တိုင်ဖွန်းမုန်တိုင်း မန်းခက်၏ အကြွင်းအကျန် တိမ်တိုက်များကြောင့် မြန်မာနိုင်ငံအထက်ပိုင်း ဒေသများနှင့် အလယ်ပိုင်းဒေသများတွင် မိုးရွာသွန်းနိုင်

စက်တင်ဘာ ၁၄ ရက်က မိုးရွာသွန်းမှုကြောင့် စမ်းချောင်းမြို့နယ်တွင် ရေကြီးရေလျှံနေစဉ် (ဓာတ်ပုံ- ပြည့်ဖြိုးအောင်)

ဖိလစ်ပိုင်နိုင်ငံ မြောက်ပိုင်းသို့ ဖြတ်ကျော်တိုက်ခတ်နေသည့် တိုင်ဖွန်းမုန်တိုင်း မန်းခက်၏ အကြွင်းအကျန် တိမ်တိုက်များကြောင့် ယခုလ ၁၈ ရက်တွင် မြန်မာနိုင်ငံ အလယ်ပိုင်းဒေသများနှင့် အထက်ပိုင်းဒေသများတွင် မိုးရွာသွန်းနိုင်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဒေါက်တာ ဦးကျော်မိုးဦးက ပြောကြားသည်။

“မုန်တိုင်းက ဖိလစ်ပိုင်မြောက်ပိုင်းကို ဖြတ်ပြီးတော့ တောင်တရုတ်ပင်လယ်ထဲကို ဆက်ရွေ့လာဦးမယ်။ သူက အပူပိုင်းမုန်တိုင်း အနေနဲ့ ဆက်ရှိမယ်။ တရုတ်ရယ် လာအိုရယ်ကို ဖြတ်ပြီးသွားရင် သူ့ရဲ့ အကြွင်းအကျန် တိမ်တိုက်တွေက ရှမ်းပြည်နယ်တို့၊ မြန်မာနိုင်ငံ အလယ်ပိုင်းဒေသတွေ၊ အထက်ပိုင်းဒေသတွေမှာ မိုးရနိုင်တယ်။ စက်တင်ဘာ ၁၈၊ ၁၉ ရက်လောက်မှာ ဖြစ်နိုင်တယ်။ မုန်တိုင်းက အခြားနိုင်ငံတွေ ဖြတ်လာပြီ ဖြစ်တဲ့အတွက် ပြင်းထန်မှာ မဟုတ်တော့ဘူး။ ဒါပေမဲ့ လေပြင်းတိုက်တာတွေတော့ အနည်းငယ်ရှိနိုင်တယ်” ဟု ဒေါက်တာဦးကျော်မိုးဦးက ပြောကြားသည်။

လက်ရှိတွင် မိုးရွာသွန်းနေမှုသည် ဗီယက်နမ်ကမ်းခြေတွင် ဖြစ်ပွားခဲ့သည့် မုန်တိုင်း အကြွင်းအကျန် တိမ်တိုက်များ မြန်မာနိုင်ငံအတွင်းသို့ ၀င်ရောက်လာမှုဖြစ်စဉ်၊ အလယ်ပိုင်းဒေသများတွင် မိုးတိမ်တောင် ဖြစ်စဉ်နှင့် တောင်ပိုင်းဒေသများတွင် မုတ်သုံလေ အားကောင်းမှုကြောင့် မိုးရွာသွန်းမှုများ ဖြစ်ပေါ်ခဲ့ကြောင်း ၎င်းက ပြောကြားသည်။

“ဒီအချိန်ကျတော့ မိုးရွာတာက အလယ်ပိုင်းတွေမှာ အနောက်ဘက်ကလာတဲ့ မိုးရွာတဲ့ အနေအထားရှိတယ်။ တောင်ပိုင်းကျတော့ မုတ်သုံကြောင့် မိုးရွာတဲ့ အနေအထားလေးတွေရှိတယ်” ဟု ဒေါက်တာဦးကျော်မိုးဦးက ပြောကြားသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ စက်တင်ဘာ ၁၅ ရက် ထုတ်ပြန်ချက်တွင် အနောက်တောင် မုတ်သုံလေသည် မြန်မာနိုင်ငံ မြောက်ပိုင်းဒေသများမှ ဆုတ်ခွာခဲ့ပြီးဖြစ်ကြောင်း၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်း ဒေသကြီးနှင့် ကချင်ပြည်နယ်တို့တွင် နေရာကျဲကျဲ၊ ရှမ်းပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာခဲ့ပြီး မကွေးတိုင်းဒေသကြီး၊ ပဲခူးတိုင်းဒေသကြီးနှင့် တနင်္သာရီတိုင်း ဒေသကြီးတို့တွင် နေရာကွက်၍ မိုးကြီးခဲ့ကြောင်း သိရသည်။

စက်တင်ဘာ ၁၆ ရက် မိုးရွာသွန်းနိုင်မှု အခြေအနေသည် စစ်ကိုင်းတိုင်းဒေသကြီး မန္တလေးတိုင်းဒေသကြီး၊ မကွေးတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ် (မြောက်ပိုင်းနှင့် အရှေ့ပိုင်း) တို့တွင် နေရာကျဲကျဲ၊ နေပြည်တော်၊ ရန်ကုန်တိုင်းဒေသကြီး၊ ရှမ်းပြည်နယ် (တောင်ပိုင်း)၊ ရခိုင်ပြည်နယ်နှင့် ကယားပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး မကွေးတိုင်းဒေသကြီး၊ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ချင်းပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ကာ ရွာရန်ရာနှုန်းပြည့် ဖြစ်ကြောင်း သိရသည်။

ထို့ပြင် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးနိုင်ကြောင်း၊ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ မှ ၃၅ မိုင်အထိ တိုက်ခတ်နိုင်ကြောင်း သိရသည်။

 

မိုးနှောင်းကာလတွင် ဘင်္ဂလားပင်လယ်အော်၌ လေဖိအားနည်းရပ်ဝန်း သုံးကြိမ်ဖြစ်ပေါ်နိုင်ပြီး နှစ်ကြိမ်သည် မုန်တိုင်းငယ်အဖြစ် ပြောင်းလဲနိုင်သဖြင့် ရေကြီးရေလျှံမှုကို ဆက်လက်သတိပြုရန်လို

သြဂုတ်လဆန်းပိုင်းက ပဲခူးတိုင်းဒေသကြီးတွင် ရေကြီးရေလျှံမှု ဖြစ်ပွားနေသည်ကို တွေ့ရစဉ် (ဓာတ်ပုံ- မျိုးထက်ပိုင်)

မိုးနှောင်းကာလတွင် ဘင်္ဂလားပင်လယ်အော်၌ လေဖိအားနည်းရပ်ဝန်း သုံးကြိမ် ဖြစ်ပေါ်နိုင်ပြီး နှစ်ကြိမ်သည် မုန်တိုင်းငယ်အဆင့်သို့ ပြောင်းလဲနိုင်သဖြင့် ရေကြီးရေလျှံမှုအား ဆက်လက်သတိပြုရန်လိုကြောင်း မိုးလေ၀သပညာရှင် ဦးချစ်ကျော်က ပြောကြားသည်။

“မိုးနှောင်းမှာဖြစ်တဲ့ မုန်တိုင်းတွေက မြန်မာနိုင်ငံကိုတော့ မ၀င်ဘူး။ ဒါပေမဲ့ မိုးတော့ရမယ်။ စက်တင်ဘာမှာ လေဖိအားနည်းရပ်ဝန်း သုံးကြိမ်ဖြစ်ရင် ၁၀ ရက်တစ်ကြိမ်လောက် ဖြစ်မယ့်သဘောရှိတယ်။ အဲဒီတော့ မိုးရမယ်။ မိုးရရင် မြစ်ထဲမှာ ရေကများလာနိုင်တယ်။ ပင်လယ်ဘက်က ရေတက်ရေကျရှိမယ်။ အဲဒီဟာနဲ့ လေဖိအားနည်းရပ်ဝန်း ဖြစ်တာနဲ့ သွားတိုက်ရင် မြစ်တွေထဲက ရေတွေက ပင်လယ်ထဲကို မထွက်နိုင်တော့ဘူး။ ဇလွန်၊ ငါးသိုင်းချောင်း၊ သာပေါင်း၊ ပန်းတနော်တို့၊ မြစ်ဝကျွန်းပေါ် ဒေသတွေ ရေသွားကြီးနိုင်တယ်” ဟု ဦးချစ်ကျော်က ပြောကြားသည်။

ထို့ပြင် ပဲခူးတိုင်းဒေသကြီးတွင်လည်း ရေကြီးရေလျှံမှုကို သတိပြုရန်လိုကြောင်း၊ ရွှေကျင်၊ စစ်တောင်း မြစ်ရေတို့သည် ပဲခူးလွင်ပြင်ဘက်တွင်လည်း ရေကြီးနိုင်ကြောင်း၊ ယခုဖြစ်စဉ်သည် တတိယ ရေကြီးကာလ ဖြစ်ကြောင်း၊ မုန်တိုင်းဖြစ်မည့် အရေအတွက် များနေသဖြင့် ရေကြီးရေလျှံမှု များပြားလာနိုင်ကြောင်း ဦးချစ်ကျော်က ပြောကြားသည်။

“ဘယ်လောက်ပမာဏထိ မိုးများမယ် ဆိုတာကို မပြောနိုင်ဘူး။ ဒီလိုဖြစ်တဲ့အတွက် မိုးရမယ့် ပမာဏများတယ်။ ဒီရေအတက်အကျနဲ့ဆိုရင် ရေကြီးရေလျှံမှု ကြာသွားနိုင်တယ်။ ပြည်သူလူထုကို ဒေသအာဏာပိုင်တွေက ကြိုတင်ပြင်ဆင်ဖို့ လုပ်ရမယ်” ဟု ဦးချစ်ကျော်က ပြောကြားသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ မိုးနှောင်းကာလ မိုးလေ၀သ ခန့်မှန်းချက်တွင် စက်တင်ဘာ ၁ ရက်မှစပြီး မြန်မာနိုင်ငံ တစ်ဝန်းလုံးမှ အနောက်တောင် မုတ်သုံလေ ဆုတ်ခွာသည့်နေ့ကို မိုးနှောင်းကာလအဖြစ် သတ်မှတ်ကြောင်း၊ အနောက်တောင် မုတ်သုံလေသည် စက်တင်ဘာ ၁၆ ရက်မှ ၂၀ ရက်အတွင်း မြောက်ပိုင်းဒေသများမှ လည်းကောင်း၊ စက်တင်ဘာ ၂၂ ရက်မှ ၂၇ ရက်အတွင်း အလယ်ပိုင်း ဒေသများမှလည်းကောင်း၊ စက်တင်ဘာ ၂၈ ရက်မှ အောက်တိုဘာ ၃ ရက်အတွင်း မြစ်ဝကျွန်းပေါ် ဒေသများမှ လည်းကောင်း၊ အောက်တိုဘာ ၄ ရက်မှ ၉ ရက်အတွင်း မြန်မာနိုင်ငံ တစ်ဝန်းလုံးမှ ဆုတ်ခွာဖွယ်ရှိကြောင်း သိရသည်။

“မုတ်သုံလေက မြစ်ဝကျွန်းပေါ်ကနေ အောက်တိုဘာ ၃ ရက်နေ့ ထွက်မယ်ဆိုရင် တောင်ပိုင်းဒေသက ၁၀ ရက်နေ့မှာ ထွက်မယ်။ နောက်လည်းမကျဘူး။ စောလည်း မစောဘူး။ ပုံမှန်ပဲ၊ အရင်တုန်းကဆိုရင် စက်တင်ဘာလကုန်၊ အောက်တိုဘာ ၁ ရက်ဆိုရင် တစ်ပြည်လုံးကနေ မုတ်သုံလေဆုတ်သွားတယ်။ အခုနှစ် မိုးရွာရက်က ရက်ပေါင်း ၁၄၀ လောက်ရှိတယ်။ အရင်နှစ်တွေကဆိုရင် မိုးရွာရက်က ၁၂၀၊ ၁၃၀ လောက်ပဲ ရှိတယ်” ဟု ဦးချစ်ကျော်က ပြောကြားသည်။

ထို့ပြင် ဘင်္ဂလားပင်လယ်အော်တွင် လေဖိအားနည်းရပ်ဝန်း သုံးကြိမ်ဖြစ်ပေါ်နိုင်ပြီး နှစ်ကြိမ်သည် ပိုမိုအားကောင်းကာ မုန်တိုင်းငယ်အဖြစ်သို့ ရောက်နိုင်ကြောင်း၊ ကပ္ပလီပင်လယ်ပြင်နှင့် ဘင်္ဂလား ပင်လယ်အော်တို့တွင် မုတ်သုံလေအား အနည်းငယ်မှ အားအသင့်အတင့် ရှိနိုင်ကြောင်း သိရသည်။

 

နောက်ထပ် ၄၈ နာရီအတွင်း ဘင်္ဂလားပင်လယ်အော်၌ လေဖိအားနည်း ရပ်ဝန်းတစ်ခု ထပ်မံဖြစ်ပေါ်နိုင်ဟု ထုတ်ပြန်

ရန်ကုန်တိုင်းဒေသကြီး အင်းစိန်မြို့နယ်တွင် သြဂုတ် ၂ ရက် ညနေက ရေကြီးရေလျှံမှု ဖြစ်ပွားနေစဉ် (ဓာတ်ပုံ-နေမျိုးဝင်း)

နောက်ထပ် ၄၈ နာရီအတွင်း ဘင်္ဂလားပင်လယ်အော်၌ လေဖိအားနည်း ရပ်ဝန်းတစ်ခု ထပ်မံဖြစ်ပေါ်နိုင်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက သြဂုတ် ၁၈ ရက်က ထုတ်ပြန်ခဲ့ကြောင်း သိရသည်။

“လက်ရှိ ဘင်္ဂလားပင်လယ်အော်ထဲမှာ လေလှည့်ပတ်မှုတစ်ခု ဖြစ်နေတယ်။ ဗီယက်နမ်ကမ်းကို ဖြတ်ကျော်လာတဲ့ မုန်တိုင်းအကြွင်းအကျန် တိမ်တိုက်တွေနဲ့ပေါင်းပြီး လေဖိအားနည်း ရပ်ဝန်းတစ်ခု ဖြစ်လာနိုင်တယ်။ အဲဒီလေဖိအားနည်းရပ်ဝန်းဖြစ်ရင် အနောက်မြောက်ဘက်ပိုင်းမှာ ဖြစ်ဖို့များပြီး အိန္ဒိယကိုပဲ ၀င်ဖို့များတယ်။ ယခုလမှာပဲ ဘင်္ဂလားပင်လယ်အော်မှာ လေဖိအားနည်းရပ်ဝန်း နှစ်ကြိမ်ဖြစ်ခဲ့ပြီးတော့ နှစ်ကြိမ်လုံး မုန်တိုင်းငယ်အဖြစ် ပြောင်းလဲခဲ့တယ်” ဟု မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဒေါက်တာဦးကျော်မိုးဦးက ပြောကြားသည်။

သြဂုတ် ၁၈ ရက် မိုးရွာသွန်းမှုသည် စစ်ကိုင်းတိုင်းဒေသကြီး အောက်ပိုင်းတွင် နေရာကွက်ကျား၊ ရှမ်းပြည်နယ်(မြောက်ပိုင်း) တွင် နေရာကျဲကျဲ၊ စစ်ကိုင်းတိုင်းဒေသကြီး အထက်ပိုင်း၊ မကွေးတိုင်းဒေသကြီး၊ ကချင်ပြည်နယ်နှင့် ချင်းပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးရွာခဲ့ပြီး တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် ဒေသအလိုက်နှင့် နေပြည်တော်၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးတို့တွင် နေရာ ကွက်၍ မိုးကြီးကာ မှတ်သားဖွယ်ရာ မိုးရေ ချိန်များအနေဖြင့် လောင်းလုံးမြို့တွင် ၉ ဒသမ ၂၉ လက်မ၊ ထားဝယ်မြို့တွင် ၈ ဒသမ ၂၂ လက်မ၊ ဟိုင်းကြီးကျွန်းမြို့တွင် ၇ ဒသမ  ၂၀ လက်မ၊ ရွှေကျင်မြို့တွင် ၅ ဒသမ ၈၂ လက်မ၊ မုဒုံမြို့တွင် ၅ ဒသမ ၃၁ လက်မ၊ ကော့ကရိတ် မြို့တွင် ၅ ဒသမ ၂၄ လက်မ၊ ကျိုက်မရော မြို့တွင် ၄ ဒသမ ၈၇ လက်မ၊ ဘီးလင်းမြို့တွင် ၄ ဒသမ ၆၁ လက်မ၊ ကြာအင်းဆိပ်ကြီးမြို့ တွင် ၄ ဒသမ ၃၈ လက်မ၊ ပိုင်ကျုံမြို့တွင် ၄ ဒသမ ၀၉ လက်မ၊ မြိတ်မြို့တွင် ၄ ဒသမ ၀၅ လက်မ၊ ကျိုက်ဒုံမြို့တွင် ၄ ဒသမ ၀၂ လက်မ၊ ရှမ်းရွာသစ်မြို့တွင် ၃ ဒသမ ၆၆ လက်မ၊ နေ ပြည်တော် ဒက္ခိဏသီရိမြို့နယ်တွင် ၂ ဒသမ ၆၄ လက်မနှင့် ရွှေဂွန်းတွင် ၂ ဒသမ  ၄၄ လက်မစီ ရွာသွန်းခဲ့ကြောင်းသိရသည်။

ထို့ပြင် ကပ္ပလီပင်လယ်ပြင်နှင့် ဘင်္ဂလားပင်လယ်အော် တောင်ပိုင်းတို့တွင် မုတ်သုံလေ အားကောင်းရာမှ အားအလွန်ကောင်းနေပြီး ကျန်ဘင်္ဂလား ပင်လယ်အော်တွင် မုတ်သုံလေအား အသင့်အတင့် ရှိနေကြောင်း သိရသည်။

သြဂုတ် ၁၉ ရက် မိုးရွာသွန်းနိုင်မှု အခြေအနေသည် စစ်ကိုင်းတိုင်းဒေသကြီး၊ ရှမ်းပြည်နယ် (မြောက်ပိုင်း)နှင့် ချင်းပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့ မိုးရွာပြီး နေပြည်တော်၊ မကွေးတိုင်းဒေသကြီး၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် ဒေသအလိုက်နှင့် မန္တလေးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ် (အရှေ့ပိုင်းနှင့် တောင်ပိုင်း)၊ ရခိုင်ပြည်နယ်နှင့် ကယားပြည်နယ်တို့တွင် နေရာကွက်၍ မိုးကြီးနိုင်ပြီး ရွာရန်ရာနှုန်းပြည့် ဖြစ်ကြောင်း သိရသည်။

လှိုင်းအခြေအနေသည် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းကြီးနိုင်ကြောင်း မိုးသက်လေပြင်းကျစဉ် ရေပြင်၊ မြေပြင်လေသည် တစ်နာရီ ၃၅ မိုင်မှ မိုင် ၄၀ အထိ တိုက်ခတ်နိုင်ပြီး ကျန်မြန်မာ့ပင်လယ်ပြင်တွင် လှိုင်းအသင့်အတင့် ရှိမည်ဖြစ်သည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ရှစ်ပေမှ ၁၀ ပေခန့်နှင့် ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ငါးပေမှ ရှစ်ပေခန့်ရှိနိုင်ကြောင်း သိရသည်။

အင်းလျားကန်အတွင်း လေဆင်နှာမောင်း တိုက်ခတ်မှုဖြစ်ပွား

ဇူလိုင် ၁၇ ရက် နံနက်ပိုင်းက အင်းလျားကန်အတွင်း လေဆင်နှာမောင်း တိုက်ခတ်နေသည်ကို တွေ့ရစဉ် (ဓာတ်ပုံ-ဇာခြည်လင်း)

ဇူလိုင် ၁၇ ရက် နံနက်ပိုင်းတွင် အင်းလျားကန်အတွင်း လေဆင်နှာမောင်း တိုက်ခတ်မှု ဖြစ်ပွားခဲ့ပြီး ထိခိုက်ပျက်စီးမှု မရှိခဲ့ကြောင်း မျက်မြင်သက်သေများ၏ ပြောကြားချက်အရ သိရသည်။

ထိုလေဆင်နှာမောင်းသည် ဇူလိုင် ၁၇ နံနက်ပိုင်း ၈ နာရီကျော်ခန့်က မြန်မာနိုင်ငံ လှေလှော်အဖွဲ့ချုပ်အနီးရှိ အင်းလျားကန် ရေပြင်တွင် တိုက်ခတ်ခဲ့ကြောင်း သိရသည်။

နှစ်မိနစ်ခန့် တိုက်ခတ်ခဲ့ပြီး ထိုလေဆင်နှာမောင်းကြောင့် ပျက်စီးဆုံးရှုံးမှုနှင့် ထိခိုက်ဒဏ်ရာရရှိသူ မရှိခဲ့ကြောင်း သိရသည်။

“လေဆင်နှာမောင်း တိုက်တာက အပြင်းကြီးတော့ မဟုတ်ဘူး။ အစ်ကိုတို့နဲ့ ၃၀၀ မီတာ အဝေးလောက်ကနေ အနောက်ကိုရွေ့သွားပြီး ပျောက်သွားတာ။ သိသလောက်တော့ အစ်ကိုတို့ ပတ်ဝန်းကျင်မှာ ပျက်စီးဆုံးရှုံးမှု မတွေ့ဘူး” ဟု မျက်မြင်သက်သေ တစ်ဦးဖြစ်သူ ကိုစည်သူဟိန်းက ပြောကြားသည်။

ယခုဖြစ်စဉ်သည် မိုးတိမ်တောင်ကြောင့် လေဆင်နှာမောင်း တိုက်ခတ်ခြင်းဖြစ်ပြီး ယခင်က ယင်းကဲ့သို့ ဖြစ်စဉ်မျိုးသည် မိုးကြိုကာလနှင့် မိုးနှောင်းကာလများတွင်သာ ဖြစ်ပွားသော်လည်း ရာသီဥတု ပြောင်းလဲမှုကြောင့် မိုးတွင်းကာလများတွင်ပါ ယခုကဲ့သို့ ဖြစ်စဉ်များ ဖြစ်ပွားလာကြောင်း မိုးလေ၀သ ပညာရှင် ဦးချစ်ကျော်က ပြောကြားသည်။

“အခုဖြစ်စဉ်က မိုးတိမ်တောင်ကြောင့် ဖြစ်တာ။ အခုလိုဖြစ်စဉ်မျိုးက အရင်တုန်းကဆို မိုးဦးနဲ့ မိုးနှောင်းမှာပဲ ဖြစ်တာများတယ်။ အခုနောက်ပိုင်း ရာသီဥတု ဖောက်ပြန်လာတော့ မိုးလယ်မှာလည်းဖြစ်တယ်။ ရာသီဥတု ပူနွေးလာပြီး ကတ္တရာလမ်းတွေကနေ အပူပြန်ပြီး အခုလို အပူပြန်တဲ့ဖြစ်စဉ်ကို ဖြစ်စေတယ်။ ဒီမိုးတိမ်တောင်ဆိုတာ အပူပြန်တဲ့ ဖြစ်စဉ်ကိုး။ အဲဒီလိုဖြစ်စဉ်တွေကြောင့် အခုလိုနေရာကွက်ပြီး လေဆင်နှာမောင်းတွေ ဖြစ်တာ။ ဘာဖြစ်လို့ အင်းလျားကန်ကြီးမှာ ဖြစ်လဲဆိုတော့ အင်းယားကန်က ရေငွေ့ ပိုရတယ်။ အဲဒါကြောင့် အဲဒီလို နေရာမျိုးတွေမှာ ဖြစ်တာ” ဟု မိုးလေ၀သပညာရှင် ဦးချစ်ကျော်က ပြောကြားသည်။

ပြီးခဲ့သည့် ဇူလိုင် ၁၅ ရက် ညပိုင်းတွင်လည်း ရန်ကုန်မြို့ ဆိပ်ကြီးခနောင်တို မြို့နယ်တွင် လေဆင်နှာမောင်း ၀င်ရောက် တိုက်ခတ်ခဲ့ပြီး အိမ်ခြေအချို့ ပျက်စီးဆုံးရှုံးသွားကြောင်း သိရသည်။

မိုးတိမ်တောင်ဖြစ်စဉ်သည် အပူပျံတက်တိမ်များကြောင့် ဖြစ်ပွားခြင်းဖြစ်ပြီး ယင်းဖြစ်စဉ်ကြောင့် လေပြင်းတိုက်ခြင်း၊ နေရာကွက် မိုးထစ်ချုန်း ရွာသွန်းခြင်း၊ မိုးကြိုးပစ်ခြင်း၊ မိုးခြိမ်းခြင်း၊ လေပြင်းတိုက်ခတ်ခြင်း၊ လေဆင်နှာမောင်း တိုက်ခတ်ခြင်းနှင့် စိုက်စင်းလေပြင်း တိုက်ခတ်ခြင်းများ ဖြစ်ပွားကြောင်း သိရသည်။

 

ယခုလကုန်ပိုင်းအတွင်း မွန်နှင့် ကရင်ပြည်နယ်တွင် မိုးသည်းထန်စွာ ရွာသွန်းနိုင်ပြီး ရေကြီးရေလျှံမှုကို သတိပြုရန်လို

ယခုလကုန်ပိုင်းအတွင်း မွန်နှင့် ကရင်ပြည်နယ်တို့တွင် မိုးသည်းထန်စွာ ရွာသွန်းနိုင်ပြီး ရေကြီးရေလျှံမှုကို သတိပြုရန် လိုအပ်ကြောင်း မိုးလေ၀သပညာရှင် ဦးချစ်ကျော်က ပြောကြားသည်။

“အခုကတော့ မိုးလျော့နေတယ်။ ဇွန် ၂၆၊ ၂၇လောက်မှာ ကရင်တို့ မွန်တို့ မိုးပြန် ပိုလာမယ်။ ပိုလာမှာက တော်တော်များများ ပိုလာမယ်။ မိုးသည်းထန်မှာပေါ့၊ ကျန်တာ ကတော့ ရခိုင်တို့ ဧရာဝတီတို့ မိုးပြန်ရွာလာ မယ်။ ကမ်းရိုးတန်းတွေက လကုန်အထိ မိုး ပြန်ရွာလာမယ်။ မိုးသည်းထန်တာမျိုးတော့ မဟုတ်ဘူး။ အလယ်ပိုင်း ဒေသတွေဖြစ်တဲ့ စစ်ကိုင်းတိုင်းအောက်ပိုင်း၊ မကွေးတိုင်း၊ မန္တ လေးဒေသတွေကတော့ မိုးလျော့နေမယ်။ ရှမ်းတို့ဘာတို့ကတော့ နေရာကျဲကျဲလောက် မိုးရွာနိုင်တယ်။ ကချင်လည်း မိုးရမယ်။ မိုးမ သည်းနိုင်ဘူး။ မိုးသည်းထန်နိုင်တာက ကရင်နဲ့ မွန်နဲ့ပဲ။ အဓိကကတော့ မုတ်သုံလေကြောင့် ပဲမိုးရမှာ ဖြစ်တယ်။ အခြားလေဖိအားနည်း ရပ်ဝန်းကြောင့်တော့ မဟုတ်ဘူး။ မိုးသည်းထန်နိုင်တဲ့ မွန်တို့ ကရင်တို့ကတော့ ရေကြီးရေလျှံတာကို သတိပြုဖို့လိုတယ်” ဟု ဦးချစ်ကျော်က ပြောကြားသည်။

ထို့ပြင် ရေကြီးရေလျှံမှု ဖြစ်မဖြစ်သည် ယင်းဒေသများတွင် ရေစီး၊ ရေလာ ကောင်းမွန်အောင် လုပ်မလုပ်နှင့် သက်ဆိုင်ကြောင်း၊ မိုးများတိုင်းရေကြီး ရေလျှံမှု မဖြစ်ကြောင်း၊ ရေသွားစရာ နေရာရှိပါက ရေကြီးရေလျှံမှု မဖြစ်ကြောင်း၊ လူဦးရေ တိုးပွားလာပြီး အိမ်ရာများတိုးချဲ့ ဆောက်လုပ်ရာတွင် နဂိုရှိပြီးသား မြောင်းများကို ပိတ်ဆို့တည်ဆောက်ခြင်း၊ ရေစီးရေလာအတွက် ထည့်သွင်းစဉ်းစားမှုများ မရှိခဲ့မှုကြောင့် မိုသည်းထန်ပါက ရေကြီးရေလျှံမှုများ ဖြစ်ပွားလာကြောင်း ဦးချစ်ကျော်က ဆက်လက်ပြောကြားသည်။

“အဲဒါက ဘာနဲ့ဆိုင်လဲဆိုတော့ မြို့ပြလူနေမှုစနစ်နဲ့ ဆိုင်တယ်။ မြို့ပြလူနေမှုစနစ်က ရာသီဥတု ပြောင်းလဲမှုကြောင့် မိုးတွေသည်းထန်စွာ ရွာသွန်းလို့ရှိရင် ရေကြီးရေလျှံ မဖြစ်အောင် မြို့ပြကို တည်ဆောက်မယ်ဆိုတဲ့ စီမံချက်မရှိဘူး။ အဲဒါက လူတိုင်း လူတိုင်းမှာ ရှိသင့်တယ်။ အစိုးရချည်းပဲ တာဝန်ရှိတာ မဟုတ်ဘူး။ လူတိုင်းမှာ တာဝန်ရှိတယ်။ အဓိက,ကတော့ အစိုးရနဲ့ စည်ပင်သာယာပေါ့” ဟု ဦးချစ်ကျော်က ဆိုသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ဇွန်တတိယ ၁၀ ရက်ပတ် မိုးလေ၀သနှင့် ဇလဗေဒ ခန့်မှန်းချက်များအရ စစ်ကိုင်းတိုင်းဒေသကြီး အထက်ပိုင်းနှင့် ကချင်ပြည်နယ်တို့တွင် ရွာသွန်းမြဲထက်ပိုနိုင်ပြီး စစ်ကိုင်းတိုင်းဒေသကြီး အောက်ပိုင်း၊ မန္တလေး၊ မကွေး၊ ပဲခူး၊ ရန်ကုန်၊ ဧရာဝတီတိုင်းဒေသကြီး၊ ရှမ်း၊ ချင်း၊ ရခိုင်၊ ကယား၊ ကရင်နှင့် မွန်ပြည်နယ်တို့တွင် ရွာသွန်းမြဲခန့် ရှိနိုင်ကြောင်း မြစ်ရေအခြေအနေမှာ ဧရာဝတီမြစ်ရေသည် ဇွန်တတိယ ၁၀ ရက်ပတ်အတွင်း မြစ်ကြီးနားမြို့၊ ဗန်မော်မြို့၊ ရွှေကူမြို့၊ ကသာမြို့နှင့် သပိတ်ကျင်းမြို့တို့တွင် သုံးပေမှ ငါးပေခန့်နှင့် မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့၊ ညောင်ဦးမြို့၊ ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် တစ်ပေမှ သုံးပေခန့် မြင့်တက်လာနိုင်ပြီး ချင်းတွင်းမြစ်ရေသည် ခန္တီးမြို့၊ ဟုမ္မလင်းမြို့နှင့် ဖောင်းပြင်မြို့တို့တွင် လေးပေမှ ခြောက်ပေခန့် မြင့်တက်လာနိုင်ကြောင်း မိုးဇလ၏ ထုတ်ပြန်ချက်အရ သိရသည်။

၂၀၁၈ ဇွန်လပထမပတ်ခန့်မှစပြီး မိုးသည်းထန်စွာ ရွာသွန်းမှုကြောင့် တိုင်းဒေသကြီး ပြည်နယ်အချို့တွင် ရေကြီးရေလျှံမှု ဖြစ်ပေါ်ခဲ့ပြီး ဇွန် ၁၉ ရက်အထိ စာရင်းများအရ လူဦးရေ ၄၄၀၀၀ ခန့်ရေဘေးဒဏ် ခံစားခဲ့ရပြီး လူ ၁၈ ဦးသေဆုံးခဲ့ကြောင်း လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ထုတ်ပြန်ခဲ့သည်။

၂၀၁၅ ခုနှစ်မှ ၂၀၁၈ ခုနှစ် လက်ရှိအချိန်အထိ မြန်မာနိုင်ငံတစ်ဝန်းတွင် ရေကြီးရေလျှံမှုကြောင့် လူ ၂၅ သိန်းကျော် ရေဘေးသင့်ခဲ့

ယခုနှစ်တွင် အဆိုးရွားဆုံးဖြစ်သည့် မော်လမြိုင် ရေကြီးမှုကို တွေ့ရစဉ် (ဓာတ်ပုံ- ဘိုဘိုမြင့်)

၂၀၁၅ ခုနှစ်မှ ၂၀၁၈ ခုနှစ် လက်ရှိအချိန်ထိ မြန်မာနိုင်ငံတစ်ဝန်း ရေကြီးရေလျှံမှုကြောင့် လူ ၂၅ သိန်းကျော် ရေဘေးသင့်ခဲ့ကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနမှ ညွှန်ကြားရေးမှူးချုပ် ဒေါက်တာကိုကိုနိုင်က ပြောကြားသည်။

“၂၀၁၅ မှာ တစ်နိုင်ငံလုံး ရေကြီးရေလျှံမှုတွေ ဆိုးရွားစွာ ကြုံတွေ့ခဲ့ရတာ အားလုံးအသိ ဖြစ်ပါတယ်။ အဲဒီတုန်းက လူဦးရေ ၁၇ သိန်းကျော်လောက်ကို မိမိတို့ မူလနေရာဒေသကနေ ရွှေ့ပြောင်းခဲ့ရတာရှိတယ်။ ၂၀၁၆ ခုနှစ်မှာကျတော့ လူငါးသိန်းကျော်လောက် နေရာရွှေ့ပြောင်း လိုက်ရတယ်။ ဒါက မိုးတွင်းကာလ တစ်ခုလုံးကို ပြောတာပါ။ ၂၀၁၇ ခုနှစ်ကတော့ နည်းသွားတယ်။ ကြိုတင်ကာကွယ်ရေးတွေ၊ ပြင်ဆင်မှုတွေ လုပ်နိုင်တဲ့အတွက် ရေဘေးသင့်တာ သုံးသိန်းကျော်လောက်ပဲ ရှိတယ်။ ၂၀၁၈ မိုးဦးကာလအစမှာ စာရင်းဇယား အရတော့ လေးသောင်းကျော်လောက် ရွှေ့ထားတယ်” ဟု ဒေါက်တာကိုကိုနိုင်က ပြောကြားသည်။

မြန်မာနိုင်ငံသည် ရေကြီးရေလျှံမှုကို နှစ်စဉ်ရင်ဆိုင်နေရကြောင်း၊ ယခုကဲ့သို့ ဖြစ်ပွားမှုသည် ရာသီဥတု ပြောင်းလဲလာခြင်း၊ ကမ္ဘာကြီး ပူနွေးလာခြင်းနှင့် အခြားအခြားသော အကြောင်းများကြောင့် ဖြစ်ကြောင်း၊ ကြိုတင်ပြင်ဆင်မှုနှင့် အသင့်ဖြစ်မှု အပိုင်းသည် အရေးကြီးကြောင်း ဒေါက်တာကိုကိုနိုင်က ပြောကြားသည်။

“ကြိုတင်ပြင်ဆင်မှု အားကောင်းလေလေ ထိခိုက်ဆုံးရှုံးမှု နည်းလေလေ ဖြစ်တယ်” ဟု ၎င်းက ပြောကြားသည်။

၂၀၁၆ ခုနှစ်တွင် ကောလင်း၌ ရေအလွန်ကြီးခဲ့သဖြင့် ၂၀၁၇ ခုနှစ်တွင် ကောလင်း၌ သဘာဝ ဘေးအန္တရာယ်ဆိုင်ရာ ဆွေးနွေးပွဲများ၊ မြို့တွင်း ရေစီးရေလာ ကောင်းမွန်အောင် လုပ်နိုင်ခဲ့သဖြင့် ရေကြီးရေလျှံမှု သက်သာသွားကြောင်း ဒေါက်တာကိုကိုနိုင်က သုံးသပ်ပြောကြားသည်။

ထို့ပြင် သဘာဝဘေးကြောင့် ဒုက္ခရောက်ရှိခဲ့ပါက နေအိမ်မှ ယာယီစခန်းများ သွားရောက်သည့်အချိန်တွင် စားနပ်ရိက္ခာနှင့် ခိုလှုံစရာ နေရာများ အရေးကြီးကြောင်း၊ မြန်မာနိုင်ငံတွင် သာမန်အားဖြင့် ဘာသာရေး အဆောက်အဦးများ၊ ကျောင်းများ၊ Shelter များသို့ သွားရောက်ခိုလှုံကြောင်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ဆန်ရိက္ခာများနှင့် ကယ်ဆယ်ရေး ပစ္စည်းများ ထောက်ပံ့ပေးကြောင်း ၎င်းကဆက်လက် ပြောကြားသည်။

“ဒီနှစ်ဆိုရင် ယခင်နှစ်တွေကထက် သုံးဆခန့် ပိုမိုပြီး တိုးမြှင့်ထောက်ပံ့နိုင်တယ်။ နိုင်ငံတော် ဘတ်ဂျက်ကလည်း ပိုမိုခွင့်ပြုထားတာဖြစ်တယ်။ ဒေသမှာရှိတဲ့ လူမှုရေး အဖွဲ့အစည်းတွေက ကူညီကြတယ်။ ပြီးတဲ့ အခါကြတော မနှစ်က ရေစကြို၊ ပခုက္ကူမှာ ရေမကြီးခင်ကတည်းက ကျွန်တော်တို့ ကြိုတင်ပြီးတော့ မိုးကာတဲတွေ ဆောင်ရွက်ထားတာရှိတယ်။ ရေစကြို၊ ပခုက္ကူဆိုတာ ချင်းတွင်းနဲ့ ဧရာဝတီဆုံတဲ့နေရာ၊ အဲဒီလိုနေရာမှာ တချို့သော ရွာလေးတွေက တစ်လကျော်လောက် ရေကြီးနစ်မြုပ်မှုဒဏ်ကို ခံရတယ်။ ယာယီနေရာမှာ တစ်လကျော်လောက် နေရတယ်။ မနှစ်ကတော့ ကျွန်တော်တို့က ညှိနှိုင်းပြီးတော့ မိုးကာတဲတွေ ဆောက်လုပ်ပြီးတော့ စနစ်တကျ ဆောင်ရွက်နိုင်တယ်။ ပိုပြီးတော့ အဆင်ပြေ ချောမွေ့တာ တွေ့ရတယ်။ ဒီနှစ်လည်း ဆောင်ရွက်သွားမှာဖြစ်တယ်” ဟု ဒေါက်တာကိုကိုနိုင်က ပြောကြားသည်။

၂၀၁၈ ခုနှစ် မေ ၂၉ ရက်တွင် ဘင်္ဂလားပင်လယ်အော်၌ ဖြစ်ပွားခဲ့သည့် မုန်တိုင်းငယ်သည် မြန်မာနိုင်ငံ ရခိုင်ကမ်းရိုးတန်းသို့ ဖြတ်ကျော်ဝင်ရောက်ခဲ့ရာ မိုးရွာသွန်းမှုသည် ပြည်နယ်နှင့် တိုင်းဒေသကြီး အနှံ့အပြားတွင် ဖြစ်ပွားခဲ့သည်။ ထို့ပြင်ဇွန် ၁၀ ရက်တွင် ဘင်္ဂလားပင်လယ်အော်တွင် မုန်တိုင်းတစ်ခု ထပ်မံဖြစ်ပွားပြီး ၎င်းနှင့်အတူ မုတ်သုံလေ အားကောင်းခြင်းကြောင့် ရခိုင်ပြည်နယ်၊ မကွေးတိုင်းဒေသကြီး၊ ကယားပြည်နယ်၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ မွန်ပြည်နယ်နှင့် ရှမ်းပြည်နယ်တို့ ရေကြီးရေလျှံမှုများ ဖြစ်ပွားခဲ့သည်။

 

ဘင်္ဂလားပင်လယ်အော်တွင် ဖြစ်ပေါ်နေသည့် လေဖိအားနည်းရပ်ဝန်းနှင့် မုတ်သုံလေ အားကောင်းမှုကြောင့် နေရာအနှံ့ မိုးသည်းထန်စွာ ရွာသွန်းမည်ဖြစ်ပြီး ရုတ်တရက် ရေကြီးခြင်းနှင့် မြေပြိုခြင်းများ သတိထားရန်လို

မိုးသည်းထန်စွာ ရွာသွန်းပြီး တောင်ကျချောင်းရေ စီးဆင်းမှုကြောင့် ရှမ်းပြည်နယ် သီပေါမြို့နယ် နမ့်လန်ကျေးရွာတွင် ရေကြီးနေစဉ်

ဘင်္ဂလားပင်လယ်အော်တွင် ဖြစ်ပေါ်နေသည့် လေဖိအားနည်းရပ်ဝန်းနှင့် မုတ်သုံလေ အားအလွန်ကောင်းမှုကြောင့် မြန်မာနိုင်ငံနေရာအနှံ့ မိုးသည်းထန်စွာ ရွာသွန်းမည်ဖြစ်ပြီး ရုတ်တရက် ရေကြီးခြင်းနှင့် မြေပြိုမှုများကို သတိထားရန် လိုအပ်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဒေါက်တာဦးကျော်မိုးဦးက ပြောကြားသည်။

“လေဖိအားနည်း ရပ်ဝန်းက နောက် ၃၆ နာရီဆိုရင် မုန်တိုင်းငယ်ကို ပြောင်းလဲနိုင်တယ်။ မုန်တိုင်းငယ် ဖြစ်လာရင်လည်း ဘင်္ဂလားဒေ့ရ်ှဘက်ကို ဦးတည်ရွေ့လျားမှာဖြစ်တယ်။ ပြီးတော့ မုတ်သုံလေကလည်း အားအလွန် ကောင်းနေတယ်။ အဲဒီနှစ်ခုကြောင့် ဇွန် ၉ ရက်ကနေ ၁၄ ရက်အတွင်း မြန်မာနိုင်ငံ နေရာအနှံ့အပြားမှာ မိုးတွေပျံ့ပျံ့နှံ့နှံ့ ရွာသွန်းနိုင်တယ်။ ပြီးတော့ လေဖိအားနည်း ရပ်ဝန်းကြောင့် မြန်မာနိုင်ငံ ကမ်းရိုးတန်းဒေသတွေမှာ လှိုင်းကြီးနိုင်တယ်။ ရခိုင်ကမ်းရိုးတန်းဒေသတွေမှာတော့ လေဖိအားနည်း ရပ်ဝန်းကြောင့် တစ်နာရီ မိုင်လေးဆယ်လောက်အထိ လေတိုက်နိုင်တယ်။ နောက်နှစ်ရက်အတွင်း အလယ်ပိုင်း ဒေသတွေမှာလည်း အခုလေတိုက်တာထက် ပိုပြင်းလာနိုင်တယ်။ မိုးသည်းထန်စွာ ရွာသွန်းမှုကြောင့် မြစ်ငယ် ချောင်းငယ်တွေမှာ ရုတ်တရက်ရေကြီးတာ၊ တောင်တန်းဒေသတွေမှာ မြေပြိုတာတွေကိုတော့ သတိပြုဖို့ လိုတယ်” ဟု ဒေါက်တာ ဦးကျော်မိုးဦးက ပြောကြားသည်။

မိုးလေ၀သနှင့် ဇလဗေဒ ညွှန်ကြားမှုဦးစီးဌာနမှ ဇွန် ၉ ရက်ထုတ်ပြန်ချက်တွင် ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေအား အလွန်ကောင်းနေခြင်းနှင့် ဘင်္ဂလားပင်လယ်အော် မြောက်ပိုင်းတွင် ဖြစ်ပေါ်နေသော လေဖိအားနည်း ရပ်ဝန်းတို့ကြောင့် ဇွန် ၁၀ ရက်မှ ၁၄ ရက်အတွင်း တစ်ပြည်လုံးတွင် နေရာစိပ်စိပ်မှ နေရာအနှံ့ အပြား မိုးရွာမည်ဖြစ်ပြီး၊ ကချင်ပြည်နယ်၊ ရှမ်းပြည်နယ်၊ ကယားပြည်နယ်တို့တွင် နေရာကွက်ကြား မိုးကြီးနိုင်ကြောင်း ကျန်တိုင်းဒေသကြီးနှင့် ပြည်နယ်တို့တွင် ဒေသအလိုက် မိုးကြီးနိုင်ကြောင်း သိရသည်။

အဆိုပါ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေအား အလွန်ကောင်းနေခြင်းနှင့် လေဖိအားနည်းရပ်ဝန်း အရှိန်ကြောင့် လေပြင်းတိုက်ခတ်ခြင်း၊ မိုးကြီးခြင်း၊ လျှပ်တစ်ပြက် ရေကြီးခြင်းနှင့်အတူ မြေပြိုခြင်းများ ဖြစ်ပေါ်နိုင်သဖြင့် ကုန်းမြင့်ဒေသအနီးတွင် နေထိုင်သူများအနေဖြင့် မြေပြိုမှုအန္တရာယ်ကို လည်းကောင်း၊ မြန်မာ့ကမ်းရိုးတန်း တစ်လျှောက်နှင့် မြစ်ငယ်၊ ချောင်းငယ်များတွင် နေထိုင်ကြသူများ အနေဖြင့် ရေကြီး၊ ရေလျှံမှုများ ဖြစ်ပေါ်နိုင်သောကြောင့် သတိပြုနေထိုင်ရန်နှင့် ပြည်တွင်းလေကြောင်း ပျံသန်းရေး၊ မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေး ငါးဖမ်းရေယာဉ်များ၊ သင်္ဘောများ အနေဖြင့် သတိပြုရန် မိုးဇလမှ ထုတ်ပြန်ထားသည်။

မေ ၂၉ ရက်တွင် ဘင်္ဂလားပင်လယ်အော်၌ ဖြစ်ပွားခဲ့သည့် မုန်တိုင်းငယ်မှာ မြန်မာနိုင်ငံ အတွင်းသို့ ၀င်ရောက်ခဲ့သဖြင့် ကျောက်ဖြူ၊ သံတွဲနှင့် မာန်အောင်မြို့နယ်တို့တွင် နေအိမ်အဆောက်အအုံ ပျက်စီးမှုများ ရှိခဲ့ပြီး လေးဦး သေဆုံးခဲ့ကြောင်း သိရသည်။

ဘင်္ဂလားပင်လယ်အော်တွင် ဖြစ်ပွားသော မုန်တိုင်းများ၏ ခြောက်ရာခိုင်နှုန်းသည် မြန်မာနိုင်ငံသို့ ဖြတ်ကျော်ခဲ့ကြောင်း၊ မုန်တိုင်းသက်ရောက်မှုများကို သတိပြုရသော ဒေသများသည် ရခိုင်ကမ်းရိုးတန်းဒေသ၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးတို့ ပါဝင်သည့် မြစ်ဝကျွန်းပေါ် ကမ်းရိုးတန်း ဒေသတို့ဖြစ်သည်။

ကုန်းတွင်းမုန်တိုင်းငယ် နောက် ၁၂ နာရီအတွင်း အားလျော့သွားမည်ဟု မိုးဇလခန့်မှန်း

ဓာတ်ပုံ – မိုးလေဝသနှင့် ဇလဗေဒညွှန်ကြားမှုဦးစီးဌာန

ဘင်္ဂလားပင်လယ်အော် အရှေ့အလယ်ပိုင်းတွင် ဖြစ်ပေါ်နေသည့် အားကောင်းသော မုန်တိုင်းငယ်သည် မုန်တိုင်းငယ် (Deep Depression) သည် ရခိုင်ကမ်းရိုးတန်းကို အမ်းမြို့အနီးမှ ဖြတ်ကျော် ဝင်ရောက်ခဲ့ပြီးနောက် ကုန်းတွင်းမုန်တိုင်းငယ်အဖြစ် ဆက်လက်တည်ရှိနေပြီး နောက် ၁၂ နာရီအတွင်း အားလျော့သွားမည်ဟု ခန့်မှန်းရကြောင်း မိုးလေ၀သနှင့် ဇလဗေဒ ညွှန်ကြားမှုဦးစီးဌာန၏ ထုတ်ပြန်ချက်အရ သိရသည်။

အဆိုပါ ကုန်းတွင်းမုန်တိုင်းငယ် (Land Depression) ဖြစ်ပေါ်နေစဉ် (၃၀.၅.၂၀၁၈) ရက်နေ့မှ (၃၁.၅.၂၀၁၈) ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ နေရာကွက်၍ မိုးကြီးခြင်းနှင့် ဒေသအလိုက် မိုးကြီးခြင်းများ ဖြစ်ပေါ်ခြင်း၊ စစ်ကိုင်းတိုင်းဒေသကြီးအောက်ပိုင်း၊ မန္တလေး တိုင်းဒေသကြီး၊ မကွေးတိုင်းဒေသကြီးနှင့် ရခိုင်ပြည်နယ်တို့တွင် တစ်နာရီလျှင် (၃၅)မိုင်နှုန်းအထိ လေပြင်းများ တိုက်ခတ်နိုင်ကြောင်း ထုတ်ပြန်ထားသည်။

ကုန်းတွင်းမုန်တိုင်းငယ် (Land Depression) ၏အရှိန်ကြောင့် လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက် ရေကြီးခြင်းနှင့်အတူ မြေပြိုခြင်းများ ဖြစ်ပေါ်နိုင်ပါသဖြင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှု အန္တရာယ်ကို လည်းကောင်း၊ မြန်မာ့ကမ်းရိုးတန်းတစ်လျှောက်နှင့် မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများ ဖြစ်ပေါ်နိုင်သောကြောင့် ကြိုတင်သတိပြု နေထိုင်ကြပါရန်နှင့် ပြည်တွင်းလေကြောင်း ပျံသန်းရေး၊ မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များ၊ သင်္ဘောများ အနေဖြင့်လည်း ကြိုတင်သတိပြုနိုင်ရန် မိုးဇလမှ အကြံပြုထားသည်။

ဘင်္ဂလားပင်လယ်အော်တွင် ဖြစ်ပေါ်နေသော မုန်တိုင်းငယ်သည် အားကောင်းသည့် မုန်တိုင်းငယ်အဖြစ် ပြောင်းလဲခဲ့ပြီး ၄ နာရီအတွင်း ကုန်းတွင်းပိုင်းသို့ ၀င်ရောက်မည်

ဓာတ်ပုံ – မိုးလေဝသနှင့်ဇလဗေဒညွှန်ကြားမှုဦးစီးဌာန

ဘင်္ဂလားပင်လယ်အော်တွင် ဖြစ်ပေါ်နေသော မုန်တိုင်းငယ်သည် အားကောင်းသော မုန်တိုင်းငယ်အဖြစ် ပြောင်းလဲခဲ့ပြီး ၄နာရီအတွင်း ကုန်းတွင်းပိုင်းသို့ ၀င်ရောက်မည်ဖြစ်ကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ထုတ်ပြန်ထားသည်။

မေ ၂၉ ရက် ညနေ ၆ နာရီခွဲအချိန် တိုင်းထွာချက်များအရ ဘင်္ဂလားပင်လယ်အော် အရှေ့အလယ်ပိုင်းတွင် ဖြစ်ပေါ်နေသော မုန်တိုင်းငယ်သည် မြောက်-အရှေ့မြောက်ဘက်သို့ အနည်းငယ် ရွေ့လျားခဲ့ပြီး၊ အားကောင်းသော မုန်တိုင်းငယ်(Deep Depression) အဖြစ်သို့ ရောက်ရှိခဲ့ကာ မြန်မာနိုင်ငံ၊ မာန်အောင်မြို့၏ အနောက်-အနောက်မြောက်ဘက် မိုင်(၄၀)ခန့်၊ စစ်တွေမြို့၏ တောင်ဘက် မိုင်(၇၀)ခန့်၊ ကျောက်ဖြူမြို့၏ အနောက်တောင်ဘက် မိုင် (၄၀) ခန့်အကွာ ပင်လယ်ပြင်ကို ဗဟိုပြုနေပါသည်။ အဆိုပါ အားကောင်းသော မုန်တိုင်းငယ် (Deep Depression) သည် အရှေ့မြောက်ဘက်သို့ ရွေ့လျားမည်ဟု ခန့်မှန်းရကြောင်း၊ အဆိုပါ အားကောင်းသော မုန်တိုင်းငယ် (Deep Depression) သည် မြန်မာနိုင်ငံ ရခိုင်ကမ်းရိုးတန်းဒေသကို နောက် (၄) နာရီအတွင်း ဖြတ်ကျော်ဝင်ရောက်မည်ဟု ခန့်မှန်းရပါသဖြင့် အနီရောင် အရေးပေါ် အခြေအနေဟု သတ်မှတ်ထားကြောင်း သိရသည်။

အဆိုပါ အားကောင်းသော မုန်တိုင်းငယ်(Deep Depression)သည် မြန်မာစံတော်ချိန် (၁၈:၃၀)နာရီအချိန်တွင် မြောက်လတ္တီကျု (၁၉.၀)ဒီဂရီနှင့် အရှေ့လောင်ဂျီကျု (၉၃.၀) ဒီဂရီတွင်ရှိပြီး၊ ဗဟိုချက်လေဖိအား (၉၉၂) ဟက်တိုပါစကယ်နှင့် အမြင့်ဆုံးလေတိုက်နှုန်း မှာ တစ်နာရီလျှင် (၄၅)မိုင်နှုန်း ဖြစ်ကြောင်း၊အားကောင်းသော မုန်တိုင်းငယ်(Deep Depression)သည် ယနေ့ညနေမှ နောက် (၄)နာရီအတွင်း မြန်မာနိုင်ငံ ရခိုင်ကမ်းရိုးတန်းဒေသကို စစ်တွေမြို့နှင့် ကျောက်ဖြူမြို့ ကြားမှ ဖြတ်ကျော်ဝင်ရောက်မည်ဟု ခန့်မှန်းရကြောင်း၊ အားကောင်းသော မုန်တိုင်းငယ်(Deep Depression) သည် စစ်တွေမြို့နှင့် ကျောက်ဖြူ မြို့ကြားမှ ဖြတ်ကျော်စဉ် အမြင့်ဆုံးလေတိုက်နှုန်းမှာ တစ်နာရီလျှင် (၄၅)မိုင်မှ မိုင်(၅၀) အထိ တိုက်ခတ်နိုင်ပြီး၊ အားကောင်းသော မုန်တိုင်းငယ်(Deep Depression) ဖြတ်ကျော်စဉ် မုန်တိုင်းဒီရေမှာ ရခိုင်ကမ်းရိုးတန်းဒေသ မာန်အောင်မြို့၊ ကျောက်ဖြူမြို့နှင့် စစ်တွေမြို့တို့၏ ကမ်းခြေ ဒေသများတွင် (၆)ပေမှ (၈)ပေခန့်နှင့် ဧရာဝတီတိုင်းဒေသကြီးကမ်းခြေဒေသများတွင် (၃)ပေခန့်အထိ မြင့်တက်လာနိုင်ကြောင်း မိုးဇလထုတ်ပြန်ချက်တွင်ဖော်ပြထားသည်။

ဓာတ်ပုံ – မိုးလေဝသနှင့်ဇလဗေဒညွှန်ကြားမှုဦးစီးဌာန

ထို့ပြင် အားကောင်းသော မုန်တိုင်းငယ် (Deep Depression) ၏ အရှိန်ကြောင့် (၂၉.၅.၂၀၁၈) ရက်နေ့မှ (၃၁.၅.၂၀၁၈) ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်း ဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်း ရွာပြီး၊ နေရာကွက်၍ မိုးကြီးခြင်းနှင့် ဒေသအလိုက် မိုးကြီးခြင်းများ ဖြစ်ပေါ်မည်ဖြစ်ပြီး စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာ ဝတီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ် နှင့် မွန်ပြည်နယ်တို့တွင် (၂၄)နာရီအတွင်း (၇၇)မီလီမီတာ(၃-လက်မ)နှင့်အထက်၊ နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မကွေးတိုင်းဒေသကြီးနှင့် မန္တလေး တိုင်းဒေသကြီးတို့တွင် (၃၈) မီလီမီတာ(၁.၅-လက်မ)နှင့် အထက် ရွာသွန်းနိုင်ကြောင်းသိရသည်။

ယင်းအပြင် မုန်တိုင်းအရှိန်ကြောင့် မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် မကြာခဏ မိုးသက် လေပြင်းများကျရောက်ပြီး၊ လှိုင်းကြီးရာမှ လှိုင်းအလွန်ကြီးမည်ဖြစ်ပြီး မိုးသက်လေပြင်း ကျစဉ် ရေပြင်/မြေပြင်လေသည် တစ်နာရီလျှင် (၄၅)မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၁၀)ပေမှ (၁၆)ပေခန့်ရှိနိုင်ကြောင်း၊ အားကောင်းသော မုန်တိုင်းငယ်(Deep Depression)၏ အရှိန်ကြောင့် လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက် ရေကြီးခြင်းနှင့်အတူ မြေပြိုခြင်းများ ဖြစ်ပေါ်နိုင်ပါသဖြင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှု အန္တရာယ်ကိုလည်းကောင်း၊ မြန်မာ့ကမ်းရိုးတန်းတစ်လျှောက်နှင့် မြစ်ငယ်၊ ချောင်းငယ် များ အနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများ ဖြစ်ပေါ်နိုင်သောကြောင့် ကြိုတင်သတိပြု နေထိုင်ကြပါရန်နှင့် ပြည်တွင်း လေကြောင်းပျံသန်းရေး၊ မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေး ငါးဖမ်းရေယာဉ်များ၊ သင်္ဘောများ အနေဖြင့်လည်း ကြိုတင်သတိရန် မိုးဇလမှ ထုတ်ပြန်ထားသည်။

အနီရောင်အဆင့် မုန်တိုင်းငယ် နောက်ကိုးနာရီအတွင်း ရခိုင်ကမ်းရိုးတန်းဒေသို့ ဖြတ်ကျော် ၀င်ရောက်မည်

ဓာတ်ပုံ -မိုးလေ၀သနှင့် ဇလဗေဒညွှန်ကြားမှု ဦးစီးဌာန

ပင်လယ်အော် အရှေ့အလယ်ပိုင်းတွင် ဖြစ်ပေါ်နေသော အနီရောင်အဆင့် သတ်မှတ်ထားသည့် မုန်တိုင်းငယ်သည် မြန်မာနိုင်ငံ ရခိုင်ကမ်းရိုးတန်း ဒေသကို နောက် ၉ နာရီ အတွင်း ဖြတ်ကျော် ဝင်ရောက်မည်ဟု ခန့်မှန်းရကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ထုတ်ပြန်ထားသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ယနေ့ မြန်မာစံတော်ချိန် မွန်းလွဲ ၁ နာရီ ၃၀ မိနစ်အချိန် တိုင်းထွာချက်များအရ ဘင်္ဂလားပင်လယ်အော် အရှေ့အလယ်ပိုင်းတွင် ဖြစ်ပေါ်နေသော မုန်တိုင်းငယ်သည် အရှေ့မြောက်ဘက်သို့ ရွေ့လျားခဲ့ပြီး၊ မြန်မာနိုင်ငံ၊ မာန်အောင်မြို့၏ အနောက် – အနောက် တောင်ဘက် မိုင် (၄၀) ခန့်၊ စစ်တွေမြို့၏ တောင်ဘက် မိုင် (၈၀) ခန့်၊ ကျောက်ဖြူမြို့၏ အနောက်တောင်ဘက် မိုင် (၅၀) ခန့်အကွာ ပင်လယ်ပြင်ကို ဗဟိုပြုနေပြီး အဆိုပါ မုန်တိုင်းငယ်သည် အရှေ့မြောက်ဘက်သို့ ရွေ့လျားမည်ဟု ခန့်မှန်းရကြောင်း ထုတ်ပြန်ထားသည်။

အဆိုပါ မုန်တိုင်းငယ်သည် မြန်မာစံတော်ချိန် မိနစ် ၁ နာရီ ၃၀ မိနစ်အချိန်တွင် မြောက်လတ္တီကျု (၁၈.၈) ဒီဂရီနှင့် အရှေ့လောင်ဂျီကျု (၉၃.၀) ဒီဂရီတွင်ရှိပြီး ဗဟိုချက် လေဖိအား (၉၉၆) ဟက်တိုပါစကယ်နှင့် အမြင့်ဆုံး လေတိုက်နှုန်းမှာ တစ်နာရီလျှင် (၄၅)မိုင်နှုန်း ဖြစ်ကြောင်း သိရသည်။

မုန်တိုင်းငယ်သည် စစ်တွေမြို့နှင့် ကျောက်ဖြူမြို့ကြားမှ ဖြတ်ကျော်ပါက အမြင့်ဆုံး လေတိုက်နှုန်းမှာ တစ်နာရီလျှင် (၄၅) မိုင်မှ မိုင်(၅၀) အထိ တိုက်ခတ်နိုင်ကြောင်း၊ မုန်တိုင်းငယ် ဖြတ်ကျော်စဉ် မုန်တိုင်းဒီရေမှာ ရခိုင်ကမ်းရိုးတန်းဒေသ မာန်အောင်မြို့၊ ကျောက်ဖြူမြို့နှင့် စစ်တွေမြို့တို့၏ ကမ်းခြေဒေသများတွင် (၅)ပေမှ (၇) ပေခန့်နှင့် ဧရာဝတီတိုင်းဒေသကြီး ကမ်းခြေဒေသများတွင် (၃)ပေခန့်အထိ မြင့်တက်လာနိုင်ကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ခန့်မှန်းထားသည်။

ဓာတ်ပုံ -မိုးလေ၀သနှင့် ဇလဗေဒညွှန်ကြားမှု ဦးစီးဌာန

အဆိုပါ မုန်တိုင်းငယ်၏ အရှိန်ကြောင့် မေ ၂၉ ရက်မှ ၃၁ ရက်နေ့အတွင်း နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး နေရာကွက်၍ မိုးကြီးခြင်းနှင့် ဒေသအလိုက် မိုးကြီးခြင်းများဖြစ်ပေါ်မည် ဖြစ်ကြောင်း သိရသည်။

ထို့အပြင် စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ် နှင့် မွန်ပြည်နယ်တို့တွင် (၂၄) နာရီအတွင်း (၇၇)မီလီမီတာ(၃-လက်မ)နှင့်အထက်၊ နေပြည်တော်၊ စစ်ကိုင်းတိုင်းဒေသကြီး အောက်ပိုင်း၊ မကွေးတိုင်းဒေသကြီးနှင့် မန္တလေးတိုင်းဒေသကြီးတို့တွင် (၃၈)မီလီမီတာ(၁.၅-လက်မ)နှင့် အထက် ရွာသွန်းနိုင်ကြောင်း သိရသည်။

အဆိုပါ မုန်တိုင်းငယ်၏ အရှိန်ကြောင့် လေပြင်းတိုက်ခတ်ခြင်း၊ မိုးကြီးခြင်း၊ ရုတ်တရက် ရေကြီးခြင်းနှင့်အတူ မြေပြိုခြင်းများ ဖြစ်ပေါ်နိုင်ပါသဖြင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှု အန္တရာယ်ကိုလည်းကောင်း၊ မြန်မာ့ကမ်းရိုးတန်း တစ်လျှောက်နှင့် မြစ်ငယ်၊ ချောင်းငယ်များ အနီးတွင် နေထိုင်ကြသူများ အနေဖြင့် ရေကြီး၊ ရေလျှံမှုများ ဖြစ်ပေါ်နိုင်သောကြောင့် ကြိုတင်သတိပြုနေထိုင် ကြရန်နှင့် ပြည်တွင်းလေကြောင်း ပျံသန်းရေး၊ မြန်မာ့ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေး ငါးဖမ်းရေယာဉ်များ၊ သင်္ဘောများ အနေဖြင့်လည်း ကြိုတင်သတိပြုရန် မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ထုတ်ပြန်ခဲ့သည်။