ကမ္ဘာ့အသက်ကြီးဆုံး နိုင်ငံခေါင်းဆောင်ဖြစ်လာသော မလေးရှားဝန်ကြီးချုပ်ဟောင်း မဟာသီယာမိုဟာမက်

မေ ၁၀ ရက်က ကွာလာလမ်ပူရှိ သတင်းစာ ရှင်းလင်းပွဲတွင် ၀န်ကြီးချုပ်ဟောင်းနှင့် အတိုက်အခံ ကိုယ်စားလှယ်လောင်း မဟာသီယာမိုဟာမက်က အောင်ပွဲခံနေစဉ်

အသက် ၉၂ နှစ်ရှိပြီဖြစ်သော မလေးရှားဝန်ကြီးချုပ်ဟောင်း မဟာသီယာမိုဟာမက်သည် မေ ၉ ရက်က ကျင်းပခဲ့သော ရွေးကောက်ပွဲ၌ အကျင့်ပျက်ခြစားမှု အရှုပ်တော်ပုံ ရင်ဆိုင်နေရသည့် လက်ရှိဝန်ကြီးချုပ် နာဂျစ်ရာဇက်ကို အနိုင်ရခဲ့ပြီးနောက် ကမ္ဘာ့အသက်ကြီးဆုံး နိုင်ငံခေါင်းဆောင် ဖြစ်လာခဲ့သည်။ အဓိကအာဏာရညွန့်ပေါင်းက ဆယ်စုနှစ်များစွာ လွှမ်းမိုးနိုင်မှုအား ပြောင်းပြန်လှန်ပစ်နိုင်ခဲ့သည့် ထိုအနိုင်ရမှုကြောင့် မဟာသီယာသည် ၎င်း၏နိုင်ငံရေးနေ၀င်ချိန်၌ ဖြစ်နိုင်ခြေမရှိသော ဒုတိယအကျော့ ပြန်လာနိုင်ခဲ့ခြင်း ဖြစ်သည်။

၁၉၆၄ ခုနှစ်တွင် နိုင်ငံရေးလောကသို့ ၀င်ရောက်ခဲ့သည့် ဆရာဝန်ဟောင်း မဟာသီယာသည် မလေးရှားကို ၂၂ နှစ်ကြာ သံလက်သီးဖြင့်အုပ်ချုပ်ခဲ့ပြီး ခြောက်ကပ်၍ ခေတ်နောက်ကျကျန်နေခဲ့သော နိုင်ငံအား ကြွယ်ဝသည့်နိုင်ငံအဖြစ်သို့ အသွင်ကူးပြောင်းပေးခဲ့သော ကာလအတွင်း လူ့အခွင့်အရေး ချိုးဖောက်ခဲ့သည်ဟု စွပ်စွဲချက်များက အရိပ်မိုးနေခဲ့သည်။ အစိုးရ ရင်းနှီးမြှုပ်နှံမှုလုပ်ငန်း 1 MDB မှ ဒေါ်လာဘီလျံပေါင်းများစွာ ခိုးယူခံခဲ့ရမှုနှင့်ပတ်သက်၍ ၎င်း၏လက်သပ်မွေး တပည့်ဟောင်းဖြစ်သော ၀န်ကြီးချုပ် နာဂျစ်နှင့် အချင်းများခဲ့ချိန်တွင် မဟာသီယာသည် နိုင်ငံရေးမျက်နှာစာသို့ ပြန်ထွက်လာခဲ့သည်။

အာဏာရှိစဉ်က ၎င်းက ဦးဆောင်ခဲ့သည့်ပါတီအား ယှဉ်ပြိုင်ရန် တစ်ချိန်က ၎င်းက ဖိနှိပ်ခဲ့သည့် အတိုက်အခံပါတီများနှင့် မဟာသီယာက ပူးပေါင်းလိုက်မှုသည် ပြီးခဲ့သော နှစ်အနည်းငယ်ခန့်ကမူ မတွေးဝံ့သည့် အရာဖြစ်ခဲ့သည်။ နိုင်ငံထဲ၌ သဘောထား ကွဲလွဲစေသည့်ပုဂ္ဂိုလ် မဟာသီယာနှင့် ပူးပေါင်းမှုသည် အတိုက်အခံညွန့်ပေါင်း Pact of Hope အတွက် လောင်းကြေးထပ်မှု ဖြစ်ခဲ့သည်။ မဟာသီယာသည် လူများစု မလေးလူမျိုးများအတွက် စွမ်းစွမ်းတမံ စွမ်းဆောင်ပေးခဲ့သူနှင့် ခေတ်သစ်မလေးရှား၏ ဖခင်အဖြစ် လူအချို့က အလွန်အမင်း အမှတ်ရနေခဲ့ပြီး နိုင်ငံစီးပွားရေး တိုးတက်စေသည့် မူဝါဒများ ချမှတ်ခဲ့မှုအတွက်လည်း ချီးကျူးခဲ့ကြသည်။

သို့သော် လူ့အခွင့်အရေးအား မလေးစားမှု၊ တရားစီရင်ရေး အားလျော့စေရန် လုပ်ဆောင်မှု၊ အတိုက်အခံနိုင်ငံရေးသမားများ အားထောင်ချမှု၊ လူမျိုးစုံနေထိုင်သော မလေးရှားတွင် လူမျိုးရေးကွဲပြားမှုများ ပိုမိုဆိုးရွားစေရန် တွန်းအားပေးသည့်မူဝါဒများ ကျင့်သုံးမှုတို့အတွက်လည်း မဟာသီယာသည် ဝေဖန်ပြစ်တင်ခံခဲ့ရသည်။ မဟာသီယာသည် ၎င်း၏ရန်ဘက်များအား ထေ့ငေါ့တိုက်ခိုက်မှုများကြောင့် နာမည်ဆိုးဖြင့် ကျော်ကြားခဲ့ပြီး အနောက်တိုင်းသည် ကိုလိုနီလက်သစ်ဖြစ်သည်ဟု ရှုမြင်ခဲ့ကာ ဥရောပသားများသည် လောဘကြီး၍ စစ်မီးမွှေးသည့် လိင်ပိုင်းဆိုင်ရာ စံသွေသူများဖြစ်ကြောင်း ၎င်းကဒေါသတကြီး ပေါက်ကွဲခဲ့သည်။

သို့သော် အတိုက်အခံများ၏ လောင်းကြေးထပ်မှုသည် အကျိုးဖြစ်ထွန်းခဲ့ပြီး မဟာသီယာကြောင့် အာဏာရညွန့်ပေါင်း Barisan Nasional ၏ အဓိကမလေးလူမျိုးအင်အားစုကို တစ်စစ အားလျော့စေခဲ့ပြီး မြို့ပြဒေသများနှင့် လူနည်းစုအဖွဲ့များ အထူးသဖြင့် လူဦးရေအားလုံး၏ လေးပုံတစ်ပုံခန့်ရှိသော တရုတ်လူမျိုးများအကြား အတိုက်အခံညွန့်ပေါင်းအား အခိုင်အမာထောက်ခံမှု အားကောင်းစေရန်အတွက် ကူညီပေးနိုင်ခဲ့သည်။ ရွေးကောက်ပွဲမဲဆွယ်မှုများအတွင်း မဟာသီယာသည် နိုင်ငံတစ်ဝန်း တက်တက်ကြွကြွ လှည့်လည်ခဲ့ပြီး နိုင်ငံစီးပွားရေးနှင့် 1 MDB ဘဏ္ဍာရေးအရှုပ်တော်ပုံအား စီမံခန့်ခွဲမှုလွဲမှားခဲ့သည့် နာဂျစ်ကို ဝေဖန်တိုက်ခိုက်ခဲ့သည်။

မဟာသီယာက “ကျုပ်ရဲ့ဘ၀မှာ ကျူးလွန်မိခဲ့တဲ့ အကြီးမားဆုံး အမှားကတော့ နာဂျစ်ကို ရွေးခဲ့မိတာပါပဲ။ ဒီအမှားကို ကျုပ်ပြန်ပြင်ချင်ပါတယ်” ဟု ပြင်းပြင်းထန်ထန် ဝေဖန်တိုက်ခိုက်ခဲ့သည်။ နိုင်ငံရေးလောကသို့ မဟာသီယာက တစ်ကျော့ပြန်ဝင်လာချိန်၌ အံ့အားသင့်လောက်စရာ လက္ခဏာတစ်ခုမှာ ၎င်း၏အတိုက်အခံ အန်ဝါအီဘရာဟင်နှင့် ပြန်လည်ရင်ကြားစေ့ခဲ့မှုဖြစ်သည်။ အန်ဝါသည် နိုင်ငံရေး သဘောထားကွဲလွဲမှုများကြောင့် ၁၉၉၈ ခုနှစ်တွင် မဟာသီယာ၏ ထုတ်ပယ်ခြင်းခံခဲ့ရသည့် အချိန်အထိ ယင်းအချိန်က မဟာသီယာ၏နေရာကို ဆက်ခံနိုင်ဖွယ်ရှိသူအဖြစ် ရှုမြင်ခံခဲ့ရသည်။ သို့သော် အန်ဝါသည် ဓမ္မတာနှင့်ဆန့်ကျင်၍ လိင်ဆက်ဆံမှုနှင့် အာဏာအလွဲသုံးစားပြုမှုစသည့် စွဲချက်များဖြင့် ထောင်ဒဏ် ချမှတ်ခံခဲ့ရသည်။

ထောင်မှလွတ်မြောက်လာခဲ့ပြီးနောက် အန်ဝါသည် ၂၀၁၃ ခုနှစ် ရွေးကောက်ပွဲတွင် စွမ်းဆောင်ရည် အကောင်းဆုံး ပြသနိုင်ခဲ့သော်လည်း ၂၀၁၅ ခုနှစ်တွင် နာဂျစ်လက်ထက်၌ ထောင်ဒဏ် ထပ်မံချမှတ်ခံခဲ့ရသည်။ မဟာသီယာကမူ ၎င်းရွေးချယ်ခံခဲ့ရလျှင် အန်ဝါအား ပြန်လွှတ်ပေးပြီး အာဏာလွှဲပေးမည်ဟု ကတိပြုထားသည်။

Ref: AFP