ဘင်္ဂလားဒေ့ရ်ှနိုင်ငံဘက်သို့ ထွက်ခွာရန် ဘူးသီးတောင်မြို့နယ်အတွင်းရှိ ဘင်္ဂါလီ ၁၀၀၀၀ ခန့် နယ်စပ်အနီးသို့ ထပ်မံရောက်ရှိ

ဘင်္ဂလားဒေ့ရ်ှနိုင်ငံဘက်သို့ ထွက်ခွာရန် စုပြုံရောက်ရှိနေသော ဘင်္ဂါလီများအား တာဝန်ရှိသူများ သွားရောက် တွေ့ဆုံညှိနှိုင်းနေစဉ် (ဓာတ်ပုံ – Information Committee)

ဘင်္ဂလားဒေ့ရ်ှနိုင်ငံဘက်သို့ ထွက်ခွာရန် ဘူးသီးတောင်မြို့နယ်အတွင်းရှိ ဘင်္ဂါလီ ၁၀၀၀၀ ခန့် နယ်စပ်အနီးသို့ ထပ်မံရောက်ရှိလာသဖြင့် တာဝန်ရှိသူများက သွားရောက်ညှိနှိုင်းခဲ့ရကြောင်း သတင်းထုတ်ပြန်ရေးကော်မတီက ယနေ့ (အောက်တိုဘာ ၂ ရက်) ညပိုင်းက ထုတ်ပြန်ကြေညာခဲ့သည်။

အဆိုပါ ထုတ်ပြန်ချက်တွင် ဘူးသီးတောင်မြို့နယ်အတွင်းရှိ ကျေးရွာများမှ ဘင်္ဂါလီများသည် စားဝတ်နေရေး အခက်အခဲကြောင့် လည်းကောင်း၊ လုံခြုံရေး အခြေအနေအရ ကျေးရွာတွင် လုံခြုံမှုမရှိဟုယူဆ၍ လည်းကောင်း၊ ဘင်္ဂလားဒေ့ရ်ှနိုင်ငံသို့ ရောက်ရှိနေသည့် ဘင်္ဂါလီများက ဘင်္ဂလားဒေ့ရ်ှနိုင်ငံသို့ ထွက်ခွာရန် ဆက်သွယ်ပြောဆိုခြင်းများကြောင့် လည်းကောင်း၊ ၎င်းတို့အုပ်စုသည် လူနည်းစုဖြစ်မည်ကို စိုးရိမ်သဖြင့် တစ်ဖက်နိုင်ငံရှိ ၎င်းတို့မျိုးနွယ်စုများထံ သွားရောက်လိုခြင်းကြောင့် လည်းကောင်း၊ မိမိနေထိုင်သည့် ကျေးရွာများမှ တစ်ဖက်နိုင်ငံသို့ သွားရောက်ရန် စက်တင်ဘာ ၂၆ ရက်မှ စတင်၍ ထွက်ခွာခဲ့ကြပြီး နှစ်နိုင်ငံနယ်စပ်အနီးသို့ စုပြုံရောက်ရှိလျက်ရှိကြောင်း ထုတ်ပြန်ချက်တွင် ပါရှိသည်။

ယင်းထုတ်ပြန်ချက်အရ မောင်တောမြို့နယ်၊ သင်္ဘောလှကျေးရွာနှင့် သာယာကုန်းကျေးရွာကြားတွင် ဘူးသီးတောင်မြို့နယ်အတွင်းမှ တစ်ဖက်နိုင်ငံသို့ တိမ်းရှောင်မည့် ဘင်္ဂါလီများ ရောက်ရှိနေကြောင်း သတင်းရရှိသဖြင့် မောင်တောခရိုင်အတွင်း တရားဥပဒေစိုးမိုးရေး လုပ်ငန်းများ ဆောင်ရွက်နေသည့် အုပ်ချုပ်ရေးအဖွဲ့များနှင့် လုံခြုံရေးတပ်ဖွဲ့ဝင်များသည် အောက်တိုဘာ ၁ ရက် နေ့လည် ၁၁ နာရီက သွားရောက် တွေ့ဆုံခဲ့ကြောင်း သိရသည်။

ထိုကဲ့သို့ သွားရောက် တွေ့ဆုံခဲ့ရာတွင် တိမ်းရှောင်ရောက်ရှိနေသည့် ဘင်္ဂါလီများအား စားဝတ်နေရေး အခက်အခဲရှိပါက ဆန်၊ ဆီ၊ ဆား၊ ပဲ (၄) မျိုးကို ဒေသအတွင်းမှ နှစ်ဖက်လူအဖွဲ့အစည်းများအား လူမျိုးဘာသာမရွေး ထောက်ပံ့ပေးနေကြောင်း၊ လုံခြုံရေးနှင့် ပတ်သက်၍လည်း ဒေသအတွင်း၌ အေးချမ်းတည်ငြိမ်ရေးအတွက် ဆောင်ရွက်နေမှုများအား ရှင်းလင်းပြောကြားပြီး မိမိတို့ဒေသ ရပ်ရွာဒေသများ၌ အေးချမ်းစွာ ပြန်လည်နေထိုင်၍ လုပ်ကိုင် စားသောက်ကြရန်၊ အခက်အခဲရှိသည်များကို တတ်နိုင်သလောက် ပူးပေါင်း ဆောင်ရွက်သွားမည် ဖြစ်ကြောင်း ပြေကြားခဲ့ပြီး တွေ့ဆုံ ရှင်းလင်းပြောကြားခဲ့မှုအပေါ် ၎င်းတို့ဘက်မှ နားလည် သဘောပေါက်သော်လည်း တစ်ဖက်နိုင်ငံသို့သာ ၎င်းတို့ ကိုယ်ပိုင်ဆန္ဒဖြင့် သွားရောက်လိုကြောင်း ပြန်လည်တင်ပြခဲ့ကြသည်ဟု သတင်းထုတ်ပြန်ရေးကော်မတီမှ ထုတ်ပြန်ထားသည်။

နှစ်နိုင်ငံ နယ်စပ်အနီးသို့ စုပြုံရောက်ရှိသူများမှာ စက်တင်ဘာ ၂၆ ရက်တွင် ဘူးသီးတောင်မြို့နယ်အတွင်းရှိ ဂူတာပြင်ကျေးရွာမှ ဘင်္ဂါလီ ၁၆၈ ဦးသည် ရွာသစ်ကေကျေးရွာအနီး၌ လည်းကောင်း၊ ရွှေထားကျေးရွာနှင့် ဇင်ခါးမကျေးရွာတို့မှ ဘင်္ဂါလီ ၂၅၅ ဦး၊ တောင်ချောင်းကျေးရွာနှင့် ပေါက်တောကျေးရွာမှ ဘင်္ဂါလီ ၂၈၁ ဦး၊ သိမ်တောင်ပြင်ကျေးရွာနှင့် ကာလီကျေးရွာတို့မှ ဘင်္ဂါလီ ၂၀၀ ဦးနှင့် ဒုအိုးသည်မကျေးရွာတို့မှ ဘင်္ဂါလီ ၃၅ ဦးတို့သည် စက်တင်ဘာ ၂၇ ရက်တွင် လေယာဉ်ကွင်းကျေးရွာအနီး ကမ်းစပ်၌ လည်းကောင်း၊ တောင်ချောင်းကျေးရွာ၊ ဇင်ခါးမကျေးရွာ၊ ဘိုလီကျေးရွာနှင့် ငွေတောင်ကျေးရွာတို့မှ ဘင်္ဂါလီ ၈၉၅ ဦးတို့သည် စက်တင်ဘာ ၂၈ ရက်တွင် လေယာဉ်ကွင်းကျေးရွာအနီး ကမ်းစပ်၌ လည်းကောင်း၊ ဂူတာပြင်ကျေးရွာမှ ဘင်္ဂါလီ ၅၃၀ ဦးတို့သည် စက်တင်ဘာ ၂၉ ရက်တွင် ပညောင်ပင်ကြီးနှင့် နယ်စပ်ခြံစည်းရိုးကြားတွင် လည်းကောင်း၊ ယခု ထပ်မံ ရောက်ရှိလာသည့် ဘင်္ဂါလီ ၁၀၀၀၀ ခန့်သည် လက်ဖွဲ့ကျကျေးရွာနှင့် ကွမ်းသီးပင်ကျေးရွာကြား အနောက်ဖက် တောစပ်တို့တွင်လည်းကောင်း တစ်ဖက်နိုင်ငံသို့ ထွက်ခွာရန် စုပြုံရောက်ရှိနေကြောင်း သတင်းထုတ်ပြန်ရေးကော်မတီမှ ထုတ်ပြန်ကြေညာခဲ့သည်။

ဘူးသီးတောင်မြို့နယ်မှ ဘင်္ဂါလီများ တစ်ဖက်နိုင်ငံသို့ ပြောင်းရွှေ့ရန် ဘင်္ဂလားဒေ့ရ်ှနိုင်ငံသို့ ရောက်ရှိနေသူများက ဆက်သွယ်ပြောဆိုခြင်းများ ရှိနေဟုဆို

ဘူးသီးတောင်မြို့နယ်မှ ဘင်္ဂါလီများ တစ်ဖက်နိုင်ငံသို့ ပြောင်းရွှေ့ရန် ဘင်္ဂလားဒေ့ရှ် နိုင်ငံသို့ ရောက်ရှိနေသူများက ဆက်သွယ် ပြောဆိုခြင်းများ ရှိနေကြောင်း သတင်းထုတ်ပြန်ရေးကော်မတီမှ စက်တင်ဘာ ၂၈ ရက်တွင် ထုတ်ပြန်ထားသည်။

ထုတ်ပြန်ချက်တွင် မောင်တောမြို့နယ် အလယ်သံကျော်ကျေးရွာအုပ်စု လေယာဉ်ကွင်းကျေးရွာတွင် ဘူးသီးတောင်မြို့နယ်အတွင်းမှ တစ်ဖက်နိုင်ငံသို့ တိမ်းရှောင်မည့် ဘင်္ဂါလီများ ရောက်ရှိနေကြောင်း သတင်းအရ မောင်တောခရိုင်နှင့် မြို့နယ်အုပ်ချုပ်ရေးမှူးများ၊ ဌာနဆိုင်ရာများ ပူးပေါင်း ပါဝင်သောအဖွဲ့သည် စက်တင်ဘာ ၂၇ ရက်တွင် သွားရောက် တွေ့ဆုံခဲ့ကြောင်း၊ လေယာဉ်ကွင်းကျေးရွာတွင် တိမ်းရှောင်ရောက်ရှိနေသူများသည် ဘူးသီးတောင်မြို့နယ် ဒုအိုးသည်မ ကျေးရွာအုပ်စုနှင့် ပြိုင်းတောင်ကျေးရွာအုပ်စု၊ ဇင်ခါးမကျေးရွာ၊ ဘိုလီကျေးရွာ၊ ငွေတောင်ကျေးရွာတို့မှဖြစ်ပြီး ဒေသအခြေအနေ မတည်ငြိမ်မှုအပေါ် ကြောက်ရွံ့၍ တစ်ဖက်နိုင်ငံသို့ တိမ်းရှောင်ရန် ယင်းနေရာသို့ ရောက်ရှိလာကြောင်း သိရသည်။

ထို့ကြောင့် ခရိုင်အုပ်ချုပ်ရေးမှူးနှင့် အဖွဲ့က တိမ်းရှောင် ရောက်ရှိနေသူများအား တွေ့ဆုံမေးမြန်းရာတွင် စားဝတ်နေရေး အခက်အခဲရှိသဖြင့် ဆက်လက်နေထိုင်၍ မရသောကြောင့် သွားရောက်လိုခြင်း ဖြစ်ကြောင်း၊ လုံခြုံရေး အခြေအနေအရ ကျေးရွာတွင် လုံခြုံမှုမရှိဟု ယူဆ၍ သွားရောက်လိုခြင်း ဖြစ်ကြောင်း၊ ဘင်္ဂလားဒေ့ရ်ှနိုင်ငံသို့ ရောက်ရှိနေသည့် ဘင်္ဂါလီများက ထွက်ခွာရန် ဆက်သွယ်ပြောဆိုခြင်းများ ရှိကြောင်း၊ ဒေသခံ တိုင်းရင်းသားအချို့မှ ဖုန်းဖြင့် ခြိမ်းခြောက်ခြင်း၊ ပတ်ဝန်းကျင် ကျေးရွာများမှ ဘင်္ဂါလီများလည်း တိမ်းရှောင်မှုများလည်း ရှိနေခြင်းတို့ကြောင့် ၎င်းတို့အုပ်စုသည် လူနည်းစုဖြစ်မည်ကို စိုးရိမ်သဖြင့် တစ်ဖက်နိုင်ငံရှိ ၎င်းတို့မျိုးနွယ်စုများထံ သွားရောက်လိုခြင်း ဖြစ်ကြောင်း သိရသည်။

ထိုသို့ သိရှိပြီးနောက် ခရိုင်အုပ်ချုပ်ရေးမှူးက ရှင်းလင်းပြောကြားရာတွင် စားဝတ်နေရေး အခက်အခဲရှိပါက ဆန်၊ ဆီ၊ ဆား၊ ပဲ လေးမျိုးတို့ကို ထောက်ပံ့ပေးမည် ဖြစ်ကြောင်း လုံခြုံရေးနှင့် ပတ်သက်၍ လက်ရှိနေရာမှ မူလနေရာသို့ ပြန်လိုလျှင် မော်တော်ယာဉ်ဖြင့် ပို့ဆောင်ပေးမည် ဖြစ်ပြီး လုံခြုံရေးဆိုင်ရာ ကိစ္စရပ်များကိုလည်း စီစဉ်ဆောင်ရွက်ပေးမည် ဖြစ်ကြောင်း၊ ဒေသခံ တိုင်းရင်းသားများမှ ဖုန်းဖြင့် ခြိမ်းခြောက်မှုရှိပါက တရားဥပဒေနှင့်အညီ အရေးယူ ဆောင်ရွက်ပေးမည် ဖြစ်ကြောင်း၊ ခြိမ်းခြောက်မှု များပြား၍ လူနည်းစုဖြစ်မည်ဟု ယူဆပါက ပတ်ဝန်းကျင်ကျေးရွာများကို စုစုစည်းစည်း လုံခြုံအောင် စီမံဆောင်ရွက်ပေးမည်ဖြစ်ကြောင်းနှင့် တစ်ဖက်နိုင်ငံသို့ တိမ်းရှောင်ခြင်း/ မိမိနေရပ်သို့ ပြန်လိုခြင်းတို့အတွက် ပြန်လည် ဆက်သွယ်ပြောကြားရန် မှာကြားခဲ့ကြောင်း သိရသည်။

မောင်တောမြောက်ပိုင်းမှ ဟိန္ဒူဘာသာဝင် အများအပြားကို သတ်ဖြတ်ခဲ့သည့် ဘင်္ဂါလီ အကြမ်းဖက်သမားများအား ဖမ်းဆီးရန် ဘင်္ဂလားဒေ့ရ်ှနိုင်ငံနှင့် နိုင်ငံတကာရဲတပ်ဖွဲ့ (Interpol) သို့ ဆက်သွယ်နေပြီဖြစ်

မောင်တောမြောက်ပိုင်းမှ ဟိန္ဒူဘာသာဝင် အများအပြားကို သတ်ဖြတ်ခဲ့သည့် ဘင်္ဂါလီ အကြမ်းဖက်သမားများအား ဖမ်းဆီးပေးရန် ဘင်္ဂလားဒေ့ရ်ှနိုင်ငံနှင့် နိုင်ငံတကာ ရဲတပ်ဖွဲ့ (Interpol) တို့ထံ ဆက်သွယ်နေပြီ ဖြစ်ကြောင်း အမှတ် (၁) နယ်ခြားစောင့် ရဲကွပ်ကဲရေးမှူး ရဲမှူးချုပ် သူရစန်းလွင်က ပြောကြားသည်။

ရခိုင်ပြည်နယ်၊ မောင်တောမြောက်ပိုင်းမှ ခမောင်းဆိပ်တောင်ရွာနှင့် ရဲဘော်ကျကျေးရွာမှ ပျောက်ဆုံးနေသည့် ဟိန္ဒူဘာသာဝင် ၉၃ ဦးအနက် မြေကျင်းတူး၍ မြှုပ်နှံထားသည့် ဟိန္ဒူ ၄၅ ဦး၏ ရုပ်အလောင်းများကို စက်တင် ဘာ ၂၅ ရက်နှင့်၂၆ ရက်တွင် ပြန်လည်တူးဖော် တွေ့ရှိခဲ့သော်လည်း ရှာဖွေမတွေ့ရှိသေးသည့် ပျောက်ဆုံးနေသူများ ရှိနေကြောင်း သိရသည်။

ယင်းနှင့် ပတ်သက်၍ ရဲမှူးချုပ် သူရစန်းလွင်က “တရားခံ ဖမ်းဆီးရရှိဖို့ တစ်ဖက်နိုင်ငံဖြစ်တဲ့ ဘင်္ဂလားဒေ့ရ်ှက BGB ကို အကြောင်းကြားသလို နိုင်ငံခြားရေးဝန်ကြီးဌာနကလည်း တစ်ဖက်နိုင်ငံကို စာရင်းပေးပြီး ဖမ်းဆီးပေးဖို့ ရှိတယ်။ အမှုတည်ဆောက်လို့ ပြီးရင် Red Notice (အနီရောင်ကြေညာချက်) ထုတ်ပြီးတော့ အင်တာပိုကိုလည်း ချိတ်ဆက် ဆောင်ရွက်ဖို့ ရှိပါတယ်။ လက်ရှိ အနေအထားမှာလည်း အကြမ်းဖက်သမားတွေကို စိစစ် ဖော်ထုတ်နေဆဲ ဖြစ်ပါတယ်။
လုပ်သင့်တာ လုပ်နေပါတယ်။ နောက်ပြီး အလောင်းတွေကိုလည်း ဟိန္ဒူထုံးတမ်းစဉ်လာအရ သင်္ဂြိုဟ်ဖို့ ၀ိုင်းကူနေပါတယ်”ဟု ပြောကြားသည်။

မောင်တောမြောက်ပိုင်းမှ အသတ်ခံရသော ဟိန္ဒူဘာသာဝင်များထဲတွင် တမန်းသား၊ အိုးထိန်းရွာ၊ ရဲဘော်ကျနှင့် ခမောင်းဆိပ် တောင်ရွာ အစရှိသော ကျေးရွာများမှ ပါဝင်ပြီး တမန်းသားနှင့် အိုးထိန်းရွာမှ ဟိန္ဒူများမှာ
ခမောင်းဆိပ်တွင် သွားရောက် အလုပ်လုပ်ကိုင်နေစဉ် အသတ်ခံရခြင်း ဖြစ်ကြောင်း၊ ခမောင်းဆိပ်တောင်ရွာတွင် အိမ် ရှစ်အိမ်နှင့် ရဲဘော်ကျတွင် နေအိမ်ခု နစ်အိမ်တို့ ရှိခဲ့ကြောင်းလည်း ဟိန္ဒူဘာသာဝင် ဦးနီမောလ်က ပြောကြားသည်။

ထို့ပြင် အိုးထိန်းရွာမှ ဟိန္ဒူလူမျိုး ၁၄၄ ဦး ပျောက်ဆုံးနေသော သတင်းနှင့်ပတ်သက်ကာ ပြောကြားရာတွင်လည်း လက်ရှိတွင် အဆက်အသွယ် မရသေးသည့်အတွက် ပျောက်ဆုံးစာရင်းတွင် ထည့်သွင်းထားခြင်း ဖြစ်ကြောင်း၊ အလောင်း တွေ့ရှိခဲ့သည်မှာလည်း ဘင်္ဂလားဒေ့ရ်ှနိုင်ငံသို့ ရောက်ရှိသွားသည့် ဖမ်းဆီးခံထားရသူများထဲမှ ပြန်လွတ်မြောက်လာသူများက ဆက်သွယ်ညွန်ကြား လမ်းပြသဖြင့် အလောင်းများကို ပြန်လည်ဖော်ထုတ် ရှာဖွေနိုင်ခဲ့ခြင်းဖြစ်ကြောင်း သိရသည်။

သစ်တုံးနားခွဆုံကျေးရွာ အုပ်စုအတွင်းမှ အိုးထိန်းကျေးရွာတွင် အိမ်ခြေ ၇၀ ခန့်ရှိပြီး အဘိုးကြီးတစ်ဦး၏ အလောင်းကိုသာ တွေ့ရှိရပြီး ကျန်ရွာသားများ ပျောက်ဆုံးနေကြောင်းနှင့် တချို့၏ ပြောစကားအရ ဘင်္ဂလားဒေ့ရှ် နိုင်ငံသို့ ထွက်ပြေး လွတ်မြောက်သွားကြောင်း သိရသည်။

ယင်းနှင့် ပတ်သက်ပြီး ဦးနီမောလ်က အိုးထိန်းရွာမှ လူ ၁၄၄ ဦး ပျောက်ဆုံးနေခြင်းမှာ မဖြစ်နိုင်ကြောင်း ပြောကြားသည်။

စစ်တွေမြို့သို့ ရောက်ရှိနေသော ကျောင်းသားကျောင်းသူ ၁၆၀၀ ခန့်ရှိပြီး ပညာသင်ကြားပေးလျက် ရှိကြောင်းနှင့် အချို့ကို သီးသန့် သင်ကြားပေးမှုများ ရှိကာ နေရပ်ပြန်သူ အနည်းငယ်သာရှိ

စစ်တွေမြို့သို့ ရောက်ရှိနေသော ကျောင်းသူ ကျောင်းသား ၁၆၀၀ ခန့်ရှိပြီး ပညာသင်ကြားပေးလျက် ရှိကြောင်းနှင့် အချို့ကို သီးသန့် သင်ကြားပေးမှုများလည်း ရှိကာ နေရပ်ပြန်သူ အနည်းငယ်သာ ရှိကြောင်း သိရသည်။

မူလတန်းတွင် ၈၇၇ ဦး၊ အလယ်တန်းတွင် ၄၉၉ ဦးနှင့် အထက်တန်းကျောင်းသား ၂၃၆ ဦး၊ စုစုပေါင်း ၁၆၀၀ ကျော် ရှိကြောင်းသိရှိရပြီး ၎င်းတို့၏ ပညာရေးကို အလေးထား ဆောင်ရွက်ထားရှိကြောင်းနှင့် ကျောင်းသုံးစာအုပ်များ၊ ကျောင်းဝတ်စုံများလည်း ထောက်ပံ့ထားကြောင်း သိရသည်။

“လောလောဆယ် စာရင်းအရတော့ ကျောင်းသား ၁၆၀၀ ကျော် ရှိတယ်။ အဲဒီထဲမှာ ဟိန္ဒူကျောင်းသားတွေလည်း ပါတယ်။ ကယ်ဆယ်ရေးစခန်း အားလုံးက ကျောင်းသူကျောင်းသားတွေကို ပညာကြားနိုင်အောင် စီစဉ်ပေးထားပါတယ်။
အထူးသဖြင့်တော့ နီးစပ်ရာကျောင်းတွေမှာ သင်ခွင့်ရအောင် စီစဉ်ထားတယ်။ ဒါပေမဲ့ ဘောလုံးကွင်းကို ရောက်နေတဲ့ ဟိန္ဒူကျောင်းသားတွေကိုတော့ ဖိုးသာရွာမှာ နှစ်သုတ်ခွဲပြီး သင်ကြားပေးထားတယ်။ ကျောင်းတွေမှာလည်း နေရာထိုင်ခင်း အခက်အခဲရှိတဲ့အတွက် အဆင်ပြေတဲ့ ကျောင်းတွေမှာ ခွဲပြီး သင်ကြားပေးနေတာ ဖြစ်ပါတယ်။ အဲဒီအထဲမှာ မြန်မာစကား မတတ်တဲ့ ဟိန္ဒူကျောင်းသားတွေကိုလည်း ဒီလကုန်ရင်တော့ သီးခြားသင်ပေးဖို့ စီစဉ်ထားတာ ရှိပါတယ်။ အဲဒါကလည်း နေရာထိုင်ခင်း အခက်အခဲကြောင့် ဖြစ်ပါတယ်” ဟု ပြည်နယ်ပညာရေးမှူးရုံးမှ လက်ထောက်ညွန်ကြားရေးမှူး (စီမံ) ဦးစိန်ထွန်းလှက ပြောကြားသည်။

စစ်တွေမြို့တွင် ကယ်ဆယ်ရေးစခန်း ၃၁ ခု ဖွင့်လှစ်ထားရှိပြီး ဘုန်းတော်ကြီးကျောင်းများအပြင် ဘောလုံးကွင်းရှိပွဲ ကြည့်စင်အောက် အဆောင်တွင်လည်း ထားရှိကြောင်း၊ နေရပ်စွန့်ခွာ ထွက်ပြေးလာသူများ အနေဖြင့် နေရပ်သို့ ပြန်လည် သွားရောက်သူများ ရှိသော်လည်း နည်းပါးနေပြီး ဆက်လက် ခိုလှုံလျက်ရှိကြောင်း၊ ယင်းအနက် ဟိန္ဒူကျောင်းသားများကိုလည်း ပညာသင်ကြားပေးနိုင်ရေး ဆောင်ရွက်ထားရှိကြောင်း သိရသည်။

“အထူးသဖြင့်တော့ ၁၀ တန်းကျောင်းသားတွေကို ဦးစားပေး သင်နေကြရတယ်။ ကယ်ဆယ်ရေးစခန်းတွေမှာ စုစုပေါင်း ၁၆၅ ဦး ရှိတယ်။ သူတို့အတွက် အထူးထုတ် စာအုပ်တွေကိုလည်း စခန်းတာဝန်ခံတွေက ကူညီပံ့ပိုးထားတာ ရှိတယ်။ ၁၀ တန်းကျောင်းသားတွေ ဖြေဆိုဖို့အတွက်လည်း စာမေးပွဲဖြေဆိုခွင့် ပုံစံတွေ ရေးသွင်းတင်ပြထားပြီး ဖြစ်တယ်။ တချို့အနည်းငယ် နောက်ကျတာ ရှိပေမယ့် ပြည်နယ်ပညာကလည်း ခွင့်ပြုပေးခဲ့တယ်။ သိပ်အခက်အခဲတော့ မရှိကြပါဘူး” ဟုလည်း ဦးစိန်ထွန်းလှက ပြောကြားသည်။

ARSA ဘင်္ဂါလီ အကြမ်းဖက်သမားများ၏ တိုက်ခိုက်မှုများကြောင့် ဘူးသီးတောင်၊ မောင်တောနှင့် ရသေ့တောင်မြို့နယ်အတွင်းမှ ထွက်ပြေး တိမ်းရှောင်ကြသည့် နေရပ်စွန့်ခွာ ထွက်ပြေးလာကြရသော ရခိုင်၊ မြို၊ သက်၊ ဒိုင်းနက်၊ ဟိန္ဒူနှင့် မရမာကြီး တိုင်းရင်းသားများအနေဖြင့် စစ်တွေမြို့ရှိ ဘုန်းတော်ကြီးများတွင် လာရောက် ခိုလှုံလျက်ရှိရာ လက်ရှိတွင် ခိုလှုံနေသူ အရေအတွက် ငါးထောင်ကျော် ရှိကြောင်းနှင့် အချို့မှာ နေရပ်သို့ ပြန်သူများရှိနေပြီး ယင်းသို့ပြန်သူများကိုလည်း အစိုးရနှင့် လူမှုအဖွဲ့အစည်းများ၊ ဌာနဆိုင်ရာများက ကူညီပံ့ပိုးမှုများ ဆောင်ရွက်လျက်ရှိကြောင်း သိရသည်။

ARSA အစွန်းရောက် အကြမ်းဖက်သမားများ သတ်ဖြတ်မှုကြောင့် သေဆုံးသွားသည့် ဟိန္ဒူဘာသာဝင် ၄၅ ဦး၏ အလောင်းများတွင် အများစုမှာ ခမောင်းဆိပ် (တောင်ရွာ) မှဖြစ်ပြီး ရဲဘော်ကျကျေးရွာသား အများအပြား ပျောက်ဆုံးနေ

ရက်စက်စွာ သတ်ဖြတ်ခံရသော ဟိန္ဒူဘာသာဝင်တို့၏ ရုပ်အလောင်းများ ရှာဖွေတွေ့ရှိသည့် နေရာသို့ ရောက်ရှိနေသော ကျန်ရစ်သူ မိသားစုဝင်များအား စက်တင်ဘာ ၂၇ ရက်က တွေ့ရစဉ်

မောင်တောမြောက်ပိုင်း ခမောင်းဆိပ်မြို့တွင် ရဲဘော်ကျရပ်ကွက် ရှိပြီး အဆိုပါ ရပ်ကွက်တွင် ရဲဘော်ကျကျေးရွာနှင့် ခမောင်းဆိပ် (တောင်ရွာ)ဆိုသည့် ဟိန္ဒူရွာ နှစ်ခုရှိကြောင်းနှင့် အဆိုပါ ရွာနှစ်ရွာမှ ဟိန္ဒူဘာသာဝင်များအား ARSA အစွန်းရောက် ဘင်္ဂါလီ အကြမ်းဖက်သမားများက ခေါ်ယူကာ အစုလိုက်အပြုံလိုက် သတ်ဖြတ်သွားခြင်း ဖြစ်ပြီး ယင်းအထဲမှ ခမောင်းဆိပ် (တောင်ရွာ) မှ ဟိန္ဒူဘာသာဝင် အမျိုးသမီးအချို့ကို ဘင်္ဂလားဒေ့ရ်ှသို့ ခေါ်ဆောင်သွားခြင်း ခံခဲ့ရကြောင်း၊ အဆိုပါ ဘင်္ဂလားဒေ့ရ်ှနိုင်ငံရောက် အမျိုးသမီးများနှင့် ဆက်သွယ်မေးမြန်း ပြောဆိုချက်အရ ဟိန္ဒူဘာသာဝင် ၄၅ ဦး၏ အလောင်းများကို နေရာနှစ်ခုတွင် ရှာဖွေတွေ့ရှိခဲ့ခြင်း ဖြစ်ပြီး အများစုမှာ ခမောင်းဆိပ် (တောင်ရွာ) မှ ကျေးရွာသားများ ဖြစ်ကြောင်းနှင့် ရဲဘော်ကျ ကျေးရွာသားများကို ရှာမတွေ့သေးကြောင်း ရှာဖွေနေကြသည့် ဟိန္ဒူဘာသာဝင်များက ပြောကြားသည်။

ရှာဖွေရာတွင် ဦးဆောင်ပါဝင်သူ ခမောင်းဆိပ် (တောင်ရွာ) မှ ဟိန္ဒူဘာသာဝင် အရှကူ (ခ)မောင်ဘက “ဒီလမ်းကြောကို ကျွန်တော် လာရှာရတာကတော့ အဲဒီဘင်္ဂလားဒေ့ရ်ှကို ရောက်သွားတဲ့ ကောင်မလေးထဲမှာ ကျွန်တော် ဖုန်းဆက်လိုက်တယ်။ အဲဒီအသံဖိုင်ကို ကျွန်တော် ရလိုက်တယ်။ အဲဒီအသံဖိုင်ကို စက်တင်ဘာ ၂၃ ရက် ကျွန်တော် ကြိမ်ချောင်း ရောက်တဲ့အခါ သူနဲ့ ဖုန်းပြောတာ ဖြစ်တယ်။ သူလမ်းကြောင်းကို ကျွန်တော့်ကို ဖုန်းထဲကနေ ပြောပြပေးတယ်။ ဘယ်လမ်းက သူတို့ကို ယူသွားတယ်။ ဆိုတာကို သူနဲ့ ကျွန်တော် အဆက်အသွယ်လုပ်တယ်။ ဒီမှာရဲရယ်၊ စစ်ကြောင်းရယ်နဲ့ ကျွန်တော်တို့ရှာကြတော့ စက်တင်ဘာ ၂၄ ရက်မှာ ၂၈ ရတယ်။ နောက်တစ်နေ့မှာ ယောက်ျားတွေကို ရတယ်။ ဘင်္ဂလားဒေ့ရ်ှကို ရောက်နေတဲ့ ဟိန္ဒူအမျိုးသမီးပြောလို့ ရတာဖြစ်တယ်။ သူပြောတဲ့ လမ်းကြောင်းအတိုင်း တောင်ရွာ ဘုရားကျောင်းနဲ့ တည့်တည့်လမ်းကိုလာပြီး ဘင်္ဂါလီရွာကို ဖြတ်၊ ဘင်္ဂါလီရွာကနေ ချောင်းကိုဖြတ်၊ ချောင်းဖြတ်ပြီးတော့ သူခန့်မှန်းပြောတဲ့နေရာကို ရောက်တယ်။ အဲဒီမှာ ၁၀ မိနစ်၊ ၁၅ မိနစ်လောက် စစ်ကြောင်းတွေနဲ့ ရှာတော့ အဲဒီ ၂၈ လောင်းကို ရတယ်။ နောက်နေ့ ၂၅ ရက်နေ့မှ ဒီဘက်ကိုလာရှာတဲ့အချိန်မှာ ယောက်ျားအလောင်း ၁၇ လောင်းကို ထပ်ရတယ်။ နောက်ထပ် ရဲဘော်ကျကနေ ယူသွားတယ်ဆိုတဲ့ လမ်းအတိုင်း ခန့်မှန်းပြီးတော့ သွားရှာတယ်။ အခုထိ ရှာမတွေ့သေးဘူး။ ရဲဘော်ကျက ခေါ်လာတာကို ကျွန်တော် အသေအချာ မသိရဘူး။ တောင်ရွာက လူတွေကိုတော့ တောင်ရွာ ဘုရားကျောင်း အနောက်ဘက် ရေကန်အနောက်ဘက် (ဘင်္ဂါလီ) တွေက အုပ်စုလိုက် ခေါ်လာတယ်။ ဘင်္ဂလားဒေ့ရ်ှကို ရောက်နေတဲ့ ဟိန္ဒူအမျိုးသမီးက ကျွန်တော့်ကို ပြောတာက အပင်တွေ့လိမ့်မယ်။ အပင်အတိုင်း သွားလိုက်၊ ခြံထဲကို သွားလိုက်၊ အဲဒီချုံထဲ ရှာလိုက်လို့ပြောတယ်။ ကျွန်တော်က ဒီဘက်က ချုံကိုမရှာဘဲ သူတို့ကို ထားခဲ့တဲ့ တဲကလေးကို ရောက်သွားတယ်။ တဲကလေး အနောက်ဘက်ဘေးယာ ရှာလိုက်တော့ တွင်းနှစ်တွင်း တွေ့ရတယ်။ အဲဒီနေ့က စက်တင်ဘာ ၂၄ ရက်က ရတဲ့အလောင်းက ၂၈ လောင်းရတယ်။ နောက်ထပ် စက်တင်ဘာ ၂၅ ရက်မှာ သူ့ကို တစ်ခါ အဆက်အသွယ် လုပ်တယ်။ အဆက်အသွယ်လုပ်ပြီးတော့မှ ယောက်ျားအလောင်းတွေ ရှာမတွေ့သေးဘူးလို့ ပြောလိုက်တဲ့အခါ သူက ဘာပြောလဲဆိုတော့ အဲဒီအနောက်ကနေ အရှေ့ခြမ်းသွားပြီးတော့ ချုံထဲ ၀င်လိုက်ရင် အဲဒီယောက်ျားအလောင်းတွေ အဲဒီမှာရှိတယ်လို့ ငါတို့တော့ မျက်လုံးနဲ့ ကိုယ်တိုင်မြင်တာ မဟုတ်ဘူး။ အော်တဲ့အသံတွေ၊ သတ်တာ ပုတ်တာအသံတွေ ကြားရတယ်ဆိုပြီး သူပြောတဲ့အသံကို ကျွန်တော် Record လုပ်ပြီးတော့ ဒီအတိုင်းလာတာနဲ့ အဲဒီအနားမှာ ထပ်ရတယ်။ ၂၈ လောင်းနဲ့ ၁၇ လောင်းနဲ့ ပေါင်းလိုက်ရင် ၄၅ လောင်း ဖြစ်တယ်။ ဒါပေမဲ့ တောင်ရွာလူလည်း မစုံသေးဘူး။ ရဲဘော်ကျက လူတွေ တစ်ယောက်မှ ရှာမရသေးဘူး။ ဒီအထဲမှာ ရဲဘော်ကျက အမျိုးသမီးတွေရော၊ ကလေးတွေရော မရသေးဘူး။ ခမောင်းဆိပ် တောင်ရွာကပဲ ရတယ်။ ရဲဘော်ကျက ပျောက်နေတာက ၅၂ ယောက်၊ အဲဒီအထဲက ဒီမှာတွေ့တာက ယောက်ျားခြောက်ယောက် တွေ့သေးတယ်။ ခမောင်းဆိပ်တောင်ရွာက ပျောက်တာ ၅၇ ယောက် ဖြစ်ပြီးတော့ ဘင်္ဂလားဒေ့ရ်ှကို ရောက်သွားတဲ့ အမျိုးသမီးတွေနဲ့ ပေါင်းလိုက်ရင် အကုန်လုံးတွေ့ပြီ။ ဒါပေမဲ့ ကျွန်တော့်ရဲ့ ခြောက်နှစ်အရွယ် သမီးတစ်ယောက်ကိုတော့ မတွေ့သေးဘူး။ သေသွားတဲ့အထဲမှာ ကျွန်တော့်အစ်ကိုသား နှစ်ယောက်၊ ယောက္ခမ တစ်ယောက်၊ ယောက်ဖ တစ်ယောက် ပါသွားတယ်။ ကျွန်တော်ရယ်၊ ကျွန်တော့်မိန်းမရယ်၊ သားတစ်ယောက်ရယ် မောင်တောမှာ သွားနေလို့ အသက်ရှင်ရတာ ဖြစ်ပါတယ်”ဟု ပြောကြားသည်။

ဟိန္ဒူဘာသာဝင်တို့၏ ရုပ်အလောင်းများ ရှာဖွေတွေ့ရှိသည့် နေရာသို့ ရောက်ရှိနေသော ကျန်ရစ်သူ မိသားစုဝင်များ

ဟိန္ဒူဘာသာဝင် ကူညီရေးခေါင်းဆောင် နှင့် ရဲဘော်ကျကျေးရွာရှိ ဟိန္ဒူဘာသာဝင်များက တူးဖော်တွေ့ရှိခဲ့သည့် ရုပ်အလောင်း ၄၅ လောင်းအား ကြည့်ရှူ၍ သေဆုံးသူ၏ အမည်များကို အတည်ပြုပေးခဲ့ရာ ရုပ်အလောင်း ၂၅ လောင်း၏ အမည်များမှာ ရဲဘော်ကျကျေးရွာမှ ဟိန္ဒူဘာသာဝင်များ ဖြစ်သည့် မတ်ရာလောင် (၁၈) နှစ် (ဘ) ဦးဇော်တိန်ဒေါင်း၊ အာရှီကူးမား (၂၀) နှစ် (ဘ) ဦးဆောင်းလောင်ဂါ၊ ဒေါ်အောင်ဒူဘာလာ (၅၀) နှစ် (ဘ) ဦးရော် မွန်ထီး၊ ဒေါ်ဘီကျူနီ (၄၅) နှစ် (ဘ) ဇော်မာ တူမာ၊ မဂေါ်ရာလီ (၃၅) နှစ် (ဘ) ဦးကိုးဘား၊ မမယ်နော်ဘာလား (၃၂) နှစ် (ဘ) ဦးကျား နောင်နော်၊ မဘီဂျော်ဘန်လာ (၃၀) နှစ် (ဘ) ဦးထူးတော်၊ မဒိုဂယ်နော်ဘာလား (၂၅) နှစ်၊ (ဘ) ဦးကျားနောင်နော်၊ မဘီရိုနာ (၂၅) နှစ်၊ (ဘ) ဦးကျားနောင်နော်၊ မဆူလာနီ(၂၂) နှစ်၊ (ဘ) ဦးမော်နု၊ အောင်ဇူဘာလာ (၅၀)နှစ်၊ (ဘ)ရော်မွန်နီ၊ မြင့်လှိုင် (၁၉) နှစ်၊ (ဘ)ဦးဇော်တိန်ဒြော်၊ ဘီရော်ဘာလာ (၃၀)နှစ် (ဘ)မော်တူးနော်၊ ဘီဂျူလီ (၄၅) နှစ်၊ (ဘ) အောင်ကွန်မာ၊ ဘူးနာနီး (၂၁) နှစ် (ဘ) ဦးမော် နူး၊ ဂယ်နော်ဘာလား (၃၅) နှစ် (ဘ) ရှားနောင် တောင်၊ ရော်ရာနီ (၃၅) နှစ် (ဘ) ရိုဖာ ၊ မယ် တော်ဘာလာ (၃၀) နှစ် (ဘ) ရှားနားတောင်၊ မယ်လောင် (၁၈) နှစ် (ဘ) ဇော်ဒိန်းရောင်း၊ အာခွီးကူမာ (၂၀) နှစ် (ဘ)ဘောင်လောင်းဒါး၊ ဘီရူနာ(၂၅)နှစ် (ဘ) ရှားနောင်တော်၊ ဇော်တိန်ဒြော် (၅၅) နှစ် (ဘ) ရူနာဒေါန်၊ အယ်မောင်တော် (၂၅) နှစ် (ဘ) ဦးဘီမော်နှင့် ဘီရူနီယာ (၃၅)နှစ် (ဘ) ဦးဘီမော်တို့ ဖြစ်ပြီး ရာဂျူး (၂၂) နှစ် (ဘ) ဦးဖြမ်းမော်ရီသည် တမန်းသား အနောက်ရွာမှ ဖြစ်ကြောင်း သတင်းထုတ်ပြန်ရေးကော်မတီမှ သတင်းထုတ်ပြန်ချက်အရ သိရသည်။

ရှာဖွေတူးဖော် ရရှိခဲ့သော ရုပ်အလောင်း ၄၅ လောင်းကို မောင်တောခရိုင်၊ ကျန်းမာရေးဦးစီးဌာနမှူး ဒေါက်တာ ကျော်မောင်မောင်သိန်း၊ မြို့နယ်တရားသူကြီး ဦးဇော်ဇော်သန်း၊ မှုခင်းတပ်ဖွဲ့မှ ရဲမှူးရဲအောင်တို့က စိစစ်ရာ လက်ပြန်ကြိုး တုပ်လျက်တွေ့ရှိရပြီး လည်ပင်းလှီးဖြတ် ဒဏ်ရာ၊ ချွန်ထက်သော အရာများဖြင့် ထိုးသွင်းထားသော ဒဏ်ရာများကြောင့် လွန်ခဲ့သော တစ်လခန့်က သေဆုံးခဲ့ခြင်း ဖြစ်သည်ဟု သုံးသပ်ရရှိပြီး ရုပ်အလောင်းများကို ရင်ခွဲစစ်ဆေးမှုများ ပြုလုပ်ကာ ဒဏ်ရာ၊ ဒဏ်ချက်များအား အသေးစိတ် စိစစ်၍ ဥပဒေနှင့်အညီ အမှုဖွင့် အရေးယူသွားမည် ဖြစ်ကြောင်း သတင်းထုတ်ပြန်ရေးကော်မတီမှ သတင်းထုတ်ပြန်ချက်အရ သိရသည်။

မောင်တောခရိုင် အုပ်ချုပ်ရေးမှူး ဦးရဲထွဋ်က “ဒါနဲ့ပ တ်သက်လို့ ရဲဘော်ကျရပ်ကွက်မှာ ပျောက်ဆုံးတာ ၉၀ ၊ နောက်အိုးထိန်းကျေးရွာမှာ ၁၄၄ ယောက် ပျောက်ဆုံးနေပါတယ် ဆိုပြီး ကျွန်တော်ပြည်နယ် အစိုးရအဖွဲ့ကို တင်ပြထားတယ်။ အဲဒီပျောက်ဆုံးတဲ့ အင်ဖော်မေးရှင်း စရတဲ့နေ့ကစပြီး ကျွန်တော်တို့ ဒီသတင်းနဲ့ ပတ်သက်ပြီး မြေပြင်မှာရှိတဲ့ လုံခြုံရေးအဖွဲ့အစည်းတွေနဲ့ ပူးပေါင်းပြီး ရှာတယ်။ နောက် ဟိန္ဒူဘာသာဝင်တွေနဲ့ လိုက်ဆက်စပ်တယ်။ ကျေးရွာ အုပ်ချုပ်ရေးမှူးတွေနဲ့ လိုက်ဆက်စပ်တယ်။ ဒါကို အတည်ပြုနိုင်ဖို့ စုံစမ်းနေတာ ကြာနေပါပြီ” ဟု ပြောကြားသည်။

ဟိန္ဒူဘာသာဝင်များ၏ အလောင်းများ တွေ့ရှိသည့် နေရာများနှင့် အသတ်ခံရသူများ၏ မိသားစုဝင်များအား CNA , AFP စသည့် ပြည်ပမီဒီယာများ အပါအ၀င် ပြည်တွင်းမီဒီယာများကို ခေါ်ယူပြသပြီး ဖြစ်စဉ်များနှင့် ပတ်သက်ပြီး စက်တင်ဘာ ၂၇ ရက်က ရှင်းလင်းခဲ့သည်။

လုံခြုံရေးတပ်ဖွဲ့ဖြင့် နေရပ်ပြန်သွားသည့် ဘူးသီးတောင်မြို့နယ် တောင်ဘဇာကျေးရွာမှ ဒေသခံများ ထပ်မံ နေရပ်စွန့်ခွာ

ပရဟိတပျိုးခင်း ဘုန်းကြီးကျောင်းတွင် ဖွင့်လှစ်ထားသော ကယ်ဆယ်ရေးစခန်းသို့ ရောက်ရှိလာသည့် တောင်ဘဇာကျေးရွာမှ ဒေသခံများအား တွေ့ရစဉ်

နေရပ်စွန့်ခွာနေရာမှ လုံခြုံရေးတပ်ဖွဲ့ဖြင့် နေရပ်ပြန်သွားသည့် ဘူးသီးတောင်မြို့နယ် တောင်ဘဇာကျေးရွာမှ ဒေသခံများ ထပ်မံနေရပ် စွန့်ခွာလာကာ စစ်တွေမြို့သို့ ရောက်ရှိနေကြကြောင်း သိရသည်။

ဘူးသီးတောင်မြို့နယ်၊ တောင်ဘဇာကျေးရွာမှ ဒေသခံ တိုင်းရင်းသားပြည်သူ ၂၇၃ ဦးတို့ကို လုံခြုံရေးတပ်ဖွဲ့ဝင်များက အနီးကပ် လမ်းကြောင်းလုံခြုံရေး လိုက်ပါလျက် စက်တင်ဘာ ၈ ရက်က ၎င်းတို့၏ မူလနေရပ်သို့ ပြန်လည်ကူညီ ပြောင်းရွှေ့ပေးခဲ့ခြင်း ဖြစ်ကြောင်း သိရသည်။

အဆိုပါ တောင်ဘဇာကျေးရွာမှ ဒေသခံများသည် သြဂုတ် ၂၆ ရက်က ဘင်္ဂါလီများ၏ ၀ိုင်းဝန်း တိုက်ခိုက်ခြင်းကို ခံခဲ့ရပြီးနောက် လုံခြုံရေး အစောင့်အရှောက်ဖြင့် ဘူးသီးတောင်နယ်မြေခံ ၅၅၂ တပ်ရင်းသို့ တစ်ရွာလုံး ပြောင်း ရွှေ့လာခဲ့ကြပြီး ဒေသ တည်ငြိမ်လာသဖြင့် နေရပ်သို့ ပြန်သွားခဲ့ကြခြင်းဖြစ်ကြောင်း သိရသည်။

သို့ရာတွင် ကျေးရွာတွင် လုံခြုံသည်ဟု မခံစားရဘဲ ရခိုင်တိုင်းရင်းသား အိမ်ထောင်စုများမှာလည်း နည်းပါးသည့်အတွက် ကျေးရွာတွင် ဆက်လက် မနေရဲတော့ဘဲ ထပ်မံ နေရပ်စွန့်ခွာ လာကြခြင်းဖြစ်ကြောင်း သိရသည်။

စစ်တွေမြို့ စက်ရုံစုရပ်ကွက် ပရဟိတပျိုးခင်း ဘုန်းကြီးကျောင်းတွင် ဖွင့်လှစ်ထားသည့် ကယ်ဆယ်ရေးစခန်းတွင် ရောက်ရှိနေသည့် တောင်ဘဇာကျေးရွာသား မသန်းသန်း က “ကျွန်မတို့ရွာကနေ လုံခြုံရေးတပ်ဖွဲ့ဝင်တွေနဲ့ ထွက်ပြေးပြီးတော့ ၅၅၂ တပ်ရင်းမှာ ၁၅ ရက်လောက် နေခဲ့ရပါတယ်။ ကျွန်မတို့ကို တောင်ဘဇာကို ပြန်မယ်လို့ တောင်းဆိုကြပါတယ်။ အဲဒီအချိန်မှာ ၅၅၂ တပ်ရင်းကနေ ဘူးသီးတောင်ကို ရောက်သူတွေလည်း ရောက်သွားကြပါပြီ။ ကားပေါ်ကို အတင်း တက်လိုက်ကြတာ ဖြစ်ပါတယ်။ ကျွန်မတို့ကတော့ ကျန်နေခဲ့ကြပါတယ်။ ၅၅၂ ကနေ ရွာကို ပြန်ပို့တဲ့အခါ အိမ်ခြေ ၂၀ လောက် ဖြစ်ပါတယ်။ သက်ကြီးရွယ်အိုတွေကို သွားမရောက်လို့ စစ်သားတွေက ထမ်းလို့ပို့ရတယ်။ တောင်ဘဇာကို ရောက်သွားတော့လည်း ရခိုင်ရွာမှာ ရခိုင်တွေ မရှိတော့ဘူး။ အိမ်ခြေ ၉၀ ရှိတဲ့ရွာမှာ အိမ်ခြေ ၂၀ သာ ကျန်ပြီဆိုတော့ ကျွန်မတို့ကလည်း မနေရဲတော့လို့ အတင်းလာကြတာပါ။ လုံခြုံရေးအဖွဲ့ကတော့ မလွှတ်ပါဘူး။ တောင်ဘဇာရွာမှာက နေလို့ အဆင်မပြေတော့ဘူး။ ကြောက်ဖို့ကောင်းပါတယ်။ ဘင်္ဂါလီတွေက အများကြီးရှိနေတော့ ကြောက်လို့မနေရဲတော့လို့ ပြောင်းရွှေ့လာကြတာပါ။ ဘူးသီးတောင်မှာ တစ်ညနေခဲ့ပြီးတော့ ဒီကိုရောက်လာကြတာပါ” ဟု ပြောကြားသည်။

တောင်ဘဇာ ကျေးရွာသား ကိုဂျပန်က “အခုရွာကို လူဦးရေ သုံးပုံနှစ်ပုံ ပြန်ရောက်ကြပါပြီ။ ၅၅၂ တပ်ရင်းကနေ လုံခြုံရေးနဲ့ ပြန်ပို့တဲ့ထဲက ထပ်ပြီးရွာက ထွက်သွားသူတွေက နည်းပါတယ်။ အခုဆို ရွာကိုပြန်လာသူတွေ ရှိနေပါပြီ။ ကျွန်တော့်သားတွေ သမီးတွေတော့ ကျန်းမာရေးကိစ္စကြောင့် စစ်တွေမှာ ရှိနေပါတယ်။ ရွာမှာ လုံခြုံရေးလည်း ရှိတယ်။ အဆင်ပြေပါတယ်။ အိမ်ထောင်စု ၉၀ ရှိရာမှာ ၆၀ လောက်တော့ ရွာပြန်ရောက်ကြပါပြီ။ ဒါပေမဲ့ အားလုံးတော့ မစုံသေးဘူး” ဟု ဆိုသည်။

တောင်ဘဇာကျေးရွာမှ ထွက်ပြေးခဲ့ရပုံကို တောင်ဘဇာကျေးရွာမှ မလှငယ်ဌေးက “သမီးတို့က တောင်ဘဇာရွာကနေ ပြေးလာတာပါ။ ဘင်္ဂါလီတွေ ၀ိုင်းလာတော့ သမီးတို့က ထွက်ပြေးပြီး ကျောင်းမှာ နေရတယ်။ အဲဒီအချိန်မှာ ၅၅၂ တပ်ရင်းကို အကြောင်းကြားလို့ စစ်သားတွေက ရောက်လာတယ်။ လုံခြုံရေးအဖွဲ့ ရောက်လာတာ မိနစ် ၂၀ လောက် နောက်ကျရင် သမီးတို့အားလုံး သေမှာ။ သမီးတို့ စပါးတောတွေကို ဖြတ်ပြီးပြေးလာရတယ်။ အခက်အခဲတွေ အများကြီးကြုံခဲ့ရတယ်။ ၀တ်စရာတောင်ယူဖို့ မရခဲ့ဘဲ ကလေးတစ်ယောက်နဲ့ ထွက်ပြေးခဲ့ရတယ်။ ကုလားတွေက လိုက်လာတော့ ငိုသူငို၊ အော်သူအော် ပြေးခဲ့ရတာ။ ၅၅၂ တပ်ရင်းကို ရောက်တော့ နှစ်ပတ်လောက် နေခဲ့ရတယ်။ အဲဒီကနေရွာကို ပြန်ပို့မယ် ဆိုတော့လည်း သမီးတို့က မသွားဘူး။ ရွာမှာဆိုရင် သေဖို့ပဲ ရှိတော့တယ်။ ဘင်္ဂါလီတွေ ရှိနေသရွေ့ ရွာကို မပြန်ရဲတော့ဘူး။ သမီးကတော့ ရွာကို မပြန်တော့ဘဲ ၅၅၂ တပ်ရင်းထဲမှာ ကျန်ခဲ့တယ်။ အဲဒီကနေ ဘူးသီးတောင်ကို ရောက်တယ်။ ပြီးမှ စစ်တွေကို ရောက်လာတာ ငါးရက်လောက် ရှိပြီ” ဟု ပြောကြားသည်။

စစ်တွေမြို့ စက်ရုံစုရပ်ကွက် ပရဟိတပျိုးခင်း ဘုန်းတော်ကြီးကျောင်းတွင် ဖွင့်လှစ်ထားသည့် ကယ်ဆယ်ရေးစခန်းသည် ၃၂ ခုမြောက် စခန်းဖြစ်ပြီး စစ်တွေသို့ နောက်ဆုံးမှ ရောက်ရှိလာသူများ ဖြစ်သည့် ဘူးသီးတောင်မြို့နယ် မြောက်ပိုင်း တောင်ဘဇာကျေးရွာ၊ မောင်တောမြို့နယ် မြောက်ပိုင်း အောင်သာယာ၊ ခြံပြင် ကျေးရွာမှ နေရပ်စွန့်ခွာသူများအား နေရာချထားပေးခြင်း ဖြစ်ပြီး အိမ်ထောင်စု ၄၈ စု၊ လူဦးရေ ၁၀၄ ဦး ခိုလှုံနေကြကြောင်း သိရသည်။

လက်ရှိတွင် စစ်တွေမြို့ အပါအ၀င် အခြားမြို့နယ်များသို့ နေရပ်စွန့်ခွာ ခဲ့ကြသူများမှာ ဘူးသီးတောင်၊ မောင်တောသို့ နေရပ်ပြန်နေသူများလည်း ရှိနေပြီဖြစ်သော်လည်း ၀န်ထမ်းမိသားစုများနှင့် သွားလာရ လွယ်ကူသည့် ကျေးရွာများမှ ဒေသခံအချို့သာ နေရပ်ပြန်ခြင်းဖြစ်ကြောင်းနှင့် စစ်တွေမြို့ပေါ်တွင် ကယ်ဆယ်ရေးစခန်း ၃၂ ခု၊ လူဦးရေ ငါးထောင်ခန့် ရှိနေသေးကြောင်း သိရသည်။

ARSA အစွန်းရောက် ဘင်္ဂါလီ အကြမ်းဖက်သမားများက သတ်ဖြတ်ကာ မြှုပ်နှံထားသော ဟိန္ဒူဘာသာဝင်များ၏ အလောင်းများ မောင်တောမြောက်ပိုင်း ရဲဘော်ကျကျေးရွာအနီး တောစပ်တွင် ထပ်မံတွေ့ရှိ

စက်တင်ဘာ ၂၅ ရက်က ထပ်မံတွေ့ရှိခဲ့သည့် ဟိန္ဒူဘာသာဝင်များ၏ အလောင်းများကို မြှုပ်နှံထားသည့်နေရာအား တူးဖော်နေသည်ကို ကြည့်ရှုနေသည့် အစိုးရအဖွဲ့ဝင်များကို တွေ့ရစဉ် Photo: prof win myat aye

ရခိုင်ပြည်နယ်၊ မောင်တောမြို့နယ် မြောက်ပိုင်း ခမောင်းဆိပ်အနီး ရဲဘော်ကျကျေးရွာ အနီးရှိ တောစပ်အတွင်း ARSA အစွန်းရောက် ဘင်္ဂါလီ အကြမ်းဖက်သမားများက သတ်ဖြတ်ကာ မြှုပ်နှံထားသော ဟိန္ဒူဘာသာဝင်များ၏ အလောင်းများ ထပ်မံတွေ့ရှိရကြောင်း အမှတ် (၁) နယ်ခြားစောင့်ကွပ်ကဲမှု ရဲတပ်ဖွဲ့၊ ကွပ်ကဲရေးမှူး ရဲမှူးချုပ် သူရစန်းလွင်က အတည်ပြုပြောကြားသည်။

အမှတ် (၁) နယ်ခြားစောင့်ကွပ်ကဲမှု ရဲတပ်ဖွဲ့၊ ကွပ်ကဲရေးမှူး ရဲမှူးချုပ် သူရစန်းလွင်က “အပုပ်နံ့ထွက်နေတဲ့ မြေကျင်းနှစ်ခုကိုတော့ ရှာတွေ့ထားတယ်။ အခု လောလောဆယ်တော့ ဆောင်ရွက်နေဆဲ ဖြစ်တဲ့အတွက် အလောင်း ဘယ်လောက်ရှိတယ် ဆိုတာ မသိရသေးဘူး” ဟု စက်တင်ဘာ ၂၅ ရက် မွန်းလွဲ ၂ နာရီခန့်က ပြောကြားသည်။

ARSA ဘင်္ဂါလီ အကြမ်းဖက်သမားများ၏ ဖမ်းဆီးခေါ်ဆောင်ခြင်း ခံရပြီးနောက် ပျောက်ဆုံးနေသော ဟိန္ဒူဘာသာဝင် ၁၀၀ ခန့်အနက်မှ အလောင်း ၂၈ လောင်းအား မြေကျင်းနှစ်ခုအတွင်း မြှုပ်နှံထားသည်ကို စက်တင်ဘာ ၂၄ ရက်ကလည်း တွေ့ရှိရပြီး စက်တင်ဘာ ၂၅ ရက်တွင် အလောင်းများအား ထပ်မံရှာဖွေမှုများ ပြုလုပ်ခဲ့ပြီးနောက် ကျင်းနှစ် ခုထပ်မံတွေ့ရှိခဲ့ခြင်း ဖြစ်သည်။

Photo: တပ်မတော်ကာကွယ်ရေးဦးစီးချုပ်ရုံး

အလောင်းတူးဖော်ရာ နေရာသို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၊ ရခိုင်ပြည်နယ်ဝန်ကြီးချုပ် ဦးညီပု၊ အမျိုးသား လူ့အခွင့်အရေးကော်မတီဝင်များ၊ တိုင်းစစ်ဌာနချုပ်မှ ဒုတိယတိုင်းမှူး စသူတို့ ရောက်ရှိခဲ့ပြီး လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့ကြောင်း တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ထားသည်။

ခမောင်းဆိပ်သို့ ရောက်ရှိပြီး အလောင်းတူးဖော်ရာတွင် ပါဝင်ခဲ့သူ ဦးနီမောလ်က “ဒီနေ့တွေ့တာကတော့ မနေ့ကတွေ့တဲ့ တွင်းတွေနဲ့ ပေတစ်ထောင်လောက် အဝေးမှာတွေ့တာပါ။ နေ့လည် ၁ နာရီလောက်က တွေ့တယ်။ စုစုပေါင်း အမျိုးသားအလောင်း ၁၇ လောင်း တွေ့ပါတယ်။ ၄ နာရီလောက်မှ အလောင်းတွေ အားလုံးကို ဖော်လို့ပြီးတယ်။ လက်တွေကို ကြိုးနဲ့ချည်ထားတယ်။ တစ်ယောက်လက်နဲ့ တစ်ယောက်တွဲပြီး ချည်ထားတာတွေကို တွေ့ရတယ်။ အလောင်းတွေဟာ ခမောင်းဆိပ် တောင်ရွာက လူတွေဖြစ်တာကိုလည်း တွေ့ရှိရတယ်” ဟု ပြောကြားသည်။

ထိုသို့ လုပ်ရပ်များသည် ဟိန္ဒူဘာသာဝင်များကို လူမျိုးပြုန်းတီးအောင် သတ်ဖြတ်ခြင်းသာ ဖြစ်ကြောင်းနှင့် ဟိန္ဒူဘာသာဝင်များ အနေဖြင့် မြန်မာနိုင်ငံတွင် မွေးဖွားကြီးပြင်းလာခဲ့ခြင်း ဖြစ်သည့်အပြင် မည်သူ တစ်ဦးတစ်ယောက်ကိုမျှ သတ်ဖြတ်ခြင်း၊ ရန်ရှာခြင်းများ မရှိခဲ့ကြောင်း၊ ယခုကဲ့သို့ အစုလိုက်အပြုံလိုက် ဖမ်းဆီးသတ်ဖြတ်သွားခြင်းမှာ လွန်စွာ စိတ်မကောင်းစရာ ဖြစ်ကြောင်း၊ ထိုသို့ သတ်ဖြတ်ခြင်းသည် လွန်စွာ ရက်စက်သော လုပ်ရပ်သာ ဖြစ်ကြောင်း ဟိန္ဒူဘာသာဝင် ဦးနီမောလ်က ပြောကြားသည်။

စက်တင်ဘာ ၂၄ ရက်တွင် အလောင်း ၂၈ လောင်း တွေ့ရှိခဲ့ပြီး ၂၅ ရက်တွင် အလောင်း ၁၇ လောင်း ထပ်မံတွေရှိသဖြင့် ဟိန္ဒူဘာသာဝင် စုစုပေါင်းအလောင်း ၄၅ ဦးအထိ တွေ့ရှိထားခြင်း ဖြစ်ကြောင်း သိရသည်။

Photo: prof win myat aye

တူးဖော်ရရှိထားသည့် အလောင်း ၁၇ လောင်းအား မျိုးရိုးဗီဇ စစ်ဆေးနိုင်ရေးအတွက် ဆေးစစ်ချက်များ ရယူခြင်း၊ သေမှုသေခင်း စစ်ဆေးချက်များကို ရယူခြင်း၊ ရုပ်အလောင်းများကို စစ်ဆေးခြင်းများကို ဆောင်ရွက်ထားကြောင်း လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၏ လူမှုကွန်ရက်စာမျက်နှာတွင် ဖော်ပြထားသည်။

မောင်တောမြို့နယ် ကျန်းမာရေးဦးစီးဌာနမှူး ပြည်သူ့ဆေးရုံဆေးရုံအုပ်ကြီး ဒေါက်တာကျော်မောင်မောင်သိန်းနှင့်အဖွဲ့၊ မှုခင်းသတင်းတပ်ဖွဲ့မှ ရဲမှူးရဲအောင်နှင့် အဖွဲ့တို့က ရုပ်အလောင်းများအား ရင်ခွဲစစ်ဆေးချက် ရယူခြင်း၊ သေမှုသေခင်း စစ်ဆေးချက်ရယူခြင်း၊ မျိုးရိုးဗီဇ စစ်ဆေးနိုင်ရေးအတွက် ဆောင်ရွက်ခြင်းတို့ကို ဥပဒေ လုပ်ထုံးလုပ်နည်းများနှင့်အညီ ဆောင်ရွက်ကြောင်း အဆိုပါ စာမျက်နှာတွင် ရေးသားထားသည်။

ပဏာမ စစ်ဆေးတွေ့ရှိချက်များအရ သေဆုံးသွားသူများမှာ မျက်နှာအား အ၀တ်စည်း၍ လက်ပြန်ကြိုးတုပ်ကာ လည်ပင်းလှီး၍ အသတ်ခံထားရခြင်း ဖြစ်ပြီး အချို့မှာ ခြေလက်များ ဖြတ်တောက်ခြင်း ခံထားရကြောင်း၊ ရုပ်အလောင်းများ တူးဖော်ရာသို့ ရောက်ရှိနေသည့် မိသားစုဝင်များ၏ အတည်ပြုချက်များအရ ခမောင်းဆိပ်ကျေးရွာမှ ဟိန္ဒူဘာသာဝင်များ ဖြစ်ကြောင်း ပြည်ထောင်စုဝန်ကြီး၏ လူမှုကွန်ရက်စာမျက်နှာတွင် ရေးသားဖော်ပြထားသည်ကို တွေ့ရသည်။

ထို့ပြင် ပြည်ထောင်စုဝန်ကြီး ဒေါက်တာဝင်းမြတ်အေး၏ လူမှုကွန်ရက် စာမျက်နှာ၌ ဖော်ပြထားချက်များတွင် မောင်တောမြို့နယ် ကျန်းမာရေးဦးစီးဌာနမှူး ပြည်သူ့ဆေးရုံ ဆေးရုံအုပ်ကြီး ဒေါက်တာကျော်မောင်မောင်သိန်း နှင့် တွေ့ဆုံမေးမြန်းထားသည်ကို တွေ့ရသည်။

“တူးဖော်ထားတဲ့ အလောင်းတွေကို စစ်ဆေးကြည့်တဲ့အခါ လည်ပင်းလှီးပြီး သတ်ထားတာကို တွေ့ရတယ်။ အချို့အလောင်းတွေ က လက်တွေ၊ ခြေတွေကို ဓားနဲ့ ခုတ်ထားတယ်။ ခြေထောက်ဖြတ်ပြီးမှ လည်ပင်းကို လှီးတာ တွေ့ရတယ်။ ပထမ တွေ့တဲ့နေရာက အမျိုးသမီးအလောင်း ၁၂ လောင်း နဲ့ နောက်တစ်နေရာမှာ ကလေးနဲ့ လူငယ်အလောင်း ၁၆ လောင်း တွေ့ရတယ်။ ဒီနေ့ နောက်ထပ်တွေ့ရတဲ့ နေရာက အလောင်းတွေက အမျိုးသားအလောင်းတွေပါ” ဟု ဒေါက်တာ ကျော်မောင်သိန်းက ပြောကြားကြောင်း ဖော်ပြထားသည်။

သားနှစ်ဦး အသတ်ခံရသဖြင့် ငိုကြွေးနေသည့် ဟိန္ဒူဘာသာဝင် အမျိုးသမီးတစ်ဦးကို တွေ့ရစဉ်

ယင်းနောက် ပြည်ထောင်စုဝန်ကြီး၊ ပြည်နယ်ဝန်ကြီးချုပ်နှင့်အဖွဲ့သည် ရဲဘော်ကျ ကျေးရွာအနီး၌ စက်တင်ဘာ ၂၄ ရက်က တူးဖော်ရရှိသည့် ဟိန္ဒူဘာသာဝင်များ၏ ရုပ်အလောင်းများ တွေ့ရှိသည့်နေရာနှင့် ကိုက် ၂၀၀ အကွာတွင် ထပ်မံတွေ့ရှိရသည့် ရုပ်အလောင်း ၁၇ လောင်းအား တူးဖော်နေမှုကို ကြည့်ရှုပြီး ဥပဒေ လုပ်ထုံးလုပ်နည်းနှင့်အညီ ဆောင်ရွက်ရန်နှင့် ဟိန္ဒူဘာသာ ဓလေ့ထုံးစံနှင့်အညီ သင်္ဂြိုဟ်နိုင်ရေးအတွက် ဆောင်ရွက်ပေးသွားမည်ဟု တာဝန်ရှိသူများအား မှာကြားခဲ့ကြောင်း ဆက်လက်ဖော်ပြထားသည်။

ထို့ပြင် ကျန်ရှိနေသည့် ဟိန္ဒူဘာသာဝင်များကိုလည်း ဆက်လက်ရှာဖွေမှုများ ပြုလုပ်မည်ဖြစ်ကြောင်း သိရသည်။

Photo: prof win myat aye

ARSA အစွန်းရောက် အကြမ်းဖက်သမားများကြောင့် စစ်တွေမြို့သို့ ရောက်ရှိနေသော မောင်တောလေးမိုင်မှ ဟိန္ဒူဘာသာဝင် ဦးနီမောလ် (ဟိန္ဒူဘာသာဝင် ကူညီရေး ခေါင်းဆောင်) ထံ တစ်ဖက်နိုင်ငံသို့ ရောက်ရှိနေသည့် ရဲဘော်ကျ ကျေးရွာနေသူတစ်ဦးက ဖုန်းဆက်သွယ် ပြောကြားချက်အရ သြဂုတ် ၂၅ ရက်က ARSA အစွန်းရောက် အကြမ်းဖက်သမား ၃၀၀ ခန့်သည် ရဲဘော်ကျကျေးရွာရှိ အမျိုးသား၊ အမျိုးသမီး ၁၀၀ ခန့်အား ဖမ်းဆီး ခေါ်ဆောင်သွားခဲ့ကြောင်း၊ ရွာ၏ အနောက်ဘက် မီတာ ၁၀၀၀ ခန့်အကွာသို့ ရောက်ရှိစဉ် အမျိုးသား၊ အမျိုးသမီးများအား သတ်ဖြတ်ကာ အမျိုးသမီး ရှစ်ဦးအား အစ္စလာမ်ဘာသာသို့ ၀င်ခိုင်းခဲ့ပြီး ဘင်္ဂလားဒေ့ရ်ှနိုင်ငံသို့ ခေါ်ဆောင်သွားခဲ့ကြောင်း၊ လက်ရှိတွင် ဘင်္ဂလားဒေ့ရ်ှနိုင်ငံ၊ ကူတူပါလောင် ဒုက္ခသည်စခန်းရှိ ဟိန္ဒူဘာသာဝင်တစ်ဦး၏ နေအိမ်တွင် နေထိုင်လျက်ရှိကြောင်း ဆက်သွယ်ပြောကြားခဲ့သည်။

အဆိုပါ ကိစ္စနှင့်ပတ်သက်၍ မြေပြင် သတင်းဖော်ထုတ်ရန်အတွက် ဦးနီမောလ်၊ ဦးရွှေနီတို့နှင့်အတူ သက်ဆိုင်ရာ ပူးပေါင်းအဖွဲ့များသည် စက်တင်ဘာ ၂၄ ရက် နံနက် ၇ နာရီတွင် ခမောင်းဆိပ်ကျေးရွာမှ အမျိုးသား၊ အမျိုးသမီး သုံးဦး၊ တမန်းသားကျေးရွာမှ လေးဦးတို့နှင့်အတူ ရဲဘော်ကျကျေးရွာသို့ ထွက်ခွာခဲ့ကြောင်း၊ ၎င်းပူးပေါင်းအဖွဲ့များက ဖြန့်ခွဲရှာဖွေစဉ် ရဲဘော်ကျကျေးရွာ၏ အနောက်မြောက်ဘက် မီတာ ၁၂၀၀ ခန့်အကွာ၌ မသင်္ကာဖွယ် မြေအနေအထား တွေ့ရှိရပြီး အပုပ်နံ့ရရှိသဖြင့် တူးဖော်ရှာဖွေရာ အကျယ် ၁၃ ပေပတ်လည် မြေကျင်း နှစ်ကျင်းအား ၁၀ ပေ အကွာအဝေးခြား တွေ့ရှိခဲ့ပြီး အဆိုပါ မြေကျင်းများအတွင်းမှ ဟိန္ဒူဘာသာဝင် ကလေးငယ်၊ အမျိုးသား၊ အမျိုးသမီး စုစုပေါင်း ၂၈ ဦး၏ အလောင်း များကို တွေ့ရှိခဲ့သည်။

ဘူးသီးတောင်မြောက်ပိုင်း၊ တောင်ဘဇာနယ်မြေ မီးချောင်းဈေး အာရဗီစာသင်ကျောင်း ခြံဝင်းအတွင်း ပေါက်ကွဲမှုဖြစ်ပွား

ဘူးသီးတောင်မြို့နယ်မြောက်ပိုင်း၊ တောင်ဘဇာနယ်မြေ၊ မီးချောင်းဈေး အာရဗီစာသင်ကျောင်း ခြံဝင်းအတွင်း စက်တင်ဘာ ၂၂ ရက်နေ့ နံနက် ၁၀ နာရီကျော်က ပေါက်ကွဲမှု ဖြစ်ပွားခဲ့ကြောင်း ဘူးသီးတောင်မြို့နယ် ရဲတပ်ဖွဲ့မှ သိရသည်။

ယင်းပေါက်ကွဲမှု ဖြစ်စဉ်နှင့်ပတ်သက်ပြီး ဘူးသီးတောင်မြို့နယ် ရဲတပ်ဖွဲ့မှူး ရဲမှူးသောင်းငွေက “ပေါက်ကွဲမှုဖြစ်တာ မှန်ပါတယ်။ တောင်ဘဇာ နခခ နယ်မြေအပိုင် မီးချောင်းဈေး ဘင်္ဂါလီရွာ အာရဗီ တက္ကသိုလ်မှာ ပေါက်ကွဲမှုဖြစ်တာလို့ သိရတယ်။ ထိခိုက်ပျက်စီးမှု မသိရသေးဘူး။ အဲဒီဘက်နဲ့ အဆက်အသွယ် ခက်ပါတယ်။ စုံစမ်းဆဲ ဖြစ်ပါတယ်” ဟု ပြောသည်။

ပေါက်ကွဲမှုသည် မီးချောင်းဈေး ကျေးရွာရှိ အာရဗီစာသင်ကျောင်း ခြံဝင်းအတွင်း စက်တင်ဘာ ၂၂ ရက်နေ့ နံနက် ၁၀ နာရီ ၂၅ မိနစ်အချိန်ခန့်က ပေါက်ကွဲခဲ့ခြင်းဖြစ်ပြီး ပေါက်ကွဲမှုကြောင့် ခြံဝင်းအတွင်းရှိ အုန်းပင်နှစ်ပင် လဲကျခဲ့ကြောင်းနှင့် ပေါက်ကွဲမှုဖြစ်စဉ်ကို သက်ဆိုင်ရာ လုံခြုံရေးတပ်ဖွဲ့မှ စုံစမ်းလျက်ရှိကြောင်း သိရသည်။

မီးချောင်းဈေး ကျေးရွာသည် ဘူးသီးတောင်မြို့နယ် မြောက်ပိုင်း ဘူးသီးတောင်နှင့် ၈ မိုင်ကျော်အကွာ တောင်ဘဇာ ကျေးရွာအနီး ဘင်္ဂါလီကျေးရွာဖြစ်ပြီး ပေါက်ကွဲမှုဖြစ်သည့် အာရဗီစာသင်ကျောင်း ခြံဝင်းတွင် စာသင်ခန်း နှစ်ထပ်ဆောင်၊ ဗလီနှင့် အခြားကျောင်းဆောင်များရှိကြောင်း သိရသည်။

ဘူးသီးတောင်-မောင်တောဒေသကို အစွန်းရောက်ဘင်္ဂါလီများ၏ ခိုင်မာသည့်နယ်မြေအဖြစ် တည်ဆောက်ရန် ကြိုးစားလာခြင်းဖြစ်ပြီး မြန်မာတိုင်းရင်းသားများ၌ မပါဝင်သည့် ရိုဟင်ဂျာလူမျိုးအဖြစ် ထည့်သွင်း တောင်းဆိုရန် ကြိုးစားလာကြောင်းနှင့် ဘင်္ဂါလီကိစ္စတွင် တစ်သွေးတည်းဖြစ်ရန်လိုကြောင်း တပ်မတော်ကာကွယ်ရေးဦးစီးချုပ် ပြောကြား

ဓာတ်ပုံ – တပ်မတော်ကာကွယ်ရေးဦးစီးချုပ်ရုံး

ဘူးသီးတောင်-မောင်တောဒေသကို အစွန်းရောက်ဘင်္ဂါလီများ၏ ခိုင်မာသည့်နယ်မြေအဖြစ် တည်ဆောက်ရန် ကြိုးစားလာခြင်းဖြစ်ပြီး မြန်မာတိုင်းရင်းသားများ၌ မပါဝင်သည့် ရိုဟင်ဂျာလူမျိုးအဖြစ် ထည့်သွင်း တောင်းဆိုရန် ကြိုးစားလာကြောင်းနှင့် ဘင်္ဂါလီကိစ္စတွင် တစ်သွေးတည်းဖြစ်ရန်လိုကြောင်း တပ်မတော်ကာကွယ်ရေးဦးစီးချုပ် ပြောကြား

အစွန်းရောက်ဘင်္ဂါလီများက ဘူးသီးတောင်-မောင်တောဒေသကို ၎င်းတို့၏ ခိုင်မာသည့်နယ်မြေအဖြစ် တည်ဆောက်ရန် ကြိုးစားလာခြင်းဖြစ်ပြီး မြန်မာတိုင်းရင်းသားများတွင် မပါဝင်သည့် ရိုဟင်ဂျာလူမျိုးအဖြစ် ထည့်သွင်းတောင်းဆိုရန် ကြိုးစားလာကြောင်းနှင့် ဘင်္ဂါလီကိစ္စ၌ တစ်သွေးတည်းဖြစ်ရန်လိုကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က စက်တင်ဘာ ၁၅ ရက်တွင် ပြောကြားသည်ဟု တပ်မတော်ကာကွယ်ရေးဦးစီးချုပ်ရုံးမှ သတင်းထုတ်ပြန်သည်။

အဆိုပါ ပြောကြားမှုကို ပြင်ဦးလွင်တပ်နယ်၊ တပ်မတော်အုပ်ချုပ်မှုကျောင်းရှိ ရန်ကြီးအောင်ခန်းမ၌ ဥပဒေ ဒီပလိုမာအရာရှိကြီး သင်တန်းသို့ တက်ရောက် သင်ကြားလျက်ရှိသည့် သင်တန်းသား တပ်မတော်အရာရှိကြီးများအား စက်တင်ဘာ ၁၅ ရက်က တွေ့ဆုံအမှာစကား ပြောကြားရာတွင် ထည့်သွင်းပြောကြားခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

သြဂုတ် ၂၅ ရက်မှ စတင်ဖြစ်ပွားခဲ့သည့် အစွန်းရောက် ဘင်္ဂါလီများ အကြမ်းဖက်မှုတွင် ထိတွေ့မှုဖြစ်စဉ် ၉၃ ကြိမ်ရှိခဲ့ပြီး ယင်းအကြမ်းဖက်မှုဖြစ်စဉ်သည် ကြိုတင်စီစဉ် ဆောင်ရွက်ခဲ့ခြင်းဖြစ်ရာ ရခိုင်ဒေသရှိ အစွန်းရောက် ဘင်္ဂါလီလူမျိုးများက ဘူးသီးတောင်-မောင်တောဒေသကို ၎င်းတို့၏ ခိုင်မာသည့်နယ်မြေ တစ်ခုဖြစ်အောင် တည်ဆောက်ရန် ကြိုးစားလာခြင်းဖြစ်ကြောင်း၊ မြန်မာတိုင်းရင်းသားများထဲတွင် မပါဝင်သည့် ရိုဟင်ဂျာလူမျိုးအဖြစ် ထည့်သွင်းတောင်းဆို ကြိုးစားလာကြောင်း၊ ဘင်္ဂါလီကိစ္စသည် အမျိုးသားရေးဖြစ်၍ မှန်မှန်ကန်ကန်ဖြင့် မိမိတို့အားလုံး တစ်သွေးတည်းဖြစ်ရန်လိုကြောင်း၊ တိုင်းပြည်ချစ်စိတ်ဖြင့် မြန်မာနိုင်ငံသူ၊ နိုင်ငံသားအားလုံး စည်းစည်းလုံးလုံး ညီညွတ်မှုရှိရန်လိုကြောင်း၊ မီဒီယာများကလည်း စည်းလုံးညီညွတ်မှုရှိရန်လိုကြောင်း၊ တပ်မတော်ကောင်းအောင် တပ်မတော်ထဲတွင်ရှိသူများက လုပ်ဆောင်ကြရမည် ဖြစ်သလို မိမိတိုင်းပြည် တိုးတက်ကောင်းမွန်အောင် မြန်မာနိုင်ငံသားတိုင်းက ၀ိုင်းဝန်းလုပ်ဆောင်ရမည်ဖြစ်ကြောင်း၊ ပြည်ပနိုင်ငံ အဖွဲ့အစည်းများကိုသာ အားကိုးနေ၍မရကြောင်း၊ နောက်ကွယ်မှ အကျိုးအကြောင်း ဆက်စပ်မှုများ ရှိနေနိုင်သည်ကို သတိပြုရမည်ဖြစ်ကြောင်း၊ ကိုယ့်နယ်မြေဒေသ ဖွံ့ဖြိုးတိုးတက်ရန် ဒေသခံတိုင်းရင်းသားများ လုပ်ဆောင်ကြရမည်ဖြစ်ကြောင်း၊ ရခိုင်ဒေသပြန်လည် ထူထောင်ရေးလုပ်ငန်းများတွင်လည်း ဒေသခံ တိုင်းရင်းသားအားလုံးလည်း အဓိကပါဝင်ရန်လိုကြောင်း၊ ဒေသခံများ၏ လုံခြုံရေး အပါအ၀င် မိမိတို့ဝိုင်းဝန်း ကူညီလုပ်ဆောင်ပေးရမည်ဖြစ်ကြောင်း ပြောကြားသည်။

ထို့ပြင် ဒီမိုကရေစီစနစ်မှာ ဥပဒေနှင့်အညီ လုပ်ဆောင်ရသည့် ကျင့်စဉ်များဖြစ်ကြောင်း၊ ဥပဒေပြင်ပမှ တစ်စုံတစ်ရာမျှ လုပ်ဆောင်၍မရကြောင်း၊ တပ်မတော်အနေဖြင့် လုံခြုံရေးအရ တည်ငြိမ်အေးချမ်းမှု၊ နိုင်ငံရေးအရ တည်ငြိမ်အေးချမ်းမှု အခြေအနေများ အရသာ လက်ရှိလျှောက်လှမ်းနေသည့် ဒီမိုကရေစီစနစ် မယိမ်းယိုင်သွားစေရန်၊ စိတ်ချ ယုံကြည်ရစေရန် ပါဝင်ထိန်းသိမ်း လုပ်ဆောင်နေခြင်းသာဖြစ်ကြောင်း၊ မိမိတို့၏ လုပ်ငန်းတာဝန် ထမ်းဆောင်မှုများသည် ဥပဒေအရသာဖြစ်ရန်လိုကြောင်း၊ ဥပဒေနှင့်အညီသာ လုပ်ဆောင်ကြရမည်ဖြစ်ကြောင်း၊ ဥပဒေနှင့်အညီ လုပ်ဆောင်မှုဆိုရာတွင် တပ်မတော်သားများသည် စစ်သည်တော်ကျင့်ဝတ်နှင့် အညီ၊ သတ်မှတ်ထားသည့် စစ်စည်းကမ်းများနှင့်အညီ နေထိုင်ကြရမည်ဖြစ်ပြီး ဂျနီဗာကွန်ဗင်းရှင်းကိုလည်း လိုက်နာကြရမည်ဖြစ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထည့်သွင်း ပြောကြားသည်။

ဘူးသီးတောင်၊ မောင်တော၊ ရသေ့တောင်မြို့နယ်တွင် ပုံမှန်အခြေအနေသို့ မရောက်သေးသော်လည်း အနည်းငယ် တည်ငြိမ်စပြုလာပြီ ဖြစ်ကြောင်း ဦးဇော်ဌေးပြောကြား

ဘူးသီးတောင်၊ မောင်တော၊ ရသေ့တောင်မြို့နယ်တွင် ပုံမှန်အခြေအနေသို့ မရောက်သေးသော်လည်း အနည်းငယ် တည်ငြိမ်စပြုလာပြီ ဖြစ်ကြောင်း အတိုင်ပင်ခံရုံးညွှန်ကြားရေးမှူးချုပ် ဦးဇော်ဌေးက ပြောကြားသည်။

စက်တင်ဘာ ၁၃ ရက်က နိုင်ငံတော်သမ္မတ အိမ်တော်ဝင်းအတွင်းရှိ သတင်းစာရှင်းလင်းပွဲ ပြုလုပ်သည့် ခန်းမတွင် ကုလသမဂ္ဂ အထွေထွေညီလာခံသို့ ဒေါ်အောင်ဆန်းစုကြည် တက်ရောက်မှု မရှိသည့်အပေါ် မီဒီယာများအား ရှင်းလင်းစဉ် ၎င်းကပြောကြားခဲ့ခြင်း ဖြစ်သည်။

“တည်ငြိမ်မှု ရှိအောင် လုပ်တဲ့အခါမှာ အတော်အသင့်တော့ ရှိလာတယ် ပြောရမှာပေါ့။ ပုံမှန် အနေအထားတော့ မရောက်သေးဘူး။ သို့သော် ထိတွေ့မှုတွေ နည်းလာနေတယ်။ကျွန်တော်တို့ ပထမဆုံး လုပ်ရမှာက တည်ငြိမ်မှုနဲ့ လုံခြုံမှု လုပ်ရမှာပါ။ တည်ငြိမ်မှုနဲ့ လုံခြုံမှု ရှိလာရင်တော့ ပြန်လည် နေရာချထားတာတွေ လုပ်ရမှာပေါ့။ အဲဒီတော့ ဒါကတော့ ရေတိုပေါ့။ အကြမ်းဖက်မှုတွေ လုပ်မယ်ဆိုတာ ကြိုတင်ပြီး သတင်းရပါတယ်။ ဒါပေမဲ့ ကွက်ပြည့် လုံခြုံရေးယူလို့ မရဘူး။ ဆိုလိုတာက နေရာတိုင်းမှာ လုံခြုံရေးချလို့ မရဘူး။ ဖြစ်သွားတဲ့ ဖြစ်စဉ်မှာ ရဲကင်းတွေ တစ်ခုမှ မကျဘူး။ ရဲကင်းတွေပေါင်းပြီး ခုခံတာ ရှိတာပေါ့။ တပ်မတော်ကတော့လုံ ခြုံရေးက ပိုကောင်းတာပေါ့။ တပ်ကတော့ တိုက်ရိုက် မပါဘူး။ ဖြစ်သွားတဲ့ ဖြစ်စဉ်မှာတော့ ဒေသခံတွေ သေတယ်။ မွတ်စလင်တွေ သေတယ်။ ဟိန္ဒူတွေ သေတယ်။ ဒီနယ်မြေကြီးကို လူကြီးတွေပြန်ပြီးတော့ စဉ်းစားနေပါတယ်။ နေရာတိုင်းမှာ လုံခြုံရေး တည်ဆောက်ဖို့ မဖြစ်နိုင်ဘူး။ အဲဒီတော့ ဘယ်လိုလုပ်မလဲ ဆိုတာကို လူကြီးတွေ စဉ်းစားပြီး လုပ်နေပါတယ်”ဟု ဦးဇော်ဌေးက ပြောကြားသည်။

လက်ရှိတွင် အဆိုပါ ဒေသအား ရေတို နှင့် ရေရှည် အစီအစဉ်များဖြင့် ဆောင်ရွက်မည် ဖြစ်ကြောင်း၊ ရေတို အစီအစဉ်များမှာ တည်ငြိမ်ရေးနှင့် လုံခြုံရေးနှင့် ပြန်လည် နေရာချထားရေးအား ဆောင်ရွက်မည်ဖြစ်ပြီး ရေရှည်အတွက် ကိုဖီအာနန် ကော်မရှင်၏ အစီရင်ခံစာနှင့် ဒုတိယသမ္မတ ဦးဆောင်သည့် ကော်မရှင်၏ အစီရင်ခံစာများကို အကောင်အထည်ဖော် ဆောင်ရွက်မည် ဖြစ်ကြောင်း ၎င်းက ဆက်လက်ပြောကြားသည်။

ဦးဇော်ဌေးက “ရေတို အနေနဲ့ကတော့ အဲဒီဒေသမှ တည်ငြိမ်ရေး၊ လုံခြုံရေး ဆောင်ရွက်ရမှာပါ။ နောက်ပြီးရင်တော့ ပြန်လည် နေရာချထားရေး လုပ်ရမယ်။ ရေရှည် ကာလကတော့ ကိုဖီအာနန် အစီရင်ခံစာရယ်၊ ဒုတိယသမ္မတ ဦးဆောင်တဲ့ ကော်မရှင်ရဲ့အစီရင်ခံစာတွေမှာပါတဲ့ အကြံပြုချက်တွေကို သင့်လျော်တဲ့ အချက်တွေကို ဆောင်ရွက်မယ်။ ဒါက ရေရှည်စီမံကိန်းပေါ့။ လက်ရှိမှာ အရေးကြီးတာက ရွာတွေဆိုရင် ပြန်လည် နေရာချထားနေတာ ရှိတယ်။ တိုင်းရင်းသား ကျေးရွာတွေပေါ့။ တိုင်းရင်းသား ကျေးရွာတွေကို ပြန်လည်နေရာချတဲ့အချိန်မှာ အစောဆုံးက ဒီလ ၇ ရက်ကစပြီး နေရာချတယ်။ အားလုံးပေါင်း ၂၅ ရွာပေါ့။ မူလနေရာ ပြန်ရောက်သွားပြီ။ ပြောရရင်တော့ ဒီဒေသဟာ တည်ငြိမ်စ ပြုလာပြီပေါ့” ဟု ပြောကြားသည်။

လုံခြုံရေး အစီအစဉ်များနှင့် ပတ်သက်ပြီး သတင်းထောက်တစ်ဦး၏ မေးမြန်းချက်အား ဦးဇော်ဌေးက “လုံခြုံရေး အစီအစဉ်တွေက ထုတ်ပြောလို့တော့ မရပါဘူး။ အဲဒီမှာ ကျွန် တော်တို့က ရဲပဲရှိတယ်။ တပ်က ဘယ်ရောက်နေလဲ ဆိုတော့ မေယုတောင်ကြောကို ရှင်းနေတယ်။ တောင်ပေါ်မှာ နယ်မြေရှင်းနေတဲ့ တပ်က အောက်ပိုင်းကို ပြန်ဆင်းပြီး ရှင်းရတဲ့ အနေအထားပေါ့နော်။ အခုကတော့ သတင်းရတဲ့နေရာကို လုံခြုံရေးက လိုက်နေပါတယ်။ဘူးသီးတောင်၊ မောင်တော၊ ရသေ့တောင်မှာ ဘင်္ဂါလီရွာပေါင်းက ၄၇၂ ရွာ ရှိတယ်။ အဲဒီမှာ တချို့က ထွက်ပြေးတယ်။ တချို့တွေက ရွာမှာ ကျန်ခဲ့တယ်။ အဲဒါက ၃၄ ရွာ ရှိတယ်။ ရွာလုံးကျွတ် ထွက်ပြေးတာက ၁၇၆ ရွာ ရှိတယ်။ နောက်တစ်ခုက ဘယ်မှလည်း မပြေးဘူး။ အဲဒါက ၁၆၀ ရွာရှိတယ်။ ရာခိုင်နှုန်းအရ ကြည့်မယ်ဆိုရင် လုံးဝထွက်မပြေးဘဲ ကျန်ခဲ့တဲ့ရွာက များတယ်။ ပြေးတဲ့သူတွေက ဘာလို့ပြေးလဲဆိုတော့ လုံခြုံရေးတပ်ဖွဲ့ဝင်တွေ တိုက်လို့ပြေးကြတာ။ မီဒီယာတွေမှာ ရေးနေကြတာက တောင်ဘက်ကို ထွက်ပြေးတဲ့ ဟိန္ဒူတွေ၊ တိုင်းရင်းသားတွေ၊ ရခိုင်တွေ မေးတဲ့ဟာ မဟုတ်ဘူး။ ဘင်္ဂလားဒေ့ရှ် နယ်စပ်မှာ သွားပြီး မေးတဲ့အတွက် ဘင်္ဂါလီတွေပေါ့နော်။ ဒါတွေကို မေးပြီးတော့ ရေးကြတာတွေ ရှိတယ်”ဟု ပြောကြားသည်။

ထို့ပြင်မီဒီယာများနှင့်လည်း ပတ်သက်ပြီး“ကျွန်တော်တို့ ဒီဘက်မှာလည်း သတင်းထောက်တွေ လွှတ်ခဲ့ပါတယ်။ လွှတ်တဲ့အချိန်မှာ စစ်တွေမှာလည်း မေးခွင့်ပြုတယ်။ ကျန်တဲ့ နေရာတွေလည်း ခွင့်ပြုခဲ့တယ်။ တက်လာတဲ့ သတင်းကကျတော့ တိုင်းရင်းသားတွေဖြစ်တဲ့သတင်းက အင်တာနေရှင်နယ်ကို ရောက်မသွားဘူး။ နယ်စပ်မှာက ဟိုဘက်ကလည်း အ၀င်မခံဘူး။ နယ်စပ်မှာ ရှိနေတာက မိန်းမနဲ့ ကလေးတွေပဲ များတယ်။ အဲဒီတော့ ယူဆချက်က ဘာလဲဆိုတော့ အားလုံး ထွက်ပြေးသွားတဲ့ ရွာတွေနဲ့ တချို့တလေ ထွက်ပြေးသွားတဲ့ ရွာတွေက အကြမ်းဖက်သမားတွေနဲ့ အဆက်အသွယ် ရှိတယ်။ အကြမ်းဖက် လုပ်ရပ်တွေမှာ ပါဝင်နေတဲ့သူတွေ ဖြစ်နေတယ်။ အကြမ်းဖက် တိုက်ခိုက်မှုတွေ လုပ်တော့မယ်ဆိုတဲ့ အချိန်မှာ မိန်းမတွေက လွတ်ရာကျွတ်ရာ ပြေးရတယ်။ အချို့တွေကတော့ ပင်မအကြမ်းဖက်အဖွဲမှာ မပါဘူး။ လူအုပ်နဲ့ ၀ိုင်းပြီး အကြမ်းဖက်တဲ့အထဲ ပါကြတယ်” ဦးဇော်ဌေးက ပြောကြားသည်။

အကြမ်းဖက်မှု ဖြစ်စဉ်များတွင် အချို့သော ဘင်္ဂါလီကျေးရွာများမျာ ပါဝင်ခြင်း မရှိကြောင်း၊ ကျေးရွာအတွင်း အကြမ်းဖက်မှုများ နှင့် ဆက်နွှယ်သူများ တွေ့ရှိပါကလည်း သက်ဆိုင်ရာသို့ လာရောက်အပ်နှံခြင်းများ ရှိကြောင်း အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေးက ဆက်လက်ပြောကြားသည်။

“ မပါတဲ့ ရွာတွေကျတော့ အကြမ်းဖက်သမားတွေလာရင် လက်မခံဘူး။ ဖမ်းပြီး ပို့ပေးကြတာ ရှိတယ်။ အချို့ကျတော့ လုံးဝ အ၀င်မခံဘူး။ အကြမ်းဖက်မှာ ပါတဲ့သူတွေကို ရွာတွေက လက်မခံတော့ မောင်တောရဲ့ မြောက်ဘက်မှာ သွားနေကြတယ်။ ဟိုဘက်နိုင်ငံက Camp ထဲ ရောက်နေသူတွေကတော့ ၁၀၀ ရှိရင် ၁၀၀ လုံး လာလို့မရဘူး။ ပြန်စိစစ်ရမယ်။ စိစစ်ပြီးမှာပဲ လက်ခံဖို့ ရှိပါတယ်”ဟု ပြောကြားသည်။

အစိုးရအနေဖြင့် လက်ရှိတွင် သတင်းမှားများနှင့် ပတ်သက်ပြီး နိုင်ငံတကာရှိ ခေါင်းဆောင်များသို့ ရှင်းပြခြင်းများကို လုပ်ဆောင်နေကြောင်း၊ သတင်းမှားများ ဖော်ပြခြင်းကြောင့် အစိုးရအနေဖြင့် လုပ်ကိုင်ရာတွင် အခက်အခဲများ ရှိကြောင်း ဦးဇော်ဌေးက ပြောကြားသည်။

“၂၀၁၀ ဒီမိုကရေစီအစိုးရ တက်လာတဲ့အချိန် ကမ္ဘာ့နိုင်ငံတွေနဲ့ ဆက်ဆံလာတာ များလာတဲ့အခါ ကျတော့ ကျန်တဲ့ဟာတွေအပေါ် ဖိအားနည်းလာတယ်။ ဘာလို့လဲ ဆိုတော့ ငြိမ်းချမ်းရေးတွေ လုပ်တယ်။ ကျန်တဲ့ဟာတွေ မရှိတော့တဲ့အချိန်မှာ ဒီကိစ္စက Storm ဖြစ်သွားတယ်။ ဒီလူတွေက သန်းနဲ့ ချီပြီးတော့ ကမ္ဘာမှာ ပြန့်နေတာက အများကြီး။ မြန်မာနိုင်ငံက သွားတာတွေ ပြောတာမဟုတ်ဘူး။ ပါတော့ပါတယ်။ နိုင်ငံစုံက ပျံ့နှံ့နေတာ။ ဖြစ်နေတာက ကြာပြီ။ ဒေါ်အောင်ဆန်းစုကြည်ကို ဖိအားတွေ ပေးကြတယ်။ မုသားကို အမှန်တရားနဲ့ တိုက်မယ်ဆိုပြီး ကျွန်တော်တို့က ပြန်တိုက်တယ်။ သို့သော် မဟုတ်တာကို ထပ်ကာ ထပ်ကာ ပြောတာများလာတဲ့ အခါကျတော့ အမှန်ပုံစံ ဖြစ်သွားတယ်။ အဲဒီလိုဖြစ်နေတော့ လုပ်ရကိုင်ရတာ တော်တော်ခက်ပါတယ်။ နိုင်ငံတော် အတိုင်ပင်ခံပုဂ္ဂိုလ်ဆိုရင် ကမ္ဘာ့ခေါင်းဆောင်တွေနဲ့ တယ်လီဖုန်းတွေ တောက်လျှောက် ပြောနေရတယ်။ တကယ့်အဖြစ်အပျက်ကို ပြောနေတာ။ လုပ်ကြံပြီး ပြောနေတာ မရှိဘူး။ ရခိုင်ပြည်နယ် အစိုးရရဲ့ တင်ပြချက်တွေနဲ့ဒီမှာတော့ ဘယ်လိုဖြစ်နေတယ်။ တကယ့် မြေပြင်မှာပေါ့။ တချို့တွေက ဒီဒေသကို မရောက်ဘူး။ မီဒီယာတွေမှာ ရေးတာတွေကို ဖတ်ပြီးတော့ ဖြစ်နေကြတာ။ အခုဆို အရှေ့အလယ်ပိုင်း နိုင်ငံတွေကို သွားပြီး ရှင်းပြတယ်။ သံတမန်တွေကို ခေါ်ပြီး ပြောတာတွေ ရှိတယ်” ဟု ဦးဇော်ဌေးက ပြောကြားသည်။

သြဂုတ် ၂၅ ရက်မှ စတင်ကာ ဘင်္ဂါလီအစွန်းရောက် အကြမ်းဖက်များက မောင်တောမြို့ရှိ ရဲကင်းစခန်း ၃၀ အား တစ်ပြိုင်နက် ၀င်ရောက် တိုက်ခိုက်ခဲ့ပြီး အကြမ်းဖက်မှုများကို ပြုလုပ်ခဲ့ကြသည်။