ပုပ္ပားသို့သွားမည့် ဘုရားဖူးယာဉ်တစ်စီး တံတားအောက်ထိုးကျမှု ဖြစ်ပွားပြီး ခရီးသည် ၃၀ ဦး ဒဏ်ရာရ

ဓာတ်ပုံ – မိတ္တီလာမြို့နယ် ကြက်ခြေနီ

ပုပ္ပားသို့ ဘုရားဖူးသွားရန် မိတ္တီလာ-ကျောက်ပန်းတောင်း ကားလမ်းမအတိုင်း မောင်းနှင်လာသည့် ဘုရားဖူးယာဉ်တစ်စီး မိုင်တိုင် ၁၇ အနီးတွင် တံတားအောက် ထိုးကျမှု ဖြစ်ပွားပြီး ယာဉ်ပေါ်လိုက်ပါလာသူ အမျိုးသား ၈ ဦး၊ အမျိုးသမီး ၂၂ ဦး ဒဏ်ရာရရှိခဲ့ကြောင်း သိရှိရသည်။

ဧပြီလ ၂၃ ရက်နေ့ မနက်ပိုင်းက မိတ္တီလာမြို့နယ် အလည်ရွာ ရဲကင်းစခန်းမှ ရဲအုပ်လှမြင့်ဦးနှင့်အဖွဲ့သည် မိတ္တီလာ-ကျောက်ပန်းတောင်း ကားလမ်းမတွင် ယာဉ်မတော်တဆ ဖြစ်ပွားကြောင်း သတင်းအရ သက်သေများနှင့်အတူ သွားရောက် စစ်ဆေးခဲ့ရာ ရန်ကုန်တိုင်းဒေသကြီး၊ မြောက်ဥက္ကလာပမြို့နယ်နေ နေ၀င်းဟန် အသက် (၃၅) နှစ် မောင်းနှင်လာသော 3K/—- နံပါတ်ပါ HYUNDAI အမျိုးအစား ဖြူပြာရောင်ခြောက်ဘီး မှန်လုံယာဉ်သည် ပုပ္ပားသို့  ဘုရားဖူးသွားရန်  မိတ္တီလာ-ကျောက်ပန်းတောင်း ကားလမ်းအတိုင်း မောင်းနှင်နေစဉ် မိတ္တီလာ-ကျောက်ပန်းတောင်း ကားလမ်းမ မိုင်တိုင်(၁၇)၊ ညောင်ပင်သာ ကျေးရွာအနီးရှိ ညောင်ပင်သာ တံတားအရောက်တွင် ကားလက်ယာဘက် တိုင်းလော့ပြုတ်ကာ တံတားအောက်သို့ ထိုးကျသွားခဲ့သဖြင့် ဘုရားဖူးကားပေါ် လိုက်ပါလာသူ ခရီးသည် (၄၉) ဦးအနက် ခရီးသည် (၃၀) ဦးမှာ ဒဏ်ရာများရရှိခဲ့သဖြင့် မိတ္တီလာခရိုင် ပြည်သူ့ဆေးရုံကြီးသို့ တင်ပို့ကုသခဲ့ရကြောင်း ကနဦး စစ်ဆေးချက်အရ သိရှိရသည်။

“ဒဏ်ရာရတဲ့လူ အများစုက အသက်အန္တရယ် စိုးရိမ်လောက်အောင်တော့ မရှိပါဘူး၊ ယာဉ်မောင်းကတော့ ပေါင်ထိပ်ပြုတ်သွားတယ်၊ ဒဏ်ရာရတဲ့ အထဲမှာ အသက်အငယ်ဆုံးက (၈)နှစ် ကလေးပါမယ်၊ အသက် အကြီးဆုံးက (၇၅)နှစ် ဖြစ်ပါတယ်၊ အားလုံးကို မိတ္တီလာခရိုင် ပြည်သူ့ဆေးရုံကြီးကို ပို့ပေးထားပါတယ်” ဟု အဆိုပါ ယာဉ်မတော်တဆမှုအား သွားရောက်ကူညီပေးခဲ့သူ တစ်ဦးမှ ပြောပြသည်။

အဆိုပါ ယာဉ်မတော်တဆမှုအား မိတ္တီလာမြို့ အလည်ရွာ ရဲကင်းစခန်းမှ ယာဉ်(ပ)၆/၂၀၁၈ ရာဇသတ်ကြီးပုဒ်မ ၃၃၇/၃၃၈ ဖွင့်လှစ်ကာ စစ်ဆေးဆောင်ရွက်လျက်ရှိကြောင်း သိရှိရသည်။

 

သာစည်မြို့နယ်တွင် လင်မယားချင်း ရန်ဖြစ်ရာမှ ခင်ပွန်းက ဇနီးဖြစ်သူအား သံတုတ်ဖြင့် ရိုက်သတ်ပြီး ဖျန်ဖြေသူကို ထပ်မံရိုက်သတ်၍ နှစ်ဦးစလုံး သေဆုံး

သာစည်မြို့နယ် ယင်းမာပင်ကျေးရွာတွင် အရက်ကြောင်နေသော ခင်ပွန်းက လင်မယားချင်း ရန်ဖြစ်စဉ် မိန်းမဖြစ်သူအား သံတုတ်ဖြင့် ရိုက်သတ်ပြီး လာရောက်ဖျန်ဖြေသော အိမ်နီးချင်းအား ထပ်မံရိုက်သတ်သဖြင့် အမျိုးသားတစ်ဦး၊ အမျိုးသမီးတစ်ဦး နေရာတွင် သေဆုံးခဲ့ကြောင်း မိတ္ထီလာခရိုင် ရဲတပ်ဖွဲ့ရုံးမှ သိရသည်။

မတ် ၉ ရက် နံနက် ၄ နာရီဝန်းကျင်က သာစည်မြို့နယ် ယင်းမာပင်ကျေးရွာ ပေသုံးဆယ်ရပ်ကွက်နေ ကိုထွန်းဝင်း (ခ) ကိုထွန်း (၄၀) နှစ်သည် အရက်ကြောင်ကြောင်ပြီး လင်မယားချင်း စကားများရန်ဖြစ်ကာ ဇနီးဖြစ်သူ ဒေါ်စိန်မြိုင် (၄၁ နှစ်) အား လုံးပတ်ငါးမူးလုံး အရှည်နှစ်ပေ ငါးလက်မသံတုတ်ဖြင့် ရိုက်နှက်ခဲ့ရာ ဒေါ်စိန်မြိုင်မှာ အခင်းဖြစ်နေရာတွင် သေဆုံးသွားခဲ့ပြီး လင်မယားချင်း စကားများရန်ဖြစ်သံ ကြားသဖြင့် ဖျန်ဖြေရန် လာရောက်သော အိမ်နီးချင်း ဦးဖိုးနုတ် (၄၂ နှစ်) အား  နေအိမ်ရှေ့လမ်းပေါ်တွင် တွေ့ရှိစဉ်  အသင့်ပါလာသော သံတုတ်ဖြင့်  ထပ်မံရိုက်နှက်ခဲ့သဖြင့် ဦးဖိုးနုတ်မှာ နေရာတွင် သေဆုံးသွားခဲ့သဖြင့် အရက်ကြောင်ကြောင်ကာ ဇနီးနှင့် အိမ်နီးချင်းအား ရိုက်သတ်ခဲ့သူ ကိုထွန်းဝင်း (ခ) ကိုထွန်းအား အရေးယူပေးပါရန် တိုင်တန်းခဲ့ကြောင်း သိရသည်။

“အရက်နည်းနည်းကြောင်နေတယ်။ စိတ်ကမှန်တဲ့အခါလည်း မှန်တယ်။ မမှန်တဲ့ အခါလည်း မမှန်ဘူးပေါ့ဗျာ။ နှစ်ယောက်စလုံးကို သံတုတ်ကိုင်ပြီး ရိုက်သတ်လိုက်တာ။ ရိုက်ပြီးတော့ သံတုတ်ကိုင်ပြီး မိတ္ထီလာ-တောင်ကြီး ကားလမ်းမပေါ် တက်လာတော့ စခန်းမှူးနဲ့ ရဲတပ်ဖွဲ့ဝင်တွေက ၀ိုင်းဝန်းဖမ်းဆီး ထားပါတယ်” ဟု ယင်းမာပင် နယ်မြေရဲစခန်းမှူး ရဲအုပ်ကျော်မြင့်စိန်က ပြောကြားသည်။

အဆိုပါ အမှုအား ယင်းမာပင်နယ်မြေ ရဲစခန်းက (ပ)၁၁/၂၀၁၈၊ ပုဒ်မ ၃၀၂ ဖြင့် အမှုဖွင့်ထားသည်။

မိတ္ထီလာမြို့ အောင်ဇေယျာရပ်ကွက်တွင် လူငယ်တစ်ဦး ဆွဲကြိုးချသေဆုံး မိတ္ထီလာ ဖေဖော်ဝါရီ ၁၀

မိတ္ထီလာမြို့၊ အောင်ဇေယျာရပ်ကွက်နေ လူငယ်တစ်ဦး စီးပွားရေးအဆင်မပြေသဖြင့် ဆွဲကြိုးချသေဆုံးမှု ဖြစ်ပွားခဲ့ကြောင်း မိတ္ထီလာခရိုင် ရဲတပ်ဖွဲ့ရုံးမှ သိရသည်။

ဖေဖော်ဝါရီ ၉ ရက် ညပိုင်းက မိတ္ထီလာမြို့မရဲစခန်း တာဝန်ရှိသူများသည် မိတ္ထီလာမြို့၊ အောင်ဇေယျာရပ်ကွက်တွင် လူတစ်ဦး ဆွဲကြိုးချသေဆုံးကြောင်းသတင်းအရ သက်သေများနှင့်အတူ သွားရောက်စစ်ဆေးခဲ့ရာ မိတ္ထီလာမြို့၊ အောင်ဇေယျာရပ်ကွက်၊ နယ်မြေ(၇)အောင်မြေသာစည် ဘုန်းတော်ကြီး ကျောင်းနှင့် ရထားသံလမ်းကြားရှိ တမာပင်တွင် မိတ္ထီလာမြို့၊ အောင်ဇေယျာရပ်ကွက်၊ နယ်မြေ (၆) နေဇော်မင်းထွန်းအသက်(၂၅နှစ်) မှာ တမာပင်အမြင့်(၁၆)ပေရှိ တမာကိုင်းတွင် အနက်ရောင်ပုဆိုးဟောင်း တစ်ထည်ကို အသုံးပြုကာ ပြင်ပဒဏ်ရာမရှိဘဲ ဆွဲကြိုးချသေဆုံးနေသည်ကို တွေ့ရကြောင်း သိရသည်။

သေဆုံးသူ၏ မိသားစုဝင်များအား မေးမြန်းခဲ့ရာ ဇော်မင်းထွန်းမှာ စီးပွားရေး အဆင်မပြေမှုကြောင့် ဇနီးဖြစ်သူနှင့်စကားများရန်ဖြစ်ကာ ထွက်သွားခြင်းဖြစ်ကြောင်း ကနဦးစစ်ဆေးချက်အရ သိရသည်။

အဆိုပါအမှုအား မိတ္ထီလာမြို့ မြို့မရဲ စခန်းက သေမှုသေခင်းအမှတ်စဉ် ၄/ ၂၀၁၈ ဖွင့်လှစ်ကာ ဓမ္မတာအတိုင်းသေဆုံးခြင်း ဟုတ် မဟုတ် စစ်ဆေးဆောင်ရွက်လျက်ရှိကြောင်း သိရှိရသည်။

ဝမ်းတွင်းမြို့နယ် မကျီးအုပ်ကျေးရွာနေ အမျိုးသားတစ်ဦးအား နောက်အိမ်ထောင်ပြုသဖြင့် ဇနီးဖြစ်သူက တစ်လင်တစ်မယား ဥပဒေဖြင့် အမှုဖွင့်

မိတ္ထီလာခရိုင် ၀မ်းတွင်းမြို့နယ်၊ ရိုးစုံကျေးရွာအုပ်စု၊ မကျီးအုပ်ကျေးရွာနေ အမျိုးသားတစ်ဦးအား အိမ်ထောင်သက် ၂၅ နှစ်ကျော်မှ နောက်အိမ်ထောင်ပြုသဖြင့် ဇနီးဖြစ်သူမှ တစ်လင်တစ်မယားဥပဒေဖြင့် အရေးယူပေးပါရန် အမှုဖွင့်တိုင်တန်းမှု ဖြစ်ပွားခဲ့ကြောင်း မိတ္ထီလာခရိုင် ရဲတပ်ဖွဲ့ရုံးမှ သိရသည်။

ဝမ်းတွင်းမြို့နယ်၊ ရိုးစုံကျေးရွာအုပ်စု၊ မကျီးအုပ်ကျေးရွာနေ ဒေါ်တင်ရှိန်(၄၇ နှစ်) သည် လွန်ခဲ့သော ၂၅ နှစ်က ညောင်အုပ်ဖီး ကျေးရွာနေ ဦးကျော်ဌေး (၄၃ နှစ်)ဖြင့် အိမ်ထောင်ကျခဲ့ရာ သားသမီးလေးဦး ထွန်းကားခဲ့ကြောင်း သိရသည်။ ထိုသို့ပေါင်းသင်းနေထိုင်စဉ် လွန်ခဲ့သော တစ်နှစ်ခန့်က ဦးကျော်ဌေးမှာ တစ်ရွာတည်းနေ အသက် ၃၀ အရွယ် မိန်းကလေး တစ်ဦးအား ခိုးယူထွက်ပြေး ပေါင်းသင်းနေခဲ့ပြီး ယခုအခါ မကျီးအုပ်ကျေးရွာ၊ ဒေါ်တင်ရှိန်နေအိမ်သို့ ပြန်လည်ရောက်ရှိ လာခဲ့သဖြင့် အိမ်ထောင်ရှိလျက်နှင့် နောက်အိမ်ထောင်ပြုခဲ့သူ ဦးကျော်ဌေးအား အရေးယူပေးပါရန် ဇန်န၀ါရီ ၂၈ ရက်တွင် ၀မ်းတွင်း မြို့မရဲစခန်းသို့ ဒေါ်တင်ရှိန်က တရားလိုပြုလုပ် တိုင်တန်းခဲ့ခြင်းဖြစ်ကြောင်း ကနဦးစစ်ဆေးချက်အရ သိရသည်။

အဆိုပါအမှုအား ၀မ်းတွင်းမြို့မရဲစခန်းက (ပ)၂၄/၂၀၁၈ တစ်လင်တစ်မယားစနစ် ကျင့်သုံးခြင်းဆိုင်ရာ ဥပဒေပုဒ်မ ၁၃ ဖြင့် အမှုဖွင့်စစ်ဆေး ဆောင်ရွက်လျက်ရှိကြောင်း သိရသည်။

ဝမ်းတွင်းမြို့နယ် နဘဲကန်ကျေးရွာအနီးရှိ စမုံမြစ်ရေ တိုက်စားမှုကြောင့် တွေ့ရှိရသည့် အုတ်ရိုးတန်း နေရာသည် ပျူခေတ်ဆိုင်ရာ သာသနိက အဆောက်အအုံ မဟုတ်ဘဲ အင်းဝခေတ်နှင့် ကုန်းဘောင်ခေတ်ဦး ကြားရှိ သာသနိက အဆောက်အအုံတစ်ခု ဖြစ်နိုင်ဟုဆို

ဝမ်းတွင်းမြို့နယ် နဘဲကန်ကျေးရွာအနီးရှိ စမုံမြစ်ရေ တိုက်စားမှုကြောင့် ပေါ်ပေါက်လာသည့် အုတ်ရိုးတန်းအား တွေ့ရစဉ်

မိတ္ထီလာခရိုင် ၀မ်တွင်းမြို့နယ် နဘဲကန် ကျေးရွာအနီးရှိ စမုံမြစ်ရေ တိုက်စားမှုကြောင့် ပေါ်ထွက်လာသည့် အုတ်ရိုးတန်းနေရာသည် မြို့ရိုး၏ အုတ်တန်းအဖြစ် မတွေ့ရှိဘဲ အပေါ်ယံမြေပြင် တွေ့ရှိရမှု၊ တွေ့မြင်ရသော အုတ်ရိုးတန်း၏ ထုထည်ပုံစံမှာ သာသနိက အဆောက်အအုံ ပန္နက်ပုံစံဖြစ်နိုင်ပြီး အုတ်ရိုးတန်းနေရာသည် ပျူခေတ်ဆိုင်ရာ သာသနိက အဆောက်အအုံမဟုတ်ဘဲ အင်းဝခေတ်နှင့် ကုန်းဘောင်ခေတ်ဦးကြားရှိ သာသနိက အဆောက်အအုံ တစ်ခုဖြစ်သည်ဟု ခန့်မှန်သုံးသပ်ရကြောင်း ရှေးဟောင်းသုတေသနနှင့် အမျိုးသားပြတိုက် ဦးစီးဌာန မန္တလေးဌာနခွဲမှ လက်ထောက်ညွှန်ကြားရေးမှူး ဦးလှရွှေက ပြောကြားသည်။

အဆိုပါ ၀မ်းတွင်းမြို့နယ် နဘဲကန်ကျေးရွာအနီးရှိ စမုံမြစ်ရေ တိုက်စားမှုကြောင့် ပေါ်ထွက်သည့် အုတ်ရိုးတန်းနေရာကို ဒေသခံများ ပျူခေတ်မြို့ဟောင်း တွေ့ရှိသည်ဟု ပြောကြားလာမှုကြောင့် ၂၀၁၇ ခုနှစ် ဒီဇင်ဘာ ၈ ရက်တွင် ရှေးဟောင်းသုတေသနနှင့် အမျိုးသားပြတိုက် ဦးစီးဌာန မန္တလေးဌာနခွဲမှ လက်ထောက် ညွှန်ကြားရေးမှူး ဦးလှရွှေ ခေါင်းဆောင်ပြီး မြေပြင်ကွင်းဆင်း စစ်ဆေးကြည့်ရာတွင် ပျူခေတ်ပုံစံအုတ်ချပ်များ မတွေ့ဘဲ အင်းဝေခတ်နှင့် ကုန်ဘောင်ခေတ်ဦးပိုင်း အသုံးပြုခဲ့သည့် အုတ်ချပ်ပုံစံများသာ တွေ့ရသည်ဟု ရှေးဟောင်းသုတေသနနှင့် အမျိုးသားပြတိုက်ဦးစီးဌာန မန္တလေးဌာနခွဲထံမှ သိရသည်။

‌“နဘဲကန်ရွာမှာရှိတဲ့ ဒေသခံတွေပူးပေါင်းပြီး မေးတယ်။ အခုတွေ့တဲ့နေရာတွေက ယခင်တုန်းက ရွာဟောင်းကုန်း ရှိခဲ့တဲ့နေရာလို့ ဒေသခံဦးစံရင်ဆိုသူက ပြောတယ်။ ကျွန်တော်တို့က တွေ့ရှိတဲ့ အနေအထားမှာ မြို့ရိုးရဲ့ အုတ်အတန်းအလိုက်များ ရှိမလားဆိုပြီး ကျွန်တော်တို့ အပေါ်ယံမြေပြင်ကွင်းဆင်းပြီး ထပ်ရှာတယ်။ တကယ်လို့မြစ်ကြောင်းထဲမှာ ပျောက်သွားတဲ့ အုတ်တန်းဖြစ်ခဲ့မယ်ဆိုရင် ကျွန်တော်တို့ တူးဖော်သုတေသနပြုဖို့ အစီအစဉ်လည်း ရှိပါတယ်။ ကျွန်တော်တို့ ရှာကြည်ပါတယ် အုတ်တန်းရိုး တောက်လျှောက် အရှည်လိုက် မတွေ့ရပါဘူး။ အဲဒီတော့ အုတ်ရိုးတန်း ထုထည်ပုံစံမှာ ဘယ်လိုဖြစ်သွားလဲဆိုရင် သာသနိက အဆောက်အအုံ ပန္နက်ပုံစံကို ကွက်ကွက်ကွင်းကွင်း သွားတွေ့ရတယ်” ဟု ရှေးဟောင်းသုတေသနနှင့် အမျိုးသားပြတိုက် ဦးစီးဌာန မန္တလေးဌာနခွဲမှ လက်ထောက်ညွှန်ကြားရေးမှူး ဦးလှရွှေက ပြောကြားသည်။

အဆိုပါ စမုံမြစ်ရေ တိုက်စားမှုကြောင့် ပေါ်ထွက်လာသော အုတ်ရိုးတန်းသည် ကမ်းပါးအပေါ်အမြင့် ၁၁ ပေ ခြောက်လက်မရှိပြီး မြောက်ဘက်အုတ်ရိုးတန်းသည် အုတ်အလွှား ၁၄ လွှား တွေ့ရှိရပြီး အလျား သုံးပေ အနံ လေးပေ၊ အမြင့် သုံးပေ ကိုးလက်မ၊ အ၀အ ကျယ် သုံးပေခန့်တွေ့ရှိရပြီး အုတ်ချပ်ဆိုဒ် မှာ ၁၅ လက်မ x ခုနစ်လက်မ x နှစ်လက်မနှင့် သပ်အုတ် ၁၃ လက်မ x ရှစ်လက်မ x ၂၁/၂ လက်မရှိသော အုတ်ဆိုဒ်များ တိရစ္ဆာန် အရိုးစုများနှင့် အိုးခြမ်းကွဲ အပိုင်းအစများကို တွေ့ရှိရကြောင်း သိရသည်။

‌“ပုံစံအခြေနဲ့ ဆက်စပ်ပြီးတော့မှ မြေပြင်အနီးတစ်ဝိုက်မှာ တွေ့ရှိတဲ့ အုတ်ချပ်ဆိုဒ် အဲဒါတွေက ဘာတွေလဲဆိုတော့ စေတီရဲ့ အပေါ်ပိုင်းမှာ အသုံးပြုတဲ့ ဂုံးပုံသဏ္ဌာန်ဖော် သပ်အုတ်များတွေ့ရှိပြီး သပ်အုတ်များနဲ့ အောက်ခြေပန္နက်ပုံဖော် အုတ်ချပ်ဆိုဒ်များအရ ပြန်သုံးသပ်သလဲဆိုတော့ ပျူခေတ်ပုံစံ အုတ်ချပ်ဆိုဒ်တော့ မဟုတ်ဘူးလို့ ကျွန်တော်တို့က သတ်မှတ်ပါတယ်။ သူ့ရဲ့အုတ်ချပ်ဆိုဒ်တွေက အင်းဝခေတ်ပိုင်း ကာလကနေပြီးတော့ ကုန်ဘောင်ခေတ်ဦးအထိ အသုံးပြုခဲ့တဲ့ အုတ်ချပ်ဆိုဒ်တွေလို့ တွေ့ခဲ့ရတယ်။ ဒီအဆောက်အအုံရဲ့ပန္နက်ပုံစံက အင်းဝခေတ်နဲ့ ကုန်းဘောင်ခေတ်ဦးကြားက သာသနိက အဆောက်အအုံပုံစံ ဖြစ်နိုင်တယ်လို့ ခန့်မှန်းသုံးသပ်ပါတယ်” ဟု ရှေးဟောင်းသုတေသနနှင့် အမျိုးသားပြတိုက် ဦးစီးဌာန မန္တလေးဌာနခွဲမှ လက်ထောက်ညွှန်ကြားရေးမှူး ဦးလှရွှေက ပြောကြားသည်။

 

မိတ္ထီလာ-တောင်ကြီးလမ်း သာစည်မြို့အ၀င်တွင် ရေကျော်နေသဖြင့် ခေတ္တလမ်းပိတ်ထားရပြီး မြို့ရှောင်လမ်းမှ မောင်းနှင်နေရ

အောက်တိုဘာ ၁၅ ရက် မွန်းလွဲပိုင်းက မိတ္ထီလာ-တောင်ကြီး လမ်းပိတ်ထားမှုကို တွေ့ရစဉ် (ဓာတ်ပုံ-၀ဏ္ဏ)

မိုးသည်းထန်စွာ ရွာသွန်းပြီး မိတ္ထီလာကန်ရေ ဖောက်ချမှုနှင့် မင်းလှကန် ရေကျော်နေခြင်းတို့ကြောင့် မိတ္ထီလာ-တောင်ကြီးလမ်း သာစည်မြို့ အ၀င်တွင် လမ်းအရှည် ပေတစ်ထောင်ခန့် ရေကျော်နေသဖြင့် အောက်တိုဘာ ၁၄ ရက် ည ၇ နာရီခန့်မှစ၍ ခေတ္တလမ်းပိတ်ထားပြီး မြို့ရှောင်လမ်းမှတစ်ဆင့် မောင်းနှင်ရန် လမ်းညွှန်ဆိုင်းဘုတ်များ စိုက်ထူထားကာ ကားများ ဖြတ်သန်းသွားလာခွင့် မပြုတော့ကြောင်း သိရသည်။

“မနေ့ည ၆ နာရီ မိနစ် ၄၀ ကစပြီး ဆိုင်းဘုတ် Safety အားလုံးစုံတယ်။ မင်းလှကန် ရေကျော်နေသဖြင့် လမ်းလွှဲမှ မောင်းပေးကြပါရန် ဆိုတဲ့စာသား ရောင်ပြန်ဆိုင်းဘုတ်နဲ့ မြားရယ် အားလုံးစနစ်တကျ ဟိုဘက်ဒီဘက် အားလုံးလုပ်ထားပါတယ်။ ရေထဲကို ဖြတ်လို့ရနေပေမယ့် ရေက လက်ရှိ တစ်ပေခွဲလောက် ကျန်နေသေးတယ်။ ရေရှစ်လက်မလောက်ဆိုရင် ဒီဘက်ကပဲ ပြန်လွှတ်မယ်။ ရေကျရင် လမ်းပြင်မယ်။ လမ်းပေါက်ဖာတာက နာရီဝက်အတွင်းပြီးတယ်။ ကတ္တရာက ရေခြောက်သွားတာနဲ့ ချက်ချင်းပြန်ခင်းလို့ရတယ်။ ကျောက်ကားတွေဘာတွေ အားလုံး အဆင်သင့်လုပ်ထားတယ်။ သာစည်ကနေ သပြေ၀၊ သပြေ၀ကနေ တစ်ဆင့် မိတ္ထီလာမြို့ရှောင်လမ်းကို လမ်းလွှဲထားပါတယ်။ အခက်အခဲတော့ သိပ်မရှိပါဘူး” ဟု တောင်ပေါ်ဒေသ ဆောက်လုပ်ရေးကုမ္ပဏီမှ လမ်းပိုင်းတာဝန်ရှိသူ တစ်ဦးက အောက်တိုဘာ ၁၅ ရက် မွန်းလွဲပိုင်းက ပြောကြားသည်။

“ပရစ်ရိုး၊ မြင်းကွက်တို့က ကန်တွေမနိုင်တဲ့အတွက် အကုန်ကျိုးကုန်တယ်။ ကျိုးကုန်တဲ့အတွက် မင်းလှကန်ထဲ ရေ၀င်တဲ့ ဆည်ပေါက်က ပြွန်ပေါက်နှစ်လုံးက ရေထွက်ပေါက် ၀င်ပေါက် မမျှဘူးဖြစ်နေတယ်။ ရေ၀င်ပေါက်က ပေအစိတ်လောက်ရှိတယ်။ ရေထွက်ပေါက်က သုံးပေပြွန် နှစ်ပေါက်ပဲရှိတယ်။ ရေ၀င်ရေထွက် မမျှတတဲ့ အတွက် ယာခင်းတွေဘာတွေ မြုပ်ကုန်တာလည်းရှိတယ်။ ဒီမင်းလှကန်ပေါင် ပြွန်ပေါက်ကြီး လုပ်တဲ့နေ့ကစပြီး အခက်အခဲ ဖြစ်တော့တာပဲ။ ပြွန်ပေါက်ကိုဖျက်ပြီး ရေကျော်ပုံစံနဲ့ လုပ်မယ်ဆိုရင် အဆင်ပြေမယ်။ ကားလမ်းမပေါ် ရေကျော်နေတာ ပေတစ်ထောင်လောက်ရှိမယ်။ သံလမ်းအောက်က ကျောက်သားထဲလည်း ရေဖြတ်တယ်။ ရထားအသွားအလာတော့ မပျက်သေးဘူး။ ဒီဘက်ကွမ်းခြံရိုးထိပ်ကတော့ ရေတစ်မိုက်လောက် ပြေးနေတော့ ရွာသားတွေအားနဲ့ ရေမ၀င်အောင် ပိတ်ထားရတယ်။ သာစည်သွားမယ့် ဆိုင်ကယ်တွေတော့ မင်းလှကန်ပေါင်ကနေ ဖြတ်သွားလို့ရတယ်။ ကားတော့ ကန်ပေါင်က အဖြတ်မခံဘူး” ဟု ကွမ်းခြံရိုးကျေးရွာ အုပ်ချုပ်ရေးမှူး ဦးစံသိန်းက အောက်တိုဘာ ၁၅ ရက် မွန်းလွဲပိုင်းက ပြောကြားသည်။

မိတ္ထီလာ-တောင်ကြီးလမ်း မိုင်တိုင် ၁၁ အနီး မိတ္ထီလာဘက်မှ သာစည်မြို့အ၀င်တွင် မိုးများပြီး မိတ္ထီလာကန်ရေ ဖောက်ချခြင်းနှင့် မင်းလှကန် ရေကျော်ခြင်းတို့ကြောင့် အောက်တိုဘာ ၁၄ ရက် နံနက်မှစတင်ပြီး လမ်းရေကျော်လာကာ အဆိုပါနေ့ ညပိုင်းတွင် လမ်းခေတ္တပိတ်ခဲ့ရပြီး အောက်တိုဘာ ၁၅ ရက် ညနေပိုင်းအထိ မိတ္ထီလာမြို့ရှောင်လမ်းမမှ သပြေ၀၊ သပြေ၀မှတစ်ဆင့် သာစည်မြို့သို့  ရှောင်ကွင်းမောင်းနှင်နေရဆဲဖြစ်ပြီး မိတ္ထီလာ-တောင်ကြီးလမ်းမှာ ပုံမှန်ချိန်တွင် ခရီးသွား ကားကြီး၊ ကားငယ်နှင့် ကုန်တင်ကား တစ်ရက်လျှင် အစီး ၅၀၀ ခန့် ဖြတ်သန်းသွားလာလေ့ရှိသော လမ်းမကြီးဖြစ်သည်။

 

“ပြဿနာက ကြီးသွားမှာ။ အမုန်းတရားတွေကလည်း ပွားလာမှာ။ အမုန်းစကားထက် စာရင်တော့ ပန်းစကားပဲ ပြောစေချင်တယ်” ထီလာသုခသာမဂ္ဂီအဖွဲ့ဥက္ကဋ္ဌ ဒေါက်တာခင်စိုးနှင့် တွေ့ဆုံခြင်း

 

ပြီးခဲ့တဲ့ ၂၀၁၃ ခုနစ် မတ် ၂၀ ရက်က မိတ္ထီလာမြို့မှာ ရွှေအရောင်းအ၀ယ် လုပ်ရာကနေ ပြဿနာဖြစ်ပွားပြီး ပဋိပက္ခမီးက ကူးစက်ခဲ့ပါတယ်။ ဒီပဋိပက္ခကြောင့် ၄၃ ဦး သေဆုံးပြီး ၈၆ ဦး ဒဏ်ရာရရှိခဲ့တယ်လို့ ပြည်ထဲရေး ၀န်ကြီးဌာနကနေ ၂၀၁၃ မတ် ၂၉ ရက်က သတင်းထုတ်ပြန်ခဲ့ပါတယ်။ လက်ရှိအချိန်မှာ မိတ္ထီလာပဋိပက္ခဖြစ်စဉ် ဖြစ်ပွားခဲ့မှုဟာ အချိန်လေးနှစ်ကျော် ကြာမြင့်ခဲ့ပြီ ဖြစ်ပါတယ်။ ဒါကြောင့် ပဋိပက္ခဖြစ်ပွားပြီး လေးနှစ်အကြာ မိတ္ထီလာ အခြေအနေတွေကို လူမှုရေး လုပ်ငန်းတွေ လုပ်ကိုင်နေတဲ့ ထီလာသုခသာမဂ္ဂီအဖွဲ့မှ ဥက္ကဋ္ဌ ဒေါက်တာခင်စိုးနဲ့ တွေ့ဆုံမေးမြန်း ဖြစ်ခဲ့တာတွေထဲကနေ တချို့ကို ပြန်လည်ကောက်နုတ် ဖော်ပြလိုက်ရပါတယ်။

မေး- လက်ရှိ မိတ္ထီလာရဲ့ အခြေအနေကို ဆရာ့အနေနဲ့ ဘယ်လိုမြင်ပါသလဲ။

ဖြေ- ပဋိပက္ခဖြစ်ပြီး နောက်ပိုင်းမှာတော့ တော်တော်လေး တည်ငြိမ်မှုတော့ ရနေပါပြီ။ ဒါပေမဲ့ အပြည့်အ၀ကြီး ရနေတာတော့ မဟုတ်သေးဘူး။ တစ်ခါတလေကျတော့လည်း ကြိုကြားကြိုကြား အစွန်းရောက်တွေက ဖွတာလေးတွေတော့ ရှိတာပေါ့။ Facebook တို့ ဘာတို့ကနေ ဖွတာတို့တော့ ရှိတာပေါ့။ နောက်ပြီး ပြဿနာကို မီးထိုးတာတွေ ဘာတွေလည်း ရှိတာပေါ့။ အဲဒါမျိုးက ဒီပြည်သာယာတို့ ဘာတို့ အထဲမှာကိုရှိတယ်။ ဖြစ်ရင် ချက်ချင်းအရေးယူ ဆောင်ရွက်ရင်တော့ ကောင်းတာပေါ့။ တရားဥပဒေ စိုးမိုးရေးနဲ့ပဲ ကြည့်ရမှာပေါ့လေ။ ချက်ချင်းအုပ်နိုင်ရင်တော့ အကောင်းဆုံးပဲပေါ့။ နောက် ကောလာဟလတွေကိုလည်း မပြန့်ပွားအောင် သတင်းမှန် ထုတ်ပြန်ပေးဖို့ ဒါကလည်း အရေးကြီးပါတယ်။

မေး- ကိုယ့်အိမ်၊ ကိုယ့်နေရာကို မပြန်နိုင်ကြသေးတဲ့သူတွေ ရှိနေသေးတယ်လို့ သိရပါတယ်။ ဒီအပေါ်မှာ ဆရာ့အနေနဲ့ ဘာများပြောချင်ပါသလဲ။

ဖြေ- သူတို့လည်း တတ်နိုင်သလောက် လုပ်ပေးပါတယ်။ ဒါပေမဲ့ အကုန်လုံးကိုတော့ လုပ်မပေးနိုင်သေးဘူး။ တချို့နေရာက သူတို့နေရာကို ပြန်မရောက်သေးတဲ့ သူတွေလည်း ရှိတယ်။ ဒါကလည်း အခက်အခဲအမျိုးမျိုး ကြောင့်လည်း ဖြစ်မှာပေါ့။ တချို့က ကိုယ့်နေရာကိုယ် ပြန်နေချင်ပေမယ့်လို့ အဲဒီနေရာတွေက နေထိုင်ဖို့ မသင့်တော့ ပြန်မပေးတာတွေလည်းရှိတယ်။ အဲဒါဆို သူတို့ဘာသာသူတို့ ဒီနေရာကို ရောင်းစားရင်စားသွား ဒီနေရာမှာတော့ လာမနေနဲ့ပေါ့။ အဲဒီလိုမျိုး ရပ်ကွက်က လက်မခံတာတွေလည်းရှိတယ်။ အမျိုးမျိုးပေါ့။ အဲဒါတွေကို အာဏာပိုင်တွေက စီစဉ်ဆောင်ရွက်တာဆိုတော့ အသေးစိတ် ကျွန်တော်တို့က မသိဘူး။ ကမ့်တွေက မရှိတော့ဘူး။ အရင်တုန်းကတော့ ဖိုးဆယ်ကျောင်းထဲမှာရှိတယ်။ နောက်ရေအရင်းအမြစ်ထဲမှာ ရှိတယ်။ နောက် ခရိုင်အားကစားကွင်းထဲမှာ ရှိတယ်။ ဗုဒ္ဓဘာသာတွေကျတော့ ဘုန်းကြီးကျောင်းတွေမှာပေါ့။ အခုကတော့ အစိုးရက အဆောက်အအုံတွေ ဆောက်ပေးတဲ့အတွက် သူ့နေရာသူ ပြန်ရောက်သွားကြပြီ။ တချို့ကလည်း မဲနှိုက်ပြီးတော့ ကျတဲ့နေရာယူရတာပေါ့။ တချို့လည်း ဂရန်ရှိတော့ ကိုယ့်နေရာကို ပြန်ရတယ်။ တချို့ငှားပြီး နေတဲ့သူတွေကတော့ ပိုင်းပြီးနေကြတယ်။ ပေါင်းပြီးနေကြတယ်။ အရင်လို အခြေအနေကြီးတော့ မရဘူး။ ပြန်ပြီး အကွက်ရိုက်တဲ့ နေရာမှာ အရင်အကွက်ထက် ကျဉ်းချင်လည်း ကျဉ်းသွားတာ။ ဘာပဲပြောပြော အစိုးရက ဆောက်ပေးတဲ့အတွက် သူတို့ကလည်း ကျေကျေနပ်နပ် ယူကြတယ်။ မယူလို့လည်း မရဘူးလေ။ မယူဘူးဆို မရရုံပဲရှိတဲ့အတွက် ယူကြတယ်။ အဓိက,ကတော့ ပဋိပက္ခပြန်ဖြစ်မှာ စိုးတာတို့၊ ဖြစ်လို့ရှိရင် ဘယ်သူတာဝန်ယူမှာလဲလို့ အဲဒီလိုမျိုးတွေရှိတာပေါ့။ တာဝန်မယူချင်ကြတော့ အဲဒီလိုမျိုးနေရာတွေမှာ မထားဘူး။ အဲဒီလိုမျိုးနေရာတွေက ပြဿနာဖြစ်တတ်တယ်။ ပြဿနာအကြီးအကျယ် ဖြစ်သွားတဲ့ နေရာတွေဆိုလည်း ပြန်မပေးဘူး။

မေး- မိတ္ထီလာပဋိပက္ခ ဖြစ်တာက လေးနှစ်ရှိပြီဆိုတော့ အစိုးရရဲ့ ပြန်လည်ထူထောင်ရေး အပေါ်မှာ ဆရာ့အနေနဲ့ ဘယ်လိုများ မြင်ပါသလဲ။

ဖြေ- ပြန်လည်ထူထောင်ရေးကတော့ လိုအပ်ချက်က ရှိပါတယ်။ သူတို့လည်း တတ်နိုင်သလောက် ကြိုးစားလုပ်ပေးတယ် ဆိုပေမယ့်လည်း ပြည့်စုံလုံလောက်မှုကတော့ မရှိဘူး။ နည်းနည်း ကျပ်ကျပ်တည်းတည်း နေရတာတွေတို့၊ မိသားစုတွေ ပေါင်းနေရတာတွေတို့၊ ရေစီးရေလာ မကောင်းဘဲ ရေတွေဝပ်နေတာတွေတို့၊ နောက် ရေအခက်အခဲ ရှိတာတို့၊ သန့်ရှင်းရေးတွေ အခက်အခဲရှိတာတို့ ဒါမျိုးတွေတော့ ရှိပါတယ်။ အဲဒါတွေကလည်း ဘာဖြစ်လို့ဖြစ်လဲဆိုတော့ အစနေရာချကတည်းက ရေမြောင်းစနစ်တို့၊ ရေထွက်ပေါက်တို့ အဲဒါတွေက မကောင်းတော့လည်း ရေ၀ပ်တာပေါ့လေ။ ရေအခက်အခဲတွေလည်း နည်းနည်းရှိတယ်။ အဲဒါတွေကို ကျွန်တော်တို့ဘက်က တတ်နိုင်သလောက် ကူညီဖြေရှင်းပေးတာတွေ ရှိပါတယ်။

မေး-  မိတ္ထီလာမြို့မှာ ၂၀၁၃ ပဋိပက္ခဖြစ်စဉ် ဖြစ်ပွားပြီး နောက်ပိုင်း နောက်ထပ်ဘယ်လို အခြေအနေမျိုးတွေကို ကြုံတွေ့နေရပါသလဲဆရာ။

ဖြေ- ပဋိပက္ခ အသေးလေးတွေပါပဲ။ တစ်ယောက်နဲ့ တစ်ယောက်က ဥပမာ မိသားစု ပြဿနာလေးတွေကနေ သူတို့က ကြီးအောင်လုပ်ချင် ကြတာပေါ့။ ဒါပေမဲ့ အဲဒီလောက်ကြီး မဖြစ်အောင် ချက်ချင်းအရေးယူတာတွေ ရှိတဲ့အတွက် မဖြစ်ဘူးပေါ့။

မေး- အမုန်းစကားတွေအပေါ်မှာ ဆရာ့အနေနဲ့ ဘာများပြောချင်ပါသလဲ။

ဖြေ- ကျွန်တော်တို့ကတော့ အမုန်းစကားတွေကိုတော့ မပြောစေချင်ဘူး။ ပြောလို့ရှိရင်လည်း အဲဒါတွေကို အာဏာပိုင်တွေ အနေနဲ့ ခွင့်မပြုစေချင်ဘူး။ ဘာလို့လဲဆိုတော့ ဒီဟာတွေကနေပြီးတော့ ပြဿနာက ကြီးသွားမှာ။ အမုန်းတရားတွေကလည်း ပွားလာမှာ။ အမုန်းစကားထက် စာရင်တော့ ပန်းစကားပဲ ပြောစေချင်တယ်။

မေး- လက်ရှိ ရဲတပ်ဖွဲ့ဝင်တွေရဲ့ လုပ်ကိုင်ဆောင်ရွက်မှု အပေါ်မှာ အားရကျေနပ်မှု ရှိပါရဲ့လား။

ဖြေ- အဖွဲ့အစည်းတွေက အထက်ရဲ့အမိန့်ကို နာခံရတာဆိုတော့ အရင်ထက်စာရင် အခုနောက်ပိုင်းတော့ အရေးယူ ဆောင်ရွက်မှုက မြန်ဆန်လာပါတယ်။ အရင်တုန်းကတော့ သူတို့က အမိန့်အရ ဘာမှမလုပ်နဲ့ဆို မလုပ်ရဘူးပေါ့လေ။

မေး- လက်ရှိ မိတ္ထီလာ အခြေအနေဟာ ၂၀၁၃ ခုနှစ် မတိုင်ခင်က အခြေအနေကို ပြန်ရောက်နေပြီလို့ ပြောနိုင်မလားဆရာ။

ဖြေ- ၂၀၁၃ ခုနှစ်မတိုင်ခင် မိတ္ထီလာ အခြေအနေမျိုးက တော်တော်များများတော့ ပြန်ဖြစ်နေပါပြီ။ ဒါပေမဲ့ လုံးလုံးကြီးတော့ ပြန်မရောက်သေးဘူး။ ပဋိပက္ခကြောင့် ရိုက်ခတ်တဲ့ လှိုင်းတံပိုး လေးတွေကတော့ နည်းနည်းတော့ရှိတယ်။

မေး- ဆရာ့အနေနဲ့ ဖြည့်စွက်ပြောချင်တာလေးများ ရှိပါသေးလား။

ဖြေ- ကျွန်တော်တို့ကတော့ အရင်လိုပဲ သင့်သင့်မြတ်မြတ်နဲ့ ဘာသာပေါင်းစုံက ချစ်ချစ်ခင်ခင်ပဲ နေထိုင်ချင်တယ်။ အဲဒီလိုမျိုး အခြေအနေရောက်အောင် ကြိုးပမ်းရမှာက လူတိုင်းမှာ တာဝန်ရှိပါတယ်။

မိတ္ထီလာမြို့ စည်ပင်သာယာရေး နယ်နိမိတ်မြေပုံအား မောင်းသူမဲ့ လေယာဉ်များဖြင့် တိုင်းတာမှုလုပ်ငန်းစတင်

မောင်းသူမဲ့လေယာဉ်ဖြင့် တိုင်းတာမှု ပြုလုပ်နေသည်ကို တွေ့ရစဉ် (ဓာတ်ပုံ – ၀ဏ္ဏ)

မိတ္ထီလာမြို့ စည်ပင်သာယာရေး နယ်နိမိတ် မြေပုံအား မောင်းသူမဲ့လေယာဉ်များဖြင့် တိုင်းတာမှုလုပ်ငန်းများ စတင်ဆောင်ရွက် နေပြီဖြစ်ကြောင်း သိရသည်။

“မောင်းသူမဲ့ လေယာဉ်တွေနဲ့ပျံသန်းပြီး မိတ္ထီလာ စည်ပင်သာယာရေး နယ်နိမိတ်မြို့ မြေပုံထုတ်မှာ ဖြစ်ပါတယ်။ ကျွန်တော်တို့ဌာနက နည်းပညာ အကူအညီပေးပြီး စည်ပင်သာယာကော်မတီက လိုအပ်တဲ့ ပံ့ပိုးမှုတွေလုပ် ပေးပါတယ်။ ကျွန်တော်တို့အနေနဲ့ မောင်းသူမဲ့ လေယာဉ်အမျိုးအစား နှစ်မျိုးနဲ့ မောင်းသူမဲ့ လေယာဉ်နှစ်စင်း အသုံးချ ပျံသန်းမှာ ဖြစ်ပါတယ်။ မြို့ဧရိယာ လူနေထူထပ်တဲ့ နေရာတွေမှာ ပန်ကာခြောက်လက်တက်၊ ပန်ကာရှစ်လက် တက်မောင်းသူမဲ့လေယာဉ် နှစ်စင်းအသုံးပြု ပျံသန်းသွားမှာ ဖြစ်ပါတယ်။ မြို့ဧရိယာ ကျယ်တဲ့နေရာမှာ လက်ပစ်မောင်းသူမဲ့ လေယာဉ်အမျိုးအစားတွေနဲ့ ပျံသန်းတိုင်းတာမှာပါ။ ကျွန်တော့် လေယာဉ်ပျံတွေက တစ်ကြိမ်ပျံသန်းရင် ဧက ၄၀၀ ကနေ ဧက ၅၀၀ အထိ ပျံသန်းတိုင်းတာနိုင်မှာ ဖြစ်ပါတယ်။ ကွန်တိုလိုင်းပါတဲ့ တိကျတဲ့ မြေပုံတွေရရှိမှာ ဖြစ်ပါတယ်။ မြေပြင်ဂျီပီအက်စ် အမှတ်အသားတွေ ချထားတဲ့ တိကျတဲ့ မြေပုံတွေ ရရှိနိုင်မှာပါ။ မြေပုံရဲ့တိကျမှုကတော့ 4 cm ကနေ 8 cm ထိရရှိမှာဖြစ်ပြီး ကြည်လင်ပြတ်သားမှုကတော့ 4 cm ထိရရှိမှာ ဖြစ်ပါတယ်။ မောင်းသူမဲ့ လေယာဉ်တွေက အမြင့်မီတာ ၃၀၀ ကနေ ပျံသန်းမှာဖြစ်ပြီးတော့ ဧက ၃၀၀ ကနေ ၅၀၀ ထိ တိုင်းတာသွားမှာပါ။ မြေပုံထုတ်နိုင်ဖို့ထိ နှစ်လလောက် ကြာမယ်လို့ ခန့်မှန်းသတ်မှတ်ပါတယ်” ဟု မြန်မာနိုင်ငံ လေကြောင်းနှင့် အာကသပညာ တက္ကသိုလ် မောင်းသူမဲ့ လေယာဉ် သုတေသနဌာနမှ ပါမောက္ခဌာနမှူး ဒေါက်တာသဲမောင်မောင်က ပြောကြားသည်။

“ကျွန်တော်တို့အနေနဲ့ မိတ္ထီလာမြို့ စည်ပင်သာယာရေး မြေပုံထုတ်နေတာပါ၊ အရင်တုန်းက မြေပုံတွေနဲ့စာရင် ဒီကမြေပုံတွေက တိကျပြီး ခေတ်မီတဲ့ မြေပုံတွေ ထွက်လာမှာပါ၊ ခုထွက်လာမယ့် မြေပုံကို အသုံးပြုပြီး လမ်းဖောက်တာတွေ၊ ရေမြောင်းစနစ်တွေ မြို့ပြအစီအမံတွေ၊ တည်ဆောက်ရေး လုပ်ငန်းတွေ၊ ရေပေးရေး လုပ်ငန်းတွေ ဘာပဲလုပ်လုပ် အသုံးဝင်မှာပါ၊ ကောင်းကင်မြေပုံ ဖြစ်တဲ့အတွက် ပိုမိုတိကျပြီး မြို့ပြဖွံ့ဖြိုး တိုးတက်မှု ပိုမိုလုပ်ဆောင်နိုင်မှာပါ” ဟု မိတ္ထီလာမြို့နယ် စည်ပင်သာယာရေးအဖွဲ့ အင်ဂျင်နီယာမှူး ဦးအောင်နိုင်ဦးက ပြောကြားသည်။

မိတ္ထီလာမြို့စည်ပင်သာယာရေး နယ်နိမိတ်အား မောင်းသူမဲ့လေယာဉ်ဖြင့် မြေပုံတိုင်းတာ ပျံသန်းခြင်း လုပ်ငန်းများ ဆောင်ရွက်လျက်ရှိကာ အဆိုပါ မြေပုံတိုင်းတာခြင်းအား မြန်မာနိုင်ငံ လေကြောင်းနှင့် အာကသပညာ တက္ကသိုလ် မောင်းသူမဲ့လေယာဉ် သုတေသနဌာနနှင့်  မိတ္ထီလာမြို့နယ် စည်ပင်သာယာရေးဌာနတို့ ပူးပေါင်းဆောင်ရွက်ခဲ့ခြင်းဖြစ်ကာ မြေပုံလုပ်ငန်းများ ပြီးစီးပါက မြို့ဖွံ့ဖြိုး တိုးတက်ရေး လုပ်ငန်းများ ပိုမိုလုပ်ဆောင်နိုင်မည် ဖြစ်ကြောင်း သိရသည်။

မိတ္ထီလာမြို့ ဓမ္မသုခကန်ဦး ရွှေစည်းခုံစေတီတော်ရင်ပြင်ရှိ အလှူခံပုံး ဖွင့်ဖောက်ခိုးယူသည့် လူငယ်တစ်ဦးအား ဖမ်းဆီးရမိ

မိတ္ထီလာမြို့ ဓမ္မသုခကန်ဦးရွှေစည်းခုံ စေတီတော်မြတ်ကြီး ရင်ပြင်တော်ပေါ်ရှိ အလှူခံပုံး ဖောက်ခိုးယူသည့် လူငယ်တစ်ဦးအား ဖမ်းဆီးရမိခဲ့ကြောင်း သိရသည်။

စက်တင်ဘာ ၁၁ ရက် မွန်းလွဲပိုင်းက မိတ္ထီလာမြို့ ဈေးအရှေ့ပြင်ရပ်ကွက် မိတ္ထီလာ မြောက်ကန်အနီးရှိ ဓမ္မသုခကန်ဦး ရွှေစည်းခုံစေတီတော် ဂေါပကများက စေတီရင်ပြင်အား လုံခြုံရေးအတွက် လှည့်လည်စစ်ဆေးစဉ် ဘုရားတောင်ဘက်မုခ်ပေါက် အနီးရှိ ရွှေသင်္ကန်းကပ်လှူပူဇော်ရန် အလှူခံပုံးအား ဖွင့်ဖောက်ခိုးယူနေသော အောင်ထက်မြတ် (၂၁ နှစ်) အား တွေ့ရှိသဖြင့် ဖမ်းဆီးကာ အမှတ် (၂) နယ်မြေရဲစခန်းတွင် တရားလိုပြုလုပ် တိုင်တန်းခဲ့ခြင်း ဖြစ်ကြောင်း သိရသည်။

အဆိုပါအမှုအား မိတ္ထီလာမြို့ အမှတ် (၂) နယ်မြေရဲစခန်းက (ပ)၂၃၈/၂၀၁၇ ရာဇသတ်ကြီးပုဒ်မ ၃၇၉/၂၉၅ ဖြင့် အမှုဖွင့် စစ်ဆေးလျက်ရှိသည်။