ရန်ကုန်ပြည်သူ့ဆေးရုံကြီး Level 2 အဆင့် မီးလောင်ကျွမ်းမှု ဖြစ်ပွားခဲ့ပြီး လူနာများနှင့် ကင်ဆာရောဂါကု ဆေးရုံသုံးပစ္စည်းများအား အရေးပေါ် ပြောင်းရွှေ့ခဲ့ရ

ရန်ကုန်ပြည်သူ့ဆေးရုံကြီး ကင်ဆာဌာနမီးလောင်မှုအား ငြိမ်းသတ်နေစဉ် (ဓာတ်ပုံ – နေ၀န်းထက်)

ရန်ကုန်ပြည်သူ့ဆေးရုံကြီး Level 2 အဆင့် မီးလောင်ကျွမ်းမှု ဖြစ်ပွားခဲ့ပြီး လူနာများနှင့် ကင်ဆာရောဂါကု ဆေးရုံသုံးပစ္စည်းများအား အရေးပေါ် ပြောင်းရွှေ့ခဲ့ရကြောင်း မြန်မာနိုင်ငံ မီးသတ်ဦးစီးဌာနမှ သိရသည်။

သြဂုတ် ၁၃ ရက် ညနေ ၆ နာရီ ၄၅ မိနစ်တွင် ရန်ကုန်ပြည်သူ့ဆေးရုံကြီး ကင်ဆာဓာတ်ရောင်ခြည်ဌာန၌ Aircon ၀ါယာလျှော့ဖြစ်ရာမှ Level 2 အဆင့်ရှိ မီးလောင်ကျွမ်းမှု ဖြစ်ပွားခဲ့ခြင်းဖြစ်သည်။

“လူထိခိုက်ဒဏ်ရာရရှိမှုတို့ သေဆုံးမှုတို့ မရှိပါဘူး။ ရှေ့ဆက်ပြီးတော့ ဒီလိုကိစ္စမျိုးတွေမဖြစ်အောင် ကျန်းမာရေးရယ်၊ မီးသတ်ရယ်ပေါင်းစပ်ပြီးတော့ ဆောင်ရွက်သွားမှာ ဖြစ်ပါတယ်။ လျှပ်စစ်ပိုင်းဆိုင်ရာလည်း ပါပါတယ်။ ဖြစ်စဉ်ကတော့ ကင်ဆာရောဂါ ပြင်ပလူနာဌာန အသေးစား ခွဲစိတ်ခန်းမှာရှိတဲ့ မီးခလုတ်ခုံ အပူလွန်ကဲရာမှာ စတင်လောင်တာဖြစ်တယ်။ မျက်နှာကျက်မှာရှိတဲ့ သစ်သားတန်းတို့ ၀ါယာကြိုးတွေပဲ လောင်သွားတာ ဖြစ်ပါတယ်။ မီးငြိမ်းသတ်တဲ့သူ အန္တရာယ်မရှိအောင် မီးကိုသတိထားပြီး ငြိမ်းသက်ခဲ့ရတယ်။ အရေးယူ ဆောင်ရွက်ဖို့ကိုတော့ စုံစမ်းဆဲဖြစ်ပါတယ်။ ဒီဟာနဲ့ပတ်သက်ပြီး ဘယ်သူက တာဝန်ယူထားသလဲဆိုတာကို စုံစမ်းနေပါတယ်” ဟု မြန်မာနိုင်ငံ မီးသတ်တပ်ဖွဲ့မှ တိုင်းမီးသတ်ဦးစီးမှ ညွှန်ကြားရေးမှူး ဦးမျိုးဝင်းက ပြောကြားသည်။

မီးစတင်လောင်ကျွမ်းသည့် အချိန်တွင် ဆေးရုံဝန်ထမ်းများက မီးသတ်ဆေးဘူးများဖြင့် ငြိမ်းသတ်ခဲ့သော်လည်း ငြိမ်းသတ်နိုင်ခဲ့ခြင်း မရှိခဲ့ဘဲ မီးခိုးများစွာထွက်လာသည့် အချိန်တွင်မှ မီးသတ်ကားများအား ခေါ်ယူခဲ့သည်ကို မြင်တွေ့ခဲ့ရကြောင်း ဆေးရုံကြီးတွင် မိခင်အား ပြုစုစောင့်ရှောက်နေသည့် ဆရာတော်တစ်ပါးက မိန့်ကြားသည်။

ရန်ကုန်ပြည်သူ့ဆေးရုံကြီး ကင်ဆာဌာနမီးလောင်မှုအား ငြိမ်းသတ်နေစဉ် (ဓာတ်ပုံ – နေ၀န်းထက်)

“ဦးဇင်း အချိန်တော့ မမှတ်မိဘူး။ အဲဒီကင်ဆာဓာတ်ကင်တဲ့နေရာက Aircon ဘေးမှာ ပိုက်လားမသိဘူး။ အဲဒါက နီရဲနေတာကိုတွေ့တယ်။ အဲဒါနဲ့ လူတွေကပြောတော့ ဆေးရုံကသူတွေက မီးသတ်ဆေးဘူးတွေနဲ့ ငြိမ်းကြတယ်။ သုံးဘူးလောက် ကုန်သွားတယ်။ မငြိမ်းဘူး။ မီးခိုးတွေ တအားထွက်လာတော့ မီးသတ်ကားကို ခေါ်လိုက်ကြတာ။ စဖြစ်တဲ့အချိန်နဲ့ မီးသတ်ကားရောက်တဲ့ အချိန်က နည်းနည်းတော့ကြာတယ်။ ဦးဇင်းက အဲဒီအဆောင်နားက အဆောင်မှာ မယ်တော်ကြီး ဆေးရုံတက်နေရလို့ ဆေးရုံလာစောင့်နေတာ” ဟု မီးစတင်လောင်ကျွမ်းမှုမြင်ကွင်းအား ဆရာတော်က The Daliy Eleven သတင်းစာသို့ မိန့်ကြားသည်။

မီးလောင်ကျွမ်းမှုကြောင့် ကင်ဆာဓာတ်ရောင်ခြည်ဌာနအတွင်း မီးငြိမ်းသတ်ထားသည့် ရေများဖြင့် ပြည့်သွားခဲ့ပြီး ကင်ဆာရောဂါအား ဓာတ်ကင်ကုသရာတွင် အသုံးပြုသည့် ဆေးရုံသုံးပစ္စည်း အများအပြားကို မီးသတ်တပ်ဖွဲ့နှင့် အခြားသော တာဝန်ရှိသူများက ချက်ချင်းပြောင်းရွှေ့နေသည်ကို တွေ့မြင်ရပြီး အနီးတွင် ၀ိုင်းအုံကြည့်ရှုနေသည့် သတင်းထောက်များနှင့် အခြားသူများအား မီးသတ်တပ်ဖွဲ့မှ အရာရှိတစ်ဦးက ဓာတ်ရောင်ခြည် အန္တရာယ်ရှိနိုင်ကြောင်း သတိပေး ပြောကြားသည်။

ရန်ကုန်ပြည်သူ့ဆေးရုံကြီး ကင်ဆာဌာနမီးလောင်မှုဖြစ်သဖြင့် ကုသရေးစက်ပစ္စည်းများ ရွှေ့ပြောင်းနေစဉ်(ဓာတ်ပုံ – နေ၀န်းထက်)

ထို့ပြင် မီးလောင်ကျွမ်းမှုကြောင့် မီးခိုးမွှန်မှု အပါအ၀င် အခြားသော အကြောင်းအရာများကြောင့် လူနာများအား အရေးပေါ် ပြောင်းရွှေ့မှုများ ပြုလုပ်ခဲ့သည်ကို တွေ့ရပြီး လူနာအချို့ သတိလစ်ခြင်းများ ဖြစ်ပေါ်ခဲ့သည်ကိုလည်း တွေ့ရသည်။

မီးလောင်ကျွမ်းမှုဖြစ်ပွားရာ ရန်ကုန်ပြည်သူ့ဆေးရုံကြီး ကင်ဆာဓါတ်ရောင်ခြည်ဌာနသို့ ရန်ကုန်တိုင်းဒေသကြီးဝန်ကြီးချုပ်၊ ရန်ကုန်မြို့တော်ဝန်၊ ရန်ကုန်တိုင်းဒေသကြီး လွှတ်တော်ဥက္ကဌတို့ အပါအ၀င် တိုင်းဒေသကြီးအစိုးရအရာရှိများ လာရောက်ခဲ့ပြီး ည ၈ နာရီဝန်းကျင်တွင် မီးလောင်မှုနှင့်ပတ်သတ်၍ ရန်ကုန်ဆေးရုံကြီးဝန်းအတွင်းတွင် အရေးပေါ် အစည်းအဝေး ပြုလုပ်နေကြောင်း သိရသည်။

ရန်ကုန်ပြည်သူ့ဆေးရုံကြီး ကင်ဆာဌာနမီးလောင်မှုအား ငြိမ်းသတ်နေစဉ် (ဓာတ်ပုံ – နေ၀န်းထက်)

အဆိုပါ မီးလောင်မှုနှင့် ပတ်သတ်ပြီး သြဂုတ် ၁၃ ရက် ညနေ ၆ နာရီ ၄၃ မိနစ်တွင် မီးစတင်လောင်ကျွမ်းခဲ့ခြင်းဖြစ်ပြီး ၉ နာရီ ၄ မိနစ်တွင် မီးထိန်းနိုင်ခဲ့ကာ ၉ နာရီ ၁၀ မိနစ်တွင် မီးငြိမ်းသတ်နိုင်ခဲ့ကြောင်း မြန်မာနိုင်ငံ မီးသတ်တပ်ဖွဲ့က ထုတ်ပြန်ခဲ့ပြီး မီးလောင်ကျွမ်းမှုအား Level 2 အဆင့်အဖြစ် သတ်မှတ်ခဲ့ကာ မီးငြိမ်းသတ်ယာဉ် ၂၅ စီး၊ အထောက်အကူပြုယာဉ် (၇) စီး၊ သန္ဓေမီးသတ်တပ်ဖွဲ့ဝင်၂၈၆ဦး၊ အရန်မီးသတ်တပ်ဖွဲ့ဝင် ၈၅ ဦးတို့ဖြင့် ရေဂါလန် (၁၂၀၀၀) အသုံးပြုပြီး မီးငြိမ်းသတ်ခဲ့ရကြောင်း ရန်ကုန်ပြည်သူ့ဆေးရုံကြီး ဆေးရုံအုပ်ကြီးရုံးမှ သိရသည်။

မီးလောင်ကျွမ်းမှုကြောင့် လူထိခိုက် သေဆုံးခြင်းမရှိခဲ့ဘဲ ဓာတ်ရောင်ခြည်လုံခြုံမှုနှင့် ပတ်သတ်ပြီး ထိခိုက်မှု မရှိကြောင်းလည်း သိရသည်။

ယခုကဲ့သို့ ရန်ကုန်ဆေးရုံကြီး မီးလောင်သည့်ဖြစ်စဉ်သည် ဒုတိယအကြိမ် ဖြစ်ပွားခဲ့ခြင်းဖြစ်ပြီး ၂၀၁၇ ဒီဇင်ဘာလတွင်လည်း မီးလန့်မှု ဖြစ်ပွားခဲ့ကြောင်း သိရသည်။

လှိုင်သာယာမြို့နယ်တွင် ဖယောင်းတိုင်မီး ထွန်းရာမှ မီးလောင်ကျွမ်းမှု ဖြစ်ပွားခဲ့ပြီး နေအိမ် ၁၆ လုံး မီးလောင်ဆုံးရှုံး

ရန်ကုန်တိုင်းဒေသကြီး လှိုင်သာယာမြို့နယ်တွင် ဖယောင်းတိုင်မီး ထွန်းရာမှ မီးလောင်ကျွမ်းမှု ဇွန် ၂၁ ရက် နံနက်ပိုင်းက ဖြစ်ပွားခဲ့ပြီး နေအိမ် ၁၆ လုံး မီးလောင်ဆုံးရှုံးခဲ့ကြောင်း မြောက်ပိုင်းခရိုင် ရဲတပ်ဖွဲ့မှ သိရသည်။

မီးလောင်ကျွမ်းမှုမှာ ဇွန် ၂၁ ရက် နံနက် (၀၀း၄၅) မိနစ်ခန့်က လှိုင်သာယာမြို့နယ် အမှတ် (၅) ရပ်ကွက် မြရိပ်ညို (၂) လမ်းနှင့် ဇီဇ၀ါလမ်းထောင့်ရှိ နေအိမ်တစ်အိမ်မှ စတင်ကာ လောင်ကျွမ်းခဲ့ခြင်း ဖြစ်ကြောင်း သိရသည်။

ထိုသို့ မီးလောင်ကျွမ်းမှုကို လှိုင်သာယာမြို့နယ် မီးသတ်စခန်းမှ မီးငြှိမ်းသတ်ယာဉ် သုံးစီး၊ လှိုင်သာယာ (ခွဲ) မှ နှစ်စီး၊ အင်းစိန်မြို့နယ်မှ တစ်စီး၊ ဘုရင့်နောင်မှ တစ်စီး၊ မရမ်းကုန်းမှ တစ်စီး၊ လှိုင်မြို့နယ်မှ တစ်စီး၊ ရွှေပြည်သာမြို့နယ်မှ တစ်စီး၊ ရွှေလင်ဗန်း စက်မှုဇုန်မှ တစ်စီး၊ လှိုင်သာယာစက်မှုဇုန်မှ တစ်စီး၊ စုစုပေါင်း မီးငြှိမ်းသတ်ယာဉ် ၁၂ စီး၊ အုပ်ချုပ်မှုယာဉ် သုံးစီး၊ သန္ဓေမီးသတ်တပ်ဖွဲ့ဝင် ၁၁၀ ဦး၊ အရန်မီးသတ်တပ်ဖွဲ့ဝင် ၆၇ ဦးတို့ဖြင့် လာရောက် ငြှိမ်းသတ်ခဲ့ရပြီး နံနက် ၁ နာရီ ၅ မိနစ်ခန့်တွင် မီးငြိမ်းသွားခဲ့ကြောင်း သိရသည်။

“စလောင်တဲ့ အိမ်မှာ ဖယောင်းတိုင်မီးနဲ့ ဘုရားမီး ပူဇော်ထားတယ်လို့ သိရတယ်။ အဲဒီမှာ ဖယောင်းတိုင်က လဲကျပြီး ကြမ်းခင်းကို ကူးစက်ရာက မီးစလောင်တယ်လို့ သိရတယ်” ဟု မြောက်ပိုင်းခရိုင် ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

မီးလောင်မှုကြောင့် (၁၀x၁၅) ပေ၊ သွပ် မိုး၊ ပျဉ်ကာ ၊ ပျဉ်ခင်း နေအိမ် ၁၆ လုံး မီးလောင် ဆုံးရှုံးခဲ့ကြောင်း သိရသည်။

အဆိုပါ မီးလောင်မှုနှင့် ပတ်သက်ပြီး စတင်လောင်ကျွမ်းခဲ့သည့် အိမ်ပိုင်ရှင်ဖြစ်သူကို လှိုင်သာယာမြို့မရဲစခန်းမှ (ပ)၂၂၉၅/၂၀၁၈၊ ရာဇသတ်ကြီးပုဒ်မ ၂၈၅ ဖြင့် အမှုဖွင့်ထားကြောင်း သိရသည်။

မီးလောင်မှုဖြစ်ပွားခဲ့သည့် ထိန်ပင်အမှိုက်ပုံကို နေ့စဉ်စောင့်ကြည့်၍ မီသိန်းဓာတ်ငွေ့လျှော့ချရေး လုပ်ငန်းများ ဆက်လက်လုပ်ဆောင်နေ

မီးလောင်မှု ဖြစ်ပွားခဲ့သည့် ထိန်ပင်အမှိုက်ပုံကို တွေ့ရစဉ်

မီးလောင်မှုဖြစ်ပွားခဲ့သည့် ထိန်ပင်အမှိုက်ပုံကို နေ့စဉ်စောင့်ကြည့်၍  မီသိန်းဓာတ်ငွေ့လျှော့ချရေး လုပ်ငန်းများ ဆောင်ရွက်နေကြောင်း၊ ရန်ကုန်မြို့တော် စည်ပင်သာယာရေးကော်မတီ ပတ်ဝန်းကျင် ထိန်းသိမ်းရေးနှင့် သန်းရှင်းရေးဌာန ဒုတိယဌာနမှူး ဒေါက်တာအောင်မြင့်မော်က ပြောကြားသည်။

အမှိုက်ပုံသည် ပြင်လိုက်ကြီး ဖြစ်နေပြီး မီသိန်းဓာတ်ငွေ့ထွက်ရန် မလွယ်ကူသည့်အတွက် ဓာတ်ငွေ့ထွက်ရန် လွယ်ကူစေရန် အမှိုက်ပုံအား လေးထောင့်ပုံစံ ဖြတ်လမ်းများဖောက်ပြီး မီသိန်းဓာတ်ငွေ့ လျှော့ချမှုများ ပြုလုပ်နေကြောင်း၊ သွားလာမှု လွယ်ကူစေရန်နှင့် မီသိန်းဓာတ်ငွေ့များ လျော့ကျပြီး မီးလောင်မှု ထပ်မံမဖြစ်စေရန်ဖြစ်ကြောင်း သိရသည်။

“အမှိုက်က လောင်ပြီးသား အမှိုက်ရယ် မလောင်ရသေးတဲ့ အမှိုက်ရယ် ရှိတယ်။ လောင်ပြီးသား အမှိုက်တွေကို ကျွန်တော်တို့က ကြားထဲမှာ ရင်ခွဲလိုက်တယ်။ အရင်က အမှိုက်က ပြင်လိုက်ကြီး ဖြစ်နေတာပေါ့။ အခုတော့ သူ့နေရာနဲ့သူ အပုံလိုက် အပုံလိုက်တွေ  ခွဲပြီးသားတွေ ဖြစ်နေတာပေါ့။ တစ်ပြင်လုံးဖြစ်နေရင် မီသိန်းဓာတ်ငွေ့ ထွက်ရတာ ခက်တာပေါ့။ ပိုင်းလိုက်တဲ့ အတွက်ကြောင့် အပုံအပုံတွေ ဖြစ်နေတဲ့အတွက် ဘေးနားကနေ မီသိန်းဓာတ်ငွေ့ ထွက်မှာပေါ့။ လမ်းသွားရတာရော ကားတွေဘာတွေ အ၀င်အထွက်အားလုံး အဆင်ပြေအောင် လုပ်တာပေါ့။ လုပ်တာက တောက်လျှောက် လုပ်မှာပါ။ အမှိုက်ပုံကို  တတ်နိုင်သမျှ အပုံကို သေးသေးလေးတွေဖြစ်အောင် အပိုင်းလိုက် အပိုင်းလိုက် လုပ်မှာပါ” ဟု ရန်ကုန်မြို့တော် စည်ပင်သာယာရေး ကော်မတီ ပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာန ဒုတိယဌာနမှူး ဒေါက်တာအောင်မြင့်မော်က ပြောကြားသည်။

အဆိုပါ ထိန်ပင်အမှိုက်ပုံကို  စည်ပင်သာယာရေး မီးငြှိမ်းသတ်ယာဉ် လေးစီးဖြင့် နေ့စဉ်စောင့်ကြည်လျက်ရှိကြောင်း၊ မီသိန်းဓာတ်ငွေ့လျှော့ချရေး လုပ်ငန်းများကိုလည်း စည်ပင်ဝန်ထမ်းများမှ ဆောင်ရွက်လျက်ရှိကြောင်း သိရသည်။

အဆိုပါ မီးလောင်မှုဖြစ်သည့် ထိန်ပင်စွန့်ပစ်အမှိုက်ပုံကို  ၂၀၀၁ ခုနှစ်က စတင်တည်ဆောက်ခဲ့ပြီး အမှိုက်ပုံ ဧရိယာမှာ ၁၅၀ ဧကရှိကြောင်း၊ မီးလောင်မှုမှာ ဧပြီ ၂၁ ရက် မွန်းလွဲပိုင်းမှ စပြီးလောင်ကြောင်း၊ အနီးရှိ ပတ်ဝန်းကျင်များသို့ မီးခိုးများ၊ ညှော်နံ့များ ပျံ့နှံ့ခဲ့သည့်အတွက် Bio-Foam ကို အရေးပေါ် မှာယူခဲ့ကာ ဧပြီ ၂၇ ရက်မှ စတင်ငြှိမ်းသတ်ခဲ့ရာ မေ ၃ ရက်တွင် မီးလောင်မှုအား ရာနှုန်းပြည့် ထိန်းချုပ်ငြှိမ်းသတ်နိုင်ခဲ့ကြောင်း သိရသည်။

အဆိုပါ ထိန်ပင်အမှိုက်ပုံ မီးလောင်မှုကြောင့် အနီးပတ်ဝန်းကျင် ရပ်ကွက်များအတွင်း မီးခိုးများ၊ ညှော်နံ့များ ပျံ့နှံ့ကာ အသက်ရှူကျပ်မှုများ ရှိခဲ့ပြီး မီးသတ်တပ်ဖွဲ့များနှင့် အမှိုက်ပုံ ပတ်ဝန်းကျင်နေ ပည်သူအချို့ ဆေးရုံတက်ရောက် ကုသခဲ့ရသည့်အပြင် ထိခိုက်ဒဏ်ရာ ရရှိခဲ့မှုများ ရှိခဲ့ကြောင်း သိရသည်။

 

ရခိုင်ပြည်နယ် မြေပုံမြို့နယ် ဝဘော်ကြီးကျေးရွာတွင် လူမနေသည့် နေအိမ်တစ်လုံးမှ မီးစတင်လောင်ကျွမ်းမြှုဖစ်ကာ နေအိမ် ၉၄ လုံးအား မီးကူးစက်မှုဖြစ်ပွား

မေလ ၁၂ ရက် ညက မီးလောင်မှုဖြစ်ပွားခဲ့သည့် ဝဘော်ကြီးကျေးရွာအား တွေ့ရစဉ် (Photo: Khinmg htoo)

ရခိုင်ပြည်နယ် မြေပုံမြို့နယ် ဝဘော်ကြီးကျေးရွာတွင် မေလ ၁၂ ရက် ည ၁၁ နာရီခန့်တွင် လူမနေသည့် နေအိမ်တစ်လုံးမှ မီးစတင်လောင်ကျွမ်းမှုဖြစ်ကာ နေအိမ် ၉၄ လုံးအား မီးကူးစက်လောင်ကျွမ်းခဲ့ကြောင်း မြို့နယ်မီးသတ်စခန်းမှ သိရသည်။

“ဝဘော်ကြီးမှာ နေအိမ် စုစုပေါင်း ၉၄ လုံး မီးလောင်ခဲ့ပါတယ်။ မီးက ရှို့မီးဖြစ်ပြီးတော့ လူမနေတဲ့ အဘိုးကြီးအိမ်က စလောင်တာပါ။ လူမနေတဲ့အိမ်က ဦးအောင်ဘသိန်း၊ အသက် ၇၈ နှစ် ဆိုသူရဲ့အိမ်ပါ ။သူတို့က ပြောင်းရွှေ့သွားပါပြီ။ မီးလောင်သွားတဲ့ ၉၄ လုံးထဲမှာ လူမရှိတဲ့ အိမ်က ၆၈ လုံးပါ။ အဲဒီ ၆၈ လုံးက လူတွေက သီလာဆိုတဲ့ ရွာကိုပြောင်းသွားပါပြီ။ ၂၆ လုံးမှာ လူရှိပါတယ်။ မီးဘေးသင့်သူ ၁၀၃ ဦးက အခုလောလောဆယ်မှာ Cyclone shelter နဲ့ ဘုန်းကြီးကျောင်းမှာ နေပါတယ် ” ဟု မြေပုံမြို့နယ် မီးသတ်ဦးစီးအရာရှိ ဦးမင်းသူက ပြောသည်။

Photo: Khinmg htoo

အဆိုပါ ဝဘော်ကြီးကျေးရွာသည် ယခင်က အိမ်ခြေ ၁၇၅ လုံး ရှိခဲ့သော်လည်း ရာသီဥတုဒဏ်ကို စိုးရိမ်သဖြင့် နေအိမ်အလုံး ၄၀ သည် ရန်ကုန် – စစ်တွေ ကားလမ်းဘေး သီလာကျေးရွာသို့ ပြောင်းရွှေ့ခဲ့ရာ လက်ရှိ ယင်းကျေးရွာသည် နေအိမ် ၁၃၅ လုံး ရှိသော ကျေးရွာဖြစ်ကြောင်း သိရသည်။

“မီးက မနေ့က ည ၁၁ နာရီလောက်မှာ လူမနေတဲ့ နေအိမ်တစ်လုံးက စလောင်တာဖြစ်တယ်။ အားလုံး ကူးစက်လောင်သွားတာပါ။ မီးမလောင်တဲ့ နေအိမ်က အလုံး ၄၀ ကျန်ပါတယ်။ မီးလောင်ဆုံးရှုံးသွားတဲ့ နေအိမ်က ၉၅ လုံး ဖြစ်ပါတယ်။ မီးဘေးဒုက္ခ ရောက်နေသူတွေက Cyclone shelter နဲ့ ဘုန်းကြီးကျောင်းမှာ နေကြပါတယ်။ မြို့နယ်က တာဝန်ရှိသူတွေလည်း ရောက်နေကြပါပြီ” ဟု ဝဘော်ကြီးကျေးရွာသို့ ရောက်ရှိနေသည့် ဦးကျော်သိန်းက ပြောသည်။

လက်ရှိ ဝဘော်ကြီးကျေးရွာတွင် နေထိုင်သူဦးရေမှာ ကျား ၂၈၅ ဦး ၊ မ ၃၀၂ ဦး ပေါင်း ၅၈၇ ရှိကြောင်း သိရသည်။

အမြန်လမ်း ၁၁၅ မိုင်ရှိ PIONEER စားသောက်ဆိုင်၏ အလုပ်သမားများ နားနေဆောင် မီးလောင်ကျွမ်းမှု ဖြစ်ပွား

ပဲခူးတိုင်းဒေသကြီး၊ ဖြူးမြို့နယ်၊ အမြန်လမ်းမကြီး ၁၁၅ မိုင် ယာဉ်ရပ်နားစခန်း အတွင်းရှိ PIONEER စားသောက်ဆိုင်၏ နောက်ကျောဘက်၊ အလုပ်သမားများ နားနေဆောင်တွင် ၀ါယာရှော့ဖြစ်ရာမှ မီးလောင်ကျွမ်းမှု ဖြစ်ပွားခဲ့ကြောင်း ဖြူးမြို့နယ် ရဲတပ်ဖွဲ့မှူးရုံးမှ သိရသည်။

မီးလောင်မှု အခြေအနေနှင့် ပတ်သက်ပြီး ဖြူးမြို့နယ်ရဲတပ်ဖွဲ့မှူး ရဲမှူုးမြင့်လွင်သန်းက “မီးလောင်တာတော့မှန်တယ်။ စာကတော့ ကိုယ့်ဆီတက်မလာသေးဘူး။ စခန်းကို မေးမှရမယ်။ လောလောဆယ် ၀ါယာရှော့ ဆိုတာပဲ သိသေးတယ်။ လူတွေဘာတွေတော့ ထိခိုက်တာ မရှိပါဘူး” ဟု ပြောကြားသည်။

ဖြစ်စဉ်မှာ မေ ၄ ရက် ည ၈ နာရီကျော်ခန့်က ဖြူးမြို့နယ် ရေသျှံကြီးကျေးရွာအုပ်စု၊ အမြန်လမ်းမကြီး ၁၁၅ မိုင် ယာဉ်ရပ်နားဝန်း အတွင်းရှိ ဦးဇော်လှမြင့် ၄၂ နှစ်(ဘ) ဦးလှမြင့်ပိုင် PIONEER စားသောက်ဆိုင်၏ နောက်ကျောဘက် ကိုက် ၁၀၀ ခန့်အကွာ အလုပ်သမားများ နားနေဆောင်တွင် လျှပ်စစ်ဝါယာရှော့ဖြစ်ရာမှ နားနေဆောင်အား မီးလောင်ကျွမ်းခဲ့ခြင်းဖြစ်ကြောင်း သိရသည်။

မီးလောင်ကျွမ်းမှု ဖြစ်ပွားရာသို့ ဖြူးမြို့နယ် ရဲတပ်ဖွဲ့ဝင်များ၊ ဖြူးမြို့နယ် မီးသတ်ဦးစီးမှူး ဦးသက်ဝင်းနှင့် တပ်ဖွဲ့ဝင်များ၊ ဖြူးအမြန်လမ်း မီးသတ်စခန်းမှ ဒုဦးစီးမှူး ဦးသိန်းထွန်းနှင့် တပ်ဖွဲ့ဝင်များမှ သွားရောက်ကူညီ ငြိမ်းသတ်ခဲ့ကြပြီး မီးသတ်ရေယာဉ် ၃ စီး၊ ရေသယ်ယာဉ် ၄ စီးတို့ဖြင့် ၀ိုင်းဝန်းငြိမ်းသတ်ခဲ့ရာ ည ၈ နာရီခွဲ အချိန်ခန့်တွင် မီးညွန့်ကျိုးကျကာ ည ၈ နာရီ ၄၀ မိနစ်အချိန်ခန့်တွင် မီးငြိမ်းသွားခဲ့ကြောင်း၊ မီးလောင်ကျွမ်းမှုကြောင့် လူများထိခိုက်ဒဏ်ရာ ရရှိခြင်း မရှိခဲ့ကြောင်း သိရသည်။

အဆိုပါ မီးလောင်ကျွမ်းမှုဖြစ်စဉ်နှင့် ပတ်သက်ပြီး ဖြူးမြို့မရဲစခန်းမှ မီးလောင်ကျွမ်းမှု ဖြစ်ပွားစေရန် ပေါ့ဆခဲ့သည့် ဦးလင်းဦး ၅၂ နှစ်(ဘ) ဦးတင်ထွန်း၊ PIONEER စားသောက်ဆိုင် လျှပ်စစ်မီးတာဝန်ခံအား (ပ) ၂၅၅/၂၀၁၈၊ ပြစ်မှုပုဒ်မ ၂၈၅ ဖြင့် အမှုဖွင့် အရေးယူထားကြောင်း သိရသည်။

 

 

 

ထိန်ပင်သုသာန်အနီးရှိ အမှိုက်ပုံမီးလောင်မှုကို BIO FOAM ဖြင့် စတင်ငြှိမ်းသတ်ချိန်မှ လေးရက်မြောက်တွင် မီးခိုးငွေ့ထွက်မှု ရာခိုင်နှုန်း ၇၀ ထိန်းချုပ်နိုင်ပြီဟု ဆို

ဧပြီ ၂၇ ရက်က Bio Foam A အမြုပ်ဆေးရည် အသုံးပြု၍ မီးငြှိမ်းသတ်မှုအား တွေ့ရစဉ်

ထိန်ပင်သုသာန်အနီးရှိ အမှိုက်ပုံမီးလောင်မှုကို BIO FOAM ဖြင့် စတင်ငြှိမ်း သတ်ချိန်မှ လေးရက်မြောက်တွင် မီးခိုးငွေ့ထွက်မှု ရာခိုင်နှုန်း ၇၀ ထိန်းချုပ်နိုင်ပြီဟု မြန်မာနိုင်ငံ မီးသတ်တပ်ဖွဲ့ ရန်ကုန်တိုင်းဒေသကြီး ဒုတိုင်းဦးစီးမှူး ဦးမြင့်စိုးက ဧပြီ ၃၀ ရက်တွင် ပြောကြားသည်။

လှိုင်သာယာမြို့နယ် ထိန်ပင်သုသာန်အနီးရှိ အမှိုက်ပုံမီးလောင်မှုကို ပြီးခဲ့သည့် ဧပြီ ၂၇ ရက်မှ စတင်ကာ ထိုင်းနိုင်ငံမှ တင်သွင်းသည့် BIO FOAM ဖြင့် စတင်ငြှိမ်းသတ်ခဲ့ခြင်းဖြစ်ရာ ဧပြီ ၃၀ ရက်အထိ လေးရက်ကြာပြီ ဖြစ်သောကြောင့် အဆိုပါမီးငြှိမ်းသတ်မှု အခြေအနေနှင့်ပတ်သက်ပြီး ဒုတိုင်းဦးစီးမှူးက အထက်ပါအတိုင်း ပြောကြားခဲ့ခြင်း ဖြစ်သည်။

“ဒီနေ့ကတော့ အရင်နေ့ထက် အများကြီး ၇၀ ရာခိုင်နှုန်းလောက် မီးခိုးမထွက်တော့ဘူး။ နောက်ထပ် ဘယ်လောက်ကြာမယ်ဆိုတာကတော့ ကျွန်တော်တို့ကတော့ ပြီးအောင်တော့ သတ်နေတာပဲ။ မနက်ဖြန်တောင် အပြီးသတ်ပြီး ငြိမ်းစေချင်၊ ပြီးစေချင်ပါသေးတယ်” ဟု ဒုတိုင်းမှူး ဦးမြင့်စိုးက ပြောကြားသည်။

ရန်ကုန်တိုင်းဒေသကြီး လှိုင်သာယာမြို့နယ် ထိန်ပင်သုသာန်အနီး အမှိုက်ပုံမီးလောင်မှုကို ငြှိမ်းသတ်ရန်အတွက် အရေးပေါ် လိုအပ်ချက်အရ BIO FOAM ပီပါ အလုံး ၁၀၀ ကို ထိုင်းနိုင်ငံ မဲဆောက်မြို့မှ မြန်မာနိုင်ငံ မြ၀တီမြို့လမ်းကြောင်းအတိုင်း သယ်ဆောင်ကာ မီးလောင်ပြင်တွင် ဧပြီ ၂၇ ရက်မှ စတင်ငြှိမ်းသတ်ခဲ့ခြင်းဖြစ်ကြောင်း သိရသည်။

အဆိုပါ ထိန်ပင်သုသာန်အနီးရှိ အမှိုက်ပုံမီးလောင်မှုကို ငြှိမ်းသတ်ရန်အတွက် BIO FOAM မှာယူရာတွင် ပီပါတစ်လုံးလျှင် အမေရိကန်ဒေါ်လာ ၁၄၀၀ (ကျပ် ၁၈ သိန်း ခန့်)  ကုန်ကျခဲ့ကြောင်း သိရသည်။

ထိုသို့ မီးလောင်ပြင်တွင် မီးခိုးငွေ့များကို ထိန်းချုပ်နိုင်ခဲ့ခြင်းကြောင့် အနီးပတ်ဝန်းကျင်ရှိ ရပ်ကွက်များအတွင်း၌ မီးခိုးငွေ့ပျံ့နှံ့မှု နည်းပါးသွားပြီဖြစ်ပြီး အသက်ရှူရခက်ခဲ၍ အောက်ဆီဂျင်အကူအညီလိုအပ်သူ နည်းပါးသွားကြောင်း မီးလောင်ပြင်အနီးရှိ ၂၀ ရပ်ကွက်မှ ရပ်ကွက်အုပ်ချုပ်ရေးမှူး ဦးဇော်ဦးက ပြောကြားသည်။

“မီးခိုးတော့ မထွက်တော့ပါဘူး။ ပုံမှန်အတိုင်းဖြစ်သွားပါပြီ။ ဒါပေမဲ့ အားလုံးတော့ မငြိမ်းသေးပါဘူး။ မီးသတ်တွေကတော့ လေးဖွဲ့ဖွဲ့ပြီးတော့ သတ်နေကြပါတယ်။ လေးပိုင်းပိုင်းပြီး တစ်ပိုင်းစီသတ်ကြတာပေါ့။ အခုနောက်ပိုင်း အသက်ရှူကျပ်လို့ လာတာလည်းပါးသွားပါပြီ။ တစ်ယောက်၊ နှစ်ယောက်လောက်ပဲ ရှိပါတော့တယ်။ အောက်စီဂျင် လာယူတာပေါ့” ဟု ဦးဇော်ဦးက ပြောကြားသည်။

ထိန်ပင်သုသာန်အနီးရှိ အမှိုက်ပုံမီး လောင်မှုသည် လက်ရှိအချိန်တွင် သီတင်းပတ် နှစ်ပတ်နီးပါးကြာမြင့်ခဲ့ပြီဖြစ်ပြီး အနီးပတ်ဝန်းကျင်ရပ်ကွက်များအတွင်း မီးခိုးငွေ့များ ပျံ့နှံ့ကာ အသက်ရှူရခက်ခဲမှုများရှိသောကြောင့် ရပ်ကွက်အုပ်ချုပ်ရေးရုံးများနှင့် ကျန်းမာရေး အထောက်အကူပြုရုံးများ ဖွင့်လှစ်ကာ အောက်စီဂျင်ပေး ကူညီမှုများပြုလုပ်ခဲ့ရပြီး ဆေးရုံတက်ရောက် ကုသခဲ့ရခြင်းများလည်း ရှိခဲ့သည်။

မွန်ပြည်နယ် ချောင်းဆုံမြို့ နယ် ကလော့ကျေးရွာအုပ်စု အပြိုင်ကျေးရွာတွင် ဖြစ်ပွားခဲ့သည့် မီးလောင်မှုမှာ ရှို့ မီးဟုသိရ

ကလော့ကျေးရွာအုပ်စု အပြိုင်ကျေးရွာတွင် ဧပြီလ ၁၃ ရက် ညနေပိုင်းက ဖြစ်ပွားခဲ့သည့် Level – 4 အဆင့်ရှိ မီးလောင်မှုအား ငြှိမ်းသတ်ပြီး တွေ့ရစဉ် Photo: Mawlamyine Rescue

မွန်ပြည်နယ် ချောင်းဆုံမြို့ နယ် ကလော့ကျေးရွာအုပ်စု အပြိုင်ကျေးရွာတွင် ဧပြီလ ၁၃ ရက် ညနေပိုင်းက ဖြစ်ပွားခဲ့သည့် Level – 4 အဆင့်ရှိ မီးလောင်မှုမှာ ရှို့ မီးဖြစ်ကြောင်း ချောင်းဆုံမြို့ မရဲစခန်းထံမှ သိရသည်။

အဆိုပါ မီးလောင်မှုနှင့် ပတ်သက်၍ ချောင်းဆုံမြို့ မရဲစခန်းမှူး ဒုရဲမှူး ကျော်ဆန်းဦး နှင့် တပ်ဖွဲ့ ဝင်များမှ မီးလောင်မှုဖြစ်ပွားရာ အနီးပတ်ဝန်းကျင်ရှိ မျက်မြင်သက်သေများအား စုံစမ်းစစ်ဆေးခဲ့ရာ မီးလောင်မှုမှာ အပြိုင်ကျေးရွာ၊ ရပ်ကွက် (၈) နေ ကိုစိန် နှင့် ဇနီးဖြစ်သူ ဒေါ်ချို တို့ ၏ နေအိမ်မှ စတင်လောင်ကျွမ်းခဲ့ကြောင်း၊ မီးစတင် လောင်ကျွမ်းချိန်တွင် ကိုစိန် နှင့် ဒေါ်ချို၏နေအိမ်တွင် အိမ်ရှင်များမရှိဘဲ ဒေါ်ချို၏ ဦးလေးဝမ်းကွဲ တော်စပ်ပြီး အဆိုပါနေအိမ် ပိုင်ဆိုင်မှုနှင့် ပတ်သက်၍ မကျေမနပ်ဖြစ်နေသူ မွန်ချမ်း (ခ) သိန်းထွန်း (၃၂) နှစ် (ဘ) ဦးဒွေး (ယခင် အပြိုင်ကျေးရွာတွင် နေထိုင်ခဲ့ပြီး၊ လက်ရှိ ကရင်ပြည်နယ် ဘားအံမြို့ တွင် ကားဆေးမှုတ်လုပ်ငန်း လုပ်နေသူ) မှ ဆိုင်ကယ်ဖြင့် ထွက်လာပြီး၊ အဆိုပါ နေအိမ်ဘက်သို့ နောက်ပြန် လှည့်ကြည့်နေရာ အနီးပတ်ဝန်းကျင်မှ မီးလောင်နေကြောင်း အော်ဟစ်ကြသည့်အခါမှ ဆိုင်ကယ်အား အပြင်းမောင်းနှင် ထွက်ပြေးသွားသည်ကို စုံစမ်းသိရှိခဲ့ကြောင်း၊ ယင်းစုံစမ်း ဖော်ထုတ်ချက်များအရ မီးရှို့ ခဲ့သူ မွန်ချမ်း (ခ) သိန်းထွန်း ဆိုသူအား ဖမ်းဆီးရမိနိုင်ရေးအတွက် ကရင်ပြည်နယ်ရဲတပ်ဖွဲ့  မှုခင်းအကူတပ်ဖွဲ့ သို့ အကူအညီ တောင်းခံခဲ့ရာ ကရင်ပြည်နယ် ရဲတပ်ဖွဲ့ မှုခင်းအကူတပ်ဖွဲ့ ရဲအုပ်လွင်နိုင်အေးနှင့် တပ်ဖွဲ့ ဝင်များမှ မွန်ချမ်း (ခ) သိန်းထွန်း အလုပ်လုပ်ကိုင်နေသည့် ဘားအံမြို့ (၉) ရပ်ကွက် မဟော်ဂနီလမ်းရှိ ရွှေပန်းပွင့် ကားဘော်ဒီဆေးမှုတ် အလုပ်ရုံ၌ မွန်ချမ်း (ခ) သိန်းထွန်းအား ဧပြီလ (၁၃) ရက် ည (၁၀း၃၀) အချိန်တွင် ဖမ်းဆီးရမိခဲ့ကြောင်း ရဲမှတ်တမ်းများအရ သိရသည်။

မီးရှို့ ခဲ့သူ မွန်ချမ်း (ခ) သိန်းထွန်း အားတွေ့ရစဉ် (ဓာတ်ပုံ – Mawlamyine Rescue)

“ကျွန်တောတို့ စုံစမ်းဖေါ်ထုတ်ချက်အရ ဒီမီးလောင်မှုက ရှို့မီးဖြစ်တယ်ဆိုတာ သိရတဲ့အတွက် ကျူးလွန်သူလို့ ယူဆရတဲ့ မွန်ချမ်းကို အမြန်ဆုံး ဖမ်းဆီးရမိရေးအတွက် ဆောင်ရွက်ခဲ့တဲ့အခါမှာ မွန်ချမ်းက ကရင်ပြည်နယ် ဘားအံမှာ ဘောဒီဆေးမှုတ်လုပ်ငန်း လုပ်ကိုင်နေသူ ဖြစ်တဲ့အတွက်ကို ကရင်ပြည်နယ် ရဲတပ်ဖွဲ့ ရဲ့ အကူအညီနဲ့ မွန်ချမ်းကို အခင်းဖြစ်တဲ့ညမှာဘဲ ဖမ်းဆီးရမိခဲ့ပါတယ်။ မွန်ချမ်း (ခ) သိန်းထွန်းကို ချောင်းဆုံမြို့ မရဲစခန်းမှာ (ပ) ၅၆/၂၀၁၈၊ ရာဇသတ်ကြီးပုဒ်မ-၄၃၆ နဲ့ အမှုဖွင့် အရေးယူဆောင်ရွက်ထားပါတယ်” ဟု ချောင်းဆုံမြို့ မရဲစခန်းမှ တာဝန်ရှိသူတစ်ဦး က ပြောကြားသည်။

အဆိုပါ မီးလောင်မှုဖြစ်စဉ်မှာ ဧပြီလ (၁၃) ရက် ညနေ (၅) နာရီအချိန်ခန့် က ချောင်းဆုံမြို့ နယ် ကလော့ကျေးရွာအုပ်စု၊ အပြိုင်ကျေးရွာတွင် မီးလောင်မှု ဖြစ်ပွားခဲ့ကြောင်း၊ မီးလောင်ရာသို့ ချောင်းဆုံမြို့နယ် မီးသတ်စခန်းမှ မီးငြှိမ်းသတ်ယာဉ် နှစ်စီး၊ မီးသတ် ရေသယ်ယာဉ် တစ်စီး၊ မုဒွန်းနယ်မြေ မီးသတ်စခန်းမှ မီးငြှိမ်းသတ်ယာဉ် တစ်စီး၊ မီးသတ်ရေသယ်ယာဉ် တစ်စီး၊ မော်လမြိုင်မြို့နယ် မီးသတ်စခန်းမှ မီးငြှိမ်းသတ်ယာဉ် နှစ်စီး၊ ကွမ်ရိုက်ကျေးရွာ အရန်မီးသတ်စခန်းမှ မီးငြှိမ်းသတ်ယာဉ် တစ်စီး၊ အပြိုင်ကျေးရွာမှ ကိုယ်ထူကိုယ်ထ ရေသယ်ယာဉ် တစ်စီး၊ အုပ်ချုပ်မှုယာဉ် တစ်စီးနှင့် သန္ဓေ မီးသတ်တပ်ဖွဲ့ဝင် (၄၃) ဦး၊ အရန် မီးသတ်တပ်ဖွဲ့ဝင် (၁၀၀) ဦး၊ ရဲတပ်ဖွဲ့ဝင် (၃၈) ဦး၊ လူမှုကယ်ဆယ်ရေးအဖွဲ့ဝင်များနှင့် ဒေသခံကျေးရွာသားများ ဝိုင်းဝန်းငြှိမ်းသတ်ခဲ့ရာ (၅) နာရီ (၅၀) မီနစ်တွင် မီးထိန်းနိုင်ခဲ့ပြီး (၈) နာရီ (၁၀) မီနစ်တွင် မီးလုံးဝငြိမ်းခဲ့ကြောင်း မော်လမြိုင်ခရိုင် မီးသတ်ဦးစီးဌာန၏ ထုတ်ပြန်ချက်အရ သိရသည်။

မီးလောင်မှုကြောင့် အုတ်ကာ၊ သွပ်မိုး၊ ကွန်ကရစ်ခင်းနေအိမ် (၁၄) လုံး၊ သွပ်မိုး၊ ပျဉ်ထောင်၊ ပျဉ်ခင်း နေအိမ် (၁၅) လုံးနှင့် ဓနိမိုး၊ ထရံကာ၊ ဝါးခင်း နေအိမ် (၁၅) လုံး မီးလောင်ဆုံးရှုံးခဲ့ကြောင်း၊ မီးလောင်မှုကြောင့် အိမ်ထောင်စု (၄၅) စုမှ မီးဘေးဒုက္ခသည် (၁၉၉) ဦးအား အပြိုင်ကျေးရွာ အောင်မင်္ဂလာသုခဓမ္မဘုန်းကြီးကျောင်း၌ မီးဘေးသင့်စခန်း ဖွင့်လှစ်ပေးထားကြောင်း မော်လမြိုင်ခရိုင် မီးသတ်ဦးစီးဌာနမှ ထုတ်ပြန်ချက်အရ သိရသည်။

 

ဟားခါးမြို့နှင့် ကလေးမြို့တို့တွင် မီးလောင်ကျွမ်းမှု ဖြစ်ပွား

ဟားခါးမြို့တွင် ဖြစ်ပွားခဲ့သည့် မီးလောင်ကျွမ်းမှုအား တွေ့ရစဉ်

ချင်းပြည်နယ် ဟားခါးမြို့နှင့် စစ်ကိုင်းတိုင်းဒေသကြီး ကလေးမြို့တို့တွင် ဧပြီလ နှစ်ရက်နေ့က မီးလောင်ကျွမ်းမှုများ ဖြစ်ပွားခဲ့ကြောင်း သိရသည်။

ဟားခါးမြို့ မီးလောင်မှုနှင့် ပတ်သက်၍ “တယ်လီဖုန်း အားသွင်းထားခဲ့ပြီးတော့ အပူလွန်ကဲပြီးတော့ ဖြစ်တာပါ။ ဟားခါးမြို့ ဈေးသစ်ရပ်ကွက်၊ သီတာလမ်းသွယ်ထဲကအိမ် ဖြစ်ပါတယ်။ မီးက သိပ်မများပါဘူး။ ကြမ်းခင်းရယ်၊ မျက်နှာကျက်၊ ပြူတင်းပေါက်လေးတွေပဲ လောင်တာပါ။ တစ်အိမ်လုံး မလောင်ဘူးဗျ။ စတင်လောင်ကျွမ်းချိန်က ခန့်မှန်း နေ့လည် ၂ နာရီ၊ ငြိမ်းတာက နေ့လည် ၂နာရီ ၂၀ မိနစ်လောက်ဆို ငြိမ်းပါပြီ။ မီးသတ်ကား ၄ စီးနဲ့ တပ်ဖွဲ့ဝင်အင်အား ၂၅ ယောက်နဲ့ ငြိမ်းသတ်ခဲ့ပါတယ်။ ၂၀၁၈ ထဲမှာဆိုရင် ဒုတိယအကြိမ်ပေါ့။ ပထမဆုံး အကြိမ်က ပြည်တော်သာရပ်ကွက်မှာ တစ်ကြိမ် မီးလောင်ခဲ့ပါတယ်။ ကလေးတွေ ဖုန်းအားသွင်းထားခဲ့တယ် ဖုန်းကြိုးတွေ ဖုန်းတွေ အပူလွန်ကဲရာကတဆင့် မီးလောင်မှုဖြစ်တယ်။ ဖုန်းတွေရော မယူလိုက်ရဘူး ပြောပါတယ်” ဟု ဟားခါးမြို့နယ် မီးသတ်ဌာန မှ တာဝန်ရှိသူ တစ်ဦးက ပြောကြားသည်။

ထို့အတူ ဧပြီ ၂ ရက်နေ့က စစ်ကိုင်းတိုင်းဒေသကြီး ကလေးမြို့တွင်လည်း မီးအနည်းငယ် လောင်ကျွမ်းမှုတစ်ခု ဖြစ်ပွားခဲ့ကြောင်း သိရသည်။

ကလေးမြို့ မီးလောင်မှုနှင့် ပတ်သက်၍ ကလေးမြို့နယ် မီးသတ်စခန်းမှု ဘိုဘိုဝင်းက “အိမ်နည်းနည်း လောင်သွားပါတယ်။ မနက်ပိုင်း ၁၁ နာရီ ၃၀ မိနစ်လောက်မှာ စလောင်ပြီး သိပ်မကြာလိုက်ပါဘူး။ ၁၁ နာရီ ၃၅ လောက်မှာ လုံးဝ ငြိမ်းသွားတယ်။ လေအေးပေးစက် အပူလွန်ကဲရာမှာ အနီးရှိမွှေ့ယာသို့ ကူးစက်လောင်တာပါ။ နေရာက အောင်ဇေယျရပ်ကွက်၊ အောင်မြေလမ်းမှာရှိတဲ့ အိမ်ပါ” ဟု ပြောကြားခဲ့သည်။

အဆိုပါ မီးလောင်ကျွမ်းမှုများနှင့် ပတ်သက်၍ သက်ဆိုင်ရာ ရဲစခန်းများမှ ပြစ်မှုဆိုင်ရာ ဥပဒေပုဒ်မ ၂၈၅ ဖြင့် အရေးယူ ဆောင်ရွက်လျက်ရှိကြောင်း သိရသည်။

မြောက်ဥက္ကလာပမြို့နယ် (ဌ) ရပ်ကွက် ဈေးအနီး မီးလောင်ကျွမ်းမှုဖြစ်ပွားရာ နေအိမ်လေးလုံး မီးလောင်ပျက်စီး

မြောက်ဥက္ကလာပမြို့နယ် (ဌ) ရပ်ကွက် အဆိုပါ ရပ်ကွက်ဈေးအနီး ပုလဲ(၁)လမ်းတွင် ဧပြီ (၁) ရက် ညနေ ၄ နာရီခန့်က မီးလောင်ကျွမ်းမှုဖြစ်ပွား နေအိမ်လေးလုံး မီးလောင်ပျက်စီးခဲ့ကြောင်း သိရသည်။

အဆိုပါ မီးလောင်မှုဖြစ်ပွားရာနေရာတွင် ၁၀ ပေမှ ၁၅ ပေအကျယ်ရှိ နေအိမ်များ တန်းစီတည်ဆောက်ထားသော နေရာများဖြစ်ပြီး လူနေထူထပ်သော နေရာတစ်ခုလည်းဖြစ်ကြောင်း သိရသည်။

“မီးစလောင်တုန်းတော့ ကျွန်တော်မရှိဘူးဗျ။ အပြင်က ပြန်ရောက်လာတော့မှ မီးလောင်နေမှန်းသိလို့ ၀ိုင်းငြှိမ်းတာ။ တစ်ရပ်ကွက်လုံး ၀ိုင်းငြှိမ်းကြတယ်။ အိမ်တွေကို ကုန်ရော။ အိမ်တွေက ၁၀ ပေတွေချည်းပဲ။ သစ်ဆိုင်နောက်ကျောနေရာကနေ စလောင်တယ်လို့ ပြောကြတယ်” မီးလောင်မှုအား ၀ိုင်းဝန်ငြှိမ်းသတ်ပေးခဲ့သော ပုလဲ(၁) လမ်းနေ အမျိုးသားတစ်ဦးက ပြောကြားသည်။

(ဌ) ရပ်ကွက် ပုလဲ(၁)လမ်းတွင် မီးစတင်လောင်ကျွမ်းချိန်တွင် မီးငြှိမ်းသတ်ယာဉ်များ ရောက်မလာခင် ရပ်ကွက်နေပြည်သူများသည် မီးလောင်သည့်နေရာနှင့်ကပ်လျှက် ရေကန်မှ ရေများဖြင့် ၀ိုင်းဝန်းကြိုးပမ်း မီးငြှိမ်းခဲ့ရကြောင်း သိရသည်။

အဆိုပါ မီးလောင်မှုတွင် မျက်နှာစာ ၁၀ ပေခန့်ကျယ်သော နေအိမ် ၃ လုံး မီးလောင်ပျက်စီးခဲ့ပြီး နှစ်ထပ်တိုက်တစ်လုံးမှာ အိမ်တစ်ခြမ်း မီးကူးစက်လောင်ကျွမ်းခံခဲ့ရပြီး ထိခိုက်ဒဏ်ရာရရှိသူမရှိကြောင်း မီးလောင်မှုဖြစ်ပွားနေရာမှ မီးသတ်အရာရှိတစ်ဦးက ပြောကြားသည်။

မီးလောင်မှုဖြစ်ပွားရာနေရာသို့ မြန်မာနိုင်ငံမီးသတ်တပ်ဖွဲ့မှ မီးငြှိမ်းသတ်မှု ယာဉ်စေလွှတ်မှု အဆင့် (၂) သတ်မှတ်၍ မီးငြှိမ်းသတ်ယာဉ်များစေလွှတ်ကာ မီးငြှိမ်းစေခဲ့ကာ ညနေ ၅ နာရီခန့်တွင် မီးလုံးဝငြိမ်းသွားကြောင်းနှင့် မီးလောင်မှု အကြောင်းအရင်းအား စုံစမ်းနေဆဲဖြစ်ကြောင်း သိရသည်။