မာန်အောင်မြို့နယ် စမုံတဲလေယာဉ်ကွင်း တည်ဆောက်ရာတွင် အိမ်ခြံမြေ လျော်ကြေးငွေမယူဘဲ ထောင်ကျခံရသူ နှစ်ဦးအတွက် လွှတ်တော်က ပြန်လည်စိစစ်မည်

မာန်အောင် လေယာဉ်ကွင်းအား တွေ့ရစဉ်

စမုံတဲလေယာဉ်ကွင်း တိုးချဲ့တည်ဆောက်ရာတွင် ပါဝင်သွားသော မိသားစုများအနက် လျော်ကြေးငွေအား ကာလပေါက်ဈေး မရသဖြင့် ဒေသခံနှစ်ဦး လျော်ကြေးမယူသဖြင့် ထောင်ကျခံနေရပြီး ယင်းတို့အပေါ် ကာလပေါက်ဈေးနှင့်ပေးရန် အစီစဉ်ရှိမရှိကို ရခိုင်ပြည်နယ် လွှတ်တော်တွင် လွှတ်တော်ကိုယ်စားလှယ်က မေးမြန်းခဲ့ရာ တစ်ဧကလျှင် နှစ်ဆယ့်ငါးသိန်းကျပ် သတ်မှတ်ထားကြောင်း၊ ရခိုင်ပြည်နယ် အစိုးရအဖွဲ့မှ ပြန်လည်ဖြေကြား ခဲ့သော်လည်း ယင်းကိစ္စအပေါ် ရခိုင်ပြည်နယ်လွှတ်တော်မှ ပြန်လည်စိစစ်သွားမည် ဖြစ်ကြောင်း ပြောကြားသည်။

ယင်းနှင့်အဆိုပါ မေးခွန်းကို မေးမြန်းသူ မာန်အောင်မြို့နယ်မှ လွှတ်တော်ကိုယ်စားလှယ် ဦးသိမ်းမောင်က “ကျွန်တော် မေးခွန်း မေးတာကလည်း ကာလပေါက်ဈေးအတိုင်း ပေးမယ့်အစီအစဉ်ကို မေးတာပါ။ အခုလျော်ကြေး ပေးထားတဲ့ ကိစ္စဟာ မမျှမတ ဖြစ်နေတဲ့အတွက်ကြောင့် မေးရတာပေါ့။ ဒါပေမဲ့ အစိုးရအဖွဲ့က ဖြေတာကတော့ ဗဟိုငွေလျော်ကြေးပေးရေးရဲ့ ဆုံးဖြတ်ချက်အရ တစ်ဧကကို နှစ်ဆယ့်ငါးသိန်း ပေးလျော်ထားတယ်လို့ ပြောတယ်။ အဲဒါထက်ပို မပေးနိုင်လို့ ပြောပါတယ်။ ဒါပေမဲ့ ကာယာကံရှင်တွေကို နှစ်ဆယ့်ငါးသိန်း မရတဲ့အပြင် ပေးထားတာကလည်း အဆမတန် နည်းနေတဲ့အတွက် ဦးသာနီနဲ့ ဦးဖြူသီးခိုင်တို့က လျော်ကြေးမယူဘူး။ ထောင်ကျသာခံတယ်။ လျော်ကြေးမယူလို့ တရားစွဲတာပေါ့။ တန်ရာတန်ကြေး မရရင် ဘယ်သူမှ မဖယ်ပေးချင်ဘူး၊ အခုတော့ လွှတ်တော်ဥက္ကဋ္ဌက ပြန်လည်စိစစ်မယ်လို့ ပြောသွားတယ်။ ကျွန်တော့်အနေနဲ့ ပြောချင်တာက ကာလပေါက်ဈေးနဲ့ မှန်မှန်ကန်ကန် ပေးစေချင်တယ်။ အခုပေါက်ဈေးက သုံးပေကို ငါးသိန်းလောက် ပေါက်ဈေးရှိတယ်။ သူတို့ပေးတဲ့ငွေနဲ့ အဲဒီအိမ်တွေကို ဖယ်ဖျက်ပြီး တခြားနေရာမှာ မြေ၀ယ်ပြီး အိမ်ဆောက်လို့ မရတဲ့ အနေအထား ဖြစ်နေတယ်” ဟု ပြောကြားသည်။

ကာလပေါက်ဈေးနှင့် မညီဟုဆိုကာ လျော်ကြေးငွေ လက်မခံသဖြင့် ဦးဖြူသီးခိုင်နှင့် ဦးသာနီတို့နှစ်ဦးအား ၂၀၁၆ ခုနှစ် ဧပြီတွင် လယ်ယာမြေစီမံခန့်ခွဲမှု ကော်မတီအတွင်းရေးမှူး ဦးစောရွှေမောင်က တရားစွဲဆိုခဲ့ပြီး ၂၀၁၈ ခုနှစ် မတ်လ ၂၁ ရက်က မာန်အောင်မြို့နယ် တရားရုံးမှ ထောင်ဒဏ် ခုနစ်လစီ ချမှတ်ခဲ့သည်။

ဦးသာနီ၏ သားဖြစ်သူ သိန်းစိုးလင်းက “ကျွန်တော့်အဖေနဲ့ ဦးဖြူသီးခိုင်တို့နှစ်ဦးကို မာန်အောင်မြို့နယ် တရားရုံးက ဒီနေ့မနက်က ထောင်ဒဏ် ခုနစ်လစီ ချမှတ်ခဲ့တယ်။ သူတို့ပြောတာကတော့ လယ်ယာမြေမှာ အိမ်ဆောက်တယ်တဲ့။ ပုဒ်မ ၃၅ နဲ့ စွဲတယ်။ ကျွန်တော်တို့ ဘိုးဘွားလက်ထက်ကတည်းက အဲဒီခြံမှာ နေလာခဲ့တာ နှစ်ပေါင်း ၁၅၀ လောက်ရှိပြီ။ သူတို့ပေးတဲ့ လျော်ကြေးက ခုနစ်သိန်းတဲ့။ အဲဒါတရားသလားဗျာ။ ဒေသခံ ဆင်းရဲသားတွေ အမြဲတမ်း ခံနေကြရတယ်” ဟုလည်း ပြောကြားသည်။

မာန်အောင်မြို့ရှိ စမုံတဲ လေယာဉ်ကွင်းသည် မာန်အောင်မြို့နယ်သားများ အားလုံးအတွက် မရှိမဖြစ် လိုအပ်သော လေယာဉ်ကွင်းတစ်ခု ဖြစ်သော်လည်း ရှေးယခင်ကတည်းက နေထိုင်လာခဲ့သော ဒေသခံ တိုင်းရင်းသားများ၏ နေအိမ်များကို ဖယ်ရှားရာတွင် ကာလပေါက်ဈေးဖြင့်ပေးမှသာ ယင်းတို့အနေဖြင့် တခြားနေရာတွင် နေအိမ်များ ဆောက်လုပ်နေထိုင်နိုင်မည် ဖြစ်ကြောင်းလည်း လွှတ်တော်ကိုယ်စားလှယ်က ပြောကြားသည်။