တစ်ပတ်အတွင်း မူးယစ်ဆေးဝါး အမှုပေါင်း ၃၅၇ မှုတွင် တရားခံ ၅၂၄ ဦးအား ဖမ်းဆီးရမိကြောင်း နိုင်ငံတော်သမ္မတရုံး ထုတ်ပြန်

တစ်ပတ်အတွင်း မူးယစ်ဆေးဝါး အမှုပေါင်း ၃၅၇ မှုတွင် တရားခံ ၅၂၄ ဦးအား ဖမ်းဆီးရမိခဲ့ကြောင်း နိုင်ငံတော်သမ္မတရုံးမှ စက်တင်ဘာ ၁၇ ရက်တွင် ထုတ်ပြန်သည်။

ထုတ်ပြန်ချက်တွင် မူးယစ်ဆေးဝါး အထူးသတင်းတိုင်ကြားရေးဌာနသို့ တိုင်ကြားပေးပို့သော သတင်းများကို စီစစ်ဖော်ထုတ် အရေးယူခဲ့သည့်အပြင် မြန်မာနိုင်ငံ ရဲတပ်ဖွဲ့တို့မှ သီးခြားရရှိသော မူးယစ်ဆေးဝါးသတင်းများအပေါ် စိစစ်ဖော်ထုတ်ခြင်း၊ နယ်စပ်ပူးပေါင်း စစ်ဆေးဂိတ်များတွင် ပိတ်ဆို့ရှာဖွေ စစ်ဆေးခြင်း၊ နယ်မြေရှင်းလင်းခြင်း၊ သတင်းအရ မော်တော်ယာဉ်၊ ဆိုင်ကယ်များကို ရှာဖွေစစ်ဆေးခြင်းများ ဆောင်ရွက်ခဲ့ရာ စက်တင်ဘာ ၉ ရက် မှ ၁၅ ရက်အထိ မူးယစ်အမှုပေါင်း ၃၅၇ မှုတွင် တရားခံကျား ၄၅၃ ဦး၊ မ ၇၁ ဦး စုစုပေါင်း ၅၂၄ ဦးအား ဘိန်းဖြူ ၁၂၂၃၀ ဒသမ ၉၆ ဂရမ်၊ အိုက်စ် ၈၇၁၉၉ ဒသမ ၄၉ ဂရမ်၊ ဘိန်း ၁၃၀၅၁၅ ဒသမ ၅ ဂရမ်၊ အဆင့်နိမ့်ဘိန်း ၁၁၂ ဒသမ ၉ ဂရမ်၊ ဘိန်းစာမှုန့် ၁၃၀၈၀ ဂရမ်တို့ကို ဖမ်းဆီးရမိခဲ့ကြောင်း သိရသည်။

ထို့ပြင် စိတ်ကြွဆေးပြား ၁၀၂၇၉၂၆ ဂရမ်၊ စိတ်ကြွဆေးပြား အကြေမှုန့် ၂၉ ဒသမ ၇ ဂရမ်၊ ဆေးခြောက် ၈၈၈ ဒသမ ၇ ဂရမ်၊ ဘိန်းဆီခဲ ၃၃ ဒသမ ၂၃ ဂရမ်၊ အက်စ်တက်စီ ဆေးပြား ၈၆၅ ပြား၊ အက်စ်တက်စီ ပုံဆောင်ခဲ ၉၈၀၀ ဂရမ်၊ ကတ်တမင်း ၂၉၀ ဒသမ ၅၃ ဂရမ်၊ ကတ်တမင်းအရည် တစ်လီတာ၊ ကဖင်း ၁၆၈၀၀၀၀ ဂရမ်၊ သေနတ်မျိုးစုံ ခုနစ်လက်၊ ကျည်မျိုးစုံ ငါးတောင့်၊ ကျည်အိမ် တစ်ခုတို့ ကိုသိမ်းဆည်းရမိခဲ့ကြောင်း သိရသည်။

မူးယစ်ဆေးဝါးများ ပိုမို ဖမ်းဆီးရမိနိုင်ရေးနှင့် စပ်လျဉ်းပြီး ပြည်ထဲရေးဝန်ကြီးဌာန နှင့် တိုင်းဒေသကြီး ပြည်နယ်အစိုးရအဖွဲ့များသို့ တိုင်ကြားနိုင်သည့်အပြင် ထူးခြားသည့် ကိစ္စရပ်များနှင့် ကြီးမားသည့် မူးယစ်ဆေးဝါး ရောင်း၊၀ယ်မှုကိစ္စရပ်များကို နိုင်ငံတော်သမ္မတရုံး၏ မူးယစ်ဆေးဝါး အထူးသတင်း တိုင်ကြားရေးဌာနသို့လည်း တိုင်ကြားနိုင်ကြောင်း သိရသည်။

ယင်းသို့ တိုင်ကြားရာတွင် သတင်းပေး တိုင်ကြားသူများ၏ ကိုယ်ရေးအချက်အလက်များကို လှို့ဝှက်ထားမည်ဖြစ်ပြီး ဖမ်းဆီးရမိသည့် တန်ဖိုးပေါ်မူတည်ကာ ဆုကြေးငွေများကိုလည်း သတ်မှတ်ထားကြောင်း နိုင်ငံတော်သမ္မတရုံးက ထုတ်ပြန် ကြေညာထားသည်။

သြဂုတ် ၁၉ ရက်မှ ၂၅ ရက်အတွင်း မူးယစ်တရားခံ ၄၇၀ ကျော် ဖမ်းဆီးရမိခဲ့ပြီး နိုင်ငံခြားသားများလည်း ပါဝင်

သြဂုတ် ၁၉ ရက်မှ ၂၅ ရက်အတွင်း မူးယစ်တရားခံ ၄၇၀ ကျော် ဖမ်းဆီးရမိခဲ့ပြီး နိုင်ငံခြားသားများလည်း ပါဝင်ကြောင်း နိုင်ငံတော်သမ္မတရုံးမှ သြဂုတ် ၂၇ ရက်တွင် ထုတ်ပြန်ထားသည်။

ထုတ်ပြန်ချက်တွင် နေပြည်တော်၌ မူးယစ်ဆေးဝါး သယ်ဆောင်ရောင်းချသူ တရားခံ ထွန်းထွန်းဦး (ခ) စည်သူ (ခ) ပြောင်ကြီးအား ဖမ်းဆီးရမိပြီး ၎င်းတည်းခိုသော ဟိုတယ်ဇုန် နှစ်ခုရှိ ဟိုတယ် ရွှေဂုံတိုင်၊ အခန်း ၂၂၁ အတွင်းမှ စိတ်ကြွဆေးပြား ၁၂၆ ပြား၊ အိုက်စ် ၇၀ ဒသမ၂ ဂရမ်ဖြင့် လည်းကောင်း၊ နယ်စပ်ဒေသများ ဖြစ်သည့် ရှမ်းပြည်နယ်အတွင်း မဘိမ်းမြို့နယ်၊ လ၀ါကျေးရွာအုပ်စု၊ ဒေသအခေါ် (ကျောက်လုံးကြီး) တောတွင်း၌ မသင်္ကာဖွယ် တဲများအား ရှင်းလင်းရာ တရားခံ အမျိုးသား သုံးဦးထံမှ ဘိန်းဖြူ ၃ ဂရမ်၊ စိတ်ကြွဆေးပြား ၄၀၂၀၀ ပြား၊ တူးမီးသေနတ် နှစ်လက်၊ ပင်ကြိမ်ကျေးရွာမှ တရားခံအမျိုးသား တစ်ဦးထံမှ စိတ်ကြွဆေးပြား ၂၀၀၊ ဘိန်းဖြူ တစ်ဂရမ်၊ တူမီးသေနတ် တစ်လက်တို့ကို ဖမ်းဆီးရမိခဲ့ကြောင်း သိရသည်။

ယင်းအပြင် နိုင်ငံခြားသားများ ပါဝင်သည့် ဖမ်းဆီးရမိမှုဖြစ်စဉ် နှစ်ခုရှိခဲ့ကြောင်း၊ ရှမ်းပြည်နယ်၊ တာချီလိတ်မြို့၌ တရားမ၀င် ၀င်ရောက်နေထိုင်သည့် ထိုင်းနိုင်ငံသား လေးဦးအား စိတ်ကြွဆေးပြား ၈၀၊ အိုက်စ် ၅၃ ဒသမ ၅ ဂရမ်၊ ပစ္စတိုသေနတ် နှစ်လက်၊ ၎င်းကျည် ၃၂ တောင့်၊ ကျည်အိမ် သုံးခု၊ ကရင်ပြည်နယ်၊ ကြာအဆင်းဆိပ်ကြီးမြို့နယ်၊ ဘုရားသုံးဆူမြို့၌ တရားခံ အမျိုးသား လေးဦး (ထိုင်းတစ်ဦး၊ မြန်မာသုံးဦး)နှင့် အမျိုးသမီးတစ်ဦးထံမှ စိတ်ကြွဆေးပြား ၅၂၅၂ ပြား၊ အိုက်စ် ၁၃၃၀ ဒသမ ၅၂ ဂရမ်၊ ပစ္စတိုသေနတ် တစ်လက်၊ ၎င်းကျည် ၁၆ တောင့်၊ ကျည်အိမ် တစ်ခုတို့ကို ဖမ်းဆီးရမိခဲ့ကြောင်း၊ လက်နက်နှင့်အတူ ဖမ်းဆီးရမိခဲ့သည့် ဖြစ်စဉ်သုံးခု ရှိခဲ့ပြီး တရားခံအမျိုးသား ခြောက်ဦးထံမှ ဘိန်းဖြူ ၆၉ ဒသမ ၃ ဂရမ်၊ ဘိန်းစိမ်း ၈၅ ဂရမ်၊ စိတ်ကြွဆေးပြား ၁၀၉၀ ပြား၊ လက်နက်မျိုးစုံ ငါးလက်၊ ကျည်မျိုးစုံ ၃၅၇ တောင့်၊ ကျည်အိမ် တစ်ခုအား လည်းကောင်း၊ ပြန်လည်ခုခံသဖြင့် ပစ်ခတ် ဖမ်းဆီးရမိမှု ဖြစ်စဉ် တစ်ခုရှိခဲ့ပြီး အဆိုပါ ဖြစ်ပွားမှုသည် စစ်ကိုင်းတိုင်းဒေသကြီး၊ ဗန်း မောက်မြို့နယ်၊ သောင်းကြီးကျေးရွာတွင် သတင်းအရ ဖော်ထုတ် ဖမ်းဆီးရာ တရားခံ အမျိုးသားနှစ်ဦးက ရဲတင်းဖြင့် ခုခံခြင်း၊ ၎င်းတို့ထံမှ တူမီးသေနတ်ဖြင့် ပစ်ခတ်ရန် ပြုလုပ်ခြင်းတို့ကြောင့် ပစ်ခတ် ဖမ်းဆီးခဲ့ရကြောင်း သိရသည်။

ဆက်လက်ပြီး သီးခြားဖော်ထုတ် ဖမ်းဆီးမှု စုစုပေါင်းအနေဖြင့် သြဂုတ် ၁၉ ရက်မှ ၂၅ ရက်အထိ မူးယစ်အမှုပေါင်း ၃၃၅ မှု၊ တရားခံ ၄၇၆ ဦးကို မူးယစ်ဆေးဝါးများ ချက်လုပ်ရာတွင် အသုံးပြုသည့် ပစ္စည်းများ နှင့် သိမ်းဆည်း ရမိခဲ့ကြောင်း သတင်းထုတ်ပြန်ချက်တွင် ဖော်ပြထားသည်။