ရာထူးမှနုတ်ထွက်ခဲ့သည့် ဧရာဝတီတိုင်းဝန်ကြီးချုပ် မန်းဂျော်နီက လုပ်ငန်းတာဝန်များ လွှဲပြောင်းပြီးနောက် သတင်းစာရှင်းလင်းပွဲ ပြုလုပ်မည်ဖြစ်ကြောင်း တိုင်းအစိုးရအဖွဲ့ပြောရေးဆိုခွင့်ရှိသူ ပြောကြား

ရာထူးမှ နုတ်ထွက်ခဲ့သည့် ဧရာဝတီတိုင်းဒေသကြီးဝန်ကြီးချုပ် မန်းဂျော်နီက ၀န်ကြီး ချုပ်ရာထူးမှ နုတ်ထွက်ရသည့် အကြောင်းနှင့် ထွက်ပေါ်နေသည့် ကောလာဟလများအတွက် ဇန်န၀ါရီ ၁၅ ရက် လွှတ်တော်အရေးပေါ် အစည်းအဝေးတွင် အသစ်ထပ်မံခန့်အပ်မည့် ၀န်ကြီးချုပ်အသစ်ကို လုပ်ငန်းတာဝန်များ လွှဲပြောင်းပြီးနောက် သတင်းစာရှင်းလင်းပွဲတစ်ရပ် ပြုလုပ်မည်ဖြစ်ကြောင်း တိုင်းဒေသကြီးအစိုးရအဖွဲ့ ပြောရေးဆိုခွင့်ရှိသူ လျှပ်စစ်၊ လမ်းပန်းနှင့်စက်မှုဝန်ကြီး ဦးဝင်းဌေးက ဇန်န၀ါရီ ၁၁ ရက် နံနက်တွင် ပြုလုပ်သည့် ၀န်ကြီးချုပ်မန်းဂျော်နီ တက်ရောက်ခဲ့သော တိုင်းဒေသကြီးအစိုးရအဖွဲ့ဝန်ကြီးများနှင့် ရှေ့ဆက်မည့်လုပ်ငန်းစဉ်များ၊ ဆက်လက်လုပ်ဆောင်ရမည့် အရာများအတွက် ညှိနှိုင်းအစည်းအဝေးအပြီးတွင် မီဒီယာများသို့ သတင်းထုတ်ပြန်ခဲ့သည်။

ဝန်ကြီးဦးဝင်းဌေးက “တနင်္လာနေ့ လွှတ်တော်ပြီးသွားပြီဆိုလို့ရှိရင် ၀န်ကြီးချုပ်ကြီးက သေသေချာချာ ဂဃနဏနဲ့ သတင်းစာရှင်းလင်းပွဲ လုပ်ပေးမယ်တဲ့ သေချာကို လုပ်ပေးမယ်။ ၀န်ကြီးချုပ်ကြီးကိုယ်တိုင် သေချာရှင်းလင်းပေးမယ်” ဟု တိုင်းဒေသကြီးအစိုးရအဖွဲ့ ၀န်ကြီးများနှင့် ရှေ့ဆက်မည့်လုပ်ငန်းစဉ်များ ဆက်လက်လုပ်ဆောင်ရမည့် အရာများအတွက် ညှိနှိုင်းအစည်းအဝေး အပြီးတွင် ပြောကြားသည်။

ဝန်ကြီးချုပ် မန်းဂျော်နီက အထက်ပါ အစည်းအဝေးတွင် အစိုးရအဖွဲ့ဝင် ၀န်ကြီးများအား ၎င်းရာထူးမှ အနားယူပြီးချိန်တွင် ရှေ့ဆက်လုပ်ငန်းစဉ်များကို ရိုးသားဖြောင့်မတ်စွာ ဆက်လက်လုပ်ဆောင်ကြရန်နှင့် ၎င်းရာ ထူးမှ နုတ်ထွက်ရခြင်းမှာ မည်သည့်ပြဿနာမျှ မရှိကြောင်းကို အစိုးရအဖွဲ့ဝင်ဝန်ကြီးများကို မှာကြားခဲ့ကြောင်း ၎င်း၏ Facebook Page ဖြစ်သော မန်းဂျော်နီ Facebook Page တွင် ဗီဒီယိုဖိုင်တစ်ခု လွှင့်တင်ဖော်ပြခဲ့သည်။

“ကျွန်တော်တို့ ပြောကြရမယ်ဆိုလို့ ရှိရင်တော့ အားလုံးဟာ ကျွန်တော်တို့ ဦးဘဟိန်းတို့ မရှိတော့ပေမဲ့၊ ဒီရာထူးကနေပြီးတော့ ခွာသွားတော့ပေမဲ့ ကျွန်တော်တို့လုပ်ရမယ့်အလုပ်ကို ကြိုးစားလုပ်ကြပါ။ ခါတိုင်း ကျွန်တော် ပြောသလိုပဲ ပွင့်ပွင့်လင်းလင်း ပြောကြပါ။ အဲဒီနောက်မှာ ရိုးသားဖြောင့်မတ်မှုပါလို့ရှိရင် ကျွန်တော်တို့က No Problem ဘာပြဿနာမှ မတက်ပါဘူး။ အဲဒါပဲ ကျွန်တော်ပြောချင်ပါတယ်။ ကျန်တဲ့အစိတ်အပိုင်းအရေးကြီးတဲ့ ကဏ္ဍလေးတွေပဲ ဆက်ဆွေးနွေးမယ်ပေါ့နော်” ဟု ၀န်ကြီးချုပ် မန်းဂျော်နီက ပြောကြားခဲ့ကြောင်း ၎င်း၏ Facebook Page စာမျက်နှာတွင် လွှင့်တင်ထားသည့် ဗီဒီယိုဖိုင်အရ သိရသည်။

ဝန်ကြီးချုပ် နုတ်ထွက်ရသည့် အကြောင်းရင်းနှင့် ပက်သက်၍ ပြည်တွင်းသတင်းဌာန တစ်ခုက ၀န်ကြီးချုပ်သည် ရိုးသားသူတစ်ဦးဖြစ်သော်လည်း ထက်မြက်သူတစ်ဦးမဟုတ်ခြင်း၊ ဆွေမျိုးများ၏ စီးပွားရေးလုပ်ငန်း ဆောင်ရွက်မှုများကို မထိန်းချုပ်နိုင်ခြင်းတို့ကြောင့် ၎င်း၏နေရာတွင် ထက်မြက်သည့် အမျိုးသမီးတစ်ဦးနှင့် အစားထိုးရန်ရှိကြောင်း NLD အစိုးရနှင့် နီးစပ်သူတစ်ဦးက ပြောသည်ဟု ပြည်တွင်းသတင်းတစ်ပုဒ်တွင် ဖော်ပြထားပြီး ၀န်ကြီးချုပ် မန်းဂျော်နီ၏ သားဖြစ်သူ စောမင်းထိုက်ကျော်က အဆိုပါ သတင်းဌာနသို့ ကန့်ကွက်ကြောင်း စာပို့ထားခဲ့ကြောင်း၊ ယင်းသို့စာပေးပို့ထားမှုကြောင့် အထက်ပါ စွပ်စွဲရေးသားထားမှုကို ပြန်လည်ပယ်ဖျက်ပေးခဲ့သော်လည်း ပြင်ဆင်ချက် ထည့်သွင်းပေးခြင်း မရှိသေးကြောင်း၊ ၀န်ကြီးချုပ်မန်းဂျော်နီမှာ အငြိမ်းစား ပညာရေးဝန်ထမ်းတစ်ဦးဖြစ်ပြီး နိုင်ငံ့တာဝန်များကို ရိုးသားစွာ ထမ်းဆောင်ခဲ့သူတစ်ဦး ဖြစ်သောကြောင့် သတင်းဖော်ပြချက်မှာ မိသားစုဂုဏ်သိက္ခာ ထိခိုက်မှုများရှိနေကြောင်း ၎င်း၏ Facebook စာမျက်နှာဖြစ်သော Saw Min Htike Kyaw အကောင့်တွင် ရေးသား ဖော်ပြထားကြောင်း သိရသည်။

ဧရာဝတီတိုင်းဒေသကြီး အစိုးရအဖွဲ့၌ လက်ရှိတွင် ၀န်ကြီးချုပ်ရာထူးနှင့် စိုက်ပျိုးရေး၊ မွေးမြူရေးဝန်ကြီးတစ်နေရာ လစ်လပ်လျက်ရှိနေပြီး အဆိုပါနေရာများကို ပြန်လည်ခန့်ထားရေးအတွက် တိုင်းဒေသကြီးအတွင်းရှိ ပြည်သူများသာမက နိုင်ငံရေး လေ့လာဆန်းစစ်သူများကပါ စိတ်ပါဝင်စားစွာ စောင့်ကြည့်လျက်ရှိကြောင်း သိရသည်။

ရာထူးမှ နုတ်ထွက်ခွင့် ပြုလိုက်သည့် ဧရာဝတီတိုင်းဒေသကြီး ၀န်ကြီးချုပ်နေရာတွင် အစားထိုး ခန့်အပ်နိုင်ရန် လွှတ်တော်အရေးပေါ် အစည်းအဝေးခေါ်ယူ

ရာထူးမှ နုတ်ထွက်ခွင့် ပြုလိုက်သည့် ဧရာဝတီတိုင်းဒေသကြီးဝန်ကြီးချုပ် မန်းဂျော်နီ၏ နေရာတွင် ၀န်ကြီးချုပ်တစ်ဦးအား အစားထိုး ခန့်အပ်နိုင်ရေး ဇန်န၀ါရီ ၁၅ ရက်တွင် တိုင်းဒေသကြီးလွှတ်တော် အရေးပေါ်အစည်းအဝေး ခေါ်ယူထားကြောင်း သတင်းရရှိသည်။

နိုင်ငံတော်သမ္မတရုံးမှ ဇန်န၀ါရီ ၉ ရက် ရက်စွဲဖြင့် အမိန့်အမှတ် ၁/၂၀၁၈ တွင် ဧရာဝတီတိုင်းဒေသကြီးဝန်ကြီးချုပ် မန်းဂျော်နီအား ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၂၆၄၊ ပုဒ်မခွဲ (က) နှင့် တိုင်းဒေသကြီး သို့မဟုတ် ပြည်နယ် အစိုးရအဖွဲ့ ဥပဒေပုဒ်မ ၅၂၊ ပုဒ်မခွဲ (က) တို့ ပါ ပြဋ္ဌာန်းချက်များအရ မိမိသဘောဆန္ဒအလျောက် ရာထူးမှနုတ်ထွက်ခွင့် ပြုခဲ့ကြောင်း သတင်းထုတ်ပြန်ခဲ့ပြီးနောက် အလားတူ ဧရာဝတီတိုင်းဒေသကြီး အစိုးရအဖွဲ့ စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင်ထိန်းသိမ်းရေးဝန်ကြီးဌာန ၀န်ကြီး ဦးဘဟိန်းကိုပါ မိမိသဘောဆန္ဒအလျောက် ရာထူးမှနုတ်ထွက်ခွင့် ပြုခဲ့ကြောင်း သတင်းထုတ်ပြန်ခဲ့ပြီးနောက် ဧရာဝတီတိုင်းဒေသကြီး အစိုးရအဖွဲ့တွင် လစ်လပ်လျက်ရှိနေသော ၀န်ကြီးချုပ်နှင့် ၀န်ကြီးနေရာ တစ်ခုအား အသစ်ပြန်လည် ခန့်အပ်နိုင်ရေးအတွက် လွှတ်တော် အရေးပေါ်အစည်းအဝေး ခေါ်ယူခြင်းဖြစ်ကြောင်း တိုင်းဒေသကြီးလွှတ်တော် ကိုယ်စားလှယ်များထံမှ သိရသည်။

“အရေးပေါ် အစည်းအဝေး ခေါ်ယူတယ်ဆိုတာလည်း အခုအားလုံးလည်း သိပြီးသားဖြစ်ပါတယ်။ ကျွန်တော်တို့ တိုင်းဒေသကြီးအစိုးရအဖွဲ့မှာ ၀န်ကြီးချုပ် အချိန်းအပြောင်းရှိသလို ၀န်ကြီးတစ်ဦးလည်း နုတ်ထွက်သွားတယ်ဆိုတဲ့ သတင်းတွေကို သမ္မတရုံးကလည်း ကြေညာပြီးသလို အားလုံးလည်း သိရှိပြီးဖြစ်ပါတယ်။ ဒါကြောင့်မို့လို့ အခုဝန်ကြီးချုပ်အသစ် တစ်ယောက် ထပ်မံခန့်ထားနိုင်ရေးအတွက် လွှတ်တော်ဥပဒေဆိုင်ရာ နည်းဥပဒေ (၂) အရ အရေးပေါ် အစည်းအဝေးကို ဥက္ကဋ္ဌကြီးကနေ ခေါ်ယူခြင်း ဖြစ်ပါတယ်။ ဘာကြောင့်လဲဆိုတော့ အရေးပေါ်အစည်းအဝေး ခေါ်ပြီဆိုရင် နိုင်ငံတော်သမ္မတရုံးကနေပြီးတော့ အမည်စာရင်းကို တင်သွင်းပါလိမ့်မယ်။ နောက်ဖြစ်ပေါ်လာမယ့် ၀န်ကြီးချုပ်ရဲ့ အမည်စာရင်းကို တင်သွင်းပါလိမ့်မယ်။ တင်သွင်းတဲ့အခါမှာ တိုင်းဒေသကြီး လွှတ်တော်မှာ နိုင်ငံတော်သမ္မတက အမည်စာရင်း တင်သွင်းတဲ့ ၀န်ကြီးချုပ်ကို လွှတ်တော်ရဲ့သဘောထား ရယူမှာဖြစ်ပါတယ်။ ဥပဒေပုဒ်မ ၅၀ အရ သဘောထားရယူမှာ ဖြစ်ပါတယ်။ ရယူပြီးတဲ့အချိန်မှာ နိုင်ငံတော်သမ္မတရုံးကို သဘောထားမှတ်ချက်နဲ့အတူ ပြန်လည်ပေးပို့ပြီးတော့ အတည်ပြု ဆောင်ရွက်ရမှာ ဖြစ်ပါတယ်။ ဒါကြောင့်မို့လို့ အရေးပေါ်အစည်းအဝေး ခေါ်ယူရခြင်းဖြစ်ပါတယ်။ ကျွန်တော်တို့ကတော့ သမ္မတရုံးရဲ့ အမိန့်အမှတ် ၁/၂၀၁၈ ၊ ၂/ ၂၀၁၈ အရ ကျွန်တော်တို့ ဧရာဝတီတိုင်းမှာ ရှိနေတဲ့ ၀န်ကြီးချုပ်ရဲ့ အသက်ကလည်း ၇၇ နှစ် ရှိနေပါပြီ။ အသက်ကြီးတဲ့ အခါကျတော့ အဘိုးမှာလည်း ကျန်းမာရေး အနေအထားအရ သိပ်မကောင်းတာလည်း အားလုံးအသိ ဖြစ်ပါတယ်။ ဒါကြောင့်မို့လို့ ကျန်းမာရေးအရ တာဝန်ဆက်လက် လုပ်ကိုင်နိုင်စွမ်း မရှိတော့တဲ့အတွက် အနားယူခွင့် ပြုလိုက်တယ်လို့ပဲ ၀န်ကြီးချုပ်ကိုယ်တိုင် တင်ပြချက်အရ သမ္မတရုံးက ခွင့်ပြုလိုက်တယ်လို့ ကျွန်တော် သိရပါတယ်ခင်ဗျ။ ဦးဘဟိန်းလည်း အလားတူပါပဲခင်ဗျ။ ၀န်ကြီးချုပ်အသစ် အမည်စာရင်းကိုတော့ ကျွန်တော်တို့ လွှတ်တော် ၁၅ ရက် ကျင်းပတဲ့ ရက်ကျရင် သမ္မတရုံးက တင်သွင်းထားတဲ့ ၀န်ကြီးချုပ်အမည်လောင်း စာရင်းကို ကြေညာမှာဖြစ်ပါတယ်။ ၀န်ကြီးချုပ်တစ်ယောက် ဖြစ်ဖို့အတွက် အနိမ့်ဆုံး တိုင်းဒေသကြီးလွှတ်တော် ကိုယ်စားလှယ်တစ်ဦးဖြစ်ရသလို လွှတ်တော်ရဲ့ သဘောထားကို ရယူတဲ့အခါမှာ လွှတ်တော်ရဲ့ သဘောတူညီမှုနဲ့အတူ နိုင်ငံတော်သမ္မတက ခန့်အပ်တာဖြစ်ပါတယ်”ဟု ဧရာဝတီတိုင်းဒေသကြီးလွှတ်တော် ဒုဥက္ကဋ္ဌ ဦးစံမင်းအောင်က ပြောကြားသည်။

ဝန်ကြီးချုပ် မန်းဂျော်နီမှာ ရာထူးမှ နုတ်ထွက်ပြီးနောက်တွင် အစိုးရအဖွဲ့ရုံးသို့ လာရောက်သည်ကို မတွေ့ရှိရဘဲ ရာထူးမှ နုတ်ထွက်ရသည့် အကြောင်းရင်းမှာ ယာဉ်တိုက်မှုဖြစ်စဉ်တွင် ထိခိုက်ခဲ့မှုများနှင့် မျက်စိ ခွဲစိတ်ထားခြင်း၊ လက်ရှိအချိန်တွင်လည်း အူရောင်ငန်းဖျားကဲ့သို့သော ရောဂါဖြစ်ပွားနေသောကြောင့် အလုပ်တာဝန်များကို ကျေပွန်စွာ မထမ်းဆောင်နိုင်မည် စိုးသောကြောင့် နုတ်ထွက်ရခြင်းသာဖြစ်ကြောင်း တိုင်းဒေသကြီး အစိုးရအဖွဲ့ဝင်များက ဆိုသည်။ ၀န်ကြီးချုပ် မန်းဂျော်နီ ဦးဆောင်ခဲ့သည့် အစိုးရသက်တမ်း နှစ်နှစ်တာကာလအတွင်း တိုင်းဒေသကြီးအတွင်း ကြီးမားသည့် အပြောင်းအလဲများ ဖြစ်ပေါ်ခဲ့ခြင်းမရှိဘဲ ၀န်ကြီးချုပ်မှာ စာသင်ကျောင်းဖွင့်ပွဲများနှင့် အခြားသော ပွဲလမ်းသဘင်များကိုသာ တက်ရောက်နေခဲ့မှု များပြားခဲ့ကြောင်း ဝေဖန်မှုများ ရှိနေသည်။

ရာထူးမှ အနားယူခဲ့သည့် ၀န်ကြီးချုပ် မန်းဂျော်နီမှာ ၁၉၄၂ ခုနှစ် ဇန်န၀ါရီ ၁ ရက် တွင် မွေးဖွားခဲ့ပြီး လက်ထောက်မြို့နယ် ပညာရေးမှူး အငြိမ်းစားတစ်ဦးဖြစ်ကာ ၁၉၉၀ ပြည့် နှစ် ပါတီစုံ ဒီမိုကရေစီ အထွေထွေရွေးကောက်ပွဲတွင် ကျုံပျော်မဲဆန္ဒနယ်မှ အမျိုးသားဒီမိုကရေစီအဖွဲ့ချုပ် ကိုယ်စားပြု ရွေးကောက်တင်မြှောက် ခံခဲ့ရပြီး ၂၀၁၂ ခုနှစ် ကြားဖြတ်ရွေးကောက်ပွဲတွင်လည်း မြောင်းမြမြို့နယ် မဲဆန္ဒနယ်မှ ပြည်သူ့လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခြင်း ခံခဲ့ရသည်။

လစ်လပ်ခဲ့သည့် ၀န်ကြီးချုပ်နေရာအတွက် ဧရာဝတီတိုင်းဒေသကြီးလွှတ်တော် ဥက္ကဋ္ဌ ဦးအောင်ကျော်ခိုင်၊ လူမှုရေးဝန်ကြီး ဒေါက်တာလှမြတ်သွေး၊ ညောင်တုန်းမြို့နယ် မဲဆန္ဒနယ် (၁) လွှတ်တော်ကိုယ်စားလှယ် ဒေါ်နီနီမိုး၊ ပုသိမ်မြို့နယ် မဲဆန္ဒနယ်အမှတ် (၂) မှ လွှတ်တော်ကိုယ်စားလှယ် ဦးအောင်သူထွေး၊ ၀ါးခယ်မမြို့နယ် မဲဆန္ဒနယ် အမှတ်(၂) မှ ဒေါ်မြင့်မြင့်စန်း၊ မြောင်းမြမြို့နယ် မဲဆန္ဒနယ်အမှတ် (၂) မှ လွှတ်တော်ကိုယ်စားလှယ် ဒေါ်ခိုင်ဇင်ဦးတို့မှာ အမည်သတင်းများ ထွက်ပေါ်နေကြောင်း သိရသည်။

ဧရာဝတီတိုင်းဒေသကြီး ဝန်ကြီးချုပ် မန်းဂျော်နီအား တိုင်းဒေကြီးဝန်ကြီးချုပ် ရာထူးမှ နုတ်ထွက်ခွင့်ပြု

ဓာတ်ပုံ – မန်းဂျော်နီ Facebook

ဧရာဝတီတိုင်းဒေသကြီး ဝန်ကြီးချုပ် မန်းဂျော်နီအား ယင်း၏ သဘောဆန္ဒအလျောက တိုင်းဒေကြီးဝန်ကြီးချုပ် ရာထူးမှ နုတ်ထွက်ခွင့်ပြုလိုက်ကြောင်း ဇန်န၀ါရီ ၉ ရက်နေ့ ရက်စွဲဖြင့် နိုင်ငံတော်သမ္မတရုံးမှ ထုတ်ပြန်ခဲ့သည်။

ထုတ်ပြန်ချက်တွင် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံ ဥပဒေပုဒ်မ ၂၆၄၊ ပုဒ်မခွဲ (က) နှင့် တိုင်းဒေသကြီး သို့မဟုတ် ပြည်နယ်အစိုးရအဖွဲ့ ဥပဒေပုဒ်မ ၅၂၊ ပုဒ်မခွဲ (က) တို့ပါ ပြဋ္ဌာန်းချက်များအရ ဧရာဝတီတိုင်း ဒေသကြီး ဝန်ကြီးချုပ် မန်းဂျော်နီကို ယင်း၏ သဘောဆန္ဒအလျောက် တိုင်းဒေသကြီး ဝန်ကြီးချုပ်ရာထူးမှ နုတ်ထွက်ခွင့်ပြုလိုက်ကြောင်း ပါရှိသည်။

ထို့အတူ ဧရာဝတီတိုင်းဒေသကြီး အစိုးရအဖွဲ့၊ စိုက်ပျိုးရေး၊ မွေးမြူရေး၊ သယံဇာတနှင့် ပတ်ဝန်းကျင် ထိန်းသိမ်းရေး ဝန်ကြီးဌာန ဝန်ကြီး ဦးဘဟိန်းကိုလည်း ယင်း၏ သဘောဆန္ဒအလျောက် တိုင်းဒေသကြီး ဝန်ကြီးရာထူးမှ နုတ်ထွက်ခွင့်ပြုလိုက်ကြောင်း ဇန်နဝါရီလ ၉ ရက် ရက်စွဲဖြင့် ထပ်မံထုတ်ပြန်ထားကြောင်း သိရသည်။