မန္တလေးမြို့တွင် သေနတ်ပစ်ခတ်မှုကြောင့် တစ်ဦးသေဆုံးသည့် ဖြစ်စဉ်မှာ ဘဏ်မှထွက်လာသော ဇနီးမောင်နှံထံမှ ငွေလုရန် ကြိုးစားရင်း သေနတ်ဖြင့် ပစ်ခတ်သေဆုံးမှု ဖြစ်ကြောင်း ရဲတပ်ဖွဲ့ပြောကြား

သေနတ်ဖြင့် ပစ်ခတ်လုပ်ကြံသူအား သြဂုတ် ၁၃ ရက်က အောင်ပင်လယ်ရဲစခန်းတွင် စစ်ဆေးမှုများ ပြုလုပ်ပြီးနောက် ဖမ်းဆီးခေါ်ဆောင်လာစဉ်

ချမ်းမြသာစည်မြို့နယ် ထွန်တုံးရပ်ကွက်တွင် အမျိုးသားနှစ်ဦးက လင်မယားနှစ်ဦးအား သေနတ်ဖြင့် ပစ်ခတ်ခဲ့မှုကြောင့် အမျိုးသမီး တစ်ဦးသေဆုံးမှု သြဂုတ် ၁၃ ရက် နံနက် ၁၁ နာရီကျော်က ဖြစ်ပွားခဲ့သည့် ဖြစ်စဉ်မှာ ဘဏ်ကထွက်လာသောကြောင့် ငွေလုယူရန် ကြိုးစားရင်း သေနတ်ပစ်ခတ်မှု ဖြစ်ပွားခြင်း ဖြစ်သည်ဟု လတ်တလော စစ်ဆေးချက်များအရ သိရကြောင်း မန္တလေးခရိုင် ရဲတပ်ဖွဲ့မှူးက ပြောကြားသည်။

“လတ်တလော စစ်ဆေးချက်အရတော့ လင်မယား နှစ်ယောက်က ဘဏ်ထဲက ထွက်လာတော့ ပိုက်ဆံပါလာမယ်ထင်ပြီး လုယူဖို့ လုပ်ရင်းကနေ သေနတ်ပစ်ခတ်မှု ဖြစ်ပွားတယ်လို့ သိရတယ်။ ဘဏ်ကအထွက် ခပ်လှမ်းလှမ်းကနေ ပါလာတာပါ။ သေနတ် ဘယ်ကရတယ် ဆိုတာတွေ၊ လူငှားသတ်ခိုင်းတယ် ဆိုတာတွေကတော့ စစ်ဆေးနေတုန်းမို့ ဘာမှပြောလို့ မရသေးပါဘူး။ ကနဦး စစ်ဆေးချက်အရ သေနတ်ပစ်တဲ့သူက တစ်ယောက်တည်းပါ” ဟု မန္တလေးခရိုင် ရဲတပ်ဖွဲ့မှူး ဒုရဲမှူးကြီး မျိုးအောင်က အမှုနှင့် ပတ်သက်ပြီး ပြောကြားသည်။

ချမ်းမြသာစည်မြို့နယ်၊ ၅၅ လမ်း၊ နှင်းဆီလမ်းနှင့် ရွာလယ်လမ်းမကြီးကြား၊ ထွန်တုံးရပ်ကွက်တွင် ဆိုင်ကယ်စီးလာသည့် လင်မယားနှစ်ဦးကို အခြားဆိုင်ကယ်တစ်စီးမှ ဆိုင်ကယ်ချင်း ၀င်တိုက်ခဲ့ကြောင်း၊ ဆိုင်ကယ်များ လဲကျသွားသည့်နောက်မှ သေနတ်ဖြင့် ပစ်ခတ်ခဲ့ပြီး ခြေကျင်ထွက်ပြေး လာခဲ့ကြောင်း၊ ထို့နောက် အနီးနားရှိ ဆိုင်တစ်ဆိုင်ထဲမှ ထွက်လာသည့် ဆိုင်ကယ်ကို လုယူခဲ့ရာ မရရှိခဲ့ဘဲ ၅၅ လမ်းပေါ်ရှိ ဆိုင်ကယ်၊ ကားများကို သေနတ်ပြ တားဆီးခဲ့ကြောင်း၊ ခွေးဘီလူးကား တစ်စီးကို တားမြစ်ရာတွင် ရုန်းရင်းဆန်ခတ် ဖြစ်ပွားခဲ့ပြီး သေနတ်ပစ်ခဲ့သော်လည်း ကျည်ထွက်ခဲ့ခြင်း မရှိဘဲ အနီးဝန်းကျင်မှ ၀ိုင်းဝန်းဖမ်းဆီး ခဲ့ခြင်းကြောင့် သေနတ်ပစ်ခတ်သူကို ၅၅ လမ်းနှင့် မနော်ဟရီလမ်းပေါ်တွင် ဖမ်းဆီးရမိခဲ့ခြင်း ဖြစ်သည်ဟု အဆိုပါ ရပ်ကွက်မှ မျက်မြင်တွေ့ရှိခဲ့သူများထံမှ သတင်းရရှိသည်။

သေနတ်ပစ်ခံခဲ့ရသည့် ဇနီးမောင်နှံဖြစ်သည့် လီလျှီစွမ်းခေါ် ကိုဇော်လင်းနှင့် ဟောလောက်ဖိန်တို့သည် ချမ်းမြသာစည်မြို့နယ် ခတ္တာလမ်းနှင့် ဂန္ဓာလမ်းကြား၊ ၅၅ လမ်း နှင့် ၅၆ လမ်းကြား A23 တွင် ခေါင်ရည်ဆိုင်ဖွင့်ထားပြီး တားမိုးညဲ ကွတ်ခိုင်ဇာတိ ဖြစ်ကြောင်း သိရသည်။

လတ်တလော စစ်ဆေးချက်များအရ ဖမ်းမိထားသည့် ကျူးလွန်သူတစ်ဦးမှာ မန္တလေးမြို့ ပုသိမ်ကြီးမြို့နယ် အုန်းချောကျေးရွာမှ ပန်းရံလုပ်ကိုင်သူ တစ်ဦးဖြစ်ပြီး ရှမ်းဓနု လူမျိုးဖြစ်ကြောင်း ထွန်တုံးရပ်ကွက် အုပ်ချုပ်ရေးမှူး ဦးကံလှိုင်က ပြောကြားသည်။

သေနတ်ဖြင့် ပစ်ခံရသူ နှစ်ဦးအနက် အမျိုးသမီးမှာ ဆေးရုံတွင် သေဆုံးခဲ့ကြောင်း သိရပြီး အမျိုးသားမှာမူ ကုသမှုခံယူနေရဆဲ ဖြစ်ကြောင်း၊ ဖမ်းမိတရားခံကို အောင်ပင်လယ်  ရဲစခန်းတွင် စစ်ဆေးမှုများ ပြုလုပ်ပြီး အခြားနေရာသို့ ပြောင်းရွှေ့ထားကြောင်း သိရသည်။

မန္တလေးမြို့တွင် ၂၀၁၇ ခုနှစ်က ဖြစ်ပွားခဲ့သည့် ပြည်ကြီးတံခွန်မြို့နယ် ကျန်စစ်သားလမ်းပေါ် ဆိုင်ကယ်ဖြင့် သွားနေသူတစ်ဦး သေနတ်ထိမှန် သေဆုံးမှုမှာလည်း ပေါ်ပေါက်ခြင်း မရှိသေးပေ။

 

မန္တလေးတွင် နေ့ခင်းကြောင်တောင် သေနတ်ဖြင့် ပစ်ခတ်မှုဖြစ်ပွားပြီး အမျိုးသမီးတစ်ဦး သေဆုံး

မန္တလေးတိုင်းဒေသကြီး၊ ချမ်းမြသာစည်​မြို့နယ်​ ထွန်​တုံးရပ်​ကွက်​တွင်​ ​အမျိုးသားနှစ်​ဦးမှ ​လူနှစ်ဦးအားေ​သနတ်​ဖြင့်​ ပစ်​ခတ်​ခဲ့မှု​ကြောင့်​ အမျိုးသမီးတစ်​ဦး​ သေဆုံးမှု သြဂုတ်​လ ၁၃ ရက်​ နံနက်​ ၁၁ နာရီ​ကျော်​က ဖြစ်​ပွားခဲ့​ကြောင်း သတင်းရရှိသည်​။

ချမ်းမြသာစည်​မြို့နယ်​၊ ၅၅လမ်း၊ နှင်းဆီလမ်းနှင့်​ ရွာလယ်​လမ်းမကြီးကြား၊ ထွန်​တုံးရပ်​ကွက်​တွင်​ ဆိုင်​ကယ်​တစ်​စီးထဲစီးလာသည့်​ အမျိုးသား တစ်​ဦးနှင့် အမျိုးသမီး တစ်​ဦးကို ဆိုင်​ကယ်​စီးလာသည့်​ အမျိုးသားနှစ်​ဦးမှ ​သေနတ်​ဖြင့်​ ပစ်​ခတ်ခဲ့ပြီး​နောက်​ ​တစ်​ဦးမှာ ​ခြေလျင်​ထွက်​​ပြေး လာခဲ့​ကြောင်း၊ ထို့​နောက်​ အနီးနားရှိ ဆိုင်ထဲမှ ထွက်​လာသည့်​ ဆိုင်​ကယ်​ကို လုယူခဲ့​ရာ မရရှိခဲ့ဘဲ ၅၅ လမ်း​ပေါ်ရှိ ဆိုင်​ကယ်​၊ ကားများကို ​သေနတ်​ပြ တားဆီးခဲ့​ရာ ရုန်းရင်းဆန်​ခတ်​ ဖြစ်​ပွားခဲ့ပြီး ​သေနတ်​ပစ်​ခဲ့​သော်​လည်း ကျည်​ထွက်​ခဲ့ခြင်း မရှိဘဲ ​အနီးဝန်းကျင်မှ ၀ိုင်းဝန်းဖမ်းဆီးခဲ့ခြင်း​ကြောင့်​ တစ်​ဦးကို ဖမ်းဆီးရမိခဲ့ခြင်း ဖြစ်​သည်​ဟု အဆိုပါရပ်​ကွက်​မှ မျက်​မြင်​​တွေ့ခဲ့သူကို​ကျော်​စိုးမင်းက ဆိုသည်​။

သေနတ်​ဖြင့်​ ပစ်​ခံရသူ နှစ်​ဦးအနက်​ အမျိုးသမီးမှာမူ​​ ဆေးရုံတွင်​ သေဆုံးခဲ့​ကြောင်း သိရပြီး အမျိုးသားမှာမူ ကုသမှုခံယူ​နေရဆဲ ဖြစ်​​ကြောင်း၊ ဖမ်းမိတရားခံကို ​​အောင်ပင်လယ်ရဲစခန်းတွင် ​​​​​စုံစမ်းစစ်​​ဆေးမှုများ ပြုလုပ်​​နေကြောင်း ရဲတပ်​ဖွဲ့ထံမှ သိရသည်​။

မန္တလေးတက္ကသိုလ်တွင် လူငယ်ဘက်စုံ ဖွံ့ ဖြိုးရေးပွဲတော် ကျင်းပပြီး နိုင်ငံတော်၏ အတိုင်ပင်ခံပုဂ္ဂိုလ်နှင့် လူငယ်များ၏ စာပေစကားဝိုင်း ဘွဲ့နှင်းသဘင်ခန်းမ၌ ပြုလုပ်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဧည့်သည်တော်များ၊ ကျောင်းသားကျောင်းသူများ၊ လူငယ်ဆိုင်ရာ အဖွဲ့အစည်းများမှ လူငယ်များ မန္တလေးတက္ကသိုလ် ပင်မဆောင်ရှေ့တွင် အမှတ်တရဓာတ်ပုံ ရိုက်ကူးစဉ် (ဓာတ်ပုံ-ဌေးလှအောင်)

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် လူငယ်များ၏ စာပေစကားဝိုင်း မန္တလေးတက္ကသိုလ် ဘွဲ့နှင်းသဘင်ခန်းမအတွင်း ပြုလုပ်စဉ်

သုံးရက်ကြာ ပြုလုပ်မည့် လူငယ်ဘက်စုံ ဖွံ့ဖြိုးရေးပွဲတော်ကို မန္တလေးတက္ကသိုလ် အတွင်း၌ သြဂုတ် ၁၁ ရက် နံနက် ၈ နာရီတွင် စတင်ဖွင့်လှစ်ပြီးနောက် ဖွင့်ပွဲအပြီးတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် လူငယ်များ၏ စာပေစကားဝိုင်းကို မန္တလေးတက္ကသိုလ် ဘွဲ့နှင်းသဘင် ခန်းမအတွင်း ဆက်လက်ပြုလုပ်ခဲ့သည်။

မန္တလေးတက္ကသိုလ်တွင် ပြုလုပ်လျက်ရှိသည့် လူငယ်ဘက်စုံ ဖွံ့ဖြိုးရေးပွဲတော်နှင့် တက္ကသိုလ် ဘွဲ့နှင်းသဘင် ခန်းမအတွင်း ပြုလုပ်သည့် စာပေစကားဝိုင်းသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပြည်ထောင်စု အစိုးရအဖွဲ့ ၀န်ကြီးများ၊ မန္တလေးတိုင်းဒေသကြီး အစိုးရအဖွဲ့ ၀န်ကြီးချုပ် ဒေါက်တာဇော်မြင့်မောင်နှင့် အစိုးရအဖွဲ့ဝန်ကြီးများ၊ တက္ကသိုလ်၊ ကောလိပ်အသီးသီးမှ ကျောင်းသား ကျောင်းသူများ၊ ဆရာ ဆရာမ များနှင့် ဖိတ်ကြားထားသည့် ဧည့်သည်တော်များ တက်ရောက်ခဲ့ကြသည်။

မန္တလေးတက္ကသိုလ် ဘွဲ့နှင်းသဘင် ခန်းမတွင် ပြုလုပ်သည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် လူငယ်များ၏ စာပေစကားဝိုင်းတွင် တက္ကသိုလ်၊ ကောလိပ်အသီးသီးတို့မှ ကျောင်းသူ ကျောင်းသား ၂၀ က တက်ရောက် ဆွေးနွေးခဲ့ကြသည်။ အဆိုပါ စာပေစကားဝိုင်း မစတင်မီ အချိန်တွင် တက္ကသိုလ်၊ ကောလိပ်အသီးသီးမှ ထူးချွန်ဆုရ ကျောင်းသူ ကျောင်းသားများကို နိုင်ငံတော်၏ အတိုင်ပင်ခံပုဂ္ဂိုလ်၊ နယ်စပ်ရေးရာ ပြည်ထောင်စုဝန်ကြီး၊ တိုင်းဒေသကြီး ၀န်ကြီးချုပ်တို့က ဆုများအသီးသီး ချီးမြှင့်ပေးခဲ့ကြသည်။

အဆိုပါ စာပေစကားဝိုင်းတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အဖွင့်အမှာစကား ပြောကြားကာ စာပေနှင့် ပတ်သက်သည့် အကြောင်းအရာများ၊ ပညာရေးနှင့် ပတ်သက်သည့် အကြောင်းအရာများကို ထည့်သွင်းပြောကြားခဲ့သည်။ ၎င်းနောက် စာပေစကားဝိုင်းသို့ ပါဝင်ဆွေးနွေးကြမည့် ကျောင်းသူ ကျောင်းသားများက ယင်းတို့ဖတ်ရှုလေ့လာထားသည့် စာပေအကြောင်းအရာများကို ဆွေးနွေးခဲ့ရာ နိုင်ငံတော်၏ အတိုင်ပင်ခံပုဂ္ဂိုလ်က ပြန်လည်ဆွေးနွေးမှုများ ပြုလုပ်ခဲ့သည်။

အဆိုပါ စကားဝိုင်းတွင် ကျောင်းသူတစ်ဦးက ကျောင်းသား အများစုမှာ ဂိမ်းဆိုင်များတွင် အချိန်ကုန်ကာ ကျောင်းပညာရေး ထိခိုက်မှုများ ရှိနေသဖြင့် ဂိမ်းဆိုင်များကို အခွန်အခများစွာ ကောက်ခံ၍ ထိန်းချုပ်သင့် ကြောင်းနှင့် ဂိမ်းဆိုင်များကို မည်သို့ထိန်းချုပ်နိုင်မည်လဲဟု မေးမြန်းရာ နိုင်ငံတော်၏ အတိုင်ပင်ခံပုဂ္ဂိုလ်က “ဂိမ်းကစားတာဟာ စိတ်ရောဂါ တစ်မျိုးပဲဆိုပြီး ဖွံ့ဖြိုးဆဲနိုင်ငံတွေမှာ သတ်မှတ်ကြတယ်။ အထူးသဖြင့် လူငယ်တွေမှာ ဂိမ်းစွဲသွားလို့ရှိရင် တခြားဘာမှ လုပ်လို့မရတော့ဘူး။ စာမကျက်လို့ ဂိမ်းဆိုင်ထဲရောက်တာ မဟုတ်ဘူး။ ဂိမ်းစွဲသွားလို့ရှိရင် အရက်စွဲသလို လောင်းကစားစွဲသလို မူးယစ်ဆေးဝါး စွဲသလိုပဲ။ ဖွံ့ဖြိုးတဲ့ နိုင်ငံတွေ ချမ်းသာတဲ့ နိုင်ငံတွေမှာဆို ဒါကိုစိတ်ပိုင်းဆိုင်ရာ ဆရာဝန်တွေနဲ့ ကုယူတယ်။ ကျွန်မတို့ နိုင်ငံမှာတော့ ဒီလိုလုပ်ဖို့ ခက်ပါတယ်။ နောက်ပြီး ဂိမ်းဆိုင်တွေနဲ့ ပတ်သက်လို့ ဘယ်လိုကိုင်တွယ်မလဲဆိုတာ အဘက်ဘက်က စဉ်းစားရတယ်။ တစ်ဖက်ကလည်း ဒါဟာစီးပွားရေး တစ်မျိုးပဲ။ ပြီးတော့ ခေတ်ရဲ့ ရေစီးကြောင်းတစ်မျိုး ဖြစ်တာကြောင့် ခေတ်ရဲ့ရေစီးကြောင်းကို ဆန့်ကျင်ပြီး သွားလို့မဖြစ်ဘူး။ နောက်တစ်ပိုင်းကတော့ စီးပွားရေး သမားတွေ ရဲ့ စီးပွားရေး အခွင့်အလမ်းတွေကိုလည်း မဆင်မခြင်နဲ့ ပိတ်ပင်လို့ မဖြစ်ဘူး။ အစိုးရတစ်ခုကနေပြီးတော့ စည်းမျဉ်းစည်းကမ်းဥပဒေ ထုတ်တယ်ဆိုတာ အဘက်ဘက်က ကြည့်ရတယ်။ တစ်ခုတည်းပဲ ကြည့်လို့မရဘူး” ဟု ပြန်လည်ဖြေကြားသည်။

ထို့ပြင် နိုင်ငံ၏ ရသစာပေ၊ သုတစာပေ အစရှိသည့် စာပေလောက ဖွံ့ဖြိုးတိုးတက်လာစေရန်နှင့် ပြည်သူနှင့် စာပေ ရင်းနှီးကျွမ်းဝင်ကာ ပြည်သူလူထုက ကုန်ကျစရိတ် သက်သာစွာဖြင့် စာပေကို ဖတ်ရှုလေ့လာရန် အတွက်မှာ အစိုးတစ်ခုတည်း လုပ်ပေး၍ မရနိုင်ဘဲ ပုဂ္ဂလိကပိုင်းမှပါ ပါဝင်ကူညီရန် လိုအပ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ထည့်သွင်း ပြောကြားခဲ့သည်။

လူငယ်များ ဘက်စုံဖွံ့ဖြိုးရေးအတွက် ပူးပေါင်းဆောင်ရွက်လိုစိတ်နှင့် ကိုယ့်အားကိုယ်ကိုးကြရန် နိုင်ငံတော်၏ အတိုင်ပင်ခံပုဂ္ဂိုလ် တိုက်တွန်း

ဓာတ်ပုံ – ဌေးလှအောင်

မန္တလေးတက္ကသိုလ်ဝင်းအတွင်း သြဂုတ် ၁၁ ရက်မှ ၁၃ ရက်အထိ သုံးရက်တိုင် ပြုလုပ်မည့် လူငယ်ဘက်စုံ ဖွံ့ဖြိုးရေးပွဲတော် ဖွင့်ပွဲအခမ်းအနားကို သြဂုတ် ၁၁ ရက် နံနက် ၈ နာရီက ပြုလုပ်ခဲ့ပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် လူငယ်များ စာပေစကားဝိုင်းကို စတင်ပြုလုပ်ခဲ့ကြောင်း သိရသည်။

အသိပညာ၊ အတတ်ပညာနှင့် ကျင့်ဝတ်တန်ဖိုးများ မြှင့်တင်ပေးနိုင်ရန် ရည်ရွယ်ချက်ဖြင့် ကျင်းပပြုလုပ်သည့် လူငယ်ဘက်စုံ ဖွံ့ဖြိုးရေးပွဲတော် ဖွင့်ပွဲအခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “လူငယ်ဘက်စုံ ဖွံ့ဖြိုးတိုးတက်ရေး ပွဲတော်ရဲ့ရည်ရွယ်ချက်ကတော့ ကျွန်မတို့ အနာဂတ်အတွက် ပိုပြီးတော့ ခိုင်မာအောင်လို့ပဲ ဖြစ်ပါတယ်။ လူငယ်တွေကို ပြုစုပျိုးထောင်တယ်ဆိုတာ အနာဂတ်ကို ဦးတည်လုပ်ရတာပါ။ လူငယ်တွေက အတွေးအခေါ်ဘက်ကို အားသန်မှ လူကြီးဖြစ်လာတဲ့အခါ အတွေ့အကြုံနဲ့ပေါင်းပြီး တန်ဖိုးရှိတဲ့လူတွေ ဖြစ်နိုင်မှာပါ။ ဒါပေမဲ့ ကျွန်မပြောချင်တာက လူကြီးနဲ့ လူငယ် ပူးပေါင်းဆောင်ရွက်မှ အောင်မြင်နိုင်မှာပါ။ လူကြီးတွေချည်းပဲ တော်တယ်လို့ ပြောလို့မရဘူး။ လူငယ်တွေချည်းပဲ ကောင်းတယ်လို့ ပြောလို့မရဘူး။ ကောင်းတဲ့လူကြီးလည်း ရှိတယ်။ ဆိုးတဲ့လူကြီးလည်း ရှိတယ်။ ကောင်းတဲ့ လူငယ်လည်း ရှိတယ်။ ဆိုးတဲ့လူငယ်လည်း ရှိတယ်။ အမျိုးမျိုးပေါ့။ ဒါပေမဲ့ လူငယ်တွေကို ပြုပြင်ပေးဖို့ ပိုပြီးတော့တိုးတက်အောင် ပြုလုပ်ပေးဖို့ လူကြီးတွေရဲ့ တာဝန်ဖြစ်တယ်။ ဒါဟာ တာဝန်ဖြစ်ရုံတင်မကဘဲ အခွင့်အရေး တစ်ခုလည်းဖြစ်တယ်” ဟု ပြောကြားခဲ့သည်။

“ကျွန်မတို့မှာ ဘာကြောင့် စုပေါင်းပြီး ညီညီညွတ်ညွတ်နဲ့ လုပ်ကိုင်နိုင်တဲ့ အခြေအနေတွေဟာ အားနည်းနေသလဲ။ ဒါတွေကို ကျွန်မတို့က ကြည့်ရမှာ။ ငါဘာလို့ ခေါင်းဆောင် မဖြစ်ရပါလိမ့်ဆိုတာ စဉ်းစားနေရမှာ မဟုတ်ဘူး။ ဒါကြောင့် လူငယ်များ ဘက်စုံဖွံ့ဖြိုး တိုးတက်ချင်လို့ရှိရင် ပူးပေါင်းဆောင်ရွက်ခြင်း၊ ပူးပေါင်းဆောင်ရွက်ခြင်းရဲ့ ရလဒ်တစ်ခုက မိတ်ဆွေကောင်းတွေရခြင်းပဲ။ ပူးပေါင်းဆောင်ရွက်ပြီး အတူလုပ်ခဲ့တဲ့ မိတ်ဆွေများဟာ မိသားစု အရင်းအချာထက်တောင် ပိုပြီးတော့ နီးစပ်တယ်။ ပိုပြီးတော့ အားကိုးရတယ်။ ပိုပြီးတော့ တန်ဖိုးရှိတယ်။ ကိုယ့်အပေါ်မှာလည်း ပိုပြီးတော့ နားလည်မှုပေးတယ်။ ဒါကြောင့် လူငယ်များ မိတ်ဆွေကောင်း ရနိုင်ဖို့အတွက် အဲဒီလို အရည်အချင်းတွေ ပြုစုပျိုးထောင်ပါလို့ ကျွန်မက တိုက်တွန်းချင်ပါတယ်။ ဒါပေမဲ့ ကိုယ်က မိတ်ဆွေကောင်းရဖို့ ကိုယ်ကိုယ်တိုင်က မိတ်ဆွေကောင်း တစ်ဦးရဲ့ အရည်အချင်းတွေနဲ့ ပြည့်စုံမှဖြစ်မယ်။ တစ်ဖက်သတ်နဲ့တော့ မရနိုင်ဘူး။ ကိုယ်ကချည်းယူမယ်။ ကျန်တဲ့သူတွေက ပေးဆိုတာတော့ ဘယ်လိုမှ မဖြစ်နိုင်ပါဘူး။ ဒါကြောင့် လူငယ်များ ဘက်စုံဖွံ့ဖြိုးဖို့ ကိုယ့်ဘာသာကိုယ် လုပ်ယူပါ။ ကိုယ့်အားကိုယ်ကိုးပါ။ ပြီးတော့ ပူးပေါင်းဆောင်ရွက်တဲ့စိတ်ရှိပါ။ နောက်ပြီး လူငယ်ဘက်စုံ ဖွံ့ဖြိုးတိုးတက်ရေးလုပ်တဲ့ အခါမှာ ဘက်စုံဆိုတဲ့ စကားကို အလေးထားပြီး စဉ်းစားစေချင်ပါတယ်။ ဘက်စုံအောင် ဘာတွေလိုအပ်မလဲ။ ရုပ်ပိုင်းဆိုင်ရာ၊ ဦးနှောက်ပိုင်းဆိုင်ရာ၊ စိတ်ပိုင်းဆိုင်ရာပြီးတော့ လူမူရေးအရ ခင်မင်မှု မိတ်ဆွေပိုင်းဆိုင်ရာ ကိစ္စရပ်တွေ အားလုံးနဲ့ ပြည့်စုံမယ် ဆိုလို့ရှိရင် ကျွန်မတို့ရဲ့ လူငယ်များဟာ နိုင်ငံရဲ့ အကျိုးတင်မကဘဲ ကမ္ဘာတစ်ခုလုံးပေါ် နေထိုင်တဲ့ လူသားများ အကျိုးကို ထမ်းဆောင်နိုင်တဲ့ ပြီးပြည့်စုံတဲ့ လူသားကောင်းတွေ ဖြစ်လာမှာပါ။ အဲလိုဖြစ်လာမယ် ဆိုလို့ရှိရင် ကျွန်မတို့နိုင်ငံ ဖွံ့ဖြိုးတိုးတက်လာမယ် ဆိုတာကိုတော့ ထူးထူးထွေထွေ ပြောနေစရာ မလိုတော့ပါဘူး” ဟု လူငယ်ဘက်စုံ ဖွံ့ဖြိုးရေးပွဲတော် ဖွင့်ပွဲအခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဆက်လက် ပြောကြားခဲ့သည်။

အဆိုပါပွဲတော်တွင် ပညာရေးကဏ္ဍ၌ မိဘများ လွဲမှားစွာ ပြိုင်ဆိုင်မှုများ ရှိနေခြင်းနှင့် ပတ်သက်၍ နိုင်ငံတော်၏ အတိုင်ပင်ခံပုဂ္ဂိုလ်က “ကလေးတွေက စကတည်းက ပြိုင်ဆိုင်တဲ့ စိတ်ဓာတ်တွေနဲ့ သူ့လွယ်အိတ်ကလှတယ်။ သူ့ကော်မာဘူးက သာတယ်နဲ့ ဒီလိုအရေးမကြီးတဲ့ ဟာတွေအတွက် ပြိုင်ဆိုင်တာတွေ ပေါ်လာတယ်။ အဲဒါတွေကိုတော့ မိဘတွေက ဆင်ခြင်သင့်ပါတယ်။ မိဘတွေက ဒါတွေကို အားမပေးသင့်ပါဘူး။ ကလေးတွေကိုလည်း ဒီဟာတွေက အပေါ်ယံပဲ အနှစ်သာရ မရှိဘူး။ ဒါတွေက အဓိကကျတာ မဟုတ်ဘဲ သာမညတွေပဲ ဆိုတာကို သဘောပေါက်အောင်လို့လည်း လုပ်ပေးရမယ်” ဟု ပြောကြားသည်။

ထို့ပြင် ကလေးငယ်များအား ကမ္ဘာကြီးနှင့် ယှဉ်နိုင်ရန် ပညာသင်ကြားပေးရမည်ဖြစ်ပြီး ယင်းပညာရေးစနစ်မှာ နိုင်ငံသူ နိုင်ငံသားကို ကမ္ဘာ့အလယ်တွင် ဂုဏ်သိက္ခာရှိရှိ ရပ်တည်နိုင်စေရန် ဦးတည်နိုင်သော ပညာရေးစနစ် ဖြစ်ရမည်ဖြစ်ပြီး မိမိတို့ပြည်သူများမှာ ယင်းသို့ မှန်ကန်ကောင်းမွန်သော ပညာရေးစနစ် အခွင့်အရေးသာ ရရှိပါက လွန်စွာထူးချွန်နိုင်မည်ဟု ယုံကြည်ကြောင်း ဒေါ်အောင်ဆန်းစုကြည်က ပြောကြားသွားခဲ့သည်။

ယင်းသို့ သုံးရက်ကြာ ကျင်းပနေသည့် လူငယ်ဘက်စုံ ဖွံ့ဖြိုးရေးပွဲတော်နှင့် ပတ်သက်၍ တိုင်းဒေသကြီး အတွင်းရှိ လူငယ်အဖွဲ့အစည်း ၁၂ ခုက ကန့်ကွက်သည့် သဘောထား ကြေညာချက် ထုတ်ပြန်ခဲ့ပြီး နိုင်ငံတော်၏ အတိုင်ပင်ခံပုဂ္ဂိုလ်နှင့် လူငယ်ရေးရာကိစ္စရပ်များ ဆွေးနွေးပြောဆိုရန် လူငယ်များရွေးချယ်ရာတွင် အလွှာအသီးသီး၊ ကဏ္ဍအသီးသီးမှ လူငယ်များကို ထည့်သွင်းခြင်း မရှိခြင်း၊ ပွဲတော်တွင် ၀န်ကြီးဌာနများ၏ ပြခန်းများ၊ အရောင်းဆိုင် အများအပြား တွေ့ရှိရသော်လည်း လူငယ်အဖွဲ့အစည်းများ၏ လှုပ်ရှားမှုပုံရိပ်များကို မတွေ့ရှိရသည်မှာ လွန်စွာဝမ်းနည်းမိပြီး တာဝန်ရှိသူများ၏ စီစဉ်ဆောင်ရွက်မှုများကို မေးခွန်းထုတ်စရာ ဖြစ်ကြောင်း ထုတ်ပြန်ထားသည်။ ထို့ပြင် လူငယ်ဘက်စုံ ဖွံ့ဖြိုးရေးပွဲတော်တွင် အလွှာအသီးသီးမှ လူငယ်အဖွဲ့အစည်းများကို အသိအမှတ်မပြု လျစ်လျူရှုခြင်း၊ ပွဲစီစဉ်ရာတွင် ပွင့်လင်းမြင်သာမှုမရှိခြင်း စသည့်အချက်များကြောင့် ပွဲတာဝန်ရှိသူများကို လူငယ်အဖွဲ့အစည်းများက ကန့်ကွက်ရှုတ်ချပါသည်ဟု ဖော်ပြထားသည်။

 

ရတနာပုံခေတ်လက်ရာ ရွှေနန်းတော်ကျောင်း၏ ဘေးဝရန်တာများ ပြုပြင်ထိန်းသိမ်းလျက်ရှိပြီး ပြုပြင်ထိန်းသိမ်းမှု ရာခိုင်နှုန်း ၅၀ ကျော် ပြီးစီး

ပြုပြင်ထိန်းသိမ်းလျက်ရှိသော ရတနာပုံခေတ်လက်ရာ ရွှေနန်းတော်ကျောင်းကို တွေ့ရစဉ်

မန္တလေးမြို့ အောင်မြေသာစံမြို့နယ်ရှိ ရတနာပုံခေတ်နှောင်းပိုင်း လက်ရာတစ်ခုဖြစ်သည့် ရွှေနန်းတော်ကျောင်း မူလလက်ရာမပျက် ပြုပြင်ထိန်းသိမ်းခြင်းလုပ်ငန်း ဒုတိယပိုင်း စီမံကိန်း ပြန်လည်စတင်ရာတွင် ရှေးဟောင်းသုတေသန ဦးစီးဌာနနှင့် WMF (ကမ္ဘာ့အဆောက်အအုံများ ရန်ပုံငွေအဖွဲ့) တို့အကြား ညှိနှိုင်းမှု အားနည်းခြင်းနှင့် သဘောထား ကွဲလွဲခြင်းတို့ကြောင့် လုပ်ငန်းပိုင်းဆိုင်ရာ ကြန့်ကြာမှုများ ဖြစ်ပေါ်ခဲ့ပြီးနောက် လက်ရှိတွင် ညှိနှိုင်းဆွေးနွေးမှု အဆင်ပြေခဲ့ပြီး ကျောင်းဆောင်၏ တောင်ဘက်ခြမ်းရှိ ၀ရန်တာများကို ပြုပြင်ထိန်းသိမ်းလျက်ရှိကာ ကျောင်းဆောင် တစ်ခုလုံး၏ ပြုပြင် ထိန်းသိမ်းမှု ရာခိုင်နှုန်းမှာ ၅၀ ရာခိုင်နှုန်းကျော် ပြီးစီးပြီဖြစ်ကြောင်း WMF မှ Program Director Mr.Jeffery Allen က ပြောကြားသည်။

“ပြုပြင်ထိန်းသိမ်းမှု အပိုင်းတွေ အားလုံးဟာ နိုင်ငံတကာအဆင့်မီ ထိန်းသိမ်းတာဖြစ်သလို ကုန်းဘောင်ခေတ်က မူလလက်ရာအတိုင်း ပြုပြင်ထိန်းသိမ်းနေတာ ဖြစ်ပါတယ်။ ကျွန်တော်တို့ လုပ်ငန်းတွေကတော့ လက်ရှိမှာ ကျောင်းဆောင်ရဲ့ တောင်ဘက်အခြမ်းကို ပြုပြင်ထိန်းသိမ်းနေပါတယ်။ ကျောင်းဆောင်ရဲ့ ဘေးဝရန်တာတွေ အားလုံးကို မူလလက်ရာမပျက် ပြုပြင်ထိန်းသိမ်းသွားမှာပါ။ ၀ရန်တာတွေကို ပြုပြင်ထိန်းသိမ်းပြီးသွားရင် ကျောင်းဆောင် ခေါင်မိုးတွေကို ပြုပြင်ထိန်းသိမ်းနိုင်ဖို့ လုပ်ဆောင်သွားမှာပါ။ ပြုပြင်ထိန်းသိမ်းမှုတွေကတော့ ကုန်းဘောင်ခေတ်က မူလလက်ရာအတိုင်း ပြုပြင် ထိန်းသိမ်းသွားမှာပါ” ဟု World Monuments Fund ၏ Program Director Mr.Jeffery Allen က ပြောကြားသည်။

ရွှေနန်းတော်ကျောင်း၏ တောင်ဘက်ဝရန်တာ ပြုပြင်ထိန်းသိမ်းခြင်း၊ အောက်ခြေရှိ နယားရုပ်များကို မူလလက်ရာမပျက် ပြုပြင်ထိန်းသိမ်းခြင်းများ လုပ်ဆောင်လျက်ရှိကာ ကျောင်းဆောင်၏ ဘေးဝရန်တာများ ပြုပြင်ရာတွင် ဆွေးမြေ့နေသည့် တိုင်လုံးနေရာများကို အစားထိုး လဲလှယ်သွားမည်ဖြစ်ကာ ပြန်လည် အသုံးပြုနိုင်သည့် တိုင်လုံးများကို တွဲစပ်၍ ထည့်သွင်းပြုပြင်မည် ဖြစ်ကြောင်း Mr. Jeffery Allen က ပြောကြားသည်။ ထို့ပြင် အဆိုပါ တိုင်လုံးနေရာများကို အစားထိုး လဲလှယ်ရာတွင် အရည်အသွေး ပြည့်မီသည့် ကျွန်းသစ်များဖြင့် အစားထိုးပြုပြင် လဲလှယ်မည်ဖြစ်ကြောင်း သိရသည်။

မန္တလေးမြို့ရှိ ရွှေနန်းတော်ကျောင်းအား နိုင်ငံတကာအဆင့်မီ ပြုပြင်ထိန်းသိမ်းမှုများ လုပ်ဆောင်ရန်အတွက် ယဉ်ကျေးမှုဝန်ကြီးဌာနသို့ အမေရိကန်အစိုးရက ၂၀၁၃ ခုနှစ်တွင် ကမ်းလှမ်းမှုများ ပြုလုပ်ခဲ့သည်။ ယင်းနောက် ၂၀၁၄ ခုနှစ် ဖေဖော်ဝါရီမှ စတင်၍ အမေရိကန်နိုင်ငံအခြေစိုက် World Monuments Fund (ကမ္ဘာ့အဆောက်အအုံများ ရန်ပုံငွေအဖွဲ့) က ရွှေနန်းတော်ကျောင်း၏ ပျက်စီးနေမှု အစိတ်အပိုင်းများအား 3D Laser Scanner ပုံရိပ်ဖမ်းစက်များဖြင့် အသေးစိတ် မှတ်တမ်းများရယူခြင်း၊ သစ်သား ဆွေးမြေ့မှုများ လေ့လာခြင်း၊ ကျောင်းအတွင်း ရေစီးရေလာစနစ်များ လေ့လာခြင်းနှင့် သဘာဝပတ်ဝန်းကျင်ဆိုင်ရာ အချက်အလက်များရယူခြင်း အစရှိသည့် နည်းလမ်းမျိုးစုံဖြင့် လေ့လာမှတ်တမ်း ရယူမှုများနှင့် ကျောင်းဆောင် အနောက်ဘက်ရှိ ပျက်စီးမှုများ ဖြစ်ပေါ်နေသည့် အောက်ခြေကြမ်းခင်းများနှင့် ဘေးဝရန်တာများကို အစားထိုးလဲလှယ်ခြင်း လုပ်ငန်းများကို သုံးနှစ်ကျော် အချိန်ယူ ပြုလုပ်ခဲ့ကြောင်း သိရသည်။

 

လွန်ခဲ့သော အနှစ် ၂၀ ကျော်က ၀ယ်ယူနေထိုင်ခဲ့သော မန္တလေးမြို့ ၆၈ လမ်းရှိ ရဲသိပ္ပံကျောင်း တိုက်ခန်းများကို ဘူဒိုဇာဖြင့်ထိုး၍ ဖျက်သိမ်းမည်ဟု ရဲတပ်ဖွဲ့က နေထိုင်သူများအား ခေါ်ယူအသိပေးခဲ့ပြီး ယနေ့ နံနက်တွင် အင်အားသုံး ဖယ်ရှားမည်ဟု သိရ

မန္တလေးမြို့၊ ချမ်းအေးသာစံမြို့နယ်၊ ၆၈ လမ်း၊၂၈x၂၉ လမ်းကြားရှိ ရဲအရာအရှိ အတတ်သင်ကျောင်း တိုက်ခန်းများတွင် နေထိုင်သူများကို နှစ်ရက်အတွင်း ပြောင်းရွှေ့ကြရန် ရဲတပ်ဖွဲ့က ခေါ်ယူအသိပေးမှု ပြုလုပ်ခဲ့ပြီး ဖယ်ရှားခြင်း မရှိပါက အင်အားသုံး ဆောင်ရွက်မည်ဟု (ယခင်) သင်တန်းကျောင်း ကျောင်းအုပ်ကြီး ရဲမှူးကြီးမင်းအောင်က ပြောကြားခဲ့ကြောင်း သိရသည်။

အဆိုပါ ဖယ်ရှားထွက်ခွာပေးရန် အသိပေးထားသည့် လူနေတိုက်ခန်းများမှာ ၁၉၉၆ ခုနှစ်က ရဲအတတ်သင် သိပ္ပံကျောင်း သက်သာကော်မတီက ဆောက်လုပ်ရေးကုမ္ပဏီအား လုပ်ပိုင်ခွင့်ချထားပေးပြီး ဆောက်လုပ်ရောင်းချခဲ့သည့် လူနေနှစ်ထပ် တိုက်ခန်းများဖြစ်ပြီး လူနေဆိုင်ခန်း ၃၀ ရှိကြောင်း သိရသည်။

“ကျွန်တော်တို့ လိုအပ်လို့ ဒီမြေကိုပြန်ယူမယ်။ ဖျက်မယ်။ အချိန်ကတော့ သိပ်မရပါဘူး။ သောကြာ၊ စနေ နှစ်ရက်ပဲ အချိန်ပေးနိုင်ပါတယ်။ တနင်္ဂနွေနေ့မှာ ဆိုင်ခန်းရှင်များကို အင်အားသုံး ဖယ်ရှားသွားမှာ ဖြစ်ပါတယ်။ အဲဒီတော့ ပြောချင်တာကတော့ မိမိတို့ပစ္စည်းတွေကို အပြီးပြောင်းရွှေ့ထားကြပါ ဆိုတာကို ကြိုတင်ပြီး သတိပေးခြင်း ဖြစ်ပါတယ်” ဟု ယခင် သင်တန်းကျောင်း ကျောင်းအုပ်ကြီး ရဲမှူးကြီး မင်းအောင်က သြဂုတ် ၃ ရက်တွင် ဆိုင်ခန်းရှင်များအား ခေါ်ယူတွေ့ဆုံပွဲတွင် ပြောကြားခဲ့သည်။

“ခြိမ်းခြောက်တာ မဟုတ်ပါဘူး။ ဖမ်းဆီးတာတွေ အရေးယူတာတွေ ပါလာလိမ့်မယ်။ ကျွန်တော်တို့ကို ခုခံတာပဲဖြစ်ဖြစ်၊ မဖယ်တာပဲဖြစ်ဖြစ် ဥပဒေအတိုင်း ဆောင်ရွက်သွားမယ့်အကြောင်း ပြောချင်ပါတယ်။ မဖယ်ရင် ဆွဲထုတ်မှာ ဖြစ်ပါတယ်။ ဘူဒိုဇာနဲ့ထိုးပြီး ဖျက်သိမ်းသွားမယ်” ဟု ဆက်လက်ပြောကြားသည်။

အဆိုပါ လူနေတိုက်ခန်းများကို ဖယ်ရှားပေးရန် ၂၀၁၇ ခုနှစ် မေလအတွင်းက စတင်အသိပေးခဲ့ခြင်း ဖြစ်သော်လည်း နေထိုင်သူများက နိုင်ငံတော်သမ္မတ ဦးဝင်းမြင့်ထံ ဆက်လက်နေထိုင်ခွင့်ရရှိရန် အသနားခံစာ တင်ပြခဲ့ပြီး စိစစ်ဆောင်ရွက်သွားမည်ဟု ပြန်ကြားထားချိန်တွင် ယခုကဲ့သို့ အချိန်နှစ်ရက်အတွင်း ဖယ်ရှားထွက်ခွာရမည် ဟူသောကြောင့် အခက်အခဲ ဖြစ်ပေါ်လျက်ရှိကြောင်း နေထိုင်သူများက သြဂုတ် ၄ ရက်တွင် သတင်းစာရှင်းလင်းပွဲ ပြုလုပ်ခဲ့သည်။

ထို့ပြင် အဆိုပါ လူနေတိုက်ခန်းများမှာ ရဲသိပံ္ပကျောင်းဂရန်မြေ ဧရိယာအတွင်း မပါဝင်သောကြောင့် ၁၉၉၅ ခုနှစ်အစိုးရအိမ် ဥပစာ(နှင်ထုတ်ခြင်း)ဥပဒေဖြင့် ဆောင်ရွက်ရန် မသင့်ကြောင်း ရှင်းလင်းပြောကြားခဲ့ပြီး ချမ်းအေးသာစံမြို့နယ် လွှတ်တော်ကိုယ်စားလှယ် ဦးအောင်ရွှေက “ဒါဟာ ပြည်သူတင်မြှောက်ထားတဲ့ အစိုးရကို နည်းမျိုးစုံနဲ့ အကျပ်အတည်းဖြစ်အောင် လုပ်နေတယ်လို့ပဲ ယူဆတယ်။ သမ္မတဆီ အသနားခံစာ တင်ပြထားတယ်။ လိုအပ်သလို စိစစ်ဆောင်ရွက်ပေးမယ် ဆိုပေမယ့် အောက်ခြေမှာက ဥပဒေ သက်ရောက်မှု မရှိသလို ဖြစ်နေတယ်” ဟု ပြောကြားခဲ့သည်။

“ဒီအတိုင်း ထွက်ပေးရမယ်ဆို မျှတမှု မရှိပါဘူး။ ကျွန်တော်တို့က ၀ယ်ယူနေထိုင်ခဲ့တာ။ ကျူးကျော်ထားတာ မဟုတ်ဘူး။ အစား မြေနေရာဖြစ်ဖြစ်၊ ကာလပေါက်ဈေးဖြစ်ဖြစ် စီစဉ်ပေးစေချင်တယ်။ အခုဝါတွင်းကာလ ဖြစ်တော့ ပြောင်းရွှေ့ဖို့ အခက်အခဲရှိတယ်။ နောက်ပြီး ပြောင်းဖို့မရှိတဲ့သူတွေ ဘယ်လိုလုပ်မလဲ” ဟု အဆိုပါ တိုက်ခန်းတွင် နှစ် ၂၀ ကျော် နေထိုင်လျက်ရှိသည့် မုန့်လုပ်ငန်းရှင် ဦးမျိုးအောင်က ပြောကြားသည်။

“ကျွန်တော်က ၂၀၁၆ ခုနှစ်က သိန်း ၄၃၀ နဲ့ ၀ယ်ယူခဲ့တာပါ။ ဒါက ကျွန်တော် စာသင်လို့ရတဲ့ ချွေးနှဲစာနဲ့ စုဆောင်းဝယ်ခဲ့ရတာပါ။ အခု ဒီအတိုင်းကြီး ဖယ်ရှားပေးရမယ်၊ ဆင်းသွားရမယ်ဆို ဘယ်သွားနေရမှာလဲ။ နေစရာလည်း မရှိပါဘူး။ ဒါကြောင့် မဖယ်နိုင်ဘူး” ဟု ဦးနိုင်မင်းက ဆိုသည်။

မန္တလေးမြို့တော် စည်ပင်သာယာ နယ်နိမိတ်အတွင်းရှိ ယာဉ်များကို အောက်တိုဘာလမှစ၍ ဘီးခွန်နှုန်းထားများ ပြောင်းလဲကောက်ခံမည်

မန္တလေးမြို့တော် စည်ပင်သာယာရေး ကော်မတီ နယ်နိမိတ်အတွင်း သွားလာသည့် ယာဉ်များအား ဘီးခွန်နှုန်းထားများကို လာမည့်အောက်တိုဘာလတွင် အင်ဂျင်ပါဝါအလိုက် ပြောင်းလဲကောက်ခံသွားမည် ဖြစ်ကြောင်း စည်ပင်သာယာရေး ကော်မတီ၏ ထုတ်ပြန်ချက်များအရ သိရသည်။

ပြောင်းလဲကောက်ခံရာတွင် ကုန်းလမ်းပို့ဆောင်ရေး ညွှန်ကြားမှုဦးစီးဌာန၏ လမ်းညွှန်ချက်အရ တိုင်းဒေသကြီးအတွင်း မှတ်ပုံတင်ယာဉ်များကို ယာဉ်အမျိုးအစားအလိုက် ကောက်ခံနေရာမှ အင်ဂျင်ပါဝါစီစီအလိုက် ပြောင်းလဲကောက်ခံမည်ဖြစ်ကာ လုပ်ငန်းသုံးယာဉ်ဖြစ်ပါ အခွန်နှုန်းထား တစ်မျိုးဖြင့် ကောက်ခံမည် ဖြစ်ကြောင်း သိရသည်။

“အခုက ဘီးခွန်က မဆောင်မနေရဖြစ်သွားပြီ။ လက်ရှိက ဆိုင်ကယ်ဆို နှစ်နှစ်သက်တမ်းအတွက် ၁၉၀၀ လောက်ကျတယ်။ လုပ်ငန်းသုံး အိမ်သုံးမခွဲဘဲ ကားအမျိုးအစားနဲ့ က.ည.န ယာဉ်သက်တမ်းပေါ် မူတည်ပြီးတော့ ပေးရတာဖြစ်တယ်။ အခု ပြောင်းလဲကောက်ဖို့ ကြေညာထားတာကျတော့ အရင်ထက် ပိုများသွားတယ်။ လုပ်ငန်းသုံး ဆိုရင်လည်း ပိုဆောင်ရမှာ ဖြစ်တာကြောင့် အချို့ယာဉ်ပိုင်ရှင်တွေဆိုရင် ပေးဆောင်ရမယ့် အခွန်တွက်ကြည့်တဲ့အခါမှာ သိန်းချီကျမှာမို့ ညည်းတဲ့သူတွေရှိတယ်” ဟု က.ည.န တွင် ကိုယ်စား ယာဉ်လိုင်စင် သက်တမ်းတိုး ဆောင်ရွက်ပေးသူ တစ်ဦးက ပြောသည်။

အင်ဂျင်ပါဝါစီစီအလိုက် ပြောင်းလဲသတ်မှတ်လိုက်သည့် ဘီးခွန်နှုန်းထားများမှာ လက်ရှိ ကောက်ခံနေသည့် ဘီးခွန်နှုန်းထားများထက် ထက်ဝက်ခန့် မြင့်တက်သွားခြင်းဖြစ်ပြီး မော်တော်ဆိုင်ကယ် တစ်မျိုးသားလျှင် လုပ်ငန်းသုံး၊ အိမ်သုံးခွဲခြားခြင်း မရှိဘဲ ကျန်ယာဉ်များကို အင်ဂျင်ပါဝါစီစီအလိုက် လုပ်ငန်းသုံးဖြစ်ပါက တစ်နှစ်လျှင် အခွန်ခ အိမ်သုံးထက်နှုန်းထား နှစ်ဆပေးဆောင် ရမည်ဖြစ်ကာ အနည်းဆုံး ကျပ်သုံးသောင်းကျော်မှ အများဆုံးကျပ် တစ်သိန်းကျော်အထိ ကျသင့်မည် ဖြစ်ကြောင်း သိရကာ စီးပွားရေးသုံး ယာဉ်များအနေဖြင့် ဘီးခွန်နှုန်းထား အသစ်အတိုင်း ပေးဆောင်ပြီးပါက မြို့ဝင်ဂိတ်များတွင် လမ်းအသုံးပြုခ ကောက်ခံတော့မည် မဟုတ်ကြောင်း သိရသည်။

အင်ဂျင်ပါဝါစီစီအလိုက် ပြောင်းလဲသတ်မှတ်ထားသည့် တစ်နှစ်စာအတွက် ဘီးခွန်နှုန်းထားများမှာ မော်တော်ဆိုင်ကယ်မှာ ၁၈၂၅ ကျပ်၊ ၆၆၀ စီစီအောက် အိမ်သုံး ယာဉ်မှာ ၁၈၂၅၀ ကျပ်၊ စီးပွားရေးသုံးမှာ ကျပ်  ၃၆၅၀၀၊ ၆၆၀ စီစီမှ ၁၃၀၀ စီစီထိ အိမ်သုံးယာဉ် ၂၇၃၇၅ ကျပ်၊ စီးပွားရေးသုံး ၅၄၇၅၀ ကျပ်၊ ၁၃၀၁ စီစီမှ ၂၀၀၀ စီစီအထိ အိမ်သုံးယာဉ် ၃၆၅၀၀ ကျပ်၊ စီးပွားရေးသုံး ၇၃၀၀၀ ကျပ်၊ ၂၀၀၁ စီစီမှ ၄၃၀၀ စီစီအထိ အိမ်သုံး ၄၅၆၂၅ ကျပ်၊ စီးပွားရေးသုံး ၉၁၂၅၀ ကျပ်နှင့် ၄၃၀၀ စီစီအထက် ယာဉ်များမှာ အိမ်သုံး ၅၄၇၅၀ ကျပ်၊ စီးပွားရေးသုံး ကျပ်၁၀၉၅၀၀ သတ်မှတ်ထားကြောင်း သိရသည်။

ဝိတ်​​ပေါ့ပဲတီစိမ်းများကို ငါး​မွေးမြူ​ရေး လုပ်​ငန်းရှင်​များ ၀ယ်​ယူအသုံးပြု​နေမှုကြောင့်​ အ​ရောင်းသွက်​​နေ

မန္တလေးပဲဈေးကွက်တွင် အရောင်းအ၀ယ် ပြုလုပ်နေကြစဉ် (ဓာတ်​ပုံ-မန္တ​လေးကုန်​စည်​ဒိုင်)

မန္တ​လေးမြို့ရှိ ပဲသန့်​စင်​စက်​ရုံများမှ စွန့်ပစ်​ပစ္စည်း ၀ိတ်​​ပေါ့ပဲတီစိမ်းများကို ရန်​ကုန်​တိုင်း၊ ဧရာဝတီတိုင်း၊ ပဲခူးတိုင်းတို့မှ ငါးလုပ်​ငန်းရှင်​များက ငါးစာအဖြစ်​ အသုံးပြုဝယ်​နေသည့်​​ အတွက်ကြောင့်​ ၀ိတ်​​ပေါ့ပဲတီစိမ်းများ မန္တ​လေးဈေးကွက်​တွင်​ အ​ရောင်းသွက်​နေသည်​ဟု ဦးစိုးဝင်းမြင့်​ (စိုးဝင်းမြင့်​ပွဲရုံ) က ​ပြောကြားသည်​။

မန္တ​လေးမြို့တွင်​ တရုတ်​ပြည်​သို့ ပဲတင်​ပို့မှုအတွက်​ ပဲသန့်​စင်​စက်​ရုံ ၁၀ ရုံခန့်​ရှိပြီး အဆိုပါ ပဲသန့်စင်စက်များမှ ပဲတီစိမ်း အိတ် ၁၀၀ သန့်စင်​လျှင်​ ၀ိတ်ပေါ့ပဲအနေဖြင့် ငါး အိတ်မှ ၁၀ အိတ်အတွင်း ထွက်ရှိပြီး ၀ိတ်ပေါ့ ပဲတီစိမ်း တစ်ပိဿာလျှင် ​​ကျပ် ၅၈၀ နှုန်းဖြင့် လက်ရှိ မန္တလေး ပဲဈေးကွက်တွင် အရောင်းသွက်လျက်ရှိကြောင်း သိရသည်။

“တရုတ်ဝယ်လက်အနေနဲ့ ပဲတီစိမ်း များ ယနေ့ခေတ်တွင် တိုက်ရိုက် မတင်ပို့ဘဲ စက်ရုံများတွင် ပြန်လည်သန့်စင် ထုပ်ပိုးပြီး တင်ပို့ကြတယ်။ မန္တ​လေး အ၀ယ်တော် ကိုယ်စားလှယ်များက ကိုယ်ပိုင် သန့်စင်စက်တွေ တည်ထောင်ပြီး တရုတ်ပြည်ကို ပို့ကြတယ်။ ပဲတီစိမ်းအိတ် ၁၀၀ မှာ Damage အနေနဲ့ ငါးအိတ် မှ ၁၀ အိတ်အကြား စွန့်ပစ်ပစ္စည်းအဖြစ် ထွက်ရှိတယ်။ အရင်တုန်းက ဒါတွေကို ရန်ကုန်အခေါ် (၀ိတ်ပေါ့ ) စွန့်ပစ်ပစ္စည်း ဖြစ်ခဲ့တယ်။ ဒီဘက်နှစ်များတွင် ရန်ကုန်တိုင်း၊ ဧရာဝတီတိုင်း၊ ပဲခူးတိုင်းတို့မှာရှိတဲ့ ငါးလုပ်ငန်းရှင်များက ပြောင်းဖူးစေ့ဈေး မြင့်လာတဲ့အတွက် အစားထိုးအဖြစ် ပဲတီစိမ်း (စက်ရုံ စွန့်ပစ်ပစ္စည်း) များဝယ်ယူပြီး အစားတောင့် လုပ်ရာတွင် ပြန်လည်အသုံးပြုကြတယ်။ သန့်စင်စက်ရုံမှ ပဲတီစိမ်း စွန့်ပစ်ပစ္စည်းများကို အစားစက်ရုံ ပြန်လည်ဝယ်ယူနေသည့် အတွက် ပဲတီစိမ်းဈေး ကျနေပေမဲ့ ၀ိတ်ပေါ့ ပဲဈေးနှုန်း မကျဘဲ ဖြစ်နေတယ်” ဟု ဦးစိုးဝင်းမြင့်​က ​ပြောကြားသည်​။

ဇွန်လဆန်းက စတင်ထွက်ရှိသည့် ပဲတီစိမ်းများမှာ ဇူလိုင်လ နောက်ဆုံးအပတ် သြဂုတ်လဆန်းလောက်တွင်​ နေပြည်တော် တပ်ကုန်း၊ မင်းဘူး၊ အောင်လံ၊ ပျော်ဘွယ်၊ ရမည်းသင်း၊ ပခုက္ကူ၊ စလင်း၊ မကွေး၊ စလင်း၊ မုံရွာ၊ ရွှေဘို စသည့် နယ်ပေါင်းစုံကနေ မန္တ​လေး ဈေးကွက်ထဲ အိတ်ပေါင်း ၃၀၀၀၀ ကျော်လောက် ​နေ့စဉ်​၀င်ရောက်နေပြီး ပေါ်ဦးပေါ်ဖျား ကာလတွင် သုံးတင်းဝင် တစ်အိတ်လျှင် ငွေကျပ် ၁၂၈၀၀၀ နှုန်းဖြင့် စတင်ခဲ့သော်လည်း ယခုလှိုင်လှိုင် ပေါ်ထွက်ချိန် ဇူလိုင်လကုန်ပိုင်းတွင် ကျပ် ၉၅၀၀၀ နှုန်းအထိ ကျဆင်းနေ​ကြောင်း သိရသည်​။

ပလိပ်မြို့ ပန်ဒါ ချည်မျှင်အထည်နှင့် အချောကိုင်စက်ရုံက EC စာချုပ် ချုပ်ဆိုရန် ကျန်ရှိနေသည့် အလုပ်သမားများကို သတ်မှတ်ရက်အတွင်း စာချုပ်မချုပ်ဆိုပါက အလုပ်မှ ထုတ်ပယ်မည်ဟု ကုမ္ပဏီ၏ သတိပေး အကြောင်းကြားစာအပေါ် ကန့်ကွက်ဆန္ဒပြ

ပန်ဒါချည်မျှင်အထည်နှင့် အချောကိုင်စက်ရုံမှ စာချုပ်ချုပ်ဆိုရန် ကျန်ရှိနေသည့် အလုပ်သမားများ ဇူလိုင် ၂၉ ရက်က ဆန္ဒထုတ်ဖော်စဉ်

မန္တလေးတိုင်းဒေသကြီး ပလိပ်မြို့ရှိ ပန်ဒါချည်မျှင်အထည်နှင့် အချောကိုင်စက်ရုံမှ အလုပ်ခန့်ထားမှုဆိုင်ရာ သဘောတူညီချက် စာချုပ် (EC) ချုပ်ဆိုရန် ကျန်ရှိနေသည့် အလုပ်သမားများကို သတ်မှတ်ရက်အတွင်း စာချုပ်မချုပ်ဆိုပါက အလုပ်မှ ထုတ်ပယ်မည်ဟု ကုမ္ပဏီဘက်က သတိပေး အကြောင်းကြားစာ ထုတ်ပြန်မှုအပေါ် စာချုပ်ချုပ်ဆိုရန် ကျန်ရှိနေသည့် အလုပ်သမားများက ဇူလိုင် ၂၉ ရက် နံနက်က အဆိုပါ စက်ရုံဝင်းအတွင်းမှစ၍ ပလိပ်မြို့အတွင်း လမ်းလျှောက် ဆန္ဒထုတ်ဖော်ခဲ့ကြသည်။

ယခင်အစိုးရလက်ထက် စက်မှုဝန်ကြီးဌာနက ပလိပ်မြို့ရှိ ချည်မျှင်အထည်နှင့် အချောကိုင်စက်ရုံကို ပန်ဒါကုမ္ပဏီသို့ ပုဂ္ဂလိကလုပ်ငန်းအဖြစ် လွှဲပြောင်းလုပ်ကိုင်ခွင့်ပြုခဲ့ရာ အလုပ်သမားများက လွှဲပြောင်းခံ နိုင်ငံ့ဝန်ထမ်းများကို ဘ၀အာမခံချက်ရရှိရေး၊ အလုပ်သမား အခွင့်အရေးများ ရရှိရေးအတွက် တောင်းဆိုဆန္ဒပြမှုများ ပြုလုပ်ခဲ့ကြသည်။ အဆိုပါ တောင်းဆိုဆန္ဒ ထုတ်ဖော်ခဲ့ကြသည့် အလုပ်သမားများမှာ လက်ရှိတွင် အလုပ်မှ ထုတ်ပယ်ခြင်း ခံထားရပြီး အလုပ်သမားများ အနေဖြင့် အလုပ်ပြန်လည် ၀င်ရောက်လိုပါက ကုမ္ပဏီဘက်မှ အလုပ်ခန့်ထားမှုဆိုင်ရာ သဘောတူညီချက်စာချုပ် ချုပ်ဆိုရန် အလုပ်သမားများနှင့် ညှိနှိုင်းဆွေးနွေးမှုများ ပြုလုပ်ခဲ့ကြောင်း သိရသည်။ ထိုသို့ ညှိနှိုင်းဆွေးနွေးမှုများ ပြုလုပ်ခဲ့ပြီးနောက် အလုပ်သမားများ အနေဖြင့် အလုပ်ခန့်ထားမှုဆိုင်ရာ သဘောတူညီချက် စာချုပ်ကို ဥပဒေ ပြဋ္ဌာန်းချက်များနှင့်အညီ ဇူလိုင် ၃၀ ရက် နောက်ဆုံးထားကာ မိမိတို့ ဆန္ဒအလျောက် ချုပ်ဆိုရမည်ဖြစ်ကာ သတ်မှတ်ရက် နောက်ပိုင်းတွင် စာချုပ်ချုပ်ဆိုခြင်း မပြုလုပ်သည့် အလုပ်သမားများကို အလုပ်တွင် ဆက်လက် ခန့်ထားမည် မဟုတ်ကြောင်း ကုမ္ပဏီဘက်က ဇူလိုင် ၂၀ ရက်တွင် သတိပေးစာ ထုတ်ပြန်မှုအပေါ် အလုပ်သမားများက မကျေနပ်သဖြင့် ဆန္ဒထုတ်ဖော်ခဲ့ခြင်း ဖြစ်ကြောင်း သိရသည်။

“ကျွန်မတို့ အလုပ်သမား ၄၀၀ ကျော်ကို ပန်ဒါကုမ္ပဏီ ဘက်ကနေပြီး ဇူလိုင် ၃၀ ရက်မှ သူတို့ရေးဆွဲထားတဲ့ EC စာချုပ်ကို မချုပ်ဆိုဘူးဆိုရင် အလုပ်ကနေ ထုတ်ပယ်သွားမယ်လို့ သတိပေးစာ ထွက်ထားတဲ့အတွက် ဆန္ဒထုတ်ဖော်တာ ဖြစ်ပါတယ်။ ကျွန်မတို့အနေနဲ့ ပလိပ်စက်ရုံမှာ သပိတ်မှောက်ခဲ့တာ သုံးကြိမ်ရှိသွားပြီ။ အဲဒီလို သပိတ်မှောက် ဆန္ဒထုတ်ဖော်ခဲ့တာမှာ အလုပ်ရှင် အလုပ်သမား၊ ညှိနှိုင်းဖျန်ဖြေရေး အဖွဲ့တွေနဲ့ ညှိနှိုင်းခဲ့တာ အချက် ၂၈ ချက် သဘောတူညီချက် ရခဲ့တယ်။ ဒါပေမဲ့ အဲဒီ ၂၈ ချက်ကို အလုပ်ရှင်ဘက်က အခုချိန်အထိ အပြည့်အ၀ လိုက်လျောပေးတာ မရှိသေးတဲ့အပြင် အခုအလုပ်သမားတွေနဲ့ ညှိနှိုင်းမှုမရှိဘဲ EC စာချုပ် ချုပ်ရမယ်ဆိုပြီး စာထွက်လာတယ်။ ဇူလိုင် ၃၀ ရက် နောက်ဆုံးထားပြီး စာချုပ်မချုပ်ဘူးဆိုရင် အလုပ်ကနေ ထုတ်ပယ်မယ် ဆိုတာကြောင့် ကန့်ကွက်ဆန္ဒ ထုတ်ဖော်တာ ဖြစ်ပါတယ်” ဟု အခြေခံ အလုပ်သမား အဖွဲ့အစည်း (၁) အမှတ် (၂) အထည်စက်ရုံ (ပလိပ်) မှ အတွင်းရေးမှူး မဇာခြည်ဝင်းက ပြောကြားသည်။

“အခု အလုပ်ခန့်ထားမှုဆိုင်ရာ သဘောတူညီချက် စာချုပ်က ပြီးခဲ့တဲ့ ၂၀၁၇ ခုနှစ်ထဲမှာ ကျွန်မတို့ စက်ရုံတာဝန်ရှိသူတွေ အပါအ၀င် အလုပ်သမားသမဂ္ဂတွေ၊ အလုပ်သမားတွေအားလုံး ဆွေးနွေးသဘောတူညီပြီးတော့ ရေးဆွဲချုပ်ဆိုထားတဲ့ စာချုပ်ဖြစ်ပါတယ်။ ဒီ EC စာချုပ်ကို အယုံအကြည် မရှိဘူးဆိုရင် ဒီ EC စာချုပ်ဟာ ကျွန်မတို့ ကုမ္ပဏီတစ်ခုတည်း လုပ်ထားတဲ့ဟာ မဟုတ်ပါဘူး။ နိုင်ငံတော်ကနေ သဘောတူထားတဲ့ အချက် ၂၁ ချက်ဖြစ်ပါတယ်။ ဒါတွေဟာလည်း ကိုယ့်သဘောနဲ့ကိုယ် ပြုပြင်လို့ မရဘူးဆိုတာ ပြဋ္ဌာန်းချက်တွေ ပါပြီးသားပါ။ ဥပဒေကို မယုံကြည်ဘူးဆိုပြီး အလုပ်သမား အဖွဲ့တွေက လူကြီးတွေရှေ့မှာ ပြောသွားတာ ရှိပါတယ်။ ကျွန်မတို့အနေနဲ့ကတော့ ဥပဒေကို ကြိုက်သည်ဖြစ်စေ မကြိုက်သည်ဖြစ်စေ ဥပဒေကို လေးစားလိုက်နာရမှာ ဖြစ်သလို အလုပ်သမားတွေကိုလည်း လိုက်နာဖို့ ရှေ့ဆောင်အနေနဲ့ ဆောင်ရွက်နေပါတယ်” ဟု ပန်ဒါချည်မျှင်အထည်နှင့် အချောကိုင်စက်ရုံမှ အထွေထွေ မန်နေဂျာ ဒေါ်တင်တင်ရွှေက ပြောကြားသည်။

 

အောင်မြေသာစံမြို့နယ်တွင် ဖြစ်ပွားသည့် လူသတ်မှုမှာ တိုက်ခန်းအရောင်းဝယ်ပြုမည်ဟု ဟန်ဆောင်ကာ လက်ဝတ်လက်စားများ ယူဆောင်သတ်ခဲ့ခြင်းဖြစ်ပြီး ကျူးလွန်သူ သုံးဦးလုံးကို ဖမ်းဆီးရမိ

သားအမိနှစ်ဦးအနက် သမီးဖြစ်သူ ထိုးသွင်းဒဏ်ရာဖြင့် သတ်ဖြတ်ခံခဲ့ရသည့် ခြောက်ထပ်တိုက်အား တွေ့ရစဉ် (ဓာတ်ပုံ – မင်းမင်းစိုး)

မန္တလေးမြို့ အောင်မြေသာစံမြို့နယ်၊ ၈၁ လမ်း၊၂၄လမ်းနှင့်၂၅ လမ်းကြားရှိ ခြောက်လွှာတွင် ဖြစ်ပွားခဲ့သည့် လူသတ်မှုမှာ တိုက်ခန်းအရောင်းဝယ်ပြုမည့် ဟန်ဆောင်ကာ လက်ဝတ်လက်စားများ ယူဆောင် သတ်ခဲ့ခြင်းဖြစ်ကာ ကျူးလွန်သူ သုံးဦးလုံးကို ဖမ်းဆီးရမိပြီဖြစ်ကြောင်း ခရိုင်ရဲတပ်ဖွဲ့မှူးရုံးမှ သတင်းရရှိသည်။

“ကျူးလွန်သူ သုံးဦးလုံးကို ဖမ်းဆီးရမိပါပြီ။ တိုက်ခန်းအရောင်းအ၀ယ်ကို အကြောင်းပြုပြီး  လုယက်လူသတ်မှု ကျူးလွန်ခဲ့ကြတာပါ။ သေဆုံးသူရဲ့တိုက်ခန်းကို ၀ယ်မယ့်သူဟန်ဆောင်ပြီး လက်ဝတ်လက်စားတွေယူ လူသတ်ခဲ့ကြတာပါ။ သက်သေခံဓားရော၊ ပစ္စည်းတွေရော သိမ်းဆည်းရမိပါပြီ” ဟု မန္တလေး ခရိုင်ရဲတပ်ဖွဲ့မှူး ဒုရဲမှူးကြီး မျိုးအောင်က ပြောကြားသည်။

လူသတ်မှု ကျူးလွန်ရာတွင် ပါဝင်သူ တစ်ဦးဖြစ်သူ ချစ်ကောင်း (ခ) ကောင်းခန့်ကို မဟာအောင်မြေ မြို့နယ်တွင် မူးယစ်ဆေးဝါးများနှင့်အတူ ဖမ်းမိခဲ့ပြီး လူသတ်မှုတွင် ပါဝင်ပတ်သက်သည်ဟု ယူဆရသူ အမျိုးသမီးဖြစ်သူ မသီတာဦးတို့ကို ဇူလိုင် ၂၇ ရက် နံနက်က စောပိုင်းတွင် ဖမ်းဆီးရမိခဲ့ပြီး အဓိက တရားခံဟု ယူဆရသည့် သန်းထွန်း (၅၃ နှစ်)ကို ဇူလိုင် ၂၇ ရက် ည ၁၀ နာရီခွဲခန့်က ၁၂ လမ်းနှင့် ၇၃ လမ်းထောင့်တွင် လည်းကောင်း အသီးသီး ဖမ်းဆီးရမိခဲ့သည်ဟု မန္တလေးတိုင်း ရဲတပ်ဖွဲ့၏ ထုတ်ပြန်ချက်အရ သိရသည်။

သေဆုံးသူ မအေးမိဇော် (၂၈ နှစ်) နှင့်အတူ မိခင်ဖြစ်သူ ဒေါ်ဥမ္မာကျော် (၇၃ နှစ်) တို့ အတူနေထိုင်သည့် အဆိုပါ ၈၁ လမ်း၊ ၂၄ လမ်းနှင့် ၂၅ လမ်းကြားရှိ တိုက်ခန်းခြောက်လွှာတွင် ဇူလိုင်၂၆ ရက် ညနေ ၆ နာရီခန့်က လူသတ်မှု ဖြစ်ပွားခဲ့ခြင်း ဖြစ်ကြောင်း သိရသည်။

ယင်းအခန်းတွင် နေထိုင်သည့် ကလေးငယ် ကျူရှင်မှ ပြန်လာစဉ် တိုက်ခန်းတံခါး ဖွင့်မရသဖြင့် ဘေးတိုက်ခန်းများသို့ အကူညီတောင်းခဲ့ကြောင်း၊ တံခါးအား ဖွင့်မရသဖြင့် ရပ်ကွက်လူကြီးထံသို့ အကြောင်းကြားကာ တံခါးဖျက်ဆီးပြီး ၀င်ရောက်ခဲ့ရာ သားမိနှစ်ဦးအနက် မိခင်မှာ တံခါးဝထိပ်တွင် စောင်များ၊ ခေါင်းအုံးများဖြင့် အသက်ရှူရပ်အောင် လုပ်ထားသော်လည်း အသက်ရှင်လျက် ရှိနေခဲ့ပြီး သမီးဖြစ်သူမှာမူ ထိုးသွင်းဒဏ်ရာများဖြင့် သေဆုံးနေသည်ဟု ပြည်ကြီးကျက်သရေ အရှေ့ရပ်ကွက် လူကြီးထံမှ သိရသည်။

သေဆုံးသူ အမျိုးသမီးသည် အရောင်းအ၀ယ် လုပ်ကိုင်သူဖြစ်ကြောင်း သိရပြီး ယင်းအခန်းသို့ လင်မယားနှစ်ယောက် လာလေ့ရှိကြောင်း၊ လက်ဝတ်လက်စား ၁၅ မျိုးကို ယူဆောင်သွားခဲ့ကြောင်း သိရပြီး  သေဆုံးသူ အမျိုးသမီး၏ လက်ကိုင်ဖုန်းမှ ခေါ်ဆိုထားသော ဖုန်းများမှတစ်ဆင့် ခြေရာခံ ဖမ်းဆီးရမိခဲ့ခြင်း ဖြစ်ကြောင်း ရဲတပ်ဖွဲ့မှ ထုတ်ပြန်ထားသည်။

အဆိုပါ လူသတ်မှုကို အောင်မြေသာစံ မြို့မရဲစခန်းတွင် ရာဇသတ်ကြီး ပုဒ်မ ၃၀၂ ဖြင့် ဦးမောင်မောင်အေးက တရားလိုပြုလုပ် အမှုဖွင့်ထားကြောင်း သိရသည်။