မကွေးမြို့နှင့် ရေနံချောင်းမြို့တို့တွင် လျှပ်စစ်မီး ခုနစ်ရက်ဆက် ပြတ်တောက်မှုသည် နှစ် ၁၀၀ တွင်မှ တစ်ကြိမ်သာဖြစ်သည့် အဖြစ်မျိုးဖြစ်ခဲ့ပြီး နောက်နောင်တွင် ထိုသို့မဖြစ်ရန် ကာကွယ်သွားမည်ဟုဆို

မကွေး ပင်မဓာတ်အားခွဲရုံအတွင်း ပျက်စီးသွားသည့် ထရန်စဖော်မာများအား အစားထိုး လဲလှယ်ထားသည်ကို မေ ၇ ရက်က တွေ့ရစဉ်

မကွေးတိုင်းဒေသကြီး မကွေးမြို့မကြီး ကန်ကျေးရွာအနီးရှိ ပင်မလျှပ်စစ်ဓာတ်အားခွဲရုံ အတွင်းရှိ Phase ထရန်စဖော်မာနှစ်လုံး ပျက်စီးခဲ့ခြင်းကြောင့် မကွေးမြို့နှင့် ရေနံချောင်းမြို့တို့တွင် လျှပ်စစ်မီး ခုနစ်ရက်ဆက် ပြတ်တောက်မှုသည် နှစ် ၁၀၀ တွင်မှ တစ်ကြိမ်သာဖြစ်သည့် အဖြစ်မျိုးဖြစ်ခဲ့ပြီး နောက်နောင်တွင် ထိုသို့မဖြစ်ရန် ကာကွယ်မှုများ ဆောင်ရွက်သွားမည်ဟု တိုင်းဒေသကြီး အစိုးရအဖွဲ့ သဘာဝသယံဇာတ၊ လျှပ်စစ်နှင့် စွမ်းအင်ဝန်ကြီး ဦးမြင့်ဇော်က Eleven Media Group သို့ ပြောကြားသည်။

မကွေးမြို့ ပင်မလျှပ်စစ်ဓာတ်အားခွဲရုံ အတွင်းရှိ ထရန်စဖော်မာပေါ်သို့ ဧပြီ ၃၀ ရက် နံနက် ၆ နာရီကျော်က ရှဥ့်တက်ရာမှ Ground ကျပြီး ထရန်စဖော်မာနှစ်လုံး ပျက်စီးခဲ့ရကြောင်း ယင်းလျှပ်စစ်ခွဲရုံမှ ခွဲရုံမှူး ဦးဇော်ဖိုးလှိုင်က Eleven Media Group သို့ ပြောကြားသည်။

ထရန်စဖော်မာများ ပျက်စီးခဲ့မှုကြောင့် မကွေးမြို့ လျှပ်စစ်ဓာတ်အားခွဲရုံမှ လျှပ်စစ်ပမာဏ ၇၅ ရာခိုင်နှုန်းခန့် ပြတ်တောက်လျက်ရှိကြောင်း၊ ထို့ကြောင့် ကျန်ရှိလျှပ်စစ်လိုင်း တစ်လိုင်းဖြင့် မကွေးမြို့ပေါ် ရပ်ကွက်များနှင့် ရေနံချောင်းမြို့အတွက် အုပ်စုလေးစုခွဲ၍ တစ်နေ့လျှင် ၆ နာရီ (သုံးနာရီ နှစ်ကြိမ်ခွဲကာ) အလှည့်ကျ လျှပ်စစ်မီး ပေးဝေလျက်ရှိကြောင်း လျှပ်စစ်မီး စတင်ပြတ်တောက်ခဲ့သည့် ဧပြီ ၃၀ ရက် ညနေပိုင်းမှစ၍ မကွေးမြို့ပေါ် ရပ်ကွက်အချို့တွင် ရေအခက်အခဲများ ကြုံတွေ့လာရပြီး ဆေးရုံ၊ စာသင်တိုက်၊ စာသင်ကျောင်း စသည့်နေရာများအတွက် လူမှုရေး ပရဟိတအဖွဲ့များ၊ ဌာနဆိုင်ရာများက ရေလှူဒါန်းပေးနေရကြောင်း သိရသည်။

“ဒီနေ့ (မေ ၇ ရက်နေ့) ညနေ စက်စမ်းအဖွဲ့၊ မီးလွှတ်မယ့်အဖွဲ့ နေပြည်တော်ကနေ ရောက်မယ်။ ပြီးတော့ သူတို့ညမှာ စစ်ဆေးမယ်။ စစ်ဆေးပြီးတော့ အဲဒီထရန်စဖော်မာတွေထဲကို မီးထည့်ကြည့်မယ်။ အဲလိုမီးထည့်တာ ခြောက်နာရီအထိ ထည့်လို့မှ ထရန်စဖော်မာတွေထဲမှာ ဘာမှအပြစ် အနာအဆာတွေ မရှိတော့ဘူး။ အိုကေပြီဆိုရင် ဒါလွှတ်တော့မှာပဲ” ဟု လျှပ်စစ်ဝန်ကြီး ဦးမြင့်ဇော်က ပြောကြားသည်။

ရာသီဥတု ပူပြင်းလွန်းချိန်တွင် လျှပ်စစ်မီး ရက်ရှည်ပြတ်တောက်၍ ရေအခက်အခဲများ ကြုံတွေ့နေရခြင်းနှင့် ပတ်သက်၍ မကွေးမြို့ပေါ်ရှိ ပြည်သူအချို့က အစိုးရအဖွဲ့ကို ဝေဖန်မှုများ ရှိနေကြောင်း သိရသည်။

ယင်းအခြေအနေများနှင့် ပတ်သက်၍ ဦးမြင့်ဇော်က “ကျွန်တော်တို့ တိုင်းအစိုးရကလည်း မီးကို မပြတ်စေချင်ပါဘူး။ ၀န်ထမ်းတွေကလည်း ဒီလောက်မပြတ်စေချင်ဘူး။ ဒါပေမဲ့ အနှစ် ၁၀၀ လောက်မှ ဖြစ်တတ်တဲ့ အဖြစ်အပျက် ဖြစ်သွားတာကို။ အဲဒီအဖြစ်အပျက်မျိုး ပြီးခဲ့တဲ့ နှစ်,နှစ်က မင်းဘူးမှာ ဖြစ်သွားတယ်။ မြွေတက်လို့ အဲဒီလိုပဲ ထရန်စဖောမာတစ်လုံး လဲလိုက်ရတယ်။ အဲဒီအဖြစ်မျိုးကို မဖြစ်အောင် ဆိုပြီးတော့ ကျွန်တော်တို့က ပြည်ထောင်စုရော၊ ကျွန်တော်တို့ရော ၀န်ကြီးဌာန တစ်ခုလုံးက ကာကွယ်ပါဆိုပြီးတော့ သွပ်ပြားတွေနဲ့ မြွေတို့၊ ရှဥ့်တို့ မတက်နိုင်အောင်  ကာကွယ်ထားပါတယ်။ ဒါပေမဲ့ ဒီတစ်ခါက အောက်ကနေ တက်တာမဟုတ်ဘူး။ အပေါ်ကနေ ပြုတ်ကျတာဆိုတော့ ဖြစ်ခဲတဲ့ အဖြစ် ဖြစ်ပျက်သွားတာပါ။ အစိုးရအဖွဲ့တင် မကဘူး မကွေးမှာရှိတဲ့ အောင်မြေပရဟိတ အဖွဲ့တွေကရော အမြန်ဆုံး မီးလင်းနိုင်ရေး၊ ဖြစ်နိုင်ရင် ရေမပြတ်ရေးအတွက်ကို အချိန်နဲ့ တစ်ပြေးညီ ကြိုးစားနေကြပါတယ်။ နောက်ကိုလည်း သင်ခန်းစာယူပြီး အပေါ်ကနေ မကျအောင် ဘယ်လိုကာကွယ်မလဲဆိုတာ ပြင်ဆင်ရမှာပါ” ဟု ပြောကြားသည်။

လျှပ်စစ်မီး ရက်ရှည်ပြတ်တောက်နေမှုကြောင့် မကွေးမြို့ပေါ်ရှိ စက်ပစ္စည်းဆိုင်များတွင် မီးစက်များ အ၀ယ်လိုက်နေကြောင်း၊ မကွေးမြို့နေ ပြည်သူအချို့သည် ရေချိုးရန်အတွက် မီးလာသည့် အပိုင်းအလိုက် ဆွေမျိုးနီးစပ်နှင့် မိတ်ဆွေများအိမ်သို့ သွားရောက်ရခြင်း၊ ဧရာဝတီမြစ်သို့ဆင်း၍ ရေချိုးရခြင်းများ ရှိလာကြောင်း၊ လျှပ်စစ်ခွဲရုံအတွင်း လုပ်ငန်းလုပ်ကိုင် နေသူများအတွက် မကွေးမြို့ပေါ်မှ စာသင်တိုက်များ၊ လူမှုရေး ပရဟိတအဖွဲ့များက  စားသောက်ဖွယ်ရာများ ကူညီလှူဒါန်း ပေးလျက်ရှိကြောင်း သိရသည်။

မကွေးမြို့တွင် ပထမဆုံးအကြိမ်ကျင်းပမည့် လမ်းလျှောက်သင်္ကြန်နှင့်အတူ ဓာတ်ပုံပြိုင်ပွဲလည်း ပါဝင်မည်ဖြစ်ပြီး မဏ္ဍပ်များ စတင်တည်ဆောက်

မကွေးမြို့ ကမ်းနားလမ်းတွင် သင်္ကြန်မဏ္ဍပ်များ တည်ဆောက်နေသည်ကို တွေ့ရစဉ်

မကွေးတိုင်းဒေသကြီး မကွေးမြို့တွင် ပထမဆုံးအကြိမ်ကျင်းပမည့် လမ်းလျှောက်သင်္ကြန်တွင် မြန်မာ့ရိုးရာဟန်ရေကစားမှုများနှင့် စတုဒိသာမဏ္ဍပ် ၁၅ ခုပါဝင်မည်ဖြစ်ပြီး ဓာတ်ပုံပြိုင်ပွဲလည်း ကျင်းပမည်ဖြစ်ကာ ဧပြီ ၆ ရက်မှစ၍ မဏ္ဍပ်များ စတင်တည်ဆောက်လျက်ရှိကြောင်း သိရသည်။

အစိုးရသစ်တက်လာပြီး ယခင်နှစ်နှစ်ဆက်တိုက် မြန်မာ့ရိုးရာသင်္ကြန်ပွဲတွင် မကွေးတိုင်းဒေသကြီး၌ ဗဟိုမဏ္ဍပ်ပင် မပါဝင်ခဲ့ကြောင်း၊ ထိုအခြေအနေကို မကွေးတိုင်းအတွင်း ပြည်သူများက ဝေဖန်မှုများရှိလာပြီးနောက် ယခုလာမည့် နှစ်သစ်ကူးပွဲတော်တွင် ဗဟိုမဏ္ဍပ်အပါအ၀င် အစိုးရဋ္ဌာနဆိုင်ရာမဏ္ဍပ်များ၊ ပုဂ္ဂလိကမဏ္ဍပ်များဖြင့် စည်ကားစွာကျင်းပမည်ဖြစ်ပြီး လမ်းလျှောက်သင်္ကြန်ကိုလည်း ထည့်သွင်းကျင်းပမည်ဖြစ်ကြောင်း သိရသည်။

“တိုင်းဒေသကြီးအစိုးရအဖွဲ့နဲ့လုပ်တဲ့ သင်္ကြန်မှာတတ်နိုင်သလောက် ကျွန်တော်တုိ့က ပူးပေါင်းပါဝင်ပေးကြတဲ့သဘောပါ။ ပထမဆုံးလုပ်တဲ့နှစ်ဆိုတော့ အခက်အခဲတွေတော့ အများကြီးရှိပါတယ်။ ဒါပေမဲ့ အားလုံးက ၀ိုင်းဝန်းပါဝင်ကြတဲ့အတွက် အားလုံးအဆင်ပြေပြေနဲ့ ပြီးသွားမှာပါ” ဟု လမ်းလျှောက်သင်္ကြန်အတွက် ဦးဆောင်စီစဉ်သူများထဲမှ တစ်ဦးဖြစ်သူ ဦးမိုးဇော်ညိုက ပြောကြားသည်။

ယခုနှစ် မကွေးသင်္ကြန်တွင် ပထမဆုံးအကြိမ်အဖြစ် ဓာတ်ပုံပြိုင်ပွဲကျင်းပမည့် အခြေအနေနှင့်ပတ်သက်၍ ဦးအောင်ကျော်ဇောက “၁၃၈၀ ပြည့်နှစ် မဟာသင်္ကြန်မှာ လမ်းလျှောက်သင်္ကြန်ဆိုပြီးတော့လည်း ထူးထူးခြားခြား ထည့်သွင်းထားပါတယ်။ အဲဒီမှာမှ မကွေးသင်္ကြန်ရဲ့ပုံရိပ်တွေ၊ ယဉ်ကျေးမှုဓလေ့ထုံးစံတွေကို မှတ်တမ်းတင်ထားချင်တဲ့အတွက် ဓာတ်ပုံပြိုင်ပွဲလုပ်ရတာပါ။ အစိုးရအဖွဲ့မှာ မကွေးပုံရိပ်တွေ မှတ်တမ်းတင်ထားနိုင်ဖို့လည်း ဒီဓာတ်ပုံပြိုင်ပွဲကို ထည့်သွင်းကျင်းပရတာပါ။ မကွေးမြို့မှာ အနုပညာကိုခံစားတတ်တဲ့သူတွေ၊ အနုပညာကို ခံစားတတ်တဲ့သူတွေ တိုးပွားလာစေဖို့လည်း ဒီပွဲကိုကျင်းပရတာပါ” ဟုပြောကြားသည်။

အဆိုပါဓာတ်ပုံပြိုင်ပွဲတွင် မြန်မာနိုင်ငံအနှံ့တွင် ကျင်းပလေ့ရှိသည့် ဓာတ်ပုံပြိုင်ပွဲများနည်းတူ အကဲဖြတ်ဆုရွေးချယ်သွားမည်ဖြစ်ကြောင်း ဓာတ်ပုံပြိုင်ပွဲတွင် ပထမဆုကျပ်ငါးသိန်း၊ ဒုတိယဆုကျပ်သုံးသိန်း၊ တတိယဆုကျပ်နှစ်သိန်းနှင့် နှစ်သိမ့်ဆုငါးဆုအတွက် တစ်ဆုလျှင် ကျပ်တစ်သိန်းစီ ချီးမြှင့်သွားမည်ဖြစ်ကြောင်း သိရသည်။

လမ်းလျှောက်သင်္ကြန်ကို မကွေးမြို့ ကမ်းနားလမ်းကျောက်သားဥယျာဉ်အနီးမှ မဲထီးလမ်းထိပ်အထိ ဧရိယာသတ်မှတ်ထားကြောင်း ထိုဧရိယာအတွင်း စတိတ်စင်ပါမဏ္ဍပ်ကြီးနှစ်ခု၊ မဏ္ဍပ်အသေးအလုံး ၃၀ နှင့် စတုဒိသာမဏ္ဍပ် ၁၅ ခုပါဝင်မည်ဖြစ်ကြောင်း ထိုမဏ္ဍပ်များနှင့်အတူ မြန်မာ့ရိုးရာလှည်းယဉ်များဖြင့် ရေကစားမှု၊ လောင်းလှေများအတွင်း ရေထည့်၍ရေကစားမှု၊ ကုန်းဘောင်ခေတ်ဟန် ရေကစားမှုနှင့် မကွေးတိုင်းအတွင်းရှိ ဆံရစ်ဝိုင်းဆံထောက်ကောက်၊ ရိုးရာဆံပင်များဖြင့် နေထိုင်လေ့ရှိသူများ၏ ရေကစားမှု၊ တောင်သားလူမျိုးများ၏ ရိုးရာဓလေ့များ ပါဝင်မည်ဖြစ်ကြောင်း လမ်းလျှောက်သင်္ကြန်ဧရိယာအတွင်း မကွေးမြို့ပေါ်ရှိ လူမှုရေးပရဟိတအသင်းအဖွဲ့များက လုပ်အားဖြင့် ပါဝင်ကူညီကြမည်ဖြစ်ကြောင်း သိရသည်။

မကွေးတိုင်းဒေသကြီးအစိုးရအဖွဲ့၏ မဟာသင်္ကြန်မဏ္ဍပ်သည်လည်း ကမ်းနားလမ်း လမ်းလျှောက်သင်္ကြန်မုခ်ဦးအနီး၊ ကျောက်သားဥယျာဉ်၏ယာဘက်တွင် တည်ရှိမည်ဖြစ်ပြီး စတင်တည်ဆောက်လျက်ရှိကြောင်း ပုံမှန်အားဖြင့် မကွေးသင်္ကြန်တွင် အစိုးရဌာနဆိုင်ရာမဏ္ဍပ် ၁၅ ခုနှင့် ပုဂ္ဂလိကမဏ္ဍပ်အကြီး ၁၅ ခုခန့်ပါဝင်လေ့ရှိကြောင်း သိရသည်။

မကွေးမြို့ မြို့မရဲစခန်း အချုပ်ခန်းကုိုဖောက်ပြီး အချုပ်သားခြောက်ဦး ထွက်ပြေး

မကွေးမြို့ မြို့မရဲစခန်းဝင်း တစ်နေရာကို တွေ့ရစဉ်

မကွေးမြို့ မြို့မရဲစခန်းတွင် အောက်တိုဘာ ၁၁ ရက် နံနက် ၄ နာရီခန့်က အချုပ်ခန်း အမှတ်(၆)ကို ဖောက်၍ အချုပ်သားခြောက်ဦး ထွက်ပြေးလွတ်မြောက်နေကြောင်း မြို့မစခန်း စခန်းမှူး ဒုရဲမှူးဝင်းကျော်ထံမှ သိရသည်။

အချုပ်ခန်းအမှတ် (၆) ၏ အိမ်သာခန်းအတွင်း သံတိုင်ငါးတိုင်ကို လွှဖြင့်ဖြတ်၍ အိမ်သာခန်းနောက်ဘက်ရှိ သံဆန်ခါနှင့် သံဆူးကြိုးများကို ကျော်ကာ ထွက်ပြေးခြင်းဖြစ်ကြောင်း သိရသည်။ ထွက်ပြေးလွတ်မြောက် နေသည့် အချုပ်သားများအနက် လေးဦးသည် မုဒိမ်းမှုဖြင့် ဖမ်းဆီးခံထားရသူများဖြစ်ပြီး တစ်ဦးသည် မူးယစ်မှုဖြင့် လည်းကောင်း၊ တစ်ဦးသည် ခိုးမှုဖြင့်လည်းကောင်း ဖမ်းဆီးခံထားရသူများ ဖြစ်ကြောင်း သိရသည်။

“ကျွန်တော်တို့ ဒီကိစ္စကိုသိတာ မနက် ၆ နာရီလောက်မှာ သိပါတယ်။ အခုလုံခြုံရေး ကင်မရာ မှတ်တမ်းတွေကနေ ဖြစ်စဉ်ကို စစ်ဆေးနေပြီး ထွက်ပြေးနိုင်တဲ့ နေရာတွေက ရဲစခန်းတွေနဲ့ ချိတ်ဆက်ပြီး ဖမ်းဆီးရမိဖို့ ဆောင်ရွက်နေပါတယ်။ အခုလောလောဆယ် အခင်းဖြစ်ချိန်က တာဝန်ကျတဲ့ ကင်းသား၊ ကင်းမှူးနဲ့ တာဝန်မှူး အပါအ၀င် ရှစ်ဦးကို အရေးယူထားပါတယ်။ ခုလောလောဆယ် ဒီလောက်ပဲ ပြောလို့ရပါသေးတယ်” ဟု ဒုရဲမှူးဝင်းကျော်က အောက်တိုဘာ ၁၁ ရက် နံနက် ၁၁ နာရီက မီဒီယာများသို့ ပြောကြားသည်။

ဒုရဲမှူးဝင်းကျော်က ဖြစ်စဉ်နှင့်ပတ်သက်၍ ခရိုင်ရဲတပ်ဖွဲ့ရုံး၊ တိုင်းရဲတပ်ဖွဲ့ရုံးများသို့ တင်ပြထားဆဲ ဖြစ်သောကြောင့် မီဒီယာများ၏ အသေးစိတ် မေးမြန်းချက်များကို ဖြေကြားမရသေးကြောင်း ပြောကြားခဲ့ကာ ရုပ်သံအင်တာဗျူးခွင့် တောင်းသည်ကိုလည်း လတ်တလော မရနိုင်သေးကြောင်း ပြောကြားသည်။

အချုပ်ခန်းမှ ထွက်ပြေးလွတ်မြောက် နေသူများသည် မင်းဘူးစကုမြို့နယ်၊ မင်းရွာကျေးရွာမှ ဘိုဘိုလတ် အသက် (၂၆နှစ်)၊ မကွေးမြို့ ရွာသစ်ပွဲကြိုရပ်ကွက်မှ စိုင်းသီဟ အသက်(၂၁ နှစ်)၊ မကွေးမြို့ မိကျောင်းရဲနယ်မြေမှ ချစ်ကိုကို အသက် (၂၄ နှစ်)၊ မကွေးမြို့နယ် လျောင်းတော်ဦးကျေးရွာမှ စလင်း(ခေါ်) အောင်ဇော်လင်းအသက် (၂၈ နှစ်)နှင့် သိန်းမင်းထိုက် အသက် (၁၈ နှစ်)၊ မကွေးမြို့နယ် သစ်ရာကောက် ကျေးရွာမှ ခိုင်စိုးအသက် (၂၈ နှစ်) တို့ဖြစ်ကြောင်း သက်ဆိုင်ရာ ရဲတပ်ဖွဲ့စခန်း တာဝန်ရှိသူများထံမှ သိရသည်။