မန္တလေးမြို့တွင် ဆိုင်ကယ်မောင်းနှင်လာကြသည့် လူငယ်သုံးဦးနှင့် ငါးဦးအဖွဲ့တို့ အချင်းများ ရန်ဖြစ်ရာမှ ဓားထိုးမှုကြောင့် တစ်ဦးသေဆုံးပြီး တစ်ဦးဒဏ်ရာရရှိ

မန္တလေးမြို့တွင် ဆိုင်ကယ်မောင်းနှင်လာကြသည့် လူငယ်သုံးဦးနှင့် ငါးဦးအဖွဲ့တို့ အချင်းများ ရန်ဖြစ်ရာမှ ဓားထိုးမှု ဖြစ်ပွားခဲ့ပြီး တစ်ဦးသေဆုံးကာ တစ်ဦးဒဏ်ရာရရှိမှု အောက်တိုဘာ ၁၅ ရက် ည ၁၀ နာရီဝန်းကျင် ခန့်က ဖြစ်ပွားခဲ့ကြောင်း မန္တလေးခရိုင်ရဲတပ်ဖွဲ့မှူးရုံးမှ သိရသည်။

မဟာအောင်မြေမြိ့နယ်တွင် နေထိုင်သည့် မောင်ထက်လွင်မိုးခန့်၊ ဇင်မင်းသူနှင့် မြတ်ဘုန်းစံစသည့် ၁၉ နှစ်အရွယ်ရှိ သူငယ်ချင်းသုံးဦးသည် အောက်တိုဘာ ၁၅ ရက် ည ၁၀ နာရီဝန်းကျင်ခန့်က ဆိုင်ကယ် တစ်ယောက် တစ်စီးစီဖြင့် စကားပြောရင်း မောင်းနှင်လာခဲ့ရာ ၆၉ လမ်းနှင့် မီးပွိုင့်လမ်းဆုံအနီး အရောက်တွင် ဆိုင်ကယ်သုံးစီး၊ လူငါးဦးက ကျော်တက်သွားပြီး ဆဲဆိုခဲ့ကြောင်း၊ ထိုသို့ ဆဲဆိုခဲ့သဖြင့် မောင်ထက်လွင်မိုးခန့် တို့ကလည်း ပြန်လည်ဆဲဆိုိခဲ့ကြောင်း၊ ထို့နောက် သိပံ္ပလမ်းနှင့် ၇၃ လမ်း မီးပွိုင့်အနီး အရောက်တွင် ငါးယောက်အဖွဲ့က ဆိုင်ကယ်ရပ်ခိုင်းသဖြင့် ရပ်ခဲ့ရာမှ ဖြစ်ပွားခဲ့ခြင်း ဖြစ်သည်ဟု သိရသည်။

“ကလေးသုံးယောက်က ဆိုင်ကယ်တစ်စီးစီကို ယှဉ်မောင်းလာတော့ လမ်းပိတ်သလို ဖြစ်သွားတာပေါ့။ ဒါကို ငါးယောက်အဖွဲ့က ဆဲဆိုတဲ့အခါ သူတို့ကလည်း ပြန်ဆဲမိတယ်။ အဲဒီမှာတင် ရှေ့လမ်းရောက်တဲ့အခါ ငါးယောက်အဖွဲ့က စောင့်နေပြီး ဆိုင်ကယ်ရပ်ခိုင်းတယ်။ တစ်ယောက် တစ်ယောက်ချင်းပဲ ချကြတာပေါ့ဆိုပြီး ၀င်သွားပေမယ့် ဟိုဘက်အဖွဲ့က ဓားပါတော့ အဆင့်ဆင့် ထိုးသွားတယ်။ အခုဒဏ်ရာ မရရှိဘဲ ကျန်ခဲ့တဲ့ကလေးက ဆိုင်ကယ်ကို အခင်းဖြစ်တဲ့နေရာမှာ ကျော်ရပ်မိတော့သူက ရန်ပြုမခံလိုက်ရဘူး။ ဖြစ်စဉ်က ငါးမိနစ်လောက်လေးပဲ။ အခုဖြစ်တာက လူငယ်တွေအချင်းချင်း စကားများရင်းကနေ ဓားထိုးမှုကြောင့် သေဆုံးရတာပါ။ တခြား ဘာအကြောင်းကိစ္စမှ မရှိပါဘူး။ ကျူးလွန်သွားတဲ့ သူတွေကိုလည်း အမြန်ဆုံးမိဖို့ ရဲတပ်ဖွဲ့ ဆောင်ရွက်နေပါတယ်” ဟု မန္တလေးခရိုင်ရဲတပ်ဖွဲ့မှူး ဒုရဲမှူးကြီးမျိုးအောင်က ရှင်းလင်းပြောကြားသည်။

ထိုသို့လူငယ်ချင်းခိုက်ရန် ဓားထိုးမှုဖြစ်ပွားမှုနှင့် ပတ်သက်ပြီး ဒဏ်ရာရရှိခြင်း မရှိဘဲ ကျန်ခဲ့သူ မောင်ထက်လွင်မိုးခန့်ကလည်း “ကျွန်တော်တို့ကို သူတို့က လမ်းကြိုစောင့်နေတဲ့အတွက် ရပ်ပေးလိုက်တယ်။ အဲဒီမှာ ကျွန်တော်က ဆိုင်ကယ်ကျော် ရပ်မိလိုက်တယ်။ ရှေ့ကသူငယ်ချင်း နှစ်ယောက်က ထိုးခံရပြီးသွားပြီ။ အခုဆုံးသွားတဲ့ မြတ်ဘုန်းစံက ဓားထိုးခံရပြီး သူ့ဘာသာ ဆိုင်ကယ်မောင်းပြီး ဆေးရုံသွားတယ်။ ကျွန်တော်က ကျန်နေတဲ့ ဓားဒဏ်ရာနဲ့ ဇင်မင်းသူကိုခေါ်ပြီး ဆေးရုံပို့ခဲ့ပါတယ်။ ကျူးလွန်တဲ့သူတွေကို အမြန်ဆုံး မိစေချင်ပါတယ်” ဟု အခင်းဖြစ်ပွားရာတွင် ကြုံတွေ့ခဲ့ရသည်များနှင့် ပတ်သက်ပြီး ပြောကြားသည်။

ဓားထိုးခံရမှု ဖြစ်စဉ်ကြောင့် မြတ်ဘုန်းစံတွင် ၀ဲနံဘေးထိုးသွင်းဒဏ်ရာ တစ်ချက်နှင့် ဇင်မင်းသူတွင် ညာဘက်လက်ခလယ်နှင့် လက်ညှိုး ပြတ်ရှဒဏ်ရာ၊ လက်ဝဲဘက် ၀မ်းဗိုက်ဒဏ်ရာ ထိုးသွင်းဒဏ်ရာတို့ဖြင့် မန္တလေးဆေးရုံကြီးတွင် ကုသနေစဉ် မြတ်ဘုန်းစံမှာ သေဆုံးသွားခဲ့ကြောင်း သိရသည်။

အဆိုပါ လူငယ်ချင်း စကားများရာမှ ဓားထိုးလူသေဆုံးမှု ဖြစ်စဉ်နှင့် ပတ်သက်ပြီး ထက်လွင်မိုးခန့်က တရားလို ပြုလုပ်ကာ မဟာအောင်မြေ မြို့မရဲစခန်းတွင် အမှုဖွင့်၍ တရားခံများ ဖမ်းဆီးရမိရေး ဆောင်ရွက်လျက်ရှိကြောင်း သိရသည်။

 

မန္တလေးတိုင်းဒေသကြီး မြစ်ငယ်မြို့ရှိ မီးရထားဝန်ထမ်း လိုင်းခန်းပေါ်သို့ လုံးပတ်ကိုးပေခန့်ရှိ ညောင်ပင်လဲပြိုကျမှုကြောင့် သားအဖနှစ်ဦး သေဆုံးပြီး တစ်ဦးဒဏ်ရာရရှိ

ဝန်ထမ်းလိုင်းခန်းပေါ်သို့ ညောင်ပင်ပြိုကျမှုကြောင့် ဖြစ်ပေါ်ခဲ့သည့် အပျက်အစီးများအား သက်ဆိုင်ရာက ရှင်းလင်းနေစဉ်

မန္တလေးတိုင်းဒေသကြီး မြစ်ငယ်မြို့ စပယ်ရပ်ကွက်ရှိ မီးရထားဝန်ထမ်းလိုင်းခန်းပေါ်သို့ လုံးပတ်ကိုးပေခန့်ရှိ ညောင်ပင်တစ်ပင်လဲပြိုကျမှု အောက်တိုဘာ ၈ ရက် ညပိုင်းက ဖြစ်ပွားခဲ့ပြီး သားအဖနှစ်ဦး သေဆုံးကာ တစ်ဦးဒဏ်ရာ ရရှိခဲ့ကြောင်း သိရသည်။

ဖြစ်စဉ်မှာ လုံးပတ်ကိုးပေခန့်ရှိ ညောင်ပင်မှာ လေပြင်းတိုက်ခတ်ခြင်း မရှိဘဲ မိုးရွာသွန်းမှုကြောင့် မြေပျော့၍ အဆိုပါ စံပယ်ရပ်ကွက်ရှိ မီးရထားဝန်ထမ်းလိုင်းခန်း တိုက် (I) အခန်း (၆) အိမ်ရာ၊ အိမ်အမှတ် ၅၁၀ (E) နှင့် (F) ၁၀ ပေပတ်လည်ပေါ်သို့ ပြိုလဲကျမှု ဖြစ်ပွားခဲ့ခြင်းဖြစ်ပြီး အခန်းအမှတ် (E) မှာ လူနေထိုင်ခြင်း မရှိသော်လည်း အခန်းအမှတ် (F) တွင် နေထိုင်သည့် မိသားစုလေးဦးမှာ အဆောက်အအုံနှင့် ညောင်ပင်ကြားတွင် ပိတ်မိနေခဲ့ကြောင်း သိရှိရသည်။

ယင်းသို့ ပြိုလဲမှုဖြစ်စဉ်ကြောင့် ပိတ်မိနေသူများကို ဖယ်ထုတ်ကယ်ဆယ်နိုင်ရန်အတွက် သက်ဆိုင်ရာ မြို့နယ်တာဝန်ရှိသူများ၊ မြစ်ငယ်မီးရထားမှ တာဝန်ရှိသူများ၊ မီးသတ်တပ်ဖွဲ့ဝင်များ၊ ကယ်ဆယ်ရေးအဖွဲ့များမှ လာရောက် ရှင်းလင်းဆောင်ရွက်မှုများ ပြုလုပ်ခဲ့ပြီး ပိတ်မိနေသည့် မိသားစုလေးဦးအနက် အိမ်ထောင်ဦးစီးဖြစ်သူ ဦးကိုနိုင် ၃၅ နှစ်မှာ ခါးရိုးကျိုး ပွန်းပဲ့ဒဏ်ရာများဖြင့် လည်းကောင်း၊ ၎င်း၏သားဖြစ်သူ မောင်နိုင်ထက်ဦး ၁၃ နှစ် (သတ္တမတန်း) မှာ ဦးခေါင်းနောက်စေ့ကွဲ၊ နားသွေးထွက် ဒဏ်ရာများဖြင့် အခင်းဖြစ်နေရာတွင် သေဆုံးခဲ့သည်ဟု ရဲတပ်ဖွဲ့ မှတ်တမ်းများအရ သိရှိရသည်။

ပိတ်မိနေသည့် ကျန်ရှိသူ နှစ်ဦးအနက် သမီးမယွန်းယွန်း (စတုတ္ထတန်း) မှာ ဒဏ်ရာရရှိခြင်း မရှိကြောင်း သိရပြီး သေဆုံးသူ၏ ဇနီးဖြစ်သူမှာမူ ပေါင်၊ ရင်ဘတ်ပွန်းပဲ့ဒဏ်ရာများ ရရှိခဲ့ပြီး မန္တလေး ပြည်သူ့ဆေးရုံကြီးတွင် အတွင်းလူနာအဖြစ် ဆေးကုသမှု ခံယူလျက်ရှိကြောင်း သိရသည်။

“မြစ်ငယ်ဘက်မှာ အခုလိုဖြစ်ရပ်ဆိုး တစ်ခါမှ မကြုံဖူး မကြားဖူးပါဘူး။ အခု ကျန်ရစ်သူမိသားစုမှာ မိခင်ဖြစ်သူ ဒဏ်ရာက ပြင်းထန်သလို ဆေးကုသမှု စရိတ်စကတွေ လိုအပ်တယ်လို့ သိရတယ်။ ဒါကြောင့် တတ်နိုင်သလောက် ထောက်ပံ့ဖို့ စီစဉ်ထားပါတယ်။ စတုတ္ထတန်း ကျောင်းသူအတွက် ကျောင်းစရိတ်လည်း ရပ်ကွက်အုပ်ချုပ်ရေးမှူးက တစ်ဆင့် ထောက်ပံ့ပေးသွားဖို့ပါ” ဟု ယင်းဖြစ်စဉ်အား သွားရောက်ကူညီ ဆောင်ရွက်နေသူ တစ်ဦးက ပြောကြားသည်။

ယင်းဖြစ်စဉ်နှင့် ပတ်သက်၍ မြစ်ငယ်နယ်မြေရဲစခန်းတွင် သေမှုသေခင်း အမှတ်စဉ် ၁၁/၂၀၁၈ ဖြင့် ရေးဖွင့်စစ်ဆေး ဆောင်ရွက်လျက်ရှိပြီး သေဆုံးခဲ့သူနှစ်ဦး၏ ရုပ်အလောင်းကို အောက်တိုဘာ ၉ ရက် ညနေပိုင်းတွင် မြစ်ငယ်မြို့မသုဿန်တွင် သင်္ဂြိုဟ်သွားမည် ဖြစ်သည်ဟု သိရသည်။

 

မူဆယ်မြို့မှ ခရီးသည်ယာဉ်ဖြင့် ပို့ဆောင်ခဲ့သည့် ဂျပ်ဖာဘူးအတွင်းမှ ကျပ် ၆၄၆ သိန်း တန်ဖိုးရှိ စိတ်ကြွဆေးများနှင့် မက်အက်ဖီတမင်း (ICE) များ ဖမ်းဆီးရမိ

ဓာတ်ပုံ-မန္တလေးတိုင်းဒေသကြီး ရဲတပ်ဖွဲ့

မူဆယ်မြို့မှ ခရီးသည်ယာဉ်ဖြင့် ပို့ဆောင်ပေးခဲ့သည့် ဂျပ်ဖာဘူးအတွင်းမှ ကျပ် ၆၄၆ သိန်း တန်ဖိုးရှိ စိတ်ကြွဆေးများနှင့် မက်အက်ဖီတမင်း (ICE) များ ဖမ်းဆီးရမိခဲ့မှုနှင့် ပတ်သက်ပြီး နယ်မြေရဲစခန်း (အောင်ပင်လယ်) မှ အမှုဖွင့် စစ်ဆေးလျက်ရှိကြောင်း အောက်တိုဘာ ၉ ရက်က သတင်းရရှိသည်။

မူးယစ်တပ်ဖွဲ့စု-၁၈ မှ တာဝန်ရှိသူများသည် အောက်တိုဘာ ၇ ရက် ည ၈ နာရီက မူဆယ်ဘက်မှ မန္တလေးဘက်သို့ MDY FF/—- ခရီးသည်ယာဉ်ဖြင့် မသင်္ကာဖွယ်ရာ ဂျပ်ဖာတစ်ခု ပါရှိလာကြောင်း သတင်းအရ စစ်ဆေးရာ စက္ကူဂျပ်ဖာပေါ်တွင် ရေးသားထားသည့် ချမ်းမြသာစည်မြို့နယ်၊ ကန်သာယာရပ်ကွက်၊ ၅၇ လမ်း၊ ဘုရင့်နောင်လမ်းနှင့် အောင်ဇေယျ လမ်းကြားတွင် အဆိုပါယာဉ်အား ရပ်တန့်ပြီး လိပ်မူပါ ဖုန်းနံပါတ်သို့ ဆက်သွယ်ကာ လာရောက်ရွေးယူရန် အကြောင်းကြားခဲ့ကြောင်း သတင်းရရှိသည်။

ထို့နောက် ယုန်ဆွမ်း(ခ)ရန်ယုန်စန်း ၃၂ နှစ်၊ ဈေးရောင်း၊ နမ့်ခမ်းမြို့နယ်နေသူသည် 54/—- Honda Scoopy ဖြင့် ရောက်ရှိလာပြီး ဂျပ်ဖာအား လာရောက်ရွေးယူစဉ် ရဲတပ်ဖွဲ့မှ တာဝန်ရှိသူများသည် သက်သေများနှင့်အတူ ဖွင့်ဖောက်စစ်ဆေးရာ အဆိုပါ ဖုန်းနံပါတ်ဖြင့် အောင်အောင် ၅၇ လမ်း၊ ဘုရင့်နောင်လမ်းနှင့် အောင်ဇေယျလမ်းကြား သိပ္ပံလမ်း တောင်ဘက်လိပ်စာ တပ်ထားသည့် ဂျပ်ဖာဘူးအတွင်း အပြာရောင် ပလတ်စတစ်ကပ်ခွာ အိတ်တစ်ထုပ်လျှင် WY စာတန်းပါ လိမ္မော်ရောင် စိတ်ကြွရူးသွပ်ဆေးပြား ၂၀၀ ပြားစီပါ ၄၇ ထုပ်၊ စုစုပေါင်း ဆေးပြား ၉၄၀၀ ပြား၊ အလေးချိန် ၉၄၀ ဂရမ်၊ တန်ဖိုး ကျပ် ၄၇၀၀၀၀၀၀ ခန့်၊ မက်အက်ဖီတမင်း (ICE) ဟု ယူဆရသည့် အဖြူရောင်ပုံဆောင်ခဲ ၈၈၀ ဂရမ်၊ တန်ဖိုး ကျပ် ၁၇၆၀၀၀၀၀၊ စုစုပေါင်း တန်ဖိုးကျပ် ၆၄၆၀၀၀၀၀အား သိမ်းဆည်းရမိခဲ့ကြောင်း သတင်းရရှိသည်။

ထို့နောက် ရဲတပ်ဖွဲ့မှ ယုန်ဆွမ်းအား စစ်မေးရာ ၎င်းနှင့်ခင်မင်ရင်းနှီးခဲ့သည့် မူဆယ်မြို့တွင် နေထိုင်သည့် စုံစမ်းဆဲတစ်ဦးထံမှ တစ်ဆင့်ပြန်လည် ၀ယ်ယူခဲ့သဖြင့် ပို့ပေးခြင်းဖြစ်ကြောင်း သိရသည်။

အဆိုပါ မူးယစ်ဆေးအမှုနှင့် ပတ်သက်ပြီး အောက်တိုဘာ ၈ ရက်တွင် နယ်မြေရဲစခန်း (အောင်ပင်လယ်) မှ မယ(ပ) ၂၀/၂၀၁၈ မူး/စိတ်ပုဒ်မ ၁၉(က) အရ အမှုဖွင့် ဆက်လက်စစ်ဆေးနေကြောင်း သတင်းရရှိသည်။

 

တောင်သမန်အင်းနှင့် ဦးပိန်တံတား သန့်ရှင်းသာယာ လှပရေးအတွက် ဈေးသည်များနှင့် ငှက်လှေအဖွဲ့များက အပတ်စဉ် စနေနေ့တိုင်း သန့်ရှင်းရေး ဆောင်ရွက်မည်

 

တောင်သမန်အင်းဝန်းကျင် သန့်ရှင်းရေးကို ဒေသခံများ ဆောင်ရွက်နေမှုအား အောက်တိုဘာ ၆ ရက်က တွေ့ရစဉ်

မန္တလေးမြို့၏ အထင်ကရ နေရာများထဲတွင် တစ်ခုအပါအ၀င်ဖြစ်ကာ နိုင်ငံခြားသား ခရီးသွားဧည့်သည်များ အများဆုံး လာရောက်သော တောင်သမန်အင်းနှင့် ဦးပိန်တံတားတွင် သန့်ရှင်းရေးအတွက် ဈေးသည်များနှင့် ငှက်လှေအဖွဲ့များက အပတ်စဉ် ပူးပေါင်းအမှိုက်ကောက်ခြင်းနှင့် သန့်ရှင်းရေး ဆောင်ရွက်ခြင်းများ ပြုလုပ်သွားမည် ဖြစ်ကြောင်း သိရသည်။

တောင်သမန်အင်းနှင့် ဦးပိန်တံတား သန့်ရှင်းသာယာ လှပရေးအတွက် အမှိုက်များ ရှင်းလင်းခြင်းကို ယခင်က မန္တလေးမြို့တော် စည်ပင်သာယာရေး ကော်မတီမှ ၀န်ထမ်းများဖြင့် လာရောက် လုပ်ကိုင်ခြင်းနှင့် အမှိုက်ကား နေ့စဉ်လာရောက် သိမ်းဆည်းသယ်ဆောင်ခြင်းများ ပြုလုပ်ခဲ့သော်လည်း လက်ရှိတွင် စည်ပင်မှ အမှိုက်ကား လာရောက်ခြင်း မရှိသည်မှာ နှစ်လ၀န်းကျင်ခန့် ရှိပြီဖြစ်ပြီး အမှိုက်များကို ဒေသခံဈေးသည်များနှင့် ငှက်လှေအဖွဲ့သားများက မိမိတို့ အစီအစဉ်ဖြင့် ကားငှားကာ သယ်ယူပို့ဆောင်နေရပြီး လက်ရှိတွင် အင်းဝန်းကျင် သာယာလှပရေးအတွက် အင်အားအမှီပြု လုပ်ကိုင်နေသူများ စုပေါင်းကာ သန့်ရှင်းခြင်းများ ဆောင်ရွက်လျက်ရှိကြောင်း သိရသည်။

“အင်းသန့်ရှင်းရေးအတွက် အရင်က မြို့တော်စည်ပင်က အခါအားလျော်စွာ လာရောက် လုပ်ကိုင်ပေးနေတယ်။ အခုနောက်ပိုင်းမှာ လာရောက်ခြင်း မရှိတော့တဲ့အတွက် ဈေးဆိုင်တွေနဲ့ ငှက်လှေအဖွဲ့တွေ ပူးပေါင်းပြီး ကိုယ်ထူကိုယ်ထ ရှင်းလင်းရေးကို ကြပ်မတ်ဆောင်ရွက်တာဖြစ်တယ်။ ဈေးဆိုင်တွေဆိုရင် နေ့စဉ်မိမိဆိုင်ဝန်းကျင်နဲ့ ထွက်သမျှအမှိုက်ကို စနစ်တကျ အမှိုက်ကန်တွေမှာ စွန့်ပစ်ဖို့ လုပ်ဆောင်နေသလို အပတ်စဉ် တစ်ဆိုင်တစ်ယောက်နှုန်းနဲ့ အင်းဝန်းကျင် အမှိုက်ကောက်တာ၊ သန့်ရှင်းရေး ဆောင်ရွက်တာ ဖြစ်တယ်။ စည်ပင်က ၀န်ထမ်းအင်အားရ လူမလာနိုင်တာကို ကျွန်တော်တို့က မပြောလိုပါဘူး။ အင်းသန့်ရှင်း သာယာရေးအတွက် နေ့စဉ်ထွက်ရှိတဲ့ အမှိုက်တွေကို စနစ်တကျ စွန့်ပစ်နိုင်ဖို့ အမှိုက်ကား လာရောက်သယ်ယူ သိမ်းဆည်းပေးဖို့တော့ လိုအပ်ပါတယ်။ အခုက အမှိုက်ကန်တွေရှိတယ် ဆိုပေမယ့် တစ်ပတ်တစ်ခါ အမှိုက်ရှင်းတဲ့ အခါမှာ အမှိုက်ထွက်ရှိမှုများရင် ကျွန်တော်တို့တွေက ကားငှားပြီး ဒီအမှိုက်တွေကို သူတို့ခွင့်ပြုတဲ့နေရာ ပို့နေရတဲ့အတွက် အခက်အခဲတော့ရှိတယ်” ဟု တောင်သမန်အင်းဘေးတွင် ဆိုင်ခန်းဖွင့်လှစ်ထားသည့် ဦးကျော်သိန်းက ပြောကြားသည်။

တောင်သမန်အင်းနှင့် ဦးပိန်တံတား သန့်ရှင်းသာယာ လှပရေးအတွက် ခရီးသွားဌာနနှင့် ဆက်စပ်ဌာနများမှ အမှိုက်ကောက် လှုပ်ရှားမှုများ ပြုလုပ်ခြင်းများကို အခါအားလျော်စွာ လာရောက် လုပ်ကိုင်လေ့ရှိပြီး စည်ပင်ဌာနမှ လာရောက် သိမ်းဆည်းခြင်းများကို ကူညီပေးလေ့ ရှိသော်လည်း နေ့စဉ်စနစ်တကျ လာရောက် လုပ်ကိုင်မှုနည်းကာ လက်ရှိတွင် စည်ပင်ဌာနမှပါ လာရောက်ခြင်း မရှိတော့သည့်အတွက် ဒေသခံများအနေဖြင့် အင်းသန့်ရှင်းရေးအတွက် ယခင်ထက်ပိုမို ဆောင်ရွက်ရလျက်ရှိကြောင်း သိရသည်။

လက်ရှိတွင် နိုင်ငံခြားသားဧည့်သည် အ၀င်များသော ပွင့်လင်းရာသီသို့ ရောက်ရှိနေပြီဖြစ်ကာ တောင်သမန်အင်းနှင့် ဦးပိန်တံတားသို့လည်း နိုင်ငံခြားသား ခရီးသွားဧည့်သည် ၀င်ရောက်မှုမှာ ယခင်လများထက် များပြားလာသည့်အတွက် သန့်ရှင်းရေးလုပ်ငန်းများ ပိုမိုစနစ်တကျရှိစေရန် လိုအပ်လျက်ရှိကြောင်း၊ အင်းရေကျချိန် ဖြစ်သောကြောင့် အင်းအတွင်း ဗေဒါများ ပိတ်ဆို့နေမှုများရှိကာ ယင်းဗေဒါ ဆယ်ခြင်းများ ဆောင်ရွက်ရန် အတွက်လည်း စည်ပင်သာယာဌာနမှ ကူညီမှုများ ပြုစေလိုကြောင်း ဒေသခံများက ပြောကြားသည်။

တောင်မင်းကြီး ဂေါပကအဖွဲ့ အနေဖြင့်လည်း လက်ရှိအခက်အခဲများ၊ အင်းသန့်ရှင်းရေးအတွက် လိုအပ်သည်များကို သက်ဆိုင်ရာ စည်ပင်သာယာ ကော်မတီသို့ စာတင်ပြ အကူအညီ တောင်းခံခြင်းများ ဆောင်ရွက်သွားမည် ဖြစ်ကြောင်း သိရသည်။

 

ပြင်ဦးလွင်မြို့ မြေဧရိယာဧက ၃၀၀ ခန့်ရှိ ပိုးစာခြံသုံးခြံအား တစ်ဧကလျှင် ကျပ်တစ်သိန်းနှုန်းဖြင့် နှစ် ၇၀ ငှားရမ်းထားမှုကို ခေတ်ကာလ ပေါက်ဈေးနှင့်အညီ ပြင်ဆင်ချုပ်ဆိုခြင်း၊ စာချုပ်ဖျက်သိမ်းခြင်း လုပ်ဆောင်ပေးနိုင်ခြင်း ရှိ၊ မရှိ မန္တလေးတိုင်း လွှတ်တော်တွင် မေးမြန်းခဲ့ရာ ယင်းစာချုပ်ပါ အချက်တချို့မှာ အစိုးရ အကူးအပြောင်းတွင် ပြင်ဆင်ချုပ်ဆိုခဲ့ခြင်း ဖြစ်ကြောင်း သိရ

ပြင်ဦးလွင်မြို့နယ် စိုက်ပျိုးရေးဦးစီးဌာန ၀ါနှင့် လျှော်မျှင်ထွက်သီးနှံဌာနခွဲတို့က ငှားရမ်းထားသော ပိုးစာခြံ သုံးခုတို့သည် လက်ရှိမြေပြင်တွင် စာချုပ်ပါ စည်းကမ်းများနှင့် ကိုက်ညီခြင်းရှိ၊ မရှိ မန္တလေးတိုင်းဒေသကြီး လွှတ်တော်တွင် ပြင်ဦးလွင် မဲဆန္ဒနယ်လွှတ်တော် ကိုယ်စားလှယ် ဦးအောင်မင်းက မေးမြန်းခဲ့ကြောင်း သိရှိရသည်။

အစိုးရ အကူးအပြောင်းကာလ ၁၇.၃. ၂၀၁၆ နေ့တွင် ပြင်ဆင်ချုပ်ဆိုသည့် စာချုပ်အရ နိုင်ငံတော်၏ ညွှန်ကြားချက်နှင့် ကိုက်ညီ ခြင်းရှိမရှိ၊ ငှားရမ်းခဲ့သော ဈေးနှုန်းများသည် ခေတ်ကာလ ပေါက်ဈေးအရ အလွန်နည်းခြင်း၊ အချိန်ကာလ သတ်မှတ်ချက် အလွန်အမင်း ချုပ်ဆိုထားခြင်း၊ နိုင်ငံတော် အကျိုးကို မျက်နှာမမူဘဲ ပုဂ္ဂိုလ်အဖွဲ့အစည်းတစ်ခု အကျိုးကို မျက်နှာမူ ချုပ်ဆိုထားခြင်း စသည့်အချက်များအရ ငှားရမ်းစာချုပ်များကို ဖျက်သိမ်းခြင်း သို့မဟုတ် ခေတ်ကာလ ငှားရမ်းခတန်ဖိုး၊ အချိန်ကာလများကို ပြင်ဆင်ချုပ်ဆိုခြင်းများ လုပ်ဆောင်ပေးနိုင်ခြင်း ရှိ မရှိ ပြင်ဦးလွင်မြို့နယ် လွှတ်တော်ကိုယ်စားလှယ် ဦးအောင်မင်းက မေးမြန်းခဲ့ခြင်းဖြစ်ပြီး တိုင်းဒေသကြီး လွှတ်တော်ဥက္ကဋ္ဌက ယင်းမှာ ပြည်ထောင်စု လွှတ်တော်နှင့်သာ သက်ဆိုင်၍ ပြည်ထောင်စုအဆင့်သို့ မေးမြန်းရန် ပြန်လည်ဖြေကြားခဲ့သည်။

အဆိုပါ ပိုးစာခြံသုံးခြံမှာ ပြင်ဦးလွင်မြို့နယ် ရပ်ကွက်ကြီး (၆) ကန်တော်ကြီးအနီးတွင် ရှိသော ဧရိယာ ၁၅၅ ဒသမ ၁၆ ဧက “ပိုးမျိုးဥနှင့် ပိုးစာခြံ”၊ ဧရိယာ ၁၆၉ ဒသမ ၈၈ ဧက အကျယ်ရှိ “ပိုးအိမ်ထုတ် ပိုးစာခြံ” နှင့် ပြင်ဦးလွင်-မန္တလေး အဆင်းလမ်း ဒိုးကွင်ကျေးရွာ အနီးတွင်ရှိသော “ဒိုးကွင်ပိုးစာခြံ” ဧရိယာ ၅၂ ဒသမ ၀၀ ဧကတို့ ဖြစ်ကြောင်း သိရသည်။

ယင်းတို့အနက် ပိုးမျိုးဥနှင့် ပိုးစားသုတေသနခြံ ဧရိယာ ၁၅၅ ဒသမ ၁၆ ဧကမှ ဧက ၁၀၀ အား ကုမ္ပဏီတစ်ခုသို့ တစ်နှစ်ချင်း စာချုပ်ချုပ်ဆိုသော စနစ်ဖြင့် ကနဦး ငါးနှစ်ငှားရမ်းပြီး  အငှားချထားသူ၏ အတည်ပြုချက်ဖြင့် သက်တမ်း တစ်ကြိမ်လျှင် ငါးနှစ်သက်တမ်း သုံးကြိမ်တိုးရန် ချုပ်ဆိုခဲ့သော်လည်း အစိုးရ အကူးအပြောင်းကာလ ၁၇.၃.၂၀၁၆ ရက်တွင် စာချုပ်အား ပြင်ဆင်ချုပ်ဆိုခဲ့ပြီး ငှားရမ်းခြင်း ကာလ နှစ် ၅၀ သက်တမ်း တိုးလိုပါက တစ်ကြိမ်လျှင် ၁၀ နှစ် သက်တမ်း နှစ်ကြိမ် တိုးနိုင်သည်ဟု ပြင်ဆင်ချုပ်ဆိုခဲ့သည်။ ငှားရမ်းခမှာ တစ်နှစ်လျှင် တစ်ဧက ကျပ်တစ်သိန်းနှုန်းဖြင့် ကျပ်သိန်း ၁၀၀ သာ ပေးဆောင်ချုပ်ဆိုထားကြောင်း တွေ့ရှိရသည်။

ထို့အတူ ၎င်းနှင့်တစ်ဆက်တည်းရှိသော ပိုးအိမ်ထုတ်ပိုးစာခြံ ၁၆၉ ဒသမ ၈၈ ဧက အနက် ၁၁၂ ဧကကိုလည်း နှစ် ၂၀ သဘောတူစာချုပ် ချုပ်ဆိုငှားရမ်းထားပြီး မြေပြင်တွင် စာချုပ်ပါ စည်းကမ်းများအတိုင်း အပြည့်အ၀ အကောင်အထည်ဖော်ခြင်း မရှိကြောင်း တွေ့ရှိရသည်ဟု လွှတ်တော်ကိုယ်စားလှယ် ဦးအောင်မင်း၏ မေးမြန်းချက်အရ သိရသည်။

ဒိုးကွင်ပိုးစာခြံ ၅၂ ဧကအနက် ၄၁ ဧကအား ငှားရမ်းစာချုပ် ချုပ်ဆိုထားသည့် ကုမ္ပဏီမှာလည်း ယင်းမြေပေါ်တွင် ယူကလစ်စိုက်ပျိုးမှုသာရှိကြောင်း တွေ့ရသည်။ ယင်းမြေဧရိယာ သုံးနေရာသည် ပြင်ဦးလွင်မြို့ရှိ နာမည်ကြီးခဲ့သော ပိုးစာချည်မျှင်စက်ရုံ၏ အဓိကကုန်ကြမ်း ထွက်ရှိရာ ပိုးစာစိုက်ခင်းများဖြစ်ပြီး ယခုကဲ့သို့ မြေပြင်တွင် စာချုပ်ပါ စည်းကမ်းများအတိုင်း အကောင်ထည်ဖော် ဆောင်ရွက်ခြင်းရှိ မရှိ စစ်ဆေးပေးရန် တင်ပြခြင်းဖြစ်ပြီး စည်းမျဉ်းစည်းကမ်း မကိုက်ညီပါက စာချုပ်ဖျက်သိမ်းခြင်း၊ ခေတ်ကာလ ပေါက်ဈေးနှင့်အညီ ပြင်ဆင်ချုပ်ဆိုခြင်းများကို သက်ဆိုင်ရာ ၀န်ကြီးဌာန သို့မဟုတ် တိုင်းဒေသကြီး အစိုရအဖွဲ့က ပြန်လည်စီမံ ဆောင်ရွက်ပေးစေလိုကြောင်း ဦးအောင်မင်းက ပြောကြားသည်။

“အရင်က ဘယ်ကို ငှားရမ်းထားသလဲဆိုတာ မြို့ခံတွေလည်း မသိကြဘူး။ အခုရွေးကောက်ပွဲပြီး အစိုးရပြောင်းတဲ့ အခါမှ စိုက်ခင်းတွေထဲကို ငှားရမ်းထားသူတွေက အဆောက်အအုံတွေ ဆောက်တာ၊ ၀င်ရောက် လုပ်ကိုင်လာကြတာ တွေ့ရတယ်။ ဘယ်သူဘယ်ဝါ ဆိုတာထက် ငှားရမ်းလုပ်ကိုင်ခွင့်ကို ဒေသခံတွေက ပွင့်လင်းမြင်သာစွာ သိလိုကြတယ်။ ဒါကြောင့် မေးမြန်းတာပါ။ ဒါကို ပြည်ထောင်စုအဆင့်ကို လွှဲပြောင်းတဲ့အတွက် ဆက်လက် မေးမြန်းသွားမှာပါ” ဟု ဦးအောင်မင်းက ပြောကြားသည်။

 

ဗီဇာကင်းလွတ်ခွင့်ပေးပြီး သုံးရက်အတွင်း နိုင်ငံသားခရီးသွား ၁၆၀၀ ကျော် မန္တလေးမြို့သို့ ၀င်ရောက်

မန္တလေးအပြည်ပြည် ဆိုင်ရာလေဆိပ်မှ ၀င်ရောက်လာသည့် နိုင်ငံသားခရီးသွားများအား တွေ့ရစဉ်

အာဆီယံပြင်ပနိုင်ငံများဖြစ်သည့် ဂျပန်၊ ကိုရီးယား၊ မကာအိုနှင့် ဟောင်ကောင်တို့ကို ခရီးသွားဗီဇာ ကင်းလွတ်ခွင့်ပေးပြီးနောက် သုံးရက်အတွင်း မန္တလေးအပြည်ပြည်ဆိုင်ရာလေဆိပ်မှ နိုင်ငံသားခရီးသွား ၁၆၀၀ ကျော် မန္တလေးမြို့သို့ ၀င်ရောက်လာကြောင်း မန္တလေးတိုင်းဒေသကြီး လူဝင်မှုကြီးကြပ်ရေး နှင့် ပြည်သူ့အင်အားဦးစီးဌာနမှ သိရသည်။

အောက်တိုဘာ ၁ ရက်မှစတင်၍ အာဆီယံပြင်ပနိုင်ငံများဖြစ်သည့် ဂျပန်နိုင်ငံ၊ ကိုရီးယားနိုင်ငံ၊ မကာအိုနှင့် ဟောင်ကောင်မှ ခရီးသွားဧည့်သည်များအတွက် ဗီဇာကင်းလွတ်ခွင့် စတင်ပြုခဲ့ခြင်းဖြစ်သည်။

“၁ ရက်ကနေ ၃ ရက်အထိ တရုတ်နိုင်ငံသား ဆိုက်ရောက်ဗီဇာနဲ့ စုစုပေါင်း ၁၃၆ ယောက် မန္တလေးလေဆိပ်က ၀င်ပါတယ်။ဗီဇာ extension နဲ့က ဂျပန်ရှစ်ယောက်၊ ကိုရီးယား၂၃ ယောက် မကာအိုတစ်ယောက် ၀င်ပါ တယ် ဟောင်ကောင်ကတော့ ၀င်ရောက်မှု မရှိသေးပါဘူး။ လေယာဉ်ခရီးစဉ်နဲ့က ၀င်ရောက်လာတဲ့ နိုင်ငံခြားသားခရီးသည်အနေနဲ့က ဒီသုံးရက်မှာ ၁၆၀၀ ကျော် ၀င်ရောက်ထားပါတယ်” ဟု အဆိုပါဌာနမှ လက်ထောက်ညွှန်ကြားရေးမှူး ဦးစောတင့်လွင်ကပြောသည်။

ဗီဇာဖြေလျှော့မှုအစီအစဉ်အနေဖြင့် အာရှနိုင်ငံများဖြစ်သည့် ဂျပန်၊ တောင်ကိုရီးယား၊ ဟောင်ကောင်နှင့် မကာအိုနိုင်ငံများမှ သာမန်နိုင်ငံကူးလက်မှတ် ကိုင်ဆောင်သူ ကမ္ဘာလှည့်ခရီးသွားများအတွက် ဗီဇာကင်း လွတ်ခွင့်နှင့် လေကြောင်းလိုင်းဖြင့် လာရောက် လည်ပတ်သည့် တရုတ်နိုင်ငံသားများအတွက် ဆိုက်ရောက်ဗီဇာ (Visa On Arrival) စနစ်ဖြင့် ၀င်ရောက်ခွင့်ပြုခြင်းဖြစ်ပြီး အောက်တိုဘာ ၁ ရက်မှ ၃ ရက်အထိ သုံးရက်အတွင်း ဆိုက်ရောက်ဗီဇာဖြင့် တရုတ် နိုင်ငံသား ၁၃၆ ဦး၊ ဗီဇာကင်းလွှတ်ခွင့်ဖြင့် တောင်ကိုရီးယားနိုင်ငံသား ၂၃ ဦး၊ ဂျပန် နိုင်ငံသား ရှစ်ဦးနှင့် မကာအိုနိုင်ငံသားတစ်ဦးတို့ ၀င်ရောက်လာကြောင်း သိရသည်။

ဗီဇာ ကင်းလွတ်ခွင့်ပြုလိုက်သည့်အတွက် ယခင်ကထက် ပြည်ပခရီးသွားများ ပိုမိုဝင်ရောက်လာမည်ဟု မျှော်လင့်ထားပြီး လက်ရှိ ဗီဇာကင်းလွတ်ခွင့်ပြုခြင်းကိုလည်း သက်ဆိုင်ရာနိုင်ငံများတွင် ကြေညာထားပြီး ဖြစ်ကြောင်းနှင့် ဗီဇာကင်းလွတ်ခွင့်ပြုခြင်းသည် စမ်းသပ်ကာလ တစ်နှစ်ဖြစ်သည်။

မန္တလေးတိုင်းဒေသကြီးအတွင်းသို့ လာရောက်လည်ပတ်မည့် ပြည်ပခရီးသွားဧည့်သည်များ အဆင်ပြေချောမွေ့စွာ သွားလာလည်ပတ်နိုင်ရေးအတွက် Information Counter များကို တိုင်းဒေသကြီး ဟိုတယ်နှင့် ခရီးသွားလာရေး ညွှန်ကြားမှုဦးစီးဌာနတွင်လည်းကောင်း၊ မန္တလေးဘူတာကြီးတွင်လည်းကောင်း၊ မန္တလေးအပြည်ပြည်ဆိုင်ရာ လေဆိပ်တွင်လည်းကောင်း ဖွင့်လှစ်ထားရှိပြီးဖြစ်ပြီ ကျန်နေရာများကိုလည်း ဖွင့်လှစ်နိုင်ရန် စီစဉ်ဆောင်ရွက်နေကြောင်း မန္တလေးတိုင်းဒေသကြီး ဟိုတယ်နှင့် ခရီးသွားလာရေး ညွှန်ကြားမှုဦးစီးဌာနက သိရသည်။

ယခုနှစ် နှစ်စ ဇန်န၀ါရီလမှ ဇွန်လအထိ မန္တလေးတိုင်းဒေသကြီးအတွင်းသို့ ပြည်ပခရီးသွားဝင်ရောက်မှုအနေဖြင့် တရုတ်နိုင်ငံမှ အများဆုံးဖြစ်ပြီး ဒုတိယအနေဖြင့် ပြင်သစ် နိုင်ငံ၊ တတိယအနေဖြင့် ထိုင်းနိုင်ငံမှ ၀င် ရောက်မှု အများဆုံးဖြစ်ပြီးဥရောပနိုင်ငံများမှ ခရီးသွားများဝင်ရောက်မှု ကျဆင်းသွားကြောင်း မန္တလေးတိုင်းဒေသကြီး ဟိုတယ်နှင့် ခရီးသွားလာရေး ညွှန်ကြားမှုဦးစီးဌာနက သိရသည်။

လက်ရှိမန္တလေးမြို့သို့ ခရီးသွားဝင်ရောက်မှုမှာ ပြည်ပ ခရီးသွားများသာမက ပြည်တွင်းခရီးသွားများလည်း တစ်နှစ်ထက်တစ်နှစ် ပိုမိုဝင်ရောက်မှု များပြားနေကြောင်းနှင့် အဆိုပါဌာန၏ မှတ်တမ်းများအရ ၂၀၁၆ ခုနှစ်တွင် ပြည်ပခရီးသွား ၃၈၅၀၃၁ ဦးနှင့် ပြည်တွင်းခရီးသွား ၅၁၇၂၉၀ ဦး၊ ၂၀၁၇ ခုနှစ်တွင် ပြည်ပခရီးသွား ၄၈၃၇၈၄ ဦးနှင့် ပြည်တွင်းခရီးသွား ၅၈၉၃၇၄ ဦး ၀င်ရောက်ခဲ့ပြီး ယခု ၂၀၁၈ ခုနှစ်တွင် လက်ရှိခြောက်လတာ စာရင်းများအရ ပြည်ပခရီးသွား ၂၃၁၀၀၂ ဦးနှင့် ပြည်တွင်းခရီးသွား ၃၂၉၅၆၇ ဦး ၀င်ရောက်လျက်ရှိကြောင်း သိရသည်။

အမရပူရ မြို့ပြစီမံကိန်း ဖော်ဆောင်မှုတွင် စိုက်ပျိုးမြေများ ထိခိုက်သည် ဟုဆိုကာ ဒေသခံအချို့ ထွန်တုံးတိုက်ပွဲပြုလုပ်

အမရပူရ မြို့ပြစီမံကိန်း ဖော်ဆောင်မှုတွင် စိုက်ပျိုးမြေများ ထိခိုက်သည် ဟုဆိုကာ ဒေသခံအချို့ အောက်တိုဘာ ၂ ရက်က ထွန်တုံးတိုက်ပွဲ ပြုလုပ်နေစဉ်

မန္တလေးတိုင်းဒေသကြီး မန္တလေးမြို့ အနောက်ဘက်ရှိ ရှမ်းကလေးကျွန်းကျေးရွာ အနီးတွင် ဖော်ဆောင်နေသည့် အမရပူရ မြို့ပြဖွံ့ဖြိုးရေး စီမံကိန်းကြောင့် စိုက်ပျိုးမြေများ ထိခိုက်သည် ဟုဆိုကာ ဒေသခံတောင်သူအချို့ အောက်တိုဘာ ၂ ရက် နံနက် ၉ နာရီဝန်းကျင်က ထွန်တုံးတိုက်ပွဲ ပြုလုပ်ခဲ့ကြောင်း သိရသည်။

“ဒီမြေတွေက ကျွန်တော်တို့ ရှမ်းကလေး ကျွန်းက ၃၈ ကျပ်ကျွန်းလို့ ခေါ်ပါတယ်။ ဒီမြေတွေက ကျွန်တော်တို့ ကိုဝိတ်ကုမ္ပဏီကို မရောင်းရသေးပါဘူး။ မရောင်းရသေးတဲ့ မြေကို သူတို့က အတင်းသိမ်းပိုက်ပြီး သဲတွေဖို့နေလို့ ကန့်ကွက်ရတာ ဖြစ်ပါတယ်။ ကျွန်တော်တို့က ၈၅ ခုနှစ်ကတည်းက တောင်သူတွေကို တစ်ယောက်ကို တစ်ဧကနှုန်း တရားဝင်ချပေးထားတဲ့ မြေတွေဖြစ်ပါတယ်၊ ဒီမြေဧက ၇၀ ပေါ်မှာ တရားဝင် တင်ထားတာ တောင်သူ ၃၉ ဦး ရှိပါတယ်။ ဒီမြေတွေကို သက်ဆိုင်ရာ လူကြီးတွေ ခေါ်ယူစစ်ဆေးတော့ သူတို့ကုမ္ပဏီက ၀ယ်ထားတာ မပါပါဘူး။ အဲဒီလိုမပါတဲ့မြေတွေကို အခုလို သဲတွေဝင်ဖို့၊ သိမ်းပိုက်နေတာ ဖြစ်တဲ့အတွက် ကန့်ကွက်ရတာ ဖြစ်ပါတယ်” ဟု ဦးစိုးတင့်က ပြောကြားသည်။

မိမိတို့အနေဖြင့် နိုင်ငံတော်အစိုးရ ခွင့်ပြုချက် ပေးထားသော စီမံကိန်းဧရိယာ အတွင်း၌သာ ဆောင်ရွက်နေခြင်းဖြစ်ပြီး ယင်းသို့ဆောင်ရွက်နေစဉ်အတွင်း မြေယာပိုင်ဆိုင်သူဆိုသူ၊ သက်ဆိုင်သူ ဆိုသူများ ရှိလာခဲ့ပြီး အငြင်းပွားမှုများ ဖြစ်ပေါ်လာခဲ့လျှင်လည်း ညှိနှိုင်းဆောင်ရွက် ပေးလျက်ရှိကြောင်း အမရပူရ မြို့ပြဖွံ့ဖြိုးရေး စီမံကိန်း ပြန်ကြားရေးတာဝန်ခံ ဦးဇော်ရဲဝင်းက ပြောကြားသည်။

“အဲဒီမြေယာတွေက သူတို့တကယ်ပိုင်ဆိုင် ထားတယ်ဆိုရင် သက်ဆိုင်ရာဌာနတွေကို အထောက်အထားတွေနဲ့ တင်ပြလိုက်ပါ။ ကျွန်တော်တို့အားလုံး အဆင်ပြေအောင် ညှိနှိုင်းဆောင်ရွက်ပေးမှာ ဖြစ်ပါတယ်။ သူတို့ဒေသခံအစစ် ဖြစ်ဖို့တော့ လိုပါတယ်။ ကျွန်တော်တို့အနေနဲ့ ဒီစီမံကိန်းဧရိယာ အတွင်းမှာ မူလပိုင်ရှင်နဲ့ ပြန်လည်ရောင်းချ သူတွေကြားမှာ ပိုင်ဆိုင်မှု အငြင်းပွားတာတွေ ဖြစ်ခဲ့တာမျိုးတွေ ရှိပါတယ်။ တကယ်တမ်းက အဲဒီလိုကိစ္စတွေက ကျွန်တော်တို့နဲ့ တိုက်ရိုက်မဆိုင်ပေမယ့် ကြားဝင်ပြီး ဆောင်ရွက်ပေးတာတွေ ရှိပါတယ်။ အခုကျွန်တော်တို့ လုပ်ဆောင်နေတဲ့ စီမံကိန်း လုပ်ငန်းတွေဟာလည်း သက်ဆိုင်ရာ တာဝန်ရှိသူများရဲ့ ကြီးကြပ်မှု၊ ခွင့်ပြုချက်တွေနဲ့ လုပ်ဆောင်နေတာ ဖြစ်ပါတယ်။ ဒီကိစ္စကို သူတို့အနေနဲ့ တင်ပြလိုက်ပါ။ ညှိနှိုင်းဆောင်ရွက်ပေးသွားမှာ ဖြစ်ပါတယ်” ဟု အမရပူရမြို့ပြ ဖွံ့ဖြိုးရေးစီမံကိန်း ပြန်ကြားရေးတာဝန်ခံ ဦးဇော်ရဲဝင်းက ပြောကြားသည်။

လက်ရှိပိုင်ဆိုင်မှု အငြင်းပွားနေသော မြေယာများမှာ ရှမ်းကလေးကျွန်းမြောက်ဘက်၊ တစ်မိုင်ခွဲခန့်အကွာ ရွှေလှံဗိုလ်ဘုန်းကြီးကျောင်း ဘေးနားရှိ မြေယာများဖြစ်ပြီး တောင်သူများက မူလအစက ထွန်တုံးတိုက်ပွဲ ဆောင်ရွက်မည်ဟု ကြေညာကာ ကုမ္ပဏီပိုင်မြေထဲ ၀င်ရောက်ပြီး ၎င်းတို့ပိုင်ဆိုင်ကြောင်း အလံတိုင်များ စိုက်ထူရန် ပြင်ဆင်ထားသော်လည်း ကုမ္ပဏီဘက်က အဆင်ပြေအောင် ညှိနှိုင်းမည်ဆိုကာ ကမ်းလှမ်းလာခြင်းကြောင့် ယင်းအစီအစဉ်ကို ပြန်လည်ရုပ်သိမ်းခဲ့ခြင်းကို တွေ့ရှိရသည်။

မန္တလေးမြို့ အမရပူရမြို့နယ်၊ ရှမ်းလေးကျွန်းဧရိယာဝန်းကျင် မြေဧက ၂၀၀၀ ပေါ်တွင် အကောင်အထည်ဖော်မည့် အမရပူရ မြို့ပြဖွံ့ဖြိုးရေးစီမံကိန်းမှာ ယခင်အစိုးရချုပ်ဆိုခဲ့သည့် စာချုပ်အရ လက်ရှိအစိုးရလက်ထက်တွင် လုပ်ထုံးလုပ်နည်းနှင့်အညီ သေချာစိစစ်၍ ခွင့်ပြုခဲ့ခြင်းဖြစ်ကြောင်း တိုင်းဒေသကြီးအစိုးရ ၀န်ကြီးချုပ် ဒေါက်တာဇော်မြင့်မောင်က ပြောကြားခဲ့ပြီး စီမံကိန်းဆောက်လုပ် အကောင်အထည်ဖော်မည့် MBCCD (Myanmar Business Capital City Development) ကုမ္ပဏီမှာ စီးပွားရေးလုပ်ငန်းရှင် ဦးမောင်ဝိတ် ဥက္ကဋ္ဌအဖြစ် တာဝန်ယူ ဆောင်ရွက်နေခြင်းဖြစ်ကာ လက်ရှိတွင် အမရပူရ မြို့ပြဖွံ့ဖြိုးမှု အများနှင့် သက်ဆိုင်သောလီမိတက် ဖွဲ့စည်းတည်ထောင်ထားကြောင်း သိရသည်။

၂၀၁၆ ခုနှစ် ဇွန်လပိုင်းက တိုင်းဒေသကြီး အစိုးရအဖွဲ့နှင့် သဘောတူညီချက် လက်မှတ်ရေးထိုး စာချုပ်ချုပ်ဆိုခဲ့သည့် အမရပူရ ဖွံ့ဖြိုးရေးစီမံကိန်းမှာ အပိုင်းခုနစ်ပိုင်း ပါဝင်ကာ စီမံကိန်းကာလ ၁၀ နှစ် ကြာမြင့်မည်ဖြစ်ပြီး လက်ရှိတွင် စီမံကိန်းစတင် အကောင်အထည် ဖော်နိုင်ရန် မြေဧရိယာများ လိုက်လံဝယ်ယူခြင်း၊ သဘာဝပတ်ဝန်းကျင် ထိခိုက်မှု စစ်တမ်းများကို နိုင်ငံတကာ ပညာရှင်များဖြင့် လိုက်လံကောက်ယူခြင်းများ ဆောင်ရွက်ပြီးစီးပြီ ဖြစ်သည့်အပြင် သုတေသန အချက်အလက်များကိုလည်း အစိုးရသို့ လှူဒါန်းခဲ့ကြောင်း သိရသည်။

“အမရပူရရဲ့ အဓိက ရိုးရာထွက်ကုန် တစ်မျိုးဖြစ်တဲ့ ပိုးထည်ချည်ထည် လုပ်ငန်းဇုန် တစ်ခုပါဝင်မယ်။ အရောင်းအ၀ယ် စီးပွားရေးဇုန်ပါမယ်။ ကုန်စည်စီးဆင်းမှုအတွက် ဆိပ်ကမ်းတစ်ခု၊ ဟိုတယ်ဇုန်၊ စားသောက်ဆိုင်ဇုန်တွေနဲ့ လုံးချင်းအိမ်ရာ တွေပါမယ်။ ပြီးတော့ ပညာရေးဇုန်တွေဖြစ်တဲ့ ကိုယ်ပိုင်ကျောင်းတွေ၊ အသက်မွေးဝမ်းကျောင်းတွေ၊ နိုင်ငံတကာ ကျောင်းတွေအပြင် ဆေးရုံတွေ ပါဝင်ပါမယ်။ စီမံကိန်းအနေနဲ့ ဇုန်ခုနစ်ဇုန် အပိုင်းခုနစ်ပိုင်းနဲ့ အကောင်အထည် ဖော်သွားမှာဖြစ်ပြီး မြေယာဝယ်ယူထားမှုက ၆၅ ရာခိုင်နှုန်းလောက် ရရှိထားပါပြီ။ ပြောရရင် ဒီဇုန်တွေမှာ စက်ရုံလုပ်ငန်းတွေ ပါဝင်မှာ မဟုတ်ပါဘူး။ ပြီးတော့ ဒီစီမံကိန်းတစ်ခုလုံးရဲ့ မြေဧရိယာတွေဟာ သိမ်းဆည်းတာမျိုး မဟုတ်ဘဲ အားလုံးကိုဝယ်ယူ အကောင်အထည်ဖော်တာ ဖြစ်ပါတယ်” ဟု စီမံကိန်းမှ သတင်းပြန်ကြားရေး တာဝန်ခံ ဦးဇော်ရဲဝင်းက ပြောကြားသည်။

“အမရပူရမြို့ပြ စီမံကိန်းဟာ သယံဇာတတွေ ထုတ်ယူသွားမယ့် လုပ်ငန်းတွေလို လုပ်ငန်းအမျိုးအစားတွေထဲမှာ မပါဝင်ပါဘူး။ အဆောက်အအုံတွေ၊ လမ်းတွေ၊ တံတားတွေဟာ သယံဇာတတွေလို ဘယ်လိုမှ သယ်သွားလို့ မရပါဘူး။ ဒီမြေဒီဒေသမှာပဲ တည်ရှိနေမှာ ဖြစ်ပါတယ်။ ကျွန်တော်တို့ဟာ စကားနည်းနည်းပြောပြီး မြေပြင်ဖွံ့ဖြိုးမှု လုပ်ငန်းတွေကို အမြန်ဆုံးနဲ့ အကောင်းဆုံး လုပ်ဆောင်သွားမှာ ဖြစ်ပါတယ်” ဟု MBCCD ကုမ္ပဏီဥက္ကဋ္ဌ ဦးမောင်ဝိတ်က ၂၀၁၇ ခုနှစ် ဇူလိုင်လအတွင်းက ပြုလုပ်သည့် ရွှေဂဲရေဆိုးစွန့်စက်ရုံ တည်ဆောက်လှူဒါန်းပွဲတွင် ပြောကြားသည်။

 

မန္တလေးမြို့ မဟာမုနိဘုရား​ဂေါပက,က ဘုရားအတွင်း ​ စောင်းတန်းနှစ်ခုတွင်​ လူ​နေထိုင်​ခြင်းကို ကန့်​သတ်​မည်​ဖြစ်​ပြီး ပြောင်း​ရွှေ့ပေးရန်​ ​မေတ္တာရပ်​ခံထားဟုဆို

မဟာမုနိဘုရားကြီး နာရီစင်​အနီး ပန်းတန်း ဆိုင်​ခန်းများအား​ တွေ့ရစဉ်​

မန္တလေး မဟာမုနိဘုရား​ဂေါပကက ဘုရားသန့်​ရှင်းသာယာ​ရေးအတွက်​ ပြုပြင်​​ရေးလုပ်​ငန်းများ ​ဆောင်​ရွက်​လျက်​ရှိရာ နှစ်နှစ်​အတွင်း ပြတိုက်​၊ ပြခန်းများပြင်​ဆင်​ခြင်း၊ လိုအပ်​သည့်​ မွမ်းမံပြင်​ဆင်​မှုများ​ ဆောင်​ရွက်​၍ သန့်​ရှင်းသာယာရန်​ ပန်းခြံများ​ ဖော်​​ဆောင်​ခြင်းနှင့်​ ကားပါကင်​စသည့်​ လုပ်​ငန်းများ​ ဆောင်​ရွက်​ခဲ့ပြီး ထပ်​မံ၍ ပြင်​ဆင်​မွမ်းမံမှုများနှင့်​ ဘုရားအတွင်း လူ​နေထိုင်​နေသည့် ​ စောင်းတန်းနှစ်ခုကိုလည်း ညအိပ်​​နေထိုင်​မှုကို ကန့်​သတ်​မည်​ဖြစ်​​ကြောင်း ​ဂေါပကအဖွဲ့၏ ​ပြောကြားချက်​အရသိရသည်​။

“ဂေါပကအဖွဲ့အ​နေနဲ့ ဘုရားအတွက်​နဲ့ ဘုရားဖူးပြည်​သူ​တွေအတွက်​ကြည့်​ပြီး ​ပြုပြင်​​ရေးလုပ်​ငန်း​တွေကို လုပ်​ကိုင်​ခဲ့တယ်​။ လက်​ရှိမှာ အကြီးစား ပြင်​ဆင်​မွမ်းမံမှု​တွေ၊ ယိုယွင်း ပျက်​စီးတာ​တွေကို ပြုပြင်​မှု​တွေက ထက်​၀က်​နီးပါး​လောက်​ ပြီးစီး​နေပါပြီ။ လုပ်​တဲ့အခါ သန့်​ရှင်းသာယာလှပ​ရေးအတွက်​လုပ်​တယ်​။ အဲဒီမှာ နဂိုကတည်းက အစဉ်​အဆက်​ အ​လေ့အကျင့်​ဖြစ်​​နေတာ​တွေက ဒီ​နေ့မှာ ကန့်​သတ်​ချက်​ ဖြစ်​လာ​တော့ ပြဿနာ​လေး​တွေရှိလာတယ်​။ ကြိုက်​ခြင်း၊ မကြိုက်​ခြင်း ဆိုတာ​တွေ ရှိလာတယ်​။ တကယ်​လို့ လုပ်​သင့်​လုပ်​ထိုက်​တာ မှန်​ရင်​​တော့ ဘုရားနဲ့ ဘုရားဖူးပြည်​သူ​တွေအတွက်​ကိုပဲ ထည့်​စဉ်းစားပြီး တကယ်​အကျိုးရှိနိုင်​ရင်​​ ဆောင်​ရွက်​မှာဖြစ်​တယ်​။ ဒီအတွက်​ အခုလက်​ရှိမှာ ဘုရား​စောင်းတန်းအတွင်း လူ​နေထိုင်​မှု​တွေကို ကန့်​သတ်​သွားမယ်​။ ဘုရားဝန်​ထမ်း​တွေ အတွက်​လည်း ၀န်​ထမ်းအိမ်​ရာကို ၈၄ လမ်း နဲ့ စစ်​ကိုင်းလမ်းမှာရှိတဲ့ လစ်​လပ်​​နေရာမှာ​ ဆောက်​​နေတယ်​။ ခန့်​မှန်း​ခြေ အဲဒါပြီးစီးမယ့်အချိန်​မှာ ဘုရားအတွင်း ​နေထိုင်​မှုကို လုံးဝ ကန့်​သတ်​သွားမှာပါ။ ဒါ​ကြောင့်​အခု လူ​နေ ထိုင်​​နေတဲ့ ​ပန်းတန်းနဲ့ အာနန္ဒာ​စောင်းတန်း​က ဆိုင်​ခန်း​တွေမှာ လူ​နေထိုင်​မှုကို ၂၀၁၉ မတ်​လအတွင်းမှာ ​ရွှေ့ပေးဖို့ ​မေတ္တာရပ်​ခံ ထားတယ်​” ဟု ဘုရားကြီး​ဂေါပကအဖွဲ့ဥက္ကဋ္ဌ ဦးစိုးလင်းက​ ပြောကြားသည်​။

ဘုရား​ဂေါပက,က လူ​နေထိုင်​မှုကန့်သတ်​ခြင်းမှာ အဂါဝရမဖြစ်​စေရန်နှင့်​ ဘုရားလုံခြုံ​ရေး သန့်​ရှင်းသာယာလှပ​​ရေးအတွက်​ ​ဆောင်​ရွက်​ခြင်းဖြစ်​ပြီး လက်​ရှိတွင်​ လူ​နေထိုင်​မှုမှာ ​စောင်းတန်းနှစ်ခုဖြစ်​​သော အာနန္ဒာ ​စောင်းတန်းနှင့်​ ၈၂ လမ်းမှ ၀င်​​ရောက်​ရာတွင်​ နိဗ္ဗာန်​ကုန်​များ​ရောင်းချသည့်​ နာရီစင်​အနီး ပန်းတန်းတို့တွင်​ ​နေထိုင်​မှုရှိပြီး ​နေထိုင်​သူ စုစု​ပေါင်း ၁၅ ဦးခန့်​ရှိကြောင်း သိရသည်။

ယခင်​က ဘုရားတံတိုင်း ဧရိယာအတွင်း ၀န်​ထမ်းအိမ်​ရာများလည်း ရှိခဲ့ပြီး လူ​နေထိုင်​မှုများရှိကာ ​ဂေါပက တက်​လာသည့်​အချိန်​တွင်​ စနစ်​တကျဖြစ်​​စေရန်​ ၀န်​ထမ်းအိမ်​ရာများကို သီးသန့်ဆောက်​လုပ်​​နေရာချထားပေး ခြင်းများ​ ဆောင်​ရွက်​ခဲ့ရာ လက်​ရှိတွင်​ ထပ်မံ လိုအပ်​သည့်​ ၀န်​ထမ်းများအတွက်​ ဆက်​ လက်​​ဆောက်​လုပ်​မှုများ ပြုလုပ်​လျက်ရှိပြီး ယင်းအ​ဆောက်အအုံများပြီးစီးပါက ဘုရားတံတိုင်း ဧရိယာအတွင်း လူ​နေထိုင်​မှုကို ကန့်သတ်​မည်​ဟု​ ပြောကြားခဲ့သည်​။

အင်းဝရှိ ​​ဒုဋ္ဌ၀တီမြစ် ကမ်းပါးပြိုကာကွယ်ရေး ကျောက်စီကမ်းထိန်းလုပ်​ငန်းမှာ လပိုင်းအတွင်း ပျက်​စီးမှု ဖြစ်ပေါ်ခဲ့သည့်​အတွက်​ လုပ်​ကိုင်​သည့်​ ကုမ္ပဏီအား တင်​ဒါစည်းကမ်းအရ အ​ရေးယူသွားမည်​

ဒုဋ္ဌ၀တီမြစ်ကမ်းပါးပြို ကာကွယ်ရေး ကျောက်စီရေထိန်းတမံကို တွေ့ရစဉ်

မန္တလေးတိုင်းဒေသကြီး အစိုးရအဖွဲ့ ခွင့်ပြုရန်​ပုံ​ငွေဖြင့်​ ​ဆောင်​ရွက်​ခဲ့သည့်​ တံတားဦ မြို့နယ် အင်းဝရှေး​ဟောင်း နယ်​မြေ​ဈေးချိုရပ်ကွက်အနီး ဒုဋ္ဌ၀တီမြစ်ကမ်းပါးပြို ကာကွယ်ရေး ကျောက်စီရေထိန်းတမံ တည်ဆောက်ရေး​ဆောင်​ရွက်​ခဲ့သည့်​ ကုမ္ပဏီအား တင်ဒါစည်းကမ်းအရ အရေးယူမည် ဖြစ်ကြောင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ သိရသည်​။

ကမ်းထိန်းတည်​​ဆောက်​ခဲ့ရာတွင်​ လုပ်​ကိုင်​ခွင့်​ရခဲ့သည့်​ ​ကုမ္ပဏီမှ သတ်မှတ်ကာလအတွင်း မြစ်ရေတက်လာ​သော​ကြောင့်​ လုပ်​ငန်းရာနှုန်းပြည့်​ ပြီးစီးခြင်းမရှိဘဲ ၆၅ ရာခိုင်နှုန်းသာ ပြီးစီး၍ ကျောက်စီတမံ ပျက်စီးမှုများ ဖြစ်ပေါ်ခဲ့ခြင်းဖြစ်ကာ လက်​ရှိတွင်​ ဌာနမှ သွား​ရောက်​စစ်​​ဆေးမှုများ ပြုလုပ်​ခဲ့ပြီး တိုင်းအစိုးရအဖွဲ့ ညွှန်​ကြားချက်အဖြစ်​ အ​ရေးယူ​ ဆောင်​ရွက်​ခြင်းများ ပြုလုပ်​သွားမည်​ဖြစ်​ကာ ပျက်စီးမှုများကိုလည်း ​ရေကျချိန်​တွင်​ ကုမ္ပဏီမှ ပြန်​လည်​တည်​​ဆောက်​​ ပေးရမည်​ ဖြစ်​​ကြောင်း သိရသည်​။

“အရေးယူဖို့ တိုင်းအစိုးရအဖွဲ့က စ ထုတ်​ထားတယ်​။ ပြီးအောင်လုပ်မထားခဲ့ဘူး။ အောက်ခြေထိန်းတွေ ကောင်းကောင်းမပြီးတဲ့အတွက် ဖြစ်တာ။ ကုမ္ပဏီက လုပ်​ငန်း ၈၀ ရာခိုင်​နှုန်းပြီးတယ်​​ ပြော​ပေမယ့်​ စစ်​​ဆေးချက်​အရ ၆၅ ဒသမ ၅ ရာခိုင်​နှုန်းပဲ ပြီးစီးတယ်​။ တင်​ဒါစည်းကမ်းအရ အ​ရေးယူဖို့ကို ဌာနက ​ဆောင်​ရွက်​သွားမယ်​။ တိုင်းအစိုးရအဖွဲ့ ညွှန်​ကြားချက်​အရလည်း လုပ်​ငန်းရဲ့ငါးရာခိုင်နှုန်းဘဏ်​မှာ သွင်းခိုင်းထားတဲ့​ငွေကို တိုင်းအစိုးရအဖွဲ့က သိမ်းမယ်​။ ပြီးတင်​ဒါပြိုင်​တဲ့ အခါမှာလည်း ကုမ္ပဏီကို ၁၅ မှတ်​​လျော့မယ်​။ ပျက်​စီးမှုကို​တော့ တာဝန်​ယူပြီး ပြန်​​ဆောက်​​ပေးရမယ်​” ဟု ​မန္တ​လေးတိုင်းဒေသကြီး ​ရေအရင်းမြစ်​နှင့်​ မြစ်​​ချောင်းများ ဖွံ့ဖြိုးတိုးတက်​ရေး ဦးစီးဌာနမှ ဒုတိုင်းဦးစီးမှူးက ဆိုသည်​။

ယင်း ကမ်းပြိုကာကွယ်ရေး လုပ်ငန်းမှာ အလျား ပေ ၆၃၀ တွင် သံခြင်းအခြေပြု ကျောက်စီရေထိန်းတမံ ပြုလုပ်ခြင်းဖြစ်​ပြီး ငွေကျပ်သိန်းပေါင်း ၁၈၆၉ ခွင့်ပြုခဲ့​ကြောင်း လက်​ရှိတွင်​ လုပ်ငန်း၏ ၆၅ ဒသမ ၅ ရာခိုင်နှုန်းသာ ပြီးစီးခဲ့​ကြောင်း သိရသည်။

ကျန်​သည့်​ ၃၅ ဒသမ ၅ ရာခိုင်နှုန်းကို ၂၀၁၈-၂၀၁၉ ဘဏ္ဍာနှစ်၊ ကမ်းပြိုကာကွယ်ရေး လုပ်ငန်း ၁၅ ခုမှ တင်ဒါ ပိုလျှံငွေဖြင့် ဆောင်ရွက်သွားမည်ဖြစ်​​ကြောင်း သိရသည်။

ပြီးခဲ့သည့်​နှစ်​ ကမ်းပြိုကာကွယ်​ရေး တည်​​ဆောက်​​ရေး လုပ်​ငန်းများကို စဉ့်​ကူးမြို့နယ်​ရှိ ဆီသည်​၊ ဟင်္သာဖို၊ ရွာသာယာ၊ ဆင်​​သေ၊ မတ္တရာမြို့နယ်​တွင်​ ဇီးဖြူကုန်း၊ ရွာတန်း ရှည်​၊ ပုဂံစု၊ ကုန်းတန်းကြီး၊ တံတားဦး အင်းဝ ​ဒေသတွင်​ အိုးတုတ္ထန်း၊ ​ဈေးချို၊ မြင်းခြံမြို့နယ်​တွင်​ ​လေးအိမ်​တန်းရွာ၊ ငါန်းဇွန်​မြို့နယ်​တွင်​ ငါန်းဇွန်​နှင့်​ ရက္ခဒီပ၊​ ညောင်​ဦးမြို့နယ်​တွင်​ ​လောကနန္ဒာဘုရား ကမ်းပြိုကာကွယ်​​ရေးနှင့် အမရပူရမြို့နယ်​တွင်​ ဖရဲကျွန်းအ​ရှေ့၊ ဖရဲ ကျွန်း​အ​နောက်​နှင့်​ သပိတ်​တန်းစသည့်​​နေရာ များတွင်​​ ရေလမ်း​ကြောင်း​ပေါ် မူတည်​၍ တိုက်​ရိုက်​ကာကွယ်​ ကမ်းထိန်းနံရံ တည်​​ဆောက်​ခြင်းများနှင့်​ ​ရေလွှဲ၊ ​ရေကာ ​ဆောင်​ရွက်​ခြင်း လုပ်​ငန်းများကို​ ဆောင်​ရွက်​လျက်​ရှိပြီး ​ရေလမ်း​ကြောင်းအရ အ​ရေးကြီးကာ အဆင့်​ဆင့်​​ ဆောင်​ရွက်​ရမည့်​​ နေရာများကို ​ရေရင်းမြစ်​နှင့်​ မြစ်​​ချောင်းများ ဖွံ့ဖြိုးတိုးတက်​​ရေး ဦးစီးဌာနမှ တာဝန်​ယူ​ ဆောက်​လုပ်​ခြင်း ဖြစ်​​ကြောင်း သိရသည်​။

 

စစ်ကိုင်း မြစ်ငယ်ကားလမ်းတွင် ရဲတပ်ဖွဲ့ဝင် တစ်ဦးအား ရိုက်နှက်ပြီး ဆိုင်ကယ်လုယူမှု ဖြစ်ပွား

မန္တလေးမြို့ အမရပူရမြို့နယ် စစ်ကိုင်း -မြစ်ငယ် ကားလမ်းတွင် ရဲတပ်ဖွဲ့ဝင် တစ်ဦးအား ရိုက်နှက်ပြီး ဆိုင်ကယ်လုယက်မှုတစ်ခု စက်တင်ဘာ ၁၄ ရက် နံနက်အစောပိုင်းက ဖြစ်ပွားခဲ့ကြောင်း၊ လုယက်ခံရသည့် ရဲတပ်ဖွဲ့ဝင်မှာ စစ်ကိုင်းမြို့မရဲစခန်းတွင် တာဝန်ထမ်းဆောင်နေသူ တစ်ဦးဖြစ်ကြောင်း သိရသည်။

“စစ်ကိုင်းမြို့မရဲစခန်းကလို့ သိရပါတယ်။ ကျူးလွန်သူတွေကို ဖမ်းမိဖို့ ဆောင်ရွက်နေပါတယ်။ ရဲတပ်သား အခြေနေကတော့ စောင့်ကြည့်နေရတုန်းပါ” ဟု အမရပူရမြို့နယ် ရဲတပ်ဖွဲ့မှူး ရဲမှူးသိန်းဝင်းက ပြောကြားသည်။

အဆိုပါ စစ်ကိုင်းမြို့မရဲစခန်းမှ ရဲတပ်သား အေးကျော်သည် မန္တလေးမြို့ရှိ ကျွဲဆည်ကန်ကားကြီးကွင်းသို့  သူငယ်ချင်းသွားကြိုရာ မတွေ့ရသဖြင့် စစ်ကိုင်းသို့ တစ်ဦးတည်း ပြန်လာစဉ် ဆိုင်ကယ်နှစ်စီးဖြင့် လူများက ဦးခေါင်းကိုတုတ်ဖြင့် ရိုက်နှက်ခဲ့ကြောင်း၊ ထို့နောက် လက်ဝဲဘက်နံစောင်းသို့ ချွန်ထက်သည့်အရာဖြင့် ထိုးသွင်းခံခဲ့ရကာ ဆိုင်ကယ်ယူသွားခဲ့သည်ဟု သိရသည်။

ဖြစ်စဉ်နှင့် ပတ်သက်ပြီး ရဲတပ်သားအေးကျော်အား တုတ်ဖြင့် ရိုက်နှက်ခြင်း၊ ထိုးသွင်းခြင်း စသည်တို့ ကျူးလွန်ပြီး ဆိုင်ကယ်ယူဆောင်သွားသူတို့ကို အမရပူရမြို့နယ် မြစ်ငယ်ရဲစခန်းတွင် ပုဒ်မ ၃၉၄ ဖြင့် အမှုဖွင့်ထားကြောင်း သိရသည်။