ရခိုင်ပြည်နယ်အတွင်း ကျန်းမာရေးစောင့်ရှောက်မှု လုပ်ငန်းများ တိုးမြှင့်ဆောင်ရွက်ရန် အထူးကု ဆရာဝန်ကြီးများ အပါအ၀င် ကျန်းမာရေးဝန်ထမ်းများ ထပ်မံ ခန့်အပ်ထား

ရခိုင်ပြည်နယ်အတွင်း ကျန်းမာရေးစောင့်ရှောက်မှု လုပ်ငန်းများ တိုးမြှင့်ဆောင်ရွက်ရန် အထူးကု ဆရာဝန်ကြီးများ အပါအ၀င် ဆရာဝန်နှင့် ကျန်းမာရေးဝန်ထမ်းများကို ထပ်မံဖြည့်တင်း ခန့်ထားကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ရခိုင်ပြည်နယ်အတွင်း ကျန်းမာရေး စောင့်ရှောက်မှု လုပ်ငန်းများနှင့် ပတ်သက်၍ မည်သူမဆို ကျန်းမာရေး စောင့်ရှောက်မှု လာရောက်ခံယူနိုင်ကြောင်း နှင့် ဆေးရုံဆေးခန်းများသည် ကျန်းမာရေး စောင့်ရှောက်မှု ခံယူသူများအတွက် အကာအကွယ် ပေးထားသည့် နေရာများဖြစ်ကြောင်း အသိပေးကြေညာချက်များ ပြုလုပ်၍ ကျန်းမာရေး စောင့်ရှောက်မှုပေးလျက် ရှိကြောင်းနှင့် ၂၀၁၈ ခုနှစ် ဇန်န၀ါရီမှ ဧပြီလအတွင်း စစ်တွေဆေးရုံ၊ သက္ကယ်ပြင်ဆေးရုံ၊ မြောင်းဘွေဆေးရုံ၊ ဘူးသီးတောင်ဆေးရုံ၊ စေတီတောင်ဆေးရုံ၊ မောင်တောဆေးရုံများတွင် ပြင်ပလူနာနှင့် အတွင်းလူနာများကို လက်ခံ ကုသပေးလျက် ရှိကြောင်း သိရသည်။

ဝန်ကြီးဌာနအနေဖြင့် ဆရာဝန်၊ သူနာပြုများ အပါအ၀င် သားဖွားဆရာမ၊ ပြည်သူ့ကျန်းမာရေးကြီးကြပ် စသည့် အခြေခံကျန်းမာရေး ၀န်ထမ်းများကို နှစ်စဉ် မွေးထုတ်သွားမည် ဖြစ်ပြီး ရခိုင်ပြည်နယ်အတွင်းရှိ မြို့နယ်များအား ဦးစားပေး အစီအစဉ် သတ်မှတ်၍ ခန့်အပ်သွားမည် ဖြစ်ကြောင်းနှင့် သူနာပြုနှင့် သားဖွားသင်တန်းကျောင်း (စစ်တွေ) ၌ သူနာပြုနှင့် သားဖွား သင်တန်းသား၊ သင်တန်းသူ စုစုပေါင်း ၄၃၀၊ ပြည်သူ့ကျန်းမာရေးကြီးကြပ်(၂) ခြောက်လ သင်တန်းအား စစ်တွေမြို့၌ သင်တန်းသား၊ သင်တန်းသူ စုစုပေါင်း ၁၀၁ ဦးတို့ဖြင့် လေ့ကျင့် သင်တန်းပေးထားပြီး ဖြစ်ကြောင်း သိရသည်။

ကျန်းမာရေးနှင့် အားကစားဝန်ကြီးဌာန အနေဖြင့် ဆရာဝန်၊ သူနာပြုများနှင့် အခြေခံ ကျန်းမာရေး ၀န်ထမ်းများ ရာထူးတိုးမြှင့်ပေးရေးအတွက် အစီအစဉ်များ ဆောင်ရွက်သွားရန်ရှိပြီး ရာထူးတိုး၍ လစ်လပ်နေရာများနှင့် သက်ပြည့်ပင်စင်ယူခြင်း အပါအ၀င် အခြားလစ်လပ် နေရာများ၌ ပြန်လည် ခန့်အပ်နိုင်ရေးအတွက် အစီအစဉ်များအား စနစ်တကျ ဆောင်ရွက်သွားမည် ဖြစ်ကြောင်း၊ ရခိုင်ပြည်နယ်အတွင်းရှိ ဆေးရုံများ၌ ဆရာဝန်များ ပိုမိုခန့်အပ်နိုင်ရေးအတွက် ဆေးတက္ကသိုလ်များမှ မွေးထုတ်ပေးသော ဆရာဝန်များအား ကျန်းမာရေးနှင့် အားကစားဝန်ကြီးဌာနအနေဖြင့် ဦးစားပေး ခန့်အပ်သွားမည်ဖြစ်ပြီး ရခိုင်ပြည်နယ် အစိုးရ၏ အထူးအစီအစဉ် အနေဖြင့်လည်း ခန့်အပ်သွားမည် ဖြစ်ကြောင်း သိရသည်။

ထို့ပြင် ပြည်သူ့ကျန်းမာရေးကြီးကြပ် (၂) သင်တန်းသား ခေါ်ယူခြင်း၊ သူနာပြုနှင့် သားဖွား သင်တန်းကျောင်းအတွက် သင်တန်းသား/သူ ခေါ်ယူခြင်းများ၌ ဒေသခံများအား ခေါ်ယူခြင်းဖြင့် သင်တန်းပြီးဆုံး၍ တာဝန်ချထားရာတွင် ပိုမို အဆင်ပြေမည် ဖြစ်သဖြင့် ဒေသခံများအား ဦးစားပေး ခေါ်ယူ သင်တန်းပေး၍ မွေးထုတ်သွားမည် ဖြစ်ကြောင်းနှင့် သူနာပြုနှင့် သားဖွားများ ပိုမိုမွေးထုတ်ပေးနိုင်ရေးအတွက် လက်ရှိ စစ်တွေ သူနာပြုနှင့် သားဖွားသင်တန်းကျောင်း အပြင် ရခိုင်ပြည်နယ်၊ တောင်ပိုင်းရှိ မြို့နယ်တစ်ခုခု (လျာထား-ကျောက်ဖြူမြို့) ၌ သူနာပြုနှင့် သားဖွားသင်တန်းကျောင်းအသစ် တစ်ခု တည်ထောင် ဖွင့်လှစ်သွားနိုင်ရေး စီစဉ်ဆောင်ရွက်သွားမည် ဖြစ်ကြောင်းလည်း သိရသည်။

ရခိုင်ပြည်နယ်အတွင်း ရရှိနေသည့် ကျန်းမာရေး စောင့်ရှောက်မှုအဆင့်သည် နိမ့်ကျနေပြီး ကမ္ဘာ့ကျန်းမာရေး အဖွဲ့ကြီးက နိုင်ငံတစ်နိုင်ငံတွင် ထိရောက်သည့် ကျန်းမာရေးစောင့်ရှောက်မှု စနစ်တစ်ခုရှိရန်အတွက် လူ တစ်သောင်းလျှင် ကျန်းမာရေး လုပ်သား အနည်းဆုံး ၂၂ ဦးရှိရန် လိုအပ်သည်ဟု အကြံပြုထားကြောင်း၊ တစ်နိုင်ငံလုံး၏ ပျမ်းမျှနှုန်းအရ မြန်မာတစ်နိုင်ငံလုံး၌ ကျန်းမာရေးလုပ်သား အင်အားသည် လူတစ်သောင်းလျှင် ၁၆ ဦးခန့် ရှိသော်လည်း ရခိုင်ပြည်နယ်တွင် လူတစ်သောင်းလျှင် ကျန်းမာရေးလုပ်သား ငါးဦးသာ ရှိကြောင်း၊ ရခိုင်ပြည်နယ်ရှိ ကလေးသေနှုန်းသည်လည်း တစ်နိုင်ငံလုံး၏ ပျမ်းမျှနှုန်းထက် မြင့်နေကြောင်းနှင့် ကလေးမွေးဖွားသည့် အမျိုးသမီးများ၏ ၁၉ ရာခိုင်နှုန်းသာလျှင် ကျွမ်းကျင်သည့် ကျန်းမာရေး ၀န်ထမ်းများရှိသည့် ဆေးရုံဆေးပေးခန်းများတွင် မွေးဖွားကြကြောင်း ကျန်းမာရေးနှင့် အားကစားဝန်ကြီးဌာနမှ ရရှိသည့် အချက်အလက်များအရ သိရသည်။

 

နားလည်မှု စာချွန်လွှာကို လက်တွေ့ အကောင်အထည်ဖော်ရေးအတွက် ရခိုင်ပြည်နယ်သို့ UNDP နှင့် UNHCR ၀န်ထမ်းများအား ကွင်းဆင်း၊ အကဲဖြတ်မှု ဆောင်ရွက်နိုင်ရန် ခရီးသွားလာခွင့်ပြု

ဇူလိုင် ၂၂ ရက်က တောင်ပြိုလက်ဝဲ နယ်စပ်သို့ တာဝန်ရှိသူများ ကနဦး ကွင်းဆင်းစဉ်

နားလည်မှုစာချွန်လွှာ (MoU) ကို လက်တွေ့ အကောင်အထည်ဖော်ရေးအတွက် ရခိုင်ပြည်နယ်သို့ UNDP နှင့် UNHCR ၀န်ထမ်းများအား ကွင်းဆင်း၊ အကဲဖြတ်မှုများ ဆောင်ရွက်နိုင်ရန် ခရီးသွားလာခွင့်ပြုပြီ ဖြစ်ကြောင်း သြဂုတ် ၉ ရက်က နိုင်ငံခြားရေးဝန်ကြီးဌာန၏ သတင်းထုတ်ပြန်ချက်အရ သိရသည်။

ပြည်ထောင်စုသမ္မတ မြန်မာနိုင်ငံတော် အစိုးရ၊ ကုလသမဂ္ဂဖွံ့ဖြိုးမှုအစီအစဉ် (UNDP) နှင့် ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) တို့အကြား ၂၀၁၈ ခုနှစ် ဇွန် ၆ ရက်က လက်မှတ်ရေးထိုးခဲ့သည့် နားလည်မှုစာချွန်လွှာကို လက်တွေ့အကောင်အထည်ဖော်ရေး ပထမအဆင့်အနေဖြင့် ရခိုင်ပြည်နယ် မြောက်ပိုင်း၊ ဘူးသီးတောင်မြို့နယ်ရှိ ကျေးရွာအုပ်စု ငါးအုပ်စု (ကျေးရွာ ၁၂ ရွာ)နှင့် မောင်တောမြို့နယ်ရှိ ကျေးရွာအုပ်စု ရှစ်အုပ်စု (ကျေးရွာ ၁၁ ရွာ)၊ စုစုပေါင်း ကျေးရွာအုပ်စု ၁၃ အုပ်စု (ကျေးရွာ ၂၃ ရွာ) တို့၌ ကွင်းဆင်း၊ အကဲဖြတ်မှုများ စတင် ဆောင်ရွက်မည် ဖြစ်ကြောင်း ထုတ်ပြန်ချက်အရ သိရသည်။

ယင်းသို့ ကွင်းဆင်းအကဲဖြတ်မှုများ ဆောင်ရွက်နိုင်ရန်အတွက် UNDP နှင့် UNHCR တို့ဘက်မှ တာဝန်ချထားသည့် ၀န်ထမ်းများအား လိုအပ်သည့် ခရီးသွားလာခွင့် ပြုကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနက သြဂုတ် ၇ ရက်တွင် အသိပေးထားပြီး ဖြစ်ကြောင်း သိရသည်။ ယခုအခါ အဆိုပါနေရာများသို့ ကွင်းဆင်း အကဲဖြတ်မှုများ ပြုလုပ်ရန်အတွက် လိုအပ်သည်များ စီစဉ်ဆောင်ရွက်ပေးရန် သက်ဆိုင်ရာ ဌာနများသို့လည်း အကြောင်းကြားထားပြီး ဖြစ်ကြောင်း သိရသည်။

နိုင်ငံတကာပုဂ္ဂိုလ်နှစ်ဦး ပါဝင်၍ ရခိုင်ပြည်နယ်ဆိုင်ရာ လွတ်လပ်သောစုံစမ်းစစ်ဆေးရေးကော်မရှင် ဖွဲ့စည်းခြင်းသည် အစိုးရအနေဖြင့် နိုင်ငံရေးအရ ရဲတင်းလွန်းပြီး ဖြစ်လာမည့်ပြဿနာအရပ်ရပ်ကို တာဝန်ခံရမည်ဖြစ်ကြောင်း ပြည်ခိုင်ဖြိုးပါတီ လွှတ်တော်ကိုယ်စားလှယ် ပြောကြား

နိုင်ငံတကာပုဂ္ဂိုလ်နှစ်ဦးပါဝင်၍ ရခိုင်ပြည်နယ်ဆိုင်ရာ လွတ်လပ်သော စုံစမ်းစစ်ဆေးရေးကော်မရှင် ဖွဲ့စည်းခြင်းသည် အစိုးရအနေဖြင့် နိုင်ငံရေးအရရဲတင်းလွန်းပြီး ဖြစ်လာမည့် ပြဿနာအရပ်ရပ်ကို တာဝန်ခံရမည်ဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ပျော်ဘွယ်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသောင်းအေးက ပြောကြားသည်။

နေပြည်တော်၌ ဇူလိုင် ၃၁ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော်  န၀မပုံမှန်အစည်းအဝေး စတုတ္ထနေ့တွင် ဦးသောင်းအေးက လွှတ်တော်အစည်းအဝေး မစတင်မီအချိန်တွင် လွတ်လပ်သော စုံစမ်းစစ်ဆေးရေး ကော်မရှင်ဖွဲ့စည်းခြင်းနှင့် ပတ်သက်၍ အထက်ပါအတိုင်းပြောကြားခဲ့ခြင်း ဖြစ်သည်။

“အဆိုပါအဖွဲ့ ဖွဲ့စည်းခဲ့တာဟာ အစိုးရအနေနဲ့ လွှတ်တော်ကနေ ပြောသင့်ပြောထိုက်တဲ့ အကြံဥာဏ်တွေပေးပြီး ပြောတာကို လက်မခံဘဲ ကိုယ်လုပ်ချင်တာ ကိုယ်လုပ်သွားတဲ့သဘောဖြစ်ကာ ပြည်သူ့အသံတွေကို နားထောင်ပြီးတော့ လုပ်သင့်လုပ်ထိုက်တာကို လုပ်တာမဟုတ်ဘူးလို့ မြင်မိတယ်။ ဒီလို ဖွဲ့ပြီးလုပ်ရင် ဘာတွေဖြစ်လာမလဲဆိုတာကို ပြီးခဲ့တဲ့လွှတ်တော်မှာ အဆိုတင်သွင်းကတည်းက ပြောခဲ့ပြီး အားလုံးဝိုင်းပြီး ဆွေးနွေးခဲ့ကြပေမယ့် ဒီလိုလုပ်လာတဲ့အတွက် ဖြစ်လာမယ့် ပြဿနာအရပ်ရပ်ကိုတော့  ဒီအစိုးရက တာဝန်ယူရမှာ ဖြစ်ပါတယ်။ မလုပ်သင့်မလုပ် ထိုက်ဘူးဆိုတာကို ပြည်သူလူထုတော်တော်များများက သိထားပြီးဖြစ်တယ်။ ဖွဲ့မယ်လို့ ကြေညာထားတာနဲ့ ဖွဲ့တာနဲ့ကကြားမှာ တော်တော်လေးကို ကြာသွားတယ်။ ဒါကလည်း လူထုရဲ့အသံကို နားထောင်တယ်လို့ ထင်တယ်။ ဒါပေမဲ့ အဲဒီလို နားထောင်တဲ့အခါမှာ အားလုံးက ကန့်ကွက်ထားတယ်။ ပါတီပေါင်း စုံကလည်း တော်တော်များများ ကန့်ကွက်ထားတယ်။ ဒီကန့်ကွက်တဲ့ကြားထဲက အစိုးရက ဒါကိုလုပ်တယ်ဆိုတော့ နိုင်ငံရေးအရ ပြောမယ်ဆိုရင် အရမ်းရဲတင်းလွန်းတယ်။ တိုင်းပြည်အတွက် တကယ်ကြည့်ဖို့လိုတယ်” ဟု ဦးသောင်းအေးက ပြောကြားသည်။

အဆိုပါ ရခိုင်ပြည်နယ်ဆိုင်ရာ လွတ်လပ်သော စုံစမ်းစစ်ဆေးရေးကော်မရှင်ကို ဥက္ကဋ္ဌအဖြစ် ဖိလစ်ပိုင်နိုင်ငံ ဒုတိယနိုင်ငံခြား ရေးဝန်ကြီးဟောင်း၊ ကုလသမဂ္ဂ CEDAW ကော်မတီ၏ ဥက္ကဋ္ဌဟောင်းနှင့် လက်ရှိအဖွဲ့ဝင်ဖြစ်သူ သံအမတ်ကြီး  ရိုဆာရီယိုမယ်နာလို ဖြင့်လည်းကောင်း၊ အဖွဲ့ဝင်များအဖြစ် နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံး ဥက္ကဋ္ဌဟောင်းဖြစ်သူ ဦးမြသိန်း၊ လူသားချင်း စာနာထောက်ထားမှုကိစ္စရပ်များဆိုင်ရာ ကုလသမဂ္ဂ ဒုတိယအတွင်းရေးမှူးချုပ်နှင့် အရေးပေါ်ကယ်ဆယ်ရေး ညှိနှိုင်းရေးမှူးဟောင်း၊ ကုလသမဂ္ဂဆိုင်ရာ ဂျပန်အမြဲတမ်းကိုယ်စားလှယ်ဟောင်း သံအမတ်ကြီး ကင်ဇိုအိုရှီးမား နှင့် ယူနီဆက်အဆင့်မြင့်အရာရှိကြီးဟောင်း နှင့် ကုလသမဂ္ဂ၀န်ထမ်း ကောလိပ်ကျောင်းအုပ်ကြီးဟောင်း ပါမောက္ခဒေါက်တာအောင်ထွန်းသက်တို့ဖြင့် ဖွဲ့စည်းကြောင်း ဇူလိုင် ၃၀ ရက် နေ့စွဲဖြင့် နိုင်ငံတော်သမ္မတရုံးက သတင်းထုတ်ပြန်ခဲ့ခြင်း ဖြစ်သည်။

ထိုသို့ လွတ်လပ်သော စုံစမ်းစစ်ဆေးရေးကော်မရှင် ဖွဲ့စည်းခြင်းနှင့်ပတ်သက်၍  ဖွဲ့စည်းခဲ့သော အဖွဲ့အစည်း၏ အစီရင်ခံစာများ ထွက်လာမှသာ ဝေဖန်ထောက်ပြခြင်းများ လုပ်သင့်ပြီး လတ်တလောတွင် ၎င်းတို့၏ ဆောင်ရွက်ချက်လုပ်ဆောင်ချက်များကို ဘာမှမသိရသေးကြောင်း၊ ဖွဲ့စည်းပေးလိုက်သော နိုင်ငံခြားပုဂ္ဂိုလ်ကြီး နှစ်ဦးသည် နိုင်ငံတကာအလယ်တွင် အင်မတန်ဂုဏ်သရေရှိသော ပုဂ္ဂိုလ်များ ဖြစ်ကြောင်းကို ယုံကြည်ထားရမည် ဟု NLD ပါတီ၏ ပုလဲမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ပြောကြားသည်။

ရခိုင်ပြည်နယ်ဆိုင်ရာ စိန်ခေါ်မှုများနှင့် လူမှုစီးပွားဖွံ့ဖြိုးတိုးတက်ရေးတို့အတွက် အနာဂတ်၌ ဆက်လက်ဆောင်ရွက်သင့်သည့် လုပ်ငန်းစဉ်များနှင့်ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ်နှင့် ရခိုင်ပြည်နယ်ဆိုင်ရာ အကြံပေးအဖွဲ့ဥက္ကဋ္ဌတွေ့ဆုံဆွေးနွေး

နေပြည်တော်ရှိ နိုင်ငံခြားရေးဝန်ကြီးဌာနတွင် ဇူလိုင် ၁၇ ရက်က နိုင်ငံတော်၏အတိုင်ပင်ခံပုဂ္ဂိုလ်နှင့် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်အဖော်ဆောင်ရွက်ရေး ကော်မတီ၏ အကြံပေးအဖွဲ့ တွေ့ဆုံဆွေးနွေးနေစဉ် (ဓာတ်ပုံ- နိုင်ငံခြားရေးဝန်ကြီးဌာန)

ရခိုင်ပြည်နယ်ဆိုင်ရာ စိန်ခေါ်မှုများနှင့် လူမှုစီးပွားဖွံ့ဖြိုးတိုးတက်ရေးတို့အတွက် အနာဂတ်၌ ဆက်လက်ဆောင်ရွက်သင့်သည့် လုပ်ငန်းစဉ်များနှင့်ပတ်သက်၍ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် ထိုင်းနိုင်ငံ ဒုတိယ၀န်ကြီးချုပ်ဟောင်း Dr.Surakiart Sathirahai ဦးဆောင်သည့် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေး ကော်မတီ၏ အကြံပေးအဖွဲ့တို့ တွေ့ဆုံဆွေးနွေးခဲ့ကြောင်း သတင်းရရှိသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် Dr.Surakiart Sathirahai  ဦးဆောင်သည့် အကြံပေးအဖွဲ့သည် ဇူလိုင် ၁၇ ရက် နံနက်ပိုင်းတွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ထားသည်။

ထိုသို့တွေ့ဆုံရာတွင်ဥက္ကဋ္ဌက အကြံပေးအဖွဲ့၏ ဆောင်ရွက်ချက်များနှင့် လုပ်ငန်းအစီအစဉ်များကို ရှင်းလင်းပြောကြားခဲ့ကြောင်း၊ ထို့ပြင် အကြံပေးအဖွဲ့၏ ပထမနှင့် ဒုတိယအကြိမ် ခရီးစဉ်များအပြီး ထုတ်ပြန်ထားသည့် အကြံပြုချက်များအား အကောင်အထည်ဖော် ဆောင်ရွက်မှုအနေအထား၊ ရခိုင်ပြည်နယ်ဆိုင်ရာ စိန်ခေါ်မှုများနှင့် လူမှုစီးပွားဖွံ့ဖြိုးတိုးတက်ရေးတို့အတွက် အနာဂတ်တွင် ဆက်လက်ဆောင်ရွက်သင့်သည့် လုပ်ငန်းစဉ်များနှင့် ပတ်သက်၍ အမြင်ချင်း ဖလှယ်ဆွေးနွေးခဲ့ကြကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်ခဲ့သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ နိုင်ငံတော်အတိုင်ပင်ခံရုံး ၀န်ကြီးဦးကျော်တင့်ဆွေ၊ ပြည်ထောင်စုအစိုးရအဖွဲ့ရုံး ၀န်ကြီးဦးသောင်းထွန်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဒေါက်တာဝင်းမြတ်အေး၊ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီး ဦးကျော်တင်နှင့်အခြားအရာရှိများလည်း ပါဝင်တက်ရောက်ခဲ့ကြောင်း သတင်းထုတ်ပြန်ထားသည်။

ထို့အတူ ဇူလိုင် ၁၇ ရက်တွင် နေပြည်တော်ရှိ အမျိုးသားလွှတ်တော်၌ လွှတ်တော်ဥက္ကဋ္ဌ မန်းဝင်းခိုင်သန်းသည် ရခိုင်ပြည်နယ်ဆိုင်ရာ အကြံပြုချက်များ အကောင်အထည်ဖော် ဆောင်ရွက်ရေးကော်မတီ အကြံပေးအဖွဲ့၏ ဥက္ကဋ္ဌ  Dr.Surakiart Sathirahai ဦးဆောင်သည့်အဖွဲ့ကို လက်ခံတွေ့ဆုံခဲ့ကြောင်း သိရသည်။

ရခိုင်ပြည်နယ်ဆိုင်ရာ အကြံပြုချက်များ အကောင်အထည်ဖော်ဆောင်ရွက်ရေး ကော်မတီအကြံပေးအဖွဲ့၏ ဆောင်ရွက်မှုများ၊ ရခိုင်ပြည်နယ်အရေးနှင့် စပ်လျဉ်း၍ လွှတ်တော်၏ အခန်းကဏ္ဍမှ ဆောင်ရွက်မှုများကို ရင်းနှီးပွင့်လင်းစွာ ဆွေးနွေးခဲ့ကြကြောင်း အမျိုးသားလွှတ်တော်က သတင်းထုတ်ပြန်ထားသည်။

ထို့ပြင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာ ပြည်ထောင်စုဝန်ကြီး ဒေါက်တာဝင်းမြတ်အေးသည် ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက် ရေးကော်မတီ၏ အကြံပေးအဖွဲ့ဥက္ကဋ္ဌ  Dr.Surakiart Sathirahai ဦးဆောင်သည့် အဖွဲ့နှင့် ဇူလိုင် ၁၆ ရက်တွင် တွေ့ဆုံခဲ့ကြောင်း သိရသည်။

တွေ့ဆုံရာ၌ ရခိုင်ပြည်နယ်ဆိုင်ရာ လက်ရှိဖြစ်ပေါ်တိုးတက်မှုများ၊ ရခိုင်ပြည်နယ်ဆိုင်ရာ အကြံပြုချက်များနှင့် စပ်လျဉ်း၍ ဆောင်ရွက်ပြီးစီးမှုအခြေအနေများ၊  Dr.Surakiart Sathirahai ဥက္ကဋ္ဌအဖြစ်ဆောင်ရွက်သည့် အကြံပေးအဖွဲ့က အကြံပြုတင်ပြထားသည့် အကြံပြုချက်များအနက် အကောင်အထည် ဖော်ဆောင်ရွက်လျက်ရှိသည့် အခြေအနေများ၊ UNHCR ၊ UNDP နှင့် မြန်မာအစိုးရတို့အကြား ဘင်္ဂလားဒေ့ရ်ှသို့ နေရပ်စွန့်ခွာသူများအား ပြန်လည်လက်ခံရေးဆိုင်ရာ နားလည်မှုစာချွန်လွှာရေးထိုးပြီး ဆက်လက် ဆောင်ရွက်နေသည့် အခြေအနေများ နှင့် ရခိုင်ပြည်နယ် ရေရှည်ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်နိုင်မည့် အခြေအနေများကို ဆွေးနွေးခဲ့ကြကြောင်း နိုင်ငံခြားရေးဝန်ကြီးဌာနက ထုတ်ပြန်ထားသည့် ရခိုင်ပြည်နယ်ဆိုင်ရာ နေ့စဉ်သတင်းအကျဉ်းချုပ်၌ ဖော်ပြထားသည်။

ထို့အတူ ရခိုင်ပြည်နယ်ဝန်ကြီးချုပ် ဦးညီပုနှင့် အကြံပေးအဖွဲ့ဥက္ကဋ္ဌ Dr.Surakiart Sathirahai ဦးဆောင်သည့်အဖွဲ့တို့ ဇူလိုင် ၁၆ ရက် ညနေပိုင်းတွင် နေပြည်တော်ရှိ သင်္ဂဟဟိုတယ်၌ တွေ့ဆုံခဲ့ပြီး ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး ဆောင်ရွက်ချက်များ၊ နေရပ်စွန့်ခွာသူများ ပြန်လည်လက်ခံရေးဆိုင်ရာ လုပ်ငန်းစဉ်များ၊ နှစ်ဖက်လူ့အဖွဲ့အစည်း သဟဇာတဖြစ်ရေး နှင့် အတူယှဉ်တွဲနေထိုင်နိုင်ရေး၊ ရေရှည်လူမှုဘ၀ ဖွံ့ဖြိုးတိုးတက်ရေး၊ IDP  စခန်းများ ပိတ်သိမ်းခြင်းနှင့်ပတ်သက်၍ ဆောင်ရွက်ထားရှိမှု အခြေအနေများ၊ NVC  ကတ်ပြားထုတ်ပေးခြင်းဆိုင်ရာ ဆောင်ရွက်မှုအခြေအနေတို့ကို ဆွေးနွေးခဲ့ကြကြောင်း ရခိုင်ပြည်နယ်ဆိုင်ရာ နေ့စဉ်သတင်းအကျဉ်းချုပ်တွင် ဖော်ပြထားသည်။

ရခိုင်ပြည်နယ်မှ နေရပ်စွန့်ခွာသွားသူများအား ပြန်လည်လက်ခံရေး လုပ်ငန်းစဉ်ကို အထောက်အပံ့ပြုနိုင်ရေးအတွက် မြန်မာအစိုးရနှင့် ကုလသမဂ္ဂအေဂျင်စီများအကြား နားလည်မှုစာချွန်လွှာကို ဇွန် ၆ ရက်တွင် နေပြည်တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန၌ လက်မှတ်ရေးထိုးခဲ့ကြသည်။

ရခိုင်ပြည်နယ်ဆိုင်ရာ အကြံပြုချက်များ အပေါ်အကောင်အထည်ဖော်ဆောင်ရွက်ရေး ကော်မတီကို ဥက္ကဋ္ဌအဖြစ် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထား ရေးဝန်ကြီး ဒေါက်တာဝင်းမြတ်အေးနှင့် ပူးတွဲဥက္ကဋ္ဌအဖြစ် ရခိုင်ပြည်နယ်အစိုးရအဖွဲ့ ၀န်ကြီးချုပ် ဦးညီပုကတို့ကို တာဝန်ပေးကာ ၂၀၁၇ ခုနှစ် စက်တင်ဘာ ၁၂ ရက်တွင် ဖွဲ့စည်းထားသည်။

ဖယ်ရှားပေးရန် ညွှန်ကြားထားခြင်းခံရသော မောင်တော တောင်ပိုင်း သင်္ဘေကွေ့ကျေးရွာသား သုံးဦးထံ မောင်တောမြို့နယ်တရားရုံးမှ နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ) ဖြင့် သမ္ဗာန်စာပေးပို့

ရခိုင်ပြည်နယ်မြောက်ပိုင်း မောင်တော တောင်ပိုင်းရှိ ဖယ်ရှားပေးရန် ညွှန်ကြားချက် ထုတ်ပြန်ထားသော သင်္ဘောကွေ့ကျေးရွာသား သုံးဦးအား မောင်တောမြို့နယ်တရားရုံးမှ နိုင်ငံတော်အကြည်ညိုပျက်စေမှု ပုဒ်မ  ၅၀၅ (ခ) ဖြင့် သမ္ဗာန်စာပေးပို့ထားကြောင်း သိရသည်။

သင်္ဘောကွေ့ကျေးရွာသည် မောင်တော တောင်ပိုင်းလုံခြုံမှုပိုမိုအားကောင်းလာစေရေးအတွက် ရခိုင်ပြည်နယ်အနှံ့အပြားမှ တိုင်းရင်းသားများလာရောက်နေထိုင်ကြခြင်းဖြစ်ကာ ကိုယ့်အားကိုယ်ကိုးစနစ်ဖြင့် လာရောက်အခြေချ နေထိုင်ကြခြင်းဖြစ်ကြောင်းလည်း သိရှိရပြီး လာရောက်နေထိုင်သော အိမ်ခြေ ၄၈ လုံးရှိ ကြောင်း သိရသည်။

သို့သော် ယခင်လပိုင်းကစတင်ကာ ထွက်ခွာပေးရန်ညွှန်ကြားချက်များရှိလာခဲ့ပြီး ထိုသို့ ညွှန်ကြားချက်ကို မြို့နယ်အုပ်ချုပ်ရေးမှူးမှ ညွှန်ကြားစာပေးပို့ခြင်းဖြစ်ကာ ခုနစ်ရက်အတွင်း ကျေးရွာမှ ဖယ်ရှားပေးရန်ညွှန်ကြားထားကြောင်းနှင့် ဇူလိုင် ၇ ရက်တွင်လည်း ပုဒ်မ ၅၀၅ (ခ)ဖြင့် မြို့နယ်တရားရုံးမှ သမ္ဗာန်စာပေးပို့လာကြောင်း  သိရသည်။

“ကျွန်တော်တို့ သုံးယောက်ဆီကို ဒီနေ့ သမ္ဗာန်စာရောက်တယ်။ ပုဒ်မ ၅၀၅ (ခ) နဲ့ တရားစွဲထားတဲ့သဘောပေါ့နော်။ စာရောက်တာက ဦးထွန်းမြဦးရယ်၊ ကျွန်တော်ရယ်၊ ဒေါ် ဥမ္မာကျော် သုံးယောက်ဆီကိုရောက်တာပေါ့။ သုံးယောက်ဆိုတာကလည်း ဒီရွာကို ဦးဆောင် ဦးရွက်ဖြစ်နေသူတွေကို အဓိကထားပို့တာလို့ မြင်တယ်။ ကျွန်တော်တို့ဘက်ကတော့ ရင်ဆိုင်သွားဖို့ အဆင်သင့်ရှိပါတယ်။ ဒါပေမဲ့ သူတို့က ပုဒ်မ ၅၀၅ (ခ) တပ်ထားတော့ ကျွန်တော်တို့နဲ့ ဘာမှသက်ဆိုင်ခြင်းမရှိဘူးလို့တော့မြင်တယ်။ ဇူလိုင် ၉ ရက်မှာ တရားရုံးကို အရောက်လာရမယ်လို့ဖော်ပြပါရှိတယ်။ တကယ်တော့ ဒီရွာဟာ ယခင်ခေတ်အဆက်ဆက်က ရခိုင်တွေရဲ့ နေရာလို့သိရတယ်။ ဒါကြောင့် ကျွန်တော်တို့ ဘာပဲဖြစ်ဖြစ် ဒီရွာမပြိုကွဲဖို့အတွက်တော့ ရပ်တည်သွားမှာပါ။ ရွာပျက်သွားမှာကို ကျွန် တော်တို့ အထူးစိုးရိမ်ပါတယ်”ဟု တရားရုံးမှ ဆင့်ခေါ်ခံရသူ ဦးအောင်နိုင်က ဆိုသည်။

အလားတူပင် ဒေါ်ဥမ္မာကျော်ကလည်း တရားရုံးမှခေါ်သည့်အတွက် သွားရမည်ဖြစ်ကြောင်း၊ သို့သော် ယင်းတို့အနေဖြင့် နိုင်ငံတော် အကြည်အညိုပျက်အောင် မလုပ်ဆောင်ခဲ့ကြောင်း၊ အမိမြေကိုကာကွယ်ခြင်းဖြစ်သည့်အပြင် အဆိုပါနေရာသည် ဘိုးဘေးဘီဘင် လက်ထက်ကတည်းက ရခိုင်တိုင်းရင်းသားများ ရွာတည်ဆောက်နေထိုင်ခဲ့မှုများရှိခဲ့သည်နေရာဒေသတစ်ခုဖြစ်ကြောင်း၊ ရခိုင်တိုင်းရင်းသားများ အစဉ်အဆက်ပိုင်ဆိုင်ခဲ့သည့်မြေပေါ်တွင် လုပ်ကိုင်စားသောက်ရန် ရွာတည်ခြင်းဖြစ်ကြောင်း၊ မည်သူမျှ လုပ်ကိုင်စားသောက်နေထိုင်ခြင်း မရှိသည့်အတွက် မြို့နယ်ပေါင်းစုံမှ တိုင်းရင်းသားများ လာရောက်နေထိုင်ကြခြင်း ဖြစ်ကြောင်း ပြောကြားသည်။

“ကျွန်မတို့က လယ်ယာ၊ ဥယျာဉ်လုပ်ကိုင် စားသောက်ဖို့ လာရောက် နေထိုင်တာဖြစ်တယ်။ ဘိုးဘွားဘီဘင်ကတည်းက ရခိုင်တိုင်းရင်းသားတွေ ပိုင်ဆိုင်ခဲ့တဲ့ နေရာ ကျေးရွာတွေသာဖြစ်တယ်။ အေးချမ်းစွာနေထိုင်ဖို့ဆိုပြီး လာရောက်နေထိုင်တာဖြစ်တယ်။ ဒါပေမဲ့ အဲဒါကို ဖြိုဖျက်ခိုင်းတာကတော့ စဉ်းစားလို့မရဘူးဖြစ်နေတယ်။ ကျွန်မတို့မှာ အပြစ်မရှိဘူးလို့လည်းယုံကြည်ပါတယ်” ဒေါ်ဥမ္မာက ဆိုသည်။

သင်္ဘောကွေ့ကျေးရွာဖယ်ရှားခြင်းနှင့်ပတ်သက်ပြီး ဝေဖန်မှုများမြင့်တက်လျက်ရှိပြီး မောင်တောမြို့နယ်မြောက်ပိုင်းထက် တောင်ပိုင်းတွင် တိုင်းရင်းသားများသာ စုစည်းနေထိုင်ရေးကို တိုင်းရင်းသားများလိုလားကြကြောင်း နှင့် အချုပ်အခြာအာဏာတည်တံ့ခိုင်မြဲရေး၊နယ်မြေလုံခြုံရေးအတွက် ဘင်္ဂါလီများကို ပြန်လည်နေရာချထားခြင်းမပြုသင့်ကြောင်း အဆို နှင့် ပတ်သက်ပြီး ရခိုင်ပြည်နယ်လွှတ်တော်တွင် အတည်ပြုထားကြောင်း သိရသည်။

“သင်္ဘောကွေ့ရွာမှာ ရခိုင်တိုင်းရင်းသားတွေ နေအိမ်ဆောက်လုပ်နေထိုင်ကြတယ်ဆိုတာကလည်း မောင်တောတောင်ပိုင်းမှာ နိုင်ငံသား မဟုတ်သူတွေကို နေရာချထားဖို့မသင့်တော်ဘူးဆိုပြီး ပြည်နယ်လွှတ်တော်က အတည်ပြုထားပြီးဖြစ်ပါတယ်။ အခုလာရောက် နေထိုင်သူတွေဟာ နိုင်ငံသားတွေဖြစ်နေတဲ့အတွက်ကြောင့် နေထိုင်ခွင့်ပြုသင့်တယ်လို့ယူဆပါတယ်။ ဒါပေမဲ့ ဘူးသီးတောင် ဂူတာပြင် ကျေးရွာမှာဆိုရင် မီးလောင်ပြင်တွေမှာ ဘင်္ဂါလီတွေက နေအိမ် ၇၆ လုံးကို ဆောက်လုပ်ပြီး လာရောက်နေထိုင်ကြတာရှိပါတယ်။ အဲဒါ တွေကို အရေးမယူဘဲ ဒီသင်္ဘောကွေ့ရွာမှာ ရှိတဲ့ တိုင်းရင်းသားတွေကိုသာ အရေးယူမယ်၊ ဖယ်ရှားတယ်ဆိုတာ နားမလည်နိုင်အောင်ဖြစ်ရပါတယ်။ အမှန်တကယ်အားဖြင့်ဆိုရင် ဒီကနေ့ နိုင်ငံတော်အစိုးရဟာ ဥပဒေနဲ့ မညီတဲ့လက် ခံမှုတွေကို တွေ့နေရတယ်။ ဟိုဘက်ကိုရောက်နေသူတွေကိုကျတော့ ကျောပွတ်ပြီးမွေးဖို့ ကြိုးစားတယ်။ တိုင်းရင်းသားတွေကျတော့နှင်တယ်ဆိုတော့ မသင့်တော်ဘူးလို့မြင်တယ်”ဟု ဘူးသီးတောင်မှ ရခိုင်ပြည်နယ်လွှတ်တော်ကိုယ် စားလှယ်ဦးထွန်းအောင်သိန်းက ပြောကြားသည်။

 

 

ရခိုင်ပြည်နယ်အတွင်း ၂၀၁၈ ခုနှစ် ဇန်န၀ါရီမှ ဧပြီလအတွင်း ၁၉၈၂ ခုနှစ် မြန်မာနိုင်ငံသားဥပဒေအရ ဗဟိုအဖွဲ့၏ ဆုံးဖြတ်ချက်ဖြင့် ၃၉၉ ဦးကို နိုင်ငံသားစိစစ်ရေးကတ်ပြားများ ထုတ်ပေးခဲ့

ရခိုင်ပြည်နယ်အတွင်း ၂၀၁၈ ခုနှစ် ဇန်န၀ါရီမှ ဧပြီလအတွင်း ၁၉၈၂ ခုနှစ် မြန်မာနိုင်ငံသားဥပဒေအရ ဗဟိုအဖွဲ့၏ ဆုံးဖြတ်ချက်ဖြင့် ၃၉၉ ဦးကို နိုင်ငံသားစိစစ်ရေးကတ်ပြားများ ထုတ်ပေးခဲ့ကြောင်း ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော် ဆောင်ရွက်ရေး ကော်မတီအစီရင်ခံစာတွင် ဖော်ပြထားသည်။

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီက ၂၀၁၈ ခုနှစ် ဇန်န၀ါရီမှ ဧပြီအထိ ဆောင်ရွက်ခဲ့သည့် လုပ်ငန်းစဉ် များနှင့်စပ်လျဉ်း၍ ပြည်သူသို့ အစီရင်ခံစာတွင် ဖော်ပြထားခြင်းဖြစ်ပြီး အဆိုပါအစီရင်ခံစာကို ဇွန် ၁၂ ရက်တွင် အစိုးရ၏ Information Committee Facebook စာမျက်နှာ၌ ထုတ်ပြန်ထားသည်။

ရခိုင်ပြည်နယ်အတွင်း ၁၉၈၂ ခုနှစ် မြန်မာနိုင်ငံသား ဥပဒေပုဒ်မ ၆၅ အရ နိုင်ငံသား၊ နိုင်ငံသားပြုခွင့်ရသူ ဟုတ် မဟုတ် ဗဟိုအဖွဲ့၏ အဆုံးအဖြတ်ခံယူရန် လျှောက်ထားသူများအား ၂၀၁၈ ခုနှစ် ဇန်န၀ါရီ ၁ ရက်မှ ဧပြီ ၃၀  ရက်အထိ ကာလအတွင်း ဗဟိုအဖွဲ့၏ အစည်းအဝေး ဆုံးဖြတ်ချက်ဖြင့် အသက် ၁၀ နှစ်ပြည့်သူ  ၈၇ ဦးနှင့် အသက် ၁၈ နှစ်ပြည့်သူ ၂၅၂ ဦး၊ စုစုပေါင်း ၃၃၉ ဦးတို့အား နိုင်ငံသားစိစစ်ရေး ကတ်ပြားများ ထုတ်ပေးခဲ့ကြောင်း၊ အဆိုပါနိုင်ငံသားစိစစ်ရေးကတ်ပြား ရရှိသူများသည် မြန်မာနိုင်ငံသား ဥပဒေပုဒ်မ ၁၂ နှင့် ပုဒ်မ ၅၃ တို့တွင် သတ်မှတ်ပြဋ္ဌာန်း ထားသည့်အတိုင်း နိုင်ငံတော်၏ ဥပဒေပါ နိုင်ငံသားအခွင့်အရေးများကို ခံစားခွင့်ရှိသည်ဟု အစီရင်ခံစာတွင် ဖော်ပြထားသည်။

ထို့အတူ နိုင်ငံသားစိစစ်ရေးလုပ်ငန်းစဉ်ကို တည်ဆဲဥပဒေစည်းမျဉ်းများနှင့်အညီ အရှိန်အဟုန် မြှင့်တင်ဆောင်ရွက်လျက်ရှိရာ ၂၀၁၈ ခုနှစ် ဇန်န၀ါရီ ၁ ရက်မှ ဧပြီ ၃၀ ရက် အထိကာလအတွင်း မောင်တောမြို့နယ်၊ ရွှေဇားကျေးရွာအုပ်စု၊ မြို့မ (၁) ရပ်ကွက်နှင့် မြို့မတောင်ရပ်ကွက်တို့တွင် (NV Card) ထုတ်ပေးခြင်းနှင့် Biometric Data စနစ်ဖြင့် မှတ်တမ်းတင်ခြင်း ၃၇၉ ဦး ၊ စစ်တွေမြို့နယ်၊ အောင်မင်္ဂလာရပ်ကွက်၊ သက္ကယ်ပြင်ကျေးရွာနှင့် သဲချောင်းကျေးရွာတို့တွင် NV Card ထုတ်ပေးခြင်းနှင့် Biometric Data စနစ်ဖြင့် မှတ်တမ်းတင်ခြင်း ၁၉၀၇ ဦးတို့ကို ဆောင်ရွက်ပေးခဲ့ကြောင်း၊ နိုင်ငံသားစိစစ်မှု၏ အခြေခံဖြစ်သော NV Card  လုပ်ငန်းစဉ် အရှိန်မြှင့်တင်ခြင်းကို စစ်တွေမြို့သက္ကယ်ပြင် IDP စခန်း၊ စစ်တွေမြို့ခေါင်းဒုက္ကာ IDP စခန်း၊ ကျောက်တော်မြို့နိဒင် IDP စခန်းတို့တွင် အဓိကရှေ့ပြေးဧရိယာ (Pilot Area)  အဖြစ် သတ်မှတ်ဆောင်ရွက်လျက်ရှိကြောင်း၊ ယင်းအပြင် NV Card လာရောက်လျှောက်ထား သူများကိုလည်း နိုင်ငံသား စိစစ်မှုခံယူနိုင်ရေးအတွက် တစ်ပြိုင်တည်း လျှောက်ထားနိုင်ရန် ဆောင်ရွက်ထားကြောင်း သိရသည်။

ထို့ပြင် ရခိုင်ပြည်နယ်အတွင်း နိုင်ငံသား စိစစ်ရေးလုပ်ငန်းစဉ်နှင့်ပတ်သက်၍ ကိုင်ဆောင်သင့်သည့် လက်မှတ်သို့မဟုတ် ကတ်ပြားတစ်မျိုးမျိုး ရရှိသည်အထိ ဆောင်ရွက်ရမည့် လုပ်ငန်းစဉ်အဆင့်ဆင့်ကို စတင်လျှောက်ထားသည့်နေ့မှစ၍ ငါးလအတွင်း အပြီးဆောင်ရွက်ရန် အချိန်ကာလသတ်မှတ်ထား ကြောင်း အစီရင်ခံစာတွင် ပါရှိသည်။

ရခိုင်ပြည်နယ်အတွင်း နိုင်ငံသားစိစစ်ရေး လုပ်ငန်းစဉ်ကို အရှိန်အဟုန်မြှင့်တင်ဆောင်ရွက်လျက်ရှိပြီး နိုင်ငံသားစိစစ်ရေး ကတ်ပြားရရှိသူများသည် မြန်မာနိုင်ငံသား ဥပဒေပုဒ်မ ၁၂ နှင့် ပုဒ်မ ၃၅ တို့တွင် သတ်မှတ်ပြဋ္ဌာန်းထားသည့်အတိုင်း နိုင်ငံတော်၏ ဥပဒေပါ နိုင်ငံသားအခွင့်အရေးများကို ခံစားခွင့်ရှိသည်ဟု အစိုးရ၏ သတင်းထုတ်ပြန်ချက်တွင် ဖော်ပြထားသည်။

နိုင်ငံသားဖြစ်ခွင့် မရရှိသူများသည် မြန်မာနိုင်ငံသား ဥပဒေပုဒ်မ ၇၀ (က) အရ အစိုးရအဖွဲ့ထံသို့ အယူခံတင်ပြပိုင်ခွင့်ရှိပြီး ပုဒ်မ ၇၀ (ခ) အရ အစိုးရအဖွဲ့၏ ဆုံးဖြတ်ချက်ကို လိုက်နာရမည်ဖြစ်ကာ ယင်းပြဋ္ဌာန်း ချက်များနှင့်အညီ ဗဟိုအဖွဲ့၏ ဆုံးဖြတ်ချက်အပေါ် အယူခံဝင်ရောက်ခဲ့သူ သုံးဦးကို ပြန်လည်စိစစ်၍ အစိုးရအဖွဲ့၏ ဆုံးဖြတ်ချက်ဖြင့် နိုင်ငံသားအဖြစ် ပြန်လည်သတ်မှတ်ပေးခဲ့ကြောင်း သတင်းထုတ်ပြန်ချက်အရ သိရသည်။

ထို့ပြင် နိုင်ငံသားမဟုတ်သော်လည်း မြန်မာနိုင်ငံအတွင်း နေထိုင်သူမှန်ကန်ပါက နိုင်ငံအတွင်း နေထိုင်ရန် NV ကတ်များ ကိုင်ဆောင်စေ၍ နိုင်ငံတော်မှ ချမှတ်ထားသော စည်းမျဉ်း၊ စည်းကမ်းများနှင့်အညီ နေထိုင်ခွင့်ရှိပြီး မြန်မာနိုင်ငံအတွင်း အမြဲတမ်းလာ ရောက်နေထိုင်သော မြန်မာနိုင်ငံသား မဟုတ်သူများအား နိုင်ငံခြားသား အမြဲနေထိုင်ခွင့်ဆိုင်ရာ နည်းဥပဒေများ ပြဋ္ဌာန်းသတ်မှတ် ဆောင်ရွက်ပေးနေကြောင်းလည်း သတင်းထုတ်ပြန်မှုအရ သိရသည်။

နိုင်ငံသားစိစစ်ရေးလုပ်ငန်းစဉ် ပြန်လည်အသက်ဝင်စေရေးနှင့် ပြည်သူများဘက်မှ ပူးပေါင်းဆောင်ရွက်မှုများ ဖြစ်ပေါ်လာစေ ရေးအတွက် အဆိုပါကာလအတွင်း ရခိုင်ပြည်နယ်အတွင်းရှိ စစ်တွေ၊ မြောက်ဦးစသည့် မြို့နယ်ခြောက်မြို့နယ်တွင် နိုင်ငံသားစိစစ်ရေးကတ်ပြား လျှောက်ထားခြင်းနှင့်စပ်လျဉ်း၍ အစ္စလာမ်ဘာသာဝင်များ နိုင်ငံတော်၏ နိုင်ငံသားစိစစ်ရေး လုပ်ငန်းများတွင် ပူးပေါင်းဆောင်ရွက်ကြရန် ရှင်းလင်းဖော်ပြစာများ ဖြန့်ဝေခဲ့ကြောင်း သတင်းထုတ်ပြန်ရေးကော်မတီ၏ ထုတ်ပြန်ချက်အရ သိရသည်။

 

ရခိုင်ပြည်နယ် လွှတ်တော်မှ ခြောက်ဘီလျံကျော် ကောက်ခံမှုနှင့် ဆက်စပ်ပြီး နောင်တွင် အစိုးရက ငါတို့ကြိုက်သလို ဆွဲမယ်၊ လွှတ်တော်က ငါတို့ ဥပဒေအတိုင်း ဖြတ်တောက်မယ် ဆိုတဲ့ပုံစံမျိုး မဖြစ်စေလိုကြောင်းနှင့် ပါတီစွဲ၊ အတ္တစွဲ၊ မာနစွဲ မထားကြရန် ရခိုင်ပြည်နယ် လွှတ်တော်ဥက္ကဋ္ဌ ပြောကြား

ရခိုင်ပြည်နယ် လွှတ်တော်မှ ခြောက်ဘီလျံကျော် ဖြတ်မှုကို ပြုလုပ်ခဲ့ရသည့်အတွက် လာမည့် ၂၀၁၈-၁၉ ဘတ်ဂျက်များတွင် ဖြတ်တော်မှု မဖြစ်ပေါ်စေရေးအတွက် ငါတို့ကြိုက်သလို ဆွဲမယ်၊ ငါတို့ ဥပဒေအတိုင်း ဖြတ်တောက်မယ် ဆိုတဲ့ပုံစံမျိုး မဖြစ်စေလိုကြောင်းနှင့် ပါတီစွဲ၊ အတ္တစွဲ၊ မာနစွဲ မထားကြရန် ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေး ၃/၂၀၁၈ တတိယနေ့တွင် လွှတ်တော်ဥက္ကဋ္ဌက လွှတ်တော်ကိုယ်စားလှယ်များအား ပြောကြားခဲ့သည်။

ယင်းနှင့် ပတ်သက်ပြီး ရခိုင်ပြည်နယ် လွှတ်တော်ဥက္ကဋ္ဌ ဦးစံကျော်လှက “ဧပြီလမှ စက်တင်ဘာလအထိ ခြောက်လ ဘတ်ဂျက်မှာ ကျွန်တော်တို့ ရခိုင်ပြည်နယ်ဟာ ခြောက်ဘီလျံကျော် ဖြတ်တောက်ခြင်း ခံခဲ့ရတယ်ဆိုတာ အားလုံးအသိပဲ ဖြစ်ပါတယ်။ ခြောက်ဘီလျံ ဆိုတာ နည်းနည်းနောနော ကိစ္စမဟုတ်ဘူး၊ ဒါကို ကျွန်တော်တို့က ဖြတ်တောက် ခဲ့ရတယ်။ စိတ်မကောင်းဘူးဆိုတာ ဟိုတုန်းကလည်း ပြောခဲ့ပြီးပြီ။ အခုလာမယ့် ၁၈-၁၉ ဘတ်ဂျက်ထဲမှာ အဲလိုအဖြစ်မျိုးနဲ့ မကြုံတွေ့ရဖို့အတွက် ကျွန်တော်တို့ လွှတ်တော်ရော၊ အစိုးရအဖွဲ့ရော၊ နှစ်ဖက်စလုံးက ပူပေါင်းညှိနှိုင်း ဆောင်ရွက်ဖို့ လိုပါတယ်။ အထူးသဖြင့် ကိုယ်စီ ကိုင်စွဲထားတဲ့ မာနတွေကို လျှော့ချဖို့လိုတယ်။ အစိုးရဘက်ကလည်း ဘတ်ဂျတ်ဆိုတာ ငါတို့ဆွဲလို့ရတယ်၊ လွှတ်တော်ရဲ့ အကြံပြုချက်တွေကို ငါတို့ ဂရုထားစရာ မလိုဘူး ၊ ဥပဒေထဲမှာ လွှတ်တော်ရဲ့ အကြံပြုချက်တွေကို မလွဲမသွေ လက်ခံရမယ်လို့ မပါဘူး၊ ဒါကြောင့် ငါတို့ကြိုက်သလို ဆွဲမယ်ဆိုတဲ့ မာနမျိုး ၊ အဲဒီမာနမျိုးကို လျှော့ချဖို့ လိုပါလိမ့်မယ်၊ လွှတ်တော် ကိုယ်စားလှယ်တွေကလည်း ရာထားဘတ်ဂျက်ကို ငါတို့ဘာမှ မလုပ်နိုင်ဘူး၊ သို့သော် ဥပဒေကြမ်းအဖြစ်နဲ့ ဒုတိယအကြိမ် ရောက်လာတဲ့အခါမှာ ငါတို့လွှတ်တော်ကတော့ လုပ်ပိုင်ခွင့် ရှိနေတယ်ဆိုပြီးတော့ ဖြတ်မယ်၊ တောက်မယ်၊ ဖြုတ်မယ်၊ အဲဒီလို မလုပ်ကြပါနဲ့ ။ ကိုယ်စီကိုယ်စီမှာ လုပ်ပိုင်ခွင့် ရှိတယ်ဆိုပြီးတော့ ကိုင်စွဲထားတဲ့ မာနတွေကို လျှော့ချပါ၊ ကျွန်တော်တို့ မာနကိုယ်စီ ရှိနေကြဖို့ဆိုရင် နောက်ဆုံးမှာ ပြည်သူတွေသာ နစ်နာမှာ ဖြစ်တယ်။ ဖြတ်တောက်ပြီးငွေကို ကျွန်တော်တို့ ပြန်သုံးလို့ မရတော့ဘူး။ ဒါကြောင့် အားလုံးမှာ တာဝန်ရှိပါတယ်၊ အတတ်နိုင်ဆုံး ပူးပေါင်းပြီး ညှိနှိုင်းပြီး ဆောင်ရွက်ကြပါ”ဟု ပြောကြားခဲ့သည်။

ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေးကို ရခိုင်ပြည်နယ် ၀န်ကြီးချုပ်က ၂၀၁၈-၂၀၁၉ ခုနှစ် ဘဏ္ဍာရေးနှစ် ဘဏ္ဍာငွေအရ၊ အသုံးဆိုင်ရာ ခန့်မှန်းခြေငွေစာရင်း (လျာထားချက်) နဲ့ ပတ်သက်ပြီး ပြည်နယ်ဝန်ကြီးချုပ်မှ အစည်းအဝေး ခေါ်ပေးရန် လွှတ်တော်သို့ ညှိနှိုင်းလာသည့်အတွက် ခေါ်ယူရခြင်း ဖြစ်ကြောင်း၊ ငွေစာရင်းနဲ့ ပတ်သက်လို့ ပြည်နယ် လွှတ်တော်ကိုယ်စားလှယ် ရှစ်ဦးကလည်း အသေအချာ ဆွေးနွေးခဲ့ပြီး ဖြစ်ကြောင်း၊ အစိုးရအဖွဲ့အနေဖြင့် လွှတ်တော်ကိုယ်စားလှယ်များ၏ အကြံပြုချက်များကို အလေးအနက်ထားပြီး ဆောင်ရွက်ဖို့ တိုက်တွန်းပါကြောင်းလည်း ပြောကြားခဲ့သည်။

“ကိုယ်စားလှယ်တွေဆိုတာ ပါတီအသီးသီး နယ်ပယ်အသီးသီးက လာတယ်ဆိုပေမယ့် အမျိုးသားရေးကိစ္စအပေါ်မှာ တညီတညွတ်တည်း ဆောင်ရွက်ဖို့ လိုတယ်။ အစိုးရ သီးသန့်၊ တပ်မတော်သား ကိုယ်စားလှယ်က သီးသန့်၊ လွှတ်တော်က လွှတ်တော်သီးသန့် အဲလိုဖြစ်နေလို့ မရပါဘူး။ ရခိုင်ပြည်နယ်ရဲ့ ကြုံတွေ့နေရတဲ့ အခြေအနေဟာ စိန်ခေါ်မှုတွေ အလွန်တရာမှ များပြားနေပါတယ်။ ဒါတွေကို ကျော်လွှားနိုင်ဖို့အတွက် ကျွန်တော်တို့အားလုံး စည်းလုံးမှုရှိဖို့ လိုပါတယ်။ အဲဒီလိုရှိဖို့အတွက် ပါတီစွဲ၊ ပုဂ္ဂိုလ်စွဲ၊ အတ္တစွဲတွေ ကျွန်တော်တို့ လျှော့ချရပါမယ်၊ ကိုယ်စားလှယ်တွေဆိုတာ ပြည်သူက ယုံကြည်လို့ ရွေးချယ်ပေးလိုက်တာပါ၊ ပြည်သူတွေအတွက် ဆောင်ရွက်ဖို့ ရွေးချယ်ပေးခဲ့တာ ဖြစ်ပါတယ်။ ကျွန်တော်တို့ ကိုယ်တိုင်ကလည်း ပြည်သူတွေ အားကိုးလောက်တဲ့လူ ဖြစ်ဖို့လိုပါတယ်၊ ကျွန်တော်တို့ကြောင့် ပြည်သူတွေ မနစ်နာကြပါစေနဲ့ ၊ ၂၀၁၈-၁၉ အရသုံးဆိုင်ရာ ဥပဒေမူကြမ်းဟာ မကြာခင်မှာ လွှတ်တော်ကြီးဆီကို လာပါလိမ့်မယ်၊ အဓိက ပြောချင်တာကတော့ အဲဒီလိုပြန်လည် ရောက်တဲ့အခါမှာ တစ်ချိန်တုန်းက ကြုံခဲ့ရသလို ခြောက်ဘီလျံကျော် ဖြတ်တောက်တယ် ဆိုတဲ့ဟာမျိုး မဖြစ်ရအောင် ကျွန်တော်တို့ ညှိနှိုင်းပြီး ဆောင်ရွက်ရမှာ ဖြစ်တယ်လို့ တိုက်တွန်းချင်ပါတယ်။ နောက်ဆုံးအနေနဲ့ ပြောချင်တာကတော့ ညှိနှိုင်း ဆောင်ရွက်တယ်ဆိုတာ ကျွန်တော်တို့ ပြောပြောနေတဲ့ ဒီမိုကရေစီရဲ့ အနှစ်သာရ တစ်ခုလို့သာ ပြောချင်ပါတယ်”ဟုလည်း လွှတ်တော်ဥက္ကဋ္ဌ က ပြောကြားခဲ့သည်။

ရခိုင်ပြည်နယ် လွှတ်တော်ဥက္ကဋ္ဌက ဖမ်းဆီးခွင့် ပြုလိုက်သည်နှင့် သွားရောက် အဖမ်းခံမည် ဖြစ်ကြောင်း ပညာရေးဌာနမှ အမှုဖွင့်ထားသော ပြည်နယ် လွှတ်တော်ကိုယ်စားလှယ် ပြောကြား

ရမ်းဗြဲမြို့နယ် ပြည်နယ် လွှတ်တော်ကိုယ်စားလှယ် ဦးသန်းမောင်ဦးအား လွှတ်တော်အစည်းအဝေးတွင် တွေ့ရစဉ်

ရခိုင်ပြည်နယ် လွှတ်တော်ဥက္ကဋ္ဌက ဖမ်းဆီးခွင့် ပြုလိုက်သည်နှင့် သွားရောက် အဖမ်းခံမည် ဖြစ်ကြောင်း Facebook လူမှုကွန်ရက်တွင် ရေးသားချက်နှင့် ပတ်သက်ပြီး ရခိုင်ပြည်နယ်အစိုးရမှ ညွန်ကြားချက်ဖြင့် ပညာရေးဌာနမှ ပုဒ်မ ၆၆ (ဃ) ဖြင့် အမှုဖွင့်ထားခြင်းကို ခံနေရသော ရမ်းဗြဲမြို့နယ်မှ ပြည်နယ် လွှတ်တော်ကိုယ်စားလှယ် ဦးသန်းမောင်ဦးက ပြောကြားလိုက်သည်။

ဦးသန်းမောင်ဦးသည် လွန်ခဲ့သော ရက်ပိုင်းက ၎င်း၏ Facebook စာမျက်နှာတွင် ပညာရေးကိစ္စ အပါအ၀င် အချက်တချို့ကို ရေးသားဝေဖန် ထောက်ပြခဲ့သဖြင့် ရခိုင်ပြည်နယ် ရမ်းဗြဲမြို့နယ်မှ ပြည်နယ် လွှတ်တော်ကိုယ်စားလှယ် ဦးသန်းမောင်ဦးအား ပြည်နယ်အစိုးရ၏ ညွှန်ကြားချက်ဖြင့် ပြည်နယ်ပညာရေးဌာနမှ စစ်တွေမြို့မရဲစခန်းတွင် အမှုဖွင့်လှစ်ခဲ့ခြင်း ဖြစ်ကြောင်း သိရသည်။

ယင်းနှင့် ပတ်သက်ပြီး ဦးသန်းမောင်ဦး က “ သူတို့ဘက်က အမှုဖွင့်တယ် ဆိုရင်တော့ ရင်ဆိုင်ရမှာပေါ့။ လွှတ်တော်ဥက္ကဋ္ဌကလည်း ခွင့်ပြုလိုက်ပြီ ဆိုရင်တော့ ရဲစခန်းမှာ သွားရောက် အဖမ်းခံမယ်။ သူတို့ ဒီကိုလာဖို့တော့ မလိုဘူးပေါ့။ ကျွန်တော် Facebook မှာ ရေးတာကလည်း အများကြီး ရေးခဲ့တာပဲလေ၊ ပြည်သူတွေကို နှိုးဆော်တာ၊ ချပြတာမျိုးသာ လုပ်တာဖြစ်တယ်။ ဘယ်သူ့ကိုမှ တိုက်ခိုက်တာမျိုး မရှိဘူး။ ဖမ်းဆီးခွင့်တောင်းတဲ့ စာထဲမှာတော့ သူတို့ဘက်က ရေးထားတဲ့အထဲမှာတော့ တိုင်းနဲ့ပြည်နယ်အလိုက် အောင်ချက် ရာခိုင်နှုန်းတွေကို အမှားတွေ ရေးတင်ခဲ့တယ်လို့ ပါတယ်။ ပညာရေးဌာနကို သိက္ခာကျအောင် လုပ်တယ်လို့ ပါတယ်။ ကျွန်တော်ကလည်း သူများတင်တာကို ကိုးကားပြီး ရေးတင်လိုက်တာပါ။ အတိအကျက နောက်မှထွက်လာတော့ ကျွန်တော် ပြန်ပြင်လိုက်တယ်။ သူတို့က အာဏာရှင်ဆန်ဆန် လုပ်တယ်လို့ မြင်တယ်။ ကျွန်တော်က အာဏာရှင်ဆန်တာကို မကြိုက်လို့ လွှတ်တော်ထဲ ရောက်လာသူ ဖြစ်တယ်။ အာဏာရှင်စနစ် ပပျောက်အောင်လုပ်ဖို့ တာဝန်ရှိတယ်။ ဒီလိုဖြစ်လာမယ်လို့ လုံးဝ မမျှော်လင့်ခဲ့ဘူး။ အချက်အလက် အမှန်ကိုလည်း နှစ်နာရီလောက်အတွင်းမှာ ကျွန်တော် ပြန်တင်ပြခဲ့တယ်။ အမှားပြင်ဆင်ပြီးပြီ ဒါအပြစ်လား။ အားနည်းချက် အားသာချက်တွေကို ပြည်သူတွေကို ချပြတာသာ ဖြစ်တယ်။ ဘယ်ဌာနကိုမှ နစ်နာအောင် မပြောခဲ့ဘူး။ ကျွန်တော်ဟာ အစိုးရကို ထိန်းကျောင်းဖို့၊ အစိုးရလုပ်တာကို တည့်မတ်ဖို့ ပြည်သူက ရွေးချယ်ပေးလိုက်တဲ့ လွှတ်တော်ကိုယ်စားလှယ် ဖြစ်တယ်။ တင်ဒါကိစ္စတွေကိုလည်း ထောက်ပြခဲ့တယ်။ အကောင်းဘက်က ထောက်ပြခဲ့တာသာ ဖြစ်တယ်။ သူတို့ဘက်က ညှိနှိုင်းဖြေရှင်းပေးရင်တော့ ကောင်းတာပေါ့။ သူတို့ဘက်က ဖြေလျော့မပေးရင်တော့ ရင်ဆိုင်ရမှာပေါ့”ဟု ပြောကြားသည်။

ဦးသန်းမောင်ဦး အနေဖြင့် သူ၏ Facebook တွင် ငါတို့ ရခိုင်ပြည်က တိုင်းနှင့်ပြည်နယ် ၁၄ ခုထဲမှာ ၁။ ပညာရေး အနိမ့်ကျဆုံး၊ ၂။ စီးပွားရေး အနိမ့်ကျဆုံး၊ ၃။ ကျန်းမာရေးဝန်ဆောင်မှု အနိမ့်ကျဆုံး၊ ၄။ လူမှုရေးနယ်ပယ်ကြီး အပျက်စီးဆုံး၊ ၅။ အုပ်ချုပ်ရေးယန္တရား ဖရိုဖရဲအရှိဆုံး၊ ၆။ ပြည်နယ်အစိုးရအဖွဲ့ကို ပြည်သူများ မကြိုက်ဆုံး၊ (ကျန် တိုင်းနှင့်ပြည်နယ်များမှာ လူထုနှင့် အစိုးရများဟာ ရခိုင်မှာထက် သဟဇာတ ဖြစ်တယ်) ၇။ လူငယ်များ နေရပ်စွန့်ခွာမှု အများဆုံး၊ ၈။ လမ်းများ မကောင်းဆုံး၊ ၉။ ပထ၀ီ ရေခံမြေခံ အကောင်းဆုံး၊ ၁၀။ သဘာဝ မြေသြဇာ အကောင်းဆုံး၊ ၁၁။ ငါး ပုစွန် ရေသယံဇာတ အပေါများဆုံး၊ ၁၂။ ရေနက်ဆိပ်ကမ်းကြီးများ အကောင်းဆုံး၊ ၁၃။ သဘာဝဓာတ်ငွေ့ အထွက်ဆုံး အစရှိသော စာသားများ အပါအ၀င် အောင်ချက်ရာခိုင်နှုန်းများကိုလည်း ရေးသားခဲ့ကြောင်း သိရသည်။

ထို့ပြင် ဦးသန်းမောင်ဦးက ကိုယ်တစ်ယောက်တည်းသာ မှန်သည်ဟု လုပ်ဆောင်နေမည်ဆိုပါက ပြည်သူများအနေဖြင့် နစ်နာကြောင်း၊ မိသားစုအတွင်း၌ပင် တစ်ယောက် နှင့် တစ်ယောက် သဘောထား တူ မတူသည်များလည်း ရှိနိုင်ကြောင်း၊ မိသားစုအတွင်း၌ပင် တစ်ထပ်တည်းမကျသည့် အနေအထားများစွာ ရှိနိုင်ကြောင်း၊ မတူတိုင်းသာ အနိုင်လိုချင်လို့ အနိုင်ကျင့်မည် ဆိုပါက တိုင်းပြည်တိုးတက်မည် မဟုတ်ကြောင်း၊ မိမိမှာ ရခိုင်ပြည်နယ် အနှံ့အပြားသို့ ကွင်းဆင်း လေ့လာခြင်းသည် ပြည်သူများအတွက် လုပ်ဆောင်နေခြင်းသာ ဖြစ်ကြောင်း ဦးသန်းမောင်ဦး က ပြောကြားသည်။

ဦးသန်းမောင်ဦးအား ဖမ်းဆီးရန်အတွက် လွှတ်တော်သို့ တင်ပြထားသော်လည်း လွှတ်တော် မပြီးသေးသည့်အချိန်တွင် ခွင့်မပြုနိုင်ကြောင်း ဖြေကြားထားသည်ဟုလည်း သိရှိရပြီး ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေး ၃/၂၀၁၈ တတိယနေ့မှာ ဇွန် ၇ ရက်တွင် ပြီးဆုံးခဲ့ပြီ ဖြစ်ကြောင်းလည်း သိရသည်။

“ဦးသန်းမောင်ဦးကို ဖမ်းဆီးခွင့် လွှတ်တော်ကို တင်ပြထားတဲ့အတွက် လွှတ်တော်ဥက္ကဋ္ဌကလည်း လွှတ်တော်ပြီးမှသာ ဥပဒေအတိုင်း ဆောင်ရွက်ပါလို့ ပြန်လည် တင်ပြထားတဲ့အတွက် ဇွန် ၈ ရက်မှာ သွားရောက် အဖမ်းခံမှာ ဖြစ်တယ်။ လွှတ်တော် ကိုယ်စားလှယ်တွေက သွားပြီးအပ်မှာ ဖြစ်ပါတယ်” ဟုလည်း ရခိုင်ပြည်နယ်လွှတ်တော် ဒုဥက္ကဋ္ဌ ဦးမြသန်းက ပြောကြားသည်။

ရခိုင်ပြည်နယ်ဆိုင်ရာ စုံစမ်းစစ်ဆေးရေးကော်မရှင် ဖွဲ့စည်းမည်ဆိုပါက UNSC ကိုယ်စားလှယ်အဖွဲ့၏ အကြံပြုချက် လမ်းနှစ်သွယ်အရ ပြည်တွင်းကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရန် ပြည်ခိုင်ဖြိုးလွှတ်တော်ကိုယ်စားလှယ် အရေးကြီးအဆို တင်သွင်း

ဇွန် ၆ ရက်က ပြုလုပ်သည့် ပြည်သူ့လွှတ်တော် အစည်းအဝေးခန်းမမှ ပြန်လည်ထွက်ခွာလာသည့် လွှတ်တော်ကိုယ်စားလှယ်များအား တွေ့ရစဉ် (ဓာတ်ပုံ-စည်သူ)

နိုင်ငံတော်အစိုးရအနေဖြင့် ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေး ကော်မရှင်တစ်ရပ်ကို နိုင်ငံတကာမှ ပုဂ္ဂိုလ်ကြီးတစ်ဦး အပါအ၀င် အဖွဲ့ဝင်သုံးဦးဖြင့် ဖွဲ့စည်းခြင်းနှင့် စပ်လျဉ်းပြီး UNSC ကိုယ်စားလှယ်အဖွဲ့၏ အကြံပြုချက်တွင် ပြည်ပအဖွဲ့ဖြင့် စစ်ဆေးခြင်းနှင့် ပြည်တွင်းအဖွဲ့ဖြင့် စစ်ဆေးခြင်း နည်းလမ်းနှစ်သွယ်ရှိရာ ဖွဲ့စည်းမည်ဆိုပါက လွတ်လပ်သော နိုင်ငံတော်၏ အချုပ်အခြာအာဏာနှင့် နိုင်ငံသားပြည်သူများ၏ ဂုဏ်သိက္ခာကို လေးစားယုံကြည်သောအားဖြင့် ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေးကို ပြန်လည်စဉ်းစား ဆုံးဖြတ်ပေးရန် ပြည်ထောင်စုအစိုးရအား တိုက်တွန်းကြောင်းအရေးကြီး အဆိုအား ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင် မိုင်းပန်မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးစိုင်းကျော်မိုးက ဇွန် ၆ ရက်က ပြုလုပ်သော ပြည်သူ့လွှတ်တော်တွင် တင်သွင်းခဲ့သည်။

မေ ၁ ရက်က နေပြည်တော်တွင် ရခိုင်ပြည်နယ် အရေးကိစ္စနှင့်ပတ်သက်၍ မြန်မာနိုင်ငံသို့ လာရောက်ခဲ့သည့် ကုလသမဂ္ဂလုံခြုံရေးကောင်စီ (UNSC) ကိုယ်စားလှယ်အဖွဲ့က ပြုလုပ်သည့် သတင်းစာ ရှင်းလင်းပွဲတွင် ဘင်္ဂါလီဖိနှိပ်မှု စွပ်စွဲချက်များနှင့် ပတ်သက်၍ မြန်မာနိုင်ငံက ဆောင်ရွက်နိုင်ရန် နည်းလမ်းနှစ်ခုရှိကြောင်း၊ တစ်ခုသည် အပြည်ပြည်ဆိုင်ရာ ရာဇ၀တ်မှုခုံရုံးသို့ လွှဲပြောင်းပေးမှုဖြစ်ပြီး အခြားနည်းလမ်းတစ်ခုမှာ မြန်မာအစိုးရကကိုယ်တိုင် ပြည့်ပြည့်စုံစုံ ကျယ်ကျယ်ပြန့်ပြန့် ဆောင်ရွက်ပေးရန်ဖြစ်ကြောင်း ပြောကြားခဲ့သည်။

ထို့နောက် ရခိုင်ပြည်နယ်ဆိုင်ရာ လွတ်လပ်သော စုံစမ်းစစ်ဆေးရေး ကော်မရှင်တစ်ခုကို ဖွဲ့စည်းသွားရန်ရှိကြောင်း နိုင်ငံတော်သမ္မတရုံးက ၂၀၁၈ ခုနှစ် မေ ၃၁ ရက်တွင် ထုတ်ပြန်ခဲ့သည်။

နိုင်ငံတော်သမ္မတရုံး၏ သတင်းထုတ်ပြန်ချက်အရ စုံစမ်းစစ်ဆေးရေးကော်မရှင် ရည်မှန်းချက်မှာ အာဆာအကြမ်းဖက်အဖွဲ့၏ အကြမ်းဖက် တိုက်ခိုက်မှုပြီးနောက် လူ့အခွင့်အရေး ချိုးဖောက်မှု၊ ယင်းနှင့်ဆက်နွှယ်သည့် ကိစ္စရပ်များကို စုံစမ်းစစ်ဆေးမည်ဟု ပါရှိသည့်အတွက် ဖြစ်စဉ်စတင်ဖြစ်ပွားချိန်က အာဆာအကြမ်းဖက်၏ အကြမ်းဖက်မှုကိစ္စရပ်များအားလုံးနှင့် ယင်းအဖွဲ့၏ လူ့အခွင့်အရေး ချိုးဖောက်မှုကိစ္စရပ်များကို စုံစမ်းစစ်ဆေးရန် မပါခြင်းသည် မေးခွန်းထုတ်စရာ ဖြစ်နေကြောင်း၊ အာဆာအကြမ်းဖက်မှုပြီးနောက်ဆိုသည့်အတွက် တည်ငြိမ်အေးချမ်းမှု ရရှိအောင် ဆောင်ရွက်နေရဆဲကာလဖြစ်၍ နိုင်ငံတော်အစိုးရ၏ အုပ်ချုပ်ရေးယန္တရားများဖြစ်သည့် လုံခြုံရေးတပ်ဖွဲ့ဝင်များ၊ အုပ်ချုပ်ရေး အဖွဲ့အစည်းများကို စစ်ဆေးရမည်ဖြစ်သည့်အတွက် အစိုးရကို စုံစမ်းစစ်ဆေးနေသလို ဖြစ်နေကြောင်း၊ ယခုလိုအစိုးရကို စုံစမ်းစစ်ဆေးခြင်း ခံနေရသည်ဟု ပြည်သူများက ထင်မြင်သွားမည်ကို စိုးရိမ်မိ၍လည်းကောင်း၊ ရခိုင်ပြည်နယ် အရေးကိစ္စများသည် နောက်ခံအကြောင်းတရားများ ရှိနေပြီး ရည်ရွယ်ချက် ရှိရှိဖြင့် ဆောင်ရွက်နေသည့် ကိစ္စဖြစ်သည့်အတွက် နိုင်ငံခြားသားများ ပါဝင်သောအဖွဲ့ဖြင့် စုံစမ်းစစ်ဆေးမှုကို ပြန်လည်စဉ်းစားသင့်သည့်အတွက် အဆိုတင်သွင်းရခြင်းဖြစ်ကြောင်း ဦးစိုင်းကျော်မိုးက ပြောကြားသည်။

ဆက်လက်ပြီး မိမိပြည်တွင်း၌ ဖြစ်ပေါ်သည့် အရေးကိစ္စများအတွက် စုံစမ်းစစ်ဆေးမည်ဆိုပါက ပြည်တွင်းပညာရှင်များအဖွဲ့ဖြင့် စစ်ဆေးမှုသည် ပြည်သူက တင်မြှောက်ထားသော ပြည်သူ့အစိုးရအနေဖြင့် ပြည်သူနှင့်အတူဟူသော ဆောင်ပုဒ်နှင့်အညီ အကောင်အထည်ဖော်မှုသည် ပြည်သူကို လေးစားတန်ဖိုးထားရာ ရောက်ပါသဖြင့် အစိုးရ၏ ဂုဏ်သိက္ခာကို တက်စေနိုင်ပြီး လုံလောက်သည့် စုံစမ်းစစ်ဆေးမှုများ တရားဝင် ပြုလုပ်ခဲ့ပြီးဖြစ်၍ ထပ်မံဖွဲ့စည်းစစ်ဆေးရန် မသင့်ပါကြောင်းနှင့် မဖြစ်မနေ ဖွဲ့စည်းစစ်ဆေးမည်ဆိုပါကလည်း မိမိနိုင်ငံ၏ အချုပ်အခြာအာဏာနှင့် ပြည်သူများကို လေးစားယုံကြည်သောအားဖြင့် အာဆာအဖွဲ့၏ အကြမ်းဖက်မှုမှ စတင်၍ စစ်ဆေးရန် အဆိုရှင်က ပြောကြားသည်။

ဖွဲ့စည်းပုံအခြေခံဥပဒေပုဒ်မ ၃၈၅ တွင် နိုင်ငံတော်၏ လွတ်လပ်ရေး အချုပ်အခြာအာဏာနှင့် နယ်မြေတည်တံ့ခိုင်မြဲရေးတို့ကို ကာကွယ်စောင့်ရှောက်ရေးသည် နိုင်ငံသားတိုင်း၏ တာဝန်ဖြစ်သည်ဟု ဖော်ပြထားရာ နိုင်ငံတော်အစိုးရတစ်ရပ် အနေဖြင့် ရခိုင်အရေးကိစ္စ ဖြေရှင်းဆောင်ရွက်ရာတွင် ဒေသခံ တိုင်းရင်းသားတို့ ပါဝင်စေလျက် ပူးပေါင်းဆောင်ရွက်မှသာ အချုပ်အခြာအာဏာ တည်တံ့ခိုင်မြဲစေရန်နှင့် မိမိတို့နယ်မြေကို ကာကွယ် စောင့်ရှောက်နိုင်မည် ဖြစ်သော်လည်း ကော်မရှင်ဖွဲ့စည်းတိုင်း ဒေသတွင် နေထိုင်လျက်ရှိသော ရခိုင်တိုင်းရင်းသားများ မပါဝင်ခဲ့သည့်အတွက် နိုင်ငံတော်အစိုးရမှ ဖော်ဆောင်နေသည့် အမျိုးသားရင်ကြားစေ့ရေး ပျက်သုဉ်းမည်ကို စိုးရိမ်မိကြောင်း အဆိုတွင်ပါရှိသည်။

ယင်းအရေးကြီးအဆိုကို မင်းကင်း မဲဆန္ဒနယ် ပြည်ခိုင်ဖြိုးပါတီဝင် ပြည်သူ့လွှတ်တော်ကိုယ်စားလှယ် ဦးမောင်မြင့်က ထောက်ခံဆွေးနွေးခဲ့ပြီး လက်ခံဆွေးနွေးရန် လွှတ်တော်ကလည်း သဘောတူညီခဲ့သောကြောင့် ဆွေးနွေးလိုသည့် ကိုယ်စားလှယ်များအနေဖြင့် ဇွန် ၇ ရက် နောက်ဆုံးထားကာ အမည်စာရင်း တင်သွင်းရမည်ဖြစ်သည်။

ဘင်္ဂလားဒေ့ရ်ှနိုင်ငံဘက်မှ ပြန်လည်ဝင်ရောက်လာသူများအား ကျန်းမာရေးစောင့်ရှောက်မှုပေးနိုင်ရန် ပြန်လည်လက်ခံရေးစခန်းများအပြင် ကြားစခန်းများ၌ပါ ဆေးပေးခန်းများ ပြင်ဆင်ထား

ရခိုင်ပြည်နယ်အတွင်း ကျန်းမာရေးစောင့်ရှောက်မှုပေးနေသည့် ကျန်းမာရေးဝန်ထမ်းများအား တွေ့ရစဉ်

ဘင်္ဂလားဒေ့ရ်ှနိုင်ငံဘက်မှ ပြန်လည်ဝင်ရောက်လာသူများအား ကျန်းမာရေးစောင့် ရှောက်မှုပေးနိုင်ရန် ပြန်လည်လက်ခံရေးစခန်းများအပြင် ကြားစခန်းများတွင်ပါ ဆေးပေးခန်းများ ပြင်ဆင်ဆောင်ရွက်လျက်ရှိကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ပြည်ထောင်စုအစိုးရနှင့် ရခိုင်ပြည်နယ် အစိုးရတို့အနေဖြင့် ရခိုင်ပြည်နယ်အတွင်း နေထိုင်လျက်ရှိသော လူ့အဖွဲ့အစည်းများအား ဘာသာရေး၊ လူမျိုးရေး၊ ကျား/မဆိုင်ရာ သို့မဟုတ် နိုင်ငံသားဖြစ်တည်မှုတို့အပေါ် အခြေခံသည့် ခွဲခြားမှုများကို မပြုလုပ်ဘဲ ထိုအဖွဲ့အစည်းများအားလုံး တူညီသော ကျန်းမာရေးဆိုင်ရာ ဆေးကုသခွင့်များ တစ်ပြေးညီ ရရှိရန် လုပ်ဆောင်ပေးလျက်ရှိကြောင်း သိရသည်။

ဝန်ကြီးဌာနအနေဖြင့် ဆေးရုံများအားလုံး၌ မည်သည့်လူမျိုးဖြစ်စေ၊ မည်သည့်ဘာသာကိုးကွယ်သည်ဖြစ်စေ၊ ကျား/မဖြစ်စေ၊ မည်သည့် နိုင်ငံသားဖြစ်စေ ဆေးကုသခွင့်ရရှိရေးအတွက် ဆောင်ရွက်လျက်ရှိပြီး ထိုသို့ ဆက်လက်ဆောင်ရွက်နိုင်ရေးအတွက် ဆေးရုံများနှင့် ကျန်းမာရေးဌာနများအားလုံးသို့ ညွှန်ကြားချက်များ ထပ်မံထုတ်ပြန်သွားရန်ရှိကြောင်းနှင့် ရွေ့လျားဆေးအဖွဲ့များဖြင့် ဆေးကုသပေးခြင်းနှင့် ပြည်သူ့ကျန်းမာရေး စောင့်ရှောက်မှုလုပ်ငန်းများ (ကာကွယ်ဆေး ထိုးနှံပေးခြင်း၊ အာဟာရစောင့်ရှောက်မှုပေးခြင်း၊ မိခင်နှင့် ကလေးကျန်းမာရေးစောင့် ရှောက်မှုလုပ်ငန်းများ စသည့်လုပ်ငန်းများ) ဆောင်ရွက်ရာ၌လည်း ခွဲခြားမှုမျိုးမရှိစေရေးအတွက် ဆောင်ရွက်ထားပြီး ပြည်နယ်၊ ခရိုင်၊ မြို့နယ်နှင့် အောက်ခြေအဆင့်များအားလုံး သို့ ညွှန်ကြားချက်များ ထုတ်ပြန်ထားကြောင်း သိရသည်။

ထိုလူ့အဖွဲ့အစည်းများအားလုံး တူညီသောကျန်းမာရေးဆိုင်ရာ ဆေးကုသခံယူခွင့် များရှိသည်ဟူသောအချက်ကို အများပြည်သူ သိရှိကြစေရန်အတွက် ရပ်ကွက်/ ကျေးရွာများအတွင်းရှိ ကျန်းမာရေးလုပ်သားများနှင့် စေတနာ့ဝန်ထမ်းများအား အသိပေးသွားမည်ဖြစ်ပြီး ရပ်ကွက်/ ကျေးရွာများအတွင်းရှိ ဆေးကုသမှုလိုအပ်သော ပြည်သူများအားလုံးအား ခွဲခြား မှုမရှိဘဲ ဆေးရုံ၊ ဆေးခန်းများသို့  လာရောက်ပြသစေရေးအတွက် ရပ်ကွက်ကျေးရွာ များအတွင်း အသိပေးခြင်းများကို ဆောင်ရွက်ပေးလျက်ရှိကြောင်း သိရသည်။

ကျန်းမာရေးနှင့် အားကစားဝန်ကြီးဌာန အနေဖြင့် ပြန်လည်လက်ခံရေးစခန်းများ (တောင်ပြိုလက်ဝဲနှင့် ငါးခူရ)နှင့် ယာယီပြန်လည်နေရာချထားမည့် ဒါးကြီးဇားကျေးရွာတို့၌ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ရန်အတွက် လိုအပ်သော ဆေးအဖွဲ့များကို ဖွဲ့စည်းထားကြောင်းနှင့် ဆေးအဖွဲ့များကို အဆင့်ဆင့်ဖွဲ့စည်းထားပြီးဖြစ်ရာ နယ်စပ်ဝင်ထွက်ပေါက်ဆေးခန်းအဖွဲ့ ၀င်များအနေဖြင့် ကျန်းမာရေးစစ်ဆေးခြင်းနှင့် ကူးစက်ရောဂါစောင့်ကြပ်ကြည့်ရှုခြင်း၊ သာမန်နေမကောင်းသူများအား ဆေးကုသပေးခြင်း၊ ဆေးရုံသို့ လွှဲပြောင်းရန်လိုအပ်သည့် လူနာများအား အရေးပေါ်ဆေးကုသပေး၍ လွှဲပြောင်းပေးခြင်း၊ ကိုယ်ဝန်ဆောင် စောင့်ရှောက်မှုပေးခြင်း၊ ကလေးငယ်များအား ပိုလီယိုနှင့် ၀က်သက်ကာကွယ်ဆေးများ ထိုးနှံတိုက်ကျွေးခြင်းများကို လုပ်ဆောင်ပေးလျက်ရှိကြောင်း သိရသည်။

‘ရခိုင်ပြည်နယ်အတွင်းသို့ ပြန်လည်ဝင်ရောက်လာသည့်လူထုအား ပြန်လည်လက်ခံခြင်းနှင့် ပြန်လည်နေရာချထားခြင်းများ၌ ကျန်းမာရေးစောင့်ရှောက်မှုပေးခြင်းစီမံချက်’  ကို ရေးဆွဲထားပြီး စီမံချက်ပါလုပ်ငန်းများ အောင်မြင်စွာဆောင်ရွက်နိုင်ရန် လိုအပ်သော ရန်ပုံငွေ ရရှိထောက်ပံ့ပေးနိုင်ရေးအတွက် ကျန်းမာရေးနှင့် အားကစားဝန်ကြီးဌာန အနေဖြင့် စီစဉ်လုပ်ဆောင်ပေးလျက်ရှိကြောင်း သိရသည်။