မဲခေါင်-ဂျပန် ပူးပေါင်းဆောင်ရွက်မှုအဖြစ် နှစ်နိုင်ငံစီမံကိန်း ၁၆ ခုနှင့် နိုင်ငံများစွာပါဝင်သော စီမံကိန်း ၁၀၀ တို့မှ မြန်မာနိုင်ငံအနေဖြင့် အကျိုးအမြတ်ရရှိခဲ့ဟု ဒေါ်အောင်ဆန်းစုကြည် ပြောကြား

အောက်တိုဘာ ၉ ရက်က မဲခေါင်-ဂျပန် ထိပ်သီးဆွေးနွေးပွဲမတိုင်မီ ဒေါ်အောင်ဆန်းစုကြည်နှင့် ရှင်ဇိုအာဘေးတို့ လက်ဆွဲနှုတ်ဆက်နေစဉ်

မဲခေါင်ဒေသ နိုင်ငံပေါင်း ငါးနိုင်ငံနှင့် ဂျပန်နိုင်ငံတို့မှ ခေါင်းဆောင်များသည် ၁၀  ကြိမ်မြောက် မဲခေါင်-ဂျပန် ထိပ်သီးဆွေးနွေးပွဲကို အောက်တိုဘာ ၉ ရက်က တိုကျိုမြို့တွင် ကျင်းပခဲ့ရာ ယင်းဆွေးနွေးပွဲသို့ တက်ရောက်သော နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မဲခေါင်-ဂျပန် ပူးပေါင်းဆောင်ရွက်မှုအဖြစ် နှစ်နိုင်ငံစီမံကိန်း ၁၆ ခု နှင့် နိုင်ငံများစွာပါဝင်သော စီမံကိန်း ၁၀၀ တို့မှ မြန်မာနိုင်ငံအနေဖြင့် အကျိုးအမြတ်ရရှိခဲ့သည်ဟု ပြောကြားခဲ့သည်။

ထိပ်သီးဆွေးနွေးပွဲတွင် ဒေသတွင်း၌ ဖွံ့ဖြိုးရေးစီမံကိန်းများ မြှင့်တင်ရေးနှင့် ဆက်သွယ်ရေးနှင့် အရည်အသွေးရှိ အခြေခံအဆောက်အအုံ စီမံကိန်းများနှင့်ပတ်သက်၍ နောက်ထပ်တိုးတက်မှုများရရှိရေးတို့ ပူးပေါင်းဆောင်ရွက်ရန် ကတိက၀တ်ပြုခဲ့ကြပြီး နောက်ပူးတွဲကြေညာချက် တစ်ရပ်ကို ထုတ်ပြန်ခဲ့သည်။

“ဆွေးနွေးပွဲက ဒီကနေ့နံနက်မှာ ကျွန်မတို့ဟာ မဲခေါင်-ဂျပန် ပူးပေါင်းဆောင်ရွက်ရေး လုပ်ငန်းစဉ်နဲ့ ပတ်သက်ပြီး ပြန်လည်သုံးသပ်နိုင်ခဲ့ကြပါတယ်။ အထူးသဖြင့်တော့ ၂၀၁၅ နဲ့ ၂၀၁၈ အကြားနှစ်တွေ ဖြစ်ပါတယ်” ဟု မြန်မာအရပ်သားအစိုးရအဖွဲ့ခေါင်းဆောင် ဒေါ်အောင်ဆန်းစုကြည်က တိုကျို မြို့ အာကာဆာကာခရိုင်ရှိ နိုင်ငံတော် ဧည့်ဂေဟာ၌ ဆွေးနွေးပွဲပြုလုပ်ပြီးနောက်ပူးတွဲ သတင်းစာရှင်းလင်းပွဲတစ်ရပ်အတွင်း ပြောကြားခဲ့သည်။

“ဒါဟာ ဂျပန်နဲ့ မဲခေါင်နိုင်ငံတွေအတွက် သိပ်ကိုအကျိုးရှိခဲ့တယ်လို့ ကျွန်မတို့အားလုံး သဘောတူခဲ့ကြပါတယ်။ မြန်မာနိုင်ငံအနေနဲ့ကို  မဲခေါင်-ဂျပန် ပူးပေါင်းဆောင်ရွက်မှုအဖြစ် နှစ်နိုင်ငံစီမံကိန်း ၁၆ ခုနဲ့ နိုင်ငံများစွာ ပါဝင်တဲ့ စီမံကိန်း ၁၀၀ တို့ကနေ  အကျိုးအမြတ်ရရှိခဲ့ပါတယ်” ဟုလည်း ဒေါ်အောင်ဆန်းစုကြည်က ပြောကြားခဲ့သည်။

အဆိုပါဆွေးနွေးပွဲသို့ အရှေ့တောင်အာရှနိုင်ငံများကို ကိုယ်စားပြုလျက် ကမ္ဘောဒီးယားဝန်ကြီးချုပ် ဟွန်ဆန်၊ လာအိုဝန်ကြီးချုပ် သောင်လိုအန်းဆီဆူလစ်၊ ထိုင်းဝန်ကြီးချုပ် ပရာယွတ်ချန်အိုချာ၊ ဗီယက်နမ်ဝန်ကြီးချုပ် ငုယင်ဆူအန်ဖတ်နှင့် မြန်မာနိုင်ငံမှ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ တက်ရောက်ခဲ့သည်။

အဆိုပါ ထိပ်သီးဆွေးနွေးပွဲကို ၂၀၀၉ ခုနှစ်မှစတင်၍ နှစ်စဉ်ကျင်းပလာခဲ့ပြီး ဂျပန်နိုင်ငံက သုံးနှစ်လျှင်တစ်ကြိမ် အိမ်ရှင်အဖြစ် လက်ခံကျင်းပခဲ့သည်။

“ဂျပန်ကုမ္ပဏီတွေရဲ့ မဲခေါင်ဒေသမှာ ရင်းနှီးမြှုပ်နှံမှုဟာ လွန်ခဲ့တဲ့သုံးနှစ်အတွင်း ယန်းငွေ နှစ်ထရီလျံ ကျော်ပါတယ်။ လွန်ခဲ့တဲ့ သုံးနှစ်အတွင်း မဲခေါင်ဒေသအတွက် ချပေးတဲ့ထဲက အာဆီယံနိုင်ငံတွေအတွက် စုစုပေါင်း တရားဝင်ဖွံ့ဖြိုးရေးကူညီမှုက ရာခိုင်နှုန်း ၇၀ ကျော်ရှိပါတယ်” ဟု ဂျပန်ဝန်ကြီးချုပ် ရှင်ဇိုအာဘေးက အရှေ့တောင်အာရှနိုင်ငံများအဖွဲ့ကို ရည်ညွှန်းလျက် သတင်းစာရှင်းလင်းပွဲ၌ ပြောကြားခဲ့သည်။

“ပုဂ္ဂလိက ရင်းနှီးမြှုပ်နှံမှုတွေကို အရင်ကထက်ပိုပြီး သိမြင်ဖို့ အဲဒီလိုထောက်ပံ့မှုတွေနဲ့ပတ်သက်ပြီး မှတ်တမ်းတွေကို ခြေရာခံခဲ့ပြီးတဲ့နောက် ပြည်ပချေးငွေတွေ၊ ရင်းနှီးမြှုပ်နှံမှုတွေနဲ့  ODA တွေအပါအ၀င် ဂျပန်ဟာ ပြည်သူ့ရန်ပုံငွေတွေကို သုံးစွဲသွားမှာပါ” ဟုလည်း အာဘေးက ပြောကြားခဲ့သည်။

မဲခေါင်-ဂျပန် ပူးပေါင်းဆောင်ရွက်ရေး သဘောတူညီချက်ဆိုင်ရာ တိုကျိုမဟာဗျူဟာ ၂၀၁၈ နှင့်အတူ ဂျပန်နိုင်ငံသည် တရုတ်သြဇာ ကြီးထွားလာမှုကို တန်ပြန်ရန်အတွက် ဒေသအတွင်း၌ ၎င်း၏ စီးပွားရေးခြေကုပ်ရယူမှုကို  ချဲ့ထွင်ရန် ကြိုးပမ်းနေပုံရသည်။

ပြီးခဲ့သည့် သံတမန်ဆိုင်ရာ ထုတ်ပြန်ချက်များ၌ ဂျပန်နိုင်ငံသည် ဂျပန်ဦးဆောင်သော စီမံကိန်းများ စာချုပ်mချုပ်ဆိုရန် “အရည်အသွေးရှိ  အခြေခံအဆောက်အအုံ” ဟူသည့် စကားရပ်ကို မကြာခဏသုံးစွဲခဲ့သည်။ ၎င်းတို့သည် တရုတ်ကုမ္ပဏီများက ဆောင်ရွက်ပေးသည်ထက် ပိုမိုဈေးကြီးနေတတ်သောကြောင့် ဖြစ်သည်။

ယခုပူးတွဲထုတ်ပြန်ချက်တွင် လွတ်လပ်ပြီး ပွင့်လင်းသည့်  အင်ဒို- ပစိဖိတ်ဒေသ တစ်ရပ်ကို တောင်းဆိုသည့် ဂျပန်နိုင်ငံ၏ မူဝါဒကိုလည်း မြှင့်တင်ပြောကြားထားသည်။ ယင်းမှာ တရုတ်နိုင်ငံ၏ ကြီးထွားလာသော သြဇာက အရှေ့တောင်အာရှနိုင်ငံများမှသည် အာဖရိကတိုက်အထိ ဖြန့်ကြက်နေပုံကို ဆက်လက်စောင့်ကြည့်ရန် ရည်ရွယ်သည့် သံတမန်စကား ဖြစ်သည်။

ယခုဆွေးနွေးပွဲ၌ ခေါင်းဆောင်များသည် စည်းမျဉ်းများအပေါ်အခြေခံသည့် အခင်းအကျင်းကို ဆက်လက်ထိန်းသိမ်းရန်နှင့် တောင်တရုတ်ပင်လယ်အတွင်း  ရေကြောင်းသွားလာရေး လွတ်လပ်ခွင့်ကို ထိန်းသိမ်းရန်တို့ အရေးကြီးပုံကိုလည်း သတိပြုပြောကြားခဲ့သည်။

ဂျပန်နှင့် မဲခေါင်ငါးနိုင်ငံတို့သည် ၂၀၃၀ ပြည့်နှစ်သို့ ဦးတည်ကာ စဉ်ဆက်မပြတ် ဖြန့်ကျက်ပြီး အားလုံးပါဝင်သည့် ဖွံ့ဖြိုး ရေးကို မြှင့်တင်ရန် ရည်မှန်းချက်အသစ်များကို အကြီးတန်းအရာရှိများက ချမှတ်ရန်လည်း သဘောတူညီခဲ့ကြသည်။

ပူးတွဲထုတ်ပြန်ချက်တွင် မဲခေါင်ငါးနိုင်ငံအတွင်း ဆက်သွယ်ရေး အားကောင်းရန်အတွက် စီစဉ်ထားပြီး ဒေသတွင်း၌ အမာထည် အခြေခံအဆောက်အအုံများ ပိုမိုတည်ဆောက်ရန်၊ အကောက်အခွန်စနစ်များကို ခေတ်မီအောင်ပြုလုပ်ရန် ဒေသတွင်း၏ အတွင်းနှင့် ပြင်ပနှစ်ရပ်စလုံး  ထောက်ပံ့မှု လမ်းကြောင်းကွန်ရက်များကို တိုးတက်အောင် ပြုလုပ်ရန်တို့အား နှိုးဆော်ထားသည်။

“မဲခေါင်ဒေသအနေနဲ့ ထွန်းကားလာတဲ့ ဈေးကွက်ကြီးတွေဖြစ်တဲ့  တရုတ်-အိန္ဒိယနဲ့ တခြားအာဆီယံနိုင်ငံတွေနဲ့လည်း ချိတ်ဆက်ထားရပါမယ်” ဟုလည်း ပူးတွဲထုတ်ပြန်ချက်၌ ဖော်ပြထားသည်။

“မဲခေါင်ဒေသတွင်းနဲ့ အဲဒီကို ကျော်လွန်ပြီး ကုန်ထုတ်အဆောက်အအုံနဲ့ တန်ဖိုးစီး ဆင်းမှုကွန်ရက် တိုးတက်ရေးဟာ မရှိမဖြစ် အရေးကြီးပါတယ်” ဟုလည်း ထုတ်ပြန်ချက်၌ ဖော်ပြထားသည်။

ဂျပန်ကုမ္ပဏီအများအပြားက မဲခေါင်ဒေသကို ကြီးထွားလာမည့်ဈေးကွက် တစ်ရပ်ဟု မျှော်မှန်းထားသည့်အပြင် အထင်ကရ ကုန်ထုတ်လုပ်ရေး အချက်အချာဒေသဖြစ် လာဖွယ်ရှိသည်ဟုလည်း ယုံကြည်ထားသည်။

မဲခေါင်ဒေသငါးနိုင်ငံနှင့် ဂျပန်တို့သည် မြောက်ကိုရီးယား၏ နျူကလီးယားလက်နက်နှင့် အတိုင်းအတာအားလုံးရှိ ဒုံးကျည်များအား ပြီးပြည့်စုံသော၊ အတည်ပြုနိုင်သော၊  ပြန်လည်မပြောင်းလဲနိုင်သော ဖျက်သိမ်းရေး အတွက်လည်း ၎င်းတို့၏ သဘောတူညီချက်များကို ထပ်မံအတည်ပြုခဲ့ကြကြောင်း ထုတ်ပြန်ချက်အရ သိရသည်။

Ref ; Japan Times

ကမ္ဘောဒီးယားတွင် တရုတ်ထောက်ပံ့သည့် ဆည်စီမံကိန်းက မဲခေါင်ဒေသကို ပျက်စီးစေနိုင်ဟု အစီရင်ခံစာတစ်ခုက သတိပေး

မေ ၁၇ ရက်က ကမ္ဘောဒီးယားမြို့တော် ဖနွမ်းပင်အနီး မဲခေါင်မြစ်ကမ်းပါးတွင် တံငါသည်တစ်ဦးနှင့် ၎င်း၏မြေးကို တွေ့ရစဉ် (Photo: AP)

မဲခေါင်မြစ်၏ အကြီးဆုံးဆည် ဆောက်လုပ်ရန် ကမ္ဘောဒီးယားအတွက် တရုတ်က ထောက်ပံ့သည့် စီမံကိန်းသည် လူသန်းနှင့်ချီအား ကျွေးမွေးထားသည့် ငါးဖမ်းလုပ်ငန်းများကို ပျက်စီးစေနိုင်သည့်အပြင် ဆည်များကြောင့် ဆုံးရှုံးမှုအများဆုံးဖြစ်သည့် ရေစုန်တွင်ရှိသော ဗီယက်နမ်နှင့်လည်း တင်းမာမှုများ ပိုမိုဆိုးရွားလာနိုင်သည်ဟု ကမ္ဘောဒီးယား အစိုးရက သုံးနှစ်ကြာ လေ့လာခဲ့သည့် အစီရင်ခံစာတစ်ခုက သတိပေးသည်။

ယင်းလေ့လာမှုကို ဦးစီးခဲ့သည့် အမေရိကန်အခြေစိုက်အဖွဲ့၏ ၀က်ဘ်ဆိုက်တွင် ယခုလ၌ ဖော်ပြထားသည့် ထိုအစီရင်ခံစာတွင် Sambor ဆည်သည် ကမ္ဘောဒီးယားအတွက် အကျိုးအမြတ်ရှိမည့် ပမာဏများသော လျှပ်စစ်ဓာတ်အားကို ထုတ်လုပ်ပေးနိုင်မည်ဖြစ်သော်လည်း မဲခေါင်ဒေသ၏ ငါးဖမ်းလုပ်ငန်းကို ပျက်စီးဆုံးရှုံးမှုဖြစ်နိုင်ပြီး ဗီယက်နမ်၏ ရန်သူဧကန် ဖြစ်လာမည်ဟု ဖော်ပြခဲ့သည်။

တရုတ်၏ Southern Power Grid ကုမ္ပဏီက စီစဉ်သည့် ယင်းဆည်သည် စတုရန်းကီလိုမီတာ ၆၂၀ (စတုရန်းမိုင်၂၃၉) ရှိသည့် ရေလှောင်ဆည်ဖြစ်ပြီး မဲခေါင်မြစ်တွင် လာအိုက လတ်တလော ဆောက်လုပ်နေသည့် အကြီးဆုံးဆည်ဖြစ်သော Xayaburi ဆည်ထက် ပိုမိုကြီးမားမည်ဟု အစီရင်ခံစာတွင် ဖော်ပြထားသည်။ Xayaburi ဆည်ဆောက်လုပ်မှုကို သဘာဝပတ်ဝန်းကျင် ထိန်းသိမ်းရေးသမားများက နှစ်နှင့်ချီ ပြင်းပြင်းထန်ထန် ကန့်ကွက်ခဲ့ကြသည်။

အစီရင်ခံစာကိုရေးသားသည့် Natural Heritage Institute မှ ကျွမ်းကျင်ပညာရှင်များက ကမ္ဘောဒီးယားအစိုးရထံသို့ ယင်းအစီရင်ခံစာကို ပြီးခဲ့သည့်နှစ်နှောင်းပိုင်းတွင် တင်ပြခဲ့သည်။ ရှိဆဲရေအားလျှပ်စစ်ဆည်များအပြင် ဆိုလာစွမ်းအင် အသုံးပြုမှုကဲ့သို့သော ပိုမိုကောင်းမွန်သည့် အခြားနည်းလမ်းများ ထပ်တိုးရန် လေ့လာနေစဉ်အတွင်း ယင်းစီမံကိန်းကို ရွှေ့ဆိုင်းထားရန် ပညာရှင်များက အကြံပေးခဲ့သည်။

ယင်းဆည်သည် ကမ္ဘောဒီးယားရှိ ဧရာမ Tonle Sap ကန်မှ ငါးများ တစ်နေရာမှ တစ်နေရာသို့ ပြောင်းရွှေ့ကျက်စားမှုကို အဟန့်အတား ဖြစ်စေနိုင်သည်။

“ဆည်နဲ့ ရေလှောင်ကန်တွေက အတားအဆီးတစ်ခုကိုဖြစ်စေပြီး ငါးတွေ ရွှေ့ပြောင်းကျက်စားမှုအတွက် ထိခိုက်ပျက်စီးစေတယ်” ဟု ယင်းအစီရင်ခံစာတွင် ဖော်ပြထားသည်။

စိုးရိမ်ဖွယ်ရာ မျိုးသုဉ်းပျောက်ကွယ်တော့မည့် ဧရာဝတီ လင်းပိုင် ၈၀ ခန့်က ခြောက်သွေ့သည့် ရာသီတွင် ကျက်စားနေသည့် မြစ်နက်ပိုင်း ရေအိုင်များသည် ထိုဆည်ကြောင့် အနည်အနှစ်များ စုပုံပြည့်နှက်လာမှုကြောင့် မျိုးသုဉ်းပျောက်ကွယ်သွားနိုင်ခြေ ရှိသည်ဟု အစီရင်ခံစာတွင် သတိပေးထားသည်။

တရုတ်နှင့် ရင်းနှီးသည့်မဟာမိတ်ဖြစ်ပြီး တရုတ်ထံမှ အကူအညီနှင့် ရင်းနှီးမြှုပ်နှံမှု အများအပြား လက်ခံရရှိထားသည့် ကမ္ဘောဒီးယားအစိုးရက ယင်းအစီရင်ခံစာနှင့် ပတ်သက်ပြီး ပွင့်ပွင့်လင်းလင်း မှတ်ချက်မပေးခဲ့ပေ။

တရုတ်ပိုင်နက်ရှိ မဲခေါင်မြစ်ဖျားပိုင်းတွင် တရုတ်က ဆောက်လုပ်ထားသည့် ဆည်ခုနစ်ခုသည် အရှေ့တောင်အာရှနိုင်ငံများအတွက် ဒုက္ခပေးသည့် အရာတစ်ခုဖြစ်ခဲ့ပြီး ယင်းဆည်ထက်ဝက်ကျော်ကြောင့် ရေစုန်တွင် အနည်အနှစ်မျောပါသည့် ပမာဏကို ကျဆင်းစေခဲ့သည်ဟု သုတေသနပညာရှင်များက ပြောကြားခဲ့သည်။

တရုတ်ဆည်များသည် ၂၀၁၆ ခုနှစ်တွင် အရှေ့တောင်အာရှ မိုးခေါင်မှုကို ပိုမိုဆိုးရွားစေမှုအတွက် အပြစ်တင်ခံခဲ့ရသော်လည်း ဒေသတွင်းရှိနိုင်ငံများက စွမ်းအင်အတွက် ကြီးထွားလာသည့် လိုအပ်ချက်ကို ဖြည့်ဆည်းပေးရန် မဲခေါင်၌ အခြားဆည်များကို ဆောက်လုပ်မည့် စီမံကိန်းများအတွက် တရုတ်ကုမ္ပဏီများကို ဆက်လက်လုပ်ဆောင်ခိုင်းခဲ့သည်။

Ref: AFP