ရသေ့တောင်မြို့နယ် အောင်ဗလချောင်းဝတွင် တွေ့ရှိသော ဘင်္ဂါလီ ၉၂ ဦးအား လှဖိုးခေါင်ကြားစခန်းမှ တစ်ဆင့် ကျေးရွာအလိုက် နေရပ်များသို့ ပို့ဆောင်ပေးခဲ့

လှဖိုးခေါင်ကြားစခန်းတွင် ရောက်ရှိနေသော ဘင်္ဂါလီများအား ဇွန် ၁၅ ရက်က တွေ့ရစဉ်

ရသေ့တောင်မြို့နယ် အောင်ဗလချောင်းဝတွင် တွေ့ရှိသော လှေစီးဒုက္ခသည် ဘင်္ဂါလီ ၉၂ ဦးကို လှဖိုးခေါင်ကြားစခန်းမှ တစ်ဆင့် ကျေးရွာအလိုက် နေရပ်များသို့ ပို့ဆောင်ပေးခဲ့ကြောင်း သိရသည်။

အဆိုပါ ဘင်္ဂါလီ ၉၂ ဦးအား ဇွန် ၁၅ ရက် က ၎င်းတို့၏ မူလကျေးရွာများဖြစ်သော မောင်တောခရိုင်မှ ကျေးရွာများသို့ ပို့ဆောင်ခဲ့ခြင်း ဖြစ်ကြောင်း သိရသည်။

အဆိုပါ ဘင်္ဂါလီများအနက် ဘူးသီးတောင် အနောက်ရပ်ကွက်မှ သုံးဦး၊ သိမ်တောင်နှစ်ဦး၊ နန်ရာကုန်းတစ်ဦး၊ ၀ရကျွန်း တစ်ဦးနှင့် မောင်တောမြို့နယ် ငါးခူရကျေးရွာမှသုံးဦး၊ ကပ်ပကောင်းကျေးရွာမှ ခြောက်ဦး၊ အလယ်သံကျော် ကျေးရွာမှ ၁၀ ဦး၊ မြို့မကညင်တန်းမှ ဦးရေ ၄၀၊ မျောတောင်ကျေးရွာမှ လေးဦး၊ ကညင်တောမှ ၁၀ ဦး၊ ရပ်ကွက် ၅ (လသာ ရွာ) မှ ကိုးဦးနှင့် မင်္ဂလာကြီးကျေးရွာမှ သုံးဦးတို့ ပါဝင်ကြောင်း သိရသည်။

လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ဒုတိယ၀န်ကြီး ဦးစိုးအောင်၊ မောင်တောခရိုင် အုပ်ချုပ်ရေးမှူး ဦးရဲထွဋ်တို့သည် ဇွန် ၁၅ ရက် နံနက်တွင် လှဖိုးခေါင်ကြားစခန်း၌ ရောက်ရှိနေသော လှေစီးဒုက္ခသည် ၉၂  ဦးကို တွေ့ဆုံ၍ စားနပ်ရိက္ခာ (ဆန်၊ ဆီ၊ ပဲ၊ ဆား) တစ်လစာနှင့် မီးဖိုချောင်သုံးပစ္စည်း (Kitchen Set) များ၊ အဆင်သင့် စားသုံးနိုင်သော ဒံပေါက်ထုပ်များနှင့် ခေါက်ဆွဲခြောက်ထုပ်များ ထောက်ပံ့ခဲ့ကြောင်း သိရသည်။

ထို့ပြင် လှေစီးဒုက္ခသည်များကို လက်ရှိယာယီ နေထိုင်မှုအပြင် မူလနေရာ သို့မဟုတ် မူလနေရာနှင့် အနီးဆုံး နေရာများတွင် Cash of Work အစီအစဉ်ဖြင့် နေအိမ်များ ပြန်လည်ဆောက်လုပ်ရန် စီစဉ်ပေးမည့် အခြေအနေ၊ တစ်ဖက်နိုင်ငံတွင် ကျန်ရှိနေသော မိသားစုဝင်များနှင့် ပြန်လည်ပေါင်းစည်းနိုင်မည့် အခြေအနေ၊ နိုင်ငံတော်မှ ကယ်ဆယ်ထောက်ပံ့မှု အခြေအနေများကို သိရှိနားလည်ပြီး နိုင်ငံတော်အပေါ် သစ္စာရှိရေးတို့ကို ဒုတိယ၀န်ကြီးက ရှင်းလင်းပြောကြားခဲ့ပြီး ကျေးရွာအလိုက် နေရပ်များသို့ လိုက်လံပို့ဆောင် ပေးမှုများကို ကြည့်ရှုခဲ့ကြောင်း သိရသည်။

ရသေ့တောင်မြို့နယ် အောင်ဗလချောင်းဝတွင် တွေ့ရှိသော ဘင်္ဂါလီ ၁၀၄ ဦးအား စိစစ်ရာ ဘင်္ဂလားဒေ့ရှ် နိုင်ငံသား ၁၂ ဦးနှင့် မောင်တောခရိုင်မှ ၉၂ ဦး ပါဝင်ကြောင်း သိရသည်။

လက်ရှိမောင်တောခရိုင် အတွင်းမှ ဘင်္ဂါလီများအား နေရပ်ပို့ဆောင်ခဲ့ပြီး ဖြစ်သော်လည်း ဘင်္ဂလားဒေ့ရှ် နိုင်ငံသား ၁၂ ဦးအား သံတမန်နည်းလမ်းဖြင့် ဆောင်ရွက်ရန်ရှိနေပြီး ဆောင်ရွက်ပြီးက စနစ်တကျ ပြန်လည်လွှဲပြောင်းမည် ဖြစ်ကြောင်း သိရသည်။

ပြည်ထောင်စုဝန်ကြီး ဒေါက်တာဝင်းမြတ်အေးနှင့်အတူ ဌာနဆိုင်ရာ အသီးသီးမှ တာဝန်ရှိသူများ လိုက်ပါလျက် ဇွန် ၁၂ ရက် ညနေပိုင်းတွင် ငါးခူရ ပြန်လည်လက်ခံရေး စခန်းသို့ ရောက်ရှိပြီး ဘင်္ဂါလီများနှင့် တွေ့ဆုံရာတွင် ယခုကိစ္စသည် ဒုက္ခရောက်နေသူများအား မည်သည့်ခွဲခြားမှုမျှမရှိဘဲ ကူညီခြင်း ဖြစ်ကြောင်း၊ ဘင်္ဂလားဒေ့ရှ် နိုင်ငံသားများအား သံတမန်နည်းလမ်းဖြင့် ဆောင်ရွက်ရန်များ ဆောင်ရွက်ပြီးက စနစ်တကျ ပြန်လည်လွှဲပြောင်းမည် ဖြစ်ကြောင်း၊ မြန်မာနိုင်ငံ၌ အမှန်တကယ် နေထိုင်ခဲ့သူများ ပါဝင်လျှင် စိစစ်ပြီး သက်ဆိုင်ရာ ဆွေမျိုးများရှိရာ ဘူးသီးတောင်နှင့် မောင်တောမြို့နယ်များသို့ ပို့ဆောင်ပေးမည် ဖြစ်ကြောင်း၊ ထိုသို့ စီစဉ်ဆောင်ရွက်နေစဉ် စခန်းအတွင်း စည်းကမ်းတကျ နေထိုင်ရန် လိုအပ်သည်ဟု ရှင်းလင်းပြောကြားခဲ့ကြောင်း သိရသည်။

ဇွန် ၁၁ ရက် နံနက်တွင် ရသေ့တောင်မြို့နယ်၊ အောင်ဗလချောင်းဝ၊ သာစည်ကျေးရွာအနီး ပင်လယ်ကမ်းစပ်တွင် ပျက်စီးနေသော စက်လှေတစ်စင်းနှင့်အတူ ဘင်္ဂါလီ ၁၀၄ ဦး (ကျား-၄၄၊ မ-၆၀) တို့အား စိစစ်တွေ့ရှိခဲ့ပြီး တာဝန်ရှိသူများက ငါးခူရ ပြန်လည်လက်ခံရေးစခန်းသို့ ပို့ဆောင်ခဲ့ကြောင်းနှင့် စိစစ်မှုများ ဆောင်ရွက်ခဲ့ရာ ၎င်းအထဲတွင် ဘင်္ဂလားဒေ့ရ်ှနိုင်ငံသား ၁၂ ဦးပါဝင်ပြီး ကျန် ၉၂ ဦးမှာ ဘူးသီးတောင်နှင့် မောင်တောမြို့နယ်မှ ဘင်္ဂါလီများဖြစ်ကြောင်း သိရသည်။

 

မောင်တောမြို့တွင် ညမထွက်ရ ကန့်သတ်အချိန်ကို လျှော့ချ

မောင်တောမြို့တွင် ညမထွက်ရ ကန့်သတ်အချိန်ကိုလျှော့ချကာ ညမထွက်ရအမိန့်ကို ပြစ်မှုဆိုင်ရာကျင့်ထုံး ဥပဒေပုဒ်မ-၁၄၄ အရ ပြင်ဆင် ထုတ်ပြန်ခဲ့ကြောင်း သိရသည်။

မောင်တောမြို့နယ်အတွင်း လမ်းမကြီးများ၊ အများပြည်သူတို့သွားရာလမ်း၊ လမ်းမကြီး၊ လမ်းသွယ်၊ လမ်းကြား၊ ဥယျာဉ် (သို့မဟုတ်) အများပြည်သူနှင့်ဆိုင်သော ဗလီ၊ ကျောင်းနေရာများတွင် ငါးဦး သို့မဟုတ် ငါးဦးထက် ပိုသောသူများ စုဝေးခြင်း မပြုလုပ်ရေးအတွက် ယခင်ထုတ်ပြန်ခဲ့သည့် ည ၉ နာရီမှ နောက်တစ်နေ့ နံနက် ၅ နာရီအစား ည ၁၀ နာရီမှ နောက်တစ်နေ့ နံနက် ၅ နာရီအချိန်ထိ ကာလအတွင်း ညမထွက်ရအမိန့်ကို ပြစ်မှုဆိုင်ရာ ကျင့်ထုံးဥပဒေပုဒ်မ-၁၄၄ အရ ပြင်ဆင် ထုတ်ပြန်လိုက်ခြင်းဖြစ်ကြောင်း သိရသည်။

အချိန် တစ်နာရီ လျှော့ချလိုက်သည့် ညမထွက်ရအမိန့် ပုဒ်မ-၁၄၄ ထပ်မံထုတ်ပြန်မှုအား မောင်တောမြို့နယ် မီးသတ်ဦးစီးမှူးရုံးမှ ဇွန် ၁၂ ရက် ညနေပိုင်းက လိုက်လံကြေညာခဲ့ခြင်း ဖြစ်ကြောင်း သိရသည်။

၂၀၁၇ ခုနှစ် သြဂုတ် ၂၅ ရက်က ARSA အကြမ်းဖက်အဖွဲ့၏ အကြမ်းဖက်မှုဖြစ်စဉ်နှင့် ပတ်သက်၍ တရားဥပဒေ စိုးမိုးရေးနှင့် ပြည်သူများ အေးချမ်းစွာ နေထိုင်ရေးအတွက် မောင်တောမြို့နယ် အထွေထွေအုပ်ချုပ်ရေးဦးစီးဌာနမှ ရာဇ၀တ်ကျင့်ထုံး ဥပဒေပုဒ်မ-၁၄၄ အရ ၂၀၁၈ ခုနှစ် ဧပြီ ၁၁ ရက်တွင် အမိန့်အမှတ် ၁/၂၀၁၈ ဖြင့် ညနေ ၉ နာရီမှ နောက်တစ်နေ့ နံနက် ၅ နာရီအချိန်ထိ ညမထွက်ရအမိန့်ကို ထုတ်ပြန်ခဲ့ကြောင်း သိရသည်။

ယခုအချိန်တွင် နယ်မြေ တည်ငြိမ်အေးချမ်းမှု ရှိလာပြီ ဖြစ်သော်လည်း တရားဥပဒေစိုးမိုးမှု ရရှိစေရေးအတွက် တပ်မတော်နှင့်လုံခြုံရေး အဖွဲ့အစည်းများမှ ဥပဒေနှင့်အညီ ဆက်လက် ဆောင်ရွက်ရန် လိုအပ်နေဆဲ ဖြစ်သည့်အတွက် ဒေသ၏ ဖွံ့ဖြိုးတိုးတက်မှု၊ လွတ်လပ်စွာ ဆက်သွယ်သွားမှု ကန့်သတ်ချက်များအပြင် စားဝတ်နေရေး ကိစ္စရပ်များအပေါ် အထိုက်အလျောက် ထိခိုက်မှုရှိနေသည့်အအတွက် ဒေသတွင်းနေ ပြည်သူလူထု၏ ရေရှည်အကျိုးကို မျှော်ကိုး၍ ပုဒ်မ-၁၄၄ အမိန့်ထုတ်ပြန်ထားသည့် ကန့်သတ်အချိန်ကို လျှော့ပေါ့စဉ်းစားပေးရန် လိုအပ်ကြောင်း သုံးသပ်ရရှိကြောင်း ကြေငြာချက်တွင် ပါဝင်ကြောင်း သိရသည်။

 

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်တို့ တွေ့ဆုံပြီး ရခိုင်ပြည်နယ်အရေး ဆွေးနွေး

Photo: Ministry of Foreign Affairs Myanmar

နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေး ၀န်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည်သည် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် ခရစ္စတင်းရှာနေး ဘာဂျန်နာအား ဇွန် ၁၃ ရက် နံနက် ၁၀ နာရီတွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်သည်။

ထိုသို့ တွေ့ဆုံရာတွင် နိုင်ငံတော်၏ အတိုင်ပင်ခံပုဂ္ဂိုလ်နှင့် အထူးကိုယ်စားလှယ်တို့က ရခိုင်ပြည်နယ်အရေး အပါအ၀င် မြန်မာနိုင်ငံတွင် ရင်ဆိုင်နေရသော စိန်ခေါ်မှုများကို ဖြေရှင်းရေးတွင် မြန်မာအစိုးရနှင့် ကုလသမဂ္ဂ အတွင်းရေးမှူးချုပ်၏ အထူးကိုယ်စားလှယ်ရုံး တို့အကြား ပူးပေါင်းဆောင်ရွက်မှုများ၊ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး လုပ်ငန်းစဉ်တို့နှင့် စပ်လျဉ်း၍ မြန်မာအစိုးရ၏ ကြိုးပမ်းအားထုတ်မှုများအပေါ် ဆွေးနွေးခဲ့ကြောင်း သတင်းထုတ်ပြန်မှုတွင် ပါရှိသည်။

ထို့ပြင် ကုလသမဂ္ဂ အတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်က ခရီးစဉ် လာရောက်ခြင်းမှာ ရခိုင်ပြည်နယ်ကိစ္စ ဖြေရှင်းရေးတွင် မြန်မာနိုင်ငံနှင့် ကုလသမဂ္ဂအကြား အပြုသဘောဆောင်သည့် ပူးပေါင်းဆောင်ရွက်မှုများ တိုးမြှင့်နိုင်ရန်အတွက် ညှိနှိုင်းဆောင်ရွက်ပေးရန် ဖြစ်ကြောင်း၊ အသိုက်အ၀န်း နှစ်ခုအား ပိုမိုနီးကပ်လာစေရန်နှင့် မြန်မာနိုင်ငံ၏ ငြိမ်းချမ်းရေး လုပ်ငန်းစဉ်တို့အား အထောက်အကူပြုရန် ဖြစ်ကြောင်း ပြောကြားခဲ့သည်ဟု သတင်းထုတ်ပြန်မှုတွင် ဖော်ပြထားသည်။

ထို့အတူ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မြေပြင် အခြေအနေနှင့် နက်နဲ ရှုပ်ထွေးမှုများ၏ ပကတိအခြေအနေများကို သိရှိနားလည်ပြီး အမှန်တရားဘက်မှ ရပ်တည်ရန်၊ အခြေအနေမှန်များအား နိုင်ငံတကာ အသိုက်အ၀န်းမှ သိရှိနိုင်စေရန် ဆောင်ရွက်ပေးနိုင်ရန် လိုအပ်ကြောင်း၊ အထူးကိုယ်စားလှယ်အနေဖြင့် မြန်မာနိုင်ငံနှင့် ကုလသမဂ္ဂတို့အကြား အပြုသဘောဆောင်သည့် ပံ့ပိုးမှုများဖြင့် ပေါင်းကူး ဆောင်ရွက်ပေးရန် မျှော်လင့်ကြောင်း ပြောကြားခဲ့သည်ဟု သတင်းထုတ်ပြန်ချက်တွင် ပါရှိသည်။

အဆိုပါ အစည်းအဝေးသို့ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာန ပြည်ထောင်စုဝန်ကြီး ဦးကျော်တင်၊ နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူနှင့် အဆင့်မြင့်အရာရှိကြီးများ တက်ရောက်ခဲ့ကြောင်း သိရသည်။

ထို့နောက် ညနေပိုင်းတွင် အထူးကိုယ်စားလှယ်နှင့် အဖွဲ့အား ပြည်ထောင်စုဝန်ကြီး ဦးကျော်တင်က သင်္ဂဟဟိုတယ်တွင် ညစာဖြင့် တည်ခင်းဧည့်ခံခဲ့ပြီး ညစာသုံးဆောင်ခြင်း မပြုမီ မြန်မာနိုင်ငံနှင့် ကုလသမဂ္ဂတို့ အကြား ပူးပေါင်းဆောင်ရွက်မှု မြှင့်တင်ရေးအပေါ် ဆွေးနွေးခဲ့ကြကြောင်း သတင်းထုတ်ပြန်ချက်အရ သိရသည်။

အချို့ဘင်္ဂါလီများသည် နိုင်ငံသားအခွင့်အရေးကို အသုံးပြုရန်အတွက် မသမာသောဝန်ထမ်းအချို့နှင့်ပူးပေါင်းပြီး ကမန်လူမျိုးစုဝင်အဖြစ် ဆောင်ရွက်လာသည်ကို ကြားသိရကြောင်း ပြည်သူ့လွှတ်တော်ကိုယ်စားလှယ် ပြောကြား

အချို့သော ဘင်္ဂါလီများသည် နိုင်ငံသားအခွင့်အရေးကို အသုံးပြုရန်အတွက် မသမာသော ၀န်ထမ်းအချို့နှင့် ပူးပေါင်းကာ ကမန်လူမျိုးစုဝင်အဖြစ် ဆောင်ရွက်လာသည်ကို ကြားသိရကြောင်း ရသေ့တောင်မဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်ခင်စောဝေက ပြောကြားသည်။

နေပြည်တော်၌ ဇွန် ၁၃ ရက်က ပြုလုပ်သော  ပြည်သူ့လွှတ်တော်အစည်းအဝေးတွင် ပြည်သူ့လွှတ်တော်ကိုယ်စားလှယ် ဒေါ်ခင်စောဝေက မြန်မာနိုင်ငံအတွင်း နေထိုင်လျက်ရှိသည့် ကမန်လူမျိုး လူဦးရေ စုစုပေါင်းနှင့် မြို့နယ်အလိုက် ကမန်လူဦးရေ မည်မျှရှိသည်ကို သိလိုခြင်းနှင့်စပ်လျဉ်း၍ မေးခွန်းမေးမြန်းရာတွင် အထက်ပါအတိုင်း ပြောကြားခဲ့ခြင်း ဖြစ်သည်။

“ကမန်တို့ဟာ တိုင်းရင်းသားမျိုးနွယ်စု အဖြစ်ရရှိထားတဲ့ အခွင့်အရေးကို အသုံးပြုပြီးတော့ မြန်မာနိုင်ငံအနှံ့ သွားလာနေထိုင်ခွင့် ရရှိထားသူတွေ ဖြစ်ကြပါတယ်။ တချို့သော ဘင်္ဂါလီတွေဟာ နိုင်ငံသားအခွင့်အရေးကို အသုံးပြုဖို့အတွက် မသမာတဲ့ဝန်ထမ်းအချို့နဲ့ ပူးပေါင်းပြီး ကမန်လူမျိုးစုဝင်အဖြစ် ဆောင်ရွက်လာနေကြတာကိုလည်း ကြားသိနေရပါတယ်” ဟု ဒေါ်ခင်စောဝေက ပြောကြားသည်။

ဒေါ်ခင်စောဝေ၏ ပြောကြားချက်နှင့် ပတ်သက်ပြီး အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ၀န်ကြီးဌာန အနေဖြင့် ကမန်လူမျိုးများ၏ နိုင်ငံသားစိစစ်ရေးကတ်ပြားများ ဆောင်ရွက်ရာတွင် အခြားလူမျိုးများနှင့် မှားယွင်းမှုမရှိစေရေး၊ မိဘဘိုးဘွား အထောက်အထားများဖြင့် စနစ်တကျ သေချာစွာစိစစ်၍ ဆောင်ရွက်လျက်ရှိပြီး ၀န်ထမ်းအချို့၏ မသမာမှုကြောင့်ဖြစ်စေ၊ ကာယကံရှင်အချို့၏ လိမ်လည်လျှောက်ထားမှုကြောင့်ဖြစ်စေ ကမန်လူမျိုးမဟုတ်သူများကို ကမန်လူမျိုးအဖြစ် နိုင်ငံသားစိစစ်ရေး ကတ်ပြားထုတ်ပေးမှုများ စိစစ်တွေ့ရှိမည်ဆိုပါက ကတ်ပြားများ ပြန်လည်သိမ်းဆည်းခြင်း ကာယကံရှင်များအား ပြစ်မှုဆိုင်ရာဥပဒေအရ အရေးယူခြင်းနှင့် ပါဝင်ပတ်သက်သည့် ၀န်ထမ်းများကိုလည်း ၀န်ထမ်းစည်းမျဉ်းစည်း ကမ်းနှင့်အညီ ထိရောက်စွာ အရေးယူခြင်း ဆောင်ရွက်လျက်ရှိကြောင်း ပြောကြားသည်။

ဘင်္ဂါလီများကို ၁၉၈၂ နိုင်ငံသားဥပဒေနှင့် စိစစ်ပြီး ရသင့်ရထိုက်သူများအနေဖြင့် နိုင်ငံသားဖြစ်မည်ကို ကန့်ကွက်စရာ လုံးဝမရှိသော်လည်း ကမန်လူမျိုးစုဝင်အဖြစ် သတ်မှတ်လိုက်ပါက အလိုအလျောက် တိုင်းရင်းသား ဖြစ်သွားခြင်းသည် စိုးရိမ်စရာကောင်းသော အချက်ဖြစ်ပြီး တိုင်းရင်းသားဆိုသည်မှာ ဥပဒေအရ  နှစ် ၁၀၀ နေထိုင်သော်လည်း အခွင့်အလမ်းမရှိဘဲ နိုင်ငံသားဥပဒေနှင့်အညီ နိုင်ငံသားဖြစ်ခွင့်သာရှိကြောင်း ဒေါ်ခင်စောဝေက ပြောကြားသည်။

မြန်မာနိုင်ငံတွင်း တိုင်းရင်းသား ၁၃၅ မျိုးရှိကြောင်းသိရပြီး ရခိုင်တိုင်းရင်းသားအုပ်စုတွင် ကမန်အပါအ၀င် လူမျိုးစုခုနစ်စု ပါဝင်ကြောင်း ထုတ်ပြန်ထားရှိထားကာ ကမန်များကို တိုင်းရင်းသားအဖြစ် မည်သို့သော စံနှုန်းသတ်မှတ်ချက်များဖြင့် မည်သည့်ကာလက စတင်သတ်မှတ်ခဲ့သည်ကို တိတိကျကျ မသိရှိခဲ့ရကြောင်းနှင့်၂၀၁၄ ခုနှစ် မြန်မာနိုင်ငံ သန်းခေါင်စာရင်းတွင် တိုင်းရင်းသားဆိုသည့် ကမန်လူဦးရေကို မဖော်ပြနိုင်ခဲ့ခြင်းသည် အထူးအားနည်းချက်တစ်ခုဖြစ်ခဲ့ပြီး ကမန်လူမျိုး လူဦးရေစာရင်းကို နောင်တွင် အငြင်းပွားမှု မဖြစ်ရအောင် စနစ်တကျ မှတ်တမ်းတင်ထားရန် မလွဲမသွေလိုအပ်နေကြောင်း ဒေါ်ခင်စောဝေက  ထောက်ပြပြောကြားသည်။

ထို့ပြင် ကမန်များသည် ရခိုင်တွင် အစဉ်အလာအရ နေထိုင်လာခဲ့ကြသည်မှာ မှန်ကန်သော်လည်း ရခိုင်နှင့် ကမန်လူမျိုးတို့အကြား ယဉ်ကျေးမှု၊ ဓလေ့ထုံးစံနှင့်ကိုးကွယ်ရာ ဘာသာတို့သည် မတူညီကြဘဲ ကမန်လူမျိုးများသည် အစ္စလာမ်ဘာသာကိုးကွယ်ကြပြီး ရခိုင်ဘာသာစကားကို ပြောဆိုကြကာ ကမန်နှင့် ဘင်္ဂါလီတို့သည် ဓလေ့ထုံးစံကိုးကွယ်မှုနှင့် ယဉ်ကျေးမှုအရ ခွဲခြားမရအောင် တူညီမှုရှိကြောင်း ၎င်းက ပြောကြားသည်။

ဆက်လက်ပြီး ပြည်သူ့လွှတ်တော်ကိုယ်စားလှယ် ဒေါ်ခင်စောဝေက ဘင်္ဂါလီအများစုသည် လုပ်ကမန်များဖြစ်နေကြောင်း၊ လုပ်ကမန် တရားမ၀င်လုပ်နေပြီး လုပ်ကမန်များများလာကာ တိုင်းရင်းသားအဖြစ် ဆက်လက်ရပ်တည်နေကြကြောင်း၊ ကမန်လူဦးရေ အတိအကျ စာရင်းထုတ်ပြန်ရန် ၀န်ကြီးဌာနတွင် တာဝန်ရှိသည်ဟုယူဆကြောင်း၊ မည်သည့် ရက်၊ အချိန်၊ ခုနှစ်တွင် တိတိကျကျစာရင်းကို ထုတ်ပြန်နိုင်မည်ကို သိရှိလိုကြာင်း ဆက်စပ်မေးခွန်းမေးမြန်းခဲ့ရာ ပြည်ထောင်စုဝန်ကြီးက “၂၀၁၄ ခုနှစ် သန်းခေါင်စာရင်းအကြောင်းအရာ လူဦးရေအကြောင်းအရာ စာရင်းများကိုတော့ ကျွန်တော်တို့ဌာနမှာ အတိအကျ ရှိနေပါပြီ။ ထုတ်ပြန်ရင် မလိုလားအပ်တဲ့ နောက်ဆက်တွဲ အကျိုးဆက်များရှိမှာဖြစ်တဲ့အတွက် ၀န်ကြီးဌာနက တရားဝင်ထုတ်ပြန် ကြေညာခြင်း မရှိသေးတာဖြစ်ပါတယ်။ မေးခွန်းမေးမြန်းတဲ့ လွှတ်တော်ကိုယ်စားလှယ်ကြီး စိုးရိမ်သလို ကျွန်တော်လည်း နိုင်ငံသားတစ်ယောက်အနေနဲ့ နိုင်ငံသားမဟုတ်တဲ့သူများကို နိုင်ငံသားဖြစ်ရေးအတွက်ကို အင်မတန် စိုးရိမ်ပါတယ်။ တာဝန်ရှိတဲ့သူတစ်ယောက် အနေနဲ့လည်း စနစ်တကျ ထိန်းသိမ်းကြပ်မတ် စောင့်ရှောက်နေပါတယ်။ ဆောင်ရွက်ဆဲ လုပ်ငန်းစဉ်ဖြစ်တဲ့အတွက် တိုင်းရင်းသားအားလုံး ကျေကျေလည်လည်ညှိနှိုင်းဆွေးနွေး၊ လူမျိုးစုများအားလုံး ညှိနှိုင်းဆွေးနွေးပြီးမှသာလျှင်  ဆောင်ရွက်နိုင်မှာဖြစ်တဲ့အတွက် မည်သည့်နေ့ရောက်မှ ထုတ်ပြန်မယ်ဆိုတာတော့ အခုချိန်အထိ ဖြေကြားနိုင်ခြင်း မရှိသေးပါဘူး။ သို့သော်လည်း အမြန်ဆုံးထုတ်ပြန်နိုင်အောင်တော့ သက်ဆိုင်ရာအဖွဲ့အစည်းများနဲ့ ပူးပေါင်းပြီးတော့ ကြိုးစားလျက်ရှိပါတယ်”ဟု ဖြေကြားသည်။

ဘင်္ဂလားဒေ့ရ်ှနိုင်ငံမှ ၀င်ရောက်လာသည့် ဘင်္ဂါလီ ၁၀၄ ဦးအား မယူကမ်းဒေသ အောင်ဗလကျေးရွာအနီးကမ်းခြေတွင် တွေ့ရှိ

ဘင်္ဂလားဒေ့ရ်ှနိုင်ငံဘက်မှ ၀င်ရောက်လာသည့် ဘင်္ဂါလီများကို တွေ့ရစဉ်

ရခိုင်ပြည်နယ် ရသေ့တောင်မြို့နယ်တောင်ပိုင်း မယူကမ်းဆင်ပိုက်ကျေးရွာနှင့် အောင်ဗလကျေးရွာကြား ပင်လယ်ကမ်းခြေတွင် တရားမ၀င် ရောက်ရှိလာသည့် ဘင်္ဂါလီ ၁၀၄ ဦးကို ဇွန် ၁၁ ရက် နံနက်က တွေ့ရှိခဲ့ကြောင်း သတင်းရရှိသည်။

ဖြစ်စဉ်မှာ အောင်ဗလကျေးရွာနှင့် တစ်မိုင်ခန့်အကွာ ပင်လယ်ကမ်းစပ်တွင် လှေတစ်စင်း ဆိုက်ကပ်နေကြောင်း ကုန်တန်းကျေးရွာအုပ်ချုပ်ရေးမှူးမှ အကြောင်းကြားချက်အရ အငူမော်ဆိပ်ကမ်းတွင် တာဝန်ထမ်းဆောင်နေသော ရဲအုပ်အောင်ကျော်တင့်ဦးစီးသော အဖွဲ့၊ ဒုရဲမှူးကြီး ကျော်ဝင်းလှိုင်ဦးစီးသောအဖွဲ့နှင့် အငူမော်လ၀ကမှ ဦးဇော်ဝင်းထွန်းတို့ အပါအ၀င် ကုန်းတန်းကျေးရွာ အုပ်ချုပ်ရေးမှူးတို့ သွားရောက်ပြီး စစ်ဆေးခဲ့ရာ ကမ်းခြေအတိုင်း လမ်းလျှောက်လာသော ဘင်္ဂါလီ ၁၀၀ ကျော်ကို တွေ့ရှိခဲ့ရကြောင်းနှင့် စစ်ဆေးမှုများ ပြုလုပ်ကာ မောင်တောမြို့သို့ ခေါ်ဆောင်သွားခဲ့ကြောင်း သိရသည်။

စစ်ဆေးမေးမြန်းချက်များအရ အဆိုပါ ဘင်္ဂါလီများမှာ ဘင်္ဂလားဒေ့ရ်ှနိုင်ငံမှ မလေးရှားနိုင်ငံသို့ သွားရောက်ခြင်းဖြစ်ကာ လှေပျက်၍ ကမ်းသို့ဆိုက်ကပ်လာသည်ဟု ဆိုသော်လည်း ၎င်းလှေအား ရှာမတွေ့တော့ကြောင်း၊ ယင်းတို့အနက် မြန်မာစကားပြောတတ်သူ အမျိုးသမီးတစ်ဦးသာပါကြောင်း ထိုနေရာသို့ သွားရောက်ခဲ့သူတစ်ဦးက ပြောကြားသည်။

အဆိုပါ ဘင်္ဂါလီများမှာ အမျိုးသား ၃၅ ဦး၊ အမျိုးသမီး ၅၈ ဦးနှင့် ကလေး ၁၁ ဦးပါဝင်ကြောင်း၊ လှေကြီးတစ်စင်းဖြင့် ရောက်ရှိလာခြင်းဖြစ်ကြောင်းနှင့် ပင်လယ်ပြင်တွင် ရာသီဥတု ဆိုးရွားသဖြင့် ကမ်းသို့ကပ်လာခဲ့ခြင်းဖြစ်ကာ လှေမှာလည်း အောင်ဗလကျေးရွာ၏ မြောက်ဘက် သုံးမိုင်ခန့်အကွာတွင် တစ်စစီ ပျက်စီးသွားခဲ့ကြောင်း၊ ဘင်္ဂါလီများအနက် အချို့က မြန်မာစကားကို ပြောဆိုနိုင်ကြောင်း၊ သို့သော်လည်း တစ်ယောက်ချင်းစီ၏ ထွက်ဆိုချက်များမှာ အမျိုးမျိုး ကွဲပြားနေကြောင်း၊ ဘင်္ဂလားဒေ့ရ်ှကဟု ပြောဆိုသူများပြားပြီး နယ်စပ်ဒုက္ခသည်စခန်းမှဟု ပြောဆိုသူများလည်းရှိကြောင်း သွားရောက်စစ်ဆေးသည့် အဖွဲ့တွင် ပါဝင်သူတစ်ဦးက ပြောကြားသည်။

“မလေးကို သွားဖို့အတွက် ဘင်္ဂလားဒေ့ရ်ှက လာတာလို့ပြောတယ်။ မနက်ပိုင်းက ကမ်းခြေမှာ တွေ့တာပေါ့။ စက်လှေနဲ့ လာတယ်လို့တော့ သူတို့ကပြောပေမဲ့ အဲဒီစက်လှေကိုလည်း မတွေ့မိဘူး။ နောက်တော့ စက်လှေက အောင်ဗလရွာနဲ့ သုံးမိုင်လောက်မှာ ပျက်စီးနေတာကို တွေ့ရတယ်။ စက်လှေကို ဖျက်ဆီးလိုက်တဲ့သဘောလည်း ဖြစ်ကောင်းဖြစ်နိုင်တယ်။ အခုတော့ မောင်တောကို ခေါ်သွားကြတယ်။ သက်ဆိုင်ရာက လူတွေ လာရောက်ပြီးတော့ ခေါ်သွားတာပါ။ ရခိုင်စကားပြောတတ်တာ တစ်ယောက်ပါတယ်။ အားလုံး ဘင်္ဂလားဒေ့ရ်ှကလို့ ပြောတယ်။ ဘာကြောင့် ရောက်လာတယ်ဆိုတာကိုတော့ သူတို့ဘာသာ သိပါလိမ့်မယ်။ ရဲတွေ၊ နစကတွေ၊ စစ်တပ်တွေရောက်လာပြီး မေးကြတာပါ။ ရဲမှူးတစ်ဦးကဦးဆောင်ပြီး မောင်တောကို ခေါ်သွားပါတယ်” ဟု အောင်ဗလကျေးရွာသား ဦးမောင်သန်းမြက ပြောကြားသည်။

ဘင်္ဂလားဒေ့ရ်ှနိုင်ငံဘက်မှ ၀င်ရောက်လာသည့် ဘင်္ဂါလီများမှာ ရခိုင်ပြည်နယ် မောင်တောနယ်စပ်မှ တစ်ဆင့်လည်းကောင်း၊ နတ်မြစ်မှတစ်ဆင့်လည်းကောင်း ခိုးဝင်လျက်ရှိကြောင်း သိရသည်။

ခိုးဝင်လျက်ရှိသည့် ဘင်္ဂါလီများကို ဖမ်းဆီးအရေးယူလျက်ရှိကြောင်း သိရပြီး လက်ရှိတွင် ဘင်္ဂါလီများမှာ မြန်မာ-ဘင်္ဂလားဒေ့ရှ် နယ်စပ်ခြံစည်းရိုးတွင် နေထိုင်လျက်ရှိကြောင်း သိရသည်။

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဆွေးနွေး

တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီးစိုးမြင့်အောင် ဆွေးနွေးနေစဉ်ကို တွေ့ရစဉ်

ရခိုင်ပြည်နယ်အတွက် ဖွဲ့စည်းမည့်ကော်မရှင်သည် အုပ်ချုပ်ရေးပိုင်းအထိ စစ်ဆေးနိုင်မည့် အခြေအနေရှိပြီး ဖွဲ့စည်းပုံအခြေခံဥပဒေနှင့် ကိုက်ညီမှုမရှိကြောင်းနှင့် တရားရေးဆိုင်ရာ အချုပ်အခြာအာဏာကို နိုင်ငံခြားအဖွဲ့အစည်း တစ်ခုကို အပ်နှင်းလိုက်ကဲ့သို့ ဖြစ်နေမည်ကို သတိပြုရန် တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး စိုးမြင့်အောင်က ထောက်ပြ ဆွေးနွေးခဲ့သည်။

မိုင်းပန်မဲဆန္ဒနယ် ပြည်သူ့လွှတ်တော် ကိုယ်စားလှယ် တင်သွင်းသည့် ”နိုင်ငံတော်အစိုးရ အနေဖြင့် ရခိုင်ပြည်နယ်အတွက် လွတ်လပ်သော ကော်မရှင်တစ်ခုကို နိုင်ငံတကာမှ ပုဂ္ဂိုလ်ကြီးတစ်ဦး အပါအ၀င် အဖွဲ့ဝင် သုံးဦးဖြင့် ဖွဲ့စည်းခြင်းနှင့် စပ်လျဉ်း၍ UNSC ကိုယ်စားလှယ်အဖွဲ့၏ အကြံပြုချက်တွင် ပြည်ပအဖွဲ့ဖြင့် စစ်ဆေးခြင်းနှင့် ပြည်တွင်းအဖွဲ့ဖြင့် စစ်ဆေးခြင်းနည်းလမ်း နှစ်သွယ်ပါရှိရာ လွတ်လပ်သော နိုင်ငံတော်၏ အချုပ်အခြာအာဏာနှင့် နိုင်ငံသားပြည်သူများ၏ ဂုဏ်သိက္ခာကို လေးစား ယုံကြည်သောအားဖြင့် ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေးကို ပြန်လည်စဉ်းစား ဆုံးဖြတ်ပေးရန် ပြည်ထောင်စု အစိုးရအား တိုက်တွန်းကြောင်း” အရေးကြီးအဆိုကို ဇွန် ၁၁ ရက်က ပြုလုပ်သည့် ပြည်သူ့လွှတ်တော် အစည်းအဝေး၌ လွှတ်တော်ကိုယ်စားလှယ်များက ဆွေးနွေးရာတွင် ၎င်းက ထည့်သွင်းပြောကြားခြင်း ဖြစ်သည်။

”အဖွဲ့ဝင်သုံးဦး ပါဝင်ဖွဲ့စည်းမည့် စစ်ဆေးရေးကော်မရှင်မှာ နိုင်ငံတကာပုဂ္ဂိုလ်တစ်ဦး ပါဝင်မှုဆိုတာ ကျွန်တော်တို့ရဲ့ ဖွဲ့စည်းပုံ အခြေခံဥပဒေနှင့် ညီ မညီ စိစစ်ကြည့်ရန် လိုအပ်ပါတယ်။ ဖွဲ့စည်းပုံ အခြေခံဥပဒေ ပုဒ်မ ၄ မှာ နိုင်ငံတော်၏ အချုပ်အခြာအာဏာသည် နိုင်ငံသားများထံမှ ဆင်းသက်ပြီး နိုင်ငံတော်တစ်ဝန်းလုံး၌ တည်သည်ဟု အတိအလင်း ပြဋ္ဌာန်းထားပြီး ဖြစ်တဲ့အတွက် နိုင်ငံတော်ရဲ့အချုပ်အခြာအာဏာ အုပ်ချုပ်ရေးပိုင်းအထိ ယခုဖွဲ့စည်းသော ကော်မရှင်က စစ်ဆေးနိုင်မယ့် အခြေအနေရှိတဲ့အတွက် နိုင်ငံတော်သားများထံမှ ဆင်းသက်လာသော ကော်မရှင် မဟုတ်ဘဲ နိုင်ငံခြားသားထံမှ ဆင်းသာလာသော ကော်မရှင်ဖြစ်လာမည်ကို သတိပြုရမည် ဖြစ်သောကြောင့် နိုင်ငံတကာပုဂ္ဂိုလ် ပါဝင်သာ စစ်ဆေးရေး ကော်မရှင်ဟာ နိုင်ငံတော် ဖွဲ့စည်းပုံအခြေခံဥပဒေနှင့် ကိုက်ညီမှု မရှိကြောင်း ပထမဦးစွာ တွေ့ရပါတယ်။ ယင်းကော်မရှင်ဟာ မြန်မာနိုင်ငံသားများကို ခေါ်ယူခြင်း တွေ့ဆုံခြင်း မေးမြန်းခြင်းတို့ကို ပြုလုပ်ရမှာ ဖြစ်ပါတယ်။ နိုင်ငံသား တစ်ဦးဦးကို ဥပဒေရဲ့ ခွင့်ပြုချက်မှတစ်ပါး မည်သူကမှ မေးမြန်းပိုင်ခွင့် မရှိပါဘူး။ ၎င်းအာဏာမှာ တရားရေးအာဏာသာ ဖြစ်ပါတယ်။ တရားရေး အာဏာကို ကော်မရှင်သို့ ပေးအပ်ပါက မြန်မာနိုင်ငံရဲ့ တရားရေးဆိုင်ရာ အချုပ်အခြာအာဏာကို နိုင်ငံခြား အဖွဲ့အစည်းတစ်ခုကို အပ်နှင်းလိုက်သလို ဖြစ်နေမှာ သတိပြုရမှာ ဖြစ်ပါတယ်။ မြန်မာနိုင်ငံ Sovereign Decision ကို နိုင်ငံခြားသားက ချမှတ်ပါက မမျှော်လင့်သော ရှုပ်ထွေးမှုများ ဖြစ်ပေါ်လာနိုင်ပြီး ကျွန်တော်တို့ ပြည်နယ်တစ်ခုရဲ့ လုံခြုံရေးပိုင်းဆိုင်ရာ ကျိုးပေါက်သွားနိုင်သကဲ့သို့ နိုင်ငံတော်ရဲ့ အချုပ်အခြာကိုပါ ထိပါး စွက်ဖက်လာနိုင်တာကိုပါ သတိပြုရမှာ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင် က ပြောကြားသည်။

ထို့ပြင် အာဆာအကြမ်းဖက်မှု ကာလနောက်ပိုင်းအား စုံစမ်းမယ်ဆိုသည့်အတွက် ၎င်းကာလသည် ဒေသတွင်း တည်ငြိမ်းအေးချမ်းမှု မရှိချိန်၊ အစိုးရ၏ အုပ်ချုပ်မှုယန္တရား ပျက်ပြားနေချိန်၊ ဒေသခံ ပြည်သူများ စိုးရိမ်ကြောက်လန့်ပြီး တစ်ဦးနှင့်တစ်ဦး၊ လူမျိုး တစ်မျိုးနှင့်တစ်မျိုး နာကျင်ခံစားပြီး သံသယကြီးနေချိန် ဖြစ်ကြောင်း၊ အစိုးရ၏ အုပ်ချုပ်ရေးအဖွဲ့အစည်းများ၊ လုံခြုံရေးတပ်ဖွဲ့ဝင်များ၊ လုံခြုံရေးတပ်ဖွဲ့ဝင်များနှင့် ပူးပေါင်းဆောင်ရွက်နေကြသည့် ဒေသခံပြည်သူများဖြင့် ဒေသတွင်း တည်ငြိမ်ရေး၊ အုပ်ချုပ်ရေးယန္တရား လည်ပတ်နိုင်ရေး၊ အချုပ်အခြာအာဏာ ထပ်မံမဆုံးရှုံးရေး၊ ပြည်သူလူထု အိုးအိမ်စည်းစိမ် ထပ်မံမထိခိုက်စေရေး၊ လုံခြုံရေးနှင့် တရားဥပဒေစိုးမိုးရေးတို့ကို အဓိကထား လုပ်ဆောင်နေချိန် ကာလဖြစ်၍ ၎င်းကာလကို နိုင်ငံခြားသား ပုဂ္ဂိုလ်တစ်ဦးအနေဖြင့် သမိုင်းနောက်ခံ အခြေအနေမသိ၊ ဒေသခံများ၏ ခံစားနေရသည့် ဒုက္ခကိုမသိဘဲ လူ့အခွင့်အရေး၊ လူသားချင်း စာနာထောက်ထားမှု ခေါင်းစဉ်များဖြင့် သုံးသပ် စစ်ဆေးလာမည်ဆိုပါက နိုင်ငံတော်အစိုး၏ ပုံရိပ်ကို ထိခိုက်လာနိုင်သည်ကို ထည့်သွင်း စဉ်းစားရမည်ဖြစ်ကြောင်း ၎င်းကဆက်လက် ဆွေးနွေးသည်။

”မြန်မာနိုင်ငံရဲ့ ပြည်တွင်းရေးကို မြန်မာနိုင်ငံသားများကသာ ကွပ်ကဲစီရင်ပိုင်ခွင့် ရှိပြီးတော့ ပြည်ပနိုင်ငံသားများ ပါဝင်စေခြင်းဟာ ပြည်ပမှ ၀င်ရောက်စွက်ဖက်မှုကို မိမိကိုယ်တိုင် ကြိုဆိုနေသလို ဖြစ်နေတာကို သတိပြုရမှာ ဖြစ်ပါတယ်။ မြန်မာနိုင်ငံကို မြန်မာအစိုးရကသာ အုပ်ချုပ်နေတာဖြစ်ပြီးတော့ UN က လာရောက် အုပ်ချုပ်နေတာ မဟုတ်ကြောင်း သတိပြုရမှာ ဖြစ်ပါတယ်”ဟု တပ်မတော်သား လွှတ်တော်ကိုယ်စားလှယ် ဒုတိယဗိုလ်မှူးကြီး မင်းသော်အေး ကပြောကြားသည်။

ရခိုင်ပြည်နယ်အတွက် လွတ်လပ်သော စုံစမ်းစစ်ဆေးရေးကော်မရှင်တစ်ခုကို ပြည်တွင်းမှ ကျွမ်းကျင်ပညာရှင်များဖြင့်သာ ဖွဲ့စည်းဆောင်ရွက်ရေး အရေးကြီးအဆိုအား ပြည်သူ့လွှတ်တော်တွင် မဲခွဲဆုံးဖြတ်ရာတွင် ရှုံးနိမ့်သွားသည့် မဲရလဒ်အား တွေ့ရစဉ်

ယခုကဲ့သို့ နောက်ကြောင်းပြန် ဆောင်ရွက်ခြင်းသည် ကျယ်ပြန့် နက်ရှိုင်းပြီး ပြည်ပ ပယောဂများ အဖျက်အမှောင့်များ မတည်ငြိမ်မှုများ စသည့် ကဏ္ဍပေါင်းစုံမှ ဆက်နွှယ်လာနိုင်သည်ကို သတိပေး ဆွေးနွေးလိုကြောင်း၊ ကော်မရှင်အနေဖြင့် မြန်မာနိုင်ငံအကျိုးကို ထည့်သွင်းမစဉ်းစားဘဲ လူ့အခွင့်အရေးကို ဇောင်းပေးကာ ဒေသခံ တိုင်းရင်းသားများ၏အရေးကို မျက်ကွယ်ပြုပြီး ၎င်းတို့ဖြစ်စေချင်သည့် အကြောင်းအရာများကိုသာ စစ်ဆေး ဖော်ထုတ်လာပါက ပြည်တွင်းရေး ပြဿနာကို တရားနည်းလမ်းကျ ဖြေရှင်းရာမရောက်ဘဲ နိုင်ငံတကာသို့ ကျယ်ပြန့်စွာ လှုံ့ဆော်ဖန်တီးမှုမျိုး ဖြစ်လာနိုင်ကြောင်း၊ နိုင်ငံခြားသား ပါဝင်သည့် ကော်မရှင်ဖွဲ့စည်းခြင်းကို နိုင်ငံတော်အစိုးရ အနေဖြင့် နက်နက်နဲနဲ စဉ်းစားသင့်ကြောင်း၊ ပြဿနာများကို ပိုမို ကျယ်ပြန့်စေခြင်း၊ အခြေအနေ ပိုမိုရှုပ်ထွေး ဆိုးရွားသွားစေခြင်း မရှိစေရန်နှင့် တစ်ဖက်နှင့် တစ်ဖက် အမုန်းတရားများ မဖြစ်ပေါ်စေရေး ထိန်းသိမ်းရန်မှာ ပြည်ထောင်စုအစိုးရ၏ တာဝန်သာ ဖြစ်ကြောင်း ဒုတိယဗိုလ်မှူးကြီး စိုးမြင့်အောင်က ပြောကြားသည်။

”လုံခြုံရေး၊ တည်ငြိမ်အေးချမ်းရေးနဲ့ တရားဥပဒေ စိုးမိုးရေးကို အခြေခံကျကျ စဉ်းစားပြီး အစိုးရရဲ့ အခွင့်အာဏာအတွင်းမှ နိုင်ငံတော်နဲ့နိုင်ငံသားများ၊ ဒေသခံ တိုင်းရင်းသားများရဲ့ မွေးရာပါ အခွင့်အရေးများနဲ့ အကျိုးစီးပွားကို ရှေးရှုသော ကော်မရှင်တစ်ရပ် ဖွဲ့စည်းရေးကိုသာ ဦးစားပေး ဆောင်ရွက်သင့်ပါတယ်။ ရခိုင်ပြည်နယ်အရေးကိစ္စဟာ မြန်မာပထ၀ီဝင် အနေအထားအရ နိုင်ငံခြားသားများနဲ့ ဖြေရှင်းရမယ့်ကိစ္စ မဟုတ်ဘဲ မိမိနိုင်ငံရဲ့ အမျိုးသား အကျိုးစီးပွားဖြစ်တဲ့ တိုင်းပြည် တည်ငြိမ်အေးချမ်းရေး တိုင်းရင်းသား စည်းလုံးညီညွတ်ရေးနဲ့ ဖွံ့ဖြိုးတိုးတက်ရေးအတွက် စိတ်ရင်း စေတနာအမှန်နဲ့ ဆောင်ရွက်လိုသူများ၊ မြန်မာနိုင်ငံ အတိတ်သမိုင်းကြောင်းကို သိရှိလက်ခံနိုင်သည့် မိမိနိုင်ငံသား အသိပညာရှင်များ၊ အတက်ပညာရှင်များနဲ့သာ ဖြေရှင်းနိုင်တဲ့ ကိစ္စတစ်ခု ဖြစ်ပါတယ်။ နိုင်ငံတော်အတွင်းမှာရှိတဲ့ ပညာရှင်နိုင်ငံသားများနဲ့သာ ပါဝင်ဖွဲ့စည်းသော ကော်မရှင်တစ်ခုကို ပြည်သူတို့ရဲ့ ဆန္ဒနဲ့အညီ ဖွဲ့စည်းဆောင်ရွက်သင့်ပါတယ်။ ထိုသို့ ကော်မရှင် ဖွဲ့စည်းသောကိစ္စဟာ နိုင်ငံတော်အတွက် အထူးအရေးကြီးပြီး အတိမ်းအစောင်း မခံသည့်ကိစ္စဖြစ်၍ လုပ်ဆောင်မှု နည်းလမ်းမှားယွင်းခဲ့ရင် ဒေသခံ ပြည်သူလူထုများ ထိခိုက်နစ်နာပြီး မလိုလားအပ်သော ပြဿနာများ နစ်နာဆုံးရှုံးမှုများ နက်ရှိုင်းစွာ ဖြစ်ပေါ်လာနိုင်ခြင်း၊ နိုင်ငံတော်ရဲ့ လုံခြုံရေးနှင့် အမျိုးသားအကျိုးစီးပွားများကို ထိခိုက်လာနိုင်ခြင်းတို့ကြောင့် နိုင်ငံတော်နှင့် နိုင်ငံသားများအကျိုးအတွက် ပွင့်လင်းမြင်သာစွာနဲ့ ပြည်သူ့ကိုယ်စားလှယ်ဖြစ်သော လွှတ်တော် ကိုယ်စားလှယ်များတို့ရဲ့ အတည်ပြုချက်ရယူပြီး အထူးဂရုပြု ဆောင်ရွက်သင့်တဲ့ကိစ္စ ဖြစ်ပါတယ်”ဟု ဒုတိယဗိုလ်မှူးကြီး စိုးမြင့်အောင်က ပြောကြားသည်။

ထို့ပြင် ကုလသမဂ္ဂ လူ့အခွင့်အရေးကောင်စီက ရခိုင်ပြည်နယ်အတွင်း စုံစမ်းစစ်ဆေးနိုင်ရန် အချက်အလက် ရှာဖွေဖော်ထုတ်ရေးအဖွဲ့ကို ဖွဲ့စည်း၍ မြန်မာနိုင်ငံကို စေလွှတ်ရန် ၂၀၁၇ ခုနှစ် မတ် ၂၄ ရက်တွင် မဲခွဲမှု မလုပ်ဘဲ အတည်ပြု ဆုံးဖြတ်ခဲ့ကြောင်း၊ ထို့အတူ မြန်မာနိုင်ငံအပေါ် R2P ဆောင်ရွက်ရန် တွန်းအားပေးမှုများ ပြုလုပ်ခြင်း၊ ဆွေးနွေးပွဲများ ကျင်းပခြင်း၊ နိုင်ငံတကာ တက္ကသိုလ်ကောလိပ်များတွင် ဘွဲ့လွန်စာတမ်းများ ပြုစုခြင်းတို့ကိုပါ အချိန်ကိုက် ဆောင်ရွက်လာကြကြောင်း၊ ကိုဖီအာနန် ကော်မရှင်သည် အကြံပေးရန်ဟု ဆိုခဲ့သော်လည်း ဖွဲ့စည်းဆောင်ရွက်ပြီးသည့်နောက်တွင် ကော်မရှင်၏ အကြံပြုချက်များကို UN တွင် တင်ပြခဲ့ပြီး တရားဝင်အတည်ဖြစ်ကာ ယခုအခါတွင် ရခိုင်အရေး လမ်းပြမြေပုံအဖြစ်သို့ ရောက်ရှိနေပြီ ဖြစ်ကြောင်း၊ အဆိုပါဖြစ်စဉ်သည် ကိုဖီအာနန် ကော်မရှင်ဆိုသည့် နိုင်ငံခြားသားများ ပါဝင်လာသည့် အကျိုးဆက်ဖြစ်ပြီး မိအေးနှစ်ခါနာ သာမက ၁၀ ခါမကနာသည့်အဖြစ်သို့ ရောက်နေကာ မိမိနိုင်ငံသူ၊ နိုင်ငံသားများကိုလည်း မယုံကြည်ရာ ရောက်ကြောင်း ဒုတိယဗိုလ်မှူးကြီး မင်းသော်အေး ကပြောကြားသည်။

မြန်မာနိုင်ငံသည် ကမ္ဘာ့ကုလသမဂ္ဂ အဖွဲ့ဝင်နိုင်ငံဖြစ်သည်နှင့်အညီ မြန်မာနိုင်ငံအပေါ် ဥပဒေအရ စည်းနှောင်မှုရှိသည့် ပြဋ္ဌာန်းချက်များ၊ ဆုံးဖြတ်ချက်များကို လိုက်နာ ဆောင်ရွက်ရမည် ဖြစ်သော်လည်း ဥပဒေအရ စည်းနှောင်မှု မရှိသည့် ကုလသမဂ္ဂ၏ တိုက်တွန်း အကြံပြုချက်များကို အလုံးစုံလိုက်နာ ဆောင်ရွက်ရန်မလိုဘဲ မိမိနိုင်ငံ၏ အခြေအနေအရ ဆောင်ရွက်သင့်သည်များကိုသာ ဆောင်ရွက်ရန်ဖြစ်ပြီး မဆောင်ရွက်နိုင်သည့် ကိစ္စများကို မဆောင်ရွက်ဘဲ ထားရှိသင့်ကြောင်းနှင့် ရွေးချယ်စရာ နည်းလမ်းများနှင့် အကောင်းဆုံး ရွေးချယ်မှုကို မိမိနိုင်ငံ၏ အမျိုးသားအကျိုးစီးပွား ထိခိုက်နစ်နာမှု မရှိစေနိုင်သော အခြေခံအချက်အပေါ် မူတည်ပြီး ရွေးချယ် ဆောင်ရွက်သင့်ကြောင်း ဗိုလ်မှူးကြီး ခင်မောင်ချိုက ပြောကြားသည်။

အဆိုပါ အရေးကြီးအဆိုအား တပ်မတော်သား လွှတ်တော်ကိုယ်စားလှယ်များ၊ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီဝင် လွှတ်တော်ကိုယ်စားလှယ်များ၊ ရခိုင်အမျိုးသားပါတီဝင် လွှတ်တော်ကိုယ်စားလှယ်များက ထောက်ခံဆွေးနွေးခဲ့ပြီး အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်များက ကန့်ကွက်ဆွေးနွေးခဲ့ကာ နိုင်ငံတော်အတိုင်ပင်ခံရုံးဝန်ကြီးဌာန ဒုတိယ၀န်ကြီးက အစိုးရ၏ ဆောင်ရွက်ချက်များကို ရှင်းလင်း၍ အဆိုအား အတည်မပြုရန် သဘောထားတင်ပြခဲ့ပြီးနောက် အဆိုအပေါ် မဲခွဲဆုံးဖြတ်ရာတွင် ကန့်ကွက်မဲများသည့်အတွက် အဆိုတင်သွင်းခြင်း ရှုံးနိမ့်ခဲ့သည်။

AI အဖွဲ့သည် မြန်မာနိုင်ငံ၏အရေးကို ICC သို့တင်ရန် ကြိုးစားနေသည့်အတွက် သတိပြုရမည်ဖြစ်ပြီး နောက်တစ်ကြိမ် အကြမ်းဖက် တိုက်ခိုက်ရန် အာဆာအဖွဲ့ လူစုနေဟု သေနင်္ဂမဟာဗျူဟာ လေ့လာရေးအဖွဲ့ ပြောကြား

အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (AI) သည် မြန်မာနိုင်ငံ၏ အရေးကို အပြည်ပြည်ဆိုင်ရာ ရာဇ၀တ်မှုခုံရုံး (ICC) သို့တင်ရန် ကြိုးစားနေသည့် အဖွဲ့အစည်းတစ်ခု ဖြစ်သည့်အတွက် သတိပြုရမည်ဖြစ်ပြီး အာဆာအကြမ်းဖက် အဖွဲ့ကလည်း ရခိုင်ပြည်နယ်တွင် နောက်တစ်ကြိမ် အကြမ်းဖက် တိုက်ခိုက်မှုများ ပြုလုပ်ရန် လူစုနေသည်ဟု သေနင်္ဂမဟာဗျူဟာ လေ့လာရေးအဖွဲ့၏ တည်ထောင်သူနှင့် အမှုဆောင်ဒါရိုက်တာ ဒေါက်တာနိုင်ဆွေဦးက ပြောကြားသည်။

သေနင်္ဂမဟာဗျူဟာ လေ့လာရေးအဖွဲ့က စီစဉ်သော “ရခိုင်ပြည်နယ်အရေး နိုင်ငံတကာ စံနှုန်းများနှင့် အမျိုးသား လုံခြုံရေးအမြင် ဆွေးနွေးပွဲ” ကို ဇွန် ၉ ရက်၌ ရန်ကုန်မြို့ မရမ်းကုန်းမြို့နယ် ရှစ်မိုင်လမ်းဆုံရှိ Hotel Yangon တွင် ပြုလုပ်ခဲ့ပြီး အဆိုပါ ဆွေးနွေးပွဲနှင့်ပတ်သက်၍ ရှင်းလင်းပြောကြားရာတွင် ဒေါက်တာနိုင်ဆွေးဦးက ထိုသို့ထည့်သွင်း ပြောကြားခဲ့ခြင်းဖြစ်သည်။

“နောက်တစ်ခုကတော့ AI အဖွဲ့ရဲ့ အစီရင်ခံစာပဲ ဖြစ်ပါတယ်။ သာမန်အားဖြင့် ကျွန်တော်တို့ ဒီအစီရင်ခံစာကို ကြိုဆိုရမှာ ဖြစ်ပါတယ်။ တပ်မတော်အနေနဲ့လည်း ဒါကို ကြိုဆိုတယ် ဆိုပြီးတော့ ထုတ်ပြန်ခဲ့တာ ရှိပါတယ်။ ဒါပေမဲ့ ဒီ AI အဖွဲ့ဟာ ကျွန်တော်တို့ တခြားမိတ်ဖက် အဖွဲ့တွေနဲ့ ပေါင်းပြီးတော့ မြန်မာနိုင်ငံရဲ့အရေးကို ICC ကိုတင်ဖို့ ကြိုးစားနေတဲ့ အဖွဲ့ဆိုတာ ကျွန်တော်တို့အနေနဲ့ သတိပြုမိဖို့ လိုအပ်ပါတယ်” ဟု ၎င်းကဆိုသည်။

တပ်မတော်က ဘင်္ဂါလီရွာများကို မီးရှို့ခဲ့သည်ဆိုသော ဂြိုဟ်တုဓာတ်ပုံများ၊ ဘင်္ဂါလီများ၏ မြေနေရာများပေါ်တွင် တပ်မတော်က တပ်စခန်းများ အခိုင်အမာ ဆောက်နေသည်ဆိုသော သတင်းဓာတ်ပုံ အစီရင်ခံစာများကို AI အဖွဲ့က ထုတ်ပြန်ခဲ့ခြင်းဖြစ်သည်ဟု ဒေါက်တာနိုင်ဆွေဦးက ပြောကြားသည်။

“ဘင်္ဂါလီတွေ အတင်းအကျပ် ရွှေ့ပြောင်းခံရခြင်း ခေါင်းစဉ်နဲ့ ဘင်္ဂလားဒေ့ရ်ှနိုင်ငံက ICC လမ်းကြောင်းပေါ်ကို တင်ဖို့ကြိုးစားနေတဲ့ ဒီအချိန်မှာ အာဆာအဖွဲ့က ဟိန္ဒူတွေကို သတ်တယ်ဆိုတဲ့ အစီရင်ခံစာ ထုတ်ပြန်ခဲ့ခြင်းဟာလည်း သံသယဖြစ်ဖွယ် ရှိပါတယ်။ ဘာဖြစ်လို့လဲဆိုတော့ AI အဖွဲ့အနေနဲ့ ဒီဖြစ်စဉ်ကို ယခင်ကတည်းက သိရှိပြီး ဖြစ်ပါတယ်။ အခုအချိန်မှ အချိန်ကိုက် ထုတ်ပြန်ခဲ့ခြင်း ဖြစ်တဲ့အတွက် ဒါသံသယ ဖြစ်စရာပါ” ဟု ၎င်းကရှင်းလင်း ပြောပြသည်။

ယခင်က ဖြစ်ပွားခဲ့သည့် အာဆာအဖွဲ့၏ အကြမ်းဖက်တိုက်ခိုက်မှု ဖြစ်စဉ်များတွင် အာဆာအဖွဲ့အနေဖြင့် အကြမ်းဖက် တိုက်ခိုက်မှုများ မပြုလုပ်မီ လူအင်အား ကြိုတင်စုဆောင်းမှုများ ပြုလုပ်လေ့ရှိပြီး ထိုသို့ လူအင်အား ကြိုတင်စုဆောင်းရာတွင် မော်လ၀ီဆရာများကို အသုံးချခဲ့ကာ ယခုအခါတွင်လည်း အာဆာအဖွဲ့အနေဖြင့် ကော့ဘဇားရှိ ဒုက္ခသည်စခန်း ၁၂ ခုသို့ စိမ့်ဝင်ကာ အဝေးရောက် အာဆာအဖွဲ့ ဖွဲ့စည်းရန် ကြံစည်နေသည်ဟု ဒေါက်တာနိုင်ဆွေဦးက ပြောကြားသည်။

“အခုလည်း သူတို့က အဝေးရောက် အာဆာကို ဖွဲ့စည်းမယ်ဆိုပြီး အဖွဲ့တစ်ဖွဲ့ကို လူငါးယောက်နှုန်း ပါဝင်ပြီးတော့မှ ဒုက္ခသည်စခန်း ၁၂ ခုမှာ နေထိုင်တဲ့ ရွာပေါင်းလေးဆယ်ကနေပြီးမှ တစ်ရွာကို လူအင်အား တစ်ရာကနေ နှစ်ရာအထိ စည်းရုံးလုပ်ဆောင်ထားပြီး ဖြစ်တယ်လို့ ကျွန်တော်တို့အနေနဲ့ သိရပါတယ်။ လက်ရှိမှာတော့ အကြမ်းဖက် တိုက်ခိုက်မှုတွေ ပြန်လည်လုပ်ဆောင်ဖို့အတွက် အချိန်စောင့်ဆိုင်းနေတယ်လို့ပဲ သုံးသပ်မိပါတယ်” ဟု ၎င်းကဆက်လက် ပြောကြားသည်။

မြန်မာနိုင်ငံအနေဖြင့် ကမ္ဘာ့အင်အားကြီးနိုင်ငံ တစ်နိုင်ငံနှင့် လူဦးရေ ပေါက်ဖွားမှုနှုန်း မြင့်မားသည့် နိုင်ငံတစ်ခု၏ အကြားတွင် ဖြစ်တည်နေပြီး တရုတ်နိုင်ငံ၏ Belt and Road အစီအစဉ် အောင်မြင်ပါက ရခိုင်ဒေသသည် အရေးပါသည့် ဒေသတစ်ခု ဖြစ်လာမည် ဖြစ်သည့်အတွက် ရခိုင်ပြည်နယ်၏ ဖြစ်စဉ်များကို ရှုမြင်ရာတွင် မဟာဗျူဟာ အမြင်များဖြင့် ရှုမြင်ကြရန် လိုအပ်ကြောင်း ဒေါက်တာနိုင်ဆွေဦးက ပြောကြားသည်။

ဘင်္ဂါလီမွတ်စလင်များ ပြန်ပို့ရန်အတွက် အိန္ဒိယနှင့် မြန်မာ ဆွေးနွေး

ကာကွယ်ရေးနှင့် လုံခြုံရေးဆိုင်ရာ ပူးပေါင်းဆောင်ရွက်မှုအပေါ် အဓိကထားသည့် အပြန်အလှန် ဆက်ဆံရေးကို ပြန်လည်သုံးသပ်ရန် ၁၇ ကြိမ်မြောက် နိုင်ငံခြားရေးရုံး အတိုင်ပင်ခံအစည်းအဝေးကို ဇွန် ၉ ရက်က အိန္ဒိယနှင့် မြန်မာနိုင်ငံတို့က ကျင်းပခဲ့ကြောင်း သိရသည်။

အိမ်နီးချင်းနှစ်နိုင်ငံသည် ရခိုင်ပြည်နယ်ရှိ အခြေအနေရပ်များနှင့် နေရပ်စွန့်ခွာလာခဲ့ကြသော ဘင်္ဂါလီမွတ်စလင်များကို ပြန်ပို့ရေးအတွက် ဆွေးနွေးခဲ့ကြခြင်းဖြစ်သည်။ မြန်မာတပ်မတော်နှင့် အရပ်သားအစိုးရအဖွဲ့တို့က ဇွန် ၈ ရက်တွင် ဘင်္ဂါလီမွတ်စလင် အကျပ်အတည်းအတွက် ပြည်တွင်းစုံစမ်းစစ် ဆေးမှုများပြုလုပ်ရန်ကိစ္စပါသည့် ရှားရှားပါးပါး နိုင်ငံတော်လုံခြုံရေးအစည်းအဝေးကို ပြုလုပ်ခဲ့ကြသည်ဟု သိရသည်။

အိန္ဒိယနှင့် မြန်မာနိုင်ငံတို့ ဆွေးနွေးရာတွင် အိန္ဒိယကိုယ်စားလှယ်အဖွဲ့ကို နိုင်ငံခြားရေးအတွင်းဝန် ဗီဂျေးဂိုခါလီက ဦးဆောင်ပြီး မြန်မာကိုယ်စားလှယ်အဖွဲ့ကို မြန်မာနိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူက ဦးဆောင်ခဲ့ကြောင်း သိရသည်။

ဆွေးနွေးစဉ်အတွင်း အဆင့်မြင့်အဆင့် လာရောက်မှုများ၊ လုံခြုံရေးနှင့် ကာကွယ်ရေးနှင့်သက်ဆိုင်သော အကြောင်းအရာများ၊ နယ်နိမိတ်ဆိုင်ရာ အကြောင်းအရာများနှင့် နယ်စပ်စီမံခန့်ခွဲမှု၊ ကုန်သွယ်ရေးနှင့် ကူးသန်း ရောင်းဝယ်ရေး၊ ဖွံ့ဖြိုးမှုဆိုင်ရာ ပူးပေါင်းဆောင်ရွက်ရေး၊ ဆက်သွယ်ရေး၊ ယဉ်ကျေးမှုနှင့် သံတမန်ရေးအကြောင်းအရာများ အပါအ၀င် အပြန်အလှန်ဆက်ဆံရေး အတိုင်းအတာ အပြည့်အစုံကို ဆွေးနွေးခဲ့ကြသည်။

‘‘သူတို့ဟာ အပြန်အလှန်အကျိုးစီးပွားနဲ့ သက်ဆိုင်နေတဲ့ ဒေသတွင်းကိစ္စတွေနဲ့ ကမ္ဘာ့ရေးရာ ကိစ္စတွေကိုလည်း အမြင်ချင်း ဖလှယ်ခဲ့ကြပါတယ်’’ ဟု အိန္ဒိယအစိုးရ၏ ထုတ်ပြန်ချက်၌ ပြောကြားထားသည်။

အိန္ဒိယ၌ ရှိနေစဉ်အတွင်း မြန်မာ အမြဲတမ်းအတွင်းဝန်သည် အိန္ဒိယမြို့တော်ရှိ သမိုင်းနှင့် ယဉ်ကျေးမှုအရ အရေးပါသည့် နေရာများသို့လည်း သွားရောက်မည်ဖြစ်ကြောင်း ထုတ်ပြန်ချက်၌ ဖော်ပြထားသည်။

အိန္ဒိယနိုင်ငံခြားရေးဝန်ကြီး ဆူရှမာဆာဝါရာသည် လွန်ခဲ့သည့်လက မြန်မာနိုင်ငံသို့ နှစ်ရက်ကြာသွားရောက်ခဲ့ပြီး မြန်မာနိုင်ငံသမ္မတ ဦးဝင်းမြင့်၊ နိုင်ငံတော်၏အတိုင်ပင်ခံ ပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည်တို့နှင့် တွေ့ဆုံခဲ့သည်။

အိန္ဒိယနိုင်ငံခြားရေးဝန်ကြီးသည် မြန်မာနိုင်ငံ၌ရှိစဉ်အတွင်း နယ်နိမိတ်နှင့် နယ်စပ်ဒေသဆိုင်ရာ အကြောင်းအရာများ၊ ငြိမ်းချမ်းရေးနှင့် လုံခြုံရေးဆိုင်ရာ အကြောင်းအရာများ၊ နေရပ်စွန့်ခွာလာသော ဘင်္ဂါလီမွတ်စလင်များကို ပြန်ပို့ရေးအပါအ၀င် ရခိုင်ပြည်နယ်၏ ဖွံ့ဖြိုးမှုအနေအထားတို့အပြင် အိန္ဒိယက မြန်မာနိုင်ငံကို ဖွံ့ဖြိုးမှုဆိုင်ရာ အထောက်အပံ့များပေးရေး၊ ဆောင်ရွက်နေဆဲ စီမံကိန်းများ နှင့် အပြန်အလှန်အကျိုးစီးပွားဆိုင်ရာ အခြားအကြောင်းအရာများကို ဆွေးနွေးခဲ့သည်။

ယခုအစည်းအဝေးသည် ၂၀၁၆ ခုနှစ်တွင် ဒေါ်အောင်ဆန်းစုကြည်၏ အစိုးရအဖွဲ့ အာဏာရလာပြီးနောက်ပိုင်း တတိယအကြိမ်မြောက် ယင်းကဲ့သို့သော ဆွေးနွေးမှုမျိုး ဖြစ်ကြောင်းလည်း သိရသည်။

ဘင်္ဂါလီအရေးတွင် ကုလသမဂ္ဂ စုံစမ်းစစ်ဆေးသူများနှင့် ပူးပေါင်းဆောင်ရွက်ရန် မြန်မာအစိုးရကို လုံခြုံရေးကောင်စီ တောင်းဆို

Photo: AFP

ဘင်္ဂါလီများအပေါ် ရက်စက်ကြမ်းကြုတ်မှု စွပ်စွဲချက်များအား စုံစမ်းစစ်ဆေးရန် ကုလသမဂ္ဂ ကျွမ်းကျင်ပညာရှင်များနှင့်အတူ ပူးပေါင်းဆောင်ရွက်ရန် ကုလသမဂ္ဂ လုံခြုံရေးကောင်စီက မြန်မာအစိုးရကို တောင်းဆိုထားသည်ဟု ဇွန် ၅ ရက်တွင် အေအက်ဖ်ပီက မြင်တွေ့ ခဲ့ရသော ပေးစာတစ်စောင်အရ သိရသည်။

သြဂုတ်လတွင် ရခိုင်ပြည်နယ်၌ စစ်တပ်စစ်ဆင်ရေးကို လုပ်ဆောင်ခဲ့ပြီးနောက် အနည်းဆုံး ဘင်္ဂါလီမွတ်ဆလင် ၇၀၀၀၀၀ မြန်မာနိုင်ငံထဲမှ နှင်ထုတ်ခံခဲ့ရသည်။ အဆိုပါ စစ်ဆင်ရေးကို လူမျိုးသုဉ်း သုတ်သင်မှုတစ်ရပ်အဖြစ် ဗြိတိန်၊ ပြင်သစ်၊ အမေရိကန်နှင့် ကုလသမဂ္ဂတို့က ထုတ်ဖော် ပြောဆိုခဲ့ကြသည်။

မေလ အစောပိုင်းတွင် မြန်မာနှင့် ရခိုင်တို့ကို သွားရောက် လည်ပတ်ခဲ့ပြီးနောက် စွပ်စွဲချက်များကို စုံစမ်းစစ်ဆေးရန် မြန်မာအစိုးရက သဘောတူညီခဲ့သော်လည်း လူ့အခွင့်အရေးရုံးကဲ့သို့ သော ကုလအဖွဲ့ အစည်းများ ပါဝင်ရမည်ဟု ပြောကြားခဲ့ကြောင်း လုံခြုံရေးကောင်စီက ရေသားထားသည်။

နိုင်ငံတကာ အသိုင်းအ၀ိုင်း၏ ပါဝင်ပက်သက်မှုနှင့်အတူ လူ့အခွင့်ရေး ချိုးဖောက်မှုများ၊ ညှင်းပန်နှိပ်စက်မှုများနှင့် သက်ဆိုင်သောပ်စွဲပြောဆိုမှုများအပေါ် သီးခြားလွတ်လပ်၍ ပွင့်လင်းမြင်သာမှုရှိသော စုံစမ်းစစ်ဆေးမှုများကို ဆောင်ရွက်ခြင်းနှင့် အကြမ်းဖက်မှု ကျူးလွန်သော လက်သည်တရားခံကို တာဝန်ခံစေခြင်းတို့သည် ယခု ကတိက၀တ်ပြုထားမှုကို ခိုင်မာသော အရေးယူဆောင်ရွက်မှု တစ်ရပ်အဖြစ် ပြောင်းလဲသွားစေလိမ့်မည်ဟု မေ၃၁ ရက်တွင် မြင်တွေ့ ခဲ့ရသော ပေးစာတွင် ပြောကြားထားသည်။ “အခြေအနေဟာ ကျွန်ုပ်တို့ကို အလွန်စိုးရိမ်စရာအဖြစ် ရှိနေပါတယ်” ဟု ဖြည့်စွက်ဖော်ပြထားခဲ့သည်။ မေတ္တာရပ်ခံချက်ကို ရက်ပေါင်း ၃၀ အတွင်း တုံ့ ပြန်ရန် လုံခြုံရေးကောင်စီက မြန်မာအစိုးရကို တောင်းဆိုခဲ့သည်။

မြန်မာနိုင်ငံအတွင်းသို့ ဝင်ရောက်ရန် ကုလသမဂ္ဂ လူ့အခွင့်အရေးကောင်စီက စီစဉ်ပေးခဲ့သော အချက်အလက်ရှာဖွေရေးမစ်ရှင်ကို မြန်မာအစိုးရက ခွင့်ပြုရန်ငြင်းဆန်ခဲ့ပြီး ကုလလူ့အခွင့်အရေး ကျွမ်းကျင်သူ ယန်ဟီလီးကို တားမြစ်ခဲ့သည်။ လာတော့မည့် သီတင်းပတ်များတွင် မြန်မာနိုင်ငံဆိုင်ရာ ကုလသံတမန်သစ် ခရစ္စတိုင်းရှရင်းနားဘာဂီနာသည် မြန်မာနိုင်ငံသို့ ပထမဦးဆုံးအကြိမ် လာရောက်လည်ပတ်ရန် ရှိနေသည်။

စစ်တပ် စစ်ဆင်ရေးအတွင်း ညှင်းပန်နှိပ်စက်မှု ကျယ်ကျယ်ပြန့် ပြန့် လုပ်ဆောင်ခဲ့သည်ဆိုသော စွပ်စွဲချက်များကို မြန်မာအစိုးရက ငြင်းဆန်ခဲ့ပြီး စစ်ဆင်ရေးသည် အစွန်းရောက်များကို အမြစ်ဖြုတ်ရန် ရည်ရွယ်ခဲ့သည်ဟု ပြောကြားခဲ့သည်။

ရခိုင်ပြည်နယ်မှ နေရပ်စွန့်ခွာသူများအား ပြန်လည်လက်ခံရေး လုပ်ငန်းစဉ်ကို အထောက်အပံ့ ပြုနိုင်ရေးအတွက် မြန်မာအစိုးရနှင့် ကုလသမဂ္ဂအေဂျင်စီများအကြား နားလည်မှုစာချွန်လွှာ ရေးထိုး

မောင်တောဒေသတွင် နိုင်ငံသားစိစစ်ခံရမည့်သူများ ကိုင်ဆောင်မည့်ကတ် (NVC) ပြုလုပ်ပေးနေသည်ကို ၂၀၁၈ ခုနှစ် နှစ်ဆန်းပိုင်းက တွေ့ရစဉ်

ရခိုင်ပြည်နယ်မှ နေရပ်စွန့်ခွာသွားသူများအား ပြန်လည်လက်ခံရေး လုပ်ငန်းစဉ်ကို အထောက်အပံ့ ပြုနိုင်ရေးအတွက် မြန်မာအစိုးရနှင့် ကုလသမဂ္ဂအေဂျင်စီများအကြား နားလည်မှုစာချွန်လွှာကို ဇွန် ၆ ရက်တွင် နေပြည်တော်ရှိ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနတွင် လက်မှတ်ရေးထိုးခဲ့ကြောင်း နိုင်ငံတော်အတိုင်ပင်ခံရုံး ၀န်ကြီးဌာနက သတင်းထုတ်ပြန်ခဲ့သည်။

မြန်မာနှင့် ဘင်္ဂလားဒေ့ရ်ှနိုင်ငံတို့အကြား ၂၀၁၇ ခုနှစ် နိုဝင်ဘာ ၂၃ ရက်တွင် လက်မှတ်ရေးထိုးခဲ့သည့် “ရခိုင်ပြည်နယ်မှ နေရပ်စွန့်ခွာသွားသူများအား ပြန်လည်လက်ခံရေး လုပ်ငန်းစဉ်” အကောင်အထည်ဖော်ရာတွင် မြန်မာအစိုးရ၏ ဆောင်ရွက်ချက်များအား အထောက်အပံ့ ပြုနိုင်ရေးအတွက် ကုလသမဂ္ဂဖွံ့ဖြိုးမှု အစီအစဉ် (UNDP) နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) တို့ကို ဖိတ်ခေါ်မှုအရ နားလည်မှုစာချွန်လွှာ လက်မှတ်ရေးထိုးခဲ့ခြင်းဖြစ်ကြောင်း သတင်းထုတ်ပြန်ခဲ့သည်။

မြန်မာနိုင်ငံ အစိုးရအနေဖြင့် နှစ်နိုင်ငံ သဘောတူညီချက်ကို အရှိန်အဟုန်ဖြင့် အကောင်အထည်ဖော်ရန် သန္နိဋ္ဌာန်ချထားပြီး ဖြစ်သည့်အတိုင်း နှစ်နိုင်ငံ သဘောတူ လက်မှတ်ရေးထိုးချိန်မှစ၍ ကြိုတင်ပြင်ဆင်မှုများ ဆောင်ရွက်ခဲ့ခြင်းဖြစ်ကြောင်း ထုတ်ပြန်ခဲ့သည်။

အဆိုပါ နားလည်မှုစာချွန်လွှာ လက်မှတ်ရေးထိုးခြင်းကြောင့် မြန်မာအစိုးရက ယမန်နှစ်ကပင် စတင်ဆောင်ရွက်ခဲ့ပြီး ဖြစ်သည့် နေရပ်စွန့်ခွာသွားသူများ မိမိ သဘောဆန္ဒအလျောက် လုံခြုံဘေးကင်း သိက္ခာရှိစွာ ပြန်လာနိုင်ရေး လုပ်ငန်းများကို ပိုမို အားဖြည့်မြှင့်တင်ပေးနိုင်မည်ဟု မျှော်လင့်ထားပြီး ကုလသမဂ္ဂအေဂျင်စီများ ပါဝင်မှုကြောင့် ပြန်လည်လက်ခံရေး လုပ်ငန်းစဉ် ပိုမို၍ လျင်မြန်လာမည်ဟုလည်း မျှော်လင့်ထားကြောင်း နိုင်ငံတော်အတိုင်ပင်ခံရုံး ၀န်ကြီးဌာန၏ သတင်းထုတ်ပြန်ချက်တွင် ဖော်ပြထားသည်။

ထို့ပြင် နိုင်ငံတော်အစိုးရ၏ ၂၀၁၇ ခုနှစ် သြဂုတ် ၂၄ ရက်နေ့စွဲဖြင့် ထုတ်ပြန်ချက်ပါအတိုင်း နေရပ်စွန့်ခွာသွားသူများ အရေးကိစ္စနှင့် စပ်လျဉ်း၍ မြန်မာအစိုးရ၏ ဘက်စုံလွှမ်းခြုံပြီး ရေရှည်တည်တံ့သော ဖြေရှင်းချက်များ၊ ရခိုင်ပြည်နယ်ဆိုင်ရာ အကြံပေးကော်မရှင်၏ အကြံပြုချက်များအပေါ် အကောင်အထည်ဖော် ဆောင်ရွက်မှုများကို ကုလသမဂ္ဂဖွံ့ဖြိုးမှုအစီအစဉ် (UNDP) နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) တို့၏ ထောက်ခံမှုကို ယခု နားလည်မှုစာချွန်လွှာတွင် အတည်ပြုထားသည်ဟု သတင်းထုတ်ပြန်ချက်တွင် ဖော်ပြထားသည်။

ယခု လက်မှတ် ရေးထိုးသော နားလည်မှုစာချွန်လွှာအရ နေရပ်စွန့်ခွာသွားသူများ မိမိ သဘောဆန္ဒအလျောက် ပြန်လာရေးနှင့် ပြန်လည်နေရာချထားရေး လုပ်ငန်းများ ဆောင်ရွက်ရာတွင် လည်းကောင်း၊ ရှေ့ပြေးစီမံကိန်းများ ဆောင်ရွက်နိုင်ရေး ဆန်းစစ်မှုများ ပြုလုပ်ရာတွင် လည်းကောင်း၊ အသိုင်းအ၀ိုင်း အားလုံးကို အကျိုးဖြစ်ထွန်းစေမည့် အတူယှဉ်တွဲနေထိုင်ရေး ရှေ့ပြေးစီမံကိန်းနှင့် အခြားစီမံကိန်းများကို အကောင်အထည်ဖော်ရာတွင် လည်းကောင်း ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးအနေဖြင့် မြန်မာအစိုးရအား အထောက်အပံ့ ပြုသွားမည်ဖြစ်ပြီး အလားအလာရှိသော ဒေသများတွင် ပြန်လည်ထူထောင် တည်ဆောက်ရေးကို အခြေခံသော ဖွံ့ဖြိုးရေးလုပ်ငန်းများ ဆောင်ရွက်နိုင်ရေး ပြင်ဆင်ဆောင်ရွက်ရာတွင် ကုလသမဂ္ဂ ဖွံ့ဖြိုးမှုအစီအစဉ်နှင့် အတူတကွ ဆောင်ရွက်မည်ဖြစ်ကြောင်း နိုင်ငံတော်အတိုင်ပင်ခံရုံး ၀န်ကြီးဌာန၏ သတင်းထုတ်ပြန်ချက်တွင် ပါရှိသည်။

ထို့အတူ ကုလသမဂ္ဂဖွံ့ဖြိုးမှု အစီအစဉ်အနေဖြင့် ပြန်လည်ထူထောင် တည်ဆောက်ရေးနှင့် စပ်လျဉ်း၍ လိုအပ်သည့် ဆန်းစစ်မှုများ ပြုလုပ်ရာတွင် ပေါင်းစပ်ညှိနှိုင်းရန်နှင့် အကူအညီပေးရန်အတွက် လည်းကောင်း၊ လူ့အသိုင်းအ၀ိုင်း အားလုံးကို အကျိုးဖြစ်ထွန်းစေမည့် ပြန်လည်ထူထောင် တည်ဆောက်ရေးနှင့် ဖွံ့ဖြိုးရေး လုပ်ငန်းစဉ်များအတွက် စီမံကိန်းများ ရေးဆွဲရန်အတွက် လည်းကောင်း၊ အသိုင်းအ၀ိုင်းများကြား လူမှုသဟဇာတဖြစ်မှုကို မြှင့်တင်ရန်အတွက် လည်းကောင်း၊ အသက်မွေးဝမ်းကျောင်း လုပ်ငန်းများ ပြန်လည်လုပ်ကိုင် ဆောင်ရွက်နိုင်ရန်အတွက် လည်းကောင်း မြန်မာနိုင်ငံအစိုးရကို အထောက်အပံ့ပြုသွားမည်ဖြစ်ကြောင်း နိုင်ငံတော်အတိုင်ပင်ခံရုံး ၀န်ကြီးဌာနက ဆိုသည်။

မြန်မာနိုင်ငံအစိုးရနှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးသည် နေရပ်စွန့်ခွာသွားသူများ ဘင်္ဂလားဒေ့ရ်ှနိုင်ငံမှ ဆန္ဒအလျောက် ပြန်လာနိုင်ရေးတွင် အထောက်အပံ့ပြုရေးနှင့် ပူးပေါင်းဆောင်ရွက်ရေးဆိုင်ရာ မူဘောင်ဖြစ်သည့် နားလည်မှုစာချွန်လွှာကို ၁၉၉၃ ခုနှစ်တွင် လက်မှတ်ရေးထိုးခဲ့ပြီး နေရပ်စွန့်ခွာသူ ၂၃၀၀၀၀ ခန့်ကို ပြန်လည် စိစစ်လက်ခံခဲ့ကြောင်း သိရသည်။

နားလည်မှုစာချွန်လွှာ လက်မှတ်ရေးထိုးပွဲ အခမ်းအနား၌ နိုင်ငံတော်အတိုင်ပင်ခံရုံး ၀န်ကြီး ဦးကျော်တင့်ဆွေက အဖွင့်အမှာစကား ပြောကြားပြီး အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ အမြဲတမ်းအတွင်းဝန်နှင့် ကုလသမဂ္ဂ ဌာနညှိနှိုင်းရေးမှူး UN Resident Coordinator ၊ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး ကိုယ်စားလှယ် UNHCR Representative တို့က နားလည်မှုစာချွန်လွှာကို လက်မှတ်ရေးထိုးခဲ့ကြပြီး အခမ်းအနားသို့ သက်ဆိုင်ရာဝန်ကြီးဌာနများမှ ပြည်ထောင်စုဝန်ကြီးများ၊ သံတမန်များ၊ ကုလသမဂ္ဂအဖွဲ့အစည်းများမှ ကိုယ်စားလှယ်များ၊ သက်ဆိုင်ရာ ၀န်ကြီးဌာနများမှ ဌာနဆိုင်ရာအကြီးအကဲများ၊ တာဝန်ရှိသူများ တက်ရောက်ခဲ့ကြောင်း သတင်းထုတ်ပြန်ခဲ့သည်။