ရှမ်းပြည်နယ် ကျိုင်းတုံမြို့နယ်သို့ အလုပ်သွားလုပ်သော ရခိုင် ၅၁ ဦးအား နေရပ်ပြန်ပို့ခြင်းသည် လူမျိုးရေး ခွဲခြားမှုဖြစ်ပြီး တိုင်းရင်းသား စည်းလုံးညီညွတ်မှုကို ထိခိုက်နိုင်ဟုဆို

ရှမ်းပြည်နယ် ကျိုင်းတုံမြို့နယ်သို့ အလုပ်သွားလုပ်သော ရခိုင် ၅၁ ဦးအား နေရပ်ပြန်ပို့ခြင်းသည် လူမျိုးရေး ခွဲခြားမှုဖြစ်ပြီး တိုင်းရင်းသား စည်းလုံးညီညွတ်ရေးကို ထိခိုက်နိုင်ကြာင်း ရခိုင်အမျိုးသားကွန်ရက်မှ ဦးသိန်းရွှေက သြဂုတ် ၃၀ ရက်တွင် စမ်းချောင်းမြို့နယ် ရခိုင်အမျိုးသား ကွန်ရက်ရုံး၌ ပြုလုပ်သော သတင်းစာရှင်းလင်းပွဲတွင် ပြောကြားသည်။

ရခိုင်ပြည်နယ် ကျောက်ဖြူ၊ မင်းပြား၊ ပုဏ္ဏားကျွန်း၊ ပေါက်တော၊ မြောက်ဦးမြို့နယ်များမှ အမျိုးသား ၃၁ ဦး၊ အမျိုးသမီး ၂၀ စုစုပေါင်း အလုပ်သမား ၅၁ ဦးသည် ရှမ်းပြည်နယ် ကျိုင်းတုံမြို့နယ်သို့ စိုက်ပျိုးရေးလုပ်ငန်း လုပ်ကိုင်ရန် သွားရောက်ရာတွင် ရှမ်းပြည်နယ် ကျိုင်းတုံမြို့နယ်အရောက် သက်ဆိုင်ရာက ဖမ်းဆီး ထိန်းသိမ်းခဲ့ခြင်း ဖြစ်ကြောင်း ရခိုင်အမျိုးသားကွန်ရက်မှ ဦးသိန်းရွှေက ပြောကြားသည်။

“ကျွန်တော်တို့ ရခိုင် တိုင်းရင်းသား ကိုင်ဆောင်တဲ့ ၁၁/မှတ်ပုံတင် ဆိုရင် ဒီလိုခွဲခြားမှုတွေ ဖြစ်နေတာ ခဏခဏပဲ။ ဥပဒေ ချိုးဖောက်တာလည်း မဟုတ်ဘူး။ အပြစ်မရှိဘဲ ဖမ်းဆီးတာတွေ၊ ခရီးသွားလာခွင့် မပေးတာတွေဟာ လူမျိုးရေး ခွဲခြားမှုလို့ပဲ ပြောချင်တယ်။ အခုလိုလုပ်ခြင်းဟာ အစိုးရ၏ တို့တာဝန်အရေးသုံးပါးမှာ ပါတဲ့ တိုင်းရင်းသား စည်းလုံးညီညွတ်ရေးကို ထိခိုက်စေတယ်။ ဌာနေ ရခိုင်တိုင်းရင်းသားတွေ လွတ်လပ်စွာ ခရီးသွားလာခွင့်တွေ ပေးဖို့၊ လူမျိုးရေး ခွဲခြားမှုတွေ ထပ်မလုပ်ဖို့ အစိုးရကို တောင်းဆိုပါတယ်”ဟု ရခိုင်အမျိုးသားကွန်ရက်မှ ဦးသိန်းရွှေက ပြောကြားသည်။

ရခိုင်ပြည်နယ်မှ အလုပ်သမား ၅၁ ဦးသည် သြဂုတ် ၂၄ ရက်က ရှမ်းပြည်နယ် ကျိုင်းတုံမြို့နယ်သို့ အရောက်တွင် ကျိုင်းတုံမြို့နယ် လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနမှ တာဝန်ရှိသူများက တိုင်းမှူးအမိန့်အရ ဖမ်းဆီးခြင်း ဖြစ်ကြောင်း ပြောကြားပြီး ရခိုင်အမျိုးသား ၅၁ ဦးကို နေရပ်ပြန်ပို့ခြင်း ဖြစ်ကြောင်း မင်းပြားမြို့နယ်မှ ရခိုင် အလုပ်သမားတစ်ဦးဖြစ်သူ ကိုခိုင်သီဟက ပြောကြားသည်။

“၁၁/ မှတ်ပုံတင်ဆိုရင် ကားပေါ်က အကုန်ဆင်းခိုင်းတယ်။ ဘာကြောင့် ဖမ်းတာလဲ မေးလည်း မပြောဘူး။ တိုင်းမှူးအမိန့်အရလို့ ပြောတယ်။ နိုင်ငံသား မှတ်ပုံတင်တွေကိုလည်း သိမ်းလိုက်တယ်။ ကျွန်တော်တို့ တောင်ကြီးပြန်ရောက်မှ မှတ်ပုံတင်တွေ ပြန်လာပေးတယ်။ နိုင်ငံသားဖြစ်ပြီး ကိုယ့်နိုင်ငံထဲမှာတောင် ခရီးသွားလာလို့ မရတာ ၀မ်းနည်းဖို့ကောင်းတယ်။ သက်ဆိုင်ရာ လူကြီးတွေ သိအောင် သတင်းစာရှင်းလင်းပွဲ လုပ်ပြီး ပြောရတာ ဖြစ်တယ်” ဟု ရခိုင် အလုပ်သမားတစ်ဦးဖြစ်သူ ကိုရဲသီဟက ပြောကြားသည်။

ရခိုင်ပြည်နယ်မှ အလုပ်သမား ၅၁ ဦး ဖမ်းဆီး ထိန်းသိမ်းခံရပြီး နေရပ်ပြန်ပို့ခြင်းနှင့် ပတ်သက်ပြီး ရှမ်းပြည်နယ် ကျိုင်းတုံမြို့နယ် လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနမှ တာဝန်ရှိသူများအား ဆက်သွယ် မေးမြန်းခဲ့သော်လည်း ပြန်လည် ဖြေကြားခြင်း မရှိပေ။ ရှမ်းပြည်နယ်မှ ပြန်ပို့ခံရသော ရခိုင်အလုပ်သမား ၅၁ ဦးကို ရခိုင် တိုင်းရင်းသားရေးရာဝန်ကြီး ဦးဇော်အေးမောင်နှင့် ရခိုင်ပရဟိတ လူမှုကူညီမှုရေးအသင်းများက ရန်ကုန်တိုင်း မင်္ဂလာဒုံမြို့နယ်ရှိ တပ်ဦး ဘုန်းတော်ကြီးကျောင်းတွင် ထိန်းသိမ်း စောင့်ရှောက်ထားသည့်အပြင် အလုပ်အကိုင်များ ရရှိအောင် ကူညီဆောင်ရွက်ပေးလျက် ရှိကြောင်း သိရသည်။

ရခိုင်ပြည်နယ်အတွင်း အကြမ်းဖက်အဖွဲ့အစည်းများက သင်တန်းပေးခြင်း၊ လေ့ကျင့်နေခြင်း၊ နယ်စပ်စည်းရိုးအနီး ရောက်နေခြင်း သတင်းများကြောင့် ရဲတပ်ဖွဲ့နှင့် တပ်မတော် ပူးပေါင်း လုံခြုံရေးယူ

ရဲတပ်ဖွဲ့ဝင်များနှင့် တပ်မတော်သားများ ပူးပေါင်း၍ သြဂုတ် ၁၅ ရက် ညနေပိုင်းက စစ်တွေမြို့တွင် လှည့်ကင်းပတ်ကင်း ဆောင်ရွက်နေစဉ်

ရခိုင်ပြည်နယ်အတွင်း အကြမ်းဖက် အဖွဲ့အစည်းများက သင်တန်းပေးခြင်း၊ လေ့ကျင့်နေခြင်း၊ နယ်စပ်ခြံစည်းရိုးအနီး ရောက်ရှိနေခြင်း သတင်းများကြောင့် ရဲတပ်ဖွဲ့ဝင်များနှင့် တပ်မတော်သားများ ပူးပေါင်းပြီး လှည့်ကင်းလုံခြုံရေး ဆောင်ရွက်လျက်ရှိကြောင်း သိရသည်။

ထိုသို့ ဆောင်ရွက်ခြင်းသည် လက်ရှိဖြစ်ပေါ်နေသော သတင်းများအပေါ် အခြေခံပြီး လှည့်ကင်းပတ်ကင်းများ၊ စောင့်ကင်းများကို ပုံမှန် လုပ်ဆောင်လျက်ရှိရာ သြဂုတ် ၁၅ ရက် ညနေပိုင်းက ရဲတပ်ဖွဲ့ဝင်များနှင့် တပ်မတော်သားများ ပူးပေါင်းပြီး စစ်တွေမြို့တွင် လှည့်ကင်း ဆောင်ရွက်ခဲ့ခြင်း ဖြစ်ကြောင်း၊ ယင်းသို့ ဆောင်ရွက်ရာတွင် တပ်မတော်သားများနှင့် ရဲတပ်ဖွဲ့ဝင် ၃၀၀ ခန့်က ကားအစီး ၂၀ ကျော်ဖြင့် လှည့်လည်ခဲ့ခြင်း ဖြစ်ကြောင်း သိရသည်။

ယင်းသို့ လုံခြုံရေးယာဉ်များ လှည့်လည်မှုနှင့် ပတ်သက်၍ ရခိုင်ပြည်နယ် ရဲတပ်ဖွဲ့မှူးရုံးမှ ပြောရေးဆိုခွင့်ရှိသူ တစ်ဦးက “နယ်စပ်ကရရှိတဲ့ သတင်းတွေအရပေါ့။ အကြမ်းဖက် အဖွဲ့အစည်းတွေက သင်တန်းပေးခြင်း၊ လေ့ကျင့်မှုများ လုပ်နေခြင်း၊ နယ်စပ်ခြံစည်းရိုးအနီးမှာ ရောက်နေတယ်ဆိုတဲ့ သတင်းတွေ ရတယ်။ သတင်းကတော့ အတည်ပြုဆဲပေ့ါ။ သြဂုတ်လ ၂၂ ရက်ဆိုရင် အိဒ်နေ့ပေါ့။ ဘာလုပ်မယ် ညာလုပ်မယ် ဆိုတာမျိုးတွေ သတင်းထွက်နေတယ်။ ပြီးတော့ သြဂုတ် ၂၅ ရက်မှာ ရဲစခန်း ၃၀ ကျော် တိုက်ခိုက်ခံရတဲ့နေ့လည်း ဖြစ်တယ်။ အဲဒါမတိုင်မီ ဖောက်ခွဲမှုတွေ လုပ်နိုင်တယ်လို့ သတင်းတွေ ရနေတဲ့အတွက် လုပ်ဆောင်တာ ဖြစ်ပါတယ်။ လုံခြုံရေး ပိုမို ကောင်းမွန်အောင် မြို့ပေါ်မှာ လှည့်ကင်း ဆောင်ရွက်တာပါ။ တပ်မတော်နဲ့ ရဲတပ်ဖွဲ့နဲ့ ပေါင်းပြီး လှည့်ကင်းလုပ်တာပါ။ အခုနယ်စပ်ဒေသမှာ ဖြစ်ပေါ်နေတဲ့ သတင်းတွေအရ ဒီသြဂုတ် ၂၅ ရက်နေ့က နှစ်ပတ်လည်နေ့။ သူတို့ ဒီလ သြဂုတ် ၂၂ ရက်နေ့ကလည်း အိဒ်နေ့။ စခန်း ၃၀ ကျော် အကြမ်းဖက် တိုက်ခိုက်ခံရတဲ့ နှစ်ပတ်လည်နေ့က လာမယ့် ၂၅ ရက်နေ့ ဖြစ်တယ်။ အဲဒီမတိုင်ခင် ဘူးသီးတောင်နဲ့ မောင်တောမြို့ နယ်စပ်ဒေသမှာ တပ်မတော် နဲ့ ရဲနဲ့ပေါင်းပြီး လှည့်ကင်းလုံခြုံရေး လုပ်နေပါတယ်” ဟုပြောကြားသည်။

အဆိုပါ လှည့်ကင်း ဆောင်ရွက်ရာတွင် ရခိုင်ပြည်နယ် ရဲတပ်ဖွဲ့မှူးနှင့် တပ်မတော်မှ အရာရှိကြီးတစ်ဦး ဦးဆောင် ပါဝင်ခဲ့ကြောင်း၊ ယင်းသို့ လှည့်ကင်း ဆောင်ရွက်ခြင်းများကို ဘူးသီးတောင်နှင့် မောင်တောမြို့များတွင်လည်း အခါအားလျော်စွာ လုပ်ဆောင်ခြင်းများရှိကြောင်း ပြည်နယ်ရဲတပ်ဖွဲ့မှူးရုံးမှ သိရသည်။

“စစ်တွေမြို့ အပါအ၀င် မြို့ကြီးအချို့ မှာ ဗုံးခွဲတိုက်ခိုက်နိုင်တယ် ဆိုတဲ့ သတင်းတွေ ရပါတယ်။ သတင်းကတော့ အတည်ပြုဆဲပေါ့။ အဲဒါကြောင့် ရခိုင်ပြည်သူတွေ တည်ငြိမ်အေးချမ်းရေးနဲ့ လုံခြုံရေးအတွက် တပ်မတော်သားတွေနဲ့ ရခိုင်ပြည်နယ် ရဲတပ်ဖွဲ့နဲ့ ပူးပေါင်းပြီး မော်တော်ယာဉ်တင် လှည့်ကင်း ဆောင်ရွက်တာ ဖြစ်ပါတယ်။ ဘူးသီးတောင်၊ မောင်တောနဲ့ ကျန်တဲ့မြို့တွေမှာလည်း လုပ်တယ်ပေါ့။ စစ်တပ် ပါတာလည်း ရှိတယ်။ မပါတာလည်း ရှိတယ်။ လှည့်ကင်း ဆောင်ရွက်နေပါတယ်”ဟု ရခိုင်ပြည်နယ် ရဲတပ်ဖွဲ့မှူးရုံးမှ ပြောရေးဆိုခွင့်ရှိသူက ပြောကြားသည်။

ရခိုင်ပြည်နယ်အတွင်း စစ်တွေမြို့ အပါအ၀င် မြို့အချို့တွင် ဖောက်ခွဲခြင်း၊ တိုက်ခိုက်ခြင်းများ လုပ်ဆောင်မည့် အစီအစဉ်ရှိနေကြောင်း သတင်းများ ကြားသိရသည့်အတွက် ထိုသို့ လုပ်ဆောင်ခြင်း ဖြစ်ကြောင်းလည်း သိရသည်။

ထို့ပြင် မောင်တောမြောက်ပိုင်းဒေသများရှိ ကျေးလက်နေ ပြည်သူများအနေဖြင့်လည်း စိုးရိမ်မှုများ ရှိနေကြောင်း၊ မည်သို့ဖြစ်ပေါ်လာမည်ကို မသိရသေးကြောင်း ဒေသခံများက ဆိုသည်။

နွားများဝယ်ယူ လာသည်ကို လောင်းချောင်းရဲစခန်းက စစ်ဆေးပြီး ကျပ်လေးသိန်း တောင်းယူသည့်အပေါ် ကျေနပ်မှု မရှိသဖြင့် စစ်တွေမြို့တွင် သတင်းစာရှင်းလင်း

ရဲတပ်ဖွဲ့ဝင်များအား ကျပ်လေးသိန်းပေးရသည် ဟုဆိုသူများက သတင်းစာ ရှင်းလင်းနေစဉ်

ရခိုင်ပြည်နယ် ရသေ့တောင်မြို့နယ်အတွင်း ကျေးရွာအတွင်း အသုံးပြုရန်နှင့် လိုအပ်သူများထံ ပြန်လည်ရောင်းချရန် နွားများဝယ်ယူလာသည်ကို လောင်းချောင်းရဲစခန်းက ဟန့်တားစစ်ဆေးကာ ကျပ်လေးသိန်း တောင်းယူခဲ့သည့်အတွက် ကျေနပ်မှု မရှိကြောင်းနှင့် အရေးယူပေးလိုကြောင်း နွားဝယ်ယူခဲ့သူများက သြဂုတ် ၄ ရက်က စစ်တွေမြို့တွင် မီဒီယာများအား ပြောကြားသည်။

ဖြစ်စဉ်မှာ ရသေ့တောင်မြို့နယ် အငူမော်ကုန်တန်းကျေးရွာနေ ကျော်ဇောနှင့် အောင်ဇော်ဝင်းတို့က ဇူလိုင် ၂၅ ရက် ညနေပိုင်းက ရသေ့တောင်မြို့နယ် အတွင်းမှ နွားထီးအကောင် ၂၀ ကို မွေးမြူရန်နှင့် ကျေးရွာအတွင်း ပြန်လည်ရောင်းချရန် ပန်းမော်ပြင်၊ ဆင်အိုး၊ ညောင်ပင်လှအစရှိသော ကျေးရွာ များမှ ၀ယ်ယူလာစဉ် လောင်းချောင်းရဲကင်း စခန်းမှ ခေါ်ယူကာ နွားများကို စခန်းခြံဝင်း ထဲသို့ ထည့်ထားပြီး နွားပိုင်ရှင်နှစ်ဦးအား ခြောက်ပေါက်ထဲထည့်ကာ မေးမြန်းစုံစမ်းခဲ့ ကြောင်း၊ ယင်းနောက် ကျပ်လေးသိန်း ပေးပြီးမှသာ ပြန်လွှတ်ပေးလိုက်ကြောင်း၊ ယင်းသို့ ပြန်လွှတ်လိုက်စဉ် နွားတစ်ကောင်မှာ ပျောက်ဆုံးနေခဲ့ကြောင်း နွားပိုင်ရှင်များက ပြောကြားသည်။

“နွားတွေမောင်းလာတော့ အရပ်ဝတ်နဲ့ တစ်ယောက်က မင်းတို့ ဒီလမ်းက နွားတွေ မယူလာရဘူးဆိုတာ မသိဘူးလားလို့ ပြောတယ်။ ဖုန်းဆက်လိုက်ပြီး နောက်နှစ်ယောက် ရောက်လာတယ်။ သေနတ်နဲ့ တစ်ယောက်ပါတယ်။ နွားဝယ်တာ ငါတို့ကို အကြောင်းမကြားဘူးဆိုပြီး ကျွန်တော်တို့ နှစ်ယောက်ကို ခြောက်ပေါက်ထဲ ထည့်ထားတယ်။ နွားတွေကိုလည်း စခန်းခြံထဲ ထည့်ထားတယ်။ ငွေမပေးရင် မလွှတ်ဘူးလို့ပြောတယ်။ ပထမတော့ ကျွန်တော်တို့က တစ်သိန်းပေးတယ်။ မရဘူး။ နောက်တော့ ည ၉ နာရီလောက်ဆိုတော့ ကျွန်တော်တို့ကလည်း ကြောက်လာတာနဲ့ ငွေလေးသိန်းပါတယ်လို့ပြောပြီး လေးသိန်း ကို ပေးလိုက်ရတယ်။ အဲဒီအခါကျမှ ကျွန်တော်တို့ကို နောက်ဘက်ပေါက်ကနေ ပြန်လွှတ်ပေးလိုက်တယ်။ အမြန်သွားကြဆိုပြီး ပြောတယ်။ နွားတွေကို မောင်းထုတ်တော့ နွားတစ်ကောင် မရှိတော့ဘူး။ ၁၉ ကောင်သာ ကျန်တော့တယ်။ အဲဒါကို မကျေနပ်ဘူး။ တရားမျှတမှု မရှိဘူးလို့မြင်တယ်။ သူတို့ကို အရေးယူပေးဖို့ သက်ဆိုင်ရာကိုလည်း တိုင်ကြားထားပါတယ်” ဟု နွားဝယ်ယူလာသူ ကိုကျော်ဇောက ပြောကြားသည်။

ထို့ပြင် ပြန်လွှတ်ပေးလိုက်စဉ် ကုပ်ကိုတစ်ချက်ရိုက်ပြီး နောက်နောင် နွားဝယ်ယူမည်ဆိုပါက စခန်းသို့ အကြောင်းကြားရန်လိုကြောင်း ပြောဆိုခဲ့သည့်အပြင် ဖုန်းနံပါတ်များကိုလည်း ရေးပေးလိုက်ကြောင်း၊ ပျောက်သွားသည့်နွားအား နောက်ရက်တွင် သွားရောက်ရှာဖွေသော်လည်း ပြန်မရခဲ့ကြောင်း၊ နွားတန်ဖိုးမှာ ကျပ်လေးသိန်းခန့်ရှိကြောင်း ကိုကျော်ဇောက ပြောကြားသည်။

သို့သော်လည်း လောင်းချောင်းရဲကင်းစခန်းမှ စခန်းမှူး ဒုရဲအုပ်အောင်ဇော်ဝင်းက “လမ်းကမောင်းလာတော့ ကျောင်းဆင်းချိန် ဖြစ်တဲ့အတွက် ကလေးတွေအန္တရာယ်ဖြစ်မှာ စိုးတဲ့အတွက်တားတော့ နည်းနည်းမချေမငံ ပြောတယ်။ ဆိုတော့ နွားကို စခန်းကိုသွင်းပြီး စစ်ဆေးမေးမြန်းခဲ့တာတော့ မှန်တယ်။ သူတို့ပြောတာက ဟိုဘက်မှာ စားကျက်မြေရှားလို့ တစ်လကို ခုနစ်ထောင်ကျပ်နဲ့ အငှားကျောင်းပေးဖို့ ယူလာကြတာလို့ ပြောတဲ့အတွက် စိစစ်ပြီးတော့ လွှတ်ပေးလိုက်ပါတယ်။ ပါလာတဲ့ ငါးယောက်လုံးကလည်း တစ်သံတည်းထွက်လို့ လွှတ်ပေးလိုက်တာပါ။ ကျွန်တော် ကျပ်လေးသိန်းယူတယ် ဆိုတာလည်း မမှန်ကန်ပါဘူး။ ကျွန်တော်တို့ ငွေတောင်းယူတာ မရှိပါဘူး။ အဲဒီလိုမလုပ်ပါဘူး။ ငွေရေးကြေးရေး ပတ်သက်တာလည်း တစ်ခုမှ မရှိပါဘူး။ ရိုးရိုးသားသားဆိုရင် သွားပါစေ ဆိုပြီးတော့ လွှတ်ပေးလိုက်ပါတယ်။ အောင်ဆိပ်ဘက်က နွားတွေအများကြီး ချိန်ခါလီ၊ ကိုးတန်ကောက်ကွင်းမှာ စားကျက်ပြောင်းထားတာ အများကြီးရှိပါတယ်” ဟု ပြောကြားသည်။

ယင်းနှင့်ပတ်သက်ပြီး ဦးကျော်ဇောနှင့် ဦးအောင်ဇော်ဝင်းတို့က အမှန်တရားပေါ်ပေါက်ရေး၊ ဒုရဲအုပ်အောင်ကိုဝင်းနှင့် တပည့်နှစ်ဦးတို့အား အရေးယူ ဆောင်ရွက်နိုင်ရေးအတွက် နိုင်ငံတော်သမ္မတရုံး၊ နိုင်ငံတော်အတိုင်ပင်ခံရုံး၊ ပြည်ထဲရေးဝန်ကြီးဌာန၊ အဂတိလိုက်စားမှု တိုက်ဖျက်ရေးကော်မရှင်၊ ရခိုင်ပြည်နယ် ၀န်ကြီးချုပ်၊ ရခိုင်ပြည်နယ် လွှတ်တော်ဥက္ကဋ္ဌ၊ ပြည်နယ်ရဲတပ်ဖွဲ့မှူးတို့ထံ သြဂုတ် ၂ ရက် ရက်စွဲဖြင့် တိုင်ကြားစာပေးပို့ ထားကြောင်း သိရသည်။

 

ဘင်္ဂလားဒေ့ရ်ှနိုင်ငံမှ မောင်တောမြို့နယ်သို့ ထွက်ပြေး ရောက်ရှိနေသည့် ရခိုင်မျိုးနွယ်စုဝင် မြိုတိုင်းရင်းသားများအား ဘင်္ဂလားဒေ့ရ်ှနိုင်ငံ ကောင်စစ်ဝန်နှင့်အဖွဲ့ လာရောက်တွေ့ဆုံ

ဘင်္ဂလားဒေ့ရ်ှနိုင်ငံမှ မောင်တောမြို့နယ်အတွင်း ထွက်ပြေး ရောက်ရှိနေသည့် ရခိုင်မျိုးနွယ်စုဝင် မြိုတိုင်းရင်းသားများအား ဘင်္ဂလားဒေ့ရ်ှနိုင်ငံ ကောင်စစ်ဝန်နှင့်အဖွဲ့က လာရောက်တွေ့ဆုံပြီး ကောင်စစ်ဝန်ရေးရာ လုပ်ငန်းများ ဆောင်ရွက်ခဲ့ကြောင်း သိရသည်။

အဆိုပါ ရခိုင် မျိုးနွယ်စုဝင်များသည် ၂၀၁၇ ခုနှစ် သြဂုတ် ၂၅ ရက် ဖြစ်စဉ်နောက်ပိုင်း ဘင်္ဂလားဒေ့ရ်ှနိုင်ငံမှ မောင်တောမြို့နယ်သို့ ၀င်ရောက် နေထိုင်သူများဖြစ်ကြပြီး ၂၀၁၈ ခုနှစ် သြဂုတ် ၂ ရက် မွန်းလွဲပိုင်းမှစ၍ မောင်တောမြို့ သီရိမင်္ဂလာခန်းမတွင် ဘင်္ဂလားဒေ့ရှ် သမ္မတနိုင်ငံ၊ စစ်တွေအခြေစိုက် ကောင်စစ်ဝန်နှင့်အဖွဲ့က လာရောက် တွေ့ဆုံကာ ကောင်စစ်ဝန်ရေးရာ လုပ်ငန်းများ ဆောင်ရွက်ခဲ့ခြင်း ဖြစ်ကြောင်း သိရသည်။

သြဂုတ် ၂ ရက်က မြိုတိုင်းရင်းသား ၁၆၆ ဦးအား ကောင်စစ်ဝန်အဖွဲ့က တွေ့ဆုံမေးမြန်းခဲ့ပြီး သြဂုတ် ၃ ရက်တွင်လည်း ဘင်္ဂလားဒေ့ရ်ှနိုင်ငံမှ မောင်တောမြို့နယ်အတွင်းသို့ ပြန်လည်ရောက်ရှိ နေထိုင်ကြသည့် ကျန်ရှိ ဘင်္ဂလားဒေ့ရ်ှနိုင်ငံသား ခံယူထားသော ရခိုင်မျိုးနွယ်စုဝင်များနှင့် ဆက်လက် တွေ့ဆုံမည်ဖြစ်ကြောင်း သိရသည်။

ဘင်္ဂလားဒေ့နိုင်ငံမှ မောင်တောမြို့နယ်သို့ ၀င်ရောက် နေထိုင်ကြသူများမှာ ဘင်္ဂလားဒေ့ရ်ှနိုင်ငံသား ခံယူထားသော ရခိုင်မျိုးနွယ်စုဝင် တိုင်းရင်းသားများဖြစ်ပြီး လက်ရှိတွင် မောင်တောမြို့နယ် မြောက်ပိုင်း သစ်တုန်းနားခွဆုံ၊ နန်းရာကိုင်း၊ မင်္ဂလာညွန့်၊ မြ၀တီကျေးရွာများတွင် လာရောက် နေထိုင်နေကြခြင်း ဖြစ်ကြောင်း သိရသည်။

နိုင်ငံနယ်နိမိတ် စာချုပ်ပါ သတ်မှတ်ချက်များ ချိုးဖောက်ရာ ရောက်သည့် သဲအိတ်၊ အိုဗာဟက်ပစ်ကျင်းနှင့် ဘန်ကာများ ဘင်္ဂလားဒေ့ရ်ှဘက်ခြမ်း၌ ပြုလုပ်ထားသည့် ကိစ္စနှင့် ပတ်သက်၍ ပြည်ထောင်စုဝန်ကြီး ဦးကျော်တင်က မေ ၈ ရက်တွင် မြန်မာနိုင်ငံဆိုင်ရာ ဘင်္ဂလားဒေ့ရ်ှနိုင်ငံ သံအမတ်ကြီး Mr. Manjurul Karim Khan Chowdhury အား ခေါ်ယူတွေ့ဆုံပြီး ကန့်ကွက်စဉ်က လွန်ခဲ့သော လများအတွင်း ဘင်္ဂလားဒေ့ရ်ှနိုင်ငံဘက်မှ မြန်မာနိုင်ငံသို့ ၀င်ရောက်လာကြသည့် ဘင်္ဂလားဒေ့ရ်ှနိုင်ငံသားဟု ယူဆရသော ရခိုင်၊ မြို၊ ခမီ၊ ဒိုင်းနက်လူမျိုး ၃၆၈ ဦးတို့နှင့် ပတ်သက်၍ အသိပေးပြောကြားခဲ့ပြီး ၎င်းတို့အား လိုအပ်သော နိုင်ငံသားစိစစ်မှုများ ဆောလျင်စွာ ပြုလုပ်ရေးနှင့် ၎င်းတို့ဆန္ဒအလျောက် ဘင်္ဂလားဒေ့ရ်ှနိုင်ငံရှိ နေရပ်သို့ ပို့ဆောင်ရေးအတွက် ဆောင်ရွက်ရန် ပြောကြားခဲ့ကြောင်း သတင်းထုတ်ပြန်ချက်အရ သိရသည်။

၂၀၁၈ ခုနှစ် ဖေဖော်ဖော်ဝါရီ လကုန်ပိုင်းမှစ၍ ဘင်္ဂလားဒေ့ရ်ှနိုင်ငံမှ ထွက်ပြေးလာသူများ မြန်မာနိုင်ငံ မောင်တောမြို့နယ်သို့ ၀င်ရောက်လာကြခြင်းဖြစ်ပြီး မတ် ၂၃ ရက်အထိ ရခိုင်နှင့် မြို၊ ဒိုင်းနက်လူမျိုး ၃၄၀ ကျော် ရောက်ရှိနေပြီဖြစ်ပြီး ၎င်းတို့သည် မောင်တောမြို့နယ် မြောက်ပိုင်းရှိ ကျေးရွာ ငါးရွာတွင် နေထိုင်လျက်ရှိကြောင်း သိရသည်။

၂၀၁၈ နှစ်ဆန်းပိုင်း ဖေဖော်ဝါရီ ၂၁ ရက်မှစ၍ လက်ရှိ အချိန်အထိ မောင်တောမြို့နယ် မြောက်ပိုင်း အောင်သပြေကျေးရွာ စာသင်ကျောင်းတွင် ဘင်္ဂလားဒေ့ရ်ှနိုင်ငံ၊ ဘန်ဒရာဘန်ခရိုင်၊ တန်းဆိပ်မြို့နယ်၊ မော်တုတ်ကြီးကျေးရွာမှ ရခိုင်အိမ်ထောင်စု ၂၄ စု၊ စုစုပေါင်း လူဦးရေ ၈၁ ဦး၊ သစ်တုံးနားခွဆုံ ကျေးရွာသစ်တွင် ဘင်္ဂလားဒေ့ရ်ှနိုင်ငံ၊ ဘန်ဒရာ ဘန်ခရိုင်၊ တန်းဆိပ်မြို့နယ်၊ လမားကျေးရွာမှ မြိုမိသားစု ၃၀ စု၊ လူဦးရေ ၁၅၅ ဦးနှင့် ဒိုင်းနက် မိသားစု ၄ စု လူဦးရေ ၂၇ ဦး စုစုပေါင်း လူဦးရေ ၁၈၂ ဦး နှင့် သုပဏ္ဏက ကျေးရွာတွင် ဘင်္ဂလားဒေ့ရ်ှနိုင်ငံ၊ အလယ်ခေါ်တော်ခရိုင်၊ ဘော်ဘီတီကျေးရွာမှ မြိုမိသားစု ၁၁ စု လူဦးရေ ၆၃ ဦး၊ တောင်ပြိုနယ်စပ် နံ့သာတောင် ကျေးရွာတွင် ရခိုင်လူမျိုး ခြောက်ဦးနှင့် မီးတိုက်ကျေးရွာတွင် ဘင်္ဂလားဒေ့ရ်ှနိုင်ငံ ဘန်ဒရာဘန်ခရိုင် အလီခေါ်တောင်မြို့နယ် ရွမ်ဘို (ဒိုင်းနက်) ရွာမှ ဒိုင်းနက်လူမျိုး ၁၃ ဦး ရောက်ရှိနေခြင်းဖြစ်ပြီး စုစုပေါင်း ၃၄၅ ဦး ရောက်ရှိနေခြင်း ဖြစ်ကြောင်း သတင်းထုတ်ပြန်ချက်အရ သိရသည်။

မောင်တောဒေသအတွင်း သင့်လျော်မည့် မြေနေရာ ရလိုကြောင်း သင်္ဘောကွေ့ ကျေးရွာသားများ တောင်းဆိုခဲ့သော်လည်း မောင်တောမြို့နယ် အင်းဒင်ရဲစခန်း အရှေ့ဘက်တွင် ကျေးရွာသစ် မြေနေရာ ရွေးချယ်ပြီး အခိုင်အမာ အဆောက်အအုံ အလုံး ၁၀၀ တည်ဆောက်ပေးလျက်ရှိဟု သတင်းထုတ်ပြန်

မောင်တောဒေသအတွင်း ထပ်မံအခြေချရန် သင့်လျော်မည့် မြေနေရာ ရလိုကြောင်း အိုးမဲ့အိမ်မဲ့ ဖြစ်နေသည့် သင်္ဘောကွေ့ကျေးရွာသားများ တောင်းဆိုခဲ့သော်လည်း မောင်တောမြို့နယ် အင်းဒင်ရဲစခန်း အရှေ့ဘက်တွင် ကျေးရွာသစ် မြေနေရာ ရွေးချယ်ပြီး အမြဲနေထိုင်နိုင်ရေးအတွက် အခိုင်အမာ အဆောက်အအုံ အလုံး ၁၀၀ တည်ဆောက်ပေးလျက် ရှိကြောင်း အစိုးရက သတင်း ထုတ်ပြန်ခဲ့သည်။

ဇူလိုင် ၁၀ ရက်က မောင်တောမြို့နယ် အုပ်ချုပ်ရေးမှူး လာရောက်ပြီး သင်္ဘောကွေ့ ကျေးရွာသားများနှင့် တွေ့ဆုံကာ ရိက္ခာထောက်ပံ့ခြင်း၊ လူဦးရေ ၊ အိမ်ထောင်စုစာရင်း ကောက်ယူခြင်းများ ဆောင်ရွက်ခဲ့သော်လည်း ယင်းနောက်တွင် သက်ဆိုင်ရာက လာရောက် တွေ့ဆုံခြင်း မရှိသေးကြောင်းနှင့် ရခိုင်အမျိုးသားပါတီ ခေါင်းဆောင်များ၊ လွှတ်တော် ကိုယ်စားလှယ်များ၊ မောင်တောခရိုင်အတွင်းမှ အရပ်ဘက် အဖွဲ့အစည်းများက လာရောက် ထောက်ပံ့ကူညီခြင်းများ ရှိကြောင်း သိရသည်။

လက်ရှိတွင် မိုးတွင်းကာလ ဖြစ်သဖြင့် နေထိုင်ရေးအတွက် အရေးပေါ် လိုအပ်နေသဖြင့် သင့်လျော်မည့် နေရာတစ်ခု ကူညီပေးရန် ရခိုင်အမျိုးသားပါတီမှ ခေါင်းဆောင်များ၊ လွှတ်တော် ကိုယ်စားလှယ်များအား တင်ပြ တောင်းဆိုထားကြောင်း ကျေးရွာသားများ၏ ပြောကြားချက်အရ သိရသည်။

“ကျွန်တော်တို့ကို ဇူလိုင် ၉ ရက်က ရွာက ဖယ်ရှားခဲ့တယ်။ အဲဒီနေ့မှာ ပြောတာက ကျွန်တော်တို့ကို သင်္ဘောကွေ့ရွာမှာ နေလို့ မရတော့ဘူး။ အင်းဒင်ရွာသစ်ကို ပြောင်းရွှေ့ပေးမယ်လို့ ပြောတယ်။ ကျွန်တော်တို့က လက်မခံဘူး။ ဘာကြောင့် လက်မခံလဲ ဆိုတော့ အဲဒီနေရာက မိုးကာလမှာ ရေ၀ပ်တယ်။ နွေရာသီမှာ ရေရှားတယ်။ နောက် တောကိုဝင်ဖို့ ဆိုလည်း နည်းနည်း အလှမ်းဝေးတယ်။ နောက် ရဲစခန်းနဲ့ အနီးကပ်မှာဖြစ်လို့ လုံခြုံရေးအတွက် စိတ်ချရပေမယ့် တခြား မလိုလားအပ်တာတွေ ဖြစ်လာမှာကို တွေးတဲ့သူတွေ ရှိတယ်။ ဒါကြောင့် ကျွန်တော်တို့ တစ်ရွာလုံးက အင်းဒင်ရွာဘက်ကို မသွားဘဲ အခုရောက်နေတဲ့ ကျောက်ပန်းတူ ဘုန်းကြီးကျောင်းကို လာပြီး နေကြတာ ဖြစ်ပါတယ်။ ဇူလိုင် ၁၀ ရက်မှာ မြို့နယ်အုပ်ချုပ်ရေးမှူး တစ်ခေါက် ရောက်လာတယ်။ အဲဒီနောက်ပိုင်းမှာတော့ လွှတ်တော် ကိုယ်စားလှယ်တွေ၊ ပါတီက တာဝန်ရှိသူတွေ ရောက်ပါတယ်။ နောက် မောင်တော၊ ဘူးသီးတောင်က အရပ်ဘက်အဖွဲ့တွေ ရောက်ပါတယ်။ ကျွန်တော်တို့ကတော့ စိုက်ပျိုး စားသောက်လို့ရမယ့် ရေမ၀ပ်တဲ့ ကုန်းမြင့်တစ်နေရာရာကို သင့်လျော်သလို နေရာချထားပေးဖို့ တောင်းဆိုထားပါတယ်။ ဒါပေမဲ့ သက်ဆိုင်ရာကတော့ နောက်ထပ်လာပြီး ညှိနှိုင်းတာ မရှိတော့ပါဘူး”ဟုသင်္ဘောကွေ့ကျေးရွာသား ဦးမောင်ဝင်းရွှေက ပြောကြားသည်။

ရခိုင်ပြည်နယ် အစိုးရအဖွဲ့က မောင်တောမြို့နယ် သင်္ဘောကွေ့ကျေးရွာ မီးလောင်ပြင်နေရာတွင် ဥပဒေမဲ့ ၀င်ရောက်နေထိုင်သူများအတွက် လမ်းပန်းဆက်သွယ်ရေး ကောင်းမွန်ပြီး သွားလာရ လွယ်ကူသည့် မောင်တောမြို့နယ် အင်းဒင်ရဲစခန်း အရှေ့ဘက်တွင် ကျေးရွာသစ် မြေနေရာ ရွေးချယ်ကာ ယာယီ အဆောက်အအုံများ ဆောက်လုပ်ပေးပြီး အမြဲနေထိုင်နိုင်ရေးအတွက် အခိုင်အမာ အဆောက်အအုံ အလုံး ၁၀၀ တည်ဆောက်ပေးလျက် ရှိကြောင်း ဇူလိုင် ၁၂ ရက်က အစိုးရက သတင်းထုတ်ပြန်ခဲ့သည်။

အဆိုပါ သင်္ဘောကွေ့ကျေးရွာအား ရှင်းလင်း ဖယ်ရှားခြင်း၊ ကျေးရွာသားများကို နေရာချထားခြင်းနှင့် ပတ်သက်၍ သတင်းထုတ်ပြန်ချက်တွင် မောင်တောမြို့ သင်္ဘောကွေ့ကျေးရွာ မီးလောင်ပြင်နေရာ၌ ဥပဒေမဲ့ တဲ၊ အိမ်များ ဆောက်လုပ်၍ ၀င်ရောက် နေထိုင်သူများအား ဇူလိုင် ၉ ရက်တွင် ဥပဒေနှင့်အညီ သက်ဆိုင်ရာက ရှင်းလင်း ဖယ်ရှားမှုများ ပြုလုပ်ခဲ့ကြောင်း၊ ထိုသို့ ရှင်းလင်း ဖယ်ရှားစဉ် ဥပဒေမဲ့ နေထိုင်သူများအား စည်းရုံး ဦးဆောင်နေသူ ဦးထွန်းမြင့်ဦး၏ နေအိမ်မှ စနက်တံပါ လက်ပစ်ဗုံး တစ်လုံး၊ တုတ်၊ ဓားလက်နက်များ၊ လက်ကိုင် စကားပြောစက်များ၊ ကျည်ကာအင်္ကျီ တစ်ထည်၊ ကျည်ကာ ဖိုင်ဘာဦးထုပ် တစ်လုံး၊ ကင်မရာပစ္စည်းများ၊ ဆေးရုံသုံး ပစ္စည်းများ၊ ကွန်ပျူတာနှင့် ဆက်စပ်ပစ္စည်းများ၊ ဖုန်းနှင့် ဆင်းမ်ကတ်တို့ကို သိမ်းဆည်းရမိပြီး သက်ဆိုင်ရာက ဥပဒေနှင့်အညီ အရေးယူနိုင်ရန် ဆောင်ရွက်လျက်ရှိကြောင်း သတင်းပြန်ကြားရေး ၀န်ကြီးဌာန၏ ထုတ်ပြန်ချက်တွင် ပါရှိသည်။

ရခိုင်ကိစ္စတွင် ရခိုင်လူမျိုးများ၏ အသံကို ဂရုစိုက် နားထောင်ရန်နှင့် ရခိုင်တို့၏ နိုင်ငံရေးအခန်းကဏ္ဍကို မပစ်ပယ်ရန် အလွန်အရေးကြီးကြောင်း ရခိုင်အမျိုးသားပါတီ ဒုတိယဥက္ကဋ္ဌ ဒေါ်အေးနုစိန် ပြောကြား

ဘင်္ဂါလီအရေးသည် အလွန်ရှုပ်ထွေးနေသည့် အနေအထားဖြစ်သည့်အတွက် အစိုးရ၊ လွှတ်တော်၊ တပ်မတော်တို့၏ သဘောထားများ တစ်သားတည်း ရှိနေရန်လိုကြောင်းနှင့် ရခိုင့်အရေးဟု ပြောနေကြသည့်ကိစ္စတွင် ရခိုင်လူမျိုးများ၏ အသံကို ဂရုစိုက်နားထောင်ရန်၊ ရခိုင်တို့၏ နိုင်ငံရေးအခန်းကဏ္ဍကို မပစ်ပယ်ရန် အလွန်အရေးကြီးကြောင်း ရခိုင်အမျိုးသားပါတီ ဒုတိယဥက္ကဋ္ဌ ဒေါ်အေးနုစိန် က ပြောကြားသည်။

ဇူလိုင် ၁၁ ရက်တွင် ကျင်းပသည့် ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံ အစည်းအဝေး၌ နိုင်ငံရေးပါတီများ အစုအဖွဲ့ကိုယ်စား အဖွင့်မိန့်ခွန်းစကား ပြောကြားစဉ် ရခိုင်အမျိုးသားပါတီ၏ ဒုတိယဥက္ကဋ္ဌ ဒေါ်အေးနုစိန်က ယင်းသို့ ထည့်သွင်းပြောကြားခဲ့ခြင်း ဖြစ်သည်။

“ဘင်္ဂါလီ အရေးကိစ္စမှာ ရခိုင်နဲ့ ရခိုင်နွယ်ဝင် တိုင်းရင်းသားများရဲ့ မူလအခွင့်အရေးတွေ မဆုံးရှုံးသွားဖို့လည်း အလွန်တရာ အရေးကြီးပါတယ်။ ဘင်္ဂါလီအရေးဟာ ဒီအချိန်မှာ အလွန်ရှုပ်ထွေးနေတဲ့ အနေအထား ဖြစ်တဲ့အတွက် အစိုးရ၊ လွှတ်တော်၊ တပ်မတော်တို့ရဲ့ သဘောထားများဟာ တစ်သားတည်း ရှိနေဖို့ လိုအပ်လှပါတယ်။ အထူးသဖြင့် ရခိုင့်အရေးဟု ပြောနေကြတဲ့ကိစ္စမှာ ရခိုင်လူမျိုးများရဲ့အသံကို ဂရုစိုက် နားထောင်ဖို့၊ ရခိုင်တို့ရဲ့ နိုင်ငံရေး အခန်းကဏ္ဍကို မပစ်ပယ်ဖို့လည်း အလွန်အရေးကြီးပါတယ်”ဟု ရခိုင်အမျိုးသားပါတီ ဒုတိယဥက္ကဋ္ဌ ဒေါ်အေးနုစိန်က ပြောကြားသည်။

ထို့ပြင် နိုင်ငံသားဖြစ်ခွင့် ရရှိသည့် ဘင်္ဂါလီများကို ရခိုင်ပြည်နယ် တစ်ခုတည်းတွင် ပိတ်လှောင်မထားဘဲ မြန်မာနိုင်ငံအနှံ့ သွားလာခွင့်ပြုပေးရန်နှင့် နိုင်ငံအတွင်းမှာ ရှိနေကြသည့် လူသား အားလုံးအတွက် ဥပဒေအရ အခွင့်အရေးတန်းတူ ရရှိမှုကို အခြေခံရမည် ဖြစ်သလို ဘင်္ဂါလီအရေးနှင့် ပတ်သက်ပြီး နိုင်ငံတကာမှ ဖိအားပေး အဖြေရှာခိုင်းမှုများကိုလည်း အလျှော့မပေးမိရန် အထူးလိုအပ်လှကြောင်း ဒေါ်အေးနုစိန်က ပြောကြားသည်။

ဘင်္ဂါလီတို့၏ လှုပ်ရှားမှုအစပိုင်းတွင် လူ့အခွင့်အရေး ရေခြုံ ကြွေးကြော်ပြီး တိုင်းရင်းသားလူမျိုး နာမည်သစ်တစ်ခု ပေါ်လာရန် လှုပ်ရှားရာကနေ နောက်ဆုံးတွင် နယ်လု၊ မြေလု၊ စစ်ပွဲဆင်နွှဲသည့် အကြမ်းဖက်ဝါဒလမ်းစဉ် ဖြစ်လာခဲ့ကြောင်း၊ ပြည်တွင်းအရေးကို နိုင်ငံတကာအရေး ဖြစ်လာအောင် ဒီဇိုင်းဆင် ပုံဖော်ခဲ့ကြောင်း၊ အနောက် ဒီမိုကရေစီ အင်အားကြီးနိုင်ငံအချို့၊ ကုလသမဂ္ဂ အဖွဲ့အစည်းတချို့နှင့် အိုအိုင်စီ အဖွဲ့ဝင်နိုင်ငံများသည် နည်းမျိုးစုံဖြင့် ဖိအားပေးပြီး အချုပ်အခြာအာဏာကို ထိပါးသည့် လုပ်ရပ်များ လုပ်လာခဲ့ကြောင်း၊ လူမျိုးတုန်း သတ်ဖြတ်မှုဆိုသည့် စွပ်စွဲချက်များဖြင့် နိုင်ငံတကာ ပြဿနာကြီး ဖြစ်အောင်လည်း ဖန်တီးနေကြောင်း၊ အမှန်မှာ ရခိုင်နယ်မြေ၏ ဘင်္ဂါလီ အစသည် ဗြိတိသျှကိုလိုနီ ဆိုးမွေတစ်ခု ဖြစ်ကြောင်း၊ ထို့ပြင် တရားမ၀င် နေထိုင်မှုနှင့် နိုင်ငံသားပြဿနာဆိုင်ရာ ပြတ်ပြတ်သားသား မဖြေရှင်းနိုင်ခဲ့သဖြင့် သံသရာဆိုးကြီးကို ခံစားနေရကြောင်းလည်း ရခိုင်အမျိုးသားပါတီ ဒုတိယဥက္ကဋ္ဌ ဒေါ်အေးနုစိန်က ထည့်သွင်း ပြောကြားခဲ့သည်။

 

မောင်တောမြို့နယ် တောင်ပိုင်း သင်္ဘောကွေ့ကျေးရွာ ဖြိုဖျက်ခံရမှုနှင့် ပတ်သက်၍ ဝေဖန်မှုများ ရှိနေပြီး အိုးမဲ့အိမ်မဲ့ ဖြစ်ခဲ့သော ကျေးရွာသားများအား မောင်တောမြို့နယ်အတွင်း သင့်လျော်မည့် နေရာတွင် နေရာချထားပေးစေလိုကြောင်း ကျေးရွာသားများ ပြောကြား

ကျောက်ပန်းတူကျေးရွာ ဘုန်းတော်ကြီးကျောင်းတွင် ယာယီခိုလှုံနေသော သင်္ဘောကွေ့ကျေးရွာသားများအား လူမှုကူညီရေးအဖွဲ့များက ဆေးကုသပေးခြင်း၊ ရိက္ခာများထောက်ပံ့ခြင်း ပြုလုပ်နေသည်ကို တွေ့ရစဉ်

ရခိုင်ပြည်နယ် မောင်တောမြို့နယ် တောင်ပိုင်းတွင် အသစ်တည်ဆောက် နေထိုင်ကြသည့် သင်္ဘောကွေ့ကျေးရွာ ဖြိုဖျက်ခံရမှုနှင့် ပတ်သက်၍ ဝေဖန်မှုများ ရှိနေကြောင်း သိရသည်။

သင်္ဘောကွေ့ကျေးရွာသည် မောင်တောမြို့နယ် တောင်ပိုင်း စွန်းအင်းဒင်ကျေးရွာအုပ်စုတွင် တည်ရှိပြီး ရခိုင်ပြည်နယ် မြို့နယ် ခြောက်ခုမှ တိုင်းရင်းသားများ လာရောက် အခြေချနေထိုင်လာခြင်း ဖြစ်ကြောင်း သိရသည်။

ယင်းရွာမှ ရွာသားများအား ဖယ်ရှားပေးရန် ညွှန်ကြားခဲ့သည့် နောက်ပိုင်း ဇူလိုင် ၉ ရက်က မြို့နယ်အုပ်ချုပ်ရေး၊ ခရိုင်အုပ်ချုပ်ရေးနှင့် ရဲတပ်ဖွဲ့ဝင်များအပြင် မီးသတ်တပ်ဖွဲ့များကိုလည်း ခေါ်ယူခဲ့ကြောင်းနှင့် အရပ်ဝတ်အချို့လည်း ပါဝင်ရောက်ရှိလာပြီး ကျေးရွာမှ ဖယ်ပေးရန် ပြောဆိုခဲ့ကြောင်းနှင့် ရွာရှိ နေအိမ်အားလုံး ဖျက်ဆီးခဲ့ကြောင်း သိရသည်။

မောင်တောမြို့နယ် ရခိုင်အမျိုးသားပါတီ ဥက္ကဋ္ဌ ဦးခင်မောင်သန်းက “ကျွန်တော်တို့ အမြင်ကတော့ အဲဒီရွာကို ဖျက်ဆီးလိုက်တာဟာ မောင်တောဘက်ကို အခြေချလာမယ့် တိုင်းရင်းသားတွေရဲ့ စိတ်ဓာတ်ကို ရိုက်ချိုးလိုက်တယ်လို့ မြင်တယ်။ တိုင်းရင်းသားတွေဟာ ဒီဒေသကို ကာကွယ်မယ်ဆိုပြီး ရခိုင် အပါအ၀င် တခြားတိုင်းရင်းသားတွေ လာပြီး အခြေချတာကို စိတ်ဓာတ်ကို ရိုက်ချိုးလိုက်တာလို့ မြင်တယ်။ ကျွန်တော်တို့ တတ်နိုင်သလောက် လုပ်ပေးနေပေမယ့် အခုလိုမျိုး ဖြစ်လာတော့ ကျွန်တော်တို့အနေနဲ့လည်း ဆက်ပြီးတော့ လုပ်နိုင်တဲ့ အနေအထားလည်း မရှိဘူး။ ဒါကြောင့် ဒီနယ်မြေကို ကာကွယ်ဖို့ လာသူတွေကို နိုင်ငံတော်အဆင့် အနေနဲ့လည်း ထိန်းထိန်းသိမ်းသိမ်းနဲ့ အဆင်ပြေအောင် လုပ်ပေးနိုင်ရင်တော့ အနောက်ဒေသဟာ ဖွံ့ဖြိုးလာမယ့် နယ်မြေတစ်ခု ဖြစ်လာမယ်လို့ ပြောချင်ပါတယ်”ဟုပြောကြားသည်။

အဆိုပါ ကျေးရွာသားများအနေဖြင့် လူကယ်ပြန်နှင့် ပြည်ထဲရေးဌာနသို့ တိုင်ကြားခဲ့ကြောင်းနှင့် လွှတ်တော် ကိုယ်စားလှယ်များအား တင်ပြခြင်း ရှိသည့်တိုင် အဖြေပြန်မရရှိခဲ့ကြောင်း၊ သို့သော်လည်း ဘင်္ဂါလီများ အနေဖြင့် တခြားကျေးရွာများတွင် ခိုးဝင်ပြီး နေအိမ်များ ဆောက်လုပ်နေခြင်းများ ရှိသည့်တိုင်အောင် အစိုးရအနေဖြင့် အရေးယူခြင်း မရှိသည်ကို တွေ့ရှိရသဖြင့် တိုင်းရင်းသား ပြည်သူများအပေါ် နိုင့်ထက်စီးနင်း ပြုကျင့်သည့်သဘော ဆောင်နေကြောင်း ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက သုံးသပ်သည်။

“ကျွန်တော်ကိုယ်တိုင် ပြည်ထောင်စု လူကယ်ပြန်ဝန်ကြီးကို တင်ပြခဲ့တယ်။ အဲဒီအချိန်မှာပြောတာက ရွာကိုဖျက်ဖို့ အစီအစဉ်မရှိဘူးလို့သာ ပြောတယ်။ ပြည်ထဲရေးကတော့ အကြောင်းမပြန်ခဲ့ဘူး။ အခုလုပ်တာက ပြည်နယ်အစိုးရရဲ့ ညွှန်ကြားချက်အရလို့ သိရတယ်။ တကယ်တော့ သင်္ဘောကွေ့ကျေးရွာဟာ အမည်ပေါက် မဟုတ်ပေမယ့် တိုင်းရင်းသားတွေ အနေနဲ့ ဥပဒေနဲ့အညီ နေထိုင်ပိုင်ခွင့် ရှိပါတယ်။ အဲဒီရွာဟာ အရင်က ရခိုင်ရွာ တစ်ရွာလည်း ဖြစ်ခဲ့တယ်။ အဲဒီမှာ ပြန်အခြေစိုက်တာ ဖြစ်တယ်။ အခုက နိုင်ငံတကာ ဖိအားကြောင့်လို့ ပြောတယ်။ အဲဒီမှာ ဘုန်းကြီးကျောင်း ဆောက်လုပ်ဖို့အတွက်လည်း သံဃနာယက ခွင့်ပြုပြီးသား ဖြစ်တယ်။ ဆရာ ဦးခင်မောင်ကလည်း အမျိုးသားလွှတ်တော်မှာ တိုင်းရင်းသားတွေကို အကာအကွယ်ပေးဖို့ အဆိုကိုလည်း အောင်မြင်ထားတာ ရှိတယ်။ ကျွန်တော်တင်တဲ့ အဆိုမှာလည်း ဒေသခံတွေကို အကာအကွယ်ပေးနေတယ် ဆိုတဲ့ စကားလုံးတွေကို ၀န်ကြီးက ပြောကြားခဲ့တာ ရှိတယ်။ ဒါကြောင့် အခုကိစ္စဟာ လူအခွင့်အရေးနဲ့ တိုင်းရင်းသားအခွင့်အရေးကို ချိုးဖောက်ရာ ရောက်တယ်လို့ ကျွန်တော် က သုံးသပ်တယ်။ မိုးတွင်းရာသီလည်း ဖြစ်တဲ့အတွက် အလွန်တစ်ရာ အင်အာသုံးပြီး လုပ်တယ်လို့လည်း မြင်တယ်”ဟု ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက ပြောကြားသည်။

ထို့ပြင် မောင်တောမြို့နယ်မှ ပြည်နယ်လွှတ်တော် ကိုယ်စားလှယ် ဦးမောင်အုန်းကလည်း အဆိုပါ တိုးချဲ့ရွာသားများအနေဖြင့် အစိုးရအဖွဲ့၏ ချမှတ်ပေးသော ပုံစံမျိုးကို လိုက်လျောညီထွေ ပူးပေါင်း ဆောင်ရွက်ခြင်းအားဖြင့် အဆင်ပြေနိုင်ကြောင်း၊ လူတချို့ကြောင့် ရွာသားများ ဒုက္ခရောက်သွားသည့် ပုံစံမျိုးကိုလည်း ပြောဆိုကြကြောင်း၊ တရားဥပဒေ စိုးမိုးရေးအတွက် ဖော်ဆောင်ရသည့်အတွက် တရားဥပဒေအတိုင်းသာ သွားသင့်ကြောင်းနှင့် ဥပဒေကို ဖောက်ဖျက်ပြီးသွား၍ မရနိုင်ကြောင်း ပြောဆိုသည်။

“ကျွန်တော် ကျောက်ပန္ဒူကို ရောက်တော့ သင်္ဘောကွေ့ရွာသားတွေက အေးအေးဆေးဆေး မြင်တွေ့ခဲ့ရတယ်။ မနေ့က ပြောတာနဲ့ ဒီနေ့ပြောဆိုကြတာ မတူတာကိုလည်း တွေ့ရတယ်။ ဒါကြောင့် အစိုးရအနေနဲ့ စိတ်လိုက်မာန်ပါ မလုပ်ဖို့နဲ့ တိုင်းရင်းသားတွေ အကူအညီပေးဖို့ ပြောချင်တယ်။ အခုအရေးကြီးတာက သူတို့ နေဖို့နေရာ အရေးကြီးနေပါတယ်။ ဘုန်းကြီးကျောင်းမှာ ဆိုတော့ တာရှည်နေဖို့ ခက်မယ်လို့ မြင်တယ်။ မကြာခင်မှာလည်း ၀ါဆိုကာလ ရောက်တော့မှာ ဖြစ်တယ်” ဟု ဦးမောင်အုန်းက ပြောကြားသည်။

ထိုသို့ သင်္ဘောကွေ့ကျေးရွာရှိ ဖျက်ဆီးခံရသည့် နေအိမ်များမှ ပစ္စည်းများကို ဇူလိုင် ၁၁ ရက်က ပြန်လည်ယူခွင့် ရပြီဖြစ်ပြီး အိုးမဲ့အိမ်မဲ့ဖြစ်နေသော ကျေးရွာသားများအား မောင်တောမြို့နယ်အတွင်း သင့်လျော်မည့် နေရာတစ်ခုတွင် နေရာချထားပေးစေလိုကြောင်း ကျေးရွာသားများက ပြောကြားသည်။

“ပစ္စည်းတွေကို ဒီကနေ့ ယူခွင့်ပြုလို့ သွားယူကြပါတယ်။ ဒါပေမဲ့ ပစ္စည်းတွေ ပျောက်တာပျောက်၊ ရေစိုတာရေစို ဖြစ်နေပါပြီ။ နေအိမ်တွေကို ဖြိုပြီး ပစ္စည်းတွေကို ဒီအတိုင်း ပုံထားပါတယ်။ ကျွန်မတို့ ပစ္စည်းလာယူတော့ ဓာတ်ပုံရိုက်ပါတယ်။ အခု ကျွန်မတို့မှာ သေတ္တာနှစ်လုံးမှာ တစ်လုံးက သော့ခလောက် ဖျက်ဆီးခံထားရတာ တွေ့ရပါတယ်”ဟု သင်္ဘောကွေ့ကျေးရွာမှ ဒေါ်ချိုချိုအေးက ပြောကြားသည်။

ထို့ပြင် သင်္ဘောကွေ့ကျေးရွာသားများ ခိုလှုံနေသည့် ကျောက်ပန်းတူ ဘုန်းတော်ကြီးကျောင်းတွင်လည်း လူဦးရေ ရာနှင့်ချီရှိနေရာ ရေရှည်နေထိုင်ရန် အခက်အခဲဖြစ်နေပြီး ၎င်းတို့အား မောင်တောမြို့နယ်အတွင်း ရေမ၀ပ်သည့် ကုန်းမြင့်နေရာ တစ်ခုတွင် ပြန်လည် နေရာချထားပေးစေလိုကြောင်း ကျေး ရွာသားများက ပြောကြားသည်။

သင်္ဘောကွေ့ကျေးရွာသား ဦးမောင်ဝင်းချေက “အခု ကျွန်တော်တို့ ကျောက်ပန်းတူ ဘုန်းကြီးကျောင်းမှာ နေကြပါတယ်။ ဒါပေမဲ့ ၀ါတွင်းကာလ ရောက်လာပြီဆိုတော့ ကျောင်းမှာလည်း ရေရှည်နေဖို့ဆိုတာ မဖြစ်နိုင်ပါ။ မိုးရာသီမှာ ကလေးတွေနဲ့ နေရတာ လုံးဝအဆင်မပြေပါ။ ဒါကြောင့် ကျွန်တော်တို့ ရွာသားတွေအတွက် ကုန်းမြင့်နေရာလေး တစ်ခုမှာ နေရာချထားပေးစေလိုပါတယ်”ဟု ပြောကြားသည်။

ဇူလိုင် ၁၁ ရက်တွင် ရခိုင်အမျိုးသားပါတီမှ ခေါင်းဆောင်များ၊ လွှတ်တော်ကိုယ်စားလှယ်များက ကျောက်ပန်းတူ ကျေးရွာ ဘုန်းတော်ကြီးကျောင်းတွင် ခိုလှုံနေကြသည့် သင်္ဘောကွေ့ ကျေးရွာသားများနှင့် တွေ့ဆုံခဲ့ကြောင်း သိရသည်။

ဘင်္ဂါလီ ကျောင်းသားကျောင်းသူများအတွက် မောင်တောမြို့တွင် အဝေးသင်ဌာနခွဲ တစ်ခု ဖွင့်လှစ်ပေးရန် စီစဉ်

ရခိုင်ပြည်နယ် မောင်တောခရိုင်အတွင်း ရှိ တက္ကသိုလ် တက်ရောက်မည့် ဘင်္ဂါလီ ကျောင်းသား၊ ကျောင်းသူများအတွက် မောင်တောမြို့တွင် အဝေးသင်ဌာနခွဲတစ်ခု ဖွင့်လှစ်ပေးရန် စီစဉ်နေကြောင်းနှင့် ၂၀၁၂ ခုနှစ် နောက်ပိုင်းတွင် စစ်တွေမြို့နယ် သက်ကယ်ပြင်ရွာနှင့် သံတွဲမြို့တို့တွင် အဝေးသင်ဌာနခွဲများ ဖွင့်ထားပြီး ဘင်္ဂါလီကျောင်းသား၊ ကျောင်းသူများ စာမေးပွဲ ၀င်ရောက်ဖြေဆိုနိုင်ရေး စီမံထားကြောင်း သိရသည်။

ထိုသို့ စီစဉ်ရခြင်းသည် အဝေးသင်တက္ကသိုလ် တက်ရောက်မည့် ကျောင်းသားများအနေဖြင့် စစ်တွေတက္ကသိုလ်သို့ ၂၀၁၂ ခုနှစ် ရခိုင်ပြည်အတွင်း ဖြစ်ပေါ်ခဲ့သော အရေးအခင်း နောက်ပိုင်းမှ စတင်ကာ တက်ရောက် သင်ကြားနိုင်ရန် အဆင်မပြေသည့်အတွက် ထိုသို့ စီစဉ်ရခြင်းဖြစ်ကာ ကျောင်းသားများ အဝေးသင်တက္ကသိုလ် စာမေးပွဲကို ကောင်းစွာ ဖြေဆိုနိုင်ရေးနှင့် အနီးကပ်သင်တန်းများ တက်ရောက်နိုင်ရေးအတွက် စီစဉ်ခြင်းဖြစ်ကြောင်း သိရသည်။

ယင်းနှင့် ပတ်သက်ပြီး စစ်တွေတက္ကသိုလ် ပါမောက္ခချုပ် ဒေါက်တာဝင်းနိုင်က “အဓိက ကတော့ ဘူးသီးတောင်၊ မောင်တောမှာရှိနေတဲ့ အစ္စလာမ်ကျောင်းသားတွေ အဝေးသင်ပညာရပ်ကို သင်နိုင်အောင်လို့ အဲဒီမှာ ကျောင်း အပ်တာတွေ လက်ခံမယ်။ လိုအပ်တဲ့ စာရွက်စာတမ်းတွေ ထုတ်ပေးမယ်။ အနီးကပ်သင်တန်း ပို့ချမယ်။ စာမေးပွဲ ဖြေဆိုနိုင်အောင် လုပ်ဆောင်ပေးမယ်လို့ အခုမှ စီစဉ်နေတုန်း ရှိပါသေးတယ်၊ တက်မယ့်လူတွေ ရှိမလားပေါ့၊ တက်မယ့် လူမရှိရင်တော့ ဖွင့်စရာမရှိဘူး။ သူတို့တက်မယ်၊ မတက်မယ် ဆိုတဲ့အပေါ်မှာ မူတည်တယ်”ဟု ပြောကြားသည်။

ထိုသို့ ဖွင့်လှစ်နိုင်ရန်အတွက် သက်ဆိုင်ရာ ခရိုင်အထွေထွေအုပ်ချုပ်ရေး ဦးစီးဌာနနှင့် ခရိုင်ပညာရေးမှူးတို့နှင့် ဆက်သွယ်ထားကြောင်း၊ တက္ကသိုလ်ဝင်ခွင့် ပုံစံစာရွက်များ ထုတ်ပေးထားပြီး ဖြစ်ကြောင်းနှင့် ဇူလိုင် ၁၆ ရက်တွင် ၀င်ခွင့်ပုံစံ စာရွက်များကို လက်ခံမည် ဖြစ်ကြောင်းလည်း သိရသည်။

EU နှင့် ကနေဒါတို့က ဘင်္ဂါလီအရေးနှင့် ပတ်သက်၍ မြန်မာစစ်ဘက် ထိပ်တန်း တာဝန်ရှိသူ ငါးဦး အပါအ၀င် ခုနစ်ဦးအား ပိတ်ဆို့အရေးယူမှုများ ချမှတ်

ဘင်္ဂါလီမွတ်စလင် (မူရင်းတွင် ရိုဟင်ဂျာဟု ဖော်ပြထား။) အကျပ်အတည်းနှင့် ပတ်သက်၍ ဥရောပသမဂ္ဂ (EU) နှင့်ကနေဒါတို့က မြန်မာစစ်ဘက် ထိပ်တန်းတာဝန်ရှိသူ ငါးဦး အပါအ၀င် ခုနစ်ဦးအား ပိတ်ဆို့အရေးယူမှုများ ချမှတ်ကြောင်း ဇွန် ၂၅ ရက်တွင် ထုတ်ပြန်ခဲ့သည်။ အရေးယူခံရသူများသည် လူသတ်ခြင်းနှင့် လိင်ပိုင်းဆိုင်ရာ တိုက်ခိုက်မှု တို့အပါအ၀င် လူ့အခွင့်အရေးဆိုးရွားစွာ ချိုးဖောက်မှုများ ကျူးလွန်ခဲ့ကြကြောင်း ဥရောပသမဂ္ဂက စွပ်စွဲခဲ့သည်။

ပိတ်ဆို့ အရေးယူမှုများ ချမှတ်ခံရသူများမှာ ကာကွယ်ရေးဦးစီးချုပ်ရုံး (ကြည်း) မှ စစ်ဆင်ရေးအထူးအဖွဲ့မှူး ဒုတိယဗိုလ်ချုပ်ကြီး အောင်ကျော်ဇော၊ အနောက်ပိုင်းတိုင်း စစ်ဌာနချုပ် တိုင်းမှူးအဖြစ်၂၀၁၆ ခုနှစ် အောက်တိုဘာမှ ၂၀၁၇ ခုနှစ် နိုဝင်ဘာအထိ တာဝန်ယူခဲ့သည့် ဗိုလ်ချုပ် မောင်မောင်စိုး၊ ရခိုင်ပြည်နယ်တွင်း နယ်မြေရှင်းလင်းရေး စစ်ဆင်ရေးများတွင် ပါဝင်သည့် ဗိုလ်မှူးချုပ် သန်းဦး၊ ဗိုလ်မှူးချုပ် အောင်အောင်၊ ဗိုလ်ချုပ် ခင်မောင်စိုး၊ နယ်ခြားစောင့် တပ်ဖွဲ့မှူးအဖြစ် တာဝန်ယူခဲ့သည့် ရဲမှူးချုပ် သူရစန်းလွင်နှင့် ရဲချုပ်သန့်ဇင်ဦးတို့ ဖြစ်သည်။

ဥရောပသမဂ္ဂ နိုင်ငံခြားရေးဝန်ကြီးများက လူဇင်ဘတ်တွင် တွေ့ဆုံဆွေးနွေးခဲ့ကြပြီး ဘင်္ဂါလီ အကျပ်အတည်းတွင် ပါဝင်ခဲ့သည့် ၎င်းတို့၏ အခန်းကဏ္ဍများအတွက် ခရီးသွားလာမှု ပိတ်ပင်ခြင်းနှင့် ပိုင်ဆိုင်မှုအား ထိန်းချုပ်ခြင်းတို့ ချမှတ်ခဲ့ခြင်းဖြစ်သည်။ ထိုပိတ်ဆို့ အရေးယူခံရသူများသည် ၂၀၁၇ ခုနှစ် ဒုတိယနှစ်ဝက်တွင် မြန်မာနိုင်ငံ ရခိုင်ပြည်နယ်၌ ဘင်္ဂါလီ မွတ်စလင်များအား ရက်စက်ကြမ်းကြုတ်မှု၊ လူ့အခွင့်အရေး ဆိုးရွားစွာ ချိုးဖောက်မှုများ ကျူးလွန်မှု၌ ပါဝင်ပတ်သက်ခဲ့ကြောင်း ဥရောပသမဂ္ဂ၏ ကြေညာချက်တွင် ဖော်ပြခဲ့သည်။

ကနေဒါနိုင်ငံက ပိတ်ဆို့အရေးယူမှုများနှင့် ပတ်သက်ပြီး ကနေဒါနိုင်ငံခြားရေးဝန်ကြီး Chrystia Freeland က ထုတ်ပြန် ကြေညာခဲ့ခြင်း ဖြစ်ကြောင်း AFP ၏ သတင်းတွင် ဖော်ပြထားသည်။

ယင်းသို့ ဥရောပသမဂ္ဂက ပိတ်ဆို့အရေးယူမှုများ ချမှတ်သည်ဟု ကြေညာအပြီး မရှေးမနှောင်းမှာပင် မြန်မာတပ်မတော်ဘက်မှ ပိတ်ဆို့အရေးယူမှုခံရသည့် တပ်မတော် အရာရှိနှစ်ဦးနှင့် ပတ်သက်ပြီး သတင်းထုတ် ပြန်ချက်တစ်ခုအား ထုတ်ပြန်ခဲ့သည်။

ယင်းထုတ်ပြန်ချက်တွင် ၂၀၁၈ ခုနှစ် မတ် ၆ ရက်တွင် ရခိုင်အရေးကိစ္စနှင့် ပတ်သက်၍ အဓိက တာဝန်ယူ လုပ်ကိုင်ဆောင်ရွက်ရသည့် အနောက်ပိုင်းတိုင်း စစ်ဌာနချုပ် တိုင်းမှူးအား ဖြစ်ပွားခဲ့သည့် အခြေအနေများနှင့် ပတ်သက်၍ ၎င်း၏လုပ်ဆောင်ချက်များတွင် အားနည်းချက်များ ရှိနေသဖြင့် ဆက်လက်တာဝန်ထမ်းဆောင်ခွင့် ရပ်နားခဲ့ကြောင်း၊ ယင်းနောက် ၂၀၁၇ ခုနှစ် နိုဝင်ဘာ ၁၀ ရက်တွင် အရန်အင်အားစာရင်း တင်သွင်းခဲ့ကြောင်း ထုတ်ပြန်ချက်တွင် ဖော်ပြထားသည်။

အရန်စာရင်း တင်သွင်းသည့် ဗိုလ်ချုပ် မောင်မောင်စိုး၏ တိုင်းမှူးတာဝန် ထမ်းဆောင်စဉ် ၂၀၁၆ ခုနှစ် စက်တင်ဘာလ ၂၆ ရက်မှ အရန်စာရင်း တင်သွင်းသည့် ၂၀၁၇ ခုနှစ် နိုဝင်ဘာ ၁၀ ရက်အထိ ကာလအတွင်း ဆောင်ရွက်ခဲ့မှု မှတ်တမ်းများအား စိစစ်ချက်အရ ရခိုင်ပြည်နယ် နယ်မြေတစ်ခုလုံး၏ စစ်ဆင်ရေး၊ နယ်မြေလုံခြုံရေးနှင့် နယ်မြေစိုးမိုးရေးဆိုင်ရာ လုပ်ငန်းများ၊ အထက်ဌာနမှ ချပြသတင်းများအပေါ် အကောင်အထည်ဖော် ဆောင်ရွက်နိုင်မှု မှတ်တမ်းများအပါအ၀င် မူလတိုင်းမှူး တစ်ဦး၏ တာဝန်ဝတ္တရားများအပေါ် မူဝါဒနှင့်အညီ အကောင်အထည်ဖော် ဆောင်ရွက်နိုင်မှုများတွင် သာမန်အချိန်အတွင်း ဆောင်ရွက်နိုင်မှု အားနည်းချက် မတွေ့ရှိရသော်လည်း ၂၀၁၆ ခုနှစ် အောက်တိုဘာ ၉ ရက် ဖြစ်စဉ်နှင့် ၂၀၁၇ ခုနှစ် သြဂုတ် ၂၅ ရက်မှ စက်တင်ဘာလ ၅ ရက်အထိ ဖြစ်စဉ်များ အတွင်း ဘင်္ဂါလီ အကြမ်းဖက်သမား အများစုနှင့် ARSA ဘင်္ဂါလီ အကြမ်းဖက်သမားများ အပါအ၀င် ဘင်္ဂါလီအကြမ်းဖက် လူအုပ်စုကြီးများက ရခိုင်ပြည်နယ်အတွင်းရှိ ရခိုင်တိုင်းရင်းသားများနှင့် ပတ်သက်၍ လည်းကောင်း၊ စစ်ဆင်ရေးနှင့် နယ်မြေစိုးမိုးရေး တာဝန် ထမ်းဆောင်နေသော တပ်မတော်သား၊ မိသားစုဝင်များနှင့် ပတ်သက်၍ လည်းကောင်း၊ နယ်မြေလုံခြုံရေးနှင့် တရားဥပဒေစိုးမိုးရေး တာဝန်ထမ်းဆောင်နေသည့် လုံခြုံရေးတပ်ဖွဲ့ဝင်များ အပါအ၀င် အစိုးရဌာနဆိုင်ရာ ၀န်ထမ်းများနှင့် ပတ်သက်၍ လည်းကောင်း၊ အင်အားသုံး၍ ဥပဒေမဲ့လုပ်ရပ်များ ပြုလုပ်နေမှုအပေါ် သတင်းလက်ဦးမှု ရယူ၍ လိုအပ်သလို စီမံဆောင်ရွက်နိုင်မှု အားနည်းခြင်း၊ ချပြသတင်းအပေါ် လက်အောက်ခံ တပ်၊ ရဲ၊ လုံခြုံရေး တပ်ဖွဲ့ဝင်များဖြင့် နယ်မြေရှင်းလင်း အကောင်အထည်ဖော် ဆောင်ရွက်နိုင်မှု အားနည်းခြင်း၊ လက်တွေ့အကြမ်းဖက် ဖြစ်စဉ်များ ဖြစ်ပွားရာတွင် နယ်မြေအတွင်းရှိ တပ်၊ ရဲများအား လိုအပ်သလို အချိန်မီ အကူအညီ ရရှိရေး၊ လုံခြုံရေးဆိုင်ရာ ပေါင်းစပ်ညှိနှိုင်းဆောင်ရွက်မှုများ စီမံနိုင်ခဲ့သော်လည်း ကြိုတင်စီမံရန် အားနည်းခြင်း စသည့် အရေးပေါ်အချိန် တာဝန်ထမ်းဆောင်မှု၌ တာဝန်ရှိကြောင်း စိစစ်တွေ့ရှိရသဖြင့် အရန်အင်အားစာရင်း တင်သွင်းထားသည့် ကြည်း ၁၉၅၇၁ ဗိုလ်ချုပ် မောင်မောင်စိုးအား ဇွန် ၂၅ ရက် (ယနေ့) တွင် တပ်မတော်မှ နှုတ်ပယ်လိုက်ကြောင်း ထုတ်ပြန်ချက်တွင် ဖော်ပြထားသည်။

အဆိုပါ ဖြစ်စဉ်များအတွင်း ကာကွယ်ရေး ဦးစီးချုပ်ရုံး (ကြည်း) မှ စစ်ဆင်ရေး အထူးအဖွဲ့မှူး ဒုတိယဗိုလ်ချုပ်ကြီး အောင်ကျော်ဇော၌လည်း အထက်ဌာနများ၏ မူဝါဒများကို အနီးကပ် ကြပ်မတ်ဆောင်ရွက်ရန် တာဝန်ပေးအပ်ထားမှုအပေါ် စီမံဆောင်ရွက်ရာ၌ လိုအပ်ချက်များ ရှိခဲ့ရာ အထိုက်အလျောက် တာဝန်ရှိသည့်အပြင် အရာရှိကြီး၏ ကျန်းမာရေးဆိုင်ရာ ချို့ယွင်းမှုကြောင့် မူလပေးအပ်ထားသည့် တာဝန်မှ အခြားတာဝန် တစ်ခုသို့ လွှဲပြောင်းထမ်းဆောင်စေခဲ့သော်လည်း အရာရှိကြီး အနေဖြင့် ကျန်းမာရေး ပိုမိုအားနည်းလာခြင်းကြောင့် တာဝန်ထမ်းဆောင်မှု အပိုင်းတွင် အားနည်းချက် အချို့ကို ထပ်မံတွေ့ရှိရပြီး၊ မိမိသဘောဆန္ဒအလျောက် နှုတ်ထွက်ခွင့် တင်ပြလာသဖြင့် မေ ၂၂ ရက်တွင် တပ်မတော်မှ မိမိသဘော ဆန္ဒအလျောက် နှုတ်ထွက်ခွင့်ပြုခဲ့ပြီးဖြစ်ကြောင်း ထုတ်ပြန်ချက်တွင် ဖော်ပြထားသည်။

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများကိစ္စ မြန်မာဘက်က တရားဝင် ကန့်ကွက်ခဲ့သော်လည်း မြန်မာပိုင်နက် ခြံစည်းရိုးအနီးအထိ နေအိမ်များ တိုးချဲ့ တည်ဆောက်လာကြောင်း သိရ

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများကို ဇွန်လလယ်ခန့်က တွေ့ရစဉ်

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများကိစ္စ မြန်မာဘက်မှ တရားဝင် ကန့်ကွက်ခဲ့သော်လည်း မြန်မာပိုင်နက် ခြံစည်းရိုးအနီးအထိ နေအိမ်များ တိုးချဲ့ တည်ဆောက်လာကြောင်း သိရသည်။

“အခုဆိုရင် နေအိမ်တွေက ခြံစည်းရိုးနားအထိ တိုးချဲ့ တည်ဆောက်ထားတာကို တွေ့ရတယ်။ ခြံစည်းရိုးအနားအထိ တိုးလာတာက လူဦးရေ တိုးလာလို့လား။ နေရာပြောင်းတာလားတော့ မသိဘူး။ အဲဒီကန့်ကွက်ထားတဲ့ နေရာမှာ လူတွေ လျော့သွားတာ မရှိဘူး။ အဆောက်အအုံတွေလည်း အရင်အတိုင်း တွေ့ရသေးတယ်” ဟု တောင်ပြိုနယ်စပ်တွင် တာဝန်ထမ်းဆောင်နေသည့် လုံခြုံရေး အရာရှိတစ်ဦးက ပြောကြားသည်။

နှစ်နိုင်ငံ နယ်စပ်မျဉ်းအနီး နေထိုင်ခွင့် မရှိသောနေရာတွင် လူဦးရေ၊ အိမ်ထောင်စုများ တရားမ၀င် တိုးပွားလာမှုကို သတင်း ဖလှယ်မှုမရှိခြင်းသည် နှစ်နိုင်ငံအကြား ချုပ်ဆိုထားသော နယ်နိမိတ်စာချုပ်ပါ သတ်မှတ်ချက်များကို ချိုးဖောက်ရာ ရောက်သဖြင့် မြန်မာနိုင်ငံဘက်မှ တရားဝင် ကန့်ကွက်ကြောင်း၊ ၎င်းအပြင် အာဆာအကြမ်းဖက်အဖွဲ့ များ ရောနှော ၀င်ရောက်လာကြောင်း သိရသဖြင့် ကာကွယ်တားဆီးပေးရန် နှင့် အဆိုပါနေရာ၌ မေ ၆ ရက်မှ မေ ၈ ရက်အထိ ယာယီတဲအသစ် ရှစ်လုံး ဆောက်လုပ်ထားသည်ကို တွေ့ရကြောင်း မေ ၁၆ ရက် မွန်းလွဲပိုင်းတွင် မြန်မာဘက်ခြမ်း (တောင်ပြို-၀ဲ ၀င်ထွက်) တံတားအနီး ရှင်းလင်းဆောင်၌ ကျင်းပသည့် မြန်မာ-ဘင်္ဂလားဒေ့ရှ် နှစ်နိုင်ငံ တပ်ရင်းမှူးအဆင့် တွေ့ဆုံဆွေးနွေးပွဲတွင် မြန်မာနိုင်ငံ နယ်ခြားစောင့်ရဲတပ်ဖွဲ့ခွဲမှူးက ပြောကြားသည်။

၂၀၁၇ ခုနှစ် ဖြစ်စဉ် ဖြစ်ပြီးကတည်းက ပြောင်းရွှေ့ဒုက္ခသည်များ ယခုအချိန်အထိ နယ်နိမိတ်မျဉ်းအနီး နေထိုင်လျက်ရှိပြီး ၎င်းတို့ဘက်မှ ထောက်ပံ့မှုများ မရှိကြောင်း၊ နှစ်နိုင်ငံ နယ်နိမိတ်မျဉ်းအနီး အဆောက်အအုံနှင့် ပတ်သက်၍ နယ်စပ်ရေးရာကိစ္စ ဖြစ်သဖြင့် ပူးပေါင်းဆောင်ရွက်ရန် ရှိပါကြောင်း၊ သို့ရာတွင် နေရပ် စွန့်ခွာသူများမှာ ကမ္ဘာ့အဖွဲ့အစည်းများမှ ထောက်ပံ့ပေးမှုကြောင့် ရပ်တည်၍ရနေခြင်း ဖြစ်ပါကြောင်း၊ လူသားချင်း စာနာထောက်ထားမှုဆိုင်ရာ အကူအညီပေးမှုများဖြစ်၍ ကမ္ဘာ့အဖွဲ့အစည်းများ အနေဖြင့် ထောက်ပံ့ပေးခြင်းဖြစ်ရာ ဘင်္ဂလားဒေ့ရှ် နိုင်ငံအနေဖြင့် ကန့်ကွက်၍ မရပါကြောင်း ဘင်္ဂလားဒေ့ရှ် နယ်ခြားစောင့်တပ် တပ်ရင်းမှူးက အဆိုပါတွေ့ဆုံပွဲ၌ ပြန်လည်ဆွေးနွေးရာတွင် ပြောကြားသည်။

ဆက်လက်၍ နှစ်နိုင်ငံ နယ်စပ် တည်ငြိမ်အေးချမ်းရေးအတွက် ဆွေးနွေးခဲ့ကြပြီး ဆွေးနွေးပွဲသို့ မြန်မာနိုင်ငံ နယ်ခြားစောင့် ရဲတပ်ဖွဲ့မှ ၁၀ ဦး နှင့် ဘင်္ဂလားဒေ့ရှ် နယ်ခြားစောင့် ရဲတပ်ဖွဲ့မှ ၁၀ ဦး တက်ရောက်ခဲ့ကြကြောင်း သိရသည်။

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများအား မြန်မာ တာဝန်ရှိသူများ သွားရောက် တွေ့ဆုံနေသည်ကို တွေ့ရစဉ်

အလားတူ နှစ်နိုင်ငံ နယ်နိမိတ်မျဉ်းအနီး ဘင်္ဂလားဒေ့ရ်ှနိုင်ငံဘက်ခြမ်းတွင် CCTV ကင်မရာ လေးလုံး တပ်ဆင်ခြင်းနှင့် လုံခြုံရေး ဆိုလာမီးတိုင် ၁၀ တိုင် တပ်ဆင်ထားခြင်းများသည် တစ်ဖက် နိုင်ငံနယ်မြေ အခြေအနေများ နှင့် လှုပ်ရှားမှုများကို စောင့်ကြည့် သတင်းရယူခြင်းဖြစ်၍ ကုလသမဂ္ဂ စည်းမျဉ်းအရ မလုပ်သင့်သည်ကို လုပ်သည့်သဘောဖြစ်၍ အမြန်ဖယ်ရှား ပေးစေလိုကြောင်း၊ နှစ်နိုင်ငံ နယ်နိမိတ်မျဉ်းအနီး လူမနေထိုင်ရန် သတ်မှတ်ထားသည့် နေရာတွင် လူဦးရေ တိုးပွားလာမှုများကို ဘင်္ဂလားဒေ့ရ်ှနိုင်ငံ အနေဖြင့် လျစ်လျူရှုပြီး ထောက်ခံအားပေးသည့် သဘောဆောင်နေကြောင်း၊ အိမ်ထောင်စုများ တိုးချဲ့လာမှု၊ ရွှေ့ပြောင်းလာမှုများကို ထိန်းသိမ်းရန်အတွက် အသံချဲ့စက်ဖြင့် သတိပေး တားမြစ်မှုများ ဆောင်ရွက်နေရခြင်းဖြစ်ပြီး ဘင်္ဂလားဒေ့ရ်ှနိုင်ငံဘက်မှ ပူးပေါင်း ဆောင်ရွက်ပါက မိမိတို့အနေဖြင့် ထိုကဲ့သို့ လုပ်ဆောင်ရန် မလိုကြောင်း မေ၂၃ ရက်က မြန်မာ-ဘင်္ဂလားဒေ့ရှ် နှစ်နိုင်ငံ ချစ်ကြည်ရေးတံတားအနီး ဘင်္ဂလားဒေ့ရ်ှဘက်ခြမ်းတွင် ပြုလုပ်သည့် ဆွေးနွေးပွဲတွင် မြန်မာနိုင်ငံ နယ်ခြားစောင့် ရဲတပ်ဖွဲ့မှူးက ကန့်ကွက်ပြောဆိုခဲ့သည်။

ထို့ပြင် နှစ်နိုင်ငံ နယ်နိမိတ်မျဉ်းအနီးရှိ အဆောက်အအုံ မဆောက်လုပ်ရန် တားမြစ်ထားသည့် ဇုန်အတွင်း တဲအသစ်များ ထပ်မံ တိုးချဲ့ဆောက်လုပ်ခြင်းများ ရပ်ဆိုင်းစေလိုပြီး ရိက္ခာလာရောက် ပေးပို့မှုများနှင့် လုံခြုံရေး လိုက်ပါကူညီပေးနေမှုများကို ကန့်ကွက်ပါကြောင်း ပြောကြားခဲ့သည်ဟု သိရသည်။

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener နှင့်အဖွဲ့သည် ဇွန် ၁၈ ရက် မောင်တောခရီးစဉ်တွင် တောင်ပြိုနယ်စပ် ခြံစည်းရိုးပြင်ပ၌ တရားမ၀င် တဲထိုးနေထိုင်နေကြသည့် ဘင်္ဂါလီများနှင့် သွားရောက် တွေ့ဆုံခဲ့ကြောင်း သိရသည်။

ထို့ပြင် အဆိုပါ နှစ်နိုင်ငံ နယ်နိမိတ်မျဉ်းအနီး အဆောက်အအုံ မဆောက်လုပ်ရန် တားမြစ်ထားသည့် ဇုန်အတွင်း မြန်မာနိုင်ငံမှ ထွက်ပြေးသွားသည့် ဘင်္ဂါလီ အိမ်ထောင်စု ၁၀၀၀ ကျော် တရားမ၀င် နေထိုင်နေကြောင်း နှင့် ၎င်းတို့အား မြန်မာအစိုးရ တာဝန်ရှိသူများက ပြန်လည်လက်ခံရေး ကိစ္စများနှင့်ပတ်သက်ပြီး အကြိမ်ကြိမ်ပြောဆိုခဲ့သော်လည်း ဘင်္ဂါလီငါးဦးမှအပ ကျန်ဘင်္ဂါလီများ ပြန်လည် ၀င်ရောက်လာခြင်း မရှိသေးကြောင်း သိရသည်။

မြန်မာ-ဘင်္ဂလားဒေ့ရှ် နှစ်နိုင်ငံ နယ်နိမိတ်မျဉ်းမှ မြန်မာနိုင်ငံဘက်ခြမ်း နယ်စပ်ခြံစည်းရိုးအကြား (နယ်စပ်မှတ်တိုင် ၃၄ အနီး) နေထိုင်ခဲ့သော မောင်တောမြို့နယ် တောင်ပြိုလက်ယာ ကျေးရွာနေ အဲဖ်တာအာလွမ် အပါအ၀င် မိသားစုဝင် ငါးဦးသည် စားဝတ်နေရေး အခက်အခဲရှိပြီး ကျန်းမာရေး ဆိုးရွားစွာဖြင့် ဒုက္ခမျိုးစုံ ခံစားနေရသဖြင့် နိုင်ငံအတွင်း ပြန်လည် ၀င်ရောက်ခွင့်ပြုပါရန် တင်ပြသဖြင့် အဆိုပါတင်ပြချက်အပေါ် အဆင့်ဆင့် တင်ပြခဲ့ရာ တရားဝင် လက်ခံရေးစခန်းမှ တစ်ဆင့် ၀င်ရောက်ခွင့်ရရှိခဲ့ပြီး ၁၃-၄-၂၀၁၈ ရက်တွင် တောင်ပြိုလက်ဝဲ ၀င်ထွက်ဂိတ် (နှစ်နီုင်ငံ ချစ်ကြည်ရေးတံတားအနီး)မှ တောင်ပြိုလက်ဝဲ စိစစ်ရေးစခန်းသို့ အဲဖ်တာအာလွမ် နှင့် မိသားစုများ ရောက်ရှိခဲ့ကြောင်း သတင်းထုတ်ပြန်ချက်အရ သိရသည်။