မကွေးတိုင်းဒေသကြီးအတွင်း တရားမ၀င် သစ်စက်များနှင့် တရားမ၀င် ရေနံချက်ဖိုများကို စီမံချက်ဖြင့် ဖမ်းဆီးမှုများ ထပ်မံလုပ်ဆောင် သွားမည်ဖြစ်ပြီး တရားဝင် ရေနံချက် လုပ်ငန်းများ ခွင့်ပြုပေးသွားမည်

မကွေးတိုင်းဒေသကြီး မင်းလှမြို့နယ် အတွင်းရှိ ရေနံမှော်တစ်ခုကို တွေ့ရစဉ်

မကွေးတိုင်းဒေသကြီးအတွင်း ပဲခူးရိုးမတောင်ကြောနှင့် ပခုက္ကူခရိုင်တို့တွင် တရားမ၀င် သစ်စက်များနှင့် တရားမ၀င် ရေနံချက်ဖိုများကို စီမံချက်ဖြင့် စစ်ကြောင်းဖွဲ့ ဖမ်းဆီးမှုများရှိခဲ့ပြီး ယင်းသို့ဖမ်းဆီးမှုများကို ထပ်မံလုပ်ဆောင် သွားမည်ဖြစ်ကာ တရားဝင်ရေနံချက် လုပ်ငန်းများ ခွင့်ပြုပေးသွားရန်ရှိကြောင်း တိုင်းဒေသကြီး အစိုးရအဖွဲ့ သဘာဝသယံဇာတ၊ လျှပ်စစ်နှင့် စွမ်းအင်ဝန်ကြီး ဦးမြင့်ဇော်က The Daily Eleven သတင်းစာသို့ ပြောကြားသည်။

မကွေးတိုင်းဒေသကြီး အောင်လံမြို့နယ်အတွင်း ပဲခူးရိုးမ တောင်ကြောများပေါ်တွင် မတ် ၁၈ ရက်မှ၂၁ ရက်အထိ သယံဇာတ၀န်ကြီး ဦးမြင့်ဇော် ဦးဆောင်၍ စစ်ကြောင်းထိုး ဖမ်းဆီးခဲ့ရာ တရားမ၀င်သစ်စက် ရှစ်လုံးနှင့် သစ် ၁၀ တန်ကျော် ဖမ်းဆီးရမိခဲ့ကြောင်း သြဂုတ် ၁၈ ရက်မှ၂၀ ရက်အထိ ပခုက္ကူခရိုင် ပေါက်မြို့နယ် အတွင်းရှိ တရားမ၀င် ရေနံချက်ဖိုများအား တိုင်းဒေသကြီး ရဲတပ်ဖွဲ့မှ ၀င်ရောက်ဖမ်းဆီးခဲ့ရာ ရေနံချက်ဖို ၇၈ ဖိုကို ဖမ်းဆီးရမိခဲ့ကြောင်း သိရသည်။

တရားမ၀င် သစ်လုပ်ငန်းများနှင့် ရေနံချက်ဖိုများအား အဆိုပါကဲ့သို့ စစ်ကြောင်းဖွဲ့ ဖမ်းဆီးမှုများနှင့် ရှောင်တခင် စစ်ဆေးမှုများကို ဆက်လက် ဆောင်ရွက်သွားမည်ဖြစ်ကြောင်း ဒေသခံများ၏ အလုပ်အကိုင် အခွင့်အလမ်းများ အတွက် တရားဝင် ရေနံချက်ဖိုများအား မကွေးတိုင်းဒေသကြီး အတွင်းတွင် ခွင့်ပြုပေးသွားရန် စီစဉ်လျက်ရှိကြောင်း ဦးမြင့်ဇော်က ပြောကြားသည်။

“ဒေသတွင်းမှာ ရေနံချက်စက်ရုံတွေ တည်ဆောင်ဖို့ ခွင့်ပြုလိုက်ခြင်းအားဖြင့် ဒေသခံတွေ အလုပ်အကိုင် အခွင့်အလမ်းတွေ ရရှိလာမယ်။ အဆင့်မှီတဲ့ ရေနံချက်စက်ရုံတွေက ထုတ်လုပ်တဲ့ နိုင်ငံတကာက လက်ခံနိုင်တဲ့ ဒီဇယ်တွေ၊ ဓာတ်ဆီတွေကို ကျွန်တော်တို့ နိုင်ငံသူ နိုင်ငံသားတွေ သုံးစွဲနိုင်မယ်။ အဆင့်မီတဲ့ ဒီဇယ်တွေ ဓာတ်ဆီတွေကို သုံးရတဲ့အတွက် ဆိုင်ကယ်တို့၊ ကားတို့၊ စက်ပစ္စည်းတွေ ပျက်စီးတာတွေ တော်တော်သက်သာ သွားပါလိမ့်မယ်။ အကျိုးဘယ်လောက်အထိ ဖြစ်ထွန်းမလဲလို့တော့ တိုင်းတာလို့ မရပါဘူး။ ပြည်သူတွေမှာတော့ အကျိုးရှိမှာ သေချာသလို ဒီဒေသမှာ အလုပ်အကိုင် အခွင့်အလမ်းတွေ ရလာမယ်။ ဒီဒေသကထွက်တဲ့ ရေနံတွေကို အဲဒီစက်ရုံတွေမှာချက်တဲ့ အခွန်အခတွေရပါမယ်။ မကွေးတိုင်းဒေသကြီးမှာ ဒီစက်ရုံတွေ ဆောက်ဖို့အတွက် အစိုးရပိုင်မြေတွေကို ခွင့်ပြုမှာဖြစ်တဲ့အတွက် ကျွန်တော်တို့ မြေငှားခလည်း ရပါလိမ့်မယ်။ ကျွန်တော်တို့ မကွေးတိုင်းဒေသကြီး မြန်မာ့လျှပ်စစ်လုပ်ငန်းက လျှပ်စစ်ကို အသုံးပြုပြီးချက်မှာ ဖြစ်တဲ့အတွက် လျှပ်စစ်အသုံးစရိတ်ကိုလည်း နိုင်ငံတော်ကရရှိမှာ ဖြစ်ပါတယ်” ဟု ဦးမြင့်ဇော်က ပြောကြားသည်။

ဦးမြင့်ဇော်က ဆက်လက်၍ “အစိုးရဆိုတာကတော့ ပြည်သူတွေရဲ့ အကျိုးစီးပွားကို ကာကွယ်ပေးရမှာပဲ။ ကာကွယ်ပေးရမှာပဲ ဆိုပေမယ့် တရားမ၀င်တဲ့ နည်းနဲ့တော့ ကျွန်တော်တို့ ကာကွယ်မပေးပါဘူး။ တရားဝင်နည်းနဲ့ပဲ ဥပဒေဘောင် အတွင်းကပဲ ကာကွယ်ပေးပါမယ်။ နိုင်ငံတော်က ချမှတ်ထားတဲ့ ဥပဒေတွေ နည်းဥပဒေတွေကို ကျော်လွန်ပြီးတော့ လုပ်ငန်းတွေလုပ်ရင်တော့ သူ့ထိုက်နဲ့ သူ့ကံပေါ့။ လုပ်ငန်းရှင်ကြီးကြီး သေးသေး ရွာသူရွာသားဖြစ်ဖြစ် တရားဝင်လုပ်ငန်းကို လုပ်နိုင်အောင် ကျွန်တော်တို့ အစိုးရအဖွဲ့က  ကူညီပေးသွားမှာ ဖြစ်ပါတယ်။ ဥပဒေဘောင်အတွင်းက အစွမ်းကုန် ကူညီပေးသွားမှာဖြစ်ပြီး တရားမ၀င်တဲ့ လုပ်ငန်းတွေကို လုပ်နေတဲ့ လုပ်ငန်းရှင်ကြီး ဖြစ်ပါစေ၊ ရွာသူရွာသားတွေ ဖြစ်ပါစေ၊ ကျွန်တော်တို့က ဥပဒေအရ အရေးယူ ဆောင်ရွက်သွားပြီး တရားဥပဒေဘောင် အတွင်းက ဆောက်ရွက်သွားမှာ ဖြစ်ပါတယ်” ဟု ပြောကြားသည်။

လက်ရှိတွင် မကွေးတိုင်းဒေသကြီးအတွင်း ပေါက်၊ ချောက်၊ မင်းလှ၊ သရက်မြို့နယ်များအတွင်း ရေနံလက်ယက်တွင်းများ လုပ်ကိုင်လျက်ရှိကြောင်း ထိုဒေသများမှ ထွက်ရှိသည့် ရေနံစိမ်းများကို စစ်ကိုင်းတိုင်းဒေသကြီး မုံရွာမြို့ ကျောက်ကာဒေသ၊ ဧရာဝတီတိုင်းဒေသကြီး အင်္ဂပူမြို့နယ်အတွင်းနှင့် မန္တလေးတိုင်းဒေသကြီး တံတားဦး၊ နွားထိုးကြီး စသည့်ဒေသများသို့ တင်ပို့ချက်လုပ်လျက်ရှိကြောင်း အဆိုပါ ရေနံလုပ်ငန်းများအတွက် မကွေးတိုင်းဒေသကြီး အစိုးရအဖွဲ့က မြေငှားခအဖြစ် တစ်ဧကလျှင် ကျပ် ၃၀၀၀၊ ထွက်ရှိလာသည့် ရေနံအပေါ်မှ ခိုင်ကြေးအဖြစ် ရာခိုင်နှုန်းဖြင့် ရရှိငွေ၊ ရေနံစိမ်းကို ရောင်းချသည့်အပေါ်မှ ကုန်သွယ်ခွန်တို့ကို ရရှိကြောင်း၊ ထို့ပြင် ရေနံစိမ်းများအား သယ်ယူခွင့်အတွက် ရေနံစိမ်း ဂါလန် ၅၀ ပါ တစ်ပီပါလျှင် ကျပ် ၃၀၀၀ နှုန်းရရှိကြောင်း ယင်းသို့ သယ်ယူခွင့်အတွက် ရရှိငွေများကို  တိုင်းဒေသကြီး အစိုးရအဖွဲ့၏ ငွေစာရင်းနံပါတ်ဖြင့် ဘဏ်တွင် တိုက်ရိုက်ပေးသွင်းရကြောင်း၊ အစိုးရသစ် တာဝန်ယူပြီး သုံးလခန့်အကြာ ၂၀၁၆ ခုနှစ် ဇွန် ၂ ရက်မှ ၂၀၁၈ ခုနှစ် ဇူလိုင်လကုန်အထိ ရေနံစိမ်း တစ်ပီပါလျှင် ကျပ် ၃၀၀၀ ကောက်ယူမှုမှ ကျပ်ခြောက်ဘီလျံကျော် ရရှိထားကြောင်း မကွေးတိုင်းဒေသကြီး အစိုးရအဖွဲ့ သဘာဝ သယံဇာတ၀န်ကြီး ဦးမြင့်ဇော်ထံမှ သိရသည်။

 

အောင်လံမြို့နယ်ရှိ ဘွက်ကြီးဆည် တာပေါင်မြေသားကျွံကျမှု ဖြစ်ပွားခဲ့ပြီး ဆည်ရေပိုလွှဲမှလည်း ရေကျော်နေသဖြင့် ဆည်အောက်ရှိ ကျေးရွာများကို သတိပေးထား

အောင်လံမြို့နယ်ရှိ ဘွက်ကြီးဆည်ကို တွေ့ရစဉ်

အောင်လံမြို့နယ်ရှိ ဘွက်ကြီးဆည် တာပေါင်မြေသား ကျွံကျမှုဖြစ်ပွားခဲ့ပြီး ဆည်ရေပိုလွှဲမှလည်း ရေကျော်ကျနေသဖြင့် ဆည်အောက်ရှိ ကျေးရွာများကို သတိပေးမှုများ ပြုလုပ်ထားရကြောင်း သတင်းရရှိသည်။

စက်တင်ဘာ၂ ရက် ညနေပိုင်းက အောင်လံမြို့နယ်ရှိ ဘွက်ကြီးဆည်မြေသား တာပေါင် အလျားပေ ၁၀၀ ကျော် အနံ ၄၀ ပေက ငါးပေအထိ ကျွံကျမှုဖြစ်ပွားခဲ့ပြီး ဆည်ရေပိုလွှဲကလည်း ရေကျော်မှုဖြစ်ပွားနေ၍ မကွေးတိုင်း စိုက်ပျိုးရေးဝန်ကြီး အပါအ၀င် ဆည်မြောင်းတာဝန်ရှိသူများ လာရောက် စစ်ဆေးမှုများ ပြုလုပ်နေကာ ကျွံကျသွားသည့် နေရာတွင်လည်း ပြုပြင်မှုများ ပြုလုပ်နေကြောင်း သိရသည်။

“ကထို့ပေါက် (ထူးပေါက်) ကြောင့် ဆည်အနောက်ဘက် တာဘောင်ကျွံကျ သွားတယ်လို့ သုံးသပ်မိပါတယ်။ ကျွံကျတဲ့ နေရာကိုလည်း ထပ်မကျွံကျဖို့ မိုးကာတွေ မိုးတာမျိုး ကျွံကျသွားတဲ့ နေရာတွေကို သဲအိတ်တွေနဲ့ ပြန်လည်ပြုပြင်ဖို့ လုပ်နေပါတယ်။ ဆည်ရေပိုလွှဲအပေါ်ကနေ နှစ်ပေလောက်လည်း ရေကျော်ကျမှုတွေ ရှိနေပါတယ်။ ဒါနဲ့ပတ်သတ်ပြီး စက်တင်ဘာ ၄ ရက်မှာ သက်ဆိုင်ရာ လူကြီးတွေ လာရောက်စစ်ဆေးတာ မျိုးတွေလည်း လုပ်နေပါတယ်။ ဆည်အောက်က ကျေးရွာတွေကိုတော့ သတင်းထူးရင် ထူးသလို ပြောမယ်ဆိုပြီး သတိပေးမှုတွေ လုပ်ထားပါတယ်” ဟု ဘွက်ကြီးဆည်တည်ရှိရာ ဒန်းဒေါင့်ကျေးရွာ အုပ်စုအုပ်ချူပ်ရေးမှူး ဦးတင်ကြိုင်က ပြောကြားသည်။

မကွေးတိုင်း လယ်ယာစိုက်ပျိုးရေးနှင့် ဆည်မြောင်းဝန်ကြီး ဦးဝင်းမော်ဋ္ဌေးကလည်း “တာဘောင်ကျွံကျတာက တချို့မြေသားတွေ မကောင်းလို့ ဖြစ်တာပါ။ ပြုပြင်မှုတွေလည်း လုပ်နေပါပြီ။ စိုးရိမ်စရာမရှိပါဘူး။ ရေပိုလွှဲက ရေကျော်ကျနေတဲ့လည်း မှန်ပါတယ်။ ဆည်ရေကိုလည်း နည်းသွားအောင် လုပ်သွားဖို့ ရှိပါတယ်” ဟု ပြောကြားသည်။

အဆိုပါ ဆည်ကျိုးကျမှုဖြစ်ပွားပါက ဆည်အောက်ရှိ ကျေးရွာခုနစ်ရွာကျော်အထိ ရေဘေးနှင့် ရင်ဆိုင်နိုင်ရပြီး ကျေးရွာဒေသခံများလည်း ဆည်ကျိုးကျမည်ကို စိုးရိမ်နေကြကြောင်း သိရသည်။

“၀န်ကြီးရော၊ ဆည်မြောင်းတာဝန်ရှိသူတွေရော ကွင်းဆင်းစစ်ဆေးမှုတွေ လုပ်နေပါတယ်။ သူတို့ကတော့ စိုးရိမ်စရာ မရှိဘူးလို့ ပြောကြပါတယ်။ ဒါပေမဲ့ မိုးကဆက်ရွာနိုင်တဲ့ အခြေအနေတွေကြောင့် ဆည်အောက်က ရွာတွေကို သတိထားနေကြဖို့ နှိုးဆော်ပြောထားပါတယ်” ဟု အောင်လံမြို့နယ် တိုင်းဒေသကြီး လွှတ်တော်ကိုယ်စားလှယ် ဦးအေးကျော်က ပြောကြားသည်။

အဆိုပါ ဘွက်ကြီးဆည်သည် လယ်မြေဧက ၆၉၆၆ ဧက ဆည်ရေပေး စိုက်ပျိုးနိုင်ရန်အတွက်၂၀၀၁-၂၀၀၂ ခုနှစ်ခန့်က စတင်တည်ဆောက်ခဲ့ပြီး ၂၀၁၀-၂၀၁၁ ခုနှစ်တွင် ပြီးစီးခဲ့ကြောင်း သိရသည်။

 

နတ်မောက်မြို့နယ် ကျေးရွာများတွင် ခရမ်းချဉ်သီး တစ်ပိဿာ ကျပ် ၇၀ အထိ စံချိန်တင်ဈေးကျခဲ့ပြီး မကွေး၊ ရေနံချောင်းဈေးများတွင် ခရမ်းချဉ်သီး တစ်ပိဿာ ကျပ် ၁၂၀၀ ကျော်မှ ကျပ် ၄၀၀ အထိ ဈေးကျဆင်း

နတ်မောက်မြို့နယ် ပင်းမြို့ဟောင်းအနီး ခရမ်းချဉ်ခြံကို တွေ့ရစဉ်

မကွေးတိုင်းဒေသကြီး နတ်မောက်မြို့နယ် ပင်းမြို့ဟောင်းနှင့် အနီးတစ်ဝိုက် ခရမ်းချဉ်သီး အဓိက စိုက်ပျိုးသည့် ကျေးရွာများတွင် သြဂုတ် ၂၀ ရက်ကျော်မှစ၍ ခရမ်းချဉ်သီး တစ်ပိဿာ ကျပ် ၇၀ အထိ စံချိန်တင်ဈေးကျခဲ့ပြီး မကွေးမြို့နှင့် ရေနံချောင်းမြို့ပေါ်ရှိ ဈေးများတွင် ခရမ်းချဉ်သီး တစ်ပိဿာလျှင် ကျပ် ၁၂၀၀ ကျော်မှ ကျပ် ၄၀၀ အထိ ဈေးကျဆင်းခဲ့ကြောင်း ဒေသခံများထံမှ သိရသည်။

နတ်မောက်မြို့နယ်အတွင်း ရွာမွန်ကျောက်ပန်းတောင်း ကားလမ်းနံဘေးနှင့် ပင်းမြို့ဟောင်း ၀န်းကျင်ရှိ ကျေးရွာများတွင် မိုးဦးကျရာသီမှစ၍ ထိုင်ဝမ်ခရမ်းချဉ်နှင့် မြန်မာခရမ်းချဉ်များ စိုက်ပျိုးလေ့ရှိကြောင်း၊ ယခုနှစ် ခရမ်းချဉ်သီးပေါ်စ ရာသီတွင် ထိုင်ဝမ်ခရမ်းချဉ်သီး တစ်ပိဿာလျှင် ကျပ် ၇၀ ဈေးအထိ စံချိန်တင် ဈေးကျဆင်းခဲ့ကြောင်း မြန်မာခရမ်းချဉ်သီးသည် တစ်ပိဿာလျှင် ကျပ် ၃၀၀ ကျော် ဈေးရှိကြောင်း သိရသည်။

“အရင်နှစ်တွေကလည်း ခရမ်းချဉ်သီးပေါ်ချိန်ဆို ဈေးကျတာမျိုးတွေ ရှိခဲ့ဖူးပါတယ်။ အခုနှစ်မှာတော့ တစ်ပိဿာကို ကျပ် ၇၀ အထိ ကျဆင်းတာက အဆိုးဆုံး အခြေအနေပါ။ ဒါပေမဲ့ ခရမ်းချဉ်သီး အ၀ယ်ဒိုင်တွေက ကျေးရွာတွေအထိ ကားနဲ့လာကောက်ကြတော့ တောင်သူတွေအတွက် နည်းနည်းခံသာပါတယ်။ ဒီအတိုင်း လွှင့်ပစ်ရမယ့်အတူတူ လုပ်အားခပဲ ရရဆိုပြီး ခူးရောင်းကြရတာပါ။ စိုက်ပျိုးစဉ်က ကုန်ကျခဲ့တဲ့ စရိတ်တွေနဲ့ ချိန်ထိုးကြည့်ရင်တော့အား လုံးအရှုံးပြကြပါတယ်” ဟု ပင်းမြို့ဟောင်းမှ စိုက်ပျိုးရေး ပညာရှင် ဦးအောင်ချိုမြတ်က ပြောကြားသည်။

ယင်းသို့ ဈေးကျမှုများကြောင့် မကွေးမြို့နှင့် ရေနံချောင်းမြို့ပေါ်ရှိ ဈေးများတွင် သြဂုတ်လဆန်းပိုင်းက ခရမ်းချဉ်သီး တစ်ပိဿာလျှင် ကျပ် ၁၂၀၀ ကျော်အထိ ဈေးရှိခဲ့ရာမှ သြဂုတ် ၂၈ ရက်တွင် ခရမ်းချဉ်သီး တစ်ပိဿာလျှင် ကျပ် ၄၀၀ ဈေးအထိ လက်လီဈေးရှိကြောင်း၊ နတ်မောက်မြို့နယ်အတွင်း ကျေးရွာအချို့တွင် မြန်မာခရမ်းချဉ်မျိုးကို ခူးဆွတ်ပြီးစမှ နှစ်ပတ်လည် နီးပါးအထိ အထားခံနိုင်ရန် သိုလှောင်သည့်နည်းများ ရှိသောကြောင့် ဈေးကွက်မတည်ငြိမ်မှုကို ခံနိုင်ရည်ရှိကြောင်း ဒေသခံတောင်သူများထံမှ သိရသည်။

 

အောင်လံတွင် သွေးလွန်တုပ်ကွေး ဖြစ်ပွားသူ ၁၂၀ ကျော်အထိ ရှိလာပြီး ယခင်နှစ်များကထက် သွေးလွန်တုပ်ကွေး ဖြစ်ပွားမှုနှုန်း မြင့်တက်နေ

အောင်လံမြို့ပေါ်ရှိ ဆေးခန်းတစ်ခုတွင် ကျန်းမာရေး စောင့်ရှောက်မှုခံယူရန် လာရောက်သူအချို့အား တွေ့ရစဉ်

မကွေးတိုင်းဒေသကြီး အောင်လံမြို့နယ်တွင် သွေးလွန်တုပ်ကွေး ဖြစ်ပွားသူ ၁၂၀ ကျော်အထိရှိလာပြီး ယခင်နှစ်များကထက် သွေးလွန်တုပ်ကွေး ဖြစ်ပွားမှုနှုန်း မြင့်တက်နေကြောင်း သတင်းရရှိသည်။

ပြီးခဲ့သည့်နှစ်က အောင်လံမြို့နယ်တွင် သွေးလွန်တုပ်ကွေး ဖြစ်ပွားသူ ၁၀၀ ကျော်သာရှိခဲ့ပြီး သွေးလွန်တုပ်ကွေးကြောင့် သေဆုံးသူ လေးဦးအထိ ရှိခဲ့ကြောင်း ယခုနှစ်တွင် ယခင်နှစ်ကထက် သွေးလွန်တုပ်ကွေးဖြစ်ပွားမှု မြင့်တက်နေသော်လည်း ရောဂါကြောင့် သေဆုံးသူ မရှိသေးကြောင်း အောင်လံမြို့နယ် ပြည်သူ့ဆေးရုံအုပ်ကြီး ဒေါက်တာမျိုးလွင်က ပြောကြားသည်။

“တုပ်ကွေးနဲ့ ပြည်မှာသွားကုရင်လည်း ပြည်ဆေးရုံကနေ ဒီကိုလှမ်းချိတ်တယ်ပေါ့။ အောင်လံကလူနာ တက်ရောက်နေတယ်ပေါ့။ နောက်ပြီး ပြင်ပဆေးခန်းတွေနဲ့လည်း ချိတ်ဆက်ထားပါတယ်။ အခုနှစ်က ဖြစ်ပွားတဲ့ လူဦးရေ ပိုများလာတယ် ဆိုတာက စစ်ဆေးတဲ့ ကိရိယာအစိုးရက ဆေးရုံကို ၈၀ လောက် ချထားပေးတာဆိုတော့ များများစစ်တော့ တွေ့တယ်ပေါ့။ လောလောဆယ် စာရင်းတွေအရ ဖြစ်ပွားတဲ့လူ ၁၂၄ ဦးရှိပါတယ်။ သေဆုံးသူတော့ မရှိသေးပါဘူး” ဟု ၎င်းက ပြောကြားသည်။

ကျန်းမာရေးဌာနမှ ဦးဆောင်၍ ဇွန်လမှစတင်ပြီး အောင်လံမြို့နယ်အတွင်း ကျေးရွာရပ်ကွက်များအား အပတ်စဉ် စနေနေ့တိုင်း သွေးလွန်တုပ်ကွေး ကာကွယ်ရေး လုပ်ငန်းများဖြစ်သည့် အဘိတ်ဆေးခတ်ခြင်း၊ ဖုံးသွန်လဲစစ် လုပ်ငန်းများနှင့် ပတ်ဝန်းကျင် သန့်ရှင်းရေး လုပ်ငန်းများကို ဆောင်ရွက်ပေးလျက်ရှိကြောင်း သိရသည်။

ကံမမြို့နယ်တွင် သုံးရက်အတွင်း ရခိုင်ပြည်နယ်ဘက်မှ ခိုးဝင်လာသည့် ဘင်္ဂါလီ ၁၂ ဦး ဖမ်းမိ

ဖမ်းဆီးရမိသည့် ဘင်္ဂါလီအချို့ကို တွေ့ရစဉ်

မကွေးတိုင်းဒေသကြီး ကံမမြို့နယ်တွင် ဇွန်၂၁ ရက်နှင့် ၂၃ ရက်များက ရခိုင်ပြည်နယ်ဘက်မှ ခိုးဝင်လာသည့် ဘင်္ဂါလီ ၁၂ ဦး ဖမ်းဆီးရမိခဲ့ကြောင်း သတင်းရရှိသည်။

ဇွန်၂၁ ရက် ညနေပိုင်းက ကံမမြို့နယ် ကြို့ပင်ကျေးရွာအုပ်စု အထက်မီးပေါက် ကျေးရွာအနီးရှိ တောအုပ်အတွင်း သတင်းပေးချက်အရ ခိုးဝင်ဘင်္ဂါလီများ ရောက်ရှိနေကြောင်း သိရှိခဲ့ရပြီး ရဲတပ်ဖွဲ့မှ သွားရောက် ဖမ်းဆီးခဲ့ရာ ဘင်္ဂါလီလူမျိုး အမျိုးသား ကိုးဦးနှင့် အမျိုးသမီး နှစ်ဦး၊ စုစုပေါင်း ၁၁ ဦးတို့ကို လမ်းပြခေါ်ဆောင်လာသူ လေးဦးနှင့်အတူ တွေ့ရှိဖမ်းဆီးရမိခဲ့ခြင်း ဖြစ်ကြောင်း သိရသည်။

ဖမ်းဆီးရမိသည့် ဘင်္ဂါလီများမှာ ရခိုင်ရိုးမကိုဖြတ်ပြီး ၀င်ရောက်လာခြင်းဖြစ်ကြောင်း သိရသည်။

“ဇွန် ၂၁ရက်က ဘင်္ဂါလီ ၁၁ ဦးနဲ့ အခကြေးငွေယူပြီး လိုက်ပါပို့ဆောင်သူ လေးဦး ဖမ်းမိခဲ့ပါတယ်။ ရခိုင်ပြည်နယ်ဘက်ကနေ ရိုးမကိုဖြတ်ပြီး ၀င်လာကြတာပါ။ သူတို့က ရန်ကုန်ကိုသွားပြီး အလုပ်လုပ်ဖို့ လာကြတယ်လို့ ကနဦး စုံးစမ်းသိရပါတယ်။ ဒီနေ့ (ဇွန် ၂၃ ရက်) နံနက်ပိုင်းကလည်း ဘင်္ဂါလီတစ်ယောက် ထပ်မိပါတယ်။ သူတို့အားလုံးကိုအမှုဖွင့် စစ်ဆေးမှုတွေ လုပ်နေပါတယ်” ဟု ကံမမြို့နယ် ရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။

လက်ရှိတွင် ဖမ်းဆီးရမိသည့် ဘင်္ဂါလီ ၁၂ ဦးကို လ၀က ဥပဒေဖြင့် အမှုဖွင့် စစ်ဆေးလျက်ရှိပြီး လိုက်ပါပို့ဆောင်သူ လေးဦးအား ရာဇသတ်ကြီးပုဒ်မ ၃၆၇ ဖြင့် အမှုဖွင့်စစ်ဆေးမှုများ ပြုလုပ်နေကြောင်း သိရသည်။

မြန်မာနိုင်ငံသို့ ခိုးဝင်လျက်ရှိသည့် ဘင်္ဂါလီများကို မြန်မာနိုင်ငံ အလယ်ပိုင်းဒေသများတွင် ဖမ်းဆီးရမိလျက်ရှိပြီး အချို့မှာ မလေးရှားတွင် အလုပ်သွားလုပ်ရန် ခိုးဝင်ကြခြင်းဖြစ်ကြောင်း သိရသည်။

ရခိုင်အကြမ်းဖက် တိုက်ခိုက်ခံရမှု အပြီးတွင် ခိုးဝင်ဘင်္ဂါလီအများဆုံး ဖမ်းဆီးရမိမှုမှာ ဇွန်လအစောပိုင်းက ရခိုင်ပြည်နယ်တွင် ဖမ်းဆီးရမိခဲ့သည့် ဖြစ်စဉ်ဖြစ်ပြီး ယင်းဖြစ်စဉ်တွင် ခိုးဝင်ဘင်္ဂါလီ ၁၀၀ ကျော်ကို ဖမ်းဆီးရမိခဲ့ခြင်း ဖြစ်ကြောင်း သိရသည်။

 

အောင်လံတွင် မြို့နယ်အားကစားနှင့် ကာယပညာကော်မတီ ဥက္ကဋ္ဌဖလား ဘောလုံးပြိုင်ပွဲ ဗိုလ်လုပွဲကျင်းပစဉ် နှစ်ဖက်အသင်း ပရိသတ်များ ခိုက်ရန်ဖြစ်ပွားကာ ခုနစ်ဦးဆေးရုံရောက်

မကွေးတိုင်းဒေသကြီး အောင်လံမြို့တွင် မြို့နယ်အားကစားနှင့် ကာယပညာကော်မတီ ဥက္ကဋ္ဌဖလား ဘောလုံးပြိုင်ပွဲ ဗိုလ်လုပွဲကျင်းပစဉ် နှစ်ဖက်အသင်း ပရိသတ်များ ခိုက်ရန်ဖြစ်ပွားကာ ခုနစ်ဦး ဒဏ်ရာရရှိခဲ့ပြီး အောင်လံပြည်သူ့ဆေးရုံကြီးတွင် ဆေးကုသမှု ခံယူခဲ့ရကြောင်း သိရသည်။

အောင်လံမြို့နယ် အားကစားကွင်းတွင် ဇွန် ၈ ရက် ညနေပိုင်းက မိုးဖုံးကျေးရွာ ဘောလုံးအသင်းနှင့် မြင့်မိုရ်စံ FC (တန်ဘိုးကျေးရွာ ပန်းမတကျေးရွာနှင့် ရွာထောင်ရပ်ကွက် ပူးပေါင်းအသင်း) မြို့နယ်အားကစားနှင့် ကာယပညာ ကော်မတီဥက္ကဋ္ဌဖလား အသက် ၁၇ နှစ် အောက် အမျိုးသားဘောလုံးပွဲ ဗိုလ်လုပွဲစဉ်တွင် နှစ်ဖက်အသင်း ကစားသမားများ အချင်းများရာမှတစ်ဆင့် နှစ်ဖက်အသင်းပရိသတ်များ ခိုက်ရန် ဖြစ်ပွားခဲ့ကြောင်း သိရသည်။

“ဖြစ်တာကတော့ ကစားသမားအချင်းချင်း ကွင်းထဲမှာ ခိုက်ရန်ဖြစ်ကြတာပေါ့။ ကစားသမားတွေဖြစ်တော့ အပြင်က ပရိသတ်တွေပါ ခိုက်ရန်ဖြစ်ခဲ့တာပေါ့။ တုတ်တွေ၊ အုတ်ခဲတွေနဲ့ တစ်ဖက်နဲ့တစ်ဖက် ရိုက်ကြပေါက်ကြတယ်။ ခံရတဲ့လူကလည်း သွေးတွေရဲလို့။ ဆေးရုံရောက်သွားတဲ့ လူတွေလည်း အများကြီးပဲ။ နောက်ဆုံးမှ ရဲတပ်ဖွဲ့က သေနတ်တွေ၊ ဒိုင်းတွေ ထုတ်ပြီးတော့ လူစုခွဲခဲ့ရတယ်” ဟု ဖြစ်စဉ်ကို မျက်မြင်တွေ့သူ အောင်လံမြို့ခံ ကိုဝေဖြိုးက ပြောကြားသည်။

“တစ်ဖက်နဲ့တစ်ဖက် ရိုက်ကြပေါက်ကြလို့ တန်ဘိုးကျေးရွာက လူခုနစ်ဦး ဆေးရုံရောက်သွားကြတယ်။ ဒဏ်ရာတွေကတော့ မစိုးရိမ်ရပါဘူး။ ရန်ပွဲကို ရဲတပ်ဖွဲ့က လူစုခွဲခဲ့ရပါတယ်။ လက်ရှိတော့ ဒီဖြစ်စဉ်နဲ့ ပတ်သက်ပြီး အမှုဖွင့် အရေးယူမှုတွေ လုပ်ဖို့ရှိပါတယ်” ဟု အောင်လံမြို့နယ် ရဲစခန်းတာဝန်ရှိသူ တစ်ဦးက ပြောကြားသည်။

 

မိုးသည်းထန်စွာ ရွာသွန်းပြီး ချောင်းရေကြီးမှုကြောင့် အောင်လံမြို့ နယ် စခန်းကြီးကျေးရွာ သင်္ချိုင်းမှ အုတ်ဂူများ ချောင်းရေတိုက်စား ပျက်စီးမှုဖြစ်ပွား

ချောင်းရေတိုက်စားမှုကြောင့် ပျက်စီးသွားသည့် စခန်းကြီးကျေးရွာ သင်္ချိုင်းမှ အုတ်ဂူများကို တွေ့ရစဉ် (ဓာတ်ပုံ-အောင်လံမြို့နယ်ရဲတပ်ဖွဲ့)

မကွေးတိုင်းဒေသကြီးတွင် ဇွန် ၁ ရက် ညနေပိုင်းက မိုးသည်းထန်စွာ ရွာသွန်းမှုကြောင့် အောင်လံမြို့နယ် ကျောက်ပန်းတောင်းကျေးရွာအုပ်စု စခန်းကြီးကျေးရွာ သင်္ချိုင်းကုန်းရှိ အုတ်ဂူများ ချောင်းရေနောက် မျောပါပျက်စီးမှု ဖြစ်ပွားခဲ့ကြောင်း သတင်းရရှိသည်။

စခန်းကြီးကျေးရွာရှိ သင်္ချိုင်းကုန်းချောင်းမှ ချောင်းရေကြီးမှုကြောင့် ကျေးရွာ င်္ချိုင်းကုန်းမှ အုတ်ဂူရှစ်လုံးခန့်အထိ ချောင်းရေတိုက်စား ပျက်စီးခဲ့ကြောင်း ဒေသခံများက ပြောကြားသည်။

ထိုသို့ချောင်းရေကြောင့် သင်္ချိုင်းပျက်စီးမှုမှာ ယခင်က မဖြစ်ပွားခဲ့ဖူးကြောင်း ယခုနှစ်မှသာ ဖြစ်ပွားခဲ့ခြင်း ဖြစ်ကြောင်း သိရသည်။

“ညက မိုးများလို့ ဒီဘက်မှာ လမ်းတွေ ဘာတွေ ပျက်သွားတာမျိုးတွေလည်း ရှိပါတယ်။ စခန်းကြီးရွာက သင်္ချိုင်းကုန်းက အုတ်ဂူတွေ ချောင်းရေကြီးလို့ ချောင်းရေကြောင့် ပျက်စီးတာမျိုးတွေ ဖြစ်သွားခဲ့ပါတယ်။ အရင်က ဒီလိုမျိုး တစ်ခါမှ မဖြစ်ဖူးပါဘူး။ အခုမှ ဖြစ်တာပါ။ အုတ်ဂူပျက်သွားတော့ သင်္ချိုင်းထားတဲ့ တချို့ရုပ်အလောင်းတွေ ပေါ်တာမျိုး ရှိပါတယ်။ ဒါတွေကိုလည်း သေသွားတဲ့ လူတွေရဲ့ ဆွေမျိုးတွေက ပြန်လည်ပြုပြင် သင်္ဂြိုဟ်တာမျိုးတွေ လုပ်နေပါတယ်” ဟု ကျောက်ပန်းတောင်း ကျေးရွာအုပ်စု အုပ်ချုပ်ရေးမှူး ဦးမျိုးမြင့်က ပြောကြားသည်။

အဆိုပါ ချောင်းရေကြီးပြီး သင်္ချိုင်းပျက်စီးမှုနှင့် ပတ်သက်ပြီး သက်ဆိုင်ရာ တာဝန်ရှိသူများက သင်္ချိုင်းမှ အုတ်ဂူရှစ်လုံးခန့်အထိ ပျက်စီးခဲ့ပြီး ကာလတန်ဖိုး ကျပ် ၁၅၀၀၀၀ ခန့်အထိ ဆုံးရှုံးခဲ့ကြောင်း ပြောကြားသည်။

 

နွေကာလ ဥစားကြက်ဥနှုန်း ကျဆင်းမှုကြောင့် ဥစားကြက်ခြံပိုင်ရှင်များ တွက်ခြေကိုက်မှုနည်းပါး

သရက်ခရိုင်အတွင်းရှိ ကြက်မွေးမြူရေး ခြံတစ်ခြံကို တွေ့ရစဉ်

မကွေးတိုင်းဒေသကြီး သရက်ခရိုင်အတွင်းရှိ မြို့နယ်များ၌ ဥစားကြက်ခြံများ ရာသီဥတုပူပြင်းလာမှုကြောင့် ကြက်ဥနှုန်းကျဆင်းလာသဖြင့် ကြက်ခြံပိုင်ရှင်များ တွက်ခြေကိုက် မှုနည်းပါးလာကြောင်း သိရသည်။

ယခင်မိုးရာသီနှင့် ဆောင်းရာသီများ၌ ဥစားကြက် အကောင် ၁၀၀၀ လျှင် တစ်နေ့ပျမ်းမျှဥအလုံး ၉၀၀ ခန့်အထိ ဥနိုင်သော်လည်း နွေကာလရာသီဥတုပူပြင်းမှုကြောင့် ကြက်အကောင်ရေတစ်ထောင်လျှင် တစ်နေ့ပျမ်းမျှ ကြက်ဥ ၆၀၀ ကျော်ခန့်အထိ ဥနှုန်းကျဆင်းလာမှုကြောင့် ယခင်ကာလများကထက် တွက်ခြေကိုက်မှုနည်းပါးလာကြောင်း ကြက်ခြံပိုင်ရှင်များက ပြောကြားသည်။

“ကြက်အကောင် ၁၀၀၀ ကို ဆောင်းတွင်းမိုးတွင်းတို့မှာဆိုရင် တစ်နေ့အလုံး ၉၀၀ လောက်အထိ ဥနှုန်းရှိတယ်။ အခုနွေကာလမှာဆိုရင် ကြက် ၁၀၀၀ ကို တစ်နေ့အလုံးရေ ၆၀၀ ကျော်လောက်ပဲ ဥနှုန်းရှိတယ်။ ဥနှုန်းကျ တယ်ဆိုပေမဲ့ ကြက်ဥဈေးလေး တက်လာတော့ ခံသာသေးတယ်ပေါ့။ ကြက်ဥဈေးတက်လာတာလည်း ဥထွက်နှုန်းကျလာလို့ပေါ့။ အခုနောက်ပိုင်း ကြက်စာဈေးလေးလည်း တက်လာတယ်။ အလုပ်ကတော့ မှေးလုပ်နေရတာပေါ့။ ဆောင်းတို့ မိုးတို့တုန်းကဆိုရင် ကြက်အကောင်ရေ ၁၀၀၀ ရှိရင်။ တစ်နေ့ကိုယ့်အတွက် ငွေ ၂၀၀၀၀ လောက်တော့ ကျန်တယ်။ အခုရာသီကတော့ ၁၀၀၀၀ တောင် မကျန်ချင်ဘူး” ဟု အောင်လံမြို့မှ ကြက်ခြံပိုင် ရှင်ဒေါ်ကြင်သိန်းက ပြောကြားသည်။

ပြီးခဲ့သည့်ကာလက ကြက်ငှက်တုပ်ကွေးရောဂါ ဖြစ်ပွားမှုသတင်းများကြောင့် ဥစားကြက်ခြံပိုင်ရှင်များ ကြက်ဥမရောင်းရသဖြင့် တချို့ကြက်ခြံများတွင် ကြက်ဥများပုပ်သွားသည်အထိ ထားရှိခဲ့ရပြီး အရှုံးပေါ်ခဲ့ရကြောင်း ဆင်ပေါင်ဝဲမြို့နယ်ရှိ ကြက်ခြံပိုင်ရှင်တစ်ဦးက ဆိုသည်။

လက်ရှိဈေးကွက်အတွင်း ကြက်ဥအသေးအကြီး အရွယ်အစားပေါ်မူတည်ပြီး ကြက်ဥတစ်လုံးလျှင် အနည်းဆုံး ၁၀၀ မှအများဆုံး ၁၂၀ ခန့်အထိ ပေါက်ဈေးရှိနေပြီး ယခင်ကာလကြက်ဥတစ်လုံးလျှင် ကျပ် ၈၀ ခန့်အထိ အများဆုံးဈေးရှိခဲ့ကြောင်း သိရသည်။

 

ရွှေစက်တော်ပွဲတော်ချိန်က မန်းချောင်းအတွင်း အပန်းဖြေစခန်း ဖွင့်သောကြောင့် ရေအရင်းအမြစ်ဥပဒေဖြင့် တရားစွဲဖမ်းဆီးခံထားရသည့် ကဗျာဆရာ လူပအောင်အမှု မင်းဘူးခရိုင် တရားရုံးသို့ အာမခံလျှောက်ထားရာ ပယ်ချခံရ

မကွေးတိုင်းဒေသကြီး မင်းဘူးမြို့နယ် ရွှေစက်တော်ပွဲတော်ချိန်က မန်းချောင်းအတွင်း အပန်းဖြေစခန်း ဖွင့်သောကြောင့် ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဥပဒေပုဒ်မ ၂၅ ဖြင့် တရားစွဲဖမ်းဆီး ခံထားရသည့် ဦးကိုကိုအောင် (ခေါ်) ကဗျာဆရာ လူပအောင်အတွက် မင်းဘူးခရိုင်တရားရုံးသို့ အာမခံလျှောက်ထားမှုကို မေ ၁၅ ရက်က ပယ်ချခံခဲ့ရကြောင်း ၎င်း၏ရှေ့နေ ဦးကျော်ဝဏ္ဏထွန်းထံမှ သိရသည်။

ကိုလူပအောင်အား ရွှေစက်တော်ဘုရား၏ အနောက်တောင်ဘက် မီးပျံကျသောင်တွင် မန်းသီတာအမည်ဖြင့် ခွင့်ပြုချက်မရှိဘဲ အပန်းဖြေစခန်း ဖွင့်လှစ်သည် ဟုဆိုကာ မကွေးတိုင်းဒေသကြီး ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာန လက်ထောက်ညွှန်ကြားရေးမှူး ဦးတေဇာထွန်းက တရားလိုပြု၍ မြစ်ကြောင်း ဖြိုးဥပဒေဖြင့် အမှုဖွင့်ထားခြင်းဖြစ်ကြောင်း ထိုအမှုကို မင်းဘူးမြို့နယ်တရားရုံးမှ ရာဇသတ်ကြီး အမှုအမှတ် ၃၃၇/၂၀၁၈ဖြင့် လက်ခံခဲ့ကြောင်း မင်းဘူးမြို့ နယ် တရားရုံးတွင် အာမခံနှစ်ကြိမ် လျှောက်ထားခဲ့စဉ်ကလည်း ပယ်ချခံခဲ့ရသောကြောင့် မင်းဘူးခရိုင် တရားရုံးသို့ ဧပြီ ၁၉  ရက်က အာမခံထပ်မံ လျှောက်ထားခဲ့ရာ ထပ်မံပယ်ချ ခံခဲ့ရကြောင်း သိရသည်။

“ကိုလူပအောင်အတွက် အာမခံလျှောက်ထားမှုမှာ ဆေးစာမှာလည်း ဆရာဝန်က ခွဲစိတ်မယ့်ရက် အတိအကျ မပါဘူး။ အောက်ရုံးကလည်း သက်သေကိုးယောက်တောင် စစ်ပြီးသွားပြီ။ အောက်ရုံးကလည်း အမှုကို မြန်မြန်ဆန်ဆန် စစ်ပေးနေတယ်။ နှောင့်နှေးကြန့်ကြာအောင် လုပ်မနေဘူးဆိုပြီး ခရိုင်ရုံးက ပယ်ချလိုက်ပါတယ်။ ကျွန်တော်တို့က အထက်ကို အာမခံဆက်တက်လို့ ဆက်ကြာနေခဲ့တာပါ။ အောက်ရုံးမှာ ဆက်စစ်ရင်တော့ အမှုကပြီးပါပြီ။ ကျွန်တော်တို့ဘက်က တဲတွေဆောက်တာကိုလည်း မဆောက်ဘူးလို့ ငြင်းမထားပါဘူး။ အာမခံပေးလို့ရတဲ့ အမှုကို မပေးဘဲ အထက်ရုံးကလည်း အောက်ရုံးအမိန့်ကိုပဲ အတည်ပြုခဲ့ပါတယ်” ဟု ရှေ့နေ ဦးကျော်ဝဏ္ဏထွန်းက ပြောကြားသည်။

အဆိုပါအမှု၏ တရားလိုဖြစ်သည့် ဦးတေဇာထွန်းက “ဒီအမှုမှာက ဥပဒေပုဒ်မ၂၃ (ခ) ကို ကျူးလွန်တဲ့အတွက် ကိုလူပအောင်ကို တရားစွဲဆိုတာပါ။ မန်းရွှေစက်တော်မှာ ပေးထားတာတွေက အစိုးရအဖွဲ့က အစည်းအဝေး ထိုင်ပြီးတော့ ပေးထားတာတွေပါ။ အခုတိုင်ကြား ထားတာကတော့ တရားမ၀င်တဲ့ဟာ ဆိုပြီးတော့ အစိုးရအဖွဲ့ကိုတိုင်တယ်။ အစိုးရအဖွဲ့ကနေမှ ကျွန်တော်တို့ကို ညွှန်ကြားလာခဲ့တာပါ” ဟု ၎င်းအား စတင်စစ်ဆေးသည့်နေ့က ပြောကြားခဲ့သည်။

ကဗျာဆရာ လူပအောင်သည် ငဖဲစောင်းတန်းအခြေ ရွှေစက်တော်ဘုရား ၀တ္တကနယ်မြေနှင့် ကင်းလွတ်သည့် မီးပျံကျသောင်ပြင်တွင် အပန်းဖြေစခန်းတစ်ခု ဖွင့်လှစ်ရန် ရွှေစက်တော်ပွဲတော် မကျင်းပမီကတည်းက သောင်ပြင်ကို စီမံခန့်ခွဲခွင့် ရှိသူများနှင့်လည်း တိုင်ပင်ခဲ့ပြီး ရွှေစက်တော်ဘုရား ဂေါပကအဖွဲ့နှင့် မကွေးတိုင်းဒေသကြီး အစိုးရအဖွဲ့တို့ထံ လုပ်ငန်းအတွက် စာတင်ခဲ့ကြောင်း၊ ထို့နောက် ငဖဲမြို့မှ ရွှေစက်တော် ဘုရားသို့ သွားလာသည့်လမ်းတွင် မန်းချောင်းကိုဖြတ်ကူးသည့် တံတားတစ်စင်း တည်ဆောက်၍ ငဖဲစောင်းတန်း အတက်တွင်လည်း မြေနီကားလမ်းတစ်ခု ဖောက်လုပ်ခဲ့ကြောင်း သိရသည်။

ထို့ပြင် ငဖဲစောင်းတန်းခြေတွင် တဲများဆောက်လုပ်၍ မန်းသီတာ အမည်ဖြင့် အပန်းဖြေစခန်းတစ်ခု ဖွင့်လှစ်ခဲ့ကြောင်း ထိုသို့စတင် ဖွင့်လှစ်ခဲ့စဉ်က မန်းသီတာ အပန်းဖြေစခန်းအထိ ရွှေစက်တော် ဘုရားပွဲတော်တွင်းမှ လျှပ်စစ်မီး သွယ်တန်းပေးခဲ့သော်လည်း ပြန်လည်ဖြုတ်သိမ်းသွားခဲ့ကြောင်း ရွှေစက်တော်ပွဲတော် စတင်ချိန်တွင် ဘုရားဂေါပကအဖွဲ့မှ ကိုလူပအောင်၏ လုပ်ငန်းများကို ပိတ်သိမ်းရန် နှစ်ကြိမ်အကြောင်းကြားခဲ့ပြီး မင်းဘူးမြို့နယ် အထွေထွေ အုပ်ချုပ်ရေးမှူးရုံးတွင်လည်း တစ်ကြိမ် တွေ့ဆုံဆွေးနွေးခဲ့ကြောင်း သိရသည်။

 

ရေစကြိုမြို့နယ် ဗလဗကျေးရွာမှာ ဧရာဝတီမြစ်ရေ မြင့်တက်လာသည့်အတွက် ကမ်းပြိုမှု ကြုံတွေ့နေရပြီး ပုဂ္ဂလိက အလှူရှင်များ လှူဒါန်းသည့်ငွေဖြင့် ကမ်းပြိုကာကွယ်ရေး လုပ်ဆောင်နေသော်လည်း အကူအညီများ လိုအပ်နေ

မြစ်ရေတိုက်စားမှုကြောင့် ပြိုကျပျက်စီးနေသည့် မြစ်ကမ်းပါးနှင့် နီးကပ်နေပြီဖြစ်သည့် ဗလဗကျေးရွာမှ ဘုန်းတော်ကြီးကျောင်းအား တွေ့ရစဉ်

ရေစကြိုမြို့နယ် ဗလဗကျေးရွာမှာ ယခုမေလလယ်ပိုင်းတွင် ဧရာဝတီမြစ်ရေ မြင့်တက်လာသည့် အတွက် ကမ်းပြိုမှု စတင်ကြုံတွေ့နေရပြီး ပုဂ္ဂလိက အလှူရှင်များမှ လှူဒါန်းသည့် ကျပ် ၁၂၇ သိန်းဖြင့် ကမ်းပြိုကာကွယ်ရေး လုပ်ဆောင်နေသော်လည်း အကူအညီများ လိုအပ်နေသေးကြောင်း ဒေသခံများက ပြောကြားသည်။

ဧရာဝတီမြစ်ရေ ရေစီးကြောင်းမှာ ကျေးရွာဆီသို့ ဦးတည်စီးဆင်းလာခြင်းကြောင့် ကမ်းပြိုမှု စတင်ကြုံတွေ့ရခြင်းဖြစ်ပြီး ရေလမ်းကြောင်း ပြောင်းလဲစီးဆင်းရန်အတွက် ပုဂ္ဂလိက အလှူရှင်များမှ လှူဒါန်းသည့် ကျပ် ၁၂၇ သိန်းဖြင့် သဲသောင်ပြင်များအား တူးဖော်ခြင်းများ လုပ်ဆောင်နေကြောင်း သိရသည်။

ရေလမ်းကြောင်း ပြောင်းလဲစီးဆင်းစေရန် တူးဖော်ရမည့် သဲသောင်ပြင်မှာ ကြီးမားကျယ်ပြန့်သည့် အတွက် ပုဂ္ဂလိကအလှူရှင်များမှ လှူဒါန်းသည့် ကျပ် ၁၂၇ သိန်းဖြင့် လုံလောက်အောင် မဆောင်ရွက်နိုင်ခြင်းကြောင့် အခက်အခဲများ ကြုံတွေ့နေရခြင်းဖြစ်ကြောင်း သိရသည်။

“မြစ်ချောင်းဖြိုးကနေ သောင်တူးစက် ဘက်ဟိုး အကူအညီပေးတယ်။ လိုအပ်တဲ့ ဒီဇယ်အတွက် ထိုင်းနိုင်ငံ ဓမ္မိကရာမ ဖောင်ဒေးရှင်းအဖွဲ့ကနေ ၁၂၇ သိန်း လှူဒါန်းထားပါတယ်။ အဲဒီငွေနဲ့ သောင်တူးတဲ့လုပ်ငန်း ဆောင်ရွက်နေတာ ဖြစ်ပါတယ်။ ၁၂၇ သိန်းနဲ့ လုပ်ငန်းဘယ်လောက်မှ ပြီးမှာမဟုတ်ဘူး။ ရွာနဲ့ ရှေးဟောင်းစေတီက ဒီနှစ်မြစ်ရေတက်မှာတောင့် ခံနိုင်ဖို့ဆိုရင် ငွေလိုအပ်ပါတယ်။ ရွာအထက်မှာရှိတဲ့ ကမ်းပါးတွေက စပြိုနေပါပြီ” ဟု ဗလဗကျေးရွာမှ ဦးအေးမောင်ထွန်းက ပြောကြားသည်။

ဗလဗကျေးရွာအနီး ဧရာဝတီမြစ်ကမ်းပါးပြိုကျမှု သက်သာစေရန် ပြီးခဲ့သည့် ဒီဇင်ဘာလအတွင်း မကွေးတိုင်း ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနက ရေစီးအရှိန်တန့် စတီးကေဘယ်ကြိုး ပိုက်တန်းများ ချထားပေးခဲ့သော်လည်း ကမ်းပြိုမှုမှာ ရပ်တန့်ခြင်း မရှိသေးကြောင်း သိရသည်။

ပြီးခဲ့သည့် ၂၀၁၇ ခုနှစ် မြစ်ရေတက်နှင့် ရေကျကာလများတွင် မြစ်ရေတိုက်စားမှုကြောင့် ဗလဗကျေးရွာမှ နေအိမ် ၆၈ လုံး ရွှေ့ပြောင်းရသည့်အပြင် စိုက်ပျိုးမြေ ဧက ၇၀၀ ကျော် ပြိုကျပျက်စီးခဲ့ပြီး ကျန်နေအိမ်များမှာလည်း မြစ်ကမ်းနှင့် နီးကပ်လျက်ရှိကြောင်း သိရသည်။

“မနှစ်ကတော့ တစ်ပတ်အတွင်း အိမ် ၆၀ ကျော် ပြောင်းရတယ်။ ရွာအိမ်ခြေရဲ့ သုံးပုံတစ်ပုံလောက် ပါသွားတယ်။ စိုက်ပျိုးမြေလည်း ပြိုစကနေ ဒီနေ့ထိဆိုရင် ကုန်သလောက် ဖြစ်နေပြီ။ အခုလည်း ကမ်းကစပြိုနေပြီ။ ဒီတိုင်း ဆက်ပြိုနေမယ်၊ မနှစ်က ရေတက်ချိန်လိုမျိုးရောက်ရင် လက်ကျန်အိမ် အားလုံးလောက် ပြောင်းရနိုင်တယ်။ အရေးပေါ် ကမ်းပြိုကာကွယ်ရေးအတွက် လိုအပ်ချက်တွေက တော့ရှိတယ်” ဟု ဗလဗကျေးရွာမှ ကိုအောင်မျိုးထက်က ပြောကြားသည်။

ပြီးခဲ့သည့် မြစ်ရေတက်နှင့် ရေကျကာလတွင် ကမ်းပြိုမှု သက်သာစေရန် ကမ်းပါးခြေတွင် သစ်ပင်သစ်ကိုင်းများအား ကြိုးဖြင့် ချည်ချခြင်း၊ သဲအိတ်စီခြင်းများအား ရပ်ရွာလုပ်အားဖြင့် ကျပ်သိန်း ၃၀ ကျော် အကုန်ကျခံ လုပ်ဆောင်ခဲ့ရကြောင်း သိရသည်။

ကမ်းပြိုမှုကြောင့် စိုက်ပျိုးမြေဧက ၇၀၀ ခန့် ဆုံးရှုံးခဲ့သည့်အပြင် ဖျက်သိမ်းရသည့် အိမ်များမှာလည်း စိုက်ပျိုးမြေများအား ၀ယ်ယူတည်ဆောက်ရပြီး ယခုနှစ်တွင် ဗလဗကျေးရွာမှာ စိုက်ပျိုးရေးလုပ်ငန်း လုပ်ကိုင်ရန် မြေအများအပြား လျော့နည်းသွားကြောင်း သိရသည်။

ဗလဗကျေးရွာရှိ အခြေခံပညာ အထက်တန်းကျောင်းမှာ အနီးနား ကျေးရွာများအားလုံးမှ ကလေးငယ်များ ပညာသင်ကြားနေသည့် ကျောင်းဖြစ်ပြီး အဆိုပါ အထက်တန်းကျောင်းနှင့် ကမ်းပါး နီးကပ်လာသည့်အတွက် ကမ်းပြိုကာကွယ်ရေး လုပ်ငန်းများ အလျင်အမြန် လုပ်ဆောင်ရန် လိုအပ်ကြောင်း ဒေသခံများက ပြောကြားသည်။

ဧရာဝတီမြစ်နှင့် ချင်းတွင်းမြစ်မှာ ရေစကြိုမြို့နယ် ဗလဗကျေးရွာ အထက်ပိုင်းတွင် ပေါင်းစုံစီးဆင်းသည့်အတွက် ရေစီးပြင်းထန်ပြီး ပြီးခဲ့သည့် ၂၀၁၄ ခုနှစ်တွင် ဗလဗရွာအနီးရှိ ငမြာကြီးကျေးရွာမှာ ရွာလုံးကျွတ်ရွှေ့ပြောင်းမှု ပြုလုပ်ခဲ့ရသည်။