၂၀၁၇-၂၀၁၈ ဘဏ္ဍာနှစ်အတွက် ဘတ်ဂျက် တောင်းခံရာတွင် ပြုပြင်ပြီး ခန့်မှန်းခြေနှင့် ဖြည့်စွက် ခွင့်ပြုငွေအဖြစ် ဘတ်ဂျက်လိုငွေ ကျပ် ၆၄၀၁ ဘီလျံကျော်အထိ စံချိန်တင် များပြားစွာ တောင်းခံခဲ့သော်လည်း ယာယီ အမှန်စာရင်းအရ လိုငွေ ကျပ် ၂၀၉၆ ဘီလျံကျော်သာ ဖြစ်ပေါ်

၂၀၁၇-၂၀၁၈ ဘဏ္ဍာနှစ်တွင် အစိုးရနှင့် ၀န်ကြီးဌာနများအတွက် ဘတ်ဂျက်များ တောင်းခံရာတွင် စုစုပေါင်းလိုငွေ ကျပ် ၆၄၀၁ ဘီလျံကျော်အထိ ဖြစ်ပေါ်ကာ အများဆုံး ဘတ်ဂျက် တောင်းခံမှုအဖြစ် စံချိန်တင် ဘတ်ဂျက် တောင်းခံခဲ့သော်လည်း ၂၀၁၇-၂၀၁၈ ဘဏ္ဍာနှစ် ယာယီ အမှန်စာရင်းအရ ကျပ် ၂၀၉၆ ဘီလျံကျော်သာ လိုငွေ ဖြစ်ပေါ်ခဲ့ကြောင်း သိရသည်။

၂၀၁၇-၂၀၁၈ ဘဏ္ဍာနှစ် မူလ ခန့်မှန်းခြေတွင် ရငွေကျပ် ၁၆၆၀၅ ဘီလျံကျော်သာရှိပြီး သုံးငွေမှာ ကျပ် ၂၀၅၉၄ ဘီလျံအထိ ရှိခဲ့ကာ လိုငွေကျပ် ၃၉၈၉ ဘီလျံကျော်အထိ ရှိခဲ့သော်လည်း ပြုပြင်ပြီး ခန့်မှန်းခြေတွင် ရငွေ ကျပ် ၁၈၈၃၂ ဘီလျံသို့ မြင့်တက်ကာ သုံးငွေ ကျပ် ၂၂၇၆၀ ဘီလျံ ဖြစ်လာသဖြင့် လိုငွေကျပ် ၃၉၂၈ ဘီလျံကျော်အထိ ဖြစ်ပေါ်ခဲ့သည်။

ထို့နောက် ၂၀၁၇ နှစ် နိုဝင်ဘာလအတွင်း ပြည်ထောင်စုအစိုးရ အဖွဲ့အစည်းများမှ ဘတ်ဂျက် ကျပ် ၂၅၄၄ ဘီလျံကျော်အထိ ထပ်မံတောင်းခံပြီး ကျပ် ၇၀ ဒသမ ၆၃ ဘီလျံ စိစစ်ဖြတ်တောက်ခဲ့သဖြင့် ဖြည့်စွက် ခွင့်ပြုငွေ ၂၄၇၃ ဘီလျံအထိ ဖြစ်ပေါ်ခဲ့သည်။

ထိုသို့ ဖြစ်ပေါ်ခဲ့သော်လည်း ၂၀၁၇-၂၀၁၈ ဘဏ္ဍာနှစ် ယာယီအမှန်စာရင်းတွင် ဘတ်ဂျက်လိုငွေ ကျပ် ၂၀၉၆ ဘီလျံကျော်သာ ဖြစ်ပေါ်ခဲ့ပြီး လိုငွေနှင့် ဂျီဒီပီအချိုးမှာလည်း ၂ ဒသမ ၃၂ ရာခိုင်နှုန်းသို့ လျော့ကျခဲ့ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်း၏ ပြည်ထောင်စုလွှတ်တော်သို့ ရှင်းလင်း တင်ပြသည့် အစီရင်ခံစာတွင် ဖော်ပြထားမှုအရ သိရသည်။

ဘတ်ဂျက်များကို အမှန်တကယ် သုံးစွဲနိုင်မှုမရှိဘဲ ၀န်ကြီးဌာနများက များပြားစွာ တောင်းခံနေမှုနှင့် လွှတ်တော် ကိုယ်စားလှယ်များက ထိရောက်စွာ ဖြတ်တောက်နိုင်မှု အားနည်းချက်ကြောင့် ပြည်သူများ၏ လူနေမှုဘ၀ကို ထိခိုက်စေသည့် ငွေဖောင်းပွမှု၊ ကုန်ဈေးနှုန်း မြင့်တက်မှုများစွာ ဖြစ်ပေါ်နေရကြောင်း ဝေဖန်မှုများ ရှိနေသည်။

ပြီးခဲ့သည့် အစိုးရ လက်ထက် ၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ ယခင် ဘဏ္ဍာနှစ် ခုနစ်ခုတွင် ဖြည့်စွက် ခွင့်ပြုငွေကျပ် ဘီလျံ ၁၃၀၀၀ ကျော် တောင်းခံကာ ဘီလျံ ၁၁၀၀၀ ကျော် ပြန်လည် အပ်နှံမှု ဖြစ်ပေါ်ခဲ့ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ နှစ်အလိုက် နောက်ဆက်တွဲ ဘတ်ဂျက်ခွင့်ပြုငွေ စုစုပေါင်း ကျပ် ၁၃၀၇၃ ဘီလျံဖြစ်ပြီး ဘတ်ဂျက် ပိုလျှံငွေများ ပြန်လည်အပ်နှံငွေ ကျပ် ၁၄၆၂၃ ဘီလျံ ဖြစ်ကာ အပ်နှံငွေမှ လွှဲပြောင်းသုံးငွေ ကျပ် ၃၀၂၂ ဘီလျံ ဖြစ်သည့်အတွက် အသားတင် အပ်နှံငွေမှာ ကျပ် ၁၁၆၀၁ ဘီလျံ ဖြစ်ကြောင်း ကော်မတီ အစီရင်ခံစာအရ သိရသည်။

သမ္မတဟောင်း ဦးသိန်းစိန်အစိုးရ လက်ထက် ၂၀၁၁-၂၀၁၂ ဘဏ္ဍာနှစ်မှ စတင်၍ ၂၀၁၅-၂၀၁၆ ဘဏ္ဍာနှစ်အထိ နောက်ဆက်တွဲ ဘတ်ဂျက်ခွင့်ပြုငွေ စုစုပေါင်း ကျပ် ၉၃၇၁ ဘီလျံဖြစ်ပြီး အသားတင် ပြန်လည် အပ်နှံငွေမှာ ကျပ် ၉၉၁၄ ဘီလျံ ဖြစ်သည်။

ထို့ပြင် ယခင်သမ္မတ ဦးထင်ကျော် အစိုးရလက်ထက် ၂၀၁၆-၂၀၁၇ ဘဏ္ဍာနှစ်တွင် နောက်ဆက်တွဲ ဘတ်ဂျက် ခွင့်ပြုငွေမှာ ၁၂၈၄ ဘီလျံဖြစ်ပြီး အသားတင် ပြန်လည်အပ်နှံငွေမှာ ကျပ် ၁၆၈၇ ဘီလျံ ဖြစ်ကြောင်း ပြည်သူ့ငွေစာရင်း ပူးပေါင်းကော်မတီက ဆိုသည်။

ဘတ်ဂျက် ခွင့်ပြုငွေများကို အပြည့်အ၀ သုံးစွဲနိုင်မှု မရှိခြင်းကြောင့် အထွေထွေပိုလျှံ ရန်ပုံငွေသို့ နှစ်စဉ် ကျပ်ဘီလျံ ထောင်ဂဏန်းအထိ ပြန်လည် အပ်နှံလျက်ရှိရာ ဌာနများအနေဖြင့် ဘတ်ဂျက် တိုးမြင့်ရရှိမှုနှင့် လိုက်လျောညီထွေဖြစ်ရန် အကောင်အထည်ဖော် ဆောင်ရွက်နိုင်မှု မရှိခြင်းကို သေချာစွာ ဆန်းစစ်လေ့လာ သုံးသပ်ရန် လိုအပ်နေပြီ ဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက အကြံပြုထားသည်။

လာမည့် ၂၀၁၈-၂၀၁၉ ဘဏ္ဍာနှစ်အတွက် ဘတ်ဂျက် တောင်းခံရာတွင်လည်း ကနဦး တောင်းခံမှုတွင် မူလခန့်မှန်းခြေမှာ ကျပ် ၄၉၀၃ ဘီလျံအထိ ဖြစ်ပေါ်နေပြီး ဦးသိန်းစိန် အစိုးရလက်ထက်နှင့် NLD အစိုးရ လက်ထက်နှစ်ဆက် မူလခန့်မှန်းခြေများတွင် အများဆုံးတောင်းခံမှု ဖြစ်ပေါ်နေသည်။ ထိုသို့ များပြားစွာ တောင်းခံထားသော်လည်း ၀န်ကြီးဌာနများမှ စီမံကိန်းများ အမှန်တကယ် လုပ်ဆောင်နိုင်ခြင်း မရှိခြင်း၊ ဘတ်ဂျက်နှင့် ပတ်သက်ပြီး ဆီးသီးဗန်းမှောက် ဘတ်ဂျက်ဟု ဝေဖန်ခံရမှုများ ရှိနေခြင်း၊ ကျပ်ငွေတန်ဖိုး လွန်မင်းစွာ ကျဆင်းနေခြင်း၊ နှစ်စဉ် ကျပ်ဘီလျံ ထောင်ပေါင်းများစွာ ပြန်လည်အပ်နှံနေခြင်း စသည့်အချက်များကြောင့် ပြည်ထောင်စု လွှတ်တော်အနေဖြင့် NLD အစိုးရ၏ ၀န်ကြီးဌာနများမှ များပြားသော ဘတ်ဂျက် တောင်းခံမှုများကို ထိရောက်စွာ ဖြတ်တောက်နိုင်ရန် လိုအပ်နေကြောင်း သုံးသပ်မှုများ ရှိနေသည်။

ပြောင်းလဲထားသည့် ဘဏ္ဍာနှစ်သစ်အတွက် ဘတ်ဂျက်တင်ပြ တောင်းခံခြင်း၊ စိစစ်ဖြတ်တောက်ခြင်းများ ပြုလုပ်မည့် ဒုတိယအကြိမ်လွှတ်တော် န၀မပုံမှန်အစည်းအဝေးများ ဇူလိုင် ၂၃ ရက်တွင် စတင်မည်

ပြည်သူ့လွှတ်တော်အစည်းအဝေးအပြီး ပြန်လည်ထွက်ခွာလာသည့် လွှတ်တော်ကိုယ်စားလှယ်များအား တွေ့ရစဉ် (ဓာတ်ပုံ-စည်သူ)

ပြောင်းလဲထားသည့် ဘဏ္ဍာနှစ်သစ်အတွက် ဘတ်ဂျက်တင်ပြတောင်းခံခြင်း၊ စိစစ်ဖြတ်တောက်ခြင်းများ ပြုလုပ်မည့် ဒုတိယအကြိမ်လွှတ်တော် န၀မပုံမှန်အစည်းအဝေးများကို ဇူလိုင် ၂၃ ရက်တွင် စတင်ကျင်းပမည်ဖြစ်ကြောင်း လွှတ်တော်ကိုယ်စားလှယ်များထံမှ သိရသည်။

ဒုတိယအကြိမ် ပြည်သူ့လွှတ်တော်၊ အမျိုးသားလွှတ်တော် န၀မပုံမှန်အစည်းအဝေးကို ဇူလိုင် ၂၃ ရက် နံနက် ၁၀ နာရီတွင် ကျင်းပမည်ဖြစ်ပြီး ပြည်ထောင်စုလွှတ်တော် အစည်းအဝေးကို နေ့လယ်ပိုင်းတွင် ကျင်းပမည်ဖြစ်ကြောင်း သိရသည်။

လာမည့်ပြည်ထောင်စုလွှတ်တော် န၀မပုံမှန်အစည်းအဝေးကာလအတွင်းတွင် အောက်တိုဘာ ၁ ရက်မှ စတင်မည့် ၂၀၁၈-၂၀၁၉ ဘဏ္ဍာနှစ်အတွက် အမျိုးသားစီမံကိန်းဥပဒေကြမ်း၊ ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကြမ်း၊ ပြည်ထောင်စု၏ အခွန်အကောက် ဥပဒေကြမ်းနှင့် အခြားသော လွှတ်တော်ဆိုင်ရာကိစ္စများကို ဆောင်ရွက်မည်ဖြစ်ကြောင်း သိရသည်။

“လာမယ့်လွှတ်တော် Section ကျွန်တော်တို့ ငွေစာရင်းပူးပေါင်းကော်မတီနဲ့ ပတ်သက်လို့ ဥပဒေသုံးခုရှိမယ်။ အဲဒါက အမျိုးသားစီမံကိန်းဥပဒေ၊ အခွန်အကောက်ဥပဒေနဲ့ ဘတ်ဂျက်ဥပဒေ။ ဒီသုံးခုကတော့ ကျွန်တော်တို့ ငွေစာရင်းပူပေါင်း ကော်မတီသည် ဥပဒေကြမ်း ပူးပေါင်းကော်မတီနဲ့ ပူးပေါင်းပြီး ဆောင်ရွက်မှာပါ” ဟု ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီ ဒုဥက္ကဋ္ဌ ဦးအောင်မင်းက ပြောကြားသည်။

ထို့ပြင် ပြည်သူ့လွှတ်တော်တွင် မြေယာဥပဒေ၊ ကလေးသူငယ်အခွင့်အရေးဆိုင်ရာဥပဒေ၊ လယ်ယာမြေဥပဒေနှင့် မြေလွတ် မြေလပ် မြေရိုင်း ဥပဒေများကို အတည်ပြုသွားရန်ရှိကြောင်း ပြည်သူ့လွှတ်တော်ဥပဒေကြမ်းကော်မတီ အတွင်းရေးမှူး ဦးကျော်စိုးလင်းက ပြောကြားသည်။

“အဓိကအားဖြင့်ကတော့ ကျွန်တော်တို့ မြေယာ၊ ကလေးသူငယ် အခွင့်အရေးဆိုင်ရာ ဥပဒေတွေရှိပါမယ်။ နောက်ပြီးတော့ လယ်ယာမြေဥပဒေတွေ ရှိပါတယ်။ မြေလွတ်မြေလပ်မြေရိုင်းကလည်း ကျွန်တော်တို့ဆီမှာ ပြီးသွားပြီ။ အမျိုးသားလွှတ်တော်ကို ပြန်လည်ပြီးတော့ ပေးပို့ထားတာရှိတယ်။ ဒါတွေကို အတည်ပြုသွားဖို့ရှိမှာပါ” ဟု ဦးကျော်စိုးလင်းက ပြောကြားသည်။

ပြီးခဲ့သည့် ပြည်ထောင်စုလွှတ်တော် အဋ္ဌမပုံမှန်အစည်းအဝေးကို မေ ၁၄ ရက်မှ ဇွန် ၂၁ ရက်အထိ အစည်းအဝေး ၁၁ ရက် ပြုလုပ်ခဲ့ပြီး ဘဏ္ဍာနှစ်ပြောင်းလဲထားသည့်အတွက် မဖြစ်မနေ ပြင်ဆင်ရေးဆွဲရမည့် ပြည်ထောင်စု၏ ဘဏ္ဍာငွေအရအသုံး ရေးဆွဲတင်ပြခြင်းဆိုင်ရာ ဥပဒေကို ပြင်ဆင်သည့် ဥပဒေ အပါအ၀င် ဥပဒေခြောက်ခု အတည်ပြု ထုတ်ပြန်ခဲ့ပြီး ဥပဒေကြမ်းလေးခုကို နိုင်ငံတော်သမ္မတက လက်မှတ်ရေးထိုးထုတ်ပြန်နိုင်ရန် အတွက် ပေးပို့ခဲ့ကြောင်း သိရသည်။

ထို့ပြင် နိုင်ငံတော်သမ္မတက ခန့်အပ်လိုကြောင်း အဆိုပြုသည့် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးသစ်နှင့် နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးအဖွဲ့ဝင်တစ်ဦးနှင့် ပတ်သက်၍ လွှတ်တော်၏ သဘောတူညီချက်ရယူခြင်း၊ ဒုဝန်ကြီးတစ်ဦးနှင့် တိုင်းဒေသကြီး၊ ပြည်နယ်အစိုးရအဖွဲ့ဝန်ကြီးလေးဦး ခန့်အပ်တာဝန်ပေးခြင်း ကိစ္စများကို မှတ်တမ်းတင်ခြင်းများ ဆောင်ရွက်ခဲ့ကြောင်း သိရသည်။

ပြီးခဲ့သည့် ဒုတိယအကြိမ်ပြည်သူ့လွှတ်တော် အဋ္ဌမပုံမှန်အစည်းအဝေးကို မေ ၁၄ ရက်မှ ဇွန် ၂၀ ရက်အထိ အစည်းအဝေး ၁၈ ရက်ပြုလုပ်ခဲ့ပြီး ကြယ်ပွင့်ပြမေးခွန်း ၁၀၉ ခု၊ ကြယ်ပွင့်မပြမေးခွန်း ၂၄၅ ခု မေးမြန်းခြင်း၊ ဖြေကြားခြင်း၊ အရေးကြီးအဆိုတစ်ခု၊ ၀မ်းနည်းကြောင်း အဆိုတစ်ခု အပါအ၀င် အဆို ၁၃ ခု တင်သွင်းဆွေးနွေးခြင်းများ ပြုလုပ်ခဲ့သည်။ ထို့ပြင် ဥပဒေကြမ်း ၃၇ ခုကို ဆွေးနွေးခဲ့ကြပြီး ဥပဒေကြမ်း ၁၄ ခု အတည်ပြုခဲ့သည်။

ထို့အတူ အမျိုးသားလွှတ်တော် အစည်းအဝေးကိုလည်း ဇွန် ၁၄ ရက်မှ ဇွန် ၂၀ ရက် အထိ အစည်းအဝေး ၁၈ ရက် ပြုလုပ်ခဲ့ကြောင်း သိရသည်။