Myanmar Tourism Promotion Brand Ambassador အဖြစ် သရုပ်ဆောင်တေးသံရှင် မိုရီဆာကီဝင်းအား ခန့်အပ်

Myanmar Tourism Promotion Brand Ambassador အဖြစ် သရုပ်ဆောင် တေးသံရှင် မိုရီဆာကီဝင်းအား ခန့်အပ်ခဲ့ကြောင်း သိရသည်။ မိုရီဆာကီဝင်းအား ဂျပန်နိုင်ငံတွင် မြန်မာနိုင်ငံ၏ ခရီးသွားလုပ်ငန်းများ ပိုမိုဖွံ့ဖြိုးတိုးတက်လာစေရန်၊ မြန်မာနိုင်ငံအကြောင်း ပိုမိုသိရှိလာစေရန်၊ ဂျပန်ခရီးသွား ဧည့်သည်များ မြန်မာနိုင်ငံသို့ ၀င်ရောက်မှု ပိုမိုများပြားလာစေရန် ရည်ရွယ်၍ ဂျပန်နိုင်ငံတွင်သာမက မြန်မာနိုင်ငံတွင်လည်း အောင်မြင်မှုရရှိနေသည့် မိုရီဆာကီဝင်းကိုသံတမန် တစ်ဦးအဖြစ်ခန့်အပ်ခဲ့ခြင်း ဖြစ်သည်။

“မိုရီဆာကီဝင်းက မြန်မာနိုင်ငံဖွား အနုပညာရှင်တစ်ဦးပါ။ သူက မြန်မာနိုင်ငံမှာလည်း ပရိသတ်အခိုင်အမာ ရရှိအားပေးခံနေ ရသူဖြစ်သလို ဂျပန်နိုင်ငံမှာလည်း အောင်မြင်တဲ့ အနုပညာရှင်တစ်ဦးအနေနဲ့ ရပ်တည်နိုင် သူတစ်ဦး ဖြစ်ပါတယ်။ သူ့အနေနဲ့  နှစ်နိုင်ငံအနုပညာ ပူးပေါင်းဖလှယ်မှုများစွာကိုလည်း  လုပ်ဆောင်နေသလို ထပ်မံလုပ်ဆောင်ချင်သူလည်း ဖြစ်ပါတယ်။ ဒါကြောင့် မြန်မာခရီးသွား လုပ်ငန်းတွေ ဂျပန်နိုင်ငံမှာ ပိုမိုသိရှိကျယ်ပြန့်လာစေဖို့၊ မြန်မာနိုင်ငံနဲ့ပတ်သက်လို့ သူကနေတစ်ဆင့် ပိုမိုသိရှိစေဖို့နဲ့ မြန်မာနိုင်ငံကို ဂျပန်ခရီးသွားဧည့်သည်တွေ ပိုမိုလာရောက်လည်ပတ်စေဖို့ ရည်ရွယ်ပြီး သံတမန်အဖြစ် ခန့်အပ်ခဲ့တာပါ။ သူ့အနေနဲ့လည်း ဒီလိုခန့် အပ်ခံရခြင်းအတွက် ၀မ်းမြောက်ဂုဏ်ယူစွာနဲ့ ဆောင်ရွက်မှာဖြစ်ပါတယ်” ဟု Myanmar Tourism Federation မှ တာဝန်ရှိသူတစ်ဦးက ဆိုသည်။

မိုရီဆာကီဝင်းသည် လက်ရှိတွင် ဂျပန်တေးသံရှင်များနှင့် ပူးပေါင်းဖွဲ့စည်းထားသည့် Prizmax အဖွဲ့အနေဖြင့် တေးသီချင်း သီဆိုဖျော်ဖြေမှုများ ပြုလုပ်လျက်ရှိသည်။  ထို့ပြင် ဂျပန်မြန်မာချစ်ကြည်ရေးအနေဖြင့် ရိုက်ကူးထားသည့် ဇာတိမြေရုပ်ရှင်ဇာတ်ကားတွင်လည်း ပါဝင်ထားကာ မကြာခင်က ရုံတင်ပြသနိုင်ခဲ့သည်။ မိုရီဆာကီဝင်းသည် မြန်မာနိုင်ငံသို့ လာရောက်ခဲ့သည့် ခရီးစဉ်တစ်ခုတွင်လည်း မြန်မာနိုင်ငံနှင့်ပတ်သက်သည်များ၊ အမှတ်တရနေရာများအား ဂျပန်ရုပ်သံလိုင်းတစ်ခုမှ ရိုက်ကူးကာထုတ်လွှင့် ပြသခဲ့သည်။ လက်ရှိတွင် အိုးရှင်းရုပ်သံ ဇာတ်လမ်းတွဲ၏ အစီအစဉ်တစ်ခုအဖြစ် အိုးရှင်းဇာတ်လမ်းတွဲရိုက်ကူးခဲ့သည့် အမှတ်တရနေရာများအားလည်း မိုရီဆာကီဝင်းက သွားရောက်လေ့လာရိုက်ကူးကာ MNTV ရုပ်သံလိုင်း၌ ပြသလျက်ရှိသည်။ မိုရီဆာကီဝင်းသည် မြန်မာနိုင်ငံ၏ ခရီးသွားသံတမန် တစ်ဦးအဖြစ် မြန်မာနိုင်ငံ၏ လှပထင်ရှားမှု များ၊ မြန်မာလူမျိုးတို့၏ ချစ်စဖွယ်ဓလေ့ထုံးစံများ၊ ယဉ်ကျေးမှုဖော်ရွေပျူငှာမှုများကို ဂျပန်နိုင်ငံတွင် လက်ဆင့်ကမ်းမျှဝေနိုင်ရန်  ဆောင်ရွက်သွားမည် ဖြစ်သည်။

Myanmar Tourism Promotion Brand Ambassador အဖြစ် သရုပ်ဆောင်တေးသံရှင် မိုရီဆာကီဝင်းအား ခန့်အပ်မည်

Myanmar Tourism Promotion Brand Ambassador အဖြစ် သရုပ်ဆောင်တေးသံရှင် မိုရီဆာကီဝင်းအား ခန့်အပ်မည်ဖြစ်ကြောင်း သိရသည်။ မိုရီဆာကီဝင်းအား ဂျပန်နိုင်ငံတွင် မြန်မာနိုင်ငံ၏ ခရီးသွားလုပ်ငန်းများ ပိုမိုဖွံ့ဖြိုးတိုးတက်လာစေရန်၊ မြန်မာနိုင်ငံအကြောင်း ပိုမိုသိရှိလာစေရန်၊ ဂျပန်ခရီးသွားဧည့်သည်များ မြန်မာနိုင်ငံသို့ ၀င်ရောက်မှု ပိုမိုများပြားလာစေရန် ရည်ရွယ်၍ ခန့်အပ်ရန် စီစဉ်ထားခြင်းဖြစ်သည်။

“မိုရီဆာကီဝင်းက မြန်မာနိုင်ငံဖွား အနုပညာရှင်တစ်ဦးပါ။ သူက မြန်မာနိုင်ငံမှာလည်း ပရိသတ် အခိုင်အမာ ရရှိအားပေးခံနေရသူဖြစ်သလို ဂျပန်နိုင်ငံမှာလည်း အောင်မြင်တဲ့ အနုပညာရှင်တစ်ဦးအနေနဲ့ ရပ်တည်နိုင်သူတစ်ဦး ဖြစ်ပါတယ်။ သူ့အနေနဲ့ နှစ်နိုင်ငံ အနုပညာ ပူးပေါင်းဖလှယ်မှုများစွာကိုလည်း လုပ်ဆောင်နေသလို ထပ်မံလုပ်ဆောင်ချင်သူလည်း ဖြစ်ပါတယ်။ ဒါကြောင့် မြန်မာခရီးသွားလုပ်ငန်းတွေ ဂျပန်နိုင်ငံမှာ ပိုမိုသိရှိကျယ်ပြန့်လာစေဖို့၊ မြန်မာနိုင်ငံနဲ့ပတ်သက်လို့ သူကနေတစ်ဆင့် ပိုမိုသိရှိစေဖို့နဲ့ မြန်မာနိုင်ငံကို ဂျပန်ခရီးသွားဧည့်သည်တွေ ပိုမိုလာရောက် လည်ပတ်စေဖို့ ရည်ရွယ်ပြီး သံတမန်အဖြစ် ခန့်အပ်သွားမှာပါ။ သူ့အနေနဲ့လည်း ဒီလိုခန့်အပ်ခံရခြင်းအတွက် ၀မ်းမြောက်ဂုဏ်ယူစွာနဲ့ ဆောင်ရွက်သွားမှာ ဖြစ်ပါတယ်” ဟု Myanmar Tourism Federation မှ တာဝန်ရှိသူတစ်ဦးက ဆိုသည်။

မိုရီဆာကီဝင်းသည် လက်ရှိတွင် ဂျပန်ရှိ Prizmax အဖွဲ့နှင့်အတူ ဖျော်ဖြေမှုများ ပြုလုပ်လျက်ရှိသည်။ ထို့ပြင် ဂျပန်မြန်မာချစ်ကြည်ရေး အနေဖြင့် ရိုက်ကူးထားသည့် ဇာတိမြေရုပ်ရှင်ဇာတ်ကားတွင်လည်း ပါဝင်ထားသည်။ မိုရီဆာကီဝင်းသည် မြန်မာနိုင်ငံသို့ လာရောက်ခဲ့သည့် ခရီးစဉ်တစ်ခုတွင်လည်း မြန်မာနိုင်ငံနှင့် ပတ်သက်သည်များ၊ အမှတ်တရနေရာများအား ဂျပန်ရုပ်သံလိုင်းတစ်ခုမှ ရိုက်ကူးကာ ထုတ်လွှင့်ပြသခဲ့သည်။ လက်ရှိတွင် အိုးရှင်းရုပ်သံဇာတ်လမ်းတွဲ၏ အစီအစဉ်တစ်ခုအဖြစ် အိုးရှင်းဇာတ်လမ်းတွဲ ရိုက်ကူးခဲ့သည့် အမှတ်တရနေရာများသို့ မိုရီဆာကီဝင်းက သွားရောက်လေ့လာ ရိုက်ကူးကာ MNTV ရုပ်သံလိုင်း၌ ပြသလျက်ရှိသည်။ မိုရီဆာကီဝင်းသည် မြန်မာနိုင်ငံ၏ ခရီးသွားသံတမန်တစ်ဦးအဖြစ် မြန်မာနိုင်ငံ၏ လှပထင်ရှားမှုများ၊ မြန်မာလူမျိုးတို့၏ ချစ်စဖွယ် ဓလေ့ထုံးစံများ၊ ယဉ်ကျေးမှုဖော်ရွေပျူငှာမှုများကို ဂျပန်နိုင်ငံတွင် လက်ဆင့်ကမ်းမျှဝေနိုင်ရန် ဆောင်ရွက်သွားမည်ဖြစ်ကြောင်း သိရသည်။

သရုပ်ဆောင်တေးသံရှင် မိုရီဆာကီဝင်း ကျေးရွာများသို့ သွားရောက်နေထိုင်ကာ ရုပ်သံအစီအစဉ် ရိုက်ကူးထားပြီး မကြာမီ ထုတ်လွှင့်ပြသမည်

သရုပ်ဆောင်တေးသံရှင် မိုရီဆာကီဝင်းသည် ယခုတစ်ခေါက် လာရောက်ခဲ့သည့် မြန်မာနိုင်ငံခရီးစဉ်တွင် ကျေးလက်ဒေသများသို့ သွားရောက်နေထိုင်ခဲ့ကာ ရုပ်သံအစီအစဉ်တစ်ခုကို ရိုက်ကူးထားပြီး ယင်းအစီအစဉ်ကို မကြာမီ ထုတ်လွှင့်ပြသမည်ဖြစ်ကြောင်း ပြောကြားခဲ့သည်။ မိုရီဆာကီဝင်းသည် ဇွန်လလယ်တွင် မြန်မာနိုင်ငံသို့ ရောက်ရှိလာကာ အဆိုပါ အစီအစဉ်တွင် ကျေးလက်ဒေသများသို့ သွားရောက်ပြီးနောက် ကျေးလက်ဒေသ အစားအသောက်များ စားသောက်ခြင်း၊ ကျေးလက်ဒေသ၏ နေထိုင်မှုပုံစံများဖြင့် နေထိုင်ခြင်းများအား ပြုလုပ်ခဲ့ခြင်းလည်းဖြစ်သည်။

“ကျွန်တော်ဆယ်နှစ်သားအထိ မြန်မာနိုင်ငံမှာ နေခဲ့ဖူးပေမယ့် အခုသွားရောက်ခဲ့တဲ့ဒေသတွေကို မရောက်ဖူးပါဘူး။ တကယ်တမ်း အခုသွားဖြစ်တဲ့အခါ သူတို့စိတ်တွေ အေးနေလို့လားတော့ မသိဘူး။ အရမ်းအေးချမ်းပါတယ်။ နေရတာ အဲကွန်းမလိုပါဘူး။ အရမ်းလည်း နေလို့ကောင်းတယ်။ ပျော်စရာလည်း ကောင်းပါတယ်။ သူတို့နေထိုင်မှုပုံစံတွေနဲ့ နေထိုင်ဖြစ်တယ်။ အစားအသောက်တွေ စားခွင့်ရတယ်။ အရမ်းပျော်ခဲ့ပါတယ်။ အဲဒါတွေကို ရိုက်ထားတဲ့အစီအစဉ်က မကြာခင် လာပါလိမ့်မယ်။ ကျွန်တော့်ရဲ့ အစီအစဉ် ထုတ်လွှင့်တဲ့အခါလည်း အားပေးစေချင်ပါတယ်။ ကျွန်တော် နောက်ထပ်လည်း မြန်မာနိုင်ငံမှာ အနုပညာလုပ်ငန်းတွေလုပ်စရာ ရှိသေးတာကြောင့် လာဖြစ်မှာပါ။ အဲဒီအတွက်ပရိသတ်တွေလည်း အားပေးဖို့ပြောချင်ပါတယ်” ဟု သရုပ်ဆောင်တေးသံရှင် မိုရီဆာကီဝင်းက ဆိုသည်။

သရုပ်ဆောင်တေးသံရှင် မိုရီဆာကီဝင်းသည် Fujifilm Myanmar နှင့် Brand Ambassador အဖြစ် လက်တွဲလုပ်ကိုင်ရန် စာချုပ်ချုပ်ဆိုထားပြီး Fujifilm Myanmar ၏ ကုန်ပစ္စည်းသစ် မိတ်ဆက်ပွဲသို့ တက်ရောက်ခဲ့ခြင်းလည်းဖြစ်သည်။ အဆိုပါ အခမ်းအနားတွင် မြန်မာပရိသတ်များအတွက် ရည်ရွယ်ကာ ကိုယ်တိုင်ရေးဖွဲ့ထားသည့် တေးသီချင်းဖြင့်လည်း ဖျော်ဖြေတင်ဆက်ခဲ့သည်။ မိုရီဆာကီဝင်းသည် မေလအတွင်း မြန်မာနိုင်ငံသို့ လာရောက်ခဲ့စဉ်ကလည်း ဂျပန်ရုပ်သံလိုင်းမှ လိုက်ပါလာခဲ့ပြီး မိုရီဆာကီဝင်း၏ ငယ်စဉ်ဘ၀အမှတ်တရ အစီအစဉ်ကို မြန်မာနိုင်ငံတွင် လိုက်ပါရိုက်ကူးခဲ့သည်။ အဆိုပါ အစီအစဉ်အား ဂျပန်ရုပ်သံလိုင်းတွင် ဇွန်လအတွင်း ပြသခဲ့ရာ ပရိသတ်စိတ်ဝင်စား အားပေးမှုများပြားခဲ့ကြောင်း သိရသည်။

မိုရီဆာကီဝင်း ပါဝင်သရုပ်ဆောင်ထားကာ ဂျပန်မြန်မာချစ်ကြည်ရေးအဖြစ် ပုံဖော်ရိုက်ကူးထားသည့် ဇာတိမြေဇာတ်ကားသည်လည်း ရုံတင်ပြသရက်ရရှိထားပြီးဖြစ်ကာ မကြာမီစတင်ပြသသွားရန် စီစဉ်ထားကြောင်း သိရသည်။

ယင်းဇာတ်ကားတွင် သရုပ်ဆောင် အကယ်ဒမီရန်အောင်၊ မိုရီဆာကီဝင်း၊ အောင်ရဲလင်း၊ အကယ်ဒမီ ၀တ်မှုန်ရွှေရည်နှင့် သရုပ်ဆောင်များစွာ ပါဝင်ထားသည်။

သရုပ်ဆောင်တေးသံရှင် မိုရီဆာကီဝင်းနှင့်တွေ့ဆုံခြင်း

‘ကိုယ်တတ်တဲ့ အနုပညာနဲ့ပဲ ကျေးဇူးဆပ်တဲ့အနေနဲ့ ဆက်ကြိုးစားသွားမယ်ဆိုတဲ့ စိတ်ကို မြန်မာပြည်ပြန်ရောက်တိုင်း အမြဲ စိတ်ထဲသတိရ ထည့်ထားမိပါတယ် ‘

 

ပွင့်လင်းရိုးသားသည့် စကားပြောဟန်၊ ဖြူစင်သည့်စိတ် နှလုံးသားဖြင့် ပြောသမျှ စကားတိုင်း၏ ရိုးရှင်းမှုကို ပရိသတ်များ နှစ်သက်သဘောကျစေသူ၊ ပွင့်လင်းရိုးရှင်းသည့် အပြုံးများ၏ ပိုင်ရှင်ဟုဆိုရမည့် အ၀င်းဟု ချစ်စနိုးခေါ်ကြသော မိုရီဆာကီဝင်းမှာ Fujifilm Myanmar ၏ Brand Ambassador အဖြစ်လက်တွဲ၍ ပါဝင်ဆောင်ရွက်သွားမည်ဖြစ်သည်။ ကမ္ဘာ့ထိပ်တန်းဒါရိုက်တာ စတီဗင်စပီးဘက်သ့် ရိုက်ကူးသည့် Ready Player One ဇာတ်ကားတွင် ပါဝင်ခွင့်ရရှိခဲ့သည့်အပြင် ဂျပန်မြန်မာ ပူးပေါင်းရိုက်ကူးသည့် ဇာတိမြေဇာတ်ကားတွင်လည်း ပါဝင်ထားသူဖြစ်သည်။ ဂျပန်နိုင်ငံမှ Prizmax အဖွဲ့တွင်ပါဝင်လျက်ရှိသူ မိုရီဆာကီဝင်း၏ မြန်မာနိုင်ငံသို့ရောက်ရှိလာခဲ့သည့်ခရီးစဉ်တွင် ဂျပန်ရုပ်သံလိုင်း တစ်ခုမှလည်း မှတ်တမ်းရုပ်ရှင် လိုက်ပါရိုက်ကူးခဲ့သည်ကို တွေ့မြင်ရသည်။ စိတ်ထဲတွင်ရှိသည့်အတိုင်း မေးခွန်းများကိုဖြေကြားလေ့ရှိသည့် မိုရီဆာကီဝင်း (ခေါ်) အ၀င်းနှင့်တွေ့ဆုံ၍ မေးမြန်းဖြစ်သည်များအား ပြန်လည်ဖော်ပြပေးလိုက်ပါသည်။

 

မေး – Fujifilm Myanmar နဲ့လက်တွဲပြီး ဆောင်ရွက်ဖြစ်တဲ့ အကြောင်းကို အရင်ဆုံး ပြောပြပေးပါဦး။

ဖြေ – ကျွန်တော်နဲ့ Fujifilm Myanmar နဲ့ လက်တွဲပြီးလုပ်ဖို့ဆိုတာက ဂျပန်နဲ့ မြန်မာလက်တွဲပြီး အလုပ်တွေ အများကြီးလုပ်စေချင်တယ်။ ဂျပန်ပြည်ကနေလာပြီး မြန်မာနိုင်ငံမှာ အလုပ်လာလုပ်နေတဲ့ ကုမ္ပဏီတွေလည်း အများကြီးရှိတယ်လေ။ အဲဒီလိုကုမ္ပဏီမျိုးတွေနဲ့ ကျွန်တော်တတ်ကျွမ်းတဲ့ အနုပညာကိုလက်တွဲပြီး လုပ်လိုတဲ့စိတ်ကူးက အရင်ကတည်းကလည်း ရှိပါတယ်။ အဲဒီလိုအချိန်မျိုးမှာ Fujifilm ကနေကျွန်တော့်ကို ကမ်းလှမ်းလာတာကြောင့်လက်ခံပြီး လက်တွဲလုပ်ဆောင်ဖို့ ဆုံးဖြတ်ဖြစ်သွားတာပါ။

 

မေး- ဂျပန်နိုင်ငံမှာရော ဘယ်လိုအနုပညာလုပ်ငန်းမျိုးတွေ လုပ်ဖြစ်နေလဲ။ မြန်မာနိုင်ငံမှာရော ဘယ်လိုအနုပညာလုပ်ငန်းတွေ လုပ်ဖြစ်ဦးမလဲ။

ဖြေ- လုပ်ဖြစ်ဖို့တော့ အများကြီးရှိပါတယ်။ မြန်မာနိုင်ငံမှာလည်း အားပေးနေတဲ့ပရိသတ်တွေ အများကြီးရှိတာကြောင့်လည်း ၀မ်းသာရပါတယ်။ အခုမြန်မာနိုင်ငံကိုလာတဲ့ ခရီးစဉ်မှာလည်း ဂျပန်နိုင်ငံက ရုပ်သံအစီအစဉ်က အ၀င်းရဲ့မြန်မာနိုင်ငံခရီးစဉ်ကို ရိုက်မယ်ထုတ်လွှင့်မယ်ဆိုတော့ နောက်ထပ်လည်း အခုလိုအစီအစဉ်မျိုးတွေလည်း အများကြီးရှိပါတယ်။ ဒါကြောင့် ကျွန်တော့်ရဲ့ လှုပ်ရှားမှုတွေကိုလည်း အမြဲပဲစောင့်ကြည့် အားပေးစေချင်ပါတယ်။

 

မေး- ဟောလိဝုဒ်က ထိပ်တန်းဒါရိုက်တာတစ်ဦးဖြစ်တဲ့ စပီးဗက်ရိုက်ကူးတဲ့ Ready Player One ဇာတ်ကားမှာ ပါဝင်ဖို့ audition ၀င်ရတဲ့အတွေ့အကြုံကိုလည်း ပြောပြပေးပါဦး။

ဖြေ- Ready Player One အတွက် ၂၀၁၅ မှာ audition ပထမဆုံး ၀င်ခဲ့ရတယ်။ ဗီဒီယို audition နဲ့ အရင်ဆုံးဝင်ရပါတယ်။ အဲဒါကို ကြိုက်တယ်ဆိုပြီးတော့ ကျွန်တော့်ကိုထပ်ခေါ်ပါတယ်။ နောက်တစ်ဆင့်အနေနဲ့ ဒါရိုက်တာစတီဗင်စပီးဗက်က စောင့်နေပြီးတော့ သူ ကိုယ်တိုင်ကလည်း ကျွန်တော့်ကို မေးပါတယ်။ ဘယ်ကလာတာလဲ စသဖြင့်ပေါ့။ ကျွန်တော်ကလည်း မြန်မာပြည်ကလာတာပါစသဖြင့် ပြန်ဖြေရပါတယ်။ အဲဒီတွေ့ဆုံမှုအပြီး ရှစ်လလောက်စောင့်ခဲ့ရပါ တယ်။ ၂၀၁၆ မှာ အင်္ဂလန်မှာ လေးလနေပြီး ရှုတင်ဝင်ခဲ့ရပါတယ်။ ပြီးတော့မှ အခုရုံတင်တာပေါ့နော်။ ပထမတော့ မြန်မာပြည်မှာပြမှန်း ကျွန်တော်မသိဘူး။ နောက်တော့ ဒီမှာပြတယ်ဆိုတော့ အရမ်းဂုဏ်ယူခဲ့ရပါတယ်။

 

မေး- ရိုက်ကူးမှု အတွေ့အကြုံဆိုရင်ရော။

ဖြေ – အတွေ့အကြုံကတော့ ဟောလိဝုဒ်ကားဖြစ်တော့ ဒီကားကိုရိုက်ဖို့ လေးလတောင်အချိန်ယူခဲ့တယ်။ မနက် ၉ နာရီဆို စပြီ။ ညနေ ၅ နာရီဆို ကျွန်တော်ရိုက်ရတဲ့အပိုင်းက ပြီးပြီ။ အပတ်တိုင်း စနေ၊ တနင်္ဂနွေ သေချာနားရတဲ့ရက်ပေးတယ်။ ဘတ်ဂျက်က အရမ်းများတော့ စတူဒီယိုတို့ဘာတို့က အရမ်း skill ကြီးတယ်။ အတွေ့အကြုံ တွေ အများကြီးရတယ်။ technology ပိုင်းတွေလည်း အရမ်းမြင့်တဲ့အခါကျတော့ ပြောမယ်ဆိုရင် စိတ်တွေခုန်တာပေါ့။

 

မေး- စတီဗင်စပီးဗက်ဆီက ဘယ်လိုအရာတွေ လေ့လာခွင့်ရခဲ့လဲ။

ဖြေ- ဘာတွေလေ့လာခွင့်ရခဲ့လဲဆိုတော့ သူက ကျွန်တော်တို့ဘက်က ကြည့်မယ်ဆိုရင် Legend တစ်ယောက်ပါ။ အလွယ်တကူ စကားပြောခွင့်ရတာတောင်မှ ကျေးဇူးတင်ရမှာလေ။ တကယ့်ကိုကြီးမားတဲ့ အတွေ့အကြုံတစ်ခုရတယ်။ ရိုက်ကွင်းတူတူဝင်ခဲ့ရတယ်ဆိုတော့ ပြောစရာကိုမလိုဘူး။ ရိုက်ကွင်းမှာဆိုလည်း စပီးဗက်အနေနဲ့မဟုတ်ဘဲ  လူငယ်တွေနဲ့အတူ စကားတွေပြောပေးတယ်။ ရုပ်ရှင်ရိုက်နေစဉ်မှာ ကျွန်တော်တို့ကို စိတ်ဓာတ်ကျအောင်တစ်ခုမှမပြောဘူး။ စိတ်ဓာတ်ခွန်အားမြှင့်တင်ပေးတဲ့စကားတွေပဲ ပြောတယ်။ ပြောမယ်ဆို ရင် အရမ်းကျေးဇူးတင်သလို အတွေ့အကြုံကလည်း တန်ဖိုးမဖြတ်နိုင်အောင်ပါပဲ။

 

မေး- မြန်မာနိုင်ငံက ပရိသတ်တွေအရမ်းအားပေးကြတဲ့အပေါ် ဘယ်လိုခံစားရလဲ။

ဖြေ- ကျွန်တော့်ကိုအားပေးတဲ့ ပရိသတ်တွေ အများကြီးရှိတယ်။ ကျွန်တော်ဘာလုပ်မလဲ၊ ပွဲလာလုပ်မှာလား၊ ရုပ်ရှင်ရိုက်မှာလားစသဖြင့် သိချင်နေကြတဲ့ ပရိသတ်တွေအမြဲတမ်းရှိနေသလို အားပေးတဲ့ ပရိသတ်တွေရှိနေတယ်။ အဲဒါတွေရှိခြင်းအားဖြင့် အသက်ရှင်ရတာ အဓိပ္ပာယ်ရှိနေပါတယ်။ ကိုယ့်ကိုယ်ကိုယ် အနုပညာရှင်ရယ်လို့ပြောတာမဟုတ်ပေမယ့် အနုပညာရှင်ဆိုတာက ပရိသတ်တွေရှိမှ ရပ်တည်နိုင်မှာလေ။ ဘယ်လိုခံစားရလဲဆိုရင် ကျေးဇူးတင်ပါတယ်ဆိုတဲ့စကားလုံးက ပြောဖို့လွယ်တယ်။ စကားနဲ့ ပြောလို့မရလောက်အောင် စိတ်ထဲမှာခံစားရတဲ့အတွက် အဲဒီခံစားမှုကို ကိုယ်တတ်တဲ့အနုပညာနဲ့ပဲ ကျေးဇူးဆပ် တဲ့အနေနဲ့ ဆက်ကြိုးစားသွားမယ်ဆိုတဲ့စိတ်ကို မြန်မာပြည်ပြန်ရောက်တိုင်း အမြဲစိတ်ထဲ သတိရထည့်ထား မိပါတယ်။

 

မေး- ဇာတိမြေဇာတ်ကားကိုလည်း ပရိသတ်တွေက စောင့်မျှော်နေကြတယ်နော်။

ဖြေ- ရုံက မလွတ်သေးဘူးလို့ ပြောတာပါပဲ။

 

မေး- မြန်မာသီချင်းတွေကိုရော ဖန်တီးဖို့ရှိမလား။

ဖြေ – ရှိပါတယ်။ မြန်မာသီချင်းတွေ ကျွန်တော် အရမ်းဆိုချင်ပါတယ်။

 

မေး- ဘယ်လိုအကြောင်းအရာမျိုးတွေကို သီဆိုချင်လဲ။

ဖြေ- အကြောင်းအရာကတော့အစုံပါပဲ။ ပထမဆုံးတော့ ပရိသတ်တွေအားလုံးကို ကျေးဇူးတင် တယ်ဆိုတဲ့အကြောင်းလေးကို သီချင်းအနေနဲ့ သီဆိုချင်ပါတယ်။ မြန်မာစာသားကို သေချာရေးတတ်အောင် ကျွန်တော် ကြိုးစားနေပါတယ်။

 

မေး- မှတ်တမ်းရုပ်ရှင်ရိုက်တဲ့သူလည်း လိုက်လာတော့ ဘယ်လိုအပိုင်းတွေ အဓိက ရိုက်သွားမှာလဲ။

ဖြေ- အဓိကတော့ ကျွန်တော် ဒီကိုလာတုန်းမှာ လှုပ်ရှားမှုတွေကို လိုက်ရိုက်ပါတယ်။ ပြီးတော့ ကျွန်တော်လိုက်ပြချင်တဲ့နေရာတွေ၊ သိစေချင်တာတွေကိုရိုက်ကူးမှာပါ။ မြန်မာနိုင်ငံက လှပတဲ့နေရာလေးတွေ၊ အစားအသောက်ဓလေ့ထုံးစံနဲ့ ယဉ်ကျေးမှုတွေ၊ မြန်မာလူမျိုးတွေရဲ့ ချစ်ဖို့ကောင်းတဲ့အကြောင်း လေးတွေကိုလိုက်ရိုက်ဖို့ခေါ်သွားဖြစ်ပါတယ်။ အဲဒါက ဂျပန်ရုပ်သံမှာပြသသွားမှာဖြစ်တဲ့အတွက် မြန်မာတွေ အတွက်လည်း ဂုဏ်ယူစရာဖြစ်မယ်လို့ ထင်ပါတယ်။

 

မေး- စိတ်ကူးထဲက ချစ်သူပုံစံဆိုတာ သတ်မှတ်ထားတာမျိုးရော ရှိလား။

ဖြေ- ကျွန်တော့်ကိုကြိုက်တဲ့ ကောင်မလေးကို ကျွန်တော်ကကြိုက်တယ်။ ကျွန်တော်တစ်ယောက်တည်းက ချစ်နေရင် ကျွန်တော့်စိတ်ထဲကနာတာပဲရှိတယ်လေ။ Like လား၊ Love လား။ အဲဒါက ရှိသေးတယ်လေ။ လက်ထပ်တဲ့စာချုပ်ကိုရှိရင် ယူလာခဲ့ပါ။ အဲဒီလောက်ထိ ကျွန်တော့်ကိုကြိုက်တယ်ချစ်တယ်ဆိုရင် ကျွန်တော်ပြန်ကြိုက်မှာပါ။

 

မေး- ပရိသတ်တွေကိုပြောချင်တဲ့ စကားလက်ဆောင်များ ရှိမလား။

ဖြေ- ပရိသတ်တွေကိုတော့ ကျွန်တော့်ကိုမမေ့ဘဲ ကျွန်တော့်ကိုချစ်ပေးပါ။ ဂရုစိုက်ပေးပါ။ သတိရ အားပေးပေးပါလို့ပြောချင်ပါတယ်။

မြန်မာနိုင်ငံဖွား သရုပ်ဆောင်တေးသံရှင် မိုရီဆာကီဝင်း၏ မြန်မာနိုင်ငံခရီးစဉ်တွင် ဂျပန်နိုင်ငံမှ ရုပ်သံလိုင်းတွင် ပြသရန် မှတ်တမ်းရုပ်ရှင်လိုက်ပါ ရိုက်ကူးခဲ့

မြန်မာနိုင်ငံဖွား သရုပ်ဆောင်တေးသံရှင် မိုရီဆာကီဝင်း၏ မြန်မာနိုင်ငံခရီးစဉ်တွင် ဂျပန်နိုင်ငံမှ ရုပ်သံလိုင်းတစ်ခုက မှတ်တမ်းရုပ်ရှင် လိုက်ပါရိုက်ကူးခဲ့ကြောင်း သိရသည်။ မိုရီဆာကီဝင်းသည် Fujifilm Myanmar ၏ Brand Ambassador အဖြစ် လက်တွဲဆောင်ရွက်ရန်
အတွက် မြန်မာနိုင်ငံသို့ လာရောက်ခဲ့သည့်ခရီးစဉ်၌ အဆိုပါ ရုပ်သံရိုက်ကူးရေးအဖွဲ့လည်းလိုက်ပါလာခဲ့ပြီး ယင်းခရီးစဉ်တွင် မိုရီဆာကီဝင်း၏ လှုပ်ရှားမှုများအား လိုက်ပါ မှတ်တမ်းတင်ခဲ့ကြောင်း သိရသည်။

“ကျွန်တော့်ရဲ့ လှုပ်ရှားမှုတွေ၊ လုပ်ဆောင်မှုတွေနဲ့ နေ့စဉ်ဘ၀ဖြတ်သန်းမှုတွေကို ဂျပန်ရုပ်သံလိုင်းက မှတ်တမ်းလာရောက် ရိုက်ကူးတာပါ။ ဂျပန်မှာကတည်းက လိုက်ပါရိုက်ကူးနေတာပါ။ မြန်မာနိုင်ငံ ခရီးစဉ်ရှိတယ်ဆိုတဲ့အတွက် သူတို့လည်း လိုက်ပါလာတာပါ။ ကျွန်တော်နဲ့ Fujifilm နဲ့ စာချုပ်ချုပ်ဆိုပွဲနဲ့ တခြားအနုပညာလှုပ်ရှားမှုတွေကိုလည်း သူတို့လိုက်ပါရိုက်ကူးပါတယ်။ ပြီးတော့ ကျွန်တော်ပြသချင်တဲ့ မြန်မာနိုင်ငံက အလှအပတွေ၊ အစားအသောက်တွေနဲ့ နေထိုင်သွားလာမှုတွေကိုလည်း ကျွန်တော်နဲ့အတူ လိုက်ပါရိုက်ကူးပါတယ်။ ဒီအစီအစဉ်ကို ဂျပန်နိုင်ငံမှာ ထုတ်လွှင့်မှာဖြစ်တော့ ၀မ်းသာ ဂုဏ်ယူမိပါတယ်။ မြန်မာနိုင်ငံသား တစ်ယောက်အနေနဲ့ မြန်မာနိုင်ငံ အကြောင်းတွေကို မိတ်ဆက်ခွင့်ရတဲ့အတွက် တကယ့်ကိုဝမ်းသာ ဂုဏ်ယူရပါတယ်။ မြန်မာနိုင်ငံသား တစ်ယောက်အနေနဲ့ ဆက်ပြီးကြိုးစားနေမှာဖြစ်လို့ ပရိသတ်တွေက ကျွန်တော့်ကိုမေ့မသွားဘဲ အမြဲပဲ စောင့်ကြည့်အားပေးဖို့ ပြောချင်ပါတယ်” ဟု သရုပ်ဆောင်တေးသံရှင် မိုရီဆာကီဝင်းက ဆိုသည်။

မိုရီဆာကီဝင်းသည် မြန်မာနိုင်ငံသား မိဘနှစ်ဦးမှမွေးဖွားကာ အသက် ၁၀ နှစ်အရွယ်တွင် ဂျပန်နိုင်ငံသို့ မိဘများနှင့်အတူ ပြောင်းရွှေ့နေထိုင်ခဲ့သူဖြစ်သည်။ အသက် ၁၄ နှစ်တွင် အနုပညာဖျော်ဖြေ တင်ဆက်မှု လုပ်ငန်းနယ်ပယ်သို့ ရောက်ရှိခဲ့ပြီး ၂၀၀၈ တွင် Prizmax Boyband အဖွဲ့သို့ စတင်ဝင်ရောက်ခဲ့သည်။ ၂၀၁၂ တွင် ‘Sherry’ ဇာတ်ကားဖြင့် ပွဲထုတ်ခံခဲ့ရပြီး ၂၀၁၅ တွင် Yokohama FM မှ The First Radio Personality အဖြစ်ရွေးချယ်ခံခဲ့ရသည်။ ဟောလိဝုဒ်ဒါရိုက်တာ စတီဗင်စပီးဗက် ရိုက်ကူးသည့် ‘Ready Player One’ တွင် ပါဝင် သရုပ်ဆောင်ခွင့်ရခဲ့သည်။ ဂျပန်မြန်မာ ချစ်ကြည်ရေးအဖြစ် ရိုက်ကူးသည့် ‘ဇာတိမြေ’ ရုပ်ရှင်ဇာတ်ကားတွင်လည်း သရုပ်ဆောင် အောင်ရဲလင်း၊ ၀တ်မှုန်ရွှေရည်တို့နှင့်အတူ ပါဝင်သရုပ်ဆောင်ထားသည်။

နိုင်ငံတကာ၌ ပြသလျက်ရှိပြီး မြန်မာနိုင်ငံသား မိုရီဆာကီဝင်း ပါဝင်သရုပ်ဆောင်ထားသည့် Ready Player One ဇာတ်ကား ရန်ကုန်နှင့် မန္တလေးရှိ ရုပ်ရှင်ရုံများ၌ ရုံတင်

နိုင်ငံတကာတွင် ပြသလျက်ရှိပြီး မြန်မာနိုင်ငံသား မိုရီဆာကီဝင်း ပါဝင်သရုပ်ဆောင်ထားသည့် Ready Player One ရုပ်ရှင်ဇာတ်ကားကို မတ် ၃၀ ရက်မှ စတင်ကာ ရန်ကုန်နှင့် မန္တလေးမြို့များရှိ ရုပ်ရှင်ရုံများ၌ တစ်ပြိုင်နက် ရုံတင်ပြသထားသည်။

Ready Player One ရုပ်ရှင်ကို မတ် ၂၉ ရက်မှ စတင်ကာ အမေရိကန်နိုင်ငံ အပါအ၀င် နိုင်ငံအများအပြား၌ စတင်ပြသခဲ့ခြင်း ဖြစ်သည်။ ယင်းဇာတ်ကားသည် အီစတာပွဲတော် အားလပ်ရက်အတွင်း လက်မှတ် ရောင်းချရမှုမှ ၀င်ငွေ ဒေါ်လာ ၄၂ သန်းအထိ ရရှိနိုင်မည်ဟု ခန့်မှန်းထားကြောင်း သိရသည်။

စိတ်ကူးယဉ်သိပ္ပံအက်ရှင် စွန့်စားမှုဇာတ်ကားဖြစ်သည့် Ready Player One ရုပ်ရှင်သည် အနာဂတ်ကာလဖြစ်သည့် ၂၀၄၅ ခုနှစ်ကို ဖန်တီးအခြေပြုရိုက်ကူးထားခြင်း ဖြစ်သည်။ ယင်းအချိန်ကာလ၌ ကမ္ဘာမြို့ကြီး အများအပြားသည် လူဦးရေအဆမတန် များပြားမှု၊ ရာသီဥတု ဖောက်ပြန်ပြောင်းလဲမှု၊ သဘာဝပတ်ဝန်းကျင် ညစ်ညမ်းမှုများကို ဆိုးရွားစွာ ခံစားနေရချိန်ဖြစ်သည်။ အရာရာတွင် ညစ်ပတ်ဆိုးရွားနေသည့် ပတ်ဝန်းကျင်၌ ရှင်သန်နေရသူအများစုသည် ယခင်ကကဲ့သို့ သဘာဝပတ်ဝန်းကျင်နှင့် လူများကို မြင်တွေ့ခံစားနိုင်သည့် ကမ္ဘာအတုတွင်း ရောက်ရှိစေသည့် အွန်လိုင်းဂိမ်း OASIS ကို ကစားကြသည်။

တစ်ရက်တွင် ထိုကစားနည်းကို လူအများအပြား ၀င်ရောက်ကစားနေချိန်၌ ဂိမ်းတီထွင်သူ James Haliday ၏ ကြေညာမှု တစ်ခုဝင်လာခဲ့သည်။ ယင်းမှာ ယခုကြေညာနေချိန်၌ မိမိမှာသေဆုံးခဲ့ပြီဖြစ်ပြီး သူတီထွင်ခဲ့သည့် OASIS ဂိမ်း၏ကွန်ရက်အတွင်း၌ တစ်လက်လက် တောက်ပနေသည့် Easter Egg ကို ဖွက်ထားခဲ့ကြောင်းနှင့် ယင်းကိုရှာဖွေတွေ့ရှိနိုင်သူသည် OASIS ဂိမ်းကို ထိန်းချုပ်ခွင့်ရရှိမည်ဖြစ်ပြီး ဒေါ်လာ ဘီလျံ ၅၀၀ ကိုလည်း ငွေသားအဖြစ် ရရှိမည်ဟူ၍ ဖြစ်သည်။

ယင်းကြေညာချက်ကြောင့် ဂိမ်းကစားသူများထဲမှ လူငယ်တစ်ဦးဖြစ်သည့် Wade Watts နှင့် သူငယ်ချင်းများ စုပေါင်းရှာဖွေကြသလို အွန်လိုင်းကုမ္ပဏီကြီးတစ်ခုဖြစ်သည့် IOI ကလည်း ဂိမ်းသမားများ ငှားရမ်းကာ ရှာဖွေမှုပြုလုပ်ရာမှ ဖြစ်ပေါ်လာသည်များကို စိတ်ဝင်စားဖွယ် ရိုက်ကူးတင်ဆက်ထားသည့် ဇာတ်ကားဖြစ်သည်။

ယင်းဇာတ်ကားတွင် ဂျပန်နိုင်ငံနှင့် မြန်မာနိုင်ငံတို့တွင် အနုပညာလှုပ်ရှားမှုများ လုပ်ဆောင်နေသည့် မြန်မာနိုင်ငံသား အနုပညာရှင်တစ်ဦးဖြစ်သည့် မိုရီဆာကီဝင်းသည်လည်း Daito အမည်ရှိ ဂိမ်းကစားသမားလူငယ်တစ်ဦးအဖြစ် ပါဝင်သရုပ်ဆောင်ထားခြင်းဖြစ်သည်။

Ready Player One ရုပ်ရှင်ဇာတ်ကားကို ဒါရိုက်တာ Steven Spielberg က ရိုက်ကူးထားပြီး Tye Sheridan, Olivia Cooke, Ben Mendelsohn, Simon Pegg, Win Morisaki (မိုရီဆာကီဝင်း), T.J. Miller တို့ ပါဝင်သရုပ်ဆောင်ထားသည်။ ယင်းဇာတ်ကားကို ရန်ကုန်မြို့ရှိ နေပြည်တော်၊ မင်္ဂလာ ၂၊ Mingalar Cineplex၊ Capital (သာကေတ)၊ Junction City JCGV ရုပ်ရှင်ရုံများနှင့် မန္တလေးမြို့ရှိ Mingalar Diamond Cineplex ရုပ်ရှင်ရုံတို့၌ ရုံတင်ပြသထားသည်။