ဆေးရုံသုံး စက်ပစ္စည်များ ပျက်စီးပါက ပြင်ဆင်စရိတ် တောင်းသလောက် ပေးနေရပြီး ဂျပန်အကူအညီဖြင့် သင်ကြားမှုများ ပြုလုပ်နေရကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ပြောကြား

ဆေးရုံသုံး စက်ပစ္စည်းများ ပျက်စီးပါက ပြင်ဆင်စရိတ် တောင်းသလောက် ပေးနေရပြီး ဘာမှမသိသည့်အတွက် ဂျပန်အကူအညီဖြင့် သင်ကြားမှုများ ပြုလုပ်နေရကြောင်း ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက ဇွန် ၁၄ ရက်က မွန်ပြည်နယ် မော်လမြိုင်မြို့ တက္ကသိုလ်ဝန်းအတွင်း ပြုလုပ်သော “နိုင်ငံတော်၏ အတိုင်ပင်ခံပုဂ္ဂိုလ်နှင့် ဒေသခံပြည်သူများ စကားဝိုင်းဆွေးနွေးပွဲ” တွင် ပြောကြားခဲ့ခြင်း ဖြစ်သည်။

အဆိုပါ စကားဝိုင်း ဆွေးနွေးပွဲတွင် ဆွေးနွေးသူ တစ်ဦးက မွန်ပြည်နယ်တွင် CT Scan (ဓာတ်မှန်ရိုက်ခြင်း) ပျက်စီးနေသည့်အတွက် လူငယ်များ ယာဉ်မတော်တဆမှု ဖြစ်ပွားပါက ဦးနှောက်နှင့် အာရုံကြောဆိုင်ရာ ပြဿနာများ ဖြစ်ပေါ်လာနိုင်ခြင်းအပေါ် ဆွေးနွေမေးမြန်းရာတွင် ယင်းကဲ့သို့ ဖြေကြားခဲ့ခြင်း ဖြစ်သည်။

“မော်လမြိုင်မြို့မှာ CT Scan ပျက်နေတယ်ဆိုပြီး သိန်း ၃၇၀ တောင်းပါတယ်။ သိန်း ၃၇၀ တောင်းတဲ့ဟာသည် နည်းနည်းကြာမှ ဗဟိုကို ရောက်လာတယ်။ ကျွန်တော့်ကို ဖုန်းဆက်ပြီး ပြောပါတယ်။ ဆရာ သိန်း ၃၇၀ တောင်းထားတာ မရသေးဘူလား။ ကျွန်တော်ပေးလိုက်ပါတယ်။ သို့သော် ဒီမှာ ဘာကြည့်လဲဆိုတော့ ပြင်ဆင်စရိတ်သည် ပြင်တဲ့သူက သိန်း ၇၀၀ တောင်းရင်လည်း ပေးရမှာ။ သိန်း ၈၀၀ တောင်းရင်လည်း ပေးရမယ်။ ကျွန်တော်တို့ ဘာမှမသိပါဘူး။ အဲဒါကြောင့် ကျွန်တော်တို့ အရင်အပတ်ကပဲ ဂျပန်နိုင်ငံ OKAYAMA University ကလာပြီး Diploma Medical Engineering ဂျပန် ပါမောက္ခတွေ ကိုယ်တိုင် လာရောက်သင်တယ်။ ကျွန်တော်တို့ဆီက ၁၈ ယောက် တက်နေတယ်”ဟု ဒေါက်တာမြင့်ထွေးက ပြောကြားသည်။

အဆိုပါ တက်ရောက် သင်ကြားနေသည့် လူငယ် ၁၈ ယောက်မှာ BE Electrical Electronic ၊ BE Mechanical စသည့်တို့ ဖြစ်ပြီး ယင်းလူငယ်များသည် သင်တန်းပြီးစီးပါက ဆေးရုံ၊ ဆေးခန်းများရှိ စက်များကို ပြင်ဆင်နိုင်မည် ဖြစ်ကြောင်းနှင့် မြန်မာနိုင်ငံတွင် စက်ပစ္စည်း ပြင်ဆင်စရိတ်သည် တစ်နှစ်လျှင် အများအပြား ကုန်ကျမှုရှိပြီး တောင်းသလောက် ပေးနေရကြောင်း ဒေါက်တာမြင့်ထွေးက ပြောကြားသည်။

“ကျွန်တော်တို့နိုင်ငံမှာ တစ်နှစ် တစ်နှစ်ကို စက်ပစ္စည်း ပြင်ဆင်စရိတ်တွေက အများကြီးကုန်တယ်။ တောင်းသလောက် ပေးနေရတယ်။ မပေးရင်လည်း CT Scan မရိုက်လို့ လူနာသေသွားရင် ကျွန်တော်တို့ ဒုက္ခရောက်မယ်။ CT Scan အကုန်လုံးကို ဖြစ်တဲ့အတွက် အရင်အပတ်က မေမြို့မှာ ပြည်နယ်နှင့် တိုင်းဦးစီးမှူးများ အားလုံးကို ခေါ်ပြီးတွေ့ပါတယ်။ သူတို့ကို လုပ်ပိုင်ခွင့်ဆိုရင် စီမံခန့်ခွဲရေး ငွေသုံးစွဲရေးကို ကျွန်တော် အများကြီးပေးလိုက်ပါတယ်။ ဒီ ၃၇၀ ကိစ္စမှာ ပြည်နယ် တိုင်းဦးစီးမှူးကိုသာ ဆုံးဖြတ်လိုက်ရင် တစ်ရက်အတွင်း ပိုက်ဆံ ထုတ်ပေးလို့ ရပါတယ်”ဟု ၎င်းက ပြောကြားသည်။

“ယာဉ်မတော်ဆမှု ဖြစ်တဲ့လူနာ ဆေးရုံကို လာတယ်။ CT Scan ပျက်တယ် ဘယ်လိုလုပ်မလဲ။ ကျွန်တော် ဒီနေရာမှာ မေတ္တာရပ်ခံချင်တာက ယာဉ်မတော်တဆ လူနာတစ်ယောက် ဦးထုပ်မဆောင်းဘဲ ဆေးရုံ ရောက်လာတယ်။ ခေါင်းကို ထိခိုက်ရင် ဦးနှောက်ခွဲစိတ် ဆရာဝန်၊ အခြားနေရာမှာ တစ်ခုခုဖြစ်သွားရင် အထွေထွေ ခွဲစိတ်ကုဆရာဝန် လိုတယ်။ အရိုးကျိုးရင် အရိုးကုဆရာဝန် နဲ့ ပြရမယ်။ ခွဲစိတ်ဖို့လိုရင် ခွဲစိတ်ရမယ်။ System အလုပ်ရှုပ်မယ်။ သူနာပြုတွေ အလုပ်ရှုပ်မယ်။ အရမ်းကို အလုပ်ရှုပ်တဲ့အပြင် တိုင်းပြည်မှာလည်း အရမ်းပိုက်ဆံ အကုန်အကျများမယ်” ဟု ၎င်းက ပြောကြားသည်။

ယခင်ဘဏ္ဍာနှစ် ခုနစ်ခုတွင် ဖြည့်စွက် ခွင့်ပြုငွေ ကျပ်ဘီလျံ ၁၃၀၀၀ ကျော် တောင်းခံကာ ဘီလျံ ၁၁၀၀၀ ကျော် ပြန်လည်အပ်နှံမှု ဖြစ်ပေါ်ခဲ့ပြီး လာမည့် ငါးနှစ်အတွင်း ဖြည့်စွက် ခွင့်ပြုငွေတောင်းခံမှု လျော့နည်းပပျောက်အောင် ဆောင်ရွက်မည်

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ ယခင်ဘဏ္ဍာနှစ် ခုနစ်ခုတွင် ဖြည့်စွက် ခွင့်ပြုငွေအဖြစ် ကျပ်ဘီလျံ ၁၃၀၀၀ ကျော် တောင်းခံကာ ဘီလျံ ၁၁၀၀၀ ကျော် ပြန်လည်အပ်နှံမှု ဖြစ်ပေါ်ခဲ့ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရပြီး ၂၀၁၈ ခုနှစ်မှ ၂၀၂၂ ခုနှစ် ငါးနှစ်အတွင်း ဖြည့်စွက် ခွင့်ပြုငွေ တောင်းခံသည့်စနစ်ကို တဖြည်းဖြည်း လျော့နည်းပပျောက်အောင် ဆောင်ရွက်မည် ဖြစ်ကြောင်း ၂၀၁၈ ခုနှစ် ပြည်သူ့ဘဏ္ဍာရေး စီမံခန့်ခွဲမှုစနစ် ပြုပြင်ပြောင်းလဲရေး မဟာဗျုဟာတွင် ဖော်ပြထားမှုအရ သိရသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ နှစ်အလိုက် နောက်ဆက်တွဲ ဘတ်ဂျက်ခွင့်ပြုငွေ စုစုပေါင်းမှာ ကျပ် ၁၃၀၇၃ ဘီလျံဖြစ်ပြီး ဘတ်ဂျက်ပိုလျှံငွေများ ပြန်လည် အပ်နှံငွေမှာ ကျပ် ၁၄၆၂၃ ဘီလျံဖြစ်ကာ အပ်နှံငွေမှ လွှဲပြောင်းသုံးငွေမှာ ကျပ် ၃၀၂၂ ဘီလျံ ဖြစ်သည့်အတွက် အသားတင် အပ်နှံငွေမှာ ကျပ် ၁၁၆၀၁ ဘီလျံ ဖြစ်ကြောင်း ကော်မတီအစီရင်ခံစာအရ သိရသည်။

သမ္မတဟောင်း ဦးသိန်းစိန်အစိုးရ လက်ထက် ၂၀၁၁-၂၀၁၂ ဘဏ္ဍာနှစ်မှ ၂၀၁၅-၂၀၁၆ ဘဏ္ဍာနှစ်အထိ နောက်ဆက်တွဲ ဘတ်ဂျက်ခွင့်ပြုငွေ စုစုပေါင်း ကျပ် ၉၃၇၁ ဘီလျံ ဖြစ်ပြီး အသားတင် ပြန်လည်အပ်နှံငွေ ကျပ် ၉၉၁၄ ဘီလျံ ဖြစ်ကြောင်း ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

ထို့ပြင် သမ္မတ ဦးထင်ကျော်အစိုးရ လက်ထက် ၂၀၁၆-၂၀၁၇ ဘဏ္ဍာနှစ်တွင် နောက်ဆက်တွဲ ဘတ်ဂျက် ခွင့်ပြုငွေ ၁၂၈၄ ဘီလျံဖြစ်ပြီး အသားတင် ပြန်လည် အပ်နှံငွေမှာ ကျပ် ၁၆၈၇ ဘီလျံ ဖြစ်ကြောင်း ပြည်သူ့ငွေစာရင်း ပူးပေါင်းကော်မတီက ဆိုသည်။ ၂၀၁၇-၂၀၁၈ ဘဏ္ဍာနှစ်၏ နောက်ဆက်တွဲ ဘတ်ဂျက် ခွင့်ပြုငွေကျပ် ၂၄၁၈ ဘီလျံ ဖြစ်သည်။

ဘတ်ဂျက် ခွင့်ပြုငွေများကို အပြည့်အ၀ သုံးစွဲနိုင်မှု မရှိခြင်းကြောင့် အထွေထွေပိုလျှံ ရန်ပုံငွေသို့ နှစ်စဉ် ကျပ်ဘီလျံ ထောင်ဂဏန်းအထိ ပြန်လည် အပ်နှံလျက်ရှိရာ ဌာနများအနေဖြင့် ဘတ်ဂျက် တိုးမြှင့်ရရှိမှုနှင့် လိုက်လျောညီထွေဖြစ်ရန် အကောင်အထည်ဖော် ဆောင်ရွက်နိုင်မှု မရှိခြင်းကို သေချာစွာ ဆန်းစစ်လေ့လာ သုံးသပ်ရန် လိုအပ်နေပြီဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက အကြံပြုထားသည်။

မြန်မာနိုင်ငံတွင် ဘတ်ဂျက်များ တောင်းခံရာ၌ ပိုမိုတင်ပြခြင်း၊ တောင်းခံထားသည့် ဘတ်ဂျက်များအတိုင်း လုပ်ဆောင်နိုင်မှု မရှိခြင်း၊ လုပ်ဆောင်နိုင်မှု မရှိသည့် ဘတ်ဂျက်များကို ခေါင်းစဉ်ပြောင်း သုံးစွဲခြင်းများနှင့် ဆီးသီးဗန်းမှောက် ဘတ်ဂျက်ဟု ပြောဆိုခံရသည့် အကျင့်ပျက် ခြစားမှုများနှင့် ကြုံတွေ့နေရသည်။ လက်ရှိတွင် ပြည်သူ့ဘဏ္ဍာရေးစီမံခန့်ခွဲမှုစနစ် ပြုပြင်ပြောင်းလဲရေး မဟာဗျုဟာ ချမှတ်ဆောင်ရွက်နေပြီး ဘတ်ဂျက်ခွဲဝေ သုံးစွဲမှု၊ ဘတ်ဂျက်သုံးစွဲမှု ပြုပြင်ပြောင်းလဲရေးများအတွက် ၂၀၁၂ ခုနှစ်မှ လာမည့် ၂၀၂၂ နှစ်အထိ လုပ်ကိုင်ရန် မူဝါဒ ချမှတ်ထားပြီး လက်ရှိတွင် ၂၀၁၂ ခုနှစ်မှ ၂၀၁၇ ခုနှစ်အထိ ပထမအဆင့် ပြုပြင်ပြောင်းလဲရေးကာလ ပြီးဆုံးကာ ၂၀၁၈-၂၀၂၂ အတွက် ဒုတိယငါးနှစ်ကို ဆက်လက် ဆောင်ရွက်မည် ဖြစ်သည်။

ရခိုင်ပြည်နယ် လွှတ်တော်မှ ခြောက်ဘီလျံကျော် ကောက်ခံမှုနှင့် ဆက်စပ်ပြီး နောင်တွင် အစိုးရက ငါတို့ကြိုက်သလို ဆွဲမယ်၊ လွှတ်တော်က ငါတို့ ဥပဒေအတိုင်း ဖြတ်တောက်မယ် ဆိုတဲ့ပုံစံမျိုး မဖြစ်စေလိုကြောင်းနှင့် ပါတီစွဲ၊ အတ္တစွဲ၊ မာနစွဲ မထားကြရန် ရခိုင်ပြည်နယ် လွှတ်တော်ဥက္ကဋ္ဌ ပြောကြား

ရခိုင်ပြည်နယ် လွှတ်တော်မှ ခြောက်ဘီလျံကျော် ဖြတ်မှုကို ပြုလုပ်ခဲ့ရသည့်အတွက် လာမည့် ၂၀၁၈-၁၉ ဘတ်ဂျက်များတွင် ဖြတ်တော်မှု မဖြစ်ပေါ်စေရေးအတွက် ငါတို့ကြိုက်သလို ဆွဲမယ်၊ ငါတို့ ဥပဒေအတိုင်း ဖြတ်တောက်မယ် ဆိုတဲ့ပုံစံမျိုး မဖြစ်စေလိုကြောင်းနှင့် ပါတီစွဲ၊ အတ္တစွဲ၊ မာနစွဲ မထားကြရန် ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေး ၃/၂၀၁၈ တတိယနေ့တွင် လွှတ်တော်ဥက္ကဋ္ဌက လွှတ်တော်ကိုယ်စားလှယ်များအား ပြောကြားခဲ့သည်။

ယင်းနှင့် ပတ်သက်ပြီး ရခိုင်ပြည်နယ် လွှတ်တော်ဥက္ကဋ္ဌ ဦးစံကျော်လှက “ဧပြီလမှ စက်တင်ဘာလအထိ ခြောက်လ ဘတ်ဂျက်မှာ ကျွန်တော်တို့ ရခိုင်ပြည်နယ်ဟာ ခြောက်ဘီလျံကျော် ဖြတ်တောက်ခြင်း ခံခဲ့ရတယ်ဆိုတာ အားလုံးအသိပဲ ဖြစ်ပါတယ်။ ခြောက်ဘီလျံ ဆိုတာ နည်းနည်းနောနော ကိစ္စမဟုတ်ဘူး၊ ဒါကို ကျွန်တော်တို့က ဖြတ်တောက် ခဲ့ရတယ်။ စိတ်မကောင်းဘူးဆိုတာ ဟိုတုန်းကလည်း ပြောခဲ့ပြီးပြီ။ အခုလာမယ့် ၁၈-၁၉ ဘတ်ဂျက်ထဲမှာ အဲလိုအဖြစ်မျိုးနဲ့ မကြုံတွေ့ရဖို့အတွက် ကျွန်တော်တို့ လွှတ်တော်ရော၊ အစိုးရအဖွဲ့ရော၊ နှစ်ဖက်စလုံးက ပူပေါင်းညှိနှိုင်း ဆောင်ရွက်ဖို့ လိုပါတယ်။ အထူးသဖြင့် ကိုယ်စီ ကိုင်စွဲထားတဲ့ မာနတွေကို လျှော့ချဖို့လိုတယ်။ အစိုးရဘက်ကလည်း ဘတ်ဂျတ်ဆိုတာ ငါတို့ဆွဲလို့ရတယ်၊ လွှတ်တော်ရဲ့ အကြံပြုချက်တွေကို ငါတို့ ဂရုထားစရာ မလိုဘူး ၊ ဥပဒေထဲမှာ လွှတ်တော်ရဲ့ အကြံပြုချက်တွေကို မလွဲမသွေ လက်ခံရမယ်လို့ မပါဘူး၊ ဒါကြောင့် ငါတို့ကြိုက်သလို ဆွဲမယ်ဆိုတဲ့ မာနမျိုး ၊ အဲဒီမာနမျိုးကို လျှော့ချဖို့ လိုပါလိမ့်မယ်၊ လွှတ်တော် ကိုယ်စားလှယ်တွေကလည်း ရာထားဘတ်ဂျက်ကို ငါတို့ဘာမှ မလုပ်နိုင်ဘူး၊ သို့သော် ဥပဒေကြမ်းအဖြစ်နဲ့ ဒုတိယအကြိမ် ရောက်လာတဲ့အခါမှာ ငါတို့လွှတ်တော်ကတော့ လုပ်ပိုင်ခွင့် ရှိနေတယ်ဆိုပြီးတော့ ဖြတ်မယ်၊ တောက်မယ်၊ ဖြုတ်မယ်၊ အဲဒီလို မလုပ်ကြပါနဲ့ ။ ကိုယ်စီကိုယ်စီမှာ လုပ်ပိုင်ခွင့် ရှိတယ်ဆိုပြီးတော့ ကိုင်စွဲထားတဲ့ မာနတွေကို လျှော့ချပါ၊ ကျွန်တော်တို့ မာနကိုယ်စီ ရှိနေကြဖို့ဆိုရင် နောက်ဆုံးမှာ ပြည်သူတွေသာ နစ်နာမှာ ဖြစ်တယ်။ ဖြတ်တောက်ပြီးငွေကို ကျွန်တော်တို့ ပြန်သုံးလို့ မရတော့ဘူး။ ဒါကြောင့် အားလုံးမှာ တာဝန်ရှိပါတယ်၊ အတတ်နိုင်ဆုံး ပူးပေါင်းပြီး ညှိနှိုင်းပြီး ဆောင်ရွက်ကြပါ”ဟု ပြောကြားခဲ့သည်။

ဒုတိယအကြိမ် ရခိုင်ပြည်နယ်လွှတ်တော် အရေးပေါ်အစည်းအဝေးကို ရခိုင်ပြည်နယ် ၀န်ကြီးချုပ်က ၂၀၁၈-၂၀၁၉ ခုနှစ် ဘဏ္ဍာရေးနှစ် ဘဏ္ဍာငွေအရ၊ အသုံးဆိုင်ရာ ခန့်မှန်းခြေငွေစာရင်း (လျာထားချက်) နဲ့ ပတ်သက်ပြီး ပြည်နယ်ဝန်ကြီးချုပ်မှ အစည်းအဝေး ခေါ်ပေးရန် လွှတ်တော်သို့ ညှိနှိုင်းလာသည့်အတွက် ခေါ်ယူရခြင်း ဖြစ်ကြောင်း၊ ငွေစာရင်းနဲ့ ပတ်သက်လို့ ပြည်နယ် လွှတ်တော်ကိုယ်စားလှယ် ရှစ်ဦးကလည်း အသေအချာ ဆွေးနွေးခဲ့ပြီး ဖြစ်ကြောင်း၊ အစိုးရအဖွဲ့အနေဖြင့် လွှတ်တော်ကိုယ်စားလှယ်များ၏ အကြံပြုချက်များကို အလေးအနက်ထားပြီး ဆောင်ရွက်ဖို့ တိုက်တွန်းပါကြောင်းလည်း ပြောကြားခဲ့သည်။

“ကိုယ်စားလှယ်တွေဆိုတာ ပါတီအသီးသီး နယ်ပယ်အသီးသီးက လာတယ်ဆိုပေမယ့် အမျိုးသားရေးကိစ္စအပေါ်မှာ တညီတညွတ်တည်း ဆောင်ရွက်ဖို့ လိုတယ်။ အစိုးရ သီးသန့်၊ တပ်မတော်သား ကိုယ်စားလှယ်က သီးသန့်၊ လွှတ်တော်က လွှတ်တော်သီးသန့် အဲလိုဖြစ်နေလို့ မရပါဘူး။ ရခိုင်ပြည်နယ်ရဲ့ ကြုံတွေ့နေရတဲ့ အခြေအနေဟာ စိန်ခေါ်မှုတွေ အလွန်တရာမှ များပြားနေပါတယ်။ ဒါတွေကို ကျော်လွှားနိုင်ဖို့အတွက် ကျွန်တော်တို့အားလုံး စည်းလုံးမှုရှိဖို့ လိုပါတယ်။ အဲဒီလိုရှိဖို့အတွက် ပါတီစွဲ၊ ပုဂ္ဂိုလ်စွဲ၊ အတ္တစွဲတွေ ကျွန်တော်တို့ လျှော့ချရပါမယ်၊ ကိုယ်စားလှယ်တွေဆိုတာ ပြည်သူက ယုံကြည်လို့ ရွေးချယ်ပေးလိုက်တာပါ၊ ပြည်သူတွေအတွက် ဆောင်ရွက်ဖို့ ရွေးချယ်ပေးခဲ့တာ ဖြစ်ပါတယ်။ ကျွန်တော်တို့ ကိုယ်တိုင်ကလည်း ပြည်သူတွေ အားကိုးလောက်တဲ့လူ ဖြစ်ဖို့လိုပါတယ်၊ ကျွန်တော်တို့ကြောင့် ပြည်သူတွေ မနစ်နာကြပါစေနဲ့ ၊ ၂၀၁၈-၁၉ အရသုံးဆိုင်ရာ ဥပဒေမူကြမ်းဟာ မကြာခင်မှာ လွှတ်တော်ကြီးဆီကို လာပါလိမ့်မယ်၊ အဓိက ပြောချင်တာကတော့ အဲဒီလိုပြန်လည် ရောက်တဲ့အခါမှာ တစ်ချိန်တုန်းက ကြုံခဲ့ရသလို ခြောက်ဘီလျံကျော် ဖြတ်တောက်တယ် ဆိုတဲ့ဟာမျိုး မဖြစ်ရအောင် ကျွန်တော်တို့ ညှိနှိုင်းပြီး ဆောင်ရွက်ရမှာ ဖြစ်တယ်လို့ တိုက်တွန်းချင်ပါတယ်။ နောက်ဆုံးအနေနဲ့ ပြောချင်တာကတော့ ညှိနှိုင်း ဆောင်ရွက်တယ်ဆိုတာ ကျွန်တော်တို့ ပြောပြောနေတဲ့ ဒီမိုကရေစီရဲ့ အနှစ်သာရ တစ်ခုလို့သာ ပြောချင်ပါတယ်”ဟုလည်း လွှတ်တော်ဥက္ကဋ္ဌ က ပြောကြားခဲ့သည်။

၂၀၁၈ ခုနှစ် ဧပြီမှ စက်တင်ဘာလအထိ ပြည်ထောင်စု အပ်ငွေစာရင်း၏ လိုငွေအား ဖြည့်ဆည်းရန် ဗဟိုဘဏ်မှ ကျပ်ဘီလျံ ၆၄၀ ကျော် ချေးငွေရယူခြင်းကို ပြည်ထောင်စုလွှတ်တော် အတည်ပြု

မေ ၃၁ ရက်က ပြုလုပ်သည့် ပြည်ထောင်စုလွှတ်တော် အစည်းအဝေး မစတင်မီ လွှတ်တော် ကိုယ်စားလှယ်များအား တွေ့ရစဉ် (ဓာတ်ပုံ-စည်သူ)

၂၀၁၈ ခုနှစ် ဧပြီလမှ စက်တင်ဘာလအထိ ပြည်ထောင်စု အပ်ငွေစာရင်း၏ လိုငွေအား ဖြည့်ဆည်းရန် ဗဟိုဘဏ်ထံမှ ကျပ် ၆၄၁ ဒသမ ၀၂၉ ဘီလျံ ချေးငွေရယူခြင်းအား ပြည်ထောင်စုလွှတ်တော် အတည်ပြုခဲ့သည်။

မေ ၃၁ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် ယင်းကိစ္စနှင့် ပတ်သက်ပြီး လွှတ်တော်ကိုယ်စားလှယ်များ၏ ဆွေးနွေးချက်များအား ဗဟိုဘဏ် ဒုတိယဥက္ကဋ္ဌ ဦးဘိုဘိုငယ်က ပြန်လည် ရှင်းလင်းမှုများ ပြုလုပ်ပြီးနောက် ပြည်ထောင်စုလွှတ်တော်က အတည်ပြုခဲ့ခြင်း ဖြစ်သည်။

ဗဟိုဘဏ် ဒုတိယဥက္ကဋ္ဌက “ပြည်တွင်း ချေးယူငွေအနက် ဗဟိုဘဏ်မှ ချေးယူငွေ ပမာဏဟာ ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လတာ ကာလမှာ ရာခိုင်နှုန်း ၂၀ အထိ ကျဆင်းလာခြင်းဟာ သိသာထင်ရှားတဲ့ ညင်သာမှုရှိတဲ့ ဘဏ္ဍာရေးစနစ် ပြောင်းလဲမှုလို့ ပြောလို့ရပါတယ်။ ဒီလိုညင်သာစွာ ပြောင်းလဲမှုကို ဆက်လက် ထိန်းသိမ်းနိုင်ဖို့အတွက် ဗဟိုဘဏ်အနေနဲ့ စီမံ/ဘဏ္ဍာနဲ့ အနီးကပ် ဆက်လက် ညှိနှိုင်းဆောင်ရွက်သွားမှာ ဖြစ်ပါတယ်။ ၂၀၁၈ ခုနှစ် ဧပြီလကနေ စက်တင်ဘာလအထိ ခြောက်လတာအတွင်းမှာ ဖြစ်ပေါ်လာမယ့် ပြည်ထောင်စုအစိုးရ အပ်ငွေစာရင်းရဲ့ လိုငွေအတွက် ကျပ် ၆၄၁ ဒသမ ၀၂၉ ဘီလျံကို မြန်မာနိုင်ငံတော် ဗဟိုဘဏ်က အစိုးရငွေတိုက်လက်မှတ်များ ၀ယ်ယူခြင်းဖြင့် ဖြည့်ဆည်းပေးမှာ ဖြစ်ပါတယ်” ဟု ပြောကြားခဲ့သည်။

ဗဟိုဘဏ်မှ ချေးငွေရယူပါက Monetary Impact ရှိကြောင်း၊ ယင်း Impact သည် Inflation ဟု ခေါ်သည့် ငွေဖောင်းပွမှုကို တိုးလာနိုင်သည့်အတွက် ဗဟိုဘဏ်၏ လိုငွေဖြည့်ဆည်းမှုကို တစ်နှစ်ထက် တစ်နှစ် လျှော့ချလျက် ရှိကြောင်း၊၂၀၁၄-၂၀၁၅ တွင် ပြည်တွင်းမှ ချေးယူနိုင်သည့် ငွေပမာဏ၏ ရာခိုင်နှုန်း ၅၀၊၂၀၁၅-၂၀၁၆ တွင် ၄၇ ဒသမ ၆ ရာခိုင်နှုန်း၊၂၀၁၆-၂၀၁၇ ခုနှစ်တွင် ရာခိုင်နှုန်း ၄၀၊ ၂၀၁၇-၂၀၁၈ ခုနှစ်တွင် ၃၅ ရာခိုင်နှုန်း၊ ၂၀၁၈ ခုနှစ် ဧပြီလမှ စက်တင်ဘာလအထိ ခြောက်လတာ ကာလတွင် ရာခိုင်နှုန်း ၂၀ လျှော့ချ ဆောင်ရွက်လျက် ရှိကြောင်း၊ ယခင် ၁၉၉၀ ခုနှစ်များတွင် အစိုးရလိုငွေအား ဗဟိုဘဏ်မှ ရာခိုင်နှုန်း ၁၀၀ ဖြည့်ဆည်းပေးခဲ့ရခြင်းများ ရှိခဲ့ကြောင်း၊ ယခုနှစ်များတွင် လိုငွေဖြည့်ဆည်းမှုကို လျှော့ချခြင်းအား နိုင်ငံ၏ စီးပွားရေးတွင် Physical Contraction Shock ဟုခေါ်သည့် အစိုးရ၏ အသုံးစရိတ် ရုတ်ချည်းလျှော့ချခြင်းကြောင့် ရုတ်တရက် ကျဆင်းခြင်း မဖြစ်ရအောင် ဗဟိုဘဏ်နှင့် စီမံ/ဘဏ္ဍာဝန်ကြီးဌာနတို့ ညှိနှိုင်းပြီး သတိထား ဆောင်ရွက်နေခြင်း ဖြစ်ကြောင်း ဗဟိုဘဏ် ဒုတိယဥက္ကဋ္ဌက ပြောကြားသည်။

ဦးဘိုဘိုငယ်က “လိုငွေ ဖြစ်ပေါ်လာပါက ထိုလိုငွေကို ပထမဆုံးအနေနဲ့ အစိုးရငွေတိုက်လက်မှတ်နဲ့ ငွေတိုက်စာချုပ်တွေကို ရောင်းချခြင်းနဲ့ ဦးစွာ ဖြည့်တင်းပေးမှာ ဖြစ်ပါတယ်။ အဲဒီလိုဖြည့်တင်းလို့ မလုံလောက်ပါမှ ဖြစ်ပေါ်လာတဲ့ လိုငွေကို ဗဟိုဘဏ်က ၉၂ ရက် သက်တမ်းရှိတဲ့ ငွေတိုက် လက်မှတ်တွေ ၀ယ်ယူခြင်းနဲ့ ဖြည့်တင်းပေးမှာ ဖြစ်ပါတယ်။ ဒါကြောင့် ခန့်မှန်းလိုငွေ ပမာဏကို ကာမိဖို့ ချေးယူနိုင်တဲ့ အများဆုံး ပမာဏအနက် ပြည်တွင်းက ချေးယူမယ့်ပမာဏနဲ့ အဆိုပါပြည်တွင်းက ချေးယူနိုင်တဲ့ ပမာဏအနက် ရာခိုင်နှုန်း ၂၀ အထိသာ ဗဟိုဘဏ်မှ ဖြည့်ဆည်းပေးဖို့ကို အချိန်နဲ့တစ်ပြေးညီ ဆောင်ရွက်နိုင်ဖို့ လိုအပ်တဲ့အတွက် လွှတ်တော်မှ ကြိုတင်ခွင့်ပြုချက်ယူခြင်း ဖြစ်ပါတယ်” ဟုဆိုသည်။

စီမံကိန်းများအတွက် တောင်းဆိုထားသော ဘတ်ဂျက်များအား သတ်မှတ်ချိန်အတွင်း အမှန်တကယ်သုံးစွဲခြင်းမပြုသည့် လုပ်နည်းလုပ်ဟန်များကို ပြောင်းလဲရန်လိုအပ်ကြောင်း လွှတ်တော်ကိုယ်စားလှယ်အချို့ အကြုံပြု

မတ် ၂၂ ရက်က ပြုလုပ်သော ပြည်ထောင်စုလွှတ်တော် အစည်းအဝေးခေတ္တရပ်နားစဉ် လွှတ်တော်ကိုယ်စားလှယ်များအား တွေ့ရစဉ်

စီမံကိန်းများအတွက် တောင်းဆိုထားသော ဘတ်ဂျက်များအား သတ်မှတ်ချိန်အတွင်း အမှန်တကယ်သုံးစွဲခြင်းမရှိသည့် လုပ်နည်းလုပ်ဟန်များကို ပြောင်းလဲရန်လိုအပ်ကြောင်း လွှတ်တော်ကိုယ်စားလှယ်အချို့က အကြံပြုပြောကြားသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ် ခုနစ်နှစ်အတွင်း နောက်ဆက်တွဲ ဘတ်ဂျက်ခွင့်ပြုငွေမှာ ကျပ်ဘီလျံ ၁၃၀၀၀ ကျော်ရှိပြီး ဘတ်ဂျက်ပိုလျှံငွေ အသားတင်ပြန်လည်အပ်နှံမှုမှာ ကျပ်ဘီလျံ ၁၁၀၀၀ ကျော်ရှိကြောင်း ပြည်ထောင်စုလွှတ် တော်ပြည်သူ့ငွေစာရင်းပူးပေါင်းကော်မတီ၏ အစီရင်ခံစာအရ သိရသည်။

“လုပ်ငန်းအတွက် လက်ဝယ်ထုတ်လိုက်တယ်။ ပြီးသွားမှလုပ်ငန်းမဖြစ်ပါဘူးဆိုပြီး ပြန်အပ်မယ်ဆိုရင် ဘယ်လောက် နစ်နာလဲ။ အဲဒီတော့ ကျွန်တော်ပြောချင် တာကချပေးတဲ့ပိုက်ဆံကို မသုံးဘဲနေလိုက်ရင် တစ်နှစ်နာမသွားဘူးလား။ နောက်နှစ်အတွက်လည်း ပြန်တင်ရမယ်။ အဲဒီလိုမျိုး လုပ်တာတွေက အခုနပြောသလိုပေါ့ ပြည်ထောင်စုလွှတ်တော်ကဖြတ်တဲ့ ဘတ်ဂျက်အပေါ်မှာနည်းလို့ ကိုးလို့ကန့်လန့်လုပ်တာရယ်။ အခုနပြောသလိုပေ့ါ။ အတိုးရပြီး လုပ်စားတာတွေရှိမယ်။ နောက်တစ်ခုက မသုံးဘဲနဲ့ကျော်တဲ့အတွက်ကို တစ်နှစ်နောက်ကျသွားပြီ” ဟု ထန်းတစ်ပင်မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးနေမျိုးထွန်းက ပြောကြားသည်။

ထို့ပြင် ပြည်သူ့လွှတ်တော်ကိုယ်စား လှယ်ဦးနေမျိုးထွန်းက စီမံကိန်းများနှင့်ပတ်သက်၍ ချပေးထားသည့် ဘတ်ဂျက်များကို သတ်မှတ်ချိန်အတွင်း အမှန်တကယ်သုံးစွဲရန် လိုအပ်ကြောင်း၊ နိုင်ငံတော်သမ္မတ ဦးဝင်းမြင့်က ပြောကြားထားသည့် တင်သွင်းတောင်း ဆိုထားသည့် ဘတ်ဂျက်များကို အချိန်မီအမှန်တကယ် သုံးစွဲခြင်းမပြုဘဲထားသည့် လုပ်ငန်းလုပ်ဟန်များကို ပြောင်းလဲရလိမ့်မည်ဆိုသည့်အချက်ကို ထောက်ခံကြောင်း ပြောကြားသည်။

“အဲဒါတွေကို ဘယ်လိုစိစစ်ဖို့လိုလဲဆိုတော့ ကျွန်တော်ပြောချင်တာက မြို့နယ်အဆင့်မှာရှိတဲ့ ဘတ်ဂျက်ကို တင်ပြတောင်းဆိုတဲ့ ဌာနတွေအနေနဲ့ မှန်မှန်ကန်ကန်ကွင်းဆင်းပြီးတော့ မြေပြင်အတိုင်း အမှန်တကယ် တွက်ချက်ဖို့လိုတယ်။ နောက်ပြီးတော့ နဂိုတုန်းက PAE နဲ့လုပ်တယ်။ အခုက ဒေသပေါက်ဈေးနဲ့တွက်တယ်။ အဲဒါကိုလည်း တိတိပပ မှန်မှန်ကန်ကန်ကိုယ့်အိတ်ထဲက ငွေကိုသုံးသလို ကျွန်တော်ပြောချင်တာက ဒီလမ်းကိုခင်းမယ်ဆိုရင် အောက်က ကျောက်မခင်းဘဲ ခင်းလည်းအဆင်ပြေတယ်။ အပေါ်ကနေ ကွန်ကရစ်တမ်းလောင်းလို့ရတဲ့ အနေအထား ဆိုရင်လည်း ခံတယ်ဆိုရင် ကျောက်ကိစ္စကို မထည့်နဲ့။ အောက်က ကျောက်ကြမ်းခင်းတာကို မထည့်နဲ့။ ပိုထည့်ထားပြီးတော့ သူတို့က မလိုဘူးဆိုပြီးတော့ အောက်ပိုင်းကို လျော့ပြီးတော့ အပေါ်ပိုင်းနဲ့ လုပ်သွားတော့ စားတာပေါ့ဗျာ။ အဲဒါတွေကိုလည်း နောက်ဆုံး Third Party ဆိုတဲ့အဖွဲ့အစည်းကလည်း မှန်မှန်ကန်ကန် independent body လည်း ဖြစ်ပြီးတော့ တကယ့်ကို အမှန်တကယ်လုပ်ဆောင်နိုင်တဲ့ အဖွဲ့အစည်းဖြစ်ဖို့လည်းလိုတယ်” ဟု ဦးနေမျိုးထွန်းက သုံးသပ်ပြောကြားသည်။

ပြည်သူ့ဘဏ္ဍာများအလေအလွင့် မရှိရန် စီမံခန့်ခွဲနိုင်ရန်အတွက် စီမံကိန်း၏ ကုန်ကျစရိတ်ကို အနီးစပ်ဆုံးတိကျမှန်ကန်စွာ ခန့်မှန်းတွက်ချက်ပြနိုင်ရန်၊ ဒေသ၏ကာလ ပေါက်ဈေးနှင့်အညီ တွက်ချက်နိုင်ရန် ဆောင်ရွက်ရမည်ဖြစ်ကြောင်း၊ ထို့ပြင် တင်သွင်းတောင်းဆိုထားသည့် ဘတ်ဂျက်များကိုလည်း အချိန်မီအမှန်တကယ်သုံးစွဲခြင်း မပြုဘဲထားသည့် လုပ်နည်းလုပ်ဟန်များကို ပြောင်းလဲရမည်ဖြစ်ကြောင်း နိုင်ငံတော်သမ္မတ ဦးဝင်းမြင့်က နှစ်သစ်ကူးနှုတ်ခွန်းဆက်စကားတွင် ထည့်သွင်းပြောကြားထားသည်။

ထို့ပြင် ဘတ်ဂျက်ပမာဏကြီးကြီးစိုက် ထုတ်သုံးစွဲရမည့် စီမံကိန်းကြီးများကို ထိထိရောက်ရောက် စိစစ်နိုင်သည့် အရည်အချင်းများကို စီမံကိန်းစိစစ်ရေးနှင့်တိုးတက်မှု အစီရင်ခံရေးနယ်ပယ်တွင် အမြန်ဆုံးမြှင့်တင်ပေးရမည်ဖြစ်ကြောင်း၊ လုပ်ငန်းစီမံကိန်းများမပြီး စီးဘဲအပြီးပြသည့် အဆင့်ဆင့်သော တာဝန်ရှိပုဂ္ဂိုလ်များ၊ နိုင်ငံတော်ကချမှတ်ထားသည့် တင်ဒါလုပ်ထုံးလုပ်နည်းနှင့် မညီညွတ်သော တင်ဒါခေါ်ယူမှုများ၊ တင်ဒါစည်းမျဉ်းထဲမှ လက်တစ်လုံးခြား လုပ်ကိုင်ဆောင်ရွက်မှုများကို ပြင်းပြင်းထန်ထန် အရေးယူရလိမ့်မည်ဖြစ်ကြောင်း သမ္မတဦးဝင်းမြင့်က ပြောကြားထားသည်။

တောင်းထားသည့် ဘတ်ဂျက်ကို သတ်မှတ်ချက်ချိန်အတွင်း အမှန်တကယ်သုံးစွဲနိုင်ခြင်း မရှိခြင်းအပေါ် ပြုပြင်ပြောင်းလဲရန်ကိစ္စနှင့် ပတ်သက်၍ “အဲဒီဟာကတော့ လုပ်ကိုလုပ်သင့်တဲ့ဟာပဲ။ မလုပ်ဘဲနဲ့ ကျွန်တော်တို့က ဒီအတိုင်းဆက်သွားနေရင် ဒီလိုပဲထပ်ဖြစ်နေမှာပဲ။ အဲဒါကြောင့် ဒီဘက်အစိုးရလက်ထက်မှာ ဘဏ္ဍာနှစ်ကို ပြောင်းလိုက်တာ။ ဘာကြောင့်လဲဆိုရင် ဟိုအရင်တုန်းက ဘဏ္ဍာနှစ်ကြောင့် ခြောက်လလောက်မိုးတွင်းလောက်က အလုပ်မလုပ်ကြရဘူး။ အများအားဖြင့်က။ အခုဟာက ဒီအသစ်နဲ့ဆိုလို့ရှိရင် ကျွန်တော်တို့က ဒါမလုပ်လို့မရ တော့ဘူး။ ချက်ချင်းကို ထလုပ်မှ မဟုတ်ဘူးဆိုလို့ရှိရင် ဟိုအရင်က ပုံစံအတိုင်းပဲ ကြာနေမယ်ဆိုလို့ရှိရင် ကျွန်တော်တို့ ချပေးလိုက်တဲ့  ဘတ်ဂျက်တွေက မိုးတွင်းမှ လုပ်ငန်းစနိုင်မယ့် ပုံစံဖြစ်သွားပြီ။ အဲဒီတော့ ဒီဟာတွေကို ပြုပြင်ပြောင်းလဲမှုတွေတော့ လုပ်လိမ့်မယ်။ လုပ်မှလည်းရမယ်” ဟု ဦးမျိုးဝင်းက ပြောကြားသည်။

ဘတ်ဂျက်ခွင့်ပြုငွေများကို အပြည့်အ၀ သုံးစွဲနိုင်မှု မရှိခြင်းကြောင့် အထွေထွေပိုလျှံ ရန်ပုံငွေသို့ နှစ်စဉ်ကျပ် ဘီလျံထောင်ဂဏန်းအထိ ပြန်လည်အပ်နှံလျက်ရှိရာ ဌာနများအနေဖြင့် ဘတ်ဂျက်တိုးမြှင့်ရရှိမှုနှင့် လိုက်လျောညီထွေဖြစ်ရန် အကောင်အထည်ဖော် ဆောင်ရွက်နိုင်မှုမရှိခြင်းကို သေချာစွာဆန်းစစ် လေ့လာသုံးသပ်ရန် လိုအပ်နေပြီဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီက အကြံပြုထားသည်။

တိုင်းအစိုးရအဖွဲ့ အနေဖြင့် ဘတ်ဂျက် ခွဲဝေရာတွင် မညီမျှမှုများ ရှိနေကြောင်း မကွေးတိုင်းဒေသကြီး လွှတ်တော် အာမခံချက်များ ကတိများနှင့် တာဝန်ခံချက်များ စိစစ်ရေးကော်မတီဥက္ကဋ္ဌ ပြောကြား

မကွေးတိုင်းအစိုးရအဖွဲ့ အနေဖြင့် ဘတ်ဂျက် ခွဲဝေရာတွင် မညီမျှမှုများ ရှိနေပြီး မျက်ကြီးသည့် မြို့များကို များများချပေးပြီး မျက်နှာငယ်သည့် မြို့များကို နည်းနည်းသာ ချပေးနေကြောင်း မကွေးတိုင်းဒေသကြီးလွှတ်တော် အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီဥက္ကဋ္ဌ တိုင်းဒေသကြီး လွှတ်တော်ကိုယ်စားလှယ် ဦးတင်သောင်းက ပြောကြားသည်။

တိုင်းဒေသကြီး အစိုးရအဖွဲ့၏ ဆောင်ရွက်ချက်များသည် အားနည်းမှု ရှိ မရှိ မေးမြန်းမှုအပေါ် ၎င်းက ထိုသို့ ထည့်သွင်းပြောကြားခြင်း ဖြစ်သည်။

မကွေးတိုင်းဒေသကြီး အစိုးရအဖွဲ့က ဖွံ့ဖြိုးရေးလုပ်ငန်းများ လုပ်ကိုင်ရန်အတွက် မြို့နယ်များကို ဘတ်ဂျက် ခွဲဝေချထားရာတွင် ညီမျှမှု မရှိခြင်းကြောင့် အဆိုပါ လုပ်ရပ်များကို ပြင်ဆင်ရန် လိုအပ်နေကြောင်း ဦးတင်သောင်းက ပြောကြားသည်။

“အစိုးရအဖွဲ့ အနေနဲ့လည်း ပြည်သူတွေရဲ့ ဆန္ဒကို အတတ်နိုင်ဆုံး ပြည့်အောင် လုပ်ပေးဖို့ လိုပါတယ်။ ရတဲ့ ဘဏ္ဍာတွေကိုလည်း မြို့နယ်အလိုက် အတတ်နိုင်ဆုံး ညီညီမျှမျှ ဖြစ်အောင် ခွဲပေးပါ။ ညီမျှဖို့လည်း လိုတယ်။ ဥပမာ မျက်နှာကြီးတဲ့ မြို့ကျတော့ အများကြီး ချပေးပြီး မျက်နှာငယ်တဲ့ မြို့ကျတော့ နည်းနည်းချတယ်။ ဒါမျိုးတွေ မဖြစ်အောင် အစီရင်ခံစာထဲမှာလည်း ထည့်ရေးထားပါတယ်။ အဲဒီအတိုင်း ဖြစ်နေတဲ့အတွက် ဒါတွေကို ပြင်ရပါမယ်။ ဒါကို ဥပမာပေးဆိုရင် ဥပမာ မပေးချင်ပါဘူး။ မျက်နှာကြီးတဲ့ မြို့နဲ့ မျက်နှာငယ်တဲ့မြို့လို့ သုံးတာပဲ ကောင်းပါတယ်” ဟု ဦးတင်သောင်းက ပြောကြားသည်။

ထို့အတူ တိုင်းအစိုးရအဖွဲ့ အနေဖြင့် ကတိက၀တ်များကို အကောင်အထည်ဖော်ရာတွင် အားနည်းနေပြီး နှစ်နှစ်အတွင်း လွှတ်တော်၏ မေးခွန်းများကို အကောင်အထည်ဖော်ရာတွင် ရာခိုင်နှုန်း ၃၀ ကျော်ခန့်သာ အကောင်အထည် ဖော်ပေးနိုင်ပြီး လွှတ်တော်က တင်ပြသည့် အဆိုများကိုလည်း ၁၅ ရာခိုင်နှုန်းလောက်သာ လုပ်ဆောင်ပေးနိုင်သေးကြောင်း ၎င်းက ပြောကြားသည်။

မန္တလေးမြို့ စည်ပင်သာယာ ဖွံ့ဖြိုးတိုးတက်ရေးအတွက် အဓိက အခက်အခဲမှာ ဘတ်ဂျက်ပြဿနာ ဖြစ်ကြောင်း မြို့တော်ဝန် ပြောကြား

မန္တလေးမြို့ စည်ပင်သာယာ ဖွံ့ဖြိုးတိုးတက်ရေးအတွက် အိမ်မက်မက်လျှင်ပင် ထည့်မက်နေပြီး အဓိက အခက်အခဲမှာ ဘတ်ဂျက်ပြဿနာ ဖြစ်ကြောင်း ဧပြီ ၄ ရက် မွန်းလွဲ ၂ နာရီက မန္တလေးမြို့ စည်ပင်သာယာခန်းမတွင် ပြုလုပ်သော စည်ပင်သာယာ ၀န်ထမ်းများနှင့် တွေ့ဆုံပွဲ၌ မန္တလေးမြို့တော်ဝန် ဒေါက်တာရဲလွင်က ပြောကြားသည်။

“မန်းစည်ပင်မှာ အားသာချက်တွေ ရှိသလို အားနည်းချက်တွေလည်း ရှိပါတယ်။ ဌာနအချင်းချင်း ပေါင်းစပ်ညှိနှိုင်းမှု အားနည်းတဲ့ အပိုင်းလေးတွေလည်း ရှိသလို တချို့ဌာနတွေမှာ ၀န်ထမ်းအင်အား ဖောင်းပွတာတွေလည်း ရှိပါတယ်။ အားနည်းချက်၊ အားသာချက်တွေကို ပြန်လည်ဆန်းစစ် သုံးသပ်နေတာပါ။ စည်ပင်သာယာရေး လုပ်ငန်းစဉ်တွေကို လုပ်ဆောင်တဲ့အခါမှာ အဓိကကြုံရတဲ့ ပြဿနာက မန္တလေး စည်ပင်သာယာဟာ မိမိ ခြေထောက်ပေါ် မိမိ ရပ်တည်ရတဲ့ဌာန ဖြစ်တဲ့အတွက် ဘက်ဂျက်အခက်အခဲ ရှိပါတယ်။ လုပ်ချင်တာတွေ၊ လုပ်မယ့် အစီအစဉ်တွေ အများကြီးရှိပေမယ့် ဘက်ဂျက်ပေါ် မူတည်ပြီး ချိန်ဆ လုပ်နေရတာတွေ ရှိပါတယ်”ဟု ဒေါက်တာ ရဲလွင်က ပြောကြားသည်။

စည်ပင်သာယာ လက်အောက်ရှိ ဌာနခွဲ ၁၄ ခု၏ လုပ်ငန်းစဉ်များ ပိုမို တိုးတက်စေရေးအတွက် ဗဟိုချုပ်ကိုင်မှုကို လျှော့ချထားပြီး ကော်မတီဝင်များကို လုပ်ပိုင်ခွင့် အပြည့်အ၀ ပေးထားသကဲ့သို့ ဌာနမှူးများကိုလည်း လုပ်ပိုင်ခွင့်များ ပေးထားကြောင်း၊ ၀န်ထမ်းအင်အား ဖောင်းပွနေမှုများကို ကိုင်တွယ်ရန်အတွက် ရုံးတက်ရုံးဆင်းချိန် စာအုပ်တွင် လက်မှတ်ရေးထိုးသည့် စနစ်အစား လက်ဗွေစနစ်ဖြင့် အစားထိုးရန် လုပ်ဆောင်နေပြီး လာမည့် ခြောက်လပိုင်းတွင် စတင်နိုင်မည်ဟု ခန့်မှန်းထားကြောင်း ဒေါက်တာ ရဲလွင်က ဆိုသည်။

 

ဌာနဆိုင်ရာ ရုံးအသုံးအဆောင်ပစ္စည်းများ ၀ယ်ယူရာတွင် ပစ္စည်းအမျိုးအစားချင်း တူသော်လည်း တောင်းခံငွေ ကွာခြားနေကြောင်း ရန်ကုန်တိုင်းဒေသကြီး ပြည်သူ့ငွေစာရင်းကော်မတီဥက္ကဋ္ဌ ပြောကြား

ဌာနဆိုင်ရာ ရုံးအသုံးအဆောင်ပစ္စည်းများ ၀ယ်ယူရာတွင် ပစ္စည်းအမျိုးအစားချင်း တူသော်လည်း တောင်းခံငွေ ကွာခြားနေကြောင်း ရန်ကုန်တိုင်းဒေသကြီး လွှတ်တော် ပြည်သူ့ငွေစာရင်းကော်မတီဥက္ကဋ္ဌ ဦးတင့်လွင်က ပြောကြားသည်။

အဆိုပါကိစ္စ မတ် ၂၈ ရက်တွင် ပြုလုပ်သည့် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန် အစည်းအဝေး ၁၈ ရက်မြောက်တွင် ၂၀၁၈ ခုနှစ် ရန်ကုန်တိုင်းဒေသကြီး၏ ဘဏ္ဍာငွေ အရအသုံးဆိုင်ရာ ဥပဒေကြမ်းနှင့် ပတ်သက်ပြီး ပြည်သူ့ငွေစာရင်းကော်မတီ၏ တွေ့ရှိချက်များကို ရန်ကုန်တိုင်းဒေသကြီးလွှတ်တော် ပြည်သူ့ငွေစာရင်းကော်မတီဥက္ကဋ္ဌ ဦးတင့်လွင်က တင်ပြရာ၌ ထည့်သွင်းပြောကြားခဲ့ခြင်း ဖြစ်သည်။

“ဌာနဆိုင်ရာများမှ ရုံးအသုံးအဆောင် ပစ္စည်းများ ၀ယ်ယူရာမှာ ပစ္စည်းအမျိုးအစားချင်း တူပါလျက် တောင်းခံငွေ ကွာခြားနေခြင်း၊ အမျိုးအစားနှင့် မော်ဒယ်ကို တိကျစွာ ဖော်ပြထားခြင်း တောင်းခံမှု စံတူညီမှုမရှိဘဲ အချို့ဌာနများက တွဲလျက် တင်ပြပြီး အချို့ဌာနများက ခွဲပြီး တင်ပြခြင်းများကို တွေ့ရှိရပါတယ်။ အထူးသဖြင့် ကွန်ပျူတာ ၀ယ်ယူမှုအတွက် တောင်းခံရာမှာအချို့က UPS နှင့်တွဲလျက် တောင်းခံခြင်း၊ အချို့က Printer နှင့်တွဲလျက် တောင်းခံခြင်း၊ အချို့က သီးခြားစီ တောင်းခံခြင်းမျိုးကို တွေ့ရှိရပါတယ်။ အချို့ဌာနများ အနေဖြင့် ကွန်ပျူတာများ ၀ယ်ယူရာမှာ မော်ဒယ်မြင့်များအပြင် Memory နှင့် Graphic Card ပမာဏများများ ၀ယ်ယူခွင့် တောင်းခံထားသည်ကို တွေ့ရပြီး မည်သည့်အတွက်ကြောင့် ထိုမျှလိုအပ်သည်ကို ရှင်းလင်းဖော်ပြချက် မတွေ့ရပါဘူး” ဟု ဦးတင့်လွင်က ဆိုသည်။

ထို့ပြင် ဌာနတစ်ခုတည်းမှ တင်ပြသော အမျိုးအစားတူ လုပ်ငန်းများအတွက် လျာထား တောင်းခံမှုတွင် ရန်ကုန်မြို့တွင်း (Down Town) မြို့နယ်များနှင့် ကပ်လျက်မြို့နယ် နှစ်ခုတွင်ပင် တွက်ချက်မှု ကွဲပြားနေသည်ကို တွေ့ရှိရကြောင်း၊ ဥပမာအားဖြင့် ရန်ကုန်မြို့တော် စည်ပင်သာယာရေး ကော်မတီ၊ စီမံရေးရာဌာန၊ နောက်ဖေးလမ်းကြား ကွန်ကရစ်ခင်းခြင်း၌ ကျောက်တံတားမြို့နယ်တွင် လမ်းအကျယ် ၁၆ ပေ၊ ထု သုည ဒသမ ၆ လက်မ၊ လမ်းအရှည် ပေ ၃၅၀ အတွက် ၁၅ ဒသမ၂၃၁ သန်း တောင်းခံထားရာ ပန်းဘဲတန်းမြို့နယ်တွင် လမ်းအကျယ်နှင့် ထုပါတူညီသည့် အရှည်ပေအတွက် အထပ်ပါစံနှုန်းအရ အများဆုံး သန်း ၃၀ ခန့်သာဖြင့် သင့်သော်လည်း ၄၇ ဒသမ ၁၂၅ သန်း တောင်းခံထားကြောင်း ဦးတင့်လွင်က ပြောကြားသည်။

ထို့ပြင် တံတား တည်ဆောက်ရေးလုပ်ငန်း သုံးခုနှင့် ပတ်သက်ပြီး ဘဏ္ဍာငွေ ထပ်မံတောင်းခံခြင်းသည် တင်ဒါခေါ်ယူပြီးနောက် ငွေကွာခြားနေသည့်အတွက် လိုအပ်ငွေကို ထပ်မံတောင်းခံခြင်း သို့မဟုတ် ဆောင်ရွက်ဆဲ လုပ်ငန်းအတွက် လိုအပ်သောငွေကို တောင်းခံခြင်း ဖြစ်မည်ဟု ယူဆကြောင်း၊ ထိုသို့ တောင်းခံမှုများသည် ဘဏ္ဍာရေး စည်းမျဉ်းများနှင့် ညီညွတ်မှုမရှိဘဲ ယခင်ဘဏ္ဍာရေးနှင့် အသုံးစရိတ်ဖြင့် မလုံလောက်လျှင် ပြန်လည်အပ်နှံစေပြီး ဘဏ္ဍာနှစ်အသစ်တွင် လိုအပ်သော အထောက်အထားဖြင့် ပြန်လည် တောင်းခံသင့်ကြောင်း၊ တင်ဒါခေါ်ယူပြီးနောက် ကွာခြားငွေကို နောက်ဘဏ္ဍာနှစ်တွင် တောင်းခံမည့်အစား ဖြည့်စွက် ဘတ်ဂျက်တွင် တောင်းခံနိုင်ရန်အတွက် တင်ဒါခေါ်ယူခြင်း လုပ်ငန်းများကို ဖြည့်စွက် ဘတ်ဂျက်ကာလ မတိုင်မီ ဆောင်ရွက်သင့်ကြောင်း၊ သို့ မှသာ လိုအပ်ငွေကို ဖြည့်စွက်ဘတ်ဂျက်တွင် တောင်းခံနိုင်မည် ဖြစ်ကြောင်း ဦးတင့်လွင်က ပြောကြားသည်။

“ယခုဘဏ္ဍာရေးနှစ်က ခြောက်လတာ ကာလအတွင်း ထူးခြားသော ဘဏ္ဍာရေးကာလ ဖြစ်သည့်အားလျော်စွာ ဘဏ္ဍာရေးကာလ မကုန်မီ ပြီးစီးရန် မဖြစ်နိုင်သော လုပ်ငန်းများ၊ အကြောင်းအမျိုးမျိုးကြောင့် အကောင်အထည်ဖော် ဆောင်ရွက်ခြင်း မပြုနိုင်တဲ့ လုပ်ငန်းများ အနေဖြင့် မသုံးစွဲဖြစ်သော ဘဏ္ဍာငွေများကို အမြန်ဆုံးပြန်လည် အပ်နှံသင့်ပါတယ်။ သို့မှသာ ဆောင်ရွက်ဆဲ လုပ်ငန်းများ နဲ့ ဘဏ္ဍာငွေ မလုံလောက်တဲ့ လုပ်ငန်းများအတွက် ဘဏ္ဍာငွေ ထပ်မံခွဲဝေချထားပေးခြင်းကို အချိန်မီ ဆောင်ရွက်နိုင်မှာ ဖြစ်ပါတယ်။ ထို့ကြောင့် ငွေပြန်လည် အပ်နှံရမည့်လုပ်ငန်းများ အချိန်မီပြန်လည် အပ်နှံနိုင်ရေးအတွက် ဖြစ်သင့်သော ကာလတစ်ခု သတ်မှတ်ပြီး ဆောင်ရွက်သင့်ပါတယ်” ဟု ဦးတင့်လွင်က ပြောကြားသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ် ခုနစ်နှစ်အတွင်း နောက်ဆက်တွဲ ဘတ်ဂျက်ခွင့်ပြုငွေ ကျပ်ဘီလျံ ၁၃၀၀၀ ကျော်ရှိပြီး ဘတ်ဂျက် ပိုလျှံငွေများ အသားတင် ပြန်လည်အပ်နှံမှုမှာ ကျပ်ဘီလျံ ၁၁၀၀၀ ကျော် ရှိသည့်အတွက် ကိုယ်ဆွဲသည့် ဘတ်ဂျက်အပေါ် အလေးထားမှု အားနည်းကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဝေဖန်

ဖေဖော်ဝါရီ ၁၆ ရက်က နေပြည်တော်တွင် ပြုလုပ်သော ပြည်ထောင်စုလွှတ်တော် အစည်းအဝေး မစတင်မီ တက်ရောက်လာသူများကို တွေ့ရစဉ်

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ် ခုနစ်နှစ်အတွင်း နောက်ဆက်တွဲ ဘတ်ဂျက်ခွင့်ပြုငွေမှာ ကျပ်ဘီလျံ ၁၃၀၀၀ ကျော်ရှိပြီး ဘတ်ဂျက်ပိုလျှံငွေ အသားတင်ပြန်လည် အပ်နှံမှုမှာ ကျပ်ဘီလျံ ၁၁၀၀၀ ကျော်ရှိကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

၂၀၁၈ ခုနှစ် ဧပြီမှ စက်တင်ဘာအထိ ခြောက်လအတွက် ပြည်ထောင်စု၏ အရအသုံးခန့်မှန်းခြေ ငွေစာရင်းနှင့် ၂၀၁၈ ခုနှစ် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေကြမ်းအပေါ် ငွေကြေးဆိုင်ရာ သုံးသပ်ချက် အစီရင်ခံစာကို ပြည်သူ့ငွေစာရင်း ပူးပေါင်းကော်မတီက ပြည်ထောင်စုလွှတ်တော်သို့ တင်သွင်းခဲ့သည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇- ၂၀၁၈ ဘဏ္ဍာနှစ်အထိ နှစ်အလိုက် နောက်ဆက်တွဲ ဘတ်ဂျက်ခွင့်ပြုငွေ စုစုပေါင်းမှာ ကျပ် ၁၃၀၇၃ ဘီလျံဖြစ်ပြီး ဘတ်ဂျက်ပိုလျှံငွေများ ပြန်လည်အပ်နှံငွေမှာ ကျပ် ၁၄၆၂၃ ဘီလျံဖြစ်ကာ အပ်နှံငွေမှ လွှဲပြောင်းသုံးငွေမှာ ကျပ် ၃၀၂၂ ဘီလျံ ဖြစ်သည့်အတွက် အသားတင် အပ်နှံငွေမှာ ကျပ် ၁၁၆၀၁ ဘီလျံ ဖြစ်ကြောင်း ကော်မတီအစီရင်ခံစာအရ သိရသည်။

“ပြောမယ်ဆိုရင်တော့ အချက်တွေက အများကြီးပေါ့။ လုပ်မယ်လို့ ယူထားပြီးတော့ မလုပ်နိုင်တဲ့ အခါကျတော့ တကယ်လိုတဲ့ နေရာတွေ မရခဲ့ဘူးပေါ့။ အမှန်တကယ်ဆိုရင် အစကတည်းက ကိုယ်မလုပ်နိုင်ဘူး။ အကောင်အထည်ဖော် ဆောင်ရွက်နိုင်မှုအခြေအနေ မရှိလို့ရှိရင် လိုအပ်သလောက်ပဲ တောင်းထားမယ် ဆိုလို့ရှိရင် တခြားလိုတဲ့နေရာတွေကို ဖြည့်ပြီး ပေးနိုင်တာပေါ့။ အဲဒါနဲ့ ပတ်သက်လို့ အရင်တုန်းက ပြည်သူ့ငွေစာရင်းကော်မတီ အတွင်းရေးမှူး ဦးမောင်တိုးလည်း ပြောဖူးတယ်။ ကျွန်တော်တို့ ဘတ်ဂျက်တောင်းတာ ဘူဖေး စားသလိုပဲတဲ့။ ကိုယ့်ပန်းကန်ထဲမှာ ထည့်ထားပြီးတော့ နောက်တော့ မကုန်နိုင်တဲ့သဘော ဖြစ်သွားတာပေါ့ဗျာ”ဟု ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဦးအောင်မင်းက The Daily Eleven သတင်းစာကို ပြောကြားသည်။

သမ္မတဟောင်း ဦးသိန်းစိန် အစိုးရလက်ထက် ၂၀၁၁-၂၀၁၂ ဘဏ္ဍာနှစ်မှ ၂၀၁၅- ၂၀၁၆ ဘဏ္ဍာနှစ်အထိ နောက်ဆက်တွဲ ဘတ်ဂျက်ခွင့်ပြုငွေ စုစုပေါင်းမှာ ကျပ် ၉၃၇၁ ဘီလျံ ဖြစ်ပြီး အသားတင် ပြန်လည်အပ်နှံငွေမှာ ကျပ် ၉၉၁၄ ဘီလျံဖြစ်ကြောင်း ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

ထို့ပြင် လက်ရှိသမ္မတ ဦးထင်ကျော် အစိုးရလက်ထက် ၂၀၁၆-၂၀၁၇ ဘဏ္ဍာနှစ်တွင် နောက်ဆက်တွဲ ဘတ်ဂျက်ခွင့်ပြုငွေမှာ ၁၂၈၄ ဘီလျံဖြစ်ပြီး အသားတင်ပြန်လည် အပ်နှံငွေမှာ ကျပ် ၁၆၈၇ ဘီလျံဖြစ်ကြောင်း ပြည်သူ့ငွေစာရင်း ပူးပေါင်းကော်မတီက ဆိုသည်။

လက်ရှိ ၂၀၁၇-၂၀၁၈ ဘဏ္ဍာနှစ် နောက်ဆက်တွဲ ဘတ်ဂျက်ခွင့်ပြုငွေမှာ ကျပ် ၂၄၁၈ ဘီလျံဖြစ်ပြီး ဘဏ္ဍာနှစ်မှာ မတ်လကုန်တွင် ကုန်ဆုံးမည် ဖြစ်သည်။

ဘတ်ဂျက်ခွင့်ပြုငွေများကို အပြည့်အ၀ သုံးစွဲနိုင်မှု မရှိခြင်းကြောင့် အထွေထွေ ပိုလျှံရန်ပုံငွေသို့ နှစ်စဉ် ကျပ်ဘီလျံ ထောင်ဂဏန်းအထိ ပြန်လည်အပ်နှံလျက်ရှိရာ ဌာနများအနေဖြင့် ဘတ်ဂျက် တိုးမြှင့်ရရှိမှုနှင့် လိုက်လျောညီထွေဖြစ်ရန် အကောင်အထည်ဖော် ဆောင်ရွက်နိုင်မှု မရှိခြင်းကို သေချာစွာ ဆန်းစစ်လေ့လာသုံးသပ်ရန် လိုအပ်နေပြီ ဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီက အကြံပြုထားသည်။

“ကိုယ်က ရသမျှ တောင်းလိုက်တဲ့အခါကျတော့ တကယ်မရတဲ့ ဌာနတွေမှာ မလုပ်နိုင်တာတွေ ရှိတယ်။ နောက်တစ်ခုက လိုငွေနဲ့ ပေးရတာဖြစ်တဲ့အတွက် ဒီလိုအများကြီး မလုပ်နိုင်ဘဲနဲ့ ဘတ်ဂျက်ကြီးမှာ လျာထားလိုက်တဲ့ အခါကျတော့ လိုငွေစည်းမျဉ်းက ပေါ်သွားရော။ ပေါ်သွားတော့ အများရဲ့ အမြင်မှာဟာ နိုင်ငံတော်မှာ လိုငွေတွေ ဒီလောက်ကြီး ရှိလာတယ်။ လိုငွေဖြစ်လာပြီ ဆိုရင်တော့ ဗဟိုဘဏ်ကတော့ ငွေရိုက်ရတော့မှာပဲဆိုပြီးမှ ကုန်ဈေးနှုန်းတက်တာတို့ ငွေကြေးဖောင်းပွမှု ဖြစ်တာတို့ဆိုတာ ဒါတွေပါပဲ။ တစ်တိုင်းပြည်လုံး ခံစားရတာပါ။ ကိုယ် ကိုယ်တိုင်ရေးဆွဲပြီး လုပ်ပါမယ်လို့ Commitment လုပ်တဲ့ လုပ်ငန်းတစ်ခုကို အကောင်အထည်ဖော်နိုင်တဲ့နေရာမှာ မဖော်နိုင်ဘဲနဲ့ အကြောင်းကြောင်းကြောင့် မဖော်နိုင်တဲ့နေရာမှာတော့ ကိုယ့်ရဲ့ ဘတ်ဂျက်ပေါ်မှာ ထားတဲ့ အလေးထားမှုဟာ အားနည်းသွားတာပေါ့” ဟု ဦးအောင်မင်းက ပြောကြားသည်။

အစိုးရ၏ ဘတ်ဂျက်လိုငွေကြောင့် ဖြစ်ပေါ်လာသော အတိုးပေးဆပ်မှုကို လျှော့ချနိုင်ရန် အကြောင်းတစ်ခုတည်းဖြင့် အတိုးနှုန်းလျှော့ချရန် ဆောင်ရွက်ခြင်းသည် အခြားပိုမိုပြင်းထန်သည့် အကျိုးဆက်ကိုလည်း ဖြစ်ပေါ်စေနိုင်ကြောင်း သတိပြုရမည်ဟု ဗဟိုဘဏ်ဒုတိယဥက္ကဋ္ဌ ပြည်ထောင်စုလွှတ်တော်တွင် ရှင်းလင်း

ဇန်န၀ါရီ ၃၁ ရက်က ပြုလုပ်သော ပြည်ထောင်စုလွှတ်တော် အစည်းအဝေးသို့ တက်ရောက်လာသူများကို တွေ့ရစဉ် (ဓာတ်ပုံ-စည်သူ)

အစိုးရ၏ ဘတ်ဂျက်လိုငွေကြောင့် ဖြစ်ပေါ်လာသော အတိုးပေးဆပ်မှုကို လျှော့ချနိုင်ရန် အကြောင်းတစ်ခုတည်းဖြင့် အတိုးနှုန်းလျှော့ချရန် ဆောင်ရွက်ခြင်းသည် အခြားပိုမို ပြင်းထန်သည့် အကျိုးဆက်ကိုလည်း ဖြစ်ပေါ်စေနိုင်ကြောင်း သတိပြုရမည်ဟု ဗဟိုဘဏ် ဒုတိယဥက္ကဋ္ဌက ပြည်ထောင်စုလွှတ်တော်တွင် ရှင်းလင်းပြောကြားသည်။

နေပြည်တော်၌ ဇန်န၀ါရီ ၃၁ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် သတ္တမပုံမှန်အစည်းအဝေး ဆဋ္ဌမနေ့တွင် ပြည်ထောင်စုအစိုးရအဖွဲ့မှ ပေးပို့သော ၂၀၁၆ -၂၀၁၇ ဘဏ္ဍာနှစ် အစိုးရ၏ ကြွေးမြီဆိုင်ရာ နှစ်ပတ်လည်အစီရင်ခံစာ အပါအ၀င် လွှတ်တော်ကိုယ်စားလှယ်များ၏ ဆွေးနွေးချက်များနှင့် စပ်လျဉ်း၍ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးစိုးမင်းက ပြန်လည်ရှင်းလင်းပြောကြားရာတွင် အထက်ပါအတိုင်း ပြောကြားခဲ့ခြင်းဖြစ်သည်။

“စီမံကိန်းနဲ့ ဘဏ္ဍာရေးဝန်ကြီးဌာနရဲ့ ရည်မှန်းချက်မှာ မိမိဘတ်ဂျက်လိုငွေကို ဖြည့်ဆည်းဖို့ ဗဟိုဘဏ်က ချေးယူခြင်း လျှော့ချနိုင်အောင် ရည်မှန်းထားတာဖြစ်တဲ့အတွက် လိုအပ်သော ငွေကြေးပမာဏရအောင် ဈေးကွက်အခြေအနေအရ အတိုးနှုန်းပေးအပ်ဖို့လည်း လိုအပ်ပါတယ်။ ဒီလိုမှမဟုတ်ဘဲ မိမိပေးချင်တဲ့ အတိုးနှုန်းအတိုင်း လျှော့ချပေးမယ်ဆိုရင် မိမိလိုအပ်သော ငွေကြေးပမာဏကို မရရှိဘဲ ဗဟိုဘဏ်ကပဲ ငွေချေးယူနေရမှာ ဖြစ်ပါတယ်။ အတိုးနှုန်း မကြိုက်လို့ ပြည်သူတွေနဲ့ ဈေးကွက် အစိုးရငွေတိုက်စာချုပ်တွေမှာ ရင်းနှီးမြှုပ်နှံမှု မပြုဘူးဆိုရင် စီးပွားရေးအတွင်းမှာ ငွေကြေးလိုအပ်တာထက် ပိုလျှံနေပြီး ငွေကြေးဖောင်းပွမှုကို ဖြစ်စေမှာဖြစ်ပါတယ်။ ငွေကြေးဖောင်းပွမှုဖြစ်လာရင် စီးပွားရေးတစ်ခုလုံး ပြည်သူတစ်ရပ်လုံးကို ထိခိုက်လာမှာ ဖြစ်ပါတယ်။ ဒါကြောင့် အစိုးရရဲ့ ဘတ်ဂျက်လိုငွေကြောင့် ဖြစ်ပေါ်လာရတဲ့ အတိုးပေးဆပ်မှုကို လျှော့ချနိုင်ဖို့ အကြောင်းတစ်ခုတည်းနဲ့ အတိုးနှုန်းလျှော့ချဖို့ ဆောင်ရွက်တာဟာ အခြားပိုမိုပြင်းထန်တဲ့ အကျိုးဆက်ကိုလည်း ဖြစ်ပေါ်စေနိုင်ကြောင်း သတိပြုရမှာဖြစ်ပါတယ်”ဟု ဦးစိုးမင်းက ပြောကြား သည်။

ထို့ပြင် ဘဏ်အတိုးနှုန်းကို လျှော့ချပါက စီးပွားရေးလုပ်ငန်းများ၏ မတည်ရင်းနှီးမှုအတွက် ကုန်ကျစရိတ်ကို လျှော့ချစေနိုင်သည်မှာ မှန်သော်လည်း အခြေခံပြည်သူများ၏ ခံစားခွင့်နှင့် စုဆောင်းငွေပမာဏကို အဓိက ကြည့်ရန်လိုကြောင်း မြန်မာနိုင်ငံတော် ဗဟိုဘဏ်ဒုတိယဥက္ကဋ္ဌ ဦးစိုးမင်းက ဆိုသည်။

ပုဂ္ဂလိကဘဏ်များ၌ အပ်နှံငွေ စုစုပေါင်း ဘီလျံ ၂၇၀၀၀ တွင် Saving and Fixed Deposit သည် ဘီလျံ ၂၂၀၀၀ ရှိပြီး အပ်ငွေ အားလုံး၏ ရာခိုင်နှုန်း ၈၀ ရှိကြောင်း၊ အဆိုပါ စုဆောင်းငွေများသည် အခြေခံနှင့် လူလတ်တန်းစားများ၏ ပင်စင်လစာကို မှီခိုကြရသည့် ပင်စင်စားများ၊ စီးပွားရေးလုပ်ငန်းများနှင့် များစွာ ဆက်စပ်မှုမရှိသည့် ပြည်သူများ၏ အပ်နှံငွေများဖြစ်ကြောင်း၊ အတိုးနှုန်းချလိုက်ခြင်းဖြင့် Saving မအပ်ကြတော့၍ ငွေကြေးစနစ် ထိခိုက်မည်ထက် အခြေခံပြည်သူများကို ရိုက်ခတ်ခြင်းသည် နိုင်ငံ၏ စီးပွားရေးနယ်ပယ်ကိုသာမက လူမှုရေး၊ နိုင်ငံရေးနယ်ပယ်အထိ ကြီးမားသော ထိခိုက်သက်ရောက်မှုများကို ဖြစ်ပေါ်စေမည်ဖြစ်ကြောင်း ၎င်းက ပြောကြားသည်။

ဗဟိုဘဏ်မှ အတိုးနှုန်းလျှော့ချရန် အစီအစဉ်မရှိခြင်းနှင့် ပတ်သက်ပြီး အတိုးနှုန်း လျှော့ချရန် ဆွေးနွေးခဲ့သည့် ဒဂုံမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါက်တာ သက်သက်ခိုင်က “ဗဟိုဘဏ်က သတ်မှတ်ထားတဲ့ အတိုးနှုန်းတွေ လျှော့ချဖို့ပေ့ါနော်။ လျှော့ချဖို့ဆိုတာ မတရားလျှော့ချခိုင်းတာ မဟုတ်ဘူး။ အပ်ငွေပေါ်မှာ ရှစ်ရာခိုင်နှုန်းကို ခုနစ်ရာခိုင်နှုန်း လျှော့ချခိုင်းတယ်။ ချေးငွေပေါ်မှာ ၁၃ ရာခိုင်နှုန်းကို ၁၁ ရာခိုင်နှုန်း လျှော့ချခိုင်းတယ်ပေ့ါနော်။ အဲဒီလို လျှော့ချ ခိုင်းတာ။ ကျွန်မ သုံးဦးသုံးဖလှယ် စဉ်းစားတယ်။ နံပါတ် (၁) က ဘာလဲဆိုရင် ဘဏ်တွေ အဆင်ပြေပါ့မလား။ နံပါတ် (၂) က ဘဏ်မှာ အပ်တဲ့သူတွေ အဆင်ပြေပါ့မလား။ နံပါတ် (၃) ကကျတော့ ဘဏ်ကနေ ငွေချေးပြီးတော့ အလုပ်လုပ်တဲ့ စီးပွားရေးလုပ်ငန်းတွေ အဆင်ပြေပါ့မလားလို့ သုံးဦးသုံးဖလှယ် စဉ်းစား တယ်။ ဒါပေမဲ့ ဘဏ်က ငွေချေးတာက စီးပွားရေးလုပ်ငန်း တစ်ခုတည်းမဟုတ်ဘူး။ အစိုးရကိုယ်တိုင်က ငွေချေးနေရတယ်။ ပြည်သူဆီက ဘဏ်ကနေတစ်ဆင့် ငွေချေးတယ်ဆိုတာ ပြည်သူ့ပိုက်ဆံကို အစိုးရငွေချေးနေရတာ။ အစိုးရက အကြွေးအများဆုံးပဲ။ ၁၈ ဒသမ ၀၂ ထြီလျံ ရှိတယ်။ အဲဒီအပေါ်မှာ ပေးနေရတာ။ အတိုးနှုန်းက တစ်ရာခိုင်နှုန်းလေး လျှော့ချလိုက်ရင် ဆီလျော်ပါတယ်လို့ ကျွန်မက လွှတ်တော်မှာ ဆွေးနွေးတာပေ့ါနော်။ ဗဟိုဘဏ်က ပြန်ဖြေသွားတဲ့ ပုံကကျတော့ ဗဟိုဘဏ်မှာလာပြီးစုတဲ့ ရာခိုင်နှုန်း ၈၀ ဟာ ပင်စင်စားတွေလိုမျိုး ပင်စင်စားတွေကလာပြီး ရာခိုင်နှုန်း ၈၀ ရှိတယ်ဆိုတော့ ဒါအများစုဖြစ်တဲ့အတွက် ရှစ်ရာခိုင်နှုန်းကို ခုနစ်ရာခိုင်နှုန်း မပြောင်းနိုင်ဘူးလို့ ပြောတာပေ့ါနော်။ တိုင်းပြည်တစ်ခုကို ကြည့်ရင် အစိုးရတစ်ရပ်ရဲ့ တာဝန်က အလုပ်အကိုင်အခွင့်အလမ်းတွေ တိုးတက်အောင်လုပ်ရမယ်။ အလုပ်လက်မဲ့တွေ နည်းအောင်လုပ်ရမယ်။ ဒါအစိုးရတစ်ရပ်ရဲ့ တာဝန်ပဲ။ အဲဒါလုပ်ဖို့ စီးပွားရေးကဏ္ဍ ဖွံ့ဖြိုးတိုးတက်ရမယ်။ စီးပွားရေးကဏ္ဍ ဖွံ့ဖြိုးတိုးတက်ဖို့ဆိုရင် လုပ်သာကိုင်သာရှိတဲ့ အတိုးနှုန်းတွေ လုပ်ပေးရမယ်။ ကျွန်မပြောတဲ့ အတိုးနှုန်းက မရိုင်းပါဘူး။ လုပ်ပေးချင်စိတ်ရှိရင် လုပ်ပေးလို့ရတယ်။ ဒါပေမဲ့ မလုပ်ပေးဘူး။ ဒါကတော့ ရေရှည်မှာကြည့်ရမှာပေါ့။ ၂၀၁၈၊ ခြောက်လရယ်။ ၂၀၁၈ – ၂၀၁၉ ဘတ်ဂျက်မှာ စီးပွားရေးတွေ ဘယ်လိုဖြစ်မှာမလဲဆိုတာ ကြည့်ရင်တော့ အဖြေက ပေါ်လာမှာပါ”ဟု ပြောကြားသည်။

မည်သည့် အတိုးနှုန်းမဆို ငွေကြေးဖောင်းပွမှုနှုန်းထက် သာရမည်ဖြစ်ပြီး ၂၀၁၈ ခုနှစ် ဧပြီမှ စက်တင်ဘာအထိ ခြောက်လ ကြားဖြတ်ဘတ်ဂျက်တွင် စီမံကိန်းနှင့် ဘဏ္ဍာရေးဝန်ကြီးဌာနမှ ခန့်မှန်းထားသည့် ငွေကြေးဖောင်းပွမှုနှုန်းထားသည် ငါးရာခိုင်နှုန်း အောက်တွင် ရှိသောကြောင့် မိမိတောင်းဆိုသည့် ခုနစ်ရာခိုင်နှုန်းသည် ဆီလျော်ကြောင်း ဒေါက်တာသက်သက်ခိုင်က ပြောကြားသည်။