သထုံမြို့တွင် လေပြင်းတိုက်၍ သစ်ပင်သစ်ကိုင်းများ လဲပြိုကျပြီး လျှပ်စစ်မီးကြိုး ပြတ်ကျသဖြင့် ၁၃ နှစ်အရွယ် သတ္တမတန်း ကျောင်းသူတစ်ဦး ဓာတ်လိုက်သေဆုံး

လေပြင်းတိုက်၍ သစ်ပင်သစ်ကိုင်းများ လဲပြိုကျပြီး လျှပ်စစ်မီးကြိုး ပြတ်ကျခဲ့သည့် သထုံမြို့ နန်းခဲရပ်ကွက် ကွက်သစ်(၁)လမ်းရှိ အခင်းဖြစ်နေရာ

မွန်ပြည်နယ် သထုံမြို့ နန်းခဲရပ်ကွက် ကွက်သစ် (၁) လမ်းတွင် ဇူလိုင် ၂၀ ရက် ည ၈ နာရီခန့်က လေပြင်းတိုက်ခတ်ပြီး သစ်ပင်၊ သစ်ကိုင်းများ လဲပြိုကျ၍ လျှပ်စစ်မီးကြိုး ပြတ်ကျသဖြင့် ၁၃ နှစ်အရွယ် သတ္တမတန်း ကျောင်းသူတစ်ဦး ဓာတ်လိုက်သေဆုံးမှု ဖြစ်ပွားခဲ့ကြောင်း သိရသည်။

“မနေ့ (ဇူလိုင် ၂၀ ရက်) ညက လေဆင်နှာမောင်း တိုက်တဲ့အချိန်၊ ကလေးတွေက ကျူရှင်က ပြန်တဲ့အချိန်မှာ သစ်ကိုင်းတစ်ကိုင်းက ကျိုးကျပြီးတော့ လျှပ်စစ်မီးကြိုးပေါ် ပြုတ်ကျတဲ့အချိန်မှာ လေကလည်း တိုက်နေတော့ ကလေးကို သွားပတ်မိသလို ဖြစ်သွားတာ။  ဖြစ်စဉ်ကတော့ အဲဒီလောက်ပါပဲ။ ဓာတ်လိုက်ပြီး သေဆုံးသွားတဲ့ကလေးက မဇွန်ဖူးဝေပါ။ အသက်က ၁၂ နှစ်ပါ။ ခုနစ်တန်းကျောင်းသူ ဖြစ်ပါတယ်။ အ.ထ.က (၃) ကျောင်းမှာ ကျောင်းတက်နေသူပါ” ဟု နန်းခဲရပ်ကွက် (၁) လမ်းနှင့် (၂) လမ်း ရာအိမ်မှူး ဦးစောလွင်က ပြောကြားသည်။

“ကျွန်တော်တို့ အပိုင်းမှာက ဓာတ်တိုင်တွေ ဟောင်းနေတာ။ မီးကြိုးတွေ ဆွေးနေတာတွေ ရှိနေပါတယ်။ တခြားလမ်းမှာ ဆိုရင်လည်း ဓာတ်တိုင် ခြောက်တိုင်လောက် လိုအပ်နေတာတွေ ရှိနေပါတယ်။ တချို့နေရာတွေမှာ သစ်သားတိုင်တွေနဲ့ ထူထားတာတွေလည်း ရှိနေပါတယ်။ ဓာတ်တိုင်အသစ်တွေ လဲပေးမယ်။ မီးကြိုးအသစ်တွေ ဆွဲပေးမယ် ဆိုရင်တော့ အဆင်ပြေလောက်ပါတယ်” ဟု ဦးစောလွင်က ဆက်လက်ပြောကြားသည်။

“သူတို့သူငယ်ချင်းသုံးယောက် ကျူရှင်က ပြန်လာတယ်။ အဲဒီအချိန်မှာ လေကတိုက်နေတယ်။ သစ်ကိုင်းတစ်ကိုင်းက ဓာတ်မီးကြိုးပေါ် ကန့်လန့်ကျတော့ ရှော့ခ်ဖြစ်ပြီး မီးကပွင့်နေတယ်။ ပြီးမှ မီးလောင်ပြီး ပြတ်ကျတဲ့ သဘောပါ။ အဲဒီမှာ ကလေးသုံးယောက်မှာ တစ်ယောက်က သူ့အိမ်ရှေ့ ရောက်နေပြီဆိုတော့ အိမ်ထဲကို ၀င်ပြေးတယ်။ တစ်ယောက်က လမ်းမအတိုင်း ပြေးလာတယ်။ မဇွန်ဖူးဝေက ဘေးကို ပြေးရှောင်တာ၊ သူရှောင်တဲ့ဘက်ကိုမှ မီးကြိုးက ပြတ်ကျတာ ဖြစ်ပါတယ်။ မီးကြိုးက ကြေးကြိုးဆိုတော့ ပြတ်ကျတဲ့အခါမှာ အတန်းလိုက်မကျဘဲ ကွေးပြီးကျတော့ ကလေးကို ပတ်မိသလို ဖြစ်သွားတယ်။ အဲဒီအချိန်မှာ ကလေးက ကြောက်လန့်ပြီး ဘယ်ဘက်လက်နဲ့ ဆုပ်ကိုင်ထားတော့ ကျွန်တော် သွားခွာတဲ့ အထိကို ဆုပ်ကိုင်လျက်သား ဖြစ်နေတယ်” ဟု ဓာတ်လိုက်သေဆုံးသူ မဇွန်ဖူးဝေ၏ အဘိုးလေး တော်စပ်သူ ဦးလှဦးက ပြောကြားသည်။

၎င်းက ဆက်လက်ပြီး “ဓာတ်ကလိုက်နေတော့ ချက်ချင်းလည်း ၀င်လို့မရဘူး။ ကျန်တဲ့လူတွေလည်း ဘယ်သူမှ မ၀င်ရအောင် တားထားပြီးတော့မှ လျှပ်စစ်ဌာနလိုင်းမင်းက ထရန်စဖော်မာ မိန်းသွားချပြီးမှ ကိုင်လို့ရပြီ ဆိုတော့မှ ကျွန်တော်ကိုယ်တိုင်ပဲ ကလေးကို ပွေ့ပြီးတော့ သုံးဘီးဆိုင်ကယ်နဲ့ ဆေးရုံကို တင်ခဲ့ပါတယ်။ အားလုံးကြာချိန်က ၁၇ မိနစ်လောက်ပဲရှိမယ်။ ကလေးကတော့ ပျော့နေပြီ။ ဆေးရုံရောက်သွားတော့ ကလေးကို အတတ်နိုင်ဆုံး လုပ်ဆောင်ပေးပါတယ်” ဟု ပြောကြားသည်။

“အဆောက်အအုံတွေ ပျက်သွားတယ် ဆိုတာက ပြန်လည်ပြုပြင်လို့ ရပါတယ်။ လူတစ်ယောက်ရဲ့အသက် ဆိုတာက ပြန်လည် အစားထိုးလို့မှ မရတာ။ နောက်တစ်ခုက ဒီရပ်ကွက်တွေထဲမှာ ရှိနေတဲ့ မီးကြိုးတွေက ကာဗာမရှိဘူး။ မီးကြိုးပြတ်ကျတော့ ကလေးပေါ်ကိုကျပြီး ပတ်မိသလို ဖြစ်သွားတယ်လို့ သိရပါတယ်။ ဒါက ကံတရားကြောင့်လို့ ပြောလို့ရပေမဲ့ ဘာပဲဖြစ်ဖြစ် အစိုးရမှာ တာဝန်ရှိပါတယ်။ ပြည်သူတစ်ယောက် ဒီလိုမျိုး သေဆုံးသွားတယ် ဆိုကတည်းက တာဝန်အရှိဆုံးက အစိုးရပါပဲ။ ကိုယ်စားတစ်ယောက် အနေနဲ့ စိတ်မကောင်း ဖြစ်မိပါတယ်။ မနက်က ကလေးမလေးရဲ့ အိမ်ကိုသွားပြီး အားပေးနှစ်သိမ့်တာတွေ လုပ်ပေးခဲ့ပါတယ်” ဟု သထုံမြို့နယ် မဲဆန္ဒနယ်မြေ အမှတ် (၂) မှ ပြည်နယ် လွှတ်တော်ကိုယ်စားလှယ် ဒေါ်ခိုင်ခိုင်လဲ့က ပြောကြားသည်။

“ဒီဖြစ်စဉ်က နောက်နောင်ဒါမျိုး မဖြစ်ရလေအောင် အစိုးရကို သတိပေးလိုက်တာနဲ့ အတူတူပါပဲ။ ဒါမျိုးဖြစ်စဉ်တွေ ရှိနေတယ်။ ဒီလိုမျိုး ဟောင်းနွမ်းနေတဲ့ မီးတိုင်တွေ၊ ဒီလိုမျိုး ဆွေးမြည့်နေတဲ့ မီးကြိုးတွေ ရှိနေတယ်။ အသက်အန္တရာယ် ဖြစ်ပေါ်လာနိုင်တဲ့ အနေအထားမျိုးတွေ ရှိနေတယ် ဆိုတာကို အစိုးရကို သတိပေးလိုက်တာနဲ့ တူပါတယ်။ အစိုးရ အနေနဲ့လည်း ဒါတွေကို အထူးဂရုပြု အလေးထားဖို့ ပိုပြီးလိုအပ်ပါတယ်” ဟု ဒေါ်ခိုင်ခိုင်လဲ့က ဆက်လက်ပြောကြားသည်။

မဇွန်ဖူးဝေ သေဆုံးသွားမှုနှင့် ပတ်သက်၍ သထုံမြို့မရဲစခန်းတွင် သေမှုသေခင်း အမှတ်စဉ် (၁၁/၂၀၁၈) ရေးဖွင့်ကာ ဓမ္မတာအတိုင်း သေဆုံးခြင်း ဟုတ်/မဟုတ် စစ်ဆေး ဆောင်ရွက်လျက်ရှိကြောင်း သိရသည်။

ဇူလိုင် ၂၀ ရက် ညပိုင်းက လေပြင်း တိုက်ခိုက်မှုများကြောင့် သထုံမြို့ နန်းခဲရပ်ကွက်အတွင်း လူနေအိမ် လေးလုံး၊ မြေနီကုန်းကျေးရွာတွင် နေအိမ်သုံးလုံး အမိုးလန်ပျက်စီးခြင်း၊ လိပ်အင်းရပ်ကွက်၊ နွားထောင်လမ်းရှိ စိန်ကုန်းကျောင်း အ.မ.က ကျောင်းတွင် အခန်း ငါးခန်းပါ စာသင်ဆောင် တစ်ဆောင်၌ အခန်း လေးခန်းမှာ သွပ်၊ ဒိုင်း၊ မြားများ ပျက်စီးခဲ့ကြောင်း သိရသည်။

ပင်လယ်ဒီရေလှိုင်း ရိုက်ခတ်မှုကြောင့် ပေါင်မြို့နယ် အလှပ်ကျေးရွာကမ်းခြေရှိ လူနေအိမ် ၁၃ လုံး ပြိုကျပျက်စီးခဲ့

အလှပ်ကျေးရွာကမ်းခြေရှိ နေအိမ်များကို တွေ့ရစဉ်

မွန်ပြည်နယ် ပေါင်မြို့နယ် အလှပ်ကျေးရွာကမ်းခြေ၌ ဇူလိုင် ၁၃ ရက်နှင့် ၁၄ ရက်များက ပင်လယ်ဒီရေလှိုင်း ရိုက်ခတ်မှုကြောင့် ရေလုပ်သားမိသားစုများ နေထိုင်သော နေအိမ် ၁၃ လုံး ပြိုကျပျက်စီးခဲ့ကြောင်း သိရသည်။

“ဇူလိုင် ၁၃ ရက် ညနေ ၃ နာရီလောက်မှာ ဒီရေလှိုင်းတွေ တက်လာပြီး လှိုင်းရိုက်လို့ အိမ်တွေပြိုသွားတယ်။ ယောက်ျားဖြစ်သူက လှေမ၀င်လာသေးတော့ အခက်အခဲတွေ ဖြစ်နေတာပေါ့။ အိမ်ကိုဆွဲလို့လည်းမရ၊ ဆန်တွေလည်း ရေစို၊ ဒီရေတက်လာချိန်မှာ ကလေးတွေတောင် ဘယ်ရောက်လို့ ဘယ်ပျောက်မှန်းမသိဘူး။ စားဖို့ရော နေဖို့ပါ အခက်အခဲတော့ဖြစ်တယ်။ အခုသူများ အိမ်မှာတောင်နေ နေရတယ်” ဟု ကျိုက်ထိုမြို့နယ်မှ ရေလုပ်ငန်း လာရောက်လုပ်ကိုင်နေသော ဒေါ်မာဦးက ပြောကြားသည်။

“ဒီရေက အရမ်းကြမ်းပြီး လှိုင်းလုံးက အိမ်ကိုရိုက်တော့ အိမ်က ပစ္စည်းများတစ်ခုမှ ကောက်လို့မမီတော့ဘဲ အိမ်လည်းပြိုကျသွားတယ်။ အခု အိမ်လည်းပြိုသွားပြီး ဘာပစ္စည်းမှလည်း မရလိုက်တော့ အခက်အခဲတွေ ရှိတာပေါ့” ဟု အလှပ်ကျေးရွာကမ်းခြေတွင် လာရောက်ရွှေ့ပြောင်းနေထိုင်နေသော ဒေါ်ဝင်းရီက ပြောကြားသည်။

“ဒီရေတိုက်စားမှုကတော့ နှစ်တိုင်းပါပဲ။ ကမ်းခြေမှလာနေကြတဲ့သူတွေက ဒီကမဟုတ်တော့ ကျူးကျော်သဘောမျိုးပေါ့။ ပိုက်ဆံလည်းမရှိဘူး။ ဒီမှာ မနေပါနဲ့ ပြောလည်း သူတို့က ပိုက်ဆံမှ မရှိတာ။ နေစရာမရှိတော့ ကပ်နေတော့ တစ်နှစ်ကိုတော့ အမြဲတမ်း အိမ်ငါးလုံး ခြောက်လုံးလောက် ပြိုနေကြ။ မနှစ်က ၀န်ကြီးချုပ်လာပြီးကတည်းက သူတို့ပြောထားတယ်။ ဒီနေရာမှ မနေပါနဲ့တော့။ သူတို့ကို အစိုးရက နှစ်နှစ်ရှိပြီး ပံ့ပိုးခဲ့တာ” ဟု အလှပ်ကျေးရွာအုပ်ချုပ်ရေးမှူး ဦးသိန်းတင်က ပြောကြားသည်။

အလှပ်ကျေးရွာကမ်းခြေမှ ကျူးကျော်နေအိမ်များအား ပြောင်းရွှေ့နေထိုင်နိုင်ရန်အတွက် ကျေးရွာတွင်းရှိ မြေကွက်များကို မြေကွက်တစ်ကွက်လျှင် ကျပ်ငါးသောင်းမှ ကျပ်နှစ်သိန်းဝန်းကျင်ဖြင့် အကွက်ချရောင်းချပေးရန် ဒေသခံရွာသားများနှင့် ညှိနှိုင်းထားမှုများရှိသော်လည်း ပြေလည်မှု မရှိခဲ့ကြောင်း၊ အလှပ်ကမ်းခြေတွင် ထူးကဲဒီရေမြင့်တက်မှု သုံးနှစ်ဆက်တိုက်ကြုံလာပြီးဖြစ်၍ ယင်းကမ်းခြေ၌ နေထိုင်မှုသည် အန္တရာယ်ရှိကြောင်း ဦးသိန်းတင်က ဆက်လက်ပြောကြားသည်။

အလှပ်ကျေးရွာကမ်းခြေတွင် နေအိမ် များ ထပ်မံဆောက်လုပ်၍ နေထိုင်မည်ဆို ပါက ကျန်ရှိနေသေးသော မိုးရာသီတွင် ဒီရေ အတက်ကြောင့် နေအိမ်များ ထပ်မံပြိုကျနိုင် ကြောင်းလည်း အလှပ်ကျေးရွာဒေသခံများ ၏ ပြောကြားချက်များအရ သိရသည်။

အလှပ်ကျေးရွာကမ်းခြေတွင် နေထိုင်သူအများစုမှာ ရေလုပ်ငန်းလုပ်ကိုင်ရန်အတွက် အနယ်နယ်အရပ်ရပ်မှ လာရောက်ကြသော ရွှေ့ပြောင်းလုပ်သားများဖြစ်ကြောင်းနှင့် အလှပ်ကမ်းခြေတွင် ရွှေ့ပြောင်းရေလုပ်သားများ၏ ကျူးကျော်အိမ်ခြေ ၂၀၀ ခန့်ရှိကြောင်း သိရသည်။

 

ဘီးလင်းမြို့နယ် ပေါက်တောကျေးရွာအုပ်စု ကေလာသ သဘာဝထိန်းသိမ်းရေး နယ်မြေအတွင်း အကျဉ်းဦးစီးဌာနမှ လမ်းခင်းကျောက် ထုတ်လုပ်ခွင့်လိုင်စင် (အသစ်) လျှောက်ထားခြင်းကို ကန့်ကွက်ထားဟုဆို

ဘီးလင်းမြို့နယ်ရှိ တောင်စွန်း ကျောက်မိုင်းဟောင်းကို တွေ့ရစဉ်

မွန်ပြည်နယ် ဘီးလင်းမြို့နယ် ပေါက်တောကျေးရွာအုပ်စု ကေလာသ သဘာဝထိန်းသိမ်းရေး နယ်မြေအတွင်းရှိ အကျဉ်းဦးစီးဌာနက ၂၀၁၈-၂၀၁၉ ဘဏ္ဍာနှစ် လမ်းခင်းကျောက် ထုတ်လုပ်ခွင့်လိုင်စင် (အသစ်) လျှောက်ထားခြင်းကို ကန့်ကွက်ထားကြောင်း ဘီးလင်းမြို့နယ် မဲဆန္ဒနယ်မြေ အမှတ် (၁) လွှတ်တော်ကိုယ်စားလှယ် ဒေါက်တာခင်နိုင်ဦးက ပြောကြားသည်။

“ဘီးလင်းမြို့နယ် အထွေထွေအုပ်ချုပ်ရေး ဦးစီးဌာနရုံးက တောင်စွန်း အကျဉ်းဦးစီး ကျောက်မိုင်း လေးဧကကို လမ်းခင်းကျောက် ပြန်လည် ထုတ်ယူဖို့အတွက်ကို အကျဉ်းဦးစီးဌာနက လျှောက်ထားတယ်။ အဲဒါကို ကန့်ကွက်နိုင်ကြောင်း ဇွန် ၁၈ ရက်က ဘီးလင်း ထွေ/အုပ်ကနေ စာထုတ်တယ်။ အဲဒီ ပေါက်တောကျေးရွာအုပ်စု၊ ကွင်းအမှတ် ၂၀၈၊ ကျိုက်ဒေးယုံကွင်း နေရာက သဘာဝ ထိန်းသိမ်းရေးနယ်မြေကနေ အကျဉ်းဦးစီးဌာနအတွက် ထုတ်နုတ်ပေးထားတဲ့ ၄၄ ဒသမ ၈ ဧကထဲကနေ လျှောက်တယ်လို့ ပြောတယ်။ ဒါပေမဲ့ ဇွန် ၂၂ ရက်က ထင်တယ်။ ထွေ/အုပ် က ကွင်းဆင်းကြည့်တော့ အကျဉ်းဦးစီးဌာနက နေရာတိတိကျကျ မပြနိုင်ဘူး။ ဘယ်နေရာမှာ ထုတ်လုပ်မယ် ဆိုတာလည်း မသတ်မှတ်နိုင်ဘူး။ အဲဒါနဲ့ သဘာဝထိန်းသိမ်းရေး နယ်မြေနဲ့ လွတ်ကင်းမှု ရှိ၊ မရှိ မသိနိုင်ဘူး။ အဲဒါကြောင့် မြို့နယ်အုပ်ချုပ်ရေးမှူးက နေရာကို သေသေချာချာ ပြန်လည်သတ်မှတ်ပါ။ ထိန်းညှိပေးပါ့မယ် ဆိုပြီး ပြောပြီး ပြန်သွားတယ်။ ဇွန် ၂၄ ရက်မှာ အကျဉ်းဦးစီးက တိုင်တွေ စိုက်ထားပြီးပြီ။ အဲဒါနဲ့ ကျွန်တော်က သစ်တောနဲ့မြေစာရင်းကို ခေါ်ပြီးတော့ သွားကြည့်တော့ သစ်တောက ပြောတာက အဲဒီနေရာက ကေလာ သသဘာဝထိန်းသိမ်းရေး နယ်မြေနဲ့ မလွတ်ကင်းဘူး ဖြစ်နေတယ်။ အဲဒါကိုလည်း သစ်တောဦးစီးဌာနက မြေပုံနဲ့တကွ ထွေ/အုပ်ကို ကန့်ကွက်လွှာတင်ပြီး အသိပေးခဲ့ပါတယ်” ဟု ဒေါက်တာ ခင်နိုင်ဦးက ပြောကြားသည်။

၎င်းက ဆက်လက်ပြီး “ကန့်ကွက်တယ် ဆိုတာကလည်း တခြားအကြောင်းကြောင့် မဟုတ်ဘူး။ အဲဒီနေရာက နဂိုကတည်းက ပိတ်သိမ်းပြီးတဲ့နေရာ ဖြစ်တယ်။ နောက်တစ်ခုက ကေလာ သသဘာဝနယ်မြေနဲ့ လွတ်ကင်းတာပဲ ဖြစ်ဖြစ်၊ မလွတ်ကင်းဘူးပဲ ဖြစ်ဖြစ် ကျောက်မိုင်းအဖြစ် လျှောက်ထားခွင့်လည်း မရှိသလို ကျောက်ထုတ်လုပ်ခွင့် မရှိတဲ့နေရာတွေ ဖြစ်တယ်။ အဲဒါကြောင့် လုပ်ထုံးလုပ်နည်းနဲ့ မညီဘူး။ လွဲနေတယ်။ ကျောက်ထုတ်လုပ်ခွင့် မရှိတဲ့ နေရာကို ကျောက်မိုင်း ထုတ်လုပ်ခွင့် လျှောက်ထားတာတို့၊ ကန့်ကွက်လွှာ ခေါ်တာတို့ဟာ မဖြစ်သင့်ဘူး ဆိုတဲ့အတွက် ကန့်ကွက်တာပါ။ ကန့်ကွက်လွှာကို ဇူလိုင် ၃ ရက် နောက်ဆုံးဆိုတော့ သတ်မှတ်ရက်တော့ မပြည့်သေးဘူး။ အခု ဒေသခံတွေကလည်း ကန့်ကွက်လွှာတွေ တင်ဖို့ ပြင်ဆင်နေကြပါပြီ”ဟု ပြောကြားသည်။

“ကျွန်တော့်အနေနဲ့ကလည်း သက်ဆိုင်ရာဌာနတွေကို အကြောင်းကြားစာတွေ ပေးပို့သွားဖို့လည်း ရှိပါတယ်။ အဓိက နှစ်ချက်ပေါ့။ ပထမတစ်ချက် အကျဉ်းဦးစီးက ကျောက်မိုင်းလုပ်ဖို့ လျှောက်ထားတဲ့ နေရာက ကေလာသ သဘာဝနယ်မြေနဲ့ မလွတ်ကင်းဘူး။ တစ်ဆက်စပ်တည်း ဖြစ်နေတယ်။ နောက်တစ်ခုက ဒီနေရာမှာ ကျောက်ထုတ်လုပ်ငန်း လုံးဝ မရှိစေချင်တော့ဘူး။ နောက် ဒုတိယတစ်ချက်က ဒီလိုကိစ္စမျိုးက ကန့်ကွက်လွှာ ခေါ်ရမယ့်ကိစ္စမျိုး မဟုတ်ဘူး။ အကျဉ်းဦးစီးဌာနက ကျောက်မိုင်းလုပ်ဖို့ လျှောက်ခဲ့ရင်တောင်မှ လုပ်ထုံးလုပ်နည်းအရ လက်ခံလို့ မရဘူး။ အဲဒါကို လျှောက်လွှာလက်ခံပြီးတော့ ကန့်ကွက်လွှာ တင်ပါဆိုတာကလည်း လုပ်ထုံးလုပ်နည်းနဲ့ လွဲနေပါတယ်။ အဲဒီနှစ်ချက်ကို သက်ဆိုင်ရာ ဌာနဆိုင်ရာတွေကို ပေးပို့သွားမှာပါ။ ကျွန်တော့်အနေနဲ့ကတော့ ဥပဒေ၊ လုပ်ထုံးလုပ်နည်းနဲ့အညီ လုပ်ဆောင်သွားဖို့ ရှိပါတယ်”ဟု ပြည်နယ်လွှတ်တော် ကိုယ်စားလှယ် ဒေါက်တာခင်နိုင်ဦးက ပြောကြားသည်။

မွန်ပြည်နယ် ဘီးလင်းမြို့နယ်ရှိ ၅၅၄၈ ဒသမ ၄၇၃ ဧက ကျယ်ဝန်းသော ကေလာသ သဘာဝထိန်းသိမ်းရေး နယ်မြေ နယ်မြေအတွင်း ကျောက်ထုတ်လုပ်မှု လုပ်ငန်းများ (ကျောက်မိုင်းများ) အားလုံး ထာဝရ ပိတ်သိမ်း ရပ်နားပေးရန် တိုက်တွန်းကြောင်း အဆိုကို ၂၀၁၆ ခုနှစ် ဒီဇင်ဘာ ၈ ရက်က ပြုလုပ်သည့် ဒုတိယအကြိမ် မွန်ပြည်နယ်လွှတ်တော် စတုတ္ထပုံမှန် အစည်းအဝေး ဒုတိယနေ့တွင် မွန်ပြည်နယ် လွှတ်တော်က ကန့်ကွက်ရန် မရှိ အတည်ပြုခဲ့ကြောင်း၊ ယင်းအဆိုကို ၂၀၁၆ ခုနှစ် ဒီဇင်ဘာ ၇ ရက်က ကျင်းပသည့် ဒုတိယအကြိမ် မွန်ပြည်နယ်လွှတ်တော် စတုတ္ထပုံမှန် အစည်းအဝေး ပထမနေ့တွင် ဘီးလင်းမြို့နယ် မဲဆန္ဒနယ် အမှတ် (၁) ပြည်နယ် လွှတ်တော်ကိုယ်စားလှယ် ဒေါက်တာခင်နိုင်ဦးက တင်သွင်းခဲ့ခြင်း ဖြစ်ပြီး ဒုတိယအကြိမ် မွန်ပြည်နယ် လွှတ်တော် စတုတ္ထပုံမှန် အစည်းအဝေး ဒုတိယနေ့တွင် ပြည်နယ် လွှတ်တော်ကိုယ်စားလှယ် သုံးဦးနှင့် ပြည်နယ် အစိုးရအဖွဲ့ဝင် သယံဇာတနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးတို့မှ အဆိုနှင့် ပတ်သက်၍ ဆွေးနွေးခဲ့ပြီးနောက် ကန့်ကွက်သူ မရှိ အဆိုအား အတည်ပြုခဲ့ခြင်း ဖြစ်သည်။

ထို့နောက် မွန်ပြည်နယ် ဘီးလင်းမြို့ရှိ ကေလာသ သဘာဝထိန်းသိမ်းရေး နယ်မြေအတွင်းရှိ ကျောက်ထုတ် လုပ်ငန်းများ (ကျောက်မိုင်းများ) အားလုံး ပိတ်သိမ်းရန် မွန်ပြည်နယ်အစိုးရက ၂၀၁၆ ခုနှစ် ဒီဇင်ဘာ ၁၃ ရက် နေ့စွဲဖြင့် ညွှန်ကြားစာ ထုတ်ပြန်ခဲ့ကြောင်း၊ ဘီးလင်းမြို့နယ် ကေလာသသဘာဝနယ်မြေအတွင်း ကျောက်ထုတ်လုပ်မှု လုံးဝ ခွင့်မပြုကြောင်းနှင့် သဘာဝနယ်မြေအဖြစ် သတ်မှတ်ကြေညာသည့် နေ့မှစ၍ ထိုနေ့တွင် တည်ရှိသော အခွင့်အရေးများမှအပ အောက်ပါကိစ္စ တစ်ခုခုနှင့် စပ်လျဉ်း၍ လုပ်ဆောင်ခြင်း မပြုရေး တားမြစ်ဆောင်ရွက်ရန် ညွှန်ကြားကြောင်း၊ ယင်းအကြောင်းအရာများတွင် အဆောက်အအုံအသစ် ဆောက်လုပ်ခြင်း၊ တောရိုင်း တိရစ္ဆာန်များ ဖမ်းဆီးခြင်း၊ သတ်ဖြတ်ခြင်း၊ အနာတရ ဖြစ်စေခြင်း၊ တောရိုင်း တိရစ္ဆာန်ကို ဖြစ်စေ၊ တောရိုင်းတိရစ္ဆာန် အစိတ်အပိုင်းများကို ဖြစ်စေ လက်ဝယ်ထားရှိခြင်း၊ ရောင်းချခြင်း၊ သယ်ဆောင်ခြင်း သို့မဟုတ် အခြားတစ်နည်းနည်းဖြင့် လွှဲပြောင်းခြင်းနှင့် သဘာဝအပင်များနှင့် သစ်တောထွက် ပစ္စည်းများကို ဖျက်ဆီးခြင်း၊ ခုတ်လှဲခြင်း၊ စုဆောင်းခြင်း၊ မြေတူးခြင်း၊ မြေရှင်းလင်းခြင်း၊ သစ်ပင်သီးနှံများ စိုက်ပျိုးခြင်း၊ စားကျက်မြေအဖြစ် အသုံးပြုခြင်း၊ မီးရှို့ခြင်း၊ ငါးဖမ်းခြင်း၊ အမဲလိုက်ခြင်း၊ ရေထု၊ လေထု၊ ညစ်ညမ်းစေခြင်း၊ ရေစီးရေလာ ပျက်စီးစေခြင်း သို့မဟုတ် ရေတွင် အဆိပ်ခတ်ခြင်း၊ အဆိပ်အတောက် ဖြစ်စေသော ပစ္စည်းကိုဖြစ်စေ၊ ဓာတ်သတ္တု အညစ်အကြေးများကို ဖြစ်စေ ခွင့်ပြုချက် မရှိဘဲ လက်ဝယ်ထားရှိခြင်း သို့မဟုတ် စွန့်ပစ်ခြင်းများ လုပ်ဆောင်ခြင်း မပြုရန်နှင့် လိုက်နာ ဆောင်ရွက်ရန် မွန်ပြည်နယ်အစိုးရက ညွှန်ကြားချက် ထုတ်ပြန်ခဲ့ခြင်း ဖြစ်သည်။

ဘီးလင်းမြို့နယ်ရှိ ကေလာ သသဘာဝထိန်းသိမ်းရေး နယ်မြေအား ၁၉၄၂ ခုနှစ် ကတည်းက သဘာဝထိန်းသိမ်းရေး နယ်မြေအဖြစ် သတ်မှတ်ထားခြင်း ဖြစ်ကြောင်း မွန်ပြည်နယ် သစ်တောဦးစီးဌာန စာရင်းများအရ သိရသည်။

မော်လမြိုင်စက်မှုဇုန်ရှိ ခနောက်စိမ်း သန့်စင်စက်ရုံများ၏ လူထုအပေါ် များစွာထိခိုက်နစ်နာ စေမှုများကို ပြည်နယ်အစိုးရထံ တိုင်ကြားသော်လည်း လျစ်လျူရှုနေခြင်းအား ရှင်းလင်း

မော်လမြိုင်စက်မှုဇုန်ရှိ ခနောက်စိမ်း သန့်စင်စက်ရုံများ၏ လူထုအပေါ် များစွာထိခိုက်နစ်နာ စေမှုများအား ပြည်နယ်အစိုးရထံ တိုင်ကြားသော်လည်း လျစ်လျူရှုနေခြင်းအား ရှင်းလင်းပွဲပြုလုပ်နေစဉ်

မော်လမြိုင်စက်မှုဇုန်ရှိ ခနောက်စိမ်းသန့်စင်စက်ရုံများ၏ လူထုအပေါ် များစွာထိခိုက်နစ်နာ စေမှုများအား ပြည်နယ်အစိုးရထံ တိုင်ကြားသော်လည်း လျစ်လျူရှုနေခြင်းအပေါ် ဇွန် ၂၃ ရက် မွန်းလွဲပိုင်းက မော်လမြိုင်စက်မှုဇုန်ရှိ မြို့တော်ဦးကျောင်းတိုက်၌ ဒေသခံများက ရှင်းလင်းပွဲ ပြုလုပ်ခဲ့ကြောင်း သိရသည်။

“ဒီပွဲလုပ်တဲ့ ရည်ရွယ်ချက်က ပြည်နယ်အစိုးရထံကို တိုင်စာတက်တယ်။ ဒါပေမဲ့ အရေးယူ ဆောင်ရွက်ပေးခြင်း မရှိသေးတဲ့အတွက် အရေးယူ ဆောင်ရွက်ပေးပါရန် အလို့ငှာ ပြည်နယ်အစိုးရလည်း သိစေချင်ပါတယ်။ ပြည်ထောင်စု အစိုးရလည်း သိစေချင်ပါတယ်။ သမ္မတလည်းသိ စေချင်ပါတယ်။ အဲဒီအပြင်ကို ဒီစက်မှုဇုန်မှာရှိတဲ့ ခနောက်စိမ်းသန့်စင်စက်ရုံ ပတ်ဝန်းကျင်မှာရှိတဲ့ ပြည်သူတွေ ဆိုးကျိုးတွေ မခံစားရလေအောင် စည်းကမ်းတကျ ဥပဒေအတိုင်းဖြစ်အောင် လုပ်စေချင်ပါတယ်။  အဲဒီရည်ရွယ်ချက်နဲ့ လုပ်ဆောင်တာ ဖြစ်ပါတယ်” ဟု လူ့အခွင့်အရေးနှင့် တရားမျှတရေး စွမ်းဆောင်သူများ အဖွဲ့မှ ကိုဂျင်မီက ပြောကြားသည်။

“မော်လမြိုင်စက်မှုဇုန်မှာ ရှိနေတဲ့ ခနောက်စိမ်းစက်ရုံတွေနဲ့ ပတ်သက်လို့ ဒေသခံတွေက ကျွန်တော်တို့အဖွဲ့ ကို အကူအညီ တောင်းထားတာတွေ ရှိပါတယ်။ ပြည်နယ် အစိုးရထံကိုလည်း တိုင်စာတွေ ပေးပို့ထားတာတွေ ရှိပါတယ်။ ဒါပေမဲ့ အရေးယူ ဆောင်ရွက်မှုတွေ မရှိတဲ့အတွက် ကျွန်တော်တို့အဖွဲ့ဆီကို ရောက်လာတာပါ။ အဲဒီအတွက် ကျွန်တော်ကိုယ်တိုင်ပဲ စက်မှုဇုန်က တာဝန်ရှိသူ နှစ်ယောက်နဲ့အတူ မွန်ပြည်နယ် အစိုးရအဖွဲ့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဒေါက်တာမင်း ကြည်ဝင်းတို့နဲ့ တွေ့ဆုံဆွေးနွေး ခဲ့တာတွေ ပြုလုပ်ခဲ့ပါတယ်။ ဒီခနောက် စိမ်းစက်ရုံတွေနဲ့ ပတ်သက်လို့ ပြည်သူတွေ ခံစားနေရတဲ့ ကိစ္စတွေနဲ့ ပတ်သက်လို့ ပြန်လည်စိစစ်ပေးပါမယ်ဆိုတဲ့ အဖြေရခဲ့ပါတယ်။ ကျွန်တော်တို့ အနေနဲ့ကလည်း ဒီစက်ရုံတွေ ပိတ်သိမ်းပေးဖို့ ပြောဆိုနေတာ မဟုတ်ဘူး။ စက်ရုံ၊ အလုပ်ရုံတွေက ကျွန်တော်တို့ နိုင်ငံအတွက် အကျိုးရှိတာ မှန်တယ်။ ဒါပေမဲ့ စက်ရုံတွေက ထွက်ရှိလာတဲ့ စွန့်ပစ်ပစ္စည်းတွေနဲ့ ပတ်သက်ပြီးတော့ ဘယ်ပတ်ဝန်းကျင်ကိုမှ ထိခိုက်စရာ မလိုအောင် လုပ်ဆောင်ဖို့က အရေးကြီးပါတယ်။ အဲဒီအကြောင်းတွေကို ကျွန်တော်တို့ ဆွေးနွေးခဲ့ပါတယ်” ဟု ကိုဂျင်မီက ဆက်လက်ပြောကြားသည်။

“ကျွန်တော်တို့ စက်ရုံနဲ့ ခနောက်စိမ်းစက်ရုံက ဝေးပေမယ့် အဲဒီစက်ရုံက ထွက်တဲ့အငွေ့တွေ၊ ကျောက်ကို ကြိတ်လို့ ထွက်လာတဲ့ အမှုန်တွေက စက်ရုံရှိနေတဲ့ အောက်ကနေ အပေါ်ကို လှန်ထွက်လာတယ်။ သူ့ရဲ့အနံ့က နှာခေါင်းကနေပြီး ရှူပြီးရင် ပါးစပ်ထဲငုံထားလိုက်ပြီးမှ လေပြန်ထုတ်လိုက်ရင် ပါးစပ်ထဲမှ ချွဲပြီးကျန်ခဲ့တယ်။ မီးခိုးရဲ့အနံ့က ၂၄ နာ ရီမှာ လေသင့်တိုင်း အနံ့ခံနေရတယ်။ အနံ့မနံတဲ့နေရလို့တော့ မရှိပါဘူး။ လေသင့်သလို့  အလှည့်ကျရှူနေရပါတယ်။ အဲဒီအနံ့နဲ့ လွတ်ကင်းတဲ့ နေရာစက်မှုဇုန်မှာ မရှိပါဘူး” ဟု မော်လမြိုင်စက်မှုဇုန် ရွှေမြို့တော် ၁၆ လမ်းရှိ ကောင်းမြတ်သံရည်ကျို စက်ရုံမှ ကိုသန့်စင်က ဆိုသည်။

“ခနောက်စိမ်းကိစ္စနဲ့ ပတ်သက်ပြီးတော့ သူတို့လုပ်တဲ့အချိန်က ဘယ်အချိန်မှန်း မသိတော့ဘူး။ ဒါပေမဲ့ အနံ့က နံတာတော့ နံနေတာပဲ။ ၂၄ နာရီမှာ ၁၀ နာရီလောက် နံပါတယ်။ နံတယ်ဆိုတာက မီးခိုးထွက်တဲ့ အချိန်ဆိုရင် နံပါတယ်။ တစ်ခါတလေလည်း မီးခိုးမထွက်တဲ့ အချိန်လည်း နံနေတာပဲ” ဟု မော်လမြိုင်စက်မှုဇုန် ရွှေမြို့တော် ၆ လမ်းနေ ကိုဝင်းကိုက ပြောကြားသည်။

“ကျွန်မတို့စက်ရုံမှာ ၂၀၁၂ ခု နှစ် သဘာဝပတ်ဝန်းကျင် ထိန်းသိမ်းရေးဥပဒေပါ စံနှုန်းတွေနဲ့အညီ ဆောင်ရွက်ထားပါတယ်။ နောက်ပြီး သဘာဝပတ်ဝန်းကျင် ထိန်းသိမ်းရေး ဦးစီးဌာနကလည်း စက်ရုံကိုလာရောက်ပြီးတော့ လေထု၊ မြေထုအခြေအနေကို တိုင်းတာထားတာတွေလည်း ရှိပါတယ်။ အဲဒီအပြင်ကို ရှောင်တခင် လာရောက်စစ်ဆေး တာတွေလည်း ရှိပါတယ်။ လက်ရှိအချိန်အထိ ကျွန်မတို့စက်ရုံက ဥပဒေပါ စံနှုန်းတွေနဲ့အညီ ရှိနေပါတယ်။ အခုပတ်ဝန်းကျင်မှာ အနံ့တွေနံနေတယ်လို့ ပြောနေကြတာတွေ ရှိပါတယ်။ အဲဒီကိစ္စကို ကျွန်မတို့ကိုယ်တိုင် စဉ်းစားလို့မရဘူး ဖြစ်နေတယ်။ အနံ့နံတယ်ဆိုတဲ့ ကိစ္စကို ကျွန်မတို့ အနေနဲ့ ဘယ်လိုဖြေရှင်းပေးရမလဲ ဆိုတဲ့ကိစ္စနဲ့ ပတ်သက်ပြီး စက်ရုံအရှေ့မှာ ဆိုင်းဘုတ်ထောင်ထားပါတယ်။ စက်ရုံက အနံ့ထွက်နေတယ်လို့ ယူဆလို့ရှိရင် ဆိုင်းဘုတ်မှာပါတဲ့ ဖုန်းနံပါတ်တွေကို ဆက်သွယ်ပြီးတော့ လာကြည့်ပါ။ အနံ့နံတယ်ဆိုတာနဲ့ လာကြည့်လို့ရပါတယ်။ မေးမြန်းပါ။ ကျွန်မတို့အနေနဲ့ရှင်းပြဖို့ အဆင်သင့် ပြင်ထားပါတယ်။ ဘယ်သူ့ကို မဆိုပါ” ဟု မော်လမြိုင်စက်မှုဇုန်ရှိ Myanmar Shing Shing Metal ကုမ္ပဏီလီမိတက်မှ မန်နေဂျင်းဒါရိုက်တာ ဒေါ်ရတနာလင်းအောင်က ဆိုသည်။ ၎င်းက ဆက်လက်ပြီး “စက်ရုံကို သက်ဆိုင်ရာက လာစစ်တဲ့အခါမှာ စက်ရုံကို ပိတ်လိုက်လို့ အနံ့မထွက်တော့ဘူးလို့ အပြင်မှာ ပြောဆိုနေတာတွေ ကြားရပါတယ်။ ကျွန်မတို့ စက်ရုံမှာ ခြောက်ပေပတ်လည် လောက်ရှိတဲ့ မီးဖိုတွေကြီးတွေ ရှိပါတယ်။ အဲဒီမီးဖိုတွေ မီးသတ်ဖို့က လေးနာရီ၊ ငါးနာရီလောက် အချိန်ယူရပါတယ်။ အနံ့နဲ့ ပတ်သက်လို့ သက်ဆိုင်ရာ တာဝန်ရှိသူတွေ ည ၁၀ နာရီ၊ ၁၁ နာရီလောက် ရှောင်တခင် လာပြီးတော့ အနံ့တွေရှိ၊ မရှိ စစ်တဲ့အချိန်ဆိုရင်လည်း ကျွန်မတို့မှာ ဘာကြိုတင် ပြင်ဆင်ချိန်မှ မရှိဘူး။ ပြင်ဆင်ဖို့လည်း မလိုအပ်ဘူး။ ကျွန်မတို့အနေနဲ့ ဒီအတိုင်းကို တောက်လျှောက် လုပ်နေတာ ဖြစ်ပါတယ်။ အခု ကျွန်မတို့စက်ရုံမှာဆိုရင် ပြည်နယ်အစိုးရရဲ့ လမ်းညွန်မှုနဲ့ မီးခိုးခေါင်းတိုင်မှာ လေနဲ့အမှုန်အမွှားတွေ သန့်စင်ပေးတဲ့ စက်တစ်လုံး ဆင်နေပါတယ်။ လာမယ့် သြဂုတ်လလောက်မှာ တပ်ဆင်ပြီး လောက်ပါမယ်။ အဲဒီအချိန်ကျရင် သက်ဆိုင်ရာ တာဝန်ရှိသူတွေရော၊ ဒေသခံ ပြည်သူတွေရော၊ မီဒီယာတွေရော ဖိတ်ပြီးတော့ ရှင်းလင်းပွဲလေး လုပ်ပေးသွားပါမယ်” ဟု ပြောကြားသည်။

လက်ရှိတွင် မော်လမြိုင်စက်မှုဇုန်၌ ခနောက်စိမ်းသတ္တုသန့်စင်စက်ရုံ ခြောက်ရုံရှိပြီး ၂၀၁၇ နှစ် ဒီဇင်ဘာလမှစ၍ မြန်မာရှင်းရှင်း ခနောက်စိမ်းစက်ရုံ၊ မြန်မာဆန်းဇော် ခနောက်စိမ်းစက်ရုံနှင့် အရှေ့မြောက် ဆင်ဖြူတော် ခနောက်စိမ်း စက်ရုံအား ပြည်နယ်အစိုးရက လည်ပတ် ခွင့်ပြုထားကြောင်း မွန်ပြည်နယ် ပတ်ဝန်းကျင် ထိန်းသ်ိမ်းရေး ဦးစီးဌာနမှ သိရသည်။

 

မော်လမြိုင် ကျိုက်သလ္လံစေတီတော်၏ ကုန်းတော်အရှေ့၊ အနောက် မြေလျှောကျမှု အကြီးစား ပြင်ဆင်မှု အပါအ၀င် ဘက်စုံပြင်ဆင်မှုအတွက် ကျပ်သိန်း ၆၀၀၀ ခန့်လိုအပ်မည်ဟုဆို

ကျိုက်သလ္လံစေတီတော် အရှေ့ ဘက်စောင်းတန်းအနီး ပျက်ဆီးနေမှုများအား တွေ့ ရစဉ်

မွန်ပြည်နယ် သမိုင်းဝင် မော်လမြိုင် နာဂ၀ီသ တောင်တန်းတွင် တည်ရှိသော ကျိုက်သလ္လံ စေတီတော်၏ ကုန်းတော်သည် ဇွန် ၁၆၊ ၁၇ ရက် အချိန်တိုအတွင်း မိုးရေချိန် လက်မ ၁၃ ဒသမ ၇ ရွာသွန်းဝင်ရောက်မှုကြောင့် ဘုရားကြီး၏ အရှေ့၊ အနောက်ကုန်းတော်တို့မှ ဖြစ်ပေါ်ခဲ့သည့် မြေလျှောမှုနှင့် အက်ကွဲမှုအချို့တို့ကို နေပြည်တော်မှ ဗိသုကာပညာရှင်များက ပြုပြင်ရန် လာရောက်စစ်ဆေးပြီးနောက် ဘက်စုံပြင်ဆင်မှုတွက် ကျပ်သိန်း ၆၀၀၀ ခန့် လိုအပ်မည်ဖြစ်ကြောင်း ၀န်ကြီး နန်းစံဝင့်ခိုင် (ပအိုဝ်းတိုင်းရင်းသားရေးရာ ၀န်ကြီးဌာန) က ဇွန် ၁၉ ရက်တွင် ပြောကြားသည်။

“အားလုံးပြင်ဆင်ဖို့က သိန်း ၆၀၀၀ ကျော်လောက်ကုန်မယ်။ ကုန်းတော်ကြီး ကမ်းထိန်းနံရံကြီးတွေ ပြန်လုပ်မယ်။ ဘယ်လောက် ပျက်စီးသွားလဲဆိုတော့ အရှေ့ဘက်စောင်းတန်း တိုးချဲ့ရင်ပြင် ပေ (၉၀၊၂၈) ပြိုကျသွားတယ်၊ အလျား-၅၅ လက်မက အက်ကြောင်း ဖြစ်သွားတယ်။ ရှင်သီဝလိ၊ ဘိုးတော်သိကြားမင်း၊ တောင်ပိုင်ဘိုးဘိုးကြီး၊ ဘိုးဘိုးအောင်၊ ဘိုးမင်းခေါင်နတ်နန်းတွေ ပြိုကျပျက်စီးသွားတယ်။ အရှေ့ဘက် စောင်းတန်းအနီးမှာ မြေသားလျှောကျ ပျက်စီးမှုဖြစ်တယ်။ အရှေ့ဘက် စောင်းတန်းနားက သုခိတာရုံ ရန်ကုန်ဘုန်းကြီးကျောင်းက လျှောကျမြေ တွန်းအားကြောင့် အက်ကွဲ၊ တစ်ပါးကျောင်းဆောင်သုံးခု ပျက်စီးတယ်။ အနောက်ဘက် စောင်းတန်းနဲ့ ဓာတ်လှေကားအကြား တိုးချဲ့ရင်ပြင်က ပေ (၆၉၊ ၁၀) အကျယ်က နိမ့်ဆင်းသွားတယ်။ အက်ကြောင်းက အလျား ၁၄ ပေလောက် ဖြစ်သွားတယ်။ အနောက်ဘက်စောင်းတန်းရဲ့ ရင်ပြင်တော်နဲ့ တောင်ရိုးတန်း လမ်းကြားက မြေကြီးတွေ လျှောကျနိမ့်ဆင်းမှုဖြစ်တယ်။ အလယ်ဆင့်မုခ်ဦး (တောင်ရိုးတန်းလမ်းဖြတ်) နိမ့်ယိုင်သွားတယ်။ အနောက်ဘက်မုခ်ဦး တောင်ရိုးတန်း လမ်းပေါ်မှာရှိတဲ့ မြေထိန်းနံရံက ၄၅ ပေပြိုကျသွားတယ်။ အနောက်ဘက် ဓာတ်လှေကားအနီး ထရန်စမော်မာနဲ့ကပ်လျက် မြေထိန်းနံရံ အက်ကွဲသွားတယ်။ အဲဒါတွေကို ပြန်လည်ပြင်ဆင်ဖို့ ပညာရှင်တွေ ဖိတ်ခေါ်ပြီး ဒါတွေအားလုံး ပြန်ပြင်ဆင်မယ်ဆိုရင် ကျပ်သိန်း ၆၀၀၀ ကျော်ကုန်မယ်လို့ ပညာရှင်တွေက ခန့်မှန်းထားပါတယ်” ဟု ၀န်ကြီး နန်းစံဝင့်ခိုင်က ပြောကြားသည်။

ကျိုက်သလ္လံစေတီတော် အရှေ့ ဘက်စောင်းတန်းအနီး ပျက်ဆီးနေမှုများအား တွေ့ ရစဉ် (ဓာတ်ပုံ – ဘိုဘိုမြင့်)

နေပြည်တော်မှ အင်ဂျင်နီယာ ဗိသုကာပညာရှင်အဖွဲ့ ဘုရားကုန်းတော် ပျက်စီးမှုကို ကွင်းဆင်းစစ်ဆေးရာ ကမ်းထိန်းနံရံပြိုကျမှုကို မိုးကုန်ပွင့်လင်းကာလမှ တည်ဆောက်နိုင်မည်ဖြစ်ပြီး အက်ကွဲကြောင်းတစ်လျှောက် ကွန်ကရစ်ဖျော်ရည် ထည့်မှုကို မွန်ပြည်နယ် ဆောက်လုပ်ရေးဝန်ကြီး ဦးမင်းကျော်လွင်၏ ကြပ်မတ်မှုနှင့် ဟတ်မော်ကုမ္ပဏီက ပြုပြင်မှု ဆောင်ရွက်နေကြောင်း၊ စေတီတော်၏ ကုန်းတော်ပျက်စီးမှုကို ပြင်ဆင်ရန် အလှူခံ စတင်လက်ခံနေကြောင်း၊ ဇွန် ၁၉ ရက်တွင် တပ်မတော်ကာကွယ်ရေး ဦးစီးချုပ်နှင့်အဖွဲ့ ငွေကျပ် ၇၈၈၅၀၀၀ နှင့် ဘိလပ်မြေအိတ် ၁၀၀၀၊ ကျိုက်သလ္လံ ဂေါပကအဖွဲ့ဝင်များက ကျပ်သိန်း ၈၀ လှူဒါန်းမှုကို လက်ခံခဲ့ကြောင်း ဦးမင်းဝင်းလှ (ဘဏ္ဍာရေးမှူး-ကျိုက်သလ္လံဂေါပကအဖွဲ့ဝင်) က ပြောကြားသည်။

ကျိုက်သလ္လံ စေတီကြီး၏ အရှေ့ဘက် ပဋ္ဌာန်းတန်ဆောင်းကြီးသည် ဂျပန်ခေတ်ကတစ်ခါ မြေပြိုပျက်ကျမှု ဖြစ်ပေါ်ကာ ထိုစဉ်က မြို့သူမြို့သားများ၏ ထည့်ဝင်လှူဒါန်းမှုနှင့် ပြင်ဆင်ခဲ့ကြောင်း၊ စေတီတော်ကြီးကို သာသနာသက္ကရာဇ်-၂၃၆ ခုနှစ်က တည်ထားခဲ့ပြီး ဥာဏ်တော် ၁၅၀ ပေ၊ အောက်လုံးပတ် ပေ ၃၀၀၊ ဖိနပ်အ၀န်း ပေ-၄၅၀ ရှိကြောင်း သိရသည်။ ကုန်းတော်ပျက်စီး ပြင်ဆင်မှုအတွက် ဂေါပကအဖွဲ့ မွန်ပြည်နယ်အစိုးရ အဖွဲ့သို့ ဆက်သွယ်လှူဒါန်းနိုင်သည်ဟု သိရသည်။

မြေပြိုကျမှုများ ဖြစ်ပွားခဲ့သည့် ဆံတော်ရှင် ကျိုက်သလ္လံ စေတီတော်သို့ တပ်မတော်ကာကွယ်ရေး ဦးစီးချုပ် လာရောက်ကြည့်ရှု

ဓာတ်ပုံ – ဘိုဘိုမြင့်

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အဖွဲ့သည် ဇွန်လ (၁၉) ရက် နံနက် ၁၁ နာရီ ၃၀ မိနစ် အချိန်ခန့်က လွန်ခဲ့သည့် နှစ်ရက်က မိုးသည်းထန်စွာ ရွာသွန်းမှုကြောင့် မြေပြိုမှုများ ဖြစ်ပေါ်ခဲ့သည့် မော်လမြိုင်မြို့ တောင်ရိုးတန်းရှိ ဆံတော်ရှင် ကျိုက်သလ္လံ စေတီတော်သို့ လာရောက် ကြည့်ရှုခဲ့သည်။

ဓာတ်ပုံ – ဘိုဘိုမြင့်

ဗိုလ်ချုပ်မှူးကြီး မင်းအောင်လှိုင်နှင့်အတူ တပ်မတော် အရာရှိကြီးများ၊ မွန်ပြည်နယ်ဝန်ကြီးချုပ် ဒေါက်တာအေးဇံနှင့် ပြည်နယ်အစိုးရအဖွဲ့ ဝင် ဝန်ကြီးများ လိုက်ပါလာခဲ့သည့် ဇွန်လ ၁၇ ရက် နံနက်ပိုင်းက မိုးသည်းထန်စွာ ရွာသွန်းမှုကြောင့် ကျိုက်သလ္လံစေတီတော် အနောက်ဘက် စောင်းတန်းအနီး မြေပြိုမှုနှင့် အရှေ့ဘက် စောင်းတန်းအနီး မြေပြိုကျ ပျက်ဆီးနေမှုများအား လိုက်လံကြည့်ရှုခဲ့ပြီးနောက် ပျက်ဆီးမှုများအား ပြန်လည် ပြုပြင်နိုင်ရန်အတွက် တပ်မတော်မိသားစုများ လှူဒါန်းငွေ ကျပ်သိန်း (၈၀) ကျော်နှင့် ဘိလပ်မြေအိတ် (၁၀၀၀) အား ကျိုက်သလ္လံစေတီတော် ဘဏ္ဍာတော်ထိန်း ဂေါပကအဖွဲ့ထံ လှူဒါန်းခဲ့ကြောင်း ဂေါပကအဖွဲ့ထံမှ သိရသည်။

ထို့နောက် ဗိုလ်ချုပ်မှူးကြီး မင်းအောင်လှိုင်နှင့် အဖွဲ သည် မွန်ပြည်နယ် ရေးမြို့သို့ ဆက်လက်ထွက်ခွာ သွားကြောင်း သိရသည်။

 

မိုးသည်းထန်စွာ ရွာသွန်းမှုကြောင့် မော်လမြိုင်မြို့ပေါ်ရပ်ကွက်များ အပါအဝင် နေရာအတော်များများ၌ ရေကြီးရေလျှံမှု ဖြစ်ပွားနေ

ဓာတ်ပုံ – ဘိုဘိုမြင့်

ဇွန်လ ၁၇ ရက်နံနက် ၂ နာရီအချိန်ခန့်မှ စတင်ပြီး မိုးသည်းထန်စွာ ရွာသွန်းမှုကြောင့် မော်လမြိုင်မြို့ပေါ်ရပ်ကွက်များ အပါအဝင် နေရာအတော်များများ၌ ရေကြီးရေလျှံမှုများ ဖြစ်ပွားလျက်ရှိကြောင်း သိရသည်။

မော်လမြိုင် မြို့ပေါ်ရပ်ကွက်များ ဖြစ်ကြသည့် ဖက်တန်းရပ်ကွက်၊ ရွှေတောင်ရပ်ကွက်၊ စစ်ကဲကုန်းရပ်ကွက်များ၊ သီရိမြိုင်ရပ်ကွက်၊ သီရိမင်္ဂလာရပ်ကွက်၊ မြိုင်သာယာရပ်ကွက်၊ တောင်ဝိုင်းရပ်ကွက်၊ ဇေယျာမြိုင်ရပ်ကွက် စသည်ဖြင့် ရပ်ကွက်များရှိ အနိမ့်ပိုင်းနေရာများတွင် ရေကြီးရေလျှံမှုများ ဖြစ်ပေါ်နေပြီး နေအိမ်များအတွင်းသို့ ရေဝင်ရောက်မှုများ ရှိနေကြောင်း သိရသည်။

ဓာတ်ပုံ – ဘိုဘိုမြင့်

“မိုးက မနက် ၂ နာရီလောက်ကစပြီး သည်းလာတယ်။ ၃ နာရီလောက်ကျတော့ တောင်ကျရေတွေ ဆင်းလာတယ်။ ကားတွေပါ ရေပေါ်ပေါလောပေါ်နေတဲ့ အခြေအနေမျိုး ဖြစ်သွားတယ်။ အဓိကက ချောင်းထဲ မြောင်းထဲ အမှိုက်တွေ ပစ်ချတော့ မြောင်းတွေပိတ်ပြီး ရေလျှံတာပါ။ နောက်ပြီး ချောင်းတွေ မြောင်းတွေ အပေါ် ကျူးကျော်ပြီး အိမ်တွေဆောက်၊ မြေနေရာချဲ့တာတွေ လုပ်ထားကြတော့ ချောင်းတွေ မြောင်းတွေ ကျဉ်းပြီး မိုးတအားရွာတော့ အခုလို ရေလျှံမှုတွေ ဖြစ်ရတာပါ” ဟု မော်လမြိုင်မြို့ ရွှေတောင်ရပ်ကွက်တွင် နေထိုင်သူ တစ်ဦးက ပြောကြားသည်။

မိုးသည်းထန်စွာ ရွာသွန်းမှုကြောင့် ရေကြီးရေလျှံမှုအပြင် သစ်ပင်များလဲကျခြင်းနှင့် မြေပြိုမှုတချို့ ဖြစ်ပွားခဲ့ကြောင်း သိရသည်။
ထို့အပြင် လက်ရှိအခြေအနေအရ မွန်ပြည်နယ် မုဒုံမြို့နယ် ကမာဝက်မြို့တွင်လည်း မိုးသည်းထန်စွာ ရွာသွန်းမှုကြောင့် ရေကြီးရေလျှံမှုများ ဖြစ်ပေါ်နေကြာင်း သိရသည်။

ကျိုက္ခမီမြို့အ၀င် တံတားအမှတ် (၃/၁၄) ၌ အက်ကွဲကြောင်းများ ဖြစ်ပေါ်နေပြီး ပြိုကျပျက်စီးမည်ကို မြို့ခံများစိုးရိမ်နေ

ကျိုက္ခမီမြို့အ၀င် တံတားအမှတ် (၃/၁၄) ၌ အက်ကွဲကြောင်းများ ဖြစ်ပေါ်နေစဉ်

မွန်ပြည်နယ် သံဖြူဇရပ်မြို့နယ် ကျိုက္ခမီမြို့ အ၀င် တံတားအမှတ် (၃/၁၄) ၌ အက်ကွဲကြောင်းများ ဖြစ်ပေါ်နေပြီး ပြိုကျပျက်စီးမည်ကို မြို့ခံပြည်သူများ စိုးရိမ်ပူပန်မှုများ ဖြစ်ပေါ်နေကြောင်း သိရသည်။

“ဒီလဆန်းပိုင်းက ကျွန်တော်တို့ ကျိုက္ခမီမြို့က လူနာတင်ယာဉ်မောင်းသမား တစ်ဦးက တံတားမှာ မြေတွေကျွံနေတာတွေ့လို့ တံတားအောက်ဘက်ကို ဆင်းကြည့်တာကနေ တံတားမှာ အက်ကွဲကြောင်းကြီးတွေ ဖြစ်နေတာကို တွေ့ရတာပါ။ အက်ကြောင်းတွေ ဖြစ်နေတာက ဘယ်အချိန်လောက်ကတည်းက ဖြစ်နေလဲတော့ မသိဘူး” ဟု ကျိုက္ခမီမြို့ခံ တစ်ဦးဖြစ်သူ ကိုသက်ဝင်းပိုင်က ပြောကြားသည်။

“အဲဒီတံတား ပြိုကျခဲ့မယ်ဆိုရင် ကျွန်တော်တို့ ကျိုက္ခမီမြို့တော့ ဆက်သွယ်ရေးတွေ ပြတ်တောက်သွားနိုင်တယ်။ ဘာကြောင့်လဲဆိုတော့ မြို့ အ၀င်အထွက်က ဒီလမ်းတစ်လမ်းတည်း ရှိတာကို။ ကုန်စည်စီးဆင်းမှုတွေရော၊ လူနာတင်ယာဉ်တွေ သွားလာဖို့ အတွက်ရော၊ နောက် ကျိုက္ခမီရေလယ်ဘုရား လာဖူးမယ့် သူတွေပါ သွားလာလို့မရ ဖြစ်သွားနိုင်တယ်။ အဲဒါတွေကြောင့် ဒီတံတားကို အမြန်ဆုံး ပြန်လည်ပြုပြင် ပေးစေချင်တယ်။ ခိုင်ခိုင်မာမာလေး ပြုပြင်ပေးစေချင်ပါတယ်” ဟု ကိုသက်ဝင်းပိုင်က ဆက်လက်ပြောကြားသည်။

“လွန်ခဲ့တဲ့ နှစ်နှစ်လောက်က လမ်းချဲ့တုန်းက တံတား နှစ်ဖက် နှစ်လက်ကို ချဲ့လိုက်တာ အခု အက်ကွဲကြောင်းတွေ ပေါ်လာတာကလည်း ချဲ့လိုက်တဲ့နေရာတွေက ပေါ်လာတာ။ အက်ကြောင်းတွေက တံတားအောက်ခြေအထိ ပေါ်နေတာဆိုတော့ တော်တော်လေးကို အန္တရာယ်ရှိတဲ့ အနေအထားမျိုး ဖြစ်နေတယ်။ ကုန်ကားကြီးတွေလည်း သွားလာနေကြတော့ ဘယ်အချိန် ပြိုကျမလဲ ရင်တထိတ်ထိတ်နဲ့ ဖြစ်နေကြတယ်။ တံတားရဲ့ဓာတ်ပုံတွေကိုတော့ Facebook ပေါ် တင်ထားကြတယ်။ ဘယ်အချိန် လာပြင်မလဲတော့ မသိသေးဘူး” ဟု ကျိုက္ခမီမြို့ခံ တစ်ဦးဖြစ်သူ ကိုလှိုင်ဝင်းဌေးက ပြောကြားသည်။

အဆိုပါ ကျိုက္ခမီမြို့အ၀င် တံတားအမှတ် (၃/၁၄) မှာ (၂၀၁၆-၂၀၁၇) ဘဏ္ဍာနှစ်က လမ်းဦးစီးဌာနမှ ရုံးချုပ်၏ တွက်ချက်မှုဖြင့် ဆောင်ရွက်ခဲ့ပြီး မွန်ပြည်နယ်လွှတ်တော် ပြည်သူ့ငွေစာရင်း စိစစ်ရေး၊ စီမံကိန်း၊ ဘဏ္ဍာရေးနှင့် စီးပွားရေးဆိုင်ရာ ကိစ္စရပ်များ လေ့လာသုံးသပ်ရေး ကော်မတီမှ မြေပြင်ကွင်းဆင်း လေ့လာရာ၌ ယင်းကဲ့သို့ အက်ကွဲကြောင်းများ ဖြစ်ပေါ်နေကြောင်း တွေ့ရှိချက်ကို ပြီးခဲ့သည့် ဒုတိယအကြိမ် မွန်ပြည်နယ်လွှတ်တော် ဒသမပုံမှန် အစည်းအဝေးတွင် ယင်းကော်မတီ ဥက္ကဋ္ဌဖြစ်သူ ဦးအောင်ကျော်သူက ကော်မတီ၏ အစီရင်ခံလွှာ ဖတ်ကြားတင်ပြရာ၌ ထည့်သွင်းဖတ်ကြားခဲ့သည်။

 

မွန်ပြည်နယ် ကိုယ်စားပြုအလံကို အနီရောင်အောက်ခံ ရွှေရောင်ဟင်္သာပုံပါဝင်သည့်ပုံစံအား မွန်ပြည်နယ်လွှတ်တော်၌ မဲခွဲ၍အတည်ပြု

မွန်ပြည်နယ်လွှတ်တော်တွင် ပြည်နယ်အလံရွေးချယ်ရန် လွှတ်တော်ကိုယ်စားလှယ်တစ်ဦး ဆွေးနွေးနေသည်ကို တွေ့ရစဉ်

မွန်ပြည်နယ်ကိုယ်စားပြုအလံကို အနီ ရောင်အောက်ခံ၊ ရွှေရောင်ဟင်္သာကိုယ်ထည်၊ စာသားမပါ၊ (၆x၄) ပေအရွယ်ကို မွန်ပြည်နယ်လွှတ်တော်၌ မဲခွဲ၍ အတည်ပြုခဲ့သည်။

ဇွန် ၇ ရက်ကပြုလုပ်သော ဒုတိယအကြိမ် မွန်ပြည်နယ်လွှတ်တော် ဒသမပုံမှန်အစည်းအဝေးတွင် ဆွေးနွေးခဲ့ကြသော ပြည်ထောင်စု တိုင်းရင်းသားရေးရာဝန်ကြီးဌာနရုံးများတွင် မွန်ပြည်နယ် ကိုယ်စားပြုအလံသုံးစွဲရန် မွန်ပြည်နယ်အစိုးရရုံးမှ လွှတ်တော်ထံ သဘောထားတောင်းခံခဲ့သည့် အလံနှင့်ပတ်သက်၍ အောက်ခံအရောင်အပြာ၊ အနီ၊ မွန်ပြည်နယ် စာသားထည့် မထည့် ဟင်္သာအရောင်တို့ကို ဇွန် ၈ ရက်၌ ပြုလုပ်သော မွန် ပြည်နယ် လွှတ်တော်တွင် မွန်ပြည်နယ်ဝန်ကြီးချုပ်၊ လွှတ်တော်ဒုတိယဥက္ကဋ္ဌ၊ တိုင်းရင်းသား လူမျိုးရေးရာ ကော်မတီဥက္ကဋ္ဌအပါအ၀င် လွှတ်တော်ကိုယ်စားလှယ်ငါးဦးက ဆွေးနွေး အကြံပြုကြသည်။

“မွန်လူမျိုးတွေက လုံချည်အနီ၊ အင်္ကျီလည်း အနီ အဲဒီမှာ အနီရောင်နောက်ခံထည့်ဖို့၊ အဓိက မွန်ပြည်နယ်အတွက် ပြောလိုတဲ့အချက်က ဟင်္သာရယ်၊ သတ်မှတ်ထားတဲ့ အနီရောင်က၊ ကျွန်တော်တို့ မျက်စိ၊ မွန်လူမျိုးတွေရဲ့ မျက်စိမှာ ရော ခွဲခြားပြီးတော့ ရှင်းရှင်း လင်းလင်းမြင်ပါတယ်။ အသိမှတ်ပြုထားတဲ့ ကိစ္စဖြစ်တဲ့အတွက်ကြောင့် လွှတ်တော်ရဲ့တစ်ခဲနက် ထောက်ခံချက် လိုချင်တဲ့အတွက် တစ်ခဲနက်ထောက်ခံအတည်ပြုပေးကြပါလို့ လွှတ်တော်ဥက္ကဋ္ဌကြီးကတစ်ဆင့် လွှတ်တော်ကိုယ်စားလှယ်များ၊ တက်ရောက်လာသူများ၊ မွန် ပြည်နယ်သူပြည်နယ်သားများအားလုံးကို အနူးအညွတ် မေတ္တာရပ်ခံ တိုက်တွန်းနိုးဆော်အပ်ပါတယ်”ဟု မွန်ပြည်နယ်ဝန်ကြီးချုပ် ဒေါက်တာအေးဇံက ဆွေးနွေးခဲ့သည်။

ထို့အတူ တိုင်းရင်းသားလူမျိုးရေးရာ ကော်မတီဥက္ကဋ္ဌ ဦးထွန်းမင်းအောင်ကလည်း အနီရောင်အား ထောက်ခံပြီး အတည်ပြုပေးရန် ဆွေးနွေးခဲ့သည်။

ထိုသို့ဆွေးနွေးသူများအနက် မော်လမြိုင် မဲဆန္ဒနယ်အမှတ် (၁) ပြည်နယ်လွှတ်တော်ကိုယ်စားလှယ် ဦးမင်းထင်အောင်ဟန်က လတ်တလောတွင် အလံအား အောက်ခံ အပြာရောင်ကိုရွေးချယ်သင့်ကြောင်း အကြံ ပြုဆွေးနွေးခဲ့သဖြင့် လွှတ်တော်ဥက္ကဋ္ဌက မဲခွဲရန်ဆုံးဖြတ်ခဲ့သည်။

“ဒီကနေ့ ဆွေးနွေးသွားတဲ့ထဲမှာ ဆွေးနွေးသူအားလုံး အနီရောင်ကို ထောက်ခံပါတယ်၊ အနီရောင်ကို ကန့်ကွက်တဲ့သူတစ်ဦး ရှိပါတယ်။ ဒါကြောင့်မို့လို့ အချိန်ကိုငဲ့ညှာသောအားဖြင့် အနီရောင်အောက်ခံနှင့် ဟင်္သာ ကို၊ စာသားမပါ၊ အပြာရောင်ဆိုတဲ့အဆိုကို မဲခွဲဆုံးဖြတ်မှာဖြစ်ပါတယ်။ အချိန်ကိုငဲ့ညှာသောအားဖြင့် ဗြောင်ပဲ မဲခွဲမှာဖြစ်ပါတယ်” ဟု မွန်ပြည်နယ်လွှတ်တော်ဥက္ကဋ္ဌ ဒေါ်တင်အိက ပြောကြားသည်။

ထို့နောက် မွန်ပြည်နယ်အလံနှင့် ပတ်သက်ပြီး  အနီရောင်အောက်ခံ၊ အလယ်တွင် ဟင်္သာရွှေရောင်၊ မွန်ပြည်နယ်ဆိုသော စာသားမပါ၊ အရွယ်အစား ၆ x ၄ ပေ အလံကို သဘောတူပါသလားဟု လွှတ်တော်ဥက္ကဋ္ဌက မေးမြန်းရာ လွှတ်တော်ကိုယ်စားလှယ်များက သဘောတူကြောင်း သုံးကြိမ်ဖြေကြားသည်။

ဆက်လက်၍ လွှတ်တော်ကိုယ်စားလှယ်များက သဘောတူထောက်ခံကြသည့်အတွက် မွန်ပြည်နယ်အလံအား ၆ x ၄ ပေ အနီရောင် အခံ၊ ရွှေရောင်ဟင်္သာ၊ စာသားမပါအား အတည်ပြုကြောင်းကို မွန်ပြည်နယ်လွှတ်တော် ဥက္ကဋ္ဌ ဒေါ်တင်အိက ကြေညာခဲ့သည်။

ပေါင်မြို့နယ် မုတ္တမမြို့ လက်ပံကျေးရွာ ရန်ကုန်-မော်လမြိုင် အဝေးပြေးလမ်းမနံဘေးတွင် ယာဉ်လေးစီး ဆင့်တိုက်မှုဖြစ်ပွားပြီး အမျိုးသားတစ်ဦးသေဆုံးကာ တစ်ဦး ဒဏ်ရာရရှိ

ဓာတ်ပုံ – ဘိုဘိုဝင်း

မွန်ပြည်နယ် ပေါင်မြို့နယ် မုတ္တမမြို့ လက်ပံကျေးရွာ ရန်ကုန်-မော်လမြိုင် အဝေးပြေးလမ်းမဘေး၌ မေ ၂၇ ရက် နံနက် ၄ နာရီခွဲခန့်က ယာဉ်လေးစီး ဆင့်တိုက်မှုဖြစ်ပွားပြီး ယာဉ်မောင်းတစ်ဦးသေဆုံးကာ တစ်ဦးဒဏ်ရာများ ရရှိခဲ့ကြောင်း သိရသည်။

ဖြစ်စဉ်မှာ ပေါင်မြို့ဘက်မှ မော်လမြိုင်မြို့ဘက်သို့ ကရင်ပြည်နယ် ဘားအံမြို့နယ် နောင်လုံကျေးရွာနေ သီဟကျော် (၂၃ နှစ်)(ဘ) ဦးတင်မောင်ရွှေ မောင်းနှင်ပြီး မော်လမြိုင်မြို့မောင်ငံရပ်ကွက်နေ ဇင်မင်း (၃၈ နှစ်) (ဘ) ဦးကျော်အေး လိုက်ပါလာသည့် ယာဉ်အမှတ် 3C/—- Nissan အမျိုးအစား ယာဉ်သည် ပေါင်မြို့နယ် မုတ္တမမြို့ လက်ပံကျေးရွာ ရန်ကုန်-မော်လမြိုင် အဝေးပြေးကားလမ်း မိုင်တိုင် (၁၈၁/၆) နှင့် (၁၈၁/၇) ကြားအရောက်တွင် အရှိန်မထိန်းနိုင်ဘဲ လမ်း၏ ယာဘက်ခြမ်း မော်လမြိုင်မြို့ဘက်သို့ ခေါင်းတည်၍ ရပ်ထားသော ၂ခ/—- Nissan အမျိုးအစား ၁၂ ဘီးယာဉ်အား နောက်မှ ၀င်ရောက်တိုက်မိပြီး ၎င်းယာဉ်ရှေ့တွင် ရပ်ထားသည့် 5B/—- Nissan အမျိုးအစား ၁၀ ဘီးယာဉ်နှင့် 3C/—- Nissan အမျိုးအစား ၁၀ ယာဉ်တို့အား အဆင့်ဆင့် တိုက်မိခဲ့ကြောင်း၊ ယာဉ်တိုက်မှုကြောင့် 3c/—- Nissan အမျိုးအစား ယာဉ်မောင်း သီဟကျော်တွင် နှာခေါင်းပြတ်ရှ ဒဏ်ရာ၊ ၀ဲယာခြေထောက်ကျိုး ဒဏ်ရာ၊ ၀ဲခြေချောင်းသုံးချောင်းပြတ်ရှ ဒဏ်ရာများဖြင့် ပွဲချင်းပြီး သေဆုံးခဲ့ကြောင်း၊ ယာဉ်ပေါ်တွင် လိုက်ပါလာသူ ဇင်မင်းတွင် ယာလက်နာကျင်ဒဏ်ရာ၊ မျက်နှာဖူးရောင်ဒဏ်ရာ၊ ၀ဲခြေမျက်စိ ဖူးရောင်ဒဏ်ရာများ ရရှိခဲ့ကြောင်း ရဲမှတ်တမ်းများအရ သိရသည်။

“မုတ္တမမှာ ဖြစ်ပွားခဲ့တဲ့ ယာဉ်တိုက်မှုနဲ့ ပတ်သက်ပြီး မနက် ၄း၄၀ လောက် သတင်းရတယ်။ ဒဏ်ရာရလူနာတစ်ဦးကို မုတ္တမတိုက်နယ်ဆေးရုံကို ပို့ထားတယ်လို့ သိရတယ်။ ယာဉ်မောင်းကတော့ ကားခေါင်းမှာ ညပ်နေတယ်လို့ သိရတော့ မွန်ပြည်နယ် မီးသတ်တပ်ဖွဲ့ကို အကြောင်းကြားပြီး မီးသတ်တပ်ဖွဲ့နဲ့ ကျွန်တော်တို့နဲ့ ပူးပေါင်းပြီး ညပ်နေတဲ့လူကို တစ်နာရီလောက် အချိန်ပေးပြီး ထုတ်ခဲ့ရပါတယ်။ ယာဉ်မောင်းသူရဲ့ Dead Body ကိုတော့ မုတ္တမတိုက်နယ်ဆေးရုံက ရင်ခွဲရုံကို မြတ်မြတ်စိတ်ထား လူမှုကူညီရေးအသင်းက ယာဉ်နဲ့ ပို့ဆောင်ပေးခဲ့ပါတယ်” ဟု ယာဉ်တိုက်မှုအား ၀ိုင်းဝန်းကူညီဆောင်ရွက်ပေးခဲ့သည့် ဘိုဘိုဝင်း လူမှုကူညီကယ်ဆယ်ရေးအဖွဲ့မှ ဦးဘိုဘိုဝင်းက ဆိုသည်။

အဆိုပါ ယာဉ်တိုက်မှုဖြစ်စဉ်နှင့် ပတ်သက်၍ ယာဉ်အား မဆင်မခြေမောင်းနှင်သူ ယာဉ်မောင်း သီဟကျော်အပေါ် မုတ္တမနယ် မြေရဲစခန်းက ယာဉ် (ပ) ၁၄/၂၀၁၈၊ ရာဇသတ်ကြီးဥပဒေပုဒ်မ ၃၀၂ (က)/၃၃၇ အရ အမှုဖွင့် အရေးယူထားကြောင်း ရဲမှတ်တမ်းများအရ သိရသည်။