ရန်ကုန်-မန္တလေး လမ်းမဟောင်းဘေးတွင် ရပ်ထားသော ကွန်တိန်နာယာဉ်အား မုန့်များတင်လာသော ကုန်တင်ယာဉ်က နောက်မှဝင်တိုက်မှု ဖြပ်ပွားပြီး တစ်ဦးသေဆုံး

ပဲခူးတိုင်းဒေသကြီး တောင်ငူမြို့နယ် ရန်ကုန်-မန္တလေး လမ်းဟောင်းပေါ်တွင် သြဂုတ် ၁၉ ရက် နံနက်ပိုင်းက လမ်းဘေး၌ ရပ်ထားသည့် ကွန်တိန်နာယာဉ်အား မုန့်များတင်ဆောင်လာသော ၁၂ ဘီးကုန်တင်ယာဉ်က နောက်မှဝင်တိုက်မိပြီး ယာဉ်မောင်းတစ်ဦး သေဆုံးကာ ယာဉ်နောက်လိုက်တစ်ဦး ထိခိုက်ဒဏ်ရာ ရရှိသွားခဲ့ကြောင်း ကျွန်းကုန်းနယ်မြေရဲစခန်းမှ သိရသည်။

ဖြစ်စဉ်မှာ သြဂုတ် ၁၉ ရက် နံနက် ၂ နာရီခန့်က၊တောင်ငူမြို့နယ် ရန်ကုန်-မန္တလေး လမ်းမဟောင်းပေါ်တွင် လမ်းမအတိုင်း၊ မန္တလေးဘက်မှ ရန်ကုန်ဘက်သို့ ယာဉ်မောင်းဖြိုးကျော် ၃၀ နှစ်(ဘ) ဦးနိုင်ဝင်းထွန်း ဥယျာဉ်စုရွာ၊ တောင်ငူမြို့နေသူ မောင်းနှင်သော YGN 6E/—— အ၀ါရောင် ကွန်တိန်နာတွဲကားသည် တောင်ငူမြို့နယ် မဟင်ကျေးရွာအုပ်စု၊ ဥယျာဉ်စုကျေးရွာအနီး ကားလမ်းဘေးတွင် အချက်ပြမီးပြလျက် ယာဉ်အားရပ်နားထားစဉ် လားရာတူအတိုင်း နောက်မှ ယာဉ်မောင်း အောင်ဝင်းစိုး ၃၅ နှစ် (အဘ၊ နေရပ်၊ လိပ်စာစုံစမ်းဆဲ) မောင်းနှင်ပြီး ယာဉ်နောက်လိုက် ထွန်းသိန်း ၃၆ နှစ်(ဘ) ဦးခင်မောင်ဝင်း၊ ချမ်းမြေ့သာဇံ မြို့နယ် မန္တလေးမြို့နေသူ၊ လိုက်ပါလာသော 7B/—- နီဆန်း ဒီဇယ်ဖြူ/နီကျား ၁၂ဘီးယာဉ် (မုန့်ကုန်တင်ယာဉ်) မှ အရှိန်အထိန်းနိုင်ပဲ ၀င်ရောက်တိုက်မိ ခဲ့ခြင်းဖြစ်သည်။

ယာဉ်မတော်တဆမှု ဖြစ်ပွားရာသို့ ကျွန်းကုန်းနယ်မြေရဲစခန်းမှ တာဝန်မှူး ဒုရဲအုပ် တိုးဝေကျော်နှင့် တာဝန်ရှိသူများက သွားရောက်စစ်ဆေးခဲ့ရာ နောက်မှဝင်တိုက်သော မုန့်ကုန်တင်ယာဉ်မောင်း အောင်ဝင်းစိုးတွင် ဦးခေါင်းစုတ်ပြဲပွင့်ထွက်ဒဏ်ရာ ရရှိကာ၊ ယာဉ်နောက်လိုက် ထွန်းသိန်းတွင် ယာဉ်ခြေကျိုးပဲ့ဒဏ်ရာ၊ ပေါင်စုတ်ပြဲဒဏ်ရာနှင့် ၀ဲလက်ဖျံ၊ မျက်ခုံး၊ ၀ဲပါးတို့တွင် ပွန်းပဲ့ဒဏ်ရာများ ရရှိသွားခဲ့သဖြင့် လူမှုကူညီရေးယာဉ် တစ်စီးဖြင့် တောင်ငူမြို့ ပြည်သူ့ဆေးရုံကြီးသို့ ပို့ဆောင်ကုသပေးစဉ်၊ ယာဉ်မောင်းဖြစ်သူ အောင်ဝင်းစိုးမှာ အခင်းဖြစ်စဉ်ရရှိသော ဒဏ်ရာဖြင့် သေဆုံးသွားခဲ့ကြောင်း၊ ယာဉ်မတော်တဆမှုကြောင့် နောက်မှဝင်တိုက်သော ယာဉ်မှာ ရှေ့ခေါင်းခြမ်း တစ်ခုလုံး ပျက်စီးသွားခဲ့ပြီး အတိုက်ခံရသော ကွန်တိန်နာယာဉ်မှာ ယာဉ်နောက်ပိုင်း အနည်းငယ်သာ ပျက်စီးသွားခဲ့ကြောင်း ကျွန်းကုန်း ရဲစခန်း၏ ရဲမှတ်တမ်းများအရ သိရသည်။

အဆိုပါ ယာဉ်မတော်တဆမှု ဖြစ်စဉ်နှင့် ပတ်သက်ပြီး ယာဉ်တိုက်မှုဖြစ်ကာ လူသေဆုံးမှုဖြစ်ပွားစေပြီး ယာဉ်အား မဆင်မခြင် မောင်းနှင်သည့် ယာဉ်မောင်း အောင်ဝင်းစိုးအား အရေးယူပေးရန် ဒုရဲအုပ်တိုးဝေကျော်မှ တရားလိုလုပ် တိုင်တန်းသဖြင့် ကျွန်းကုန်းနယ်မြေ ရဲစခန်းမှ ယာဉ်(ပ) ၉/၂၀၁၈၊ ရာဇသတ်ကြီးပုဒ်မ ၃၃၈/၃၀၄-က ဖြင့် အမှုဖွင့် အရေးယူထားကြောင်း သိရသည်။

အမြန်လမ်းမကြီးပေါ်တွင် တက္ကစီတစ်စီး လမ်းလယ်ကျွန်းပေါ် ကျော်လွန်၍ သစ်ပင်ကိုဝင်တိုက်မိပြီး တစ်ဦးသေဆုံးကာ တစ်ဦးဒဏ်ရာရ

ရန်ကုန်-မန္တလေး အမြန်လမ်းမကြီး မိုင်တိုင်အမှတ် ၁၄ အနီးတွင် လမ်းလယ်ကျွန်းပေါ်သို့ ရောက်ရှိကာ သစ်ပင်အားတိုက်မိသည့် တက္ကစီအား တွေ့ရစဉ်

ရန်ကုန်-မန္တလေး အမြန်လမ်းမကြီး မိုင်တိုင်အမှတ် ၁၄ မိုင်အနီးတွင် သြဂုတ် ၁၃ ရက် နံနက်အစောပိုင်းက နေပြည်တော်ဘက်မှ ရန်ကုန်ဘက်သို့လာသော City Taxi ယာဉ်တစ်စီး အရှိန်မထိန်းနိုင်ဘဲ လမ်းလယ်ကျွန်းပေါ်သို့ ရောက်ရှိကာ သစ်ပင်အားဝင် တိုက်မိပြီး အမျိုးသားတစ်ဦးသေဆုံး၍ အမျိုးသမီးတစ်ဦး ထိခိုက်ဒဏ်ရာရရှိခဲ့ကြောင်း အမှတ် (၃) လမ်းဆုံ အမြန်လမ်းမကြီးရဲစခန်းမှ သိရသည်။

အမှတ်(၃) လမ်းဆုံ အမြန်လမ်း မီးသတ်စခန်းတာဝန်ခံ လက်ထောက်ဦးစီးမှူး ဦးငြိမ်းချမ်းက “ဒီလူတွေက လာတာတော့ နေပြည်တော်ဘက်ကနေ ရန်ကုန်ဘက်ကို ပြန်လာတာပေါ့။ လာပြီးတော့ သူရဲ့ရှေ့ယာဘက်ဘီး ပေါက်ပြီးတော့ အဲဒီလမ်းလယ်ကျွန်းမှာရှိတဲ့ မယ်ဇလီပင်၊ ဘာညာတွေကို ၀င်တိုက်ပြီးတော့ ရန်ကုန်ကနေ နေပြည်တော်လမ်းဘက်ခြမ်းကို ရောက်သွားပြီးတော့ ရပ်တန့်သွားတာပေါ့။ မှောက်တာတော့ မမှောက်ဘူး။ ယာဉ်ပေါ်မှာပါတာ ကျား တစ်၊ မ တစ်ပေါ့။ အဲဒီ ကျားတစ်ယောက်က ဦးခေါင်းပေါက်ပြဲဒဏ်ရာ၊ ၀ဲနားဘက်သွေးထွက် ဒဏ်ရာ၊ လက်ကောက်ဝတ်ကျိုးတဲ့ ဒဏ်ရာနဲ့ အခင်းဖြစ်တဲ့နေရာမှာ သေသွားတယ်။ အမျိုးသမီးတစ်ယောက်ကတော့ နာကျင်ဒဏ်ရာပဲရတယ်။ ကျန်တာတော့ ဘာမှသိပ်မဖြစ်ပါဘူး” ဟု ပြောကြားသည်။

ဖြစ်စဉ်မှာ သြဂုတ် ၁၃ ရက် နံနက် ၇ နာရီ မိနစ် ၅၀ ခန့်က လှည်းကူးမြို့နယ် အမှတ် (၃) လမ်းဆုံ အမြန်လမ်းမကြီးရဲစခန်းအပိုင် အမြန်လမ်းမကြီးပေါ်တွင် နေပြည်တော်ဘက်မှ ရန်ကုန်ဘက်သို့ ယာဉ်မောင်း တက်ထွန်းလင်း ၃၀ နှစ်(ဘ) ဦးမြသွင်၊ မြောက်ဒဂုံမြို့နယ်နေသူ မောင်းနှင်လာသော ယာဉ်အမှတ် 4E/—- Toyota Vitz (ခဲရောင်) City Taxi မော်တော်ယာဉ်မှာ လမ်းမကြီး မိုင်တိုင်အမှတ် ၁၄ မိုင် ၃ ဖာလုံ အနီးအရောက်တွင် ယာဘက်ရှေ့ဘီးပေါက်၍ အရှိန်မထိန်းနိုင်ဘဲ လမ်းလယ်ကျွန်းပေါ်သို့ ကျော်လွန်ရောက်ရှိကာ မယ်ဇလီပင်များအား တိုက်မိပြီးနောက် တစ်ဖက်ယာဉ်ကြော (ရန်ကုန်-နေပြည်တော် လမ်းဘက်ခြမ်း) ရှိ မြေသားလမ်းပေါ်သို့ရောက်ရှိ ရပ်တန့်သွားခဲ့ခြင်းဖြစ်သည်။

ယာဉ်မတော်တဆမှု ဖြစ်ပွားရာသို့ တာဝန်ရှိသူများ သွားရောက်စစ်ဆေးခဲ့ရာ ယာဉ်မောင်း တက်ထွန်းလင်းတွင် ဦးခေါင်းနောက်စေ့ပေါက်ပြဲ၊ ၀ဲ/ယာနားသွေးထွက်၊ ယာဘက်လက်ကောက်ဝတ်ကျိုး ဒဏ်ရာများ ရရှိကာ အခင်းဖြစ်နေရာတွင် သေဆုံးသွားခဲ့ကြောင်း၊ ယာဉ်ပေါ်တွင် အတူလိုက်ပါသည့် မမြတ်သီတာထွန်း၊ ၂၄ နှစ်(ဘ) ဦးထွန်းထွန်းဦး၊ မြောက်ဒဂုံမြို့နယ်နေသူတွင် ခန္ဓာကိုယ် နာကျင် (မစိုးရိမ်ရ-အတွင်းလူနာ) ဒဏ်ရာရရှိသွားခဲ့ရာ သေဆုံးသူနှင့် ထိခိုက်ဒဏ်ရာရရှိသူတို့အား အမြန်လမ်းတပ်ဖွဲ့ပိုင်ယာဉ်ဖြင့် လှည်းကူးမြို့ ပြည်သူ့ဆေးရုံသို့ ပို့ဆောင်ပေးခဲ့ကြောင်း အမြန်လမ်းရဲတပ်ဖွဲ့၏ မှတ်တမ်းများအရ သိရသည်။

အဆိုပါ ယာဉ်မတော်တဆမှုဖြစ်စဉ်နှင့် ပတ်သက်ပြီး ယာဉ်အားမဆင်မခြင် ပေါ့ဆစွာ မောင်းနှင်သည့် ယာဉ်မောင်းတက်ထွန်းလင်းအပေါ် ဥပဒေအရ အရေးယူပေးရန် ရဲအုပ်ကျော်ကျော်နိုင်က တရားလိုပြုလုပ် တိုင်တန်းသဖြင့် အမှတ်(၃) လမ်းဆုံ အမြန်လမ်းမကြီးရဲစခန်းက ယာဉ် (ပ)၁၇/၂၀၁၈၊ ရာဇသတ်ကြီးပုဒ်မ ၃၀၄-က/၃၃၇ အရ အမှုဖွင့် အရေးယူထားကြောင်း သိရသည်။

ကြည့်မြင်တိုင်မြို့နယ် မီးသတ်စခန်းရှေ့တွင် ကွန်တိန်နာယာဉ်နှစ်စီး တိုက်မိရာမှ အမျိုးသမီးတစ်ဦး သေဆုံးခဲ့ပြီး အမျိုးသားနှစ်ဦး ပြင်းထန်စွာ ဒဏ်ရာရရှိ

ကြည့်မြင်တိုင်မြို့နယ်၊ ကမ်းနားလမ်းမပေါ်ရှိ ကြည့်မြင်တိုင်မြို့နယ် မီးသတ်စခန်းရှေ့တွင် သြဂုတ် ၁၀ ရက်၊ နံနက် ၁ နာရီခန့်တွင် ကွန်တိန်နာနှစ်စီး တိုက်မိရာမှ အမျိုးသမီးတစ်ဦးသေဆုံးခဲ့ပြီး အမျိုးသားနှစ်ဦး ပြင်းထန်စွာ ဒဏ်ရာရရှိခဲ့ကြောင်း သိရသည်။

ကြည့်မြင်တိုင်မြို့နယ်၊ ကမ်းနားလမ်းအတိုင်း မော်တင်ဘက်မှ ဘုရင့်နောင်ဘက်သို့မောင်းနှင်လာသော ကွန်တိန်နာယာဉ်နှစ်စီးသည် ကြည့်မြင်တိုင်မြို့နယ် မီးသတ်စခန်းရှေ့အရောက်တွင် အရှိန်မထိန်းနိုင်ဖြစ်ကာ နှစ်စီးတိုက်မိခဲ့ပြီး အဆိုပါတိုက်မိသည့်အရှိန်ဖြင့် ကွန်တိန်နာတစ်စီးမှာ လမ်းဘေးရှိ အိမ်ထဲသို့ဝင်ရောက်သွားခဲ့ကြောင်း သိရသည်။

ထိုသို့လမ်းဘေးရှိအိမ်ထဲသို့ ကွန်တိန်နာယာဉ်ဝင်ရောက်သွားသောကြောင့် အိမ်ရှေ့တွင်ရပ်နေသော အမျိုးသမီးတစ်ဦးအား ထပ်မံတိုက်မိခဲ့ပြီး အဆိုပါအမျိုးသမီးမှာ နေရာမှာပင် သေဆုံးသွားခဲ့ကြောင်း၊ ကွန်တိန်နာယာဉ်ပေါ်မှ ယာဉ်မောင်း နှင့် ယာဉ်အကူတို့သည်လည်း အပြင်းအထန် ဒဏ်ရာရရှိခဲ့ပြီး ရန်ကုန် ပြည်သူ့ဆေးရုံကြီးသို့ ပို့ဆောင်ခဲ့ကြောင်း သိရသည်။

သေဆုံးခဲ့သည့် အမျိုးသမီးမှာ သန်လျင်မြို့နယ်တွင်နေထိုင်သူဖြစ်ပြီး ကြည့်မြင်တိုင်ညဈေးတွင် ဈေးလာဝယ်သည့်ဈေးသည်တစ်ဦး ဖြစ်ပြီး ထိခိုက်ဒဏ်ရာရရှိခဲ့သည့် ယာဉ်မောင်းအမျိုးသားမှာ ခါးဆစ်ကျိုးဒဏ်ရာနှင့် ခြေဖနောင့်ရိုးချိုး ဒဏ်ရာများရရှိခဲ့ကြောင်းကို အဆိုပါ လူနာအားဆေးရုံသို့လိုက်ပါပို့ဆောင်ပေးခဲ့သည့် အားမန်ပရဟိတလူငယ်အသင်းမှ တာဝန်ရှိသူတစ်ဦး၏ပြောကြားချက်အရ သိရသည်။

“မနက်တစ်နာရီလောက်ကဖြစ်တာ။ အသံကလည်း အကျယ်ကြီးဆိုတော့ ကျွန်တော်တို့လည်း နိုးပြီးဆင်းကြည့်ကြတာ။ ဘုရင့်နောင်ဘက်ကိုသွားတဲ့ ဘက်အခြမ်းမှာဖြစ်တာ။ အရှိန်မထိန်းနိုင်ဘဲ ၀င်တိုက်မိကြတာ။ အောက်ကြောက အရှိန်နဲ့လာတဲ့ ကွန်တိန်နာကတော့ ဘေးကအိမ်ထဲကို ၀င်သွားတယ်။ အဲ့ဒီအိမ်ရှေ့မှာ ရပ်နေတဲ့ အမျိုးသမီးကတော့ ကား နဲ့အိမ်ကြားထဲမှာ ညပ်ပြီးပွဲချင်းပြီး ဆုံးသွားတယ်။ ဒီနားမှာက ညဖက်ဆို ကားတွေကအရှိန်နဲ့အမြဲမောင်း နေကြတာ။ တိုက်တာကလည်း ခန ခနဘဲ။ အခုဆေးရုံပို့လိုက်တဲ့လူတွေလည်း အခြေအနေမကောင်းဘူးလို့ကြားတယ်”  ဟု အဆိုပါယာဉ်တိုက်မှုဖြစ်ပွားရာအနီးမှာနေထိုင်သူ တစ်ဦးမှ ပြောသည်။

တိုက်မိခဲ့သည့် ကွန်တိန်နာယာဉ်များပြန်လည်ရှင်းလင်းရာတွင် အချိန်ကြာမြင့်စွာဆောင်ရွက်ခဲ့ရပြီး ကမ်းနားလမ်းတစ်လျှောက် ယာဉ်ကြောပိတ်ဆို့မှုဖြစ်ပွားခဲ့ပြီး လျှပ်စစ်မီးယာယီပြတ်တောက်မှု ဖြစ်ပွားခဲ့ကြောင်းသိရသည်။

အဆိုပါ ကမ်းနားလမ်း တစ်လျှောက်သည် ကွန်တိန်နာယာဉ်များ အရှိန်ပြင်းစွာမောင်းနှင်မှု၊ ယာဉ်မဆင်မခြင်မောင်းနှင်မှုများကြောင့် ယာဉ်တိုက်မှုများမကြာခဏဖြစ်ပေါ် လျက်ရှိသည်။

အမြန်လမ်းမကြီးပေါ်တွင် လမ်းလယ်ကျွန်းကိုတိုက်မိပြီး ရပ်တန့်ထားသောယာဉ်တစ်စီးကို ခရီးသည်တင်မှန်လုံယာဉ်က ၀င်တိုက်မိပြီး အမျိုးသမီးတစ်ဦး ဒဏ်ရာရ

ရန်ကုန်-မန္တလေးအမြန်လမ်းမကြီး ၃၃၄ မိုင်အနီးတွင် ဇူလိုင် ၂၇ ရက် နံနက်အစောပိုင်းက လမ်းလယ်ကျွန်းအား တိုက်မိပြီး ရပ်တန့်နေသော  HILUX SURF ယာဉ်အား ခရီးသည်တင်မှန်လုံယာဉ်က ၀င်တိုက်မိပြီး ခရီးသည်အမျိုးသမီးတစ်ဦး ထိခိုက်ဒဏ်ရာရရှိသွားခဲ့ကြောင်း တံတားဦးအမြန်လမ်းကြီး ရဲစခန်းမှ သိရသည်။

ယာဉ်မတော်တဆမှုဖြစ်စဉ်နှင့်ပတ်သက်ပြီး စကားအင်းအမြန်လမ်းမကြီး ရဲစခန်း မှ အမှုစစ်က “ဖြစ်စဉ်က ရှေ့က ကားလမ်းဘေးက အုတ်ခုံကို တိုက်မိပြီးတော့ ရပ်သွားတယ်၊ ရပ်သွားတဲ့အခါမှာနောက်က မောင်းလာတဲ့ကားကနေပြီးတော့မှပျက်ပြီး ရပ်နေ တဲ့ကားကို ၀င်တိုက်မိတယ်၊ ဒါပါပဲ၊ ဒဏ်ရာကတော့ ဘယ်သူမှ မရပါဘူးခင်ဗျ၊ ကျွန်တော်တို့က အတိုက်ခံရတဲ့ကားကိုလည်း အမှုဖွင့်တယ်၊ တိုက်တဲ့ကားကိုလည်း အမှုဖွင့်ထားပါတယ်။ ယာဉ်နှစ်စီးလုံးကို တစ်မှုစီ အမှုဖွင့်ထားပါတယ်” ဟုပြောကြားသည်။

ဖြစ်စဉ်မှာ ဇူလိုင် ၂၇ ရက် နံနက် ၅ နာရီ ခွဲခန့်က စကားအမြန်လမ်းမကြီးရဲစခန်းအပိုင် ရန်ကုန်-မန္တလေးအမြန်လမ်းမကြီးပေါ်တွင် နေပြည်တော်ဘက်မှ မန္တလေးဘက်သို့ ယာဉ်မောင်း ကိုသန်းထွန်းအောင် ၅၃ နှစ် (ဘ) ဦးသန်းဘို၊ ချမ်းအေးသာဇံမြို့နယ်နေသူ မောင်းနှင်လာသော ယာဉ်အမှတ်  1C/—–HILUX SURF  ယာဉ်မှာ လမ်းမကြီး မိုင်တိုင်အမှတ် ၃၃၄ မိုင် ၄ ဖာလုံအနီးသို့ အရောက် မော်တော်ယာဉ်၏ ၀ဲဘက်ရှေ့ဘီးပေါက်ရာမှ အရှိန်မထိန်းနိုင်ဘဲ လမ်းလယ်ကျွန်းအား ကာရန်ထားသော ဘာရီတုံးအား တိုက်မိပြီးရပ်တန့်သွားခဲ့ပြီးနောက် ယာဉ်ပေါ်လိုက်ပါသူ ကျား နှစ်ဦး၊ မနှစ်ဦးတို့မှာ ယာဉ်အောက်သို့ ဆင်းလာစဉ် နောက်မှ ယာဉ်မောင်းတင့် ကျော် ၄၉ နှစ်(ဘ)ဦးလှတင်၊ မင်္ဂလာဒုံမြို့နယ်နေသူမောင်းနှင်လာသော ယာဉ်အမှတ် 1E/—–ELITE EXPRESS  ခဲရောင် မော်တော်ယာဉ်မှ ရပ်တန့်နေသော 1C/—–HILUX SURF ယာဉ်၏ နောက်ပိုင်းအား ၀င်ရောက် တိုက်မိခဲ့ခြင်း ဖြစ်သည်။

ယာဉ်တိုက်မှုဖြစ်ပွားရာသို့ စကားအင်း အမြန်လမ်းကြီး ရဲစခန်းမှူးရဲအုပ်သိန်းဗိုနှင့်တပ်ဖွဲ့ဝင်များ၊ စကားအင်းအမြန်လမ်းမီး သတ်စခန်းမှ လ/ထ ဦးစီးမှူးဇော်လင်းထွန်းပါ တပ်ဖွဲ့ဝင်များက သွားရောက်စစ်ဆေးခဲ့ရာ HILUX SURF  ယာဉ်မှ ကျားနှစ်ဦး၊ မ နှစ် ဦးတို့မှာ ထိခိုက်ဒဏ်ရာရရှိခြင်းမရှိသော်လည်း နောက်မှ ၀င်တိုက်သော ELITE EXPRESS  မော်တော်ယာဉ်ပေါ်လိုက်ပါသူ ယာဉ်မောင်းပါကျား ၃၆ ဦး၊ မ ၁၂ ဦး၊ စုစု ပေါင်း ၄၈ ဦးအနက် မမြင့်မြင့်လှိုင် ၃၈ နှစ်(ဘ) ဦးသန်းလွင်၊ သင်္ဃန်းကျွန်းမြို့နယ်နေသူတွင် မေးစေ့ပေါက်ပြဲ (မစိုးရိမ်ရ) ဒဏ်ရာရရှိသွားခဲ့ပြီး တံတားဦးဆေးရုံတွင်ဆေးကုသမှုခံယူခဲ့ရကြောင်း သိရသည်။ ယာဉ်မတော်တဆမှုကြောင့် လမ်းပိုင်းပျက်စီးမှုမရှိသော်လည်း ELITE EXPRESS ယာဉ်မှာ ရှေ့လေကာ မှန်ကွဲ၊ ၀ဲယာရှေ့မီးကွဲ၊ ရှေ့ဘန်ဘာပိန်ချိုင့်ပျက်စီးသွားခဲ့ပြီး အတိုက်ခံရသော  HILUX SURF ယာဉ်မှာ တစ်စီးလုံးနီးပါး ပိန်ချိုင့်ပျက်စီးသွားခဲ့ကြောင်း သိရသည်။

အဆိုပါယာဉ်မတော်တမှုဖြစ်စဉ်နှင့် ပတ်သက်ပြီး ယာဉ်တိုက်မှုဖြစ်ပွားစေရန် ယာဉ်များအားမဆင်မခြင်မောင်းနှင်သည့် ယာဉ်မောင်းများအား ဥပဒေအရအရေးယူပေးရန် ဒုရဲအုပ်စန်းယုမှ တရားလိုလုပ်တိုင်တန်းသဖြင့် HILUX SURF ယာဉ်မောင်း ကိုသန်းထွန်းအောင်အား ယာဉ် (ပ) ၁၆/၂၀၁၈၊ ရာဇသတ်ကြီးပုဒ်မ ၂၇၉ အရလည်း ကောင်း၊ ELITE EXPRESS ယာဉ်မောင်း ကိုတင့်ကျော်အား ယာဉ်(ပ)၁၇/၂၀၁၈၊ ရာဇသတ်ကြီး ပုဒ်မ ၃၃၇ အရလည်းကောင်း စကားအင်းအမြန်လမ်းမကြီးရဲစခန်းမှ အမှု ဖွင့်အရေးယူထားကြောင်း သိရသည်။

မန္တလေးခရိုင် ခုနစ်မြို့နယ်တွင် ယခုနှစ်ခြောက်လအတွင်း ယာဉ်တိုက်မှု ၂၂၃ မှု သေဆုံးသူ ၉၈ ဦးရှိခဲ့

မန္တလေးခရိုင် ခုနစ်မြို့နယ်တွင် ယခုနှစ် ခြောက်လအတွင်း ယာဉ်တိုက်မှု ၂၂၃ မှု သေဆုံးသူ ၉၈ ဦး ဒဏ်ရာရသူ ၂၂၇ ဦးရှိခဲ့ကြောင်း အမှတ် (၁၄) ယာဉ်ထိန်းရဲဒုတိယတပ်ဖွဲ့ခွဲ (မန္တလေး)မှ သိရသည်။

အောင်မြေသာစံမြို့နယ်တွင် ယာဉ်တိုက်မှု ၂၆ မှု၊ သေဆုံးသူ ၁၀ ဦး၊ ဒဏ်ရာရသူ ၂၆ဦး၊ ပုသိမ်ကြီးမြို့နယ်တွင် ၃၉ မှု၊ သေဆုံး သူ ၂၄ ဦး၊ ဒဏ်ရာရသူ ၄၂ ဦး၊ ပြည်ကြီးတံခွန်မြို့နယ်တွင် ၃၃မှု၊ သေဆုံးသူ ၁၄ ဦး၊ ဒဏ်ရာရသူ ၃၅ ဦး၊ အမရပူရမြို့နယ်တွင် ၃၄ မှု၊ သေဆုံးသူ ၂၄ဦး၊ ဒဏ်ရာရသူ ၁၈ ဦး၊ ချမ်းမြသာစည်မြို့နယ်တွင် ၄၁ မှု၊ သေဆုံးသူ ၁၃ ဦး၊ ဒဏ်ရာရသူ ၄၃ ဦး၊ မဟာအောင်မြေ မြို့နယ်တွင် ၃၁ မှု၊ သေဆုံးသူ ကိုးဦး၊ ဒဏ်ရာရသူ ၄၀ ဦး၊ ချမ်းအေးသာစံမြို့နယ်တွင် ၁၉ မှု၊ သေဆုံးသူ လေးဦး၊ ဒဏ်ရာရသူ ၂၃ ဦး ရှိခဲ့ကြောင်း သိရသည်။

အဆိုပါယာဉ်တိုက်မှုများတွင် ဆိုင်ကယ်ပါဝင်သောယာဉ်တိုက်မှုသည် ၁၁၉ မှုရှိပြီး သေဆုံးသူ ၅၉ ဦး၊ ဒဏ်ရာရသူ ၁၂၈ ဦး ရှိကြောင်း၊ ကားပါဝင်သော ယာဉ်တိုက်မှုမှာ ၁၀၄ မှုရှိပြီ သေဆုံးသူ ၃၉ ဦး၊ ဒဏ်ရာရသူ ၉၉ ဦးရှိကြောင်း၊ ယာဉ်တိုက်မှု အများဆုံး ဖြစ်ပွားသည့် အချိန်သည် မွန်းတည့် ၁၂ နာရီမှ ညနေ ၆ နာရီအတွင်း အများဆုံး ဖြစ်ပွားပြီး ဒုတိယအများဆုံးအချိန်သည် နံနက် ၆ နာရီမှ မွန်းတည့် ၁၂ နာရီဖြစ်ကြောင်း ယာဉ်ထိန်းအရာရှိတစ်ဦးထံမှ သိရသည်။

 

လှိုင်သာယာမြို့နယ်တွင် YBS ယာဉ်နှင့် ဆိုင်ကယ်တို့ တိုက်မိပြီး တပ်မတော်သား တစ်ဦး သေဆုံး

လှိုင်သာယာမြို့နယ်တွင် YBS အမှတ် (၇၉) ယာဉ်လိုင်းမှ ယာဉ်တစ်စီးနှင့် ဆိုင်ကယ်တို့ တိုက်မိမှုဖြစ်ပွားခဲ့ပြီး ဆိုင်ကယ် မောင်းနှင်သည့် တပ်မတော်သား တစ်ဦး သေဆုံးခဲ့ကြောင်း ဇွန် ၂၁ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှ စုံစမ်းသိရှိရသည်။

လှိုင်သာယာမြို့နယ် အနော်ရထာလမ်းအတိုင်း ဇွန် ၁၉ ရက် ညနေ ၃ နာရီခွဲခန့်က လှိုင်သာယာမြို့နယ်ဘက်မှ ရွှေပြည်သာမြို့ နယ်ဘက်သို့ မောင်းနှင်လာသည့် YBS အမှတ် (၇၉) ယာဉ်လိုင်းမှ ယာဉ်တစ်စီးသည် ဘုရားလမ်း မှတ်တိုင်အနီး အရောက်တွင် တစ်ဖက်ယာဉ်ကြောသို့ ရောက်ရှိကာ မျက်နှာချင်းဆိုင် မှ အမျိုးသားတစ်ဦး မောင်းနှင်လာသည့် ဆိုင်ကယ်အား ၀င်တိုက်မိခဲ့ကြောင်း သိရသည်။

ထိုသို့ တိုက်မိခဲ့ပြီးနောက် YBS အမှတ် (၇၉) ယာဉ်မောင်းမှာ ယာဉ်ကိုထားကာ ထွက်ပြေးသွားခဲ့ပြီး ယင်းသို့ အတိုက်ခံခဲ့ရသဖြင့် ဆိုင်ကယ် မောင်းနှင်သည့် အမျိုးသားမှာ ဒဏ်ရာများရရှိကာ လှိုင်သာယာဆေးရုံသို့ တင်ပို့ ကုသစဉ် သေဆုံးသွားခဲ့ကြောင်း သိရသည်။

ထို့နောက် တာဝန်ရှိသူများမှ သေဆုံးသူ အမျိုးသားနှင့် ပတ်သက်ပြီး ကိုယ်ရေး အချက်အလက်များအား စုံစမ်းရာ သေဆုံးသူမှာ ရှမ်းပြည်နယ်ရှိ တပ်ရင်းတစ်ခုတွင် တာဝန်ထမ်းဆောင်နေသည့် တပ်သား ကို ….(၁၉ နှစ်) ဆိုသူ ဖြစ်ကြောင်း သိရပြီး ၎င်းသည် ခွင့်ဖြင့် လှိုင်သာယာမြို့နယ်ရှိ မိသားစုထံ ခေတ္တပြန်လည် ရောက်ရှိနေသူဖြစ်ကြောင်း သိရသည်။

အဆိုပါဖြစ်စဉ်မှ YBS အမှတ် (၇၉) ယာဉ်မောင်းဖြစ်သူကို သောင်ကြီးနယ်မြေရဲစခန်းက ယာဉ် (ပ)၃၆/၂၀၁၈၊ ရာဇသတ်ကြီး ပုဒ်မ ၃၀၄-က/၂၇၉/၂၀၂ ဖြင့် အမှုဖွင့်ထားကြောင်း သိရသည်။

ယင်းဖြစ်စဉ်နှင့် ပတ်သက်ပြီး သက်ဆိုင်ရာ ယာဉ်ထိန်းရဲတပ်ဖွဲ့သို့ ဆက်သွယ်မေးမြန်းခဲ့သော်လည်း ဆက်သွယ်၍ မရခဲ့ပေ။

မြောက်ဒဂုံမြို့နယ် မဟာမြိုင်အိမ်ရာရှေ့ ဦးဝိစာရလမ်းပေါ်တွင် လမ်းပြောင်းပြန်မောင်းနှင်လာသော အငှားယာဉ်မှ အခြားယာဉ်သုံးစီးအား ဆင့်တိုက်မှုဖြစ်ပွား

မြောက်ဒဂုံမြို့နယ် မဟာမြိုင်အိမ်ရာရှေ့ ဦးဝိစာရလမ်းပေါ်တွင် လမ်းပြောင်းပြန် မောင်းနှင်လာသော အငှားယာဉ်မှ အခြားယာဉ်သုံးစီးအားဆင့်တိုက်မှု ဇွန် ၁၉ ရက် ည ၉ နာရီခွဲခန့်က ဖြစ်ပွားခဲ့ကြောင်း သိရသည်။

ဖြစ်စဉ်မှာ မြောက်ဒဂုံမြို့နယ် မဟာမြိုင် အိမ်ရာရှေ့ ဦးဝိစာရလမ်းပေါ်တွင် လမ်းပြောင်းပြန်မောင်းနှင်လာသော ပရိုဘောက် အမျိုးအစား အငှားယာဉ်မှာ အကြော်ဆိုင် မှတ်တိုင်နှင့် ဟောင်ကောင်မှတ်တိုင်ကြားအရောက်၌ တစ်ဖက်ယာဉ်ကြောတွင် ရပ်ထားသော Toyota Premio အမျိုးအစား အိမ်စီးယာဉ်ကို မျက်နှာချင်းဆိုင်တိုက်မိခဲ့ရာ အိမ်စီးယာဉ်မှာ အနောက်တွင်ရပ်ထားသော Fielder အမျိုးအစား အငှားယာဉ်၏ ခေါင်မိုးပေါ်သို့ ရောက်ရှိသွားကြောင်း၊ ထို့ပြင် အနောက်တွင်ရပ်ထားသော အငှားယာဉ်တစ်စီးအား အဆင့်ဆင့်တိုက်မိခဲ့ကြောင်း သိရသည်။

“ကားတိုက်တော့ အစ်ကိုတို့က လက်ဖက်ရည်ဆိုင်မှာ ဘောလုံးပွဲကြည့်နေကြတာ။ အသံကြားလို့ထွက်ကြည့်လိုက်တော့ အိမ်စီးကားလေးက နောက်ကတက္ကစီ ခေါင်မိုးပေါ် ရောက်နေပြီ။ တိုက်တာက မျက်နှာချင်းဆိုင်တိုက်တာ။ အရှိန်ပါတော့ တက္ကစီကား ခေါင်မိုးပေါ်အထိ ရောက်သွားတယ်။ တိုက်တဲ့ တက္ကစီ သမားကလည်း မူးနေတာ။ အိမ်စီးကားမှာတော့ ကိုယ်ဝန်ဆောင်သည် အမျိုးသမီးရယ်၊ ကလေးရယ်ပါတယ်။ လေအိတ်ပွင့်သွားလို့ သူတို့ကတော့ ဘာမှမဖြစ်ဘူး။ တိုက်တဲ့တက္ကစီသမားကိုတော့ အခုဆေးရုံပို့လိုက်ပါပြီ” ဟု ယာဉ်တိုက်မှုကို ကြုံတွေ့ခဲ့သူတစ်ဦးက ပြောကြားသည်။

လမ်းပြောင်းပြန်မောင်းနှင်လာသော အငှားယာဉ်သည် ဟောင်ကောင်မှတ်တိုင်နားတွင် အခြားယာဉ်တစ်စီးနှင့် ဦးဆုံးတိုက်မိခဲ့ပြီး မောင်းနှင်ထွက်ပြေးခဲ့ကြောင်း သိရသည်။

“အရင်ဆုံး ကျွန်တော့်ကားနဲ့ တိုက်မိတာ။ ကျွန်တော်က ကားပေါ်ကဆင်းပြီး ဓာတ်ပုံတွေဘာတွေရိုက်တော့ မောင်းပြေးသွားတယ်။ ကားဘီးကလည်းလိမ်နေတော့ ကျွန်တော်လည်း သူ့နောက်က ဖြည်းဖြည်းချင်းပဲ လိုက်သွားတာ။ အကြော်တဲမှတ်တိုင်ရောက် ခါနီးလောက်ကျတော့ လူတွေလည်း အုံနေလို့ ဆင်းကြည့်တော့မှ ကျွန်တော့်ကိုတိုက်သွား တဲ့သူပဲ ဒီမှာထပ်တိုက်ထားတာ။ တော်တော် လည်း မူးနေတယ်နဲ့တူတယ်။ ကားပေါ်က ဆွဲချတော့လည်း အရက်နံ့တွေ နံနေတာ။ သတိလည်းမရတော့ဘူး” ဟု အငှားယာဉ်မောင်း ကိုမိုးဇော်အောင်က ပြောကြားသည်။

ယာဉ်တိုက်မှုကြောင့် လမ်းပြောင်းပြန် မောင်းနှင်သူ အငှားယာဉ်မောင်းမှာ ဒဏ်ရာရရှိခဲ့သဖြင့် ဆေးရုံသို့ ပို့ဆောင်ခဲ့ပြီး ၎င်းကို အမှုဖွင့်အရေးယူနိုင်ရန် ဆောင်ရွက်လျက်ရှိကြောင်း သိရသည်။

ရုရှားရင်ပြင်နီအနီး၌ အငှားယာဉ်တစ်စီး ၀င်တိုက်မှု ဖြစ်ပွားခဲ့ရာ လူခုနစ်ဦးထက်မနည်း ဒဏ်ရာရရှိ

ကားဝင်တိုက်မှုဖြစ်ခဲ့သည့် နေရာ၌ ရဲကားများ၊ လူနာတင်ယာဉ်များ ရောက်ရှိနေသည်ကို စီစီတီဗွီမှ ရိုက်ကူးထားသည့် ဓာတ်ပုံ (Photo: AFP)

ဇွန် ၁၆ ရက်တွင် မော်စကိုရင်ပြင်နီအနီးရှိ လူအုပ်အတွင်းသို့ တက္ကစီတစ်စီး ၀င်တိုက်မှုဖြစ်ပွားခဲ့ရာ လူခုနစ်ဦး ထိခိုက်ဒဏ်ရာ ရရှိခဲ့ကြောင်း၊ ဒဏ်ရာရသူခုနစ်ဦးထဲတွင် ကမ္ဘာ့ဖလား လာရောက်ကြည့်ရှုသည့် မက္ကဆီကို နိုင်ငံသားနှစ်ဦး ပါဝင်ကြောင်း အစိုးရတာဝန်ရှိသူများနှင့် မျက်မြင်သက်သေများက ပြောကြားခဲ့သည်။

အဆိုပါ မတော်တဆဖြစ်ရပ်မှာ ရုရှားနိုင်ငံသားများ၊ ဘောလုံးပရိသတ်များနှင့် ကြိတ်ကြိတ်တိုး စည်ကားနေသည့် မော်စကိုမြို့လယ်မှ ရင်ပြင်နီတွင် နေ၀င်ချိန်၌ ဖြစ်ပွားခဲ့ခြင်း ဖြစ်သည်။

တက္ကစီယာဉ်မောင်းသည် မွတ်စလင် အများစုနေထိုင်သည့် ကာဂျစ်စတန်နိုင်ငံ (ဆိုဗီယက်ယူနီယံထဲ၌ ပါဝင်ခဲ့ဖူး) ၏ ယာဉ်မောင်းလိုင်စင်ရရှိထားကြောင်း မော်စကို ယာဉ်စည်းကမ်း ကြီးကြပ်ရေးအာဏာပိုင် အဖွဲ့က ထုတ်ပြန်ခဲ့သည်။ ထိန်းသိမ်းခံထားရသော အဆိုပါ တက္ကစီယာဉ်မောင်းက ၎င်းသည် လူအုပ်အတွင်းသို့ ရည်ရွယ်ချက်ရှိရှိ မောင်းဝင်ခဲ့ခြင်း မဟုတ်ကြောင်း ပြောကြားခဲ့သည်ဟု မော်စကိုရဲတပ်ဖွဲ့၏ ၀က်ဘ်ဆိုက် စာမျက်နှာတွင် ဖော်ပြထားသည်။

“တက္ကစီယာဉ်မောင်းက ယာဉ်ကို ထိန်းချုပ်လို့မရတော့လို့ ဒီလိုမတော်တဆဖြစ်ရပ် ဖြစ်ပွားခဲ့တာပါ” ဟု မော်စကိုမြို့တော်ဝန် ဆာဂေးဆိုဗျာနင်က Twitter ပေါ်တွင် ရေးသားခဲ့သည်။

အဆိုပါ မတော်တဆဖြစ်ရပ်ကြောင့် လူရှစ်ဦး ဒဏ်ရာရရှိခဲ့၍ ဆေးရုံသို့ပို့ဆောင်ပေးခဲ့ကြောင်း၊ ဒဏ်ရာရရှိသူခုနစ်ဦးမှာ အခြေအနေ ကောင်းမွန်နေပြီး ကျန်အမျိုးသမီးတစ်ဦးမှာမူ ဒဏ်ရာပြင်းထန်ကြောင်း မော်စကိုမြို့ ကျန်းမာရေးစောင့်ရှောက်မှုအဖွဲ့က ပြောကြားခဲ့သည်။ ထိခိုက်ဒဏ်ရာ ရရှိသူများထဲတွင် မက္ကဆီကိုနိုင်ငံသားနှစ်ဦး၊ ယူကရိန်းနိုင်ငံသားတစ်ဦး၊ ရုရှားနိုင်ငံသား နှစ်ဦး၊ အဇာဘိုင်ဂျန်နိုင်ငံသားနှစ်ဦး ပါဝင်ကြောင်း ရုရှား RIA သတင်းဌာနက ဖော်ပြခဲ့သည်။

လူမှုမီဒီယာပေါ်သို့ တင်ခဲ့သော မတော်တဆဖြစ်ရပ်ဗီဒီယို၌ အ၀ါရောင်ဟွန်ဒိုင်း တက္ကစီသည် အရှိန်ပြင်းပြင်းဖြင့် လူသွားစင်္ကြံပေါ်သို့ ရောက်လာပြီး စင်္ကြံပေါ်တွင် ၁၀ မီတာနီးပါး မောင်းနှင်ခဲ့ကာ လမ်းသွားလမ်းလာများကို ၀င်တိုက်ခဲ့သည်။ တိုက်မိသည့် လူတချို့မှာ မော်တော်ယာဉ်စက်ဖုံးပေါ်တွင် ပါသွားသည်ကို တွေ့မြင်ရသည်။ အဆိုပါကားသည် ယာဉ်တားတုံးများကို တိုက်မိရာမှ ရပ်တန့်သွားခြင်း ဖြစ်သည်။

ထို့နောက် အင်္ကျီအနက်၊ ဘောင်းဘီ အနက်ဝတ်ဆင်ထားသော ယာဉ်မောင်းသည် ကားတံခါးကိုဖွင့်၍ တဟုန်ထိုး ထွက်ပြေးခဲ့သည်ဟု မျက်မြင်သက်သေများက ပြောခဲ့သည်။ သို့သော် အနီးရှိလူများက ၎င်းအား လက်ရဖမ်းမိခဲ့သည်ကို အဆိုပါဗီဒီယို၌ တွေ့မြင်ရသည်။

တက္ကစီယာဉ်မောင်းက ၎င်းသည် ဘရိတ်အစား လီဗာကို မတော်တဆ မှားနင်းမိခြင်း ဖြစ်ကြောင်း၊ နာရီ ၂၀ အလုပ်လုပ်ခဲ့ပြီး မအိပ်ရသေးသဖြင့် အိမ်ပြန်အိပ်ရန် ကားမောင်းခဲ့ရာမှ မတော်တဆဖြစ်ရကြောင်း၊ တိုက်မိပြီးနောက် ၎င်းထွက်ပြေးရခြင်းမှာ လူများ၏ အသတ်ခံရမည်ကို ကြောက်ရွံ့၍ဖြစ်ကြောင်း ရဲတပ်ဖွဲ့က ထုတ်လွှင့်သည့် ဗီဒီယိုတွင် ပြောကြားခဲ့သည်။ အခင်းဖြစ်ပွားပြီးနောက် ရဲများသည် ထိုနေရာကို တစ်နာရီကျော်ကြာ ပိတ်ထားခဲ့ကြောင်း သိရသည်။

ရုရှားနိုင်ငံတွင် ဇွန် ၁၄ ရက်မှ ဇူလိုင် ၁၅ ရက်အထိ ကြာမြင့်မည့် ကမ္ဘာ့ဖလားဘောလုံးပွဲအတွက် လုံခြုံရေးမှာ အဓိကစိုးရိမ်စရာ ဖြစ်နေသည်။ ယင်းအတွက် ရုရှားနိုင်ငံသို့ နိုင်ငံခြားခရီးသွား ၆၀၀,၀၀၀ ထက်မနည်း လာရောက်လိမ့်မည်ဟု ခန့်မှန်းထားသည်။

Ref: Reuters

မန္တလေးတိုင်းဒေသကြီးဝန်ကြီးချုပ်၏ ယာဉ်မောင်းဖြစ်သူ ယာဉ်တိုက်မှုဖြင့် အဖမ်းခံထားရ

မန္တလေးတိုင်းဒေသကြီး ၀န်ကြီးချုပ် ဒေါက်တာဇော်မြင့်မောင်၏ ယာဉ်မောင်းဖြစ်သူ ယာဉ်တိုက်မှုဖြင့် အဖမ်းခံထားရကြောင်း သိရသည်။

အဆိုပါယာဉ်တိုက်မှုမှာ ဇွန် ၂ ရက် နံနက် ၅ နာရီခန့်က ဖြစ်ပွားခဲ့ခြင်းဖြစ်ကြောင်း သိရသည်။

ဖြစ်စဉ်မှာ ၆၂ လမ်း၊ ၃၅-၃၆ လမ်းကြားတွင် မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်၏ ယာဉ်မောင်းဖြစ်သူ ဦးအေးသိန်းမှာ ၆၂ လမ်းအတိုင်း တောင်မှ မြောက်သို့မောင်းနှင်လာစဉ် ယင်းလမ်းအရှေ့မှအနောက်သို့ လမ်းဖြတ်ကူးသည့် အမျိုးသမီးတစ်ဦးအား အရှိန်မထိန်းနိုင်ဘဲ တိုက်မိခဲ့ခြင်းဖြစ်ပြီး အဆိုပါအမျိုးသမီးမှာ သေဆုံးခဲ့ကြောင်း သိရသည်။

“ယာဉ်တိုက်မှုနဲ့ပတ်သက်ပြီး ယာဉ်ထိန်းက စစ်ချက်ယူတာတွေ လုပ်နေတယ်။ ယာဉ်မောင်းကိုလည်း အဲဒီနေ့ညနေပိုင်းက ဖမ်းဆီးထားပါတယ်” ဟု မဟာအောင်မြေမြို့နယ် ရဲတပ်ဖွဲ့မှူးရုံးမှ တာဝန်ရှိသူတစ်ဦးက ပြောကြားသည်။

ယာဉ်တိုက်မှုကြောင့် သေဆုံးခဲ့သူမှာ မဟာအောင်မြေမြို့နယ် ၃၅ လမ်း ၆၁ လမ်း နှင့် ၆၂ လမ်း နေထိုင်သူဒေါ်ဆိုင်ဖင် (၆၀နှစ်) ဖြစ်ကြောင်း သိရသည်။

ဖြစ်စဉ်နှင့်ပတ်သက်၍ လူ့အသက်သေသည်အထိ မဆင်မခြင်မောင်းနှင်သော 1D/3775Mitsubitshi Lancer အနက်ရောင် ယာဉ်မောင်းဖြစ်သူ ဦးအေးသိန်းအား မဟာအောင်မြေမြို့နယ် အမှတ် ၉ မြို့မရဲစခန်းက ယာဉ်(ပ) ၂၂/၂၀၁၈ ရာဇသတ်ကြီးဥပဒေ ပုဒ်မ ၃၀၄(က) ဖြင့် အမှုဖွင့်ဆောင်ရွက်ထား ကြောင်း သိရသည်။

ပေါင်မြို့နယ် မုတ္တမမြို့ လက်ပံကျေးရွာ ရန်ကုန်-မော်လမြိုင် အဝေးပြေးလမ်းမနံဘေးတွင် ယာဉ်လေးစီး ဆင့်တိုက်မှုဖြစ်ပွားပြီး အမျိုးသားတစ်ဦးသေဆုံးကာ တစ်ဦး ဒဏ်ရာရရှိ

ဓာတ်ပုံ – ဘိုဘိုဝင်း

မွန်ပြည်နယ် ပေါင်မြို့နယ် မုတ္တမမြို့ လက်ပံကျေးရွာ ရန်ကုန်-မော်လမြိုင် အဝေးပြေးလမ်းမဘေး၌ မေ ၂၇ ရက် နံနက် ၄ နာရီခွဲခန့်က ယာဉ်လေးစီး ဆင့်တိုက်မှုဖြစ်ပွားပြီး ယာဉ်မောင်းတစ်ဦးသေဆုံးကာ တစ်ဦးဒဏ်ရာများ ရရှိခဲ့ကြောင်း သိရသည်။

ဖြစ်စဉ်မှာ ပေါင်မြို့ဘက်မှ မော်လမြိုင်မြို့ဘက်သို့ ကရင်ပြည်နယ် ဘားအံမြို့နယ် နောင်လုံကျေးရွာနေ သီဟကျော် (၂၃ နှစ်)(ဘ) ဦးတင်မောင်ရွှေ မောင်းနှင်ပြီး မော်လမြိုင်မြို့မောင်ငံရပ်ကွက်နေ ဇင်မင်း (၃၈ နှစ်) (ဘ) ဦးကျော်အေး လိုက်ပါလာသည့် ယာဉ်အမှတ် 3C/—- Nissan အမျိုးအစား ယာဉ်သည် ပေါင်မြို့နယ် မုတ္တမမြို့ လက်ပံကျေးရွာ ရန်ကုန်-မော်လမြိုင် အဝေးပြေးကားလမ်း မိုင်တိုင် (၁၈၁/၆) နှင့် (၁၈၁/၇) ကြားအရောက်တွင် အရှိန်မထိန်းနိုင်ဘဲ လမ်း၏ ယာဘက်ခြမ်း မော်လမြိုင်မြို့ဘက်သို့ ခေါင်းတည်၍ ရပ်ထားသော ၂ခ/—- Nissan အမျိုးအစား ၁၂ ဘီးယာဉ်အား နောက်မှ ၀င်ရောက်တိုက်မိပြီး ၎င်းယာဉ်ရှေ့တွင် ရပ်ထားသည့် 5B/—- Nissan အမျိုးအစား ၁၀ ဘီးယာဉ်နှင့် 3C/—- Nissan အမျိုးအစား ၁၀ ယာဉ်တို့အား အဆင့်ဆင့် တိုက်မိခဲ့ကြောင်း၊ ယာဉ်တိုက်မှုကြောင့် 3c/—- Nissan အမျိုးအစား ယာဉ်မောင်း သီဟကျော်တွင် နှာခေါင်းပြတ်ရှ ဒဏ်ရာ၊ ၀ဲယာခြေထောက်ကျိုး ဒဏ်ရာ၊ ၀ဲခြေချောင်းသုံးချောင်းပြတ်ရှ ဒဏ်ရာများဖြင့် ပွဲချင်းပြီး သေဆုံးခဲ့ကြောင်း၊ ယာဉ်ပေါ်တွင် လိုက်ပါလာသူ ဇင်မင်းတွင် ယာလက်နာကျင်ဒဏ်ရာ၊ မျက်နှာဖူးရောင်ဒဏ်ရာ၊ ၀ဲခြေမျက်စိ ဖူးရောင်ဒဏ်ရာများ ရရှိခဲ့ကြောင်း ရဲမှတ်တမ်းများအရ သိရသည်။

“မုတ္တမမှာ ဖြစ်ပွားခဲ့တဲ့ ယာဉ်တိုက်မှုနဲ့ ပတ်သက်ပြီး မနက် ၄း၄၀ လောက် သတင်းရတယ်။ ဒဏ်ရာရလူနာတစ်ဦးကို မုတ္တမတိုက်နယ်ဆေးရုံကို ပို့ထားတယ်လို့ သိရတယ်။ ယာဉ်မောင်းကတော့ ကားခေါင်းမှာ ညပ်နေတယ်လို့ သိရတော့ မွန်ပြည်နယ် မီးသတ်တပ်ဖွဲ့ကို အကြောင်းကြားပြီး မီးသတ်တပ်ဖွဲ့နဲ့ ကျွန်တော်တို့နဲ့ ပူးပေါင်းပြီး ညပ်နေတဲ့လူကို တစ်နာရီလောက် အချိန်ပေးပြီး ထုတ်ခဲ့ရပါတယ်။ ယာဉ်မောင်းသူရဲ့ Dead Body ကိုတော့ မုတ္တမတိုက်နယ်ဆေးရုံက ရင်ခွဲရုံကို မြတ်မြတ်စိတ်ထား လူမှုကူညီရေးအသင်းက ယာဉ်နဲ့ ပို့ဆောင်ပေးခဲ့ပါတယ်” ဟု ယာဉ်တိုက်မှုအား ၀ိုင်းဝန်းကူညီဆောင်ရွက်ပေးခဲ့သည့် ဘိုဘိုဝင်း လူမှုကူညီကယ်ဆယ်ရေးအဖွဲ့မှ ဦးဘိုဘိုဝင်းက ဆိုသည်။

အဆိုပါ ယာဉ်တိုက်မှုဖြစ်စဉ်နှင့် ပတ်သက်၍ ယာဉ်အား မဆင်မခြေမောင်းနှင်သူ ယာဉ်မောင်း သီဟကျော်အပေါ် မုတ္တမနယ် မြေရဲစခန်းက ယာဉ် (ပ) ၁၄/၂၀၁၈၊ ရာဇသတ်ကြီးဥပဒေပုဒ်မ ၃၀၂ (က)/၃၃၇ အရ အမှုဖွင့် အရေးယူထားကြောင်း ရဲမှတ်တမ်းများအရ သိရသည်။