ရုပ်ရှင်သရုပ်ဆောင်သီဟတင်စိုးကဲ့သို့ ပဲခူးမြို့တွင် မုဒိမ်းမှုဖြင့် အမှုဖွင့်ခံရသော အောင်နိုင်ထွန်း၏ သုက်ပိုး ဒေါ်ခင်မာညိုထံတွင် မရှိကြောင်း တရားရုံးတွင် မှုခင်းဆရာဝန် ထွက်ဆို

ပဲခူးမြို့နယ်တရားရုံးတွင် ရုပ်ရှင်သရုပ်ဆောင် သီဟတင်စိုးကဲ့သို့ ဒေါ်ခင်မာညို၏ မုဒိမ်းမှုဖြင့် တရားစွဲခံရသော အောင်နိုင်ထွန်း အမှုကို ဇူလိုင် ၂၅ ရက် နံနက် ၁၁ နာရီခန့်က ပဲခူးမြို့နယ်တရားရုံးတွင် ကိုးကြိမ်မြောက် စစ်ဆေးခဲ့ပြီး အောင်နိုင်ထွန်း၏ သုက်ပိုး ဒေါ်ခင်မာညိုတွင် မတွေ့ရှိကြောင်း မှုခင်းဆရာဝန်က ထွက်ဆိုသွားသည်ဟု ပဲခူးမြို့နယ် တရားသူကြီး ဦးစိုးမင်း၏ ပြောကြားချက်အရ သိရသည်။

“ကျွန်တော် ဒီအမှုကို စစ်နေတာ အခုဆို ရုံးချိန်းကိုးခါရှိပြီ။ သက်သေခုနစ်ဦးကို စစ်ပြီးပြီ။ ဒီနေ့ဆေးစစ်ချက် အတည်ပြုပေးတဲ့ မှုခင်းဆရာဝန်ကို စစ်တယ်ဆရာဝန်က ဒေါ်ခင်မာညို မအင်္ဂါမှာ အောင်နိုင်ထွန်းရဲ့သုက်ပိုး မတွေ့ရဘူးလို့ ထွက်ဆိုတယ်။ ဒေါ်ခင်မာညိုရဲ့ မအင်္ဂါမှာရှိတဲ့ အမာရွတ်ကလည်း လွန်ခဲ့ခြောက်လလောက်ကတည်း ဒဏ်ရာလို့ ထွက်ဆိုသွားတယ်။ နောက်ထပ်သက်သေ ခုနစ်ယောက်စစ်ဖို့ ကျန်သေးတယ်။ ဒီအမှုကို အမြန်ဆုံးပြီးအောင် စစ်ဆေးဆောင်ရွက်သွားမှာပါ” ဟု ပဲခူးမြို့နယ် တရားသူကြီး ဦးစိုးမင်းက ပြောကြားသည်။

ဖြစ်စဉ်မှာပဲခူးမြို့ အမှတ် (၃) ရဲစခန်းတွင် ခင်မာညိုဆိုသူ အမျိုးသမီးက ပုဒ်မ ၃၇၆ ဖြင့် အမှုဖွင့်တိုင်တန်းခဲ့သဖြင့် အောင်နိုင်ထွန်းမှာ ၃.၃.၂၀၁၈ နေ့က အမှတ် (၃) ရဲစခန်းမှ (ပ) ၁၁၆/၂၀၁၈ ရာဇသတ်ကြီး ဥပဒေပုဒ်မ (၃၇၆) ဖြင့် အမှုဖွင့်ခံရပြီး ပဲခူးအချုပ်ထောင်တွင်းမှနေ၍ ပဲခူးမြို့နယ်တရားရုံးတွင် အမှုရင်ဆိုင်နေရပြီး ဒေါ်ခင်​မာညို (ခ)ခင်​မာမြင့်​၏ လိမ်လည်တိုင်​တန်းမှု​ကြောင့်​ ရုပ်ရှင်မင်းသားသီဟတင်စိုး၏ အမှုမှာ အမှုမှန်ပေါ်သွားပြီဖြစ်သော်လည်း ပဲခူးမြို့မှ ဖမ်းဆီးခံထားရသော အောင်နိုင်ထွန်းမှာ လွတ်မြောက်မှု မရှိသေးကြောင်း သိရသည်။

“ကျွန်မခင်ပွန်းဆုံးပြီးတည်းက သားမိနှစ်ယောက်တည်းပါ။ သားကနေ့စားလုပ်ပြီး ကျွန်မက အ၀တ်လျှော်စားရတာ။ အိမ်လခတောင် မပေးနိုင်တဲ့ဘ၀တွေပါ။ သားဆီကို ထောင်ဝင်စာသွားတွေ့တိုင်း သားက သူ့မှာအပြစ်မရှိကြောင်း အမြဲပြောတယ်​။ အမှုအတွက်​ ​ရှေ့​နေငှားဖို့​တောင်​ အ​ဒေါ်မှာလည်း ငွေ​ကြေးကမရှိ​တော့ ငိုရုံကလွဲပြီး ဘာတစ်​ခုမှ မလုပ်​​ပေးနိုင်​ခဲ့ပါဘူး” ဟု မုဒိမ်းမှုဖြင့် တရားစွဲခံရသော အောင်နိုင်ထွန်း၏ မိခင်​ဖြစ်​သူ​ ဒေါ်စန်းစန်းဝင်းက​ ပြောကြားသည်​။

ထို့အပြင် တိုင်​​တန်းခြင်း​​​ခံရသူ ​​အောင်​​နိုင်​ထွန်းမှာ ​​​​ရုံးချိန်းကိုးကြိမ်ခန့်ရှိပြီဖြစ်ပြီး အမှတ်​(၃)ရဲစခန်းတွင်​ အမှုဖွင့်မခံရသေးချိန်တွင် အလုပ်​ရှင်​က လျော်ကြေး ၂၅ သိန်း ပေးသော်လည်း ခင်​မာညိုက သိန်းတစ်ရာတောင်းရာ မ​ပေးနိုင်သောကြောင့် အမှုဖွင့်ခံရခြင်းဖြစ်ကြောင်း သိရသည်။

ပွင့်ဖြူမြို့နယ်ရှိ ကျေးရွာတစ်ခုတွင် ပဉ္စမတန်း ကျောင်းသူတစ်ဦးအား အသက် ၁၇ နှစ်အရွယ် လူငယ်တစ်ဦးက သားမယားပြုကျင့်မှု ကျူးလွန်ခဲ့ပြီး ငွေအပေးအယူ ရှိခဲ့သည်ဆိုသည့် ဖြစ်စဉ်အား မကွေးတိုင်းဒေသကြီး ၀န်ကြီးချုပ်၏ ညွှန်ကြားမှုဖြင့် အမှုဖွင့်

မကွေးတိုင်းဒေသကြီး ပွင့်ဖြူမြို့နယ်ရှိ ကျေးရွာတစ်ခုတွင် ပဉ္စမတန်း ကျောင်းသူတစ်ဦးအား အသက် ၁၇ နှစ်အရွယ် လူငယ်တစ်ဦးက သားမယားပြုကျင့်မှု ကျူးလွန်ခဲ့ပြီး ငွေအပေးအယူ ရှိခဲ့သည်ဆိုသည့် ဖြစ်စဉ်အား တိုင်းဒေသကြီးအစိုးရအဖွဲ့ ၀န်ကြီးချုပ်၏ ညွှန်ကြားချက်ဖြင့် ၎င်း၏ ကိုယ်ရေးအရာရှိ ဦးအောင်ဝင်းက ပွင့်ဖြူမြို့နယ် ရဲတပ်ဖွဲ့စခန်းတွင် ဇူလိုင် ၁၆ ရက်က အမှုဖွင့်ခဲ့ကြောင်း သိရသည်။

ပွင့်ဖြူမြို့နယ်ရှိ ကျေးရွာတစ်ခုတွင် ပဉ္စမတန်း၌ ပညာသင်ယူနေသည့် အသက် ၁၂ နှစ်အရွယ် မ —- သည် ဇွန် ၃၀ ရက် ည ၈ နာရီက သူမ နေထိုင်သည့် နေအိမ်၏ ယာဘက်ရှိ အိမ်သို့ တီဗွီကြည့်ရန် သွားခဲ့ကြောင်း၊ ယင်းသို့ သွားနေစဉ် သူမ၏ နေအိမ် အရှေ့ဘက် ကပ်လျက်ရှိ အိမ်မှ အသက် ၁၇ အရွယ် မောင်ဝေယံဖြိုးက အိမ်သာထဲသို့ ဆွဲခေါ်၍ သားမယားပြုကျင့်ခဲ့ကြောင်း၊ ယင်းသို့ ဖြစ်ပေါ်ခဲ့သည်ကို မ—- အား အကြိမ်ကြိမ် မေးမြန်းခဲ့ပြီးနောက် သူမ၏ မိဘများက သိရှိခဲ့ပြီး ကျေးရွာအတွင်းရှိ ပြည်သူအချို့လည်း သိရှိခဲ့ကြောင်း၊ ထိုသို့ သိရှိပြီးနောက်ပိုင်း သက်ဆိုင်ရာ အုပ်ချုပ်ရေးမှူးရုံးနှင့် ရဲစခန်းများတွင် အမှုဖွင့်ခြင်းမရှိခဲ့ဘဲ ငွေအပေးအယူ ရှိခဲ့သည်ဟု ကြားသိရကြောင်း ယင်းကျေးရွာ ဒေသခံများနှင့် ဦးအောင်ဝင်းထံမှ သိရသည်။

ယင်ကျေးရွာတွင် အဆိုပါကဲ့သို့ ဖြစ်စဉ်မျိုး ယခင်ကလည်း တစ်ကြိမ် ဖြစ်ပွားခဲ့ကာ ငွေအပေးအယူဖြင့်ပင် ပြီးခဲ့ကြောင်း ယင်းအခြေအနေများကို ကျေးရွာနေ ပြည်သူအချို့က ၀န်ကြီးချုပ် ဒေါက်တာအောင်မိုးညို ထံ သတင်းပေး တိုင်ကြားခဲ့သောကြောင့် ၀န်ကြီးချုပ်က သူ၏ ကိုယ်ရေးအရာရှိအား တရားလိုပြုလုပ်၍ အမှုဖွင့်ရန် ညွှန်ကြားခဲ့ကြောင်း သိရသည်။

“အဲ့ဒီ့ကျေးရွာမှာ သက်ငယ်မုဒိမ်းမှု ဖြစ်သွားတယ်။ အဲဒီကိစ္စကို ကာယကံရှင်တွေက ဆင်းရဲနွမ်းပါးမှုအပေါ်မှာ ငွေကြေးနဲ့ အလျော်အစား လုပ်ထားတယ်။ အဲဒီတော့ ဒီငွေကြေး အလျော်အစား လုပ်ထားတဲ့အတွက် ကာယကံရှင်များလည်း ရဲစခန်းသွား အမှုမဖွင့်ဘူး။ အဲဒီတော့ အမှုက အုပ်ချုပ်ရေးမှူးနဲ့ တာဝန်ရှိသူတွေ ပေါင်းပြီး ဖျောက်ထားသလို ဖြစ်နေတယ်။ အဲဒါကြောင့်မို့လို့ တရားဥပဒေ စိုးမိုးရေးအတွက်ကို တိုင်းဝန်ကြီးချုပ်ကနေ အမှုသွားဖွင့်ပါဆိုလို့ ဖွင့်ခဲ့တာ” ဟု ဦးအောင်ဝင်းက ပြောကြားသည်။

အဆိုပါ အခြေအနေများနှင့် ပတ်သက်၍ ကျေးရွာ အုပ်ချုပ်ရေးမှူး ဦးမျိုးညွန့်အား ဇူလိုင် ၁၈ ရက်က မီဒီယာများက မေးမြန်းခဲ့ရာ ဖြစ်စဉ်ကို ကြားသိခဲ့ရသော်လည်း သူက အမှုဖွင့်ရန် မေးမြန်းသည့်အခါ ကျူးလွန်ခံရသည့် ကျောင်းသူ၏ ဖခင်က အမှုမဖွင့်လိုဟု ပြောခဲ့ကြောင်း အုပ်ချုပ်ရေးမှူး အနေဖြင့် ငွေကြေးအပေးအယူ ကိစ္စများကိုလည်း မသိခဲ့ရကြောင်း၊ ယင်းဖြစ်စဉ်ကို ခေါင်းစဉ်တပ်၍ ပြောကြားရန်ပင် ၀န်လေးမိသောကြောင့် မြို့နယ်အုပ်ချုပ်ရေးမှူထံသို့လည်း မတင်ပြခဲ့ကြောင်း ဖြေကြားသည်။

“ဒီကိစ္စနဲ့ ပတ်သက်လို့ သက်ငယ်မုဒိမ်းမှုနဲ့ ပတ်သက်လို့ ကင်းစင် ပပျောက်စေချင်တယ်။ အဂတိလိုက်စားမှုကိုလည်း ကင်းစင် ပပျောက်စေချင်တယ်။ ကျွန်တော့်ရွာကို ကောင်းတာပဲ မြင်စေချင်ပါတယ်။ ဒီအမှုမျိုးတွေကို နောက်နောင်ဖြစ်မှာစိုးလို့ တာဝန်သိ ပုဂ္ဂိုလ်တစ်ဦးအနေနဲ့ တင်ပြရခြင်း ဖြစ်ပါတယ်”ဟု ယင်းကျေးရွာမှ ဦးအေးနိုင်က ပြောကြားသည်။

အဆိုပါ ဖြစ်စဉ်နှင့် ပတ်သက်၍ ကျူးလွန်ခံရသည့် ကျောင်းသူ၏ အဒေါ်တစ်ဦးအား မေးမြန်းရာ သူမအနေဖြင့် ဖြစ်စဉ်ကို ကြားသိရစဉ်က ယင်းကိစ္စကို ၀င်ရောက်ပြောဆိုခဲ့သော်လည်း နောက်ပိုင်းတွင် သူမနှင့် သဘောထားချင်း မတူဘဲ ဆုံးဖြတ်ခြင်းများ ရှိသောကြောင့် လုံးဝဆွေးနွေး တိုင်ပင်မှု မရှိတော့ကြောင်း ဖြေကြားသည်။

ပွင့်ဖြူမြို့နယ် ရဲတပ်ဖွဲ့မှူးရုံးမှ ရဲမှူး ဇော်ဇော်က “၃၀ ရက် ခြောက်လပိုင်းက ဖြစ်တယ်လို့ ဖြစ်စဉ် တက်လာပါတယ်။ တိုင်တာကတော့ ဇူလိုင် ၁၆ ရက်မှာ ၀န်ကြီးချုပ်ကြီးရဲ့ ကိုယ်ရေးအရာရှိ ကိုအောင်ဝင်းက အမှုဖွင့်တယ်။ မြို့မစခန်းအနေနဲ့ အမှုရေးဖွင့်ပြီးတော့ ဆောင်ရွက်တယ်။ ကျွန်တော့်ဆီမှာ အမှုကြီး အစီရင်ခံစာနဲ့ ဖြစ်စဉ် ၁၉ ချက် တက်လာပါတယ်။ တက်လာတဲ့အချိန်မှာ တရားခံ ဖမ်းဆီးရေး၊ နစ်နာတဲ့ ကလေးမလေးနဲ့ တရားခံကို ဆေးစစ်ချက် ရယူရေး ဆောင်ရွက်ထားပါတယ်”ဟု ပြောကြားသည်။

အဆိုပါ ဖြစ်စဉ်ကို ပွင့်ဖြူမြို့နယ်မြေ ရဲစခန်းက (ပ) ၁၄၄/ ၂၀၁၈၊ ရာဇသတ်ကြီး ဥပဒေပုဒ်မ ၃၇၆ ဖြင့် အမှုဖွင့်ထားပြီး ပြစ်မှုကျူးလွန်သူအား ဖမ်းဆီးနိုင်ရန် ဆောင်ရွက်လျက်ရှိကြောင်း သိရသည်။

ကလေးသူငယ်နှင့် မသန်စွမ်းသူအမျိုးသမီးကို မုဒိမ်းမှုကျူးလွန်ပါက ထောင်ဒဏ်အနည်းဆုံး နှစ် ၂၀ မှ သေဆုံးသည်အထိ အကျဉ်းထောင်အတွင်း ကလေးသူငယ်နှင့် မသန်စွမ်းသူအမျိုးသမီးကို မုဒိမ်းမှုကျူးလွန်ပါက ထောင်ဒဏ်အနည်းဆုံး နှစ် ၂၀ မှ သေဆုံး ပြစ်ဒဏ်ကျခံရမည့် ပုဒ်မပါဝင်သော ဥပဒေမူကြမ်းများ ရေးဆွဲနေ

ကလေးသူငယ်နှင့် မသန်စွမ်းသူ အမျိုးသမီးကို မုဒိမ်းမှုကျူးလွန်ပါက ထောင်ဒဏ်အနည်းဆုံး နှစ် ၂၀ မှ သေဆုံးသည်အထိ အကျဉ်းထောင်အတွင်း ပြစ်ဒဏ်ကျခံရမည့် ပုဒ်မပါဝင်သော ဥပဒေမူကြမ်းများ ရေးဆွဲနေကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယ၀န်ကြီး ဦးစိုးအောင်က ပြောကြားသည်။

နေပြည်တော်၌ ဇွန် ၁၈ ရက်က ပြုလုပ်သော ဒုတိယအကြိမ် ပြည်သူ့လွှတ်တော် အဋ္ဌမပုံမှန်အစည်းအဝေး ၁၆ ရက်မြောက်နေ့တွင် ရသေ့တောင်မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ခင်စောဝေ၏ တစ်နေ့တခြား များပြားလာပြီး ထိတ်လန့်ဖွယ်ရာ အဆင့်သို့ရောက်ရှိနေသော သက်ငယ်မုဒိမ်းမှု ကျူးလွန်သူများအား ထိရောက်စွာ ဟန့်တားနိုင်ရန် အထူးဥပဒေတစ်ရပ် အမြန်ရေးဆွဲကာ ထိုဥပဒေထဲတွင် ပြစ်မှုပြစ်ဒဏ်အပိုင်းကို သေဒဏ်ချမှတ်သည်အထိ တိတိကျကျ ရေးဆွဲပြဋ္ဌာန်းပေးရန် ပြည်ထောင်စုအစိုးရ အားတိုက်တွန်းကြောင်း အဆိုနှင့်ပတ်သက် ပြီး ဒုတိယ၀န်ကြီးက ပြန်လည်ရှင်းလင်းပြောကြားရာတွင် အထက်ပါအတိုင်း ပြောကြားခဲ့ခြင်း ဖြစ်သည်။

“ကလေးသူငယ်အခွင့်အရေးများဆိုင်ရာ ဥပဒေမှုကြမ်း အခန်း ၂၇ ပုဒ်မ ၁၀၄ မှာ လည်းကောင်း၊ အမျိုးသမီးများအပေါ် အကြမ်းဖက်မှု တားဆီးကာကွယ်ရေး ဥပဒေမူကြမ်း အခန်း ၁၅ ပုဒ်မ ၄၆ တွင်လည်းကောင်းမည်သူမဆို ကလေးသူငယ် အမျိုးသမီးကိုဖြစ်စေ၊ မသန်စွမ်းသူ အမျိုးသမီးကိုဖြစ်စေ မုဒိမ်းမှုကျူးလွန်ကြောင်း ပြစ်မှုထင်ရှား စီရင်ခြင်းခံရရင် ထိုသူကို ထောင်ဒဏ် အနည်းဆုံး နှစ် ၂၀ မှ အများဆုံး ထောင်ဒဏ်တစ်သက်အထိ ချမှတ်ရမည့်အပြင် ငွေဒဏ်လည်း ချမှတ်ရမည်ဟု ထိရောက်ဟန့်တားတဲ့ ပြစ်ဒဏ်အဖြစ် ဖော်ပြထားပါတယ်။ ထောင်ဒဏ်တစ် သက်ဆိုတာဟာ ပြစ်မှုထင်ရှားစီရင်ခြင်းခံရသူကို အကျဉ်းထောင်ထဲ၌ သေဆုံးသည်အထိ ပြစ်ဒဏ်ချခံစေရန် ချမှတ်တဲ့ထောင်ဒဏ်ကို ဆိုလိုပါတယ်” ဟု ဒုတိယ၀န်ကြီးက ပြောကြားသည်။

လူမှုဝန်ထမ်းဦးစီးဌာနက ရေးဆွဲလျက်ရှိသော အမျိုးသမီးများအပေါ် အကြမ်းဖက်မှု တားဆီးကာကွယ်ရေး ဥပဒေမူကြမ်းကို ပြည်ထောင်စုရှေ့နေချုပ်ရုံးမှ စိစစ်ပြီး ၂၀၁၈ ခုနှစ် ဇွန် ၁ ရက်တွင် သဘောထား အကြံပြုချက်များဖြင့် ၀န်ကြီးဌာနကိုပြန်ကြားကာ အကြံပြုချက်များအရ ပြင်ဆင်နိုင်ရေး ဆောင်ရွက်လျက်ရှိပြီး ကလေးသူငယ်အခွင့်အရေးများဆိုင်ရာ ဥပဒေမူကြမ်းကိုလည်း ပြည်ထောင်စု အစိုးရအဖွဲ့ရုံးမှ ပြည်ထောင်စုလွှတ်တော်ရုံးသို့ ပေးပို့ထားပြီးဖြစ်ကြောင်းနှင့် မူကြမ်းနှင့် စပ်လျဉ်း၍ ၂၀၁၈ ခုနှစ် မေ ၁ ရက်တွင် ပြည် သူ့လွှတ်တော်ဥပဒေကြမ်းကော်မတီနှင့် လူမှုဝန်ထမ်းဦးစီးဌာနမှ တာဝန်ရှိသူများက ပထမအကြိမ် ညှိနှိုင်းဆွေးနွေးမှုများ ဆောင်ရွက်ခဲ့ကြောင်း သိရသည်။

တစ်နိုင်ငံလုံး၌ ၂၀၁၆ ခုနှစ်တွင် မုဒိမ်းမှု ၁၁၀၀ ဖြစ်ပွားခဲ့ရာ သက်ငယ်မုဒိမ်းမှု ၆၇၁ မှု၊ ၂၀၁၇ ခုနှစ်တွင် မုဒိမ်းမှု ၁၄၀၅ မှုဖြစ်ပွားခဲ့ရာ သက်ငယ်မုဒိမ်းမှု ၈၉၇ မှုနှင့်၂၀၁၈ ခုနှစ်တွင် မတ်လအထိ မုဒိမ်းမှု ၅၃၃ မှုဖြစ်ပွားခဲ့ရာ သက်ငယ်မုဒိမ်းမှု ၃၆၀ ဖြစ်ပွားခဲ့ကြောင်း ရဲတပ်ဖွဲ့၏ ထုတ်ပြန်ချက်များအရ သိရကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ဒုတိယ ၀န်ကြီးက ပြောကြားသည်။

ထို့ပြင် သက်ငယ်မုဒိမ်းမှု ဖြစ်ပွားမှုများသည် ကျေးရွာများတွင် ၁၁၁၄ မှုနှင့် မြို့များတွင် ဖြစ်ပွားမှုသည် ၈၁၄ မှုရှိကြောင်းသိရပြီး နေ့အချိန်တွင် ၁၁၁၂ မှုနှင့် ညအချိန်တွင် ဖြစ်ပွားမှုသည် ၈၁၆ မှုဖြစ်ကြောင်း ဒုတိယ၀န်ကြီးက ပြောကြားသည်။

ပုဒ်မ ၃၇၆ အပါအ၀င် ပုဒ်မသုံးခုဖြင့် တရားစွဲဆို ခံထားရသော အဆိုတော် အစ္စဏီအမှုမှ တရားလို မလာသဖြင့် နောက်ရုံးချိန်းသို့ ထပ်မံချိန်းဆို

မော်ဒယ် အမျိုးသမီးတစ်ဦးအား အဓမ္မပြုကျင့်နှိပ်စက်မှုဖြင့် မုဒိမ်းမှုပုဒ်မ ၃၇၆ အပါအ၀င် ပုဒ်မသုံးခုဖြင့် တရားစွဲဆို ခံထားရသော အဆိုတော် အစ္စဏီအမှုမှ တရားလိုဖြစ်သူအား မေ ၂၃ ရက်က တာမွေမြို့နယ် တရားရုံးတွင် စတင်စစ်ဆေးမည် ဖြစ်သော်လည်း တရားလို မလာသဖြင့် နောက်ရုံးချိန်းသို့ ထပ်မံချိန်းဆိုခဲ့ကြောင်း သိရသည်။

အဆိုပါအမှုမှ တရားလိုဖြစ်သူ မဇာခြည်ဌေးသည် မေ ၂၃ ရက် ရုံးချိန်းသို့ လာရောက်ခဲ့ခြင်း မရှိသောကြောင့် တာမွေမြို့နယ် တရားသူကြီးက ဇွန် ၁ ရက်သို့ ထပ်မံချိန်းဆိုခဲ့ခြင်း ဖြစ်သည်။

“ဒီနေ့ တရားလိုဖြစ်တဲ့ မဇာခြည်ဌေးက ခရီးလွန်နေလို့ဆိုပြီး ရုံးချိန်း မလာဖြစ်ဘူးဆိုတော့ မြို့နယ်တရားသူကြီးက နောက်ရုံးချိန်းကို ပြန်ချိန်းလိုက်တယ်။ လာမယ့် ဇွန် ၁ ရက်နေ့မှာ ပြန်စစ်မယ်။ ပြီးခဲ့တဲ့ ရုံးချိန်းမှာက တရားစဆွဲပြီး တရားလိုဘက် တရားလို အပါအ၀င် တရားလိုပြ သက်သေ ၁၁ ဦးထိ ရုံးတော်ကို တင်သွင်းထားပါတယ်” ဟု အဆိုတော် အစ္စဏီဘက်မှ လိုက်ပါဆောင်ရွက်သူ ရှေ့နေတစ်ဦးက ပြောကြားသည်။

ထို့အပြင် အဆိုတော်အစ္စဏီကို ယခင်က တာမွေရဲစခန်းတွင် အမှုဖွင့်ခဲ့သည့် ရာဇသတ်ကြီးပုဒ်မ ၃၇၆၊ ပုဒ်မ ၃၂၄၊ ပုဒ်မ ၃၂၅ တို့အစား ပုဒ်မ ၃၇၆၊ ပုဒ်မ ၃၂၄၊ ပုဒ်မ ၃၂၃ တို့ဖြင့် တာမွေမြို့နယ် တရားရုံးတွင် ပြောင်းလဲ တရားစွဲဆိုခဲ့ကြောင်း သိရသည်။

၂၀၁၈ ခုနှစ် ဧပြီ ၁၀ ရက် ညပိုင်းက မော်ဒယ်အမျိုးသမီးသည် သူငယ်ချင်းများနှင့်အတူ ဆယ်လီအရက်ဘားသို့ ရောက်ရှိနေခဲ့ပြီး နံနက် ၂ နာရီကျော်ခန့်တွင် ရည်းစားဟောင်းဖြစ်သူ အဆိုတော်အစ္စဏီ (ခ) ဟန်ထွန်းဇော်က ဘားအတွင်းသို့ ၀င်ရောက်ကာ ပြဿနာ ရှာနေသောကြောင့် မော်ဒယ်အမျိုးသမီးမှာ ၎င်းနေထိုင်ရာ တိုက်ခန်းသို့ ကားငှားပြန်ခဲ့ပြီး အစ္စဏီမှ အဆိုပါကားနှင့်အတူ လိုက်ပါခဲ့ကြောင်း သိရသည်။

နေအိမ်အရောက်၌ အဆိုတော် အစ္စဏီက မော်ဒယ်အမျိုးသမီးအင်္ကျီအား အတင်းဆွဲချွတ်သဖြင့် ရုန်းကန်စဉ် ဦးခေါင်းနှင့် မှန်ဗီရိုတိုက်မိခဲ့ရာ ဦးခေါင်းနာကျင်ခဲ့သည့်အပြင် ခန္ဓာကိုယ်အား ဖျစ်ညှစ်ခြင်း၊ ယာလက်ညှိုး၊ လက်ခလယ် လက်သည်းခွံများကို လှန်ချိုးသဖြင့် နာကျင်၍ သတိမေ့နေစဉ် သားမယား နှစ်ကြိမ် ပြုကျင့်ခဲ့ကြောင်း၊ သတိပြန်ရလာစဉ် ပတ်ဝန်းကျင်အား အကူအညီတောင်းရန် ကြိုးစားခဲ့ရာ အစ္စဏီမှ ဗီရိုမှန်ကွဲစဖြင့် ခြစ်ခဲ့သဖြင့် ယာခြေထောက် ပြတ်ရှဒဏ်ရာရခဲ့ကြောင်း ပြည်ထဲရေးဝန်ကြီးဌာန၏ သတင်းထုတ်ပြန်ချက်အရ သိရသည်။

 

ပုသိမ်ကြီးမြို့နယ်တွင် အရွယ်မရောက်သေးသည့် မိန်းကလေးအား ရိုက်နှက် နှိပ်စက်ပြီး အလိုမတူဘဲ အကြိမ်ကြိမ် အဓမ္မပြုကျင့်ခံရမှုနှင့် ပတ်သက်၍ ကာယကံရှင်မိသားစု သတင်းစာရှင်းလင်း

အရွယ်မရောက်သေးသူ မိန်းကလေးအား ရိုက်နှက်နှိပ်စက်ပြီး အလိုမတူဘဲ အကြိမ်ကြိမ် အဓမ္မပြုကျင့်ခံရမှုနှင့် ပတ်သက်၍ မတ် ၂၁ ရက်တွင် ကာယကံရှင်များက သတင်းစာရှင်းလင်းစဉ်

မန္တလေးတိုင်းဒေသကြီး ပုသိမ်ကြီးမြို့နယ်တွင် အရွယ်မရောက်သေးသည့် မိန်းကလေးအား ရိုက်နှက်နှိပ်စက်ပြီး အလိုမတူဘဲ အကြိမ်ကြိမ် အဓမ္မပြုကျင့်ခံရမှုနှင့် ပတ်သက်၍ အဓမ္မပြုကျင့်ခံရသည့် မိန်းကလေး အပါအ၀င် ၎င်း၏ မိသားစုဝင်များက မတ် ၂၁ ရက်တွင် မန္တလေးမြို့ မေတ္တာကမ်ပိန်းစင်တာ၌ သတင်းစာရှင်းလင်းခဲ့ကြောင်း သိရသည်။

အဆိုပါ သတင်းစာရှင်းလင်းမှုကို အဓမ္မပြုကျင့်ခြင်း ခံရသည့် အသက် ၁၇ နှစ်အရွယ် မိန်းကလေးနှင့် မိခင်ဖြစ်သူက ရှင်းလင်းခဲ့ကြပြီး ကျူးလွန်သူနှင့် ပါဝင်ပတ်သက်သူများကို ပြင်းထန်စွာ အရေးယူအပြစ်ပေးရန်အတွက် တောင်းဆိုခဲ့ကြကြောင်း သိရသည်။

ဖြစ်စဉ်မှာ မတ္တရာမြို့နယ် လမိုင်းအုပ်စု လက်ဝဲကြီးကျေးရွာတွင် နေထိုင်သည့် ဒေါ်… ၏ သမီးဖြစ်သူ မ… (၁၇ နှစ်ကျော်) သည် ၂၀၁၈ ခုနှစ် ဖေဖော်ဝါရီ ၁၄ ရက်က ပုသိမ်ကြီးမြို့နယ် အောင်မင်္ဂလာ (၁) ရပ်ကွက်ရှိ နေအိမ်တစ်အိမ်တွင် တစ်လလျှင် ကျပ် ၈၀၀၀၀ ဖြင့် ကလေးထိန်း၊ အ၀တ်လျှော်ခြင်းအလုပ်များ လုပ်ကိုင်ရန်အတွက် ရောက်ရှိခဲ့ကြောင်း၊ ယင်းသို့ ရောက်ရှိပြီးနောက် မ…အား ဖေဖော်ဝါရီ ၂၈ ရက်ညတွင် မ… အလုပ် လုပ်ကိုင်နေသည့် နေအိမ်ရှိ မ… အိပ်နေသော အခန်းကို အိမ်ရှင်ဖြစ်သူ၏ သားဖြစ်သူ ဖိုးဝ (ခ) ရဲမင်းထွန်းသည် အိပ်ခန်းတံခါးပေါက်မှ ကျော်ဝင် ရောက်ရှိလာကြောင်း၊ ယင်းသို့ ၀င်ရောက်လာပြီးနောက် မ…အား ဓားမြှောင်ဖြင့် ခြိမ်းခြောက်ကာ အလိုမတူဘဲ သားမယားအဖြစ် ပြုကျင့်ခဲ့ကြောင်း၊ မတ် ၃ ရက်တွင် မ… အား ဖိုးဝ (ခ) ရဲမင်းထွန်းက အလုပ်ကိစ္စ အရေးကြီးသဖြင့် ပြန်လိုက်ခဲ့ရန် ခေါ်ဆောင်ခဲ့ကြောင်း၊ ယင်းသို့ ခေါ်ဆောင်ပြီးနောက် မန္တလေးမြို့ရှိ ဟိုတယ်မန္တလေးတွင် အလိုမတူဘဲ သားမယားအဖြစ် အကြိမ်ကြိမ်ပြုကျင့်ခဲ့ကြောင်း၊ ယင်းသို့ အဓမ္မပြုကျင့်ခဲ့စဉ် ဖုန်းကင်မရာဖြင့် ရိုက်ကူးထားသည့် ဗီဒီယိုကို မ…အား ပြန်လည်ပြသပြီး ခြိမ်းခြောက်ခဲ့ကြောင်း၊ မတ် ၄ ရက်တွင် မ… ကို အလုပ် လုပ်ကိုင်သည့် နေအိမ်သို့ ပြန်လည်ခေါ်ဆောင်ကာ နောက်ဖေးတိုက်ခန်းအတွင်း သုံးရက်တိတိ သော့ဖြင့်ပိတ်ထားကာ သားမယားအဖြစ် အကြိမ်ကြိမ် ပြုကျင့်ခဲ့ကြောင်း၊ သားမယားအဖြစ် မပြုကျင့်မီ မ…အား ပန်းရောင်ဆေးပြားများ တိုက်ကျွေးခဲ့ကြောင်း၊ အဓမ္မပြုကျင့်စဉ်တွင် မ…အား အကြိမ်ကြိမ် ရိုက်နှက်နှိပ်စက်မှုများလည်း ပြုလုပ်ခဲ့ကြောင်း၊ ယင်းကဲ့သို့ အလိုမတူဘဲ အဓမ္မပြုကျင့်မှုနှင့် ပတ်သက်၍ မိဘအုပ်ထိန်းမှုအောက်ရှိ မ… (၁၇ နှစ်ကျော်) ကို အဓမ္မပြုကျင့်သူနှင့် ပူးပေါင်း ပါဝင်သူများကို အရေးယူပေးရန်အတွက် မ…၏ မိခင်ဖြစ်သူက ပုသိမ်ကြီးမြို့နယ် ရဲစခန်းတွင် အမှုဖွင့် တိုင်ကြားခဲ့သည့် တိုင်ကြားစာတွင် ဖော်ပြထားမှုအရ သိရသည်။

“သမီးကို စပြီးတော့ အဓမ္မပြုကျင့်တာက သူ့ရဲ့မိဘတွေရဲ့ မင်္ဂလာနှစ်ပတ်လည်နေ့ ညမှာ သမီးအခန်းထဲကို ၀င်လာပြီး ဓားနဲ့ထောက်ပြီးတော့ အော်ရင် သတ်ပစ်မယ်လို့ ပြောပြီး ပြုကျင့်ပါတယ်။ သမီးအရမ်းကြောက်လို့ ဘယ်သူ့ကိုမှ ပြန်မပြောရဲခဲ့ဘူး။ နောက်ရက်မှာ ခွင့်ယူပြီးတော့ ရွာကို ခဏပြန်တယ်။ အိမ်ရောက်တော့လည်း ကြောက်လို့ ပြန်မပြောရဲခဲ့ဘူး။ သမီးကို ပြန်လာခေါ်ပြီးတော့ မန္တလေးမြို့က ဟိုတယ်မန္တလေးမှာ ကြိုးတုပ်ပြီးတော့ အကြိမ်ကြိမ် အဓမ္မပြုကျင့်တယ်။ နောက်ရက်မှာတော့ တိုက်ခန်း ကျဉ်းကျဉ်းထဲမှာ သမီးကို ပိတ်ထားပြီး ဆက်ပြီးတော့ ပြုကျင့်ပါတယ်။ နောက်ရက်မှာတော့ သမီး ထွက်ပြေးခဲ့ရပါတယ်။ အခုလည်း အရမ်းကြောက်နေတယ်။ အခုလို သမီးကို စော်ကားခဲ့တဲ့သူတွေကို ပြင်းပြင်းထန်ထန် အရေးယူပေးစေချင်ပါတယ်”ဟု အလိုမတူဘဲ သားမယားအဖြစ် ပြုကျင့်ခံခဲ့ရသူ မ… (၁၇ နှစ် ကျော်) က ဆိုသည်။

“ကျွန်မကတော့ ကျွန်မသမီးလေးကို အလိုမတူဘဲ အခုလို ရိုက်နှက်နှိပ်စက်ပြီးတော့ အဓမ္မပြုကျင့်ခဲ့သူနဲ့ ပါဝင်ပတ်သက်ခဲ့သူတွေကို ပြင်းပြင်းထန်ထန် အရေးယူပေးစေချင်ပါတယ်။ အခု ကျွန်မ ပုသိမ်ကြီးရဲစခန်းမှာ အမှုဖွင့်ထားတယ်။ အမှုဖွင့်ထားပေမယ့်လည်း အခုချိန်အထိ ကျူးလွန်ခဲ့သူတွေကို မဖမ်းဆီးသေးဘူးလို့ ကြားရပါတယ်။ ဒါကြောင့် သူတို့ကို အမြန်ဆုံး ဖမ်းဆီးပြီးတော့ ပြင်းထန်တဲ့ပြစ်ဒဏ်တွေ ချမှတ်ပေးစေချင်ပါတယ်” ဟု အဓမ္မပြုကျင့်ခြင်းခံရသည့် မိန်းကလေး၏ မိခင်ဖြစ်သူက ပြောကြားသည်။

ထိုသို့ အရွယ်မရောက်သေးသူ မိန်းကလေးကို အလိုမတူဘဲ ရိုက်နှက်နှိပ်စက်ပြီး အကြိမ်အကြိမ် အဓမ္မပြုကျင့်သူနှင့် ပါဝင်ပတ်သက်သူများအား ပုသိမ်ကြီးမြို့မရဲစခန်းက (ပ) ၇၄/၂၀၁၈၊ ရာဇသတ်ကြီး ဥပဒေပုဒ်မ ၃၇၆၊ ၃၄၃၊ ၃၂၃၊ ၅၀၆၊ ၁၁၄ တို့ဖြင့် အမှုဖွင့် စစ်ဆေးလျက်ရှိကြောင်း စုံစမ်းသိရသည်။

လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအတွက် ဆန္ဒပြုခြင်းနှင့် မျှဝေဆွေးနွေးပွဲပြုလုပ်မည့် အကြောင်းအရာများကို သတင်းစာရှင်းလင်း

လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအတွက် ဆန္ဒပြုခြင်းနှင့် မျှဝေဆွေးနွေးပွဲအတွက် သတင်းစာရှင်းလင်းပွဲ ပြုလုပ်စဉ်

လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအတွက် ဆန္ဒပြုခြင်းနှင့် မျှဝေဆွေးနွေးပွဲကို ကျင်းပမည့် အကြောင်းအရာများနှင့်ပတ်သက်၍ မတ် ၁၃ ရက် မွန်းလွဲပိုင်းက ဆရာစံပလာဇာရှိ CBC Ballroom တွင် သတင်းစာရှင်းလင်းပွဲ ပြုလုပ်ခဲ့သည်။

လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအတွက် ဆန္ဒပြုခြင်းနှင့် မျှဝေဆွေးနွေးပွဲကို လာမည့် မတ် ၁၈ ရက်တွင် ရန်ကုန်မြို့၊ ကန်တော်ကြီး မျှော်စင်ကျွန်းတွင် ညနေ ၄ နာရီမှ ၇ နာရီအထိ ကျင်းပမည်ဖြစ်ပြီး အဆိုပါပွဲကျင်းပရခြင်း ရည်ရွယ်ချက်နှင့် ပါဝင်မည့်အကြောင်းအရာများကို လိင်အကြမ်းဖက်မှုပပျောက်ရေး၊ ကြီးလေးပြစ်ဒဏ် ချမှတ်ပေးရေးအဖွဲ့ဝင်များဖြစ်သည့် သရုပ်ဆောင်စမိုင်းလ်နှင့် ထားထက်ထက်အပါအ၀င် အဖွဲ့ဝင်များက သတင်းစာရှင်းလင်းခဲ့ကြသည်။

“အဓိကဖြစ်နေတာက သက်ငယ်မုဒိမ်းတွေက မနှစ်ကထက် ဒီနှစ်မှာ ပိုများလာတယ်။ အဲဒါဘာဖြစ်လို့လဲဆိုရင် ပြစ်ဒဏ်ကို သေသေချာချာမထားတဲ့အခါ Law ကို သေသေချာချာ မချထားတဲ့အခါကျတော့ လူတွေကမကြောက်ဘဲနဲ့ ရှေ့ကိုပိုပြီးတော့တိုးလာတယ်။ သူတို့တွေကို ကြောက်သွားအောင် နောင်ကြဉ်သွားအောင်လုပ်နိုင်မယ့် ပြစ်ဒဏ်တစ်ခုချမှတ်မယ်ဆိုရင် ဒီဟာတွေက လျော့သွားမှာပါ။ အစ်မအနေနဲ့ မိခင်တစ်ယောက်အနေနဲ့ သူတစ်ခါတည်း သေသွားမှာကိုမကြိုက်ဘူး။ သူတစ်သက်လုံးသေရအောင် ထောင်ဆိုရင် အနှစ် ၂၀ ချမယ့်အစား အနှစ် ၄၀၊ ၈၀ အဲဒီလောက်ချပြီးတော့ သူဒုက္ခရောက်ပြီးတော့ ဖြစ်နေမယ်။ သူလုပ်လိုက်တဲ့ ကာမဆန္ဒတစ်ခုက ဒီကလေးကိုမှမဟုတ်ဘဲနဲ့ ကိုယ့်ဘာသာလည်း လုပ်နေရတာပဲလေ။ သူလုပ်လိုက်လို့ ဒီကလေးက တစ်သက်လုံးခံစားနေရမယ့်အတူတူ သူ့ကိုလည်း တန်ပြန်သက်ရောက် ခံစားစေချင်ပါတယ်” ဟု သရုပ်ဆောင်စမိုင်းလ်က ပြောကြားသည်။

အဆိုပါပွဲလုပ်ရခြင်းရည်ရွယ်ချက်မှာ မည်သည့်လိင်အကြမ်းဖက်မျိုးမှုမဆို ဆန့်ကျင်ရှုတ်ချကြောင်းနှင့် သက်ငယ်မုဒိမ်းအပါအ၀င် လိင်အကြမ်းဖက်မှုများကို ကြီးလေးပြစ်ဒဏ် ချမှတ်ပေးရန် အစိုးရကို တိုက်တွန်းဆန္ဒပြုခြင်းဖြစ်ကြောင်း သိရသည်။

မတ် ၁၈ ရက်တွင်ကျင်းပမည့် လိင်အကြမ်းဖက်မှုပပျောက်ရေး ကြီးလေးပြစ်ဒဏ် ချမှတ်ပေးပွဲတွင် လိင်အကြမ်းဖက်မှုအတွက် ပြစ်ဒဏ်တိုးမြှင့်ရန် ဦးဆောင်ကြိုးပမ်းနေသော လွှတ်တော်ကိုယ်စားလှယ်များ၊ မိမိကလေးငယ် အစော်ကားခံရသည့်အပြင် အသတ်ခံခဲ့ရသော မိသားစုဝင်များ၏ စကားသံများ၊ လိင်အကြမ်းဖက်မှု ခံစားရခဲ့ရသူ၏ စကားသံများ၊ လိင်အကြမ်းဖက်မှုခံရသူများကို ကူညီပေးနေသူများ၏ စကားသံများ၊ တရားဥပဒေအရ ကျွမ်းကျင်သူများ စသည်တို့နှင့်အတူ ကလေးငယ်တိုင်း သိထားသင့်သည့် ကဗျာများရွတ်ဆိုကာ လိင်အကြမ်းဖက်မှုများ ရပ်တန့်လျော့ကျရေးအတွက် ဖယောင်းတိုင်ထွန်း ဆုတောင်းမှုများ ပြုလုပ်သွားမည်ဖြစ်ကြောင်း သိရသည်။

ထို့ပြင် ဆုတောင်းပွဲသို့ သက်ဆိုင်ရာ ကိုယ်စားလှယ်များ၊ ၀န်ကြီးများ၊ အနုပညာရှင်များ၊ ပရဟိတအဖွဲ့များဖြင့် ပူးပေါင်းဆောင်ရွက်မည်ဖြစ်ပြီး တက်ရောက်လာသူများအနေဖြင့် အဖြူရောင်အင်္ကျီများဝတ်ဆင်၍ လိင်အကြမ်းဖက်မှုနှင့် သက်ငယ်မုဒိမ်းမှု လျော့နည်းရေးအတွက် ဆန္ဒပြုကြမည်ဖြစ်ကြောင်း သိရသည်။

လက်ရှိတွင် သက်ငယ်မုဒိမ်းမှုနှင့် ပတ်သက်ပြီး အမြင့်ဆုံးပြစ်ဒဏ် ချမှတ်နိုင်ရန် အများပြည်သူများက လက်မှတ်ရေးထိုး တောင်းဆိုမှုများ ပြုလုပ်လျက်ရှိသည်။

ရှစ်နှစ်အရွယ် ကျောင်းသူလေးအား ကျူးလွန်ခဲ့သူ မန္တလေးမြို့ ဖောင်တော်ဦးပရဟိတကျောင်းမှ ဆရာတစ်ဦးအား မုဒိမ်းမှုဖြင့် အမှုဖွင့်

ရှစ်နှစ်အရွယ်ကျောင်းသူအား ကျူးလွန်ခဲ့သူ မန္တလေးမြို့ ဖောင်တော်ဦးပရဟိတကျောင်းမှ ဆရာတစ်ဦးအား မုဒိမ်းမှုပါဝင်သော ပုဒ်မများဖြင့် အမှုဖွင့်ထားပြီး ဖမ်းဆီးနိုင်ရန် ဆောင်ရွက်နေကြောင်း တိုင်းရဲတပ်ဖွဲ့ မှူးရုံးမှ သတင်းရရှိသည်။

မန္တလေးမြို့ မဟာအောင်မြေမြို့နယ် ကမ်းနားကျူးတဲတွင်နေထိုင်သည့် ကို…(၃၀ နှစ်) သည် သမီး မ…နှင့် မ…. (ရှစ်နှစ်) တို့ နှစ်ဦးအား အောင်မြေသာစံမြို့နယ် ဖောင်တော်ဦးပရဟိတကျောင်းသို့ ကျောင်းအိပ် ကျောင်းစားထားခဲ့ရာ သမီးနှစ်ဦး အိမ်ပြန်လာချိန် ကျောင်းသို့ ပြန်မသွားလိုကြောင်း ငြင်းဆိုရာမှ အဆိုပါဖြစ်စဉ် ပေါ်ပေါက်ခဲ့ခြင်းဖြစ်သည်ဟု သိရသည်။

ဖခင်ဖြစ်သူ ကို … (၃၀ နှစ်) သည် သမီးနှစ်ဦးကို ၁၅-၈-၂၀၁၆ တွင် အိမ်ပြန်ခေါ်ခဲ့ပြီး ကျောင်းပြန်ပို့ရန်လုပ်စဉ် ကျောင်းသို့ ပြန်မသွားလိုကြောင်း၊ မိဘများနှင့်သာအတူနေလိုကြောင်း ငြင်းဆိုခဲ့သဖြင့် မေးမြန်းရာ ကျောင်းမှ ဆရာတစ်ဦးက မ… (ရှစ်နှစ်) အား ပါးစပ်ကို တိပ်ဖြင့်ပိတ်၊ လက်ကိုကြိုးဖြင့်ချည်ကာ မိန်းမကိုယ်အား တုတ်ဖြင့်ထိုးခြင်း၊ ယောက်ျားတန်ဆာဖြင့် ထိုးခြင်းတို့ကြောင့် ကြောက်ရွံ့ရခြင်းဖြစ်သည်ဟု ပြောပြခဲ့ကြောင်း သိရသည်။

အဆိုပါဖြစ်စဉ်နှင့်ပတ်သက်၍ အောင်မြေသာစံမြို့နယ်မှူး ရဲမှူးဇော်နိုင်အား မေးမြန်းရာ “ဖြစ်စဉ်ကကြာပြီ။ အခုအမှုဖွင့်ထားပြီး ကျူးလွန်သူ ဖမ်းဆီးရမိဖို့ ကျွန်တော်တို့ ဆောင်ရွက်နေကြပါတယ်” ဟု ဆိုသည်။

အဆိုပါကျူးလွန်သူမှာ စာရေးဆရာ မောင်သစ်ဦး (ခ) လှမျိုးဦး (ခ) တင်မြင့် (၃၅ နှစ်) ဟု သိရပြီး ၎င်းကို (ပ) ၁၂၄/ ၂၀၁၈ ရာဇ သတ်ကြီးပုဒ်မ ၃၇၆/ ၃၇၇ / ၃၄၁ တို့ဖြင့် အမှတ် (၁) နယ်မြေရဲစခန်းတွင် မတ် ၁၀ ရက်၌ အမှုဖွင့်ထားသည်။

မုဒိမ်းကျင့်လူသတ်မှု၊ ကလေးသူငယ်များအား မုဒိမ်းကျင့်မှုတို့ကို သေဒဏ်ပြဋ္ဌာန်းမပေးမချင်း လှုပ်ရှားမှုများ ဆက်လက်ပြုလုပ်မည်ဟုဆို

မုဒိမ်းကျင့်ပြီး လူသတ်မှု၊ ကလေးသူငယ်များကို မုဒိမ်းကျင့်သည့်အမှုတို့အား သေဒဏ်ပြဋ္ဌာန်းမပေးမချင်း လှုပ်ရှားမှုများ ဆက်လက်ပြုလုပ်သွားမည်ဖြစ်ကြောင်း သေဒဏ်ပေးရေး တောင်းဆိုသည့် ပြည်သူ့ဆန္ဒလက်မှတ် ကောက်ခံနေသော 4 Women’s Voice အဖွဲ့ထံမှ သိရသည်။

လက်တလောတွင် ၎င်းတို့ကောက်ခံရရှိထားသည့် လက်မှတ်ပေါင်း ခုနစ်သောင်းကျော်ရရှိနေပြီဖြစ်ပြီး လက်မှတ်သုံးသိန်းရရှိပါက လွှတ်တော်သို့ ပေးပို့သွားမည်ဖြစ်ကြောင်း အဆိုပါအဖွဲ့မှ ခေါင်းဆောင်သူတစ်ဦးဖြစ်သည့် မလီလီနိုင်ကျော်က ပြောကြားသည်။

“အခုလောလောဆယ်တော့ လက်ထဲမှာ ခုနစ်သောင်းရောက်နေပါပြီ။ တောင်ဒဂုံတို့ဆိုရင် အမျိုးသမီးအခွင့်အရေး လှုပ်ရှားသူများကွန်ရက် ပရဟိတအဖွဲ့ကလည်း လာရောက်ပူးပေါင်းပါတယ်။ သူတို့ဆီမှာ လက်မှတ်က တစ်သောင်းခွဲလောက်ရှိတယ်။ အဲဒါကတော့ အစ်မတို့လက်ထဲ မရောက်သေးပါဘူး။ ခုနစ်သောင်းကျော်ကသက်သက် အဲဒါက အစ်မတို့အဖွဲ့က ကောက်ထားတာ။ နောက်အနယ်နယ်အရပ်ရပ်က ပို့ပေးလိုက်တဲ့ဟာတွေရယ်ပေါ့။ အစ်မတို့က ဒီပုံစံလေးနဲ့ ကောက်ပေးပါလို့ပို့ထားတယ်။ နောက် စက်ရုံတော်တော်များများက လက်မှတ်ထိုးပြီးပို့ပေးတယ်။ ဂန္ဓ၀င်ဖြူစင်ပရဟိတအဖွဲ့ကလည်း အစ်မတို့နဲ့ပူးပေါင်းပြီး ကောက်မှာပါ။ လာမယ့်စနေနေ့ စမ်းချောင်းမှာကောက်ပါမယ်။ လက်မှတ်သုံးသိန်းပြည့်ရင်လည်း လွှတ်တော်ကိုပေးပို့မယ်။ သေဒဏ်မပေးမချင်းလည်း ဆက်လက်လုပ်ဆောင်သွားမယ်။ ဆက်လက်လှုပ်ရှားသွားပါမယ်” ဟု မလီလီနိုင်ကျော်က ဆိုသည်။

ထို့ပြင် ရရှိထားသည့်လက်မှတ်များမှာ ရန်ကုန်တိုင်းဒေသကြီး အရှေ့ဒဂုံ၊ သင်္ဃန်းကျွန်း၊ ဗဟန်း၊ ကမာရွတ်၊ စမ်းချောင်း၊ လှိုင်သာယာ၊ ရွှေပြည်သာ၊ တောင်ဒဂုံ စသည့်မြို့နယ်များ ပါဝင်ကြောင်း သိရသည်။

လတ်တလောတွင် မုဒိမ်းကျင့်ပြီး လူသတ်မှု ကလေးသူငယ်များကို မုဒိမ်းကျင့်မှုတို့အား သေဒဏ်ပြဋ္ဌာန်းပေးရေးအတွက် 4 Women’s Voice အဖွဲ့အပြင် အခြားကောက်ခံနေသည့် အဖွဲ့များလည်းရှိကြောင်း သိရသည်။

ဗိုလ်တထောင်မြို့နယ်ရှိ ဆောက်လက်စ တိုက်အတွင်း အသက် ၅၅ နှစ်အရွယ် အမျိုးသမီးအား သားမယားပြုကျင့်ပြီး ငွေနှင့် ရွှေထည်များ လုယူသွားသူကို ဖမ်းဆီးရမိ

Photo: Yangon Police

ဗိုလ်တထောင်မြို့နယ်အတွင်းရှိ ဆောက်လက်စတိုက်အတွင်း အသက် ၅၅ နှစ်အရွယ် အမျိုးသမီးအား သားမယားပြုကျင့်ပြီး ငွေနှင့် ရွှေထည်များ လုယူသွားသူကို ဖမ်းဆီးရမိခဲ့ကြောင်း သက်ဆိုင်ရာရဲစခန်းမှ စုံစမ်းသိရသည်။

အဆိုပါ အမျိုးသားမှာ အသက် ၂၅ နှစ် ၀န်းကျင်ရှိပြီး ၎င်းအား အခင်းဖြစ်ပွားပြီး တစ်ရက်အကြာတွင် ပုဇွန်တောင်မြို့နယ်၌ ဖမ်းဆီးရမိခဲ့ခြင်း ဖြစ်သည်။

ဖြစ်စဉ်မှာ ဖေဖော်ဝါရီ ၁၃ ရက်၊ မွန်း လွဲ ၂ နာရီတွင် ဗိုလ်တထောင်မြို့နယ်၊ ၄၂ လမ်း၊ အမှတ် ၁၅ ရှိ ဆောက်လက်စ တိုက်တွင် နေထိုင်သည့် ဒေါ်… ၅၅ နှစ်သည် အဆိုပါတိုက်၏ ပထမထပ်တွင် ရှိနေစဉ် အမည်မသိ အမျိုးသားတစ်ဦး ရောက်ရှိလာခဲ့ကြောင်း၊ အဆိုပါ အမျိုးသားက အလုပ်လာရှာခြင်းဖြစ်ကြောင်း ပြောဆိုသဖြင့် ဒေါ် ….က ယင်းအမျိုးသားအား ဆက်လက် စကားပြောနေခဲ့ကြောင်း၊ ယင်းသို့ စကားပြောနေစဉ် အဆိုပါ အမျိုးသားက ဒေါ်…. အား ပိုက်ဆံထုတ်ပေးရန်နှင့် မပေးပါက “မုဒိမ်းကျင့်မယ်၊ ထောင်က ထွက်လာတာ”ဟု ပြောဆို၍ ဒေါ် ….မှာ ပိုက်ဆံ နှစ်သိန်း ထုတ်ပေးခဲ့ကြောင်း၊ ဒေါ်… ၀တ်ဆင်ထားသည့် ကျောက်ဖြူ နားကပ်အား ယင်းအမျိုးသားက ထပ်မံတောင်း၍ ချွတ်ပေးခဲ့ရကြောင်း သိရသည်။

“ကျုးလွန်ခံရတဲ့ အမျိုးသမီးက အဲဒီ ဆောက်လက်စတိုက် ပထမထပ်မှာ။ သူ့သား တစ်ယောက်နဲ့ အလုပ်သမားတစ်ယောက်က ခြောက်လွှာမှာ အုတ်စီ အချောသတ်လုပ်ငန်း လုပ်နေတာ။ ကျုးလွန်သူက ငွေကို တောင်းတော့ အဲဒီအမျိုးသမီးက ပေးတယ်။ ပြီးတော့ နားကပ်ကို ထပ်တောင်းတယ်။ အခင်းဖြစ်တယ်ကြားလို့ ကျွန်တော်တို့ သွားကြည့်တော့ အမျိုးသမီးက ရင်လျားနဲ့။ အင်္ကျီကလည်း ဖြဲခံထားရတယ်။ ပြီးတော့ ပါးစပ်ထဲကိုလည်း အ၀တ်စတွေ ထည့်ထားတယ်။ လည်ပင်းကို ပုဆိုးပိုင်းနဲ့တုတ်ပြီး သားမယားပြုကျင့်တာပါ။ သူ့ကိုတော့ အခင်းဖြစ်တဲ့လမ်းမှာ တပ်ထားတဲ့ စီစီတီဗီမှတ်တမ်းကနေ ခြေရာခံ လိုက်ဖမ်းဆီးတာပါ။ သူက ပြစ်မှုမကျူးလွန်ခင်တုန်းက အဲဒီလမ်းထဲက အရက်ဆိုင်မှာ ထိုင်သောက်တယ်။ ပြီးမှ ထလာပြီး အခုလိုကျုးလွန်တာပါ။ အခင်းဖြစ်ပွားတဲ့ တိုက်ရှေ့မှာလည်း ကွမ်းယာဆိုင် တစ်ဆိုင်ရှိပါတယ်။ ဖြစ်သွားချိန်က မိနစ် ၄၀ ကျော်လောက်ပဲ ကြာလိုက်မယ်”ဟု ဗိုလ်တထောင်မြို့နယ်၊ အမှတ် (၇) ရပ်ကွက်မှ အုပ် ချုပ်ရေးမှူး ဦးသန်းဝင်းက ပြောကြားသည်။

ဖြစ်စဉ်အား ဗိုလ်တထောင်မြို့မ ရဲစခန်းက (ပ) ၆၃/၂၀၁၈၊ ရာဇသတ်ကြီးပုဒ်မ -၃၇၆/၃၈၄ဖြင့် ဖမ်းဆီး အမှုဖွင့် စစ်ဆေးနေသည်။

မုဒိမ်းမှုကျူးလွန်သူများကို သေဒဏ်ပေးရေးလှုပ်ရှားမှု ပြုလုပ်မည်

မုဒိမ်းမှုကျူးလွန်သူများကို သေဒဏ်ပေးရေးလှုပ်ရှားမှုကို မြန်မာအမျိုးသမီး စောင့်ရှောက်ရေးအဖွဲ့မှ ဦးဆောင်ပြုလုပ်မည်ဖြစ်ပြီး မုဒိမ်းမှုကို သေဒဏ်ပေးရေးထောက်ခံသည့် အမျိုးသမီးများအနေဖြင့် ပူးပေါင်းပါဝင် လှုပ်ရှားနိုင်ကြောင်း ‘မုဒိမ်းကောင်များ သေဒဏ်ပေးရေးလှုပ်ရှားမှု’ ဆိုသည့် Facebook စာမျက်နှာတွင် ကြေညာထားသည်။

အဆိုပါစာမျက်နှာတွင် ‘မုဒိမ်းကောင်များ သေဒဏ်ပေးရေးလှုပ်ရှားမှု’ ၌ ပူးပေါင်းပါဝင်လိုသူများကို ဖိတ်ခေါ်ကြောင်းနှင့် လှုပ်ရှားမှုပြုလုပ်ရသည့် ရည်ရွယ်ချက်မှာ အမျိုးသမီးများအနေဖြင့် ရက်ရက်စက်စက် မုဒိမ်းကျင့် သတ်ဖြတ်ခံရမှုများရှိနေပြီး ယင်းသို့ မကြာခဏဖြစ်ပွားနေမှုကြောင့် အမျိုးသမီးများ ဘ၀လုံခြုံမှုမရှိတော့သည့်အတွက် မုဒိမ်းမှုကျူးလွန်သူများကို အမှန်တကယ်သေဒဏ် ပြစ်ဒဏ်ချမှတ်မှု ပေါ်ပေါက်လာစေရန် ရည်ရွယ်ကြောင်း ရေးသားထားသည်။

အဆိုပါလှုပ်ရှားမှုကို ဦးဆောင်သူဖြစ်သည့် မနှင်းရည်အေးက “လူတွေက ဒီလိုဖြစ်ရပ်တွေကို ခဏခဏမေ့လျော့သွားကြတယ်။ တရားဥပေဒအရလည်း ဒီလိုလူတွေအတွက် သီးသန့်စီစဉ်ထားတာမရှိတဲ့အတွက် ဒီအမှုတွေက ဒီအတိုင်းပဲပြီးသွားတယ်။ အဲဒီလိုမျိုးကို ကျွန်မတို့မဖြစ်စေချင်လို့ပါ။ သေဒဏ်သီးသန့်ဖြစ်ဖို့ကိုပဲ ကျွန်မတို့တောင်းဆိုမှာပါ။ ည ၇ နာရီလောက်တောင် အပြင်မထွက်ရဲကြတော့ရင် ကျွန်မတို့အမျိုးသမီးတွေ အခွင့်အရေးက အများကြီးဆုံးရှုံးသွားပြီ။ ကိုယ့်သား သမီးတွေကို ဘယ်လိုအပြင်လွှတ်မလဲဆိုတဲ့ စိုးရိမ်မှုတွေက ကျွန်မတို့ရင်ထဲမှာ လာဖြစ်နေတယ်။ နောက်ဆိုရင် အိန္ဒိယနိုင်ငံမှာလို ဘတ်စ်ကားတွေပေါ်မှာ အုပ်စုလိုက်မုဒိမ်းကျင့်တဲ့ဖြစ်စဉ်တွေ ပေါ်ပေါက်လာမှာ ကျွန်မတို့အရမ်းကြောက်တယ်” ဟု ပြောကြားသည်။

အဆိုပါလှုပ်ရှားမှုမှာ မရွှေရည်ဝင်းဖြစ်ရပ်တစ်ခုတည်းကို ရည်ညွှန်းခြင်းမဟုတ်ဘဲ အလားတူအမှုများအတွက်ပါ ရည်ရွယ်ပြီး ပြည်သူများ ပိုမိုပါဝင်လာစေရန် ရည်ရွယ်ကြောင်း သိရသည်။