ဘင်္ဂလားဒေ့ရ်ှသို့ ရောက်ရှိသွားသူများက ပြန်လည် ခိုးဝင်လာပြီး ဘူးသီးတောင်မြို့နယ်အတွင်း နေအိမ်ဆောက်လုပ် နေထိုင်မှု အများအပြားရှိနေကြောင်း လွှတ်တော်ကိုယ်စားလှယ်များ ပြောကြား

ဂူတာပြင်ကျေးရွာတွင် ခိုးဝင်ပြီး အိမ်အသစ် ဆောက်လုပ်ထားသည်ကို ယခုရက်ပိုင်းအတွင်း တွေ့ရစဉ်

၂၀၁၇ သြဂုတ် ၂၅ ရက်က လက်နက်ကိုင်စခန်းပေါင်း ၃၀ ကျော်ကို တစ်ချိန်တည်း တစ်ပြိုင်တည်း ၀င်ရောက် တိုက်ခိုက်ခဲ့ပြီး နောက်ပိုင်း ဘင်္ဂလားဒေ့ရ်ှနိုင်ငံသို့ ရောက်ရှိသွားကြပြီးနောက် ယခုလပိုင်းများအတွင်း ဘူးသီးတောင်မြို့နယ်အတွင်းသို့ တိတ်တဆိတ် ပြန်လည် ၀င်ရောက်လာကာ နေအိမ်ဆောက်လုပ်နေထိုင်မှု အများအပြား ရှိနေကြောင်း ဒေသခံ လွှတ်တော်ကိုယ်စားလှယ်များက ပြောကြားသည်။

ယင်းနှင့်ပတ်သက်ပြီး ဘူးသီးတောင်မြို့မှ ပြည်သူ့လွှတ်တော် ကိုယ်စားလှယ် ဦးအောင်သောင်းရွှေက “ဂူတာပြင်ရွာဟာ သြဂုတ်လအတွင်းက စခန်းတွေကို တိုက်ခိုက်ပြီးနောက်ပိုင်းမှာ လက်နက်ကိုင်တပ်ဖွဲ့တွေကို တိုက်ခိုက်ခဲ့တဲ့ ရွာဖြစ်တယ်။ အဲဒီရွာကလည်း အားလုံး ထွက်ပြေးသွားတယ်။ ဒါပေမဲ့ အခု အိမ်သစ် ဆောက်လုပ်နေတာ အိမ်ခြေ ၆၀ နီးပါး ရှိနေပြီဖြစ်တယ်။ ဒါကို အစိုးရက မသိဘူး လုပ်နေတယ်။ ဒီလိုဆောက်ခွင့် ရတာဟာ လက်နက်ကိုင်တပ်ဖွဲ့တွေ ပူးပေါင်းပါဝင်မှု ရှိနေတယ်လို့ သိရတယ်။ အထူးသဖြင့် ညောင်ချောင်းစခန်းက တာဝန်ရှိသူတွေ အလိုတူအလိုပါ လုပ်နေတယ်လို့ သိရတယ်။ ပြဿနာဖြစ်တိုင်းလည်း အဲဒီရွာက စတင်ခဲ့တာ ရှိတယ်။ ဂူတာပြင်နဲ့ စိမ့်ညှင်းပြားရွာမှာ တစ်ယောက်မှ မရှိတော့ပေမယ့် အခုအိမ်တွေ ဆောက်နေတယ်ဆိုတာ တရားဥပဒေ စိုးမိုးမှု မရှိတာကို ပြသနေတာ ဖြစ်ပါတယ်။ သပိတ်တောင် ရခိုင်ရွာသားတွေကို ၀ိုင်းထားလို့ စစ်ကူသွားရောက်ပြီး ကယ်ထုတ်ခဲ့ရတဲ့ အနေအထားမှာ ရှိခဲ့တယ်။ ဂူတာပြင်ရွာသားတွေဟာ လက်နက်ကိုင်တပ်ဖွဲ့တွေကို လမ်းက ဖြတ်တိုက်ပြီးနောက် ကိုယ့်အိမ်ကိုယ် မီးရှို့ပြီး ထွက်ပြေးသွားကြတဲ့အတွက် တစ်ယောက်မှ မရှိတော့တဲ့ ရွာဖြစ်တယ်။ အခုဆိုရင် ဓာတ်ပုံမှာ မြင်နေရသလို အိမ်တွေ ၆၀ နီးပါး ဖြစ်နေပြီ”ဟု ပြောကြားသည်။

သို့သော်လည်း ဘူးသီးတောင်မြို့နယ် အုပ်ချုပ်ရေးမှူးက တရားမ၀င် ၀င်ရောက်နေထိုင်မှု ရှိသည်ဟု မသိရကြောင်း၊ တရားမ၀င် ၀င်ရောက်လာပါက သက်ဆိုင်ရာ ဌာနဆိုင်ရာများအနေဖြင့် အရေးယူသွားမည် ဖြစ်ကြောင်း၊ ဂူတာပြင်တွင် နေအိမ်များ ဆောက်လုပ်နေသည့် သတင်းအပေါ်လည်း အထက်သို့ တင်ပြထားကြောင်း ပြောကြားသည်။

ထို့ပြင် နယ်ခြားစောင့် တပ်ရင်းမှူးက “ကျွန်တော် သိထားသလောက်တော့ ဘင်္ဂလားဘက်က ခိုးဝင်တာ ဘာညာတော့ မရှိဘူးခင်ဗျ။ လွှတ်တော် ကိုယ်စားလှယ်တော့ ပြောတာပဲ။ ဘယ်လိုများ သိလို့လဲတော့ မသိဘူး။ ဂူတာပြင်ကတော့ ကျွန်တော်တို့ သဘောထား မှတ်ချက် ပေးထားပြီးသားပါ။ ဖြစ်စဉ်မှာ ပါဝင်ခဲ့တဲ့အတွက် လုံခြုံရေးအရ ခွင့်မပြုဘူးလို့ မှတ်ချက်ပေးထားတာ ရှိတယ်။ ထွေအုပ်ကတော့ အကြောင်းကြားစာလည်း မလာဘူး။ မီးမလောင်ဘဲနဲ့ ကျန်ခဲ့တဲ့အိမ်တွေ ရှိတာပေါ့။ အဲဒီမှာ ပေါင်းပြီးနေကြတာတော့ ရှိတယ်။ ဒါပေမဲ့ အိမ်ဆောက်လုပ်ခွင့်တော့ ပြုမထားသေးဘူး”ဟု ပြောကြားသည်။

ဂူတာပြင်ကျေးရွာတွင် ခိုးဝင်ပြီး အိမ်အသစ် ဆောက်လုပ်ထားသည်ကို ယခုရက်ပိုင်းအတွင်း တွေ့ရစဉ်

ဘူးသီးတောင်မြို့နယ်အပြင် မောင်တောမြို့နယ်အတွင်း၌လည်း ထိုသို့ ခိုးဝင်နေထိုင်မှုများ ရှိနေကြောင်း ဒေသခံများက ပြောဆိုကြသည့်အပြင် လူမှုကွန်ရက်များတွင်လည်း ရေးသားတင်ပြနေသည်ကို မြင်တွေ့ရသော်လည်း သက်ဆိုင်ရာဌာနများ အနေဖြင့် ပြတ်သားစွာ ပြောဆိုရန်နှင့် ပြတ်သားစွာ လုပ်ဆောင်ရန် လိုအပ်ကြောင်း လွှတ်တော်ကိုယ်စားလှယ်များက ထောက်ပြမှုများ ရှိနေသည်။

“ဒေသခံ ပြည်သူတွေကလည်း ကျွန်တော့်ကို လှမ်းပြီးပြောနေကြတယ်။ ဘူးသီးတောင်နယ်မှာ အိမ်တွေ ဆောက်လုပ်နေတာကို မြင်ရတယ်လို့ ပြောတယ်။ ကျွန်းပေါက်ကျေးရွာမှာလည်း ၀င်ရောက်ပြီး အိမ်တွေ ဆောက်လုပ်နေကြပြီလို့ သိရတယ်။ ဒီလိုမျိုး နယ်စပ်ဖြတ်ကျော်သွားသူတွေကို လျစ်လျူရှုထားမယ်ဆိုရင် အကြမ်းဖက်မှုတွေ ထပ်ပြီး ဖြစ်လာနိုင်တယ်။ သူတို့ကို အမှီပြုပြီး အကြမ်းဖက်သမားတွေ ၀င်လာနိုင်တယ်။ အကြမ်းဖက်သမားတွေအတွက် အထောက်အပံ့ဖြစ်လာနိုင်သလို ကူညီသူလည်း ဖြစ်လာနိုင်တယ်။ ဒီကိစ္စဟာ ဒေသခံ တိုင်းရင်းသားတွေအတွက် အလွန်တစ်ရာ စိုးရိမ်ရတဲ့ အခြေအနေ ဖြစ်လာပါတယ်။ ဂူတာပြင်ဆိုတာကလည်း အကြမ်းဖက်တိုက်ခိုက်မှုကို လုပ်ဆောင်ခဲ့တဲ့ ရွာဖြစ်တယ်။ စစ်ကြောင်းကိုလည်း တိုက်ခိုက်ခဲ့တယ်။ နောက်ပိုင်းမှာ ရွာကို မီးရှို့ပြီး ထွက်ပြေးသွားကြတယ်။ အဲဒါကလည်း စစ်တပ်ကို အပြစ်ပုံချဖို့ လုပ်ဆောင်ခဲ့တာသာ ဖြစ်တယ်။ တစ်ယောက်မှ မကျန်တော့တဲ့ ရွာမှာ အခုလိုမျိုး နေအိမ်တွေ ဆောက်လုပ်နေတာ အထင်အရှား မြင်တွေ့နေရပေမယ့် မျက်စိမှိတ်ထားမယ်ဆိုရင် တိုင်းရင်းသားတွေ ထပ်ပြီး အသတ်ခံရနိုင်တယ်။ တရားဥပဒေ စိုးမိုးရေးဆိုတာ ဘာလဲလို့ မေးစရာ ဖြစ်နေပါတယ်။ တိုင်းရင်းသားအတွက် တရားဥပဒေ စိုးမိုးရေးဆိုတာ မရှိတော့တဲ့ အနေအထားမှာ ရှိနေတယ်လို့ မြင်ပါတယ်”ဟု ဘူးသီးတောင်မြို့နယ်မှ ပြည်နယ်လွှတ်တော် ကိုယ်စားလှယ် ဦးထွန်းအောင်သိန်းက ပြောကြားသည်။

ဂူတာပြင်ကျေးရွာတွင် ခိုးဝင်ပြီး အိမ်အသစ် ဆောက်လုပ်ထားသည်ကို ယခုရက်ပိုင်းအတွင်း တွေ့ရစဉ်

လက်ရှိအချိန်တွင် မြန်မာအစိုးရအနေဖြင့် ဘင်္ဂလားဒေ့ရ်ှသို့ ရောက်ရှိသွားသော ဘင်္ဂါလီများအား ပြန်လည်လက်ခံရေးစခန်းများ ဖွင့်လှစ်ပြီး လက်ခံနေသော်လည်း တရားဝင် ၀င်ရောက်လာသူ ဆယ်ဂဏန်းမျှသာ ရှိသေးသည့်တိုင် တရားမ၀င် လမ်းကြောင်းမှ ၀င်ရောက်နေထိုင်မှုများ ရှိနေသည်ကို အထင်အရှား မြင်တွေ့နေရကြောင်းနှင့် ၎င်းတို့အား ဥပဒေကြောင်းအရ အပြစ်ပေးမှုများ မရှိပါက မောင်တော၊ ဘူးသီးတောင်နှင့် ရသေ့တောင် မြို့နယ်များအတွင်း အခြေချနေထိုင်နေကြသည့် တိုင်းရင်းသားများ အနေဖြင့် နေရပ်စွန့်ခွာမှု ပိုများလာနိုင်ကြောင်း သုံးသပ်ကြသည်။

“တိုင်းရင်းသားတွေအနေနဲ့ မောင်တောတောင်ပိုင်းက သင်္ဘောကွေ့ကျေးရွာမှာ အခြေချဖို့လုပ်တော့ အစိုးရဘက်က ဟန့်တားမှုတွေ လုပ်တယ်။ မီးလောင်ပြင်ဖြစ်လို့ နေထိုင်လို့ မရဆိုဘူးဆိုပြီး မောင်းထုတ်နေချိန်မှာ ဒီနေ့ ဂူတာပြင်ကျေးရွာမှာ ဆောက်လုပ်နေတဲ့ နေအိမ်တွေကို တွေ့ရခြင်းအားဖြင့် ဥပဒေဟာ တရားမ၀င် လာရောက်နေထိုင်သူတွေကို အကာအကွယ်ပေးဖို့အတွက်သာ ဖြစ်နေသလားလို့ ထင်ရပါတယ်။ ခိုးဝင်ပြီး နေအိမ်ဆောက်လုပ်မှုတွေကို အမြန်ဆုံး အရေးယူဖို့ လိုအပ်နေပါတယ်။ ဒါဟာ သိပ်ပြီး အရေးကြီးတဲ့ ကိစ္စတစ်ရပ်လည်း ဖြစ်ပါတယ်”ဟု ဦးထွန်းအောင်သိန်းက ပြောကြားသည်။

 

ဘူးသီးတောင်မြို့နယ် သပြေတောကျေးရွာအနီးရှိ ကျေးရွာများမှ ဒေသခံများအား ARSA ၏ ခြိမ်းခြောက်မှုများနှင့် ပတ်သက်၍ ရဲတပ်ဖွဲ့က စုံစမ်းစစ်ဆေးလျက်ရှိပြီး အကြမ်းဖက်သင်တန်း တက်ရောက်ခဲ့သည့် ဘင်္ဂါလီတစ်ဦးကို ဖမ်းဆီးရမိ

ဘူးသီးတောင်မြို့နယ် သပြေတောကျေးရွာအနီးရှိ ကျေးရွာများမှ ဒေသခံများကို ARSA ၏ ခြိမ်းခြောက်မှုများနှင့် ပတ်သက်၍ ရဲတပ်ဖွဲ့မှ စုံစမ်းစစ်ဆေးလျက်ရှိပြီး အကြမ်းဖက်သင်တန်း တက်ရောက်ခဲ့သည့် ဘင်္ဂါလီတစ်ဦးကို ဖမ်းဆီးရမိခဲ့ကြောင်း သိရသည်။

ယင်းသို့ စုံစမ်းဖော်ထုတ်မှုနှင့် ပတ်သက်ပြီး ဘူးသီးတောင်မြို့နယ် တောင်ဘဇာ ရဲစခန်းမှူး ရဲမှူးထွန်းလှိုင်က “အကြမ်းဖက်သင်တန်း တက်ခဲ့တယ်ဆိုတဲ့ သတင်းအရ မနေ့က ကျွန်တော်တို့ သွားဖမ်းပါတယ်။ သူ့ကို ၁၇ (၁)(၂) နဲ့ အမှုဖွင့် အရေးယူထားပါတယ်။ သူ့ကို အခုလောလောဆယ် စစ်ဆေးနေဆဲ ဖြစ်ပါတယ်”ဟု ပြောကြားသည်။

အဆိုပါ အကြမ်းဖက်သင်တန်း တက်ရောက်ခဲ့သည်ဟု သတင်းရထားသည့် ဘင်္ဂါလီကို ဧပြီ ၂၀ ရက် နံနက် ၈ နာရီတွင် နယ်ခြားစောင့် ရဲတပ်ဖွဲ့က ဖမ်းဆီးရမိခဲ့ခြင်းဖြစ်ပြီး ဖမ်းဆီးရမိသူမှာ ဘူးသီးတောင်မြို့နယ် တုံးချောင်ကျေးရွာမှ မာမောက်ဟူဆောင်း (ခ) မာမတ်ဟူဆိန်း (ဘ) ကာလူ (ခ) အာဇီဇူဟောက် အသက် ၂၂ နှစ်ဖြစ်ကြောင်းနှင့် ၎င်းအား တောင်ဘဇာရဲစခန်းတွင် အမှုဖွင့် အရေးယူထားကြောင်း သိရသည်။

“ ARSA က ခြိမ်းခြောက်မှုတွေနဲ့ ပတ်သက်လို့ ရဲတပ်ဖွဲ့က စတင်စုံစမ်း ဖော်ထုတ် ဖမ်းဆီးတာတွေ လုပ်နေတယ်လို့ သိရတယ်။ မနေ့က အကြမ်းဖက်သမားတစ်ဦးကို ဖမ်းမိတယ်လို့ သိရပါတယ်။ တိုင်းရင်းသားတွေရဲ့ အသက်အန္တရာယ်ကနေ ကာကွယ်ပေးဖို့ အစိုးရမှာ တာဝန်ရှိပါတယ်။ အခုလို တိုင်းရင်းသားတွေကို ခြိမ်းခြောက်လာတာ တရားဥပဒေစိုးမိုးမှု မရှိဆိုတာကို ပြသနေပါတယ်”ဟု ဘူးသီးတောင်မြို့နယ်မှ ပြည်သူ့လွှတ်တော်ကိုယ်စားလှယ် ဦးအောင်သောင်းရွှေက ဆိုသည်။

ဘူးသီးတောင်မြို့နယ်၊ လက်ဝဲဒက်ပြင် ရှည်ကျေးရွာအုပ်စု၊ သပြေတော၊ အင်းဖောက် ကျေးရွာတို့တွင် နေထိုင်နေသည့် ဒေသခံ တိုင်းရင်းသားများကို ဧပြီ ၁၅ ရက်က ARSA အကြမ်းဖက်အဖွဲ့က တယ်လီဖုန်းဖြင့် အကြိမ်ကြိမ် ခြိမ်းခြောက်ခြင်း၊ ရွာအနီး တံတားပေါ်တွင် ခြိမ်းခြောက်စာ ကပ်ခြင်းများ ပြုလုပ်ခဲ့ပြီး ခြိမ်းခြောက်ခံရသူများတွင် သပြေတောင်ကျေးရွာမှ ကျေးရွာအုပ်ချုပ်ရေးမှူး ဦးအောင်သန်းထွေးပါ တိုင်းရင်းသား သုံးဦး၊ အင်းဖောက်ကျေးရွာမှ တိုင်းရင်းသား တစ်ဦး၊ ထင်ရှားပြင် (ဘင်္ဂါလီ) ကျေးရွာမှ ကျေးရွာ ဒုတာဝန်ခံ၊ ရာအိမ်မှူးတို့ ပါဝင်ကြောင်းနှင့် လက်ရှိတွင် ဒေသခံများမှာ အထူးစိုးရိမ်နေကြကြောင်း သိရသည်။

အဆိုပါ ခြိမ်းခြောက်မှုများ ပေါ်ပေါက်နေသည့် ကျေးရွာသို့ ပြည်သူ့လွှတ်တော် ကိုယ်စားလှယ် ဦးအောင်သောင်းရွှေနှင့် တာဝန်ရှိသူများ ကွင်းဆင်း၍ တွေ့ဆုံမေးမြန်း စုံစမ်းမှုများ ဆောင်ရွက်ခဲ့ကြောင်း သိရသည်။

ဘူးသီးတောင်မြို့နယ်နှင့် ရသေ့တောာင်မြို့နယ် အတွင်းရှိ ကျေးရွာ ၁၆ ရွာမှ ဘင်္ဂါလီ ၈၀၀ ကျော် ထပ်မံနေရပ်စွန့်ခွာ

ဘူးသီးတောင်မြို့နယ်နှင့် ရသေ့တောင်မြို့နယ် အတွင်းရှိ ကျေးရွာ ၁၆ ရွာမှ ဘင်္ဂါလီ ရှစ်ရာကျော် ထပ်မံနေရပ်စွန့်ခွာလာကြောင်း ပြည်ထဲရေးမှ သတင်းထုတ်ပြန်ချက်အရ သိရသည်။

အဆိုပါ နေရပ်စွန့်ခွာ ဘင်္ဂါလီများသည် ဘူးသီးတောင်မြို့နယ် သပိတ်တောင်၊ တောင်ရွာ၊ ဆင်ခုန်တိုင်၊ ဖုံညိုလိပ်၊ ဖိုးခေါင်ချောင်း၊ ကံဆိတ်၊သရက်ပြင်၊ စိမ်းညှင်းပြာ၊ အလယ် ချောင်း၊ ဆေးအိုးကျ၊ ဒိုးတန်း၊ မြောင်းနား၊ အာကာတောင်၊ ဖရုံချောင်း၊ ၀က်မကျနှင့် ရသေ့တောင်မြို့နယ် ညောင်ပင်ကြီးကျေးရွာ တို့မှ ဖြစ်ပြီး စုစုပေါင်း  ၈၆၈ ဦးဖြစ်ကြောင်း နှင့် ယင်းတို့ထဲတွင် ကျား ၄၆၁ ဦးနှင့် မ ၄၀၇ ဦးတို့ပါဝင်ကြောင်း၊ အဆိုပါ နေရပ်စွန့်ခွာ ဘင်္ဂါလီများသည် ၂၀၁၈ ခုနှစ် ဖေဖော်ဝါရီ ၁၁ ရက်ညနေ ၆ နာရီ ၄၅ မိနစ်အချိန်တွင် မောင်တောမြို့နယ် မှိုဝင်ချောင်းဝကင်းစခန်းနှင့် ဂေါ်ဒူသာရ ချောင်းဝကင်းစခန်းကြား ပင်လယ်ကမ်းခြေ၌ နေရပ်စွန့်ခွာ ဘင်္ဂါလီများ ရောက်ရှိခဲ့ခြင်း ဖြစ်ကြောင်း သိရသည်။

သတင်းအရ ရှေ့တန်း အမှတ် (၁၁) လုံ ခြုံရေးရဲတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေး မေးမြန်းခဲ့ရာ အကြမ်းဖက် ဖြစ်စဉ်ဖြစ်ပွားပြီးနောက်ပိုင်း စားဝတ်နေရေးနှင့် အလုပ်အကိုင် အခက်အခဲရှိသဖြင့် ၎င်းတို့၏ ဆန္ဒအလျောက် ဘင်္ဂလားဒေ့ရ်ှနိုင်ငံဘက်သို့ သွားရောက်ရန် စိမ်းညှင်းပြာ တောင်ကျော်လမ်းအတိုင်း ထွက်ခွာလာခဲ့ခြင်း ဖြစ်ကြောင်းနှင့် အဆိုပါကမ်းခြေ၌ ဖေဖော်ဝါရီ ၁၁ ရက်ထိ ဘင်္ဂါလီ ၂၇၀ ဦး (ကျား ၁၃၀၊ မ ၁၄၀) တို့ ကျန်ရှိနေထိုင်လျက်ရှိရာ ယခုအခါ စုစုပေါင်း ၁၁၃၈ ဦး(ကျား ၅၉၁၊ မ ၅၄၇)တို့ နေထိုင်လျက် ရှိကြောင်း သတင်းရရှိသည်။

ဖေဖော်ဝါရီ ၄ ရက် ညနေ ၇ နာရီ ၄၅ မိနစ် အချိန် မောင်တောမြို့နယ် ဂေါ်ဒူသာရ ချောင်းဝပင်လယ် ကမ်းခြေသို့ ဘူးသီးတောင်မြို့နယ် သေကံခွဆုံ၊ စိမ်းညှင်းပြာ၊ သိမ်တောင်၊ ဆင်ခုန်တိုင်၊ အနောက်ပြင်၊ ကွန်တိုင်၊ ဖုံညိုလိပ်၊ ဦးလှဖေ၊ ဖိုးခေါင်ချောင်း၊ ရွက်ညိုတောင်၊ ကင်းတောင်၊ ဗဒန်နာ၊ သပိတ်တောင်၊  မြောင်နား၊ ၀ရကျွန်းနှင့် ကကျက်ဘက်ကျေးရွာ ၁၆ ရွာတို့မှ ဘင်္ဂါလီ ၇၈၈ ဦးတို့ ရောက်ရှိခဲ့ကြောင်း ပြည်ထဲရေးမှ သတင်းထုတ်ပြန်ချက်အရ သိရသည်။

လက်ရှိ အဆိုပါ ကမ်းခြေနေရာတွင် ဘင်္ဂလားဒေ့ရ်ှသို့ ဆက်လက်ထွက်ခွာရန် ကျန်နေသေးသည့် ယခင် ၉၃ ဦးရှိသဖြင့် ယခု စုစုပေါင်း ၈၈၁ ဦး နေထိုင်လျက်ရှိကြောင်း သတင်းရရှိပါသည်။

အကြမ်းဖက်ဖြစ်စဉ်ကြောင့် တစ်ဖက်နိုင်ငံသို့ ထွက်ပြေးသွားသူများအား ပြန်လည်လက်ခံရေး အစီအစဉ်ကို မြန်မာနိုင်ငံမှ ဇန်န၀ါရီ ၂၃ ရက်က စတင်နေပြီ ဖြစ်သော်လည်း တစ်ဦးတစ်ယောက်မျှ ပြန်လာခြင်း မရှိသေးကြောင်း၊ ယင်းသို့ ဆောင်ရွက်နေစဉ်အတွင်းမှာပင် ဖေဖော်ဝါရီ ၁ ရက်မှ ဖေဖော်ဝါရီ ၁၀ ရက်အတွင်း နေရပ်စွန့်ခွာ ဘင်္ဂါလီ ၉၀၀ ကျော်သည် လှေများဖြင့် တစ်ဖက်ဘင်္ဂလားဒေ့ရ်ှနိုင်ငံသို့ ဆက်လက်ထွက်ခွာ သွားခဲ့ကြကြောင်း သိရသည်။

တစ်ဖက်နိုင်ငံသို့ ဘင်္ဂါလီများသည် ဖေဖော်ဝါရီ ၁၀ရက်တွင် ၁၀၀ ဦး၊ ဖေဖော်ဝါရီ ၈ ရက်တွင် ၂၀၀ ဦး၊  ဖေဖော်ဝါရီ ၇ ရက်တွင်  ၁၃၀ ဦး၊ ဖေဖော်ဝါရီ ၆ ရက်တွင်  ၁၅၀ ဦး၊ ဖေဖော်ဝါရီ ၃ ရက်တွင် ၂၁၅ ဦး၊ ဖေဖော်ဝါရီ ၂ ရက်တွင် ၅၀ ဦးနှင့် ဖေဖော်ဝါရီ ၁ ရက် တွင် ၁၂၀ ဦး ထွက်ခွာခဲ့ခြင်း ဖြစ်ကြောင်း ပြည်ထဲရေးမှ ထုတ်ပြန်ချက်အရ သိရသည်။

အဆိုပါ နေရပ်စွန့်ခွာ ဘင်္ဂါလီများသည် တစ်ဖက်နိုင်ငံမှ လာခေါ်သည့် စက်လှေများဖြင့် နေ့စဉ်နီးပါး ထွက်ခွာနေခြင်း ဖြစ်ကြောင်းလည်း သိရသည်။

 

ဘင်္ဂလားဒေ့ရ်ှနိုင်ငံသို့ ထွက်ခွာရန် မောင်တောတောင်ပိုင်းကမ်းခြေတွင် လှေစောင့်ဆိုင်းနေသည့် ဘင်္ဂါလီ ၄၀၀၀ ကျော်ရှိနေ

တစ်ဖက်ဘင်္ဂလားဒေ့ရ်ှနိုင်ငံသို့ ထွက်ခွာရန် လှေစောင့်ဆိုင်းနေသည့် ဘင်္ဂါလီများအား မောင်တောမြို့နယ်တောင်ပိုင်း ကမ်းခြေတစ်နေရာတွင် တွေ့ရစဉ်

တစ်ဖက်ဘင်္ဂလားဒေ့ရ်ှနိုင်ငံသို့ ထွက်ခွာရန် မောင်တောတောင်ပိုင်းကမ်းခြေတွင် လှေစောင့်ဆိုင်းနေသည့် ဘင်္ဂါလီလေးထောင် ကျော်ရှိနေကြောင်းနှင့် ရခိုင်ပြည်နယ်မြောက်ပိုင်း မောင်တောဒေသတည် ငြိမ်နေသည့်အချိန်ပင် တစ်ဖက်နိုင်ငံသို့ ရက်ဆက်ထွက်ခွာမှုများရှိနေကြောင်း သိရသည်။

နိုဝင်ဘာ ၈ ရက်နံနက် ၃ နာရီတွင် မောင်တောမြို့နယ် အလယ်သံကျော် လေယာဉ်ပျံကွင်းကမ်းခြေ၌ ရောက်ရှိနေသော နေရပ်စွန့်ခွာ ဘင်္ဂါလီ ၃၁၂၄ ဦး (ကျား ၁၂၃၅၊ မ ၁၈၈၉) အနက် ဘင်္ဂလားဒေ့ရ်ှနိုင်ငံ ဘက်သို့ စက်လှေကိုးစင်းဖြင့် ၂၄၅ ဦး (ကျား ၁၁၂၊ မ ၁၃၃)ဦး ထွက်ခွာသွားကြောင်း သိရသည်။

နိုဝင်ဘာ ၇ ရက်ကလည်း မောင်တောမြို့နယ် မိုဝင်ချောင်းဝကင်းစခန်းနှင့် ဂေါ်ဒူသာရချောင်းဝကြား ပင်လယ်ကမ်းခြေသို့ ရောက်ရှိလာကြသည့် ဘင်္ဂါလီအမျိုးသား ၅၄၀၊ အမျိုးသမီး ၇၃၃ ဦး စုစုပေါင်းနေရပ်စွန့် ခွာဘင်္ဂါလီ ၁၂၇၃ ဦးအနက် ဘင်္ဂလားဒေ့ရှ် နိုင်ငံဘက်သို့ ဘင်္ဂါလီအမျိုးသား ၂၀၊ အမျိုး သမီး၂၅ ဦး စုစုပေါင်း ၄၅ ဦးတို့ စက်လှေနှစ်စင်းဖြင့် ထွက်ခွာသွားကြောင်း ပြည်ထဲရေးဝန်ကြီးဌာန၏ ထုတ်ပြန်ချက်အရ သိရသည်။

ထို့ပြင် ဘင်္ဂလားဒေ့ရ်ှသို့ ထွက်ခွာရန် ဘူးသီးတောင်မြို့နယ်အတွင်းမှ ဘင်္ဂါလီများ မောင်တောမြို့နယ်တောင်ပိုင်း ကမ်းခြေသို့ ဆက်လက်ဝင်ရောက်လျက်ရှိကြောင်း သိရသည်။

နိုဝင်ဘာ ၈ ရက် ညနေ ၃ နာရီက မောင်တောမြို့နယ် ပညောင်ပင်ကြီးကျေးရွာနှင့် နယ်စပ်ခြံစည်းရိုးကြား၌ နေရပ်စွန့်ခွာဘင်္ဂါလီများ ရောက်ရှိနေကြောင်း သတင်းအရ ရဲမှူးမင်းဝင်းစိုး ဦးစီးအဖွဲ့က သွားရောက် စစ်ဆေးရာ ဘူးသီးတောင်မြို့နယ် ဖုံညိုလိပ်ကျေးရွာမှ ၁၆၄ ဦး (ကျား ၆၃၊ မ ၁၀၁) နှင့် စိမ်းညှင်းပြားကျေးရွာမှ နေရပ်စွန့်ခွာ ဘင်္ဂါလီ ၈၈ ဦး (ကျား ၅၃၊ မ ၃၅) စုစုပေါင်းနေ ရပ်စွန့်ခွာဘင်္ဂါလီ ၂၅၂ ဦး (ကျား ၁၁၆၊ မ ၁၃၆) တို့အားတွေ့ရှိပြီး အကြမ်းဖက်ဖြစ် စဉ်ဖြစ်ပွားပြီးနောက် နေစရာ စားစရာအလုပ် အကိုင်အခက်အခဲရှိသဖြင့် ၎င်းတို့၏ ဆန္ဒအလျောက် ဘင်္ဂလားဒေ့ရ်ှနိုင်ငံသို့ သွားရောက်ရန် ထွက်ခွာလာခြင်းဖြစ်ပြီး ညနေ ၆ နာရီ ၁၀ မိနစ်တွင် နေရပ်စွန့်ခွာဘင်္ဂါလီများသည် မှိုဝင်ချောင်းဝကင်းစခန်းနှင့် ဂေါ်ဒူသာရ ချောင်းဝကင်းစခန်းကြားသို့ ရောက်ရှိခဲ့ကြောင်း သိရသည်။

မှိုဝင်ချောင်းဝကင်းစခန်းနှင့် ဂေါ်ဒူသာရ ချောင်းဝကြားပင်လယ်ကမ်းခြေ၌ ယခင်ရှိ ရင်းဘင်္ဂါလီ ၁၂၂၈ ဦး(ကျား ၅၂၀၊မ ၇၀၈) ဖြစ်ပြီး ဘင်္ဂါလီ ၂၅၂ ဦး(ကျား ၁၁၆၊ မ ၁၃၆)တို့ ထပ်မံရောက်ရှိလာသဖြင့် စုစုပေါင်း ဘင်္ဂါလီ ၁၄၈၀ (ကျား ၆၃၆၊ မ ၈၄၄) တို့ ရောက်ရှိနေကြောင်းနှင့် အလယ်သံကျော် လေယာဉ်ပျံကွင်းကမ်းခြေ၌ နေရပ်စွန့်ခွာ ဘင်္ဂါလီ၂၈၇၉ ဦး (ကျား ၁၂၀၃၊ မ ၁၆၇၆)ကျန်ရှိနေကြောင်း ပြည်ထဲရေး၏ သတင်းထုတ်ပြန်ချက်အရ သိရသည်။

ယင်းသို့ကမ်းခြေသို့ ရောက်ရှိနေကြသည့် ဘင်္ဂါလီများကို သက်ဆိုင်ရာအဖွဲ့ အစည်းများက အစားအသောက်၊ ဆေးဝါးနှင့်လိုအပ်သည့် ထောက်ပံ့မှုများကိုပေးထားပြီး ၎င်းတို့ နေရပ်သို့ ပြန်ရန်ဖျောင်းဖျပြောဆိုသော်လည်း ၎င်းတို့နေရပ်သို့ ပြန်လည်နေထိုင်ရန် ဆန္ဒမရှိဟု ပြောဆိုကြကြောင်း သိရသည်။

အဆိုပါဘင်္ဂါလီများသည် တစ်ဖက်နိုင်ငံမှ ဆွေမျိုးများဖြင့် ဆက်သွယ်နေကြပြီး ၎င်းတို့ကို လာခေါ်မည့် စက်လှေများကို စောင့်ဆိုင်းနေကြခြင်းဖြစ်ကြောင်း သိရသည်။

နိုဝင်ဘာ၂ ရက်က မှိုဝင်ချောင်းဝကင်းစခန်းနှင့် ဂေါ်ဒူသာရချောင်းဝကြား ပင်လယ်ကမ်းခြေတွင် ရောက်ရှိနေသည့် နေရပ်စွန်ခွာ သဘင်္ဂါလီများထဲမှ ဘူးသီးတောင်မြို့နယ် ပြိုင်းတောင်ရွာနေ အသက်၂၇ နှစ်အရွယ် မာမွတ်ရုက္ကူ၊ အသက်၂၂ နှစ်အရွယ် မာမွတ်ရောဖိ၊ အသက် ၁၃ နှစ်အရွယ် ဇူဘိုင်တို့သည် ပချီးယားတန်းကျေးရွာ ပုစွန်ကန်အနီး တောစပ်တွင် ငါးရှာနေသည့် မောင်တောမြို့နယ်တောင်ပိုင်း သရေကုန်းဘောင် ကျေးရွာသား ဦးလှသန်းမောင်နှင့် ပေါင်းအပါတချို့ကို ဓား၊ ရဲတင်းသည့် လက်နက်များဖြင့် တိုက်ခိုက်မှုကြောင့် ဦးလှသန်းမောင်တွင် ဒဏ်ရာများရရှိပြီး မောင်တောပြည်သူ့ ဆေးရုံကြီးတွင် ကုသမှုခံယူလျက်ရှိကြောင်း သိရသည်။

ဦးလှသန်းမောင်ကို တိုက်ခိုက်ခဲ့သည် ဘင်္ဂါလီသုံးဦးအား ဥပဒေနှင့်အညီ အမှုဖွင့်အရေးယူထားကြောင်း သိရသည်။

၂၀၁၈ ခုနှစ်အတွင်း ရသေ့တောင်၊ ဘူးသီးတောင်၊ မောင်တောဒေသ လျှပ်စစ်မီး ရရှိရေးအတွက် ဓာတ်အားလိုင်းများနှင့် ဓာတ်အားခွဲရုံများ စတင်တည်ဆောက်

တည်ဆောက်လျက်ရှိသည့် ဓာတ်အားခွဲရုံကို တွေ့ရစဉ်

၂၀၁၈ ခုနှစ်အတွင်း ရသေ့တောင်၊ ဘူးသီးတောင်၊ မောင်တောဒေသ လျှပ်စစ်မီးရရှိရေးအတွက် ဓာတ်အားလိုင်းများနှင့် ဓာတ်အားခွဲရုံများ စတင်တည်ဆောက်နေပြီ ဖြစ်ကြောင်း သိရသည်။

အဆိုပါ စီမံကိန်းလုပ်ငန်းများကို ၂၀၁၇ ခုနှစ် စက်တင်ဘာမှစတင်၍ တည်ဆောက်ရေးလုပ်ငန်းများ ဆောင်ရွက်နေခြင်းဖြစ်ပြီး စီမံကိန်းအတွက် စုစုပေါင်း ကျပ်ဘီလျံ ၃၀ ခန့် ကုန်ကျမည်ဖြစ်ကြောင်း သိရသည်။

ရသေ့တောင်၊ ဘူးသီးတောင်၊ မောင်တော ဒေသများသို့ ၂၄ နာရီ ဓာတ်အားဖြန့်ဖြူး ပေးနိုင်ရန်အတွက် နိုင်ငံတော်ဓာတ်အားစနစ် ရောက်ရှိနေပြီဖြစ်သော ၂၃၀ ကေဗွီ ပုဏ္ဏားကျွန်း ဓာတ်အားခွဲရုံမှတစ်ဆင့် ဓာတ်အားဖြန့်ဖြူး ပေးမည်ဖြစ်ပြီး ပုဏ္ဏားကျွန်း-ရသေ့တောင်-ဘူးသီးတောင်-မောင်တော  ၆၆ ကေဗွီ ဓာတ်အားလိုင်း ၆၅ ဒသမ ၁ မိုင် နှင့် ရသေ့တောင်၊ ဘူးသီးတောင်၊ မောင်တောမြို့များတွင် ၆၆/၁၁ ကေဗွီ၊ (၁၀) အမ်ဗွီအေ ဓာတ်အားခွဲရုံများ တည်ဆောက်မည်ဟု သိရ သည်။

၂၀၁၈ ခုနှစ် မတ်တွင် ရသေ့တောင် မြို့နယ်သို့လည်းကောင်း၊ ၂၀၁၈ ခုနှစ် ဇွန်တွင် ဘူးသီးတောင်မြို့နယ်သို့ လည်းကောင်း၊ ၂၀၁၈ ခုနှစ် ဒီဇင်ဘာတွင် မောင်တောမြို့ နယ်ကို လည်းကောင်း ဓာတ်အားဖြန့်ဖြူး ပေးသွားမည် ဖြစ်ကြောင်း သိရသည်။

အမျိုးသားလွှတ်တော် ဒုတိယဥက္ကဋ္ဌ ဦးအေးသာအောင်သည် လျှပ်စစ်နှင့် စွမ်းအင်ဝန်ကြီးဌာန ဒုတိယ၀န်ကြီး ဒေါက်တာထွန်းနိုင်နှင့် တာဝန်ရှိသူများနှင့်အတူ နိုဝင်ဘာ ၃ ရက်က စီမံကိန်းလုပ်ငန်းများ အကောင်အထည်ဖော် ဆောင်ရွက်နေမှုများကို ကြည့်ရှုစစ်ဆေးခဲ့ကြောင်း သိရသည်။

နိုဝင်ဘာ ၂ ရက်ကလည်း ရခိုင်ပြည်နယ် အတွင်း ၃၃ ကေဗွီ မင်းပြား-မြေပုံ ဓာတ်အားလိုင်း ၂၆ မိုင်နှင့် ၃၃/၁၁ ကေဗွီ ၅ အမ်ဗွီအေ မြေပုံဓာတ်အားခွဲရုံများ ဖွင့်လှစ်ခဲ့သည်။

 

မောင်တော၊ ဘူးသီးတောင်၊ ရသေ့တောင်ဒေသတစ်ခုလုံးအား တပ်မတော်က တိုက်ရိုက်ချုပ်ကိုင် အုပ်ချုပ်နိုင်ပါရန် ဒိုင်းနက်လူမျိုးများ တိုးတက်ရေးပါတီ တောင်းဆို

မောင်တော၊ ဘူးသီးတောင်၊ ရသေ့တောင် ဒေသတစ်ခုလုံးအား တပ်မတော်က တိုက်ရိုက်ချုပ်ကိုင် အုပ်ချုပ်နိုင်ပါရန် ဒိုင်းနက် လူမျိုးများ တိုးတက်ရေးပါတီက အောက်တိုဘာ ၂၉ ရက် နေ့စွဲဖြင့် သဘောထားကြေညာချက်တစ်စောင် ထုတ်ပြန်တောင်းဆိုခဲ့သည်။

အဆိုပါ သဘောထားကြေညာချက်ကို မောင်တောမြို့နယ်မြောက်ပိုင်း အောင်သပြေ နယ်မြေ မိုင်တိုင်အမှတ် (၄၆/၄၇) တွင် အောက်တိုဘာ ၂၂ ရက်က ဖြစ်ပွားခဲ့သော ဘင်္ဂါလီအကြမ်းဖက် ၁၅ ဦးခန့်က အောင်သပြေရွာသား ဒိုင်းနက် (ဆက္ကမ) လူမျိုးလေးဦးအား တိုက်ခိုက်၍ နှစ်ဦးသေဆုံးပြီး နှစ်ဦး ဒဏ်ရာရရှိခဲ့ခြင်းအပေါ် သဘောထားကြေညာချက် ထုတ်ပြန်ခဲ့ခြင်းဖြစ်သည်။

ကြေညာချက်တွင် နိုင်ငံတော်အစိုးရ ပြည်နယ်အစိုးရတို့က ရခိုင်ပြည်နယ်မြောက်ပိုင်း ဘူးသီးတောင်၊ မောင်တောတွင် နယ်မြေ အေးချမ်းပြီး လုံခြုံမှုရှိသည်ဟု မည်သို့ပင်ပြောဆိုစေကာမူ ယခုကဲ့သို့ တိုင်းရင်းသားများ၊ မျိုးနွယ်စုများ တိုက်ခိုက်ခံရပြီး သေဆုံးဒဏ်ရာရရှိမှုများ ရှိနေခြင်းသည် အစိုးရ၏ အပေါ်ယံ အမြင်တစ်ခုတည်းကိုသာ ဦးတည်ပြောကြားခြင်းဖြစ်ကြောင်း၊ အမှန်မှာ ရခိုင်ပြည်နယ် မြောက်ပိုင်းဒေသ ဘူးသီးတောင်၊ မောင်တော၊ ရသေ့တောင်ဒေသတို့တွင် နယ်မြေလုံခြုံမှု လုံးဝမရှိကြောင်း၊ အကြမ်းဖက်သမားများ စုပြုံပြီး တစ်နေရာရာတွင်ရှိနေကြောင်း၊ အခွင့်သာလျှင် ဆက်လက်တိုက်ခိုက်လာနိုင်ဖွယ်ရှိကြောင်း ဒိုင်းနက်လူမျိုးများ တိုးတက်ရေးပါတီက ယုံကြည်ကြောင်း၊ ထို့ပြင် ရခိုင်ပြည်နယ်မြောက်ပိုင်း အထူးသဖြင့် မောင်တော၊ ဘူးသီးတောင်၊ ရသေ့တောင်မြို့နယ်များရှိ ကျေးရွာအုပ်စုများတွင် အကြမ်းဖက်လက်နက်ကိုင်များ ရှိနေသေး၍ နယ်မြေလုံခြုံမှု လုံးဝမရှိဟု တိုင်းရင်းသားများက ယုံကြည်သဖြင့် ရခိုင် တိုင်းရင်းသား မျိုးနွယ်စုများ စိတ်ချမ်းသာစွာ လုပ်ကိုင်စားသောက်နိုင်ရေးကို ရှေးရှုလျက် အေးချမ်း လုံခြုံမှု အပြည့်အ၀ရှိစေရန် နိုင်ငံတော်အစိုးရ၊ ပြည်နယ်အစိုးရ၊ နိုင်ငံရေးပါတီ နှင့် တပ်မတော်တို့ ပေါင်းစပ်ညှိနှိုင်း၍ မောင်တော၊ ဘူးသီးတောင်၊ ရသေ့တောင် ဒေသတစ်ခုလုံးအား တပ်မတော်က တိုက်ရိုက်ချုပ်ကိုင် အုပ်ချုပ်နိုင်ပါရန် ဒိုင်းနက်လူမျိုးများ တိုးတက်ရေးပါတီက တောင်းဆိုကြောင်း ပါရှိ ည်။

ယင်းသို့ ကြေညာချက်ထုတ်ပြန် တောင်းဆိုရခြင်းနှင့်ပတ်သက်၍ ဒိုင်းနက်လူမျိုးများ တိုးတက်ရေးပါတီ ဗဟိုကော်မတီဥက္ကဋ္ဌ ဦး အောင်ကျော်ဇောက “သြဂုတ် ၂၅ ရက်နောက်ပိုင်း ပြဿနာဖြစ်တဲ့အချိန်မှာ ရွာသား၂၆ ယောက်လောက်ဟာ ကြောက်ပြီးတော့ အောင်သပြေဘက်ကို အကူး ကြောင်ဒိုးတံတားနားမှာ ဘင်္ဂါလီတွေ ၀ိုင်းခုတ်တာ ခံရတယ်။ ခြောက်ယောက်သေတယ်။ တကယ့်ကို ရက်ရက်စက်စက် လုပ်သွားတာပါ။ ကလေးမတစ်ယောက်မှာဆိုရင် နှစ်နှစ်အရွယ် ကလေးတစ်ယောက်ကို သူ့ရင်ခွင်ထဲကဆွဲပြီးတော့ ခုတ်သတ်၊ သူ့ အမေကိုလည်း ခုတ်ထစ် သေပြီဆိုပြီး ထားခဲ့ရာကနေ ပြန်ရှင်လာတယ်။ ရှင်လာရတဲ့အကြောင်းကလည်း ၂၆ ယောက်ထဲက တစ်ယောက်ဖြစ်တဲ့ ဦးဦးဘစိန်ဆိုတဲ့ ကောင်လေး ကလွတ်သွားလို့ သက်ဆိုင်ရာ ဒေသအစိုးရကို သတင်းပို့ပြီး ပြန်ရှာတာမှာပြန်တွေ့တာပါ။ အခုအောင်သပြေမှာ တောဝက်လိုက်ရင်း လေးယောက်ထဲက နှစ်ယောက်သေပါတယ်။ အားလုံးပေါင်း ရှစ်ယောက် သေပါတယ်။ပျောက်ဆုံးနေတာလည်း ရှိပါတယ်။ ပျောက်တာမှာ ဘူးသီးတောင်ဘက်ကတစ်ယောက်နဲ့ မောင်တောဘက်က တစ်ယောက်ရှိပါတယ်။ အခုထိ အစအန ရှာမတွေ့သေးပါဘူး” ဟု ပြောကြားသည်။

 

 

ဘူးသီးတောင်-မောင်တောဒေသမှ လုံခြုံရေးတပ်ဖွဲ့ဝင်များ စတင်ထုတ်နုတ်၍ စစ်တွေမြို့၌ အရန်အဖြစ်အသင့်စုဖွဲ့ ထားရှိမည်

ဓာတ်ပုံ – တပ်မတော်ကာကွယ်ရေးဦးစီးချုပ်ရုံး

ဘူးသီးတောင်-မောင်တောဒေသ၌ နယ်မြေတည်ငြိမ် အေးချမ်းလာသဖြင့် တရားဥပဒေစိုးမိုးရေး လုပ်ငန်းများ ဆောင်ရွက်နေသည့် လုံခြံရေးတပ်ဖွဲ့ဝင်များ စတင်ထုတ်နုတ်၍ စစ်တွေမြို့၌ အရန်အဖြစ်အသင့်စုဖွဲ့ထား ရှိသွားမည်ဖြစ်ကြောင်း တပ်မတော် ကာကွယ်ရေး ဦးစီးချုပ်ရုံး ထုတ်ပြန်ချက်အရ သိရသည်။

ဓာတ်ပုံ – တပ်မတော်ကာကွယ်ရေးဦးစီးချုပ်ရုံး

ရခိုင်ပြည်နယ်၊ ဘူးသီးတောင်-မောင်တောဒေသ၌ ARSA အစွန်းရောက် ဘင်္ဂါလီ အကြမ်းဖက်သမားများက ဩဂုတ် ၂၅ ရက်တွင် တပ်ဌာနချုပ်တစ်ခု အပါအဝင် ရဲကင်းစခန်း ၃၀ ခုကို တစ်ချိန်တည်း တစ်ပြိုင်တည်း ဝင်ရောက်တိုက်ခိုက်ခဲ့ပြီး လူမဆန်စွာ အကြမ်းဖက် လုပ်ရပ်များ ဆောင်ရွက်ခဲ့သဖြင့် ဒေသတွင်း တရားဥပဒေစိုးမိုးရေးနှင့် တည်ငြိမ်အေးချမ်းမှု ပျက်ပြားခဲ့သဖြင့် တပ်မတော် စစ်ကြောင်းများနှင့် နယ်ခြားစောင့်ရဲတပ်ဖွဲ့ဝင်များ ပူးပေါင်း၍ ဩဂုတ် ၂၅ ရက်မှစ၍ ဥပဒေနှင့်အညီ နယ်မြေရှင်းလင်းရေးအား ဆောင်ရွက်ခဲ့ကြောင်း သိရသည်။

ဓာတ်ပုံ – တပ်မတော်ကာကွယ်ရေးဦးစီးချုပ်ရုံး

ယင်းသို့ ဆောက်ရွက်ခဲ့ရာ စက်တင်ဘာ ၅ ရက်နေ့နောက်ပိုင်း ထိတွေ့မှုဖြစ်စဉ် ဖြစ်ပွားခဲ့ခြင်းများ လျော့နည်းလာခဲ့ကြောင်း ယခုအခါ တရားဥပဒေစိုးမိုးရေးနှင့် နယ်မြေတည်ငြိမ်အေးချမ်းရေးတို့မှာ အထိုက်အလျောက် ရရှိလာပြီဖြစ်၍ ဒေသအတွင်း နယ်မြေရှင်းလင်းရေး ဆောင်ရွက်လျက်ရှိသည့် လုံခြုံရေး တပ်ဖွဲ့များအနက် တပ်မတော်စစ်ကြောင်း အချို့ကို လက်ရှိ ဘူးသီးတောင်-မောင်တောဒေသ စစ်ဆင်ရေးနယ်မြေမှ စတင်ထုတ်နုတ်၍ စစ်တွေမြို့၌ အရန်အဖြစ် အသင့်စုဖွဲ့ထားရှိသွားမည် ဖြစ်ကြောင်း ထုတ်ပြန်ချက်တွင် ပါရှိသည်။

ဘူးသီးတောင်ရှိ ကယ်ဆယ်ရေးစခန်းများတွင် ခိုလှုံသူ အနည်းငယ်သာ ကျန်ရှိပြီး စစ်တွေမြို့၌လည်း လာရောက်တိမ်းရှောင်သူ ထက်ဝက်နီးပါး မိမိတို့ နေရပ်ပြန်

ဘူးသီးတောင်ရှိ ကယ်ဆယ်ရေးစခန်းများမှ နေရပ်ပြန်သူများအား တွေ့ရစဉ်

ARSA ဘင်္ဂါလီ အကြမ်းဖက်သမားများ၏ တိုက်ခိုက်မှုများကြောင့် နေရပ်စွန့်ခွာ ထွက်ပြေးတိမ်းရှောင်လာကြသည့် တိုင်းရင်းသား ဒုက္ခသည်များအနက် ဘူးသီးတောင်ရှိ ကယ်ဆယ်ရေးစခန်းများတွင် ခိုလှုံနေသူ အနည်းငယ်သာ ကျန်ရှိပြီး စစ်တွေ၌ ထက်ဝက်နီးပါး မိမိနေရပ်သို့ ပြန်သွားကြပြီဖြစ်ကြောင်း သိရသည်။

ထိုသို့ နေရပ်စွန့်ခွာ ထွက်ပြေးတိမ်းရှောင်ပြီး စစ်တွေမြို့သို့ ရောက်ရှိသူများအား ဘုန်းတော်ကြီးကျောင်း ၃၀ ကျော်တွင် ယာယီ နေထိုင်ခွင့် ပြုထားသည့်အတွက် လက်ရှိ အနေအထား၌ နယ်မြေတည်ငြိမ် အေးချမ်းနေပြီဟု ယူဆကာ မိမိတို့၏ ကျေးရွာများသို့ ပြန်လည်သွားရောက်ကြသူများတွင် မောင်တောမြို့နယ်မြောက်ပိုင်းနှင့် မောင်တောတောင်ပိုင်း ကျေးရွာများအပြင် ဘူးသီးတောင်မြို့နယ်အတွင်းမှ ဒေသခံတိုင်းရင်းသားများလည်း ပါဝင်ကြောင်း သိရသည်။ သို့သော် ဟိန္ဒူဘာသာဝင်များ အနေဖြင့် နေရပ်သို့ပြန်ရန် စိုးရိမ်မှုများ ရှိနေကြောင်း သိရသည်။

“ဘူးသီးတောင်မှာတော့ အနည်းအကျည်းသာ ကျန်တော့တယ်။ အများစုကတော့ ပြန်ကုန်ကြပြီ။ ဒါပေမဲ့ ကိုင်းကြီးက မြိုတိုင်းရင်းသားတွေကတော့ ရွာကို မပြန်ရဲဘူး ဖြစ်နေတယ်။ သူတို့ကတော့ ကိုင်းကြီးရခိုင်ရွာ အနီးမှာ တဲစုလုပ်ပေးစေချင်တယ်။ အများဆုံးကျန်ရင် လေးငါးရာလောက်သာ ကျန်တော့မယ်လို့ ထင်ပါတယ်။ ကျန်တဲ့လူတွေကလည်း အခြေအနေကို စောင့်ကြည့်နေကြတာဖြစ်ပြီး ဒီရက်ပိုင်း ပြန်သွားကြမယ်လို့ ပြောနေကြတယ်” ဟု ဘူးသီးတောင်မြို့မှ ကူညီကယ်ဆယ်ရေး လုပ်ဆောင်နေသူ ဦးထွန်းအေးက ပြောကြားသည်။

စစ်တွေမြို့သို့ ရောက်ရှိခိုလှုံနေကြသူများအနက် ထက်ဝက်ခန့်မှာ နေရပ်သို့ ပြန်သွားကြပြီ ဖြစ်သည့်အတွက် အချို့ဘုန်းတော်ကြီးကျောင်းများတွင် ၅၀ မှ ၁၀၀ ကဲ့သို့သော အနည်းစုသာ ကျန်ရှိနေခြင်းဖြစ်ကာ ဒေသတွင်း အခြေအနေကို စောင့်ဆိုင်းနားစွင့်နေကြခြင်း ဖြစ်ကြောင်း၊ သို့သော်လည်း ARSA အဖွဲ့များ က ဗုံးခွဲမည်၊ တိုင်းရင်းသားကျေးရွာများကို တိုက်ခိုက်မည်ဟု သတင်းများ ထွက်ပေါ်နေသည့်အတွက် အခြေအနေကို စောင့်ကြည့်နေကြဟန်တူကြောင်း သိရသည်။

“ကျွန်တော်သိထားတဲ့ စာရင်းအရ ဆိုရင်တော့ စစ်တွေမြို့ကို ရောက်ရှိနေတဲ့ နေရပ်စွန့်ခွာ ထွက်ပြေးလာကြသူ သုံးထောင်လောက်သာ ကျန်တော့တယ်။ ပြန်သူကလည်း ပြန်ကုန်ကြပြီပေါ့။ ဒါပေမဲ့ တချို့ကလည်း အခြေအနေကို စောင့်ကြည့်နေကြတဲ့အတွက် မပြန်ကြသေးသူတွေလည်း ရှိတယ်။ အစောပိုင်းကတော့ လာရောက်ခိုလှုံသူ ခြောက်ထောင်ကျော် ရှိခဲ့တယ်လို့ စာရင်းရထားတယ်။ အခုတော့ ထက်ဝက်နီးပါးလောက် ပြန်ကုန်ကြပြီလို့ သိရပါတယ်။ သူတို့လည်း ဒီရက်ပိုင်းထဲ ပြန်ကြမယ်လို့ ပြောနေကြတာကိုလည်း တွေ့ရတယ်။ တချို့ကတော့ စိတ်မချလို့ မပြန်ကြတာပေါ့။ တချို့ကတော့ ဘာပဲဖြစ်ဖြစ် ပြန်တော့မယ်ဆိုတဲ့စိတ်နဲ့ ပြန်ကြတာ ဖြစ်ပါတယ်” ဟုလည်း ကူညီကယ်ဆယ်ရေး ဆောင်ရွက်နေသူ ဦးအောင်ဌေးက ပြောကြားသည်။

ထိုသို့ ပြန်သွားကြသော်လည်း ဘင်္ဂါလီများနှင့် အတူယှဉ်တွဲနေထိုင်ရေးနှင့် တန်းတူ အခွင့်အရေးများကို လက်ခံမည် မဟုတ်ကြောင်း၊ စီးပွားရေး၊ လူမှုရေး ကိစ္စရပ်များနှင့် ဈေးရောင်းဈေးဝယ် ကိစ္စရပ်များ၊ ပညာရေး ကိစ္စရပ်များတွင်လည်း ဘင်္ဂါလီများနှင့်အတူ ယှဉ်တွဲလုပ်ဆောင်မည် မဟုတ်ကြောင်း၊ မည်သည့် ဘင်္ဂါလီကိုမျှ ယုံကြည်၍ မရနိုင်တော့ကြောင်း၊ ယုံကြည်ချက် မရှိတော့ကြောင်း၊ ဘင်္ဂါလီကျေးရွာများအတွင်း ဗုံးပေါက်ကွဲခြင်း၊ လက်လုပ်မိုင်းများ မကြာခဏ တွေ့ရှိနေခြင်းသည် ဘင်္ဂါလီများ အနေဖြင့် ကျေးရွာတိုင်း၌ ဗုံးလုပ်နည်းသင်တန်းများကို တက်ရောက်တတ်မြောက်ထားသည့် အနေအထား ဖြစ်ကြောင်းလည်း သုံးသပ် ပြောဆိုနေကြသည်။

ကုလသမဂ္ဂ တာဝန်ရှိသူအချို့ အပါအ၀င် နိုင်ငံတကာ သံတမန် ၄၀ ကျော် ARSA ဘင်္ဂါလီ အစွန်းရောက် အကြမ်းဖက်သမားများ၏ အကြမ်းဖက်မှုဖြစ်ပွားရာ မောင်တောဒေသသို့ ကွင်းဆင်းလေ့လာ

ARSA ဘင်္ဂါလီအစွန်းရောက်အကြမ်းဖက်သမားများ၏ အကြမ်းဖက်မှုဖြစ်ပွားရာ မောင်တောဒေသသို့ ရောက်ရှိလာသော နိုင်ငံတကာသံတမန်များ ဒေသခံများနှင့်တွေ့ဆုံနေစဉ်

ကုလသမဂ္ဂမှ တာဝန်ရှိသူအချို့ အပါအ၀င် နိုင်ငံတကာ သံတမန် ၄၀ ကျော် ARSA ဘင်္ဂါလီအစွန်းရောက် အကြမ်းဖက်သမားများ၏ အကြမ်းဖက်မှုဖြစ်စဉ် ဖြစ်ပွားရာ မောင်တောဒေသသို့ အောက်တိုဘာ ၂ ရက်က ကွင်းဆင်း လေ့လာခဲ့ကြောင်း သိရသည်။

အဆိုပါ ခရီးစဉ်သည် အကြမ်းဖက်မှုဖြစ်စဉ် ဖြစ်ပွားပြီး တစ်လကျော်အကြာတွင် ပထမဦးဆုံး သံတမန်ခရီးစဉ် ဖြစ်ပြီး အဖွဲ့သုံးဖွဲ့ဖြင့် ကွင်းဆင်း လေ့လာခြင်း ဖြစ်ကြောင်း၊ အဆိုပါ သံတမန်အဖွဲ့တွင် ဘင်္ဂလားဒေ့ရှ် သံအမတ် (စစ်တွေ) Mr. Shah Alom Khokkon ၊ မလေးရှား သံအမတ် H.E.Mr.Mohd Haniff Bin Abd. Rahman နှင့် အခြားသံတမန် ၄၀ ကျော် ပါဝင်ကြောင်း သိရသည်။ ထို့ပြင် ကုလသမဂ္ဂ UNRC မှ Ms.Renata Nicola Lok Dessallien (RC) ၊ UNHCR မှ Mr.Cecile Fradot (Deputy Represintatice) ၊ WFP မှ Mr.Domenico Scalpelli (Country Director and Representative) တို့ ပါဝင်ကြောင်း သိရသည်။

မောင်တောဒေသတွင် မီးလောင်ပြာကျနေသည့် အိမ်များ၊ ဖျက်ဆီးခံထားရသည့် အဆောက်အအုံများ၊ မီးလောင်ကျွမ်းနေသည့်အိမ်များကို ရဟတ်ယာဉ်ပေါ်မှ မြင်တွေ့ခဲ့ရသည်။ ထို့အတူ အိမ်ကောင်းအချို့ ကျန်နေသေးသည်ကိုလည်း တွေ့ခဲ့ရသည်။

ခရီးစဉ်တွင် ပြည်ထောင်စုဝန်ကြီးများ ဖြစ်ကြသော ဒုတိယဗိုလ်ချုပ်ကြီး ရဲအောင်၊ ဒေါက်တာမြင့်ထွေး၊ ဦးဝင်းခိုင်တို့ ဦးဆောင်သည့် နိုင်ငံတကာ သံတမန်အဖွဲ့များသည် အောက်တိုဘာ ၂ ရက်တွင် မောင်တောမြို့နယ် မြောက်ပိုင်းရှိ တစ်ရွာလုံး မီးရှို့ဖျက်ဆီးခြင်း ခံခဲ့ရသည့် ခုံတိုင်(ဒိုင်းနက်၊ မြို) တိုင်းရင်းသား ကျေးရွာ၊ ခမောင်းဆိပ်မြို့တွင် ရဲဘော်ကျကျေးရွာမှ အသတ်ခံရသူတို့၏ ကျန်ရစ်သူ ဟိန္ဒူမိသားစုတွင်များ၊ ကျေးရွာ မီးရှို့ခံရသည့် ကသည်းများ၊ မိခင်နှစ်ဦးနှင့် ကလေးနှစ်ဦး သတ်ဖြတ်ခံရသည့် ရန်ကာစေတီကျေးရွာမှ ကျန်ရစ်သူ မိသားစုဝင်များနှင့် တွေ့ဆုံခြင်း၊ မောင်တောမြို့နယ် တောင်ပိုင်းတွင် ရဲကင်းစခန်းနှင့် ကျေးရွာ မီးရှို့ခံရသည့် နူရူလာ (ဘင်္ဂါလီ) ကျေးရွာကို ကြည့်ရှုခြင်း၊ ဖြစ်စဉ်ဖြစ်ပွားခြင်း မရှိသဖြင့် အေးချမ်းစွာ နေထိုင်နေကြသည့် ပန်းတောပြင် (အလယ်) ကျေးရွာရှိ ဘင်္ဂါလီရွာသားများနှင့် တွေ့ဆုံမေးမြန်းခြင်း၊ သတ်ဖြတ်ခံရသည့် မိသားစုဝင်များ ဖြစ်သည့် ဟိန္ဒူဘာသာဝင်များ၊ ဘင်္ဂါလီနှင့် မြိုတိုင်းရင်းသား မိသားစုများနှင့် မောင်တောမြို့ခရိုင် အထွေထွေအုပ်ချုပ်ရေးမှူးရုံးတွင် တွေ့ဆုံမေးမြန်းခြင်းနှင့် မောင်တောမြို့ တစ်ဖက်ကမ်းရှိ မူလအတိုင်း ရှိနေသော ရွှေဇား (ဘင်္ဂါလီ) ကျေးရွာသို့ သွားရောက် လေ့လာခဲ့ကြသည်။

ထို့ပြင် ရသေ့တောင်မြို့နယ် အနောက်ပြင်ကျေးရွာတွင် ဘင်္ဂါလီ ရွာသားများနှင့် တွေ့ဆုံခြင်းနှင့် ရွှေလောင်းတင် ကျေးရွာရှိ ရခိုင်တိုင်းရင်းသားများနှင့် တွေ့ဆုံခြင်းများ ဆောင်ရွက်ခဲ့ကြောင်း သိရသည်။

မောင်တောမြို့နယ် တောင်ပိုင်း ဝေသာလီကျေးရွာအနီး ရဟတ်ယာဉ်ကွင်းသို့ ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင် ဦးဆောင်သည့် အဖွဲ့ (၁) သည် နံနက် ၁၁ နာရီ တွင် ရောက်ရှိလာကြောင်းနှင့် အဆိုပါအဖွဲ့သည် မောင်တောမရောက်မီ ရသေ့တောင်မြို့နယ် အနောက်ပြင် ဘင်္ဂါလီကျေးရွာနှင့် ရွှေလောင်းတင် ရခိုင်တိုင်းရင်းသားကျေးရွာများကို လေ့လာခဲ့ကြောင်း သိရသည်။

အလားတူ ပြည်ထောင်စုဝန်ကြီး ဦးဝင်းခိုင် ဦးဆောင်သော အဖွဲ့ (၂) သည် နံနက် ၁၂ နာရီတွင် မောင်တောတောင်ပိုင်း ဝေသာလီ ရဟတ်ယာဉ်ကွင်းသို့ ရောက်ရှိပြီး မောင်တောမြို့နယ် တောင်ပိုင်းရှိ သြဂုတ် ၂၅ ရက်က ရဲကင်းစခန်းကို ARSA အစွန်းရောက် ဘင်္ဂါလီအကြမ်းဖက်သမားများက ၀ိုင်းဝန်း တိုက်ခိုက်ခဲ့သည့် နူရူလာကျေးရွာသို့ ရောက်ရှိ လေ့လာကာ လုံခြုံရေးရဲအရာရှိနှင့် ကျေးရွာအုပ်စု အုပ်ချုပ်ရေးမှူးတို့ကို အကြမ်းဖက်ဖြစ်စဉ်နှင့် ပတ်သက်၍ မေးမြန်းခဲ့သည်။
နူရူလာ ကျေးရွာသည် မီးရှို့ခံထားရသည့် ကျေးရွာဖြစ်ပြီး ကျေးရွာသားများ ယနေ့အထိ ထွက်ပြေးနေကြောင်း သိရသည်။

တာဝန်ရှိသူများနှင့် သံတမန်များ အကြမ်းဖက် မီးရှို့မှုဖြစ်ပွားခြင်းမရှိသည့် ပန်းတောပြင် (အလယ်) ကျေးရွာသို့ သွားရောက်ပြီး ကျေးရွာသားများအား တွေ့ဆုံမေးမြန်းစဉ်

၂၀၁၆ ခုနှစ် နိုဝင်ဘာ ၃ ရက်ကလည်း နူရူလာရဲကင်းစခန်းကို ဘင်္ဂါလီ အကြမ်းဖက်သမားများ လာရောက် ပစ်ခတ်သဖြင့် ရဲတပ်ဖွဲ့ဝင်တစ်ဦး ကျဆုံးခဲ့ကြောင်း သိရသည်။

ထိုမှတစ်ဆင့် မီးရှို့မှုဖြစ်ပွားခြင်း မရှိသည့် ပန်းတောပြင် (အလယ်) ကျေးရွာသို့ သွားရောက်ကာ ကျေးရွာသားများနှင့် တွေ့ဆုံမေးမြန်းခဲ့ကြောင်း သိရသည်။ ပန်းတောပြင် ကျေးရွာအုပ်စုတွင် ကျေးရွာလေးရွာရှိပြီး ကျေးရွာ သုံးရွာ မီးရှို့ခံထားရကြောင်းနှင့် ကျေးရွာသား ၂၀၀၀ ခန့် ထွက်ပြေးနေကြောင်း ကျေးရွာသားများက ပြောဆိုသည်။

ယင်းမှတစ်ဆင့် မောင်တောခရိုင် အထွေထွေအုပ်ချုပ်ရေးရုံးသို့ ရောက်ရှိကာ ဘင်္ဂါလီ အကြမ်းဖက်သမားများ၏ သတ်ဖြတ်ခြင်း ခံခဲ့ရသူများ၏ မိသားစုဝင်များ ဖြစ်သော မြို၊ ဟိန္ဒူ၊ ဘင်္ဂါလီများနှင့် တွေ့ဆုံမေးမြန်းခဲ့သည်။ ယင်းမှ တစ်ဆင့် မောင်တောမြို့ တစ်ဖက်ကမ်း ရွှေဇားကျေးရွာအုပ်စုတွင် အကြမ်းဖက်မှုဖြစ်စဉ် ဖြစ်ပွားခြင်းမရှိသဖြင့် အေးချမ်းစွာ နေထိုင်နေကြသည့် ရွှေဇားကျေးရွာသား ဘင်္ဂါလီများ၊ နေရပ်စွန့်ခွာရာမှ ပြန်လည်ရောက်ရှိလာသည့် အောင်ဗလကျေးရွာမှ ရခိုင်တိုင်းရင်းသားများနှင့် တွေ့ဆုံမေးမြန်းခဲ့ကြောင်း သိရသည်။

ရခိုင်ပြည်နယ်၌ သြဂုတ် ၂၅ ရက်မှ စတင်ဖြစ်ပွားခဲ့သော ARSA ဘင်္ဂါလီ အစွန်းရောက် အကြမ်းဖက်သမားများ၏ တိုက်ခိုက် ဖျက်ဆီးမှုကြောင့် ရခိုင်ပြည်နယ်၊ မောင်တောဒေသတွင် နေထိုင်သူများသည် နေရပ်စွန့်ခွာ၍ နယ်စပ်ဧရိယာ အပါအ၀င် လုံခြုံရာနေရာများတွင် ခိုလှုံနေထိုင်ခဲ့ရပြီး အကြမ်းဖက်မှုကြောင့် ပြည်တွင်းနေရပ် စွန့်ခွာရသူ တိုင်းရင်းသားများလည်း ရှိခဲ့သည်။

ထို့အတူ ဘင်္ဂါလီများလည်း အိမ်နီးချင်း ဘင်္ဂလားဒေ့ရ်ှနိုင်ငံသို့ ထွက်ပြေးတိမ်းရှောင်မှုများရှိသည်။ မြန်မာနိုင်ငံ ရခိုင်ပြည်နယ်မှ ဘင်္ဂလားဒေ့ရ်ှနိုင်ငံသို့ ထွက်ပြေးသွားသော ဘင်္ဂါလီဒုက္ခသည်များထဲတွင် ARSA ဘင်္ဂါလီ အစွန်းရောက် အကြမ်းဖက်သမားများ ပါဝင်နေကြောင်း www.benarnews.org ၀က်ဘ်ဆိုက်တွင် ဖော်ပြထားသော သတင်း ဗီဒီယိုတစ်ခုအရ သိရသည်။

သံရုံးများမှ သံအမတ်ကြီးများနှင့် UN အဖွဲ့အစည်းများမှ အကြီးအကဲများ၏ လေ့လာရေးခရီးစဉ်မှာ နေ့ချင်းပြန် ခရီးစဉ်ဖြစ်ပြီး ၎င်းတို့သည် ခရီးသည်တင်လေယာဉ်ဖြင့် ရန်ကုန်မြို့မှ စစ်တွေမြို့သို့ သွားရောက်ခဲ့ပြီး ထို့နောက် စစ်တွေမြို့မှ မောင်တောသို့ တပ်မတော်ရဟတ်ယာဉ် သုံးစင်းဖြင့် သွားရောက် လေ့လာခဲ့ခြင်းဖြစ်သည်။

ဘင်္ဂလားဒေ့ရ်ှနိုင်ငံဘက်သို့ ထွက်ခွာရန် ဘူးသီးတောင်မြို့နယ်အတွင်းရှိ ဘင်္ဂါလီ ၁၀၀၀၀ ခန့် နယ်စပ်အနီးသို့ ထပ်မံရောက်ရှိ

ဘင်္ဂလားဒေ့ရ်ှနိုင်ငံဘက်သို့ ထွက်ခွာရန် စုပြုံရောက်ရှိနေသော ဘင်္ဂါလီများအား တာဝန်ရှိသူများ သွားရောက် တွေ့ဆုံညှိနှိုင်းနေစဉ် (ဓာတ်ပုံ – Information Committee)

ဘင်္ဂလားဒေ့ရ်ှနိုင်ငံဘက်သို့ ထွက်ခွာရန် ဘူးသီးတောင်မြို့နယ်အတွင်းရှိ ဘင်္ဂါလီ ၁၀၀၀၀ ခန့် နယ်စပ်အနီးသို့ ထပ်မံရောက်ရှိလာသဖြင့် တာဝန်ရှိသူများက သွားရောက်ညှိနှိုင်းခဲ့ရကြောင်း သတင်းထုတ်ပြန်ရေးကော်မတီက ယနေ့ (အောက်တိုဘာ ၂ ရက်) ညပိုင်းက ထုတ်ပြန်ကြေညာခဲ့သည်။

အဆိုပါ ထုတ်ပြန်ချက်တွင် ဘူးသီးတောင်မြို့နယ်အတွင်းရှိ ကျေးရွာများမှ ဘင်္ဂါလီများသည် စားဝတ်နေရေး အခက်အခဲကြောင့် လည်းကောင်း၊ လုံခြုံရေး အခြေအနေအရ ကျေးရွာတွင် လုံခြုံမှုမရှိဟုယူဆ၍ လည်းကောင်း၊ ဘင်္ဂလားဒေ့ရ်ှနိုင်ငံသို့ ရောက်ရှိနေသည့် ဘင်္ဂါလီများက ဘင်္ဂလားဒေ့ရ်ှနိုင်ငံသို့ ထွက်ခွာရန် ဆက်သွယ်ပြောဆိုခြင်းများကြောင့် လည်းကောင်း၊ ၎င်းတို့အုပ်စုသည် လူနည်းစုဖြစ်မည်ကို စိုးရိမ်သဖြင့် တစ်ဖက်နိုင်ငံရှိ ၎င်းတို့မျိုးနွယ်စုများထံ သွားရောက်လိုခြင်းကြောင့် လည်းကောင်း၊ မိမိနေထိုင်သည့် ကျေးရွာများမှ တစ်ဖက်နိုင်ငံသို့ သွားရောက်ရန် စက်တင်ဘာ ၂၆ ရက်မှ စတင်၍ ထွက်ခွာခဲ့ကြပြီး နှစ်နိုင်ငံနယ်စပ်အနီးသို့ စုပြုံရောက်ရှိလျက်ရှိကြောင်း ထုတ်ပြန်ချက်တွင် ပါရှိသည်။

ယင်းထုတ်ပြန်ချက်အရ မောင်တောမြို့နယ်၊ သင်္ဘောလှကျေးရွာနှင့် သာယာကုန်းကျေးရွာကြားတွင် ဘူးသီးတောင်မြို့နယ်အတွင်းမှ တစ်ဖက်နိုင်ငံသို့ တိမ်းရှောင်မည့် ဘင်္ဂါလီများ ရောက်ရှိနေကြောင်း သတင်းရရှိသဖြင့် မောင်တောခရိုင်အတွင်း တရားဥပဒေစိုးမိုးရေး လုပ်ငန်းများ ဆောင်ရွက်နေသည့် အုပ်ချုပ်ရေးအဖွဲ့များနှင့် လုံခြုံရေးတပ်ဖွဲ့ဝင်များသည် အောက်တိုဘာ ၁ ရက် နေ့လည် ၁၁ နာရီက သွားရောက် တွေ့ဆုံခဲ့ကြောင်း သိရသည်။

ထိုကဲ့သို့ သွားရောက် တွေ့ဆုံခဲ့ရာတွင် တိမ်းရှောင်ရောက်ရှိနေသည့် ဘင်္ဂါလီများအား စားဝတ်နေရေး အခက်အခဲရှိပါက ဆန်၊ ဆီ၊ ဆား၊ ပဲ (၄) မျိုးကို ဒေသအတွင်းမှ နှစ်ဖက်လူအဖွဲ့အစည်းများအား လူမျိုးဘာသာမရွေး ထောက်ပံ့ပေးနေကြောင်း၊ လုံခြုံရေးနှင့် ပတ်သက်၍လည်း ဒေသအတွင်း၌ အေးချမ်းတည်ငြိမ်ရေးအတွက် ဆောင်ရွက်နေမှုများအား ရှင်းလင်းပြောကြားပြီး မိမိတို့ဒေသ ရပ်ရွာဒေသများ၌ အေးချမ်းစွာ ပြန်လည်နေထိုင်၍ လုပ်ကိုင် စားသောက်ကြရန်၊ အခက်အခဲရှိသည်များကို တတ်နိုင်သလောက် ပူးပေါင်း ဆောင်ရွက်သွားမည် ဖြစ်ကြောင်း ပြေကြားခဲ့ပြီး တွေ့ဆုံ ရှင်းလင်းပြောကြားခဲ့မှုအပေါ် ၎င်းတို့ဘက်မှ နားလည် သဘောပေါက်သော်လည်း တစ်ဖက်နိုင်ငံသို့သာ ၎င်းတို့ ကိုယ်ပိုင်ဆန္ဒဖြင့် သွားရောက်လိုကြောင်း ပြန်လည်တင်ပြခဲ့ကြသည်ဟု သတင်းထုတ်ပြန်ရေးကော်မတီမှ ထုတ်ပြန်ထားသည်။

နှစ်နိုင်ငံ နယ်စပ်အနီးသို့ စုပြုံရောက်ရှိသူများမှာ စက်တင်ဘာ ၂၆ ရက်တွင် ဘူးသီးတောင်မြို့နယ်အတွင်းရှိ ဂူတာပြင်ကျေးရွာမှ ဘင်္ဂါလီ ၁၆၈ ဦးသည် ရွာသစ်ကေကျေးရွာအနီး၌ လည်းကောင်း၊ ရွှေထားကျေးရွာနှင့် ဇင်ခါးမကျေးရွာတို့မှ ဘင်္ဂါလီ ၂၅၅ ဦး၊ တောင်ချောင်းကျေးရွာနှင့် ပေါက်တောကျေးရွာမှ ဘင်္ဂါလီ ၂၈၁ ဦး၊ သိမ်တောင်ပြင်ကျေးရွာနှင့် ကာလီကျေးရွာတို့မှ ဘင်္ဂါလီ ၂၀၀ ဦးနှင့် ဒုအိုးသည်မကျေးရွာတို့မှ ဘင်္ဂါလီ ၃၅ ဦးတို့သည် စက်တင်ဘာ ၂၇ ရက်တွင် လေယာဉ်ကွင်းကျေးရွာအနီး ကမ်းစပ်၌ လည်းကောင်း၊ တောင်ချောင်းကျေးရွာ၊ ဇင်ခါးမကျေးရွာ၊ ဘိုလီကျေးရွာနှင့် ငွေတောင်ကျေးရွာတို့မှ ဘင်္ဂါလီ ၈၉၅ ဦးတို့သည် စက်တင်ဘာ ၂၈ ရက်တွင် လေယာဉ်ကွင်းကျေးရွာအနီး ကမ်းစပ်၌ လည်းကောင်း၊ ဂူတာပြင်ကျေးရွာမှ ဘင်္ဂါလီ ၅၃၀ ဦးတို့သည် စက်တင်ဘာ ၂၉ ရက်တွင် ပညောင်ပင်ကြီးနှင့် နယ်စပ်ခြံစည်းရိုးကြားတွင် လည်းကောင်း၊ ယခု ထပ်မံ ရောက်ရှိလာသည့် ဘင်္ဂါလီ ၁၀၀၀၀ ခန့်သည် လက်ဖွဲ့ကျကျေးရွာနှင့် ကွမ်းသီးပင်ကျေးရွာကြား အနောက်ဖက် တောစပ်တို့တွင်လည်းကောင်း တစ်ဖက်နိုင်ငံသို့ ထွက်ခွာရန် စုပြုံရောက်ရှိနေကြောင်း သတင်းထုတ်ပြန်ရေးကော်မတီမှ ထုတ်ပြန်ကြေညာခဲ့သည်။