးနေပါတယ်။ အမှန်ဆိုရင် ဥတုသုံးပါးမပြတ် သွားလာလို့ရအောင် ကတ္တရာလမ်း သို့မဟုတ် ကွန်ကရစ်လမ်း တိုးမြှင့်ပြီး ပြည်ထောင်စု ဘတ်ဂျက်နဲ့ လုပ်စေလိုတယ်လို့ တင်ပြထားတာ ရှိပါတယ်။ ပုံမှန်ဆိုရင် လိုင်းကားတွေက တစ်နာရီလောက် သွားရမဲ့ခရီးကို အခုလမ်းမကောင်းတော့ နှစ်နာရီကျော်အထိ သွားလာနေရတယ်။ ဆိုင်ကယ်နဲ့ နာရီဝက်လောက်သာ သွားရတဲ့ ခရီးက အခုဆိုရင် တစ်နာရီခွဲလောက်ကို ခက်ခက်ခဲခဲ သွားလာနေရတယ်။ ဒီကနေ့ဆိုရင် ကျွန်တော်တို့ လေးတောင်က ဆရာမတွေ ရမ်းဗြဲမြို့ကို သင်တန်းသွားတက်နေရတဲ့ ဆရာမတွေ စီးလာတဲ့ကား ဗွက်နစ်လို့ ဆင်းတွန်းခဲ့ရတယ်။ လမ်းက ရွှံ့ဗွက်ထနေတော့ သွားလာရတာ အဆင်မပြေဘူး” ဟု လေးတောင်တိုက်နယ်၊ သရက်ချိုကျေးရွာမှ ဦးတင်မိုးက ဆိုသည်။

အဆိုပါ ရမ်းဗြဲမြို့မှ လေးတောင်တိုက်နယ်သို့ သွားသော ကားလမ်းမှာ အမာခံလမ်းအဆင့် ဖြစ်သည့်အတွက် ၂၀၁၈ -၂၀၁၉ ဘဏ္ဍာနှစ်အပြီး ရာသီမရွေး သွားလာနိုင်သည့် ကျောက်ချောလမ်းအဆင့် ရောက်ရှိစေရေးအတွက် ဘဏ္ဍာနှစ်အလိုက် ရန်ပုံငွေ တင်ပြတောင်းခံ ဆောင်ရွက်သွားမည်ဖြစ်ကြောင်း ပြည်ထောင်စုဝန်ကြီးက လွှတ်တော်တွင် ဖြေကြားထားသည်။

 

မောင်တောမြို့နယ် သ​င်္ဘော​ကွေ့ ကျေးရွာသားများ၏ ယာယီတဲများ လမ်းနယ်​​မြေမလွတ်​ဟု သက်​ဆိုင်​ရာက သတိပေးသဖြင့် ထပ်မံပြောင်းရွှေ့နေရ

သ​င်္ဘော​ကွေ့ကျေးရွာသားများ၏ ယာယီတဲများ လမ်းနယ်မြေမလွတ်ဟု သက်​ဆိုင်​ရာက လာရောက် သတိပေးသဖြင့် ထပ်မံဖြိုဖျက် ပြောင်းရွှေ့ရန် ပြင်ဆင်နေစဉ်

သ​င်္ဘော​ကွေ့ ကျေးရွာသားများ၏ ယာယီတဲများ လမ်းနယ်မြေမလွတ်ဟု သက်​ဆိုင်​ရာက လာရောက် သတိပေးသဖြင့် ထပ်မံဖြိုဖျက် ပြောင်းရွှေ့နေရကြောင်း ကျေးရွာသားများထံမှ သိရသည်။

ကျေးရွာဖြိုဖျက် ခံရပြီးနောက် သ​င်္ဘော​ကွေ့ရွာ မိသားစုများ ယာယီခိုလှုံနေသည့် ကျောက်​ပန်းတူ ဘုန်းတော်ကြီးကျောင်းတွင် ၀ါတွင်းကာလ ဆက်လက်နေထိုင်ရန် အဆင်မပြေသဖြင့် မိုးရာသီအတွင်း ယာယီနေထိုင်ရန်အတွက် ဆရာတော်၏ ခွင့်ပြုချက်ဖြင့် ကျောင်းခြံ​မြေအတွင်း ကားလမ်းအနီး တဲတန်းလျား ဆောက်လုပ်ခဲ့ရာ အဆိုပါ တဲထိုးသည့်နေရာသည် လမ်းနယ်မြေအတွင်း ကျရောက်သည်ဟုဆိုကာ မြို့နယ်အုပ်ချုပ်ရေးမှူး၏ ညွှန်ကြားချက်ဖြင့် ကျေးရွာအုပ်ချုပ်ရေးအဖွဲ့နှင့် လမ်းဦးစီးဌာနအဖွဲ့မှ တာဝန်ရှိသူများ လာရောက် အသိပေး ပြောကြားလာခြင်းဖြစ်ကြောင်း သိရသည်။

သင်္ဘောကွေ့ကျေးရွာ ရပ်မိရပ်ဖ ဦးစိန်အောင်က “တဲထိုးတဲ့ နေရာက ကျောင်းဝင်းထဲမှာပါ။ ဒါပေမဲ့ ဆရာတော်ပေးတဲ့ နေရာလေးက ကျဉ်းတဲ့အခါကျတော့ ကျွန်တော်တို့မှာက မိသားစု ၃၅ စုပါ။ ဆိုတော့ ဆရာတော်ပေးတဲ့ နေရာမှာ တဲထိုးလို့ မဆံ့လို့ လမ်းနယ်ဘက်ကို နည်းနည်း ရောက်သွားပါတယ်။ မနေ့ကပဲ ကျွန်တော်တို့ကို မြို့နယ်အုပ်ချုပ်ရေးမှူးရဲ့ ညွှန်ကြားချက် ဆိုပြီးတော့မှ ကျောက်ပန်းတူ အုပ်ချုပ်ရေးမှူးနဲ့ ရပ်မိရပ်ဖတွေ၊ နောက်လမ်းတံတားက အဖွဲ့တွေ ရောက်လာပါတယ်။ ဒါဟာ မလွတ်ဘူး။ ဖယ်ပေးရမယ် ဆိုတဲ့အခါ ကျွန်တော်တို့မှာလည်း နေရာအခက်အခဲရှိလို့ လုပ်တာပါလို့ ကောင်းကောင်းမွန်မွန် ဖြေကြားပေးလိုက်ပါတယ်။ ပြီးတာနဲ့ ချက်ချင်းနှစ်ရက်အတွင်း အပြီးရွှေ့ပေးပါမယ်။ ကျွန်တော်တို့ကို နေရာလေး သတ်မှတ်ပေးပါ ပြောလို့ လမ်းတံတားက လွတ်တယ်လို့ ပြောတဲ့နေရာကို ပြောင်းရွှေ့တဲထိုး နေကြပါတယ်။ ပြီးတော့ ခရိုင်အင်ဂျင်နီယာ လာကြည့်တဲ့အခါ ကျတော့လည်း အခုကျွန်တော်တို့ ဖယ်ပေးပြောင်းရွှေ့တဲ့ နေရာဟာ အဆင်ပြေပါတယ် ပြောခဲ့ပါတယ်” ဟု ပြောကြားသည်။

အဆိုပါ သင်္ဘောကွေ့ ကျေးရွာသားများသည် ကျေးရွာဖြိုဖျက်ခံရပြီးနောက် ကျောက်ပန်းတူ ဘုန်းကြီးကျောင်း အောက်တွင် နေထိုင်နေခြင်းဖြစ်ပြီး ၀ါတွင်းကာလတွင် သီလဆောက်တည်ရန် နေရာအခက်အခဲ ရှိသဖြင့် ကျောင်းအရှေ့ဘက် လမ်းဘေးတွင် ဆရာတော်က စီစဉ်နေရာချပေးခြင်း ဖြစ်ကြောင်း သိရသည်။

လက်ရှိတွင် အိမ်ထောင်စု ၃၅ စု လူဦးရေ ၁၂၀ ဦးသည် အိုးမဲ့အိမ်မဲ့ ဖြစ်နေခြင်းဖြစ်ကြောင်း သိရသည်။

အစိုးရမှ ပြောင်းရွှေ့ပေးသည့် နေရာတွင် မနေလိုကြသည့် ကျေးရွာသားများက သင့်လျော်မည့် နေရာတွင် နေရာချထားရန် တောင်းဆိုထားသော်လည်း သက်ဆိုင်ရာက စီစဉ်ပေးခြင်း မရှိကြောင်း သိရသည်။

သင်္ဘောကွေ့ ကျေးရွာသားများအတွက် လိုအပ်သော အမိုးအကာများကို မောင်တောမြို့ အရေးပေါ် အထောက်အကူပြု ကော်မတီမှ ကူညီပေးထားကြောင်း သိရသည်။

 

၂၀၁၈-၂၀၁၉ ဘဏ္ဍာနှစ် ရခိုင်ပြည်နယ်အတွက် အိန္ဒိယနှင့်ဂျပန်အစိုးရ၏ ထောက်ပံ့ငွေ ကျပ် ၁၁ ဘီလျံရှိကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန လွှတ်တော်သို့တင်ပြ

ရခိုင်ပြည်နယ်အတွက် အိန္ဒိယအစိုးရနှင့် ဂျပန်အစိုးရတို့မှ ထောက်ပံ့ငွေကျပ် ၁၁၀၉၀ ဒသမ ၀၀၀ သန်း (ကျပ် ၁၁ ဘီလျံ) ရှိကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၏ လွှတ်တော်သို့ တင်ပြချက်အရ သိရသည်။

နေပြည်တော်၌ ဇူလိုင် ၂၆ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် န၀မပုံမှန်အစည်းအဝေး တတိယနေ့တွင် ၂၀၁၈-၂၀၁၉ ခု၊ ဘဏ္ဍာရေးနှစ် အမျိုးသား စီမံကိန်းဥပဒေကြမ်းပါ စီမံကိန်းလုပ်ငန်းများနှင့် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းပါ ရငွေသုံးငွေများနှင့် စပ်လျဉ်း၍ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ကိုယ်စားအလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ရှင်းလင်းပြောကြားရာတွင် အထက်ပါအတိုင်း ပါဝင်ခဲ့ခြင်းဖြစ်သည်။

ငွေလုံးငွေရင်းရငွေတွင် ပြည်ပအကူညီရငွေမှာ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနအတွက်ဖြစ်ပြီး ရခိုင်ပြည်နယ်အတွက် အိန္ဒိယနိုင်ငံအစိုးရမှ ထောက်ပံ့ငွေ ကျပ် ၆၈၀၀ ဒသမ ၀၀၀ သန်းနှင့် ဂျပန်နိုင်ငံ အစိုးရမှ ထောက်ပံ့ငွေ ကျပ် ၃၂၉၀ ဒသမ ၀၀၀ သန်း စုစုပေါင်းကျပ် ၁၁၀၉၀ ဒသမ ၀၀၀ သန်းဖြစ်ကြောင်း ပြည်ထောင်စုဝန်ကြီး ဦးသိန်းဆွေက ပြောကြားသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန အနေဖြင့် ၂၀၁၈-၂၀၁၉ ခု၊ ဘဏ္ဍာရေးနှစ်အတွက် သာမန်ရငွေ ကျပ် ၅၈၀၇ ဒသမ ၀၇၂သန်း၊ ငွေလုံးငွေရင်းရငွေ ကျပ် ၁၁၀၉၀ ဒသမ ၀၀၀ သန်းဖြစ်ပြီး သာမန်အသုံးစရိတ် ကျပ် ၈၀၇၀၅ ဒသမ ၃၀၅ သန်းနှင့် ငွေလုံးငွေရင်း အသုံးစရိတ် ကျပ် ၂၃၃၉၇ ဒသမ ၂၃၇ သန်း စုစုပေါင်း ကျပ် ၁၀၄၁၀၂ ဒသမ ၅၄၂ သန်း တင်ပြတောင်းခံထားကြောင်း သိရသည်။

သာမန်ရငွေများမှာ ဆိုင်ခန်းငှားခနှင့် ပစ္စည်းဟောင်းများ ရောင်းချရငွေများ ပါဝင်ပြီး ပြည်ပအကူအညီ ရငွေများမှာ လူမှုဝန်ထမ်းဦးစီးဌာန အနေဖြင့် UNICEF၊ UNFPA၊ Life Fund နှင့် World Bank တို့မှ ထောက်ပံ့ငွေ ကျပ် ၅၅၃၉ ဒသမ ၇၃၂ သန်း၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနအနေဖြင့် UNICEF မှ ထောက်ပံ့ငွေ ကျပ် ၁၃ ဒသမ ၆၀၀ သန်းနှင့် ပြန်လည်ထူထောင်ရေး ဦးစီးဌာနအနေဖြင့် UNICEF မှ ထောက်ပံ့ငွေကျပ် ၁၇၁ ဒသမ ၂၅၀ သန်း စုစုပေါင်း ကျပ် ၅၇၂၄ ဒသမ ၅၈၂ သန်း ပါဝင်ကြောင်း ပြည်ထောင်စုဝန်ကြီး ဦးသိန်းဆွေက ပြောကြားသည်။

ကျောက်တော်မြို့နယ် ချောင်းဒူကျေးရွာအတွင်း အငြင်းပွားမှု ဖြစ်ပေါ်နေသော ရွာဘုံလယ်မြေဟုဆိုသည့် မြေနှင့် ပတ်သက်၍ နှစ်ဖက်အငြင်းပွားပြီး အုပ်စုဖြင့် ခိုက်ရန်ဖြစ်ပွားရာ သေနတ်ပစ်ဖောက် လူစုခွဲခဲ့ရ

ချောင်းဒူကျေးရွာအတွင်း အငြင်းပွားမှု ဖြစ်ပေါ်နေသော ရွာဘုံလယ်မြေဟုဆိုသည့် မြေနှင့် ပတ်သက်၍ နှစ်ဖက်အငြင်းပွားမှု ဖြစ်ပွားနေစဉ်

ရခိုင်ပြည်နယ် ကျောက်တော်မြို့နယ် ချောင်းဒူကျေးရွာအတွင်း အငြင်းပွားမှု ဖြစ်ပေါ်နေသော ရွာဘုံလယ်မြေဟုဆိုသည့် လယ်မြေ ၃၉ ဧကနှင့်ပတ်သက်ပြီး ယင်းလယ်မြေများကို နှစ်ဖက်မှ ထွန်ယက်နေသဖြင့် နှစ်ဖက်အငြင်းပွားရာမှ အုပ်စုဖြင့် ခိုက်ရန်ဖြစ်ပွားမှုတစ်ရပ် ဇူလိုင် ၂၂ ရက် နေ့လယ်ပိုင်းက ဖြစ်ပွားခဲ့သဖြင့် သက်ဆိုင်ရာ ရဲစခန်းက သေနတ်ပစ်ဖောက် လူစုခွဲခဲ့ရကြောင်းနှင့် ရွာသားအချို့ အနည်းငယ် ထိခိုက်ဒဏ်ရာ ရရှိမှုများ ရှိခဲ့ကြောင်း သိရသည်။

ယင်းနှင့်ပတ်သက်ပြီး ကန်စောက် ရဲစခန်းအား ဆက်သွယ်မေးမြန်းရာ စခန်းမှူးက “ဟုတ်တယ်။ လယ်မြေအငြင်းပွားမှု ဖြစ်ပေါ်နေတဲ့ လယ်မြေထဲမှာ ရွာသား ခုနစ်ဦးပါတဲ့ဘက်လည်း ထွန်ယက် စိုက်ပျိုးထားတယ်။ ဒီနေ့တော့ ရွာသားဘက်က ဆင်းပြီးထွန်တော့ အချင်းများကြတယ်ပေါ့။ အဲဒီမှာ ဟိုဘက် အုပ်စု၊ ဒီဘက်အုပ်စု ခိုက်ရန်ဖြစ်ပွားကြပြီး သတ်ပုတ်ကြတယ်ဆိုတော့ ထိခိုက်မှုတွေ ဖြစ်လာနိုင်တဲ့အတွက် ပြဿနာ မကြီးထွားအောင် အတွက် ကျွန်တော်တို့က အထက်ကို တင်ပြပြီး သေနတ်ပစ်ဖောက်တားဆီး လူစုခွဲခဲ့ရတယ်။ အနည်းငယ် ထိခိုက်မှုရှိကြပေမဲ့ ဒဏ်ရာပြင်းပြင်းထန်ထန်တော့ မဟုတ်ပါဘူး” ဟု ပြောကြားသည်။

အဆိုပါ လယ်မြေအား ရွာသားခုနစ်ဦး ဘက်ကလည်း ပိုင်ဆိုင်သည်ဟုဆိုကာ ရွာသားများ ကြဲပက်ထားသော စပါးခင်းအပေါ်တွင် ထွန်ယက်စိုက်ပျိုးခြင်းများ ပြုလုပ်သကဲ့သို့ ရွာသားများဘက်ကလည်း သူတို့ပိုင်ဆိုင်သည် ဟုဆိုကာ ထွန်ယက်သည့်မြေပေါ်တွင် ထပ်မံပြီး စပါးများကြဲပက်ရာမှ နှစ်ဖက် ခိုက်ရန် ဖြစ်ပွားသည့်အဆင့်သို့ ရောက်ရှိခဲ့ခြင်း ဖြစ်သည်။

ထို့ပြင် ရွာသားများမှ မကြာသေးခင် ရက်ပိုင်းက ရွာသား ၁၀၀ ကျော်မှ သတင်းစာ ရှင်းလင်းပွဲတစ်ရပ်ကို စစ်တွေတွင် ပြုလုပ်ခဲ့ကြောင်းနှင့် ရွာသားခုနစ်ဦးပါ အဖွဲ့အား တရားစွဲဆိုထားခြင်းများ ရှိခဲ့ကြောင်းလည်း သိရသည်။

ယင်းနှင့်ပတ်သက်ပြီး ကျေးရွာအုပ်ချုပ်ရေးမှူး ဦးကျော်သောင်းက “အစပိုင်းမှာ ရွာသားတွေထွက်ပြီး စပါးကြဲပက်ထားတယ်။ စပါးပင်တွေ နည်းနည်းရှည်နေတဲ့ အချိန်မှာ ခုနစ်ဦးအဖွဲ့ ပြန်လည်ထွက်ယက်မှုတွေ လုပ်တယ်။ အဲဒီထွန်ယက်မှုတွေ လုပ်တဲ့နေရာမှာ ရွာသားတွေကလည်း ရွာသားပိုင်ဆိုင်တယ်ဆိုပြီး စပါးတွေ ကြဲပက်ကြတော့ နှစ်ဖက်အုပ်စု အချင်းများပြီး သတ်ပုတ်ကြတာ ဖြစ်ပါတယ်။ ထိခိုက်ဒဏ်ရာ ပြင်းပြင်းတော့ မရခဲ့ကြဘူး။ ရဲက ရောက်လာပြီး သေနတ် အချက် ၂၀ လောက် ပစ်ဖောက်ဟန့်တားပြီး လူစုခွဲလိုက်တဲ့ အတွက်တော့ လူစုကွဲသွားခဲ့တယ်။ ဘာတွေ ဆက်ဖြစ်မလဲတော့ မသိဘူး။ အဲဒီလယ်ကို ရွာသားကလည်း ပိုင်တယ်လို့ ပြောတယ်။ သူတို့မှာ အထောက်အထား ရှိတယ်လို့ ပြောတယ်။ ဟိုဘက်ကလည်း အထောက်အထား ရှိတယ်လို့ ပြောနေတယ်” ဟု ပြောကြားသည်။

အဆိုပါ ရွာဘုံလယ် ဟုဆိုသော လယ်မြေအတွက် တိကျပြတ်သားသော ဖြေရှင်းပေးနိုင်မှု မရှိပါက နှစ်ဖက်အချင်းများကာ ခိုက်ရန်ဖြစ်ပွားမှု မကြာခဏ ဖြစ်ပေါ်နိုင်ကြောင်းလည်း ဒေသခံများက သုံးသပ်ပြောဆိုကြသည်။

 

မြေယာနှင့် သယံဇာတ ဟောပြောပွဲနှင့် ဆွေးနွေးပွဲ၌ တက်ရောက်ဆွေးနွေးမည့် အမ်းမြို့နယ်မှ တောင်သူနှစ်ဦး ဆွေးနွေးခွင့် မရသဖြင့် ဆွေးနွေးပွဲဖျက်သိမ်း

ရခိုင်ပြည်နယ် အမ်းမြို့နယ် ရွှေအမ်းတောင်ခန်းမတွင် ကျင်းပသည့် မြေယာနှင့် သယံဇာတဆိုင်ရာ ဟောပြောပွဲနှင့် ဆွေးနွေးပွဲတွင် ဆွေးနွေးမည့် အမ်းမြို့နယ် တောင်သူနှစ်ဦး ဆွေးနွေးခွင့် မရသဖြင့် ဆွေးနွေးပွဲ ရပ်နားခဲ့ရကြောင်း ပွဲကျင်းပသူများထံမှ သိရသည်။

အဆိုပါ ဆွေးနွေးပွဲသည် တောင်သူများအနေဖြင့် ခံစားနေရသော အခြေအနေများကို အပြန်အလှန် ဆွေးနွေးခြင်းဖြစ်ကာ သယံဇာတအပေါ် နစ်နာဆုံးရှုံးမှုများနှင့် ပြည်သူများ ခံစားချက်အပေါ် အမြင်များ ဖလှယ်ဆွေးကြခြင်း ဖြစ်ကြောင်း၊ ယင်းသို့ ဆွေးနွေးရာတွင် ဦးထွန်းကြည်နှင့် ဦးမျိုးလွင်တို့က ၀င်ရောက် ဆွေးနွေးရန် ပြင်ဆင်ကြရာ မြို့နယ်ရဲတပ်ဖွဲ့မှူး၏ အမိန့်ဖြင့် မြို့မစခန်းမှူးက တားမြစ်ခဲ့သည့်အတွက် ယင်းဆွေးနွေးပွဲကို ရပ်နားဖျက်သိမ်းခဲ့ရကြောင်း သိရသည်။

“ငြိမ်းစုစီနဲ့ ခွင့်ပြုချက်ယူထားပြီး ဖြစ်ပေမယ့် ကျွန်တော်နဲ့ ကိုထွန်းကြည်တို့က ၀င်ရောက် ဆွေးနွေးမယ် ဆိုတာကို ရဲတပ်ဖွဲ့က ခွင့်မပြုတဲ့အတွက် ပွဲကိုရပ်နား ရုပ်သိမ်းလိုက်ရပါတယ်။ ဘာဖြစ်လို့လဲဆိုတော့ အမ်းမြို့နယ်အတွင်းက မြေယာတွေနဲ့ပတ်သက်ပြီး အပြည့်အ၀ ဆွေးနွေးတင်ပြဖို့ လူတွေထဲမှာ ကျွန်တော်ကလည်း ပါဝင်နေတော့ အခုလို တားမြစ်တာ ဖြစ်ကောင်းဖြစ်မယ်။ သူတို့ပြောတာကတော့ သူတို့ကို တင်တဲ့စာထဲမှာ ကျွန်တော်က ဆွေးနွေးမယ်ဆိုတဲ့ အချက်ကို ထည့်သွင်းထားခြင်း မရှိတဲ့အတွက် မဆွေးနွေးရဘူးလို့ ပြောတယ်။ ကျွန်တော်ကလည်း ရေနံနဲ့ သဘာဝဓာတ်ငွေ့ ပိုက်လိုင်းတွေအပြင် လယ်ယာမြေဆိုတဲ့ ခေါင်းစဉ်နဲ့ ဆွေးနွေးမယ်လို့လုပ်တော့ မဆွေးနွေးရဘူးလို့ တားမြစ်တယ်။ ကျွန်တော်တို့ အမ်းမြို့နယ်ကိစ္စကို ၀င်ရောက် မဆွေးနွေးရဘူးဆိုရင် ဒီအခမ်းအနားကို မလုပ်တော့ဘူးဆိုပြီး ရပ်နားဖျက်သိမ်း လိုက်ရတယ်” ဟု ဦးမျိုးလွင်က ပြောကြားသည်။

အဆိုပါ အခမ်းအနားကို ရွှေအမ်းတောင်ခန်းမတွင် ကျင်းပခဲ့ခြင်းဖြစ်ကာ တစ်နေ့လုံး ဟောပြောခြင်း၊ ဆွေးနွေးခြင်းများ ပါဝင်မည်ဖြစ်ကာ လယ်ယာမြေ ဥပဒေပိုင်း ဆိုင်ရာများနှင့် ပတ်သက်၍ ဒေသခံ တောင်သူများနှင့် ဆွေးနွေးခြင်းများလည်း ထည့်သွင်းထားခဲ့ကြောင်း၊ အခမ်းအနား အစီအစဉ်အတွင်း ဦးထွန်းကြည်နှင့် ဦးမျိုးလွင်တို့က ဟောပြောမည်ဟု ထည့်သွင်းထားခြင်းအပေါ် ရဲတပ်ဖွဲ့က တားမြစ်ရခြင်း ဖြစ်ကြောင်းနှင့် ညှိနှိုင်းမရသည့်အတွက် အခမ်းအနားကို ရပ်နားလိုက်ခြင်း ဖြစ်ကြောင်း ဟောပြောမည့် စာရင်းတွင် ပါဝင်သူ ရှေ့နေဦးဟန်မင်းလှိုင်က ပြောကြားသည်။

“ငြိမ်းစုစီ တင်တုန်းကတော့ ကိုမျိုးလွင်နဲ့ ကိုထွန်းကြည် ပါမယ်လို့ မထည့်သွင်းခဲ့ဘူး။ အခုတော့ အာဂျင်တာထဲမှာ သူတို့လည်း ဟောပြောမယ်လို့ ပါဝင်လာတော့ ရဲကလာတားမြစ်တယ်။ ဆက်လက် လုပ်ဆောင်ရင် ဥပဒေအရ အရေးယူသွားမယ်လို့ ပြောလာတာတွေ ရှိတဲ့အတွက် အခမ်းအနားကို ရပ်နားလိုက်ရတာ ဖြစ်ပါတယ်” ဟု ၎င်းကဆိုသည်။

အကြောင်းအမျိုးမျိုးကြောင့် အမ်းမြို့နယ်အတွင်း မြေယာများ ဆုံးရှုံးနစ်နာ နေမှုများအပေါ် ဥပဒေနှင့်အညီ ပြန်လည်ကုစား နိုင်စေရေးအတွက် ဒေသခံတောင်သူများနှင့် တွေ့ဆုံဆွေးနွေးခြင်း၊ ဟောပြောခြင်းများ ပြုလုပ်ရန် ရည်ရွယ်ခဲ့ခြင်းဖြစ်ကြောင်း၊ အမ်းမြို့နယ်အတွင်း ရေနံပိုက်လိုင်းများကြောင့် ဒေသခံများ၏ လယ်မြေ၊ ဥယျာဉ်ခြံမြေများနှင့် စားကျက်မြေများ ပျက်စီးဆုံးရှုံးမှုများ ရှိခဲ့သည့်အတွက် တောင်သူများမှာ နစ်နာဆုံးရှုံးမှုများ ရှိခဲ့ကြောင်း သိရသည်။

ကျောက်တော်မြို့နယ် အပေါက်ဝကျေးရွာတွင် လေပြင်းတိုက်ခတ်မှုကြောင့် နေအိမ်တစ်လုံး ပျက်စီးပြီး နွားတစ်ကောင်သေဆုံး

လေပြင်းတိုက်ခတ်မှုကြောင့် ပျက်စီးသွားသည့် နေအိမ်အား တွေ့ရစဉ်

ကျောက်တော်မြို့နယ် အပေါက်ဝကျေးရွာတွင် လေဆင်နှာမောင်း ကျရောက်သဖြင့် နေအိမ်တစ်လုံး ပြိုပျက်ပြီး နွားတစ်ကောင် သေဆုံးခဲ့ကာ အိမ်ရှင်အမျိုးသမီးအား ဆေးရုံတင်ခဲ့ရကြောင်း သိရသည်။

လေဆင်နှာမောင်းမှာ ဇူလိုင် ၂၁ ရက် နံနက် ၁၀ နာရီ ၄၅ မိနစ်အချိန်တွင် ရုတ်တရက် ကျရောက်ခြင်းဖြစ်ပြီး ကျောက်တော်မြို့နယ် အပေါက်ဝကျေးရွာ (ချောင်းဖျား) ရပ်ကွက်နေ တောင်သူဦးမောင်ငယ်၏ နေအိမ်ပြိုပျက်ခဲ့ပြီး နေအိမ်ထဲတွင် ရှိနေသည့် နွားတစ်ကောင် နေအိမ်ပိကာ သေဆုံးသွားခဲ့ကြောင်း၊ နေအိမ်အနီးရှိ သစ်ပင်မှာလည်း လဲကျသွားခဲ့ကြောင်းနှင့် အိမ်ရှင်အမျိုးသမီးမှာလည်း ပြင်းထန်ဒဏ်ရာ ရရှိခြင်း မရှိသော်လည်း သတိလစ်သွားသဖြင့် အပေါက်ဝဆေးရုံသို့ ပို့ဆောင်ကာ ဆေးကုသမှု ခံယူနေရကြောင်း သိရသည်။

“လေဆင်နှာမောင်း အငယ်စားလို့ ပြောရပါမယ်။ လေဆင်နှာမောင်းငယ်က ကွက်ကျ ကျခဲ့လို့ အပေါက်ဝကျေးရွာ (ချောင်းဖျား) ရပ်ကွက်က တောင်သူဦးမောင်ငယ်နေအိမ် ပျက်စီးသွားပါတယ်။ အိမ်ထဲမှာချည်ထားတဲ့ နွားသားအမိမှာ နွားမကြီးအိမ်ပိသေဆုံးပါတယ်။ အိမ်ရှင်မကလည်း သတိလစ်သွားလို့ ဆေးရုံတင်ရပါတယ်။ အခုတော့ သတိပြန်ရနေပါပြီ။ နောက်တစ်နေရာ ကျတာက ရထားဘူတာပါ။ ဘူတာခေါင်မိုးလည်း လွင့်ထွက်သွားပါတယ်။ ရွာထဲကျလာတဲ့အခါ ကျွန်တော်တို့ အိမ်နားက ရေကန်က ရေတွေတောင် မြင့်သွားပါတယ်” ဟု အပေါက်ဝ ကျေးရွာသားတစ်ဦးက ပြောကြားသည်။

ဇူလိုင် ၂၀ ရက် မွန်းလွဲ ၁ နာရီ မိနစ် ၅၀ အချိန်ခန့်တွင် လေပြင်းတိုက်ခတ်သဖြင့် မအီမြို့ အမှတ် (၄) ရပ်ကွက် ကမ်းနားလမ်းရှိ ဦးမောင်မောင်၏ ဓနိမိုး၊ ပျဉ်ခင်း၊ ထရံကာ နေအိမ်တစ်လုံး အမိုးလန် ပျက်စီးဆုံးရှုံးမှု ဖြစ်ပွားခဲ့ကြောင်း သိရသည်။

ဇူလိုင် ၁၇ ရက်ကလည်း ရခိုင်ပြည်နယ် မြေပုံမြို့နယ်အတွင်း ငါးခူချောင်းကျေးရွာတွင် လေဆင်နှာမောင်း တိုက်ခတ်၍ အိမ် ၂၉ လုံး ထိခိုက်ခဲ့ပြီး ထိုအထဲတွင် ခြောက်လုံးမှာ လုံးဝပြိုပျက်သွားကြောင်း သိရသည်။

ဘင်္ဂလားပင်လယ်အော် အနောက်မြောက်ပိုင်းတွင် ဖြစ်ပေါ်နေသော လေဖိအားနည်းရပ်ဝန်းသည် ပိုမိုအားကောင်းလာကာ နောက် ၂၄ နာရီအတွင်း မုန်တိုင်းငယ် (Depression) အဖြစ်သို့ ရောက်ရှိလာနိုင်သည်ဟု ခန့်မှန်းထားကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက သတင်းထုတ်ပြန်သည်။

မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်ဖြစ်ကြောင်း၊ မိုးသက်လေပြင်းကျစဉ် ရေပြင်၊ မြေပြင်လေသည် တစ်နာရီလျှင် မိုင် ၄၀ အထိ တိုက်ခတ်နိုင်ကြောင်း၊ လှိုင်းအမြင့်မှာ မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ကိုးပေမှ ၁၄ ပေခန့် ရှိနိုင်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာန သတင်းထုတ်ပြန်ချက်တွင် ဖော်ပြထားသည်။

 

မောင်တောမြို့နယ် တောင်ပိုင်း သင်္ဘောကွေ့ကျေးရွာ ဖြိုဖျက်ခံရမှုနှင့် ပတ်သက်၍ ဝေဖန်မှုများ ရှိနေပြီး အိုးမဲ့အိမ်မဲ့ ဖြစ်ခဲ့သော ကျေးရွာသားများအား မောင်တောမြို့နယ်အတွင်း သင့်လျော်မည့် နေရာတွင် နေရာချထားပေးစေလိုကြောင်း ကျေးရွာသားများ ပြောကြား

ကျောက်ပန်းတူကျေးရွာ ဘုန်းတော်ကြီးကျောင်းတွင် ယာယီခိုလှုံနေသော သင်္ဘောကွေ့ကျေးရွာသားများအား လူမှုကူညီရေးအဖွဲ့များက ဆေးကုသပေးခြင်း၊ ရိက္ခာများထောက်ပံ့ခြင်း ပြုလုပ်နေသည်ကို တွေ့ရစဉ်

ရခိုင်ပြည်နယ် မောင်တောမြို့နယ် တောင်ပိုင်းတွင် အသစ်တည်ဆောက် နေထိုင်ကြသည့် သင်္ဘောကွေ့ကျေးရွာ ဖြိုဖျက်ခံရမှုနှင့် ပတ်သက်၍ ဝေဖန်မှုများ ရှိနေကြောင်း သိရသည်။

သင်္ဘောကွေ့ကျေးရွာသည် မောင်တောမြို့နယ် တောင်ပိုင်း စွန်းအင်းဒင်ကျေးရွာအုပ်စုတွင် တည်ရှိပြီး ရခိုင်ပြည်နယ် မြို့နယ် ခြောက်ခုမှ တိုင်းရင်းသားများ လာရောက် အခြေချနေထိုင်လာခြင်း ဖြစ်ကြောင်း သိရသည်။

ယင်းရွာမှ ရွာသားများအား ဖယ်ရှားပေးရန် ညွှန်ကြားခဲ့သည့် နောက်ပိုင်း ဇူလိုင် ၉ ရက်က မြို့နယ်အုပ်ချုပ်ရေး၊ ခရိုင်အုပ်ချုပ်ရေးနှင့် ရဲတပ်ဖွဲ့ဝင်များအပြင် မီးသတ်တပ်ဖွဲ့များကိုလည်း ခေါ်ယူခဲ့ကြောင်းနှင့် အရပ်ဝတ်အချို့လည်း ပါဝင်ရောက်ရှိလာပြီး ကျေးရွာမှ ဖယ်ပေးရန် ပြောဆိုခဲ့ကြောင်းနှင့် ရွာရှိ နေအိမ်အားလုံး ဖျက်ဆီးခဲ့ကြောင်း သိရသည်။

မောင်တောမြို့နယ် ရခိုင်အမျိုးသားပါတီ ဥက္ကဋ္ဌ ဦးခင်မောင်သန်းက “ကျွန်တော်တို့ အမြင်ကတော့ အဲဒီရွာကို ဖျက်ဆီးလိုက်တာဟာ မောင်တောဘက်ကို အခြေချလာမယ့် တိုင်းရင်းသားတွေရဲ့ စိတ်ဓာတ်ကို ရိုက်ချိုးလိုက်တယ်လို့ မြင်တယ်။ တိုင်းရင်းသားတွေဟာ ဒီဒေသကို ကာကွယ်မယ်ဆိုပြီး ရခိုင် အပါအ၀င် တခြားတိုင်းရင်းသားတွေ လာပြီး အခြေချတာကို စိတ်ဓာတ်ကို ရိုက်ချိုးလိုက်တာလို့ မြင်တယ်။ ကျွန်တော်တို့ တတ်နိုင်သလောက် လုပ်ပေးနေပေမယ့် အခုလိုမျိုး ဖြစ်လာတော့ ကျွန်တော်တို့အနေနဲ့လည်း ဆက်ပြီးတော့ လုပ်နိုင်တဲ့ အနေအထားလည်း မရှိဘူး။ ဒါကြောင့် ဒီနယ်မြေကို ကာကွယ်ဖို့ လာသူတွေကို နိုင်ငံတော်အဆင့် အနေနဲ့လည်း ထိန်းထိန်းသိမ်းသိမ်းနဲ့ အဆင်ပြေအောင် လုပ်ပေးနိုင်ရင်တော့ အနောက်ဒေသဟာ ဖွံ့ဖြိုးလာမယ့် နယ်မြေတစ်ခု ဖြစ်လာမယ်လို့ ပြောချင်ပါတယ်”ဟုပြောကြားသည်။

အဆိုပါ ကျေးရွာသားများအနေဖြင့် လူကယ်ပြန်နှင့် ပြည်ထဲရေးဌာနသို့ တိုင်ကြားခဲ့ကြောင်းနှင့် လွှတ်တော် ကိုယ်စားလှယ်များအား တင်ပြခြင်း ရှိသည့်တိုင် အဖြေပြန်မရရှိခဲ့ကြောင်း၊ သို့သော်လည်း ဘင်္ဂါလီများ အနေဖြင့် တခြားကျေးရွာများတွင် ခိုးဝင်ပြီး နေအိမ်များ ဆောက်လုပ်နေခြင်းများ ရှိသည့်တိုင်အောင် အစိုးရအနေဖြင့် အရေးယူခြင်း မရှိသည်ကို တွေ့ရှိရသဖြင့် တိုင်းရင်းသား ပြည်သူများအပေါ် နိုင့်ထက်စီးနင်း ပြုကျင့်သည့်သဘော ဆောင်နေကြောင်း ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက သုံးသပ်သည်။

“ကျွန်တော်ကိုယ်တိုင် ပြည်ထောင်စု လူကယ်ပြန်ဝန်ကြီးကို တင်ပြခဲ့တယ်။ အဲဒီအချိန်မှာပြောတာက ရွာကိုဖျက်ဖို့ အစီအစဉ်မရှိဘူးလို့သာ ပြောတယ်။ ပြည်ထဲရေးကတော့ အကြောင်းမပြန်ခဲ့ဘူး။ အခုလုပ်တာက ပြည်နယ်အစိုးရရဲ့ ညွှန်ကြားချက်အရလို့ သိရတယ်။ တကယ်တော့ သင်္ဘောကွေ့ကျေးရွာဟာ အမည်ပေါက် မဟုတ်ပေမယ့် တိုင်းရင်းသားတွေ အနေနဲ့ ဥပဒေနဲ့အညီ နေထိုင်ပိုင်ခွင့် ရှိပါတယ်။ အဲဒီရွာဟာ အရင်က ရခိုင်ရွာ တစ်ရွာလည်း ဖြစ်ခဲ့တယ်။ အဲဒီမှာ ပြန်အခြေစိုက်တာ ဖြစ်တယ်။ အခုက နိုင်ငံတကာ ဖိအားကြောင့်လို့ ပြောတယ်။ အဲဒီမှာ ဘုန်းကြီးကျောင်း ဆောက်လုပ်ဖို့အတွက်လည်း သံဃနာယက ခွင့်ပြုပြီးသား ဖြစ်တယ်။ ဆရာ ဦးခင်မောင်ကလည်း အမျိုးသားလွှတ်တော်မှာ တိုင်းရင်းသားတွေကို အကာအကွယ်ပေးဖို့ အဆိုကိုလည်း အောင်မြင်ထားတာ ရှိတယ်။ ကျွန်တော်တင်တဲ့ အဆိုမှာလည်း ဒေသခံတွေကို အကာအကွယ်ပေးနေတယ် ဆိုတဲ့ စကားလုံးတွေကို ၀န်ကြီးက ပြောကြားခဲ့တာ ရှိတယ်။ ဒါကြောင့် အခုကိစ္စဟာ လူအခွင့်အရေးနဲ့ တိုင်းရင်းသားအခွင့်အရေးကို ချိုးဖောက်ရာ ရောက်တယ်လို့ ကျွန်တော် က သုံးသပ်တယ်။ မိုးတွင်းရာသီလည်း ဖြစ်တဲ့အတွက် အလွန်တစ်ရာ အင်အာသုံးပြီး လုပ်တယ်လို့လည်း မြင်တယ်”ဟု ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက ပြောကြားသည်။

ထို့ပြင် မောင်တောမြို့နယ်မှ ပြည်နယ်လွှတ်တော် ကိုယ်စားလှယ် ဦးမောင်အုန်းကလည်း အဆိုပါ တိုးချဲ့ရွာသားများအနေဖြင့် အစိုးရအဖွဲ့၏ ချမှတ်ပေးသော ပုံစံမျိုးကို လိုက်လျောညီထွေ ပူးပေါင်း ဆောင်ရွက်ခြင်းအားဖြင့် အဆင်ပြေနိုင်ကြောင်း၊ လူတချို့ကြောင့် ရွာသားများ ဒုက္ခရောက်သွားသည့် ပုံစံမျိုးကိုလည်း ပြောဆိုကြကြောင်း၊ တရားဥပဒေ စိုးမိုးရေးအတွက် ဖော်ဆောင်ရသည့်အတွက် တရားဥပဒေအတိုင်းသာ သွားသင့်ကြောင်းနှင့် ဥပဒေကို ဖောက်ဖျက်ပြီးသွား၍ မရနိုင်ကြောင်း ပြောဆိုသည်။

“ကျွန်တော် ကျောက်ပန္ဒူကို ရောက်တော့ သင်္ဘောကွေ့ရွာသားတွေက အေးအေးဆေးဆေး မြင်တွေ့ခဲ့ရတယ်။ မနေ့က ပြောတာနဲ့ ဒီနေ့ပြောဆိုကြတာ မတူတာကိုလည်း တွေ့ရတယ်။ ဒါကြောင့် အစိုးရအနေနဲ့ စိတ်လိုက်မာန်ပါ မလုပ်ဖို့နဲ့ တိုင်းရင်းသားတွေ အကူအညီပေးဖို့ ပြောချင်တယ်။ အခုအရေးကြီးတာက သူတို့ နေဖို့နေရာ အရေးကြီးနေပါတယ်။ ဘုန်းကြီးကျောင်းမှာ ဆိုတော့ တာရှည်နေဖို့ ခက်မယ်လို့ မြင်တယ်။ မကြာခင်မှာလည်း ၀ါဆိုကာလ ရောက်တော့မှာ ဖြစ်တယ်” ဟု ဦးမောင်အုန်းက ပြောကြားသည်။

ထိုသို့ သင်္ဘောကွေ့ကျေးရွာရှိ ဖျက်ဆီးခံရသည့် နေအိမ်များမှ ပစ္စည်းများကို ဇူလိုင် ၁၁ ရက်က ပြန်လည်ယူခွင့် ရပြီဖြစ်ပြီး အိုးမဲ့အိမ်မဲ့ဖြစ်နေသော ကျေးရွာသားများအား မောင်တောမြို့နယ်အတွင်း သင့်လျော်မည့် နေရာတစ်ခုတွင် နေရာချထားပေးစေလိုကြောင်း ကျေးရွာသားများက ပြောကြားသည်။

“ပစ္စည်းတွေကို ဒီကနေ့ ယူခွင့်ပြုလို့ သွားယူကြပါတယ်။ ဒါပေမဲ့ ပစ္စည်းတွေ ပျောက်တာပျောက်၊ ရေစိုတာရေစို ဖြစ်နေပါပြီ။ နေအိမ်တွေကို ဖြိုပြီး ပစ္စည်းတွေကို ဒီအတိုင်း ပုံထားပါတယ်။ ကျွန်မတို့ ပစ္စည်းလာယူတော့ ဓာတ်ပုံရိုက်ပါတယ်။ အခု ကျွန်မတို့မှာ သေတ္တာနှစ်လုံးမှာ တစ်လုံးက သော့ခလောက် ဖျက်ဆီးခံထားရတာ တွေ့ရပါတယ်”ဟု သင်္ဘောကွေ့ကျေးရွာမှ ဒေါ်ချိုချိုအေးက ပြောကြားသည်။

ထို့ပြင် သင်္ဘောကွေ့ကျေးရွာသားများ ခိုလှုံနေသည့် ကျောက်ပန်းတူ ဘုန်းတော်ကြီးကျောင်းတွင်လည်း လူဦးရေ ရာနှင့်ချီရှိနေရာ ရေရှည်နေထိုင်ရန် အခက်အခဲဖြစ်နေပြီး ၎င်းတို့အား မောင်တောမြို့နယ်အတွင်း ရေမ၀ပ်သည့် ကုန်းမြင့်နေရာ တစ်ခုတွင် ပြန်လည် နေရာချထားပေးစေလိုကြောင်း ကျေး ရွာသားများက ပြောကြားသည်။

သင်္ဘောကွေ့ကျေးရွာသား ဦးမောင်ဝင်းချေက “အခု ကျွန်တော်တို့ ကျောက်ပန်းတူ ဘုန်းကြီးကျောင်းမှာ နေကြပါတယ်။ ဒါပေမဲ့ ၀ါတွင်းကာလ ရောက်လာပြီဆိုတော့ ကျောင်းမှာလည်း ရေရှည်နေဖို့ဆိုတာ မဖြစ်နိုင်ပါ။ မိုးရာသီမှာ ကလေးတွေနဲ့ နေရတာ လုံးဝအဆင်မပြေပါ။ ဒါကြောင့် ကျွန်တော်တို့ ရွာသားတွေအတွက် ကုန်းမြင့်နေရာလေး တစ်ခုမှာ နေရာချထားပေးစေလိုပါတယ်”ဟု ပြောကြားသည်။

ဇူလိုင် ၁၁ ရက်တွင် ရခိုင်အမျိုးသားပါတီမှ ခေါင်းဆောင်များ၊ လွှတ်တော်ကိုယ်စားလှယ်များက ကျောက်ပန်းတူ ကျေးရွာ ဘုန်းတော်ကြီးကျောင်းတွင် ခိုလှုံနေကြသည့် သင်္ဘောကွေ့ ကျေးရွာသားများနှင့် တွေ့ဆုံခဲ့ကြောင်း သိရသည်။

မြောက်ဦးဖြစ်စဉ်အတွင်း ဒဏ်ရာရရှိပြီး ဆေးရုံတက်ကုသနေချိန် ပုဒ်မ ၆ (၁) ဖြင့် တရားစွဲဆို ဖမ်းဆီးခံထားရသော လူငယ်ရှစ်ဦးအား (၁၄) ကြိမ်မြောက် ရုံးထုတ်

မြောက်ဦးဖြစ်စဉ်အတွင်း ဒဏ်ရာရရှိပြီး ဆေးရုံတက်ကုသနေချိန် ပုဒ်မ ၆ (၁) ဖြင့် တရားစွဲဆို ဖမ်းဆီးခံထားရသော လူငယ်ရှစ်ဦးအား (၁၄) ကြိမ်မြောက် ရုံးထုတ်စဉ်

ရခိုင်ပြည်နယ် မြောက်ဦးမြို့တွင် ဖြစ်ပွားခဲ့သော လူစုလူဝေးဖြစ်စဉ်အတွင်း သေနတ်ပစ်ဖောက်ခဲ့သည့်အတွက် ဒဏ်ရာရရှိခဲ့ပြီး စစ်တွေပြည်သူ့ဆေးရုံတွင် ဆေးကုသမှုခံယူနေရချိန် ပြည်သူပိုင်ပစ္စည်းကာကွယ်ရေး အက်ဥပဒေပုဒ်မ ၆ (၁) ဖြင့် တရားစွဲဆို ဖမ်းဆီးခံထားရသော လူငယ်ရှစ်ဦးအား ဇူလိုင် ၁၀ ရက်က (၁၄) ကြိမ်မြောက် ရုံးထုတ်ခဲ့ကြောင်းနှင့် ဇူလိုင် ၂၄ ရက်သို့ရုံးချိန်းပြန်လည် ချိန်းဆိုခဲ့ကြောင်း သိရသည်။

“ဒီနေ့တော့ သက်သေမရောက်တဲ့အတွက် ဘယ်သူ့ကိုမှ မစစ်ဖြစ်ပါဘူး။ ဘာဖြစ်လို့လဲဆိုတော့ တရားလိုပြသက်သေတွေအဖြစ် မြောက်ဦးခရိုင် အုပ်ချုပ်ရေးမှူး ဦးခင်မောင်ချိုကလည်း ကလေးခရိုင်ကိုပြောင်းသွားတယ်။ ပြီးတော့ ရှေ့သုက ဦးညိမ်းလွင်ကလည်း နေပြည်တော်ကို ပြောင်းသွားတယ်ဆိုတော့ ခေါ်ဖို့တော့ မလွယ်ဘူးပေါ့။ ဒါပေမဲ့ မဖြစ်ဖြစ်တဲ့နည်းနဲ့ ခေါ်ပေးပါလို့တော့ ကျွန်တော်တို့ တင်ပြထားတာ နှစ်ပတ်လောက်ရှိပြီ။ အခုအထိ မရောက်သေးဘူးပေါ့နော်။ နောက်ပြီး ဖျက်ဆီးခံရတယ်ဆိုတာကလည်း ဦးခင်မောင်ချိုတို့ ခရိုင်ရုံးက ပစ္စည်းတွေဖြစ်တဲ့အတွက် သူတို့နှစ်ယောက်ကို မဖြစ်မနေစစ်ရမှာ ဖြစ်တယ်။ သူတို့မလာနိုင်တဲ့အတွက် ဒီနေ့ရုံးချိန်းမှာတော့ ကော်မရှင်နဲ့ စစ်ဆေးမယ်လို့ ပြောကြတယ်။ တရားလိုဘက်ကလည်း သူတို့နှစ်ယောက်ကို မေးမယ့်မေးခွန်းတွေ၊ တရားခံဘက်ကလည်း မေးမယ့်မေးခွန်းတွေကို ဒီရက်ပိုင်းမှာ စစ်တွေမြို့နယ် တရားခွင်ကို အရောက်ပို့ရမှာဖြစ်တယ်။ ဆိုတော့ ကော်မရှင်နဲ့မေးမယ်ဆိုရင် ရက်ကနည်းနည်း ကြာမယ်ဆိုပြီး နှစ်ပတ်ခြားပြီးတော့ လာမယ့်ဇူလိုင် ၂၄ ရက်ကို ပြန်လည်ချိန်းဆိုလိုက်ပါတယ်။ အဲဒီနေ့မှာ စစ်ဆေးတဲ့ ပြန်စာရနိုင်မယ်လိုိ့ ထင်ပါတယ်” ဟု ပြောကြားသည်။

ဇန်န၀ါရီ ၁၆ ရက်က မြောက်ဦးမြို့တွင် စာပေဟောပြောပွဲပြုလုပ်ရန် ပြင်ဆင်ထားသော်လည်း စာပေဟောပြောပွဲ မကျင်းပဖြစ်ဘဲ ပျက်ခဲ့သည့်အတွက် လူစုလူဝေးဖြစ်ပေါ်ခဲ့ပြီးနောက် ရဲစခန်းနှင့် အထွေထွေအုပ်ချုပ်ရေး ဦးစီးဌာနရုံးရှေ့သို့ ရောက်ရှိခဲ့ပြီးနောက် လုံခြုံရေးတပ်ဖွဲ့ဝင်များက သေနတ်ပစ်ဖောက်ခဲ့သည့်အတွက် ခုနစ်ဦးသေဆုံးကာ ၁၂ ဦး ဒဏ်ရာရရှိခဲ့ကြောင်း သိရသည်။

“ကလေးတွေထဲမှာတော့ ချိုင်းထောက်နဲ့ သွားနေရတာက သုံးယောက်ပေါ့။ စတီးရိုးထည့်ထားတယ်လို့ ပြောတယ်။ ကျန်တဲ့ငါးယောက်ကတော့ ကျန်းမာရေးအခြေအနေကတော့ ကောင်းမွန်တယ်လို့ သိရပါတယ်။ ဘာပဲဖြစ်ဖြစ်ပေါ့။ ဒီကလေးတွေက မသေကောင်းမပျောက်ကောင်းပေါ့။ ပစ်ခတ်ခံခဲ့ရပြီး ဆေးရုံမှာ တက်ရောက်ကုသမှုခံယူနေစဉ် အတွင်းမှာပဲ တရားခံအနေနဲ့ စစ်ဆေးခံနေရတယ်။ ဆိုတော့ ဘာပဲပြောပြော အမှုကို အတတ်နိုင်ဆုံး ကျေကျေလည်လည်ဖြစ်စေချင်ပါတယ်။ ကျွန်တော်တို့ အကျိုးဆောင် ဘက်ကပေါ့။ ဘာလို့လဲဆိုတော့ ကလေးတွေကလည်း ငယ်ရွယ်တဲ့ကလေးတွေ ဖြစ်တယ်။ ဒဏ်ရာတွေရပြီး ဆေးရုံလည်းတက်ရတယ်။ တရားစွဲလည်း ခံရသေးတယ်ဆိုတော့ ပိုပြီးနစ်နာတယ်လို့တော့ မြင်ပါတယ်” ဟု ရှေ့နေ ဦးတင်ညိုက ပြောကြားသည်။