တရုတ်ယွမ်ငွေ ဈေးကျဆင်းမှုကြောင့် ရန်ကုန်နှင့်ဧရာဝတီတိုင်းဒေသကြီးတို့မှ ဆန်များ မူဆယ်ကုန်စည်ဒိုင်မှတစ်ဆင့် တရုတ်သို့တင်ပို့ရာတွင် အမြတ်အစွန်းနည်းနေဟုဆို

မူဆယ် ၁၀၅ မိုင် ကုန်သွယ်ရေးဇုန်ကို တွေ့ရစဉ်

ကမ္ဘာ့ငွေကြေးဈေးကွက်တွင် တရုတ်ယွမ်ငွေဈေး ကျဆင်းမှုကြောင့် ရန်ကုန်နှင့် ဧရာဝတီတိုင်းဒေသကြီးတို့မှ ထွက်ရှိသည့် ဆန်များ မူဆယ်ကုန်စည်ဒိုင်မှတစ်ဆင့် တရုတ်နိုင်ငံသို့ တင်ပို့ရာ၌ အမြတ်အစွန်းနည်း နေကြောင်း  မူဆယ် ၁၀၅ မိုင်ကုန်သွယ်ရေးဇုန် တာဝန်ခံ၊ ညွှန်ကြားရေးမှူးဦးတင်ရဲဝင်းက ပြောကြားသည်။

“ငွေလဲလှယ်နှုန်းအပေါ်မူတည်ပြီးတော့ ကျွန်တော်တို့နိုင်ငံက ရောင်းချတဲ့ ဆန်စပါးအမျိုးအစားပေါ်မူတည်ပြီး ကိုက်ခြင်းမကိုက်ခြင်းက အဖြေတစ်ခုဖြစ်ပါတယ်။ ဥပမာအားဖြင့် ဧရာဝတီ၊ ရန်ကုန်လိုနေရာမျိုးက သယ်လာတဲ့ ဆန်စပါးသည်  သယ်ယူပို့ဆောင်ရေး စရိတ်များလာရင် မကိုက်ဘူး။ မကွေး၊ ရွှေဘို ဘက်က သယ်လာတဲ့ဆန်မျိုးကတော့ သယ်ယူပို့ဆောင်စရိတ်နည်းတဲ့အတွက် ပိုပြီးကိုက်ပါတယ်။ ဒါက သက်ဆိုင်ရာကုန်သည်များက သယ်ယူလာတဲ့လမ်းကြောင်းနဲ့ သူတို့ရဲ့ ကုန်ကျစရိတ်ပေါ်မူတည်ပြီးတော့ ကွဲနိုင်ပါတယ်” ဟု ညွှန်ကြားရေးမှူး ဦးတင်ရဲဝင်းက ပြောကြားသည်။

လက်ရှိအချိန်တွင် အပြောင်းအလဲ ဖြစ်ပေါ်နေသောငွေဈေးနှုန်းနှင့် ဆန်စပါးဈေးနှုန်းများကို လေ့လာတွက်ချက်မှုများ အစဉ်မပြတ် ဆောင်ရွက်လျက်ရှိကြောင်း သိရသည်။

“ပြီးခဲ့တဲ့ရက်ပိုင်းကလည်း ဧပြီနဲ့မေလမှာရှိတဲ့ ဆန်စပါးဈေးနဲ့ လက်ရှိငွေလဲလှယ်နှုန်းနဲ့ ဆန်ဈေးနှုန်းများကို Analysis လုပ်ထားပါတယ်” ဟု ၎င်းက ဆက်လက်ပြောကြားသည်။

လက်ရှိမူဆယ်ကုန်စည်ဒိုင်တွင် ဆန်အရောင်းအ၀ယ်ဖြစ်မှုပမာဏသည် နေ့စဉ်ဆန် ကားအရေအတွက်ရာဂဏန်းနှင့်ချီကာ အရောင်းအ၀ယ်ဖြစ်နေကြောင်း သိရသည်။

မြန်မာနိုင်ငံအနေဖြင့် ပြည်ပသို့ ဆန်တင်ပို့ရာတွင် ပင်လယ်ရေကြောင်းနှင့် နယ်စပ်ကုန်သွယ်ရေးစခန်း နှစ်ခုစလုံးမှ တင်ပို့နေခြင်းဖြစ်ပြီး နယ်စပ်တင်ပို့မှုပမာဏသည် စုစုပေါင်းတင်ပို့မှု၏ ထက်ဝက်ကျော်ပမာဏရှိ သည်။ ယင်းသို့ နယ်စပ်မှဆန်တင်ပို့ရာ၌ အများစုမှာ မူဆယ်နယ်စပ်မှတစ်ဆင့် တရုတ်နိုင်ငံသို့ တင်ပို့နေခြင်းဖြစ်ကြောင်း သိရသည်။

၂၀၁၈-၂၀၁၉ ဘဏ္ဍာနှစ် ဇူလိုင် ၂၇ ရက်အထိ ဆန်နှင့် ဆန်ကွဲပြည်ပတင်ပို့မှု တန်ချိန် ၈ ဒသမ ၀၂ သိန်းကျော် (၈၀၂၂၁၂ ဒသမ ၅၇ တန်) ရှိပြီး တန်ဖိုးဒေါ်လာ ၂၇၇ သန်းကျော် (ဒေါ်လာ ၂၇၇ ဒသမ ၇၇၅ သန်း) ရရှိခဲ့ကြောင်း  စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စာရင်းများအရ သိရသည်။

လက်ရှိဘဏ္ဍာနှစ် လေးလနီးပါးကာလအတွင်း ပင်လယ်ရေကြောင်းကုန်သွယ်မှုမှ ဆန်နှင့် ဆန်ကွဲတန်ချိန် ၃၅၈၁၇၀ ကျော်၊ နယ်စပ်ကုန်သွယ်မှုမှ ဆန်နှင့် ဆန်ကွဲ တန်ချိန် ၄၄၄၀၁၄ ကျော် တင်ပို့ခဲ့ခြင်းဖြစ်သည်။

၂၀၁၇-၂၀၁၈ ဘဏ္ဍာနှစ်အတွင်း ပြည်ပဈေးကွက်သစ်များတိုးချဲ့ရရှိမှုတို့ကြောင့် ပင်လယ်ရေကြောင်းကုန်သွယ်မှုမှ ဆန်တင်ပို့မှုမှာ ယခင်နှစ်များထက် မြင့်တက်လာပြီး စုစုပေါင်းဆန်တင်ပို့မှု၏ ၄၈ ရာခိုင်နှုန်းအထိ ရှိလာခဲ့သည်။

မြန်မာ့ဆန်စပါးကဏ္ဍအတွက် ဦးစားပေးဆောင်ရွက်မည့် ရည်မှန်းချက်အရ လာမည့် သုံးနှစ်အတွင်း ဆန်တန်ချိန် လေးသန်းအထိ ပြည်ပသို့တိုးမြှင့်တင်ပို့နိုင်ရန် ရည်မှန်းထားပြီး ၀င်ငွေ ဒေါ်လာ ၁ ဒသမ ၅ ဘီလျံ အထိရရှိနိုင်ကြောင်း မြန်မာနိုင်ငံဆန်စပါး အသင်းချုပ်မှ သိရသည်။

 

မူဆယ်မြို့သို့ တင်ပို့ရာတွင် ကုန်စည် သယ်ယူစရိတ်ကြီးမြင့်ခြင်းနှင့် ကုန်သည်များက သကြားတင်ပို့မှုကို ပိုမိုဆောင်ရွက်နေသည့်အတွက် ပြည်တွင်းဆန်အရောင်းအ၀ယ်အေးပြီး တရုတ်သို့ဆန်တင်ပို့မှုလည်း လျော့နည်းနေ

မူဆယ်မြို့သို့တင်ပို့ရာတွင် ကုန်စည်သယ်ယူစရိတ်ကားခ ဈေးကြီးမြင့်ခြင်းနှင့် မူဆယ်ဘက်မှ ကုန်သည်များက သကြားတင်ပို့မှုကို ပိုမိုဆောင်ရွက်နေသည့်အတွက် ပြည်တွင်းဈေးကွက်အတွင်း ဆန်ရောင်းဝယ်အေးကာ နယ်စပ်မှတစ်ဆင့် တရုတ်နိုင်ငံသို့ ဆန်တင်ပို့မှု လျော့နည်းနေကြောင်း ဘုရင့်နောင် ဆန်ကုန်စည်ဒိုင်မှ သိရသည်။

“မူဆယ်ဘက်သွားတဲ့ ကားခတွေက ဈေးတက်တယ်၊ မူဆယ်မှာ သကြားသမားတွေက သကြားလုပ်ပြီး ဆန်သိပ်မလုပ်တော့ သကြားဘက်အားသန်ပြီး အ၀ယ်သိပ်မရှိဘူး။ ပင်လယ်ရေးကြောင်းက သင်္ဘောတွေက နောက်ဆုတ်တော့ ဂိုဒေါင်တွေ ကျပ်ငွေတွေ ကျပ်တော့ အ၀ယ် နည်းနည်းအေးနေတယ်” ဟု ဘုရင့်နောင်ဆန်ကုန်စည်ဒိုင် အတွင်းရေးမှူး ဦးသန်းဦးက ပြောကြားသည်။

မြန်မာ-တရုတ်နယ်စပ် မူဆယ်မြို့သို့ ကုန်စည်သယ်ယူပို့ဆောင်ရန်တွင် သယ်ယူစရိတ်ကားခသည် တစ်တန်ကို နှစ်သောင်း အထိမြင့်တက်ခဲ့ပြီး လက်ရှိတွင် ရန်ကုန်မှ မူဆယ်မြို့သို့ သယ်ယူပို့ဆောင်ခသည် တစ်တန်ကို ရှစ်သောင်းအထိ ရှိနေကြောင်း ဘုရင့်နောင်ကုန်စည်ဒိုင်မှ သိရသည်။

သို့သော်လည်း တရုတ်နိုင်သို့ တင်ပို့ရာတွင် ဆန်ဈေးသည် ပုံမှန်အတိုင်းသာရရှိနေခြင်းကြောင့် တရုတ်နိုင်သို့ သကြားတင်ပို့မှုကို ပြန်လည်ခွင့်ပြုခဲ့သည့် ဇွန်လအလယ်မှ စတင်၍ မူဆယ်နယ်စပ်ရှိ ကုန်သည်မျာအနေဖြင့် သကြားတင်ပို့မှုကိုသာ ပိုမိုလုပ်ကိုင်နေခြင်းဖြစ်ကြောင်း သိရသည်။

တရုတ်နိုင်ငံသို့ တင်ပို့နေသည့် ဆန်အမျိုးအစားသည် ပြည်တွင်း၌ စားသုံးနေသည့် ဆန်အမျိုးအစားဖြစ်ပြီး တရုတ်နိုင်ငံ၏ ၀ယ်လိုအားပေါ်မူတည်က ပြည်တွင်းဆန်ဈေးနှုန်းသည်လည်း အတက်အကျရှိကြောင်း သိရသည်။

ပြီးခဲ့သည့် မေလအတွင်းကလည်း ပင်လယ်ရေကြောင်းမှ အဓိကတင်ပို့နေသော ၂၅ မှတ်ဆန် ဈေးကွက်အတွင်းသို့ ၀င်ရောက်မှုနည်းလာသည့်အတွက် ၂၅ မှတ် ဆန်တစ်အိတ်ကို ၂၀၅၀၀ ကျပ်အထိ မြင့်တက်ခဲ့ကြောင်း ဘုရင့်နောင်ဆန်ကုန်စည်ဒိုင်မှ သိရသည်။

နယ်စပ်ဒေသတည်ငြိမ်ရေးကို ဖျက်ဆီးသောအပြုအမူများနှင့် မြန်မာနိုင်ငံ ပြည်တွင်းငြိမ်းချမ်းရေးဖြစ်စဉ်အား တမင်နှောင့်ယှက်သော အပြုအမူများကို ပြတ်ပြတ်သားသား ဆန့်ကျင်ကြောင်း မြန်မာနိုင်ငံဆိုင်ရာ တရုတ်သံရုံး ထုတ်ပြန်

ထိခိုက်ဒဏ်ရာရရှိသူများအား မူဆယ်ဆေးရုံတွင် တွေ့ရစဉ် (ဓာတ်ပုံ-ထွန်းကိုကို)

တရုတ်-မြန်မာ နယ်စပ်ဒေသတည်ငြိမ်ရေးကို ဖျက်ဆီးသော အပြုအမူများနှင့် မြန်မာနိုင်ငံ ပြည်တွင်းငြိမ်းချမ်းရေးဖြစ်စဉ်ကို တမင်သက်သက်နှောင့်ယှက်သော အပြုအမူများကို မိမိတို့သည် ပြတ်ပြတ်သားသား ဆန့်ကျင်နေကြောင်း မြန်မာနိုင်ငံဆိုင်ရာ တရုတ်သံရုံးက မေ ၁၃ရက်တွင် ကြေညာချက် ထုတ်ပြန်သည်။

မေ ၁၂ ရက်တွင် မြန်မာတပ်မတော်နှင့် ရဲတပ်ဖွဲ့သည် တရုတ်နိုင်ငံနှင့် နီးကပ်သော မြန်မာနိုင်ငံမြောက်ပိုင်း မူဆယ်ဒေသတွင် အချို့တိုင်းရင်းသားလက်နက်ကိုင်အဖွဲ့နှင့် စစ်ရေးပဋိပက္ခ ဖြစ်ပွားနေခြင်းကြောင့် မြန်မာနိုင်ငံသား အထိအခိုက်အကျအဆုံးရရှိစေပြီး အချို့နယ်စပ်အရပ်သူ၊ အရပ်သားများသည် တရုတ်နိုင်ငံအတွင်းသို့ ထွက်ပြေးတိမ်းရှောင်ခဲ့ကြောင်း၊ ထို့ပြင် အချို့ကျည်ဆန်များသည် တရုတ်နိုင်ငံအတွင်းသို့ ကျလာနေကြောင်း၊ ပြည်ထောင်စုသမ္မတ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံရုံးသည် ၎င်းအကြမ်းဖက်မှုကို ပြစ်တင်ရှုတ်ချ၍ သက်ဆိုင်ရာအရပ်သားများ၏ အပြစ်မရှိသေဆုံးခြင်းအတွက် ၀မ်းနည်းကြောင်းကို ဖော်ပြလိုက်သည်ဟု ကြေညာချက်တွင် ပါရှိသည်။

ထို့ပြင် တရုတ်ဘက်သည် မြန်မာနိုင်ငံသက်ဆိုင်ရာကို တည်ကြည်လေးနက်စွာ ဆက်စပ်ညှိနှိုင်းပြီး စစ်ရေးပဋိပက္ခနှင့် သက်ဆိုင်သည့် အဘက်ဘက်များသည် ချုပ်တည်းခြင်းကို ထိန်းသိမ်း၍ အပစ်အခတ်ချက်ချင်း ရပ်စဲကြောင်း၊ အဘက်ဘက်သည် စစ်ရေးပဋိပက္ခ ကြီးကျယ်လာမှုကို ရှောင်ရှားရန် ထိရောက်တိကျဆော ဆောင်ရွက်ချက်ကို လုပ်ကိုင်ဆောင်ရွက်ကြောင်း၊ တရုတ်- မြန်မာနယ်စပ်ဒေသ၏ တည်ငြိမ်အေးချမ်းမှုကို မြန်နိုင်သလောက် ပြန်လည်ရရှိပြီး တရုတ်နယ်စပ်ဒေသ အရပ်သားများ၏ အသက်၊ ဘ၀နှင့်ဥစ္စာဓနလုံခြုံမှုကို ကာကွယ်စောင့်ရှောက်ကြောင်း စသည်တို့ကို တောင်းဆိုလိုက်သည်ဟု ကြေညာချက်တွင် ဖော်ပြထားသည်။

ယခုအခါတွင် မြန်မာနိုင်ငံ အဘက်ဘက်သည် တတိယအကြိမ်မြောက် ၂၁ ရာစု ပင်လုံညီလာခံကို အာရုံစိုက်ပြင်ဆင်ပြုလုပ်နေကြောင်း၊ တရုတ်နိုင်ငံသည်လည်း မြန်မာဘက်၏ လိုအပ်ချက်နှင့်အညီ တက်တက်ကြွကြွ ကူညီထောက်ပံ့နေကြောင်း၊ တရုတ်-မြန်မာ နယ်စပ်ဒေသတည်ငြိမ်ရေးကို ဖျက်ဆီးသော အပြုအမူများနှင့် မြန်မာနိုင်ငံ ပြည်တွင်းငြိမ်းချမ်းရေးဖြစ်စဉ်ကို တမင်သက်သက်နှောင့်ယှက်သော အပြုအမူများကို ကျွန်တော်တို့သည် ပြတ်ပြတ်သားသား ဆန့်ကျင်နေကြောင်း ကြေညာချက်တွင် ပါရှိသည်။

သက်ဆိုင်ရာအဘက်ဘက်များသည် ညှိနှိုင်းဖလှယ်ခြင်း၊ အပြန်အလှန်ယုံကြည်မှုကို တိုးမြှင့်ခြင်း၊ တူညီသောဦးတည်ချက်သို့ ချီတက်ခြင်းများကို အကောင်အထည်ဖော် ဆောင်ရွက်ပြီး မြန်မာနိုင်ငံ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဖြစ်စဉ်ကို အပြုသဘောဆောင် အခန်းကဏ္ဍကို ဆောင်ရွက်ရပါသည်ဟု မေတ္တာရပ်ခံပန်ကြားအပ်ကြောင်း ကြေညာချက်တွင် ဖော်ပြပါရှိသည်။

ရှမ်းပြည်နယ်မြောက်ပိုင်း မူဆယ်မြို့တွင် တအန်းလက်နက်ကိုင်အဖွဲ့ (TNLA) အဖွဲ့က ၀င်ရောက်ပစ်ခတ်မှုကြောင့် ဒေသခံအရပ်သား အမျိုးသား ၁၃ ဦး၊ အမျိုးသမီးနှစ်ဦး၊ ရဲအရာရှိတစ်ဦး၊ ပြည်သူ့စစ်သုံးဦး စုစုပေါင်း ၁၉ ဦး သေဆုံးခဲ့ပြီး အရပ်သားအမျိုးသား ၁၇ ဦး၊ အမျိုးသမီးတစ်ဦး၊ ရဲတပ်ဖွဲ့ဝင်သုံးဦး၊ ပြည်သူ့စစ်ခြောက်ဦး စုစုပေါင်း ၂၇ ဦး ဒဏ်ရာရရှိခဲ့ကြောင်း နိုင်ငံတော်အတိုင်ပင်ခံရုံးဝန်ကြီးဌာန ညွှန်ကြားရေးမှူးချုပ် ဦးဇော်ဌေးက ၎င်း၏ လူမှုကွန်ရက်စာမျက်နှာတွင် မေ ၁၂ ရက်က ရေးသားထားသည်။

အဆိုပါဖြစ်စဉ်နှင့်ပတ်သက်၍ တပ်မတော်ကာကွယ်ရေးဦးစီးချုပ်ရုံးက မေ ၁၂ ရက်က သတင်းထုတ်ပြန်ခဲ့ရာတွင် TNLA အဖွဲ့သာမက ကချင်လက်နက်ကိုင်အဖွဲ့ (KIA) လည်း ပစ်ခတ်တိုက်ခိုက်မှုတွင်ပါဝင်ကြောင်း ဖော်ပြထားသည်။

မြောက်ပိုင်း မဟာမိတ် တပ်ပေါင်းစုမှ (TNLA) က မူဆယ်မြို့ကို ၀င်ရောက် ပစ်ခတ်မှုကြောင့် တိုက်ပွဲများ ဖြစ်ပွားခဲ့ပြီ အရပ်သား ၁၅ ဦး အပါအ၀င် ၁၉ ဦး သေဆုံး

Photo: မူဆယ်ဂရုဏာ လူမှုကူညီရေးအသင်း

ရှမ်းပြည်နယ် မြောက်ပိုင်း ၊ မူဆယ်မြို့ကို မေလ ၁၂ ရက် နံနက်ပိုင်းက မြောက်ပိုင်းမဟာမိတ် တပ်ပေါင်းစု မှ (TNLA) က ၀င်ရောက် ပစ်ခတ် တိုက်ခိုက်ခဲ့မှုကြောင့် တိုက်ပွဲများ ဖြစ်ပွားခဲ့ပြီး ရဲအရာရှိ တစ်ဦး၊ ပြည်သူ့စစ် ၃ ဦးနှင့် အပြစ်မဲ့ပြည်သူ ၁၅ ဦး အပါအ၀င် စုစုပေါင်း ၁၉ ဦး သေဆုံးမှု ဖြစ်ပွားခဲ့ကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေး၏ Facebook ထုတ်ပြန်ချက်အရ သိရသည်။

ယနေ့ နံနက် ၅ နာရီ ၁၅ မိနစ် ခန့်တွင် အင်အား ၁၀၀ ခန့် ရှိသော TNLA အဖွဲ့ သည် ပန်ခမ်းတံတား လုံခြုံရေး ရဲကင်းကို အလစ်အငိုက်ယူ တိုက်ခိုက်ခဲ့ကြောင်းနှင့် (ကနဦးတင်ပြချက်အရ TNLA ဖြစ်သော်လည်း မြေပြင်သတင်းများအရ KIA လည်းပါသည်ဟု ဆိုကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေး၏ Facebook ထုတ်ပြန်ချက်တွင် ပါရှိခဲ့သည်။ ထို့နောက် ရဲကင်း လုံခြုံရေးတာဝန်ကျ ရဲတပ်ဖွဲ့ဝင် ၃+၁၅ ဦးနှင့် ပန်ဆေးပြည်သူ့စစ် ၄ ဦး၊ မြို့မပြည်သူ့စစ် ၁၀ ဦးတို့က ပြန်လည် ပူးပေါင်း တိုက်ခိုက်ခဲ့ကြောင်း ပန်ခမ်းတံတားတစ်ဖက် မြို့မပြည်သူ့စစ် လုံခြုံရေးယူထားသော ဘန်ကာကို TNLA တို့ ရယူသွားသောကြောင့် ပြည်သူ့စစ် ၅ ဦးသည် ရဲတပ်ဖွဲ့ဝင်များနှင့် ပူးပေါင်းပြီး ပြန်လည် ခုခံခဲ့ကြောင်း ဦးဇော်ဌေးက ရေးသားခဲ့သည်။

ထို တိုက်ခိုက်မှုတွင် ဒုရဲအုပ် ဇော်ရဲနိုင် ကျဆုံးခဲ့ရပြီး၊ ရဲတပ်ကြပ်ကြီး ချမ်းမြေ့၊ ရဲတပ်သား ကျော်စွာမင်း၊ ရဲတပ်သား စိုင်းညီငယ်တို့ ဒဏ်ရာ ရရှိခဲ့ကြောင်း ထို့ပြင် ဦးဇော်လင်း၊ ဦးနိုင်၊ ဦးသက်နိုင်ဦး၊ ဝမ်ခမ်မို၊ ဦးစိုင်းလူမောင်တို့ ဒဏ်ရာရရှိခဲ့ကြောင်း ဦးဇော်ဌေးက ဆိုသည်။

၈ နာရီ ၁၀ မိနစ်ခန့်တွင် TNLA အဖွဲ့သည် ယာဉ်ရပ်နားကွင်းရှိ မော်တော်ယာဉ်တစ်စီးကို မီးရှို့ဖျက်ဆီးပြီး တံတားတောင်ဘက် တောင်ကြောပေါ် ဆုတ်ခွာသွားခဲ့ကြောင်းနှင့် တပ်မတော်က လိုက်လံ ရှင်းလင်း ချေမှုန်းလျက် ရှိကြောင်း ဦးဇော်ဌေး၏ ထုတ်ပြန်ချက်တွင် ပါရှိခဲ့သည်။

TNLA ရဲ့ အပြစ်မဲ့ ပြည်သူများကို ပစ်မှတ်ထားပြီး တိုက်ခိုက်မှုကြောင့်
– ရဲအရာရှိ ၁ ဦး ကျဆုံး၊ ရဲတပ်ဖွဲ့ဝင် ၃ ဦး ဒဏ်ရာရရှိ၊
– ပြည်သူ့စစ် ၃ ဦး ကျဆုံး၊ ၆ ဦး ဒဏ်ရာရရှိ၊
– အပြစ်မဲ့ပြည်သူ အမျိုးသား ၁၃ ဦး၊ အမျိုးသမီး ၂ ဦး၊ စုစုပေါင်း ၁၅ ဦး သေဆုံးခဲ့၊
– အပြစ်မဲ့ပြည်သူ အမျိုးသား ၁၉ ဦးနဲ့ အမျိုးသမီး ၁ ဦး၊ စုစုပေါင်း ၂၀ ဦး ဒဏ်ရာ ရရှိခဲ့ကြောင်း (ကနဦး သတင်းများအရ) အတည် ပြုထားသည်။

“တောထဲမှာ အထိနာလို့ မြို့ပေါ်တက်ပြီး အသေးစား စစ်ဆင်မှု လုပ်ရပါတယ် ဆိုတဲ့ TNLA ရဲ့ အကြောင်းပြချက်ဟာ အပြစ်မဲ့ပြည်သူတွေ သေဆုံးဒဏ်ရာရရှိမှုနဲ့ ယှဉ်ရင် အဓိပ္ပါယ် မရှိပါဘူး။ လက်ခံနိုင်စရာ မရှိတဲ့ အကြောင်းပြချက်ပါ။ အပြစ်မဲ့ အရပ်သားပြည်သူတွေကို ပစ်မှတ်ထား တိုက်ခိုက်ခြင်းဟာ တိုင်းရင်းသားအခွင့်အရေး တောင်းဆိုမှု မဟုတ်ပါ။ အဖျက် အမှောင့် အကြမ်းဖက် လုပ်ရပ်သာ ဖြစ်ပါတယ်” ဟု ဦးဇော်ဌေးက ရေးသားခဲ့သည်။

မူဆယ်မြို့ မှ နမ့်ခမ်းဘက်အထွက်လမ်း မန်ဝိန်းပေါက်အနီးတွင် ပစ်ခတ်မှုများဖြစ်ပွားနေ

ဓါတ်ပုံ – မူဆယ် ဂရုဏာ လူမှုကူညီရေးအသင်း

ရှမ်းပြည်နယ်(မြောက်ပိုင်း) မူဆယ်မြို့ ၊မန်ဝိန်းပေါက်အနီးတွင် ယနေ့ (မေလ ၁၂ ရက်) နံနက် ၄ နာရီအချိန်ခန့်မှစတင်ကာ ပစ်ခတ်မှုများ ဖြစ်ပွားနေကြောင်း သိရသည်။

ပစ်ခတ်မှုဖြစ်ပွားသောနေရာမှာ မူဆယ်မြို့မှ နမ့်ခမ်းဘက်သို့အထွက်လမ်း မူဆယ်မြို့မှ ကြိုဆိုပါ၏ မုဒ်ဦးအနီးနှင့် တရုတ်နိုင်ငံတွင်းသို့ ကုန်တင်ယာဉ်များဝင်ရောက်သည့် မန်ဝိန်းပေါက်အနီး တစ်ဝိုက်တွင် ဖြစ်ပွားနေခြင်းဖြစ်ကြောင်း စုံစမ်းသိရှိရသည်။

ပစ်ခတ်မှုများ ဖြစ်ပွားနေမှုကြောင့် ထိခိုက်ဒဏ်ရာရသူများနှင့် သေဆုံးသူရှိကြောင်း ကနဦးစုံစမ်း သိရှိရသည်။

“မန်ဝိန်းပေါက်မှာတော့ တိုက်ပွဲဖြစ်နေတယ်။နမ့်ခမ်းဘက်ထွက်တဲ့ ပန်ခမ်းတံတားမှာ ဖြစ်နေတာပါ။ တစ်ယောက်သေဆုံးတယ်။သုံးယောက်ဒဏ်ရာရတယ်။ လက်ရှိအချိန်ထိကို ပစ်ခတ်မှုတွေ ဖြစ်နေတုန်းပါပဲ။ ဆေးရုံကိုတော့ အဲ့ဒီလေးယောက် ပို့ပြီးသွားပါပြီ။” ဟု မူဆယ်မြို့ ဂရုဏာလူမှုကူညီရေးအသင်းမှ ဦးသောင်းထွန်း က နံနက် (၇)နာရီအချိန်ခန့်က ပြောသည်။

ပစ်ခတ်မှုများ ဖြစ်ပွားနေမှုကြောင့် တရုတ်နိုင်ငံတွင်းသို့ ကုန်စည်ပို့ဆောင်မည့် ကုန်တင်ကားကြီးများမှာ မန်ဝိန်းပေါက်အနီးတွင် ရပ်တန့်ကာ မြို့တွင်းသို့ တိမ်းရှောင်နေကြရကြောင်း သိရသည်။

တရုတ်နှစ်သစ်ကူးမတိုင်မီ မူဆယ် ၁၀၅ မိုင် ကုန်သွယ်ရေးဇုန်သို့ သစ်သီးကားအ၀င်များနေပြီး ၀ယ်လိုအားထက် ရောင်းလိုအားပိုများနေ

မူဆယ် ၁၀၅ မိုင် ကုန်သွယ်ရေးဇုန်သို့ သစ်သီးကားများဝင်ရောက်စဉ်

တရုတ်နှစ်သစ်ကူးမတိုင်မီ မူဆယ် ၁၀၅ မိုင် ကုန်သွယ်ရေးဇုန်ရှိ သစ်သီးကုန်စည် ဈေးကွက်အတွင်းတွင် သစ်သီးအရောင်းအ၀ယ် ဖြစ်လျက်ရှိနေပြီး သစ်သီးဈေးကွက်အတွင်းသို့ သစ်သီးတင်ယာဉ်အစီး ၄၀၀မှ ၅၀၀ ၀န်း ကျင်အထိ ၀င်ရောက်လာပြီး အရောင်းအ၀ယ် ဖြစ်လျက်ရှိနေသော်လည်း ၀ယ်လိုအားထက် ရောင်းလိုအားများနေကြောင်း သစ်သီးကုန်စည်ဈေးကွက်အတွင်းမှ သိရသည်။

ဖေဖော်ဝါရီလ ပထမပတ်အတွင်း မူဆယ် ၁၀၅ မိုင် သစ်သီးကုန်စည်ဈေးကွက်အတွင်းသို့  ဖရဲသီးနှင့်သခွားသီးကားစီးရေ တစ်ရက်လျှင် အစီးရေ ၅၀၀ ခန့်အထိ ၀င်ရောက်လျက်ရှိနေပြီး ၀င်ရောက်လာသော ဖရဲမျိုးများတွင် အစေ့မဲ့ဖရဲနှင့် ထိုင်ဝမ်ဖရဲမှာ ရောင်း အားပိုကောင်းနေကြောင်း သိရသည်။

“ပြည်တွင်းမှာ ဖရဲစိုက်ပျိုးမှုများလာတော့ ရောင်းလိုအားလည်း များလာပါတယ်။ပြည်ပကနေ ဖရဲလာစိုက်ပျိုးတဲ့သူတွေက အစေ့မဲ့ဖရဲနဲ့ ထိုင်ဝမ်ဖရဲကို အဓိကထားပြီး စိုက်ပျိုးကြပါတယ်။ ဖြစ်ချင်တော့ ဒီနှစ် ဒီရက်ပိုင်းအထိ အစေ့မဲ့နဲ့ ထိုင်ဝမ်ဖရဲသီးရဲ့ ဈေးနှုန်းက မြန်မာတောင်သူအများစု စိုက်တဲ့ ၈၅၅ ဖရဲသီးမျိုးထက် ဈေးပိုကောင်းနေပါတယ်။ တချို့ မြန်မာတောင်သူတွေကတော့ အစေ့မဲ့ ဖရဲနဲ့ ထိုင်ဝမ်ဖရဲကို အောင်မြင်အောင် စိုက်ပျိုးနိုင်ကြပြီဖြစ်ပြီး အသီးအရည်အသွေးက တရုတ်ပြည်သီးတွေထက်ပိုကောင်းပြီး ဈေးပိုရတာကို တွေ့နေရပါပြီ” ဟု မူဆယ် ၁၀၅ မိုင် သစ်သီးဝလံကုန်စည်ဒိုင် ဒုတိယဥက္ကဋ္ဌ ဦးစိုင်းမြင့်ဗိုလ်က ပြောကြားသည်။

ဖေဖော်ဝါရီ ပထမပတ်အတွင်းတွင် မူဆယ် ၁၀၅ မိုင် သစ်သီးဈေးကွက်အတွင်း ဖရဲသီးတစ်တန်လျှင် အမြင့်ဈေး ယွမ် ၁၈၀၀ အထိရရှိနေပြီး သခွားမွှေးတစ်တန်လျှင် ယွမ် ၅၀၀၀ အထိ ဈေးရရှိနေကြောင်း သိရသည်။

လက်ရှိအချိန်တွင် မူဆယ် ၁၀၅ မိုင် သစ်သီးဈေးကွက်အတွင်းသို့ မန္တလေးတိုင်း၊ စစ်ကိုင်းတိုင်း၊ ပဲခူးတိုင်း၊ ရန်ကုန်တိုင်းတို့မှ ဖရဲသီးများ ၀င်ရောက်လာမှုများနေပြီး ရှမ်းပြည်နယ်ဒေသထွက် ဖရဲသီးများမှာ ဧပြီလခန့်မှသာ ထွက်ရှိရောင်းချနိုင်မည်ဖြစ်ကြောင်း သိရသည်။

“တရုတ်နှစ်သစ်ကူးနီးပြီဆိုတော့ သစ်သီး အရောင်းအ၀ယ်တွေဖြစ်ပါတယ်။ ဒါပေမဲ့ သစ်သီးကားတွေ မူဆယ် ၁၀၅ မိုင်ထဲဝင်တာ က အရင်နှစ်တွေထက်များနေတော့ ၀ယ်လိုအားထက် ရောင်းလိုအား ပိုများနေပါတယ်။ ဒါပေမဲ့လည်း နှစ်သစ်ကူးနီးတော့ အရောင်း အ၀ယ်တော့ဖြစ်ကြပါတယ်။ တရုတ်နှစ်သစ်ကူးက ဖေဖော်ဝါရီ ၁၆ ရက်ဆိုတော့ ၁၀ ရက် ကျော်ရင်တော့ ၀ယ်လက်တွေ နည်းသွားမယ်လို့ထင်ပါတယ်။ နှစ်သစ်ကူးတဲ့အချိန် တချို့ က တရုတ်ပြည်ကြီးထဲပြန်ကြတော့ အရောင်းအ၀ယ်ပါးမယ့် သဘောရှိပါတယ်။ ဒီရက်ပိုင်း အတွင်းမှာတော့ အရောင်းအ၀ယ်ဖြစ်နေဦးမှာပါ” ဟု မူဆယ် သစ်သီးဝလံကုန်စည်ဒိုင်မှ  ဒေါ်ရီရီခိုင်က ပြောကြားသည်။

မူဆယ် ၁၀၅ မိုင် နယ်စပ်ကုန်သွယ်ရေးဇုန်ရှိ သစ်သီးဝလံကုန်စည်ဈေးကွက်အတွင်းသို့ ၂၀၁၈ ခုနှစ် ဇန်န၀ါရီလအတွင်း ဖရဲသီးကား ၈၇၀၆ စီးမှ ဖရဲသီးတန်ချိန် ၁၁၉၄၆၅ တန်၊ သခွားမွှေးသီးကား ၁၅၉၈ စီးမှ သခွား သီးတန်ချိန် ၁၀၈၂၉ တန်၊ ဆီးသီးကား ၉၃ စီးမှ ဆီးသီးတန်ချိန် ၄၀၄ တန် အရောင်း အ၀ယ်ဖြစ်ခဲ့ကြောင်း သိရသည်။

မူဆယ်နယ်စပ်မှ တရုတ်နိုင်ငံသို့ တင်ပို့မည့် ဖရဲသီးတန်ချိန်မှာ ယမန်နှစ်ထက် ပိုများမည်ဟု ခန့်မှန်းထား

မူဆယ် ၁၀၅ မိုင် သစ်သီးကုန်စည်ဒိုင်တွင် ဖရဲသီးတင်ကားများအား တွေ့ရစဉ်

တရုတ်မြန်မာနယ်စပ်ရှိ မူဆယ်မှတစ်ဆင့် တရုတ်နိုင်ငံအတွင်းသို့ တင်တွင်းမည့် ဖရဲသီးတန်ချိန်မှာ ၂၀၁၅ -၂၀၁၆ ခုနှစ်ထက် ယခုနှစ်သည် ဖရဲသီးတင်ပို့လာမည့် တန်ချိန်မှ များပြားလာမည်ဟု ခန့်မှန်းထားကြောင်း မူဆယ် ၁၀၅ မိုင် သစ်သီးကုန်စည်ဒိုင်မှ သစ်သီးကုန်သည် တစ်ဦးက ပြောကြားသည်။

လက်ရှိတွင် ၁၀၅ မိုင် သစ်သီးကုန်စည်ဒိုင်သို့ တစ်နေ့လျှင် ဖရဲသီးတင်ကား ၂၀၀ နီးပါး ပုံမှန်ဝင်ရောက်ကာ အရောင်းအ၀ယ် ဖြစ်နေပြီး တစ်ခါတစ်ရံတွင် ဖရဲသီးတင်ကား အစီး ၅၀၀၊ ၆၀၀ ၀င်ရောက်ကာ အရောင်း အ၀ယ် ဖြစ်နေကြောင်း၊ ပြီးခဲ့တဲ့နှစ်က  တရုတ် -မြန်မာနယ်စပ်ရှိ မူဆယ်မှတစ်ဆင့် တရုတ်နိုင်ငံအတွင်းသို့ တင်တွင်းမည့်ဖရဲသီးတန်ချိန် ငါးသိန်းကျော် တင်ပို့ရပြီ၊ ယခုနှစ်တွင်  မနှစ် ကထက်ပိုကာ တန်ချိန် ခြောက်သိန်းအထက် ပို့ရမည်ဟု ခန့်မှန်းထားကြောင်း မူဆယ် ၁၀၅ မိုင် သစ်သီးကုန်စည်ဒိုင်မှ သစ်သီးကုန်သည် တစ်ဦးက ပြောကြားသည်။

“တစ်နေ့ ကားအစီး ၂၀၀ ပတ်ဝန်းကျင်လောက် အရောင်းအ၀ယ် ဖြစ်နေပါတယ်။ တကယ်များတဲ့အချိန်ဆို အစီး ၅၀၀၊ ၆၀၀ လည်းဖြစ်ပါတယ်။ ပြီးခဲ့တဲ့နှစ်က တန်ချိန် ငါးသိန်းကျော်ပို့ရတယ်။ ဒီနှစ်ကတော့ မနှစ်ကထက် ပိုမယ်လို့ ကျွန်တော်တို့တွက်တယ်။ တန်ချိန်ခြောက်သိန်းအထက်တော့ ရောက်မယ်လို့ တွက်တယ်။ ဖရဲသီးကလည်း စိုက်နှုန်းက တအားများတယ်။ မြန်မာတစ်နိုင်ငံလုံးလည်း   ဖရဲသီးထွက်နှုန်း များတဲ့အခါကျတော့ အရောင်းအ၀ယ်ကောင်းတယ်။ အရောင်းအ၀ယ်က သူ့ရောက်သလောက်လည်း ရောင်းလို့ရတာပဲ။ ဒါပေမဲ့ ဈေးမမြင့်တာပဲ ရှိတာပေါ့။ ရောင်းလိုအား သိပ်များနေတဲ့ အခါကျတော့ ဈေးမြင့်ကြီး ဖြစ်ဖို့တော့ မလွယ်သေးဘူး” ဟု ၎င်းက ပြောကြားသည်။

လက်ရှိတွင် အစေ့မဲ့ဖရဲ၊ အ၀ိုင်းကြား (ထဲန်ဝမ်) ဖရဲသီးတို့သည့် အရည်အသွေး ကောင်းမွန်ပါက တစ်ကီလိုလျှင် တရုတ်ငွေ သုံးယွမ်မှ လေးယွမ်ကြားရှိပြီး အကြားသီး ၈၅၅ တစ်ကီလိုလျှင် တရုတ်ငွေ နှစ်ယွမ်၊ နှစ်ယွမ်ကျော်ကြား အရောင်းအ၀ယ်ဖြစ်နေပြီး တရုတ်ကုန်သည်များက ဖရဲသီးအရည်အသွေး ကောင်းကိုသာ ရွေးချယ်ဝယ်ယူ နေကြကြောင်း ဖရဲကုန်သည်များက ပြောကြားသည်။

“ဖရဲသီးက သိသာသွားတာ အရည်အသွေးမြင့်တဲ့ ဖရဲသီးသာ ဈေးကောင်းရသွားပြီးတော့ အရည်အသွေး အလယ်၊ အလတ်၊ အသင့်ဆိုရင် အရည်အသွေး ကောင်းတာနဲ့ကျ တော်တော်လေးကွာသွားပြီ အရင်တုန်းက တစ်ကျော့၊ နှစ်ကျော့ကွာတာ ခု ငါးကျော့ အချပ်လောက် ကွာသွားတဲ့ အနေအထားမျိုး ဖြစ်သွားပြီး ခုကတော့ သိသာလာတာက အရည်အသွေး ကောင်းမှာကို ဖြစ်တော့မယ့် အနေအထားပေါ့။ အသီးကောင်းတယ်ဆို အကြားသီးက နှစ်ကျပ်ပတ်ဝန်းကျင် စွန်းတဲ့ဟာလည်း နည်းနည်းရှိတယ်ပေါ့။ ဒါပေမဲ့ အဲဒါတွေက အရမ်းလှတဲ့ဟာတွေ၊ တစ်တန်မှ အလုံး ၇၀ လောက်ပေါ့။ အစေ့မဲ့ ဖရဲတို့ ထဲန်ဝမ်ဆိုတဲ့ ဖရဲတို့ အဲဒါတွေက အရည်အသွေး ကောင်းရင်တော့ သုံးယွမ်နဲ့ လေးယွမ်ကြားမှာ ရှိတာပေါ့” ဟု မူဆယ် ၁၀၅ မိုင် သစ်သီးကုန်စည်ဒိုင်မှ သစ်သီးကုန်သည် တစ်ဦးက ပြောကြားသည်။

 

ဒိုက်ဦးဒေသတွင် ဖရဲသီးများ လှိုင်လှိုင်ထွက်ရှိနေသော်လည်း တရုတ်နယ်စပ် (မူဆယ်)၌ ဈေးကောင်းမရခြင်းကြောင့် ဖရဲစိုက်တောင်သူများ အခက်တွေ့

ဒိုက်ဦးမြို့နယ်မှ ဖရဲသီးပွဲရုံတစ်ရုံအား ဒီဇင်ဘာ ၁၅ ရက်က တွေ့ရစဉ် (ဓာတ်ပုံ – ဇော်ဝင်းချစ်)

ပဲခူးတိုင်းဒေသကြီး ဒိုက်ဦးမြို့နယ်တွင် ဖရဲများ ဒီဇင်ဘာလ အစောပိုင်းမှစတင်၍ လှိုင်လှိုင်ထွက်ရှိနေပြီ ဖြစ်သော်လည်း တရုတ်နယ်စပ် (မူဆယ်) တွင် ဈေးကောင်းမရခြင်းကြောင့်၊ ဖရဲစိုက်တောင်သူများအတွက် တွက် ခြေကိုက်မှုနည်းပါးပြီး ဆွတ်ခူးရောင်းချရန် အခက်အခဲများ ကြုံတွေ့နေရကြောင်း ဒိုက်ဦးမြို့နယ် ဖရဲစိုက်တောင်သူများထံက သိရသည်။

“ဒီနှစ်ဈေးနှုန်းနဲ့ကျတော့ လယ်သမားတွေက အရင်းအနှီးရဖို့တောင် အသည်းအသန်၊ သူတို့ ချန်သီးကိုပဲ ဈေးပေးဝယ်နေရတယ်။ ဒီဘက်က တက်သွားတဲ့ ဖရဲသီးကို ဈေးနှိမ်ဝယ်လို့၊ ဈေးကွက်က မရတော့ လယ်သမားတွေလည်း တော်တော်အခက်အခဲတွေဖြစ်တယ်။ လယ်သမားတွေကလည်း ကိုယ့်အရင်းအနှီးရဖို့ ဆိုတာကလည်း မလွယ်လှဘူး။ တစ်ဧကဆိုရင် ၁၀ သိန်း၊ ၁၂ သိန်း လောက် ရင်းရတယ်။ ကျွန်တော်တို့ဆိုလည်း ဒီမှာ ကိုယ့်လယ်သမားတွေ အဆင်ပြေအောင် အကုန်လုံး ပေးထားရတာ။ အမျိုးမျိုးအဖုံဖုံ လုပ်နေရတာပေါ့။ ဟိုအပေါ် တက်မရတော့ ဒီမှာပဲလုပ်ရ၊ ဟိုအပေါ်တက်သွားတော့လည်း ဒီက လမ်းစရိတ် ထောက်ပေးရတာနဲ့ သူတို့ဆီက အသီးကျတော့ ဈေးရ၊ ကိုယ့်ဆီက အသီးကျတော့ ဈေးမရ သူတို့ အဲဒီလိုတွေဖြစ်တယ်” ဟု ဒိုက်ဦးမြို့နယ်မှ ဖရဲပွဲရုံလုပ်ငန်းရှင် ဦးမြင့်ဌေးက ပြောကြားသည်။

ဒိုက်ဦးဒေသမှ ဖရဲသီးများမှာ နိုဝင်ဘာလအတွင်း ဖရဲသီးပေါ်ခါစတွင် တစ်ကီလိုလျှင် တရုတ်ငွေ ၁၈ ယွမ်၊ မြန်မာငွေ ကျပ် ၃၅၀၀ ၀န်းကျင်ခန့်ရှိပြီး ရက်အနည်းခန့်အထိ ဈေးနှုန်းအနည်းငယ် ထပ်မံမြင့်တက် လာသော်လည်း ယခု ဒီဇင်ဘာ လလယ်ခန့် ဖရဲသီးများ လှိုင်လှိုင်ပေါ်ချိန်တွင် ပေါ်ခါစ ဈေးအတိုင်း တရုတ်ငွေ ၁၂ ယွမ်၊ မြန်မာ ကျပ် ၂၅၀၀ ၀န်းကျင်ခန့်သာ ရှိနေသောကြောင့် ဖရဲသီးများ ဆွတ်ခူးရောင်းချရန် အခက်အခဲများ ကြုံတွေ့ နေရခြင်းဖြစ်ကြောင်း သိရသည်။

“ဖရဲဈေးက မနှစ်ကဈေးကို မမီရင်တောင်မှ တစ်ဝက်လောက်အထိအောင် ဖြစ်စေချင်တာပေါ့။ အခု ဒီဈေးနဲ့ ခူးလို့ရှိရင် ကျွန်တော်တို့ လုပ်အားခတောင် ပြန်မရဘူး။ အကုန်ရှုံးမှာ၊ ဒီအောက်မှာ ရောင်းမယ်ဆိုပြန်တော့လည်း မကိုက်ဘူး။ ဖရဲသီးတစ်လုံး ကျပ် ၂၀၀၀၊ ၃၀၀၀ ကို အောက်က လက်လုပ်လက်စားသမားလည်း မ၀ယ်စားနိုင်ဘူး။ အပေါ်တင်ရတဲ့ ဈေးကွက်ကလည်း မမီတော့ ခူးရမယ့် ဖရဲသီးတွေက မခူးရဘူး” ဟု သောင်လယ်ရွာမှ ဖရဲစိုက်တောင်သူ ကိုစိုးတင့်က ပြောကြားသည်။

“မနှစ်ကတော့ ၁၀ လပိုင်း လောက်ကတည်းက ၂၀၊ အစိတ်လောက် (တရုတ်ငွေ)နဲ့ စဖွင့်တယ်။ အဲဒီကနေပြီးတော့ ကျတယ်ဆိုတာ မရှိဘူး။ ၅၅၊ ၆၀ အထိဖြစ်တယ်။ ဒီနှစ်ကျတော့ အခုစဖွင့်ကတည်းက ၁၈၊ ၂၀၊ ၃၀ လောက်အထိ ဖြစ်ပြီးတော့ တဖြည်းဖြည်းနဲ့ အသီးတွေ လှိုင်လှိုင်လည်းပေါ်လာရော၊ ဈေးက ပြုတ်ကျသွားရော၊ မိုးကလည်းရွာတယ်။ မိုးနှောက်တာကလည်း တစ်မျိုး၊ ဈေးထပ်ကျတာကလည်း တစ်မျိုး၊ လယ်သမားတွေ လုပ်ရကိုင်ရတာတော့ ကုန်ကျငွေများတာပေါ့။ ဆေးတို့ မြေသြဇာတို့ကအစ အကုန်လုံးဈေးတက်တယ်။ ဈေးကြီးတယ်။ တချို့ကျတော့ အရင်တုန်းက အကြွေးထုတ်ပေးနေတဲ့ ကုမ္ပဏီ တွေ၊ ဆေးဆိုင်တွေကျတော့ အခုကျတော့ တစ်ဝက်ချေတို့ ဘယ်လောက်သွင်းပါတို့ အဲဒါတွေက ရှိသေးတယ်။ ဈေးကွက်သိပ်မကောင်းတော့လေ၊ ဈေးကွက်ကောင်းရင်တော့ အရင်တုန်းကတော့ ကြိုက်သလိုယူပေါ့။ အခုဒီ နောက်ပိုင်းတွေမှာကျတော့ အဲဒီလိုတွေ အခက်အခဲတွေ ရှိလာတာပေါ့။ အခြေမခိုင်တဲ့ လယ်သမားတွေကျတော့ ယူတာတို့၊ ထုတ်တာတို့ ယူလို့မရတော့ဘူး။ လက်ငင်းကျတော့လည်း မ၀ယ်နိုင်ဘူး။ အရင်းအနှီးများတော့လေ၊ အလုပ်သမားကအစ ခေါ်ရတာ နည်းနည်းခက်တာပေါ့” ဟု ဒိုက်ဦးမြို့မှ ဖရဲစိုက်တောင် သူ ကိုကျော်နိုင်က ပြောကြားသည်။

ဒိုက်ဦးဒေသတွင် ၈၅၅ ဖရဲမျိုးများအား အများဆုံးစိုက်ပျိုးကြပြီး တစ်ဧက စိုက်ပျိုးကုန်ကျစရိတ်မှာ မျိုးဖိုး၊ ထွန်ယက်ခ၊ ဘောင်ဆွဲခ၊ မြေသြဇာနှင့် ဆေးဖိုး၊ ဆွတ်ခူးရိတ်သိမ်းချိန်အထိ စုစုပေါင်း ကျပ် ၁၀ သိန်းမှ ၁၅ သိန်းဝန်း ကျင်အထိ ကုန်ကျကြောင်း၊ ဖရဲတစ်ဧကမှ ဖရဲသီး အလုံး ၁၀၀၀ မှ ၁၅၀၀ အထိ ဆွတ်ခူးရကြောင်း၊ လတ်တလော ဖရဲတစ်ကီလိုလျှင် တရုတ်ငွေ ၁၂ ယွမ်ဝန်းကျင်ခန့်၊ မြန်မာငွေ ကျပ် ၂၅၀၀ ၀န်းကျင်ခန့်သာ ရရှိနေသောကြောင့် ဈေးနှုန်းကောင်းမွန်ခြင်းမရှိကြောင်း၊ ယခုနှစ်တွင် တောင်သူအများစုမှာ မတ်ပဲစိုက် ပျိုးမှုလျှော့ချ၍ဖရဲစိုက်ပျိုးမှု ပိုမိုများပြားလာခဲ့ပြီး ဖရဲများလှိုင်လှိုင်ပေါ်ချိန်တွင် ဈေးနှုန်းကောင်းမွန်မှု မရှိခြင်းကြောင့် ဒေသတွင်း၌ ရောင်းချရန်လည်း အဆင်မပြေ၊ တရုတ်နယ်စပ် (မူဆယ်) သို့ တင်ပို့ရောင်းချရန်လည်း အဆင်မပြေ၊ စသည့် အခက်အခဲများ ကြုံတွေ့နေရခြင်းဖြစ်ကြောင်း သိရသည်။