မွန်ပြည်သစ်ပါတီအနေဖြင့် NCA လက်မှတ်ရေးထိုးပြီးနောက် JMC-S အဆင့်တွင် မွန်ပြည်နယ်တစ်ခုတွင်သာ ပါဝင်ခွင့်ပေးခြင်းအပေါ် ကျေလည်မှုမရှိဟု NMSP ဒုတိယဥက္ကဋ္ဌ နိုင်ဟံသာ ပြောကြား

မွန်ပြည်သစ်ပါတီ (NMSP) အနေဖြင့် မွန်ပြည်နယ်၊ ကရင်ပြည်နယ်နှင့် တနင်္သာရီတိုင်းဒေသကြီးတို့တွင် အခြေချ လှုပ်ရှားနေသော်လည်း တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) တွင် ပါဝင်လက်မှတ်ရေးထိုးပြီးနောက် ပြည်နယ်အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-S) တွင် မွန်ပြည်နယ် တစ်နေရာတည်းတွင်သာ ပါဝင်ခွင့်ပေးခြင်းအပေါ် ကျေလည်မှုမရှိကြောင်း NMSP ဒုတိယ ဥက္ကဋ္ဌ နိုင်ဟံသာက ပြောကြားသည်။

နေပြည်တော်တွင် ဇူလိုင် ၁၆ ရက်က ပြုလုပ်ခဲ့သည့် ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ တတိယအစည်းအဝေးအပြီးတွင် မွန်ပြည်သစ်ပါတီ ဒုတိယဥက္ကဋ္ဌ နိုင်ဟံသာက ထိုသို့ပြောကြားခဲ့ခြင်း ဖြစ်သည်။

“ပြန်မပေးသေးဘူး။ နောက်ပြီးတော့ JMC State အဆင့်မှာ မွန်ပြည်နယ် တစ်နေရာမှာပဲ ပါဝင်ခွင့်ပေးတယ်။ တခြားအန်ကယ်တို့ရဲ့ တပ်လှုပ်ရှားမှုက ကရင်ပြည်နယ်မှာလည်း ရှိတယ်။ တနင်္သာရီတိုင်းမှာလည်း ရှိတယ်။ အဲဒီနေရာတွေကို သူတို့မပေးဘူး။ မပေးဘူး ဆိုတော့လည်း အန်ကယ်တို့ကလည်း ဒါကို မကျေလည်ဘူး” ဟု နိုင်ဟံသာက ပြောကြားသည်။

KNU သည် ၎င်းလှုပ်ရှားမှုနယ်မြေများဖြစ်သည့် ကရင်ပြည်နယ်၊ တနင်္သာရီတိုင်းဒေသကြီး၊ မွန်ပြည်နယ်၊ ပဲခူးတိုင်းဒေသကြီးများရှိ JMC-S အဆင့်တိုင်းတွင် ပါဝင်ခွင့်ရနေပြီး NMSP သည် မွန်ပြည်နယ်၊ ကရင်ပြည်နယ်နှင့် တနင်္သာရီတိုင်းဒေသကြီးများတွင် လှုပ်ရှားမှုများ ရှိသော်လည်း မွန်ပြည်နယ် JMC-S အဆင့်တွင်သာ ပါဝင်ခွင့် ရရှိထားသည်ဟု ၎င်းက ဆက်လက်ပြောကြားသည်။

“ဥပမာ ကရင်ဆိုရင် မွန်ပြည်နယ်မှာလည်း ရတယ်။ ကရင်ပြည်နယ်မှာလည်း ရတယ်။ တနင်္သာရီတိုင်းမှာလည်း ရတယ်။ ပဲခူးမှာလည်း ရတယ်။ သူတို့ နေရာအများကြီး ရထားတယ်။ မွန်တွေကျတော့ ဟိုဘာကြောင့်လဲတော့ မပြောတတ်ဘူး။ ဒါပေမဲ့ မွန်ပြည်နယ်တစ်ခုတည်း ပေးတယ်။ ဆိုတော့ အန်ကယ်တို့က ဒါကို မကျေလည်ဘူး။ အန်ကယ်တို့က ဒီနောက်ပိုင်းမှ ပါဝင်လက်မှတ်ထိုးလာတော့ သဘောကတော့ တစ်ဖက်ကတော့ အားပေးတဲ့သဘောပေါ့” ဟု နိုင်ဟံသာက ပြောကြားသည်။

သို့သော်လည်း မွန်ပြည်သစ်ပါတီအနေဖြင့်မူ ၎င်းလှုပ်ရှားမှုရှိသော တနင်္သာရီတိုင်းဒေသကြီးနှင့် ကရင်ပြည်နယ်တို့တွင်ရှိ JMC-S များတွင် ပါဝင်ခွင့်ရှိရန် ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) တွင် တင်ပြထားကြောင်း သိရသည်။

ယခုနှစ်ကုန်ပိုင်းအထိ မွန်နိုင်ငံရေးပါတီများ ပေါင်းစည်းရေး အဆင်မပြေဖြစ်ခဲ့ပါက ချန်ထားသင့်ပါက ချန်ထားမည်ဟု မွန်ပြည်သစ်ပါတီ ဒုတိယဥက္ကဋ္ဌ ပြောကြား

ယခုနှစ်ကုန်ပိုင်းအထိ မွန်နိုင်ငံရေးပါတီများ ပေါင်းစည်းရေး အဆင်မပြေဖြစ်ခဲ့ပါက ချန်ထားသင့်ပါက ချန်ထားခဲ့မည်ဟု မွန်ပြည်သစ်ပါတီ ဒုတိယဥက္ကဋ္ဌဖြစ်သူ နိုင်ဟံသာက မေ ၁၂ ရက် နံနက်ပိုင်းက မော်လမြိုင်မြို့ တောင်ရိုးတန်းရှိသာသနာ ၂၅၀၀ မွန်ပရိယတ္တိစာသင်တိုက်၌ စတင်ပြုလုပ်ခဲ့သည့် ဒုတိယအကြိမ် မွန်နိုင်ငံရေးညီလာခံ ပထမပိုင်းအပြီး မီဒီယာနှင့်တွေ့ဆုံရာတွင် ပြောကြားသည်။

“လက်ရှိမှာ မွန်ဒေသလုံးဆိုင်ရာ ဒီမိုကရေစီပါတီနဲ့ မွန်အမျိုးသားပါတီ ပေါင်းစည်းရေးအတွက် ကျွန်တော်တို့ကြိုးပမ်းနေတယ်။ ကျွန်တော်တို့ မွန်ပြည်သစ်ပါတီ ဗဟိုအနေနဲ့ကလည်း ၂၀၁၈ နှစ်ကုန်အထိကို မွန်နိုင်ငံရေးပါတီ နှစ်ပါတီမပေါင်းဖြစ်ရင် ကျွန်တော်တို့ကတော့ နောက်နည်းလမ်းတစ်ခု ရှာရတော့မယ်။ သဘောကတော့ သူတို့ကိုချန်ထားရင်လည်း ချန်ထားမှာပေါ့ဗျာ” ဟု နိုင်ဟံသာက ပြောကြားသည်။

၎င်းကဆက်လက်ပြီး “ကျွန်တော်တို့မြင်တာက ၂၀၁၅ ရွေးကောက်ပွဲတုန်းက မွန်နိုင်ငံရေးပါတီတွေက ကိုယ်စားလှယ် နည်းနည်းပဲရတယ်။ အဲဒီလို ကိုယ်စားလှယ်နေရာတွေ ဆုံးရှုံးသွားတဲ့အပေါ်မှာ ကျွန်တော်တို့မြင်လိုက်တာက မွန်နိုင်ငံရေးပါတီတွေက စည်းလုံးမှုပြိုကွဲနေတယ်။ အဲဒါကို မွန်သံဃာတော်တွေနဲ့ ဆွေးနွေးပြီးတော့ ပါတီပေါင်းစည်းရေးအတွက် ကျွန်တော်တို့ကြိုးပမ်းခဲ့ပါတယ်။ ဒါကိုလည်း ဆက်ပြီးတော့ ကြိုးပမ်းသွားပါမယ်။ အခုဆိုရင် ကချင်တွေ၊ ချင်းတွေ၊ ကရင်တွေမှာရှိတဲ့ နိုင်ငံရေးပါတီတွေ တော်တော်လေးကို ပေါင်းနေပြီ။ ဒါကိုလည်း ကျွန်တော်တို့ အတုယူတတ်ရမယ်။ တချို့မပေါင်းလိုတဲ့လူတွေက ဘာပြောလဲဆိုတော့ ခေတ်က ပါတီစုံဒီမိုကရေစီခေတ်တဲ့။ ပါတီတွေ များများရှိဖို့လိုတယ်ဆိုပြီး ပြောတယ်။ ကျွန်တော်တို့က ဘယ်လိုမြင်လဲဆိုတော့ စစ်မှန်တဲ့ ဖက်ဒရယ်ပြည်ထောင်စု ဒါမှမဟုတ် ကိုယ်ပိုင်ပြဋ္ဌာန်းခွင့် မရှိသေးခင်ကာလမှာ၊ ကိုယ့်ဦးတည်ချက် မရောက်ခင်ကာလမှာ ကျွန်တော်တို့က ကွဲနေရင် မဲရှုံးနေမှာပဲ။ လောလောဆယ်မှာ ကျွန်တော်တို့စည်းရုံးရမယ်။ နောက်တစ်ချိန် ကိုယ့်မွန်ပြည်နယ်မှာ ကိုယ့်ပြည်နယ်က ကိုယ်စားလှယ်တွေပဲ အစိုးရအနေနဲ့ ဦးဆောင်ခွင့်ရတဲ့ အချိန်ရောက်လာရင် မွန်နိုင်ငံရေးပါတီနှစ်ခု၊ သုံးခုဟာ ပြဿနာမဟုတ်တော့ဘူး” ဟုပြောကြားသည်။

“ကျွန်တော်တို့ မွန်ပြည်သစ်ပါတီကတော့ မွန်နိုင်ငံရေးပါတီနှစ်ခုဖြစ်တဲ့ မွန်ဒေသလုံးဆိုင်ရာ ဒီမိုကရေစီပါတီနဲ့ မွန်အမျိုးသားပါတီတို့နဲ့ ချိန်းထားပါတယ်။ ကျွန်တော်တို့အချိန်ရရင် ပါတီပေါင်းစည်းရေးကိစ္စနဲ့ ပတ်သက်ပြီးတော့ ဆွေးနွေးသွားဖို့ပါ။ သူတို့ကလည်း တောင်းဆိုထားပါတယ်။ ကျွန်တော်တို့အနေနဲ့ ပါတီပေါင်းစည်းရေးအတွက် ကြားဝင်ပေးဖို့အတွက်ပါ။ ၂၀၂၀ ရွေးကောက်ပွဲမတိုင်ခင် မွန်တစ်ပါတီတည်း ဖြစ်လာနိုင်အောင် ကျွန်တော်တို့ အတတ်နိုင်ဆုံး ကြိုးစားမယ်။ ဖြစ်လာမယ်လို့လည်း ယုံကြည်တယ်။ ကနေ့ မွန်လူထုတွေကလည်း တော်တော်လေးကို တောင်းဆိုနေတယ်။ မပေါင်းတဲ့ပါတီဆိုရင်တော့ လူထုတွေက သပိတ်မှောက်ကြလိမ့်မယ်။ အဲဒီလိုသဘောထားမျိုး ရှိနေကြတယ်” ဟု နိုင်ဟံသာက ပြောကြားသည်။

မွန်နိုင်ငံရေးပါတီများ ညီညွတ်မှုတည်ဆောက်ရေး ညှိနှိုင်းရေးအဖွဲ့ကို ပဲခူးပရိယတ္တိ မွန်စာသင်တိုက်ဆရာတော်က ဥက္ကဋ္ဌအဖြစ် တာဝန်ယူကာ မွန်ပြည်သစ်ပါတီ ဒုတိယဥက္ကဋ္ဌ နိုင်ဟံသာအပါအ၀င် ခေါင်းဆောင်ငါးဦး၊ မွန်ပညာရှင်များနှင့် ဆရာတော်ကြီးများအပါအ၀င် စုစုပေါင်း ၁၅ ဦးဖြင့် ၂၀၁၆ ခုနှစ် စက်တင်ဘာ ၂၀ ရက်က မော်လမြိုင်မြို့ သိမ်ကုန်ရပ်ရှိ ပဲခူးပရိယတ္တိ မွန်စာသင်တိုက်တွင် ဖွဲ့စည်းခဲ့ပြီး မွန်နိုင်ငံရေးပါတီ နှစ်ပါတီပေါင်းစည်းရေးအတွက် ညှိနှိုင်းဆောင်ရွက်ပေးခဲ့ကြောင်း၊ သို့သော်လည်း ၂၀၁၇ ခုနှစ် ဧပြီလအတွင်း ပြုလုပ်ခဲ့သည့် မွန်ပြည်သစ်ပါတီ ဗဟိုညီလာခံတွင် အဆိုပါအဖွဲ့မှ မွန်ပြည်သစ်ပါတီ နုတ်ထွက်ရန် ဆုံးဖြတ်ခဲ့သည်။

၂၀၁၅ ခုနှစ် နိုဝင်ဘာ ၈ ရက်က ပြုလုပ်ခဲ့သည့် အထွေထွေရွေးကောက်ပွဲတွင် မွန်နိုင်ငံရေးပါတီ သုံးပါတီမှ မွန်ပြည်နယ်၊ ကရင်ပြည်နယ်နှင့် တနင်္သာရီတိုင်းဒေသကြီးတို့ရှိ မဲဆန္ဒနယ်များတွင်၌ ၀င်ရောက်ယှဉ်ပြိုင်ခဲ့ကြပြီး မွန်အမျိုးသားပါတီမှ ကိုယ်စားလှယ် ၅၅ ဦး ၀င်ရောက်ယှဉ်ပြိုင်ရာမှ ကိုယ်စားလှယ် သုံးဦး၊ မွန်ဒေသလုံးဆိုင်ရာ ဒီမိုကရေစီပါတီမှ ကိုယ်စားလှယ် ၂၅ ဦး ၀င်ရောက်ယှဉ်ပြိုင်ရာ ကိုယ်စားလှယ်တစ်ဦးသာ ရွေးကောက်ခံရပြီး အမျိုးသမီးပါတီ (မွန်) မှ ကိုယ်စားလှယ်သုံးဦး ၀င်ရောက်ယှဉ်ပြိုင်ရာ တစ်ဦးမျှ ရွေးကောက်ခံရခြင်းမရှိခဲ့ကြောင်း သိရသည်။

မွန်ပြည်သစ်ပါတီ အနေဖြင့် ကရင်ပြည်နယ်နှင့် တနင်္သာရီတိုင်းဒေသကြီးရှိ တိုင်းဒေသကြီး၊ ပြည်နယ်အဆင့် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည်ရေးကော်မတီ (JMC-S) များတွင် ပါဝင်ခွင့်ရရန် ဆွေးနွေးမည်

မွန်ပြည်သစ်ပါတီ (MNSP) အနေဖြင့် ကရင်ပြည်နယ်နှင့် တနင်္သာရီတိုင်းဒေသကြီးများရှိ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-S) များ၌ ပါဝင်ခွင့်ရရှိရန် ဆွေးနွေးသွားမည်ဖြစ်ကြောင်း မွန်ပြည်သစ်ပါတီဒုဥက္ကဋ္ဌ နိုင်ဟံသာက ပြောကြားသည်။

“ကျွန်တော်တို့ တောင်းဆိုထားတာကတော့ ကျွန်တော်တို့တပ်ဖွဲ့တွေက မွန်ပြည်နယ်မှာလည်း လှုပ်ရှားမှုရှိတယ်။ ကရင်ပြည်နယ်ထဲမှာလည်း လှုပ်ရှားမှုရှိတယ်။ နောက် တနင်္သာရီတိုင်းမှာလည်း လှုပ်ရှားမှုတွေရှိတယ်။ ပြီးခဲ့တဲ့ဆွေးနွေးမှုအပိုင်းမှာ အစိုးရနဲ့ တပ်မတော်ဘက်က ကျွန်တော်တို့ကို မွန်ပြည်နယ်မှာပဲ JMC-S မှာ ပါဝင်ခွင့်ပေးတယ်။ ကရင်ပြည်နယ်မှာ မပေးဘူး။ တနင်္သာရီတိုင်းမှာမပေးဘူး။ ဆိုတော့ အဲဒီအပေါ်မှာ ကျွန်တော်တို့တော့ မကျေလည်ဘူးဗျ။ ဥပမာ ကရင်တွေဆိုရင်လည်း တခြားပြည်နယ်တွေမှာ လုပ်ပေးနေတယ်။ ကျွန်တော်တို့ကျတော့ မပေးဘူးဆိုတော့ ဒါက မညီမျှဘူးလို့ ကျွန်တော်မြင်တယ်။ ကျွန်တော်တို့တပ်တွေလည်း ကရင်ပြည်နယ်မှာ လှုပ်ရှားနေတာ အများကြီး။ အဲဒါ ပြဿနာဖြစ်ရင် အဲဒီကရင်ပြည်နယ်က JMC မှာ ပါဝင်ခွင့်မရှိရင် ဘယ်လိုဖြေရှင်းမလဲ။ အဲဒီအပေါ်မှာ ကျွန်တော်တို့ မကျေလည်သေးပါဘူး။ ဒီကိစ္စကို ဆက်လက်ပြီးတော့မှ ညှိနှိုင်းဆွေးနွေးသွားဖို့ ရှိပါတယ်။ မွန်ပြည်နယ်မှာ တစ်ခုတည်းအနေနဲ့ဆိုရင် ကျွန်တော်တို့ သဘောမတူနိုင်သေးပါဘူး” ဟု မွန်ပြည်သစ်ပါတီဒုဥက္ကဋ္ဌ နိုင်ဟံသာက ပြောကြားသည်။

ထို့အပြင် မွန်ပြည်နယ် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည်ရေးကော်မတီအား မည်သို့ဖွဲ့စည်းထားသည်ကို မသိရှိသေးကြောင်းနှင့် မွန်တိုင်းရင်းသား လက်နက်ကိုင်တပ်ဖွဲ့များရှိသည့် အခြားပြည်နယ်များရှိ ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီများတွင် မွန်ပြည်သစ်ပါတီမှ ပါဝင်ခွင့်မရပါက ဖြေရှင်းခွင့်မရှိနိုင်သလို ဆွေးနွေးရန် လမ်းမပွင့်နိုင်ကြောင်း ၎င်းက ဆိုသည်။

“လက်ရှိမွန်ပြည်နယ်က JMC မှာ ဘယ်လိုဖွဲ့စည်းထားလဲ ကျွန်တော်တို့လည်း မသိသေးဘူး။ သူတို့မှာရှိတဲ့ပုံစံအရ တစ်ဦးလား။ နှစ်ဦးလား။ တပ်မတော်ဘက်က ဘယ်နှဦး၊ သူတို့ဘက်က ဘယ်နှဦး၊ အရပ်ဘက်ဘက်က ဘယ်နှဦး ဒါကို အချိုးညီညီနဲ့တော့ ပါဝင်ရမှာပေါ့။ မွန်ပြည်နယ်မှာ ကရင်တပ်ရှိသလို ကရင်ပြည်နယ်မှာလည်း မွန်တပ်ရှိပါတယ်။ အဲဒါကို EAO လိုင်းကနေ ပြီးတော့ အချိုးဘယ်လောက်ပါရမယ် ဆိုရင်လည်း ဒါကို ကျွန်တော်တို့ နည်းလမ်းရှာရမှာပေါ့ဗျာ။ ကျွန်တော်တို့ အနေနဲ့ကတော့ တစ်ဦး၊ နှစ်ဦးမပါရင် ဖြေရှင်းခွင့်မရှိဘူးလို့ ကျွန်တော်တို့မြင်တယ်။ ဆွေးနွေးဖို့ လမ်းမပွင့်ဘူးပေါ့ဗျာ” ဟု နိုင်ဟံသာက ဆက်လက်ပြောကြားသည်။

မွန်ပြည်သစ်ပါတီ အနေဖြင့် ကရင်ပြည်နယ်နှင့် တနင်္သာရီတိုင်းများတွင် သတ်သတ်မှတ်မှတ် အခြေချ အနေအထားမျိုးမရှိဘဲ နယ်မြေလှုပ်ရှားမှု အဆင့်သာရှိသည့်အတွက် အဆိုပါဒေသများရှိ JMC-S များတွင် ပါဝင်ခွင့်ရမရကို လာမည့် JMC-S အစည်းအဝေးများတွင် ဆုံးဖြတ်ချက် ချသွားမည်ဖြစ်ကြောင်း JMC-S (ကရင်)၏ ဒုတိယဥက္ကဋ္ဌ အရပ်သားကိုယ်စားလှယ် စောခရစ္စတိုဖာက The Daily Eleven သတင်းစာကို ပြောကြားသည်။

ဒုတိယဥက္ကဋ္ဌ စောခရစ္စတိုဖာက “အခု မွန်ပြည်သစ်ပါတီကို JMC-U က လက်ခံထားလိုက်ပါပြီ။ သူတို့ဘက်က တောင်းဆိုတာကတော့ မွန်ပြည်နယ်၊ ကရင်ပြည်နယ်၊ တနင်္သာရီတိုင်းမှာရှိတဲ့ JMC-S တွေမှာ ပါဝင်ခွင့်တောင်းတာပေါ့။ တစ်ခုရှိတာက ကျွန်တော်တို့ လောလောဆယ် စဉ်းစားထားတာက သူတို့အဖွဲ့အစည်းတွေက အဲဒီဒေသတွေမှာလည်းရှိတယ်။ သို့သော် KNU လို သတ်သတ်မှတ်မှတ် နေရာထိုင်ခင်းတွေ မရှိဘူးပေါ့။ နယ်မြေလှုပ်ရှားမှုလေးတွေပဲရှိတယ်။ ဒီကိစ္စနဲ့ ပတ်သက်ပြီးတော့လည်း ကျွန်တော်တို့အနေနဲ့ အကြမ်းဖျင်း ဆွေးနွေးတာကတော့ JMC-S (မွန်) မှာပဲ လောလောဆယ် အတည်ပြုပေးထားတယ်ပေါ့။ သို့သော်လည်း JMC-S (မွန်)မှာရော၊ JMC-S (ကရင်)မှာရော၊ JMC-S (တနင်္သာရီ) မှာရော ပြန်ပြီးတော့ ဆွေးနွေးကြည့်တဲ့အခါမှာ ပါဝင်ဖို့သင့်မသင့်က နောက်မှပဲ ဆုံးဖြတ်ရမှာ ဖြစ်ပါတယ်။ ဆွေးနွေးထားတာတော့ရှိတယ်။ ဆုံးဖြတ်ချက်တော့ မချရသေးပါဘူး။ သက်ဆိုင်ရာ JMC-S တွေအားလုံးက သဘောတူလက်ခံတဲ့အခါကျမှပဲ ဆုံးဖြတ်ချက်ချလို့ရမှာ ဖြစ်ပါတယ်။ မွန်အနေနဲ့ကတော့ သူတို့သုံးနေရာစလုံးမှာ ပါဝင်ခွင့်ရှိပါတယ်။ ဒါပေမယ်လို့ အခြေချ အနေအထားမျိုး မရှိတဲ့အတွက်ကြောင့်၊ လှုပ်ရှားအဆင့်ပဲရှိတဲ့အတွက်ကြောင့် JMC-S တွေရဲ့ သဘောထား ဘယ်လိုရှိတယ်ဆိုတာကတော့ လာမယ့် JMC-S အစည်းအဝေးတွေမှပဲ ဆုံးဖြတ်ချက်ချမှာ ဖြစ်ပါတယ်” ဟု ပြောကြားသည်။

လက်ရှိ မွန်ပြည်နယ် ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲ စောင့်ကြည့်ရေးကော်မတီ JMC-S (မွန်) တွင် အရှေ့တောင်တိုင်းစစ်ဌာနချုပ်တိုင်းမှူး အပါအ၀င် ပြည်နယ် အစိုးရအဖွဲ့ဝင် လုံ/နယ်ဝန်ကြီးနှင့် အရပ်သားကိုယ်စားလှယ်များ ပါဝင်သည့် အစိုးရကိုယ်စားလှယ် ခုနစ်ဦးနှင့် တိုင်းရင်းသားလက်နက်ကိုင် အဖွဲ့အစည်းဖြစ်သည့် KNU မှ တပ်ဖွဲ့ဝင်များနှင့် အရပ်သားကိုယ်စားလှယ်များ ပါဝင်သည့် ကိုယ်စားလှယ် ခုနစ်ဦး စုစုပေါင်း ၁၄ ဦးဖြင့် ဖွဲ့စည်းထားကြောင်း သိရသည်။

နှစ်ပေါင်း ၇၀ ကျော် ပြည်တွင်းစစ်ဒဏ်ကြောင့် မြန်မာနိုင်ငံသားများ နိုင်ငံတကာကျွန်ဖြစ်နေရဟု မွန်အမျိုးသားပါတီ ဒုတိယဥက္ကဋ္ဌ ပြောကြား

နှစ်ပေါင်း ၇၀ ကျော် ပြည်တွင်းစစ်ဒဏ်ကြောင့် မြန်မာနိုင်ငံသားများ နိုင်ငံတကာကျွန်ဖြစ်နေရဟု မွန်အမျိုးသားပါတီ ဒုတိယဥက္ကဋ္ဌ နိုင်ငွေသိမ်းက မေ ၅ ရက် နံနက် ၉ နာရီက မွန်ပြည်နယ် ရေးမြို့တွင် ပြုလုပ်ခဲ့သော မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ဖွင့်ပွဲအခမ်းအနား အမှာစကားပြောကြားရာ၌ ထည့်သွင်းပြောကြားခဲ့သည်။

“နိုင်ငံလွတ်လပ်ရေးနဲ့အတူ ပေါ်ပေါက်လာတဲ့ ပြည်တွင်းစစ်ကြီးဟာ နှစ် ၇၀ ကျော်ခဲ့ပါပြီ။ ကမ္ဘာမှာအကြာဆုံး ပြည်တွင်းစစ်လည်း ဖြစ်ပါတယ်။ ဒီစစ်ပွဲကြီးကြောင့် တိုင်းပြည်အတွင်းမှာ ညီအစ်ကို မောင်နှမအချင်းချင်း သတ်ကြ၊ ဖြတ်ကြ၊ ညှဉ်းပမ်းကြ၊ နှိပ်စက်ကြ၊ ပိုင်ဆိုင်တဲ့ပစ္စည်းပစ္စယများ အကြောင်းမဲ့ဖျက်ဆီးကြ၊ မြို့ရွာတွေ မီးရှို့ကြ၊ လိင်ပိုင်းဆိုင်ရာ ရက်ရက်စက်စက် ကျူးလွန်ကြ၊ ဖောက်ပြန်ကြ စသည့်အချက်များနဲ့အတူ ကျွန်တော်တို့က တောမှာနေခဲ့ကြတော့ ဒီဟာတွေကို တကယ့်လက်တွေ့ခံစားခဲ့ရတဲ့ ပုဂ္ဂိုလ်တစ်ယောက်ပါ။ ဒီပြည်တွင်းစစ်ကြောင့် တိုင်းပြည်ရဲ့စီးပွားရေး၊ လူမှုရေး၊ သယံဇာတထိန်းသိမ်းစောင့်ရှောက်ရေး၊ ဘ၀အတွက်လုံခြုံရေး အစရှိသည်ဖြင့် အဲဒီဖြစ်ရပ်အားလုံးဟာ ယိုယွင်းပျက်စီးခဲ့မှုတွေ ဖြစ်လာရပါတယ်။ အဲဒါကြောင့်လည်း အားလုံးသိကြတဲ့အတိုင်းပဲ ကမ္ဘာ့အဆင်းရဲဆုံး နိုင်ငံတစ်နိုင်ငံ ဖြစ်လာခဲ့ရပါတယ်။ အဲဒီအပြင်ကို ပြည်တွင်းစစ်ကြီးကြောင့် စစ်ရှောင်ဒုက္ခသည်တွေ သိန်းဂဏန်းချီ ရှိနေပါတယ်။ အခုလည်း ရှိနေတုန်းပါပဲ။ အဲဒီစစ်ရှောင်ပြည်သူတွေဟာ အားလုံးသိကြတဲ့အတိုင်းပါပဲ။ အတိဒုက္ခ ဖြစ်နေကြပါတယ်” ဟု နိုင်ငွေသိမ်းက ပြောကြားသည်။

၎င်းက ဆက်လက်၍ “ဒါတွေ မကသေးပါဘူး။ အသက်မွေးဝမ်းကျောင်းအတွက် တစ်နည်းအားဖြင့်ပြောရရင် ထမင်းစားရဖို့အတွက် ပြည်ပကိုထွက်ပြီး အလုပ်လုပ်နေကြသူများဟာလည်း သန်းဂဏန်းချီ ရှိနေပါတယ်။ ကျွန်တော်တို့ မွန်တွေကတော့ တော်တော်များပါတယ်။ ဒါဟာလည်း တစ်နည်းအားဖြင့်ပြောရရင် ကျွန်တော်တို့တစ်တွေဟာ ပြည်တွင်းစစ်ဒဏ်ကြောင့် နိုင်ငံတကာရဲ့ ကျွန်ဖြစ်နေရပါတယ်” ဟုပြောကြားသည်။

“အဲဒါတွေကြောင့် ပြည်သူတွေက ရာနှုန်းပြည့် ပြည်တွင်းစစ်အန္တရာယ်ကနေ ကင်းလွတ်လိုတဲ့ ပြင်းပြသောဆန္ဒနဲ့ ငြိမ်းချမ်းရေးကို အချိန်ရှိသရွေ့ မျှော်ကိုးနေကြ၊ တမ်းတနေကြပါတယ်။ လုပ်ပိုင်ခွင့်ရှိသောပုဂ္ဂိုလ်များ၊ လုပ်ပိုင်ခွင့်ရှိသော အဖွဲ့အစည်းများ၊ ငြိမ်းချမ်းရေးအတွက် မနေမနား လုပ်ဆောင်ကြိုးပမ်းနေကြသော်လည်းပဲ မျှော်လင့်နေချိန်နဲ့ နောက်ကျစွာ တစ်နည်းပြောရရင် ယနေ့အချိန်အထိ ငြိမ်းချမ်းရေး အကျိုးဖြစ်ထွန်းမှု ဖြစ်မလာသေးတဲ့ အခြေအနေအပေါ်မှာ ပြည်သူပြည်သားအများက အားမရဖြစ်နေကြပါတယ်။ ဒါကြောင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်မှာ လက်နက်ကိုင်အဖွဲ့အစည်းများအားလုံး ပါဝင်လာကြဖို့နဲ့ ဒီလိုမျိုး လက်မှတ်ရေးထိုးဖို့ ကြိုးပမ်းနေတဲ့ ကာလအတွင်းမှာ တစ်ဖက်နဲ့တစ်ဖက် သံသယကင်းရှင်းရေးအတွက် အထူးသဖြင့် စစ်ပွဲမှန်သမျှ ကင်းရှင်းရေးအတွက် စစ်ပွဲများရပ်စဲဖို့ သင့်ပါပြီဆိုတာ ဒီကနေ့ပြောနေကြ၊ ဆိုနေကြ၊ ဆန္ဒထုတ်ဖော်နေကြတယ်ဆိုတာကလည်း အားလုံးအသိပဲဖြစ်ပါတယ်။ ထို့အတွက် ပြည်သူများနှင့်အတူ မွန်အမျိုးသားပါတီကလည်း ဆန္ဒပြင်းပြစွာနဲ့၊ အပစ်ရပ်ရေးအတွက် ပါတီရဲ့ကိုယ်စား မေတ္တာရပ်ခံပါတယ်” ဟု နိုင်ငွေသိမ်းက ဆက်လက်ပြောကြားသည်။

မွန်ပြည်နယ် ရေးမြို့၌ မေ ၅ ရက်မှ ၇ ရက်အထိ သုံးရက်တာပြုလုပ်မည့် မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ၌ မွန်ပြည်သစ်ပါတီ၊ မွန်နိုင်ငံရေးပါတီများ၊ မွန်အရပ်ဘက် လူမှုအဖွဲ့အစည်းများနှင့် အခြားဖိတ်ကြားသင့် ဖိတ်ကြားထိုက်သည့် ပုဂ္ဂိုလ်များအပါအ၀င် ကိုယ်စားလှယ် ၅၀၀ ကျော်က ရေးမြို့ရှိ ပြည်သူ့အားကစားရုံ၊ မွန်ဓမ္မာရုံ၊ အ.ထ.က (၁) ကျောင်းနှင့် တင်ပလ္လင်နှစ်ဆူ ဓမ္မာရုံစသည့် နေရာလေးနေရာတွင် နိုင်ငံရေးကဏ္ဍ၊ စီးပွားရေးကဏ္ဍ၊ လူမှုရေးကဏ္ဍ၊ မြေယာနှင့် သဘာဝသယံဇာတကဏ္ဍများအား ဆွေးနွေးမည်ဖြစ်သည်။

၂၁ ရာစု ပင်လုံအစည်းအဝေး၌ တင်သွင်းဆွေးနွေးနိုင်ရန် မွန်တိုင်းရင်းသားများ၏ သဘောထားဆန္ဒများရယူမည့် မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ စတင်

မေ ၅ ရက်က မွန်ပြည်နယ် ရေးမြို့တွင် စတင်ကျင်းပသည့် မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ဖွင့်ပွဲအခမ်းအနား ပြုလုပ်နေစဉ် (ဓာတ်ပုံ-ဘိုဘိုမြင့်)

မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကို မွန်ပြည်နယ် ရေးမြို့တွင် မေ ၅ ရက်မှစတင်ကာ သုံးရက်ကြာ ပြုလုပ်လျက်ရှိသည်။

အဆိုပါ မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ဖွင့်ပွဲအခမ်းအနားကို ရေးမြို့ရှိ ပြည်သူ့အားကစားရုံတွင် နံနက် ၉ နာရီက ပြုလုပ်ခဲ့ပြီး အခမ်းအနားသို့ မွန်သံဃာတော်များ၊ ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုးဝင်းနှင့် တာဝန်ရှိသူများ၊ မွန်ပြည်သစ်ပါတီဥက္ကဋ္ဌ နိုင်ထောမွန်နှင့် တာဝန်ရှိသူများ၊ မွန်ပြည်နယ်ဝန်ကြီးချုပ် ဒေါက်တာအေးဇံနှင့် အစိုးရအဖွဲ့ဝင်ဝန်ကြီးများ၊ ပြည်သူ့လွှတ်တော်နှင့် အမျိုးသားလွှတ်တော် ကိုယ်စားလှယ်များ၊ မွန်ပြည်နယ်လွှတ်တော် ဒုတိယဥက္ကဋ္ဌ ဒေါက်တာအောင်နိုင်ဦးနှင့် ပြည်နယ်လွှတ်တော် ကိုယ်စားလှယ်များ၊ ပြည်ထောင်စုငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစိုးရအစုအဖွဲ့၊ တိုင်းရင်းသားလက်နက်ကိုင်အစုအဖွဲ့၊ နိုင်ငံရေးပါတီ အစုအဖွဲ့များမှ ကိုယ်စားလှယ်များ၊ မွန်နိုင်ငံရေးပါတီများ၊ မွန်လူမှုအဖွဲ့အစည်းများ၊ ဖိတ်ကြားသင့် ဖိတ်ကြားထိုက်သူများ၊ ရေးမြို့ခံပြည်သူများ တက်ရောက်ကြသည်။

“မွန်ပြည်သစ်ပါတီအနေနဲ့ NCA မှာ ပါဝင်လက်မှတ်ရေးထိုးပြီးတဲ့နောက်မှာ အခုလို အမျိုးသားအဆင့် နိုင်ငံရေးဆွေးနွေးပွဲကို အမြန်ဆုံးကျင်းပနိုင်တဲ့အတွက် အလွန်ပဲဝမ်းမြောက်မိပါတယ်။ ဒီဆွေးနွေးပွဲကြီး ဖြစ်မြောက်အောင် ၀ိုင်းဝန်းဆောင်ရွက်ပေးကြတဲ့ တာဝန်ရှိသူအားလုံးကို အထူးပဲကျေးဇူးတင်ရှိပါတယ်။ ဒီမိုကရေစီရေး၊ အမျိုးသားတန်းတူရေး၊ ကိုယ်ပိုင်ပြဋ္ဌာန်းခွင့်နဲ့ အာမခံချက်အပြည့်အ၀ရှိတဲ့ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ပြည်ထောင်စုကို နိုင်ငံရေးဆွေးနွေးပွဲ ရလဒ်များနဲ့အတူ တည်ဆောက်သွားနိုင်ဖို့ အရေးကြီးပါတယ်။ အဲဒီလို တည်ဆောက်သွားနိုင်ဖို့ကို တိုင်းရင်းသားများရဲ့ လိုလားချက်တွေ၊ သဘောဆန္ဒတွေကို အခုလို အမျိုးသားအဆင့် နိုင်ငံရေးဆွေးနွေးပွဲတွေ ကျင်းပပြီး အမြင်သဘောထားတွေကို စုစည်းနိုင်ဖို့ အခုလို ဆွေးနွေးပွဲကိုကျင်းပရခြင်း ဖြစ်ပါတယ်” ဟု ငြိမ်းချမ်းရေးကော်မရှင်ဥက္ကဋ္ဌ ဒေါက်တာတင်မျိုးဝင်းက အခမ်းအနား အဖွင့်အမှာစကားတွင် ထည့်သွင်းပြောကြားသည်။

မွန်ပြည်သစ်ပါတီအနေဖြင့် ၂၀၁၈ ခုနှစ် ဖေဖော်ဝါရီ ၁၃ ရက်၌ တစ်နိုင်ငံလုံး ပစ်ခတ်တိုက်ခတ်မှု ရပ်စဲရေးသဘောတူစာချုပ် (NCA) တွင် လက်မှတ်ရေးထိုးခဲ့ပြီးနောက်ပိုင်း အနာဂတ် ဖက်ဒရယ်ပြည်ထောင်စု တည်ဆောက်ရေးကို ဦးတည်သည့် ငြိမ်းချမ်းရေးလုပ်ငန်းစဉ်တစ်ခုဖြစ်သော ပြည်ထောင်စုငြိမ်းချမ်းရေးညီလာခံတွင် ပါဝင်နိုင်ရန်အတွက် ကြိုးစားလျက်ရှိပါကြောင်း၊ ယင်းညီလာခံသည် တိုင်းရင်းသားအားလုံး၏ ဆွေးနွေးအဖြေရှာမှုနှင့် မိမိတို့အားလုံးလိုလားသည့် အနာဂတ် ဖက်ဒရယ်ပြည်ထောင်စုကို တည်ဆောက်သွားရမည် ဖြစ်သောကြောင့် အဆိုပါဖြစ်စဉ်တွင် မိမိတို့ မွန်အမျိုးသားများအနေဖြင့်လည်း ပါဝင်ရန်လိုမည်ဖြစ်ကြောင်း၊ ထို့ကြောင့် မွန်ပြည်သစ်ပါတီနှင့်အတူ မွန်နိုင်ငံရေးပါတီများ၊ အရပ်ဘက်အဖွဲ့အစည်းများ၊ ပါဝင်သင့် ပါဝင်ထိုက်သူများ အားလုံးနှင့်တိုင်ပင်ညှိနှိုင်းပြီး သတ်မှတ်ထားသည့် မူဘောင်အတွင်းက ဆောင်ရွက်နိုင်ရန် မိမိတို့ ကြိုးစားဆောင်ရွက်ခဲ့ကြောင်း မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကျင်းပရေး ကော်မတီဥက္ကဋ္ဌဖြစ်သူ မွန်ပြည်သစ်ပါတီ ဗဟိုကော်မတီဝင် နိုင်ဗညားလယ်က ပြောကြားသည်။

“ပြည်ထောင်စု ငြိမ်းချမ်းရေးညီလာခံမှာ တင်ပြဆွေးနွေးနိုင်မယ့် မူဝါဒအကြံပြုစာတမ်းတွေ ရရှိနိုင်ဖို့နဲ့ မတူညီတဲ့အမြင် အယူအဆတွေကို စုစည်းသွားဖို့အတွက်လည်း ကျွန်တော်တို့ စီစဉ်ထားပါတယ်။ ဒီဆွေးနွေးပွဲမှာ ကိုယ်စားလှယ်များအနေနဲ့ လွတ်လွတ်လပ်လပ်နှင့် ပွင့်ပွင့်လင်းလင်း ဆွေးနွေးသွားဖို့အတွက် တိုက်တွန်းလိုပါတယ်” ဟု နိုင်ဗညားလယ်က ပြောကြားသည်။

သုံးရက်ကြာပြုလုပ်မည့် မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ၌ မွန်ပြည်သစ်ပါတီ၊ မွန်နိုင်ငံရေးပါတီများ၊ မွန်အရပ်ဘက်လူမှုအဖွဲ့အစည်းများနှင့် အခြားဖိတ်ကြားသင့် ဖိတ်ကြားထိုက်သည့် ပုဂ္ဂိုလ်များအပါအ၀င် ကိုယ်စားလှယ် ၅၀၀ ကျော် တက်ရောက်ပြီး ရေးမြို့ရှိ ပြည်သူ့အားကစားရုံ၊ မွန်ဓမ္မာရုံ၊ အ.ထ.က (၁) ကျောင်းနှင့် တစ်ပလ္လင်နှစ်ဆူဓမ္မာရုံ စသည့်နေရာလေးနေရာတွင် နိုင်ငံရေးကဏ္ဍ၊ စီးပွားရေးကဏ္ဍ၊ လူမှုရေးကဏ္ဍ၊ မြေယာနှင့် သဘာဝသယံဇာတကဏ္ဍများအား ဆွေးနွေးသွားမည်ဖြစ်သည်။

မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ မွန်ပြည်နယ် ရေးမြို့တွင် ယနေ့ စတင်ပြုလုပ်မည်

မွန်လူမျိုးအလိုက် အမျိုးသား အဆင့် နိုင်ငံရေးဆွေးနွေးပွဲ ကျင်းပရန် ပြင်ဆင်နေမှုများအား မေ ၄ ရက်က တွေ့ရစဉ် (ဓာတ်ပုံ-ဘိုဘိုမြင့်)

မွန်ပြည်သစ်ပါတီ၏ ဦးဆောင်မှုဖြင့် ပြုလုပ်သည့် မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲကို ယနေ့ (မေ ၅  ရက်) မှစတင်ကာ မွန်ပြည်နယ် ရေးမြို့တွင် ပြုလုပ်မည်ဖြစ်သည်။

၂၀၁၈ ခုနှစ် ဖေဖော်ဝါရီ ၁၃ ရက်တွင် မွန်ပြည်သစ်ပါတီသည် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်  (NCA) တွင် ပါဝင်လက်မှတ်ရေးထိုးခဲ့ပြီးနောက် အမျိုးသားအဆင့် နိုင်ငံရေးဆွေးနွေးပွဲအား လပိုင်းအတွင်း အကောင်အထည်ဖော် ပြုလုပ်နိုင်ခြင်းဖြစ်သည်။

“မွန်လူမျိုးအလိုက် အမျိုးသားအဆင့်နိုင်ငံရေး ဆွေးနွေးပွဲအတွက် အားလုံးအဆင်သင့်ဖြစ်နေပါပြီ။ ဆွေးနွေးပွဲကို တက်ရောက်ကြမယ့် ကိုယ်စားလှယ်အရေအတွက်က ၅၀၀ ကျော်ရှိမယ်။ မနက်ဖြန်မှာ ပြုလုပ်မယ့် ဖွင့်ပွဲအခမ်းအနားကိုတော့ ပြည်ထောင်စုအဆင့် ပုဂ္ဂိုလ်တွေ၊ မြန်မာနိုင်ငံရဲ့ ငြိမ်းချမ်းရေးဖြစ်စဉ်တွေမှာ ပါဝင်ဆောင်ရွက်နေကြတဲ့ ပုဂ္ဂိုလ်တွေ၊ NRPC တို့၊ PC တို့၊ JMC စသည်ဖြင့် အစုအဖွဲ့တွေက ပုဂ္ဂိုလ်တွေ တက်ရောက်ကြမှာပါ” ဟု မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ကျင်းပရေးကော်မတီအ တွင်းရေးမှူး ဦးမင်းအောင်ထူးက The Daily Eleven သတင်းစာသို့ ပြောကြားသည်။

အဆိုပါ မွန်လူမျိုးအလိုက် အမျိုးသားအဆင့်နိုင်ငံရေးဆွေးနွေးပွဲကို မေ ၇ ရက်ထိ ပြုလုပ်မည်ဖြစ်ပြီး ရေးမြို့ရှိ အားကစားရုံ၊ အထက်တန်းကျောင်းနှင့် တစ်ပလ္လင်နှစ်ဆူ ဓမ္မာရုံတို့တွင် နိုင်ငံရေးကဏ္ဍ၊ စီးပွားရေးကဏ္ဍ၊ လူမှုရေးကဏ္ဍနှင့် မြေယာနှင့် သဘာဝပတ် ၀န်းကျင်ဆိုင်ရာကဏ္ဍများကို နေရာများခွဲကာ ဆွေးနွေးရန် လျာထားကြောင်း ဦးမင်းအောင်ထူးက ပြောကြားသည်။

“အမျိုးသားအဆင့် နိုင်ငံရေးဆွေးနွေးပွဲမှာ နိုင်ငံရေး၊ စီးပွားရေး၊ လူမှုရေး၊ လုံခြုံရေး နှင့် မြေယာနှင့် သဘာဝပတ်ဝန်းကျင်ဆိုင်ရာ မူဝါဒကိစ္စရပ်များ စသည့်ကဏ္ဍငါးရပ်ကို အဓိကထား ဆွေးနွေးသွားဖို့ရှိတယ်။ အဲဒီ ကဏ္ဍငါးရပ်ကနေပြီး အသေးစိတ်အကြောင်းအရာအလိုက် ဆွေးနွေးသွားဖို့ ရှိပါတယ်။ မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲမှာ အဓိကအားဖြင့် NCA က ပေးထားတဲ့ ငြိမ်းချမ်းရေးလမ်းစဉ်အတိုင်း တခြားတိုင်းရင်းသားတွေနဲ့ နည်းတူဖက်ဒရယ်စနစ်ကို အခြေခံတဲ့ အကြံပြုချက်တွေကို တင်ပြဆွေးနွေးဖို့ ရည်ရွယ်ထားပါတယ်။ ဖက်ဒရယ် ဒီမိုကရေစီစနစ် ပေါ်ထွန်းလာဖို့အတွက်ကို အကြံပြုဆွေးနွေးသွားဖို့လည်း ရှိပါတယ်” ဟု မွန်လူမျိုးအလိုက် အမျိုးသားအဆင့် နိုင်ငံရေး ဆွေးနွေးပွဲသို့ တက်ရောက်ဆွေးနွေးခွင့် ရရှိထားသည့် မွန်အမျိုးသားပါတီမှ အတွင်းရေးမှူး (၂) ဖြစ်သူ နိုင်စိုးမြင့်က ပြောကြားသည်။

မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲသို့ မွန်ပြည်သစ်ပါတီ အပါအ၀င် မွန်နိုင်ငံရေးပါတီများ၊ အရပ်ဘက်အဖွဲ့အစည်းများ၊ ဖိတ်ကြားသင့် ဖိတ်ကြားထိုက်တဲ့ ပုဂ္ဂိုလ်များ အပါအ၀င် အင်အား ၅၀၀ ကျော် တက်ရောက်ဆွေးနွေးကြမည်ဖြစ်ကြောင်း ကျင်းပရေးကော်မတီထံမှ သိရသည်။

NCA စာချုပ်တွင် မွန်ပြည်သစ်ပါတီ လက်မှတ်မရေးထိုးမီ ယခင်ပါဝင်လက်မှတ်aရးထိုးထားသည့် တိုင်းရင်းသားလက်နက်ကိုင် ရှစ်ဖွဲ့အနက် ရှမ်းပြည်ပြန်လည်ထူထောင်ရေးကောင်စီ (RCSS/SSA) သည် ရှမ်းလူမျိုးအလိုက် အမျိုးသားအဆင့်နိုင်ငံရေးဆွေး နွေးပွဲကျင်းပခွင့် ရရှိထားသော်လည်း အကြို လူထုတွေ့ဆုံပွဲများ တားမြစ်ခံရသည့်ကိစ္စရပ်ကြောင့် ရှမ်းလူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲအား ပြုလုပ်ခြင်းမရှိဘဲ ယာယီရွှေ့ဆိုင်းထားပြီး လက်ရှိတွင် အမျိုးသားအဆင့် နိုင်ငံရေးဆွေးနွေးပွဲ ကျင်းပနိုင်ရေး အစိုးရဘက်မှ RCSS/SSA သို့ရွေးချယ်နိုင်ရန် နည်းလမ်းများ ကမ်းလှမ်းထားသော်လည်း ယခုအချိန်ထိ တစ်စုံတစ်ရာဆုံးဖြတ် ဆောင်ရွက်မည်ဖြစ်ကြောင်း RCSS ဘက်က ထုတ်ပြန်ထားခြင်းမရှိပေ။