၂၀၁၆-၂၀၁၇ ဘဏ္ဍာနှစ်အတွင်း ပြည်ပချေးငွေ အမေရိကန်ဒေါ်လာ သန်း ၁၇၀၀ ကျော်ရှိပြီး လျှပ်စစ်နှင့် စွမ်းအင်ဝန်ကြီးဌာနမှ အများဆုံး ချေးယူထားကြောင်း သိရ

၂၀၁၆-၂၀၁၇ ဘဏ္ဍာနှစ်အတွင်း ပြည်ပချေးငွေ အမေရိကန်ဒေါ်လာ သန်း ၁၇၀၀ ကျော်ရှိပြီး လျှပ်စစ်နှင့် စွမ်းအင်ဝန်ကြီးဌာနက ချေးငွေအများဆုံး ချေးယူထားကြောင်း စီမံကိန်းနှင့် ဘဏ္ဍာရေးဝန်ကြီးဌာနမှ သိရသည်။

နေပြည်တော်၌ ဇန်န၀ါရီ ၁၉ ရက်က ပြုလုပ်သည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး စတုတ္ထနေ့တွင် ပြည်ထောင်စုအစိုးရအဖွဲ့မှ ပေးပို့ သော ၂၀၁၆-၂၀၁၇ ဘဏ္ဍာနှစ်အစိုးရ၏ ကြွေးမြီဆိုင်ရာ အစီရင်ခံစာနှင့် စပ်လျဉ်းပြီး စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်က လွှတ်တော်သို့ တင်သွင်းခဲ့ခြင်းဖြစ်သည်။

“၂၀၁၆-၂၀၁၇ ဘဏ္ဍာနှစ်အတွင်း ပြည်ပချေးငွေ စာချုပ်ချုပ်ဆိုတဲ့ စီမံကိန်း ၁၃ ခုရှိပြီးတော့ ဘဏ္ဍာနှစ် အတွင်းမှာ ၀န်ကြီးဌာနအလိုက် ပြည်ပချေးငွေစာချုပ်များ ချုပ်ဆိုတဲ့အပိုင်းမှာ ဆောက်လုပ်ရေး ၀န်ကြီးဌာနက အများဆုံးဖြစ်ပြီး အမေရိကန်ဒေါ်လာ ၆၀၀ ဒသမ ၇၁၂ သန်းခန့် ဖြစ်ပါတယ်။ ၂၀၁၇ ခုနှစ် မတ် ၃၁ ရက်အထိ ချေးငွေစာချုပ် ချုပ်ဆိုထားသည့် ပမာဏကို ကြည့်မယ်ဆိုရင် ချေးငွေအများဆုံးပေးတဲ့ နိုင်ငံမှာတော့ ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီဖြစ်ပြီးတော့ ကြွေးမြီလက်ကျန် အခြေအနေကတော့ တရုတ်နိုင်ငံက ချေးငွေက အများဆုံး ဖြစ်ပါတယ်။ ၂၀၁၇ ခုနှစ် မတ် ၃၁ ရက်အထိ ချေးငွေချုပ်ဆိုထားတဲ့ ပမာဏအရ ချေးငွေအများဆုံး ရယူတဲ့ ၀န်ကြီးဌာနကတော့ လျှပ်စစ်နှင့် စွမ်းအင်ဝန်ကြီးဌာနဖြစ်ပြီး ချေးငွေပေးဆပ်ရန် ကျန်ရှိမှုမှာလည်း လျှပ်စစ်နှင့် စွမ်းအင်ဝန်ကြီးဌာနက အများဆုံး ဖြစ်ပါတယ်” ဟု ဒုတိယ၀န်ကြီး ဦးဆက်အောင်က ပြောကြားသည်။

၂၀၁၆ -၂၀၁၇ ဘဏ္ဍာနှစ်အတွင်း ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (ဂျိုက်ကာ) မှ စီမံကိန်း ခြောက်ခုအတွက် အမေရိကန်ဒေါ်လာ ၁၁၁၅ ဒသမ ၇၈၁ သန်း ချေးငွေထုတ်ယူမှုသည် အများဆုံးဖြစ်ပြီး အပြည်ပြည်ဆိုင်ရာ စိုက်ပျိုးရေး ဖွံ့ဖြိုးတိုးတက်မှု ရန်ပုံငွေအဖွဲ့မှ အကောင်အထည်ဖော် ဆောင်ရွက်လျက်ရှိသည့် စီမံကိန်းတစ်ခုတည်း ဖြစ်သည့်အတွက် ချေးငွေထုတ်ယူမှု အနည်းဆုံးဖြစ်ကြောင်း ဒုတိယ၀န်ကြီးက ဆက်လက်ပြောကြားသည်။

ဝန်ကြီးဌာနအလိုက် ချေးငွေထုတ်ယူမှုတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက ချေးငွေအများဆုံး ထုတ်ယူသုံးစွဲခဲ့ပြီး စက်မှုဝန်ကြီးဌာနက ချေးငွေထုတ်ယူမှု အနည်းဆုံးဖြစ်ကြောင်း စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီးက ပြောကြားသည်။

၂၀၁၇ ခုနှစ် မတ် ၃၁ ရက်တွင်ရှိသည့် ပြည်တွင်း ကြွေးမြီလက်ကျန် အခြေအနေသည် အစိုးရငွေတိုက် စာချုပ်တွင် ကျပ် ၃၃၈၆ ဒသမ ၁ ဘီလျံ (ကိုးရာခိုင်နှုန်း)၊ အစိုးရငွေတိုက် လက်မှတ်တွင် ကျပ် ၉၇၅ ဒသမ ၇ ဘီ လျံ (ငါးရာခိုင်နှုန်း)နှင့် မြန်မာနိုင်ငံတော် ဗဟိုဘဏ်သို့ အစိုးရငွေတိုက် လက်မှတ်များ ရောင်းချ၍ ငွေချေးယူခြင်းသည် ကျပ် ၁၃၆၅၈ ဒသမ ၂ ဘီလျံ (၇၆ ရာခိုင်နှုန်း) ဖြစ်ပြီး စုစုပေါင်း ကျပ်ဘီလျံ ၁၈၀၂၀ ဖြစ် ကြောင်း သိရသည်။

၂၀၁၇ ခုနှစ် စက်တင်ဘာ ၃၀ ရက်အထိ ပြည်ပကြွေးမြီအနေဖြင့် အမေရိကန်ဒေါ်လာ ၉၅၇၁၇၁၃၄၀၄ ဒသမ ၂၈ ရှိကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားထားသည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ်အထိ နှစ်အလိုက် နိုင်ငံတော်၏ ပြည်တွင်းပြည်ပကြွေးမြီ အခြေအနေမှာ သမ္မတဦးသိန်းစိန် လက်ထက်ဖြစ်သည့် ၂၀၁၁-၂၀၁၂ ခုနှစ်တွင် ပြည်တွင်းကြွေးမြီ ကျပ် ၉၉၃၈ ဘီလျံ၊ ပြည်ပကြွေးမြီ ကျပ် ၆၃၃၅ ဘီလျံ၊ ၂၀၁၂-၂၀၁၃ ခုနှစ်တွင် ပြည်တွင်း ကြွေးမြီ ကျပ် ၁၀၈၂၄ ဘီလျံ၊ ပြည်ပကြွေးမြီ  ကျပ် ၇၃၀၁ ဘီလျံ၊ ၂၀၁၃-၂၀၁၄ ခုနှစ်တွင် ပြည်တွင်းကြွေးမြီ ကျပ် ၁၂၀၁၄ ဘီလျံ၊ ပြည်ပ ကြွေးမြီ ကျပ် ၉၅၆၁ ဘီလျံ၊ ၂၀၁၄-၂၀၁၅ ခုနှစ်တွင် ပြည်တွင်းကြွေးမြီ ကျပ် ၁၂၄၈၇ ဘီလျံ၊ ပြည်ပကြွေးမြီ ကျပ် ၉၅၄၅ ဘီလျံ၊ ၂၀၁၅-၂၀၁၆ ခုနှစ်တွင် ပြည်တွင်းကြွေးမြီ ကျပ် ၁၅၇၂၄ ဘီလျံ၊ ပြည်ပကြွေးမြီ ကျပ် ၁၂၂၄၆ ဘီလျံဖြစ်ကြောင်း သိရသည်။

အမျိုးသား ဒီမိုကရေစီအဖွဲ့ချုပ် ဦးဆောင်သည့် အစိုးရသစ် လက်ထက်ဖြစ်သည့် ၂၀၁၆-၂၀၁၇ ခုနှစ်တွင် ပြည်တွင်းကြွေးမြီ ကျပ်ဘီလျံ ၁၈၀၂၀၊ ပြည်ပကြွေးမြီ ကျပ် ၁၀၈၄၁ ဘီလျံ၊ ၂၀၁၇-၂၀၁၈ ခုနှစ် စက်တင်ဘာ ၃၀ ရက်အထိ ပြည်တွင်းကြွေးမြီ ကျပ် ဘီလျံ ၁၉၃၆၀၊ ပြည်ပကြွေးမြီ ကျပ် ၁၃၁၁၃ ဘီလျံဖြစ်ကြောင်း သိရသည်။

 

၂၀၁၈ ခုနှစ် ဧပြီမှ စက်တင်ဘာအထိ သုံးစွဲရန် ပြန်ကြားရေး ၀န်ကြီးဌာန အနေဖြင့် ကျပ် ၂၄ ဘီလျံကျော် တောင်းခံ

၂၀၁၈ ခုနှစ် ဧပြီမှ စက်တင်ဘာအထိ သုံးစွဲရန် ပြန်ကြားရေး ၀န်ကြီးဌာန အနေဖြင့် ကျပ် ၂၄ ဘီလျံကျော် တင်ပြတောင်းခံထားသည်။

ဇန်န၀ါရီ ၁၆ ရက်ကပြုလုပ်သည့် ပြည်ထောင်စုလွှတ်တော် အစည်းအဝေးတွင် ပြန်ကြားရေး ၀န်ကြီးဌာန အနေဖြင့် ၂၀၁၈ ခုနှစ် ဧပြီမှ စက်တင်ဘာအထိ ဆောင်ရွက်မည့် လုပ်ငန်းစဉ်များအတွက် သုံးစွဲရန်အတွက် ကျပ် ၂၄ ဘီလျံကျော်အား ပြည်ထောင်စုဝန်ကြီး ဒေါက်တာဖေမြင့်က ပြည်ထောင်စုလွှတ်တော်သို့ ရှင်းလင်းတင်ပြသည်။

ပြန်ကြားရေး ၀န်ကြီးဌာန အနေဖြင့် သာမန်အသုံးစရိတ်ကျပ် ၂၅၅၉၃ သန်း (ကျပ် ၂၅ ဘီလျံကျော်)၊ ငွေလုံးငွေရင်း အသုံးစရိတ်  ကျပ် ၁၆၃၁ သန်း (ကျပ် ၁ ဘီလျံကျော်) စုစုပေါင်း ကျပ် ၂၇၂၂၄ သန်း (ကျပ် ၂၇ ဘီလျံ ကျော်) တင်ပြတောင်းခံ ခဲ့သော်လည်း ဘဏ္ဍာရေး ကော်မရှင်က သာမန်အသုံးစရိတ် ကျပ် ၂၃၄၉၃ သန်း (၂၃ ဘီလျံကျော်)၊ ငွေလုံးငွေရင်း အသုံးစရိတ် ကျပ် ၁၂၉၁ သန်း(ကျပ် ၁ ဘီလျံကျော်) ဖြင့် စုစုပေါင်း ကျပ် ၂၄၇၈၅ သန်း (ကျပ် ၂၄ ဘီလျံကျော်) သတ်မှတ်ပေးခဲ့ကြောင်း၊ ထို့အတွက် ယင်းပမာဏအတိုင်း တင်ပြတောင်းခံခြင်းဖြစ်ကြောင်း ၎င်းက ပြောကြားသည်။

တောင်းခံခဲ့သည့် ပမာဏများအား ၀န်ကြီးရုံးအတွက် သာမန်အသုံးစရိတ် ကျပ် ၃၄၂ ဒသမ ၈၆၉ သန်း၊ ငွေလုံးငွေရင်း အသုံးစရိတ် ကျပ် ၃၇ ဒသမ ၂၀၉ သန်း၊ မြန်မာ့အသံနှင့် ရုပ်မြင်သံကြားအတွက် သာမန်အသုံးစရိတ် ကျပ် ၈၉၄၄ ဒသမ ၄၁၃ သန်း၊ ငွေလုံးငွေရင်း အသုံးစရိတ် ကျပ် ၉၅၃ ဒသမ ၅၈၉ သန်း၊ ပြန်ကြားရေးနှင့် ပြည်သူ့ဆက်ဆံရေးအတွက် ငွေလုံးငွေရင်း အသုံးစရိတ် ကျပ် ၁၆၄ ဒသမ ၁၅၀ သန်း၊ သာမန်အသုံးစရိတ် ကျပ် ၄၉၁၄ ဒသန ၁၅၀ သန်း၊ ပုံနှိပ်ရေးနှင့် ထုတ်ဝေရေး ဦးစီးဌာန ငွေလုံးငွေရင်း အသုံးစရိတ် ကျပ် ၄၀ ဒသမ ၁၂၀ သန်း၊ သာမန်အသုံးစရိတ် ကျပ် ၁၆၉၈ ဒသမ ၁၇၂ သန်း၊ သတင်းနှင့် စာနယ်ဇင်းလုပ်ငန်းအတွက် ငွေလုံးငွေရင်း အသုံးစရိတ် ကျပ် ၉၆ ဒသမ ၄၈၀ သန်း၊ သာမန်အသုံးစရိတ် ကျပ် ၈၈၈၅ ဒသမ ၅၁၁ သန်းဖြစ်ကြောင်း ပြည်ထောင်စုဝန်ကြီးက လွှတ်တော်သို့ ရှင်းလင်းတင်ပြသည်။

မြန်မာ့အသံနှင့် ရုပ်မြင်သံကြား၏ လုပ်ငန်းစဉ်များအနေဖြင့် လိုင်းပေါင်းစုံ ထုတ်လွှင့်သည့်စနစ် Multi Channel System တွင် ရုပ်သံလိုင်း ထည့်သွင်းထုတ်လုပ်ခြင်းလုပ်ငန်း (Content Provider) များအဖြစ် ဆောင်ရွက်လိုသူများအား ရုပ်သံလိုင်း ငါးလိုင်း ခွဲဝေလုပ်ကိုင်ခွင့် ပြုပေးခြင်း၊ ရုပ်မြင်သံကြားနှင့် အသံထုတ်လွှင့်ခြင်းဆိုင်ရာ ဥပဒေအား ပြင်ဆင်သည့်ဥပဒေ၊ နည်းဥပဒေနှင့် မြန်မာ့အသံနှင့် ရုပ်မြင်သံကြားကို အများပြည်သူ ၀န်ဆောင်မှု ရုပ်မြင်သံကြားနှင့် အသံထုတ်လွှင့်ခြင်းလုပ်ငန်း အဖြစ်သို့ ပြောင်းလဲမည့် ဥပဒေအား ရေးဆွဲခြင်းလုပ်ငန်းများ အကောင်အထည်ဖော် ဆောင်ရွက်ခြင်း၊ ရေဒီယိုလုပ်ငန်းသုံးပစ္စည်းများ၊ အသံလွှင့်ပစ္စည်းများ၊ ရုပ်မြင်သံကြား လုပ်ငန်းသုံး ပစ္စည်းများ၊ လိုအပ်သော စက်ပစ္စည်းများ ၀ယ်ယူဖြည့်တင်းခြင်းများ ဆောင်ရွက်လျက်ရှိကြောင်း ပြည်ထောင်စုဝန်ကြီးက ပြောကြားသည်။

ထို့ပြင် ကလေးများအတွက် ပျော်ရွှင်မှုကို ဖန်တီးပေးနိုင်ရန် ခရိုင်ရုံးစိုက်ရာ မြို့ကြီး ၁၅ မြို့တွင် တစ်မြို့လျှင် ကျပ် ၁၅ သိန်းကို ဌာနရန်ပုံငွေမှ ထောက်ပံ့၍ ကလေးစာပေပွဲတော်များ ကျင်းပပေးခြင်း၊ ခေတ်ကာလနှင့် လျော်ညီသည့် မြန်မာ့ရုပ်ရှင် ဥပဒေတစ်ရပ် ပြဋ္ဌာန်းနိုင်ရေး ဆောင်ရွက်ခြင်းများ ဆောင်ရွက်လျက်ရှိကြောင်း၊ ပုံနှိပ်ရေးနှင့် ထုတ်ဝေရေး ဦးစီးဌာန၏ လုပ်ငန်းစဉ်များ အနေဖြင့် အထက်မြန်မာပြည် အစိုးရ ပုံနှိပ်စက်ရုံ (မန္တ လေး) ၏ Web Offset (ORIENT) ၁၂ လုံးကို အကြီးစားပြုပြင်ခြင်း၊ စာပေဗိမာန်မှ ပြည်သူလူထုအတွက် အကျိုးဖြစ်ထွန်းစေမည့် စာအုပ်၊ စာစောင်များကို ဘာသာပြန်ဆို ထုတ်ဝေနိုင်ရေး ဆောင်ရွက်ခြင်း၊ ယခင်ထုတ်ဝေခဲ့သည့် မြန်မာ့စွယ်စုံကျမ်းများကို ခေတ်ကာလ လိုအပ်ချက်များနှင့်အညီ ပြန်လည် ဖြည့်စွက် ပြုစုထုတ်ဝေရေး ဆောင်ရွက်ခြင်းတို့ဖြစ်ကြောင်း ၎င်းကဆက်လက် ပြောကြားသည်။

သတင်းနှင့် စာနယ်ဇင်းလုပ်ငန်း အနေဖြင့် Global New Light of Myanmar သတင်းစာအား နိုင်ငံ၏ အဓိက အင်္ဂလိပ် သတင်းစာအဖြစ် ရပ်တည်နိုင်ရေး တိုးချဲ့ပြင်ဆင် ဆောင်ရွက်ခြင်း၊ တိုင်းဒေသကြီးနှင့်ပြည်နယ် ကိုယ်ပွားသတင်းစာတိုက်များမှ ထုတ်သည့် နေ့စဉ်ထုတ်သတင်းစာ နှစ်စောင်အား ကျေးလက်ဒေသများသို့ ပိုမိုပျံ့နှံ့ရောက်ရှိရေးအတွက် တိုင်းဒေသကြီး၊ ပြည်နယ်အစိုးရများ၊ ပုဂ္ဂလိက လုပ်ငန်းရှင်များနှင့် ပူးပေါင်း ဆောင်ရွက်ခြင်း၊ ပြည်တွင်းပြည်ပ သတင်းရယူခြင်း၊ သင်တန်းများ စေလွှတ်ခြင်း စသည်တို့ ဖြစ်ကြောင်း ၎င်းက ပြောကြားသည်။

ထို့ပြင် ဘဏ္ဍာရေး ကော်မရှင်အနေဖြင့် ပြန်ကြားရေး ၀န်ကြီးဌာန၏ ၂၀၁၈ ခုနှစ် ဧပြီမှ စက်တင်ဘာအထိ ခြောက်လ အရအသုံး ခန့်မှန်းခြေ ငွေစာရင်းအရ စုစုပေါင်းရငွေ ကျပ် ၁၇၅၀၅ သန်း အတည်ပြုပေးခဲ့ကြောင်း ပြည်ထောင်စုဝန်ကြီး ဒေါက်တာဖေမြင့်က ပြောကြားသည်။

 

ဘတ်ဂျက်လိုငွေအတွက် ပြည်တွင်းမှချေးယူမှုတွင် ဗဟိုဘဏ်မှ ငွေချေးယူမှုအချိုးအစားကို နှစ်စဉ် ၁၀ ရာခိုင်နှုန်း လျှော့ချသွားခြင်းဖြင့် ၂၀၂၀-၂၀၂၁ ဘဏ္ဍာနှစ်၌ ဗဟိုဘဏ်မှ ငွေချေးယူရန် မလိုအပ်သည့် အခြေအနေကို ရောက်ရှိရန် မျှော်မှန်းဆောင်ရွက်နေကြောင်း ဗဟိုဘဏ် ဒုတိယဥက္ကဋ္ဌ ပြောကြား

ဘတ်ဂျက်လိုငွေအတွက် ပြည်တွင်းမှ ချေးယူမှုတွင် ဗဟိုဘဏ်မှ ငွေချေးယူမှု အချိုးအစားကို နှစ်စဉ် ၁၀ ရာခိုင်နှုန်း လျှော့ချသွားခြင်းဖြင့် ၂၀၂၀-၂၀၂၁ ဘဏ္ဍာနှစ်တွင် ဗဟိုဘဏ်မှ ငွေချေးယူရန် မလိုအပ်သည့် အခြေအနေကို ရောက်ရှိရန် မျှော်မှန်းဆောင်ရွက်နေကြောင်း ဗဟိုဘဏ် ဒုတိယဥက္ကဋ္ဌ ဦးစိုးသိန်းက ပြောကြားသည်။

အောက်တိုဘာ ၂၄ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် နိုင်ငံတော်သမ္မတမှ ပေးပို့ထားသော ၂၀၁၇-၂၀၁၈ ဘဏ္ဍာနှစ် ပြည်ထောင်စုအစိုးရ အပ်ငွေစာရင်း၏ လိုငွေအား ဖြည့်ဆည်းရန်အတွက် မြန်မာနိုင်ငံတော် ဗဟိုဘဏ်မှ ချေးငွေရယူရန်နှင့် ပတ်သက်ပြီး လွှတ်တော် ကိုယ်စားလှယ်များ၏ ဆွေးနွေးချက်များအား ပြန်လည်ရှင်းလင်းစဉ် ၎င်းကထည့်သွင်း ပြောကြားခဲ့ခြင်း ဖြစ်သည်။

ဗဟိုဘဏ် ဒုတိယဥက္ကဋ္ဌ ဦးစိုးသိန်းက “အစိုးရမှ ဘတ်ဂျက်လိုငွေအတွက် ပြည်တွင်းမှ ချေးယူငွေမှာ ဗဟိုဘဏ် ငွေချေးယူမှု အချိုးအစားကို လက်ရှိအခြေအနေမှ နှစ်စဉ် ၁၀ ရာခိုင်နှုန်း လျှော့ချသွားခြင်းဖြင့် ၂၀၂၀-၂၀၂၁ မှာ အစိုးရက ဗဟိုဘဏ်မှ ငွေချေးယူရန် မလိုအပ်တဲ့ အခြေအနေကို ရရှိမယ်လို့ မျှော်မှန်းဆောင်ရွက်လျက် ရှိပါတယ်” ဟု ပြောကြားသည်။

လက်ရှိအခြေအနေများအရ အစိုးရသို့ ဗဟိုဘဏ်မှ လိုအပ်သည့် ငွေကြေး တစ်စိတ်တစ်ပိုင်းကို ထုတ်ချေးရန် လိုအပ်ဆဲဖြစ်ကြောင်း၊ ထိုသို့ထုတ်ချေးခြင်း မပြုပါက အစိုးရ ယန္တရား လည်ပတ်မှုတွင် ကြီးစွာသော ခက်ခဲမှုများနှင့် ရင်ဆိုင်ရမည် ဖြစ်ကြောင်း၊ ထို့ကြောင့် တင်းကျပ်စွာ မကန့်သတ်ထားခြင်း ဖြစ်ကြောင်း၊ သို့ရာတွင် နိုင်ငံတော်အစိုးရက ဗဟိုဘဏ်တွင် ငွေချေးယူသည့် အခြေအနေများကို တစ်စတစ်စ လျှော့ချသွားရန် စီစဉ်ဆောင်ရွက်လျက် ရှိကြောင်း ၎င်းက ဆက်လက်ပြောကြားသည်။

အစိုးရငွေချေး သက်သေခံလက်မှတ်များ ဈေးကွက်ဖြစ်သည့် ငွေကြေးဈေးကွက်၊ ငွေတိုက်စာချုပ်ဈေးကွက် ဖွံ့ဖြိုးတိုးတက်လာစေရန် ဆောင်ရွက်လျက်ရှိကြောင်း၊ အထူးသဖြင့် တစ်ဆင့်ပြန်လည် ရောင်းချသည့် ဈေးကွက်ဖွံ့ဖြိုး တိုးတက်ရေးသည် လွန်စွာအရေးကြီးသည့်အတွက် ယင်းဈေးကွက်ဖွံ့ ဖြိုးတိုးတက်လာပါက အစိုးရအနေဖြင့် ဗဟိုဘဏ်မှ ငွေချေးယူမှုကို သိသိသာသာ လျှော့ချသွားနိုင်မည်ဖြစ်ကြောင်း၊ ဘတ်ဂျက်လိုငွေ အတော်အသင့် မြင့်မားခြင်းသည် စိန်ခေါ်မှုတစ်ရပ် ဖြစ်သော်လည်း အဓိကအားဖြင့် ဘတ်ဂျက်လိုငွေကို ပြည်သူလူထုထံ ငွေတိုက်စာချုပ်နှင့် ငွေတိုက်လက်မှတ်များ ရောင်းချခြင်းဖြင့် ဖြည့်ဆည်းသည့် ပြည်တွင်း ငွေချေးစာချုပ် ဈေးကွက်၏ ဖွံ့ဖြိုးတိုးတက်မှု မရှိသေးခြင်းကြောင့် ဗဟိုဘဏ်မှ အစိုးရက တိုက်ရိုက်ငွေချေး ယူခြင်းသည် ပိုမိုကြီးမားသည့် စိန်ခေါ်မှုဖြစ်ကြောင်း ဗဟိုဘဏ်ဒုတိယ ဥက္ကဋ္ဌက ပြောကြားသည်။

အစိုးရက ဗဟိုဘဏ်မှ တိုက်ရိုက်ငွေချေးယူခြင်းကြောင့် ငွေကြေးဖောင်းပွမှု ဖြစ်နိုင်သည့် အလားအလာ တိုးမြင့်လာကြောင်း၊ ထိုသို့မဖြစ်စေရန် ဗဟိုဘဏ်အနေဖြင့် Deposit Auction များကို ပြုလုပ်၍ စီးပွားရေး စနစ်ထဲမှ ပိုလျှံငွေကြေးများကို နုတ်သိမ်းခဲ့သည့်အတွက် ငွေကြေးဖောင်းပွမှုကို အတော်အတန် ထိန်းသိမ်းထားနိုင်ခဲ့ကြောင်း၊ ၂၀၁၅-၂၀၁၆ ဘဏ္ဍာနှစ်တွင် ပျမ်းမျှငွေကြေးဖောင်း ပွမှုနှုန်း ၉ ဒသမ ၉၉ ရာခိုင်နှုန်းရှိခဲ့ပြီး ၂၀၁၇ ခုနှစ်  သြဂုတ်လတွင် ပျမ်းမျှငွေကြေးဖောင်းပွ မှု ၄ ဒသမ ၇၀ ရာခိုင်နှုန်းသာ ရှိသည့်အတွက် ငွေကြေးဖောင်းပွမှုကို ထိန်းသိမ်းနိုင်ခဲ့ကြောင်း၊ ငွေကြေးဖောင်းပွမှုသည် ငွေလဲလှယ်နှုန်းအပေါ်  အသင့်အတင့် လွှမ်းမိုးမှု ရှိနိုင်သော်လည်း ငွေလဲလှယ်နှုန်းကို အဓိက လွှမ်းမိုးသည့်အရာမှာ ကုန်သွယ်မှုပိုငွေ၊ လိုငွေဖြစ်ကြောင်း ဦးစိုးသိန်းက ပြောကြားသည်။