ရခိုင် ပါတီသစ်တစ်ခုဖြစ်သော အဖ ရခိုင်ပါတီအမည်ဖြင့် ပါတီ တည်ထောင်ခွင့် ပြည်ထောင်စုရွေးကောက်ပွဲကော်မရှင်က ခွင့်မပြုဟု သိရ

ရခိုင်ပါတီသစ်တစ်ခုဖြစ်သော အဖ ရခိုင်ပါတီ (Arkan Fatherland Party) အမည်ဖြင့် ပြည်ထောင်စုရွေးကောက်ပွဲကော်မရှင်က ပါတီထူထောင်ခွင့်မပြုကြောင်း သတင်းရရှိသည်။

အဖရခိုင်ပါတီအမည်ဖြင့် ပါတီထူထောင်ခွင့် လျှောက်ထားမှုနှင့်ပတ်သက်ပြီး တာဝန်ရှိသူတချို့အား သြဂုတ် ၃၁ ရက်က နေပြည်တော်ရှိ ပြည်ထောင်စုရွေးကောက်ပွဲကော်မရှင်ရုံးသို့ ခေါ်ယူတွေ့ဆုံခဲ့ပြီး အဆိုပါအမည်ဖြင့် ခွင့်မပြုနိုင်ကြောင်း ပြောကြားခဲ့သည်ဟု သိရသည်။

“အဖရခိုင်ဆိုတဲ့နာမည်နဲ့ တည်ထောင်ခွင့်မပြုနိုင်ဘူးလို့ ခေါ်ယူဆွေးနွေးတယ်။ အဲဒီအကြောင်းပြောတယ်ပေါ့။ ပွင့်ပွင့်လင်းလင်းပြောရရင်တော့ ပေးမယ်ဆိုလည်းပေးလို့ ရတယ်လို့မြင်တယ်။ ဥပဒေမှာကလည်း ကော်မရှင်ရဲ့အဆုံးအဖြတ်သာ အတည်ဖြစ်တယ်လို့ ဖော်ပြထားတော့ ကျွန်တော်တို့ဘက်ကလည်း ပြောရတော့ခက်တာပေါ့။ ဒါပေမဲ့ ဘယ်လိုနာမည်မျိုး ဖွင့်ဆိုရမယ်ဆိုတာကို လည်း ဖွင့်ဆိုထားတာမရှိဘူးလေ။ သူတို့ကတော့ တခြားနာမည်နဲ့ပြောင်းပြီး တင်ပေးပါလို့ပြောတယ်။ ကျွန်တော်တို့ကတော့ ချက်ချင်းကြီးတင်ဖို့ မဖြစ်နိုင်တဲ့အတွက် သက်ဆိုင်သူတွေနဲ့ အစည်းအဝေးထိုင်ရဦးမှာဖြစ်တယ်။ တစ်ယောက်တည်း ဆုံးဖြတ်လို့မရတဲ့ ကိစ္စဖြစ်တဲ့အတွက် ဆုံးဖြတ်ချက်ရယူဦးမယ်” ဟု ပါတီထူထောင်ခွင့်လျှောက်ထားသူ တစ်ဦးဖြစ်သူ ဦးစိုးဝင်းက ပြောကြားသည်။

ဦးစိုးဝင်းအနေဖြင့် လျှောက်ထားသော အမည်ဖြင့်ကျလာမည်ဆိုပါက ပိုကောင်းမည်ဟုထင်မြင်ကြောင်း၊ သို့သော်လည်း ဆက်လက်ပြီး ပါတီတည်ထောင်သူများနှင့် ဆွေးနွေးရမည်ဖြစ်ကြောင်း၊ ပါတီတည်ထောင်ခွင့် တင်ရန်အတွက်ပင် ငါးလခန့်ကြာမြင့်ခဲ့ကြောင်းနှင့် ယခုကိစ္စသည် ပါတီတည်ထောင်ခွင့်ကို ကြန့်ကြာစေကြောင်း ပြောကြားသည်။

ပြဿနာ၏ အစိတ်အပိုင်းတစ်ရပ်ဖြစ်လာရန် အန္တရာယ်ရှိနေသည်ဟုဆိုကာ ရခိုင်အရေး အကြံပေးကော်မတီမှ ထိုင်းနိုင်ငံသံအမတ်ကြီးဟောင်း နုတ်ထွက်

ရခိုင်ပြည်နယ်ဆိုင်ရာ အကြံပြုချက်များ အကောင်အထည်ဖော်ရေးကော်မတီ၏ အဓိက အဖွဲ့ဝင်တစ်ဦးဖြစ်သော ထိုင်းသံအမတ်ကြီးဟောင်းတစ်ဦးသည် ယင်းမှနေ၍ နုတ်ထွက်ကြောင်း ဇူလိုင် ၂၁ ရက်တွင် AFP သတင်းဌာနသို့ ပြောကြားခဲ့သည်။ ဘင်္ဂါလီ မွတ်စလင် ၇၀၀,၀၀၀ ကို ထွက်ပြေးသွားစေခဲ့သည့် ပဋိပက္ခတစ်ရပ်၌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ခန့်ထားသည့် အဆိုပါဘုတ်အဖွဲ့သည် ပြဿနာ၏ အစိတ်အပိုင်းတစ်ရပ် ဖြစ်လာရန် အန္တရာယ် ရှိနေသည်ဟု ၎င်းက ပြောကြားခဲ့သည်။

အငြိမ်းစား ထိုင်းဥပဒေပြုအမတ်နှင့် သံအမတ်ကြီးဟောင်း ကော့ဆက်ချူတီကူးသည် မြန်မာနိုင်ငံမှ ဘင်္ဂါလီမွတ်စလင်များ ကို ထွက်ပြေးသွားစေခဲ့သည့် တပ်မတော် စစ်ဆင်ရေးတစ်ရပ်ပြီးနောက် မည်သို့မည်ပုံ ကိုင်တွယ်ရမည်ကို သူ၏ အစိုးရအဖွဲ့အား အကြံပေးရန်အတွက် ဒေါ်အောင်ဆန်းစုကြည်က ရွေးချယ်ခန့်အပ်ထားသော ကော်မတီ၏ အတွင်းရေးမှူးဖြစ်သည်။

လွန်ခဲ့သည့်နှစ် သြဂုတ်လအတွင်းက ရက်စက်ကြမ်းကြုတ်သည့် အကြမ်းဖက်မှုများ ဖြစ်ပွားခဲ့ပြီး ရာနှင့်ချီသည့် ဘင်္ဂါလီမွတ်စလင်တို့၏ ရွာများ လုံးဝပျက်စီးခဲ့ရသည်ဟု ဆိုသည်။

ဘင်္ဂလားဒေ့ရ်ှသို့ ထွက်ပြေးသွားသော ဒုက္ခသည်များက အကြမ်းဖက်မှုများအတွင်း ကျယ်ကျယ်ပြန့်ပြန့် ဖြစ်ပေါ်ခဲ့သည့် သတ်ဖြတ်မှုများ၊ မုဒိမ်းမှုများနှင့် နှိပ်စက်ညှဉ်းပန်းမှုများအကြောင်း သက်သေခံထွက်ဆိုခဲ့ကြပြီး ကုလသမဂ္ဂနှင့် အမေရိကန်တို့က လူမျိုးစု လိုက်သုတ်သင်မှုဟု အမည်တပ်ခဲ့သည်။

ကော့ဆက်ချူတီကူးက ယခုသီတင်းပတ်အတွင်း မြန်မာနိုင်ငံ၏မြို့တော် နေပြည်တော်၌ သက်ဆိုင်ရာအာဏာပိုင်များနှင့်အတူ ၎င်းတို့ကော်မတီက ဒုတိယမြောက် အစည်းအဝေးတစ်ရပ် မကျင်းပမီ ၎င်း၏ တာဝန်ကို မထမ်းဆောင်နိုင်တော့ကြောင်း ပြောကြားခဲ့ခြင်းဖြစ်သည်။

“ကျွန်တော် ပြီးခဲ့တဲ့အင်္ဂါနေ့ (ဇူလိုင် ၁၀ ရက်) အဖွဲ့ဝင်အစည်းအဝေးတစ်ရပ်မှာ နုတ်ထွက်ကြောင်းကို နှုတ်နဲ့ ပြောခဲ့ပြီးပါပြီ” ဟု ကော့ဆက်ချူတီကူးက ဘန်ကောက်မှ နေ၍ AFP သတင်းဌာနသို့ ဖုန်းမှတစ်ဆင့် ပြောကြားခဲ့သည်။

သူက အဆိုပါဘုတ်အဖွဲ့သည် ပြဿနာ၏ တစ်စိတ်တစ်ပိုင်းဖြစ်လာရန် အန္တရာယ် ရှိနေသည်ဟုလည်း ပြောကြားခဲ့သည်။

“လိုအပ်ချက်တွေအားလုံး ပြည့်မီအောင် သူတို့ လုပ်ပြီးပါပြီလို့ နိုင်ငံတကာအသိုင်းအ၀ိုင်းရဲ့ စိုးရိမ်မှုတွေကို တုံ့ပြန်ဖို့ သူတို့ လုံလောက်အောင် လုပ်ပြီးပြီဆိုပြီး တွေးမိအောင် အာဏာပိုင်တွေကို ကော်မတီက နှစ်သိမ့်နေပါတယ်” ဟု ၎င်းက ပြောကြားခဲ့သည်။

“ဒါဟာ ရောမမြို့ကြီး မီးလောင်နေတဲ့အချိန်မှာ သူတို့ တစ်စုံတစ်ရာ လုပ်တော့မယ်လို့…တစ်စုံတစ်ရာ လုပ်ပြီးပါပြီလို့ ဖြားယောင်းခြင်းအားဖြင့် အန္တရာယ်ရှိလာနိုင်ပါတယ်”ဟုလည်း ၎င်းက ပြောကြားခဲ့သည်။

ဒေါ်အောင်ဆန်းစုကြည်၏ အနီးကပ် လူယုံ ဖြစ်ခဲ့ဖူးသူ ၀ါရင့် အမေရိကန်သံတမန် ဘီရစ်ချက်ဆင် နုတ်ထွက်သွားခဲ့သောကြောင့် အဆိုပါကော်မတီသည် အစောပိုင်းကတည်းက ယုံကြည်ခံရမှု ကျဆင်းခဲ့ရပြီးဖြစ်သည်။ ဘီရစ်ချက်ဆင်သည် ဇန်န၀ါရီလအတွင်းက ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်နှင့် အပြင်းအထန် စကားများပြီး အဆိုပါကော်မတီမှ ထွက်ခွာသွားခဲ့ခြင်းဖြစ်သည်။

မြန်မာအစိုးရက ကော်မတီ၌ ဘီရစ်ချက်ဆင် ပါဝင်မှုကို အဆုံးသတ်ခဲ့ပြီးဖြစ်ကြောင်း အခိုင်အမာပြောကြားခဲ့သော်လည်း ဘီရစ်ချက်ဆင်ကမူ ကော်မတီသည် ရခိုင်အရေး နှင့်ပတ်သက်၍ ဖြစ်ရပ်များကို ထုံးသုတ်ပေးရုံမျှသာ ဖြစ်မည်ကို စိုးရိမ်သောကြောင့် နုတ် ထွက်ခဲ့ရခြင်းဖြစ်ကြောင်း ပြောကြားခဲ့သည်။

ကော့ဆက်ချူတီကူး၏ရုံးက ဇူလိုင် ၂၁ ရက်တွင် ကြေညာချက်ထုတ်ပြန်ခဲ့ရာ၌ ကော့ဆက်၏ နုတ်ထွက်မှုသည် စိုးရိမ်မှုများကို နောက်ထပ်ကြီးထွားစေလိမ့်မည်ဟု ဆိုသည်။

သို့သော် ကော့ဆက်က AFP သတင်းဌာနသို့ ပြောကြားရာတွင် ရစ်ချက်ဆင်သည် အချိန်မတိုင်မီ နုတ်ထွက်ခဲ့ခြင်းဖြစ်သည်ဟု ၎င်းအနေဖြင့် ထင်မြင်သည်ဟု ဆိုသည်။

ကော့ဆက်က အဆိုပါကော်မတီ၏ စုစည်းမှုနှင့် ရန်ပုံငွေထောက်ပံ့ခံရမှု အားနည်းခြင်းသည် ယင်း၏ လုပ်ဆောင်ချက်ကို အပြင်းအထန် ချုံ့ခဲ့ရစေသည်ဟု ပြောကြားခဲ့သည်။

“ကျွန်တော်တို့ဟာ တကယ်တော့ အချက်အလက်နဲ့ စာရင်းဇယား အပြည့်အစုံ ဆုပ်ကိုင်မိတာမျိုး မဟုတ်ဘဲ လေထဲ ပျံသန်းခဲ့ရတာပါ။ လူတိုင်းဟာ ကြုံသလို လုပ်ခဲ့ရပါ တယ်။ ကျွန်တော်တို့အနေနဲ့ အမြဲတမ်း ရုံးခန်းတစ်ခု ဘယ်မှာမှ မရှိပါဘူး” ဟု ကော့ဆက်က AFP သတင်းဌာနသို့ ပြောကြားခဲ့သည်။

ကော့ဆက်ချူတီကူး နုတ်ထွက်ခဲ့ခြင်း နှင့်ပတ်သက်၍ နိုင်ငံတော်အတိုင်ပင်ခံရုံး သို့မဟုတ် အဆိုပါကော်မတီမှ ယခုအထိ တုံ့ပြန်မှု တစ်စုံတစ်ရာ မရှိသေးပေ။ (ကော့ဆက်ချူတီကူး နုတ်ထွက်ခဲ့ခြင်းနှင့်ပတ်သက်၍ Daily Eleven သတင်းစာကလည်း နိုင်ငံ တော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးအား ဆက်သွယ်မေးမြန်းခဲ့ရာ တစ်စုံတစ်ရာ တုံ့ပြန်မှု ရရှိခဲ့ခြင်းမရှိပေ)

ကော့ဆက်ချူတီကူးက နိုင်ငံတကာ အသိုင်းအ၀ိုင်းအနေဖြင့် ကုလသမဂ္ဂ၏ မြန်မာနိုင်ငံဆိုင်ရာ အထူးကိုယ်စားလှယ်အသစ် ခရစ္စတင်းရှနာဘာဂျန်နာကိုသာ ၀န်းရံသင့်ကြောင်းနှင့် လက်ရှိအနေအထားများ၌ ခရစ္စတင်းကသာ အကောင်းဆုံးမျှော်လင့်ချက်ကို ပေးလိမ့်မည်ဖြစ်ကြောင်းလည်း ပြောကြားခဲ့သည်။

 

ရခိုင်ကိစ္စအပေါ်မူတည်ပြီး နိုင်ငံရေးအားပြိုင်မှု သဘောမျိုး အသုံးမချသင့်ဘဲ နိုင်ငံတော်၏ ပြဿနာ၊ အမျိုးသားရေးပြဿနာတစ်ရပ်အဖြစ် ရှုမြင်ကာ ချဉ်းကပ်ကြရန်လိုကြောင်း ဦးကိုကိုကြီး ပြောကြား

ဧပြီ ၂၉ ရက်က ရန်ကုန်မြို့ရှိ နိုင်ငံရေးပါတီဖြစ်မြောက်ရေး ဗဟိုလုပ်ငန်းကော်မတီရုံးတွင် သတင်းစာရှင်းလင်းပွဲ ပြုလုပ်နေစဉ် (ဓာတ်ပုံ – ချမ်းဝေစိုး)

ရခိုင်ကိစ္စအပေါ်မူတည်ပြီး နိုင်ငံရေးအားပြိုင်မှုသဘောမျိုး အသုံးမချသင့်ဘဲ နိုင်ငံတော်၏ ပြဿနာ၊ အမျိုးသားရေးပြဿနာတစ်ရပ်အဖြစ် ရှုမြင်ပြီး ချဉ်းကပ်ကြရန်လိုကြောင်း ရှစ်လေးလုံးပြည်သူ့ပါတီ ပထမခေါင်းဆောင် ဦးကိုကိုကြီးက ဧပြီ ၂၉ ရက်တွင် ပြောကြားသည်။

ရှစ်လေးလုံးပြည်သူ့ပါတီအနေဖြင့် ပါတီတည်ထောင်ရန်ခွင့်ပြုကြောင်း အကြောင်းကြားစာ ရရှိခဲ့ပြီးဖြစ်ကာ ဆက်လက်လုပ်ဆောင်ရမည့် လုပ်ငန်းစဉ်များနှင့် ပတ်သက်၍ ဧပြီ ၂၉ ရက်က ရန်ကုန်မြို့ရှိ နိုင်ငံရေးပါတီ ဖြစ်မြောက်ရေး ဗဟိုကော်မတီရုံးခန်းတွင် အစည်းအဝေးပြုလုပ်ခဲ့သည်။ အစည်းအဝေးအပြီး မီဒီယာသမားများနှင့် တွေ့ဆုံစဉ် ဦးကိုကိုကြီးက ယင်းကဲ့သို့ပြောကြားခြင်းဖြစ်သည်။

“ရခိုင်ကိစ္စက အမျိုးသားရေးပြဿနာ။ ဒါဟာ ရခိုင်တစ်ခုတည်းရဲ့ ပြဿနာမဟုတ်ဘူး။ အဲဒီတော့ အမျိုးသားရေးပြဿနာကို ချဉ်းကပ်တဲ့နေရာမှာ သူတစ်လူ ငါတစ်မင်းနဲ့ ငါ့ပါတီက ဒီလိုမြင်တယ်။ သူ့ပါတီက ဒီလိုမြင်တယ်။ ငါတို့အစိုးရက ဒီလိုမြင်တယ်ဆိုတာမျိုး ချဉ်းကပ်နေတာကိုယ်၌က အန္တရာယ်ရှိတယ်။ နောက်ဒီကိစ္စအပေါ်မှာ မူတည်ပြီးတော့ နိုင်ငံရေးအားပြိုင်မှု သဘောမျိုး အသုံးမချသင့်ဘူးလို့လည်း ကျွန်တော်ကတော့မြင်တယ်။ ကျွန်တော်တို့အားလုံး စုပေါင်းပြီးတော့ ဒီကိစ္စကို ဘယ်လိုဖြေရှင်းမလဲဆိုတဲ့ ဘုံရပ်တည်ချက်တစ်ခုမျိုး။ ဒါ နိုင်ငံတော်ရဲ့ပြဿနာ၊ အမျိုးသားရေးပြဿနာတစ်ရပ်အဖြစ် ရှုမြင်ပြီးတော့ ချဉ်းကပ်ကြဖို့လိုတယ်လို့ ကျွန်တော်ကတော့ အဲဒီလိုမြင်တယ်” ဟု ဦးကိုကိုကြီးက ပြောကြားသည်။

ဆက်လက်၍ အဆိုပါကိစ္စအား ယခုအစိုးရလက်ထက်တွင် မဖြေရှင်းနိုင်ပါက နောင်အစိုးရက ဖြေရှင်းရမည်ဖြစ်ကြောင်း၊ ထိုအချိန်တွင် နိုင်ငံတော်မှာ တကယ့်အရေးကြီးသည့် အခြေခံပြဿနာများကို အစိုးရတစ်ရပ်၏ ပြဿနာလို့မမြင်ဘဲ နိုင်ငံတော်၏ပြဿနာ၊ နိုင်ငံတော်၏ဖြစ်စဉ်အဖြစ် ချဉ်းကပ်ရန်လိုအပ်ကြောင်း၊ တပ်မတော်က စဉ်းစားထားသည့်ပုံစံနှင့် ချဉ်းကပ်သည့်ပုံစံကတစ်မျိုး၊ အစိုးရအဖွဲ့က စဉ်းစားထားသည့် ပုံစံကတစ်မျိုး၊ နောင်အစိုးရလက်ထက်တွင် နောင်အစိုးရက ပုံစံတစ်မျိုးနှင့်လုပ်ဆောင်ပါက လွန်စွာအန္တရာယ်ကြီးကြောင်း၊ အစိုးရပြောင်းသွားသော်လည်း ပြဿနာဖြေရှင်းသည့် အခြေခံကျောရိုးမှာ မပြောင်းလဲသင့်ကြောင်း ဦးကိုကိုကြီးက ပြောကြားသည်။

ထို့ပြင် ရခိုင်အရေးဖြေရှင်းရာတွင် ဒေသခံ ရခိုင်တိုင်းရင်းသားများအပြင် ဒေသခံ အခြားမျိုးနွယ်စုများ၏ သဘောထားကိုလည်း အလေးအနက်ထားရန် လိုအပ်ကြောင်း ဦးကိုကိုကြီးက ပြောကြားသည်။

“အခုက အင်မတန်မှ အကဲဆတ်တဲ့ နေရာမျိုးမှာကျတော့ ကာယကံရှင်ဖြစ်တဲ့ ဒေသခံ ရခိုင်တိုင်းရင်းသားတွေ၊ အခြားဒေသခံ မျိုးနွယ်စုတွေရဲ့ သဘောထားတွေကို အလေးအနက်ထားဖို့လိုမယ်လို့ ကျွန်တော်ကမြင်တယ်။ အဲဒီလိုမဟုတ်ဘဲနဲ့ ကျွန်တော်တို့ အခုတစ်ဆင့်ကြားထားတဲ့ သတင်းတွေအရပေါ့ NVC ကတ်တွေ ထုတ်ပေးမယ်။ ငါးလအတွင်းမှာ စိစစ်မယ်။ ခရီးသွားလာခွင့်ပြုမယ် ဆိုတဲ့ဟာမျိုးတွေက အဲဒီလောက် ပြီးလွယ်ပိုင်လွယ် ဆုံးဖြတ်လို့မရဘူးလို့ မြင်တယ်။ ဘာလို့ဆိုတော့ ဒီဟာက အင်မတန် တိုင်းပြည်အတွက် အကဲဆတ်တဲ့ကိစ္စ။ နောက်တစ်ခုက နိုင်ငံသားအခွင့်အရေးကို ရဖို့ဆိုရင် အဲဒီနိုင်ငံသားဖြစ်သွားတဲ့ လူတွေက ဒီနိုင်ငံတော်အပေါ်မှာ ဘယ်လောက် ကျေးဇူးသစ္စာစောင့်သိသလဲ။ နိုင်ငံသားတစ်ယောက်ရဲ့ တန်ဖိုးက သစ္စာစောင့်သိမှုပဲ။ နောက်တစ်ခုက နိုင်ငံအတွင်းမှာ ပြဋ္ဌာန်းထားတဲ့ဥပဒေတွေကို လေးစားလိုက်နာရမယ်။ ဒါက နိုင်ငံသားရဲ့တာဝန်။ အခုက အခွင့်အရေးအပိုင်းက ပြောပြီးတော့ တာဝန်ပိုင်းကို လေးနက်မှုမရှိဘူးဆိုရင် ဒါလည်း မေးခွန်းထုတ်ရမယ့်ကိစ္စလို့ မြင်တယ်” ဟု ဦးကိုကိုကြီးက ပြောကြားသည်။

NVC ကတ်ကိုင်ဆောင်ထားသူ တစ်ယောက်သည် နိုင်ငံသားအဖြစ် လျှောက်နိုင်ပြီး ဥပဒေအရ နိုင်ငံသားဖြစ်ထိုက်ပါက ငါးလအတွင်း နိုင်ငံသားတစ်ယောက်အဖြစ် အသိမှတ်ပြုခံရမည်ဖြစ်ကြောင်း၊ NVC ကတ်ကိုင်ဆောင်ထားသူများနှင့် ပတ်သက်၍ ကန့်သတ်ချက်များ လျှော့ချပေးခဲ့ပြီး လွတ်လပ်စွာ သွားလာခွင့်ရရှိပြီဖြစ်ကြောင်း၊ လူဝင်မှုကြီးကြပ်ရေး၏ ပုံစံ (၄) ကို ဖြည့်ရမည်ဖြစ်ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားထားသည်။

သို့သော် အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက NVC ကတ် ကိုင်ဆောင်ထားသူများအနေဖြင့် နိုင်ငံအတွင်း မည်သည့်နေရာမဆို သွားလာခွင့်ရသည်ဆိုခြင်းမှာ မဟုတ်မှန်ကြောင်း ပြောကြားထားသည်။

NVC ကတ်ကိုင်ဆောင်ရုံဖြင့် နိုင်ငံသားအခွင့်အရေးပေးခြင်းသည် အခြေခံဥပဒေနှင့် ညီ၊ မညီ ဖွဲ့စည်းပုံအခြေခံဥပဒေခုံရုံးက စိစစ်၍ အများပြည်သူသိရှိရေး ထုတ်ပြန်ပေးရန် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအပါအ၀င် နိုင်ငံရေးပါတီ ၂၇ ခုက နိုင်ငံတော်သမ္မတ ဦးဝင်းမြင့်ထံ ဧပြီ ၂၇ ရက် ရက်စွဲဖြင့် အိတ်ဖွင့်ပေးစာပေးပို့ တောင်းဆိုထားသည်။

ရခိုင်လူငယ်ညီလာခံ ကျင်းပနိုင်ရေးအတွက် ရခိုင်လူငယ်ညီလာခံ ဖြစ်မြောက်ရေးအဖွဲ့နှင့် လက်ခံကျင်းပမည့် တောင်ကုတ်မြို့ရှိ အရပ်ဘက်အဖွဲ့အစည်းများ တွေ့ဆုံဆွေးနွေး

ရခိုင်တစ်မျိုးလုံးဆိုင်ရာ ရခိုင်လူငယ်ညီလာခံ ကျင်းပနိုင်ရေးအတွက် လူငယ်ညီလာခံဖြစ်မြောက်ရေး ဦးဆောင်ကော်မတီအဖွဲ့နှင့် လက်ခံကျင်းပမည့် တောင်ကုတ်မြို့ရှိ အရပ်ဘက်အဖွဲ့အစည်းများ တွေ့ဆုံဆွေးနွေးပွဲတစ်ရပ်ကို တောင်ကုတ်မြို့ ရခိုင်လူငယ်ညီလာခံ ဖြစ်မြောက်ရေးရုံးတွင် ဧပြီ ၂၁ ရက်က ပြုလုပ်ခဲ့ကြကြောင်း သိရသည်။

တွေ့ဆုံဆွေးနွေးပွဲတွင် လူငယ်ညီလာခံ ကျင်းပနိုင်ရေးအတွက် တောင်ကုတ်မြို့ရှိ အရပ်ဘက်အဖွဲ့အစည်းများမှ လက်ခံကျင်းပရေး ကော်မတီလေးရပ် ဖွဲ့စည်းခြင်း၊ လက်ခံကျင်းပရေး ကော်မတီဥက္ကဋ္ဌ၊ ဒုဥက္ကဋ္ဌ ရွေးချယ်ဖွဲ့စည်းခြင်း၊ ပွဲကျင်းပမည့်နေရာ ရွေးချယ်ခြင်း၊ ပွဲကျင်းပခွင့်ပါမစ် ကိစ္စရပ်များ အပါအ၀င် ဧည့်ခံကျွေးမွေးရေး၊ လုံခြုံရေး၊ စည်းကမ်းထိန်းသိမ်းရေးများကိုလည်း ဆွေးနွေးကာ ဆုံးဖြတ်ချက်ချမှတ်ခဲ့ကြကြောင်း လူငယ်ညီလာခံကျင်းရေး ဦးဆောင်ကော်မတီ ဦးဝင်းဇော်က ပြောကြားသည်။

“မေ ၁ ရက်ကနေ ၅ ရက်အထိ လူငယ်ညီလာခံကို တောင်ကုတ်မြို့မှာ ကျင်းပဖို့အတွက် ကျွန်တော်တို့ တောင်ကုတ်မြို့ရဲ့ အရပ်ဘက်အဖွဲ့အစည်းတွေ အကုန်လုံးနဲ့ ဆွေးနွေးကြတယ်။ ဆွေးနွေးပြီးတဲ့အခါ ကော်မတီလေးရပ်ဖွဲ့တယ်။ အဲဒီအထဲမှာ လက်ခံကျင်းပရေး ကော်မတီဥက္ကဋ္ဌ၊ ဒုဥက္ကဋ္ဌတွေကို ဖွဲ့စည်းတယ်။ ပြီးတော့ ပါမစ်ကိစ္စလေးတွေကိုလည်း ထည့်ပြီးတော့ ဆွေးနွေးဖြစ်တယ်။ ပါမစ်ကို ပြည်နယ်အစိုးရက ၂၄ ရက်လောက်ကို ချပေးမယ်လို့သိရတယ်။ ဒီက ဒီညီလာခံကို အမှန်တကယ်လုပ်မယ်ဆိုတဲ့အတွက်ကြောင့် မြို့ခံတွေရဲ့အင်အားက အင်မတန်မှအရေးကြီးပါတယ်။ အဲဒါကြောင့် ဒီမြို့ခံတွေရဲ့ အဖွဲ့အစည်းတွေကို ဖိတ်ခေါ်ပြီးတော့ ဆွေးနွေးခဲ့တယ်။ ညီလာခံ ဘယ်လိုကျင်းပမယ်။ ချက်ပြုတ်ကျွေးမွေးရေးအပိုင်း၊ နေရာချထားရေး၊ ဧည့်ခံကျွေးမွေးရေး၊ လုံခြုံရေး၊ စည်းကမ်းထိန်းသိမ်းရေး အပိုင်းတွေကို ဆွေးနွေးပြီးတော့ ဆုံးဖြတ်ချက်တွေ ချထားခဲ့တယ်” ဟု လူငယ်ညီလာခံကျင်းရေး ဦးဆောင်ကော်မတီ ဦးဝင်းဇော်က ပြောကြားသည်။

အဆိုပါ ရခိုင်တစ်မျိုးသားလုံးဆိုင်ရာ လူငယ်ညီလာခံကို ရခိုင်ပြည်နယ် တောင်ကုတ်မြို့တွင် ပထမဆုံးအကြိမ် လက်ခံကျင်းပမည့် ပွဲတစ်ပွဲဖြစ်ပြီး ဦးဆောင်ကော်မတီများအနေဖြင့် စီမံချက်၊ စီမံကိန်းများရေးဆွဲရာတွင် စနစ်တကျ အသေအချာ ရေးဆွဲထားရန် လိုအပ်ကြောင်းနှင့် တောင်ကုတ်မြို့ခံများ အနေဖြင့်လည်း အတတ်နိုင်ဆုံး ပါဝင်ကူညီဆောင်ရွက်ပေးရန် အသင့်အနေအထားရှိကြောင်း တောင်ကုတ်မြို့ စည်ပင်ကော်မတီဥက္ကဋ္ဌက ပြောကြားသည်။

“အခုတောင်ကုတ်မှာ ကျင်းပမယ့်ညီလာခံဟာ တောင်ကုတ်ရဲ့ သမိုင်းဆိုရင်လည်း မမှားပါဘူး။ အတတ်နိုင်ဆုံး ကျွန်တော်တို့လည်း အဲဒါကြောင့် ဒီနေရာမှ ကမောက်ကမဖြစ်သွားရင် ကျွန်တော်တို့ တောင်ကုတ်မြို့အတွက်လည်း သိက္ခာကျသွားမယ့် အနေအထားလည်း ဖြစ်ကောင်းဖြစ်လာနိုင်တယ်။ ယင်းကြောင့် အတတ်နိုင်ဆုံး ၀ိုင်းဝန်းပြီးတော့ ကူညီရမယ်။ အဲဒါကြောင့် ဒီကလုပ်ကိုင်နေတဲ့ ဦးဆောင်ကော်မတီတွေကလည်း အဓိကစီမံချက်တွေ၊ စီမံကိန်းတွေ အသေအချာရေးဆွဲပြီးမှ ကိုယ့်ဘက်က သေချာအောင်လုပ်ထားပါ။ ကျွန်တော်တို့ဘက် အပိုင်းကတော့ အတတ်နိုင်ဆုံး ကူညီပေးသွားဖို့ အဆင်သင့်ဖြစ်ပါတယ်” ဟု တောင်ကုတ်မြို့ စည်ပင်ကော်မတီဥက္ကဋ္ဌ ဦးစန်းငွေက ပြောကြားသည်။

လူငယ်ညီလာခံကျင်းပရန် မြို့နယ်အလိုက် ဦးဆောင်ကော်မတီဝင်ငါးဦးနှင့် ညီလာခံတက်ရောက်ရန် ကိုယ်စားလှယ် ၁၅ ဦးစီရွေးချယ်ကာ လူငယ်ညီလာခံတွင် အဓိကခေါင်းစဉ်လေးခုရှိပြီး လူငယ်နှင့် နိုင်ငံရေး၊ လူငယ်နှင့် ပညာရေး၊ လူငယ်နှင့် အလုပ်အကိုင်အခွင့်အလမ်း၊ လူငယ်နှင့် မူးယစ်ဆေးဝါးစသည့် ထိုခေါင်းစဉ်လေးခုအနက် တစ်ခုခုတွင် ပါဝင်ဆွေးနိုင်သူများနှင့် ဖွဲ့စည်းထားခြင်းဖြစ်ကြောင်း တွေ့ဆုံပွဲအား တက်ရောက်လာသည့် အရပ်ဘက်အဖွဲ့အစည်းများအား ဦးဆောင်ကော်မတီ ဦးခိုင်မိုးက ရှင်းလင်းပြောကြားသည်။

“AYC ၏ ကျောရိုးမဏ္ဍိုင်လေးခုဖြစ်သော လူငယ်နဲ့ နိုင်ငံရေး၊ လူငယ်နဲ့ပညာရေး၊ လူငယ်နဲ့မူးယစ်ဆေးဝါး၊ လူငယ်နဲ့ အလုပ်အကိုင်အခွင့်အလမ်းဆိုသည့် ကျောရိုးများထဲမှ တစ်ခုခုကို ရခိုင်ညီလာခံတွင် ၀င်ရောက်ဆွေးနွေး ပြောဆိုနိုင်သူဖြစ်ရမည်။ မိမိမြို့နယ်၏ အားသာချက်၊ အားနည်းချက်များကို ညီလာခံသို့ တင်သွင်းရမည့်စာတမ်းအား ပြုစုရာတွင် ပူးပေါင်းပါဝင် ရေးသားနိုင်သူဖြစ်ရမည်။ လူငယ်ညီလာခံ ကျင်းပနိုင်ရေးအတွက် ဖြစ်မြောက်ရေး ကော်မတီဝင်များတွင် တတ်နိုင်သည့်ဘက်မှ အချိန်ပေးလုပ်ဆောင်နိုင်သူ ဖြစ်ရမည်။ ရခိုင်လူငယ် ညီလာခံပြီးသည့်နောက်တွင် နောက်ပိုင်းထွက်လာသည့် ရလဒ်များအား အကောင်အထည်ဖော် ဆောင်ရွက်ရာတွင် ကျရာကဏ္ဍမှ တာဝန်ထမ်းဆောင်နိုင်သူဖြစ်ရမည်။ ဖော်ပြပါအရည်အချင်းများနှင့် ပြည့်စုံပါက မည်သည့်အဖွဲ့အစည်း၊ မည်သည့်ပါတီကမဆို ကိုယ်စားလှယ်အဖြစ် ၀င်ရောက်ရွေးချယ်ပိုင်ခွင့်ရှိသည်။ ယင်းကိုယ်စားလှယ်များသည် မေ ၁ ရက်မှ ၅ ရက်အထိ တောင်ကုတ်တွင်ကျင်းပမည့် ညီလာခံအား တက်ရောက်နိုင်သူဖြစ်ရမည်။ ကျွန်တော်တို့ နယ်မြေအလိုက် ရွေးချယ်ရေးမူကို ချထားပါတယ်” ဟု ကျင်းပရေး ဦးဆောင်ကော်မတီ ဦးခိုင်မိုးက ပြောကြားသည်။

အမျိုးသား ပြန်လည် ရင်ကြားစေ့ရေးအတွက် နိုင်ငံရေးအကျဉ်းသား အားလုံး လွှတ်ပေးရန် မေတ္တာရပ်ခံကြောင်းနှင့် ပင်လုံညီလာခံ အောင်မြင်ရေးမှာလည်း အရေးပါသောကိစ္စ ဖြစ်ကြောင်း ပုဒ်မသုံးခုဖြင့် တရားစွဲဆို ခံထားရသော ဒေါက်တာအေးမောင် ပြောကြား

ပုဒ်မ သုံးခုဖြင့် တရားစွဲဆို ခံထားရသော ဒေါက်တာအေးမောင်နှင့် စာရေးဆရာ ဝေဟင်အောင်အား ဧပြီ ၄ ရက်က ရှစ်ကြိမ်မြောက် ရုံးထုတ်တွင် တွေ့ရစဉ်

အမျိုးသား ပြန်လည် ရင်ကြားစေ့ရေးအတွက် နိုင်ငံရေးအကျဉ်းသား အားလုံး လွှတ်ပေးရန် မေတ္တာရပ်ခံကြောင်းနှင့် ပင်လုံညီလာခံ အောင်မြင်ရေးမှာလည်း အရေးပါသောကိစ္စ ဖြစ်ကြောင်း ပုဒ်မသုံးခုဖြင့် တရားစွဲဆို ခံထားရသော ဒေါက်တာအေးမောင်နှင့် စာရေးဆရာ ဝေဟင်အောင်အား ဧပြီ ၄ ရက်က ရှစ်ကြိမ်မြောက် ရုံးထုတ်စဉ် ဒေါက်တာအေးမောင်က ပြောကြားသည်။

“ကျွန်တော်တို့က ပြည်ထောင်စု ငြိမ်းချမ်းရေးကို သွားချင်တယ်။ ကျွန်တော်တို့ပြောတာ အားလုံးလည်းပဲ အမျိုးသားရင်ကြားစေ့ရေး ဖြစ်တယ်။ ရသေ့တောင်မှာ ပြောတာကလည်း ကျွန်တော်တို့ ဖိတ်လို့ သွားခဲ့တာ။ ၂၅ မိနစ်လောက် ပြောခဲ့တဲ့အထဲမှာလည်း ပြည်ထောင်စုကို ငြိမ်းချမ်းရေးကိုပဲ ပြောခဲ့တာ။ စွပ်စွဲထားသလိုမျိုး မဟုတ်ဘူး။ နောက် အမျိုးသားရင်ကြားစေ့ရေးကို သွားတာဖြစ်တယ်။ နိုင်ငံရေး အကျဉ်းသားတွေ စောင့်မျှော်နေကြတယ်။ ဒီသင်္ကြန် မတိုင်ခင်လေးမှာ အမျိုးသား ပြန်လည် ရင်ကြားစေ့ရေးအတွက် နိုင်ငံရေး အကျဉ်းသား အားလုံးကို လွှတ်ပေးနိုင်ပါစေလို့ မေတ္တာပို့တယ်။ သင်္ကြန်မတိုင်ခင် ပြည်သူတွေကို မေတ္တာပေးပါ။ ပြည်သူတွေဆီကလည်း မေတ္တာပြန်ရပါလိမ့်မယ်။ သုံးနှစ်တာ ကာလမှာ ကျွန်တော်တို့ ပြည်တွင်းစစ်ကြီး ရပ်ဖို့အတွက်လည်း ပင်လုံဟာ အရေးကြီးတယ်။ အားလုံးပါဝင်တဲ့ အခင်းအကျင်း ဖြစ်မှသာလျှင် ပြည်ထောင်စုကြီးဟာ ငြိမ်းငြိမ်းချမ်းချမ်းနဲ့ ဖက်ဒရယ် ပြည်ထောင်စုကြီးကို ရမယ်။ ၃၇ ချက် ရပြီးပြီ။ အဲဒီမှာပါတဲ့ အချက်တွေကို လူထုကို ပြောပြခဲ့ပြီးပြီ။ ကိုယ်ပိုင်အုပ်ချုပ်ခွင့် ရမယ်။ ကိုယ်ပိုင်ပြဋ္ဌာန်းပိုင်ခွင့် ဆိုတာ ပြည်ထောင်စုက ပေးရမယ့် တာဝန်။ ဒါ ခွင့်တူညီမျှ ၀ါဒဖြူစင်တဲ့ ပြည်ထောင်စုကြီးကို ပြန်တည်ဆောက်ဖို့အတွက် ဒေါ်အောင်ဆန်းစုကြည် ကြိုးစားနေတယ်။ အဖေ့ရဲ့တာဝန်ကို သမီးက ပြန်ပြီး တည်ဆောက်နေတာ ကျွန်တော်တို့ ပါဝင်ချင်တယ်။ အစ်မကြီးနဲ့ဆိုရင် ကျွန်တော်တို့ အများကြီး ရင်းနှီးပါတယ်။ ကားနဲ့ သွားတုန်းက ပြောခဲ့တာ ရှိတယ်။ ကိုအေးမောင်ရေ အချိန်တွေ နှမြောဖို့ ကောင်းလိုက်တာ။ ကျွန်တော်တို့ဟာ အချိန်တစ်ခုကို ထိထိမိမိ သုံးချင်တယ်။ စည်းလုံးညီညွတ်ဖို့အတွက် တိုင်းရင်းသား တစ်မျိုးချင်းစီရဲ့ ခံစားချက်ကို ပြည်ထောင်စုကြီးက နားလည်ရမယ်။ ရှမ်းရဲ့ ခံစားချက်ကို ရခိုင်က နားလည်ရမယ်။ ရခိုင်ရဲ့ ခံစားချက်ကို ဗမာက နားလည်ရမယ်။ ကျွန်တော်တို့ဆိုရင် ထောင်ထဲမှာ ရက်ပေါင်း ၇၇ ရက်လောက် ရှိပါပြီ။ အမ်းက လူထု တစ်သိန်းကျော်ရဲ့ကိုယ်စား ကျွန်တော် ဘာမှပြောခွင့် မရှိဘူး။ ကျွန်တော်တို့ကို စွပ်စွဲထားတဲ့ အချက် သုံးချက်ဟာလည်း ဘာမှ ကျွန်တော်တို့နဲ့ မပတ်သက်ဘူး။ နိုင်ငံတော်ကို တည်ဆောက်နေတယ်။ နိုင်ငံတော်ကို ပုန်ကန်ခြားနားမှာ မဟုတ်ဘူး။ အကြည်ညိုပျက်အောင်လည်း မလုပ်ဘူး။ ကျွန်တော်တို့ ပြောတာ အားလုံးဟာ လူထုကို အခြေပြုပြီးမှ နိုင်ငံရေးလုပ်တာ ဖြစ်တယ်” ဟု ဒေါက်တာအေးမောင်က ပြောကြားသည်။

ရခိုင်ပြည်နယ် ရသေ့တောင်မြို့၌ ပြုလုပ်ခဲ့သည့် (၂၃၃) နှစ်မြောက် ရခိုင်အချုပ်အခြာအာဏာ ကျဆုံးခြင်း အထိမ်းအမှတ် စာပေဟောပြောပွဲတွင် ဟောပြောမှုဖြင့် နိုင်ငံတော် ပုန်ကန်မှု ပုဒ်မ ၁၂၂၊ နိုင်ငံတော် အကြည်ညိုပျက်စေမှု ၅၀၅ (ခ) (ဂ) ၊ မတရားအသင်းနှင့် ဆက်သွယ်မှု ၁၇ (၁) တို့ဖြင့် ဇန်န၀ါရီ ၁၆ ရက် ညနေပိုင်းက စာရေးဆရာ ဝေဟင်အောင်အား နေအိမ်မှ ခေါ်ယူ ဖမ်းဆီးခဲ့ပြီး ဇန်န၀ါရီ ၁၈ ရက်တွင် ဒေါက်တာအေးမောင်အား စစ်တွေမြို့ရှိ ၎င်း၏ နေအိမ်မှ ဖမ်းဆီးခဲ့သည်။

“သမ္မတသစ် ဦးဝင်းမြင့် လက်ထက်မှာ ထောင်ထဲက လူတွေအများကြီးက လွတ်ငြိမ်းချမ်းသာခွင့်အတွက် အများကြီး မျှော်နေကြတယ်။ စစ်တွေထောင်မှာ လူတစ်ထောင်လောက် ဆံ့ပေမယ့် ထောင့်ငါးရာလောက် ဖြစ်နေတယ်။ တစ်ယောက်နေရာမှာ သုံးယောက် ၀င်အိပ်နေရတယ်။ အကျဉ်းသားတွေ အတွက်လည်း အခွင့်အရေး ချိုးဖောက်ခံနေရသလို ဖြစ်နေတယ်။ နိုင်ငံတော်အတွက်လည်း ဘတ်ဂျက်တိုးပြီး ကုန်ရာရောက်နေတဲ့ အတွက်ကြောင့် အဲဒီလူတွေ ဦးဝင်းမြင့်ဆီက လွတ်ငြိမ်းချမ်းသာခွင့်ကို မျှော်နေကြတယ်။ လွတ်ငြိမ်းချမ်းသာခွင့် ပေးဖို့ အချိန်တန်ပြီလို့လည်း ကျွန်တော်မြင်တယ်” ဟု စာရေးဆရာ ဝေဟင်အောင်က ရုံးထုတ်စဉ် ပြောကြားသည်။

ထို့ပြင် ကြားဖြတ် ရွေးကောက်ပွဲတွင် NLD ပါဝင်မှ ဖက်ဒရယ် ပြည်ထောင်စုကို သွားနိုင်မည်ဟု ယုံကြည်ကြောင်း၊ ထို့ကြောင့် တိုင်းရင်းသားပါတီ အားလုံးက မေတ္တာရပ်ခံခဲ့ကြောင်း၊ ပြည်ထောင်စုလွှတ်တော်ကို တက်ပေးရန်၊ ကျမ်းကျိန်ပေးရန် တောင်းဆိုခဲ့ကြောင်း၊ ယင်းအတွက် တိုင်းရင်းသားပါတီ အားလုံးပါဝင်မှ အမျိုးသား ရင်ကြားစေ့ရေးကို ရမည်ဆိုသည့် သဘောနှင့် လုပ်ဆောင်ခဲ့ကြောင်း၊ အားလုံးအနေဖြင့် ဖယ်ဒရယ်ပြည်ထောင်စုကို တည်ဆောက်နိုင်ရမည် ဖြစ်ကြောင်း၊ ပြည်ထောင်စု ငြိမ်းချမ်းရအောင် နိုင်ငံရေး အကျဉ်းသားအားလုံးကို လွှတ်ပေးဖို့ မေတ္တာရပ်ခံကြောင်း ဒေါက်တာအေးမောင် က ပြောကြားသည်။

ရှစ်ကြိမ်မြောက် ရုံးထုတ်မှုနှင့် ပတ်သက်၍ စာရေးဆရာ ဝေဟင်အောင် အမှုအား လိုက်ပါ ဆောင်ရွက်ပေးသူ ရှေ့နေ ဒေါ်အေးနုစိန်က “ဒီနေ့ စစ်တွေခရိုင် တရားရုံးချိန်းကတော့ စစ်တွေမြို့နယ်မှာ ရှိနေတဲ့ အမှုနှစ်ခုကို စစ်တွေခရိုင်မှာ တစ်ပေါင်းတည်း စစ်ဆေးပေးဖို့ လျှောက်ထားတာကို အမိန့်ချဖို့ ဖြစ်ပေမယ့် ခရိုင်တရားရုံးက မူလအမှုတွဲကို ရခိုင်ပြည်နယ် တရားလွှတ်တော်က ခေါ်ယူသွားပြီ ဖြစ်တဲ့အတွက် အမိန့်မချနိုင်ဘူး ဆိုတာကို ကြားရပါတယ်။ မြို့နယ်မှာ အဲဒီအတိုင်းပဲ ရခိုင်ပြည်နယ် တရားလွှတ်တော်က ခေါ်ယူသွားပြီ ဖြစ်တဲ့အတွက် မြို့နယ်ရုံးမှာလည်း စစ်ဆေးတာ မလုပ်နိုင်ခဲ့ဘူး။ ဧပြီ ၁၈ ရက်ကို ပြန်လည် ချိန်းဆိုလိုက်ပါတယ်။ အမှုချေဖျက်တယ် ဆိုတာဟာ အမှုတစ်ခုလုံးကို ချေဖျက်ဖို့ တက်တာလည်း ဖြစ်ပါတယ်။ ဘယ်သူပဲ တက်တက် ချေဖျက်ဖို့ အကြောင်းခြင်းရာနဲ့ ဥပဒေညီညွတ်ခဲ့ရင် ချေဖျက်ပေးမှာပဲ။ ပေးလိုက်လို့ ရှိရင် ဝေဟင်အောင်လည်း အဲဒီအမှုမှာ အတူတူဖြစ်တဲ့အတွက် ချေဖျက်ခံရတဲ့အထဲ ပါသွားမှာပါ။ ဒါပေမဲ့ ကျွန်မဘက်ကတော့ အချိန်နည်းနည်း လိုသေးတယ်လို့ ယူဆတဲ့အတွက် ကျွန်မက တစ်ပေါင်းတည်း မတင်တာ ဖြစ်ပါတယ်။ အချိန်လိုသေးတယ်လို့ ယူဆတယ်” ဟု ပြောကြားသည်။

ဒေါက်တာ အေးမောင်၏ ရှေ့နေများက အမှုသုံးခုစလုံးကို ချေဖျက်ပေးရန် လျှောက်ထားသဖြင့် တရားလွှတ်တော်က မူလအမှုတွဲကို ခေါ်ယူထားခြင်း ဖြစ်ကြောင်း သိရသည်။

“စစ်မှန်တဲ့ ဖက်ဒရယ်စနစ်ကို ရသွားရင် ကျွန်တော်တို့ အားလုံး ဖြေရှင်းပြီး ဖြစ်လိမ့်မယ်။ ကျွန်တော်တို့က အမျိုးသား ပြန်လည် ရင်ကြားစေ့ရေးကို သွားတယ်။ ၂၀ ရာစုမှာ ဗိုလ်ချုပ်အောင်ဆန်း ပြောခဲ့တဲ့ စကားဟာ တိုင်းရင်းသား အားလုံးရဲ့ရင်ထဲမှာ ရှိတယ်။ အဲဒီတော့ လက်နက်ကိုင် ပဋိပက္ခကို ဖြေရှင်းနိုင်ရမယ်။ အမျိုးသား ရင်ကြားစေ့ရေးကို သွားနိုင်ရမယ်။ အဲဒါဟာ ကျွန်တော်တို့ရဲ့ ၂၁ ရာစုပင်လုံမှာ ဒေါ်အောင်ဆန်းစုကြည် လုပ်ရမယ့် တာဝန်ပဲ။ ၂၁ ရာစုပင်လုံရဲ့ အကြွေးကို ဒေါ်အောင်ဆန်းစုကြည် ပြန်လည် တည်ဆောက်နိုင်ရမယ်။ အဲဒါဟာ ၂၁ ရာစုပင်လုံရဲ့ အောင်ပွဲ ဖြစ်တယ်။ နောက်ပြီး ဟိုဘက်က စွပ်စွဲချက်နဲ့ ကျွန်တော်ပြောတာနဲ့ မတူဘူး။ စာသား ပြန်ပြင်ထားတာ။ အဲဒါလေးကို ဦးညီပု ပြန်ဖတ်ရင် စိတ်ကောင်းမှာ မဟုတ်ဘူး။ ကျွန်တော်လည်း စိတ်မကောင်းဘူး။ စွပ်စွဲချက်တွေ အားလုံးဟာ လိုရာဆွဲပြီးမှ စာသား ပြန်စီထားတဲ့ အခါကျတော့ ဒါလေးတွေကို စဉ်းစားစေချင်တယ်။ ကျွန်တော် ပြောခဲ့သလိုပေါ့။ အမျိုးသား ရင်ကြားစေ့ရေးကိုလည်း သွားဖို့လိုတယ်။ နောက်တစ်ခုက ကျွန်တော်တို့ပြောတာ အားလုံးက Prossess တွေကိုပဲ ပြောခဲ့တာပါ။ ဖွဲ့စည်းပုံ အခြေခံဥပဒေ တစ်ခုအောက်မှာ နိုင်ငံရေးပါတီ ထောင်တယ်။ ဖက်ဒရယ် ပြည်ထောင်စုမှာ ရအောင်ယူမယ် ဆိုတာကို ဘာညာအဓိပ္ပာယ် ဖွင့်လိုက်တာကတော့ လွဲနေတယ်” ဟု ဒေါက်တာအေးမောင်က မတ် ၁၄ ရက် ရုံးထုတ်စဉ် ပြောကြားသည်။

“ကျွန်တော်တို့ အခုဆိုရင် တရားလိုတွေရဲ့ စွပ်စွဲချက်တွေ အားလုံးဟာ သက်သေခံ ဥပဒေနဲ့ ကင်းကွာနေကြတာ ရှိတယ်။ အမှုမမြောက်နိုင်ဘူး ဆိုတဲ့ သုံးသပ်ချက်တွေလည်း ရှိကြတာပေါ့ဗျာ။ မြောက်ဦးပဋိပက္ခနဲ့ ကျွန်တော် လုံးဝပတ်သက်မှု မရှိဘူး။ ကျွန်တော်တို့ဟာ ရသေ့တောင်မှာ ဖြစ်တာ။ မိုင်ပေါင်း ဆယ်ကျော် ဝေးတဲ့နေရာမှာ ဖိတ်ကြားထားလို့ ကျွန်တော်တို့က သွားပြီး တရားဟောခဲ့တာ။ အဲဒီလိုမျိုးဟောခဲ့တာ လေးနှစ် ငါးနှစ်လောက် ရှိပြီ။ ဒါက သမိုင်းအရ ပြောနေတဲ့အခါကျတော့ ဒါကိုအားလုံးက သဘောပေါက်ဖို့ လိုတယ်” ဟု ဒေါက်တာအေးမောင်က မီဒီယာများအား မတ် ၁၉ ရက်က ပြောကြားခဲ့သည်။

လေးတောင်တိုက်နယ်ရှိ သရက်ချိုစံပြကျေးရွာအား မြို့အဖြစ်သတ်မှတ်ပေးရေး ရခိုင်ပြည်နယ်လွှတ်တော်တွင် အတည်ပြု

ရခိုင်ပြည်နယ် ရမ်းဗြဲမြို့နယ် လေးတောင်တိုက်နယ်ရှိ သရက်ချိုစံပြကျေးရွာအား မြို့အဖြစ်သတ်မှတ်ပေးရေး ရခိုင်ပြည်နယ် လွှတ်တော်တွင် မတ် ၁၂ ရက်က အတည်ပြုလိုက်ကြောင်း သိရသည်။

အဆိုပါသရက်ချိုစံပြကျေးရွာအား မြို့အဖြစ် တိုးမြှင့်သတ်မှတ်ပေးရန် ရမ်းဗြဲမြို့နယ်မှ ပြည်နယ်လွှတ်တော်ကိုယ်စားလှယ် ဦးသန်းမောင်ဦးက ရခိုင်ပြည်နယ်အစိုးရအား တိုက်တွန်းကြောင်း အဆိုအား ဒုတိယအကြိမ် ရခိုင်ပြည်နယ်လွှတ်တော် သတ္တမပုံမှန်အ စည်းအဝေး ပထမနေ့တွင် အဆိုတင်သွင်းခဲ့ပြီးနောက် ယင်းအဆိုနှင့်ပတ်သက်ပြီး ပြည်နယ်လွှတ်တော်တွင် ဆက်လက်ဆွေးနွေးရန် သဘောတူခဲ့ကြောင်းနှင့် ထပ်မံဆွေးနွေးလို သည့်လွှတ်တော်ကိုယ်စားလှယ် နှစ်ဦးမှ အမည်စာရင်း တင်သွင်းခဲ့ခြင်းဖြစ်ကာ မတ် ၁၂ ရက်ကကျင်းပသည့် စတုတ္ထနေ့တွင်ထပ်မံ ဆွေးနွေးခဲ့ရာ ပြည်နယ်လွှတ်တော်ကိုယ်စားလှယ် နှစ်ဦးတို့က ထောက်ခံဆွေးနွေးခဲ့ကြပြီးနောက် ရခိုင်ပြည်နယ်အစိုးရအဖွဲ့ကိုယ်စား ၀န်ကြီး ဦးကျော်လွင်ကလည်း ကန့်ကွက်ရန် မရှိကြောင်း လွှတ်တော်သို့တင်ပြခဲ့သည့်အတွက် ကန့်ကွက်သူ မရှိသဖြင့် လွှတ်တော်မှ အတည်ပြုလိုက်ခြင်းဖြစ်ကြောင်းလည်း သိရသည်။

“ကျွန်တော်တို့ရခိုင်ပြည်နယ်ဟာ ဖွံ့ဖြိုးမှု နောက်ကျနှေးကွေးခဲ့လို့ အစစအရာရာ နိမ့်ကျခဲ့ပါတယ်။ တောအုပ်ကို တောအဖြစ် ထားရင် တောပဲဖြစ်နေမှာပါ။ တောအုပ်ကို သရက်ပင်စိုက်ရင် သရက်ခြံဖြစ်မယ်။ သရက်ပင်ရဲ့အရသာကို ခံစားရမှာဖြစ်ပါတယ်။ သရက်ချိုကျေးရွာအုပ်စုကို ဒီအတိုင်းထားရင် ကျေးရွာအုပ်စုသာဖြစ်နေမှာပါ။ ဒီအုပ်စုဟာ အင်မတန်စည်ကားတဲ့ စံပြကျေးရွာတစ်ရွာ ဖြစ်ပါတယ်။ ကမ်းခြေတွေလည်း ရှိပါတယ်။ ဒါကြောင့် မြို့အဖြစ် တိုးမြှင့်ပေးခြင်းအားဖြင့် ဟိုတယ်နဲ့ ခရီးသွားလုပ်ငန်းတွေလည်းဖြစ်လာနိုင်သလို တိုးတက်လာမယ့် အလားအလာ ရှိပါတယ်။ မြို့အဖြစ်တိုးမြှင့်လိုက်ခြင်းအားဖြင့် စည်ကားလာမှာဖြစ်တဲ့အတွက် ထောက်ခံတင်ပြပါတယ်” ဟုလည်း သံတွဲမြို့နယ် အမှတ် (၁) မဲဆန္ဒနယ်မှ ပြည်နယ်လွှတ်တော် ကိုယ်စားလှယ် ဦးဝင်းနိုင်ကပြောကြားသည်။

အဆိုပါ သရက်ချိုစံပြကျေးရွာသည် ရမ်းဗြဲမြို့၏အနောက်ဘက် ၁၈ မိုင်ခန့်အကွာ ပင်လယ်ကမ်းခြေအနီးတွင်တည်ရှိပြီး ကျောက်ဖြူမြို့နယ်နှင့် ၃၆ မိုင်ခန့်ကွာဝေးပြီး တခြားတိုက်နယ်များနှင့်လည်း ကူးလူဆက်သွယ်ရန် ကောင်းမွန်သည့်ဒေသတစ်ခုဖြစ်သည့်အတွက် မြို့အဖြစ်သတ်မှတ်ရန် သင့်တော်သော ဒေသတစ်ခုဖြစ်ကြောင်း သိရသည်။

 

 

မေယုကျွန်းဆွယ် အနောက်ဘက်ခြမ်းတွင် အခြေချရန် ပြောင်းရွှေ့လာသူ အိမ်ထောင်စု ၆၀ ကျော်မှ လူဦးရေ ၂၀၀ ကျော်အတွက် CRR က နေအိမ်များ ဆောက်လုပ်ပြီးဖြစ်ကြောင်း သိရ

မေယုကျွန်းဆွယ် အနောက်ဘက်ခြမ်းတွင် အခြေချရန် ပြောင်းရွှေ့လာသည့် အိမ်ထောင်စု ၆၀ ကျော်မှ လူဦးရေ ၂၀၀ ကျော်အတွက် အနောက်ဘက်နယ်စပ်ဒေသ ရခိုင်အမျိုးသား နယ်မြေပြန်လည်တည်ဆောက်ရေး အထောက်အကူပြုကော်မတီ (CRR) က နေအိမ်များ ဆောက်လုပ်ပြီးဖြစ်ကြောင်း သိရ သည်။

ရသေ့တောင်မြို့နယ် ချိန်ခါလီ၊ ကိုးတန်ကောက်နှင့် မောင်တောမြို့နယ် အင်းဒင်ကျေးရွာများကို အခြေပြုပြီး အနယ်နယ်အရပ်ရပ်မှ ရွှေ့ပြောင်းလာကြသည့် အိုးအိမ်စွန့်ခွာ  ရခိုင်လူမျိုးများကို နေရာချပေးထားခြင်းဖြစ်ကြောင်းလည်း CRR ဥက္ကဋ္ဌ ဒေါက်တာအေးချမ်းက ပြောကြားသည်။

အနောက်ဘက်နယ်စပ်ဒေသ ရခိုင်အမျိုးသားနယ်မြေ ပြန်လည်တည်ဆောက်ရေးအထောက်အကူပြု ကောက်မတီ (CRR) ဥက္ကဋ္ဌ ဒေါက်တာအေးချမ်းက “ကျွန်တော်တို့ စဖွဲ့ကတည်းကပေါ့လေ။ ကျွန်တော်တို့ရဲ့ ရည်ရွယ်ချက်ကဘာလဲဆိုတော့ ဒီ၂၀၁၇ သြဂုတ်လမှာ စပြီးဖြစ်ခဲ့တဲ့ အထူးသဖြင့် မောင်တောခရိုင်အတွင်းမှာ အိုးအိမ်စွန့်ခွာ ထွက်ပြေးသွားကြတဲ့ ရခိုင်လူမျိုးတွေ၊ တခြားဒေသတွေကို ရောက်သွားတဲ့ ရခိုင်လူမျိုးတွေ၊ ဟိုးအရင်အရင်လည်းပဲ ဒီနယ်က အေးချမ်းတဲ့ နယ်မြေ မဟုတ်ခဲ့ဘူး။ ခဏခဏ လူမျိုးရေးအဓိကရုဏ်းတွေ ခဏခဏ ပြဿနာတွေပေါ်ခဲ့တဲ့နေရာဆိုတော့ ဒီဒေသကနေ တခြားနေရာကို သွားပြီးအခြေစိုက်တဲ့သူတွေရှိတယ်။ အဲဒီလူတွေလည်း အပါအ၀င် လောလောလတ်လတ် အိုးအိမ်စွန့်ခွာသွားကြတဲ့ လူတွေလည်း အပါအ၀င် ပြန်ပြီးတော့ မေယုနယ်ခြားခရိုင်လို့ခေါ်တဲ့ မောင်တောခရိုင်မှာ အခြေစိုက်ဖို့ ကျွန်တော်တို့ကူညီမယ်။ ကူညီမယ်ဆိုတဲ့အခါမှာ ကျွန်တော်တို့က ဒီမေယုကမ်းလို့ခေါ်တဲ့ မေယုကျွန်းဆွယ်၊ မေယုမြစ်နဲ့ ပင်လယ်ကမ်းခြေကြား မေယုတောင်တန်းရဲ့ အရှေ့ဘက် အနောက်ဘက်၊ ဘူးသီးတောင်မြို့နယ်နဲ့ မောင်တောမြို့နယ်အကြား၊ ဒီနေရာမှာ မေယုတောင်တန်း အနောက်ဘက်ကမ်း တောင်ဘက်ကနေစပြီးတော့ ရခိုင်လူမျိုးတွေ အများစုရှိတဲ့နေရာမှာ ရခိုင်တွေကို နေရာအားဖြည့်ပေးမယ်။ ဘာလို့လဲဆိုတော့ ပြောင်းလာတဲ့လူတွေက လူနည်းစုတွေဖြစ်တယ်။ လူနည်းစုတွေဖြစ်တဲ့ အတွက် တစ်နေရာတည်းမှာ ရပ်တည်ရှင်သန်ဖို့ တော်တော်လည်းခက်တယ်။ အဲဒီတော့ ရိုင်းပင်းကူညီမှုလည်းရအောင်ဆိုပြီးတော့ မေယုကျွန်းဆွယ်ရဲ့ အနောက်ဘက်ခြမ်း တောင်ပိုင်းကနေစတဲ့အခါမှာ ချိန်ခါလီ၊ ကိုးတန်ကောက်၊ အင်းဒင်အဲဒီရွာသုံးရွာက အခြေပြုပြီးစတယ်။ အဲဒီမှာ အနယ်နယ်အရပ်ရပ်က ရွှေ့ပြောင်းလာကြတဲ့ အိုးအိမ်စွန့်ခွာ ဒုက္ခသည်တွေကို နေရာချပေးတယ်” ဟု ပြောကြားသည်။

လက်ရှိတွင် CRR ၏ အကူအညီဖြင့် ကိုးတန်းကောက်ကျေးရွာအနီး CRR အခြေချ စခန်း နံပါတ် (၁) တွင် နေအိမ်  ၂၅ လုံး လူဦးရေ  ၉၆ ဦး၊ CRR အခြေချစခန်း နံပါတ် (၂) တွင်   နေအိမ် ၂၄ လုံး လူဦးရေ ၈၀ ကျော်၊ အင်းဒင်ကျေးရွာအနီးတွင် အိမ်ထောင်စု ၁၄ စု လူဦးရေ ၆၀ ကျော်  စုစုပေါင်း အိမ်ထောင်စု ၆၃ စု လူဦးရေ ၂၀၀ ကျော်အား နေအိမ်များ ဆောက်လုပ်ပေးထားပြီး စားနပ်ရိက္ခာနှင့် အလုပ်အကိုင်အတွက်လည်း ကူညီထောက်ပံ့ထားကြောင်း သိရသည်။

မေယုဒေသတွင် ပြောင်းရွှေ့အခြေချနေလိုသူ အိမ်ထောင်စုများအနေဖြင့် အမှန်တကယ် အမြဲတမ်း နေထိုင်လိုသူများဖြစ်ကြောင်း အဆိုပြုလွှာများဖြင့် CRR သို့ တင်ပြ ရမည်ဖြစ်ပြီး ယင်းသို့ အဆိုပြုလွှာများကို စိစစ်ပြီး အခြေချနေထိုင်နိုင်အောင်နေအိမ်များ ဆောက်လုပ်သွားမည်ဖြစ်ကြောင်း သိရသည်။

ကိုးတန်ကောက်ကျေးရွာအနီး CRR အခြေချစခန်း နံပါတ် (၂) တွင် ပြောင်းရွှေ့နေ ထိုင်သူတစ်ဦးက “ကျွန်တော်တို့က သံတွဲဆင်ခေါင်းကျေးရွာကနေ ပြောင်းရွှေ့လာတာ လေးလလောက်ရှိပါပြီ။ ဒီရွာကိုရောက်တာက မကြာသေးဘူး။ အခုတော့ နေအိမ်တွေ ဆောက်လုပ်နေဆဲဖြစ်ပါတယ်။ CRR အဖွဲ့က ပံ့ပိုးလို့ နေအိမ်တွေဆောက်တယ်။ လောလောဆယ်စားသောက်ဖို့ နည်းနည်းပါးပါးထောက် ပံ့တယ်။ လောလောဆယ် အလုပ်တွေတော့ မရှိသေးဘူး။ ဟင်းစားအတွက် ရှာဖွေစား သောက်နေကြတယ်။ ကျွန်တော်တို့ မျှော်လင့်တာက ငါးဖမ်းပိုက်တွေ၊ စိုက်ပျိုးဖို့ လယ်တွေလိုပါတယ်။ အစိုးရကတော့ ဘာတစ်ခုမှ ကူညီပေးတာမရှိသေးပါဘူး”  ဟု ပြောကြားသည်။

ရွှေ့ပြောင်းအိမ်ထောင်စုများအနေဖြင့် အစိုးရက တာဝန်ယူတည်ဆောက်သည့် ကျေး ရွာများသို့လည်း ပြောင်းရွှေ့သွားနိုင်ကြောင်း နှင့် CRR အနေဖြင့် အခြေချလာသူများကို အခိုက်အတန့်အနေဖြင့် ကူညီပေးထားခြင်း ဖြစ်ကြောင်း သိရသည်။

“ဒီနေရာမှာ နေထိုင်ကြတဲ့ ရခိုင်လူမျိုးတွေကဘေးနားမှာ နိုင်ငံတော်က တာဝန်ယူပြီးတော့ နေရာချထားပေးလို့ ဒီထက်သင့်တော်မယ်ဆိုရင် ကောင်းမွန်တဲ့နေရာတွေ၊ လုပ်ကိုင်စားသောက်ဖို့ ကောင်းမွန်တဲ့နေရာတွေရောက်မယ်ဆိုရင်တော့ ပြောင်းရွှေ့သွားလို့ရတယ်။ လောလောဆယ်မှာ အခိုက်အတန့်အားဖြင့် ကျွန်တော်တို့က အဆင်ပြေအောင်ကူညီနေခြင်းဖြစ်ပါတယ်” ဟု ဒေါက်တာအေးချမ်းက ပြောကြားသည်။

အနောက်ဘက်နယ်စပ်ဒေသ ရခိုင်အမျိုးသား နယ်မြေ ပြန်လည်တည်ဆောက်ရေး အထောက်အကူပြုကောက်မတီ (CRR) မှ ဥက္ကဋ္ဌ ဒေါက်တာအေးချမ်း၊ ဦးခင်မောင်ကြီး၊ ဦးသန်းထွန်းနှင့် ဦးဝိုင်းမောင်ပါဝင်သည့်အဖွဲ့သည့် ရသေ့တောင်မြို့နယ်နှင့် မောင်တောမြို့နယ်တောင်ပိုင်းတွင် နေရာချထားသည့် ကျေးရွာများသို့ မတ် ၁ ရက်က ကွင်းဆင်းသွားရောက်ပြီး နေအိမ်ဆောက်လုပ်ပေးခြင်းနှင့် အခြားအလုပ်အကိုင် အခွင့်အလမ်းအတွက် လိုအပ်သည့် ကူညီထောက်ပံ့မှုများဆောင်ရွက်ပေးခဲ့ကြောင်း သိရသည်။

စစ်တွေ ကမ်းခြေ နှင့် သံတွဲကမ်းခြေတို့တွင် သဲပုံစေတီပွဲ ကျင်းပပြုလုပ်

ဓါတ်ပုံ – သန်းလှိုင်

ရခိုင်ပြည်နယ် စစ်တွေ ကမ်းခြေ နှင့် သံတွဲကမ်းခြေတို့တွင် မတ်လ ၁ ရက်နေ့က သဲပုံစေတီပွဲများ ကျင်းပပြုလုပ်ခဲ့ကြောင်း သိရှိရသည်။

သဲပုံစေတီပွဲကို တပေါင်းလပြည့်နေ၌ နှစ်စဉ် ကျင်းပလေ့ရှိပြီ ရခိုင်တွင် သျှစ်သောင်းမြှောက်ပွဲဟုလည်း ခေါ်ဆိုကြောင်းသိရသည်။

“သဲပုံစေတီပွဲဆိုတာက ကုသိုလ်ကောင်းမှုတွေ လုပ်တဲ့ပွဲဖြစ်တယ်။ သဲပုံစေတီပွဲ ပြုလုပ်ခြင်းအားဖြင့် ကုသိုလ်ရတယ်။ ဒါကြောင့် ဒီနေ့ခေတ်လူငယ်တွေဟာ သဲပုံစေတီပွဲကို စိတ်ဝင်စားလာကြတယ်။ အရင်ကတည်းက ရှိခဲ့တာဖြစ်ပေမယ့် မကျင်းပရင် လူငယ်တွေ မသိဘူးပေါ့။ ကိုယ်နှစ်သက်တဲ့ စေတီ၊ ပုထိုးတော်တွေကို သဲနဲ့ပြုလုပ်ပြီး ပူဇော်ကြတာ ဖြစ်တယ်။ ပင်လယ်ကမ်းစပ်မှာ လုပ်တာဖြစ်တဲ့အတွက် ညနေဆိုရင် ဒီရေတက်လာတော့ ပျက်သွားတယ်ပေါ့။ ဘာဖြစ်လို့လည်းဆိုရင် စေတီတည်ပြီးရင် ပြန်ဖျက်လို့မရဘူး။ သဘာဝက ဖျက်လိုက်မှ ရတယ်။ ရခိုင်မှာတော့ သျှစ်သောင်းမြှောက်ပွဲလို့လည်း ခေါ်ကြ တယ်”ဟုလည်း ဦးကျော်မိုးအောင်က ပြောကြားခဲ့သည်။

အဆိုပါ သဲပုံစေတီပွဲသို့ လာရောက် လေ့လာကြည့်ရှု အားပေးသူ များပြားခဲ့ကြောင်းလည်း သိရှိရပြီး ရခိုင်ပြည်နယ်အတွင်းမှ ပုထိုးတော်များ၏ ပုံများနှင့် စေတီတော်များ၏ပုံများအပြင် ဗုဒ္ဓဆင်းတုတော် ပုံများကိုလည်း သဲဖြင့် ပြုလုပ်တည်ထား ကိုးကွယ်ခဲ့ကြောင်းလည်း သိရှိရသည်။

မောင်တောတောင်ပိုင်းနှင့် မေယုကမ်းဒေသ၌ ဘင်္ဂါလီများအား ပြန်လည်နေရာချမှု လုံးဝမပြုလုပ်ရန်နှင့် မြောက်ဦးဖြစ်စဉ်ကို စုံစမ်းဖော်ထုတ်ပေးရန် ရခိုင်မြို့နယ်ပေါင်းစုံ တောင်းဆို

စစ်တွေမြို့ရှိ ပုသိမ်ကျောင်းတိုက်တွင် ရခိုင်ပြည်နယ် မြို့နယ်ပေါင်းစုံ လူမှုအဖွဲ့အစည်း ကိုယ်စားလှယ်များ အစည်းအဝေး ဖေဖော်ဝါရီ ၂၄ ရက်က ပြုလုပ်နေစဉ်

ရခိုင်ပြည်နယ် မောင်တောတောင်ပိုင်းဒေသနှင့် မေယုကမ်းဒေသ၌ ဘင်္ဂါလီများအား ပြန်လည်နေရာချမှု လုံးဝမပြုလုပ်ရန်နှင့် မြောက်ဦးဖြစ်စဉ်အတွင်း တာဝန်ရှိသော ပြစ်မှုကျူးလွန်သူတို့အား အရေးယူနိုင်ရေးအတွက် သီးခြားလွတ်လပ်သည့် စုံစမ်းရေး ကော်မရှင်တစ်ရပ်ဖြင့် စုံစမ်းစစ်ဆေးဖော် ထုတ်ပေးရန် ရခိုင်ပြည်နယ် မြို့နယ်ပေါင်းစုံ လူမှုအဖွဲ့အစည်းများက ပြည်ထောင်စုအစိုးရသို့ တောင်းဆိုလိုက်ကြောင်း သိရသည်။

အဆိုပါ လူမှုအဖွဲ့အစည်းများအနေဖြင့် ဖေဖော်ဝါရီ ၂၄ ရက်က စစ်တွေမြို့ရှိ ပုသိမ်ကျောင်းတိုက်တွင် နံနက် ၈ နာရီမှ ညနေ ၆ နာရီခွဲအထိ ဆွေးနွေးပွဲတစ်ရပ် ပြုလုပ်ခဲ့ရာ ရခိုင်ပြည်နယ်မြို့နယ်အသီးသီးမှ လူမှုအဖွဲ့အစည်းများမှ ကိုယ်စားလှယ် ၇၀ ၀န်းကျင် တက်ရောက်ပြီး ထိုသို့ဆုံးဖြတ်လိုက်ခြင်းဖြစ်ကြောင်းနှင့် ယင်းဆုံးဖြတ်ချက်ကို ကြေညာချက်အဖြစ် ထုတ်ပြန်ခဲ့ခြင်း ဖြစ်သည်။

ဘင်္ဂါလီများ နေရာချထားရေးနှင့်ပတ်သက်ပြီး မောင်တောမြို့နယ် ကိုယ်စားပြု ကော်မတီဝင် ဦးမောင်သိန်းက “မောင်တောတောင်ပိုင်းဟာ အကြမ်းဖက်လုပ်ရပ်တွေကို အဓိကလုပ်ဆောင်တဲ့ နေရာတွေထဲမှာပါတယ်။ ရဲတပ်ကြပ် အောင်ကျော်သိန်းကို ဘင်္ဂါလီတွေဖမ်းပြီး သတ်ဖြတ်တာလည်း မောင်တောတောင်ပိုင်းပဲ။ နောက်ပြီး အလယ်သံကျော်ညီလာခံကိုလုပ်တာလည်း မောင်တောတောင်ပိုင်းဖြစ်တယ်။ အဲဒီလိုပဲ မောင်တောတောင်ပိုင်း ကိုင်းကြီးမြိုရွာက မြိုရှစ်ဦးကို သတ်တာလည်းရှိတယ်။ နောက်ပြီး မောင်တောတောင်ပိုင်းနဲ့ မယူကမ်းဒေသဟာ စစ်တွေနဲ့ ဆက်သွယ်သွားလာနိုင်မယ့် အဓိက အရေးပါတဲ့လမ်းကြောင်းဖြစ်သလို ကမ်းခြေတွေကနေတစ်ဆင့် အချိန်အရွေး အကြမ်းဖက်သမားတွေဝင်ရောက်နိုင်ပြီး လုံခြုံရေးအတွက်လည်း မလုံခြုံမှုတွေဖြစ်လာနိုင်တဲ့ အတွက်နေရာချထားမှုကို လုံးဝမလုပ်သင့်ဘူး” ဟု ပြောကြားသည်။

ထိုကြေညာချက်တွင် အချက်သုံးချက် ပါဝင်ပြီး ၂၀၁၇ ခုနှစ် နောက်ဆုံးအကြိမ် ဘင်္ဂါလီအကြမ်းဖက်သမားများ အကြမ်းဖက်ဖြစ်စဉ်မှတစ်ပါး အဓိကရုဏ်းဖြစ်တိုင်း စတင်ပေါ်ပေါက်ရာ နယ်မြေဒေသဖြစ်သည့် မောင်တောတောင်ပိုင်းနှင့် မေယုကမ်းဒေသ၌ အကြမ်းဖက်မှုများ ကျူးလွန်ပြီး ထွက်ပြေးတိမ်းရှောင်သွားခဲ့ကြသော ဘင်္ဂါလီများအား ပြန်လည်နေရာချထားမှု လုံးဝမပြုလုပ်ရန် ပြည်ထောင်စုအစိုးရအား တောင်းဆိုသည်။ ၂၀၁၈ ဇန်န၀ါရီ ၁၆ ရက် မြောက်ဦးမြို့၌ လူခုနစ်ဦးသေဆုံးပြီး အများအပြားဒဏ်ရာ ရသည်အထိ မလိုအပ်ဘဲ အင်အားအလွန် အကျွံသုံးစွဲခဲ့ကြောင်း အထင်အရှား မြင်သာနေသည့်ဖြစ်စဉ်တွင် တာဝန်ရှိသော ပြစ်မှုကျူးလွန်သူများကို အရေးယူနိုင်ရေးအတွက် သီးခြားလွတ်လပ်သည့် ပုဂ္ဂိုလ်များဖြင့် စုံစမ်းရေးကော်မရှင်တစ်ရပ်ဖွဲ့စည်းလျက် စုံစမ်းစစ်ဆေး ဖော်ထုတ်ပေးရန် ပြည်ထောင်စုအစိုးရအား တောင်းဆိုလိုက်ဟု ပါရှိသည်။

ရခိုင်ပြည်နယ်အစိုးရအဖွဲ့ အတွင်းရေးမှူး၏ နေအိမ်အနီးနှင့် အခြားနှစ်နေရာတွင် မိုင်းသုံးလုံး ပေါက်ကွဲမှုဖြစ်ပွားပြီး သုံးဦး ဒဏ်ရာရရှိကာ မပေါက်ကွဲသေးသည့် ရီမုမိုင်း သုံးလုံး တွေ့ရှိ

ပေါက်ကွဲမှု ဖြစ်ပွားရာနေရာတွင် တာဝန်ရှိသူများ စစ်ဆေးနေစဉ်

ရခိုင်ပြည်နယ် စစ်တွေမြို့တွင် ဖေဖော်ဝါရီ ၂၄ ရက် နံနက် ၄ နာရီ ၁၀ မိနစ်ခန့်က နေရာ သုံးခုတွင် မိုင်းသုံးလုံး ပေါက်ကွဲမှု ဖြစ်ပွားပြီး သုံးဦး ဒဏ်ရာအနည်းငယ် ရရှိခဲ့ကြောင်း သိရသည်။

အဆိုပါ ပေါက်ကွဲခဲ့သော နေရာများမှာ ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေ၏နေအိမ် နောက်ဘက် (ရှုခင်းသာကမ်းပတ်လမ်းဘေး)၊ ပြည်နယ်မြေစာရင်းရုံးရှေ့ (လမ်းမကြီး ပလက်ဖောင်း) နှင့် ပြည်နယ်တရားရုံးရှေ့ (လမ်းမကြီး ပလက်ဖောင်း) နေရာတွင် ပေါက်ကွဲခဲ့ခြင်း ဖြစ်ကာ မိနစ်အနည်းငယ်အကြာစီတွင် ပေါက်ကွဲခဲ့ခြင်း ဖြစ်ကြောင်း သိရသည်။

ယင်းဖြစ်စဉ်နှင့် ပတ်သက်၍ ရခိုင်ပြည်နယ် ရဲတပ်ဖွဲ့မှူး ရဲမှူးကြီး အောင်မြတ်မိုးက “၄ နာရီ ၁၀ မိနစ်အချိန်မှာ ပေါက်ကွဲသံ ကြားပါတယ်။ တပ်မတော်နဲ့ ပူးပေါင်းစိစစ်တဲ့အခါမှာ ရခိုင်ပြည်နယ် တရားလွှတ်တော်ရုံး၊ ဒေါင့်နားလမ်းမကြီးလမ်း၊ ထရန်စဖော်မာမှာ တစ်လုံး ပေါက်ကွဲတာ တွေ့တယ်။ ၄ နာရီ ၁၁ မိနစ်မှာ ရခိုင်ပြည်နယ် အတွင်းရေးမှူး အိမ်နောက်က ခြံတံခါးအ၀ ခြံစည်းရိုးအ၀င်မှာ တစ်လုံးကွဲတာ တွေ့ရပါတယ်။ မြေစာရင်းရုံးရှေ့မှာ တစ်လုံးကွဲတာ တွေ့ရှိရတယ်။ နောက်ထပ် မြေစာရင်းရုံးရှေ့မှာ ဈေးခြင်းနဲ့ ထည့်ထားတဲ့ မပေါက်ကွဲသေးတဲ့ မိုင်းသုံးလုံးကို တွေ့ရှိရပါတယ်။ ကြီးကြီးမားမား ဒဏ်ရာရတာတော့ တစ်ယောက်မှ မရှိပါဘူး။ ပျက်စီးဆုံးရှုံးမှုကတော့ အတွင်းရေးမှူးအိမ်ရဲ့ ခြံတံခါးနဲ့ အတွင်းမှာ ရပ်ထားတဲ့ ဆလွန်းကားနှစ်စီး မှန်ကွဲသွားတယ်။ တပ်ဖွဲ့ဝင်များ အိပ်ဆောင်မျက်နှာကြက် မှန်ကွဲသွားတယ်”ဟု ပြောကြားသည်။

ယင်းသို့ ပေါက်ကွဲမှုဖြစ်ပွားပြီးနောက် မြို့ဝင်လမ်းများပေါ်တွင် ပိတ်ဆို့ရှာဖွေ စိစစ်မှုများ ပြုလုပ်လျက်ရှိကြောင်း၊ စစ်တွေ ကားလမ်းတစ်လျှောက်တွင်လည်း ဗုံးဖောက်ခွဲရေးသမားများကို ပိတ်ဆို့ ရှာဖွေလျက်ရှိကြောင်း၊ တပ်မတော်ကလည်း ပူးပေါင်းပြီး ရှင်းလင်းလျက်ရှိကြောင်း ရဲမှူးကြီးက ပြောကြားသည်။

“ဗုံးအမျိုးအစားကတော့ ဒေသန္တရ လက်လုပ်မိုင်းပေါ့။ အတွင်းမှာ သံတိုသံစတွေ ပါတယ်။ ဘောစေ့ ပါတယ်။ ယမ်းပါတယ်။ ငါးမူးထုအထူ သံဘော်ဒီထဲမှာ ထည့်ပြီးတော့ အလျား ၁၈ လက်မ၊ အနံ ၁၂ လက်မ၊ အောက်ခြေပတ်လည် ခြောက်လက်မ ရှိတယ်။ အဝေးထိန်းစနစ်နဲ့ ဖောက်ခွဲတဲ့မိုင်းလို့ ယူဆလို့ရပါတယ်။ လုံခြုံရေးကိုတော့ လက်ရှိလည်း တိုးမြှင့်ထားပါတယ်။ မထင်မှတ်တဲ့ လူသွားလူလာကြဲတဲ့အချိန်မှာ လုပ်သွားတာ ဖြစ်ပါတယ်။ လက်ရှိမှာ မြန်မာနိုင်ငံ ရဲတပ်ဖွဲ့ဝင်တွေဟာ အရေးကြီးနေရာအားလုံး ပိတ်ဆို့ပြီးတော့ လုံခြုံရေး ဆောင်ရွက်လျက် ရှိပါတယ်။ လက်ရှိ စစ်တွေမြို့ အခြေအနေကတော့ တည်ငြိမ်အေးချမ်းလျက် ရှိပါတယ်”ဟု ရဲမှူးကြီး အောင်မြတ်မိုးက ပြောကြားသည်။

မော်တော်ဆိုင်ကယ်များကို အသုံးပြုပြီး ထောင်ထားသော မိုင်းပေါက်ကွဲပြီးနောက် တွေ့ရစဉ်

အဆိုပါ မိုင်းပေါက်ကွဲမှုကြောင့် ရဲတပ်ဖွဲ့ဝင်တစ်ဦး အနည်းငယ်ဒဏ်ရာရ (မစိုးရိမ်ရ) ရှိပြီး အရပ်သားနှစ်ဦးလည်း ဒဏ်ရာအနည်းငယ် ရရှိခဲ့ကြောင်း လုံခြုံရေးဆောင်ရွက်နေသည့် ရဲအရာရှိတစ်ဦးက ပြောကြားသည်။

မိုင်းပေါက်ကွဲမှုများသည် အချိန်အနည်းငယ်သာခြားပြီး ပေါက်ကွဲခဲ့ခြင်းဖြစ်ကာ မော်တော်ဆိုင်ကယ်များကို အသုံးပြုပြီး ထောင်ထားခဲ့ခြင်းများကိုလည်း တွေ့ရှိရကြောင်း သိရသည်။

တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်ကမူ ရခိုင်ပြည်နယ် စစ်တွေမြို့ ပြည်တော်သာရပ်ကွက် ကမ်းနားလမ်းအနီး ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေ၏ နေအိမ်အနောက်ဘက် ခြံစည်းရိုးနေရာ၌ လည်းကောင်း၊ နာရီစင်အနီး ပြည်နယ် တရားလွှတ်တော်ချုပ်ရုံး ထောင့်နေရာ၌ လည်းကောင်း၊ ပြည်နယ် မြေစာရင်းရုံးအနီးနေရာ၌ လည်းကောင်း ဖေဖော်ဝါရီ ၂၄ ရက် နံနက် ၄ နာရီ ၁၅ မိနစ်ခန့်တွင် ရီမုမိုင်း ပေါက်ကွဲမှုများ ဖြစ်ပွားခဲ့သည်ဟု ပြောကြားသည်။

ဦးတင်မောင်ဆွေ၏ နေအိမ်အနီး မိုင်းပေါက်ကွဲမှုဖြစ်စဉ်တွင် လုံခြုံရေးဆောင်ရွက်နေသည့် ပြည်နယ်ရဲတပ်ဖွဲ့မှ ရဲတပ်သား နန်းတင်နှင့် ယင်းနေအိမ်တွင် ခေတ္တရောက်ရှိနေသည့် ဒေါက်တာအေးချမ်းမောင်မောင်တို့ မိုင်းစထိမှန် ဒဏ်ရာများရရှိပြီး ပြည်နယ်တရား လွှတ်တော်ချုပ် ရုံးထောင့်နေရာ မိုင်းပေါက်ကွဲမှုဖြစ်စဉ်တွင် ထရန်စဖော်မာကြွေသီးများ ပျက်စီးခဲ့ကြောင်း တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ထားသည်။

အဆိုပါဖြစ်စဉ် နေရာများသို့ စစ်တွေတပ်နယ်နှင့် မြန်မာနိုင်ငံ ရဲတပ်ဖွဲ့မှ တာဝန်ရှိသူများက သွားရောက်စစ်ဆေးရာ ဦးတင်မောင်ဆွေ၏ နေအိမ်အနီး မိုင်းပေါက်ကွဲမှု ဖြစ်ပွားသည့် နေရာမှ မပေါက်ကွဲသည့် ရီမုမိုင်းတစ်လုံးနှင့် ပြည်နယ်မြေစာရင်းရုံးအနီး မိုင်းပေါက်ကွဲသည့်နေရာ၌ မပေါက်ကွဲသည့် ရီမုမိုင်းနှစ်လုံးကို တွေ့ရှိသဖြင့် အန္တရာယ်မဖြစ်စေရေး သက်မဲ့ပြုလုပ်ခဲ့ပြီး မိုင်းရှင်းလင်းရေးလုပ်ငန်းများ ဆက်လက် ဆောင်ရွက်လျက်ရှိကြောင်း တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။