၂၀၁၈-၂၀၁၉ ဘဏ္ဍာနှစ် မြန်မာသစ်လုပ်ငန်း သစ်ထုတ်ရန်အတွက် မန္တလေးတိုင်း သစ်တောဦးစီးဌာနက သစ်မာပင် ၂၇၀၀ ပင်ထောင်ရိုက် သတ်မှတ်ပေးထား

မန္တလေးတိုင်း သစ်တောဦးစီးဌာနက သစ်မာပင်ထောင်ရိုက် သတ်မှတ်ပေးစဉ်

၂၀၁၈-၂၀၁၉ ဘဏ္ဍာနှစ် မြန်မာသစ်လုပ်ငန်း သစ်ထုတ်ရန်အတွက် မန္တလေးတိုင်း သစ်တောဦးစီးဌာနက သစ်မာပင် ၂၇၀၀ ပင် ထောင်ရိုက်သတ်မှတ် ပေးထားသည်ဟု မန္တလေးတိုင်း ဒေသကြီး သစ်တောဦးစီးဌာနထံမှ သိရသည်။

သစ်တောဦးစီးဌာနတွင် ပင်ထောင်ရိုက်လုပ်ငန်း နှစ်မျိုးရှိပြီး ကျွန်းစိုရိုက်မှတ်ခြင်း လုပ်ငန်းနှင့် သစ်မာပင်ထောင်ရိုက်မှတ်ခြင်း လုပ်ငန်းဆိုပြီး နှစ်မျိုးရှိကြောင်း၊ သစ်တောဦးစီးဌာန အနေနှင့် မြန်မာသစ်လုပ်ငန်းကနေ တရားဝင် သစ်ထုတ်ရန်အတွက် ပင်ထောင်ရိုက်ခြင်းကို ၂၀၁၇-၂၀၁၈ ဘဏ္ဍာနှစ်မှာ မြန်မာသစ်လုပ်ငန်းနဲ့ ပူးပေါင်းပြီး သစ်မာပင် ထောင်ရိုက်မှတ်ခြင်း ဆောင်ရွက်လျက်ရာ ၂၀၁၈-၂၀၁၉ ဘဏ္ဍာနှစ်အတွက် သစ်ထုတ်လုပ်ရန် သစ်မာပင် ၂၇၀၀ ပင်ထောင်ရိုက် သတ်မှတ် ပေးထားသည်ဟု မန္တလေးတိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးမြင့်သိန်းက ပြောကြားသည်။

“ကျွန်တော်တို့ မန္တလေးတိုင်း သစ်တောဦးစီးဌာန အနေနဲ့ ၂၀၁၈-၂၀၁၉ ဘဏ္ဍာနှစ်မှာ သစ်မာစုစုပေါင်း ၂၇၀၀ ပင်သစ်ထုတ်လုပ်ဖို့ မြန်မာသစ်လုပ်ငန်းအတွက် လုပ်ပေးထားတယ်။၂၀၁၈-၂၀၁၉ ဘဏ္ဍာနှစ်အတွက် ကျွန်းထုတ်လုပ်ခြင်း လုံးဝမရှိပါဘူး။ ထုတ်ဖို့ အစီအစဉ် လုံးဝမရှိပါဘူး။ သစ်တောဦးစီးဌာနက သစ်ထုတ်လုပ်မှုမှာ မြန်မာရွေးချယ်နည်း စနစ်ထုတ်လုပ်တဲ့ စနစ်ကို ကျင့်သုံးပါတယ်။ ဟိုလွန်ခဲ့တဲ့ နှစ်ပေါင်းများစွာ ကျင့်သုံးတဲ့ စနစ်ဖြစ်ပါတယ်။ မြန်မာရွေးချယ်စနစ်အတွက် တောထဲမှာရှိတဲ့ အပင်တွေ စာရင်းကောက်ပြီး နှစ်စဉ်ဘယ်လောက် ထုတ်လုပ်နိုင်တာ စာရင်းကောက်ပါတယ်။ နောက်စာရင်း အင်းပညာအရ တောဧရိယာကြီးကို နမူနာ ကြာပန်းရွေးချယ်တဲ့ နည်းစနစ်နဲ့ အလွှာတွေ ခွဲပြီးတော့မှ နမူနာခွက်တွေ ချမှတ်ပါတယ်။ သူတို့နည်းစနစ်အတိုင်း ချမှတ်ပြီးတာတွေကို ၀န်ထမ်းတွေက မြေပြင်မှာ ကွင်းဆင်းပြီး နမူနာခွက်စာရင်း ကောက်ပါတယ်။ ရရှိတဲ့ သစ်မျိုးပင်ထောင် စာရင်းတွေ လုံးပတ်အလိုက် အတန်းအစားအလိုက် ကုတ်နံပတ်တွေနဲ့ ကွန်ပျူတာမှာ ထည့်တွက်ခြင်းလုပ်ငန်းကို သစ်တောဦးစီးဌာနက စီမံဌာနမှ တွက်ချက်ပြီး ကိန်းဂဏန်းအရ ပင်ထောင်ပင်ရေပေါ့။ တစ်နှစ်ကို အပင်ဘယ်လောက်ထုတ်မယ်၊ သစ်မာဆို ဘယ်လောက်ထုတ်မယ် တွက်ချက်ထုတ်ပြီး နှစ်စဉ်ရှိပါတယ်။ ဒါကလည်း နှစ်စဉ်ခရိုင်အလိုက် ဆောင်ရွက်ပြီးတာ ဖြစ်ပါတယ်” ဟု မန္တလေးတိုင်းဒေသကြီး သစ်တောဦးစီးဌာန  ညွှန်ကြားရေးမှူး ဦးမြင့်သိန်းက ပြောကြားသည်။

၂၀၁၈-၂၀၁၉ ဘဏ္ဍာသစ်ထုတ်ရန်အတွက် မန္တလေးတိုင်းဒေသကြီး သစ်တောဦးစီးဌာနက ၂၀၁၇-၂၀၁၈ ခုနှစ်တွင် သစ်မာပင်ထောင်ရိုက်မှတ် လုပ်ငန်းကို စဥ့်ကူးမြို့နယ်အထက် မတ္တရာ(၄၁)တွင် သစ်မာပင် ၆၀၀၊ အထက် မတ္တရာ (၄၂)တွင် သစ်မာအပင်  ၁၂၀၀၊ မိုးကုတ်မြို့နယ် နန့်ပန်သဲနီ(၁၈) သစ်မာအပင် ၄၀၀ နှင့် မိုးကုတ်မြို့နယ် နန့်ပန်သဲနီ (၂၁) တွက် သစ်မာအပင် ၅၀၀ စုစုပေါင်း သစ်မာပင်၂၇၀၀ ကို ပင်ထောင်ရိုက်ပေးထားကြောင်း သိရသည်။

မန္တလေးတိုင်းဒေသကြီး သစ်တောဦးစီးဌာန ခရိုင်အလိုက် နှစ်စဉ်ခြောက်ပေအထက် သစ်ထုတ်လုပ်နိုင်သည့် မန္တလေးခရိုင်တွင် သစ်မာပင်အပင် ၁၃၀၊ ပြင်ဦးလွင်ခရိုင်တွင် သစ်မာပင်အပင် ၁၄၂၆၄၊ ကျောက်ဆည်ခရိုင်တွင် သစ်မာပင်အပင်၁၉၅၉၊ မိတ္ထီလာခရိုင်တွင် သစ်မာပင်အပင် ၈၂၀ နှင့် ရမည်းသင်းခရိုင်တွင် သစ်မာပင် အပင် ၉၅၀ စုစုပေါင်း နှစ်စဉ် သစ်မာပင်ထောင် ၁၈၁၂၃ ပင်ထောင်ရိုက် သတ်မှတ်ခြင်း လုပ်ဆောင်နိုင်သော်လည်း သစ်ထုတ်လုပ်နိုင်စွမ်းထက် များစွာလျော့နည်းပြီး သစ်ထုတ်လုပ်နေသည်ဟု သစ်တောဦးစီးဌာနထံမှ သိရသည်။

 

ပြင်ဦးလွင်မြို့ရှိ တပ်မတော်ဆေးရုံတွင် တာဝန်ထမ်းဆောင်နေသည့် ဒုဗိုလ်မှူးကြီးတစ်ဦး စကေဘာဖြင့် အထိုးခံရ

ပြင်ဦးလွင်မြို့ရှိ တပ်မတော်ဆေးရုံတွင် တာဝန်ထမ်းဆောင်လျက်ရှိသည့် ဒုတိယဗိုလ်မှူးကြီးတစ်ဦး မောင်းနှင်လာသော မော်တော်ယာဉ်အား ရှေ့ဘီးထောင်၍ စတန့်စီးသည့် ဆိုင်ကယ်ဖြင့် ၀င်တိုက်မိရာမှ စကေဘာဖြင့် အထိုးခံရမှုဖြစ်ပွားခဲ့ကြောင်း ဧပြီ ၂၉ ရက်က တပ်မတော်ကာကွယ်ရေးဦးစီးချုပ်ရုံး၏ သတင်းထုတ်ပြန်ချက်အရ သိရသည်။

အဆိုပါဖြစ်စဉ်မှာ မန္တလေးတိုင်းဒေသကြီး၊ ပြင်ဦးလွင်မြို့ရှိ တပ်မတော်ဆေးရုံတွင် တာဝန်ထမ်းဆောင်လျက်ရှိသည့် ခွဲစိတ်ပါရဂူ ဒုတိယဗိုလ်မှူးကြီး မိုးမြတ်အောင်သည် ဧပြီ ၂၅ ရက် ည ၉ နာရီ ၄၅ မိနစ်တွင် အနီးစခန်းရှိ ပါမောက္ခချုပ် ဆရာတော်ကြီး၏ ဓမ္မသဟာယ သာသနစင်တာမှ ရပ်ကွက်ကြီး (၉) ရှိ ၎င်း၏နေအိမ်သို့ မော်တော်ယာဉ်ဖြင့် ပြန်လာခဲ့ကြောင်း သိရသည်။

ထိုသို့ပြန်လာစဉ် ရပ်ကွက်ကြီး (၅) အစိုးရဧည့်ဂေဟာလမ်း၊ ဧည့်ဂေဟာဂိတ်အနီးသို့အရောက် လမ်းပေါ်၌ ဆိုင်ကယ်လေးစီးဖြင့် အမျိုးသားခုနစ်ဦးသည် ဆိုင်ကယ်စတန့်ပြုလုပ်၍ မောင်းနှင်နေကြောင်း တွေ့ရှိရသဖြင့် ရှောင်တိမ်းမောင်းနှင်စဉ် ဆိုင်ကယ်စတန့် ပြုလုပ်နေသည့် ဆိုင်ကယ်တစ်စီးဖြင့် မော်တော်ယာဉ် မတော်တဆ ပွတ်တိုက်မှုဖြစ်ပွားခဲ့ကြောင်း သိရသည်။

ယင်းသို့ပွတ်တိုက်မှု ဖြစ်ပွားပြီးနောက် ဒုတိယဗိုလ်မှူးကြီး မိုးမြတ်အောင်က မော်တော်ယာဉ်အား ရပ်တန့်ပြီး လိုအပ်သည့်အကူအညီများ ဆောင်ရွက်ပေးရန် ယာဉ်ပေါ်မှဆင်း၍ မေးမြန်းစဉ် ဆိုင်ကယ်စီးနင်းသူများအနက် သုံးဦးမှ ၎င်းအားချုပ်ကိုင်၍ တစ်ဦးက ၀မ်းဗိုက်အား စကေဘာဖြင့် ထိုးခဲ့သဖြင့် ဒုတိယဗိုလ်မှူးကြီး မိုးမြတ်အောင်မှာ ပြင်းထန်စွာ ထိခိုက်ဒဏ်ရာများရရှိခဲ့ပြီး ဆိုးသွမ်းလူငယ်ခုနစ်ဦးမှာ ထွက်ပြေးတိမ်းရှောင်သွားခဲ့ကြောင်း သိရသည်။

အဆိုပါ ဒုတိယဗိုလ်မှူးကြီး မိုးမြတ်အောင်အား ပြင်ဦးလွင်မြို့ရှိ တပ်မတော်ဆေးရုံတွင် အရေးပေါ်ခွဲစိတ်ကုသမှုများ ဆောင်ရွက်ခဲ့ရပြီး ပြန်လည်ကောင်းမွန်သည်အထိ ဆက်လက်ကုသပေးလျက်ရှိပြီး ထွက်ပြေးတိမ်းရှောင်သွားသည့် ဆိုးသွမ်းလူငယ် ခုနစ်ဦးအား ဥပဒေနှင့်အညီအရေးယူ ဆောင်ရွက်နိုင်ရေးအတွက် ပြင်ဦးလွင်မြို့ မြို့မရဲစခန်းတွင် အမှုဖွင့်၍ ဖမ်းဆီးရမိရေး ဆောင်ရွက်လျက်ရှိကြောင်း သိရသည်။

ရွှေကြက်ယက်၊ ရွှေကြက်ကျ ဆုတောင်းပြည့်မြတ်စွာဘုရား ကဆုန်ညောင်ရေသွန်းပွဲတော်အား ယခင်နှစ်များနည်းတူ စည်ကားစွာကျင်းပ

ရွှေကြက်ယက်ကျေးရွာအုပ်စုမှ ညောင်ရေသွန်းလောင်းရန် လှည့်လည်လာစဉ်

မန္တလေးတိုင်းဒေသကြီး အမရပူရမြို့နယ် ရွှေကြက်ယက်ကျေးရွာအုပ်စုရှိ နှစ်စဉ်ကျင်းပမြဲဖြစ်သော ရွှေကြက်ယက်၊ ရွှေကြက်ကျ ဆုတောင်းပြည့်ဘုရား ကဆုန်ညောင်ရေသွန်းပွဲတော်ကို ယခင်နှစ်များနည်းတူ စည်ကားသိုက်မြိုက်စွာ ကျင်းပခဲ့ကြောင်း သိရသည်။

ကဆုန်လဆန်း ၁၄ ရက်နေ့ ဧပြီ ၂၈ ရက်တွင် ရွှေကြက်ယက်အုပ်စု ကျေးရွာများဖြစ်သော သပြေတန်း၊ ခ၀ါတော်၊ ကွက်သစ် (၁)၊ ရွှေဟင်္သာ၊ ရွှေဒင်၊ ကိုးသင်း၊ သက္ကယ်တော်၊ ကွက်သစ် (၂)၊ ရွာသစ်၊ ရွှေလောင်း၊ ပတ္တမြား၊ စိန်တုံး၊ ရွှေလေး၊ မိုးကောင်း၊ အောင်ချမ်းသာ စသည့်ကျေးရွာများမှ ရှေးမူမပျက် ရာဇာဝင်း၊ ဒေ၀ါဝင်း၊ ပုဂံဝင်းများခင်းခြင်း၊ တူညီဝတ်စုံများဝတ်ဆင်ခြင်း၊ အတီးအမှုတ် အကအခုန်များဖြင့် မင်္ဂလာညောင်ဇင် ကျောင်းတိုက်ဝင်းတွင် စုရပ်ပြုလုပ်ကာ စီတန်းလှည့်လည်ပြီး ရွှေကြက်ယက်ဘုရား အနောက်ဘက်မုခ်ရှိ ဗောဓိညောင်ပင်ကို ကျေးရွာအလိုက် ညောင်ရေသွန်းခဲ့ကြောင်း သိရသည်။

ရှေးယခင် ဘိုးဘွားအဆက်ဆက်မှ ဘုရားရှင်အမှီပြု၍ ပွင့်ထွန်းပေါ်ပေါက်ရာ မဟာဗောဓိညောင်ပင်ကို ရည်စူး၍ နွေရာသီ၏ပူပြင်းမှုမှ ကာကွယ်ရန် အေးမြသောရေချမ်းများဖြင့် သွန်းလောင်းပူဇော်ခြင်းဖြစ်ကြောင်း၊ ညောင်ရေသွန်း လှည့်လည်ရာတွင် လိုက်ပါကြမည့် ကျေးရွာများမှ ကျေးရွာသူ/ ကျေးရွာသားများက လှည့်လည်ရေးကော်မတီမှ တာဝန်ပေးအပ်ထားသည့် ကိုယ်စားလှယ်များ၏ ခေါင်းဆောင်မှုအောက်တွင် စည်းကမ်းတကျဖြင့် လိုက်ပါကြရန်နှင့် သရုပ်ပျက်ဝတ်ဆင်ခြင်း၊ သရုပ်ပျက်ကခုန်ခြင်း၊ အရက်သေစာ သောက်စားခြင်းများကို ရှောင်ကြဉ်ကြရန် အသိပေးဆောင်ရွက်ထားကြောင်း၊ ကဆုန်ညောင်ရေသွန်းပွဲတော် ကျင်းပသည့် နေ့ရက်များတွင် ကျေးရွာသူ/ ကျေးရွာသားများကလည်း ဘုရားဖူးလာရောက်ကြသည့် ပြည်သူများကို စားသောက်ဖွယ်ရာများဖြင့် ဧည့်ခံကျွေးမွေးခဲ့ကြောင်း သိရသည်။

ထို့ပြင် ကဆုန်လပြည့်နေ့ နံနက်ပိုင်းတွင်လည်း ဂေါစရာမ်ကျောင်းတိုက် ၁၁ ကျောင်းသို့ ဆွမ်း၊ ဟင်းခဲဘွယ်ဘောဇဉ် ချိုချဉ်အရသာများကို ရပ်ကွက်အလိုက် လှည့်လည်အလှူခံ၍ သက်ဆိုင်ရာကျောင်းတိုက်များသို့ ပို့ဆောင်ဆက်ကပ်လှူဒါန်းခြင်း၊ ကဆုန်လပြည့်ကျော် (၁) ရက်တွင် ရပ်ကွက် (၁၅) ရပ်ကွက်မှ ၀တ္ထုငွေ၊ ဆန်၊ ဆီ၊ ဆား အစရှိသည့်တို့ကို ရပ်ကွက်အလိုက် လှည့်လည်အလှူခံ၍ မဲကျရာကျောင်းတိုက်များသို့ လှူဒါန်းပူဇော်ပြီး ပွဲတော်ရက်အတွင်း လှူဒါန်းမှုအစုစုတို့အတွက် ရေစက်သွန်းချ အမျှပေးဝေခြင်း မင်္ဂလာပြုလုပ်ကျင်းပသွားမည်ဖြစ်ကြောင်း သိရသည်။

ညောင်ဦးမြို့နယ်တွင် ခိုးယူခံခဲ့ရသော နှစ်ပေါင်း ၁၅၀ သက်တမ်းရှိ ရှေးဟောင်းဘုရားနှစ်ဆူကို မြ၀တီ-မဲဆောက်နယ်စပ်နှင့် ပဲခူးရိုးမတို့မှ ပြန်လည်သိမ်းဆည်းရမိ

ပဲခူးရိုးမဖြတ်လမ်းနံဘေးရှိ ကိုင်းတောစပ်တွင် သိမ်းဆည်းထားသည့် ထိုင်တော်မူဘုရားအား ရဲတပ်ဖွဲ့မှ ပြန်လည်သိမ်းဆည်းနေစဉ်

မန္တလေးတိုင်းဒေသကြီး ညောင်းဦးမြို့နယ်တွင် ခိုးယူခံခဲ့ရသော နှစ်ပေါင်း ၁၅၀ သက်တမ်းရှိ ရှေးဟောင်းဘုရားနှစ်ဆူကို မြ၀တီ-မဲဆောက်နယ်စပ်နှင့် ပဲခူးရိုးမအတွင်းမှ အသီးသီး ပြန်လည်သိမ်းဆည်းရမိခဲ့ကာ ကျူးလွန်သူတစ်ဦးကိုလည်း ဖမ်းဆီးရမိထားကြောင်း တိုင်းရဲတပ်ဖွဲ့မှူးရုံးမှ သတင်းရရှိသည်။

ညောင်ဦးမြို့နယ် မြေနဲကြီးကျေးရွာ ဆုတောင်းပြည့် ဘုန်းတော်ကြီးကျောင်းအတွင်းမှ တည်ထားကိုးကွယ်ထားသည့် ဥာဏ်တော်အမြင့် ခြောက်ပေ ခြောက်လက်မရှိ ရပ်တော်မူဘုရားနှင့် ဥာဏ်တော်အမြင့် နှစ်ပေ ခြောက်လက်မခန့်ရှိ ထိုင်တော်မူဘုရားနှစ်ဆူမှာ အောက်တိုဘာ ၂၃ ရက်က ပျောက်ဆုံးသွားခဲ့သဖြင့် အုပ်ချုပ်ရေးမှူးက အမှုဖွင့် တိုင်တန်းခဲ့ကြောင်း သိရသည်။

အဆိုပါ ဘုရားခိုးယူပျောက်ဆုံးမှုနှင့် ပတ်သက်ပြီး မန္တလေးတိုင်းဒေသကြီး ရဲအကူ တပ်ဖွဲ့ခွဲ မှုခင်းအကူဌာနစိတ်မှ ရဲအုပ်ရဲအ၀င်း ဦးစီးသည့်အဖွဲ့မှ စုံစမ်းခဲ့ရာ ယင်းဘုရားများ ခိုးယူသူအဖွဲ့ထဲမှ ပါဝင်သူဟု ယူဆရသူ အေးကို (ခ) အုန်းခင်ကို မန္တလေးမြို့တွင် ဖမ်းဆီးရမိခဲ့ကြောင်း၊ ၎င်းကို ဆက်လက်စစ်ဆေးရာ ဥာဏ်တော် ခြောက်ပေ ခြောက်လက်မ ရှိသည့် ရပ်တော်မူဘုရားကို မြ၀တီတစ်ဖက်ကမ်းရှိ မဲဆောက်တွင် ထိုင်းဘတ်ငွေဖြင့် ပေါင်နှံထားပြီး ထိုင်တော်မူဘုရားကို တိုက်ကြီးမြို့နှင့် ပဲခူးမြို့သို့ ဆက်သွယ်ထားသည့် ရိုးမဖြတ်လမ်းနံဘေးရှိ ကိုင်းတောစပ်တွင် သိမ်းဆည်းထားသည်ကို စစ်ဆေးပေါ်ပေါက်ခဲ့ကြောင်း သိရသည်။

ထို့ကြောင့် ပဲခူးရိုးမအတွင်းမှ ထိုင်တော်မူဘုရားကို ပြန်လည်ပင့်ဆောင်လာခဲ့ပြီး ရပ်တော်မူဘုရားအား ပေါင်နှံထားသည့် မဲဆောက်သို့သွားရောက်ကာ စုံစမ်းမှုများ ပြုလုပ်ခဲ့ကာ ဘုရားပြန်လည်ပင့်ဆောင်နိုင်ရန် အချိန်ယူစောင့်ကြည့်ခဲ့ရာ ဒီဇင်ဘာ ၇ ရက်က ပြန်လည်ပင့်ဆောင်နိုင်ခဲ့ကြောင်း သိရသည်။

“တစ်ဆူကတော့ ပဲခူးရိုးမတောထဲမှာ ထားခဲ့တာပါ။ ရပ်တော်မူဘုရားကတော့ နယ်စပ်မြို့လေးမှာ သွားရောက်သိမ်းဆည်းခဲ့ရတာမို့ အခက်အခဲတွေကတော့ ရှိခဲ့ပါတယ်။ ဘုရားတွေကို သူ့ကိန်းဝပ်စံပယ်ရာကျောင်းတော်ဆီ ပြန်လည်ပို့ဆောင်ခဲ့ပါပြီ။ နယ်တွေက ဘုန်းကြီးကျောင်းတွေမှာ ရှေးဟောင်းဘုရားခိုးတာတွေ မကြာခဏဖြစ်ပွားနေလို့ ကျေးရွာတွေ အနေနဲ့ သတိထား စောင့်ကြည့်ဖို့လိုပါတယ်” ဟု တိုင်းရဲတပ်ဖွဲ့မှူးရုံးမှ ရဲအုပ်ရဲဝင်းက ပြောကြားသည်။

ယင်းဘုရားနှစ်ဆူအနက် ရပ်တော်မူ ဘုရားသည် နှစ်ပေါင်း ၁၅၀ ကျော်သက်တမ်းရှိကြောင်း သိရသည်။

ဘုရားခိုးယူသူမှာ လေးဦးဖြစ်ပြီး တစ်ဦးကိုသာ ဖမ်းဆီးရမိထားရာ ဖမ်းမိထားသည့် အေးကို (ခ) အုန်းခင်ကို ငါ့သရောက်နယ်မြေ ရဲစခန်းတွင် (ပ) ၁၆/၂၀၁၇ ရာဇသတ်ကြီးပုဒ်မ ၃၈၀/၂၉၅ ဖြင့် အမှုဖွင့်ထားကြောင်း သိရသည်။

သြဂုတ် ၂၅ ရက်ကလည်း မြင်းခြံမြို့နယ် ယုန်တိုးကျေးရွာရှိ ရွာဦးမြသိန်းတန်ကျောင်းတိုက်အတွင်း ကိန်းဝပ်စံပယ်လျက်ရှိသော အင်းဝခေတ်လက်ရာ ဥာဏ်တော် ခုနစ်ပေနှင့် သုံးလက်မရှိ ရှေးဟောင်းမံဘုရားဆင်းတုတော် ပျောက်ဆုံးမှုကိုလည်း တိုင်းအကူတပ်ဖွဲ့မှပင် ပြန်လည်ရှာဖွေ တွေ့ရှိခဲ့ကြောင်း သိရသည်။