၂၀၁၈-၂၀၁၉ ဘဏ္ဍာနှစ် ပြည်ထောင်စု၏ အခွန်အကောက်ဥပဒေကြမ်းတွင် ကျပ် ၇၅၇၅ ဘီလျံကျော်ရရှိရန်လျာထားပြီး ယခင်နှစ်ထက် ကျပ်ဘီလျံ ၁၀၀၀ ကျော်ရရှိရန် ပိုမိုလျာထား

စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်း ၂၀၁၈-၂၀၁၉ ဘဏ္ဍာနှစ် ပြည်ထောင်စု၏ အခွန်အကောက်ဥပဒေကြမ်းကို ပြည်ထောင်စုလွှတ်တော်သို့ တင်သွင်းနေစဉ်

၂၀၁၈-၂၀၁၉ ဘဏ္ဍာနှစ် ပြည်ထောင်စု၏ အခွန်အကောက်ဥပဒေကြမ်းတွင် ကျပ် ၇၅၇၅ ဘီလျံကျော်ရရှိရန် လျာထားပြီး ယခင်နှစ်ထက် ကျပ်ဘီလျံ ၁၀၀၀ ကျော်ရရှိရန် ပိုမိုလျာထားကြောင်း သိရသည်။

၂၀၁၇-၂၀၁၈ ဘဏ္ဍာနှစ်တွင် ပြည်ထောင်စု၏ အခွန်အကောက်အဖြစ် ကျပ်သန်းပေါင်း ၆၄၈၁၀၀၈ ဒသမ ၈၉၀ (ကျပ် ဘီလျံ ၆၄၈၁ ကျော်) ကောက်ခံရရှိရန် လျာထားခဲ့ပြီး ၂၀၁၈-၂၀၁၉ ဘဏ္ဍာနှစ်တွင်အခွန် အကောက်အား ကျပ်သန်းပေါင်း ၇၅၇၅၉၃၄ ဒသမ ၂၁၄ (ကျပ် ၇၅၇၅ ဘီလျံကျော်) ရရှိရန် လျာထားသည့်အတွက် ကျပ်သန်းပေါင်း ၁၀၉၄၉၂၅ ဒသမ ၃၂၅ (ကျပ်ဘီလျံ တစ်ထောင်ကျော်) ရရှိရန် ပိုမိုလျာထားကြောင်း သိရသည်။ ၂၀၁၈ ဘဏ္ဍာနှစ်ကာလတို (ဧပြီ မှ စက်တင်ဘာလအထိ) အခွန်အကောက် အဖြစ် ကျပ်သန်းပေါင်း ၂၇၉၁၈၉၆ ဒသမ ၇၆၃ (ကျပ်ဘီလျံ ၂၇၀၀ ကျော်) ရရှိရန် လျာထားသည်။

နေပြည်တော်၌ သြဂုတ် ၂၄ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် စီမံကိန်းနှင့်ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ၂၀၁၈-၂၀၁၉ ဘဏ္ဍာနှစ် ပြည်ထောင်စု၏ အခွန်အကောက်ဥပဒေကြမ်းကို တင်သွင်းခဲ့ခြင်း ဖြစ်သည်။

အဆိုပါဥပဒေကြမ်းအရ အခွန်အကောက်များကောက်ခံရန် လျာထားရာတွင် ပြည်တွင်းထုတ်ကုန်နှင့် ပြည်သူပြည်သားများ သုံးစွဲမှုအပေါ်ကောက်ခံသည့် အခွန်အကောက်များမှ ကျပ်သန်းပေါင်း ၃၈၆၂၇၈၅ ဒသမ ၉၄၄ ဖြစ်ပြီး ၎င်းတို့တွင် ပြည်ထဲရေး ၀န်ကြီးဌာန ယစ်မျိုးခွန်မှ ကျပ်သန်းပေါင်း ၁၀၈၄ ဒသမ ၂၇၅၊ စီမံကိန်းနှင့်ဘဏ္ဍာရေးဝန်ကြီးဌာန ကုန်သွယ်လုပ်ငန်းခွန်မှ ကျပ်သန်းပေါင်း ၂၁၂၂၈၃၈ ဒသမ ၅၄၇၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန သွင်းကုန်အတွက်လိုင်စင်ကြေး၊ ပါမစ်ကြေးများမှ ကျပ်သန်းပေါင်း ၇၀၀၀ ပါဝင်ကြောင်း သိရသည်။

ထို့ပြင် မြန်မာနိုင်ငံအောင်ဘာလေသိန်းဆုမှ ကျပ်သန်းပေါင်း ၁၄၂၇၈၁ ဒသမ ၆၁၂၊ ပို့ဆောင်ရေးနှင့် ဆက်သွယ်ရေးဝန်ကြီးဌာန  မော်တော်ယာဉ်၊ ယာဉ်မောင်းလိုင်စင်၊ လုပ်ငန်းလိုင်စင်ဆိုင်ရာ အခွန်ငွေများမှ ကျပ်သန်းပေါင်း ၁၂၁၄၀၀၊ စီမံကိန်းနှင့်ဘဏ္ဍာရေး ၀န်ကြီးဌာန ရုံးခွန်နှင့် တံဆိပ်ခေါင်းခွန်မှ ကျပ်သန်းပေါင်း ၇၄၆၃၆ ဒသမ ၇၁၉၊ သယံ ဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးဌာန မုတ်ကောင်ဝတ်ဆံသွင်း အခွန်မှ ကျပ်သန်းပေါင်း ၇၂၀ ၊ ဟိုတယ်နှင့် ခရီးသွားလာရေးဝန်ကြီးဌာန ခရီးလှည့်လည် ရေးလိုင်စင်၊ ဟိုတယ်နှင့် တည်းခိုရိပ်သာလိုင်စင် အစရှိသည့်တို့မှ ကျပ်သန်းပေါင်း ၈၆၅ ဒသမ ၄၇၅၊ စီမံကိန်းနှင့် ဘဏ္ဍာရေးဝန်ကြီးဌာန အထူးကုန်စည်ခွန်မှ ကျပ်သန်းပေါင်း ၁၃၉၁၄၅၉ ဒသမ ၃၁၆ ကောက်ခံရန်လျာထားကြောင်း သိရသည်။

ထို့အတူ  ၀င်ငွေနှင့်ပိုင်ဆိုင်မှုအပေါ် ကောက်ခံမည့် အခွန်အကောက်တွင် စီမံကိန်း နှင့် ဘဏ္ဍာရေးဝန်ကြီးဌာန ၀င်ငွေခွန်ကျပ် သန်းပေါင်း ၂၃၂၄၈၁၆ ဒသမ ၃၂၀၊ အကောက်ခွန် ကျပ်သန်းပေါင်း ၅၃၀၀၀၀ ပါဝင်သည်။

နိုင်ငံပိုင်သယံဇာတများ ထုတ်ယူသုံးစွဲမှု အပေါ် ကောက်ခံသည့် အခွန်အကောက်မှ ကျပ်သန်းပေါင်း ၈၅၈၃၃၁ ဒသမ ၉၅၀ ရရှိရန်လျာထားပြီး ပြည်ထဲရေးဝန်ကြီးဌာန မြေယာပေါ်တွင် ကောက်ခံသည့်အခွန် ကျပ်  သန်းပေါင်း ၁၀ ဒသမ ၃၉၂၊ နေပြည်တော် ကောင်စီရေခွန်မှ ကျပ်သန်းပေါင်း ၇၆ ဒသမ ၀၀၃၊ ပြည်ထဲရေးဝန်ကြီးဌာန တာတမံခွန်မှ ကျပ်သန်းပေါင်း ၀ ဒသမ ၀၂၅၊ သစ်တောများမှ ပစ္စည်းများထုတ်ယူသည့်အတွက် ကောက်ခံသည့် သစ်တောခွန်မှ ကျပ်သန်းပေါင်း ၅၁၀၀၊ ပြည်ထဲရေးဝန်ကြီးဌာန ဓာတ်သတ္တုပစ္စည်းများ ထုတ်ယူသည့်အတွက် ကောက်ခံသည့်အခွန် (စက်မှုကုန်ကြမ်း၊ တွင်းထွက်နှင့် အလှဆင်ကျောက်များမပါ) ကျပ်သန်းပေါင်း ၄၅ ဒသမ ၀၄၈ ပါဝင်ကြောင်း ဒုတိယ၀န်ကြီး၏ ရှင်းလင်းချက်အရ သိရသည်။

ယင်းအပြင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ငါးလုပ်ငန်းဆိုင်ရာ အခွန်အခ ကျပ်သန်းပေါင်း ၂၆၀၇၊ လျှပ်စစ် နှင့် စွမ်းအင်ဝန်ကြီးဌာန ရေနံနှင့် သဘာဝဓာတ်ငွေ့ထုတ်ယူသည့်အတွက် ကောက်ခံ သည့်အခွန်မှ ကျပ်သန်းပေါင်း ၄၁၀၃၁၃ ဒသမ၂၁၂၊ သယံဇာတနှင့် သဘာဝပတ်ဝန်း ကျင်ထိန်းသိမ်းရေးဝန်ကြီးဌာန ဓာတ်သတ္တုခွန်နှင့် ရတနာခွန်မှ ကျပ်သန်းပေါင်း ၃၀၃၆၈၊ ပို့ဆောင်ရေးနှင့် ဆက်သွယ်ရေးဝန်ကြီးဌာန ဆက်သွယ်ရေးဝန်ဆောင်မှုလုပ်ငန်း လုပ်ကိုင်ခြင်းကြောင့် ကောက်ခံသည့် အခွန်အခမှ ကျပ်သန်းပေါင်း ၃၉၆၉၆၃ ဒသမ ၈၀၀၊ လျှပ်စစ်နှင့် စွမ်းအင်ဝန်ကြီးဌာန ရေအားအရင်း အမြစ်မှ လျှပ်စစ်ဓာတ်အား ထုတ်ယူသည့်အတွက် အခမဲ့ရရှိသည့် ဓာတ်အားခမှ ကျပ်သန်းပေါင်း ၁၂၁၉၇ ဒသမ ၉၂၀၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန မြေလွတ်၊ မြေလပ်၊ မြေရိုင်းလုပ်ပိုင်ခွင့်၊ အသုံးပြုခွင့်ရရှိသူများထံမှ ကောက်ခံရရှိသည့် အခွန်ကျပ်သန်းပေါင်း ၆၅၀ ဒသမ ၅၅၀ ကောက်ခံရရှိရန် လျာထားခြင်း ဖြစ်သည်။

၂၀၁၈-၂၀၁၉ ခုနှစ် ပြည်ထောင်စု၏ အခွန်အကောက်ဥပဒေကြမ်းသည် ပြည်ထောင်စုလွှတ်တော်က အတည်ပြုပြဋ္ဌာန်းပေးရမည့် ခြောက်ကြိမ်မြောက် အခွန်အကောက် ဥပဒေဖြစ်ကြောင်း၊ အဆိုပါ အခွန်အကောက် ဥပဒေမူကြမ်းကို ရေးဆွဲပြုစုရာတွင် ၂၀၁၈ ခုနှစ် ပြည်ထောင်စု၏ အခွန်အကောက် ဥပဒေကိုမှီငြမ်းကာ ဖြည့်စွက်ရေးသားထားခြင်းဖြစ်ကြောင်း ဒုတိယ၀န်ကြီးက ပြောကြားသည်။

ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့၏ ဥက္ကဋ္ဌနှင့် အဖွဲ့ဝင် ခြောက်ဦးအတွက် လေးလအတွင်း စရိတ်ချီးမြှင့်ငွေ ကျပ်သန်း ၂၀ ကျော်ရှိပြီး နှစ်လအတွင်း မော်တော်ယာဉ် စက်ဆီဖိုး ငွေကျပ် တစ်သန်းကျော်ရှိကြောင်း ပြည်ထောင်စု တရားလွှတ်တော်ချုပ် တရားသူကြီးပြောကြား

ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့၏ ဥက္ကဋ္ဌနှင့် အဖွဲ့ဝင် ခြောက်ဦးအတွက် လေးလအတွင်း စရိတ်ချီးမြှင့်ငွေ ကျပ်သန်း ၂၀ ကျော်ရှိပြီး နှစ်လအတွင်း မောတော်ယာဉ် စက်ဆီဖိုး ငွေကျပ် ၁ သန်းကျော်ရှိကြောင်း ပြည်ထောင်စု တရားလွှတ်တော်ချုပ် တရားသူကြီး ဦးသာဌေးက ပြောကြားသည်။

နေပြည်တော်၌ သြဂုတ် ၇ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် န၀မပုံမှန် အစည်းအဝေး ဆဋ္ဌမနေ့တွင် ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့၏ ခြောက်လတာ ကာလအတွင်း လုပ်ငန်းဆောင်ရွက်မှု အစီရင်ခံစာနှင့် စပ်လျဉ်း၍ လွှတ်တော်ကိုယ်စားလှယ်များ၏ ဆွေးနွေးချက်များအပေါ် ပြည်ထောင်စု တရားလွှတ်တော်ချုပ် တရားသူကြီးက ပြန်လည်ရှင်းလင်း ဆွေးနွေးရာတွင် အထက်ပါအတိုင်း ပြောကြားခဲ့ခြင်းဖြစ်သည်။

“ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့တွင် တာဝန်ပေးအပ်ခြင်းခံရသော နိုင်ငံ့ဝန်ထမ်း မဟုတ်တဲ့ ဥက္ကဋ္ဌနဲ့ အဖွဲ့ဝင်။ အတွင်းရေးမှူးတို့အတွက် ၂၀၁၇-၂၀၁၈ ဘဏ္ဍာရေးနှစ်အတွက် ချီးမြှင့်ငွေနဲ့ စရိတ်များ အသုံးစရိတ်များကို ပြည်ထောင်စု ဘဏ္ဍာရန်ပုံငွေမှ ကျခံသုံးစွဲနိုင်ရေး လိုအပ်သလို ဆောင်ရွက်ပေးပါရန် ပြည်ထောင်စုဝန်ကြီး၊ စီမံကိန်းနဲ့ ဘဏ္ဍာရေးဝန်ကြီးဌာနကို ညှိနှိုင်းဆောင်ရွက် ခဲ့ပါတယ်။ ထို့အပြင် ပြည်ထောင်စု တရားလွှတ်တော်ချုပ်ရုံးက ၂၀၁၈ ခုနှစ် ဇွန် ၂၂ ရက်နေ့မှာ ပြည်ထောင်စု ဥပဒေဆိုင်ရာ အထောက်အကူပေးရေးအဖွဲ့ ဥက္ကဋ္ဌနဲ့ အဖွဲ့ဝင် ခြောက်ဦးရဲ့ ၂၀၁၇ ခုနှစ် နိုဝင်ဘာ ၁၇  ရက်မှ ၂၀၁၈ ခုနှစ် မတ်လအထိ စရိတ်ချီးမြှင့်ငွေ ကျပ် ၂၀၀၅၄၆၆၆ နဲ့ ၂၀၁၈ ခုနှစ် ဖေဖော်ဝါရီလနဲ့ မတ်လတို့အတွက် စက်ဆီဖိုး ငွေကျပ် ၁၃၃၈၀၀၀ တို့အတွက် ရန်ပုံငွေ လုံလောက်မှု ရှိတဲ့အတွက် နှစ်လွန်အသုံးစရိတ်အဖြစ် ကျခံသုံးစွဲခွင့်ရရှိရေး စီမံကိန်းနဲ့ ဘဏ္ဍာရေးဝန်ကြီးဌာကို တင်ပြခွင့်ပြုချက် တောင်းခံခဲ့ရာ ခွင့်ပြုချက်ရရှိပြီး ဖြစ်ပါတယ်” ဟု ဦသာဌေးက ပြောကြားသည်။

ထို့ပြင် ပြည်ထောင်စု တရားလွှတ်တော်ချုပ်အနေဖြင့် ပြည်ထောင်စုဥပဒေဆိုင်ရာ အထောက်အကူပေးရေး အဖွဲ့အတွက် ရုံးအဆောက်အအုံ သတ်မှတ်စီစဉ်ပေးပါရန်နှင့် ယင်းအဖွဲ့တွင် တာဝန်ပေးအပ်ခြင်းခံရသည့် နိုင်ငံ့ဝန်ထမ်း မဟုတ်သော ပုဂ္ဂိုလ်များအတွက် အဆောင်အယောင် ချီးမြှင့်ငွေနှင့် အဆောင်အယောင် မော်တော်ယာဉ်များ သတ်မှတ်စီစဉ်ပေးပါရန် ပြည်ထောင်စုအစိုးရအဖွဲ့သို့ တင်ပြခဲ့ရာ ပြည်ထောင်စု ဥပဒေဆိုင်ရာ အထောက်အကူပေးရေး အဖွဲ့တွင် တာဝန်ပေးအပ်ခြင်းခံရသည့် နိုင်ငံ့ဝန်ထမ်းမဟုတ်သော ဥက္ကဋ္ဌအတွက် လစဉ်ချီးမြှင့်ငွေ ကျပ်သိန်း ၂၀ နှင့် Wagon တစ်စီး၊ အဖွဲ့ဝင် ခြောက်ဦးအတွက် လစဉ်ချီးမြှင့်ငွေ ကျပ် ၁၀ သိန်းစီနှင့် Micro Bus နှစ်စီး၊ အဆောင်အယောင် မော်တော်ယာဉ်များအတွက် စက်သုံးဆီ၊ ချောဆီ၊ ယာဉ်မောင်း လစာများနှင့် ယာဉ်ပြင်ဆင်ခြင်းကိစ္စကို သက်ဆိုင်ရာ အဖွဲ့အစည်း၏ ဘဏ္ဍာငွေ အသုံးစရိတ်မှ ကျခံရန် သဘောတူ ခွင့်ပြုခဲ့ကြောင်း ၎င်းကဆက်လက် ပြောကြားသည်။

ဆက်လက်ပြီး ပြည်ထောင်စု ဥပဒေဆိုင်ရာ အထောက်အကူပေးရေးအဖွဲ့ ရုံးခန်းဖွင့်လှစ်ရန်နှင့် နေအိမ်များအတွက် ကျန်းမာရေးနှင့် အားကစားဝန်ကြီးဌာန ကြီးကြပ်မှုအောက်ရှိ အားကစား လေ့ကျင့်ရေးစခန်း Gold Camp၊ Cluser – 3 အဆောင် (7) ရှိ (01,02,03,04,12,13,14) တို့တွင် ဖွင့်လှစ်ခွင့်ရရှိရန် ဆောင်ရွက်ပေးခဲ့ကြောင်း သိရသည်။

ပြည်ထောင်စု တရားလွှတ်တော်ချုပ်သည် ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့ ဖွဲ့စည်းနိုင်ရေးနှင့် စပ်လျဉ်းပြီး ဥပဒေဆိုင်ရာ အထောက်အကူပေးရေး ဥပဒေပုဒ်မ ၅ တွင် ပြည်ထောင်စု တရားသူကြီးချုပ်သည် ပြည်ထောင်စု ဥပဒေဆိုင်ရာ အထောက်အကူပေးရေး အဖွဲ့ကို ပြည်ထောင်စု အစိုးရအဖွဲ့နှင့် ညှိနှိုင်း၍ ဖွဲ့စည်းရမည်ဟု ပြဋ္ဌာန်းပါရှိရာ အဆိုပါ ပြဋ္ဌာန်းချက်နှင့်အညီ သက်ဆိုင်ရာ ၀န်ကြီးဌာန၊ အဖွဲ့အစည်းများမှ သတ်မှတ်အရည်အချင်းနှင့် ပြည်စုံသည့် ကိုယ်စားလှယ်များနှင့် နိုင်ငံ့ဝန်ထမ်း မဟုတ်သော ပုဂ္ဂိုလ်များကို ပြည်ထောင်စုအစိုးရအဖွဲ့နှင့် ညှိနှိုင်း၍ ဦးဥာဏ်ဝင်း၊ ဥက္ကဋ္ဌအဖြစ် ပါဝင်ပြီး အတွင်းရေးမှူးနှင့် အဖွဲ့ဝင် စုစုပေါင်း ၁၃ ဦးပါရှိသော ပြည်ထောင်စုဥပဒေဆိုင်ရာ အထောက်အကူ ပေးရေးအဖွဲ့ကို ပြည်ထောင်စု တရားလွှတ်တော်ချုပ်၏ ၂၀၁၇ ခုနှစ် နိုဝင်ဘာ ၁၅ ရက်စွဲပါ အမိန့်ကြော်ငြာစာ အမှတ် ၈၆၅/၂၀၁၇ ဖြင့် ဖွဲ့စည်းခဲ့ကြောင်း သိရသည်။

ပြည်ထောင်စု ဥပဒေဆိုင်ရာ အထောက်အကူပေးရေးအဖွဲ့၏ ၆ လတာကာလအတွင်း လုပ်ငန်းဆောင်ရွက်မှု အစီရင်ခံစာနှင့် စပ်လျဉ်း၍ လွှတ်တော်ကိုယ်စားလှယ်များ၏ ဆွေးနွေးချက်များအပေါ် ပြည်ထောင်စုဥပဒေဆိုင်ရာ အထောက်အကူပေးရေးအဖွဲ့ဥက္ကဋ္ဌ ဦးဥာဏ်ဝင်းနှင့် ပြည်ထောင်စု တရားလွှတ်တော်ချုပ် တရားသူကြီး ဦးသာဌေးတို့က သြဂုတ် ၇ ရက် ပြုလုပ်သည့် ပြည်ထောင်စုလွှတ်တော် အစည်းအဝေးတွင် ပြန်လည်ရှင်းလင်း ဆွေးနွေးကာ ပြည်ထောင်စုလွှတ်တော်က မှတ်တမ်းတင်ခဲ့သည်။

 

ဘဏ္ဍာရေးနှစ်ကို အောက်တိုဘာ ၁ ရက်မှ စက်တင်ဘာ ၃၀ ရက်အထိ ပြောင်းလဲသတ်မှတ်မည့် ပြည်ထောင်စု၏ ဘဏ္ဍာငွေအရ အသုံးရေးဆွဲတင်ပြခြင်း ဆိုင်ရာဥပဒေကို ပြင်ဆင်သည့် ဥပဒေကြမ်းအား လွှတ်တော်သို့ တင်သွင်း

၂၀၁၈-၂၀၁၉ ဘဏ္ဍာရေးနှစ်မှ စတင်ပြီး ဘဏ္ဍာရေးနှစ်ကို အောက်တိုဘာ ၁ ရက်မှ စက်တင်ဘာ ၃၀ ရက်အထိ ပြောင်းလဲသတ်မှတ်မည့် ပြည်ထောင်စု၏ ဘဏ္ဍာငွေအရ အသုံးရေးဆွဲတင်ပြခြင်းဆိုင်ရာဥပဒေကို ပြင်ဆင်သည့် ဥပဒေကြမ်းအား ပြည်ထောင်စုလွှတ်တော်သို့ တင်သွင်းထားသည်။  ပြည်ထောင်စု အစိုးရအဖွဲ့က ပေးပို့သော ပြည်ထောင်စု၏ ဘဏ္ဍာငွေအရ အသုံးရေးဆွဲတင်ပြခြင်းဆိုင်ရာ ဥပဒေကိုပြင်ဆင်သည့်ဥပဒေကြမ်းကို  နေပြည်တော်၌ မေ ၂၄ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် အဋ္ဌမပုံမှန်အစည်းအဝေး စတုတ္ထနေ့တွင် စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက တင်သွင်းခဲ့ခြင်း ဖြစ်သည်။ မြန်မာနိုင်ငံ၏ ဘဏ္ဍာရေးနှစ်ကို ဧပြီ ၁ ရက်မှ မတ် ၃၁ ရက်အထိ သတ်မှတ်ဆောင်ရွက်လျက်ရှိရာမှ အောက်တိုဘာ ၁ ရက်မှ စက်တင်ဘာ ၃၀ ရက်အထိ ပြောင်းလဲသတ်မှတ်ဆောင်ရွက်ရန်နှင့် ၂၀၁၈-၂၀၁၉ ခုနှစ် ဘဏ္ဍာရေးနှစ်တွင် စတင်ဆောင်ရွက်ရန် ပြည်ထောင်စုအစိုးရအဖွဲ့ အစည်းအဝေး အမှတ်စဉ် (၁၇/၂၀၁၇) တွင် အတည်ပြုခဲ့ပြီး  ၂၀၁၇ ခုနှစ် အောက်တိုဘာ ၃၁ ရက် ပြုလုပ်သည့် ဒုတိယအကြိမ် ပြည်ထောင်စုလွှတ်တော် ဆဋ္ဌမပုံမှန်အစည်းအဝေးတွင် မှတ်တမ်းတင်ခဲ့ကြောင်း ဒုတိယ၀န်ကြီး ဦးမောင်မောင်ဝင်းက ပြောကြားသည်။

“အဲဒီလို ဘဏ္ဍာနှစ် ပြောင်းလဲသတ်မှတ်မယ့်ကာလကို  ပြင်ဆင်ဆောင်ရွက်မှာဖြစ်တဲ့အတွက်ကြောင့်  ပြည်ထောင်စုလွှတ်တော် ဥပဒေအမှတ် ၄၂/ ၂၀၁၅ ဖြစ်တဲ့ ပြည်ထောင်စုရဲ့ ဘဏ္ဍာငွေအရ အသုံးရေးဆွဲတင်ပြခြင်းဆိုင်ရာ ဥပဒေကို ပြောင်းလဲကျင့်သုံးမယ့် ဘဏ္ဍာရေးနှစ်နဲ့အညီ ပြင်ဆင်ရန်လိုအပ်လာပြီး ပြည်ထောင်စုရဲ့ဘဏ္ဍာငွေအရ အသုံးရေး ဆွဲတင်ပြခြင်းဆိုင်ရာဥပဒေ ၂၀၁၅ ခုနှစ်ဟာ ပြည်ထောင်စုလွှတ်တော်မှာ စတင်ရေးဆွဲ ပြဋ္ဌာန်းခဲ့တာဖြစ်ပေမယ့် လက်ရှိစီမံကိန်းနဲ့ ဘဏ္ဍာရေးဝန်ကြီးဌာနက တာဝန်ယူစီမံခန့်ခွဲလျက်ရှိတဲ့ အတွက်ကြောင့် ဥပဒေပြင်ဆင်ရေးနဲ့ စပ်လျဉ်းပြီး စီမံကိန်းနဲ့ ဘဏ္ဍာရေးဝန်ကြီးဌာနက တာဝန်ယူဆောင်ရွက်ခဲ့ပြီး ယခုကဲ့သို့ တင်သွင်းရခြင်း ဖြစ်ပါတယ်” ဟု ဒုတိယ၀န်ကြီးက ဆက်လက်ပြောကြားသည်။

ထို့ပြင် ဥပဒေကြမ်းအပေါ် ပြည်ထောင်စုရှေ့နေချုပ်ရုံး၏ သုံးသပ်အကြံပြုချက်ကိုလည်း တောင်းခံခဲ့ပြီး ပြည်ထောင်စုရှေ့နေချုပ်ရုံး၏ အကြံပြုချက်များနှင့်အညီ ပြင်ဆင်ထားကြောင်းနှင့် ဥပဒေကြမ်းတွင် စုစုပေါင်းပုဒ်မ ကိုးခုပါရှိမည်ဖြစ်ကြောင်း သိရသည်။

လက်ရှိအစိုးရအနေဖြင့် ကျန်ရှိသုံးနှစ်အတွင်း မြန်မာနိုင်ငံ၏ အဓိကလိုအပ်သည့် အခြေခံအဆောက်အအုံအပိုင်းကို တစိုက်မတ်မတ် ဦးစားပေးဆောင်ရွက်မည်ဖြစ်ကြောင်း ပြည်ထောင်စုဝန်ကြီး ပြောကြား

Yangon Investment Forum တွင် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး အမှာစကားပြောကြားနေစဉ်

လက်ရှိအစိုးရအနေဖြင့် ကျန်ရှိနေသည့် သုံးနှစ်တာကာလအတွင်း မြန်မာနိုင်ငံ၏ အဓိကလိုအပ်သည့် အခြေခံအဆောက်အအုံအပိုင်းကို တစိုက်မတ်မတ်ဦးစားပေး ဆောင်ရွက်မည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးကျော်ဝင်းက မေ ၉ရက်က ရန်ကုန်မြို့ နိုဗိုတယ်ဟိုတယ်တွင် ကျင်းပသည့် Yangon Investment Forum တွင် ပြောကြားသည်။

“မြန်မာနိုင်ငံအနေနဲ့ လက်ရှိအစိုးရ သက်တမ်းကျန်ရှိနေတဲ့ သုံးနှစ်တာကာလအတွင်းမှာ မြန်မာနိုင်ငံရဲ့ အဓိကလိုအပ်တဲ့ အခြေခံအဆောက်အအုံအပိုင်းကို တစိုက်မတ်မတ် ဦးစားပေးပြီးတော့ ဆောင်ရွက်သွားမှာ ဖြစ်ပါတယ်။ အချို့အချို့သော စီမံကိန်းများဟာ နှစ်နှစ်၊ သုံးနှစ်တန်သည် မပြီးနိုင်တဲ့ စီမံကိန်းများရှိသော်ငြားလည်း နောင်အစိုးရသက်တမ်းတွေမှာ ဆက်လက်ပြီးမြောက်အောင် အကောင်အထည်ဖော်သွားမှာ ဖြစ်ပါတယ်။ အထူးသဖြင့် မြန်မာနိုင်ငံအတွက် မဖြစ်မနေလိုအပ်တဲ့ စွမ်းအင်နဲ့ လျှပ်စစ်ဓာတ် အားကိစ္စတွေ ကူးသန်းသွားလာရေးနဲ့သယ် ယူပို့ဆောင်ရေးအတွက် အရေးကြီးတဲ့ လမ်းတံတား ကိစ္စတွေဒါတွေက ကျွန်တော်တို့ ဦးစားပေးဆောင်ရွက်မယ့် နယ်ပယ်တွေထဲမှာ ရှိနေပါတယ်။ ဒီနည်းတူပဲ မြန်မာနိုင်ငံထဲမှာ  တောင်နဲ့မြောက်စီးဆင်းနေတဲ့ မြစ်ကြီးတွေ။ ဒီမြစ်ကြီးတွေရဲ့ မြစ်ဝှမ်းတစ်လျှောက် ၀ဲယာတွေမှာရှိတဲ့ လုပ်ငန်းနေရာတွေဟာ ကျွန်တော်တို့အတွက် ရင်းနှီးမြှုပ်နှံဖို့ အခွင့်အလမ်းတွေ မြောက်မြားစွာရှိနေတဲ့ နေရာတွေလို့လည်း တင်ပြလိုပါတယ်” ဟု ပြည်ထောင်စုဝန်ကြီး ဦးကျော်ဝင်းက ပြောကြားသည်။

“ဒါကြောင့် ဒီနေ့ကျင်းပတဲ့ဖိုရမ်မှာ တက်ရောက်လာတဲ့ ပုဂ္ဂိုလ်အားလုံး မိမိတို့  စိတ်အားသန်ရာနေရာ အာရုံဝင်စားရာ နေရာတွေမှာ ရင်းရင်းနှီးနှီး ပွင့်ပွင့်လင်းလင်းနဲ့ ညှိနှိုင်းဆွေးနွေးပေးခြင်းအားဖြင့် ရန်ကုန်တိုင်းဒေသကြီးအတွင်းမှာ ပေါ်ပေါက်လာမယ့် အခွင့်အလမ်းတွေကို အသီးသီး မျှဝေခံစားနိုင်မယ်လို့လည်း ကျွန်တော်မျှော်လင့် ယုံကြည်ပါတယ်” ဟု ၎င်းက ဆက်လက်ပြောကြားသည်။

ရန်ကုန်တိုင်းဒေသကြီးသည် စီးပွားရေး လုပ်ငန်းအများစုရှိရာ တိုင်းဒေသကြီးဖြစ်သည့်အလျောက် မြန်မာနိုင်ငံစီးပွားရေး ဖွံ့ဖြိုးတိုးတက်ရန်အတွက် အဓိကကျကြောင်းလည်း ၎င်းက ဆက်လက်ပြောကြားသည်။

ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ (YRIC) ကို မြန်မာနိုင်ငံ ရင်းနှီးမြှုပ်နှံမှုဥပဒေနှင့်အညီ Investment Agency အဖြစ်ဖွဲ့စည်းခဲ့ကြောင်း၊ YRIC အနေဖြင့် မတည်ရင်းနှီးမြှုပ်နှံမှု ဒေါ်လာငါးသန်း သို့မဟုတ် ကျပ်သန်း ၆၀၀၀ နှင့် အောက် ရင်းနှီးမြှုပ်နှံမှု အတည်ပြုလျှောက်ထားလွှာများကို ခွင့်ပြုမိန့်ထုတ်ပေးလျက်ရှိကြောင်း၊ YRIC သည် ရင်းနှီးမြှုပ်နှံခွင့် လျှောက်ထားမှုကိစ္စရပ်များနှင့် ရင်းနှီးမြှုပ်နှံမှု ခွင့်ပြုမိန့်ရရှိထားသော စီးပွားရေးလုပ်ငန်းများကိုလည်း ကူညီဆောင်ရွက်ပေးလျက်ရှိကြောင်း သိရသည်။

၂၀၁၇ ခုနှစ် သြဂုတ်၂၃ ရက်တွင် ပထမဆုံးအကြိမ်ကျင်းပသည့် YRIC အစည်းအဝေးမှ ၂၀၁၈ ခုနှစ် ဧပြီလအထိ နိုင်ငံခြားသား ရင်းနှီးမြှုပ်နှံမှုလုပ်ငန်း ၄၉ ခုဖြင့် မတည်ရင်းနှီးမြှုပ်မှုပမာဏ ဒေါ်လာ ၅၉ ဒသမ၂၉၆ နှင့် မြန်မာနိုင်ငံသား ရင်းနှီးမြှုပ်နှံမှုလုပ်ငန်း ကိုးခုဖြင့် မတည်ရင်းနှီးမြှုပ်နှံမှုပမာဏ စုစုပေါင်း ကျပ်သန်းပေါင်း ၂၃၀၆၀ တို့ကို ခွင့်ပြုပေးခဲ့ကြောင်းနှင့် အသစ်ထပ်မံခွင့်ပြုထားသော ရင်းနှီးမြှုပ်နှံမှုများသည် ရန်ကုန်တိုင်း ဒေသကြီးအတွက် အလုပ်အကိုင်အခွင့်အလမ်းပေါင်း ၂၂၀၀၀ ကျော်ကို ဖန်တီးပေးနိုင်မည်ဟု မျှော်လင့်ကြောင်း Yangon Investment Forum မှရရှိသော စာရင်းများအရ သိရသည်။

အစိုးရ၏ ၀ယ်ယူရေးနှင့် ပိုင်ဆိုင်ပစ္စည်းများ ငှားရမ်းရောင်းချရေးဆိုင်ရာ ဥပဒေ (မူကြမ်း) ထုတ်ပြန်ထားပြီး ပြဋ္ဌာန်းပုဒ်မများ မလိုက်နာသည့် အစိုးရ၀န်ထမ်းများနှင့် တင်ဒါတင်သွင်းသူများကို ထောင်ဒဏ်ငါးနှစ်အထိ ချမှတ်နိုင်မည့်အချက် ထည့်သွင်းရေးဆွဲ

ပုဒ်မ (၇၄) ခုပါဝင်သည့် အစိုးရ၏ ၀ယ်ယူရေးနှင့် ပိုင်ဆိုင်ပစ္စည်းများ ငှားရမ်းရောင်းချရေးဆိုင်ရာဥပဒေ (မူကြမ်း) ထုတ်ပြန်ထားပြီး ပြဋ္ဌာန်းပုဒ်မများ မလိုက်နာသည့် အစိုးရ၀န်ထမ်းများနှင့် တင်ဒါတင်သွင်းသူများကို ထောင်ဒဏ်ငါးနှစ်အထိ ချမှတ်နိုင်မည့်အချက် ထည့်သွင်းရေးဆွဲထားကြောင်း အဆိုပါ ဥပဒေကြမ်းမှ သိရသည်။

စီမံကိန်းနှင့် ဘဏ္ဍာရေးဝန်ကြီးဌာနမှ တာဝန်ယူစီမံခန့်ခွဲရမည့် အစိုးရ၏ ၀ယ်ယူရေးနှင့် ပိုင်ဆိုင်ပစ္စည်းများ ငှားရမ်းရောင်းချရေးဆိုင်ရာဥပဒေ (မူကြမ်း) တွင် အစိုးရ၏ ပိုင်ဆိုင်ပစ္စည်းငှားရမ်းခြင်းနှင့် ရောင်းချခြင်းများအတွက် ပိုင်ဆိုင်ပစ္စည်းထုခွဲရောင်းချရေးဆိုင်ရာ ကော်မတီဖွဲ့စည်းခြင်းနှင့် အစိုးရ၀န်ထမ်းများ စောင့်ထိန်းရမည့် ကျင့်ဝတ်များ၊ တင်ဒါတင်သွင်းသူများ၊ ပစ္စည်းပေးသွင်းသူများ၊ ကန်ထရိုက်တာများနှင့် ပတ်သက်သည့် အခန်း (၁၃) ခန်း ထည့်သွင်းရေး ဆွဲထားသည်။ အစိုးရ၏ ၀ယ်ယူရေးနှင့် ပိုင်ဆိုင်ပစ္စည်းများ ငှားရမ်းရောင်းချမှုပြုရမည့် အစိုးရ၀န်ထမ်းများအနေဖြင့် လိုက်နာရမည့် ကျင့်ဝတ်များအဖြစ် လုပ်ထုံးလုပ်နည်းများနှင့်အညီ ပြည်သူလူထု အကျိုးစီးပွားဖြစ်ထွန်းစေရန် အမြဲတစေဆောင်ရွက်ရမည်ဖြစ်ကြောင်း သတ်မှတ်ထားသည်။

ထို့ပြင် ပစ္စည်းပေးသွင်းသူများ တရားမျှတစွာ ယှဉ်ပြိုင်နိုင်ရေးအတွက် ၀ယ်ယူရေး ၀န်ထမ်းများ သီးခြားတာဝန်ပေးအပ်ရန်၊ ၎င်းတို့ တာဝန်ဝတ္တရားများ ထမ်းဆောင်နေစဉ် ကာလအတွင်း အကျိုးစီးပွားပဋိပက္ခဖြစ်စေခြင်းနှင့် သိက္ခာမဲ့စွာ ပြုမူနေထိုင်ခြင်းမှ ရှောင်ကြဉ်ရန်၊ တံစိုးလက်ဆောင်တောင်းခံခြင်း၊ လက်ခံခြင်းနှင့် လာဘ်ပေးလာဘ်ယူပြုမှုနှင့် မမှန်မကန် မရိုးမဖြောင့်ပြုမှုများကို ကျူးလွန်ခြင်းနှင့် အားပေးခြင်း မပြုလုပ်ရန်နှင့် ချုပ်ဆိုထားသည့် စာချုပ်ထုတ်ပြန်ကြေညာခြင်းနှင့် စပ်လျဉ်းသည့် တာဝန်မှအပ တင်ဒါတင်သွင်းသူနှင့်ပတ်သက်သော အချက်အလက်များ၊ ၀ယ်ယူရေးနှင့် ပိုင်ဆိုင်ပစ္စည်း ငှားရမ်းရောင်းချရေးလုပ်ငန်းစဉ်နှင့် စပ်လျဉ်းသည့် သတင်းအချက်အလက်များ လျှို့ဝှက်ထားရန် စသည့်အချက်များ ထည့်သွင်းရေးဆွဲထားကြောင်း သိရသည်။

ထို့ပြင် တင်ဒါတင်သွင်းသူများ၊ ပစ္စည်းပေးသွင်းသူများ၊ ကန်ထရိုက်တာများအနေဖြင့် မသင့်လျော်သော လာဘ်ပေးလာဘ်ယူမှု ပြုရန်အတွက် ကမ်းလှမ်းခြင်း အဂတိလိုက်စားမှု၊ ၀ယ်ယူမှုလုပ်ငန်းစဉ် သို့မဟုတ် စာချုပ်အကောင်အထည်ဖော်မှုကို လွှမ်းမိုးစေရန် မှားယွင်းသောအချက်အလက်များကို ဖော်ပြခြင်းကဲ့သို့ လိမ်လည်မှု၊ ၀ယ်ယူသည့် ဌာနအဖွဲ့အစည်း၏ လွတ်လပ်၍ ပွင့်လင်းမြင်သာသော ယှဉ်ပြိုင်မှုကို သွေဖည်စေရန် ဈေးပြိုင်ရာတွင် မဖြစ်နိုင်သော၊ သဘာဝမကျသော တင်ဒါဈေးနှုန်းသတ်မှတ်၍ တင်ဒါတင်သွင်းသူများအချင်းချင်း တင်ဒါမတင်သွင်းမီ (သို့မဟုတ်) တင်ဒါတင်သွင်းပြီးနောက် ပူးပေါင်းကြံစည်မှုများ မပြုလုပ်ရန် တားမြစ်ထားကြောင်း ဥပဒေ (မူကြမ်း) အရ သိရသည်။

၂၀၁၈ ခုနှစ်အတွင်း ရန်ကုန်တိုင်းဒေသကြီးမှ ၀န်ထမ်းအင်အား အသစ်၊ ရုံးအဆောက်အအုံ အသစ်နှင့် မော်တော်ယာဉ် အသစ်များ ၀ယ်ယူမည့် ကုန်ကျစရိတ် ကျပ် ၁၀ ဘီလျံကို ပြည်ထောင်စု အစိုးရအဖွဲ့က စိစစ်လျှော့ချခဲ့ဟုဆို

မတ် ၁၆ ရက်က ပြုလုပ်သည့် လွှတ်တော်အစည်းအဝေးသို့ တက်ရောက်လာသည့် ရန်ကုန်တိုင်းဒေသကြီး အစိုးရအဖွဲ့ဝင် အချို့အား တွေ့ရစဉ်

၂၀၁၈ ခုနှစ်အတွင်း ရန်ကုန်တိုင်းဒေသကြီးမှ ၀န်ထမ်းအင်အား အသစ်၊ ရုံးအဆောက်အအုံ အသစ်များနှင့် မော်တော်ယာဉ် အသစ်များ ၀ယ်ယူမည့် ကုန်ကျစရိတ် ၁၀ဘီလျံကို ပြည်ထောင်စု အစိုးရအဖွဲ့က စိစစ်လျှော့ချခဲ့ကြောင်း ရန်ကုန်တိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ပြောကြားသည်။

အဆိုပါကိစ္စအား မတ် ၁၆ ရက်၌ ပြုလုပ် သည့် ဒုတိယအကြိမ် ရန်ကုန်တိုင်းဒေသကြီး လွှတ်တော်ဆဋ္ဌမပုံမှန် အစည်းအဝေး ၁၄ ရက်မြောက်နေ့တွင် စီမံကိန်းနှင့်ဘဏ္ဍာရေး ၀န်ကြီး ဦးမြင့်သောင်းမှ ၂၀၁၈ ခုနှစ် ရန်ကုန် တိုင်းဒေသကြီး၏ ဘဏ္ဍာငွေအရသုံးဆိုင် ရာဥပဒေကြမ်းအား လွှတ်တော်သို့တင်သွင်းရာ၌ ထည့်သွင်းပြောကြားခဲ့ခြင်း ဖြစ်သည်။

ထို့ပြင် ရန်ကုန်တိုင်းဒေသကြီး အဆင့်ရှိ ဌာနအဖွဲ့အစည်းများ၏ ၂၀၁၈ ခုနှစ် ဧပြီမှ စက်တင်ဘာအထိ ခြောက်လအတွက် ရသုံးမှန်းခြေ ငွေစာရင်းများကို ၂၀၁၇ ဒီဇင်ဘာ ၁၅ ရက်တွင် ပြုလုပ်ခဲ့သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ပဉ္စမပုံမှန် အစည်းအဝေး ၂၄ ရက်မြောက်နေ့မှာ လွှတ်တော်မှာ အတည်ပြုခဲ့ပြီး ဖြစ်ကြောင်း၊ အဆိုပါ အတည်ပြုခဲ့သည့် ရငွေအားလုံးလည်း ၂၁၂ ဒသမ၂၄၂ ဘီလျံ ဖြစ်ကြောင်း၊ အသုံးစရိတ် အနေနှင့်လည်း တင်ပြသည့်အတိုင်း ၂၁၂ ဒသမ၂၄၂ ဘီလျံဖြစ်ကြောင်း ၀န်ကြီး ဦးမြင့်သောင်းက ပြောကြားသည်။

“ကျွန်တော်တို့ တိုင်းဒေသကြီး လွှတ်တော်မှာ တင်ပြအတည်ပြုခဲ့ပြီးတော့မှ ရန်ကုန်တိုင်းဒေသကြီး အစိုးရအဖွဲ့မှ ပြည်ထောင်စု အစိုးရအဖွဲ့ရုံး ဘဏ္ဍာရေးကော်မရှင်ကို တင်ပြခဲ့ပါတယ်။ အဲဒီကနေ ပြည်ထောင်စု အစိုးရအဖွဲ့ရဲ့ ၂၇ ရက် ဒီဇင်ဘာ ၂၀၁၇ ရက် စွဲဖြင့် ပြည်ထောင်စုရငွေ လျာထားချက် အခြေအနေအရ ည်းကောင်း၊ ကူးပြောင်းရေးကာလ ခြောက်လအတွက် သီးခြားရေးဆွဲ ဆောင်ရွက်သော ရသုံးခန့်မှန်းခြေ ငွေစာရင်းဖြစ်၍ လည်းကောင်း၊ ဘတ်ဂျက်လိုငွေ၏ ဂျီဒီပီအချိုးကို ငါးရာခိုင်နှုန်းတွင် ထားရှိနိုင်ရန်အတွက် အသုံးစရိတ်များ စိစစ်လျှော့ချသည့် နည်းတူ၊ ပြည်ထောင်စုမှ တိုင်းဒေသကြီး ပြည်နယ်များသို့ ထောက်ပံ့ငွေ အသုံးစရိတ်များကိုလည်း ဒုတိယသမ္မတကြီး၏ ခွင့်ပြုချက်အရ စိစစ်လျှော့ချခဲ့ပါတယ်။ အဲဒီလိုလျှော့ချခဲ့တဲ့အခါ ရန်ကုန်တိုင်းဒေသကြီးရဲ့ ငွေလုံးငွေရင်း အသုံးစရိတ်နှင့် ကျခံမယ့် ၀န်ထမ်းအင်အားအသစ်၊ ရုံးအဆောက်အအုံ ဆောက်လုပ်ခြင်းနှင့် မော်တော်ယာဉ် အသစ်များ ၀ယ်ယူသည့် အသုံးစရိတ်များ ကျပ် ၁၀ ဒသမ ၀၅ ဘီလျံကို စိစစ်လျှော့ချခဲ့ပါတယ်” ဟု ဦးမြင့်သောင်းက ပြောကြားသည်။

ယခုကဲ့သို့ စိစစ်လျှော့ချခဲ့ခြင်းကြောင့် မူလတင်ပြခဲ့သည့် ၂၁၂ ဘီလျံမှ ၂၀၂ ဒသမ ၁၉ ဘီလျံရငွေဖြစ်ကြောင်း၊ စုစုပေါင်း အသုံးစရိတ်သည်လည်း ၂၀၂ ဘီလျံ ဖြစ်ကြောင်း၊ ရန်ကုန်တိုင်းဒေသကြီးတွင် ရသုံးမှန်းခြေ ငွေစာရင်း လျှော့ချခဲ့သည့်အတွက် ရငွေအနေဖြင့် ပြည်ထောင်စုမှ ထောက်ပံ့ငွေ ၁၀ ဒသမ ၇၉ ဘီလျံ၊ အခွန်ဝေစုမှ ၆၃ ဒသမ ၈ ဘီလျံ၊ ရန်ကုန်တိုင်းဒေသကြီး အတွင်းရှိ ငှာနအဖွဲ့အစည်းများမှ အခွန်အကောက်ရရှိငွေ ၁၆ ဒသမ ၅၉ ဘီလျံ၊ အခြားသာမန်ရငွေ ကျပ် ၄၈ ဒသမ ၆၄ ဘီလျံ၊ ငွေလုံးငွေရင်းရငွေ မှ ၁၆ ဒသမ ၁၅၄ ဘီလျံနှင့် ကြွေးမြီရငွေသည် ၄၆ ဒသမ ၁၈ ဘီလျံဖြစ်သဖြင့် စုစုပေါင်းရငွေသည် ၂၀၂ ဘီလျံဖြစ်ကြောင်း သိရသည်။

ယင်းအပြင် အသုံးစရိတ် အနေဖြင့်သာ မန်အသုံးစရိတ်သည် ၆၈ ဒသမ ၅ ဘီလျံနှင့် ငွေလုံးငွေရင်း အသုံးစရိတ်သည် ၁၃၃ ဒသမ ၅၉ ဘီလျံဖြစ်ပြီး စုစုပေါင်း အသုံးစရိတ်သည် ၂၀၂ ဘီလျံဖြစ်ကြောင်း၊ ရန်ကုန်တိုင်း ဒေသကြီး၏ ၂၀၁၈ ခုနှစ် ဘဏ္ဍာငွေအရသုံးဆိုင်ရာ ဥပဒေမူကြမ်းအား ရန်ကုန်တိုင်းဒေသကြီး ဥပဒေချုပ်ရုံးမှ သဘောထားမှတ်ချက် တောင်းခံရာတွင် ပြင်ဆင်ဖြည့်စွက်ရန် မရှိသဖြင့် ဥပဒေသဘောထားများ မှတ်ချက်ပြုရန် မရှိကြောင်းကို ပြန်ကြားချက်ရရှိခဲ့ပြီး ဖြစ်ကြောင်း၊ ၂၀၁၈ ခုနှစ် ဧပြီမှ စက်တင်ဘာအထိ ရန်ကုန်တိုင်းဒေသကြီး၏ ရသုံးခန့်မှန်းခြေ ငွေစာရင်းနှင့် ၂၀၁၈ ခုနှစ် ရန်ကုန်တိုင်းဒေသကြီး၏ ဘဏ္ဍာငွေ အရအသုံးဆိုင်ရာ ဥပဒေကြမ်းတို့ကို ရန်ကုန်တိုင်းဒေသကြီး အစိုးရအဖွဲ့ ၂၀၁၈ ဖေဖော်ဝါရီ ၁ ရက်တွင် ပြုလုပ်သည့် ရန်ကုန်တိုင်းဒေသကြီး အစိုးရအဖွဲ့ အစည်းအဝေး ဆုံးဖြတ်ချက်အရ သဘောတူ အတည်ပြုခဲ့ပြီး ဖြစ်ကြောင်း ၎င်းကဆက်လက် ပြောကြားသည်။

 

ဘဏ္ဍာရေး စည်းမျဉ်းစည်းကမ်းနှင့် ညီညွတ်မှုမရှိသော အသုံးစရိတ် တင်ပြတောင်းခံမှုများ မဖြစ်ပေါ်ရန် ပြည်ထောင်စုလွှတ်တော် အနေဖြင့် ဘတ်ဂျက်စိစစ် ဖြတ်တောက်ရုံဖြင့် လုံလောက်မှုမရှိဘဲ အစိုးရအဖွဲ့အစည်း အသီးသီး အနေဖြင့် စည်းမျဉ်းစည်းကမ်းနှင့်အညီ ရေးဆွဲရမည်ဟု ပြည်သူ့လွှတ်တော်ကိုယ်စားလှယ် ပြည်ထောင်စု လွှတ်တော်၌ ဆွေးနွေး

ဖေဖော်ဝါရီ ၂၂ ရက်က နေပြည်တော်တွင် ပြုလုပ်သော ပြည်ထောင်စုလွှတ်တော် အစည်းအဝေး မစတင်မီ တက်ရောက်လာသူများကို တွေ့ရစဉ် (ဓာတ်ပုံ-စည်သူ)

ဘဏ္ဍာရေး စည်းမျဉ်းစည်းကမ်းနှင့် ညီညွတ်မှုမရှိသော အသုံးစရိတ် တင်ပြတောင်းခံမှုများ မဖြစ်ပေါ်ရန် ပြည်ထောင်စုလွှတ်တော် အနေဖြင့် ဘတ်ဂျက်စိစစ် ဖြတ်တောက်ရုံဖြင့် လုံလောက်မှုမရှိဘဲ အစိုးရအဖွဲ့အစည်း အသီးသီး အနေဖြင့် ဘတ်ဂျက်များ ပြင်ဆင်ရေးဆွဲချိန်တွင် စည်းမျဉ်းစည်းကမ်းနှင့်အညီ ရေးဆွဲရမည်ဟု ပုလဲမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြည်ထောင်စုလွှတ်တော်တွင် ဆွေးနွေးသည်။

၂၀၁၈ ခုနှစ် ဧပြီလမှ စက်တင်ဘာလအထိ ခြောက်လ အမျိုးသားစီမံကိန်း ဥပဒေကြမ်းနှင့် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းတို့၏မူနှင့် အခြေခံသဘောများ၊ စီမံကိန်းလုပ်ငန်းများ၊ ရငွေသုံးငွေများနှင့် စပ်လျဉ်း၍ နေပြည်တော်၌ ဖေဖော်ဝါရီ ၂၂ ရက်က ပြုလုပ်သည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး န၀မနေ့တွင် လွှတ်တော်ကိုယ်စားလှယ် ၂၈ ယောက်က ဆွေးနွေးရာ ဒေါ်ခင်စန်းလှိုင်က အထက်ပါအတိုင်း တင်ပြဆွေးနွေးခဲ့ခြင်းဖြစ်သည်။

“ဘဏ္ဍာရေး စည်းမျဉ်းစည်းကမ်းနဲ့ ညီညွတ်မှုမရှိတဲ့ အသုံးစရိတ် တင်ပြတောင်းခံမှုတွေကို နောင်မဖြစ်စေဖို့ဆိုရင် ကျွန်မတို့ပြည်ထောင်စု လွှတ်တော်ကြီးက ဘတ်ဂျက်စိစစ်ပြီး ဖြတ်တောက်နေရုံနဲ့ မလုံလောက်တော့ပါဘူး။ အစိုးရအဖွဲ့အစည်း အသီးသီးအနေနဲ့ ဘတ်ဂျက်ကို ပြင်ဆင်ရေးဆွဲကတည်းက ဘဏ္ဍာရေး စည်းမျဉ်းစည်းကမ်းများနဲ့အညီ  အလေးအနက်ထား အထူးဂရုပြု စိစစ်ရေးဆွဲရမှာ ဖြစ်သလို အဆင့်ဆင့် စိစစ်တဲ့ အဖွဲ့အစည်းများ အနေနဲ့လည်း တာဝန်ယူ၊ တာဝန်ခံမှုရှိဖို့ လိုအပ်ပါတယ်” ဟု ဒေါ်ခင်စန်းလှိုင်က ပြောကြားသည်။

ဘဏ္ဍာရေး စီမံခန့်ခွဲမှုနှင့် ပတ်သက်ပြီး ၁၉၈၆ ခုနှစ် ဆိုရှယ်လစ်အစိုးရ လက်ထက်တွင် ထုတ်ပြန်သည့် ၄၂/၈၆ စည်းမျဉ်းသည် ၂၀၁၇ ခုနှစ် ဧပြီ ၁ ရက်မတိုင်မီအထိ တည်ဆဲလိုက်နာရန် စည်းမျဉ်းဖြစ်ပြီး အစိုးရသစ်လက်ထက် ၂၀၁၇ ခုနှစ် ဧပြီ ၁ ရက်တွင် ပြည်သူ့ဘဏ္ဍာ စီမံခန့်ခွဲမှု အားကောင်းစေရန် မြန်မာနိုင်ငံ၏ ဘဏ္ဍာရေး စီမံခန့်ခွဲမှုဆိုင်ရာ စည်းမျဉ်း ၃၅/၂၀၁၇ ကို ထုတ်ပြန်ခဲ့ပြီး ၄၂/၈၆ ကို ပယ်ဖျက်ခဲ့ခြင်းဖြစ်ကြောင်း ဒေါ်ခင်စန်းလှိုင်က ပြောကြားသည်။

ထို့ပြင် ၂၀၁၈ ခုနှစ် ခြောက်လဘတ်ဂျက်တွင် ၃၅/၂၀၁၇ ပါ ဘဏ္ဍာရေး စည်းမျဉ်းစည်းကမ်းများနှင့် ကိုက်ညီမှု မရှိသော အသုံးစရိတ် တင်ပြတောင်းခံမှုများ ရှိနေဆဲကို လေ့လာတွေ့ရှိရပြီး နှစ်ပေါင်း ၃၀ ကြာ ၀န်ကြီးဌာနများ၊ ဦးစီးဌာနများနှင့် အစိုးရ အဖွဲ့အစည်း အသီးသီးသည် ၄၂/၈၆ ပါ စည်းမျဉ်းများကို လိုက်နာဆောင်ရွက်မှု အားနည်းခဲ့ခြင်းကြောင့် ပြည်သူ့ဘဏ္ဍာ လေလွင့်ဆုံးရှုံးမှုများ၊ အလွဲသုံးစားမှုများသည် အစဉ်အလာ အလေ့အထ တစ်ခုကဲ့သို့ အမြစ်တွယ်ခဲ့ကြောင်း ၎င်းက ပြောကြားသည်။

၂၀၁၈-၂၀၁၉ ဘဏ္ဍာရေးနှစ်အား အောက်တိုဘာ ၁ ရက်မှ စက်တင်ဘာ ၃၀ ရက်အထိ သတ်မှတ်သွားမည်

၂၀၁၈-၂၀၁၉ ဘဏ္ဍာရေးနှစ်အား အောက်တိုဘာ ၁ ရက်မှ စက်တင်ဘာ ၃၀ ရက်အထိ သတ်မှတ်သွားမည်ဖြစ်ကြောင်း ပြည်ထောင်စုလွှတ်တော် နာယက,က ဇန်န၀ါရီ ၁၈ ရက်က ပြုလုပ်သည့် ၂၀၁၈ ခုနှစ် ဧပြီလမှ စက်တင်ဘာလ အထိ ၆ လ အမျိုးသားစီမံကိန်း ဥပဒေကြမ်းနှင့် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်းများ နှင့်စပ်လျဉ်းသည့် ညှိနှိုင်းအစည်းအဝေးတွင် ပြောကြားခဲ့ခြင်း ဖြစ်သည်။

ရှေးဦးစွာ ပြည်ထောင်စုလွှတ်တော် နာယက က အဖွင့်အမှာစကားပြောကြားရာတွင်၂၀၁၈ ခုနှစ်၊ ဧပြီလမှ စက်တင်ဘာလအထိ ၆ လအမျိုးသားစီမံကိန်းဥပဒေကြမ်း နှင့် ၂၀၁၈ ခုနှစ်၊ ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းတို့ကိုဖွဲ့စည်း ပုံအခြေခံဥပဒေပြဋ္ဌာန်းချက်နှင့်အညီ သတ်မှတ်ကာလအတွင်း အတည်ပြုပြဋ္ဌာန်းနိုင်ရန် ညှိနှိုင်းသည့် အစည်းအဝေးဖြစ်ပါကြောင်း၊ ဥပဒေကြမ်းများ၌ပါဝင်သည့် စီမံကိန်းလုပ်ငန်းများနှင့် ရငွေသုံးငွေများကို စိစစ်ရန် စိစစ်ရေးပူးပေါင်းအဖွဲ့ ၁၇ ဖွဲ့ကို ဖွဲ့စည်းခဲ့ပြီး ဖြစ်ပါကြောင်း၊ သက်ဆိုင်ရာဝန်ကြီးဌာန၊ အဖွဲ့အစည်းအသီးသီးက အသုံးစရိတ်များ တင်ပြတောင်းခံထားပါကြောင်း၊ (၆)လတာကာလအတွက် ပြီးပြတ်နိုင်သည့် လုပ်ငန်းများဟုတ်၊ မဟုတ် စိစစ်ရမည်ဖြစ်ပါကြောင်း၊ ၂၀၁၈-၂၀၁၉ ခု၊ ဘဏ္ဍာရေးနှစ်ကစပြီး ဘဏ္ဍာရေး နှစ်ကာလကို အောက်တိုဘာ ၁ ရက်မှ စက်တင်ဘာ  ၃၀ ရက်ထိ ပြောင်းလဲကျင့်သုံးမည် ဖြစ်ပါကြောင်း၊ လက်ရှိဘဏ္ဍာရေးနှစ်နှင့် ပြောင်းလဲကျင့်သုံးမည့် ဘဏ္ဍာရေးနှစ်သစ် တို့အကြားကြားကာလဖြစ်သည့် ယခု ၆ လ တာ ကာလအတွင်း သက်ဆိုင်ရာ ပြည်ထောင်စုအဆင့်ဌာန၊ အဖွဲ့အစည်းများမှ တောင်းခံလာသည့် အသုံးစရိတ်များအား စိစစ်ရေး ပူး ပေါင်းအဖွဲ့များအနေဖြင့် အသေးစိတ်လေ့လာစိစစ်ပြီး ဥပဒေကြမ်း ပူးပေါင်းကော်မတီနှင့် ပြည်သူ့ငွေစာရင်း ပူးပေါင်းကော်မတီသို့ သတ်မှတ်ရက်အတိုင်း ပေးပို့ကြရန် လိုအပ်ကြောင်း ပြောကြားခဲ့သည်။

မန္တလေးမြို့တွင် ပထမဦးဆုံးအကြိမ်အဖြစ် ဘဏ္ဍာရေးပွင့်လင်းမြင်သာမှုဆိုင်ရာ ဆွေးနွေးပွဲကို အရပ်ဘက်လူ့အဖွဲ့အစည်းများ စုပေါင်း၍ ကျင်းပ

မန္တလေးမြို့တွင် ဘဏ္ဍာရေးပွင့်လင်းမြင်သာမှုဆိုင်ရာ ဆွေးနွေးပွဲကို အရပ်ဖက်လူ့အဖွဲ့အစည်းများ စုပေါင်း၍ ကျင်းပနေစဉ်

မန္တလေးမြို့တွင် ပထမဦးဆုံးအကြိမ်အဖြစ် ဘဏ္ဍာရေးပွင့်လင်းမြင်သာမှုဆိုင်ရာ ဆွေးနွေးပွဲကို အရပ်ဘက်လူ့အဖွဲ့အစည်း အသီးသီးက စုပေါင်း၍ ဇန်န၀ါရီ ၁၈ ရက်တွင် ၇၈ လမ်း၊ ၃၇ လမ်းနှင့် ၃၈ လမ်းကြားရှိ Hotel Mandalay  တွင် ကျင်းပပြုလုပ်ပြီး ၁၉ ရက်အထိ နှစ်ရက်တိုင်တိုင် ကျင်းပသွားမည်ဖြစ်ကြောင်း သိရသည်။

တိုင်းပြည်၏ ဖွံ့ဖြိုးရေးကဏ္ဍအတွက် ဆောင်ရွက်နေကြသော အရပ်ဘက်အဖွဲ့အစည်းများအတွက် လိုအပ်သည့် သတင်းအချက်အလက်များ၊ နည်းပညာများအပြင် ဘဏ္ဍာရေးဆိုင်ရာ သတင်းအချက်အလက် ရရှိစေရန်၊ ဘဏ္ဍာရေးဆိုင်ရာ ပွင့်လင်းမြင်သာမှု ရှိလာစေရန်နှင့် ထိရောက်သော ဖွံ့ဖြိုး မှုများ ရရှိလာစေရန်အတွက် ရည်ရွယ်လုပ်ဆောင်ခြင်းဖြစ်ကြောင်း သိရသည်။

“ပထမနေ့မှာ ပြည်သူ့ဘဏ္ဍာစီမံခန့်ခွဲမှုဆိုတာ ဘာလဲဆိုတဲ့ ကဏ္ဍတစ်ခုကို အရပ်ဘက် အဖွဲ့အစည်းတွေကြားမှာ ဆွေးနွေးသွားမှာ ဖြစ်ပါတယ်။ ပြီးရင် ဘဏ္ဍာရေးပွင့်လင်းမြင်သာမှု၊ လက်ရှိဘဏ္ဍာရေး၊ ဘဏ္ဍာအသုံးစရိတ်၊ ရသုံးမှန်းခြေရဲ့ သတင်းအချက်တွေ ဘာတွေရှိမလဲ၊ ဘယ်လိုတွေ လုပ်ဆောင်နေကြလဲဆိုတာတွေကို ဆွေးနွေးကြမယ်။ ဆွေးနွေးတဲ့ရလဒ်တွေကို အခြေခံပြီးတိုင်းနှင့် ပြည်နယ်အသီးသီးမှာ ဘဏ္ဍာရေးဆိုင်ရာ သတင်းအချက်အလက် ရရှိဖို့ရယ်၊ ထိရောက်တဲ့ ဖွံ့ဖြိုးမှုတွေဖြစ်ဖို့ စီမံကိန်းတွေကို ဘယ်လိုလုပ်ကြမလဲဆိုတာ ဆွေးနွေးသွားကြမှာ ဖြစ်ပါတယ်” ဟု ဖွံ့ဖြိုးရေးမဏ္ဍိုင်အဖွဲ့မှ ဒါရိုက်တာ ဦးညီညီအောင်က ပြောကြားသည်။

ထိုဆွေးနွေးနှီးနှောဖလှယ်ပွဲ၏ ဒုတိယနေ့တွင် ပြည်နယ်နှင့် တိုင်းဒေသကြီးမှ လွှတ်တော်ကိုယ်စားလှယ်များ၊ အစိုးရအဖွဲ့အစည်းများနှင့် အရပ်ဘက်အဖွဲ့အစည်းတို့မှ စကားဝိုင်း ဆွေးနွေးပွဲများ၊ ဘဏ္ဍာရေးနှင့် ပတ်သက်သော သတင်းအချက်အလက်များ၊ ရသုံးမှန်းခြေငွေစာရင်းဆိုင်ရာ အချက်အလက်များ၊ ပြည်တွင်းပြည်ကြွေးမြီ လက်ရှိအခြေအနေ၊ ပြည်ထောင်စုဘတ်ဂျက်၏ စုစုပေါင်း အသုံးစရိတ်အပေါ်တွင် ပြည်ထောင်စုအဆင့် အဖွဲ့အစည်းများနှင့် ၀န်ကြီးဌာန များသို့ ခွဲဝေပေးထားသည့် အသုံးစရိတ် ရာခိုင်နှုန်းများ၊ ပြည်ထောင်စု၏ အဖွဲ့အစည်းများနှင့် ၀န်ကြီးဌာနအလိုက် ရငွေလျာထားချက်များ၊ သုံးငွေလျာထားချက်များစသည့် ဘဏ္ဍာရေးဆိုင်ရာ ပွင့်လင်းမြင်သာမှုအတွက် လိုအပ်သည်များ ဆွေးနွေးသွားမည်ဖြစ်ကာ ဘဏ္ဍာရေးဆိုင်ရာ ပွင့်လင်းမြင်သာမှုအတွက် လုပ်ဆောင်သွားမည်ဖြစ်ကြောင်း သိရသည်။

ထိုကဲ့သို့ ဘဏ္ဍာရေးဆိုင်ရာ ဆွေးနွေးပွဲများအပြီးတွင် နိုင်ငံ၏ဘဏ္ဍာရေးဆိုင်ရာ ပွင့်လင်းမြင်သာမှုသည် ၃၅ ရာခိုင်နှုန်းအထိ ရှိလာနိုင်သည်ဟု မျှော်လင့်လျက်ရှိကြောင်း အဆိုပါဖွံ့ဖြိုးရေးမဏ္ဍိုင်အဖွဲ့မှ ဒါရိုက်တာ ဦးညီညီအောင်က ဆက်လက်ပြောကြားသည်။

ဘဏ္ဍာရေးဆိုင်ရာ ဆွေးနွေးပွဲများကို ဖွံ့ဖြိုးရေးမဏ္ဍိုင်နှင့် The Asia Foundation တို့မှ ပူးပေါင်းဆောင်ရွက်ကျင်းပနေခြင်းဖြစ်ကာ ရန်ကုန်တိုင်းဒေသကြီးအပါအ၀င်၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရခိုင်ပြည်နယ်၊ ကယားပြည်နယ်နှင့် မန္တလေးတိုင်းဒေသကြီး၊ စစ်ကိုင်းတိုင်း၊ ချင်းပြည်နယ်၊ ကချင်ပြည်နယ်၊ ရှမ်းပြည်နယ်တို့တွင် ကျင်းပခဲ့ပြီးဖြစ်ကာ မွန်ပြည်နယ်၊ ကရင်ပြည်နယ်၊ တနင်္သာရီတိုင်းတို့တွင် ဆက်လက် ကျင်းပသွားမည်ဖြစ်ပြီး ပြည်ထောင်စုအဆင့် ဘဏ္ဍာရေးဆိုင်ရာ ဆွေးနွေးပွဲကို နေပြည်တော်တွင် ကျင်းပသွားမည်ဖြစ်ကြောင်း သိရသည်။