မောင်တောဒေသသည် လုံးဝလုံခြုံစိတ်ချရပြီး တည်ငြိမ်အေးချမ်းသည့် အနေအထားမဟုတ်ဘဲ အချိန်မရွေးပြဿနာဖြစ်လာနိုင်မှုများရှိကြောင်း ရခိုင်ပြည်နယ်ဝန်ကြီးချုပ် ပြောကြား

မောင်တောဒေသသည် လုံးဝတည်ငြိမ် အေးချမ်းပြီး လုံးဝလုံခြုံစိတ်ချရပြီး တည်ငြိမ် အေးချမ်းသည့် အနေအထားမဟုတ်ဘဲ အချိန်မရွေး ပြဿနာဖြစ်လာနိုင်မှုများ ရှိကြောင်း ရခိုင်ပြည်နယ်ဝန်ကြီးချုပ် ဦးညီပုက ပြောကြားခဲ့သည်။

အောက်တိုဘာ ၁၂ ရက် အစိုးအဖွဲ့ရုံးခန်းမ၌ နိုင်ငံတော်ဒုတိယသမ္မတ ဦးဟင်နရီဗန်ထီးယူနှင့် ပြည်နယ်အစိုးရအဖွဲ့တို့ တွေ့ ဆုံပွဲတွင် ပြည်နယ်ဝန်ကြီးချုပ် ဦးညီပုက ထိုသို့ပြောဆိုခဲ့ခြင်းဖြစ်သည်။

ရခိုင်ပြည်နယ်ဝန်ကြီးချုပ် ဦးညီပုက “မမျှော်လင့်ဘဲ မောင်တောဒေသ အကြမ်းဖက်မှုဖြစ်စဉ်ဖြစ်လာတဲ့အတွက် ကျွန်တော်တို့မှာ ခက်ခက်ခဲခဲနှင့် ဆောင်ရွက်ခဲ့ရတဲ့ အနေအထားရှိပါတယ်။ လုံခြုံရေးကဏ္ဍကို လည်း အထူးဂရုတစိုက်နဲ့ ဆောင်ရွက်နေပါတယ်။ သို့သော် လုံးဝလုံခြုံစိတ်ချရတဲ့ တည်ငြိမ်အေးချမ်းတယ်လို့တော့ ပြောလို့ရတဲ့ အနေအထားတော့ မဟုတ်ပါဘူး။ အချိန်မရွေး ပြဿနာဖြစ်လာနိုင်တာတွေ ရှိတယ်” ဟု ပြောကြားသည်။

ထို့ပြင် မောင်တောဒေသ၏ လုံခြုံရေးကဏ္ဍကို အမြဲတမ်း ဂရုတစိုက်ဦးစားပေး ဆောင်ရွက်နေကြောင်းလည်း သိရသည်။

လက်ရှိတွင် ပြည်နယ်အစိုးရအနေဖြင့် တည်ငြိမ်အေးချမ်းရေးအတွက် လုံခြုံရေးကဏ္ဍကို အမြဲတမ်းဂရုတစိုက် ဆောင်ရွက်နေပြီး ရဲတပ်ဖွဲ့၊ တပ်မတော် အင်အားများကို ဖြည့်ပေးနေကြောင်းလည်း သိရသည်။

၂၀၁၇ ခုနှစ်တွင် ရသေ့တောင်၊ ဘူးသီးတောင်နှင့် မောင်တောမြို့နယ်များတွင် ရဲ လုံခြုံရေး တပ်စခန်းများနှင့် ဒေသခံတိုင်း ရင်းသားများအား ARSA အစွန်းရောက် ဘင်္ဂါလီအဖွဲ့က အကြမ်းဖက်မှုများ ပြုလုပ်ခဲ့ပြီး အကြမ်းဖက်သမားများ တစ်ဖက်နိုင်ငံသို့ ထွက်ပြေးသွားခဲ့သော်လည်း လက်ရှိအချိန်အထိ ဒေသခံလူနည်းစုတိုင်းရင်းသားများ မကြာခဏ အကြမ်းဖက်သတ်ဖြတ်ခံနေရကြောင်းနှင့် ဒေသခံများ စိုးရိမ်မှုမြင့်တက်လျက်ရှိပြီး နယ်စပ်ကျေးရွာများတွင် နေ့ည ကင်းစောင့်နေကြရကြောင်း သိရသည်။

အောက်တိုဘာ ၉ ရက်က ခမောင်း ဆိပ်-ဝေလာတောင်လမ်းတွင် မောင်တော မြောက်ပိုင်း အောင်ဇံကျေးရွာမှ ဒိုင်းနက် တိုင်းရင်းသားလူငယ် လှမြင့်အောင် (၁၄ နှစ်) ဓားခုတ်သတ်ဖြတ်ခံခဲ့ရသည်။

ယင်းမတိုင်မီ စက်တင်ဘာ ၁၉ ရက် ကမောင်တောမြို့နယ်မြောက်ပိုင်း သစ်တုံး နားခွဆုံကျေးရွာနေ မြိုလူမျိုး ဦးဒူလူး (၄၀ နှစ်) သည် နွားကျောင်းနေရင်း သတ်ဖြတ်ခံခဲ့ ရသည်။

ရခိုင်ပြည်နယ် မောင်တောမြို့နယ် မြောက်ပိုင်း သဲချောင်းအုပ်စု မော်လ၀ီကျေး ရွာသို့ အကြမ်းဖက်ဘင်္ဂါလီလက်နက်ကိုင်များ ၀င်ရောက်ပစ်ခတ်ခဲ့သဖြင့် နှစ်ဦး ဒဏ် ရာရရှိခဲ့ကြသည်။

ထို့ပြင် ပြီးခဲ့သည့်ရက်ပိုင်းကလည်း အကြမ်းဖက်သမား ၃၀၀ ကျော်ခန့် ၀င်ရောက် တိုက်ခိုက်ရန် စီစဉ်နေကြောင်း အိန္ဒိယထောက်လှမ်းရေးအစီရင်ခံစာကို ကိုးကားပြီး ပြည်တွင်း၊ ပြည်ပသတင်းမီဒီယာများက ဖော်ပြ ခဲ့ကြသည်။

လက်ရှိတွင် မြန်မာဘင်္ဂလားဒေ့ရ်ှနယ် စပ်ခြံစည်းရိုးတစ်လျှောက် နယ်မြေလုံခြုံရေး အတွက် နှစ်နိုင်ငံနယ်ခြားစောင့်တပ်ဖွဲ့များ ပူးပေါင်းဆောင်ရွက်လျက်ရှိကြောင်း သိရသည်။

မေယုမီးပြတိုက် တည်ရှိသည့် မေယုကျွန်း၏ ကမ်းပါးထိန်းနံရံ လှိုင်းကာတံတိုင်းအား ၂၀၁၈-၂၀၁၉ ဘဏ္ဍာနှစ်တွင် ကျပ်သန်းပေါင်း ၂၀၀၀ ကျော် အသုံးပြု တည်ဆောက်မည်

ရခိုင်ပြည်နယ်ရှိ မေယုကျွန်းနှင့် မီးပြတိုက်ကို တွေ့ရစဉ်

မေယုမီးပြတိုက် တည်ရှိသည့် မေယုကျွန်း၏ ကမ်းပါးထိန်းနံရံလှိုင်း ကာတံတိုင်းအား ၂၀၁၈-၂၀၁၉        ဘဏ္ဍာနှစ်တွင် ကျပ်သန်းပေါင်း ၂၀၀၀ ကျော် အသုံးပြု တည်ဆောက်သွားမည်ဖြစ်ကြောင်း မြန်မာ့ဆိပ်ကမ်းအာဏာပိုင်မှ သတင်းရရှိ သည်။

“မေယုမီးပြတိုက် ကမ်းပါးထိန်းနံရံ လှိုင်းကာတံတိုင်း ပြုပြင်တည်ဆောက်ဖို့အတွက် ၂၀၁၈-၂၀၁၉ ဘဏ္ဍာနှစ်တွင် ၂၃၁၄ သန်းအသုံး ပြုသွားမှာ ဖြစ်ပါတယ်” ဟု မြန်မာ့ဆိပ်ကမ်းအာဏာပိုင်မှ ဒုတိယအထွေထွေမန်နေဂျာ ဒေါက်တာမျိုးငြိမ်းအေးက ပြောကြားသည်။

မေယုမီးပြတိုက် ကမ်းပါးထိန်းနံရံ လှိုင်းကာတံတိုင်း ပြုပြင်တည်ဆောက်ခြင်း လုပ်ငန်းကို ၂၀၁၇-၂၀၁၈ ဘဏ္ဍာနှစ်တွင် ကျပ်သန်းပေါင်း ၁၅၀၀၊ ၂၀၁၈ ဧပြီ- စက်တင်ဘာ ဘက်ဂျက်တွင် ၇၇၁ သန်း၊ ၂၀၁၈-၂၀၁၉ ဘဏ္ဍာနှစ်တွင် ၂၃၁၄ သန်း စုစုပေါင်း ကျပ် ၄၅၈၅ ဒသမ ၇ သန်း အသုံးပြု၍ ၂၀၁၉ ခုနှစ်တွင် ပြီးစီးအောင် ဆောင်ရွက်မည်ဟု သိရသည်။

မြန်မာ-အိန္ဒိယပိုက်လိုင်းသွယ် တန်းရေး ဆွေးနွေးစဉ် ဘင်္ဂလားဒေ့ရ်ှနိုင်ငံက ၀န်ဆောင်ခ မပေးနိုင်ကြောင်း  အငြင်းပွားမှု ဖြစ်ပွားခဲ့သည့် မေယုကျွန်းရှိ မေယုမီးပြတိုက်အား ကျပ်သန်းပေါင်း ၄၅၀၀ ကျော်ဖြင့် ကမ်းပါးထိန်းနံရံဖြစ်သည့် လှိုင်းကာတံတိုင်း တည်ဆောက်သွားမည်ဖြစ်သည်။

ရခိုင်ပြည်နယ် မေယုကျွန်းပေါ်ရှိ မေယုမီးပြတိုက်သည် ၁၈၈၅ ခုနှစ်တွင် စတင်တည်ဆောက် ခဲ့ခြင်းဖြစ်ပြီး မီးပြစင်အမြင့်မှာ ပင်လယ်ရေ မျက်နှာပြင်အထက် ၁၃၅ ပေ အမြင့်ပေတွင် တည်ဆောက်ထားခြင်း ဖြစ်သည်။ မေယုမီးပြတိုက်သည် မြန်မာနိုင်ငံရေကြောင်း နယ်နိမိတ်အတွက် အဓိက အရေးကြီးသည့် အခြေခံမျဉ်းပေါ်တွင် တည်ရှိသော ကျွန်းတစ်ကျွန်းဖြစ်သည်။ –

“မေယုကျွန်းက မြန်မာနိုင်ငံရဲ့ အခြေခံမျဉ်းရေးဆွဲရေးမှာ မြောက်ဘက်စွန်းပွိုင့်အဖြစ် ၁၉၆၈ ခုနှစ်က တည်းက ထုတ်ပြန်ကြေညာထားတဲ့ ကျွန်းတစ်ကျွန်းဖြစ်ပေမယ့် အခုချိန်မှာ မုန်တိုင်းနဲ့ သဘာဝဘေးဒဏ်တွေကြောင့် အဆောက်အအုံတွေနဲ့ ကမ်းခြေတွေ တိုက်စားပျက်စီးမှုရှိ လာနိုင်ပါတယ်။ ကမ်းခြေတိုက်စား ပျက်စီးမှုကြောင့် ပျောက်ကွယ်သွားရင် ပိုင်နက်ပင်လယ်ပြင်ပါ ထိခိုက်လာနိုင်တာကြောင့် ကမ်းပါးထိန်းနံရံ လှိုင်းကာတံတိုင်း တည်ဆောက်ရတာပါ” ဟု မြန်မာ့ဆိပ်ကမ်း အာဏာပိုင်မှ ဒုတိယအထွေထွေမန်နေဂျာ ဒေါက်တာမျိုးငြိမ်းအေးက ပြောကြားသည်။

မေယုကျွန်းသည် ကာလကတ္တားမြစ်၊ စစ်တောင်းမြစ်၊ မေယုမြစ်၊ ကုလားတန်နှင့် လေးမြို့မြစ်တို့ဆုံရာ ရေစီးကြောင်း ၀ဲလည်ရာမှ ပထ၀ီသဘောအရ သီးခြားဖြစ်ပေါ် တည်ရှိနေသော ကျွန်းဖြစ်သဖြင့် ရေအောက်ပိုင်း (အောက်ခြေ) အဖျားရှူး၍ အပေါ်ပိုင်း ကားထွက်နေသော ကတော့ပုံသဏ္ဌာန်ရှိ ကျွန်းငယ်တစ်ခု ဖြစ်သည်။

သီးခြားတည်ရှိနေသော ကျွန်းငယ်ဖြစ်၍ သွားလာရေးနှင့် ပစ္စည်းအတင်အချ ပြုလုပ်ရာတွင် ခက်ခဲကြမ်းတမ်းပြီး ရေချိုရရှိရေးတွင်လည်း ခက်ခဲကာ ရာသီဥတုဆိုးရွားမှုနှင့် လှိုင်းလေပြင်းထန်မှုတို့ကို အကာကွယ်မဲ့စွာ ခံစားနေရသော ကျွန်းတစ်ခုဖြစ်ကြောင်း သိရသည်။

မေယုကျွန်း၏ အရွယ်အစားမှာ တောင်-မြောက်ဘက် အလျား ပေ ၄၀၀ ခန့်၊ အရှေ့-အနောက်အကျယ် ပေ ၂၀၀ ခန့်၊ စုစုပေါင်းဧရိယာ ၁ ဒသမ ၈ ဧကခန့်ရှိ ကျွန်းငယ်တစ်ခု ဖြစ်သည်။ မေယုကျွန်းပေါ်ရှိ မေယုမီးပြတိုက်ကြီးအား ၁၈၈၅ ခုနှစ်က တည်ဆောက်ခဲ့ပြီး မီးပြစင်အမြင့် ၁၃၅ ပေ၊ အချင်း ၂၇ ဒသမ ၅ ပေ ရှိ သံကျွတ်ပုံလောင်း အဆောက်အအုံ အမျိုးအစားဖြစ်သည်။ ယခင်က Oyster မီးပြတိုက်ဟု ခေါ်တွင်ပြီး ၁၉၆၅ ခုနှစ်တွင် မေယုမီးပြတိုက်ဟု ပြောင်းလဲခေါ်ဆိုခဲ့ခြင်း ဖြစ်သည်။

မူလမီးအချက်ပြစနစ်မှာ အင်ဂျင်စနစ်ကို အသုံးပြုမီးထွန်း ပြသခဲ့ပြီး ၂၀၀၉ ခုနှစ်တွင် ဆိုလာမီးအိမ် အစားထိုး တပ်ဆင်ကာ အစောင့်ဝန်ထမ်းများ ပြန်လည်ရုပ်သိမ်းခဲ့ကြောင်း သိရသည်။

 

အနောက်တံခါးက ဘ၀လုံခြုံမှု ကင်းမဲ့နေတဲ့ တိုင်းရင်းသားတွေကို ဘယ်လိုကာကွယ်ပေးကြမလဲ

တောင်ပေါ်ကျေးရွာများမှစွန့်ခွာလာကြသည့် မြိုတိုင်းရင်းသားမိသားစုများကို မောင်တောမြို့နယ်မြောက်ပိုင်း သီဟိုဠ်တောကျေးရွာတွင် ၂၀၁၈ ခုနှစ် သြဂုတ်လအတွင်းက တွေ့ရစဉ်

မကြာသေးတဲ့ ရက်ပိုင်းက စက်တင်ဘာ ၁၉ ရက်နေ့မှာ မောင်တောမြောက်ပိုင်း သစ်တုံးနားခွဆုံ ကျေးရွာသစ်မှာ နေထိုင်နေတဲ့ မြိုတိုင်းရင်းသား ဦးဒူလူဟာ ရွာအပြင်ဘက် တောစပ်နားမှာ နွားကျောင်းရင်း ညမှောင်လာသည်အထိ ရွာကို ပြန်ကိုပြန် မရောက်လာတော့ပါဘူး။ ရွာသားတွေ လိုက်ရှာတော့ သူထိန်းကျောင်းတဲ့ နွားရှစ်ကောင်အနက် နွားခြောက်ကောင်ကို ပြန်ရှာတွေ့ပေမယ့် နွားနှစ်ကောင်နဲ့ ဦးဒူလူကို ရှာမတွေ့ခဲ့ပါဘူး။ နောက်တစ်နေ့ဖြစ်တဲ့ စက်တင်ဘာ ၂၀ ရက်မှာ မိုးလင်းကတည်းက ပူဆွေးသောက ရောက်နေတဲ့ မိသားစုနဲ့ ရွာသားတွေဟာ ထပ်ရှာကြတော့ နံနက် ၈ နာရီခွဲအချိန်မှာ ဦးဒူလူရဲ့ အလောင်းကို ရွာအရှေ့ဘက် တစ်မိုင်ခွဲအကွာ တောစပ်တစ်နေရာမှာ တွေ့ခဲ့ပါတယ်။ ဦးဒူလူဟာ လည်ပင်းကို ဓားနဲ့ရက်ရက်စက်စက် လှီးဖြတ်ခံထားရတဲ့ ဒဏ်ရာ၊ လက်မောင်းတို့ ဒူးတို့မှာ ဒဏ်ရာတွေနဲ့ သေဆုံးခဲ့ရတာ ဖြစ်တယ်လို့ သက်ဆိုင်ရာက အတည်ပြု ခဲ့ပါတယ်။

ဦးဒူလူဟာ အကြမ်းဖက်မှု ဖြစ်ပြီးနောက်ပိုင်း မတ်လအတွင်းက ဘင်္ဂလားဒေ့ရ်ှနိုင်ငံကနေ မြန်မာနိုင်ငံ မောင်တောဒေသကို ၀င်ရောက်လာခဲ့ပြီး သစ်တုံးနားခွဆုံ ကျေးရွာသစ်မှာ မျိုးနွယ်တူ မြိုတိုင်းရင်းသား တွေနဲ့အတူ အေးချမ်းစွာ နေထိုင်ပြီး ကျေးရွာသားတွေရဲ့ နွားတွေကို အငှားထိန်းကျောင်းနေသူ ဖြစ်ပါတယ်။

မြိုတိုင်းရင်းသား ဦးဒူလူဟာ အသက် ၄၀ အရွယ်ဖြစ်ပြီးတော့ သူ့မှာ လူမမယ် ကလေးလေးယောက်နဲ့ အလုပ်လက်မဲ့ ဇနီးတစ်ဦး ကျန်ခဲ့ပါတယ်။

ဦးဒူလူရဲ့ အလောင်းကို သက်ဆိုင်ရာက စစ်ဆေးပြီး မောင်တောဆေးရုံကို ပို့လိုက်ပါတယ်။ စက်တင်ဘာ ၂၁ ရက်မှာတော့ မောင်တော သုသာန်မှာ မြေမြှုပ်သင်္ဂြိုဟ် လိုက်ပါတယ်။ ဦးဒူလူရဲ့မိန်းမ ဒေါ်ကော်ရာမ်ဟာ ချစ်လှစွာသော သူ့လင်ယောက်ျား အလောင်းကိုကြည့်ရင်း သူနဲ့အတူ ကျန်ရစ်တဲ့ ရင်ခွင်ပစ်ကလေးနဲ့ လူမမယ်ကလေးတွေကို ဖက်ပြီး တရှုပ်ရှုပ် ငိုကြွေးနေပါတယ်။ ဘာစကားမှ မပြောပါဘူး။ သူ့ရင်ထဲမှာ ယူကျုံးမရမှုတွေ၊ ကလေးတွေနဲ့ ဘယ်လိုဘ၀ ရှေ့ဆက်မလဲ ဆိုတာတွေ၊ ဘ၀လုံခြုံမှု မရှိတဲ့ သူတို့ရဲ့ ဘ၀တွေကို ရင်ထုမနာ တွေးနေပါလိမ့်မယ်။

တကယ်တော့ မောင်တောဒေသမှာ နေထိုင်နေကြတဲ့ လူနည်းစု တိုင်းရင်းသားတွေရဲ့ ဘ၀ဟာ လုံခြုံမှု ကင်းမဲ့နေသလို ဖြစ်နေတာ အခုမှ မဟုတ်ပါဘူး။ အကြမ်းဖက်မှု ဖြစ်ခဲ့တဲ့ ဒေသမှာ နေထိုင်နေကြတဲ့ တိုင်းရင်းသားတွေဟာ ဘယ်အချိန် ဘာဖြစ်လာမလဲ ဆိုတာကို တစ်ယောက်မှ ကြိုမပြောနိုင်သလို၊ အန္တရာယ်တွေက မထင်မှတ်တာက ဖြစ်သွားနိုင်ပါတယ်။ အထူးသဖြင့် မြို့နှင့်အလှမ်းဝေးတဲ့ ကျေးရွာတွေက ရွာသားတွေဟာ အမြဲတမ်း အသက်အန္တရာယ်ရှိနေတာ ဖြစ်ပါတယ်။

ရွာပြင်ထွက်ရင် စိုးရိမ်ရတဲ့ အနေအထားလည်း ဖြစ်ပါတယ်။ ညဆို ကင်းစောင့်ရတယ်။ နေ့ခင်းဆိုရင်လည်း တောင်ကို မတက်နိုင်သလို ချောင်းကိုလည်း မဆင်းနိုင်ပါဘူး။

၂၀၁၇ ခုနှစ် သြဂုတ်လ ၂၅ ရက်မှာ မောင်တောနယ်စပ်မှာရှိတဲ့ လုံခြုံရေးစခန်းတွေကို ARSA အစွန်းရောက် ဘင်္ဂါလီ အကြမ်းဖက်သမားတွေ အလစ်အငိုက်ဝင်ပြီး တစ်ပြိုင်တည်း တိုက်ခိုက်ခဲ့ပါတယ်။

အဲဒီဖြစ်စဉ်ဖြစ်ပြီးနောက် အကြမ်းဖက်အဖွဲ့တွေကို နယ်မြေရှင်းလင်းတဲ့ အချိန်မှာ အကြမ်းဖက်အဖွဲ့နဲ့ ဆက်နွှယ်မှုရှိတဲ့ ဘင်္ဂါလီကျေးရွာသားတွေ၊ အကြမ်းဖက်ရာမှာ ပါဝင်ခဲ့သူတွေနဲ့ အကြမ်းဖက်သမားတွေရဲ့ ခြိမ်းခြောက်မှုတွေကြောင့် မောင်တောခရိုင် အတွင်းက ဘင်္ဂါလီ ငါးသိန်းကျော်ဟာ တစ်ဖက်ဘင်္ဂလားဒေ့ရ်ှနိုင်ငံကို နေရပ်စွန့်ခွာ သွားကြပါတယ်။

အလားတူ မောင်တောဒေသက တိုင်းရင်းသား အားလုံးနီးပါးဟာလည်း နေရပ်စွန့်ခွာ ထွက်ပြေးခဲ့ကြပါတယ်။ ဒါပေမဲ့ တိုင်းရင်းသားတွေ နေရပ်ကို ပြန်လာခဲ့ကြတယ်လို့ ဆိုပေမယ့် တိုင်းရင်းသားဦးရေ ခြောက်ထောင်ကျော်ဟာ နေရပ်ကို ပြန်မရောက်တော့ပါဘူး။ အဲဒီလိုပဲ  တိုင်းရင်းသား ကျေးရွာတွေမှာ အလုပ်လက်မဲ့ ဖြစ်နေခြင်း၊ လုံခြုံရေးအရ စိတ်မချရခြင်းတွေကြောင့် တစ်စတစ်စ နေရပ်စွန့်ခွာ တာတွေလည်း ဆက်ရှိနေပါတယ်။

နေရပ်စွန့်ခွာသွားလို့ တိုင်းရင်းသားဦးရေ နည်းပါးလာ

အကြမ်းဖက်ဖြစ်စဉ်နောက်ပိုင်း နေရပ်စွန့်ခွာတာတွေ ဆက်ရှိနေပါတယ်။

မောင်တောမြို့နယ် အတွင်းမှာ မြိုတိုင်းရင်းသားတွေလို တောင်ယာ လုပ်ကိုင်စားသောက်တဲ့ သက်တိုင်းရင်းသား တွေဟာလည်း တစ်စ တစ်စ နေရပ်စွန့်ခွာတာ ရှိနေတာ ဖြစ်ပါတယ်။ ဆယ်စုနှစ်တစ်ခု အတွင်းမှာ အကြမ်းဖက်မှုဖြစ်စဉ် လေးကြိမ်ထက်မနည်း ဖြစ်ခဲ့ရပြီး ဒေသခံ တိုင်းရင်းသားတွေ၊ အပြစ်မဲ့သူတွေ၊ လုံခြုံရေး တပ်ဖွဲ့ဝင်တွေရဲ့ အသက်တွေကို စတေးခဲ့ရတာ ဖြစ်ပါတယ်။

ဒါကြောင့်လည်းပဲ တိုင်းရင်းသား ကျေးရွာတွေမှာ အိမ်ထောင်စုတွေ နည်းပါးလာတာ နေအိမ်တစ်လုံးတည်းနဲ့ ရွာတွေလည်း ရှိနေပါပြီ။ ဘူးသီးတောင်မြို့နယ်ထဲက ပျာရည်ရခိုင်ရွာဆိုရင် တစ်ရွာလုံး နေရပ်စွန့်ခွာသွားလို့ နေအိမ်တစ်လုံးတည်းသာ ကျန်ရှိပါတော့တယ်။

တိုင်းရင်းသားတွေ၊ ဟိန္ဒူဘာသာဝင်တွေကို အစုလိုက်အပြုံလိုက် သတ်ဖြတ်သွားတဲ့ ဘင်္ဂါလီ အကြမ်းဖက် သမားတွေကိုလည်း အခုအချိန်အထိ ဖမ်းဆီးရမိတာ မကြားရတော့ ဒေသခံတွေကို ပိုလို့စိတ်အားငယ် ရပြီးတော့ ထွက်ပြေးသွားတဲ့ အကြမ်းဖက်သမားတွေ ပြန်လာရင် ထပ်ပြီးသတ်ဖြတ်ခံရမှာကို စိုးရိမ်နေကြပါတယ်။

ဒါကြောင့်လည်းပဲ ပြန်လည်ဝင်ရောက်လာတဲ့ ဘင်္ဂါလီတွေကို တိုင်းရင်းသား ကျေးရွာအနီးမှာ နေရာချထားမပေးဖို့ တောင်းဆိုနေကြတာလည်း ဖြစ်ပါတယ်။

တောင်ပေါ်ကျေးရွာများမှ စွန့်ခွာလာကြသည့် မြိုတိုင်းရင်းသား မိသားစုအချို့ကို ၂၀၁၈ ခုနှစ် သြဂုတ်လ အတွင်းက တွေ့ရစဉ်

တိုင်းရင်းသားတွေ ဘယ်လောက် နေရပ်စွန့်ခွာခဲ့သလဲ

မောင်တောခရိုင်အတွင်း ၂၀၁၇ ခုနှစ် သြဂုတ်လ ၂၅ ရက် မတိုင်မီက တိုင်းရင်းသားဦးရေ စုစုပေါင်း ၈၄၆၄၁ ဦး ရှိခဲ့ပြီး ဘင်္ဂါလီဦးရေမှာ ၇၃၃၉၇၃ ဦး ရှိကာ စုစုပေါင်း လူဦးရေမှာ ၈၁၈၆၁၄ ဦး ရှိခဲ့ပါတယ်။ ဒါပေမဲ့ အကြမ်းဖက် တိုက်ခိုက်အပြီး ၂၀၁၇ ခုနှစ် အောက်တိုဘာ ၃၁ ရက်အထိ စာရင်းအရဆိုရင် မောင်တောခရိုင် တိုင်းရင်းသားဦးရေ ၇၈၀၈၄ ဦးနဲ့ ဘင်္ဂါလီဦးရေ ၂၄၇၇၄၃ ဦး စုစုပေါင်း လူဦးရေမှာ ၃၂၅၈၂၇ ဦးသာ ကျန်ရှိပါတော့တယ်။

ဒီစာရင်းအရဆိုရင် အကြမ်းဖက် ဖြစ်စဉ်ကြောင့် မောင်တောဒေသကနေ တိုင်းရင်းသား စုစုပေါင်း ခြောက်ထောင်ကျော် နေရပ်စွန့်ခွာ သွားခဲ့ကြတာလည်း ဖြစ်ပါတယ်။

အဲသလိုပဲ ဘင်္ဂါလီ လေးသိန်းရှစ်သောင်းကျော်ဟာလည်း တစ်ဖက်နိုင်ငံကို ထွက်ပြေးသွားခဲ့တာ ဖြစ်ပါတယ်။ ဒါပေမဲ့ နောက်ဆုံး စာရင်းအရ မောင်တောခရိုင် အတွင်းကနေ တစ်ဖက် ဘင်္ဂလားဒေ့ရ်ှနိုင်ငံသို့ ထွက်သွားသူဟာ ၅၀၅၄၇၇ ဦး ရှိတယ်လို့ ခရိုင်အထွေထွေ အုပ်ချုပ်ရေး ဦးစီးဌာနကနေ ရရှိတဲ့ စာရင်းအရ သိရပါတယ်။

အကြမ်းဖက်မှုဖြစ်စဉ် နောက်ပိုင်းမှာ အစိုးရကနေ တိုင်းရင်းသားတွေ စုစည်းရွာတွေ ချပေးပြီး နေအိမ်တွေ တည်ဆောက်ပေးပါတယ်။ အဲဒီအထဲမှာ သစ်တုံးနားခွဆုံ ကျေးရွာသစ်ဟာလည်း တစ်ခုအပါအ၀င် ဖြစ်ပါတယ်။

သစ်တုံးနားခွဆုံကျေးရွာဟာ တောင်ပေါ်ကျေးရွာတွေဖြစ်တဲ့ ခရုချောင်း၊ မျောက်ခေါင်းတောင်၊ ပန်းချောင်း၊ အင်းချောင်း (အောက်ရွာ) စတဲ့ကျေးရွာတွေက ကျေးရွာသားတွေကို  စုစည်းထားတဲ့ရွာ ဖြစ်ပြီးတော့ အစိုးရအဖွဲ့နဲ့ အစိုးရအဖွဲ့က နေအိမ်တွေ ဆောက်လုပ်လှူဒါန်းထားတာ ဖြစ်ပါတယ်။

အဲဒီစုစည်းရွာသို့ ဦးဒူလူ မိသားစု အပါအ၀င် မြိုမိသားစု (၃၀ စု) နဲ့ဒိုင်းနက်မိသားစု လေးစုဟာ ဘင်္ဂလားဒေ့ရှ် နိုင်ငံကနေ ၀င်ရောက်လာပြီး ခိုလှုံနေကြတာ ဖြစ်ပါတယ်။

၂၀၁၈ နှစ်ဆန်းပိုင်း ဖေဖော်ဝါရီလ ၂၁ ရက်မှ စတင်ကာ လက်ရှိအချိန်အထိ ရခိုင်၊ မြိုနဲ့ မျိုးနွယ်စုဝင် တိုင်းရင်းသား စုစုပေါင်း ၃၄၅ ဦးဟာ ဘင်္ဂလားဒေ့ရ်ှနိုင်ငံကနေ မောင်တောမြို့နယ်ထဲကို ၀င်ရောက်ခဲ့ပါတယ်။

မောင်တောမြို့နယ် မြောက်ပိုင်း အောင်သပြေကျေးရွာမှာ ဘင်္ဂလားဒေ့ရ်ှနိုင်ငံ၊ ဘန်ဒရာဘန်ခရိုင်၊ တန်းဆိပ်မြို့နယ်၊ မော်တုတ်ကြီး ကျေးရွာမှ ရခိုင်အိမ်ထောင်စု ၂၄ စု စုစုပေါင်း လူဦးရေ ၈၁ ဦး၊ သစ်တုံးနား ခွဆုံကျေးရွာသစ်မှာ ဘင်္ဂလား ဒေ့ရ်ှနိုင်ငံ၊ ဘန်ဒရာဘန်ခရိုင်၊ တန်းဆိပ်မြို့နယ်၊ လမားကျေးရွာမှ မြိုမိသားစု (၃၀ စု)၊ လူဦးရေ ၁၅၅ ဦးနှင့်ဒိုင်းနက်မိသားစု လေးစု လူဦး ရေ ၂၇ ဦးစုစုပေါင်း လူဦးရေ ၁၈၂ ဦး နှင့် သုပဏ္ဏက ကျေးရွာတွင် ဘင်္ဂ လားဒေ့ရ်ှနိုင်ငံ၊ အလယ်ခေါ်တော် ခရိုင်၊ ဘော်ဘီတီကျေးရွာမှ မြိုမိသား စု ၁၁ စု လူဦးရေ ၆၃ ဦး၊ တောင်ပြို နယ်စပ်နံ့သာတောင် ကျေးရွာတွင် ရခိုင်လူမျိုးခြောက်ဦး နှင့်မီးတိုက် ကျေးရွာတွင် ဘင်္ဂလားဒေ့ရ်ှနိုင်ငံ ဘန်ဒရာ ဘန်ခရိုင် အလီခေါ်တောင် မြို့နယ် ရွမ်ဘို (ဒိုင်း နက်)ရွာမှ ဒိုင်း နက် လူမျိုး ၁၃ ဦးတို့ ရောက်ရှိ နေထိုင်လျက် ရှိကြပါတယ်။

မြိုတိုင်းရင်းသားတွေဟာ မောင်တောမြို့နယ်မှာ စုစုပေါင်း လူဦးရေ ခြောက်ထောင်ကျော် နေ ထိုင်ပြီးတော့ မေယုတောင်တန်း တွေပေါ်မှာ တောင်ယာတွေလုပ် ကိုင်ပြီး ဘ၀ကို အေးချမ်းစွာဖြတ် သန်းလာကြတဲ့ သူတွေဖြစ်ပါတယ်။ သူတို့ဟာ ရိုးသားကြပြီး ဘာလူမျိုးနဲ့မှ ပြသနာ မရှိကြပါဘူး။ လောဘနည်း ဒေါသနည်းတဲ့သူတွေ ဖြစ်ပါတယ်။

အဲဒီလိုပဲ တောင်တန်းတွေ ထိစပ်နေတဲ့ ဘင်္ဂလားဒေ့ရ်ှနိုင်ငံ တောင်တန်းတွေပေါ်မှာလည်း မြိုတိုင်းရင်းသားတွေ တောင်ယာလုပ်ရင်း နေထိုင်လာခဲ့ကြတာ နှစ်ရာထောင်ချီ ရှိနေခဲ့တာလည်း ဖြစ်ပါတယ်။ ရခိုင်တိုင်းရင်းသား မျိုးနွယ်စုတွေဟာ ဘင်္ဂလားဒေ့ရ်ှနိုင်ငံ မပေါ်ပေါက်ခင် ရှေးရခိုင်ဘုရင် ခေတ်ကတည်းက နတ်မြစ်တစ်ဖက်ကမ်းမှာ နေထိုင်လာကြသူတွေ ဖြစ်ပါတယ်။

ဘင်္ဂလားဒေ့ရ်ှနိုင်ငံ ပေါ်ပေါက်လာတဲ့ အခါကျမှ ရခိုင်မျိုးနွယ်စုဝင် တိုင်းရင်းသားတွေဟာ နိုင်ငံကွဲ ဒေသကွဲသလို ဖြစ်သွားခဲ့ကြပေမယ့် ဓလေ့၊ ထုံးစဉ်၊ ဘာသာစကား၊ ရိုးရာယဉ်ကျေးမှုတွေက ပုံစံမပျက် အတူရှိနေခဲ့ ကြတာလည်း ဖြစ်ပါတယ်။

ယခင်က ဘင်္ဂလားဒေ့ရ်ှနိုင်ငံ တောင်တန်းဒေသတွေမှာ ဘင်္ဂါလီတွေ မရှိပေမယ့် အခုဘင်္ဂါလီတွေ ရပ်ရွာ တိုးချဲ့လာခြင်း၊ တောင်ယာလုပ်ငန်းတွေကို တားမြစ်လာခြင်း၊ လူနည်းစုကို လူအများစုက နိုင်ထက်စီးနင်းပြုပြီး ဥပဒေအရ အကာအကွယ်မရခြင်း၊ ပညာရေး၊ ကျန်းမာရေး မပြည့်စုံခြင်းတို့ကြောင့် မြန်မာနိုင်ငံက သူတို့ရဲ့ မျိုးနွယ်စုတွေရှိတဲ့ နေရာတွေကို ၀င်ရောက်ခိုလှုံ လာခဲ့ကြတာလည်း ဖြစ်ပါတယ်။

ကိုယ့်အမျိုးတွေရှိတဲ့ မြန်မာနိုင်ငံကို ၀င်ရောက်လာခဲ့ ပေမယ့်လည်း အကြမ်းဖက်မှုတွေ ဖြစ်ခဲ့တဲ့ မောင်တောဒေသမှာလည်း သူတို့ရဲ့ ဘ၀လုံခြုံရေး အာမခံချက်ဟာ မရှိ ဆိုတာကို ဦးဒူလူက သက်သေထူနေပါတယ်။

အစိုးရက ထွက်ပြေးသွားတဲ့ ဘင်္ဂါလီတွေ ပြန်ဝင်လာရေးအတွက် ကုလသမဂ္ဂ အဖွဲ့တွေနဲ့တစ်ဖက် ဘင်္ဂလားဒေ့ရ်ှနိုင်ငံ အစိုးရတွေနဲ့ ချိတ်ဆက်လုပ်ဆောင် နေပေမယ့် နှစ်နိုင်ငံ အစိုးရချင်း သဘောတူထားတဲ့ လမ်းအတိုင်း ၀င်ရောက်လာသူ အခုထိ တစ်ဦးတစ်ယောက်မှ မရှိသေးပါဘူး။ ဒါပေမဲ့ မောင်တောဒေသကို နယ်စပ်ခြံစည်းရိုးကို ဖြတ်ကျော်ပြီး ခိုးဝင်လာတဲ့ ဘင်္ဂါလီတွေကတော့ ဖမ်းဆီးရမိတဲ့ အရေအတွက်တောင် တစ်ရာကျော်ပါတယ်။ ခိုးဝင်လာလို့ ဖမ်းဆီးမိတဲ့ သူတွေကိုလည်း နိုင်ငံတော်သမ္မတက လွတ်ငြိမ်းချမ်းသာခွင့်ပေးပြီး ပြန်လည် လက်ခံထားတာ ရှိပါတယ်။ ဒါပေမဲ့ ခိုးဝင်သူတွေ ဆက်ရှိနေဆဲလို့ ဒေသခံ တိုင်းရင်းသားတွေက အမြဲပြောနေတာ ရှိပါတယ်။ နယ်စပ်ဖြတ်ကျော် ခိုးဝင်တယ်။ နွားတွေကို ခိုးတယ်။ ရွာအပြင် တောစပ်၊ ချောင်းစပ်တွေမှာတွေ့တဲ့ တိုင်းရင်းသားတွေကို သတ်ဖြတ်တယ်။ ဒါတွေဟာ အကြမ်းဖက်မှု ဖြစ်စဉ်နောက်ပိုင်းမှာ ဆက်ဖြစ်နေတာ ဖြစ်ပါတယ်။

ဦးဒူလူ သတ်ဖြတ်ခံရမှုဖြစ်စဉ် မတိုင်ခင်မှာလည်း အလားတူ ဖြစ်စဉ်တွေ ဖြစ်ခဲ့ပါတယ်။

ဧပြီ ၄ ရက်က မောင်တော မြောက်ပိုင်း ခမောင်းဆိပ်ကျေးရွာမှာ ခိုလှုံနေကြတဲ့ မြိုတိုင်းရင်းသား အမျိုးသား သုံးဦးနဲ့ မြိုအမျိုးသမီး ငါးဦး စုစုပေါင်း ရှစ်ဦးသည် ဘော်တလာ ကျေးရွာဘက်ကို ဟင်းစားရှာသွားရင်း ရွှေဇံချောင်းနားမှာ ဓား ရှည်ကိုယ်စီကိုင်ဆောင်ထားတဲ့ ဘင်္ဂါလီသုံးဦးနဲ့တွေ့လို့ ထွက်ပြေး လာခဲ့ကြပေမယ့် ဒေါ်ဆောင်ရွေး ဆိုတဲ့ မြိုအမျိုးသမီး သတ်ဖြတ်ခံခဲ့ရပါတယ်။

ဧပြီ ၁၄ ရက်ကလည်း မောင် တောမြောက်ပိုင်း သဲချောင်းအုပ်စု သင်္ဘောလှကျေးရွာနေ ဒေါ် မလာ နု (၁၉ နှစ်) မိခင်ဖြစ်သူ ဒေါ်ပန်း ညွန့်(၄၅ နှစ်) တို့ဟာ သင်္ဘောလှကျေးရွာ၏ အနောက်ဘက် ချောင်းစပ်တွင် အ၀တ်လျှော်နေရင်း မိခင်ဖြစ်သူ ဒေါ်ပန်းညွှန်က ရေချိုးပြီး ရွာပြန်သွားစဉ် ဘင်္ဂါလီအကြမ်းဖက် နှစ်ဦးရောက်လာပြီး သူမရဲ့ဦးခေါင်း ကို ချောင်းရေမှာနှစ်ပြီး သင်္ဘောလှ ကျေးရွာမှာ စစ်ကြောင်းရှိလား မေးမြန်းခြိမ်းခြောက်တာကို ခံခဲ့ရပါတယ်။

ဧပြီ ၁၉ ရက်က မောင်တော မြို့နယ်မြောက်ပိုင်း မင်းကြီးကျေးရွာကို ညအချိန် ၀င်ရောက်လာခဲ့တဲ့ ဘင်္ဂါလီ တစ်ဦးကို ကျေးရွာသားတွေ ဖမ်းမိခဲ့ပါတယ်။

ဇူလိုင် ၂၀ ရက်နေ့လယ်ပိုင်းကလည်း မင်းကြီးရွာအနီးမှာ ဓားကိုင်ထားတဲ့ ဘင်္ဂါလီငါးဦးကို ရွာသားတွေ တွေ့ရှိခဲ့တဲ့ဖြစ်စဉ် ရှိခဲ့ပါတယ်။

မောင်တောဟာ သာလာယံ ဇရပ်လို ဖြစ်နေပြီလား

အကြမ်းဖက်ဖြစ်စဉ်ပြီး နောက်ပိုင်း တစ်ဖက်နိုင်ငံကို ထွက်ပြေးသွားကြသူတွေကို  ပြန်လည် လက်ခံရေး အစိုးရက အကောင်အထည်ဖော် ဆောင်ရွက်နေပေမယ့် တရားဝင် လမ်းကြောင်းကနေ ၀င်မလာဘဲ ခိုးဝင်လာသူတွေ ရှိနေတယ်။ မြို့၊ ရွာတွေမှာ လူတွေ တစ်စတစ်စ များပြားလာနေတယ်။ မြို့ပေါ်မှာတောင် မျက်နှာစိမ်းတွေကို မြင်တွေ့နေရပြီလို့ ဒေသခံ တိုင်းရင်းသားတွေက ပြောဆိုနေကြပါပြီ။

“တရားမ၀င် ဖြတ်ကျော်တာတွေ၊ နယ်စပ်ဖြတ်ကျော် ခိုးဝင်တာတွေ ရှိနေပါတယ်။ မောင်တောမှာက နတ်မြစ်ထဲမှာလည်း NAVY တွေရှိတယ်။ ကမ်းခြေမှာလည်း လုံခြုံရေးလည်းရှိတယ်။ ဘယ်လိုခိုးဝင်လို့ရမလဲ။ အခုက တရားဝင် သွားလာနေသလို ၀င်ချင်သလိုဝင် ထွက်ချင်သလိုထွက် ကျွန်တော်တို့ မောင်တောမြို့နယ်ဟာ သာလာယံဇရပ်လို ဖြစ်နေပါတယ်။ ဘာကြောင့် အဲဒီလို ဖြစ်နေလဲဆိုရင် တရားဥပဒေစိုးမိုးမှု မရှိလို့ ဖြစ်ရတာ” ဟု ပြည်နယ်လွှတ်တော် ကိုယ်စားလှယ် ဦးမောင်အုန်းက ဝေဖန်ပါတယ်။

တစ်ဖက်နိုင်ငံသို့ ထွက်ပြေးသွားသူများထဲက ၂၀၁၈ ခုနှစ် ဧပြီကနေ စက်တင်ဘာလအထိ  UEHRD လုပ်ငန်းစဉ်ဖြင့် တရားဝင် ပြန်လည်လက်ခံခဲ့သူ စုစုပေါင်း ၁၇၁  ဦးသာ ရှိပါသေးတယ်။

ဝင်ရောက်လာသူတွေမှာ ၂၀၁၈ ခုနှစ် ဧပြီ ၁၄ ရက်က တောင်ပြို လက်ခံရေးစခန်းမှ ၀င်ရောက်လာခဲ့ သူ ငါးဦး၊ ဇူလိုင်လ ၂၁ ရက်က ငါးခူရ ပြန်လည်လက်ခံရေးစခန်းမှ ပြန် လည်ဝင်ရောက်လာသူ ခြောက်ဦး၊ စက်တင်ဘာ ၄ ရက်က တောင်ပြို လက်ခံရေးစခန်းမှ ပြန်လည်ဝင် ရောက်လာသူ ခြောက်ဦး စုစုပေါင်း ၁၇ ဦးသာ တရားဝင် ၀င်ရောက်လာ သူတွေဖြစ်ပြီး နယ်စပ်ဖြတ်ကျော် ပြန်လည်ခိုးဝင်လာလို့ ဖမ်းဆီးရမိ သူ ၆၂ ဦးကိုလည်း အရေးယူပြီး နောက် နိုင်ငံတော်သမ္မတရဲ့ လွတ် ငြိမ်းချမ်းစွာနဲ့ ပြန်လွှတ်ပေးပြီး ပြန် လည်လက်ခံရေးစခန်းကိုပို့ကာ လက်ခံခဲ့ပါတယ်။ ဒါ့အပြင် ဇွန်လ အတွင်းက ရသေ့တောင် ကမ်းခြေ သို့ စက်လှေပျက်ပြီး ရောက်ရှိ လာသူ ၉၂ ဦးဟာလည်း တရားဝင် ပြန်လည် ၀င်ရောက်လာသူတွေ မဟုတ်ပါဘူး။

စာရင်းတွေ အရပြောရရင် တရားဝင် သက်ဆိုင်ရာ ပြန်လည် လက်ခံရေးစခန်းကို အကြောင်းကြား ပြီးပြန်ဝင်လာသူမှာ ၁၇ ဦးသာရှိပြီး ကျန်ဘင်္ဂါလီတွေဟာ ခိုးဝင်တွေဖြစ် ပါတယ်။

ဇွန် ၂၈ ရက်က တစ်ဖက်နိုင်ငံမှ လူ ၁၂ ဦးခန့်ဟာ  မြန်မာ-ဘင်္ဂလားဒေ့ရှ် နယ်စပ်ခြံစည်းရိုး ကာရံထားတာကို လာဖျက်ဆီးလို့ လုံခြုံရေး တပ်ဖွဲ့ဝင်တွေက ခြောက်လှန့် ပစ်ခတ်ခဲ့ရကြောင်း၊ ဇူလိုင် ၁၆ ရက်ကလည်း မြန်မာ-ဘင်္ဂလားဒေ့ရှ် နယ်စပ်ခြံစည်းရိုးအား ကျော်တက်ခိုးဝင်ရောက်လာသူ ဘင်္ဂါလီနှစ်ဦးအား ဖမ်းဆီးရမိခဲ့ကြောင်း ပြန်ကြားရေးက သတင်းထုတ်ပြန်ခဲ့ပါတယ်။

တိုင်းရင်းသားတွေအတွက် ရွာသစ်တွေ တည်ပေးတယ်

ဘင်္ဂါလီတွေရဲ့ အကြမ်းဖက်ရန်ကို စိုးရိမ်တာကြောင့် မောင်တောမြို့နယ် မြောက်ပိုင်းမှာ ခိုလှုံနေထိုင်လျက် ရှိကြတဲ့ မောင်တောမြို့နယ်နှင့် ဘူးသီးတောင်မြို့နယ်က တောင်ပေါ်နေ မြို၊ ဒိုင်းနက် စတဲ့မျိုးနွယ်စုဝင်တွေ အတွက် နေအိမ်များ တည်ဆောက်ပေးပြီး ဘ၀ရေရှည် တည်တံ့နိုင်ရေး အတွက် UEHRD အစီအစဉ်နဲ့ အလုပ်အကိုင်နှင့် ၀င်ငွေရရှိရေးအတွက် ဆောင်ရွက်လျက်ရှိတယ်လို့ ရခိုင်ပြည်နယ် အစိုးရအဖွဲ့ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ဖုန်းတင့်က ပြည်နယ်လွှတ်တော်မှာ ပြောပါတယ်။

တိုင်းရင်းသား မျိုးနွယ်စုတွေဟာ သစ်တုံးနားခွဆုံ၊ ခုံတိုင်ကျေးရွာ၊ သုပဏ္ဏက၊ ခမောင်းဆိပ် စတဲ့ရွာတွေမှာ ၀င်ရောက်ခိုလှုံနေကြတာ ဖြစ်ပြီးတော့ အဲဒီအထဲကမှ သစ်တုံးနား ခွဆုံရွာသစ်တွင် နေအိမ် ၁၀၄ လုံး တည်ဆောက်ပေးပြီး စားနပ်ရိက္ခာအတွက် WFP မှ ထောက်ပံ့ပေးလျက်ရှိကြောင်း၊ ဘူးသီးတောင်မြို့နယ်၊ ပန်ဇီရွာနှင့် ဆန်ပြာရွာက မိသားစုဝင်တွေနဲ့ အခြားလာရောက် ခိုလှုံတဲ့ တိုင်းရင်းသား မျိုးနွယ်စုတွေအတွက် ခုံတိုင်ကျေးရွာမှာ နေအိမ် ၂၂၆ လုံး ဆောက်လုပ်ရန် လျာထားပြီး ဆောက်လုပ်ပြီးစီးပါက နေရာချထားပေးမယ်လို့ ဗိုလ်မှူးကြီး ဖုန်းတင့်က ပြောပါတယ်။

တောင်ပေါ်နေတိုင်းရင်းသားတွေ သတ်ဖြတ်ခံလာရတယ်

အကြမ်းဖက်တိုက်ခိုက်မှု မစတင်မီ ၂၀၁၇ ခုနှစ် သြဂုတ် ၃ ရက်က မောင်တောမြို့နယ် ဇော်မတက် ကျေးရွာအုပ်စု၊ ကိုင်းကြီး (နတလ) ကျေးရွာအရှေ့ဘက် ကိုင်းကြီးမြိုရွာရဲ့ မြောက်ဘက် တစ်မိုင်ခန့်အကွာ မေယုတောင်ကြားမှာရှိတဲ့ တောင်ယာစိုက်ခင်းဆီ သွားရောက်ခဲ့တဲ့ မြိုလူမျိုး ရှစ်ဦးဟာ ARSA အကြမ်းဖက်သမားများတွေရဲ့ ရက်ရက်စက်စက် သတ်ဖြတ်တာကို ခံခဲ့ရပါတယ်။ အဲဒီဖြစ်စဉ်ကြောင့် ကိုင်းကြီးမြိုကျေးရွာသားတွေဟာ သူတို့ရွာမှာ မနေရဲတော့ဘဲ တစ်ရွာလုံး နေရပ်စွန့်ခွာ ခဲ့ကြပါတယ်။

အဲဒီဖြစ်စဉ်ပြီးနောက် သြဂုတ် ၂၅ ရက်နေ့မှာ ARSA ဘင်္ဂါလီ အကြမ်းဖက်အဖွဲ့က လုံခြုံရေးစခန်းတွေကို ၀င်ရောက် တိုက်ခိုက်ခဲ့ပါတယ်။ အဲဒီဖြစ်စဉ်မှာ မြိုလူမျိုးတွေ အပါအ၀င် တိုင်းရင်းသား ၁၇ ဦး သေဆုံးခဲ့ပြီး ပျောက်ဆုံးသူတစ်ဦး၊ ဒဏ်ရာရသူ ၁၂ ဦး ရှိခဲ့တယ်လို့ မောင်တောခရိုင် အထွေထွေ အုပ်ချုပ်ရေး ဦးစီးဌာနက သိရပါတယ်။ အဲဒီဖြစ်စဉ် မတိုင်ခင် ၂၀၁၆ အောက်တိုဘာကနေ ၂၀၁၇ ခုနှစ် သြဂုတ်လ ၂၄ ရက်အထိ တိုင်းရင်းသား သတ်ဖြတ်ခံခဲ့ရပြီး ပျောက်ဆုံးသူ ၁၀ ဦးထိ ရှိခဲ့တာလည်း ဖြစ်ပါတယ်။

“အခုအချိန်မှာ တောင်ပေါ်မှာ ရိုးရိုးသားသား နေလာကြတဲ့ ကျွန်တော်တို့ မြိုလူမျိုးတွေဟာ မြေစာပင်တွေလို တစ်စတစ်စ သတ်ဖြတ်ခံနေရပါတယ်။ ဟင်းခူးသွားလည်း အသတ်ခံရတယ်။ ငါးရှာသွားလည်း အသတ်ခံရတယ်။ နွားကျောင်းရင်းနဲ့လည်း အသတ်ခံရတယ်။ လုံခြုံမှု မရှိလို့ တောင်ပေါ်ရွာတွေကို စွန့်ခွာလာခဲ့ပြီး လုံခြုံရေးရှိတဲ့ အရပ်ဒေသမှာ နေလာပေမယ့် အသတ်ခံနေရဆဲ ဖြစ်ပါတယ်။ ကျွန်တော်တို့ တိုင်းရင်းသားတွေဟာ ဆင်းရဲကြတယ်။ ပညာမတတ်ကြဘူးဆိုတော့ ဒီလိုသာ သတ်ဖြတ်ခံရကြရရင် လူမျိုးပြုန်းဖို့ပဲ ရှိပါတယ်။ ရခိုင်ပြည်နယ် တစ်ခုလုံးမှာ မြိုလူမျိုးဦးရေဟာ ၃၀၀၀၀ မပြည့်ပါဘူး” ဟု မြိုတိုင်းရင်းသား စာပေယဉ်ကျေးမှု အသင်းဥက္ကဋ္ဌ ဦးဇနီဖြူက ပြောပါတယ်။

တစ်နှစ်တာ ကာလအတွင်းမှာတော့ မြိုတိုင်းရင်းသားတွေအတွက် နေအိမ်တွေကို အစိုးရကနေ တည်ဆောက် ပေးထားပြီးလည်း ဖြစ်ပါ တယ်။ ဒါပေမဲ့ မြိုတိုင်းရင်းသားတွေရဲ့ မျက်ရည်က မခန်းခြောက်သေးပါ။

“အခု တစ်နှစ်ပြည့်သွားပေမယ့် တောင်ကိုလည်း မတက်ရဲဘူး။ ချောင်းကိုလည်း မဆင်းရဲဘူး။ ဘာဖြစ်လာမလဲ ဆိုတာကို စိုးရိမ်နေရတယ်။ ထပ်ပြီးဖြစ်မှာကို စိုးရိမ်တယ်” လို့ သားတစ်ယောက်၊ ညီတစ်ယောက်ကို ဆုံးရှုံးခဲ့ရတဲ့ ကိုင်းကြီးကျေးရွာက မြိုတိုင်းရင်းသား ဦးစံထွန်းက ပြောပါတယ်။

ထွက်ပြေးဘင်္ဂါလီတွေ နေ့စဉ်နဲ့အမျှ ပြန်လည်ခိုးဝင်နေတာတွေကို ကြပ်ကြပ်မတ်မတ် ဖမ်းဆီးအရေးယူပေးဖို့ မောင်တောမြို့ခံတွေက ၂၀၁၇ ခုနှစ် နိုဝင်ဘာလကတည်းက တောင်းဆိုခဲ့ကြတာ ရှိပါတယ်။ တိုင်းရင်းသားတွေရဲ့ဘ၀ လုံခြုံရေးတွေ ဘယ်လောက်အထိ အာမခံချက်မရှိ ဖြစ်နေလဲ ဆိုတာကို တိုင်းရင်းသား ကိုယ်တိုင်ပဲ သိကြတာပါ။

နယ်စပ်တစ်လျှောက် မပြတ်ကင်းလှည့်နေတယ်။ လုံခြုံရေးတွေ တိုးချထားတယ် ဆိုပေမယ့် နယ်စပ်ကို ဖြတ်ကျော်ပြီး ခိုးဝင်နေတဲ့ အကြမ်းဖက်သမားတွေဟာ တိုင်းရင်းသားတွေရဲ့ အသက်တွေကို ခြိမ်းခြောက်မှု ရှိနေပါတယ်။ ဒါပေမဲ့ နိုင်ငံတကာကတော့ လူနည်းစု တိုင်းရင်းသားတွေ သတ်ဖြတ်ခံရတာကို မျက်ကွယ်ပြုပြီး ဘင်္ဂါလီတွေ နေရပ်ပြန်လာရေးကိုပဲ ဦးစားပေး ပြောဆိုနေတာ အစိုးရကို ဖိအားပေးနေတာကို တွေ့နေရပါတယ်။

မောင်တောဒေသကို နိုင်ငံတကာ သံတမန်တွေ၊ ၀န်ကြီးတွေ မပြတ်ရောက်နေပါတယ်။ သူတို့အဓိက လာကြည့်တာဟာ ဘင်္ဂါလီတွေ နေရပ်ပြန်လာရေးအတွက် ပြင်ဆင်ထားတာကိုပဲ ဦးစားပေး လာကြည့်တာ ဖြစ်ပါတယ်။ သစ်တုံးနားခွဆုံက မြိုတိုင်းရင်းသား ဦးဒူလူ အသတ်ခံရတဲ့ နေ့ကလည်း မောင်တောဒေသကို ဗြိတိန်နိုင်ငံ နိုင်ငံခြားရေးနှင့် ဓနသဟာယရေးရာဝန်ကြီး Rt.Hon. Jeremy Hunt MP ရောက်ရှိနေခဲ့တာ ဖြစ်ပါတယ်။

ဒါပေမဲ့ သူပြန်သွားပြီးနောက် ပြောသွားတာကတော့ ရခိုင်အရေး ဖြေရှင်းရာမှာ တာဝန်ခံမှု တရားမျှတမှု မရှိဘူးဆိုရင် နိုင်ငံတကာ အသိုင်းအ၀ိုင်းအနေနဲ့ ဒီကိစ္စကို နိုင်ငံတကာ ရာဇ၀တ်ခုံရုံး တင်ဖို့အပါအ၀င် တခြားနည်းလမ်း အားလုံးကို သုံးသပ်သင့်တယ်လို့ ပြောသွားပါတယ်။

ဒါကြောင့် ဘယ်နိုင်ငံ၊ ဘယ်လိုပုဂ္ဂိုလ်မဆို တိုင်းရင်းသားတွေ၊ လူနည်းစုတွေ သတ်ဖြတ်ခံရတာကို မသိကျိုးကျွန် ပြုနေဦးမှာ ဖြစ်ပါတယ်။

ဒါကြောင့် အနောက်တံခါးက လူနည်းစု တိုင်းရင်းသားတွေရဲ့ ဘ၀လုံခြုံမှုရှိဖို့ သူတို့ရဲ့ ခံစားချက်တွေ တောင်းဆိုချက်တွေကို လျစ်လျူမရှုဖို့လိုတယ် ဆိုတာကို ဦးဒူလူက အသက်စတေးခံပြီး ပြောခဲ့တာ ဖြစ်ပါတယ်။

အဓိက,ကတော့ အနောက်တံခါးမှာ ဘ၀လုံခြုံမှု ကင်းမဲ့နေတဲ့ တိုင်းရင်းသားတွေကို အစိုးရက ဘယ်လို အကာအကွယ်ပေးမလဲ ဆိုတာကို တိုင်းရင်းသားတွေ မျှော်လင့်နေကြပါတယ်။

 

ကျောက်ဖြူမြို့နယ်၌ သံဇစ်မြစ်ရေ နောက်ကျိမှု ဖြစ်ပွားပြီးနောက် ယခုရက်ပိုင်းအတွင်း လောင်းချောင်း မြစ်နံဘေး တစ်လျှောက်တွင် မရေတွက်နိုင်သော ဂုံးအသေကောင်များ တွေ့ရှိလာ

သေဆုံးနေသော ဂုံးများကို ကမ်းခြေတစ်လျှောက်တွင် တွေ့ရစဉ် (ဓာတ်ပုံ-ကိုမျိုးလွင် (အမ်း))

ရခိုင်ပြည်နယ် ကျောက်ဖြူမြို့နယ်တွင် သံဇစ်မြစ်ရေနောက်ကျိမှု ဖြစ်ပွားပြီးနောက် ယခုရက်ပိုင်းအတွင်း လောင်းချောင်းမြစ်နံဘေးတွင် မိုင်နှင့်ချီ ပျံ့နှံ့နေသော ဂုံးအသေကောင်များကို တွေ့ရှိလာရကြောင်း သိရသည်။

ယခု ဂုံးအသေကောင် အများအပြား တွေ့ရှိသော နေရာတွင် ယခင်က ဂုံးအသေကောင်များ မတွေ့ရသလောက် နည်းပါးပြီး နောက်ကျိရေပေါ်လာပြီး နောက်ပိုင်း ဂုံးကောင် တစ်ရာတွင် အကောင်သေ ၉၀ ခန့် တွေ့ရှိလာရကြောင်းနှင့် ဂုံးကောက်သူများ အနေဖြင့်လည်း အဆင်မပြေမှုများ ရှိလာကြောင်း သိရသည်။

ယင်းနှင့်ပတ်သက်ပြီး ကွင်းဆင်းလေ့လာမှုများကို လုပ်ကိုင်နေကြသော တရုတ်-မြန်မာ ပိုက်လိုင်း စောင့်ကြည့်ရေး အဖွဲ့မှ အမ်းမြို့နယ် တာဝန်ခံ ကိုမျိုးလွင်က “အခုဂုံး အသေတွေ့ရတာက ကျောက်ဖြူမြို့နယ် လောင်းချောင်းမြစ်ကမ်းဘေးမှာ ပိုများတယ်။ ကမ်းခြေတစ်လျှောက်မှာ မိုင်နဲ့ချီပြီး သေဆုံးနေတဲ့ ဂုံးကောင်တွေကို တွေ့ရတယ်။ ဒီရေကျသွားတော့ သေသွားတဲ့ ဂုံးတွေက အတိုင်းသား မြင်နေရတယ်။ အရင်ကဆိုရင် ရွှံ့ထဲမှာနစ်နေပြီး အသေတွေ မတွေ့ရသလောက် ရှိခဲ့တယ်။ နောက်ပြီး ဂုံးကောက်တဲ့လူတွေ ရာနှင့်ချီပြီးလည်း အရေပြားရောဂါတွေ ဖြစ်ပွားနေတာကို တွေ့ ရတဲ့အတွက် စိုးရိမ်ရပါတယ်။ ဘာကြောင့်ဖြစ်တယ် ဆိုတာကို ရခိုင်ပြည်နယ် အစိုးရအဖွဲ့ကို တင်ပြခဲ့ပေမယ့် မသေချာ မရေရာတဲ့ အဖြေကိုသာ ရခဲ့တယ်။ မနက်ဖြန်ဆိုရင် အရေပြားရောဂါ ဖြစ်နေတဲ့လူ ငါးဦးကို ကျောက်ဖြူဆေးရုံပို့ပြီး စစ်ဆေးကုသဖို့ရှိတယ်” ဟု ပြောကြားသည်။

ယင်းအပြင် အဆိုပါ ဂုံးအသေများကို ကျောက်ဖြူမြို့နယ်အပြင် အမ်းမြို့နယ်အတွင်းလည်း တွေ့ရှိမှုများလာပြီး ယခင်က ပင်လယ်ရေလှိုင်းများကြောင့် ပေါ်လာသည်များ အနည်းငယ်ကို တွေ့ရသော်လည်း ယခုအခါတွင် အများအပြားကို မြင်တွေ့လာရပြီး ဂုံးအရှင်ထင်ပြီး ယူကြည့်ရာ သေနေသော ဂုံးများသာ ဖြစ်ကြောင်း ကိုမျိုးလွင်က ဆိုသည်။

“ဂုံးကောက်တဲ့လူတွေကို မေးကြည့်တော့ ဒီလိုမျိုးရေမည်း (နောက်ကျိရေ) ၀င်ရောက်လာခဲ့ပြီး မကြာခင်မှာဘဲ ဂုံးအသေတွေကို တွေ့လာရတယ်လို့ ဆိုတယ်။ ဒါပေမဲ့ အခုလပိုင်းမှာက အသေတွေ များလာတယ်။ မရေတွက်နိုင်တဲ့ ဂုံးသေတွေကို တွေ့လာရတယ်။ ဒါဟာ ရေဆိုး ရေညစ်ကြောင့် ဖြစ်တယ်ဆိုတာ ထင်ရှားနေပါတယ်။ ဒါပေမဲ့ သက်ဆိုင်ရာက အတိအလင်း ဖြေရှင်းပေးတာမျိုး မရှိတော့ ပြောဖို့ခက်တယ်” ဟုလည်း ကိုမျိုးလွင်က ပြောကြားသည်။

 

ရခိုင်ပြည်နယ် လွှတ်တော်က ရခိုင်ပြည်နယ်အတွင်း ကျင့်သုံးရမည့် ဥပဒေ ၁၆ ခု ပြဋ္ဌာန်းထုတ်ပြန်ခဲ့ပြီး ဖြစ်သော်လည်း ရခိုင်ပြည်နယ်အစိုးရမှ အကောင်အထည်ဖော် ဆောင်ရွက်နိုင်ခြင်း မရှိသေးဟု လွှတ်တော်ဒုတိယဥက္ကဋ္ဌ ပြောကြား

ရခိုင်ပြည်နယ်လွှတ်တော် ဒုတိယဥက္ကဋ္ဌ ဦးမြသန်း ပြည်နယ်လွှတ်တော်တွင် မေးခွန်းမေးမြန်းစဉ်

ရခိုင်ပြည်နယ် လွှတ်တော်က ရခိုင်ပြည်နယ်အတွင်း ကျင့်သုံးရမည့် ဥပဒေ ၁၆ ခု ပြဋ္ဌာန်းထုတ်ပြန်ပြီး ဖြစ်သော်လည်း ရခိုင်ပြည်နယ်အစိုးရမှ အကောင်အထည်ဖော် ဆောင်ရွက်နိုင်ခြင်း မရှိသေးကြောင်း စက်တင်ဘာ ၂၁ ရက်က ကျင်းပသော ရခိုင်ပြည်နယ် လွှတ်တော်အဋ္ဌမ ပုံမှန်အစည်းအဝေး ဒသမနေ့တွင်  ရခိုင်ပြည်နယ်လွှတ်တော် ဒုတိယဥက္ကဋ္ဌက ပြောကြားသည်။

ပထမအကြိမ်နှင့် ဒုတိယအကြိမ် ရခိုင်ပြည်နယ် လွှတ်တော်က ဥပဒေ ၁၆ ခု ပြဋ္ဌာန်းထုတ်ပြန်ပြီး ဖြစ်သော်လည်း ယင်းဥပဒေများကို အကောင်အထည် ဖော်ရန်အတွက် အစီအစဉ် ရှိ၊ မရှိ မြေပုံမြို့နယ် မဲဆန္ဒနယ် အမှတ်(၂)မှ ပြည်နယ်လွှတ်တော် ကိုယ်စားလှယ် ဦးမြသန်း (ရခိုင်ပြည်နယ် လွှတ်တော် ဒုတိယဥက္ကဋ္ဌ) က မေးမြန်းခဲ့ခြင်းဖြစ်သည်။

ယင်းနှင့် ပတ်သက်ပြီး “ရခိုင်ပြည်နယ် လွှတ်တော်က ပြဋ္ဌာန်းခဲ့ပြီးတဲ့ ဥပဒေ ၁၆ ခု အထဲမှာ ဥပဒေသုံးခုကိုသာ အစိုးရအဖွဲ့ ပထမသက်တမ်းမှာ ထုတ်ပြန်နိုင်ခဲ့တာပဲ သိရပါတယ်။ ပြဋ္ဌာန်းဖို့ကျန်တဲ့ ဥပဒေတွေကို အစိုးရအဖွဲ့ သက်တမ်း နှစ်နှစ်ခွဲ ကျော်လာသည့်တိုင်အောင် ထုတ်ပြန်နိုင်တာ မရှိသေးပါဘူး” ဟု ပြည်နယ်လွှတ်တော် ဒုတိယဥက္ကဋ္ဌ ဦးမြသန်းက ပြောကြားသည်။

ဥပဒေများ ထုတ်ပြန်နိုင်ရေးကိစ္စနှင့် ပတ်သက်၍ ပြည်နယ်လွှတ်တော် ကိုယ်စားလှယ် ဦးခင်မောင်ဌေးကလည်း အဆိုတစ်ရပ် တင်သွင်းခဲ့ပြီး လွှတ်တော်က အတည်ပြုခဲ့သော်လည်း တစ်စုံတစ်ရာ ဆောင်ရွက်ခြင်း မရှိခဲ့ကြောင်း ပြောကြားသည်။

ယင်းနှင့်ပတ်သက်ပြီး ရခိုင်ပြည်နယ် အစိုးရအဖွဲ့ဝင် ပြည်နယ်ဥပဒေချုပ် ဦးကျော်လှထွန်းက ပြည်နယ်လွှတ်တော်မှ အတည်ပြု ပြဋ္ဌာန်းခဲ့ပြီးသော ဥပဒေများအနက် ဥပဒေ ခုနစ်ခုနှင့် စပ်လျဉ်းသည့် နည်းဥပဒေ ၁၄ ခု ကို ပြဋ္ဌာန်းပြီး ဖြစ်ပါကြောင်း၊ ကျန်ရှိသည့် ဥပဒေ ကိုးခုအနက် ဥပဒေ နှစ်ခုအား ရေးဆွဲပြီး ပြည်နယ်ဥပဒေချုပ်ထံ ဥပဒေအကြံပြုချက် တောင်းခံထားရှိပါကြောင်း၊ ယင်းအနက် ရခိုင်ပြည်နယ် ကျေးရွာထင်းစိုက်ခင်း ဥပဒေ၊ ရခိုင်ပြည်နယ် တိရစ္ဆာန်မွေးမြူရေးနှင့် စနစ်တကျ ထိန်းကျောင်းရေး ဥပဒေတို့နှင့် စပ်လျဉ်း၍ ပြည်ထောင်စုတွင် ပြင်ဆင်ပြဋ္ဌာန်းနိုင်ရေး ဆောင်ရွက်ဆဲ ဖြစ်သည့်အတွက် ပြည်ထောင်စုဥပဒေ ထွက်ရှိလာပါက ပြည်နယ်ဥပဒေနှင့် တိုက်ဆိုင်စိစစ်ပြီး ဆက်လက်ဆောင်ရွက်မည်ဖြစ်ပြီး နောက်ထပ်ဥပဒေ လေးခုကိုလည်း နည်းဥပဒေများနှင့် သက်ဆိုင်သည့် ဌာနများ၊ ဥပဒေကျွမ်းကျင် ပညာရှင်များဖြင့် ရေးဆွဲဆောင်ရွက် လျက်ရှိကာ နည်းဥပဒေများ ထုတ်ပြန်နိုင်ရေး အလေးထား ဆောင်ရွက်မည် ဖြစ်ကြောင်း ပြောကြားသည်။

 

စစ်တွေမြို့နယ်အတွင်း ကြိုးတုပ်ထားသည့် လူသေအလောင်းတစ်လောင်း တွေ့ရှိသဖြင့် စစ်ဆေးလျက်ရှိကြောင်း သိရ

ရခိုင်ပြည်နယ်၊ စစ်တွေမြို့နယ်၊ သုံးဆောင်ကျေးရွာအနီး ရွှေမင်းဂံချောင်းရေစပ်တွင် ကြိုးတုပ်ထားသည့် လူသေအလောင်းတစ်လောင်း တွေ့ရှိသဖြင့် စစ်ဆေးလျက်ရှိကြောင်း သိရသည်။

အဆိုပါ အလောင်းအား စက်တင်ဘာ ၂၀ ရက် နံနက်ပိုင်းက ကျေးရွာသားများ တွေ့ရှိသဖြင့် သက်ဆိုင်ရာသို့ အကြောင်းကြားခဲ့ပြီး စစ်တွေမြို့နယ် မီးသတ်စခန်းမှ ဦးစီးအရာရှိ ဦးဟန်စိုးဦးဆောင်၍ ရှာကယ်တပ်ဖွဲ့ဝင် ၁၀ ဦးနှင့် လူနာတင်ယာဉ်တစ်စီးဖြင့် သွားရောက်ခဲ့ပြီး မြန်မာနိုင်ငံ ရဲတပ်ဖွဲ့ဝင်များ၊ ကျေးရွာအုပ်ချုပ်ရေးမှူးနှင့် စစ်တွေပြည်သူ့ဆေးရုံမှ နာရေးကူညီမှုကားဖြင့် စစ်တွေပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

ယင်းအလောင်းတွေ့ရှိမှုနှင့် ပတ်သက်ပြီး စစ်တွေမြို့ အမှတ်(၂)ရဲစခန်းမှ စခန်းမှူး ရဲအုပ် အေးကျော်က “သေဆုံးနေတာကတော့ ရခိုင်လူမျိုးလို့ထင်ရတဲ့ အသက် ၄၀ လောက် လူတစ်ယောက် ဖြစ်ပါတယ်။ ၀ဲယာလက်မောင်းတွေမှာ ပန်းကနုတ်ပုံဆေးမင်ကြောင်တွေ ထိုးထားတယ်။ ၀ဲဘက်လက်မောင်းမှာ ၁၁၊ စတန ၀၆၇၅၆၈ ဆိုပြီး ရေးထားတယ်။ ဆိုတော့ အဲဒီစာသားတွေအရ လ၀ကရုံးကို သွားကြည့်တော့ အမျိုးသမီးတစ်ယောက်ရဲ့ နာမည်ဖြစ်နေတယ်။ အဲဒီအမျိုးသမီးက စစ်တွေမှာ နေထိုင်ခဲ့ပေမယ့် အခုရှာမတွေ့တော့ဘူး။ စစ်တွေကျေးတောနဲ့ ဆင်ကူးလမ်းမှာ နေခဲ့တယ်လို့ သိရတယ်။ မှတ်ပုံတင်အရတော့ အဲဒီအမျိုးသမီးကလည်း အသက် ၄၀ ၀န်းကျင် ဖြစ်နေတယ်။ ရန်ကုန်ကိုပြောင်းသွားပြီလို့သာ သိရတယ်။ လည်ပင်းမှာ ကြိုးတစ်ပင်ပါတယ်၊ ဘယ်ဘက်လက်ကောက်ဝတ်မှာ တစ်ခုချည်ထားတာကိုလည်း တွေ့ရတယ်။ ပြင်ပဒဏ်ရာတော့ မတွေ့ရဘူး။ ဒါကြောင့် လူသတ်မှုနဲ့ အမှုဖွင့်ထားပါတယ်” ဟု ပြောကြားသည်။

အဆိုပါ သေဆုံး၏ အမည်နှင့်နေရပ်တို့အား ရှာဖွေစုံစမ်းနေဆဲဖြစ်ကြောင်းနှင့် စစ်တွေမြို့ အမှတ် (၂) ရဲစခန်းမှ(ပ)၈၈/၂၀၁၈ ရာဇသတ်ကြီးဥပဒေပုဒ်မ ၃၀၂အရ အမှုဖွင့် စုံစမ်းနေကြောင်း သိရသည်။

ကျောက်ဖြူမြို့တား တာပေါင်ကျိုးပေါက်မှု ဖြစ်ပွားရာ အရေးပေါ် ပြန်လည်ဆည်ဖို့ခဲ့ရပြီး ဒီရေ၀င်ရောက်သည့် အတွက် စပါးစိုက်ဧက ရာနှင့်ချီ ပျက်စီး

ကျောက်ဖြူမြို့တား တာပေါင်ကျိုးပေါက်မှု ဖြစ်ပွားခဲ့သည်ကို တွေ့ရစဉ်

ရခိုင်ပြည်နယ် ကျောက်ဖြူမြို့တွင် မြို့ကိုကာရံထားသော တာပေါင်ကျိုးပေါက်မှု ဖြစ်ပွားခဲ့သည့်အတွက် အရေးပေါ် ပြန်လည်ဆည်ဖို့မှုများ ပြုလုပ်ခဲ့ရပြီး ယင်းသို့ ကျိုးပေါက်ခဲ့သည့်အတွက် မြစ်မှဒီရေများ ၀င်ရောက်ခဲ့ရာ စပါးစိုက်ဧက ရာချီပျက်စီးခဲ့ကြောင်း သိရသည်။

“မနက်ပိုင်းက ပေါက်သွားတာပေါ့။ ဒီတာပေါင်က မြို့ကိုတားထားတဲ့ တာပေါင်ဖြစ်တယ်။ ဒီရေမ၀င်နိုင်အောင် တားထားတာပေါ့။ အရင်တစ်ခေါက် ပေါက်တာက အခုပေါက်တာလောက် အန္တရာယ်မများခဲ့ဘူး။ အခုပေါက်တာက စပါးစိုက်ခင်းတွေ ပျက်စီးမှုရှိတယ်။ လယ်ဧကရာချီ ရှိမယ်လို့ ခန့်မှန်းတယ်။ အခုက ရေထရက်လည်း ဖြစ်နေတော့ မြေရေ၀င်သွားတဲ့အတွက် စပါးခင်းတွေ ပျက်စီးသွားတာ ဖြစ်ပါတယ်။ အရေးပေါ် ပြန်လည်ဆည်ဖို့မှုတွေ လုပ်ဆောင်လိုက်တယ်လို့ သိရတယ်” ဟု ကျောက်ဖြူဒေသခံ ဦးထွန်းကျော်က ပြောသည်။

ငလပွေ့ချောင်းညာဘက်ခြမ်း၊ ကျောက်ပြင်ရပ်ကွက် အောက်ဘက်၊ စိုင်ခြုံကူးတို့ဆိပ်မှ ကျောက်ဖြူမြို့ထိန်း တာပေါင် ဖြစ်ကြောင်းလည်း သိရပြီး တာပေါင်ကျိုးပေါက် ခဲ့သည့်အတွက် မြစ်မှဒီရေများ ၀င်ရောက်လာရာ စပါးခင်းများ ပျက်စီးခဲ့ခြင်းဖြစ်ကြောင်း၊ အခြားပျက်စီးမှု မရှိသလောက် ဖြစ်ကြောင်းလည်း သိရသည်။

 

ပုဒ်မ ၅၀၅ (ခ) ဖြင့် တရားစွဲဆို ခံထားရသည့် သင်္ဘောကွေ့ကျေးရွာမှ ဇနီးမောင်နှံနှစ်ဦးအား ခုနစ်ကြိမ်မြောက် ရုံးချိန်းတွင် တရားလိုသက်သေ တစ်ဦးတစ်ယောက်မျှ မရောက်သဖြင့် စစ်ဆေးနိုင်ခြင်းမရှိ

၅၀၅ (ခ) ဖြင့် တရားစွဲဆို ခံထားရသည့် သင်္ဘောကွေ့ကျေးရွာမှ ဇနီးမောင်နှံနှစ်ဦးအား သြဂုတ် ၂၉ ရက်က ခုနစ်ကြိမ်မြောက် ရုံးထုတ်ခဲ့ပြီး တရားလိုသက်သေ တစ်ဦးတစ်ယောက်မျှ မရောက်သဖြင့် စစ်ဆေးနိုင်ခြင်းမရှိဘဲ စက်တင်ဘာ ၃ ရက်သို့ ထပ်မံချိန်းဆိုခဲ့ကြောင်း သိရသည်။

“ဒီကနေ့ ရုံးချိန်းမှာ တရားလိုသက်သေ တစ်ဦးတစ်ယောက်မှ မရောက်တဲ့အတွက် လာမယ့် စက်တင်ဘာ ၃ ရက်ကို ရုံးထပ်ချိန်းပါတယ်”ဟု ရှေ့နေ ဦးသင်္ခါကျော်က ပြောကြားသည်။

သြဂုတ် ၂၁ ရက် ခြောက်ကြိမ်မြောက် ရုံးချိန်းတွင် တရားလို ဒုတိယမြို့နယ် အုပ်ချုပ်ရေးမှူးအား စစ်ဆေးခဲ့ကြောင်း သိရသည်။ ဇူလိုင် ၂၃ ရက် ဒုတိယအကြိမ် ရုံးချိန်းတွင် ဒေါ်ဥမ္မာကျော်အား အာမခံလျှောက်ထားခဲ့သော်လည်း ဇူလိုင် ၃၀ ရက်က တတိယအကြိမ် ရုံးထုတ်ခဲ့ရာတွင် ဒေါ်ဥမ္မာကျော်အား အာမခံလျှောက်ထားမှုကို ပယ်ချခံခဲ့ရသည်။

အဆိုပါ ၅၀၅ (ခ) ဖြင့် တရားစွဲဆိုခံထားရသည့် မောင်တောတောင်ပိုင်းရှိ သင်္ဘောကွေ့ ကျေးရွာသား သုံးဦးအနက် ဦးထွန်းမြင့်ဦးနှင့် ဒေါ်ဥမ္မာကျော်တို့အား ဇူလိုင် ၉ ရက်က ဖမ်းဆီးခဲ့ခြင်း ဖြစ်ကြောင်းနှင့် ပထမအကြိမ်အဖြစ် ဇူလိုင် ၁၆ ရက်က မောင်တောမြို့နယ် တရားရုံးတွင် ရုံးထုတ်ခဲ့ကြောင်း သိရသည်။

လက်ရှိတွင် ဖမ်းဆီးခံထားရသူ ဦးထွန်းမြင့်ဦး နှင့် ဒေါ်ဥမ္မာကျော်တို့အား ဘူးသီးတောင် အကျဉ်းထောင်တွင် ထိန်းသိမ်းထားကြောင်း သိရသည်။

သင်္ဘောကွေ့ကျေးရွာသား သုံးဦးအား ရာဇသတ်ကြီး ပုဒ်မ ၅၀၅(ခ) အရ ရာဇ၀တ်မှုကို ကျူးလွန်ကြောင်းနှင့် စွဲချက်ရှိသည်ကို ထုချေရှင်းလင်းရန် ဇူလိုင် ၉ ရက်အရောက် လာရောက်ရန် မြို့နယ်တရားရုံးမှ ဇူလိုင် ၈ ရက်က သမ္မန်စာပေးပို့ခဲ့ပြီး ကျေးရွာအား ဇူလိုင် ၉ ရက်တွင် သက်ဆိုင်ရာမှ ဖြိုဖျက်ခဲ့သည်။

မောင်တောမြို့နယ် သင်္ဘောကွေ့ကျေးရွာအား ဇူလိုင် ၉ ရက်တွင် သက်ဆိုင်ရာက ရှင်းလင်းဖယ်ရှားမှုများ ပြုလုပ်ခဲ့ပြီး ကျေးရွာသားများအား အင်းဒင်ကျေးရွာသို့ ပြောင်းရွှေ့ပေးမည်ဟု ပြောဆိုခဲ့သော်လည်း ကျေးရွာသားများက လက်မခံဘဲ ကျောက်ပန်းတူကျေးရွာ ဘုန်းတော်ကြီးကျောင်းသို့ ပြောင်းရွှေ့ခဲ့ကြောင်း သိရသည်။

ရခိုင်ပြည်နယ် အစိုးရအဖွဲ့က မောင်တောမြို့နယ် သင်္ဘောကွေ့ကျေးရွာ မီးလောင်ပြင်နေရာတွင် ဥပဒေမဲ့ ၀င်ရောက် နေထိုင်သူများအတွက် လမ်းပန်းဆက်သွယ်ရေး ကောင်းမွန်ပြီး သွားလာရ လွယ်ကူသည့် မောင်တောမြို့နယ် အင်းဒင်ရဲစခန်း အရှေ့ဘက်တွင် ကျေးရွာသစ် မြေနေရာရွေးချယ်ပြီး ယာယီ အဆောက်အအုံများ ဆောက်လုပ်ပေးကာ အမြဲနေထိုင်နိုင်ရေးအတွက် အခိုင်အမာအဆောက်အအုံ တစ်လုံး တည်ဆောက်ပေးလျက်ရှိကြောင်း ဇူလိုင် ၁၂ ရက်က အစိုးရမှ သတင်းထုတ်ပြန်ခဲ့သည်။

ရခိုင်ပြည်နယ် မြို့နယ်အသီးသီးမှ ရွှေ့ပြောင်းလာသူများသည် မောင်တောမြို့နယ် တောင်ပိုင်း သင်္ဘောကွေ့ကျေးရွာတွင် ၂၀၁၇ ခုနှစ် ဒီဇင်ဘာလက စတင်အခြေချ နေထိုင်ခဲ့ကြောင်း သိရသည်။

မြို့နယ် အထွေထွေအုပ်ချုပ်ရေးဦးစီးဌာနက ၂၀၁၈ ခုနှစ် ဖေဖော်ဝါရီ ၂၁ ရက်တွင် ဥပဒေမဲ့ ၀င်ရောက် နေထိုင်သူများအား သက်ဆိုင်ရာမှ တရားဝင်ခွင့်ပြုချက် တစ်စုံတစ်ရာမရရှိဘဲ နေထိုင်မှုမပြုရန် တားမြစ်ထားခဲ့ပြီး လိုက်နာမှုမရှိပါက တည်ဆဲဥပဒေအရ အရေးယူဆောင်ရွက်သွားမည်ကို အသိပေးအကြောင်းကြားခဲ့ကြောင်း၊ လိုက်နာဆောင်ရွက်မှု မရှိသဖြင့် ထပ်မံ၍ သတိပေးစာနှစ်ကြိမ် ထုတ်ပြန်ခဲ့ကြောင်း ၊ ဖေဖော်ဝါရီ ၂၅ ရက်က သင်္ဘောကွေ့ကျေးရွာ မီးလောင်ပြင်နေရာမှ ပြောင်းရွှေ့လာသည့် အိမ်ထောင်စု ၃၇ စုအား သက်ဆိုင်ရာမှ အင်းဒင်ကျေးရွာသစ်မြေနေရာသို့ စနစ်တကျ ပြောင်းရွှေ့ နေရာချထားပေးခဲ့ပြီး ဥပဒေမဲ့ နေထိုင်သူ အိမ်ထောင်စု ၂၄ စုမှာ မပြောင်းရွှေ့ဘဲ ဆက်လက်နေထိုင်လျက်ရှိသဖြင့် သက်ဆိုင်ရာက ဥပဒေနှင့်အညီ ရှင်းလင်းဖယ်ရှားခဲ့ခြင်း ဖြစ်ကြောင်း အစိုးရက သတင်းထုတ်ပြန်ထားသည်။

ရခိုင်ပြည်နယ် ရသေ့တောင်မြို့နယ်ရှိ လိုင်ဂွင်အလက(ခွဲ)တွင် စာသင်ဆောင် မလုံလောက်သဖြင့် ခုံပြားငယ်ပေါ်ထိုင်၍ စာသင်နေကြရ

ရသေ့တောင်မြို့နယ် လိုင်ဂွင်အလကခွဲတွင် ပညာသင်ယူနေသည့် ကျောင်းသား၊ ကျောင်းသူများအားတွေ့ရစဉ်

ရခိုင်ပြည်နယ်၊ ရသေ့တောင်မြို့နယ်ရှိ လိုင်ဂွင် အလကခွဲတွင် စာသင်ဆောင် မလုံလောက်သဖြင့် ကျောင်းသူ၊ ကျောင်းသားများမှာ ခုံပြားငယ်များပေါ်တွင် ထိုင်ပြီး စာသင်နေကြရကြောင်း သိရသည်။

ယင်းကျောင်းတွင် ကျောင်းသားများ တိုးလာသည့်အတွက် စာသင်ခန်း မလုံမလောက်ဖြစ်ကာ ကိုယ့်အားကိုယ်ကိုးနည်းဖြင့် ဆောက်လုပ်ကာ ယာယီပညာသင်နေ ကြရသော်လည်း ကျောင်းသားများအတွက် အဆင်မပြေ ဖြစ်နေကြောင်း သိရသည်။

ကျောင်းအုပ်ဆရာကြီး စောကျော်မြင့်က “ပင်မကျောင်းဆောင်က ရှစ်ဆယ်-သုံးဆယ် အဆောင် တစ်ဆောင်ပဲ ရှိတယ်ဆိုတော့ ကျောင်းသားဦးရေနဲ့ ကျောင်းနဲ့ မမျှမတ ဖြစ်နေပါတယ်။ အဲဒီပင်မကျောင်းမှာ မူလတန်း ကျောင်းသားတောင်မှ မဆံ့ဘူး ဖြစ်နေတယ်။ ဒါကြောင့် အလယ်တန်း အဆင့်အတွက် ကိုယ်ထူ ကိုယ်ထ ဆောက်လုပ်တဲ့ ဓနိမိုး၊ ၀ါးကြမ်းခင်းပြီး ကြမ်းမှာခုံပြားလေးနဲ့ထိုင်ပြီး စာသင်နေကြရတယ်။ အခန်းတစ်ခုနဲ့ တစ်ခုက အကာအရံလည်း မရှိတော့ စာသင်ရတာလည်း အဆင်မပြေဘူးဖြစ်နေတယ်၊ လုံခြုံမှုလည်း မရှိဘူးပေါ့” ဟု ပြော ကြားသည်။

ရသေ့တောင်မြို့နယ်တွင်း ကျောင်းများစွာ ရှိသည့်အနက် ထိုသို့ ကျောင်းဆောင်သစ် တိုးချဲ့ဆောက်လုပ်ရန် လိုအပ်ချက်များ ရှိနေပြီး ပြည်နယ်အစိုးရအနေဖြင့် ပြည်ထောင်စုအစိုးရသို့ ပြန်လည်အပ်နှံသည့် ငွေကြေးများ ရှိခဲ့သော်လည်း ဥပဒေနည်း ဥပဒေနှင့်အညီ လုပ်ဆောင်ခြင်း ဖြစ်သည့်အတွက် ကျောင်းလိုအပ်ချက်များကို ဖြည့်စွမ်းနိုင်ခြင်း မရှိခဲ့ကြောင်း ပြည်နယ်လွှတ်တော် ကိုယ်စားလှယ်များထံမှ သိရသည်။

“ခရိုင်က တစ်နှစ်မှာ နှစ်ကြိမ်လောက်လာပြီး စစ်ဆေးပေမယ့် ဘာမှထူးခြားမလာဘူး။ အဆောက်အအုံ လိုအပ်တယ် ဆိုတာကိုလည်း ကျွန်တော် အကြိမ်ကြိမ် တင်ပြခဲ့ဖူးတယ်၊ ကျောင်းဆောင်သစ် ကျမလာဘူး ဖြစ်နေတယ်။ ဒါကြောင့် သက်ဆိုင်ရာ တာဝန်ရှိသူတွေ လာရောက်ကြည့်ရှုပြီး အဆောက်အအုံသစ် တိုးမြှင့်ပေးဖို့ တောင်းဆိုချင်ပါတယ်၊ ကမန်တော်တို့ ကျောင်းအပြင် တခြားကျောင်းတွေလည်း စာသင်ဆောင် လိုအပ်ချက်တွေ ရှိနေတယ် ဆိုတာကို သိရတယ်။ ဒါကြောင့် ကူညီပံ့ပိုး ပေးချင်ပါတယ်။ ပညာရေးတိုးတက်ဖို့၊ ကလေးငယ်တွေရဲ့ အရည်အချင်း တိုးတက်လာဖို့အတွက် ကျောင်းဆောင်သစ် မရှိမဖြစ် လိုအပ်နေပါတယ်။ ဖြစ်နိုင်ရင် အလျား ၁၃၀ ပေ၊ အနံ ၃၀ ပေရမှ ရုံးခန်းလည်း ဖွင့်လှစ်နိုင်မှာ ဖြစ်ပါတယ်” ဟု လိုင်ဂွင် အလကခွဲ ကျောင်းအုပ်ဆရာကြီးက ပြောကြားသည်။

မူလတန်း လူဦးရေ ၁၂၀၊ အလယ်တန်း လူဦးရေ ၁၄၀ ကျော်ရှိကြောင်း သိရှိရပြီး ကျောင်းသားများအနေဖြင့် ပညာသင်ယူကြရသည်မှာ အဆင်မပြေကြောင်း၊ အခန်းချင်းကပ်ရပ် ဖြစ်သည့်အပြင် အကာအရံ မရှိသည့်အတွက် အခန်းတစ်ခန်းတွင် စာသင်လျှင် နောက်တစ်ခန်းတွင် စာသင်၍ မရနိုင်ကြောင်း၊ မူလတန်းတွင် တာပိုလိမ်ဖြင့် ခြားထားရကြောင်း သိရသည်။

အဆိုပါ ကျောင်းကို ၂၀၁၂-၁၃ တွင် မူလွန်ကျောင်းအဖြစ် အဆင့်တိုးမြှင့်ခဲ့ပြီး ၂၀၁၅-၁၆ တွင် အလကခွဲအဖြစ် တိုးမြှင့်ခဲ့ကြောင်း၊ ယင်းသို့တိုးမြှင့်ခဲ့သည့်အတွက် ကျောင်းသား၊ ကျောင်းသူများမှာလည်း ပိုမိုများပြား လာခဲ့သည့်အတွက် ကျောင်းဆောင် အနေအထားနှင့် မလုံမလောက် ဖြစ်နေရကာ ကျောင်းဆောင်သစ်တစ်ခု အမြန်ဆုံး ချထားဆောင်ရွက် ပေးစေလိုကြောင်း ကျောင်းတာဝန်ရှိသူများက ပြောကြားသည်။

 

ငါးဖမ်းလုပ်သား ၂၀ ပါဝင်သည့် ငါးဖမ်းစက်လှေ နစ်မြုပ်ရာတွင် ပါသွားသည့် ပျောက်ဆုံးနေသူ အချို့အား ရှာဖွေမတွေ့သေး

ရခိုင်ပြည်နယ် ကျောက်ဖြူမြို့မှ သြဂုတ် ၁၇ ရက် ငါးဖမ်းရန် ပင်လယ်ပြင်သို့ ထွက်ခွာလာသောလှေ နစ်မြုပ်မှု ဖြစ်ပွားခဲ့ပြီးနောက် သုံးဦး၏ ရုပ်အလောင်းအား ရှာမတွေ့သေးကြောင်း သိရသည်။

ဖြစ်စဉ်မှာ စိုးပိုင်အောင် အမည်ရှိ ငါးဖမ်းစက်လှေမှာ သြဂုတ် ၁၇ ရက်က ပင်လယ်ပြင်သို့ ထွက်ခွာခဲ့ပြီးနောက် ၂၀ ရက်တွင် ဆိုးရွားသော ရာသီဥတုဒဏ်ကြောင့် စက်လှေနစ်မြုပ်ခဲ့ပြီးနောက် အလောင်းသုံးလောင်းကို ပေါက်တောမြ်ို့နယ် သဲခုံကျေးရွာအနီးတွင် တွေ့ရှိခဲ့ရပြီး ကျန်လှေသမားများမှ ပျောက်ဆုံးနေခြင်းဖြစ်ကာ အလောင်းကို ရှာမတွေ့သေးခြင်း ဖြစ်ကြောင်းလည်း သိရသည်။

ယင်းနှင့်ပတ်သက်ပြီး ကျောက်ဖြူငါးလုပ်ငန်း ဦးစီးဌာနမှ အရာရှိ တစ်ဦးဖြစ်သူ ဦးသိန်းထွန်းက “ကျွန်တော်တို့ သတင်းရတာက သဲခုံဘက်မှ အလောင်းသုံးလောင်း တွေ့တယ်လို့ ပြောတယ်။ ကျန်တဲ့အလောင်းတွေတော့ မတွေ့သေးဘူး။ အဲဒီငါးဖမ်းလှေသမား တွေကလည်း ကျောက်ဖြူဒေသခံတွေ မဟုတ်ဘဲ တနင်္သာရီတိုင်း ဘက်က ငါးဖမ်းသမားတွေ ဖြစ်တယ်လို့ သိရတယ်” ဟု ပြောကြားသည်။

တွေ့ရှိသော အလောင်းများကို သဲခုံကျေးရွာတွင် သင်္ဂြိုဟ်ခဲ့ပြီး ကျန်ပျောက်ဆုံးနေသူများကို ရှာဖွေလျက်ရှိကြောင်း သိရသည်။