မူဆယ်မြို့နယ် နမ့်တောင်းမှ ပန်ဆိုင်းမြို့သို့သွားသော လမ်းမကြီးဘေးတွင် မိုင်းပေါက်ကွဲမှု ဖြစ်ပွားပြီး တစ်ဦးသေဆုံး၊ တစ်ဦး ဒဏ်ရာရ

ဓါတ်ပုံ – M – အေဂျေ (NTU)

 

ရှမ်းပြည်နယ်(မြောက်ပိုင်း)၊ မူဆယ်မြို့နယ် နမ့်တောင်းကျေးရွာမှ ပန်ဆိုင်း(ကြူကုတ်)မြို့သို့ သွားသော ပြည်ထောင်စုလမ်းမကြီးဘေးတွင် စက်တင်ဘာ ၁၉ ရက် နေ့လယ်ပိုင်းက မိုင်း ၂ လုံး ပေါက်ကွဲမှု ဖြစ်ပွားခဲ့ပြီး တစ်ဦးသေဆုံးကာ တစ်ဦးဒဏ်ရာရရှိခဲ့ကြောင်း သိရသည်။

ပထမအကြိမ် မိုင်းပေါက်ကွဲမှုမှာ မွန်းလွဲ ၁ နာရီခန့်တွင် ဖြစ်ပွားခဲ့ပြီး အဆိုပါ ပေါက်ကွဲမှုမှာ တစ်စုံတစ်ဦး ထိခိုက်ဒဏ်ရာရရှိမှု မရှိခဲ့သော်လည်း မွန်းလွဲ ၃ နာရီ ၂၀ အချိန်ခန့်တွင် ပထမအကြိမ်ပေါက်ကွဲမှုဖြစ်ပွားရာ နေရာအနီးတွင် ထပ်မံပေါက်ကွဲမှု ဖြစ်ပွားရာ ပန်ဆိုင်း(ကြူကုတ်)ဘက်မှ ဆိုင်ကယ်စီးပြန်လာသူ နှစ်ဦး မိုင်းဆန်ထိမှန်ခဲ့ခြင်းဖြစ်ကြောင်း သိရသည်။

“ပေါက်ကွဲမှုဖြစ်ပွားတာက ၁၀၅ မိုင်ကနေ ပန်ဆိုင်း(ကြူကုတ်) သွားတဲ့လမ်း နမ့်တောင်းရွာအနီးမှာ ပေါက်ကွဲမှုဖြစ်ပွားတာပါ။ နမ့်တောင်းရွာကနေ ပန်ဆိုင်း(ကြူကုတ်) ဘက်အထွက် ကားလမ်းဘေးမှာ ဖြစ်တာပါ။ တစ်နာရီလောက်မှ တစ်လုံးကွဲတယ်။ တယ်လီဖုန်းတိုင်ထောင်ထားတဲ့အနီးမှာကွဲတာ။ သုံးနာရီကျော်မှာ ဒုတိယတစ်ကြိမ်ကွဲတယ်။ ဒုတိယအကြိမ် ပေါက်ကွဲတဲ့အချိန်မှာ ပန်ဆိုင်းဘက်ကနေ ပြန်လာတဲ့ အမျိုးသမီး(၂)ဦး ထိမှန်ပြီး ဒဏ်ရာရပါတယ်။ မိုင်းပေါက်ကွဲဒဏ်ရာကြောင့် တစ်ဦးသေဆုံးပြီး တစ်ဦးကတော့ ဒဏ်ရာပြင်းထန်စွာ ရသွားပါတယ်။” ဟု မူဆယ်မြို့နေသူ M-အေဂျေ ၏ ပြောကြားချက်အရသိရသည်။

ထိုအပြင် “နမ့်တောင်းနဲ့ပန်ဆိုင်းကြားမှာ မိုင်းကွဲတာပါ။ ထိမှန်ဒဏ်ရာရရှိမှုကတော့ နှစ်ယောက်ဖြစ်ပြီး အဲ့ဒီထဲက တစ်ဦးကတော့ သေဆုံးပါတယ်။ တစ်ဦးကတော့ မူဆယ်ပြည်သူ့ဆေးရုံကြီးမှာ တက်ရောက်ကုသနေရပါတယ်။ မူဆယ်ကနေ ပန်ဆိုင်းကို သွားရင် နမ့်တောင်း ကျေးရွာအရင်ရောက်ပါတယ်။ နမ့်တောင်း နဲ့ ပန်ဆိုင်းကြားမှာ မိုင်းပေါက်ကွဲမှု ဖြစ်တာပါ။ နမ့်တောင်းနဲ့တော့ ပိုနီးပါတယ်။” ဟု မူဆယ်မြို့မရဲစခန်းမှ တာဝန်ရှိသူတစ်ဦးကလည်းအတည်ပြု ပြောကြားခဲ့သည်။

မိုင်းပေါက်ကွဲမှုကြောင့် နမ့်တောင်းကျေးရွာနေသူ ဒေါ်လွန်းထု (၅၉)နှစ် နှင့် မအားနာ (၂၈) နှစ် ဖြစ်သူတို့ ထိခိုက်ဒဏ်ရာရရှိခဲ့ကာ ဒေါ်လွန်းထု အသက်(၅၉) နှစ်မှာ သေဆုံးခဲ့ရပြီး မအားနာ (၂၈)နှစ်မှာ လည်ပင်းနှင့် မေးစေ့ပေါက်ပြဲဒဏ်ရာများဖြင့် မူဆယ်ပြည်သူ့ ဆေးရုံကြီးတွင် ဆေးကုသနေရကြောင်း သိရသည်။

ကချင်ပြည်နယ် ဆင်ဘိုဒေသ မြစ်ရိုးကျေးရွာများတွင် မိုင်းအန္တရာယ် မြင့်မားနေပြီး တောပင်လုံ၊ ပင်တော်၊ မှန်ကင်းကျေးရွာများအနီးရှိ တောတန်းများတွင် နေ့စဉ်နီးပါး ပေါက်ကွဲမှုများရှိနေ

ကချင်ပြည်နယ် မြစ်ကြီးနားမြို့နယ် ဆင်ဘိုဒေသ မြစ်ရိုးကျေးရွာများတွင် မိုင်းအန္တရာယ်မြင့်မားနေပြီး မိုင်းနင်းမိမှုကြောင့် ကျွဲ၊ နွားများ ဆက်တိုက်သေဆုံးနေကြောင်း ဒေသခံများက ဆိုသည်။ လက်ရှိတွင် ဆင်ဘို တိုက်နယ်ရှိ တောပင်လုံ၊ ပင်တော်၊ မှန်ကင်း စသည့်ကျေးရွာအနီးရှိ တောတန်းများတွင် နေ့စဉ်နီးပါး ပေါက်ကွဲမှုများ ဖြစ်ပေါ်နေ ကြောင်း သိရသည်။

ဒေသခံတစ်ဦးက “တောပင်လုံ၊ ပင်တော်၊ မှန်ကင်းရွာတွေနဲ့ နီးတာပေါ့။ ရွာတွေက ကွင်းထဲမှာ ကွင်းလွန်ရင် တောတန်းပဲ။ အဲဒီတောတန်းမှာ ထောင်နေတာ။ အထူးသဖြင့် ကျွဲ၊ နွားစားကျက်ဖြစ်တဲ့ တောထဲပေါ့။ ကျွဲ၊ နွားတွေကို နှစ်လအတွင်း ၁၀ ကောင်လောက် ဖြစ်သွားတာ။ လူတော့ မသွားရဲဘူး။ မိုင်းက များနေတာကြာပြီ။ ဇွန်လပိုင်းမှာ အများဆုံးဖြစ်လာတာ။ ဘယ်သူ့ကိုမှ မပြောရဲဘူးလေ။ နေ့လယ်တောင် နေပူ၊ မိုးရွာဆိုရင် ဒီအတိုင်းကွဲနေတာ။ ကျွဲ၊ နွားတွေလည်း အခြားနေရာ ပြောင်းရတာပေါ့။ စစ်ကြောင်းတွေလည်း မလာပါဘူး။ အခုက လယ်နဲ့စပ်တဲ့ တောနဲ့ ကွင်းဘက်တွေမှာ ထောင်တာ။ ကြားတာက ရွာတွေမှာ ပြည်သူ့စစ်တွေဆိုလား လုပ်မယ်ဆိုတော့ ကေအိုင်အေဘက်က လုပ်တာလို့ ဆိုတယ်။ ဆက်ကြေးလေးဘာလေး တောဘက်က ကောက်တော့ မခံချင်ဘူးလေ။  ဒီမှာက ဘယ်သူကို အဖေခေါ်ရမှန်းမသိဘူး။ ကေအိုင်အေစခန်းနဲ့တော့ အဝေးကြီးဗျ။ မိုင်းနဲ့ပတ်သက်ပြီး ပညာပေးအဖွဲ့လာတယ်။ဆက်ပြီးထောင်နေရင် ဘယ်လိုလုပ်မလဲ။ ကျွန်တော်တို့ဒေသမှာတော့ သုံးလေးနှစ်အတွင်းဆိုရင် မိုင်းထိတာ ၁၀ ဦးမှာ သုံးဦးသေ၊ သုံးဦး ခြေပြတ်ပေါ့”  ဟု ပြောကြားသည်။

၂၀၁၆ ခုနှစ်အတွင်း မိုင်းပေါက်ကွဲမှုကြောင့် သေဆုံးသူ သုံးဦး အထိရှိလာသည့် ဆင်ဘိုမြို့ဒေသခံ အင်အား ၁၀၀၀ ခန့်ဖြင့် စက်တင်ဘာ ၂၆ ရက်က ဆန္ဒထုတ်ဖော်ခဲ့သည်။ မိုင်းထောင်ပေါက်ကွဲမှုများကြောင့် မိုးကောင်းမြို့နယ် ဆားမှော်ကျေးရွာ တောင်သူများနှင့် ဆင်ဘိုကျေးရွာမှ တောင်သူများမှာ တောင်ကြောအနီးရှိ လယ်ကွင်းများအား လယ်ဧက ရာနှင့်ချီ စွန့်လွှတ်ခဲ့ရပြီး ကချင်ပြည်နယ်အစိုးရအဖွဲ့နှင့် မြောက်ပိုင်းတိုင်းစစ်ဌာနချုပ်နှင့် ကေအိုင်အိုနည်းပညာအကြံပေးအဖွဲ့ရုံးသို့ မိုင်းများရှင်းလင်းပေးရန် ၂၀၁၅ ခုနှစ် အတွင်းက တောင်းဆိုမှုများ ပြုလုပ်ခဲ့သည်။

ကချင်ပြည်နယ် တပ်မတော်နှင့် ကေအိုင်အေတို့ ငြိမ်းချမ်းရေးပျက်ပြယ်ပြီးနောက်ပိုင်း လစဉ်မိုင်းပေါက်ကွဲမှုများ ဖြစ်ပေါ်ကာ ဒဏ်ရာရခြင်း၊ သေဆုံးခြင်းများ ရှိနေခဲ့ခြင်း ဖြစ်သည်။

ကချင်ပြည်နယ် ရဲတပ်ဖွဲ့မှ အရာရှိတစ်ဦးက “လွန်ခဲ့တဲ့ ဇွန်လ၊ ဇူလိုင်လထဲမှာတော့ ဒဏ်ရာရတာ တစ်လကို တစ်ဦးစီပဲရှိတယ်။ ရထားမိုင်းခွဲခံရဖြစ်စဉ်တို့၊ မိုင်းတွေ့ရှိ မှုဖြစ်စဉ်တို့လည်း ရှိပါတယ်။ နမ္မတီးဘက်က မျှစ်ချိုးသွားတဲ့ အမျိုးသမီးက မြစ်ကြီးနား ပြည်သူ့ဆေးရုံကတောင် မဆင်းသေးဘူးထင်တယ်။ သြဂုတ်လထဲမှာတော့ ရွှေကျင်သွားတဲ့ မိသားစုသုံးဦး အင်းတော်ကြီးဒေသမှာ မိုင်းနင်းတယ်။သူတို့လည်း မြစ်ကြီးနား ပြည်သူ့ဆေးရုံရောက်လာတယ်လို့ သိရတယ်”  ဟု ပြောကြားသည်။

ကချင်ပြည်နယ်တွင် ၂၀၁၈ ခုနှစ် ဇန်န၀ါရီမှ သြဂုတ် ၃ ရက်အထိ ခုနစ်လအတွင်း မိုင်းနင်းပေါက်ကွဲမှု ၇၁ ကြိမ်၊ ဒဏ်ရာရ ၇၄  ဦး၊ သေဆုံး ရှစ်ဦးအထိရှိခဲ့ကြောင်း ရဲစခန်းမှတ်တမ်းများအရ သိရသည်။ ယခုနှစ်တွင် မိုင်းပေါက်ကွဲမှုအများဆုံးမှာ တနိုင်းဒေသ၊ ဖားကန့်ဒေသတွင် အမြင့်ဆုံးဖြစ်နေပြီး ရက်ဆက်ပေါက်ကွဲမှုများပါ ဖြစ်ပေါ်ခဲ့ကြောင်း သိရသည်။

မှတ်တမ်းများအရ မိုင်းပေါက်ကွဲမှုများ မှာ ပယင်းရှာခြင်း၊ ရွှေကျင်သွားခြင်း၊ အမဲလိုက်ခြင်း၊ ကျွဲ၊ နွားရှာခြင်း၊ ငါးရှာခြင်း၊ တောင်ယာနှင့် လယ်ချုံများရှင်းလင်းခြင်း၊ မျှစ်ချိုးသွားခြင်း၊ ဟင်းသီးဟင်းရွက်ခူးသွားခြင်းစ သည့် အကြောင်းများကြောင့် ဖြစ်နေကြောင်း  သိရသည်။

ရခိုင်ပြည်နယ် ပုဏ္ဏားကျွန်းမြို့နယ် ယိုးတရုပ်ကျေးရွာ မိုင်းပေါက်ကွဲမှုနှင့် ပတ်သက်၍ ဦးယဉ်မောင်ပါ သုံးဦးအား ထောင်ဒဏ်နှစ်နှစ်နှင့် ငွေဒဏ် ကျပ် ၅၀၀၀ ချမှတ်

ရခိုင်ပြည်နယ် ပုဏ္ဏားကျွန်းမြို့နယ် ယိုးတရုပ်ကျေးရွာ မိုင်းပေါက်ကွဲမှုနှင့် ပတ်သက်၍ ပုဒ်မ ၁၇ (၁) ဖြင့် ဖမ်းဆီးတရားစွဲဆို ခံထားရသည့် ယိုးတရုတ်ရွာသား ဦးယဉ်မောင်ပါ သုံးဦးအား ပုဏ္ဏားကျွန်းမြို့နယ် တရားရုံးက မေ ၁၇ ရက်တွင် ထောင်ဒဏ်နှစ်နှစ်နှင့် ငွေဒဏ် ကျပ် ၅၀၀၀ ချမှတ်ခဲ့ကြောင်း သိရသည်။

ယိုးတရုပ်ကျေးရွာအနီး ကားလမ်းနံဘေးတွင် ၂၀၁၇ ဇန်န၀ါရီ ၁ ရက်က မိုင်းပေါက်ကွဲမှုဖြစ်စဉ်ဖြင့် ယိုးတရုပ်ကျေးရွာနေ ဦးယဉ်မောင်၊ ဦးနိုင်နိုင်နှင့် ဦးအောင်အောင်တို့အား ၂၀၁၇ ဇန်န၀ါရီ ၂ ရက်က ဖမ်းဆီးခဲ့ခြင်းဖြစ်ကာ ပုဒ်မ ၁၇ (၁) (၂) အပြင် ပုဒ်မ ၆ ဖြင့် တရားစွဲဆိုခဲ့ရာ ပြည်နယ်တရားလွှတ်တော်သို့ လျှောက်ထားချက်အရ ပုဒ်မ ၁၇ (၂) မှ လွတ်မြောက်ခဲ့ကြပြီး ဦးယဉ်မောင်တစ်ဦးသာ ပုဒ်မ ၆ မှ လွတ်မြောက်ခဲ့ကြောင်း သိရသည်။

“ဒီနေ့မှာ ပုဏ္ဏားကျွန်းမြို့နယ်တရားရုံးက ဦးယဉ်မောင်ပါ သုံးဦးကို ထောင်ဒဏ်နှစ်နှစ်နဲ့ ဒဏ်ငွေ ၅၀၀၀ ကျပ် သတ်မှတ်လိုက်ပါတယ်။ ဒါပေမဲ့ အမှုကမပြီးသေးဘူး။ စစ်တွေခရိုင်မှာ တရားစွဲဆိုထားတဲ့ ပုဒ်မ ၆ အမှုကို ဦးနိုင်နိုင်နဲ့ ဦးအောင်အောင်တို့ ရင်ဆိုင်ရဦးမှာ ဖြစ်ပါတယ်” ဟု အမိန့်ချမှတ်ခံရသူတို့၏ မိတ်ဆွေ ဦးကျော်လှမြင့်က ပြောကြားသည်။

အဆိုပါ မိုင်းပေါက်ကွဲမှုဖြစ်စဉ်မှာ ယိုးတရုပ်ကျေးရွာနှင့် သဲတက်ကျေးရွာအကြား ရန်ကုန်-စစ်တွေကားလမ်း မိုင်တိုင်အမှတ် ၁၆၀ အနီး၌ ဇန်န၀ါရီ ၁ ရက် ညနေ ၄ နာရီတွင် ပေါက်ကွဲမှုဖြစ်ပွားကြောင်း၊ ယင်းပေါက်ကွဲမှုမှာ ကားလမ်း၏ အရှေ့ဘက် ၁၂ ပေခန့်အကွာတွင် ပေါက်ကွဲပြီး စနက်တံအိမ်ခေါင်းတစ်ခု၊ ဓာတ်ခဲနှစ်လုံးဆံ့ ဓာတ်ခဲအိမ်နှစ်ခု၊ ၀ိုင်ယာကြိုးများဖြင့် သွယ်တန်းထားသည့် ပလတ်စတစ်အိတ်တစ်ထုပ်၊ ယမ်းထည့်ထားသည်ဟု ယူဆရသည့် ပေါက်ကွဲပြီး ပလတ်စတစ်အစအနများကို တွေ့ရှိခဲ့ရသည်ဟု နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီက သတင်းထုတ်ပြန်ခဲ့သည်။

ယင်းနှင့်ပတ်သက်ပြီး မသင်္ကာဖွယ်ဖြစ်သူများအား ခေါ်ယူစစ်ဆေးရာ ယိုးတရုပ်ကျေးရွာနေ အောင်အောင် (ဘ) ဦးစောလှ၊ နိုင်နိုင် (ဘ) ဦးစောလှ၊ ဦးယဉ်မောင်(ဘ) ဦးကျော်သန်းမောင်တို့မှာ ဖောက်ခွဲရေးလုပ်ဆောင်ရာတွင် ပါဝင်ကူညီခဲ့ကြောင်း ၀န်ခံခဲ့သည်ဟုသိရပြီး ဖောက်ခွဲသူအား ထိုစဉ်က ဖမ်းဆီးရရှိခြင်းမရှိသေးကြောင်း သိရသည်။

“ထောင်ချတာနဲ့ ပတ်သက်လို့တော့ ဘာမှပြောစရာမရှိဘူး။ အကြိမ်ကြိမ်ရုံးထုတ်နေမယ့်အစား အခုလိုမျိုး ဆုံးဖြတ်ချက်ချပေးတာက ကောင်းသေးတယ်။ မိသားစုတိုင်းကတော့ လွတ်မြောက်စေချင်တာပေါ့။ ဒါပေမဲ့ သူတို့မှာ ရွေးချယ်စရာမှမရှိတာ။ ပြီးတော့ ဦးနိုင်နိုင်နဲ့ ဦးအောင်အောင်တို့နှစ်ယောက်ကတော့ ပုဒ်မ ၆ နဲ့ စစ်တွေခရိုင်မှာ စွဲထားတဲ့အမှုကလည်းရှိသေးတယ်။ အဲဒီအမှုကိုတော့ လာမယ့် ၂၂ ရက်နေ့မှာ ရုံးချိန်းရှိတယ်။ ဘယ်လိုဖြစ်လာမယ်ဆိုတာတော့ မသိဘူး” ဟု ထောင်ချခံရသူများ၏ မိသားစုဝင်တစ်ဦးဖြစ်သူ ဒေါ်ခင်သန်းနုက ပြောကြားသည်။

ကချင်ပြည်နယ်တွင် နှစ်လအတွင်း မိုင်းနင်းဒဏ်ရာရသူ ၃၃ ဦးရှိပြီး လေးဦးသေဆုံး

ကချင်ပြည်နယ်တွင် ၂၀၁၈ ခုနှစ် ဇန်န၀ါရီနှင့် ဖေဖော်ဝါရီ နှစ်လအတွင်း မိုင်းနင်း ဒဏ်ရာရသူ ၃၃ ဦးရှိပြီး လေးဦးသေဆုံးခဲ့ကြောင်း ပြည်နယ်ရဲတပ်ဖွဲ့မှတ်တမ်းများအရ သိရသည်။

ယင်းမှတ်တမ်းအရ နှစ်လအတွင်း လမ်း၊ အဆောက်အအုံနှင့် ယာဉ်များ မိုင်းထောင်ဖောက်ခွဲခြင်း၊ မီးရှို့ဖျက်ဆီးခြင်းဖြစ်စဉ် ငါးကြိမ်၊ လက်ပစ်ဗုံးနှင့် မိုင်းတွေ့ရှိမှုဖြစ်စဉ်  လေးကြိမ်၊ ပြည်သူမိုင်းနင်းမှုဖြစ်စဉ် ၃၂ ကြိမ် တွင် ၃၃ ဦး ဒဏ်ရာရရှိပြီး လေးဦးသေဆုံးခဲ့ ခြင်းဖြစ်ကြောင်း သိရသည်။

ဖြစ်စဉ်အများစုမှာ တနိုင်းမြို့နယ်၊ ဖားကန့်မြို့နယ်၊ မိုးကောင်းမြို့နယ်၊ ၀ိုင်းမော်မြို့နယ်၊ မိုးညှင်းမြို့နယ်၊ မန်စီမြို့နယ်တို့တွင် အများဆုံးဖြစ်ပွားခဲ့ခြင်းဖြစ်ကြောင်း သိရသည်။

ကချင်ပြည်နယ်ရဲတပ်ဖွဲ့ အဆင့်မြင့် အရာရှိတစ်ဦးက “မှတ်တမ်းအရတော့ တိုက်ပွဲတွေဖြစ်တဲ့ တနိုင်း၊ အစပ်ဖြစ်တဲ့ဖားကန့် မြို့နယ်ထဲ နောက်ပြီး မိုးကောင်းဘက်ပေါ့။ အများဆုံးဖြစ်နေတာ။ ကျန်တာက တစ်ခုစ နှစ်ခုစပါပဲ။ ဆက်တိုက်ကတော့ တနိုင်းအများဆုံးပဲ” ဟု ပြောကြားသည်။

၂၀၁၇ ခုနှစ်အတွင်း ကချင်ပြည်နယ်တွင် မိုင်းပေါက်ကွဲမှုကြောင့် ၂၁ ဦးသေဆုံးပြီး ၈၉ ဦး ဒဏ်ရာရရှိခဲ့ကြောင်း ကချင်ပြည်နယ် ရဲတပ်ဖွဲ့ရုံးမှတ်တမ်းများ၊ သတင်းဌာန မှတ်တမ်းများအရ သိရသည်။

ကချင်ပြည်နယ်တွင် ၂၀၁၅ ခုနှစ်တွင် လစဉ် မြေမြှုပ်မိုင်းကြောင့် သေဆုံးသူ ၁၁ ဦး၊ ဒဏ်ရာရသူ ၆၂ ဦးရှိခဲ့သည်။ ၂၀၁၆ ခုနှစ်အတွင်း လစဉ် မြေမြှုပ်မိုင်းနင်းမိပေါက်ကွဲမှု ဖြစ်ပွားပြီး ၁၂ ဦးသေဆုံးကာ ၅၂ ဦးဒဏ်ရာ ရရှိခဲ့ကြောင်း ရဲစခန်းမှတ်တမ်းများအရ သိရသည်။

စစ်တွေမြို့တွင် မိုင်းပေါက်ကွဲမှုနှင့်ပတ်သက်၍ ဖမ်းဆီးစစ်ဆေးခံနေရသူ ကိုးဦးအထိရှိလာ

စစ်တွေမြို့တွင်မိုင်းပေါက်ကွဲမှုနှင့်ပတ်သက်၍ ဖမ်းဆီးစစ်ဆေးခံနေရသူ ကိုးဦးအထိရှိလာကြောင်း သိရသည်။

ဖေဖော်ဝါရီ ၂၄ ရက်က စစ်တွေမြို့ လမ်းမကြီး မြေစာရင်းရုံးရှေ့၊ ပြည်နယ်တရား ရုံးရှေ့နားနှင့် ကမ်းနားလမ်းရှိ ဦးတင်မောင်ဆွေ (ရခိုင်ပြည်နယ်အစိုးရအဖွဲ့အတွင်းရေး မှူး) အိမ်နောက်ဘက်ခြမ်း စသည့် သုံးနေရာတွင် ပေါက်ကွဲမှုဖြစ်ပွားပြီးနောက် မပေါက်ကွဲသေးသည့် လက်လုပ်မိုင်းသုံးလုံးကိုလည်း တွေ့ရှိခဲ့သည်။

ယင်းဖြစ်စဉ်နှင့်ပတ်သက်၍ သံသယရှိသည်ဟုဆိုကာ ဖေဖော်ဝါရီ ၂၅ ရက်က စတင်ပြီး ဖမ်းဆီးမှုများ ရှိလာရာ မတ် ၂ ရက်အထိ ဖမ်းဆီးစစ်ဆေးခံနေရသူ ကိုးဦးအထိ ရှိလာပြီဖြစ်ကြောင်း သိရသည်။

ယင်းသို့ ဖမ်းဆီးစစ်ဆေးခံနေရသူများမှာ (၁) ကိုနိုင်စိုး – ဓည၀တီရပ်ကွက်၊ (၂) ကိုသန်းရွှေ-လမ်းသစ်ရပ်ကွက်၊ (၃) ကိုရွှေထွန်းအောင် – လမ်းသစ်ရပ်ကွက်၊ (၄) ကိုကျော်မြင့်ရွှေ – လမ်းသစ်ရပ်ကွက်၊ (၅) မောင်မြင့်ရွှေ – လမ်းသစ်ရပ်ကွက်၊ (၆) မောင်အေးဝင်း -ကန်တော်ကြီးရပ်ကွက်၊ (၇) မောင်ဦးမြင့် -ကန်တော်ကြီးရပ်ကွက်၊ (၈) မောင်သက်စိုးပိုင် -မင်းဂံရပ်ကွက်၊ (၉) မောင်မြင့်ကြည် -ဆတ်ရိုးကျ ကယ်ဆယ်ရေးစခန်းတို့ဖြစ်ကြောင်း သိရသည်။

ကိုနိုင်စိုးသည် ရခိုင်အမျိုးသားကောင်စီ (ANC) မှ ဗဟိုအလုပ်အမှုဆောင်အဖွဲ့ဝင်နှင့် လူမှုရေးဌာနတာဝန်ခံတစ်ဦးဖြစ်ပြီး ကိုနိုင်စိုးအား အမြန်ဆုံးပြန်လွှတ်ပေးရေးအတွက် ရခိုင်အမျိုးသားကောင်စီက ဖေဖော်ဝါရီ ၂၇ ရက်က တောင်းဆိုခဲ့ကြောင်းနှင့် ပေါက်ကွဲမှု ဖြစ်စဉ်နှင့် ပတ်သက်၍ ရခိုင်အမျိုးသား ကောင်စီအနေဖြင့်ဖြစ်စေ၊ အဖွဲ့ဝင်များအနေဖြင့်ဖြစ်စေ ပါဝင်ပတ်သက်မှုမရှိကြောင်း ၎င်းတို့၏  ထုတ်ပြန်ချက်တွင် ဖော်ပြထားသည်။

မိုင်းပေါက်ကွဲမှုဖြစ်စဉ်နှင့် ပတ်သက်ပြီး အမှုဖွင့်ထားခြင်း မဟုတ်ကြောင်း၊ မိုင်းပေါက်ကွဲမှုနှင့်ပတ်သက်၍ သက်ဆိုင်ခြင်း ရှိ မရှိကိုသာ စစ်ဆေးမေးမြန်းနေခြင်းဖြစ်ကြောင်းနှင့် ချုပ်ရမန်ရယူထားခြင်းသာ ဖြစ်ကြောင်းလည်း စစ်တွေမြို့မရဲစခန်းမှ စခန်းမှူးက ပြောကြားသည်။ သို့သော်လည်း ကနဦး ဖမ်းဆီးခံရသူ ကိုနိုင်စိုးပါလေးဦးကို ဖေဖော်ဝါရီ ၂၆ ရက်က မြို့နယ်တရားရုံးသို့ ရုံးထုတ်ကာ အကြမ်းဖက်တိုက်ဖျက်ရေး ဥပဒေပုဒ်မ ၅၀(က) (ဈ) တို့ ဖြင့် ဆက်လက်စစ်ဆေးရန် မတ် ၁၂ အထိ ချုပ်ရမန်ယူခဲ့ကြောင်း သိရသည်။

ယင်းနှင့်ပတ်သက်၍ ၀ံလက်ဖောင်ဒေးရှင်းမှ ဒါရိုက်တာတစ်ဦးဖြစ်သူ ဦးခိုင်ကောင်းစံက “ကျွန်တော့်အမြင်က သံသယရှိလို့ခေါ်ယူမေးမြန်းတယ်ဆိုရင် ပြည်သူတစ်ယောက်လိုပဲ သူတို့ကို ဆက်ဆံရမယ်ပေါ့။ နောက်တစ်ခုက အပြစ်မရှိဘဲနဲ့တော့ တရားခံပုံစံမျိုး လုပ် တာကိုတော့ ကျွန်တော်တို့အနေနဲ့လက်မခံပါဘူး။ မိသားစုနဲ့တွေ့ခွင့်ပေးရမယ်။ နောက်ပြီး ကျန်းမာရေးမကောင်းတဲ့ ကိုနိုင်စိုးဆိုရင်လည်း ဆေးကုသခွင့်ပေးရမယ်။ ဆေးဝါးသုံးစွဲခွင့်တွေ ပေးရမယ်။ အဆင်ပြေမယ့်နေရာမျိုး မှာထားပေးရမယ်။ သံသယကြောင့် စစ်ဆေးမေးမြန်းလို့တော့ရမယ်။ စွပ်စွဲလို့တော့ မရဘူးပေါ့။ ဒါက ဥပဒေလမ်းကြောင်းအတိုင်း ပြောနေတာပါ။ မိသားစုတွေနဲ့လည်း တွေ့ခွင့်မပြုဘူးဆိုရင် သူတို့မဟုတ်တာများ လုပ်နေလားဆိုတဲ့ဟာက လွတ်လပ်စွာ ထိတွေ့ခွင့်ပြုတဲ့အပေါ် မူတည်ပါတယ်” ဟု ပြောကြားသည်။

ထို့ပြင် စစ်ဆေးမေးမြန်းစရာ ရှိသည်ဟု ဆိုပြီး ခေါ်ယူစစ်ဆေးခြင်းခံနေသူ များပြားလာခြင်းအပေါ် ဒေသခံများအနေဖြင့် ဝေဖန်မှုများရှိလာပြီး မိသားစုဝင်များအနေဖြင့်လည်း အပြစ်မရှိသူများအား အမြန်ဆုံးပြန် လွှတ်ပေးစေလိုကြောင်း ပြောဆိုနေကြသည်။

 

စစ်တွေမြို့တွင် မိုင်းကွဲမှုနောက်ပိုင်း ရဲတပ်ဖွဲ့က ခေါ်ယူစစ်ဆေးမေးမြန်းခံရသူ လေးဦးအထိရှိလာ

စစ်တွေမြို့တွင် ဖေဖော်ဝါရီ ၂၄ ရက် မိုင်းကွဲမှုနှင့် ပတ်သက်ပြီး ရဲတပ်ဖွဲ့က ခေါ်ယူ စစ်ဆေးမေးမြန်းခံရသူ လေးဦးအထိရှိလာကြောင်း သိရသည်။

ခေါ်ယူစစ်ဆေးမေးမြန်းသူများကို မတ် ၁၂ ရက်အထိ စစ်တွေမြို့နယ်တရားရုံးတွင် ချုပ်ရမန်ယူထားကြောင်း သိရသည်။ ထိုသို့ ခေါ်ယူစစ်ဆေးမှုများကို ဖေဖော်ဝါရီ ၂၅ ရက် ညနေတွင်ပြုလုပ်ခဲ့ခြင်းဖြစ်ကာ နိုင်/ကျဉ်း သားဟောင်း ကိုနိုင်စိုး (ခ) မဲလုံး၊ လမ်းသစ်ရပ် ကွက်အုပ်ချုပ်ရေးမှူးဟောင်း ဦးရွှေထွန်းအောင်၊ ကိုသန်းရွှေနှင့် ဦးမောင်ဦးမြင့်တို့ဖြစ်ကြောင်း၊ ၎င်းတို့အား အကြမ်းဖက်တိုက်ဖျက်ရေး ဥပဒေပုဒ်မ ၅၀ (က) (ဈ) တို့ဖြင့် ချုပ်ရမန်ယူ၍ စစ်ဆေးနေခြင်းဖြစ်ပြီး ၎င်းတို့အား အမှုဖွင့်ထားခြင်းမရှိကြောင်း စစ်တွေမြို့မရဲစခန်းမှ သိရသည်။

‘‘ပေါက်ကွဲမှုတော့ ဖွင့်ထားတာ ရှိတာပေါ့။ ဒါပေမဲ့ အဲဒီအမှုနဲ့ ဆိုင် မဆိုင် စစ်ဆေးနေတာဖြစ်ပါတယ်။ သူတို့ကို အမှုဖွင့်ထားတာတော့ မရှိပါဘူး’’ဟု စစ်တွေမြို့မရဲစခန်းမှ စခန်းမှူးက ပြောကြားသည်။

ဖမ်းဆီးခံထားရသူများမှာ လူ့အခွင့်အရေးအရ ဆုံးရှုံးကြောင်းနှင့် ၎င်းတို့အနေဖြင့် မတရား ဖမ်းဆီးခံထားရခြင်းဖြစ်ကြောင်း ရမန်ယူရန်ရုံးထုတ်လာစဉ် ဖမ်းဆီးခံထားရသူများက ပြောကြားသည်။

‘‘ကျွန်တော်တို့ ဘာမှမလုပ်ဘဲ အခုလို ဖမ်းဆီးခံနေရတာဖြစ်ပါတယ်။ လူ့အခွင့်အရေးအနေနဲ့ သိပ်ပြီးဆုံးရှုံးပါတယ်။ အခုလိုမျိုးသာ ထင်တိုင်းလိုက်ဖမ်းနေမယ်ဆိုရင် ဘယ်တော့မှ တရားမျှတမှုကို ရမှာမဟုတ်ဘူးဆိုတာကို ပြည်သူတွေသိအောင် ပြောချင်ပါတယ်’’ဟု ကိုနိုင်စိုးက ပြောကြားသည်။

ထို့ပြင် ကိုနိုင်စိုး၏ညီဖြစ်သူ ရဲပိုင်စိုးက လည်း မိသားစုဝင်များနှင့်တွေ့ခွင့်မရသည့်အတွက် စိုးရိမ်မိကြောင်း၊ ယခင်ကလည်း ဖခင်ဖြစ်သူအား စစ်ဆေးမေးမြန်းရန် ခေါ်သွားခဲ့ပြီးနောက် သေဆုံးခဲ့ကြောင်း၊ ယင်းအတွက် ယခင်အတိုင်းဖြစ်လာမည်ကို စိုးရိမ်မိကြောင်း ပြောကြားသည်။

‘‘ဒီနေ့ ညနေပိုင်းမှာ ရုံးထုတ်ပြီး ရမန်ယူတယ်။ ချုပ်ရမန်ပေါ့။ စစ်ဆေးမယ်ဆိုပြီး ခေါ်သွားတာ အခုတော့ အမှုပါဖွင့်ထားတယ်။  မိသားစုတွေနဲ့တွေ့ခွင့်မရတဲ့အတွက် အထူးစိုးရိမ်မိပါတယ်။ အရင်ကလည်း ဖခင်ကို မေးစရာရှိလို့ခေါ်သွားပြီး သေသွားခဲ့တဲ့ဖြစ်ရပ်မျိုး ရှိခဲ့တယ်။ အခုလည်း အဲဒီလိုမျိုးဖြစ်သွားမှာကို စိုးရိမ်တယ်။ ကိုနိုင်စိုးက ကျန်းမာရေးလည်း သိပ်မကောင်းဘူး’’ဟု ပြောကြားသည်။

မူဆယ် ၁၀၅ မိုင် နယ်စပ်ကုန်သွယ်ရေးဇုန်တွင် မိုင်းပေါက်ကွဲမှုဖြစ်ပွားခဲ့ပြီး မပေါက်ကွဲသေးသည့်မိုင်းတစ်လုံး ထပ်မံတွေ့ရှိ

မပေါက်ကွဲသေးသော မိုင်းတစ်လုံးထပ်မံတွေ့ရှိပုံ

ရှမ်းပြည်နယ်(မြောက်ပိုင်း) ၊ မူဆယ်မြို့၊ (၁၀၅)မိုင် နယ်စပ်ကုန်သွယ်ရေးဇုန်အနီးတွင် ဖေဖော်ဝါရီလ ၂၅ ရက်နေ့ ည (၁၁)နာရီအချိန်ခန့်က မိုင်းပေါက်ကွဲမှုဖြစ်ပွားခဲ့ကြောင်း သိရသည်။

မိုင်းပေါက်ကွဲမှုမှာ မူဆယ်မြို့၊မိုင်းယု(၁၀၅)မိုင်ကျေးရွာ၊ နယ်မြေ(၃)လမ်းထောင့်တွင် ဖွင့်လှစ်ထားသော 555 ငါးသုံးလုံး ဂိမ်းရုံနှင့်နယ်မြေ(၃) ဒုတိယလမ်းရှိ ကျန်းချိန်ကိန်းပိုင်တိုက်ခန်းအမှတ် (၃)တွင် ဖွင့်လှစ်ထားသော အသားကင်ဆိုင်ရှေ့တို့တွင် ဒေသန္တရလက်လုပ်မိုင်း(၂)လုံး ပေါက်ကွဲခဲ့ခြင်းဖြစ်ကြောင်း သိရသည်။

အဆိုပါ မိုင်းပေါက်ကွဲမှုအား (၁၀၅)မိုင် နယ်မြေအတွင်းရှိ လုံခြုံရေးတာဝန်ရှိသူများက ကြည့်ရှုစစ်ဆေးရာ ဒေသန္တရ လက်လုပ်မိုင်းဖြစ်ကြောင်း သိရှိရပြီး ပေါက်ကွဲမှုကြောင့် ငါးသုံးလုံးဂိမ်းရုံ အမိုးသွပ်များပေါက်ပြဲခြင်း၊ အသားကင်ဆိုင်တွင် အသားကင်ရာတွင်အသုံးပြုသော ပစ္စည်းများ၊သွပ်မိုးများ အနည်းငယ်ထိခိုက် ပျက်စီးခဲ့ကြောင်းသိရသည်။

“မိုင်းပေါက်ကွဲတာကတော့ မနေ့ည (၁၁)နာရီလောက်ဆိုတော့ (၁၀၅)မိုင် ကုန်သွယ်ရေးဇုန်ထဲမှာ လူအသွားအလာ သိပ်မရှိတဲ့အချိန်ပါ။ အသံကတော့ တော်တော်ကျယ်ပါတယ်။ လူထိခိုက် ဒဏ်ရာရရှိမှုတော့ မရှိဘူးလို့ သိရပါတယ်။ မနေ့ည (၁၀၅)မိုင်မှာ မိုင်းပေါက်ကွဲလို့ ကုန်စည်ကူးသန်းတာတွေ ပုံမှန်အောက် လျော့သွားတာတော့ မတွေ့ရပါဘူး။ ကုန်သွယ်ရေးဇုန်ထဲမှာ အရင်အတိုင်း ပုံမှန် ကူးသန်းရောင်းဝယ် နေကြတာကို တွေ့ရပါတယ်။” ဟု မူဆယ်(၁၀၅)မိုင် ကုန်သွယ်ရေးဇုန်တွင် နေထိုင်သူ ဒေသခံတစ်ဦး ကပြောသည်။

ဖေဖော်ဝါရီလ ၂၆ ရက်နေ့ မွန်းလွဲ(၁)နာရီဝန်းကျင်အချိန်ခန့်က မူဆယ်မြို့နှင့်(၁၀၅)မိုင်ကြား နမ့်ခွမ်ရွာအနီးတွင် မပေါက်ကွဲသေးသော ဗုံးတစ်လုံးတွေ့ရှိသဖြင့် သက်ဆိုင်ရာတာဝန်ရှိသူများက အသက်မဲ့ မပါက်ကွဲရန် ကျွမ်းကျင်သူများနှင့် ဆောင်ရွက်ခဲ့ရကြောင်း သိရသည်။

ရှမ်းပြည်နယ်(မြောက်ပိုင်း)အတွင်းတွင် ယခုရက်သတ္တပတ် ဖေဖော်ဝါရီလ ၂၁ ရက်နေ့ ညနေပိုင်းက လားရှိုးမြို့၊လမ်းမတော်လမ်းရှိ ရိုးမဘဏ်တွင်ပေါက်ကွဲမှုဖြစ်ပွားခဲ့ပြီး ဘဏ်ဝန်ထမ်းအမျိုးသမီး (၂)ဦးသေဆုံးကာ၊ လူ(၂၀)ကျော်ထိခိုက်ဒဏ်ရာရရှိခဲ့ခြင်း၊ဖေဖော်ဝါရီလ (၂၂)ညပိုင်းက လားရှိုးမြို့၊မြို့ရှောင်လမ်းရှိ ယာမြေတစ်ခု အတွင်း ရပ်တန့်ထားသော မြေထိုးဘူဒိုဇာတစ်စီးနှင့် ယာစောင့်တဲ့တစ်လုံးအား အမည်မသိလက်နက်ကိုင်ဆောင်လာသူသုံးဦးက မီးရှို့သွားခြင်း၊ ဖေဖော်ဝါရီလ (၂၄)ရက်နေ့ နံနက်ပိုင်းက လားရှိုး-မန္တလေး ပြည်ထောင်စု ကားလမ်းမကြီးပေါ်၊ ကျောက်မဲမြို့နယ်၊ ပင်ပေါကျေးရွာအုပ်စု၊ ကျောင်းကုန်းကျေးရွာ၊ နောင်ပြစ်ကျေးရွာ လမ်းခွဲအနီးတွင် ကျွဲ၊နွားများ တင်ဆောင်လာသော (၁၂)ဘီးယာဉ် (၅)စီးအား လက်နက်ကိုင်အဖွဲ့(စိစစ်ဆဲ)မှ လက်နက်ငယ်များဖြင့် ပစ်ခတ်မှုများဖြစ်ပွားခဲ့ပြီး အဆိုပါပစ်ခတ်မှုကြောင့် ယာဉ်မောင်း၊ ယာဉ်နောက်လိုက်နှင့် နွားထိန်း(၂)ဦးတို့ ထိခိုက်ဒဏ်ရာရရှိခဲ့သည့် ဖြစ်စဉ်များ ဖြစ်ပွားခဲ့ကြောင်း သိရသည်။

မြန်မာနိုင်ငံတွင် မိုင်းအန္တရာယ်ရှိသော မြို့နယ်များ ပိုများလာကြောင်း မြေမြှုပ်မိုင်းနှင့် ထပ်ဆင့်ပေါက်ကွဲစေသော လက်နက်ပစ္စည်းများ စောင့်ကြည့်လေ့လာရေးအဖွဲ့ ထုတ်ပြန်

မြန်မာနိုင်ငံတွင် မိုင်းအန္တရာယ်ရှိသော မြို့နယ်များ ၂၀၁၆ ခုနှစ်ထက် ၂၀၁၇ ခုနှစ်တွင် ပိုများလာကြောင်း မြေမြှုပ်မိုင်းနှင့် ထပ်ဆင့် ပေါက်ကွဲစေသော လက်နက်ပစ္စည်းများ စောင့်ကြည့်လေ့လာရေးအဖွဲ့ (Landmine & Cluster Monitor) က ဇန်န၀ါရီ ၁၀ ရက် တွင် အစီရင်ခံစာ ထုတ်ပြန်သည်။

၂၀၁၆ ခုနှစ်က မိုင်းနှင့် ပတ်သက်၍ သံသယရှိဖွယ် အန္တရာယ်များသော ဒေသများ (Suspected Hazardous Areas) အဖြစ် သတ်မှတ်ထားသည်မှာ မြို့နယ် ၆၀ ဖြစ်ပြီး ၂၀၁၇ ခုနှစ်တွင်မူ မိုင်းအန္တရာယ်ရှိသော ဒေသများမှာ ၇၁ မြို့နယ်အထိ ဖြစ်လာကြောင်း အစီရင်ခံစာအရ သိရသည်။

တိုင်းဒေသကြီးနှင့် ပြည်နယ်အသီးသီးရှိ မိုင်းအန္တရာယ်ရှိသော မြို့နယ်များမှာ စစ်ကိုင်းတိုင်းဒေသကြီးတွင် အင်းတော်၊ တနင်္သာရီတိုင်းဒေသကြီးတွင် ဘုတ်ပြင်း၊ ထားဝယ်၊ မြိတ်၊ တနင်္သာရီ၊ သရက်ချောင်းနှင့် ရေဖြူ၊ ပဲခူးတိုင်းဒေသကြီးတွင် ကျောက်ကြီး၊ ရွှေ ကျင်၊ သနပ်ပင်နှင့် တောင်ငူ၊ ကယားပြည်နယ်တွင် ခုနစ်မြို့နယ်စလုံး၊ ကရင်ပြည်နယ်တွင် ခုနစ်မြို့နယ်စလုံး၊ ကချင်ပြည်နယ်တွင် ဗန်းမော်၊ ချီဖွေ၊ ဖားကန့်၊ မံစီ၊ မိုးကောင်း၊ မိုးညှင်း၊ မိုးမောက်၊ မြစ်ကြီးနား၊ ရွှေကူ၊ ဆင်ဘို (ဆင်ဘိုမြို့သည် မြစ်ကြီးနားမြို့နယ်ထဲတွင် ပါဝင်သည်)၊ ဆွမ်ပရာဘွမ်၊ တနိုင်း၊ ဆော့လော်နှင့် ၀ိုင်းမော်၊ မွန်ပြည်နယ်တွင် ဘီးလင်း၊ ကျိုက်ထို၊ မော်လမြိုင်၊ သံဖြူဇရပ်၊ သထုံနှင့် ရေး၊ ရခိုင်ပြည်နယ်တွင် မောင်တော၊ ရှမ်းပြည်နယ်တွင် ဟိုပုံး၊ သိန္နီ၊ ဆီဆိုင်၊ သီပေါ၊ ကုန်းကြမ်း၊ ကွတ်ခိုင်၊ ကျောက်မဲ၊ လင်းခေး၊ လားရှိုး၊ လွိုင်လင်၊ လောက်ကိုင်၊ မိုင်းတုံ၊ မောက်မယ်၊ မိုင်းရှူး၊ မိုင်းပန်၊ မိုင်းတုံ၊ မိုင်းဖြတ်၊ နမ့်ဆန်၊ တာချီလိတ်၊ နမ္မတူ၊ နမ့်ခမ်း၊ မူဆယ်၊ ရပ်စောက်နှင့် ရွာငံ၊ ချင်းပြည်နယ်တွင် ပလက်ဝမြို့နယ် ဖြစ်ကြောင်း အစီရင်ခံစာတွင် ဖော်ပြထားသည်။

ထပ်တိုးလာသည့် မိုင်းအန္တရာယ်ရှိသော မြို့နယ်များမှာ တနင်္သာရီတိုင်းဒေသကြီးမှ မြိတ်၊ ကချင်ပြည်နယ်မှ ဗန်းမော်၊ ရွှေကူ၊ ဆွမ်ပရာဘွမ်၊ တနိုင်းနှင့် ရှမ်းပြည်နယ်မှ မူဆယ်၊ သီပေါ၊ ကွတ်ခိုင်၊ လားရှိုး၊ လောက်ကိုင်နှင့် မိုင်းတုံမြို့နယ်တို့ဖြစ်ကြရာ ၁၁ မြို့နယ် တိုးလာကြောင်း အစီရင်ခံစာအရ သိရသည်။

လွန်ခဲ့သောနှစ်များအတွင်း ရှမ်းပြည်နယ်မြောက်ဘက်နှင့် ကချင်ပြည်နယ်တို့တွင် မိုင်းဖြန့်ကြက် တည်ရှိမှုသည် အလွန်တိုးတက် များလာခဲ့ကြောင်း၊ ကရင်ပြည်နယ်နှင့် ပဲခူးတိုင်းဒေသကြီးတို့သည် မိုင်းပျံ့နှံ့မှုအများဆုံး နေရာများဖြစ်ပြီး မိုင်းထိသူ အမြင့်ဆုံးအဖြစ် မှတ်တမ်း တင်ထားသော နေရာများလည်း ဖြစ်ကြောင်း၊ စစ်ကိုင်းတိုင်းဒေသကြီး၊ ချင်းပြည်နယ်နှင့် အိန္ဒိယနိုင်ငံ နယ်စပ်အနီးရှိ မြို့နယ်များကို သံသယရှိဖွယ် အန္တရာယ်များသော ဒေသများအဖြစ် ယူဆထားကြောင်း အစီရင်ခံစာတွင် ပါရှိသည်။

မြေမြှုပ်မိုင်းနှင့် ထပ်ဆင့်ပေါက်ကွဲစေသော လက်နက်ပစ္စည်းများ စောင့်ကြည့်လေ့လာရေးအဖွဲ့သည် ၁၉၉၉ ခုနှစ် ပထမအကြိမ် အစီရင်ခံစာ စတင်ထုတ်ဝေသည့် အချိန်မှစ၍ မြန်မာနိုင်ငံ ဒေသအနှံ့အပြားတွင် အစိုးရတပ်ဖွဲ့နှင့် အစိုးရ မဟုတ်သော တပ်ဖွဲ့များ၏ မိုင်းအသုံးပြုမှုကို မှတ်တမ်းတင်ခဲ့ကြောင်း၊ ၂၀၁၆ ခုနှစ်နှင့် ၂၀၁၇ ခုနှစ် ပထမ သုံးလပတ် သက်တမ်းအထိ လေ့လာထားသော ယင်းအစီရင်ခံစာ ကာလအတွင်း မိုင်းအသုံးပြုမှုသည် ဆက်လက်ရှိနေဆဲဖြစ်ကြောင်း အစီရင်ခံစာအရ သိရသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနက ၂၀၁၅ ခုနှစ်နှင့် ၂၀၁၆ ခုနှစ်တို့တွင် မြန်မာနိုင်ငံတွင် မြေမြှုပ်မိုင်းကြောင့် ၂၉၈ ဦး သေဆုံး သို့မဟုတ် ထိခိုက်ဒဏ်ရာရသည်ဟု အဆိုပါဝန်ကြီးဌာနက အစီရင်ခံစာ ထုတ်ပြန်ကြောင်း၊ ဆိုလိုသည်မှာ သုံးရက်လျှင် မြေမြုပ်မိုင်းထိခိုက်မှု တစ်ခုရှိကြောင်း၊ မြေမြှုပ်မိုင်းထိသူများအနက် တစ်ဦးသည် ကလေးဖြစ်ပြီး မိုင်းထိသူ လေးဦးတွင် တစ်ဦးသေဆုံးသည်ဟု ၀န်ကြီးဌာနကို ကိုးကား၍ မြေမြှုပ်မိုင်းနှင့် ထပ်ဆင့်ပေါက်ကွဲစေသော လက်နက်ပစ္စည်းများ စောင့်ကြည့်လေ့လာရေးအဖွဲ့၏ အစီရင်ခံစာက ဖော်ပြခဲ့သည်။

ကချင်ပြည်နယ်တွင် ၂၀၁၇ ခုနှစ်အတွင်း မြေမြှုပ်မိုင်းပေါက်ကွဲမှုကြောင့် သေဆုံးသူ ၂၁ ဦးရှိပြီး ဒဏ်ရာရသူ ၈၉ ဦးရှိကြောင်း ကချင်ပြည်နယ် ရဲတပ်ဖွဲ့ရုံး မှတ်တမ်းများနှင့် သတင်းဌာန မှတ်တမ်းများအရ သိရသည်။

မြန်မာနိုင်ငံသည် မြေမြှုပ်မိုင်းအသုံးပြု မှု တားမြစ်ပိတ်ပင်ခြင်း သဘောတူစာချုပ် (Mine Ban Treaty) ကို လက်မှတ် ရေးထိုးထားခြင်း မရှိသလို ထပ်ဆင့်ပေါက်ကွဲစေသော လက်နက်ပစ္စည်းများ အသုံးပြုမှုတားမြစ် ပိတ်ပင်ခြင်း သဘောတူစာချုပ် (The Convention on Cluster Munitions) ကိုလည်း လက်မှတ်ရေးထိုးထားခြင်း မရှိကြောင်း ယင်းအစီရင်ခံစာတွင် ဖော်ပြထားသည်။

ကချင်ပြည်နယ်တွင် ၂၀၁၇ ခုနှစ်အတွင်း မိုင်းပေါက်ကွဲမှုကြောင့် ၂၁ ဦး သေဆုံးပြီး ၈၉ ဦး ဒဏ်ရာရ

ကချင်ပြည်နယ်တွင် ၂၀၁၇ ခုနှစ်အတွင်း မိုင်းပေါက်ကွဲမှုကြောင့် ၂၁ ဦး သေဆုံးပြီး လူ ၈၉ ဦး ဒဏ်ရာ ရရှိခဲ့ကြောင်း ကချင်ပြည်နယ် ရဲတပ်ဖွဲ့ရုံး မှတ်တမ်းများ၊ သတင်းဌာန မှတ်တမ်းများအရ သိရသည်။ ယင်းမှတ်တမ်းများအရ ပေါက်ကွဲမှု ၇၆ ကြိမ် ဖြစ်ပွားခဲ့ပြီး ဒဏ်ရာရသူ ၈၉ ဦး၊ သေဆုံးသူ ၂၁ ဦး စုစုပေါင်း ထိခိုက်သူ ၁၁၀ အထိ ရှိခဲ့ကြောင်း သိရသည်။

၂၀၁၇ ခုနှစ် လအလိုက် နှိုင်းယှဉ်ရာတွင် သြဂုတ်လအတွင်း မိုင်းကွဲမှုကြောင့် ဒဏ်ရာရရှိသူ ၁၅ ဦးအနက် သေဆုံးသူ ခြောက်ဦး၊ ခြေထောက်ဖြတ်ရသူ နှစ်ဦးရှိပြီး လအလိုက်နှိုင်းယှဉ်ရာတွင် အမြင့်ဆုံးဖြစ်နေကြောင်း သိရသည်။ ၂၀၁၇ ခုနှစ် သြဂုတ် ၆ ရက်က ကချင်ပြည်နယ် မိုးကောင်းမြို့နယ် မိုးကောင်း-ဖားကန့်လမ်းမကြီးပေါ်ရှိ နန့်ဟိုင်းကျေးရွာရှိ နေအိမ်တစ်အိမ်တွင် မိုင်းပေါက်ကွဲမှု ဖြစ်ပွားရာ သုံးဦး သေဆုံးခဲ့ကြောင်း၊ သြဂုတ် ၈ ရက်တွင် ဆင်ဘိုဒေသ တာဟိုးနားကျေးရွာမှ မောင်ဇော်မင်းလေးမှာ တောထဲတွင် ပွဲ့လျက်သွားရှာရာမှ မိုင်းနင်းမိပြီး သေဆုံးနေသည်ကို တွေ့ရကြောင်း၊ သြဂုတ် ၉ ရက်တွင် မြစ်ကြီးနား -တနိုင်း လီဒိုလမ်းမကြီးပေါ်တွင် မိုင်းတစ်လုံး ပေါက်ကွဲကာ နှစ်ဦးသေဆုံးခဲ့ကြောင်း မှတ်တမ်းများအရ သိရသည်။

ကချင်ပြည်နယ်တွင် ၂၀၁၁ ခုနှစ် ဇွန် ၉ ရက် နောက်ပိုင်း တပ်မတော်နှင့် ကေအိုင်အေအဖွဲ့တို့ ပစ်ခတ်မှုများ ပြန်လည် ဖြစ်ပွားလာသည့် ၂၀၁၇ ခုနှစ် ဒီဇင်ဘာ ၃၁ ရက်အထိ ခြောက်နှစ်ကျော် ကာလအတွင်း မိုင်းပေါက်ကွဲမှု အကြိမ်ပေါင်း ၄၅၂ ကြိမ်ဖြစ်ပွားခဲ့ပြီး အရပ်သား ဒဏ်ရာရသူ ၅၀၆ ဦးအနက် သေဆုံးသူ စုစုပေါင်း ၁၂၀ ရှိနေကြောင်း ပြည်နယ်ရဲစခန်း မှတ်တမ်းများ၊ သတင်းဌာန မှတ်တမ်းများအရ သိရသည်။ မိုင်းပေါက်ကွဲမှုများမှာ ကိုယ်တိုင် မိုင်းထောင် ပေါက်ကွဲမှုများ၊ ရထားလမ်း၊ ကားလမ်း၊ အစိုးရ အဆောက်အအုံများနှင့် ဒေသခံများ တောတောင်အနီး လုပ်ငန်းခွင်များတွင် နင်းမိပေါက်ကွဲမှုများကို မှတ်တမ်းတင်ထားခြင်း ဖြစ်ကြောင်း ပြည်နယ်ရဲတပ်ဖွဲ့က ဆိုသည်။

ကချင်ပြည်နယ် ရဲတပ်ဖွဲ့ ဒုတိယပြည်နယ် ရဲတပ်ဖွဲ့မှူး ရဲမှူးကြီး လွင်မောင်သိန်းက “မိုင်းနင်းဖြစ်စဉ်ကတော့ များတယ်။ ကျွန်တော်တို့ စာရင်းမှာတော့ ထိခိုက်တာ လူပေါင်း ၁၀၀ ကျော်ပေါ့။ အများအားဖြင့်တော့ တောသူတောင်သားတွေ များတယ်။ ထင်းခွေ၊ တောင်ယာတို့၊ တောထဲသွားတို့ပေါ့။ တခြားတွေကြောင့်လည်း သေဆုံးကြတာ ရှိပါတယ်။ ပေါက်ကွဲ အက်တွေနဲ့ ဖွင့်တာလည်း ရှိတာပဲ။ ဒါတွေကတော့ ဖြစ်စဉ်တွေ ပြန်ကြည့်မှပဲ ရနိုင်တော့မယ်” ဟု ပြောကြားသည်။

ကချင်ပြည်နယ်တွင် ၂၀၁၅ ခုနှစ်တွင် လစဉ် မြေမြှုပ်မိုင်းကြောင့် သေဆုံးသူ ၁၁ ဦး၊ ဒဏ်ရာရသူ ၆၂ ဦး ရှိခဲ့သည်။ ၂၀၁၆ ခုနှစ်အတွင်း လစဉ်မြေမြှုပ်မိုင်း နင်းမိပေါက်ကွဲမှု ဖြစ်ပွားပြီး ၁၂ ဦး သေဆုံးကာ ၅၂ ဦး ဒဏ်ရာရခဲ့ကြောင်း ရဲစခန်းမှတ်တမ်းများအရ သိရသည်။

ကချင်ပြည်နယ် အစိုးရရုံး မှတ်တမ်းများအရ ၂၀၁၁ ခုနှစ်မှ ၂၀၁၄ ခုနှစ် နောက်ဆုံးအချိန်အထိ တပ်မတော်နှင့် ကေအိုင်အေတို့ တိုက်ပွဲများဖြစ်ပွားမှုကြောင့် အရပ်သား မိုင်းထိဒဏ်ရာရသူ ၂၃၁ ဦး၊ သေဆုံးသူ ၅၈ ဦးအထိ ရှိကြောင်း၊ သေနတ်မှန် ဒဏ်ရာဖြင့် ဒဏ်ရာရ ၄၅ ဦး၊ သေဆုံးသူ ၃၆ ဦးရှိခဲ့ကြောင်း သိရသည်။

မြေမြှုပ်မိုင်း ပေါက်ကွဲဖြစ်စဉ်များတွင် ဒေသခံ ကျေးရွာပြည်သူများသည် လယ်ယာလုပ်ငန်းခွင်သို့ သွားရောက်စဉ်၊ သားငါးရှာ သွားရာလမ်းတစ်လျှောက်နှင့် ကျေးလက်ပြည်သူများ၏ ၀မ်းစာနှင့် သားငါးရှာ သွားရောက်စဉ် ပေါက်ကွဲမှုများ ဖြစ်ကြောင်း မှတ်တမ်းများအရ သိရသည်။ မိုင်းပေါက်ကွဲမှုကြောင့် တချို့သော ဒေသခံများမှာ ခြေလက်အင်္ဂါများ ချို့ယွင်းသွားခြင်း၊ မိသားစုများတွင် အဓိက အရေးပါသည့် မိသားစုဝင်များ ထိခိုက်မှုများကြောင့် မိသားစုအတွင်း စားဝတ်နေရေး ကျပ်တည်းလာခြင်း၊ သက်ဆိုင်ရာ အစိုးရအဖွဲ့၊ လူမှုရေးအဖွဲ့အစည်းများမှ သေချာစွာ စောင့်ကြည့် ထောက်ပံ့မှုများ မရှိခြင်းတို့ကြောင့် မိုင်းထိမိသားစုများတွင် စိတ်ပိုင်းဆိုင်ရာနှင့် စီးပွားရေးဆိုင်ရာ ကိစ္စရပ်များတွင် ထောက်ပံ့မှု များစွာလိုအပ်နေကြောင်း သိရသည်။

မိုးကောင်းမြို့နယ် ဆားမှော်ကျေးရွာမှ ဆရာဦးမြင့်ဆွေက “ကျွန်တော်တို့ ဒေသမှာ ဒီနှစ်ပိုင်းက သိပ်မဖြစ်ဘူး။ အရင်နှစ်တွေက ဖြစ်သွားတာ ၂၀ ဦး ထိတယ်။ ရှမ်းဗမာက ခုနစ်ယောက် သေတယ်။ ကချင်တိုင်းရင်းသား လေးဦးသေတယ်။ တချို့လည်း မိုင်းဆင်ရင်း ကွဲတာပေါ့။ လူမှုဘ၀ ထိခိုက်ရုံမကဘူးလေ။ တချို့လည်း ဘ၀ပျက်သွားတာ။ လူနှစ်ယောက် ခြေဖြတ်ရတယ်လေ။ သေတာက လူငယ်ပိုင်းတွေဆိုတော့ မိသားစုတွေ၊ မိဘတွေက ကိုယ့်ဟာကိုယ် ပြန်ရှာစားရတာတွေ ရှိတယ်။ အခု မိုင်းကိစ္စဆိုနေတာက ကျွန်တော်တို့အထက်က လွဲပေါ၊ လွဲလားဘက်မှာ ကွဲနေတာ” ဟု ပြောကြားသည်။

၂၀၁၆ ခုနှစ်အတွင်း တစ်နိုင်ငံလုံးတွင် မြေမြှုပ်မိုင်းကြောင့် သေဆုံးသူ ၄၁ ဦးနှင့် ဒဏ်ရာရသူပေါင်း ၁၆၁ ဦးအထိရှိခဲ့ကြောင်း ERW/ Information သတင်းအချက်အလက် မှတ်တမ်းများအရ သိရသည်။ မြေမြှုပ်မိုင်း အန္တရာယ် အမြင့်ဆုံးပြည်နယ်မှာ ရှမ်းပြည်နယ်ဖြစ်ပြီး ၂၀၁၆ ခုနှစ်အတွင်း ကလေးသူငယ် ခုနစ်ဦး အပါအ၀င် လူပေါင်း ၂၀ သေဆုံးကာ ၈၁ ဦး ဒဏ်ရာရရှိခဲ့သည်။ ဒုတိယအများဆုံးမှာ ကချင်ပြည်နယ်ဖြစ်ပြီး ကလေးသူငယ် တစ်ဦး အပါအ၀င် လူပေါင်း ၁၈ ဦးသေဆုံးပြီး ၅၅ ဦး ဒဏ်ရာများ ရရှိခဲ့သည်။ တတိယအများဆုံးမှာ ကရင်ပြည်နယ်ဖြစ်ပြီး ၁၄ ဦး ဒဏ်ရာ ရရှိခဲ့သည်။

မူဆယ် ၁၀၅ မိုင် ကုန်သွယ်ရေးဇုန် ယာဉ်ငယ် စစ်ဆေးရေးဂိတ်အနီး အဝေးထိန်းမိုင်း တစ်လုံးတွေ့ရှိ

ရှမ်းပြည်နယ်မြောက်ပိုင်း မူဆယ်ခရိုင် မူဆယ်မြို့နယ် ၁၀၅ မိုင် ကုန်သွယ်ရေးဇုန် ယာဉ်ငယ်စစ်ဆေးရေးဂိတ်အနီး အမည်မသိအဖွဲ့မှ ထောင်ထားသော အဝေးထိန်းမိုင်းတစ်လုံး ဒီဇင်ဘာ ၃၁ ရက် နံနက်ပိုင်းက တွေ့ရှိခဲ့ကြောင်း ၁၀၅ မိုင် မေတ္တာရောင်စဉ်ပရဟိတအဖွဲ့ထံမှ သိရသည်။

“မနက် ၉ နာရီ ၄၅ မိနစ်လောက်က ယာဉ်ငယ်စစ်ဆေးရေးဂိတ်က ၀န်ထမ်းတွေ အပေါ့အပါးသွားရင်းနဲ့ တွေ့တာ။ ၂၄ ရက်နေ့က မိုင်းတွေ့ခဲ့တဲ့နေရာနဲ့ သိပ်မကွာဘူး။ တပ်မ (၈၈) က တပ်မတော်သားတွေ လာရောက်ပြီး သက်မဲ့ဖြစ်အောင် ဖယ်ရှားရှင်းလင်းခဲ့ပါတယ်။ အဝေးထိန်းမိုင်းလို့ သိရတယ်။ ယမ်းအား တော်တော်ပြင်းတယ်လို့ သိရတယ်”ဟု မေတ္တာရောင်စဉ်ပရဟိတအဖွဲ့မှ ကိုသိန်းဇော်ဦးက ပြောကြားသည်။

ဒီဇင်ဘာ ၂၄ ရက် နံနက်ပိုင်းတွင်လည်း ၁၀၅ မိုင် ကုန်သွယ်ရေးဇုန် ပြည်ထောင်စုလမ်းမကြီးဘေး ကတ္တားဟောင်းအနီး အဝေးထိန်းမိုင်း တစ်လုံးတွေ့ရှိခဲ့ပြီး တပ်မ (၈၈) လက်အောက်ခံ ခမရ (၄၁၅) မှ တပ်မတော်သားများမှ မိုင်းအား သက်မဲ့ဖြစ်အောင် ပြုလုပ်ပြီး ဖယ်ရှားရှင်းလင်းခဲ့ကြောင်း သိရသည်။

ဒီဇင်ဘာ ၂၃ ညနေ ၄ နာရီ ၁၅ မိနစ်၊၂၅ မိနစ်အချိန်များတွင် မူဆယ် ၁၀၅ မိုင် ကုန်သွယ်ရေးဇုန်သို့ အမည်မသိ လက်နက်ကိုင်တစ်စု လက်နက်ကြီးများဖြင့် လာရောက်ပစ်ခတ်ခဲ့ကာကာ ၁၂ နှစ်အရွယ် ကလေးတစ်ဦး သေဆုံးပြီး ကလေးတစ်ဦးနှင့် အမျိုးသားတစ်ဦး ထိခိုက်ဒဏ်ရာရှိခဲ့ကြောင်း သိရသည်။