မြန်မာနိုင်ငံ၏ မီဒီယာလွတ်လပ်ခွင့်သည် ဘက်စုံ၊ နယ်ပယ်စုံတွင် စိုးရိမ်ဖွယ်ရာ အလားအလာဖြစ်နေကြောင်း ဥရောပသမဂ္ဂ ထုတ်ပြန်

မြန်မာနိုင်ငံ၏ မီဒီယာလွတ်လပ်ခွင့်သည် ဘက်စုံ၊ နယ်ပယ်စုံတွင် စိုးရိမ်ဖွယ်ရာ အလားအလာဖြစ်နေကြောင်း ဥရောပသမဂ္ဂမှ မေ ၃ ရက်တွင် ထုတ်ပြန်ထားသည်။

ယနေ့သည် ၂၅ ကြိမ်မြောက် ကမ္ဘာ့သတင်းလွတ်လပ်ခွင့်နေ့ကို သတ်မှတ်ဂုဏ်ပြုသည့် နေ့ရက်ဖြစ်ပြီး ဒီမိုကရေစီစနစ်ရှိသည့် မည်သည့် လူ့အဖွဲ့အစည်းတွင်မဆို လွတ်လပ်၍ အမှီအခိုကင်းသည့် သတင်းမီဒီယာ အမျိုးမျိုးတို့၏ မရှိမဖြစ် အရေးပါလှသည့် အခန်းကဏ္ဍကို ပြန်လည်စဉ်းစားနိုင်ရန် အခွင့်အလမ်းတစ်ရပ် ရရှိသည့် နေ့ရက်ပင်ဖြစ်ကြောင်း၊ လွတ်လပ်စွာ ထုတ်ဖော်ပြောဆိုခွင့်နှင့် မီဒီယာလွတ်လပ်ခွင့်တို့ ကင်းမဲ့ပါက နိုင်ငံသူနိုင်ငံသားတို့အနေဖြင့် အသိအမြင် ကြွယ်ဝစွာဖြင့် တက်တက်ကြွကြွ ပါဝင်နိုင်မည်မဟုတ်ကြောင်း၊ ထို့ကြောင့် မြန်မာနိုင်ငံတွင်း၌ သတင်းလွတ်လပ်ခွင့် ပေါ်ပေါက်လာစေရေး၊ လက်ရှိမြန်မာ့ဒီမိုကရေစီ အသွင်ကူးပြောင်းမှုကို ဆက်လက်အကောင်အထည်ဖော်ရာတွင် လွတ်လပ်သော သတင်းမီဒီယာတို့၏ အရေးပါလှသည့်ကဏ္ဍကို အီးယူနှင့် အဖွဲ့ဝင်နိုင်ငံအနေဖြင့် ဆက်လက်ပံ့ပိုးပေးလျက်ရှိကြောင်း ထုတ်ပြန်ချက်တွင် ဖော်ပြထားသည်။

ထို့ပြင် မြန်မာနိုင်ငံ ရင်ဆိုင်နေရသည့် စိန်ခေါ်မှုများစွာနှင့် စပ်လျဉ်း၍ ရဲရဲဝံ့ဝံ့သတင်းပေးပို့ခဲ့ကြသည့် မြန်မာသတင်းသမားတို့၏ နိုင်ငံတကာအသိအမှတ်ပြု လုပ်ရပ်များကို ဂုဏ်ပြုခွင့်ရသည့် နေ့ရက်လည်းဖြစ်ကြောင်း၊ ၎င်းတို့သည် အခက်အခဲပြဿနာများကိုသာမက ခက်ခဲလှသည့် ပတ်ဝန်းကျင်မျိုး၌ပါ သတင်းရယူ ပေးပို့ကြကြောင်း၊ ရခိုင်ပြည်နယ်အတွင်း လူ့အခွင့်အရေးချိုးဖောက်မှုများနှင့် စပ်လျဉ်း၍ လေ့လာစုံစမ်းမှုပြုလုပ်စဉ် အဖမ်းခံခဲ့ရသူ ရိုက်တာသတင်းထောက် နှစ်ဦးဖြစ်သည့် ကိုဝလုံးနှင့် ကိုကျော်စိုးဦးတို့အား ဆက်လက်ထိန်းသိမ်း၍ တရားစွဲဆိုထားခြင်းအတွက် ကျွန်ုပ်တို့အနေဖြင့် လွန်စွာစိုးရိမ်ပူပန်လျက်ရှိကြောင်း၊ ၎င်းတို့အား ချက်ချင်းလွှတ်ပေးရန် ကျွန်ုပ်တို့အနေဖြင့် ထပ်လောင်း၍ နှိုးဆော်တိုက်တွန်းလိုက်ကြောင်း ထုတ်ပြန်ချက်တွင် ဖော်ပြထားသည်။

ယင်းအပြင် မြန်မာနိုင်ငံ၌ မီဒီယာလွတ်လပ်ခွင့်အတွက် ဘက်စုံနယ်ပယ်စုံ အနေအထားသည် စိုးရိမ်ဖွယ်ရာ ကျဉ်းမြောင်းလာသည့် အလားအလာရှိနေပါကြောင်း၊ သတင်းသမားများအား ဥပဒေအကာအကွယ်ပေးရာတွင် နိုင်ငံတကာစံနှုန်းနှင့်အညီ ဖြစ်စေရန် မြန်မာနိုင်ငံ၏ တရားဥပဒေဆိုင်ရာ မူဘောင်အား ပြုပြင်ပြောင်းလဲရန် လိုအပ်နေကြောင်း ထုတ်ပြန်ချက်တွင် ဖော်ပြထားသည်။

ထရန့်၊ ရုရှားနှင့် တရုတ်တို့၏ မီဒီယာကို တိုက်ခိုက်မှုများက ဒီမိုကရေစီအား ခြိမ်းခြောက်နေ

ဖေဖော်ဝါရီ ၂၆ ရက်က နယူးယောက်တွင် နယူးယောက်တိုင်းမ် အပြင်ဘက်၌ ဆန္ဒပြမှုတွင် အမျိုးသားတစ်ဦးက ၎င်း၏ပါးစပ်ကို တိပ်ဖြင့် ကပ်ထားစဉ် (Photo- AFP)

ကမ္ဘာတစ်ဝန်းရှိ သတင်းမီဒီယာ လွတ်လပ်ခွင့်သည် သဘောထားကွဲလွဲသူအားလုံးကို နှိမ်နင်းရန် အမေရိကန်သမ္မတ ဒေါ်နယ်ထရန့်၊ ရုရှား၊ တရုတ်တို့၏ ကြိုးပမ်းမှုများကြောင့် သုံးထပ်ကွမ်း ကံဆိုးမိုးမှောင်ကျနေသည်ဟု နယ်စည်းမခြား သတင်းထောက်များ အဖွဲ့ (RSF) က ဧပြီ ၂၅ ရက်တွင် ပြောကြားခဲ့သည်။ ဂျာနယ်လစ်များအပေါ် မလိုမုန်းထားဖြစ်နေသည့် အခြေအနေနှင့်အတူ မီဒီယာကို ထိန်းချုပ်ရန်ပိုမိုကြီးထွားလာသည့် ကြိုးပမ်းမှုများ ပါဝင်လာသဖြင့် ဒီမိုကရေစီအတွက် ခြိမ်းမြောက်မှုတစ်ရပ်ဖြစ်လာသည်ဟု သတိပေးခဲ့သည်။ သတင်းထောက်များသည် ခေါင်းဆောင်တို့၏ ကြီးထွားလာသော အာဏာရှင်ဆန်မှုများ၊ ရန်လိုမှုများ၏ ပစ်မှတ်ဖြစ်နေသည်ဟု နှစ်စဉ်ထုတ်ပြန်နေကျ RSF ၏ အစီရင်ခံစာတွင် ဖော်ပြခဲ့သည်။

ထို့ပြင် သတင်းလွတ်လပ်ခွင့်အား တစ်ဟုန်ထိုးတိုက်ခိုက်မှုကို ကမ္ဘာ့စူပါ အင်အားကြီး သုံးနိုင်ငံဖြစ်သည့် အမေရိကန်၊ တရုတ်၊ ရုရှားတို့က ဦးဆောင်နေသည်ဟုလည်း RSF အဖွဲ့က စွပ်စွဲခဲ့သည်။ ထရန့်သည် သတင်းထောက်များကို ပုဂ္ဂိုလ်ရေးတိုက်ခိုက်မှုများ ပုံမှန်လုပ်ဆောင်လေ့ရှိပြီး တရုတ်အစိုးရမှာမူ သဘာထားကွဲလွဲသူများကို နှိမ်နင်းရန် ၎င်း၏ မီဒီယာထိန်းချုပ်မှုပုံစံအား အာရှ၏ အခြားနေရာများသို့ပင် တင်ပို့နေသည်ဟု ဆိုထားသည်။

ရုရှားအစိုးရ၏ လှုံ့ဆော်မှုကြောင့် ဥရောပသည် အာဏာရှင်ဆန်မှုနှင့် လူကြိုက်များဝါဒီ နိုင်ငံရေးဘက်သို့ တိမ်းစောင်းလာပြီး တစ်ချိန်က အလုံခြုံဆုံးဟု ယူဆရသော ဥရောပဒေသထဲမှ လွတ်လပ်ခွင့်များကို ခြိမ်းခြောက်လာခဲ့သည်။ ယင်းတို့ထဲတွင် ဟန်ဂေရီ၊ ဆလိုဗက်ကီးယား၊ ပိုလန်တို့၌ သတိပေး ခေါင်းလောင်းပင် စမြည်နေပြီဖြစ်ကြောင်း အစီရင်ခံစာ၌ ဖော်ပြခဲ့သည်။

ချက်သမ္မတ မီလိုဇီမန်းသည် သတင်းစာရှင်းလင်းပွဲတစ်ခုသို့ ကလက်ရ်ှနီကော့ဗ် ရိုင်ဖယ်အတုတစ်လက်ကို ယူလာပြီး ဂျာနယ်လစ်များအတွက်ဟု ပြောကြားသွားခဲ့သည်။ ထိုစဉ် ဆလိုဗက်ကီယားခေါင်းဆောင်ဟောင်း ရောဘတ်ဖီကိုက ဂျာနယ်လစ်များကို ‘ညစ်ညမ်းသော ဆလိုဗက်ဆန့်ကျင်ရေး ပြည့်တန်ဆာများ‘ ၊ ‘မိုက်မဲသော ဟိုင်နီအားများ’ (ခွေး အကဲ့သို့ အုပ်စုဖွဲ့နေတတ်သောသတ္တ၀ါ) ဟု ခေါ်ခဲ့သည်။

“ဂျာနယ်လစ်တွေကို အမုန်းတရားတွေဟာ ဒီမိုကရေစီအတွက် အန္တရာယ်ရှိပြီး ခြိမ်းခြောက်မှုတစ်ခု ဖြစ်နေပါတယ်” ဟု RSF အကြီးအကဲ ခရစ်စတိုဖီဒီလိုရီက ပြောကြားခဲ့သည်။

မီဒီယာအပေါ်ရန်လိုမှုသည် တူရကီ၊ အီဂျစ်အစရှိသော အာဏာရှင်နိုင်ငံများတွင်  အကန့်အသတ်မရှိဖြစ်နေသည့်အပြင် ကြီးမားသော ဒီမိုကရေစီနိုင်ငံကြီးများကိုပင် အဆိပ်ခတ်နေသည်ဟု RSF ကဆိုခဲ့ကာ ထရန့်၊ အိန္ဒိယ၀န်ကြီးချုပ် နရင်ဒရာမိုဒီ၊ ဖိလစ်ပိုင်သမ္မတ ရိုဒရီဂိုဒူတာတေးတို့၏ ဝေဖန်မှုများကို ရည်ညွှန်းခဲ့သည်။

‘လူထု၏ ရန်သူ’  ဟု စတာလင်တစ်ချိန်က သုံးခဲ့သည့် အသုံးအနှုန်းကို ထရန့်က မီဒီယာများကို ရည်ညွှန်းသုံးစွဲခဲ့သေးသည်။

ထိုစဉ် မီဒီယာများကို ထိန်းချုပ်ရန် တရုတ်၏ လွှမ်းမိုးမှုများ၊ နည်းနာများသည် ထိုင်း၊ မလေးရှား၊ စင်ကာပူတို့တွင် ခံစားနေရပြီ ဖြစ်သည်။ “ဆန့်ကျင်မှုအားလုံးကို မရှက်မကြောက်ထိန်းချုပ်လိုတဲ့ တရုတ်ရဲ့ အလိုဆန္ဒကို ကံမကောင်းစွာနဲ့ပဲ အာရှထဲမှာ လိုက်ပြီး အတုယူသူတွေ ရှိနေပါတယ်” ဟု RSF ကဆိုပြီး မီဒီယာများကို  ရက်ရက်စက်စက် နှိမ်နင်းနေသည့် ကမ္ဘောဒီးယားဝန်ကြီးချုပ် ဟွန်ဆန်ကို အပြစ်တင်ခဲ့သည်။

Ref ; AFP

လွတ်လပ်စွာထုတ်ဖော်ပြောဆိုခွင့်နှင့် ပတ်သက်ပြီး မီဒီယာများထံ စစ်တမ်းများကောက်ယူနေပြီး အစိုးရထံသို့ တင်ပြမည်

Free Expression Myanmar လွတ်လပ်သော ထုတ်ဖော်ပြောဆိုခြင်းမြန်မာအဖွဲ့ ဆွေးနွေးပြောကြားနေစဉ်

လွတ်လပ်စွာထုတ်ဖော်ပြောဆိုခွင့်နှင့် ပတ်သက်ပြီး မီဒီယာများထံ စစ်တမ်းများကောက်ယူနေပြီး စာတမ်းပြုစုကာ အစိုးရထံတင်ပြသွားမည်ဖြစ်ကြောင်း Free Expression Myanmar လွတ်လပ်သော ထုတ်ဖော်ပြောဆိုခြင်း မြန်မာအဖွဲ့မှ ပြောကြားသည်။

အဆိုပါတွေ့ဆုံပွဲကို တောင်ကြီးမြို့ Heart Beat စားသောက်ဆိုင်တွင် တောင်ကြီးမြို့ခံ မီဒီယာများနှင့် Free Expression Myanmar လွတ်လပ်သော ထုတ်ဖော်ပြောဆိုခြင်း မြန်မာအဖွဲ့တို့ ဆုံတွေ့ခဲ့ကြခြင်းဖြစ်ပြီး ပြည်နယ်တွင်းရှိ နယ်မြေခံသတင်းထောက်များ ခံစားနေရသော အခက်အခဲများ၊ မီဒီယာဥပဒေဆိုင်ရာ ကိစ္စရပ်များတို့ကို ဆွေးနွေးခဲ့ကြကာ စစ်တမ်းများ ကောက်ယူခဲ့ကြခြင်းဖြစ်သည်။

“ဒီပွဲက မီဒီယာလွတ်လပ်ခွင့်နဲ့ ပတ်သက်ပြီးတော့ ဘယ်လိုတွေ စိုးရိမ်သောကတွေရှိနေသလဲ။ ဘာတွေပြုပြင်ပြောင်းလဲခြင်းဆိုတဲ့ စစ်တမ်းပေါ့။ စစ်တမ်းကရရှိလာတာတွေကို အစိုးရတွေဥပဒေနဲ့ ပေါ်လစီတွေပြုပြင်ပြောင်းလဲပေးနိုင်တဲ့ အစိုးရကို ချိတ်ဆက်ပေးတဲ့အခါမှာ သက်သေတွေရဖို့ ပြုလုပ်ရခြင်းဖြစ်ပါတယ်။ မြို့ကြီးတွေ ရန်ကုန်၊ မန္တလေးတွေမှာတောင် မီဒီယာလွတ်လပ်ခွင့်က အပြည့်အ၀မရသေးဘူး။ ပြည်နယ်တွေမှာ ပိုပြီးတော့ဆုံးရှုံးတယ်။ ဒီနယ်ဘက်မှာ သင်တန်းတွေနဲ့ဝေးတယ်။ လာလုပ်ကြတဲ့အဖွဲ့အစည်းတွေတော့ လုပ်ကြတယ်။ အလှမ်းဝေးတဲ့အတွက် အားနည်းချက်တွေရှိတယ်။ ဥပဒေအပိုင်းမှာ နားလည်မှုလည်း ဒီအတိုင်းပဲ။ မြို့ကြီးမှာ ခဏခဏလုပ်တယ်။ ပြည်နယ်နဲ့တိုင်းတွေမှာ လွတ်လပ်ခွင့်က Capacity နိမ့်တဲ့အတွက် တခြားမီဒီယာလွတ်လပ်ခွင့်တွေမှာ အခွင့်အရေးတွေအားနည်းတယ်။ နောက်ပြီး တရားဥပဒေစိုးမိုးရေးပေါ့။ ရှမ်း၊ ကချင်ပေါ့။ ပဋိပက္ခဖြစ်နေတော့ တရားဥပဒေစိုးမိုးရေး လျော့တယ်။ တရားဥပဒေစိုးမိုးရေး ကျလေလေ မီဒီယာလွတ်လပ်ခွင့်က ချိုးဖောက်ခံရလေလေပဲပေါ့” ဟု Free Expression Myanmar လွတ်လပ်သော ထုတ်ဖော်ပြောဆိုခြင်း မြန်မာအဖွဲ့မှ ဂရိုဂရမ်မန်နေဂျာ မယဉ်ရတနာသိန်းက ပြောကြားသည်။

မီဒီယာသမားများကို ခြိမ်းခြောက်နေသော မီဒီယာဥပဒေများ၊ အခြားသော ရာဇသတ်ကြီးဥပဒေပုဒ်မများ၊ ဆက်သွယ်ရေးဥပဒေပုဒ်မများ ပါဝင်နေပြီး အချို့မှာ ပြင်ဆင်ရန်လိုအပ်သလို အချို့ဥပဒေများသည် ပယ်ဖျက်ရန်လိုအပ်နေကြောင်း ၎င်းက ထောက်ပြပြောကြားသည်။

“လွတ်လပ်စွာထုတ်ဖော်ပြောဆိုခွင့်က အရေးကြီးတယ်။ သူမပါဘူးဆိုရင် တခြားအခွင့်အရေးတွေ ဘာမှရတော့မှာမဟုတ်ဘူး။ လွတ်လွတ်လပ်လပ် ထုတ်ပြောခွင့်မရှိဘူးဆိုရင် အမျိုးသမီးနဲ့ ကလေးသူငယ်အခွင့်အရေး ဆုံးရှုံးတာတွေ ထုတ်ပြောခွင့်ရတော့မှာ မဟုတ်ဘူး။ တခြားအခွင့်အရေးတွေပါ ဆုံးရှုံးနိုင်တယ်။ ဒီမိုကရေစီနိုင်ငံတစ်ခုမှာ လွတ်လပ်စွာထုတ်ပြောခွင့်မရှိဘူးဆိုရင် အစိုးရကို ထိန်းကျောင်းဖို့ခက်သွားတယ်။ အစိုးရက မှားယွင်းစွာဆောင်ရွက်ခဲ့တယ်ဆိုရင် အဲဒီအရာတွေမှာ တာဝန်ခံဖို့အတွက် တာဝန်ယူမှုရှိဖို့ ပြန်ပြီးခိုင်းစေရာမှာ အခက်အခဲရှိတယ်။ အဲဒီအခွင့်အရေးတွေပါ ဆုံးရှုံးနိုင်တယ်လို့ပြောတာပါ” ဟု Free Expression Myanmar လွတ်လပ်သောထုတ်ဖော်ပြောဆိုခြင်း မြန်မာအဖွဲ့မှအကြံပေးဖြစ်သူ Oliver Spencer ကပြောကြားသည်။

Free Expression Myanmar လွတ်လပ်သော ထုတ်ဖော်ပြောဆိုခြင်း မြန်မာအဖွဲ့မှ မန္တလေးတိုင်းဒေသကြီး၊ ရှမ်းပြည်နယ် (တောင်ကြီး)၊ ကယားပြည်နယ်၊ စစ်တွေမြို့ စသော ပြည်နယ်နှင့်တိုင်းဒေသကြီး ငါးနေရာသို့သွားရောက်ကာ စစ်တမ်းများ ကောက်ယူသွားမည်ဖြစ်ကြောင်း သိရသည်။

မီဒီယာသမားများအနေဖြင့် ပြုပြင်ပြောင်းလဲရန်လိုအပ်နေသော အချက်အလက်များကို မေးခွန်းများကို မေးမြန်းထားခြင်းဖြစ်ပြီး အဆိုပါစစ်တမ်းတွင် ရာဇသတ်ကြီးဥပဒေ၌ မီဒီယာသမားများကို ခြိမ်းခြောက်နေသောဥပဒေများ၊ အစိုးရနှင့် သက်ဆိုင်သောအကြောင်းအရာများ၊ သတင်းမီဒီယာလွတ်လပ်ခွင့်နှင့် သက်ဆိုင်သော လက်ရှိအခြေအနေများကို မေးမြန်းထားခြင်းဖြစ်သည်။

ထရန့်လက်ထက်တွင် အမေရိကန် ပြည်သူများက မီဒီယာများအား ယုံကြည်မှုမြင့်တက်လာ

ဒေါ်နယ်ထရန့် အနိုင်ရခဲ့သည့် အမေရိကန် ရွေးကောက်ပွဲသတင်း ဖော်ပြထားသည့် သတင်းစာ တစ်စောင်အား ၂၀၁၆ ခုနှစ် နိုဝင်ဘာ ၁၀ ရက်က ကဘူးမြို့တွင် တွေ့ရစဉ် (Photo : AFP)

အမေရိကန်သမ္မတ ဒေါ်နယ်ထရန့်က သတင်းတုများဟု အခိုင်အမာ ပြောကြားနေမှုများအား ယုံကြည်သူ အရေအတွက် မြင့်တက်လာနေသော်လည်း ၎င်းရွေးချယ်ခံရပြီး နောက်ပိုင်း သတင်းမီဒီယာများအား အမေရိကန် ပြည်သူများ၏ အလုံးစုံ ယုံကြည်မှုသည် မြင့်တက်လာခဲ့ကြောင်း ဒီဇင်ဘာ ၄ ရက်တွင် ထုတ်ပြန်ခဲ့သော စစ်တမ်းတစ်ရပ်၌ ဖော်ပြခဲ့သည်။ Poynter Institute အတွက် ကြိုတင်ပြင်ဆင်သော ယင်းစစ်တမ်းတွင် မီဒီယာနှင့် ပတ်သက်၍ အမေရိကန်ပါတီကြီး နှစ်ခုအကြား နက်နက်ရှိုင်းရှိုင်း သဘောထား ကွဲလွဲနေမှုကို မြင်တွေ့ခဲ့ရသည်။ ရီပက်ဘလီကင်များနှင့် ထရန့်ထောက်ခံသူများက သတင်းအဖွဲ့အစည်းများကို သံသယ ၀င်ခဲ့ကြကာ ဒီမိုကရက်တစ်များကမူ သတင်းဌာနများအား ပိုမိုယုံကြည်ကြသည်။

ယင်းစစ်တမ်းတွင် ဖြေဆိုသူ ၁၂ ရာခိုင်နှုန်းက မီဒီယာများအား အလွန်အမင်း ယုံကြည်အားကိုးကြောင်း ဖြေဆိုခဲ့ကြပြီး နောက်ထပ် ၃၇ ရာခိုင်နှုန်းက အတော်အသင့် ယုံကြည်အားကိုးကြောင်း ဖြေဆိုခဲ့ကြသည်။ သို့သော် ဖြေဆိုသူ ၃၉ ရာခိုင်နှုန်းကမူ မီဒီယာများအား အလွန်အမင်း မယုံကြည်ကြောင်း ဖြေဆိုခဲ့ကြပြီး နောက်ထပ် ၁၃ ရာခိုင်နှုန်းကမူ လုံးဝမယုံကြည်ကြောင်း ဖြေဆိုခဲ့သည်။

ယင်းစစ်တမ်းသည် ၂၀၁၆ ခုနှစ် စက်တင်ဘာတွင် မီဒီယာများအား ယုံကြည်မှု ၃၂ ရာခိုင်နှုန်းနှင့် ၂၀၁၇ ခုနှစ် စက်တင်ဘာတွင် မီဒီယာများအား ယုံကြည်မှု ၄၁ ရာခိုင်နှုန်းရှိခဲ့သည့် Gallup စစ်တမ်းများနှင့် နှိုင်းယှဉ်ပါက မီဒီယာများအား ယုံကြည်မှု မြင့်တက်လာခြင်း ဖြစ်သည်။

နိုင်ငံရေးဆိုင်ရာ အလွန်အမင်း ကွဲပြားမှုကို ဖော်ညွှန်းမှုတွင် ဒီမိုကရက်လေးဦးလျှင် အကြမ်းဖျင်းအားဖြင့် သုံးဦးက သတင်းမီဒီယာများအား ယုံကြည်သည်ဟု ဖော်ပြခဲ့ကြသော်လည်း ရီပက်ဘလီကင် ၁၉ ရာခိုင်နှုန်း ကသာ မီဒီယာများအား ယုံကြည်သည်ဟု ဖော်ပြခဲ့ကြသည်။

ဒီဇင်ဘာ ၄ ရက်ထုတ် စစ်တမ်းတွင် ဖြေဆိုသူ ၄၄ ရာခိုင်နှုန်းက သတင်းမီဒီယာများသည် ထရန့်အကြောင်းအား လုပ်ကြံဖန်တီး၍ ဖော်ပြသည်ဟု ယုံကြည်ကြောင်း ဖြေဆိုခဲ့ကြသည်။ အင်အားကြီး သတင်းမီဒီယာများသည် ပြည်သူများ၏ ရန်သူဖြစ်ကြောင်း ထရန့်၏ အခိုင်အမာ ပြောကြားနေမှုများကို ယင်းစစ်တမ်းအား ဖြေဆိုသည့် ၃၁ ရာခိုင်နှုန်းက သဘောတူညီခဲ့ကြသည်။

စစ်တမ်းတွင် ဖြေဆိုသူ အများစုဖြစ်သော ၆၉ ရာခိုင်နှုန်းက မီဒီယာများသည် ၎င်းတို့ လိုလားသည့်ဘက်အား အလေးပေး ဖော်ပြကြကြောင်း၊ ယင်းရာခိုင်နှုန်းကပင် သတင်းမီဒီယာ အဖွဲ့အစည်းများသည် နိုင်ငံရေး ခေါင်းဆောင်များအား မလုပ်အပ်သည့် အရာများ လုပ်ဆောင်မှုများမှ ဟန့်တားခဲ့သည်ဟု ယုံကြည်ကြောင်း ဖြေဆိုခဲ့ကြသည်။

ထို့ပြင် ဘက်လိုက်ထားသည် သို့မဟုတ် မမှန်မကန် ဖော်ပြထားသည်ဟု ယူဆရသော သတင်းများအား အစိုးရ၏ ပိတ်ဆို့မှုကို ခွင့်ပြုခြင်း အပါအ၀င် သတင်းမီဒီယာ လွတ်လပ်ခွင့်အား ကန့်သတ်မှုများကို ယင်းစစ်တမ်း ဖြေဆိုသူ ၂၅ ရာခိုင်နှုန်းက ထောက်ခံခဲ့ကြကြောင်းလည်း သိရသည်။

အမေရိကန် သတင်းမီဒီယာသည် အမေရိကန် အစိုးရ၏ မကြုံဖူးသော တိုက်ခိုက်မှုများအား ရင်ဆိုင်နေရကြောင်း ယင်းစစ်တမ်း ပြုစုသူများက ပြောကြားခဲ့သည်။ နိုင်ငံရေး သမားများသည် ၎င်းတို့အား မျက်နှာသာ မပေးသော ဖော်ပြမှုများအား အမြဲလိုလို ဆန့်ကျင်ခဲ့ကြသော်လည်း တရားဝင် မီဒီယာများအား လူသိရှင်ကြား ဆက်တိုက် တိုက်ခိုက်မှုများသည် ခေတ်သစ်တွင် မကြုံစဖူးဖြစ်ကြောင်း ၎င်းတို့က ဆိုသည်။ မီဒီယာများအတွက် ခိုင်မာသော ထောက်ပံ့မှုတို့ ရှိခဲ့သော်လည်း ထရန့်၏ ဝေဖန်တိုက်ခိုက်မှုများကြောင့် မီဒီယာများတွင် ပါတီကွဲပြားမှုများအား ချဲ့ကားဖော်ပြစေခဲ့ဖွယ်ရှိကြောင်း ၎င်းတို့က ပြောကြားခဲ့သည်။

Ref : AFP