ခေတ်ဆန်ဆန်နေထိုင်သော ထိုင်းဘုန်းကြီးကို အရွယ်မရောက်သူအား မုဒိမ်းကျင့်မှုဖြင့် ထောင်ဒဏ်ချမှတ်

အောက်တိုဘာ ၁၇ ရက်တွင် ဘန်ကောက်ရှိ ရာဇ၀တ်တရားရုံးသို့ ထိုင်းဘုန်းကြီး ၀ီရာပွန် (၀ဲတတိယမြောက်) အား ခေါ်ဆောင်လာစဉ် (Photo: AFP)

ထိုင်းတွင် နာမည်ပျက်နေသော ခေတ်ဆန်ဆန် နေထိုင်သည့် ဘုန်းကြီးကို အရွယ်မရောက်သေးသော မိန်းကလေးအား အဓမ္မပြုကျင့်မှုဖြင့် အောက်တိုဘာ ၁၇ ရက်တွင် ထောင်ဒဏ်ချမှတ်ခဲ့သည်ဟု တရားရုံးတာဝန်ရှိသူက ပြောကြားခဲ့သည်။

စင်းလုံးငှားလေယာဉ်ပေါ်တွင် လူးဝစ်ဗျူတန်အိတ်နှင့် တန်ဖိုးကြီးနေကာမျက်မှန် ၀တ်ဆင်ထားသည့် ဗီဒီယိုထွက်ပေါ်ခဲ့ပြီးနောက် အသက် ၃၉ နှစ်ရှိ ၀ီရာပွန်ဆပ်ပွန်သည် နာမည်ဆိုးဖြင့် ထင်ရှားလာခဲ့သည်။ မုဒိမ်းမှု၊ ကမ္ဘာ့အကြီးဆုံး ဗုဒ္ဓရုပ်ပွားတော်ကို တည်မည်ဟုပြောဆိုကာ အလှူခံထားသော ငွေများကိုလိမ်လည်မှုတို့ဖြင့် စွပ်စွဲခံရသော ၀ီရာပွန်ကို ပြီးခဲ့သောနှစ်တွင် အမေရိကန်က ထိုင်းနိုင်ငံသို့ ပြန်လည် လွှဲပြောင်းပေးခဲ့သည်။

အသက် ၁၅ နှစ်ပင် မပြည့်သေးသော မိန်းကလေးကို မိဘများနှင့်ခွဲထားခြင်း၊ မုဒိမ်းမှုကျူးလွန်ခြင်းတို့ကို တွေ့ရှိရကြောင်း အောက်တိုဘာ ၁၇ ရက် စီရင်ချက်တွင် ဖော်ပြခဲ့ပြီး ၎င်းသည်ဗုဒ္ဓဘာသာကို နာမည်ပျက်စေခဲ့သည်ဟု တရားရုံးက ပြောကြားခဲ့သည်။

လိမ်လည်မှုများကို အကြိမ်ကြိမ် ကျူးလွန်ကြောင်း ပေါ်ပေါက်ခဲ့ပြီးနောက် သြဂုတ်လတွင် ၀ီရာပွန်ကို ချမှတ်ခဲ့သော ထောင်ဒဏ်အနှစ် ၂၀ အား ယခုထောင်ဒဏ် ၁၆ နှစ်ကို ထပ်မံပေါင်းထည့်လိမ့်မည် ဖြစ်သည်။

Ref: AFP

တောင်ကြီးမြို့တွင် အသက်မပြည့်သေးသော ခယ်မဖြစ်သူအား အကြိမ်ကြိမ် မုဒိမ်းကျင့်ရာမှ ကိုယ်ဝန်ရှစ်လရလာသည့်အတွက် ရဲစခန်းတွင် အမှုဖွင့်

ရှမ်းပြည်တောင်ပိုင်း ချမ်းမြသာစည်ရပ်ကွက်တွင် နေထိုင်သော အသက်မပြည့်သေးသော ခယ်မဖြစ်သူအား အကြိမ်ကြိမ် မုဒိမ်းကျင့်ခဲ့ရာမှ ကိုယ်ဝန်ရှစ်လ ရလာသည့်အတွက် အစ်မဖြစ်သူက တရားလိုပြုလုပ်၍ ခင်ပွန်းဖြစ်သူအား အရေးယူပေးနိုင်ပါရန် တောင်ကြီးနယ်မြေ အမှတ်(၂) စခန်းတွင် အမှုဖွင့်ထားသည်ဟု နယ်မြေစခန်းမှူးထံမှ သတင်းရရှိသည်။

ဖြစ်စဉ်မှာ တောင်ကြီးမြို့၊ ချမ်းမြသာစည်ရပ်ကွက်တွင် နေထိုင်သော တရားလိုသည် ၂၀၁၄ ခုနှစ်တွင် ၎င်းတို့၏ မိဘများ မရှိတော့သည့်အတွက် ညီမဖြစ်သူကို ကိုးနှစ်အရွယ်၊ စတုတ္ထတန်းတက်ရောက်သည့် အချိန်မှစတင်ကာ နေအိမ်တွင် ကျွေးမွေးစောင့်ရှောက်ထားခဲ့ကြောင်း၊ တရားလို၏ ခင်ပွန်းဖြစ်သူ ဇော်ဝင်းမောင်က ၂၀၁၆ ခုနှစ်မှ စတင်၍ အလိုမတူဘဲ အကြိမ်ကြိမ် သားမယား ဆက်ဆံခဲ့ကြောင်း၊ ထိုသို့ဆက်ဆံရာတွင်လည်း ငြင်းဆန်လျှင် ရိုက်နှက်ပုတ်ခတ် သတ်ဖြတ်ပစ်မည်ဟု ခြိမ်းခြောက်သဖြင့် အလိုမတူဘဲ မုဒိမ်းပြုကျင့်ခံခဲ့ရကြောင်း၊ သူမ၏ ကိုယ်ဝန်အခြေအနေကို ရိပ်စားမိလာသဖြင့် နေအိမ်တွင် မနေချင်တော့ဘဲ ကိုယ်ပိုင်ကျောင်းတွင် နေထိုင်ချင်ကြောင်း ညီမဖြစ်သူက တောင်းဆိုသဖြင့် ၂၀၁၈ ခုနှစ် မေလပိုင်းတွင် ကိုယ်ပိုင်အထက်တန်းကျောင်းတစ်ခုတွင် အပ်နှံထားခဲ့ရာမှ၊ သြဂုတ် ၁၂ ရက်တွင် ညီမဖြစ်သူ ဗိုက်ပူနေသည့်အတွက် ကိုယ်ဝန်လွယ်ထားရသည့်ဖြစ်စဉ်ကို ရိပ်မိသည့်အတွက် စိန်ဆေးရုံတွင် ညီမဖြစ်သူကို သွားရောက် စစ်ဆေးကြည့်ရာမှ ကိုယ်ဝန်ရှစ်လ လွယ်ထားနေရသည့် ဖြစ်စဉ်ကိုသိရှိပြီး ခင်ပွန်းဖြစ်သူ အကြိမ်ကြိမ် မုဒိမ်းကျင့်မှု ပေါ်ပေါက်လာရခြင်းကြောင့် အရေးယူပေးပါရန် တိုင်ကြားခြင်းဖြစ်ကြောင်း တောင်ကြီးနယ်မြေစခန်းမှူး ရဲအုပ်စိုးမိုးအောင်က ပြောကြားသည်။

အဆိုပါ ပြုကျင့်ခံရသူ မိန်းကလေးငယ်သည် ၁၃ နှစ် ၃ လ ၂ ရက်သာ ရှိသေးပြီး၊ ၂၀၁၄ ခုနှစ် စတုတ္ထတန်းကျောင်းသူဘ၀တွင် မိဘများ မရှိတော့သည့်အတွက် အစ်မဖြစ်သူ၏ နေအိမ်တွင် နေထိုင်ခဲ့ကြောင်း၊ ၂၀၁၆ ခုနှစ် ၆ တန်းနှစ်တွင် တစ်အိမ်တည်းနေ ခဲအိုဖြစ်သူ ဇော်ဝင်းမောင်က ခြိမ်းခြောက် ရိုက်နှက်ပြီး သားမယားပြုကျင့်ခဲ့ကြောင်း၊ တစ်ကြိမ် တစ်ကြိမ် ဆက်ဆံတိုင်း လက်မခံချင်သော်လည်း ရိုက်နှက်ခဲ့သဖြင့် အကြောက်တရားကြောင့် ပြန်မပြောရဲကြောင်း၊ လက်ရှိ အဋ္ဌမတန်းကျောင်းသူ အရွယ်ရောက်ချိန်အထိ ထိုသို့ သားမယားပြုကျင့်ခဲ့သည်မှာ နှစ်နှစ်ဝန်းကျင် ရှိခဲ့ကြောင်း၊ သူမတွင် ကိုယ်ဝန်ရှိလာသည်ကို ရိပ်မိသဖြင့် အပြင်ကျောင်းတွင် သွားထားရာမှ ကိုယ်ဝန်ရင့်လာချိန် အစ်မဖြစ်သူ သိရှိသွားခြင်းဖြစ်သည်ဟု စခန်းမှူးက ပြောကြားသည်။

အဆိုပါ မုဒိမ်းမှုကျူးလွန်သော ဇော်ဝင်းမောင် (၂၉) နှစ်ကို တောင်ကြီးနယ်မြေ ရဲစခန်း (ပ)၁၅၁/၂၀၁၈၊ ရာဇသတ်ကြီးပုဒ်မ-၃၇၆ ဖြင့် သြဂုတ် ၁၂ ရက်တွင် အမှုဖွင့်သဖြင့် တရားခံကို ဖမ်းဆီး၍ ချုပ်မိန့်ရမန်ကိုလည်း တောင်းခံထားပြီးဖြစ်ကြောင်း၊ လက်ရှိတွင် တောင်ကြီးမြို့နယ်တရားရုံးသို့ တရားစွဲတင်နိုင်ရေးအတွက် ဆောင်ရွက်နေကြောင်း စခန်းမှူးက ပြောကြားသည်။

အဆိုပါ ကျူးလွန်သူသည် ချမ်းမြသာစည်ရပ်ကွက်တွင် NLD ပါတီဝင်ဟု ပြောဆိုနေကြခြင်းကို မဟုတ်မှန်ကြောင်း၊ ချမ်းမြသာစည်ရပ်ကွက်တွင် ပါတီဝင်အင်အား ခုနစ်ဦးသာရှိပြီး၊ ရပ်ကွက်ဥက္ကဋ္ဌ ဖြစ်သူမှာလည်း ကျန်းမာရေး မကောင်းတော့သဖြင့် ပါတီဖွဲ့စည်းပုံ ရွေးချယ်ခြင်းပြုလုပ်ရန် မကြာခင် စီစဉ်နေခြင်းဖြစ်ကြောင်း၊ အဆိုပါ ဇော်ဝင်းမောင်သည် ပါတီဝင်ထားခြင်းမရှိဘဲ၊ သက်သက်မဲ့ အပုပ်ချခြင်းသာဖြစ်ကြောင်း အမျိုးသားဒီမိုကရေစီအဖွဲ့ချုပ် ချမ်းမြသာစည်ရပ်ကွက် အတွင်းရေးမှူး ဦးသန်းကျော်က ဆိုသည်။

အသက်မပြည့်သည့် မိန်းကလေးကို ခိုးယူပေါင်းသင်း မုဒိမ်းကျင့်မှုဖြင့် ၁၉ နှစ်အရွယ် အမျိုးသား ထောင်ဒဏ် ၁၃ နှစ် ချမှတ်ခံရ

အသက်မပြည့်သည့် မိန်းကလေးငယ်ကို ခိုးယူပေါင်းသင်း မုဒိမ်းကျင့်မှုဖြင့် ၁၉ နှစ်အရွယ် အမျိုးသားတစ်ဦးကို ရန်ကုန်အရှေ့ပိုင်းခရိုင်တရားရုံးက ထောင်ဒဏ် ၁၃ နှစ် ချမှတ်ခဲ့ကြောင်း သိရသည်။

ထိုသို့ချမှတ်ရာတွင် ပုဒ်မနှစ်ခုဖြင့် ချမှတ်ခဲ့ခြင်းဖြစ်ပြီး ရာဇသတ်ကြီးဥပဒေပုဒ်မ ၃၆၃(လူခိုးမှု) ဖြင့် အလုပ်နှင့် ထောင်ဒဏ်သုံးနှစ်၊ ရာဇသတ်ကြီးဥပဒေပုဒ်မ ၃၇၆ (မုဒိမ်းမှု) ဖြင့် အလုပ်နှင့် ထောင်ဒဏ် ၁၀ နှစ်တို့ ကျခံစေရန် ဇွန် ၁၁ ရက်တွင် အမိန့်ချမှတ်ခဲ့ခြင်းဖြစ်ကြောင်း သိရသည်။

ထောင်ဒဏ် ၁၃ နှစ်ချမှတ်ခံရသူ အမျိုးသားမှာ ရန်ကုန်တိုင်းဒေသကြီး မြောက်ဥက္ကလာပမြို့နယ်တွင် နေထိုင်သူတစ်ဦးဖြစ်ပြီး ၎င်းကို ပြီးခဲ့သည့် ၂၀၁၇ ခုနှစ် ဧပြီလအတွင်းက မိဘအုပ်ထိန်းမှု လက်အောက်တွင်ရှိသော သမီးဖြစ်သူ ၁၃ နှစ် ၅ လအရွယ် မ….ကို သွေးဆောင်ဖြားယောင်းကာ ခိုးယူပေါင်းသင်းခဲ့မှုဖြင့် မ….၏ မိခင်က တရားလိုပြုလုပ်ကာ မြောက်ဥက္ကလာပမြို့မရဲစခန်းတွင် တိုင်တန်းခဲ့သဖြင့် မြောက်ဥက္ကလာပမြို့မ ရဲစခန်းမှ ရာဇသတ်ကြီးဥပဒေပုဒ်မ ၃၆၃/၃၇၆ တို့ဖြင့် အမှုဖွင့် စစ်ဆေးခဲ့ခြင်းဖြစ်ကြောင်း မှုခင်းမှတ်တမ်းများအရ သိရသည်။

ထို့နောက် ယင်းအမှုကို ရန်ကုန်အရှေ့ပိုင်းခရိုင်တရားရုံးသို့ တရားစွဲတင်ခဲ့ခြင်းဖြစ်ကြောင်း သိရသည်။

မြန်မာနိုင်ငံတွင် သက်ငယ်မုဒိမ်းမှုနှင့် ပတ်သက်ပြီး ကျူးလွန်သူများကို သေဒဏ်ပေးရန် ဆန္ဒထုတ်ဖော်တောင်းဆိုမှုများ ပြုလုပ်ခဲ့ပြီးနောက် လွှတ်တော်တွင် အဆိုပါအမှုအတွက် အမြင့်ဆုံးပြစ်ဒဏ်ချမှတ်နိုင်ရန် ဆွေးနွေးလျက်ရှိကြောင်း သိရသည်။

စဥ့်ကူးမြို့နယ်တွင် ဆိုင်ကယ်ငှားရမ်းသူ အမျိုးသမီးအား ဆိုင်ကယ်ကယ်ရီသမားက လမ်းတွင် မုဒိမ်းကျင့်မှုဖြစ်ပွား

မန္တလေးတိုင်းဒေသကြီး စဥ့်ကူးမြို့နယ်တွင် ဆိုင်ကယ်ကယ်ရီငှားရမ်းစီးနင်းသူ အမျိုးသမီးအား ဆိုင်ကယ်ကယ်ရီသမားမှ လမ်းတွင် မုဒိမ်းကျင့်မှုဖြစ်ပွားခဲ့ကြောင်း တိုင်းဒေသကြီးရဲတပ်ဖွဲ့၏ သတင်းထုတ်ပြန်ချက်အရ သိရသည်။

ဖြစ်စဉ်မှာ ဖေဖော်ဝါရီ ၁၆ ရက် ညနေ ၃ နာရီခွဲခန့်က အသက် ၂၆ နှစ်အရွယ် အိမ်ထောင်ရှိ အမျိုးသမီးတစ်ဦး (ဈေးရောင်းသူ) ရေစကြိုမြို့နယ်နေသူသည် စဥ့်ကူးမြို့နယ် တရော်ပင်ရွာတွင် ဓားမများရောင်းချပြီး ၎င်း၏မိဘများရှိရာ စစ်ကိုင်းတိုင်းဒေသကြီး ၀က်လက်မြို့နယ် ရှိမ္မကားရွာသို့ပြန်ရန် ကားစီး၍ စဥ့်ကူး-လက်ပံလှလမ်းဆုံတွင် ကားပေါ်မှဆင်းခဲ့ပြီး လမ်းဆုံရှိ ဆိုင်ကယ်ကယ်ရီသမားအား ရှိမ္မကားရွာသို့လိုက်ပို့ရန် ပြောဆိုငှားရမ်းခဲ့ရာ ငွေ ၂၅၀၀ ကျပ်ပေးရမည်ဟု ပြောဆိုသောကြောင့် အမျိုးသမီးက ၎င်းငွေအား မတတ်နိုင်သဖြင့် မငှားနိုင်ကြောင်း ပြောဆိုစဉ် အနီးရှိ အမည်မသိ ဆိုင်ကယ်ကယ်ရီသမား (လူမြင်မှတ်မိ) မှ ၎င်းခေါ်မည်ဖြစ်ပြီး လုခေါ်ခြင်း မဟုတ်ကြောင်းနှင့် လမ်းကြုံ၍ ကုသိုလ်ဖြစ် လိုက်ပို့တာဟုပြောဆိုကာ အမျိုးသမီးအား ခေါ်ဆောင်မောင်းနှင်လာခဲ့သည်။ ခူလယ်ရွာနှင့် သာယာကုန်းရွာကြား ရွှေမြင်တင်တောင်ခြေဘက်သို့ ချိုးကွေ့ခဲ့သဖြင့် အမျိုးသမီးမှ ဘာလို့ချိုးကွေ့တာလဲ၊ သွားမည့်နေရာမဟုတ်ကြောင်းပြောရာ အဆိုပါ လူက အရှိန်ပြင်းစွာ မောင်းနှင်လျက် သာယာကုန်းရွာအနီး ရွှေမြင်တင်တောင်ခြေအနီးရှိ ရွှေပေါက်ပင်အောက်သို့ ရောက်သည့်အခါ ဆိုင်ကယ်ရပ်စဉ် အမျိုးသမီးမှ ထွက်ပြေးရာ ၎င်းမှလိုက်လာပြီး အမျိုးသမီး၏လက်အား ဆွဲကိုင်ကာ လည်ပင်းကိုညှစ်ပြီး မြေကြီးပေါ်သို့တွန်းလှဲကာ သားမယားအဖြစ် ၁၅ မိနစ်ခန့်အကြာ တစ်ကြိမ်ပြုကျင့်ခဲ့ပြီးနောက် အမျိုးသမီးမှ တောထဲတွင် မထားခဲ့ရန်နှင့် ခေါ်သွားရန် တောင်းပန်ပြောဆိုသဖြင့် ဆိုင်ကယ်ကယ်ရီသမားမှ အမျိုးသမီးအား ခေါ်ဆောင်ကာ ရွှေဘိုမြို့နယ် ကျောက်မြောင်းဘက်သို့ရောက်စဉ် ဆိုင်ကယ်ပေါ်မှ ချပေးခဲ့ပြီး စဥ့်ကူးမြို့နယ်ဘက်သို့ ပြန်လည်ထွက်သွားကြောင်း ရဲမှတ်တမ်းအရ သိရသည်။

အဆိုပါဖြစ်စဉ်နှင့်ပတ်သက်ပြီး အမျိုးသမီးက ညနေ ၆ နာရီခွဲအချိန်တွင် မြို့မရဲစခန်း (စဥ့်ကူး) သို့ တိုင်တန်းသောကြောင့် တရားခံအား ဖမ်းဆီးရမိရေး တာဝန်ရှိသူများ စုံစမ်းဆောင်ရွက်ခဲ့ရာ ကယ်ရီစတင်ငှားရမ်းခဲ့သည့်နေရာရှိ မျက်မြင်သက်သေ ဆိုင်ကယ်ကယ်ရီသမားများက နိုင်ဝင်း (ခ) ခွေးကိုက် (အိမ်ထောင်ရှိ) ၂၇ နှစ် ဆိုင်ကယ်ကယ်ရီဆွဲသူ လိုက်ပါပို့ဆောင်ပေးခဲ့သည်ကို တွေ့မြင်ကြောင်း ထွက်ဆိုခဲ့သောကြောင့် ပူးပေါင်းအဖွဲ့သည် လက်ပံလှကျေးရွာအုပ်စုနေ နိုင်ဝင်း (ခ) ခွေးကိုက်၏ နေအိမ်သို့ သွားရောက်စုံစမ်းရာ နေအိမ်တွင် မတွေ့ရှိသဖြင့် ၎င်းကိုင်ဆောင်သည့်ဖုန်းသို့ ဆက်သွယ်ပြီး ရွှေဘိုသို့သွားရန် ဆိုင်ကယ်ငှားလိုကြောင်း ယခင်ကလည်း လိုက်ပို့ခဲ့ဖူးကြောင်း၊ ရွှေပန်းတောရွာလမ်းကွေ့သို့ ထွက်လာခဲ့ရန်နှင့် စောင့်နေမည်ဖြစ်ကြောင်းပြောရာ ည ၇ နာရီ ၁၀ မိနစ်တွင် နိုင်ဝင်း (ခ) ခွေးကိုက် ရောက်ရှိလာပြီး စစ်မေးခဲ့ရာ အဆိုပါပြစ်မှုအား ကျူးလွန်ခဲ့ကြောင်း စစ်ဆေးပေါ်ပေါက်သဖြင့် ည ၇ နာရီ ၂၅ မိနစ်အချိန်တွင် ၎င်းအားဖမ်းဆီးခဲ့သည်။ မြို့မရဲစခန်း (စဥ့်ကူး) က နိုင်ဝင်း (ခ) ခွေးကိုက်အား (ပ) ၁၃/၂၀၁၈ ရာဇသတ်ကြီး ပုဒ်မ ၃၇၆ အရ အမှုဖွင့် ဖမ်းဆီးစစ်ဆေးလျက်ရှိကြောင်း သိရသည်။