ဒဂုံမြောက်မြို့နယ် ပြည်ထောင်စုလမ်းမပေါ်တွင် လမ်းလျှောက်နေသူတစ်ဦး ယာဉ်တိုက်ခံရပြီး သေဆုံး

ဒဂုံမြောက်မြို့နယ် ပြည်ထောင်စုလမ်းမပေါ်တွင် လမ်းလျှောက်နေသူတစ်ဦး ယာဉ်တိုက်ခံရသဖြင့် သေဆုံးမှု မတ် ၂၄ ရက် ညပိုင်းက ဖြစ်ပွားခဲ့ကြောင်း မေတ္တာသင်္ဂဟ သာရေး/ နာရေးကူညီမှုအသင်းမှ စုံစမ်းသိရသည်။

မတ် ၂၃ ရက် ည ၁၂ နာရီခွဲခန့်တွင် ဒဂုံမြောက်မြို့နယ် ပြည်ထောင်စုလမ်းမ အားကစားကွင်းရှေ့တွင် ယာဉ်တိုက်မှုဖြစ်ပွားသဖြင့် မေတ္တာသင်္ဂဟသာရေး/ နာရေးကူညီမှုအသင်းမှ သွားရောက်ကူညီမှုများ ပြုလုပ်ခဲ့ကြောင်း သိရသည်။

ယင်းသို့ သွားရောက်ကူညီရာ အခင်းဖြစ်နေရာ၌ အမျိုးသားတစ်ဦးမှာ ယာဉ်တိုက်ခံရသဖြင့် သေဆုံးနေသည်ကို တွေ့ရှိခဲ့ရကြောင်း အမျိုးသမီးတစ်ဦးမှာလည်း ယာဉ်တိုက်ခံရသဖြင့် ဒဏ်ရာများရရှိနေသည်ကို တွေ့ရှိခဲ့ရကြောင်း အဆိုပါအသင်းမှ တာဝန်ရှိသူတစ်ဦးက ပြောကြားသည်။

“အခင်းဖြစ်နေရာမှာတော့ အမျိုးသားတစ်ဦးကို ဗိုက်ပွင့်ပေါင်ကျိုးဒဏ်ရာတွေနဲ့ သေဆုံးနေတာကို တွေ့ရှိခဲ့ရတယ်။ အမျိုးသမီးတစ်ဦးကတော့ ယာဉ်တိုက်မှုကြောင့် ထိခိုက်ဒဏ်ရာတွေ ရရှိထားပါတယ်” ဟု မေတ္တာသင်္ဂဟသာရေး/ နာရေးကူညီမှု အသင်းမှ တာဝန်ရှိသူတစ်ဦးက ဆိုသည်။

၎င်းက ဆက်လက်၍ “ယာဉ်တိုက်ခံရတဲ့ အမျိုးသားနဲ့အမျိုးသမီးက ကားလမ်းကြောင်းကို ကျောခိုင်းပြီးလျှောက်လာတာ။ အဲဒီအချိန်မှာ ယာဉ်တစ်စီးက ၀င်တိုက်မိတာ။  သေဆုံးခဲ့တဲ့ အမျိုးသားက ကားအောက်မှာ ငြိပါသွားတာ။ တိုက်သွားတဲ့ကားက လိုက်ထရပ်လို့ အနီးပတ်ဝန်းကျင်က ပြောကြတယ်။ တိုက်မိပြီးထွက်ပြေးသွားတယ်” ဟု ပြောကြားသည်။

အဆိုပါဖြစ်စဉ်အား သက်ဆိုင်ရာ ရဲစခန်းမှ အမှုဖွင့်အရေးယူရန် ဆောင်ရွက်လျက်ရှိကြောင်း သိရသည်။

မလေးရှားနိုင်ငံသားတစ်ဦး မြန်မာပလာဇာရှေ့တွင် ယာဉ်တိုက်ခံရမှုကြောင့် ပွဲချင်းပြီးသေဆုံး

ယာဉ်တိုက်ခံရမှုကြောင့် သေဆုံးခဲ့သူအား သယ်ဆောင်ရန် ပြင်ဆင်နေစဉ် (ဓာတ်ပုံ- မိုးစေတနာ ပရဟိတအသင်း (ရန်ကုန်)

ကမ္ဘာအေးဘုရားလမ်း မြန်မာပလာဇာရှေ့တွင် မလေးရှားနိုင်ငံသားတစ်ဦး ယာဉ်တိုက်ခံရမှုကြောင့် ပွဲချင်းပြီးသေဆုံးမှု ဇန်န၀ါရီ ၁၃ ရက် နံနက် ၂ နာရီ  ၁၅ မိနစ်တွင် ဖြစ်ပွားခဲ့ကြောင်း မိုးစေတနာပရဟိတ အသင်း (ရန်ကုန်) မှ စုံစမ်းသိရှိရသည်။

ဖြစ်စဉ်မှာ  ကမ္ဘာအေးဘုရားလမ်း မြန်မာပလာဇာရှေ့ ဆူးလေမှမြောက်ဥက္ကလာဘက်သို့သွားသည့် အခြမ်းတွင် အမျိုးသားတစ်ဦး ယာဉ်တိုက်ခံရ၍ မိုးစေတနာပရဟိတ အသင်းမှသွားရောက်ကူညီခဲ့ကြောင်း၊ အခင်းဖြစ်နေရာအရောက်တွင် ယာဉ်တိုက်ခံရသည့် အမျိုးသားမှာ သေဆုံးနေကြောင်း၊ သေဆုံးသည့်အမျိုးသားမှာ  အသက်  ၃၃  အရွယ် မလေးရှားနိုင်ငံသားတစ်ဦးဖြစ်ကြောင်း  မိုးစေတနာပရဟိတအသင်း (ရန်ကုန်) မှ အတွင်းရေးမှူး ကောင်းဆက်ဇော်က ပြောကြားသည်။

“မြန်မာပလာဇာရှေ့မှာ အမျိုးသားတစ်ဦး ကားတိုက်ခံရတာဆိုပြီး  မနက် ၂ နာရီ ၁၅ လောက်မှာ အကြောင်းကြားတယ်။ လူနာတင်ယာဉ်နဲ့ အခင်းဖြစ်နေရာရောက်တဲ့အခါမှာတော့ အဲဒီအမျိုးသားဟာ သေဆုံးနေတာ တွေ့ရတယ်။ သေဆုံးသူဟာ အသက် ၃၃ နှစ်အရွယ် မလေးရှားနိုင်ငံသားဖြစ်တယ်လို့ သူ့မှာပါတဲ့ ပတ်စ်ပို့စာအုပ်ကနေ သိရပါတယ်။ တိုက်သွားတဲ့ကားကိုတော့ မမိလိုက်ဘူး။ သက်ဆိုင်ရာတာဝန်ရှိသူတွေကတော့ စုံစမ်းဆောင်ရွက်နေပါတယ်။ သေဆုံးတဲ့သူရဲ့ အလောင်းကို ရန်ကုန်ဆေးရုံကြီးကို ပို့ဆောင်ပေးခဲ့ပါတယ်” ဟု မိုးစေတနာပရဟိတအသင်း (ရန်ကုန်) မှ အတွင်းရေးမှူး ကောင်းဆက်ဇော်က ပြောကြားသည်။

ယာဉ်တိုက်ခံရသည့် မလေးရှားနိုင်ငံသားမှာ ဦးခေါင်းပွင့်ထွက်ဒဏ်ရာ၊ ညာဘက် ခါးစောင်းပွန်းပဲ့ဒဏ်ရာ၊ ဘယ်ဘက်ဒူးဆစ်ပြုတ်ဒဏ်ရာနှင့် ညာခြေမျက်စိပွန်းပဲ့ဒဏ်ရာများရရှိကာ သေဆုံးနေကြောင်း၊ ယာဉ်တိုက်မှု ဖြစ်စဉ်ကိုလည်း သက်ဆိုင်ရာတာဝန်ရှိများက စုံစမ်းစစ်ဆေးဆောင်ရွက်နေကြောင်း သိရသည်။

အဆိုပါဖြစ်စဉ်ကို ဗဟန်းမြို့မရဲစခန်းက ယာဉ် (ပ) ၄/ ၁၈၊ ရာဇသတ်ကြီးပုဒ်မ ၃၀၄ (က) / ၂၇၉/ ၂၀၂ တို့ဖြင့် အမှုဖွင့်ထားကြောင်း သိရသည်။