ဘင်္ဂါလီမွတ်စလင် ဒုက္ခသည်များက ၎င်းတို့၏နိုင်ငံသားဖြစ်ခွင့်ကို အာမခံပေးထားခြင်းမရှိဟုဆိုကာ ကုလသမဂ္ဂ-မြန်မာ သဘောတူညီချက်အား ပယ်ချ

ဘင်္ဂါလီမွတ်စလင်ဒုက္ခသည် အသိုင်းအ၀ိုင်းခေါင်းဆောင်များက ရခိုင်ပြည်နယ်တွင် ဖြစ်ပွားသော အကြမ်းဖက်မှုများကြောင့် ထွက်ပြေးသွားခဲ့ကြသော ဒုက္ခသည်များ ပြန်လာရေးအတွက် ကုလသမဂ္ဂနှင့် မြန်မာအစိုးရတို့အကြား သဘောတူညီချက်တစ်ရပ်ကို ပယ်ချခဲ့ကြောင်း သိရသည်။

ပေါက်ကြားခဲ့သော လျှို့ဝှက်သဘောတူညီချက်ပါ စာသားအရ ယင်းသည် ၎င်းတို့ ၏ကိစ္စကို ပြေလည်အောင် ပြုလုပ်ပေးထားခြင်း မရှိသကဲ့သို့ ဒုက္ခသည်များ ပြန်လည် လက်ခံရေးကိုလည်း အထောက်အကူပြုစေ လိမ့်မည်မဟုတ်ဟု ဒုက္ခသည်ခေါင်းဆောင်များက ပြောကြားခဲ့ကြသည်။

“သဘောတူညီချက်က ရိုဟင်ဂျာတွေ သူတို့နေရပ်တွေကို ပြန်ဖို့နဲ့ပတ်သက်တဲ့ အကြောင်းအရာပါ။ ထူးဆန်းတာက သဘောတူညီချက် မတိုင်မီ သူတို့က ရိုဟင်ဂျာအသိုင်းအ၀ိုင်းတွေနဲ့ တိုင်ပင်ဆွေးနွေးဖို့ စိတ်ရှုပ်မခံခဲ့ပါဘူး။ သဘောတူညီချက်မှာ ကျွန်တော်တို့  ကျွန်တော်တို့ရဲ့ နေအိမ်တွေကို ဘေးကင်းလုံခြုံစွာ ပြန်ဖို့အတွက် ကြိုတင်အခြေအနေတစ်ရပ်အဖြစ် ကျွန်တော်တို့ရဲ့ အဓိက တောင်းဆိုချက်တွေကို ဖြည့်ဆည်းပေးဖို့ မြန်မာအစိုးရထံက ဘာကတိမှ မပါဝင်ပါဘူး။ ဒါဟာ ရိုဟင်ဂျာတွေရဲ့ အကျိုးစီးပွားနဲ့ ဆန့်ကျင်ပါတယ်” ဟု ဘင်္ဂလားဒေ့ရ်ှအခြေစိုက် ဘင်္ဂါလီအရေး နိုင်ငံရေးတက်ကြွ လှုပ်ရှားသူ  ကိုကိုလင်းက ပြောကြားခဲ့သည်။

ဇွန်လအတွင်းက မြန်မာအစိုးရသည် ဘင်္ဂါလီမွတ်စလင်ဒုက္ခသည်များကို ပြန်လည် လက်ခံရေး လုပ်ငန်းစဉ် လျင်မြန်စေရန်အတွက် ကုလသမဂ္ဂနှင့် သဘောတူညီချက်တစ်ရပ် ရရှိခဲ့ကြောင်း ကြေညာခဲ့သည်။ သို့သော် ယင်းသဘောတူညီချက်နှင့် ပတ်သက်၍ လက်မှတ်ရေးထိုးထားသော နားလည်မှုစာချွန်လွှာကို လျှို့ဝှက်သာ ထားရှိခဲ့သည်။

သို့သော် အဆိုပါ နားလည်မှုစာချွန်လွှာတွင် ပါရှိသည့်စာသားများသည် အွန်လိုင်း၌ ပေါက်ကြားခဲ့ပြီးနောက် ဒုက္ခသည်ခေါင်းဆောင်များနှင့် တက်ကြွ လှုပ်ရှားသူများက ယင်းသဘောတူညီချက်သည် ဒုက္ခသည်များ၏ အဓိကပြဿနာများကို ဖြေရှင်းပေးနိုင်ရန် ပျက်ကွက်သည်ဟု ပြောကြားခဲ့ကြသည်။

“ကျွန်တော်တို့ မပြန်ခင် မြန်မာအစိုးရထံကနေ ကျွန်တော်တို့ရဲ့ နိုင်ငံသားဖြစ်ခွင့်ကို  အာမခံပေးမှုတစ်ရပ် ရရှိဖို့ အကြာကြီး ကြိုးစားခဲ့ပါတယ်။ ဒါပေမဲ့ နားလည်မှုစာချွန်လွှာမှာ ဒီနိုင်ငံသားဖြစ်ခွင့် အကြောင်းအရာကို သူတို့က ရှောင်ရှားခဲ့ပါတယ်။ အစိုးရက ဒီ အဓိကတောင်းဆိုချက်ကို လက်မခံခဲ့ဘူးဆိုရင် ရိုဟင်ဂျာတွေကို ပြန်လည်လက်ခံမယ့်အစီအစဉ်ဟာ ဘယ်တော့မှ အောင်မြင်မှုရမှာ မဟုတ်ပါဘူး” ဟု ကိုကိုလင်းက Guardian သတင်းစာသို့ ပြောကြားခဲ့သည်။

ဗြိတိန်နိုင်ငံအခြေစိုက် ဘင်္ဂါလီမွတ်စလင်အရေး တက်ကြွ လှုပ်ရှားသူ ဦးထွန်းခင်က သဘောတူညီချက် မူကြမ်းရေးဆွဲခြင်းမပြုမီ ဒုက္ခသည် အသိုင်းအ၀ိုင်းများအား ပါဝင်ခွင့် မပြုခြင်းသည် မြန်မာအစိုးရနှင့် ကုလသမဂ္ဂ အေဂျင်စီများဘက်မှ ကျင့်ဝတ်နှင့်မညီခဲ့ကြောင်း ပြောကြားခဲ့သည်။

“ရိုဟင်ဂျာတွေအနေနဲ့ ပြန်လည်လက်ခံခြင်း လုပ်ငန်းစဉ်၊ နိုင်ငံသား အခွင့်အရေး ပြန်ပေးမှု၊ ပြန်လည်နာလန်ထရေး ပြန်လည် ပေါင်းစည်းရေးနဲ့ ဘူဒိုဇာဖြင့် အထိုးခံရတဲ့ သူတို့နေအိမ်တွေ ပြန်လည်တည်ဆောက်ရေးနဲ့ သူတို့ရဲ့ အနာဂတ်တွေနဲ့ ပတ်သက်ပြီး သဘောတူညီချက် အသေးစိတ်တွေအကြောင်း သိခွင့်ရှိပါတယ်။ ကျွန်တော်တို့ရဲ့ လူ့အသိုင်းအ၀ိုင်းဝင်တွေဟာ ပေါက်ကြားလာတဲ့ နားလည်မှုစာချွန်လွှာပါ အသေးစိတ် အချက်အလက်တွေနဲ့ပတ်သက်ပြီး သိရတဲ့အခါ အလွန်အမင်း ဒေါပွပြီး စိတ်ပျက်နေကြပါတယ်။ မြန်မာအစိုးရဟာ သဘောတူညီချက် အသေးစိတ်အချက်တွေကို လူသိရှင်ကြား မထုတ်ပြန်တာကြောင့်လည်း သူတို့ ဒေါသထွက်နေကြပါတယ်” ဟု ဗြိတိန်နိုင်ငံရှိ  မြန်မာ ဘင်္ဂါလီ မွတ်စလင်အဖွဲ့အစည်း၏ ဥက္ကဋ္ဌ ဦးထွန်းခင်က ပြောကြားခဲ့သည်။

ဘင်္ဂါလီအရေးအတွက် ကုလသမဂ္ဂ အတွင်းရေးမှူးချုပ် အန်တိုနီယိုဂူတာရက်စ် ဘင်္ဂလားဒေ့ရ်ှသို့ သွားရောက်မည်

Photo: AFP

လူသားချင်းစာနာမှုဆိုင်ရာ အကျပ်အတည်းကို ဦးတည်သွားစေခဲ့ပြီး မြန်မာနိုင်ငံမှ ထွက်ပြေးလာခဲ့သော ဘင်္ဂါလီ (မူရင်းတွင် ရိုဟင်ဂျာဟုဖော်ပြထား) ဒုက္ခသည် ထောင် ပေါင်းများစွာနှင့်အတူ ဖြေရှင်းရမည့်လိုအပ်  ချက်များကို အကဲဖြတ်ရန် ကုလသမဂ္ဂအတွင်းရေးမှူးချုပ် အန်တိုနီယိုဂူတာရက်စ်သည် ကမ္ဘာ့ဘဏ်ဥက္ကဋ္ဌ ဂျင်ယုံကင်နှင့်အတူ ဇူလိုင် ၁ ရက်တွင် ဘင်္ဂလားဒေ့ရ်ှနိုင်ငံသို့ အလည်အပတ် ရောက်ရှိလာမည်ဖြစ်သည်။

၂၀၁၇ တွင် ဒုက္ခသည်အများအပြား စုပြုံရောက်ရှိလာခြင်းကိုလက်ခံရာ၌ ဘင်္ဂလား ဒေ့ရ်ှနိုင်ငံ၏ စေတနာကိုလည်းကောင်း၊ နိုင်ငံတကာ အသိုက်အ၀န်းအနေဖြင့် ပိုမိုလုပ်ဆောင်ရန် လိုအပ်ပုံကိုလည်းကောင်း နှစ်ရက် ကြာအလည် အပတ်ခရီးက မီးမောင်းထိုးပြ လိမ့်မည်ဖြစ်ကြောင်း ကုလသမဂ္ဂက ထုတ်ပြန်သော ကြေညာချက်တွင် ဖော်ပြထားသည်။

ဘင်္ဂါလီအကြမ်းဖက်သမားက နယ်စပ်ကင်းစခန်းများကိုတိုက်ခိုက်ခဲ့ခြင်းအား လက်တုံ့ပြန်သည့်အနေဖြင့် မြန်မာစစ်တပ်က ထိုးစစ်ဆင်ခဲ့သောကြောင့် ၂၀၁၇ ခုနှစ် သြဂုတ်လမှ ဒီဇင်ဘာလအထိ မွတ်စလင်လူနည်းစု ဘင်္ဂါလီ ၇၀၀၀၀၀ ကျော်သည် ဘင်္ဂလားဒေ့ရ်ှသို့ ထွက်ပြေးလာခဲ့ကြသည်။

ဒုက္ခသည်များအတွက် အလယ်အလတ် ကာလစီမံကိန်းနှင့် ပတ်သက်၍လည်းကောင်း၊ ၎င်းတို့၏ အတိဒုက္ခအား ကျယ်ကျယ်ပြန့်ပြန့်ဖြေရှင်းရေးအတွက် လိုအပ်ချက်ကိုလည်းကောင်း ဘင်္ဂလားဒေ့ရ်ှနိုင်ငံနှင့် ထပ်မံဆွေးနွေးသွားရေးအတွက် ဧည့်သည်တော်များက အုတ်မြစ်ချ ပေးသွားမည်ဖြစ်ကြောင်း ကုလသမဂ္ဂက ပြောကြားခဲ့သည်။

ဧည့်သည်တော်နှစ်ဦးသည် ဒါကာမြို့တွင် ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာ အပါအ၀င် အခြားထိပ်တန်းအရာရှိများနှင့် တွေ့ ဆုံကြမည်ဖြစ်သည်။

ဇူလိုင် ၂ ရက်တွင် ဂူတာရက်စ်နှင့်ကင် တို့သည်အရှေ့တောင်ကမ်းရိုးတန်းရှိ ကော့ဘဇား ဒုက္ခသည်စခန်းရှိ ဒုက္ခသည်များနှင့် အကူအညီပေးနေသော လုပ်သားများထံသွား ရောက်လည်ပတ်မည်ဖြစ်သည်။

ကုလသမဂ္ဂကိုယ်စားလှယ်အဖွဲ့တွင် ကုလသမဂ္ဂဒုက္ခသည်များဆိုင်ရာ မဟာမင်းကြီး ဖီလစ်ပိုဂရန်ဒီ၊ ကုလလူဦးရေရန်ပုံငွေ အဖွဲ့၏ အမှု ဆောင်ဒါရိုက်တာ နာတာလီယာ ခါနမ်တို့ ပါဝင်သည်။

 

 

မြန်မာနိုင်ငံသည် ဘင်္ဂါလီမွတ်စလင်ဒုက္ခသည်များကို ပြန်လည်လက်ခံရန် အဆင်သင့်ဖြစ်နေပြီဟု ယုံကြည်ကြောင်း တရုတ်နိုင်ငံ ပြောကြား

မြန်မာနိုင်ငံမှ အကြမ်းဖက်မှုများကြောင့် ထွက်ပြေးသွားကြပြီး ဘင်္ဂလားဒေ့ရ်ှနိုင်ငံ၌ ခိုလှုံနေသော သိန်းနှင့်ချီသည့် ဘင်္ဂါလီမွတ်စလင် ဒုက္ခသည်များကို ပြန်လည်လက်ခံရန် မြန်မာနိုင်ငံသည် အဆင်သင့်ဖြစ်နေပြီဟု ယုံကြည်ကြောင်း တရုတ်အစိုးရအဖွဲ့၏ ထိပ်တန်းသံတမန်က ဘင်္ဂလားဒေ့ရ်ှသံတမန်ကို ဇွန် ၂၉ ရက်တွင် ပြောကြားခဲ့သည်။

၂၀၁၇ ခုနှစ် သြဂုတ်လကတည်းက ဘင်္ဂါလီမွတ်စလင် ၇၀၀,၀၀၀ ခန့်သည် စစ်ဆင်ရေးတစ်ရပ်ကြောင့် ထွက်ပြေးသွားခဲ့ကြခြင်းဖြစ်ပြီး ရခိုင်ပြည်နယ်အနောက်ပိုင်းတွင် သတ်ဖြတ်မှုများ၊ မုဒိမ်းကျင့်မှုများနှင့် မီးရှို့မှုများ အကြီးအကျယ်ဖြစ်ပေါ်ခဲ့သည်ဟု ကုလသမဂ္ဂနှင့် အခြားအကူအညီပေးရေး အဖွဲ့များက ပြောကြားခဲ့သည်။

မေလတွင် ကုလသမဂ္ဂက ဒုက္ခသည်များ ပြန်လည်ရန်ခွင့်ပြုရေးကို ရည်ရွယ်လျက် မြန်မာနိုင်ငံနှင့် အကြမ်းဖျင်း သဘောတူညီချက် တစ်ရပ်ရရှိခဲ့သည်ဟု ပြောကြားခဲ့သည်။

တရုတ်နိုင်ငံတော်ကောင်စီဝင် ၀မ်ယီက သူသည် မြန်မာနိုင်ငံတော်အတိုင်ပင်ခံရုံးဝန်ကြီး ဦးကျော်တင့်ဆွေနှင့် ဇွန် ၂၈ ရက်တွင် ပေကျင်းမြို့၌ တွေ့ဆုံခဲ့ပြီး ၎င်းထံမှ ပြန်လည်လက်ခံရေးကိစ္စကို ဖြေရှင်းရန် မြန်မာနိုင်ငံက ကြိုးစားနေပုံနှင့်ပတ်သက်၍ အစီရင်ခံမှုတစ်ရပ်ကို ကြားခဲ့ရသည်ဟု ဆိုသည်။

“ဒုက္ခသည်အဖြစ်ခံယူဖို့ ဘင်္ဂလားဒေ့ရှ် နိုင်ငံထဲ ၀င်သွားခဲ့သူတွေကို လက်ခံဖို့ မြန်မာဘက်က အဆင်သင့်ပြင်ထားနှင့်ပြီးဖြစ်တယ်လို့ ကျွန်တော် ခိုင်ခိုင်မာမာ ခံစားမိပါတယ်” ဟု ၀မ်ယီက ဘင်္ဂလားဒေ့ရ်ှနိုင်ငံခြားရေးဝန်ကြီး အဘူဟက်ဆန်မာမွတ်အလီနှင့်အတူ သတင်းထောက်များအား ပြောကြားခဲ့သည်။

“ပြန်လည်လက်ခံရေးလုပ်ငန်းစဉ် အထူးသဖြင့် ပထမဆုံး ပြန်လာမယ့်အသုတ် ဖြစ်နိုင်သမျှ မြန်မြန်အကောင်အထည်ပေါ်လာတာကို မြင်ရဖို့ ကျွန်တော်တို့ တကယ်မျှော်လင့်မိပါတယ်” ဟု ၀မ်ယီက ပြောကြားခဲ့သည်။

တရုတ်နိုင်ငံသည် အကူအညီများပေးကာ အပြုသဘောဆောင်သော ပါဝင်မှု ပြုလုပ်နေပြီး ပြန်လာမည့်သူများအတွက် မြန်မာနိုင်ငံသို့ ယာယီအိမ်များ တည်ဆောက်မှု ထောက်ပံ့ထားသည့်အပြင် ဘင်္ဂလားဒေ့ရ်ှနိုင်ငံအတွက်လည်း ယာယီတဲများနှင့် အခြားလူသားချင်းစာနာထောက်ထားမှု အကူအညီများ ပေးထားကြောင်း ၀မ်ယီက ပြောကြားခဲ့သည်။

“ဘင်္ဂလားဒေ့ရ်ှနိုင်ငံနဲ့ မြန်မာနိုင်ငံတို့  ကြိုးစားပမ်းစား လုပ်ဆောင်ခြင်းနဲ့အတူ ဒီပြန်လည်လက်ခံရေး လုပ်ငန်းစဉ်ဟာ ဖြစ်နိုင်သမျှ အမြန်ဆုံး စတင်နိုင်လိမ့်မယ်လို့ ကျွန်တော်တို့ ယုံကြည်ပြီး တွေ့မြင်လိုပါတယ်” ဟု ၀မ်ယီက ပြောကြားခဲ့သည်။

တရုတ်နိုင်ငံသည် မြန်မာနိုင်ငံနှင့် နီးကပ်သော ဆက်ဆံရေးရှိပြီး မြန်မာအာဏာ ပိုင်များက ဥပဒေနှင့်အညီ အကြမ်းဖက်မှု တန်ပြန်ခြင်းဟုခေါ်ဆိုသော စစ်ဆင်ရေးကို ကျောထောက်နောက်ခံပြုပေးထားသည့် နိုင်ငံဖြစ်သည်။

ဘင်္ဂလားဒေ့ရ်ှနိုင်ငံခြားရေးဝန်ကြီး အလီကလည်း ဘင်္ဂါလီ (မူရင်း၌ ရိုဟင်ဂျာ ဟုဖော်ပြ) နှင့် ပတ်သက်၍ ၀မ်ယီနှင့်အသေးစိတ် ဆွေးနွေးခဲ့ကြောင်း ပြောကြားခဲ့သည်။

“ဒီကိစ္စနဲ့ ပတ်သက်ပြီး ဒီရွှေ့ပြောင်းခံခဲ့ရတဲ့ လူတွေကို သူတို့နေထိုင်ရာဆီပြန်ဖို့  အစောပိုင်း ပြန်လည်လက်ခံရေးအတွက် ရခိုင်ပြည်နယ်မှာ အထောက်အကူပြုတဲ့ ၀န်းကျင်တစ်ရပ် အာမခံရေးမှာ တရုတ်ရဲ့ ထောက်ခံညီမှုရရှိအောင် ကျွန်တော်တို့ ကြိုးစားခဲ့ပါတယ်” ဟု အလီက ပြောကြားခဲ့သည်။

“ဒီကိစ္စကို ဖြေရှင်းရာမှာ အကူအညီတွေ ဆက်ပြီး ပေးသွားမယ်လို့ တရုတ်က အာမခံခဲ့ပါတယ်။ ဒီပြဿနာကို ဘယ်လိုဖြေရှင်း ရမလဲဆိုတာနဲ့ ပတ်သက်ပြီး တရုတ်နိုင်ငံက နေကြီးမားလှတဲ့ ထောက်ပံ့မှုကို ကျွန်တော်တို့ ရရှိခဲ့ပြီးပြီလို့ ထင်ပါတယ်” ဟုလည်း အလီက ပြောကြားခဲ့သည်။

Ref ; Reuters

ဘင်္ဂါလီ ကျောင်းသားကျောင်းသူများအတွက် မောင်တောမြို့တွင် အဝေးသင်ဌာနခွဲ တစ်ခု ဖွင့်လှစ်ပေးရန် စီစဉ်

ရခိုင်ပြည်နယ် မောင်တောခရိုင်အတွင်း ရှိ တက္ကသိုလ် တက်ရောက်မည့် ဘင်္ဂါလီ ကျောင်းသား၊ ကျောင်းသူများအတွက် မောင်တောမြို့တွင် အဝေးသင်ဌာနခွဲတစ်ခု ဖွင့်လှစ်ပေးရန် စီစဉ်နေကြောင်းနှင့် ၂၀၁၂ ခုနှစ် နောက်ပိုင်းတွင် စစ်တွေမြို့နယ် သက်ကယ်ပြင်ရွာနှင့် သံတွဲမြို့တို့တွင် အဝေးသင်ဌာနခွဲများ ဖွင့်ထားပြီး ဘင်္ဂါလီကျောင်းသား၊ ကျောင်းသူများ စာမေးပွဲ ၀င်ရောက်ဖြေဆိုနိုင်ရေး စီမံထားကြောင်း သိရသည်။

ထိုသို့ စီစဉ်ရခြင်းသည် အဝေးသင်တက္ကသိုလ် တက်ရောက်မည့် ကျောင်းသားများအနေဖြင့် စစ်တွေတက္ကသိုလ်သို့ ၂၀၁၂ ခုနှစ် ရခိုင်ပြည်အတွင်း ဖြစ်ပေါ်ခဲ့သော အရေးအခင်း နောက်ပိုင်းမှ စတင်ကာ တက်ရောက် သင်ကြားနိုင်ရန် အဆင်မပြေသည့်အတွက် ထိုသို့ စီစဉ်ရခြင်းဖြစ်ကာ ကျောင်းသားများ အဝေးသင်တက္ကသိုလ် စာမေးပွဲကို ကောင်းစွာ ဖြေဆိုနိုင်ရေးနှင့် အနီးကပ်သင်တန်းများ တက်ရောက်နိုင်ရေးအတွက် စီစဉ်ခြင်းဖြစ်ကြောင်း သိရသည်။

ယင်းနှင့် ပတ်သက်ပြီး စစ်တွေတက္ကသိုလ် ပါမောက္ခချုပ် ဒေါက်တာဝင်းနိုင်က “အဓိက ကတော့ ဘူးသီးတောင်၊ မောင်တောမှာရှိနေတဲ့ အစ္စလာမ်ကျောင်းသားတွေ အဝေးသင်ပညာရပ်ကို သင်နိုင်အောင်လို့ အဲဒီမှာ ကျောင်း အပ်တာတွေ လက်ခံမယ်။ လိုအပ်တဲ့ စာရွက်စာတမ်းတွေ ထုတ်ပေးမယ်။ အနီးကပ်သင်တန်း ပို့ချမယ်။ စာမေးပွဲ ဖြေဆိုနိုင်အောင် လုပ်ဆောင်ပေးမယ်လို့ အခုမှ စီစဉ်နေတုန်း ရှိပါသေးတယ်၊ တက်မယ့်လူတွေ ရှိမလားပေါ့၊ တက်မယ့် လူမရှိရင်တော့ ဖွင့်စရာမရှိဘူး။ သူတို့တက်မယ်၊ မတက်မယ် ဆိုတဲ့အပေါ်မှာ မူတည်တယ်”ဟု ပြောကြားသည်။

ထိုသို့ ဖွင့်လှစ်နိုင်ရန်အတွက် သက်ဆိုင်ရာ ခရိုင်အထွေထွေအုပ်ချုပ်ရေး ဦးစီးဌာနနှင့် ခရိုင်ပညာရေးမှူးတို့နှင့် ဆက်သွယ်ထားကြောင်း၊ တက္ကသိုလ်ဝင်ခွင့် ပုံစံစာရွက်များ ထုတ်ပေးထားပြီး ဖြစ်ကြောင်းနှင့် ဇူလိုင် ၁၆ ရက်တွင် ၀င်ခွင့်ပုံစံ စာရွက်များကို လက်ခံမည် ဖြစ်ကြောင်းလည်း သိရသည်။

EU နှင့် ကနေဒါတို့က ဘင်္ဂါလီအရေးနှင့် ပတ်သက်၍ မြန်မာစစ်ဘက် ထိပ်တန်း တာဝန်ရှိသူ ငါးဦး အပါအ၀င် ခုနစ်ဦးအား ပိတ်ဆို့အရေးယူမှုများ ချမှတ်

ဘင်္ဂါလီမွတ်စလင် (မူရင်းတွင် ရိုဟင်ဂျာဟု ဖော်ပြထား။) အကျပ်အတည်းနှင့် ပတ်သက်၍ ဥရောပသမဂ္ဂ (EU) နှင့်ကနေဒါတို့က မြန်မာစစ်ဘက် ထိပ်တန်းတာဝန်ရှိသူ ငါးဦး အပါအ၀င် ခုနစ်ဦးအား ပိတ်ဆို့အရေးယူမှုများ ချမှတ်ကြောင်း ဇွန် ၂၅ ရက်တွင် ထုတ်ပြန်ခဲ့သည်။ အရေးယူခံရသူများသည် လူသတ်ခြင်းနှင့် လိင်ပိုင်းဆိုင်ရာ တိုက်ခိုက်မှု တို့အပါအ၀င် လူ့အခွင့်အရေးဆိုးရွားစွာ ချိုးဖောက်မှုများ ကျူးလွန်ခဲ့ကြကြောင်း ဥရောပသမဂ္ဂက စွပ်စွဲခဲ့သည်။

ပိတ်ဆို့ အရေးယူမှုများ ချမှတ်ခံရသူများမှာ ကာကွယ်ရေးဦးစီးချုပ်ရုံး (ကြည်း) မှ စစ်ဆင်ရေးအထူးအဖွဲ့မှူး ဒုတိယဗိုလ်ချုပ်ကြီး အောင်ကျော်ဇော၊ အနောက်ပိုင်းတိုင်း စစ်ဌာနချုပ် တိုင်းမှူးအဖြစ်၂၀၁၆ ခုနှစ် အောက်တိုဘာမှ ၂၀၁၇ ခုနှစ် နိုဝင်ဘာအထိ တာဝန်ယူခဲ့သည့် ဗိုလ်ချုပ် မောင်မောင်စိုး၊ ရခိုင်ပြည်နယ်တွင်း နယ်မြေရှင်းလင်းရေး စစ်ဆင်ရေးများတွင် ပါဝင်သည့် ဗိုလ်မှူးချုပ် သန်းဦး၊ ဗိုလ်မှူးချုပ် အောင်အောင်၊ ဗိုလ်ချုပ် ခင်မောင်စိုး၊ နယ်ခြားစောင့် တပ်ဖွဲ့မှူးအဖြစ် တာဝန်ယူခဲ့သည့် ရဲမှူးချုပ် သူရစန်းလွင်နှင့် ရဲချုပ်သန့်ဇင်ဦးတို့ ဖြစ်သည်။

ဥရောပသမဂ္ဂ နိုင်ငံခြားရေးဝန်ကြီးများက လူဇင်ဘတ်တွင် တွေ့ဆုံဆွေးနွေးခဲ့ကြပြီး ဘင်္ဂါလီ အကျပ်အတည်းတွင် ပါဝင်ခဲ့သည့် ၎င်းတို့၏ အခန်းကဏ္ဍများအတွက် ခရီးသွားလာမှု ပိတ်ပင်ခြင်းနှင့် ပိုင်ဆိုင်မှုအား ထိန်းချုပ်ခြင်းတို့ ချမှတ်ခဲ့ခြင်းဖြစ်သည်။ ထိုပိတ်ဆို့ အရေးယူခံရသူများသည် ၂၀၁၇ ခုနှစ် ဒုတိယနှစ်ဝက်တွင် မြန်မာနိုင်ငံ ရခိုင်ပြည်နယ်၌ ဘင်္ဂါလီ မွတ်စလင်များအား ရက်စက်ကြမ်းကြုတ်မှု၊ လူ့အခွင့်အရေး ဆိုးရွားစွာ ချိုးဖောက်မှုများ ကျူးလွန်မှု၌ ပါဝင်ပတ်သက်ခဲ့ကြောင်း ဥရောပသမဂ္ဂ၏ ကြေညာချက်တွင် ဖော်ပြခဲ့သည်။

ကနေဒါနိုင်ငံက ပိတ်ဆို့အရေးယူမှုများနှင့် ပတ်သက်ပြီး ကနေဒါနိုင်ငံခြားရေးဝန်ကြီး Chrystia Freeland က ထုတ်ပြန် ကြေညာခဲ့ခြင်း ဖြစ်ကြောင်း AFP ၏ သတင်းတွင် ဖော်ပြထားသည်။

ယင်းသို့ ဥရောပသမဂ္ဂက ပိတ်ဆို့အရေးယူမှုများ ချမှတ်သည်ဟု ကြေညာအပြီး မရှေးမနှောင်းမှာပင် မြန်မာတပ်မတော်ဘက်မှ ပိတ်ဆို့အရေးယူမှုခံရသည့် တပ်မတော် အရာရှိနှစ်ဦးနှင့် ပတ်သက်ပြီး သတင်းထုတ် ပြန်ချက်တစ်ခုအား ထုတ်ပြန်ခဲ့သည်။

ယင်းထုတ်ပြန်ချက်တွင် ၂၀၁၈ ခုနှစ် မတ် ၆ ရက်တွင် ရခိုင်အရေးကိစ္စနှင့် ပတ်သက်၍ အဓိက တာဝန်ယူ လုပ်ကိုင်ဆောင်ရွက်ရသည့် အနောက်ပိုင်းတိုင်း စစ်ဌာနချုပ် တိုင်းမှူးအား ဖြစ်ပွားခဲ့သည့် အခြေအနေများနှင့် ပတ်သက်၍ ၎င်း၏လုပ်ဆောင်ချက်များတွင် အားနည်းချက်များ ရှိနေသဖြင့် ဆက်လက်တာဝန်ထမ်းဆောင်ခွင့် ရပ်နားခဲ့ကြောင်း၊ ယင်းနောက် ၂၀၁၇ ခုနှစ် နိုဝင်ဘာ ၁၀ ရက်တွင် အရန်အင်အားစာရင်း တင်သွင်းခဲ့ကြောင်း ထုတ်ပြန်ချက်တွင် ဖော်ပြထားသည်။

အရန်စာရင်း တင်သွင်းသည့် ဗိုလ်ချုပ် မောင်မောင်စိုး၏ တိုင်းမှူးတာဝန် ထမ်းဆောင်စဉ် ၂၀၁၆ ခုနှစ် စက်တင်ဘာလ ၂၆ ရက်မှ အရန်စာရင်း တင်သွင်းသည့် ၂၀၁၇ ခုနှစ် နိုဝင်ဘာ ၁၀ ရက်အထိ ကာလအတွင်း ဆောင်ရွက်ခဲ့မှု မှတ်တမ်းများအား စိစစ်ချက်အရ ရခိုင်ပြည်နယ် နယ်မြေတစ်ခုလုံး၏ စစ်ဆင်ရေး၊ နယ်မြေလုံခြုံရေးနှင့် နယ်မြေစိုးမိုးရေးဆိုင်ရာ လုပ်ငန်းများ၊ အထက်ဌာနမှ ချပြသတင်းများအပေါ် အကောင်အထည်ဖော် ဆောင်ရွက်နိုင်မှု မှတ်တမ်းများအပါအ၀င် မူလတိုင်းမှူး တစ်ဦး၏ တာဝန်ဝတ္တရားများအပေါ် မူဝါဒနှင့်အညီ အကောင်အထည်ဖော် ဆောင်ရွက်နိုင်မှုများတွင် သာမန်အချိန်အတွင်း ဆောင်ရွက်နိုင်မှု အားနည်းချက် မတွေ့ရှိရသော်လည်း ၂၀၁၆ ခုနှစ် အောက်တိုဘာ ၉ ရက် ဖြစ်စဉ်နှင့် ၂၀၁၇ ခုနှစ် သြဂုတ် ၂၅ ရက်မှ စက်တင်ဘာလ ၅ ရက်အထိ ဖြစ်စဉ်များ အတွင်း ဘင်္ဂါလီ အကြမ်းဖက်သမား အများစုနှင့် ARSA ဘင်္ဂါလီ အကြမ်းဖက်သမားများ အပါအ၀င် ဘင်္ဂါလီအကြမ်းဖက် လူအုပ်စုကြီးများက ရခိုင်ပြည်နယ်အတွင်းရှိ ရခိုင်တိုင်းရင်းသားများနှင့် ပတ်သက်၍ လည်းကောင်း၊ စစ်ဆင်ရေးနှင့် နယ်မြေစိုးမိုးရေး တာဝန် ထမ်းဆောင်နေသော တပ်မတော်သား၊ မိသားစုဝင်များနှင့် ပတ်သက်၍ လည်းကောင်း၊ နယ်မြေလုံခြုံရေးနှင့် တရားဥပဒေစိုးမိုးရေး တာဝန်ထမ်းဆောင်နေသည့် လုံခြုံရေးတပ်ဖွဲ့ဝင်များ အပါအ၀င် အစိုးရဌာနဆိုင်ရာ ၀န်ထမ်းများနှင့် ပတ်သက်၍ လည်းကောင်း၊ အင်အားသုံး၍ ဥပဒေမဲ့လုပ်ရပ်များ ပြုလုပ်နေမှုအပေါ် သတင်းလက်ဦးမှု ရယူ၍ လိုအပ်သလို စီမံဆောင်ရွက်နိုင်မှု အားနည်းခြင်း၊ ချပြသတင်းအပေါ် လက်အောက်ခံ တပ်၊ ရဲ၊ လုံခြုံရေး တပ်ဖွဲ့ဝင်များဖြင့် နယ်မြေရှင်းလင်း အကောင်အထည်ဖော် ဆောင်ရွက်နိုင်မှု အားနည်းခြင်း၊ လက်တွေ့အကြမ်းဖက် ဖြစ်စဉ်များ ဖြစ်ပွားရာတွင် နယ်မြေအတွင်းရှိ တပ်၊ ရဲများအား လိုအပ်သလို အချိန်မီ အကူအညီ ရရှိရေး၊ လုံခြုံရေးဆိုင်ရာ ပေါင်းစပ်ညှိနှိုင်းဆောင်ရွက်မှုများ စီမံနိုင်ခဲ့သော်လည်း ကြိုတင်စီမံရန် အားနည်းခြင်း စသည့် အရေးပေါ်အချိန် တာဝန်ထမ်းဆောင်မှု၌ တာဝန်ရှိကြောင်း စိစစ်တွေ့ရှိရသဖြင့် အရန်အင်အားစာရင်း တင်သွင်းထားသည့် ကြည်း ၁၉၅၇၁ ဗိုလ်ချုပ် မောင်မောင်စိုးအား ဇွန် ၂၅ ရက် (ယနေ့) တွင် တပ်မတော်မှ နှုတ်ပယ်လိုက်ကြောင်း ထုတ်ပြန်ချက်တွင် ဖော်ပြထားသည်။

အဆိုပါ ဖြစ်စဉ်များအတွင်း ကာကွယ်ရေး ဦးစီးချုပ်ရုံး (ကြည်း) မှ စစ်ဆင်ရေး အထူးအဖွဲ့မှူး ဒုတိယဗိုလ်ချုပ်ကြီး အောင်ကျော်ဇော၌လည်း အထက်ဌာနများ၏ မူဝါဒများကို အနီးကပ် ကြပ်မတ်ဆောင်ရွက်ရန် တာဝန်ပေးအပ်ထားမှုအပေါ် စီမံဆောင်ရွက်ရာ၌ လိုအပ်ချက်များ ရှိခဲ့ရာ အထိုက်အလျောက် တာဝန်ရှိသည့်အပြင် အရာရှိကြီး၏ ကျန်းမာရေးဆိုင်ရာ ချို့ယွင်းမှုကြောင့် မူလပေးအပ်ထားသည့် တာဝန်မှ အခြားတာဝန် တစ်ခုသို့ လွှဲပြောင်းထမ်းဆောင်စေခဲ့သော်လည်း အရာရှိကြီး အနေဖြင့် ကျန်းမာရေး ပိုမိုအားနည်းလာခြင်းကြောင့် တာဝန်ထမ်းဆောင်မှု အပိုင်းတွင် အားနည်းချက် အချို့ကို ထပ်မံတွေ့ရှိရပြီး၊ မိမိသဘောဆန္ဒအလျောက် နှုတ်ထွက်ခွင့် တင်ပြလာသဖြင့် မေ ၂၂ ရက်တွင် တပ်မတော်မှ မိမိသဘော ဆန္ဒအလျောက် နှုတ်ထွက်ခွင့်ပြုခဲ့ပြီးဖြစ်ကြောင်း ထုတ်ပြန်ချက်တွင် ဖော်ပြထားသည်။

ကုလသမဂ္ဂအထူးကိုယ်စားလှယ်၏ ရခိုင်ခရီးစဉ်တွင် မျှမျှတတ ဆက်ဆံခဲ့သော်လည်း ရခိုင်တိုင်းရင်းသားများ၏ အခွင့်အရေး လျစ်လျူရှုခံရမည်ကို စိုးရိမ်နေရဆဲဟု ရခိုင်အမျိုးသားပါတီ အထွေထွေအတွင်းရေးမှူး ပြောကြား

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener ၏ ရခိုင်ပြည်နယ်ခရီးစဉ်တွင် ရခိုင်လူမျိုးများ နှင့် ဌာနေတိုင်းရင်းသား မျိုးနွယ်စုများအပေါ် မျှမျှတတ ဆက်ဆံခဲ့သော်လည်း ရခိုင်လူမျိုးများနှင့် ဌာနေတိုင်းရင်းသားများ၏ အခွင့်အရေးများ လျစ်လျူရှုခံရမည်ကို စိုးရိမ်နေရဆဲပင်ဖြစ်ကြောင်း ရခိုင်အမျိုးသားပါတီ (ANP) အထွေထွေအတွင်းရေးမှူး ဦးထွန်းအောင် ကျော်က ပြောကြားသည်။

အဓိကအားဖြင့် ရခိုင်ပဋိပက္ခနှင့်ပတ်သက်၍ ရောက်ရှိလာသည့် မြန်မာနိုင်ငံဆိုင်ရာ အထူးကိုယ်စားလှယ်၏ ကိုးရက်ကြာ မြန်မာ နိုင်ငံခရီးစဉ်တွင် ရခိုင်အမျိုးသားပါတီ (ANP) နှင့်လည်း ရခိုင်ပြည်နယ်စစ်တွေမြို့တွင် တွေ့ ဆုံဆွေးနွေးခဲ့ကြပြီး ၎င်း၏ ယခုခရီးစဉ်သည် ရခိုင်အရေးနှင့်ပတ်သက်၍ အချက်အလက် လာရောက်စုဆောင်းသည့် ပဏာမလေ့လာရေး ခရီးစဉ်သာဖြစ်ကြောင်း ဦးထွန်းအောင်ကျော်က ပြောကြားသည်။

ကုလသမဂ္ဂ အထွေထွေအတွင်းရေးမှူးချုပ်၏ ယခင်မြန်မာနိုင်ငံဆိုင်ရာ အထူးကိုယ်စားလှယ်များ၏ ရခိုင်ပြည်နယ်ခရီးစဉ်တွင် ရခိုင်တိုင်းရင်းသားများနှင့် တွေ့ဆုံခြင်းမရှိဘဲ လျစ်လျူရှုကာ ခွဲခြားဆက်ဆံမှုများရှိခဲ့သည် ဟု ဦးထွန်းအောင်ကျော်က ပြောကြားသည်။

“ရခိုင်ပြည်နယ်မှာ ပဋိပက္ခဖြစ်တိုင်း မှာ အသက်တွေ သေသွားရတာတွေ၊ နောက် ကိုယ့်ရဲ့ရပ်ရွာတွေကို စွန့်ခွာပြီးတော့ ထွက်ပြေးရတာတွေ၊ လယ်ယာကိုင်းကျွန်း၊ ဥယျာဉ် ခြံမြေတွေ၊ ကျွဲနွားတွေ ဆုံးရှုံးရတာတွေက ရခိုင်နဲ့ ရခိုင်တိုင်းရင်းသားမျိုးနွယ်စုတွေပဲ။ အဲဒီတော့ ကုလသမဂ္ဂ အဖွဲ့အစည်းတွေကတော့ အရင်လာတဲ့လူတွေကတော့ ကျွန်တော်တို့အပေါ်မှာ မျှမျှတတ ဆက်ဆံတာမရှိဘဲနဲ့ ဘင်္ဂါလီတွေဘက်ကိုပဲ မျက်နှာလိုက်ပြီး လုပ်ခဲ့ တာတွေရှိတယ်။ ဥပမာ ကင်တားနားတို့ ယန်ဟီလီတို့လိုပေါ့ဗျာ။ အဲဒီတော့ အခုလည်း ကျွန်တော်တို့ဘက်ကတော့ ကျွန်တော်တို့ ဌာနေတိုင်းရင်းသားတွေရဲ့ အခွင့်အရေးကို လျစ်လျူရှုမှာကိုတော့ ကျွန်တော်တို့ အရမ်း စိုးရိမ်နေတုန်းပဲ” ဟု ဦးထွန်းအောင်ကျော်က ပြောကြားသည်။

မြန်မာနိုင်ငံဆိုင်ရာ အထူးကိုယ်စားလှယ်၏ ယခုခရီးစဉ်သည် အချက်အလက် စုဆောင်းသည့် ပဏာမခရီးစဉ်သာဖြစ်သည့်အတွက် အဆိုပါခရီးစဉ်နှင့်ပတ်သက်၍ ဝေဖန်ရန် အချိန်စောနေသေးပြီး ၎င်းနှင့် ရခိုင် အမျိုးသားပါတီတို့၏ တွေ့ဆုံဆွေးနွေးမှုသည် အပြုသဘောဆောင်ကာ နူးညံ့သိမ်မွေ့ကြောင်း ဦးထွန်းအောင်ကျော်က ပြောကြားသည်။

“အဓိကထောက်ပြစရာ တစ်ခုကတော့ ကျွန်တော်တို့ကို ဖိအားပေးနေတာက အီးယူ နိုင်ငံတွေပါ။ ဒီအမျိုးသမီးကလည်း အီးယူက ဆွစ်ဇာလန်နိုင်ငံက အမျိုးသမီးတစ်ယောက် ဖြစ်နေတဲ့အတွက် သူ့ရဲ့လုပ်ကိုင်ဆောင်ရွက် တာတွေက အီးယူလိုပဲလားလို့ စိုးရိမ်တာပေါ့ဗျာ။ အီးယူလိုပဲ ဖိအားတွေများမယ်ဆိုရင် ကျွန်တော်တို့ ရခိုင်နဲ့ ရခိုင်တိုင်းရင်းသား မျိုးနွယ်စုတွေရဲ့ မျှော်လင့်ချက်က သိပ်ပြီးတော့မှ ပြည့်စုံနိုင်မှာ မဟုတ်ဘူးလို့ ယူဆပါတယ်” ဟု ဦးထွန်းအောင်ကျော်က ပြောကြားသည်။

ကုလသမဂ္ဂအထွေထွေအတွင်းရေးမှူး ချုပ်၏ မြန်မာနိုင်ငံဆိုင်ရာ အထူးကိုယ်စားလှယ်  Ms. Christine Schraner Burgener  ၏ မြန်မာနိုင်ငံခရီးစဉ်တွင် ရခိုင်ပြည်နယ် အခြေစိုက် ရခိုင်အမျိုးသားပါတီ (ANP) နှင့် တွေ့ဆုံဆွေးနွေးခဲ့ခြင်းသည် အပြုသဘော ဆောင်ပြီး ကြိုဆိုရမည့်ကိစ္စလည်းဖြစ်ကြောင်း ရသေ့တောင်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်ခင်စောဝေက ပြောကြားသည်။

ထို့ပြင် ရခိုင်ပြည်နယ်မြောက်ပိုင်းတွင် ဖြစ်ပွားခဲ့သော ပဋိပက္ခများကြောင့် ဘင်္ဂလား ဒေ့ရ်ှနိုင်ငံသို့ ထွက်ပြေးသွားသော ဘင်္ဂါလီများလည်း ရှိသကဲ့သို့ ထွက်ပြေးတိမ်းရှောင်ခြင်း မရှိသော ဘင်္ဂါလီများလည်း ရှိနေသည့် အတွက် ဘင်္ဂလားဒေ့ရ်ှဘက်အခြမ်းရှိ ဒုက္ခသည် စခန်းများတွင် မြန်မာနိုင်ငံဘက်မှ ထွက်ပြေးလာသော ဘင်္ဂါလီဒုက္ခသည် တစ်သန်းနီးပါး ရှိနေသည်ဟူသော အချက်ကို တိကျစွာ စစ်ဆေး၍ ပြန်လည်လက်ခံရေးလုပ်ငန်းစဉ်ကို ဆောင်ရွက်ပေးရန်ကိုလည်း ပြည်ထောင်စု အစိုးရအဖွဲ့အား တောင်းဆိုကြောင်း ဒေါ် ခင်စောဝေက ပြောကြားသည်။

“သူတို့ (ပြည်ထောင်စုအစိုးရအဖွဲ့) နဲ့ ဆက်ဆံဆောင်ရွက်နေတဲ့ ကုလသမဂ္ဂအဖွဲ့အစည်းတွေ ရှိတာပဲ။ အဲဒီအဖွဲ့အစည်းတွေကို ကျွန်တော်တို့ကတော့ ဒီလူစာရင်းကို စစ်ဆေးချင်တယ်။ ဒါကို ကူညီပေးပါဆိုရင် သူတို့ က ကူညီပေးမှာပဲ။ တရားဥပဒေစိုးမိုးမှုကို လိုလားတဲ့ ဘင်္ဂလားဒေ့ရ်ှနိုင်ငံအနေနဲ့လည်း ဥပဒေနဲ့အညီစစ်ဆေးမယ့် ဒီကိစ္စကို လက်ခံပေးရမယ်” ဟု ဒေါ်ခင်စောဝေက ပြောကြားသည်။

ကုလသမဂ္ဂအဖွဲ့အစည်းများအနေဖြင့် ရခိုင်အရေးဖြေရှင်းဆောင်ရွက်ရာတွင် မျှတမှု ရှိရန်လိုအပ်ပြီး ဘက်မလိုက်ဘဲ တိကျမျှတမှု ရှိစွာဆောင်ရွက်မှသာ ရေရှည်တွင် အောင်မြင်မှု ရရှိနိုင်လိမ့်မည်ဟု ဦးထွန်းအောင်ကျော် နှင့် ဒေါ်ခင်စောဝေတို့က ပြောကြားသည်။

ကံမမြို့နယ်တွင် သုံးရက်အတွင်း ရခိုင်ပြည်နယ်ဘက်မှ ခိုးဝင်လာသည့် ဘင်္ဂါလီ ၁၂ ဦး ဖမ်းမိ

ဖမ်းဆီးရမိသည့် ဘင်္ဂါလီအချို့ကို တွေ့ရစဉ်

မကွေးတိုင်းဒေသကြီး ကံမမြို့နယ်တွင် ဇွန်၂၁ ရက်နှင့် ၂၃ ရက်များက ရခိုင်ပြည်နယ်ဘက်မှ ခိုးဝင်လာသည့် ဘင်္ဂါလီ ၁၂ ဦး ဖမ်းဆီးရမိခဲ့ကြောင်း သတင်းရရှိသည်။

ဇွန်၂၁ ရက် ညနေပိုင်းက ကံမမြို့နယ် ကြို့ပင်ကျေးရွာအုပ်စု အထက်မီးပေါက် ကျေးရွာအနီးရှိ တောအုပ်အတွင်း သတင်းပေးချက်အရ ခိုးဝင်ဘင်္ဂါလီများ ရောက်ရှိနေကြောင်း သိရှိခဲ့ရပြီး ရဲတပ်ဖွဲ့မှ သွားရောက် ဖမ်းဆီးခဲ့ရာ ဘင်္ဂါလီလူမျိုး အမျိုးသား ကိုးဦးနှင့် အမျိုးသမီး နှစ်ဦး၊ စုစုပေါင်း ၁၁ ဦးတို့ကို လမ်းပြခေါ်ဆောင်လာသူ လေးဦးနှင့်အတူ တွေ့ရှိဖမ်းဆီးရမိခဲ့ခြင်း ဖြစ်ကြောင်း သိရသည်။

ဖမ်းဆီးရမိသည့် ဘင်္ဂါလီများမှာ ရခိုင်ရိုးမကိုဖြတ်ပြီး ၀င်ရောက်လာခြင်းဖြစ်ကြောင်း သိရသည်။

“ဇွန် ၂၁ရက်က ဘင်္ဂါလီ ၁၁ ဦးနဲ့ အခကြေးငွေယူပြီး လိုက်ပါပို့ဆောင်သူ လေးဦး ဖမ်းမိခဲ့ပါတယ်။ ရခိုင်ပြည်နယ်ဘက်ကနေ ရိုးမကိုဖြတ်ပြီး ၀င်လာကြတာပါ။ သူတို့က ရန်ကုန်ကိုသွားပြီး အလုပ်လုပ်ဖို့ လာကြတယ်လို့ ကနဦး စုံးစမ်းသိရပါတယ်။ ဒီနေ့ (ဇွန် ၂၃ ရက်) နံနက်ပိုင်းကလည်း ဘင်္ဂါလီတစ်ယောက် ထပ်မိပါတယ်။ သူတို့အားလုံးကိုအမှုဖွင့် စစ်ဆေးမှုတွေ လုပ်နေပါတယ်” ဟု ကံမမြို့နယ် ရဲတပ်ဖွဲ့မှ တာဝန်ရှိသူတစ်ဦးက ပြောကြားသည်။

လက်ရှိတွင် ဖမ်းဆီးရမိသည့် ဘင်္ဂါလီ ၁၂ ဦးကို လ၀က ဥပဒေဖြင့် အမှုဖွင့် စစ်ဆေးလျက်ရှိပြီး လိုက်ပါပို့ဆောင်သူ လေးဦးအား ရာဇသတ်ကြီးပုဒ်မ ၃၆၇ ဖြင့် အမှုဖွင့်စစ်ဆေးမှုများ ပြုလုပ်နေကြောင်း သိရသည်။

မြန်မာနိုင်ငံသို့ ခိုးဝင်လျက်ရှိသည့် ဘင်္ဂါလီများကို မြန်မာနိုင်ငံ အလယ်ပိုင်းဒေသများတွင် ဖမ်းဆီးရမိလျက်ရှိပြီး အချို့မှာ မလေးရှားတွင် အလုပ်သွားလုပ်ရန် ခိုးဝင်ကြခြင်းဖြစ်ကြောင်း သိရသည်။

ရခိုင်အကြမ်းဖက် တိုက်ခိုက်ခံရမှု အပြီးတွင် ခိုးဝင်ဘင်္ဂါလီအများဆုံး ဖမ်းဆီးရမိမှုမှာ ဇွန်လအစောပိုင်းက ရခိုင်ပြည်နယ်တွင် ဖမ်းဆီးရမိခဲ့သည့် ဖြစ်စဉ်ဖြစ်ပြီး ယင်းဖြစ်စဉ်တွင် ခိုးဝင်ဘင်္ဂါလီ ၁၀၀ ကျော်ကို ဖမ်းဆီးရမိခဲ့ခြင်း ဖြစ်ကြောင်း သိရသည်။

 

ဘင်္ဂါလီအကြမ်းဖက်မှုကို စိုးရိမ်သဖြင့် တောင်ပေါ်ကျေးရွာများအား စွန့်ခွာထွက်ပြေးလာကြသည့် မြိုတိုင်းရင်းသား အိမ်ထောင်စုအချို့နှင့် ဘင်္ဂလားဒေ့ရ်ှမှ ခိုလှုံရောက်ရှိလာသည့် တိုင်းရင်းသားများ နေအိမ်မရရှိသေးသည့်အတွက် ခိုလှုံရာကျေးရွာသစ်များတွင် တဲအိမ်များဆောက်လုပ်နေထိုင်နေရ

ပြောင်းရွှေ့လာကြသည့် မြိုတိုင်းရင်းသားအိမ်ထောင်စုအချို့ ခုံတိုင်ကျေးရွာသစ်တွင် ယာယီတဲအိမ်များဖြင့် နေထိုင်နေကြသည်ကို တွေ့ရစဉ်

ဘင်္ဂါလီအကြမ်းဖက်ရန်ကို စိုးရိမ်သဖြင့် တောင်ပေါ်ကျေးရွာများကို စွန့်ခွာထွက်ပြေးလာကြသည့် မြိုတိုင်းရင်းသားအိမ်ထောင်စု တချို့နှင့်ဘင်္ဂလားဒေ့ရ်ှမှ ခိုလှုံရောက်ရှိလာသည့် တိုင်းရင်းသားများ နေအိမ်မရရှိသေးသည့်အတွက် ခိုလှုံရာကျေးရွာသစ်များတွင် တဲအိမ်များဆောက်လုပ်နေထိုင်နေရကြောင်း သိရသည်။

“ကျွန်တော်တို့ ခုံတိုင်ရွာသားတွေကတော့ နေအိမ် ၄၈ လုံးရပါပြီ။ ဒါပေမယ့် ကျွန်တော်တို့နဲ့အတူ နေရပ်စွန့်ခွာပြောင်းရွှေ့ဆင်းလာကြတဲ့ ပန်စည်ရွာက မိသားစု ၁၀ စုနဲ့ ဆန်ပြာရွာက မိသားစုက နှစ်စုကတော့နေ အိမ်မရသေးဘူး။ အခုသူတို့ တာလပတ်မိုးပြီး တဲထိုးနေကြရတယ်။ တဲအမိုးအကာအတွက် တာလပတ်တွေကိုတော့ ရှိတဲ့သူတွေကပေးပြီး ဆောက်လုပ်နေထိုင်ကြပါတယ်။ သူတို့အတွက် နေအိမ်တွေကိုတော့ သက်ဆိုင်ရာက လာမယ့်နှစ်မှာ ဆောက်ပေးမယ် လို့တော့ပြောပါတယ်။ အခုတော့ ကျွန်တော်တို့နည်းတူ အလုပ်လည်းမရှိကြဘူး။ အရင်ကတော့ နန်းရာကိုင်းလမ်း၊ ခမောင်းဆိပ်လမ်းတွေမှာ ကျောက်ခွဲဖို့ အလုပ်လုပ်တယ်။ တစ်နေ့ကို ခုနစ်ထောင်၊ တစ်သောင်းရတယ်။ အခုတော့ အလုပ်လည်း မရှိကြဘူး။ ထိုင်နေကြရတယ်။ အရင်ကတော့ ကျွန်တော်တို့က တောင်ယာလုပ်ကိုင်စားသောက်တယ်။ အခုတော့ တောင်ယာကိုလည်း မသွားရဲ မလာရဲဆိုတော့ အလုပ်လက်မဲ့ဖြစ်နေကြတယ်” ဟု ခုံတိုင်ကျေးရွာအုပ်ချုပ်ရေးမှူး ဦးမောင်လှက ပြောကြားသည်။

အကြမ်းဖက်မှုကြောင့် ပျက်စီးဆုံးရှုံးခဲ့သော မောင်တောမြို့ ခုံတိုင်ကျေးရွာရှိ မြို တိုင်းရင်းသားများအတွက် ဒေါ်ခင်ကြည် ဖောင်ဒေးရှင်းမှ လှူဒါန်းသော နေအိမ်အလုံး ၃၀ နှင့်နယ်စပ်ဒေသနှင့်တိုင်းရင်းသားလူမျိုး များဖွံ့ဖြိုးတိုးတက်ရေးဦးစီးဌာနမှ လှူဒါန်းသော နေအိမ် ၁၈ လုံးတွင် မြိုတိုင်းရင်းသား မိသားစုဝင်များအား နေရာချထားပေးခဲ့ပြီးဖြစ်ကြောင်း သိရသည်။ သို့ရာတွင် ခုံတိုင်ကျေးရွာတွင် ပူးပေါင်းနေထိုင်ရန် ရောက်ရှိနေသည့် ပန်စည်ရွာနှင့် ဆန်ပြာရွာမှ မြိုတိုင်းရင်းသားအိမ်ထောင်စု ၁၂ စုမှာ တဲထိုးနေထိုင်နေရဆဲဖြစ်ကြောင်းလည်း သိရသည်။

အလားတူမောင်တောမြောက်ပိုင်း သွားလာရခက်ခဲသည့် မြိုတိုင်းရင်းသားကျေးရွာများကို စုပေါင်းကာ တည်ဆောက်ထားသည့် ကျေးရွာသစ်ဖြစ်သော သစ်တုံးနားခွဆုံကျေးရွာတွင် နေအိမ်သစ် ၁၀၄ လုံးတည်ဆောက် ပေးထားပြီးဖြစ်သဖြင့် ကျေးရွာသားများအိမ်သစ်တွင် နေထိုင်နေကြပြီဖြစ်သော်လည်း အဆိုပါသစ်တုံးနားကျေးရွာသို့ ရောက်ရှိခိုလှုံ နေကြသည့် ဘင်္ဂလားဒေ့ရ်ှမှ ထွက်ပြေးလာကြသူများမှာ ကိုယ့်တဲကိုယ်ဆောက်ကာ နေထိုင်နေရကြောင်းလည်း သိရသည်။

“ကျွန်တော်တို့ရွာမှာ နေအိမ် ၁၀၄ လုံးကို တည်ဆောက်ပြီးလို့ အိမ်ထောင်စု ၈၆ စု ကတော့ နေအိမ်သစ်တွေမှာ နေထိုင်နေကြပါပြီ။ ခွဲထွက်အိမ်ထောင်စုတွေကတော့ အိမ်သစ်မတက်သေးဘူး။ ဒါပေမယ့် ဘင်္ဂလားဒေ့ရ်ှက ရောက်လာတဲ့အိမ်ထောင်စုကျတော့ သူတို့သီးသန့်တဲထိုးနေကြပါတယ်။ မိုးတွင်းကာလမှာ သူတို့နေဖို့တဲအိမ်တွေမှာ အမိုးအကာအတွက် တာလပတ်တွေကိုတော့ သက်ဆိုင်ရာက တောင်းထားပါတယ်။ ဘင်္ဂလားဒေ့ရ်ှက ရောက်နေတဲ့မိသားစုက ၃၆ စုရှိပါတယ်။ အလုပ်အကိုင်ကတော့ ကျွန်တော်တို့ ရွာသားတွေနဲ့ အတူတူပါပဲ။ အလုပ်မရှိကြဘူး။ လယ်ထွန်ဖို့အတွက် သက်ဆိုင်ရာကို စာရင်းပေးထားပါတယ်။ အခုထိတော့ လယ်မထွန်ရသေးဘူး။ လယ်ထွန်ဖို့လည်း ဘာမှမရှိဘူး” ဟု သစ်တုံးနားခွဆုံကျေးရွာ အုပ်ချုပ်ရေးမှူး ဦးထွန်းရွှေက ပြောကြားသည်။

သစ်တုံးနားခွဆုံကျေးရွာသစ်တွင် မျောက်ခေါင်းတောင်ကျေးရွာမှ အိမ်ထောင်စု ၂၀ စု လူဦးရေ ၁၀၄ ဦး၊ ခရုချောင်းကျေးရွာမှ အိမ်ထောင်စု ၂၇ စု လူဦးရေ ၁၆၉ ဦး၊ ပန်းချောင်းကျေးရွာမှ အိမ်ထောင်စု ၂၇ စု၊ လူဦးရေ ၂၂၈ ဦးနှင့်အင်းချောင်းကျေးရွာမှ အိမ်ထောင်စု ၁၁ စု  လူဦးရေ ၇၀ ဦးတို့ နေထိုင်နေကြောင်းနှင့် ဘင်္ဂလားဒေ့ရ်ှမှ ခိုလှုံရောက်ရှိလာသည့် အိမ်ထောင်စု ၃၅ စုလည်း ယာယီတဲအိမ်များဖြင့် နေထိုင်နေကြောင်း သိရသည်။

သစ်တုံးနားခွဆုံကျေးရွာမှ မြိုတိုင်းရင်းသားများအတွက် ဧရာဝတီတိုင်းဒေသကြီး အစိုးရအဖွဲ့မှ နေအိမ် ၄၄ လုံးနှင့် မန္တလေးတိုင်းဒေသကြီးအစိုးရအဖွဲ့က ဆောက်လုပ်လှူဒါန်းသည့် နေအိမ်အလုံး ၆၀ အား ကျေးရွာသားများကို လွှဲပြောင်းအပ်နှံခဲ့ပြီးဖြစ်ကြောင်းလည်း သိရသည်။

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများကိစ္စ မြန်မာဘက်က တရားဝင် ကန့်ကွက်ခဲ့သော်လည်း မြန်မာပိုင်နက် ခြံစည်းရိုးအနီးအထိ နေအိမ်များ တိုးချဲ့ တည်ဆောက်လာကြောင်း သိရ

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများကို ဇွန်လလယ်ခန့်က တွေ့ရစဉ်

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများကိစ္စ မြန်မာဘက်မှ တရားဝင် ကန့်ကွက်ခဲ့သော်လည်း မြန်မာပိုင်နက် ခြံစည်းရိုးအနီးအထိ နေအိမ်များ တိုးချဲ့ တည်ဆောက်လာကြောင်း သိရသည်။

“အခုဆိုရင် နေအိမ်တွေက ခြံစည်းရိုးနားအထိ တိုးချဲ့ တည်ဆောက်ထားတာကို တွေ့ရတယ်။ ခြံစည်းရိုးအနားအထိ တိုးလာတာက လူဦးရေ တိုးလာလို့လား။ နေရာပြောင်းတာလားတော့ မသိဘူး။ အဲဒီကန့်ကွက်ထားတဲ့ နေရာမှာ လူတွေ လျော့သွားတာ မရှိဘူး။ အဆောက်အအုံတွေလည်း အရင်အတိုင်း တွေ့ရသေးတယ်” ဟု တောင်ပြိုနယ်စပ်တွင် တာဝန်ထမ်းဆောင်နေသည့် လုံခြုံရေး အရာရှိတစ်ဦးက ပြောကြားသည်။

နှစ်နိုင်ငံ နယ်စပ်မျဉ်းအနီး နေထိုင်ခွင့် မရှိသောနေရာတွင် လူဦးရေ၊ အိမ်ထောင်စုများ တရားမ၀င် တိုးပွားလာမှုကို သတင်း ဖလှယ်မှုမရှိခြင်းသည် နှစ်နိုင်ငံအကြား ချုပ်ဆိုထားသော နယ်နိမိတ်စာချုပ်ပါ သတ်မှတ်ချက်များကို ချိုးဖောက်ရာ ရောက်သဖြင့် မြန်မာနိုင်ငံဘက်မှ တရားဝင် ကန့်ကွက်ကြောင်း၊ ၎င်းအပြင် အာဆာအကြမ်းဖက်အဖွဲ့ များ ရောနှော ၀င်ရောက်လာကြောင်း သိရသဖြင့် ကာကွယ်တားဆီးပေးရန် နှင့် အဆိုပါနေရာ၌ မေ ၆ ရက်မှ မေ ၈ ရက်အထိ ယာယီတဲအသစ် ရှစ်လုံး ဆောက်လုပ်ထားသည်ကို တွေ့ရကြောင်း မေ ၁၆ ရက် မွန်းလွဲပိုင်းတွင် မြန်မာဘက်ခြမ်း (တောင်ပြို-၀ဲ ၀င်ထွက်) တံတားအနီး ရှင်းလင်းဆောင်၌ ကျင်းပသည့် မြန်မာ-ဘင်္ဂလားဒေ့ရှ် နှစ်နိုင်ငံ တပ်ရင်းမှူးအဆင့် တွေ့ဆုံဆွေးနွေးပွဲတွင် မြန်မာနိုင်ငံ နယ်ခြားစောင့်ရဲတပ်ဖွဲ့ခွဲမှူးက ပြောကြားသည်။

၂၀၁၇ ခုနှစ် ဖြစ်စဉ် ဖြစ်ပြီးကတည်းက ပြောင်းရွှေ့ဒုက္ခသည်များ ယခုအချိန်အထိ နယ်နိမိတ်မျဉ်းအနီး နေထိုင်လျက်ရှိပြီး ၎င်းတို့ဘက်မှ ထောက်ပံ့မှုများ မရှိကြောင်း၊ နှစ်နိုင်ငံ နယ်နိမိတ်မျဉ်းအနီး အဆောက်အအုံနှင့် ပတ်သက်၍ နယ်စပ်ရေးရာကိစ္စ ဖြစ်သဖြင့် ပူးပေါင်းဆောင်ရွက်ရန် ရှိပါကြောင်း၊ သို့ရာတွင် နေရပ် စွန့်ခွာသူများမှာ ကမ္ဘာ့အဖွဲ့အစည်းများမှ ထောက်ပံ့ပေးမှုကြောင့် ရပ်တည်၍ရနေခြင်း ဖြစ်ပါကြောင်း၊ လူသားချင်း စာနာထောက်ထားမှုဆိုင်ရာ အကူအညီပေးမှုများဖြစ်၍ ကမ္ဘာ့အဖွဲ့အစည်းများ အနေဖြင့် ထောက်ပံ့ပေးခြင်းဖြစ်ရာ ဘင်္ဂလားဒေ့ရှ် နိုင်ငံအနေဖြင့် ကန့်ကွက်၍ မရပါကြောင်း ဘင်္ဂလားဒေ့ရှ် နယ်ခြားစောင့်တပ် တပ်ရင်းမှူးက အဆိုပါတွေ့ဆုံပွဲ၌ ပြန်လည်ဆွေးနွေးရာတွင် ပြောကြားသည်။

ဆက်လက်၍ နှစ်နိုင်ငံ နယ်စပ် တည်ငြိမ်အေးချမ်းရေးအတွက် ဆွေးနွေးခဲ့ကြပြီး ဆွေးနွေးပွဲသို့ မြန်မာနိုင်ငံ နယ်ခြားစောင့် ရဲတပ်ဖွဲ့မှ ၁၀ ဦး နှင့် ဘင်္ဂလားဒေ့ရှ် နယ်ခြားစောင့် ရဲတပ်ဖွဲ့မှ ၁၀ ဦး တက်ရောက်ခဲ့ကြကြောင်း သိရသည်။

မြန်မာ-ဘင်္ဂလားဒေ့ရှ် နှစ်နိုင်ငံ နယ်စပ်မျဉ်းအနီး နေထိုင်သူများအား မြန်မာ တာဝန်ရှိသူများ သွားရောက် တွေ့ဆုံနေသည်ကို တွေ့ရစဉ်

အလားတူ နှစ်နိုင်ငံ နယ်နိမိတ်မျဉ်းအနီး ဘင်္ဂလားဒေ့ရ်ှနိုင်ငံဘက်ခြမ်းတွင် CCTV ကင်မရာ လေးလုံး တပ်ဆင်ခြင်းနှင့် လုံခြုံရေး ဆိုလာမီးတိုင် ၁၀ တိုင် တပ်ဆင်ထားခြင်းများသည် တစ်ဖက် နိုင်ငံနယ်မြေ အခြေအနေများ နှင့် လှုပ်ရှားမှုများကို စောင့်ကြည့် သတင်းရယူခြင်းဖြစ်၍ ကုလသမဂ္ဂ စည်းမျဉ်းအရ မလုပ်သင့်သည်ကို လုပ်သည့်သဘောဖြစ်၍ အမြန်ဖယ်ရှား ပေးစေလိုကြောင်း၊ နှစ်နိုင်ငံ နယ်နိမိတ်မျဉ်းအနီး လူမနေထိုင်ရန် သတ်မှတ်ထားသည့် နေရာတွင် လူဦးရေ တိုးပွားလာမှုများကို ဘင်္ဂလားဒေ့ရ်ှနိုင်ငံ အနေဖြင့် လျစ်လျူရှုပြီး ထောက်ခံအားပေးသည့် သဘောဆောင်နေကြောင်း၊ အိမ်ထောင်စုများ တိုးချဲ့လာမှု၊ ရွှေ့ပြောင်းလာမှုများကို ထိန်းသိမ်းရန်အတွက် အသံချဲ့စက်ဖြင့် သတိပေး တားမြစ်မှုများ ဆောင်ရွက်နေရခြင်းဖြစ်ပြီး ဘင်္ဂလားဒေ့ရ်ှနိုင်ငံဘက်မှ ပူးပေါင်း ဆောင်ရွက်ပါက မိမိတို့အနေဖြင့် ထိုကဲ့သို့ လုပ်ဆောင်ရန် မလိုကြောင်း မေ၂၃ ရက်က မြန်မာ-ဘင်္ဂလားဒေ့ရှ် နှစ်နိုင်ငံ ချစ်ကြည်ရေးတံတားအနီး ဘင်္ဂလားဒေ့ရ်ှဘက်ခြမ်းတွင် ပြုလုပ်သည့် ဆွေးနွေးပွဲတွင် မြန်မာနိုင်ငံ နယ်ခြားစောင့် ရဲတပ်ဖွဲ့မှူးက ကန့်ကွက်ပြောဆိုခဲ့သည်။

ထို့ပြင် နှစ်နိုင်ငံ နယ်နိမိတ်မျဉ်းအနီးရှိ အဆောက်အအုံ မဆောက်လုပ်ရန် တားမြစ်ထားသည့် ဇုန်အတွင်း တဲအသစ်များ ထပ်မံ တိုးချဲ့ဆောက်လုပ်ခြင်းများ ရပ်ဆိုင်းစေလိုပြီး ရိက္ခာလာရောက် ပေးပို့မှုများနှင့် လုံခြုံရေး လိုက်ပါကူညီပေးနေမှုများကို ကန့်ကွက်ပါကြောင်း ပြောကြားခဲ့သည်ဟု သိရသည်။

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms. Christine Schraner Burgener နှင့်အဖွဲ့သည် ဇွန် ၁၈ ရက် မောင်တောခရီးစဉ်တွင် တောင်ပြိုနယ်စပ် ခြံစည်းရိုးပြင်ပ၌ တရားမ၀င် တဲထိုးနေထိုင်နေကြသည့် ဘင်္ဂါလီများနှင့် သွားရောက် တွေ့ဆုံခဲ့ကြောင်း သိရသည်။

ထို့ပြင် အဆိုပါ နှစ်နိုင်ငံ နယ်နိမိတ်မျဉ်းအနီး အဆောက်အအုံ မဆောက်လုပ်ရန် တားမြစ်ထားသည့် ဇုန်အတွင်း မြန်မာနိုင်ငံမှ ထွက်ပြေးသွားသည့် ဘင်္ဂါလီ အိမ်ထောင်စု ၁၀၀၀ ကျော် တရားမ၀င် နေထိုင်နေကြောင်း နှင့် ၎င်းတို့အား မြန်မာအစိုးရ တာဝန်ရှိသူများက ပြန်လည်လက်ခံရေး ကိစ္စများနှင့်ပတ်သက်ပြီး အကြိမ်ကြိမ်ပြောဆိုခဲ့သော်လည်း ဘင်္ဂါလီငါးဦးမှအပ ကျန်ဘင်္ဂါလီများ ပြန်လည် ၀င်ရောက်လာခြင်း မရှိသေးကြောင်း သိရသည်။

မြန်မာ-ဘင်္ဂလားဒေ့ရှ် နှစ်နိုင်ငံ နယ်နိမိတ်မျဉ်းမှ မြန်မာနိုင်ငံဘက်ခြမ်း နယ်စပ်ခြံစည်းရိုးအကြား (နယ်စပ်မှတ်တိုင် ၃၄ အနီး) နေထိုင်ခဲ့သော မောင်တောမြို့နယ် တောင်ပြိုလက်ယာ ကျေးရွာနေ အဲဖ်တာအာလွမ် အပါအ၀င် မိသားစုဝင် ငါးဦးသည် စားဝတ်နေရေး အခက်အခဲရှိပြီး ကျန်းမာရေး ဆိုးရွားစွာဖြင့် ဒုက္ခမျိုးစုံ ခံစားနေရသဖြင့် နိုင်ငံအတွင်း ပြန်လည် ၀င်ရောက်ခွင့်ပြုပါရန် တင်ပြသဖြင့် အဆိုပါတင်ပြချက်အပေါ် အဆင့်ဆင့် တင်ပြခဲ့ရာ တရားဝင် လက်ခံရေးစခန်းမှ တစ်ဆင့် ၀င်ရောက်ခွင့်ရရှိခဲ့ပြီး ၁၃-၄-၂၀၁၈ ရက်တွင် တောင်ပြိုလက်ဝဲ ၀င်ထွက်ဂိတ် (နှစ်နီုင်ငံ ချစ်ကြည်ရေးတံတားအနီး)မှ တောင်ပြိုလက်ဝဲ စိစစ်ရေးစခန်းသို့ အဲဖ်တာအာလွမ် နှင့် မိသားစုများ ရောက်ရှိခဲ့ကြောင်း သတင်းထုတ်ပြန်ချက်အရ သိရသည်။

ဘင်္ဂလားဒေ့ရ်ှဘက်သို့ ရောက်ရှိနေသည့် ဘင်္ဂါလီစာရင်းကို ဘင်္ဂလားဒေ့ရ်ှအစိုးရက မှားယွင်းဖော်ပြမှု အပါအ၀င်အချက်နှစ်ချက်အား ကုလသမဂ္ဂ အထူးကိုယ်စားလှယ်နှင့်တွေ့ဆုံစဉ် ရခိုင်အမျိုး သားပါတီ တင်ပြ

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် ဦးဆောင်သော အဖွဲ့နှင့် ရခိုင်အမျိုးသားပါတီ (ANP) တာဝန်ရှိသူများ စစ်တွေဟိုတယ်၌ တွေ့ဆုံခဲ့စဉ် (ဓာတ်ပုံ-ရခိုင်အမျိုးသားပါတီ)

ဘင်္ဂလားဒေ့ရ်ှဘက်သို့ ရောက်ရှိနေသည့် ဘင်္ဂါလီများစာရင်းကို ဘင်္ဂလားဒေ့ရှ် အစိုးရက မှားယွင်းစွာ ဖော်ပြနေမှုအပါအ၀င် အချက်နှစ်ချက်အား ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် Ms.Christine Schrane Burgener ဦးဆောင်သောအဖွဲ့နှင့် တွေ့ဆုံစဉ်  ရခိုင်အမျိုးသားပါတီ (ANP) က တင်ပြဆွေးနွေးခဲ့ကြောင်း ပါတီအထွေထွေအတွင်းရေးမှူး ဦးထွန်းအောင်ကျော်က ဇွန် ၁၉ ရက်တွင် ပြောကြားသည်။

ရခိုင်အမျိုးသားပါတီက တင်ပြခဲ့သော အချက်နှစ်ချက်မှာ ဘင်္ဂါလီကိစ္စနှင့်ပတ်သက်၍ ယခုအချိန်ထိ ပြည်ထောင်စုအစိုးရက သော်လည်းကောင်း၊ ပြည်နယ်အစိုးရကသော်လည်းကောင်း ရခိုင်အမျိုးသားပါတီနှင့် ညှိနှိုင်းဆွေးနွေးမှုမရှိခြင်းနှင့် ဘင်္ဂလားဒေ့ရ်ှဘက်သို့ ရောက်ရှိနေသော ဘင်္ဂါလီများစာရင်းကို ဘင်္ဂလားဒေ့ရ်ှအစိုးရက မှားယွင်းဖော်ပြနေမှုကို ၎င်းတို့ပါတီအနေဖြင့် လုံးဝလက်မခံနိုင်ခြင်းတို့ဖြစ်ကြောင်း ဦးထွန်းအောင်ကျော်က ပြောကြားသည်။

ကုလသမဂ္ဂအထူးကိုယ်စားလှယ်ဦးဆောင်သော အဖွဲ့နှင့် ရခိုင်အမျိုးသားပါတီမှ ထိပ်ပိုင်းခေါင်းဆောင်များသည် ဇွန် ၁၇ ရက်က စစ်တွေမြို့ စစ်တွေဟိုတယ်တွင် တွေ့ဆုံဆွေးနွေးခဲ့ကြောင်း သိရသည်။

“ကျွန်တော်တို့က အချက်နှစ်ချက်အပေါ်မှာ လက်မခံနိုင်ဘူးလို့။ ဘာဖြစ်လို့လဲဆိုတော့ ဘင်္ဂါလားဒေ့ရ်ှအစိုးရကနေ ကြေညာနေတဲ့လူဦးရေ ရှစ်သိန်းတို့၊ ကိုးသိန်းတို့၊ တစ်သန်းတို့ အဲဒီအရေအတွက်ကို ကျွန်တော်တို့ ရခိုင်အမျိုးသားပါတီက လုံးဝလက်မခံနိုင်ဘူး။ ဘာလို့လဲဆိုတော့ ရခိုင်ပြည်နယ်မှာ ၁၇ မြို့နယ် ရှိပါတယ်။ ၁၃ မြို့နယ်မှာ ရခိုင်တွေနဲ့ ဘင်္ဂါလီတွေ အတူတူနေနေကြတယ်။ ရခိုင်ပြည်နယ်တစ်ခုလုံးမှာ ဘင်္ဂါလီအရေအတွက်ဟာ တစ်သန်းနီးပါးပဲရှိပါတယ်။ အထူးသဖြင့် အများဆုံးက မောင်တောနဲ့ဘူးသီးတောင်။ မောင်တောနဲ့ ဘူးသီးတောင်မြို့နယ် နှစ်ခုမှာ လူဦးရေ ခုနစ်သိန်းလောက်ရှိတယ်။ အဲဒီတော့ အခုထွက်ပြေးကြတာက ကျန်တဲ့မြို့နယ်တွေက ဘယ်သူမှမပြေးဘူး။ မောင်တောနဲ့ဘူးသီးတောင်က လူတွေပြေးတယ်။ အဲဒီတော့ မောင်တောနဲ့ဘူးသီးတောင်က လူအကုန်းလုံးပြေးမှ လူဦးရေ ခုနစ်သိန်းလောက်ပဲဖြစ်မှာ။ ဒါပေမဲ့ မောင်တောနဲ့ ဘူး သီးတောင်က ဘင်္ဂါလီတွေ အကုန်လုံးထွက်ပြေးတာ မဟုတ်ဘူး။ တစ်ဝက်လောက်က ဒီမှာကျန်နေတဲ့အတွက် ဘယ်လိုများ အဲဒီရှစ်သိန်းတို့၊ ကိုးသိန်းတို့ တစ်သန်းနီးပါးတို့ ဘယ်လိုဖြစ်သွားတာလဲ။ ကျွန်တော်တို့ လုံးဝလက်မခံဘူးလို့ ဒီကိစ္စကို” ဟု ဦးထွန်းအောင်ကျော် ပြောကြားသည်။

မြန်မာနိုင်ငံမှ ဘင်္ဂလားဒေ့ရ်ှဘက်သို့ ထွက်ပြေးလာသော ဘင်္ဂါလီလူဦးရေမှာ ၁၃ သိန်းရှိကြောင်း ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာက ပြောကြားထားသည်။

“နောက်တစ်ခုကလည်း ရခိုင်ပြည်နယ်မှာ အများဆုံးအနိုင်ရထားတဲ့ပါတီက ကျွန်တော်တို့ ရခိုင်အမျိုးသားပါတီ။ ရခိုင်ပြည်နယ်လွှတ်တော်မှာလည်း ကျွန်တော်တို့ပါတီက လွှတ်တော်ကိုယ်စားလှယ်တွေ အများစုရှိနေတဲ့ လွှတ်တော်။ အဲဒီတော့ ဒီကိစ္စတွေနဲ့ ပတ်သက်ပြီးတော့ ကာယကံရှင်ခံစားနေရတဲ့ ရခိုင်နဲ့ရခိုင်မျိုးနွယ်စုတွေ နောက်တစ်ခုက ရခိုင်ပြည်နယ်မှာ အနိုင်ရထားတဲ့ ရခိုင်အမျိုးသားပါတီကို ပြည်ထောင်စုအစိုးရကသော်လည်းကောင်း၊ ပြည်နယ်အစိုးရကသော် လည်းကောင်း ဒီကိစ္စတွေနဲ့ ပတ်သက်ပြီးတော့ ခေါ်ယူတာတို့၊ ဆွေးနွေးတာတို့၊ ညှိနှိုင်းတာတို့၊ တိုင်ပင်တာတို့၊ ကမ်းလှမ်းတာတို့ ဒီနေ့ထက်ထိ တစ်ကြိမ်တစ်ခါမှ မရှိတာကို ကျွန်တော်တို့ စိတ်မကောင်းဖွယ်ရာ တွေ့ရတယ်လို့ ကျွန်တော်တို့ ဒီအချက်နှစ်ချက် ကျွန်တော်တို့ ပြန်ပြောလိုက်ပါတယ်” ဟု ဦးထွန်းအောင်ကျော်က ပြောကြားသည်။

ထို့ပြင် မောင်တောနှင့်ဘူးသီးတောင်မြို့နယ်တို့တွင် ပဋိပက္ခဖြစ်တိုင်း အသက်ဆုံးရှုံးမှုအပါအ၀င် ပိုင်ဆိုင်မှုများ ဆုံးရှုံးခဲ့ရသူများမှာ ရခိုင်တိုင်းရင်းသားများနှင့်  ရခိုင်မျိုးနွယ်စုဝင် တိုင်းရင်းသားများ ဖြစ်ကြောင်း ဦးထွန်းအောင်ကျော်က ပြောကြားသည်။

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်သည် ဇွန် ၁၃ ရက်တွင် နိုင်ငံတော်၏အတိုင်ပင်ခံပုဂ္ဂိုလ်နှင့် တပ်မတော်ကာကွယ်ရေးဦးချုပ်တို့နှင့်တွေ့ဆုံကာ ရခိုင်ပြည်နယ် အရေးနှင့်ပတ်သက်၍ ဆွေးနွေးခဲ့သည်။

ထို့နောက် အဆိုပါအထူးကိုယ်စားလှယ် ဦးဆောင်သောအဖွဲ့သည် ဇွန် ၁၇ ရက်တွင် ရခိုင်ပြည်နယ်သို့ ရောက်ရှိခဲ့ပြီး ရခိုင်ပြည် နယ်အစိုးရအဖွဲ့၊ ရခိုင်အမျိုးသားပါတီတို့နှင့် တွေ့ဆုံဆွေးနွေးခဲ့ပြီး မြေပုံနှင့်စစ်တွေမြို့နယ်တို့ရှိ ဒုက္ခသည်စခန်းအချို့သို့ သွားရောက်လေ့လာခဲ့သည်။

ဇွန် ၁၈ ရက်တွင် တောင်ပြိုနယ်စပ်ခြံစည်းရိုးပြင်ပတွင် တရားမ၀င် တဲထိုးနေထိုင်ကြသည့် ဘင်္ဂါလီများကို သွားရောက်တွေ့ဆုံခဲ့ပြီး  မောင်တောခရိုင် အထွေအထွေအုပ်ချုပ်ရေး ဦးစီးဌာနရုံးတွင် အာဆာအကြမ်းဖက်သမားများ၏ ခေါ်ဆောင်ခြင်းခံရသော ဘင်္ဂလားဒေ့ရှ် နိုင်ငံဘက်မှ ပြန်လည်ရောက်ရှိလာသည့် ဟိန္ဒူဘာသာဝင် အမျိုးသမီးများ ၊သတ်ဖြတ်ခံခဲ့ရသည့် မြိုတိုင်းရင်းသားမိသားစုဝင်များ၊ အစ္စလာမ်ဘာသာဝင်အချို့နှင့်လည်း တွေ့ဆုံခဲ့ပြီး နေရပ်စွန့်ခွာမှုမရှိသော ဘင်္ဂါလီကျေးရွာဖြစ်သော ပန်းတောပြင်ကျေးရွာသို့လည်း သွားရောက်ခဲ့ကြောင်း သိရသည်။