မွတ်စလင်များကို နှိ်ပ်စက်နေခြင်းမဟုတ်ဘဲ ပညာပေးနေခြင်းသာဖြစ်သည်ဟု တရုတ်ပြောကြား

၂၀၁၇ ခုနှစ် နိုဝင်ဘာ ၅ ရက်တွင် တရုတ်အနောက်ပိုင်း ရှင်းကျန်ဒေသ၌ တရုတ်လုံခြုံရေးတပ်ဖွဲ့များ ဖြတ်သန်းသွားမှုကို ဒေသခံများက ကြည့်ရှုနေစဉ် (Photo – AP)

တရုတ်အစိုးရသည် ရှင်းကျန်ဒေသမှ မွတ်စလင်များကို နှိပ်စက်အကျပ်ကိုင်နေခြင်း မဟုတ်ဘဲ အကြမ်းဖက်အယူဝါဒ မပြန့်ပွားစေရေးအတွက် အချို့သူများကို လေ့ကျင့်သင်တန်းများ ပေးနေခြင်းသာဖြစ်ကြောင်း တရုတ်အစိုးရအရာရှိတစ်ဦးက စက်တင်ဘာ ၁၃ ရက်တွင် ပြောကြားခဲ့သည်။ တရုတ်သည် ယင်းပြဿနာကို ဖြေရှင်းရန် ပျက်ကွက်ခဲ့သည့် ဥရောပကဲ့သို့မဟုတ်ကြောင်းလည်း ၎င်းက ပြောခဲ့သေးသည်။

တရုတ်နိုင်ငံအနောက်ဘက် စွန်းပိုင်းဒေသထဲမှ ၀ီဂါနှင့် အခြားသော မွတ်စလင် ဘာသာမျိုးနွယ်စုဝင် အမြောက်အမြားကို ထိန်းသိမ်းထားသည်ဆိုသည့် သတင်းများကြောင့် နိုင်ငံတကာမှ ဒေါသထွက်ကန့်ကွက်မှုများ မြင့်တက်လျက်ရှိသည်။ အမေရိကန် သမ္မတဒေါ်နယ်ထရန့်၏ အစိုးရအဖွဲ့က ထိုလူ့အခွင့်အရေး ချိုးဖောက်မှုစွပ်စွဲချက်များ နှင့် ဆက်နွှယ်နေသည့် ကုမ္ပဏီများ၊ အစိုးရ အရာရှိများအပေါ် ပိတ်ဆို့အရေးယူမှုများ ချမှတ်ရန်အတွက် စဉ်းစားရန် လှုံ့ဆော်မှုများကိုလည်း ဖြစ်ပေါ်စေသည်။

“ ဒါဟာ နှိပ်စက်အကျပ်ကိုင်နေတာ မဟုတ်ဘူး။ တရုတ်ဟာ အဆင့်မြင့်လေ့ကျင့်ရေး စင်တာတွေ၊ ပညာပေးစင်တာတွေ ထူထောင်ဖို့ လုပ်နေတာပါ” ဟု အစိုးရအချက်အလက်ကောင်စီရုံးမှ လူ့အခွင့်ရေးရာဌာန၏ လူထုဆက်သွယ်ရေးဒါရိုက်တာ လီရှောင်ကျွင်က ပြောကြားခဲ့သည်။

“ ဒါဟာ အကောင်းဆုံးနည်းလမ်း မဟုတ်ဘူးလို့ သင်တို့က ပြောနေကြပေမယ့် အစ္စလာမ္မစ် ဒါမှမဟုတ် ဘာသာရေး အစွန်းရောက်မှုနဲ့ဆိုင်တဲ့ ကိစ္စတွေကို ကိုင်တွယ်တဲ့ နေရာမှာ ဒါဟာမလုပ်မဖြစ်နည်းလမ်း ဖြစ်နေနိုင်ပါတယ်။ ဘာဖြစ်လို့လဲဆိုတော့ အနောက်နိုင်ငံတွေဟာ အစ္စလာမ္မစ်ဘာသာရေး အစွန်းရောက်ကိစ္စတွေကို ကိုင်တွယ်ဖို့ ပျက်ကွက်ခဲ့တာကြောင့်ပါပဲ” ဟု လီကဂျီနီဗာတွင် ပြုလုပ်ခဲ့သော ကုလသမဂ္ဂလူ့အခွင့်အရေးကောင်စီ အစည်းအဝေး၏ ဘေးဆွယ်တစ်ခုအတွင်း သတင်းထောက်များကို ပြောကြားခဲ့ခြင်းဖြစ်သည်။

“ဘယ်လ်ဂျီယံကို ကြည့်၊ ပါရီကို ကြည့်၊ အခြား ဥရောပနိုင်ငံအချို့ကိုလည်း ကြည့်လိုက်ဦး။ ခင်ဗျားတို့ ပျက်ကွက်ခဲ့ပါတယ်။ စောင့်ကြည့်ရေးပိုင်းမှာဆိုရင်တော့ တရုတ်ဟာ ဗြိတိန်ဆီကနေ သင်ယူနေပါတယ်။ ဗြိတိန်ရဲ့ တစ်ဦးချင်းအပေါ် စီစီတီဗွီကစောင့်ကြည့်မှုဟာ တရုတ်က ရှင်းကျန်ကိုယ်ပိုင်အုပ် ချုပ်ခွင့်ရဒေသထက် အများကြီးပိုပါတယ်” ဟု လီက ပြောကြားခဲ့သည်။ ဥရောပထိပ်တန်း လူအခွင့်အရေးတရားရုံးက ဗြိတိန်၏ တင်းကျပ်သော အီလက်ထရွန်နစ်စောင့်ကြည့်မှု အစီအစဉ်သည် တစ်ကိုယ်ရည်လွတ်လပ်ခွင့် နှင့် လွတ်လပ်စွာ ပြောဆိုခွင့်တို့ကို ခြိမ်းခြောက်နေသည်ဟု စက်တင်ဘာ ၁၃ ရက်တွင် ဆုံးဖြတ်ခဲ့သည်။

ရှင်းကျန်သို့ ကုလသမဂ္ဂမှ ကျွမ်းကျင်သူတစ်ဦး လာရောက်ရေးကိစ္စကိုမူ လီက မလိုအပ်ဟုဆိုကာ ပယ်ချခဲ့သည်။ ဝေးလံသော နေရာများမှ အဆင်း ရဲဆုံးပြည်သူများသည် အစွန်းရောက်နိုင်ခြေ အမြင့်ဆုံးဖြစ်ကြောင်း၊ အစွန်းရောက်မှုဖြစ်ပေါ်စေရန် ဗလီများကို အသုံးချနေကြကြောင်းလည်း ၎င်းက ဆိုသည်။

အစ္စလာမ်အပေါ် တရုတ်က ကောင်းမွန်သော အမြင်ရှိသော်လည်း အစ္စလာမ္မစ် အစွန်းရောက်မှုမှာ လူသားမျိုးနွယ်အတွက် ဘုံရန်သူဖြစ်သည်ဟု လီကပြောကြားပြီး အာဖဂန်နစ္စတန်၊ ဆီးရီးယား၊ ပါကစ္စတန်၊ အီရတ်နှင့် အခြားနိုင်ငံများအား ရည်ညွှန်းပြောကြားသွားခဲ့သည်။

Ref ;Reuters

ရခိုင်ပြည်နယ် ပဋိပက္ခများနှင့်ပတ်သက်၍ မြန်မာနိုင်ငံအား စုံစမ်းစစ်ဆေးရေး ဆက်လက်ပြုလုပ်မည်ဖြစ်ပြီး အရေးယူမှုများလည်း မြှင့်တင်ဆောင်ရွက်သွားမည်ဟု နိုင်ငံတကာ ဘာသာရေးလွတ်လပ်ခွင့်ဆိုင်ရာ အမေရိကန်သံအမတ် ဆမ်ဘရောင်းဘတ် ပြောကြား

ရခိုင်ပြည်နယ်ပဋိပက္ခများနှင့်ပတ်သက်ပြီး မြန်မာနိုင်ငံအား စုံစမ်းစစ်ဆေးရေးများ ဆက်လက်ပြုလုပ်သွားမည်ဖြစ်ပြီး အရေးယူမှုများလည်း မြှင့်တင်ဆောင်ရွက်သွားမည်ဟု နိုင်ငံတကာဆိုင်ရာ ဘာသာရေးလွတ်လပ်ခွင့် အမေရိကန်သံအမတ် ဆမ်ဘရောင်းဘတ်က ပြောကြားခဲ့ကြောင်း ဘင်္ဂလားဒေ့်ရ်ှနိုင်ငံအခြေစိုက် Bdnews24 သတင်းဌာန၏ ဧပြီ ၁၉ ရက်တွင် ဖော်ပြချက်အရ သိရသည်။

နိုင်ငံတကာဆိုင်ရာ ဘာသာရေးလွတ်လပ်ခွင့် အမေရိကန်သံအမတ် ဆမ်ဘရောင်း ဘတ်က သုံးရက်ကြာ ဘင်္ဂလားဒေ့ရ်ှနိုင်ငံ ခရီးစဉ်အပြီး ဒါကာမြို့တွင် သတင်းစာရှင်း လင်းပွဲပြုလုပ်ခဲ့ကာ ကော့ဘဇားမြို့တွင် နေထိုင်နေသော ဘင်္ဂါလီ (မူရင်းသတင်းတွင် ရိုဟင်ဂျာဟုသုံးနှုန်း) ဒုက္ခသည်များနှင့် တွေ့ဆုံခဲ့ကြောင်း သိရသည်။

ထိုသို့ ဘင်္ဂါလီ (မူရင်းသတင်းတွင် ရိုဟင်ဂျာဟုသုံးနှုန်း) ဒုက္ခသည်များနှင့် တွေ့ဆုံချိန်တွင် ဆမ်ဘရောင်းဘတ်က လူမဆန်သောရက်စက်မှု ဖြစ်စဉ်များအား ဒုက္ခသည်များထံမှကြားသိခဲ့ရကြောင်း၊ ရခိုင်ပြည်နယ် ပဋိပက္ခသည် မွတ်စလင်ဘာသာဝင်ဖြစ်သော လူအနည်းစုအဖွဲ့အစည်းအား မြန်မာနိုင်ငံမှ ထွက်ခွာသွားစေရန် လူမျိုးသုဉ်းသတ်ဖြတ်မှု များပြုလုပ်ခဲ့ခြင်းဖြစ်ကြောင်း၊ အမေရိကန် ပြည်ထောင်စုအနေဖြင့် မြန်မာနိုင်ငံအား စီးပွားရေးပိတ်ဆို့မှုနှင့် အခြားအရေးယူဆောင်ရွက်မှုများအား ဆက်လက်လုပ်ဆောင်သွားမည်ဖြစ်ကြောင်း ပြောကြားခဲ့သည်ဟု Bdnews24 သတင်းဌာန၏ဖော်ပြချက်အရ သိရသည်။

မွတ်စလင်များအား ၎င်းတို့၏နေအိမ်များမှ စွန့်ခွာထွက်ပြေးစေရန်အတွက် လိင်အကြမ်းဖက်မှုကို နည်းဗျူဟာတစ်ရပ်အဖြစ် အသုံးပြုခဲ့သည်ဟူသော အခြေအမြစ်မရှိသည့် စွပ်စွဲချက်များကို ပယ်ချကြောင်း နယူးယောက်မြို့ မြန်မာအမြဲတမ်းကိုယ်စားလှယ် သံအမတ်ကြီး ဦးဟောက်ဒိုဆွမ်းက နယူးယောက်မြို့ ကုလသမဂ္ဂဌာနချုပ်၌ ၂၀၁၈ ခုနှစ် ဧပြီ ၁၆ ရက်တွင် ကျင်းပသည့် အမျိုးသမီးများ၊ ငြိမ်းချမ်းရေးနှင့် လုံခြုံရေးကိစ္စနှင့် စပ်လျဉ်း၍ ကုလသမဂ္ဂလုံခြုံရေးကောင်စီ၏ တံခါးဖွင့်ဆွေးနွေးပွဲတစ်ရပ်သို့ တက်ရောက် ပြီး အမျိုးသမီးများအကြမ်းဖက်မှု ကာကွယ်တားဆီးရေးနှင့် အရေးယူဆောင်ရွက်နေမှုများနှင့်စပ်လျဉ်း၍ မြန်မာနိုင်ငံ၏ ဆောင်ရွက်ချက်များကို ရှင်းလင်းဆွေးနွေးရာ၌ ထည့်သွင်းပြောကြားထားသည်။

ပဋိပက္ခနှင့် ဆက်စပ်သည့် အမျိုးသမီးများအား အကြမ်းဖက်မှုကာကွယ် တားဆီးရေးနှင့်ပတ်သက်၍ အတွင်းရေးမှူးချုပ်၏ နှစ်စဉ်အစီရင်ခံစာတွင် အမျိုးသမီးများနှင့် ကလေးသူငယ်များ၏ အခွင့်အရေးများကို ကာကွယ်ရေးအတွက် မြန်မာနိုင်ငံအနေဖြင့် အရေးပါသည့် ခြေလှမ်းများ စတင်နိုင်ခဲ့သည်ဟု အသိအမှတ်ပြုထားကြောင်း၊ သို့ရာတွင် မြန်မာနိုင်ငံအနေဖြင့် အတွင်းရေးမှူးချုပ်၏ အထူးကိုယ်စားလှယ်ရုံးနှင့် အပြုသဘောဆောင်စွာ ချိတ်ဆက်ဆောင်ရွက်ရန် စိတ်ရင်းမှန်ဖြင့် ကြိုးပမ်းလျက်ရှိသော်လည်း မြန်မာ့တပ်မတော်အား အစီရင်ခံစာ၏ နောက်ဆက်တွဲစာရင်းတွင် ထည့်သွင်းထားသည်မှာ လွန်စွာစိတ်မကောင်းဖွယ်ဖြစ်ကြောင်းနှင့် အတည်မပြုနိုင်သည့် စွပ်စွဲချက်များပေါ်တွင် အခြေခံ၍ နောက်ဆက်တွဲစာရင်းတွင် ယင်းသို့ထည့်သွင်းရန်  ဆုံးဖြတ်ခဲ့ကြောင်း သံအမတ်ကြီး ဦးဟောက်ဒိုဆွမ်းက ရှင်းလင်း ပြောကြားသည်။

ထို့ပြင် စွပ်စွဲထားသည့်အမှုများကို စုံစမ်းဖော်ထုတ်ရေးအတွက် ကော့ဘဇားစခန်းရှိ ထိခိုက်စော်ကားခံရသူဆိုသူများကို သွားရောက် တွေ့ဆုံမေးမြန်းရန် မိမိတို့ဘက်မှ ကြိုးပမ်းခဲ့သော်လည်းစနစ်တကျ တွေ့ဆုံမေးမြန်းခွင့်ပြုရန် တောင်းဆိုမှုကို ငြင်းဆန်ခဲ့ခြင်းကြောင့် စွပ်စွဲမှုများကို အတည်မပြုနိုင်ခဲ့သည့်အပေါ် အလွန်စိတ်ပျက်ရကြောင်းလည်း သံအမတ်ကြီး ဦးဟောက်ဒိုဆွမ်းက ဆက်လက်ပြောကြားသည်။

ထို့အတူ အတွင်းရေးမှူးချုပ်၏ အစီရင်ခံစာတွင် ဖော်ပြထားသည့် လိင်အကြမ်းဖက် မှုစွပ်စွဲချက်နှင့်ပတ်သက်၍ မည်သည့် လူ့အခွင့်အရေးချိုးဖောက်မှုကိုမျှလျစ်လျူရှုရန် မရှိကြောင်းဖြင့် မြန်မာအစိုးရ၏ ရပ်တည်ချက်ကို ရှင်းလင်းစွာ ပြောကြားခဲ့ပြီးဖြစ်ကြောင်း၊ သက်သေအထောက်အထား ခိုင်လုံစွာရှိပါက မည်သည့်ချိုးဖောက်သူကိုမဆို အကာအကွယ်မပေးဘဲ ဥပဒေနှင့်အညီအရေးယူသွား မည်ဖြစ်ကြောင်း၊ အင်းဒင်အဖြစ်အပျက်တွင် ပါဝင်ပတ်သက်ခဲ့သည့် တပ်မတော်သားခုနစ်ဦးကို မကြာမီက အလုပ်ကြမ်းနှင့် ထောင်ဒဏ် (၁၀)နှစ် ချမှတ်ခဲ့ခြင်းသည် တရားဥပဒေစိုးမိုးရေးအတွက် အစိုးရ၏ခိုင်မာသည့် ကတိက၀တ်ကို ရှင်းရှင်းလင်းလင်းပြသလိုက် ခြင်းဖြစ်ကြောင်း သံအမတ်ကြီး ဦးဟောက်ဒိုစွမ်းက ပြောကြားထားသည်။

မြန်မာနိုင်ငံမှ ဘင်္ဂါလီမွတ်စလင်ပြဿနာသည် ဒေသတွင်းပဋိပက္ခဖြစ်အောင် မီးမွှေးနိုင်သည်ဟု ကုလသမဂ္ဂ လူ့အခွင့်အရေးဆိုင်ရာ အကြီးအကဲပြောကြား

၂၀၁၇ ခုနှစ် နိုဝင်ဘာ ၁ ရက်က ဘင်္ဂလားဒေ့ရ်ှရှိ ဘာလူခါလီဒုက္ခသည်စခန်းတွင် တွေ့ရသော ဘင်္ဂါလီမွတ်စလင် ဒုက္ခသည်ကလေးများ (Photo: AFP)

မြန်မာနိုင်ငံမှ ဘင်္ဂါလီမွတ်စလင် လူနည်းစုအပေါ် လူမျိုးတုံးသတ်ဖြတ်မှုနှင့် လူမျိုးစုလိုက်သုတ်သင်မှု ဖြစ်နိုင်ဖွယ်ရှိသော လုပ်ရပ်များသည် နိုင်ငံ၏နယ်နိမိတ်အပိုင်းအခြားများကို ကျော်လွန်ကာ ပျံ့နှံ့သည့် ဘာသာရေးအခြေပြု ပဋိပက္ခဖြစ်အောင် မီးမွှေး နိုင်သည်ဟု ကုလသမဂ္ဂလူ့အခွင့်အရေးဆိုင်ရာ အကြီးအကဲက ဖေဖော်ဝါရီ ၅ ရက်တွင် သတိပေးလိုက်သည်။

“ဒေသတွင်းရဲ့လုံခြုံရေးအပေါ် အပြင်းအထန် ရိုက်ခတ်နိုင်ဖွယ်ရှိမှုနဲ့အတူ မြန်မာ နိုင်ငံဟာ အလွန်အရေးကြီးတဲ့ အကျပ်အတည်းတစ်ရပ်နဲ့ ရင်ဆိုင်နေရပါတယ်” ဟု ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဇိရာအက်အယ်ဟူစိန်က ဂျကာတာမြို့၌ မိန့်ခွန်းပြောစဉ် ထည့်သွင်းပြောကြားခဲ့သည်။

သူ၏မှတ်ချက်များသည် မြန်မာတပ်မတော်က လူနည်းစုအပေါ် လူမျိုးစုလိုက် သုတ်သင်မှု လုပ်ဆောင်ခဲ့သည်ဟု စွပ်စွဲထားရာ ရခိုင်ပြည်နယ်၌ ဘင်္ဂါလီမွတ်စလင်တို့အား အစုလိုက်အပြုံလိုက် မြှုပ်နှံထားရာနေရာများအကြောင်း လွန်ခဲ့သည့်သီတင်းပတ်က သတင်းတစ်ပုဒ် ဖြန့်ချိပြီးခဲ့နောက် ထွက်ပေါ်လာခြင်းဖြစ်သည်။

ဘင်္ဂါလီမွတ်စလင် ၇၀၀,၀၀၀ နီးပါးသည် လွန်ခဲ့သည့်သြဂုတ်လမှစ၍ နယ်စပ်ချင်း ထိစပ်နေသည့် ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ပြီးဖြစ်သည်။

မြန်မာနိုင်ငံက လူများအစုလိုက်အပြုံလိုက် မြှုပ်နှံထားရာ နေရာများအကြောင်း သတင်းဖော်ပြချက်နှင့် လူ့အခွင့်အရေး ချိုးဖောက်မှုများနှင့်ပတ်သက်၍ ပိုမိုကျယ်ပြန့် စွာ စွပ်စွဲထားမှုများကို ငြင်းဆိုခဲ့ပြီး ၎င်းတို့သည် ဘင်္ဂါလီမွတ်စလင်အကြမ်းဖက်သမားများအား အချိုးညီစွာ နှိမ်နင်းမှုလုပ်ဆောင်ခဲ့ခြင်းသာဖြစ်ကြောင်း ပြောကြားခဲ့သည်။

သို့သော် မြန်မာနိုင်ငံသည် သတင်းထောက်များနှင့် ကုလသမဂ္ဂစုံစမ်းစစ်ဆေးသူများအား ပဋိပက္ခဖြစ်ပွားရာဇုန်ထဲသို့ လွတ်လပ်စွာ ၀င်ရောက်ခွင့်နှင့် လူမျိုးတုံးသတ်ဖြတ်မှု တစ်ရပ်နှင့်ပတ်သက်၍ ဒုက္ခသည်များ၏ အခိုင်အမာပြောကြားချက်များကို စုံစမ်း စစ်ဆေးခွင့်တို့အား ပိတ်ပင်ထားခဲ့သည်။

ဖေဖော်ဝါရီ ၅ ရက်တွင် ဇိက မြန်မာ နိုင်ငံသည် ရခိုင်ဒေသတွင် လူမှု-စီးပွားဖွံ့ဖြိုးမှုများအပေါ် အဓိကထားခြင်း အပါအ၀င် အားကောင်းသော တိုးတက်မှုများ ရရှိအောင် ဆောင်ရွက်ခဲ့သော်လည်း ယင်းသည် လူနည်းစုအပေါ် အင်စတီကျူးရှင်းအလိုက် ခွဲခြား ဆက်ဆံခြင်းကို ဖုံးကွယ်နိုင်လိမ့်မည်မဟုတ်ဟု ပြောကြားခဲ့သည်။

ကုလသမဂ္ဂလူ့အခွင့်အရေးဆိုင်ရာ အကြီးအကဲသည် သူ၏ သုံးရက်ကြာခရီးစဉ်အတွင်း အင်ဒိုနီးရှားသမ္မတ ဂျိုကိုဝီဒိုဒိုနှင့် တွေ့ဆုံရန် စီစဉ်ထားသည့်အပြင် အစိုးရအဖွဲ့ ထိပ်တန်းခေါင်းဆောင်များနှင့်လည်း ကောင်း၊ လူ့အခွင့်အရေးအဖွဲ့များနှင့်လည်းကောင်း တွေ့ဆုံရန် စီစဉ်ထားသည်။

ဆွေးနွေးမည့်အကြောင်းအရာများထဲတွင် ကမ္ဘာ့မွတ်စလင်အများစုနေထိုင်ရာ အင်ဒိုနီးရှားနိုင်ငံ၌ လိင်တူစိတ်ဝင်စားသည့် အသိုက်အ၀န်းကို နှိမ်နင်းခဲ့မှုနှင့် ပတ်သက်၍ ဆွေးနွေးမှုပါဝင်လိမ့်မည်ဟု မျှော်လင့်ထားသည်။

 

 

အကြမ်းဖက်မှု ခြိမ်းခြောက်မှုများကြားမှ အိန္ဒိယတွင် အငြင်းပွားဖွယ် ဟိန္ဒူမိဖုရားဇာတ်ကားကို စတင်ပြသ

ဇန်န၀ါရီ ၂၅ ရက်က ဘန်ဂလိုမြို့တွင် အငြင်းပွားဖွယ် ဟိန္ဒူမိဖုရားဇာတ်ကားပိုစတာတစ်ခုအား တွေ့ရစဉ် (Photo – AFP)

ဒဏ္ဍာရီလာ ဟိန္ဒူမိဖုရားတစ်ဦးနှင့် မွတ်စလင်ဘုရင်တစ်ဦးတို့အကြောင်း ရိုက်ကူးထားသောဇာတ်ကား ဖြန့်ချိမှုအား ဆန့်ကျင်သော ဟိန္ဒူသဘောထားတင်းမာသူများ၏ အကြမ်းဖက်မည့် ခြိမ်းခြောက်မှုရှိနေစဉ် အိန္ဒိယနိုင်ငံတစ်ဝန်းရှိ ရုပ်ရှင်ရုံများတွင် ဇန်န၀ါရီ ၂၅ ရက်၌ အဓိကရုဏ်းနှိမ်နင်းရေး ရဲထောင်ပေါင်းများစွာက စောင့်ကြပ်ခဲ့ကြကြောင်း သိရသည်။

အကြမ်းဖက်ခံရမည့် စိုးရိမ်မှုများကြောင့် Padmaavati  ဇာတ်ကားကို ပြသမည်မဟုတ်ဟု ပြည်နယ်အများအပြားရှိ ဖြန့်ချိသူများက ပြောကြားထားချိန်တွင် ကျောင်းကားတစ်စီး တိုက်ခိုက်ခံခဲ့ရအပြီး နယူးဒေလီအနီး ကျောင်းအချို့အား ပိတ်ထားခဲ့ရသည်။ သို့သော် ယင်းနေ့အစောပိုင်းတွင် လုံခြုံရေးထူထပ်စွာ ချထားခဲ့ပြီး နိုင်ငံတစ်ဝန်းရှိ ရုပ်ရှင်ရုံ ၅၀၀၀ နီးပါး၌ ယင်းဇာတ်ကားကို ပြသခဲ့ကြသည်။ နယူးဒေလီ၊ မွမ်ဘိုင်းနှင့် အဓိကမြို့ကြီးအချို့တို့ရှိ ရုပ်ရှင်ရုံများတစ်ဝိုက်တွင် ပြည်သူ့စစ်တပ်ဖွဲ့များနှင့် အဓိကရုဏ်းနှိမ်နင်းရေးရဲများက အရံအတားများချထားပြီး စောင့်ကြပ်ခဲ့ကြသည်။

သဘောထားအစွန်းရောက်အဖွဲ့များက ယင်းဇာတ်ကားသည် မိဖုရား Padmaavati အကြောင်းအား မှားယွင်းစွာ ပုံဖော်ထားသည်ဟု စွပ်စွဲခဲ့ကြသည်။ သမိုင်းပညာရှင်အများစုက ယင်းမိဖုရားသည် အမှန်တကယ်ပင် မရှိခဲ့ဟု သံသယ၀င်ခဲ့ချိန်တွင် ယင်းဇာတ်ကား ထုတ်လုပ်သူများကလည်း ထိုစွပ်စွဲချက်အား အပြင်းအထန်ငြင်းဆန်ခဲ့သည်။

Padmaavati အားကြည်ညိုသော အိန္ဒိယရှိ  Rajput အမျိုးဇာတ်မှ အယူသန်သည့်အဖွဲ့များက ယင်းဇာတ်ကားအား ဦးဆောင်ဆန္ဒပြမှုသည် တစ်နှစ်နီးပါးကြာလာပြီ ဖြစ်သည်။ ယင်းဇာတ်ကားအား ပြသခွင့်ပြုရန် ပြည်နယ်ဆင်ဆာဘုတ်အဖွဲ့က ယခုလအစောပိုင်းတွင် ခွင့်ပြုပေးခဲ့ပြီးနောက်ပိုင်း အခြားအဖွဲ့များကလည်း ယင်းအစွန်းရောက်အဖွဲ့များအား ထောက်ခံခဲ့ကြသည်။

နယူးဒေလီရှိ ဂါဂါအွန်မြို့တွင် ဇာတ်ကားဆန့်ကျင်သူများက ခဲများဖြင့်ပေါက်မှုများကြောင့် ဘတ်စ်ကားတစ်စီးထဲတွင် ဒါဇင်နှင့်ချီသောကျောင်းသားများစွာ ပိတ်မိနေခဲ့သည်။ နောက်ထပ်ဘတ်စ်ကားတစ်စီးမှာ မီးရှို့ခံခဲ့ရသည်။ ဇန်န၀ါရီ ၂၃ ရက်တွင် ဂူဂျရတ်ပြည်နယ်၏ အဓိကမြို့ အာမက်ဒါဘတ်တစ်ဝန်းတွင် ရာပေါင်းများစွာသော ဆန္ဒပြသူများက ဈေးဆိုင်များအား တိုက်ခိုက်ခဲ့ကြပြီး ဒါဇင်များစွာသော ဆိုင်ကယ်များအား မီးရှို့ခဲ့ကြကာ ကားအစီး ၁၅၀ ကျော်လည်း ပျက်စီးခဲ့ကြောင်း သိရသည်။ ယင်းအကြမ်း ဖက်မှုနှင့်ဆက်နွှယ်သူ ၂၅၀ နီးပါးအား ဖမ်းဆီးခဲ့ကြောင်း ဂူဂျရတ်ပြည်နယ်ပြည်ထဲရေးဝန်ကြီး ပရာဒက်ဆင်းဂျာဒီဂျာက ဇန်န၀ါရီ ၂၄ ရက်နှောင်းပိုင်းတွင် ပြောကြားခဲ့သည်။

ခြိမ်းခြောက်မှုများ ရှိနေသော်လည်း ယင်းဇာတ်ကားသည် ဇန်န၀ါရီ ၂၅ ရက်မှ  ၂၈ ရက်အထိရှည်လျားသော သီတင်းပတ် ကုန်အားလပ်ရက်များအတွင်း လက်မှတ်ရောင်းချမှုဝင်ငွေ ရူပီးတစ်ဘီလျံ (ဒေါ်လာ ၁၅ ဒ သမ ၇ သန်း) ရရှိနိုင်ကြောင်း ရုပ်ရှင်လုပ်ငန်းစောင့်ကြည့်သူ အက်ရှာယီရာသီက ပြောကြားခဲ့သည်။

Ref ; AFP

ဘင်္ဂါလီမွတ်စလင် ဒုက္ခသည်များအား ပြန်လည်လက်ခံရေးသည် စီစဉ်ထားသည့်အတိုင်း ဇန်န၀ါရီ ၂၃ ရက်တွင် စတင်နိုင်မည် မဟုတ်ဟု ဘင်္ဂလားဒေ့ရှ် ပြောကြား

ဇန်န၀ါရီ ၂၁ ရက်က ဘင်္ဂလားဒေ့ရ်ှရှိ သန်ခါလီဒုက္ခသည်စခန်းတွင် အကူအညီများအား ရယူရန် တန်းစီနေကြသော ဘင်္ဂါလီမွတ်စလင်များ (Photo: AFP)

သိန်းနှင့်ချီသော ဘင်္ဂါလီမွတ်စလင်ဒုက္ခသည်များကို မြန်မာနိုင်ငံသို့ ပြန်ပို့မှုအား စတင်ရန် သတ်မှတ်ထားသည့် ဇန်န၀ါရီ ၂၃ ရက်သည် ကြန့်ကြာနေလိမ့်ဦးမည်ဖြစ်ကြောင်း ဘင်္ဂလားဒေ့ရှ် အာဏာပိုင်တစ်ဦးက ဇန်န၀ါ ရီ ၂၂ ရက်တွင် ပြောကြားခဲ့သည်။ သူက လွှဲ ပြောင်းပေးရေးစခန်းများကို ပြင်ဆင်ရန် နှင့် နေရပ် ပြန်မည့်သူများစာရင်းကို အတည်ပြုရန် ဧရာမလုပ်ငန်းတာဝန်ကြီးများ ရှိမှုတို့ကြောင့်ဖြစ်သည်ဟုလည်း ၎င်းက ပြောကြားခဲ့သည်။

ဘင်္ဂလားဒေ့ရ်ှနိုင်ငံ၏ ဒုက္ခသည်များ သက်သာချောင်ချိရေးနှင့် ပြန်လည်လွှဲပြောင်းပေးရေး မဟာမင်းကြီး အဘူကာလမ်အေဇက်က မငြိမ်မသက်မှုများနှင့် တပ်မတော် စစ်ဆင်ရေးတစ်ရပ်တို့ကြောင့် ရခိုင်ပြည်နယ်မှ ထွက်ပြေးလာသည့် ဒုက္ခသည် ၇၅၀,၀၀၀ ခန့်အား ပြန်လည်လွှဲပြောင်းပေးရန် ၎င်း၏ နိုင်ငံနှင့် မြန်မာနိုင်ငံတို့က ပြန်လည်စတင်ရန် စီစဉ်ထားသည့် နေ့ရက်ကိုမူ ပြောကြားခဲ့ခြင်း မရှိပေ။

“မနက်ဖြန်မှာ လူတွေကို ပြန်ပို့ဖို့ လိုအပ်တဲ့ ပြင်ဆင်မှုတွေကို ကျွန်တော်တို့ လုပ်မပြီးသေးပါဘူး။ ပြင်ဆင်မှုတွေအများကြီး လိုအပ်နေဆဲပါပဲ” ဟု အေဇက်က ဇန်န၀ါရီ ၂၂ ရက်တွင် ပြောကြားခဲ့သည်။

လွှဲပြောင်းပေးရေးစခန်းများ တည်ဆောက်ခြင်းနှင့် မြန်မာနိုင်ငံက စိစစ်အတည်ပြုရန်အတွက် နေရပ်ပြန်နိုင်ဖွယ်ရှိသူများစာရင်း ပြုစုပေးခြင်းတို့ အပါအ၀င် ပြန်လည်လွှဲပြောင်းပေးရေး မစတင်နိုင်မီ ပြင်းထန်သည့် လုပ်ငန်းစဉ်တစ်ရပ် လိုအပ်ကြောင်း ၎င်းက ပြောကြားခဲ့သည်။

မြန်မာနိုင်ငံသို့ လွှဲပြောင်းမပေးမီ ဒုက္ခသည်များ ယာယီနေထိုင်ရမည့် လွှဲပြောင်းပေးရေး စခန်းတည်ဆောက်ရန် နယ်စပ်အနီးရှိ ဖြစ်နိုင်ဖွယ်နေရာနှစ်ခုကို သက်ဆိုင်ရာ အာဏာပိုင်များက သတ်မှတ်ပြီးဖြစ်သည်ဟု အေဇက်က ပြောကြားခဲ့သည်။

“ဒါတွေမပြီးဘဲ လူတွေကို ရုတ်တရက်ကြီး ကျွန်တော်တို့ ပြန်ပို့နိုင်မှာမဟုတ်ပါဘူး။ ဒီလုပ်ငန်းက ဆောင်ရွက်ဆဲပါပဲ” ဟု ၎င်းက ပြောကြားခဲ့သည်။

ပြန်လည်လွှဲပြောင်းပေးရေး လုပ်ငန်းစဉ်တစ်ရပ်လုံး ပြီးစီးရန် နှစ်နှစ်အချိန်ယူရလိမ့်မည်ဟု မျှော်လင့်ထားသည်။

လူ့အခွင့်အရေးအဖွဲ့များနှင့် ကုလသမဂ္ဂတို့က နှစ်နိုင်ငံ နယ်စပ်အနီးရှိ ကြပ်ညပ်နေသော စခန်းများတွင် စိတ်ပျက်ဖွယ်အနေအထားများကို ရင်ဆိုင်နေရသည့် ဒုက္ခသည်များအား ပြန်လည်လွှဲပြောင်းပေးခြင်းသည် ၎င်းတို့၏ သဘောဆန္ဒအလျောက်သာ ဖြစ်ရမည်ဟု ပြောကြားထားသည်။

ဒုက္ခသည်အများအပြားက သတ်ဖြတ်ခြင်း၊ မုဒိမ်းကျင့်ခြင်း၊ အိမ်များကို မီးရှို့တိုက်ခိုက်ခြင်းတို့အပါအ၀င် ရက်စက်ကြမ်းကြုတ် မှုများအကြောင်း ပြောပြလျက် နေရပ်ပြန်ပို့ နိုင်ခြေကို ဆန့်ကျင်ကာ ဆန္ဒပြခဲ့ကြသည်။

ဘင်္ဂါလီမွတ်စလင်တို့၏ နေအိမ်များကို တပ်မတော်သားများနှင့် ဗုဒ္ဓဘာသာလူရမ်းကားတို့က ပြာကျသည်အထိ မီးရှို့ပစ်ခဲ့ကြသည့် မြန်မာနိုင်ငံ၏ အနေအထားများ နှင့် ပတ်သက်၍လည်း စိုးရိမ်မှုများ မြင့်တက်လျက်ရှိသည်။

လုပ်ငန်းများဆောင်ရွက်ရာတွင် ကုလသမဂ္ဂ၏ ဒုက္ခသည်များဆိုင်ရာ အေဂျင်စီပါဝင်လိမ့်မည်ဟု ဘင်္ဂလားဒေ့ရ်ှက နိုင်ငံတကာ အသိုင်းအ၀ိုင်းအား နှစ်သိမ့်ပြောကြားထားသည်။

ဘီဘီစီရုပ်သံအစီအစဉ် Our Girl တွင် ဘင်္ဂါလီမွတ်စလင်တို့ကို ငှားရမ်းသရုပ်ဆောင်စေခဲ့ပြီး တစ်ရက် ၃၃ ပေါင်ဖြင့် ဒုက္ခသုက္ခများ ပြန်ပြောင်းပြောပြရန် အတင်းအကျပ် သရုပ်ဆောင်စေခဲ့

ဘီဘီစီ၏ နာမည်ကျော်ရုပ်သံအစီအစဉ် Our Girl ရိုက်ကူးစဉ်အတွင်း မြန်မာ နိုင်ငံမှ ထွက်ပြေးလာသော ဘင်္ဂါလီမွတ်စလင် တို့ကို ဇာတ်ရံများအဖြစ် တစ်ရက် ၃၃ ပေါင် ဖြင့် ငှားရမ်းခဲ့ပြီး ၎င်းတို့၏ အတိဒုက္ခများကို ပြန်ပြောင်းပြောပြရန် သရုပ်ဆောင်စေခဲ့သည်ဟု ယင်းအစီအစဉ်တွင် ပါဝင်ခဲ့သည့် ဘင်္ဂါလီမွတ်စလင်များက ဗြိတိန်မီဒီယာ The Sun သို့ ပြောကြားခဲ့သည်။

ဘင်္ဂါလီမွတ်စလင် ဒုက္ခသည် ဟာဘီဘာအဗ္ဗဒူလာက “လူတိုင်းက သူတို့ကြုံခဲ့ရတဲ့ ချောက်ချားစရာတွေကို ပြန်ပြောင်းပြောပြခဲ့ပါတယ်။ ကျွန်မတို့အတွက် အရမ်းပဲ ခက်ခဲပါတယ်။ ဒါပေမဲ့ ကျွန်မတို့ ငွေလိုနေတာကြောင့် လုပ်ပေးခဲ့ကြပါတယ်” ဟု The Sun ကို ပြောကြားခဲ့သည်။ ရိုက်ကွင်းသည် ညှဉ်းပန်းနှိပ်စက်မှုကဲ့သို့ ခံစားရကြောင်း ဘင်္ဂါလီမွတ်စလင်တို့က ပြောကြားခဲ့ကြသည်။

“ကလေးတွေက ငိုနေကြပြီး ကျွန်မ ပတ်ပတ်လည်က ကလေးတွေကလည်း အမေ၊ အမေနဲ့ အော်ငိုနေကြပါတယ်”ဟု ဟာဘီဘာက ပြောကြားခဲ့သည်။ ရိုက်ကူးခဲ့သောနေ့သည် အလွန်ပူလောင်သောနေ့ဖြစ်ခဲ့ပြီး အမျိုးသားတစ်ဦးသည် ရေထဲတွင် လဲ ကျသွားခဲ့ကြောင်း သူက ထည့်သွင်းပြောကြားခဲ့သည်။

ဘင်္ဂါလီမွတ်စလင် ၁၀၀ ခန့်ကို သရုပ်ဆောင်ရန်အတွက် ရွေးချယ်ခဲ့ပြီး ၎င်းတို့ အား ကွာလာလမ်ပူရှိ နေအိမ်များမှ ခေါ် ဆောင်ခဲ့ကြခြင်းဖြစ်သည်။ မနက် ၅ နာရီမှ စ၍ ၁၂ နာရီကြာ ရိုက်ကူးခဲ့သောနေ့အတွက် ဘင်္ဂါလီမွတ်စလင်တို့ကို ၃၃ ပေါင် ပေးခဲ့သည်ဟု သိရသည်။ BBC1က ထုတ်လွှင့်သော Our Girl အစီအစဉ်ကို မလေးရှားတွင် ရိုက်ကူးနေခြင်းဖြစ်ပြီး ဧပြီလတွင် ထုတ်လွှင့်မည်ဖြစ်သည်။

ဇာတ်လမ်းသည် ဘင်္ဂါလီမွတ်စလင်တို့၏ အတိဒုက္ခကို မီးမောင်းထိုးပြရန် ရည်ရွယ်ခဲ့ကြောင်း၊ ဇာတ်ပို့သရုပ်ဆောင်များအား ပုံမှန်အတိုင်း ငှားရမ်းခဲ့ခြင်းဖြစ်ပြီး မလေးရှား တွင်ပေးသော စံနှုန်းအတိုင်း ပေးခဲ့ခြင်းဖြစ် ကြောင်း ဘီဘီစီ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။

ဒုက္ခသည်စခန်းများအနီး၌ အစ္စလာမ္မစ် အကြမ်းဖက်သမားဟု မသင်္ကာသူတစ်ဦးကို ဘင်္ဂလားဒေ့ရ်ှက ဖမ်းဆီး

နိုဝင်ဘာ ၁၅ ရက်က ဘင်္ဂလားဒေ့ရ်ှနိုင်ငံ အူခီယာခရိုင်ရှိ သန်ခါလီဒုက္ခသည်စခန်းအား ရိုက်ကူးထားသော ဓာတ်ပုံ (Photo: AFP)

မြန်မာနိုင်ငံမှ စစ်ဆင်ရေးတစ်ရပ်ကြောင့် ထွက်ပြေးလာသည့် ဘင်္ဂါလီမွတ်စလင်ဒုက္ခသည် ထောင်ပေါင်းများစွာ ခိုလှုံနေသည့် စခန်းများအနီးရှိ အူခီယာခရိုင် နယ်စပ်၌ အစ္စလာမ္မစ်အကြမ်းဖက်သမားဟု မသင်္ကာသူတစ်ဦးကို ဒီဇင်ဘာ ၃၁ ရက်တွင် ဘင်္ဂလားဒေ့ရ်ှရဲတပ်ဖွဲ့က ဖမ်းဆီးခဲ့ကြောင်း သိရသည်။

မွတ်စလင်အများစုနေထိုင်သော ဘင်္ဂလားဒေ့ရ်ှနိုင်ငံတွင် အစ္စလာမ္မစ်အစွန်းရောက်ဝါဒကို ကိုင်တွယ်ရန် တာဝန်ထမ်းဆောင်နေသည့် ထိပ်တန်းရဲတပ်ဖွဲ့ဖြစ်သော အလျင်အမြန် အရေးယူဆောင်ရွက်ရေး တပ်ရင်း (RAB) က အသက် ၃၀ အရွယ်ရှိ ရှာဖူးအေဝေါဆိုသူအား နိုင်ငံတကာဂျီဟတ်အဖွဲ့များနှင့် ဆက်သွယ်မှုဟူသော စွဲချက်ဖြင့် ဖမ်းဆီး ထိန်းသိမ်းလိုက်ကြောင်း ပြောကြားခဲ့သည်။

အေဝေါကို စစ်တကောင်းဒေသ၌ အကြမ်းဖက်မှုတိုက်ဖျက်ရေးနှင့် ပေါက်ကွဲ စေတတ်သောပစ္စည်းများနှင့်ပတ်သက်သော အမှုများဖြင့် တရားစွဲဆိုခဲ့ပြီးနောက် ဇန်န၀ါရီလက အာမခံဖြင့် ပြန်လွှတ်ပေးထားခြင်း ဖြစ်ကြောင်း RAB ဒေသဆိုင်ရာအကြီးအကဲ ရူဟူအေမင်က ထုတ်ပြန်ချက်တစ်ရပ်၌ ပြောကြားခဲ့သည်။

သို့သော် သူ့အား ပြန်လွှတ်ပေးပြီးနောက် အေဝေါသည် ဂျီဟတ်ဟုခေါ်သော ၀ါဒဖြင့် အစ္စလာမ္မစ်နိုင်ငံထူထောင်ရေး ကြိုးပမ်းမှုအဖြစ် နိုင်ငံတကာအကြမ်းဖက်အဖွဲ့ အမျိုးမျိုးနှင့် လူမှုမီဒီယာမှတစ်ဆင့် ဆက်သွယ်ခဲ့သည်ဟု အေမင်က ဆိုသည်။

အေဝေါသည် ဘင်္ဂလားဒေ့ရ်ှနိုင်ငံအတွင်း၌ ပေါက်ဖွားလာသော အစ္စလာမ္မစ်အဖွဲ့ဖြစ်သည့် ဂျာမားယေတုမူဂျာဟစ်ဒင် ဘင်္ဂလားဒေ့ရှ် (JMB) ၏ အဖွဲ့ခွဲသစ်တစ်ရပ်၌ အဖွဲ့ဝင်တစ်ဦးဖြစ်ပြီး ဒေသခံအစွန်းရောက်များကို စည်းရုံးလှုပ်ရှားမှု၌ ပါဝင်ခဲ့သည်ဟု ရဲတပ်ဖွဲ့က စွပ်စွဲခဲ့သည်။

JMB အဖွဲ့ခွဲသစ်သည် နိုင်ငံခြားသား ၁၈ ဦး ပစ်သတ် သို့မဟုတ် ခုတ်သတ်ခံခဲ့ရသည့် လွန်ခဲ့သည့်နှစ်က အထက်တန်းလွှာတို့ ကျက်စားသည့် ဒါကာမြို့ ကဖေးဆိုင်တစ်ခုအား တိုက်ခိုက်ခဲ့မှုအပါအ၀င် နိုင်ငံခြားသားများနှင့် ဘာသာရေးအရ လူနည်းစုဖြစ်သူများအပေါ် ဆက်တိုက် တိုက်ခိုက်ခဲ့မှုများအတွက် အပြစ်တင်ခံရသည့်အဖွဲ့ဖြစ်သည်။

သို့သော် RAB အဖွဲ့မှ အေမင်က သက်ဆိုင်ရာအာဏာပိုင်များသည် အေဝေါနှင့် ဘင်္ဂါလီမွတ်စလင်ဒုက္ခသည်များအကြား ဆက်နွှယ်မှုရှိကြောင်း ယခုအထိ တစ်စုံတစ်ရာ တွေ့ရှိရခြင်း မရှိသေးဟု ဆိုသည်။

ကုလသမဂ္ဂက လူမျိုးတုံးသတ်ဖြတ်မှုမြောက်နိုင်ပြီး လူမျိုးစုလိုက်သုတ်သင်မှုဖြစ်သည်ဟု ခေါ်ဆိုခဲ့သော စစ်ဆင်ရေးတစ်ရပ်အတွင်း သြဂုတ်လအနှောင်းပိုင်းက ဘင်္ဂါလီ မွတ်စလင် ၆၅၅,၀၀၀ သည် မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ ထွက်ပြေးလာခဲ့ကြသည်။

ဒုက္ခသည်အများစုသည် အူခီယာကဲ့သို့သော ဘင်္ဂလားဒေ့ရ်ှနိုင်ငံအရှေ့တောင်ပိုင်း နယ်စပ်ဒေသများ၌ အခြေချလျက်ရှိသည်။

စုတ်ပြတ်နုံချာလှသော အနေအထား၌ နေထိုင်နေရခြင်းက ပြည်တွင်းပေါက်နှင့် နိုင်ငံတကာ အစွန်းရောက်အဖွဲ့များအတွက် လူသစ်စုဆောင်းရန် အခွင့်အရေးကောင်းများဖြစ်နိုင်သည်ဟု စိုးရိမ်လျက် ဘင်္ဂလားဒေ့ရှ် အာဏာပိုင်များသည် ဘင်္ဂါလီမွတ်စလင် ဒုက္ခသည်စခန်းများတွင် လုံခြုံရေးနှင့် စောင့် ကြည့်ထောက်လှမ်းရေး အားထုတ်မှုများကို  တိုးမြှင့်ဆောင်ရွက်ခဲ့ကြသည်။

လွန်ခဲ့သည့်နှစ် အောက်တိုဘာကတည်းက မြန်မာလုံခြုံရေးစခန်းများကို တိုက်ခိုက်မှုများ အတွဲလိုက်ပြုလုပ်ခဲ့ကြသည့် ဘင်္ဂါလီ မွတ်စလင်အကြမ်းဖက်သမားများ ဘင်္ဂလားဒေ့ရ်ှနယ်မြေအတွင်းသို့ ၀င်လာခြင်းမှ ကာကွယ်ရန် ဘင်္ဂလားဒေ့ရ်ှနယ်ခြားစောင့်  တပ်ဖွဲ့ဝင်များသည် ကင်းလှည့်ခြင်းများကို တင်းတင်းကျပ်ကျပ် ဆောင်ရွက်လာခဲ့ကြသည်။

မြန်မာနိုင်ငံနှင့် ဘင်္ဂလားဒေ့ရ်ှသို့ သွားရောက်ရန် လုံခြုံရေးကောင်စီကို ကုလအထူးကိုယ်စားလှယ် တိုက်တွန်း

လုံခြုံရေးကောင်စီသည် မြန်မာနိုင်ငံနှင့် ဘင်္ဂလားဒေ့ရ်ှသို့ သွားရောက်သင့်ကြောင်း ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ်က ဒီဇင်ဘာ ၁၂ ရက်တွင် လုံခြုံရေးကောင်စီကို တိုက်တွန်းခဲ့သည်။ ဘင်္ဂါလီ မွတ်စလင် (မူရင်းတွင် ရိုဟင်ဂျာဟုဖော်ပြ) အမျိုးသမီးများအား မြန်မာစစ်သားများက လိင်ပိုင်းဆိုင်ရာ တိုက်ခိုက်မှုများအကြောင်းကို လုံခြုံရေးကောင်စီတွင် ပြောပြခဲ့သော အထူးကိုယ်စားလှယ် ပရာမီလာပတ်တင်က အရပ်သားများအား တိုက်ခိုက်မှုများ အဆုံးသတ်ရန်လည်း တိုက်တွန်းပြောကြားခဲ့သည်။

ကုလသမဂ္ဂ အတွင်းရေးမှူးချုပ် အန်တိုနီယိုဂူတာရက်စ်၏ အထူးကိုယ်စားလှယ်ဖြစ်သော ပတ်တင်က အဖွဲ့ဝင် ၁၅ နိုင်ငံပါ လုံခြုံရေးကောင်စီသည် မြန်မာနိုင်ငံနှင့် ဘင်္ဂလားဒေ့ရ်ှရှိ ကော့ဘဇားသို့ သွားရောက်သင့်ကြောင်း ပြောကြားခဲ့ပြီး ရခိုင်ပြည်နယ်တွင် အရပ်သားများအား အကြမ်းဖက်မှုများ ချက်ချင်းရပ်တန့်ရေးအတွက် တောင်းဆိုသည့် လုံခြုံရေးကောင်စီ ဆုံးဖြတ်ချက်နှင့် တိုက်ခိုက်မှု ကျူးလွန်သူများအား အရေးယူရန်အတွက် လုပ်ဆောင်ချက်များ ချမှတ်မှုသည် အရေး ကြီးသော အချက်ပြမှုပေးခြင်းဖြစ်မည်ဟု ၎င်းက ပြောကြားသည်။

လုံခြုံရေးတပ်ဖွဲ့များက မုဒိမ်းကျင့်မှုများ နှင့် သတ်ဖြတ်မှုများ ဆောင်ရွက်ခဲ့သည်ဟူသော စွပ်စွဲချက်အားလုံးကို မြန်မာတပ်မတော်က မဟုတ်မှန်ကြောင်း ငြင်းဆိုထားသည်။

“ဒါက လက်မခံနိုင်စရာပါပဲ။ ဘာဖြစ်ခဲ့သလဲဆိုတာ စုံစမ်းဖို့ လွတ်လပ်ပြီး ပွင့်လင်း မြင်သာမှုရှိတဲ့၊ ယုံကြည်စိတ်ချရတဲ့ စုံစမ်းစစ်ဆေးမှုကို မြန်မာနိုင်ငံက ခွင့်ပြုရမယ်” ဟု ကု လသမဂ္ဂဆိုင်ရာ အမေရိကန်သံအမတ်ကြီး နစ်ကီဟာလေက ပြောကြားခဲ့သည်။

မြန်မာအစိုးရထံမှ ကတိများ ကြားထားရသော်လည်း အရေးယူဆောင်ရွက်ချက်ကို မြင်တွေ့ရရန် လိုအပ်ကြောင်း ဟာလေက ပြောကြားခဲ့သည်။

မြန်မာနိုင်ငံတွင် ဘင်္ဂါလီမွတ်စလင်များ နှင့် အခြားလူနည်းစု တိုင်းရင်းသားများအား အကြမ်းဖက်မှုများကို ရှုတ်ချသည့် ဆုံးဖြတ်ချက်တစ်ရပ်ကို ကုလသမဂ္ဂ လူ့အခွင့်အရေး ကောင်စီက သဘောတူလက်ခံခဲ့ပြီးနောက် သီတင်းပတ်တစ်ပတ်အကြာတွင် လုံခြုံရေးကောင်စီက မြန်မာ့အရေးကို ထပ်မံဆွေးနွေးခဲ့ခြင်းဖြစ်သည်။

ရခိုင်ပြည်နယ်တွင် စစ်အင်အား အလွန်အကျွံသုံးမှု ထပ်မံမဖြစ်စေရေးအတွက် အသေအချာ ဆောင်ရွက်ရန် လုံခြုံရေးကောင်စီက မြန်မာအစိုးရကို တိုက်တွန်းထားသည်။

ကုလသမဂ္ဂဆိုင်ရာ တရုတ်သံအမတ်ကြီး၏ လက်ထောက် ၀ူဟိုင်ထောင်က ရခိုင်အကျပ်အတည်းကို မြန်မာနှင့် ဘင်္ဂလားဒေ့ရှ် နှစ်နိုင်ငံကြား သဘောတူညီချက်မှတစ်ဆင့် ဖြေရှင်းရမည်ဖြစ်ကြောင်း ပြောကြားခဲ့ပြီး ပြင်ပမှ ပြင်းထန်သည့် ဖိအားကြောင့် ရရှိသော မည်သည့်ဆုံးဖြတ်ချက်မဆို အခြေအနေကို ယာယီသာ ပြေလည်စေဖွယ်ရှိပြီး ဆန့်ကျင်ဘက် သက်ရောက်မှုများဖြစ်စေမည်ဟု သတိပေးခဲ့သည်။