မြန်မာနိုင်ငံသည် ဘင်္ဂါလီမွတ်စလင်ကိစ္စအား စုံစမ်းစစ်ဆေးရန် ဆန္ဒမရှိသောကြောင့် ကုလသမဂ္ဂက အရေးယူဆောင်ရွက်ရန် လူ့အခွင့်အရေးအထူးကိုယ်စားလှယ် ပြောကြား

မြန်မာနိုင်ငံသည် ဘင်္ဂါလီမွတ်စလင်များအပေါ် ကျူးလွန်ခဲ့သည့် မတရားမှုများကို စုံစမ်းစစ်ဆေးရန် လုပ်ဆောင်နိုင်စွမ်းလည်းမရှိ၊ စိတ်ဆန္ဒလည်းမရှိကြောင်း ကုလသမဂ္ဂ လူ့အခွင့်အရေးဆိုင်ရာ ကိုယ်စားလှယ်တစ်ဦးက အောက်တိုဘာ ၈ ရက်တွင် ပြောကြားခဲ့ပြီး အပြည်ပြည်ဆိုင်ရာ တရားရုံး တစ်ခုရှေ့မှောက်သို့ မြန်မာနိုင်ငံ၏ စစ်ဗိုလ်ချုပ်များကို ပို့ဆောင်ရေးအား ထောက်ခံတောင်းဆိုမှုကို ပြုလုပ်ခဲ့သည်။

ဘင်္ဂါလီမွတ်စလင် ၇၂၀,၀၀၀ ကို မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ ထွက်ပြေးသွားစေခဲ့သည့် ရက်စက်ကြမ်းကြုတ်သော စစ်ဆင်ရေးနှင့်ပတ်သက်၍ လူမျိုးတုံး သတ်ဖြတ်မှု၊ လူသားဆန်မှုကို ချိုးဖောက်သော ရာဇ၀တ်မှု၊ စစ်ရာဇ၀တ်မှုများတို့ဖြင့် မြန်မာနိုင်ငံ၏ ထိပ်တန်းတပ်မတော်ခေါင်းဆောင်များကို စုံစမ်းစစ်ဆေးရန်အတွက် ကုလသမဂ္ဂအချက်အလက်ရှာဖွေရေး မစ်ရှင်က တောင်းဆိုထားသည်။

မြန်မာနိုင်ငံက ကုလသမဂ္ဂ၏ မစ်ရှင်အဖွဲ့ကို ဘက်လိုက်သည်ဟု ပြစ်တင်ဝေဖန်လျက် စွပ်စွဲမှုများကို ပယ်ချကာ အစိုးရက ပြစ်မှုများကို စုံစမ်းစစ်ဆေးရန် ကိုယ်ပိုင်ကော်မရှင်တစ်ရပ်ကို ဖွဲ့စည်းခဲ့သည်။

သို့သော် ဒီဇင်ဘာလကတည်းက နိုင်ငံအတွင်းသို့ ၀င်ခွင့်ပိတ်ပင်ခံထားရသော  မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ်ဟောင်း ယန်ဟီးလီက မြန်မာအစိုးရသည် အကြမ်းဖက်မှုများကို ဘက်မလိုက်သော စုံစမ်းစစ်ဆေးမှုပြုလုပ်ရန် လုပ်ဆောင်နိုင်စွမ်း မရှိသလောက်ဖြစ်ကြောင်း ပြသခဲ့ပြီး ဖြစ်သည်ဟု ပြောကြားခဲ့သည်။ သူက မြန်မာအစိုးရသည် အကန့်အသတ်ရှိပြီး မလုံလောက်သော ခြေလှမ်းများကိုသာ လှမ်းခဲ့သည်ဟု ဆိုသည်။

“ယုံကြည်စိတ်ချရတဲ့ မဆိုင်းမတွ လုပ်ဆောင်တဲ့ စေ့စပ်သေချာတဲ့ လွတ်လပ်တဲ့ သမာဓိရှိတဲ့ စုံစမ်းစစ်ဆေးမှုတွေနဲ့ တရားစွဲဆိုမှုတွေ ဆောင်ရွက်ဖို့ သူ့ရဲ့ဝတ္တရားကို လုပ်ဆောင်ဖို့ရာ မြန်မာနိုင်ငံဟာ အစွမ်းမရှိသလို ဆန္ဒလည်းမရှိပါဘူး” ဟု ယန်ဟီးလီက အောက်တိုဘာ ၈ ရက်တွင် သူ၏ Twitter အကောင့်မှတစ်ဆင့် ထုတ်ပြန်သည့်  အစီရင်ခံစာတစ်စောင်၌ ပြောကြားထားသည်။

၎င်းကိုယ်တိုင်တာဝန်ခံရန် မြန်မာနိုင်ငံက ငြင်းဆန်နေသည့် အနေအထားကြောင့် နိုင်ငံတကာတရားရုံးများအနေဖြင့် တရားမျှတမှုကို ရှာဖွေပေးရန် တာဝန်ကျလာသည်ဟုလည်း ၎င်းက ဆိုသည်။

“အရေးယူဖို့ တာဝန်ကတော့ နိုင်ငံတကာအသိုင်းအ၀ိုင်းအပေါ် ကျလာပါပြီ။ အင်စတီကျူးရှင်းချထားတဲ့ တရားမျှတမှုမှာ ကြန့်ကြာနေတာမှန်သမျှဟာ နောက်ထပ်ချိုးဖောက်မှုတွေသာ ထပ်ပြီးဖြစ်လာပါစေလိမ့်မယ်” ဟု ယန်ဟီးလီက ဆိုသည်။

ယန်ဟီးလီက သူ၏ကောက်ချက်တွင် ကုလသမဂ္ဂအနေဖြင့် မြန်မာနိုင်ငံမှ အနေအထားကို အပြည်ပြည်ဆိုင်ရာ ရာဇ၀တ်ခုံရုံး  (ICC) သို့ ချက်ချင်းလွှဲပြောင်းပေးသင့်သည်ဟု အကြံပြုထားသည်။

လွန်ခဲ့သည့် သြဂုတ်လက အကြမ်းဖက်မှုများ ဖြစ်ပွားခဲ့ပြီးနောက်ပိုင်း ရခိုင်ပြည်နယ်မြောက်ပိုင်းကို ပိတ်ဆို့ထားပြီး ဂျာနယ်လစ်များနှင့် လေ့လာသူများကို တိုတောင်းပြီး အာဏာပိုင်များက လိုက်ပါစောင့်ရှောက်သည့် ခရီးစဉ်များဖြင့်သာ သွားခွင့်ပြုခဲ့သည်။

ဘင်္ဂါလီမွတ်စလင်များအပေါ် အစိုးရ၏ ဆက်ဆံမှုကို ပြင်းပြင်းထန်ထန်ဝေဖန်ခဲ့သည့်အတွက် ဒီဇင်ဘာလနောက်ပိုင်း၌ ယန်ဟီးလီအား မြန်မာနိုင်ငံအတွင်းသို့ ၀င်ခွင့်ပိတ်ပင်ခဲ့သကဲ့သို့  ရှာဖွေတွေ့ရှိသည့် အချက်အလက်များကို အစီရင်ခံခဲ့သော ကုလသမဂ္ဂ စုံစမ်းစစ်ဆေးသူများအားလည်း နိုင်ငံအတွင်းသို့ ၀င်ခွင့်မပေးခဲ့ပေ။

၎င်းအနေဖြင့် အိန္ဒိယ၌ရှိနေသော မြန်မာနိုင်ငံမှ ဘင်္ဂါလီမွတ်စလင် ဒုက္ခသည်များကို တွေ့ဆုံခွင့်ပြုရန် အိန္ဒိယအစိုးရအား တောင်းဆိုခဲ့သော်လည်း တုံ့ပြန်ခဲ့ခြင်းမရှိဟုလည်း ယန်ဟီးလီက ပြောကြားခဲ့သည်။

ဒီမိုကရေစီအိုင်ကွန်အဖြစ် နိုင်ငံတကာ အသိုင်းအ၀ိုင်းတွင် လျှမ်းလျှမ်းတောက်ခဲ့သော ယခု မြန်မာအရပ်သားအစိုးရအဖွဲ့ခေါင်းဆောင် ဒေါ်အောင်ဆန်းစုကြည်သည် တပ်မတော်ကိုဆန့်ကျင်၍ ပြောဆိုရန် ငြင်းဆန်ခဲ့ပြီးနောက် ဂုဏ်သိက္ခာအကြီးအကျယ် ကျဆင်းခဲ့ရသည်။

ကုလသမဂ္ဂအချက်အလက်ရှာဖွေရေး မစ်ရှင်အဖွဲ့က ဒေါ်အောင်ဆန်းစုကြည် အစိုးရ၏ အချက်အလက်များကို ဖုံးဖိဖာထေးရန် ကြိုးပမ်းမှုများသည် ဒုက္ခတွေ့နေသည့်  ဘင်္ဂါလီမွတ်စလင်များအတွက် အနေအထားများကို ပိုမိုဆိုးရွားစေခဲ့ကြောင်း ထောက်ပြခဲ့သည်။

ရခိုင်ပြည်နယ်မြောက်ပိုင်း အင်းဒင်ရွာတွင် ဘင်္ဂါလီမွတ်စလင်အမျိုးသား ၁၀ ဦး သတ်ဖြတ်ခံရမှု၌ ပါဝင်သည့် တပ်မတော်၏အခန်းကဏ္ဍကို သတင်းလိုက်ခဲ့ပြီးနောက် ထောင်ဒဏ်ခုနစ်နှစ် ချမှတ်ခံခဲ့ရသည့် ရိုက်တာဂျာနယ်လစ်ဝလုံးနှင့် ကျော်စိုးဦးတို့ အမှုနှင့်ပတ်သက်၍ မြန်မာနိုင်ငံတွင် စာနယ်ဇင်းလွတ်လပ်ခွင့် ကျဆင်းနေကြောင်း ယန်ဟီးလီက သတိပေးပြောကြားခဲ့သည်။

၎င်းတို့နှစ်ဦး တရားစွဲဆိုခံရခြင်းကို ယန်ဟီးလီက လိမ်လည်မှုဟု စွပ်စွဲလျက် ချက်ချင်းပြန်လွှတ်ပေးရန် တောင်းဆိုခဲ့သည်။

တပ်မတော်က လူမျိုးတုံးသတ်ဖြတ်မှုနှင့်ပတ်သက်သော စွပ်စွဲမှုအားလုံးနီးပါးကို ငြင်းဆိုထားပြီး ၎င်းတို့၏ နယ်မြေရှင်းလင်းမှု စစ်ဆင်ရေးသည် ဘင်္ဂါလီမွတ်စလင် အကြမ်းဖက်သမားများကို တိုက်ခိုက်ရန်အတွက် လိုအပ်ကြောင်း အခိုင်အမာပြောကြားခဲ့သည်။

မြန်မာနိုင်ငံသည် ICC ကို အုတ်မြစ်ချထားသည့် ရောမသဘောတူစာချုပ်ကို လက်မှတ်ရေးထိုးထားခြင်းမရှိသော်လည်း ဒုက္ခသည်များသည် နယ်စပ်ကိုဖြတ်ကျော်လျက် လက်မှတ်ရေးထိုးထားသည့် ဘင်္ဂလားဒေ့ရ်ှနိုင်ငံသို့ အတင်းအဓမ္မမောင်းထုတ်ခံရခြင်းဖြစ်သောကြောင့် ၎င်းတို့၌ စုံစမ်းစစ်ဆေး ပိုင်ခွင့်ရှိနိုင်သည်ဟု ICC က ဆုံးဖြတ်ထားသည်။

သို့သော် မြန်မာနိုင်ငံသည် ရောမ သဘောတူစာချုပ်ကို လက်မှတ်ရေးထိုးထားသော နိုင်ငံမဟုတ်သောကြောင့် ၎င်းတို့ အစိုးရအဖွဲ့သည် သံသယဖြစ်ဖွယ် ၀င်ရောက်စွက်ဖက်မှုကို ပယ်ချသည်ဟု မြန်မာနိုင်ငံမှ ၀န်ကြီးတစ်ဦးက ကုလသမဂ္ဂအထွေထွေညီလာခံ၌ ပြောကြားခဲ့သည်။

Ref ; AFP

ဘင်္ဂါလီမွတ်စလင်များအပေါ် မြန်မာတပ်မတော်က ကျူးလွန်ခဲ့သည့် စနစ်တကျ အကြမ်းဖက်မှုများနှင့်ပတ်သက်၍ သက်သေအထောက်အထားများ တွေ့ရှိထားဟု အမေရိကန်က ပြောကြား

အကြီးအကျယ် သတ်ဖြတ်ခဲ့မှုများနှင့် မုဒိမ်းကျင့်မှုများ အပါအ၀င် ဘင်္ဂါလီမွတ်စလင်များအပေါ် မြန်မာတပ်မတော်က ကျူးလွန်ခဲ့သည့် စနစ်တကျ အကြမ်းဖက်မှုများနှင့် ပတ်သက်၍ သက်သေအထောက်အထားများ တွေ့ရှိထားသည်ဟု အမေရိကန်က စက်တင်ဘာ ၂၄ ရက်တွင် ပြောကြားခဲ့သည်။

မြန်မာနိုင်ငံနှင့်ပတ်သက်သော ကုလသမဂ္ဂ အစည်းအဝေးတစ်ရပ်အတွင်း အမေရိကန်က ဘင်္ဂါလီ(မူရင်း၌ ရိုဟင်ဂျာဟု ဖော်ပြ) မွတ်စလင်များအတွက် အမေရိကန်ဒေါ်လာ ၁၈၅ သန်း ထောက်ပံ့မည်ဟု ကြေညာခဲ့ပြီးမကြာမီ အမေရိကန်နိုင်ငံခြားရေးဌာနက အစီရင်ခံစာတစ်ရပ် ထုတ်ပြန်ခဲ့ခြင်းဖြစ်သည်။

အမေရိကန်နိုင်ငံခြားရေးဌာန၏ လေ့လာချက်သည် မြန်မာနိုင်ငံ၏ အိမ်နီးချင်း ဘင်္ဂလားဒေ့ရ်ှနိုင်ငံတွင် ဒုက္ခသည်များအဖြစ် ခိုလှုံနေသော အရွယ်ရောက်ပြီးသည့် ဘင်္ဂါလီမွတ်စလင် ၁၀၂၄ ဦးနှင့် ဧပြီလအတွင်းက တွေ့ဆုံမေးမြန်းခဲ့မှုများအပေါ် အခြေခံပြီး လူ့အခွင့်အရေးအဖွဲ့များက တင်ပြခဲ့သည့် အစီအရင်ခံစာများနှင့်လည်း အကြောင်းအရာများအရ ကိုက်ညီခဲ့သည်ဟု ဆိုသည်။

အမေရိကန်၏ အစီရင်ခံစာတွင် ဘင်္ဂါလီမွတ်စလင်များ အစုအလိုက်အပြုံလိုက် သတ်ဖြတ်ခံရမှုများကို ဖော်ပြရာ၌ လူမျိုးတုံး သတ်ဖြတ်မှု သို့မဟုတ် လူမျိုးစုလိုက်သုတ်သင်မှုဟူသည့် စကားရပ်များကို အသုံးပြုခြင်းအား ဂရုပြုရှောင်ရှားခဲ့သည်ဟု ဆိုသည်။

“ဒီစစ်တမ်းက ရခိုင်ပြည်နယ်မြောက်ပိုင်းမှာ မကြာသေးမီက ဖြစ်ပွားခဲ့တဲ့ အကြမ်းဖက်မှုတွေဟာ အလွန်အကျူး၊ အကြီးအကျယ်၊ ကျယ်ကျယ်ပြန့်ပြန့် ဖြစ်ခဲ့ပြီး လူအုပ်စုကို အကြမ်းဖက်ခြိမ်းခြောက်ခဲ့ရုံသာမက ဒေသခံ ဘင်္ဂါလီတွေကို မောင်းထုတ်ခြင်းဆီကို ဦးတည်သွားခဲ့ပုံရပါတယ်” ဟု အမေရိကန် နိုင်ငံခြားရေးဌာန၏ ထောက်လှမ်းရေးနှင့် သုတေသနဗျူရိုက ထုတ်ပြန်သည့် အစီရင်ခံစာ၌ ပြောကြားထားသည်။

“တပ်မတော်စစ်ဆင်ရေးတွေရဲ့ ပမာဏနဲ့ အတိုင်းအတာဟာ သူတို့အနေနဲ့ ကောင်းကောင်းကြိုတင်စီမံထားပြီး အကွက်ချလုပ်ဆောင်ခဲ့တာကို ဖော်ပြနေပါတယ်” ဟု အစီရင်ခံစာက ဆိုသည်။

“ဒေသတချို့မှာ ကျူးလွန်သူတွေဟာ အစုလိုက်အပြုံလိုက် ထိခိုက်မှုရလဒ်ကို ဖြစ်စေမယ့် နည်းဗျူဟာတွေကို အသုံးပြုခဲ့ပါတယ်။ ဥပမာအားဖြင့် သူတို့ကို မီးရှို့ဖို့ လူတွေကို အိမ်တွေထဲမှာ ပိတ်ထားတာမျိုး၊ လူအုပ်ထဲကို ပစ်ခတ်မှုတွေမလုပ်မီ တစ်ရွာလုံးကို ၀ိုင်းဝန်းပိတ်ဆို့ထားတာမျိုးနဲ့ ထွက်ပြေးတဲ့လူတွေ ရာနဲ့ချီပြီး ပါလာတဲ့ သင်္ဘောတွေကို နှစ်မြှုပ်ပစ်တာမျိုးတွေပါပဲ” ဟု အစီ ရင်ခံစာ၌ ဖော်ပြသည်။

တွေ့ဆုံမေးမြန်းခဲ့သည့် ဒုက္ခသည်များ အနက် ၈၂ ရာခိုင်နှုန်းသည် သတ်ဖြတ်မှုများကို တစ်ဦးချင်းအရ သက်သေခံခဲ့ပြီး ၅၁ ရာခိုင်နှုန်းသည် လိင်ပိုင်းဆိုင်ရာ အကြမ်းဖက်မှုများနှင့်ပတ်သက်၍ အစီရင်ခံခဲ့ကြသည်ဟု အစီရင်ခံစာ၌ ဖော်ပြသည်။

ကွဲပြားခြားနားသည့် ရွာပေါင်းများစွာမှလာခဲ့ကြသော သက်သေများက တပ်မတော်သားများသည် အမျိုးသမီးများအား ၎င်းတို့၏ နေအိမ်များထဲမှနေ၍ အတင်းအဓမ္မထွက်စေခဲ့ပြီး အလားတူမုဒိမ်းမှုများကို ကျူးလွန်ခဲ့ကြသည်ဟု အစီရင်ခံခဲ့ကြကြောင်း အမေရိကန်နိုင်ငံခြားရေးဌာနက ပြောကြားခဲ့သည်။

“အဒီနောက်သူတို့ဟာ ပိုပြီးနည်းပါးတဲ့ အရေအတွက်ရှိတဲ့ အမျိုးသမီးတွေကို ရွေးချယ်ပါတယ်။ လေးယောက် ဒါမှမဟုတ် ငါးယောက်ပေါ့။ တချုိ့ဒုက္ခသည်တွေလည်း  ၂၀ အထိ ရွေးတယ်လို့ ပြောပါတယ်။ အဲဒီနောက် ၁၅ ယောက်အထိများတဲ့ စစ်သားတွေက အဲဒီအမျိုးသမီးတွေကို အုပ်ဖွဲ့မုဒိမ်းကျင့်ဖို့ ကွင်းပြင်တွေ၊ သစ်တောတွေ၊ အိမ်တွေ၊ စာသင်ကျောင်းတွေ၊ ဗလီတွေ ဒါမှမဟုတ် အိမ်သာတွေဆီ ခေါ်သွားပါတယ်” ဟု အစီရင်ခံစာ၌ ဖော်ပြသည်။

မုဒိမ်းကျင့်ခံရသူအများအပြားကို ကျင့်ပြီးတဲ့နောက် သတ်ပစ်လိုက်ပါတယ်။ ဒါပေမဲ့ အခါတိုင်းတော့လည်း မဟုတ်ပါဘူး ဟု အစီအရင်ခံစာ၌ ပြောကြားထားပြီး တပ်မတော်သားများသည် အချို့သောဖြစ်ရပ်များတွင် အုပ်ဖွဲ့မုဒိမ်းကျင့်ရန်အတွက် အလှဆုံး မိန်းကလေးများကို တစ်အိမ်တက်ဆင်း ရှာဖွေခဲ့သည်ဟုလည်း ပြောကြားခဲ့သည်။

ဖြစ်ရပ်များအားလုံး၏ ၈၈ ရာခိုင်နှုန်းတွင် သက်သေများက တပ်မတော်သည် ရက်စက်ကြမ်းကြုတ်မှုများ၏ နောက်ကွယ်၌ ရှိခဲ့သည်ဟု ပြောကြားခဲ့ကြသည်။ လူအနည်းငယ်က ၎င်းတို့သည် ARSA က တပ်မတော်သားများကို တိုက်ခိုက်ခဲ့သည်ကို မြင်ခဲ့ကြောင်း  ပြောကြားခဲ့သည်။ ARSA သည် ၂၀၁၆ ခုနှစ် အောက်တိုဘာကလည်း တပ်မတော်စခန်းများကို တိုက်ခိုက်ခဲ့ခြင်းဖြင့် စစ်ဆင်ရေးတစ်ရပ်ဖြစ်လာရန် လှုံ့ဆော်ခဲ့သော အစ္စလာမ္မစ် အကြမ်းဖက်အဖွဲ့ဖြစ်ကြောင်း သိရသည်။

Ref ; AFP

မြန်မာနိုင်ငံမှ ဘင်္ဂါလီမွတ်စလင်ကိစ္စနှင့်ပတ်သက်၍ အမေရိကန်နိုင်ငံခြားရေးဝန်ကြီးဌာန၏ စုံစမ်းစစ်ဆေးမှုကို ယခုသီတင်းပတ်အတွင်း ထုတ်ပြန်မည်ဖြစ်ပြီး လူမျိုးသုဉ်းသတ်ဖြတ်မှုဟူသည့် စကားရပ်ကို သုံး/မသုံး ဆုံးဖြတ်ရခြင်း မရှိသေး

မိုက်ပွန်ပီယို(၀ဲ)နှင့် တရုတ်နိုင်ငံခြားရေးဝန်ကြီး ၀မ်ယီ(ယာ) တို့အား သြဂုတ် ၃ ရက်က စင်ကာပူတွင် ပြုလုပ်သော အာဆီယံနိုင်ငံခြားရေးဝန်ကြီးများ အစည်းအဝေး ဘေးဆွယ်ဆွေးနွေးပွဲ၌ တွေ့ရစဉ်

မြန်မာနိုင်ငံ၌ ဘင်္ဂါလီမွတ်စလင်များအပေါ်  အကြမ်းဖက်မှုနှင့်ပတ်သက်၍ အမေရိကန် နိုင်ငံခြားရေးဝန်ကြီးဌာန၏ စုံစမ်းစစ်ဆေးမှုတစ်ရပ်ကို ယခုသီတင်းပတ်အတွင်း ထုတ်ပြန်ရန် စီစဉ်ထားကြောင်း သိရသည်။

အမေရိကန်နိုင်ငံခြားရေးဝန်ကြီးဌာန၏ စုံစမ်းစစ်ဆေးမှုတွင် လွန်ခဲ့သည့်နှစ်က ဆယ်စုနှစ်အတွင်း ကြောက်မက်ဖွယ် အကောင်းဆုံး အစုအလိုက်အပြုံလိုက် ရက်စက်ကြမ်းကြုတ်မှုတစ်ရပ်အဖြစ်  ဘင်္ဂါလီမွတ်စလင်များအား သတ်ဖြတ်မှု ဖြစ်ပွားခြင်း မတိုင်မီ မြန်မာတပ်မတော်သည် ကြိုတင်ကြံရွယ်မှုနှင့် ပူးပေါင်းဆောင်ရွက်မှုကို ပြသခဲ့ကြောင်း တွေ့ရှိရသည်ဟု ဆိုသည်။

သို့သော် ယင်းကိစ္စနှင့်ပတ်သက်၍ အမေရိကန်နိုင်ငံခြားရေးဝန်ကြီး မိုက်ပွန်ပီယိုက မိန့်ခွန်းတစ်ရပ်ပြောကြားရန် စီစဉ်ထားမှုမတိုင်မီ ရက်အနည်းငယ်အလိုတွင် ဒေါ်နယ်ထရန့်၏ အစိုးရအဖွဲ့သည် ယင်းကိစ္စအား လူမျိုးသုဉ်းသတ်ဖြတ်မှုဟု ခေါ်ဆိုမည်လားဟူသည်ကို ဆုံးဖြတ်ရခြင်းမရှိသေးကြောင်း သိရသည်။

ပွန်ပီယို၏ ထုတ်ပြန်ချက်မူကြမ်းတစ်စောင်ကို POLITICO က တစ်ဦးတည်း မူပိုင်အဖြစ် ရရှိခဲ့ရာတွင် ကွင်းဖြင့်ဝိုင်းထားသော “ဆုံးဖြတ်ရန်အတွက် ဆိုင်းငံ့ထား” ဟူသည့် စကားရပ်ကို အဆိုပါဖြစ်ရပ်အားမည် သို့ခေါ်ဆိုမည်ဟူသည်နှင့်ပတ်သက်၍ ပွန်ပီယို၏ ကောက်ချက်ပေးရန် စာပိုဒ်၌တွေ့ရှိရသည်။

အဆိုပါကောက်ချက်သည် ထရန့်အစိုးရအဖွဲ့အတွင်း၌ အပြင်းအထန် အငြင်းပွားခဲ့သည့် အကြောင်းအရာတစ်ရပ်ဖြစ်ကြောင်း တာဝန်ရှိသူများက ပြောကြားခဲ့သည်။ လူမျိုးသုဉ်းသတ်ဖြတ်မှုဟူသည် သီးခြားလူမျိုးစု သို့မဟုတ် ဘာသာရေးအုပ်စု တစ်ရပ်လုံး သို့မဟုတ် တစ်စိတ်တစ်ပိုင်းကို သုတ်သင်ရန် ကြိုတင်ကြံရွယ်ထားသည့် အားထုတ်မှု တစ်ရပ်အဖြစ် အဓိပ္ပာယ်သတ် မှတ်ခြင်းဖြစ်သည်။ ယင်းကဲ့သို့သတ်မှတ်ပါက သတ်မှတ်ခံရသည့်နိုင်ငံကို အမေရိကန်အနေဖြင့် အပြစ်ပေး အရေးယူရေး ခြေလှမ်းများ လှမ်းရမည်ဖြစ်ပြီး သမ္မတဒေါ်နယ်ထရန့်သည် ယင်းကိစ္စအတွက် စိတ်ဝင်စားဟန်မပြကြောင်း သိရသည်။

အမေရိကန်နိုင်ငံခြားရေးဌာနသည် ပွန်ပီယိုအနေဖြင့် အဆိုပါထုတ်ပြန်ချက်အား သြဂုတ်လ ၂၅ ရက် မတိုင်မီ ယခုသီတင်းပတ်အတွင်း ထုတ်ပြန်လိမ့်မည်ဟု မျှော်လင့်ထားသည်။ သြဂုတ်လ ၂၅ ရက်သည် ဘင်္ဂါလီ မွတ်စလင် ထောင်နှင့်ချီသေဆုံးခဲ့ပြီး ၇၀၀,၀၀၀ ခန့် အိမ်နီးချင်းဘင်္ဂလားဒေ့ရှ် နိုင်ငံအတွင်းသို့ ထွက်ပြေးသွားခဲ့ရမှု၏ နှစ်ပတ်လည်နေ့ဖြစ်သည်။

စုံစမ်းစစ်ဆေးမှု၏ တွေ့ရှိချက်များကို ဖော်ပြမည့် အဆိုပါထုတ်ပြန်ချက်ကို ပွန်ပီယို ပြောကြားရန် စီစဉ်ထားသည့် မိန့်ခွန်းမှတစ်ဆင့် သို့မဟုတ် ပြည်သူများအတွက် သီးခြားထုတ်ပြန်ချက်မှတစ်ဆင့် ထုတ်ပြန်မည်လားဟူသည်ကို ကွဲကွဲပြားပြား သိရှိရခြင်းမရှိသေးပေ။

အမေရိကန်နိုင်ငံခြားရေးဌာနမှ ငှားရမ်းခဲ့သော စုံစမ်းစစ်ဆေးသူများသည် မြန်မာနိုင်ငံ၌ ဖြစ်ပွားသော အကြမ်းဖက်မှုများ၌ အသက်မသေဘဲ ကျန်ရစ်ခဲ့သူများထံမှ သက်သေခံထွက်ဆိုချက်များကို စုဆောင်းခဲ့ကြပြီး ရွာများမီးရှို့ခံရကြောင်း၊ ကလေးများမြစ်ထဲသို့ သို့မဟုတ် မီးတောက်များအတွင်းသို့ ပစ်သွင်းခံရကြောင်းနှင့် အမျိုးသမီးများ အုပ်ဖွဲ့မုဒိမ်းအကျင့်ခံခဲ့ရကြောင်း ၎င်းတို့က ပြောကြားခဲ့ကြသည်။

အမေရိကန်နိုင်ငံခြားရေးဌာနမှ ပြောရေးဆိုခွင့်ရှိသူတစ်ဦးက စုံစမ်းစစ်ဆေးမှု၏ တွေ့ရှိချက်များကိုလည်းကောင်း၊ ထွက်ပေါ်လာသည့် ပွန်ပီယို၏ ထုတ်ပြန်ချက်နှင့်ပတ်သက်သော တစ်စုံတစ်ရာကိုလည်းကောင်း မှတ်ချက်ပေးရန် ငြင်းဆိုခဲ့သည်။

သို့သော် ထရန့်အစိုးရအဖွဲ့မှ တာဝန်ရှိသူတစ်ဦးက ‘sensitive but unclassified’ ဟု အမှတ်အသားပြုထားသော ထုတ်ပြန်ချက်မူကြမ်းသည် အပြောင်းအလဲများရှိနိုင်သေးကြောင်း သတိပေးခဲ့သည်။

အမေရိကန်ပြည်ထောင်စုသည် မြန်မာနိုင်ငံမှ ဖြစ်ရပ်များအား လူမျိုးသုဉ်းသတ်ဖြတ်မှုဟု အမည်တပ်ရန် ရှောင်ရှားလေ့ရှိခဲ့သည်။ ယင်းသို့အမည်တပ်ခြင်းသည် သဘောတရား အရဆိုလျှင် အမေရိကန်အနေဖြင့် (အထူးသဖြင့် အကြမ်းဖက်မှုများ ဆက်လက်ဖြစ်ပွားနေပါက) နိုင်ငံတကာဥပဒေအောက်၌ ကြားဝင်ဆောင်ရွက်ပေးရန် တာဝန်ရှိနေသောကြောင့်လည်း ဖြစ်သည်ဟု ဆိုသည်။

အမေရိကန် ပါဝင်လက်မှတ်ထိုးထားသော လူမျိုးသုဉ်းသတ်ဖြတ်မှုဆိုင်ရာ နိုင်ငံတကာ သဘောတူညီချက်တစ်ရပ်၌ လူမျိုးသုဉ်းသတ်ဖြတ်မှုသည်  နိုင်ငံတကာဥပဒေအောက်ရှိ ရာဇ၀တ်မှုဖြစ်ပြီး လတ်မှတ်ရေးထိုးထားသော နိုင်ငံများအနေဖြင့် ယင်းကိစ္စကို ကာကွယ်ရန်နှင့် အပြစ်ပေးရန် ဆောင်ရွက်ရမည် ဟု ပါရှိသည်။

ထို့ကြောင့် အမေရိကန်နိုင်ငံခြားရေးဌာနသည် ဘင်္ဂါလီမွတ်စလင်ကိစ္စနှင့် ပတ်သက်၍ ‘လူမျိုးစုလိုက် သုတ်သင်မှု’ ဟူသည့်  စကားရပ်ကိုသာ သုံးစွဲခဲ့သည်။ ယင်းစကား လုံးမှာမူ နိုင်ငံတကာဥပဒေအရ အနည်းငယ်ပို၍ ပျော့ပျောင်းသည့် သဘောရှိသည်။

အမေရိကန်နိုင်ငံခြားရေးဌာန၏ ဥပဒေရေးရာဌာနခွဲက မြန်မာတပ်မတော်၏ ကြံရွယ်ချက်ကို အမေရိကန်အနေဖြင့် ရှင်းရှင်းလင်းလင်း ဖော်ထုတ်နိုင်မည်လားဟူသည်ကို အာမမခံနိုင်သောကြောင့် လူမျိုးသုဉ်းသတ်ဖြတ်မှုဟု အမည်တပ်ခြင်းကို ဆန့်ကျင်ကြောင်း အစိုးရအဖွဲ့တာဝန်ရှိသူတစ်ဦး၏ ပြောကြားချက်အရ သိရသည်။

ပွန်ပီယိုအနေဖြင့် အမေရိကန်နိုင်ငံခြား ရေးဌာန၏ စုံစမ်းစစ်ဆေးမှုမှ တွေ့ရှိချက်များနှင့်ပတ်သက်သော အစီအရင်ခံစာကို အပြည့်အစုံ ထုတ်ပြန်မည်လားဟူသည့် အချက်မှာလည်း ရေရေရာရာ သိရှိရခြင်း မရှိသေးပေ။

သို့သော် ထုတ်ပြန်ချက်မူကြမ်းတွင် ဘင်္ဂလားဒေ့ရ်ှရှိ ခနော်နီ ခနော်နဲ့ ဒုက္ခသည် စခန်းများ၌ ပြန့်ကျဲနေသည့် အသက်ရှင် ကျန်ရစ်သူ ၁၀၀၀ ကျော်၏အကြောင်း ဖော်ပြထားချက်များအား ပြတ်ပြတ်သားသား ရေးသားထားသည်ကို တွေ့ရှိရသည်။

ပွန်ပီယိုအနေဖြင့် မည်သည့်စကားရပ်ကို သုံးစွဲရန်ရွေးချယ်သည်ဖြစ်စေ မြန်မာနိုင်ငံ၌ ကျန်ရစ်နေဆဲ ဘင်္ဂါလီမွတ်စလင်များအား ကာကွယ်ရန်အတွက် အမေရိကန်က မြန်မာနိုင်ငံကို စစ်ရေးအရ စွက်ဖက်ရန်ကိစ္စမှာ အကြီးအကျယ်ဖြစ်နိုင်ခြင်းမရှိဟု ဆိုသည်။

REF;POLITICO

ကုလသမဂ္ဂလုံခြုံရေးကောင်စီ တံခါးပိတ်အစည်းအဝေးက ဘင်္ဂါလီမွတ်စလင်ဒုက္ခသည်များ ဘေးကင်းလုံခြုံစွာ ပြန်လာနိုင်ရေး အဆင်ပြေအောင်ပြုလုပ်ပေးရန် မြန်မာနိုင်ငံကို တောင်းဆို

ဘင်္ဂါလီမွတ်စလင်ဒုက္ခသည်များ မိမိတို့သဘောဆန္ဒအလျောက် ဘေးကင်းလုံခြုံစွာ ပြန်လာနိုင်ရေးအတွက် အားထုတ်မှုများကို မြှင့်တင်ရန် ကုလသမဂ္ဂလုံခြုံရေးကောင်စီက ဇူလိုင် ၂၃ ရက်တွင် မြန်မာနိုင်ငံအား တောင်းဆိုခဲ့သည်။

အဖွဲ့ဝင် ၁၅ နိုင်ငံပါဝင်သော တံခါးပိတ် အစည်းအဝေးတစ်ရပ်အတွင်း လူမှုရေးနှင့် စီးပွားရေးဆိုင်ရာ ဖွံ့ဖြိုးရေးအကူအညီများ  ပို၍ပေးရန်နှင့် ဘင်္ဂါလီမွတ်စလင်ဒုက္ခသည်များနှင့် ပြည်တွင်း၌ပင် ရွှေ့ပြောင်းခံရသောသူများအား ရခိုင်ပြည်နယ်ရှိ နေအိမ်များသို့ ပြန်လာနိုင်ရေးအကူအညီပေးရန်  တောင်းဆိုခဲ့သည်။

“လုံခြုံရေးကောင်စီ အဖွဲ့ဝင်နိုင်ငံတွေက လူ့အခွင့်အရေးအလွဲသုံးစားမှုတွေနဲ့ ချိုးဖောက်မှုတွေနဲ့ပတ်သက်တဲ့ စွပ်စွဲမှုတွေကို လွတ်လပ်ပြီး ပွင့်လင်းမြင်သာတဲ့ စုံစမ်းစစ်ဆေးမှုတွေ ပြုလုပ်ဖို့ အရေးကြီးပုံကို ဆက်လက်ပြီး အထူးပြုပြောကြားပါတယ်” ဟု လုံခြုံရေးကောင်စီက ထုတ်ပြန်သော ကြေညာချက်၌ ပြောကြားထားသည်။

မြန်မာနိုင်ငံဆိုင်ရာ ကုလသမဂ္ဂအထူး ကိုယ်စားလှယ် ခရစ္စတင်းရှာနာဘာဂျန်နာက ထွက်ပြေးလာခဲ့ကြသည့် သိန်းနှင့်ချီသော ဘင်္ဂါလီမွတ်စလင်ဒုက္ခသည်များအတွက် ရခိုင်ပြည်နယ်သို့ ပြန်လာနိုင်ရေးကို အစိုးရက လိုလားသည်ဟု ပြောကြားခဲ့သည်။

ဘာဂျန်နာက “အစိုးရအာဏာပိုင်တွေက သူတို့ကို ပြန်ခေါ်ဖို့ လိုလားတယ်လို့ တကယ်ကို ပွင့်ပွင့်လင်းလင်း ကြေညာထားပါတယ်ဟု ဆိုသည်။

သို့သော် သူက ရခိုင်ပြည်နယ်၌ လူနည်းစု မွတ်စလင်များနှင့် လူများစု ဗုဒ္ဓဘာသာ ၀င်များအကြား တင်းမာမှုများ ရှိနေဆဲဖြစ်ကြောင်း သတိပေးပြောကြားခဲ့သည်။

“အဲဒီလို သူတို့က ပြန်လက်ခံဖို့ လိုလားပေမယ့် သူတို့ ကိုယ့်သဘောဆန္ဒအလျောက်၊ ဘေးကင်းလုံခြုံစွာ၊ ဂုဏ်သိက္ခာရှိရှိနဲ့ ရေရှည်ခံတဲ့ ပုံစံမျိုးနဲ့ ပြန်လာရမှာဖြစ်ပါတယ်” ဟု ဘာဂျန်နာက ပြောကြားခဲ့သည်။

မြန်မာအရပ်သားအစိုးရအဖွဲ့ခေါင်းဆောင် ဒေါ်အောင်ဆန်းစုကြည်နှင့် ဆွေးနွေးမှုများသည် အလွန်အပြုသဘောဆောင်ကြောင်း၊ အလွန်ပွင့်ပွင့်လင်းလင်းရှိကြောင်း၊ အလွန်ရင်းနှီးမှုရှိကြောင်းလည်း ဘာဂျန်နာက ပြောကြားခဲ့သည်။

ယခုပြဿနာအား ကိုင်တွယ်မှုနှင့်ပတ်သက်၍ နိုင်ငံတကာ၏ ပြစ်တင်ဝေဖန်မှုခံနေရသော ဒေါ်အောင်ဆန်းစုကြည်သည် အခက်အခဲများနှင့် စိန်ခေါ်မှုများကို သတိပြုမိသည်ဟုလည်း ဘာဂျန်နာက ဆိုသည်။

မြန်မာနိုင်ငံဆိုင်ရာ ကုသလမဂ္ဂအထူးကိုယ်စားလှယ် ခရစ္စတင်းရှာနာဘာဂျန်နာသည် လွန်ခဲ့သည့် နှစ်လက ယခုတာဝန်ကို လက်ခံခဲ့ပြီးနောက် မြန်မာနိုင်ငံသို့ နှစ်ကြိမ်တိုင်တိုင် လာရောက်ခဲ့ပြီး မြန်မာနိုင်ငံရှိ အခြားပြည်နယ်များသို့လည်း သွားရောက်ရန် အစီအစဉ်ချထားကာ စက်တင်ဘာလတွင် မြန်မာနိုင်ငံသို့ ထပ်မံလာရောက်မည် ဖြစ်သည်။

၂၀၁၇ ခုနှစ် သြဂုတ်လအနှောင်းပိုင်းတွင် ဘင်္ဂါလီမွတ်စလင်အကြမ်းဖက်သမားများက မြန်မာနိုင်ငံ၌ နိုင်ငံမဲ့ လူနည်းစုအပေါ် မတရားဆက်ဆံခံရမှုကို ရှုတ်ချလျက် လက်နက်ကိုင်တိုက်ခိုက်မှု ပြုလုပ်ခဲ့ကြသည်။

ဘင်္ဂါလီမွတ်စလင်အကြမ်းဖက်သမားများက နယ်စပ်ရှိ လုံခြုံရေးစခန်းများကို တိုက်ခိုက်မှုများအား တုံ့ပြန်သောအားဖြင့် လွန်ခဲ့သည့် တစ်နှစ်ခန့်တွင် မြန်မာတပ်မတော်က စစ်ဆင်ရေးတစ်ရပ် ပြုလုပ်ခဲ့ပြီးနောက် ဘင်္ဂါ လီမွတ်စလင် ၇၀၀,၀၀၀ ကျော်သည် ဘင်္ဂလားဒေ့ရ်ှနိုင်ငံအတွင်းသို့ ထွက်ပြေးသွားခဲ့ကြသည်။

Ref ; AFP

မြန်မာနိုင်ငံ၏ ဆောင်ရွက်ချက်များသည် သမာသမတ်ကျခြင်း သို့မဟုတ် ယုံကြည်ရခြင်းမရှိဟု ကုလသမဂ္ဂ လူ့အခွင့်အရေးကောင်စီ ပြောကြား

မြန်မာနိုင်ငံသည် ဘင်္ဂါလီမွတ်စလင်များ (မူရင်း၌ ရိုဟင်ဂျာဟုဖော်ပြ) အပေါ် နှိပ်ကွပ်မှုများအပါအ၀င် နိုင်ငံတစ်လျှောက် ဖြစ်ပွားခဲ့သည့် ပဋိပက္ခများတွင် ပါဝင်ကြိုးကိုင်ခဲ့သည်ဟု စွပ်စွဲခံထားရသူများကို တရား စွဲဆိုရန်နှင့် စွပ်စွဲမှုများကို စုံစမ်းစစ်ဆေးရန် အာမခံထားသော်လည်း ယုံကြည်ရမှု သို့မဟုတ် သမာသမတ်ကျမှုနှင့် ပတ်သက်၍ အနိမ့်ဆုံးစံနှုန်းများနှင့်ပင် ကိုက်ညီရန် ပျက်ကွက်ခဲ့သည်ဟု ကုလသမဂ္ဂ လူ့အခွင့်အရေး ကောင်စီက ဇွန် ၁၈ ရက်တွင် ပြောကြားခဲ့သည်။

“၀င်ရောက်ခွင့်ကို အဆက်မပြတ် ငြင်းဆိုမှုတွေကြောင့် OHCHR၊ မြန်မာနိုင်ငံဆိုင်ရာ အထူးကိုယ်စားလှယ်နဲ့ အချက်အလက် ရှာဖွေရေး မစ်ရှင်အဖွဲ့တွေက အဝေးရောက် စောင့်ကြည့်ခြင်းကိုသာ ဆောင်ရွက်ခဲ့ရပါတယ်” ဟု ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးက ဇိရာအက်ဟူစိန်က ၃၈ ကြိမ်မြောက် လူ့အခွင့်အရေးကောင်စီ အစည်းအဝေး အဖွင့်မိန့်ခွန်းနှင့် လူ့အခွင့်အရေးဆိုင်ရာ ကမ္ဘာ့နောက်ဆုံးအနေအထား အစီရင်ခံမှု၌ ပြောကြားခဲ့သည်။

ကုလသမဂ္ဂ လူ့အခွင့်အရေးကောင်စီသည် ဒုက္ခသည်များအား မြန်မာနိုင်ငံက ပြန်လည်လက်ခံစဉ်အတွင်း လက်တွေ့ မြေပြင်၌ လူ့အခွင့်အရေးဆိုင်ရာ အနေအထားအား စောင့်ကြည့်ရန်လိုအပ်ကြောင်း အထူးပြုပြောကြားခဲ့သည်။

“နားလည်မှုစာချွန်လွှာပါ စာသားအရ မြန်မာအစိုးရဟာ ဘင်္ဂလားဒေ့ရ်ှကနေ ဒုက္ခသည်တွေ ပြန်လည်လက်ခံရေးအတွက် UNDP ၊ UNHCR တို့နဲ့ သဘောတူထားပါတယ်။ သက်ဆိုင်ရာ နယ်မြေတွေက လက်တွေ့မြေပြင်မှာ လူ့အခွင့်အရေးကိစ္စကို စဉ်ဆက်မပြတ် စောင့်ကြည့်နေတာတွေ မရှိဘဲ ပြန်လည်လက်ခံတာတွေကို မလုပ်သင့်ဘူးလို့ ကျွန်တော် ထပ်လောင်းပြောကြားလိုပါတယ်” ဟု ဇိရာအက်အယ်ဟူစိန်က ပြောကြားခဲ့သည်။

Ref ; The Daily Star

ဘင်္ဂါလီမွတ်စလင်များ ပြန်လာရေးနှင့်ပတ်သက်၍ ကုလသမဂ္ဂအား ရခိုင်ပြည်နယ်သို့ မြန်မာနိုင်ငံက ၀င်ရောက်ခွင့်ပြုမည်

သိန်းနှင့်ချီသော ဘင်္ဂါလီမွတ်စလင်ဒုက္ခသည်များ ပြန်လည်လက်ခံပုံနှင့်ပတ်သက်၍ လအတန်ကြာ အငြင်းပွားခဲ့ပြီးနောက် မြန်မာအစိုးရက ပဋိပက္ခဖြစ်ပွားခဲ့သော ရခိုင်ပြည်နယ်သို့ ၀င်ရောက်ခွင့်ပြုရန် မေ ၃၁ ရက်တွင် အာမခံခဲ့ကြောင်း ကုလသမဂ္ဂက ပြောကြားခဲ့သည်။

အိမ်နီးချင်း ဘင်္ဂလားဒေ့ရ်ှနိုင်ငံသို့ ဘင်္ဂါ လီ မွတ်စလင်ဒုက္ခသည် ၇၀၀,၀၀၀ ခန့်ကို ထွက်ပြေးစေခဲ့သည့် တပ်မတော်စစ်ဆင်ရေး တစ်ရပ်ပြီးနောက် မြန်မာနိုင်ငံအနောက်ပိုင်းရှိ ရခိုင်ပြည်နယ်သို့ ၀င်ရောက်ခွင့်ကို အကြီးအကျယ် ပိတ်ဆို့ထားခဲ့သည်။

ကုလသမဂ္ဂနှင့် အမေရိကန်တို့က မြန်မာတပ်မတော်၏ စစ်ဆင်ရေးကို လူမျိုးစုလိုက် သုတ်သင်မှုဟု အမည်တပ်ခဲ့သော်လည်း မြန်မာတပ်မတော်က ယင်းသည် ဘင်္ဂါလီမွတ်စလင် အကြမ်းဖက်သမားများကို တိုက်ခိုက်ခြင်းသာ ဖြစ်သည်ဟု ပြောကြားခဲ့သည်။

လွန်ခဲ့သည့်နှစ် နိုဝင်ဘာလက မြန်မာ နှင့် ဘင်္ဂလားဒေ့ရ်ှနိုင်ငံတို့သည် ဒုက္ခသည် များ ပြန်လည်လက်ခံရေး သဘောတူညီချက် တစ်ရပ်ကို လက်မှတ်ရေးထိုးခဲ့ကြသော်လည်း ယခုအထိ ဒုက္ခသည် ဒါဇင်အနည်းငယ်မျှသာ မြန်မာနိုင်ငံသို့ ပြန်လည်ဝင်ရောက်လာပြီး အများစုက ဘေးကင်းလုံခြုံရေးနှင့် နိုင်ငံသား ဖြစ်ခွင့်ရရေးကို တောင်းဆိုနေကြသည်ဟု ဆိုသည်။

ရခိုင်ပြည်နယ်ရှိ မြေပြင်အနေအထားများသည် ဘေးကင်းလုံခြုံစွာ မိမိသဘောဆန္ဒအလျောက် ဂုဏ်သိက္ခာရှိရှိ ပြန်လာရေးအတွက် အသင့်မဖြစ်သေးကြောင်း ကုလသမဂ္ဂက ပြောကြားခဲ့သည်။

သို့သော် မေ ၃၁ ရက်သဘောတူညီချက် မူကြမ်းသည် ကုလသမဂ္ဂအေဂျင်စီများအား  ရခိုင်ပြည်နယ်အတွင်းသို့ ၀င်ရောက်ရန် ခွင့်ပြုထားသည်။ ယင်းတွင် ၂၀၁၇ ခုနှစ် သြဂုတ်လ၌ အကြမ်းဖက်မှုများ ဖြစ်ပွားပြီးနောက်ပိုင်း  ၀င်ရောက်ခွင့်မပြုတော့သည့် ဒုက္ခသည်များ၏ မူရင်းနေရာများနှင့် ပြန်လည်ရောက်ရှိလာ ဖွယ်ရှိသော နေရာများလည်း ပါဝင်သည်ဟု ဆိုသည်။

ယင်းကဲ့သို့ ၀င်ရောက်ခွင့်တွင် ကုလသမဂ္ဂ ဒုက္ခသည်များဆိုင်ရာ အေဂျင်စီကို မြေပြင် အခြေအနေရပ်များအား လေ့လာစုံစမ်းခွင့်နှင့် လှုပ်ရှားဆောင်ရွက်မှုများအတွက် ကာကွယ်စောင့်ရှောက်မှုပေးခြင်းတို့လည်း ပါဝင်ကြောင်း ကုလသမဂ္ဂ ထုတ်ပြန်ချက်အရ သိရသည်။

မြန်မာနိုင်ငံက ၎င်းတို့အနေဖြင့် ဘင်္ဂါလီမွတ်စလင်များအား ပြန်လည်လက်ခံရန် အဆင်သင့်ရှိကြောင်း ပြောကြားခဲ့ပြီး ကြန့်ကြာနေခြင်းနှင့်ပတ်သက်၍ မည်သူ့တွင် တာဝန်ရှိသနည်းဟု ဘင်္ဂလားဒေ့ရ်ှနိုင်ငံနှင့် အပြန်အလှန် စွပ်စွဲပြောဆိုမှုများ ပြုလုပ်လျက်ရှိသည်။

သို့သော် ဝေဖန်သူများက သဘောတူညီချက်အသစ်နှင့်ပတ်သက်၍ ရိုးသားမှုနှင့် အတိုင်းအတာကို မေးခွန်းထုတ်လျက်ရှိသည်။

ယခုသဘောတူညီချက်မူကြမ်းသည် ကုလသမဂ္ဂအေဂျင်စီများအား လွတ်လပ်စွာ ၀င်ရောက်ခွင့်ပြုရေးကို မြန်မာအစိုးရက တစ်လျှောက်လုံး ငြင်းဆိုခဲ့မှုများနှင့် ပတ်သက်သည့် ဖျက်လိုဖျက်ဆီးသဘောဆောင်သော အကျိုးဆက်များ ရပ်တန့်သွားစေရေးကို အထောက်အကူပြုသည့် အခွင့်အလမ်းတစ်ရပ်ဖြစ်ကြောင်း လူ့အခွင့်အရေးဆိုင်ရာ စောင့်ကြည့်ရေးအဖွဲ့ (HRW)  မြန်မာနိုင်ငံဆိုင်ရာ သုတေသနမှူး ရစ်ခ်ျဝေယာက ပြောကြားခဲ့သည်။

“ဒါပေမဲ့ လွတ်လပ်တဲ့ စစ်ဆေးစောင့်ကြည့်မှုတွေ ပြုလုပ်ဖို့ ရခိုင်ပြည်နယ်ကို ဖွင့်ပေးဖို့ ဆန္ဒရှိတဲ့ လုပ်ဆောင်ချက်တွေကနေတစ်ဆင့် မြန်မာအစိုးရက ဖော်မပြနိုင်ဘူးဆိုရင် ဒီသဘောတူညီချက်ဟာ ရေးထားတဲ့စက္ကူလောက်တောင် တန်ဖိုးရှိမှာမဟုတ်ပါဘူး” ဟု ရစ်ခ်ျဝေယာက ပြောကြားခဲ့သည်။

ARSA ၏ အကြမ်းဖက်တိုက်ခိုက်မှုများ ဖြစ်ပွားပြီးနောက် လူ့အခွင့်အရေးချိုးဖောက်မှုများနှင့် အခြား ပတ်သက်ဆက်နွှယ်နေသည့် အကြောင်းအရာများကို စုံစမ်းစစ်ဆေးရန်အတွက် လွတ်လပ်သောအဖွဲ့ ဖွဲ့မည်ဖြစ်ကြောင်း မြန်မာအစိုးရကလည်း ပြောကြားခဲ့သည်။ ARSA ဟူသည်မှာ သြဂုတ်လအတွင်းက တိုက်ခိုက်မှုများဆောင်ရွက်ပြီး နယ်ခြားစောင့် ရဲတပ်ဖွဲ့ဝင် တစ်ဒါဇင်ခန့်ကို သတ်ဖြတ်ခဲ့သည့် ဘင်္ဂါလီမွတ်စလင်အကြမ်းဖက်အဖွဲ့ကို ရည်ညွှန်းခြင်း ဖြစ်သည်။

မြန်မာနိုင်ငံသည် ကုလသမဂ္ဂ လူ့အခွင့်အရေးကောင်စီက ဖွဲ့စည်းထားသော အချက်အလက်ရှာဖွေရေးမစ်ရှင်အဖွဲ့ကို နိုင်ငံတွင်းသို့ ၀င်ရောက်ခွင့်ပြုရန် ငြင်းဆိုခဲ့ပြီး ကုလသမဂ္ဂ လူ့အခွင့်အရေးကျွမ်းကျင်သူ ယန်ဟီးလီကိုပါ ပိတ်ပင်ခဲ့သည်။ မြန်မာနိုင်ငံသည် လုံခြုံရေးတပ်များက ရခိုင်ပြည်နယ်၌ ရက်စက်ကြမ်းကြုတ်မှုများ ကျူးလွန်ခဲ့သည်ဟူသည့် စွပ်စွဲချက် အားလုံးနီးပါးကို ပယ်ချခဲ့သည်။

မြန်မာနိုင်ငံသည် အပြည်ပြည်ဆိုင်ရာ ရာဇ၀တ်ခုံရုံး (ICC) သည် ၎င်းအပေါ် တရားစီရင်ပိုင်ခွင့်မရှိဟု ဆိုကာ ပဋိပက္ခနှင့်ပတ်သက်၍ ICC က စုံစမ်းစစ်ဆေးမှု စတင်ရန် ကြိုးပမ်းမှုတစ်ရပ်အားလည်း ပယ်ချခဲ့သည်။

မြန်မာနိုင်ငံဆိုင်ရာ ကုလသမဂ္ဂအထူးကိုယ်စားလှယ်အသစ် ခရစ္စတင်းရှာရနာဘာဂန်နာသည် လုံခြုံရေးကောင်စီမှကိုယ်စားလှယ်များ လာရောက်ပြီးနောက်ပိုင်း ဒုက္ခသည် အကျပ်အတည်းနှင့်ပတ်သက်၍ ဆွေးနွေးရန် ပထမဆုံးအဖြစ် ဇွန်လအတွင်း မြန်မာနိုင်ငံသို့ လာရောက်ရန် စီစဉ်ထားကြောင်း သိရသည်။

Ref; AFP

ဘင်္ဂါလီ အကျပ်အတည်းအတွက် ICC တရားသူကြီးများ တံခါးပိတ်ဆွေးနွေးမည်

မြန်မာနိုင်ငံမှ ဘင်္ဂါလီမွတ်စလင်များ အစုအပြုံလိုက် ထွက်ပြေးမှုနှင့် ပတ်သက်ပြီး စုံစမ်းစစ်ဆေးရန် ခွင့်ပြုမည် မပြုမည်ကို လာမည့်လတွင် အပြည်ပြည်ဆိုင်ရာ ရာဇ၀တ်မှုခုံရုံး (ICC) မှ တရားသူကြီးများက တံခါးပိတ် ဆွေးနွေးမည် ဖြစ်ကြောင်း ICC ၏ ဥက္ကဋ္ဌတရားသူကြီး ပီတာကိုဘတ်စ် ကပြီးခဲ့သည့် မေ ၁၁ တွင် အမိန့်ထုတ်ထားကြောင်း AFP က ယင်းအမိန့်ကို ကိုကားပြီး မေ ၁၄ တွင် ဖော်ပြခဲ့သည်။

ဇွန် ၂၀ တွင် ICC ၏ ရှေ့နေချုပ် ဖာတိုအိုဗင်ဆူဒါသည် တရားသူကြီး သုံးဦးရှေ့မှောက်တွင် လာရောက် ဆွေးနွေးရမည်ဖြစ်ကြောင်း ပီတာကိုဘတ်စ်က ယင်းအမိန့်တွင် ပြောကြားထားသည်။

ဘင်္ဂါလီမွတ်စလင်များ နေရပ်ရွှေ့ပြောင်းရမှုသည် လူသားချင်း ရာဇ၀တ်မှုကျူးလွန်ခြင်း ဖြစ် မဖြစ်ကို စုံစမ်းစစ်ဆေးခွင့်ပေးရန် ICC ၏ တရားသူကြီးများကို အဆုံးအဖြတ်ပေးရန် ဗင်ဆူဒါက ပြီးခဲ့သည့်လတွင် တောင်းဆိုခဲ့သည်။

မြန်မာနိုင်ငံသည် ICC တွင် လက်မှတ်ရေးထိုးထားသော နိုင်ငံမဟုတ်သောကြောင့် ယင်းတောင်းဆိုချက်သည် တရားရေးဆိုင်ရာအရ ရှုပ်ထွေးသော တောင်းဆိုချက်တစ်ခု ဖြစ်ခဲ့သည်။ ၂၀၀၂ ခုနှစ်တွင် သည်ဟိဂ်၌ တည်ထောင်ခဲ့သော ICC သည် လူမျိုးတုန်း သတ်ဖြတ်မှု အပါအ၀င် ကမ္ဘာ့နိုင်ငံများ၏ တရားရုံးများက အရေးယူဆောင်ရွက်ရန် မတတ်နိုင်သော သို့မဟုတ် မဆောင်ရွက်လိုသော အဆိုးဆုံးရာဇ၀တ်မှုများအတွက် အရေးယူဆောင်ရွက်သည့် တရားရုံးဖြစ်သည်။

ကုလသမဂ္ဂ လုံခြုံရေးကောင်စီအဖွဲ့ဝင်များ ဘင်္ဂလားဒေ့ရ်ှနိုင်ငံရှိ ဘင်္ဂါလီမွတ်စလင် ဒုက္ခသည်စခန်းများသို့ သွားရောက်

ဧပြီ ၂၉ ရက်က ဘင်္ဂလားဒေ့ရ်ှနိုင်ငံ ဘန်ဒါဘန်ခရိုင်ထဲမှ တွမ်ဘရူသို့ ရောက်ရှိနေကြသည့် ကုလသမဂ္ဂ လုံခြုံရေးကောင်စီ ကိုယ်စားလှယ်အဖွဲ့ဝင်များအား ဘင်္ဂလားဒေ့ရှ် နယ်စပ်စောင့်တပ်ရင်း ၃၄ မှ တပ်မှူးတစ်ဦးက ရှင်းလင်းပြောပြနေစဉ် (Photo: AFP)

ကုလသမဂ္ဂလုံခြုံရေးကောင်စီမှ အဖွဲ့တစ်ဖွဲ့သည် မြန်မာ-ဘင်္ဂလားဒေ့ရှ် နယ်စပ်ဒေသတစ်လျှောက်၌ နေထိုင်နေကြသော ဘင်္ဂါလီမွတ်စလင် ဒုက္ခသည်များထံသို့ ဧပြီ ၂၉ ရက်က လာရောက်ခဲ့ကြသည်။ လုံခြုံရေးကောင်စီသည် ကမ္ဘာ့အဆိုးရွားဆုံး ဒုက္ခသည် အကျပ်အတည်းတစ်ခုဖြစ်လာသော ဘင်္ဂါလီအရေးအပေါ် တုံ့ပြန်ရန် လေ့လာချိန်ဆနေစဉ် ယခုခရီးစဉ် ထွက်ပေါ်လာခြင်းဖြစ်သည်။

ထိုခရီးစဉ်အတွင်း ကုလသမဂ္ဂကိုယ်စားလှယ်များသည် ဘင်္ဂလားဒေ့ရ်ှစခန်းများ၌ ရှိကြသော ဒုက္ခသည်များကို မေးမြန်းမှုများ ပြုလုပ်ကြမည်ဖြစ်သည်။ ယင်းနောက် အဆိုပါအဖွဲ့သည် မြန်မာနိုင်ငံသို့ ဆက်လက်သွားရောက်ပြီး အရပ်သားအစိုးရအဖွဲ့ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံမည်ဟု သိရသည်။ လုံခြုံရေးကောင်စီသည် ဘင်္ဂါလီမွတ်စလင်များကို ဘေးကင်းစွာနေရပ်သို့ ပြန်ခွင့်ပြုရန် မြန်မာအစိုးရကို တိုက်တွန်းနေခြင်းဖြစ်သည်။

ယခုရောက်လာသည့် အဖွဲ့ထဲ၌ ကုလသမဂ္ဂ လုံခြုံရေးကောင်စီအဖွဲ့ဝင် ၁၅ နိုင်ငံမှ သံတမန် ၂၆ ဦး ပါဝင်သည်ဟု သိရသည်။ ထိုအဖွဲ့သည် ဘင်္ဂါလီ ၆၀၀၀ ကျော်နေထိုင်ကြသော ကိုနာပါရာဒုက္ခသည်စခန်းသို့ ဦးစွာသွားရောက်မည်ဟု ဘင်္ဂလားဒေ့ရှ် ဒုက္ခသည်များဆိုင်ရာ မဟာမင်းကြီး မိုဟာမက်အဘူကယ်လမ်က အေအက်ဖ်ပီသတင်းဌာနသို့ ပြောကြားခဲ့သည်။

ကုလသမဂ္ဂလုံခြုံရေးကောင်စီ (UNSC) ကိုယ်စားလှယ်အဖွဲ့သည် ရခိုင်အရေးတွင် သားကောင်ဖြစ်ခဲ့ရသည့် အမျိုးသမီးအချို့နှင့် တွေ့ဆုံစကားပြောခဲ့ပြီး ဘင်္ဂါလီလူကြီးပိုင်းအချို့နှင့်လည်း တွေ့ခဲ့သည်ဟု ထိုဒုက္ခသည်စခန်းမှ ဘင်္ဂါလီခေါင်းဆောင် ဒီမိုဟာမက်က ပြောကြားခဲ့သည်။ “ကျွန်တော်တို့ ဒီမှာနေတာဟာ အသက်မသေဖို့အတွက်ဖြစ်ပေမဲ့ ကျွန်တော်တို့မြေကို ပြန်သွားဖို့ အရမ်းကို စိတ်အားထက်သန်နေတဲ့အကြောင်း၊ ကျွန်တော်တို့လုံခြုံရေးအတွက် ကုလသမဂ္ဂက အာမခံပေးဖို့အကြောင်း သူတို့ကိုပြောခဲ့ပါတယ်” ဟု ၎င်းက ဆိုသည်။

ထို့နောက်၌ ကုလသမဂ္ဂအဖွဲ့သည် ကူတူပလောင် ဒုက္ခသည်စခန်းသို့ ဆက်လက်သွားရောက်မည်ဖြစ်သည်။ အဆိုပါခရီးစဉ်မတိုင်မီက ယင်းစခန်းတွင် ဘင်္ဂါလီရာပေါင်းများစွာသည် မြန်မာနိုင်ငံ၌ ၎င်းတို့၏ အခွင့်အရေးများပြန်ရရှိရန် လုပ်ဆောင်ပေးရေးအတွက် ဆန္ဒပြမှုတစ်ခု လုပ်ဆောင်ခဲ့သည်ဟု သိရသည်။ ထိုဆန္ဒပြမှုကို ရဲများက ငြိမ်းငြိမ်းချမ်းချမ်း ရှင်းလင်းခဲ့သည်ဟု ယင်းနေရာတွင်ရှိနေသော အေအက်ဖ်ပီ သတင်းထောက်တစ်ဦးက ဆိုသည်။

“ရိုဟင်ဂျာမျိုးနွယ်စုဆိုတဲ့ ခေါင်းစဉ်အောက်မှာ ကျွန်တော်တို့ရဲ့ နိုင်ငံသားဖြစ်မှုကို ပြန်လိုချင်ပါတယ်။ သိမ်းဆည်းခံခဲ့ရတဲ့ ကျွန်တော်တို့မြေတွေ၊ ပိုင်ဆိုင်မှုတွေကိုလည်း ပြန်လိုချင်ပါတယ်။ လုံခြုံမှုလည်းရချင်ပါတယ်” ဟု ဘင်္ဂါလီခေါင်းဆောင် မိုဟီဘူလာက ပြောကြားခဲ့သည်။ ထို့ပြင် ၎င်းတို့ကို ရခိုင်ပြည်နယ်သို့ ပြန်ပို့မည့်အရေးနှင့် ပတ်သက်ပြီး အခြေအနေ ၁၄ ချက်ကို ယခု ကုလသမဂ္ဂ ကိုယ်စားလှယ်အဖွဲ့သို့ တင်ပြမည်ဟု သိရသည်။

ကူဝိတ်၊ ဗြိတိန်၊ ပီရူးတို့ ဦးဆောင်သော ကုလသမဂ္ဂ ကိုယ်စားလှယ်အဖွဲ့၏ လေးရက်ကြာ ခရီးစဉ်အတွင်း ဘင်္ဂလားဒေ့ရ်ှဝန်ကြီးချုပ် ရှိတ်ဟာစီနာနှင့်တွေ့ဆုံမည်ဟု မျှော်လင့်ရသည်။ ထို့ပြင် ၎င်းတို့သည် ရခိုင်ပြည်နယ်ထဲ၌လည်း ပဋိပက္ခဖြစ်ပွားစဉ်က မီးရှို့ခံခဲ့ရသော ကျေးရွာတို့၏ အကြွင်းအကျန်များကို ရဟတ်ယာဉ်ဖြင့် ဝေဟင်မှ လိုက်လံကြည့်ရှုမည်ဟု သိရသည်။

ယခုခရီးစဉ်သည် မြန်မာနိုင်ငံကို နာမည်တပ်ကာ အရှက်ရစေရန် ရည်ရွယ်ခြင်း မဟုတ်သော်လည်း နိုင်ငံတကာအသိုင်းအ၀ိုင်းက အခြေအနေများအား ဖြေရှင်းမှုအပေါ် စိတ်ဝင်တစား စောင့်ကြည့်နေသည့်အကြောင်း မြန်မာတို့ကို ရှင်းရှင်းလင်းလင်း သိစေရန်အတွက်ဖြစ်သည်ဟု ကူဝိတ်သံတမန် မန်ဆွယ်အယ်အိုတိုင်ဘီက ပြောကြားခဲ့သည်။

ရခိုင်ပြည်နယ်အတွင်းရှိ NVC ကတ် ကိုင်ဆောင်ထားသူများနှင့်ပတ်သက်၍ အစိုးရက ကန့်သတ်ချက်များ လျှော့ချပေးခဲ့ပြီး တစ်နိုင်ငံလုံး လွတ်လပ်စွာ သွားလာခွင့်ပြုခဲ့ကြောင်း သိရ

ရန်ကုန်မြို့၌ ဧပြီ ၁၉ ရက်က ပြည်ထောင်စုဝန်ကြီး ဒေါက်တာဝင်းမြတ်အေး ဦးဆောင်သော ကိုယ်စားလှယ်အဖွဲ့ ဘင်္ဂလားဒေ့ရ်ှနိုင်ငံသို့ သွားရောက်ခဲ့သည့် ခရီးစဉ်နှင့်ပတ်သက်၍ မီဒီယာများအား ရှင်းလင်းပြောကြားနေစဉ်

ရခိုင်ပြည်နယ်အတွင်းရှိ National Verification Card (NVC) ကတ် ကိုင်ဆောင်ထားသူများနှင့်ပတ်သက်၍ အစိုးရက ကန့်သတ်ချက်များ လျှော့ချပေးခဲ့ပြီး တစ်နိုင်ငံလုံး လွတ်လပ်စွာ သွားလာခွင့်ပြုခဲ့ကြောင်း သိရသည်။

NVC ကတ် ကိုင်ဆောင်ထားသူများအား လွတ်လပ်စွာသွားလာခွင့် ရရှိရန်အတွက် ဆောင်ရွက်နေကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၌ ဧပြီ ၁၉ ရက်က ပြုလုပ်သည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေး ခေါင်းဆောင်သော မြန်မာကိုယ်စားလှယ်အဖွဲ့ ဧပြီ ၁၁ ရက်မှ ၁၃ ရက်အထိ ဘင်္ဂလားဒေ့ရ်ှနိုင်ငံ ကော့ခ်ဘဇားနှင့် ဒါကာသို့ သွားရောက်ခဲ့သည့် ခရီးစဉ်နှင့်စပ်လျဉ်း၍ သတင်းစာရှင်းလင်းပွဲတွင် ဒေါက်တာဝင်းမြတ်အေးက အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။

“ကျွန်တော်တို့ လွတ်လပ်စွာသွားလာခွင့်နဲ့ ပတ်သက်ပြီးတော့ Freedom of Movement ရဖို့အတွက်ကို အခုနက ကျွန်တော်ပြောခဲ့တဲ့အတိုင်းပဲ NVC ကတ် ကိုင်ဆောင်ထားရင် Freedom of Movement ရမယ်။ အရင်တုန်းကတော့ ဒီကိစ္စတွေမှာ ကန့်သတ်ချက်တွေ အများကြီးရှိတယ်။ ကျွန်တော်တို့က မစ္စတာအာနန်ရဲ့ အကြံပြုချက်တွေကို အကောင်အထည်ဖော်တာလည်း ပါတယ်။ ကျွန်တော်တို့ မူလ ၂၀၁၆ စပြီးတော့ ရခိုင်မှာရှိတဲ့ တည်ငြိမ်အေးချမ်းရေးနဲ့ ဖွံဖြိုးရေးဗဟိုကော်မတီမှာ လုပ်နေတဲ့လုပ်ငန်းကော်မတီတွေရဲ့ ဆောင်ရွက်ချက်လည်း ဖြစ်တယ်။ အဲဒါဘာလဲဆိုတော့ ကျွန်တော်တို့က ကန့်သတ်ချက်တွေလျှော့ဖို့ လွတ်လပ်စွာသွားလာခွင့်တွေရဖို့။ ဘယ်လိုရမလဲဆိုတော့ အနိမ့်ဆုံး NVC ကတ် ကိုင်ဆောင်ထားတဲ့သူသည် လွတ်လပ်စွာသွားလာခွင့် ရရမယ်ဆိုတဲ့ဟာကို ဆောင်ရွက်နေတယ်။ ဆောင်ရွက်နေတဲ့ကြားမှပဲ အဖြစ်အပျက်တွေက ဖြစ်နေတယ်။ အခုတော့ ကျွန်တော်တို့ NVC ဖြစ်စဉ်ကို ပွင့်ပွင့်လင်းလင်း ချပြပါ့မယ်။ အဲဒီကတ်ကိုင်ထားတဲ့သူတွေကို လွတ်လပ်စွာ သွားလာခွင့်ရဖို့အတွက်ကို ကျွန်တော်တို့က သက်ဆိုင်ရာလုံခြုံရေးနဲ့ဆိုင်တဲ့ ပြည်ထဲရေးဝန်ကြီးဌာန လူဝင်မှုကြီးကြပ်ရေး အကုန်လုံးဆွေးနွေးတိုင်ပင်ပြီးပြီ။ ဒီကတ် ကိုင်ဆောင်ထားလို့ရှိရင် နဂိုကရှိခဲ့တဲ့ ကန့်သတ်ချက်တွေကို လျှော့ချလိုက်ပြီ။ လ၀ကဆိုတာ လူဝင်မှုကြီးကြပ်ရေးက ပုံစံ ၄ ကိုဖြည့်လိုက်တာနဲ့ ဖြည့်ပြီးရင် သွားချင်တဲ့နေရာ သွားလို့ရပြီ။ အဲလိုပုံစံမျိုး ဖြစ်သွားပါပြီ။ ဒါကို ကျွန်တော်တို့ လက်တွေ့လုပ်ဆောင်နေပါတယ်။ မနေ့ကပဲ ကျွန်တော်တို့ အဲဒီနေရာကိုရောက်ခဲ့တော့ တော်တော်များများနဲ့ တွေ့ဆုံခဲ့တော့ အဲဒီအခွင့်အရေး ရပြီလားလို့မေးတော့ လက်တွေ့ရပြီဆိုတဲ့ စကားကိုရခဲ့ပါတယ်” ဟု ဒေါက်တာ ၀င်းမြတ်အေးက ပြောကြားသည်။

ထို့ပြင် သတင်းစာရှင်းလင်းပွဲ၌ ၀န်ကြီး ဒေါက်တာဝင်းမြတ်အေးက NVC ကတ် ကိုင်ဆောင်ပါက လူဝင်မှုကြီးကြပ်ရေးက တရားဝင်ထုတ်ပြန်ထားသည့် အချက်ရှစ်ချက်ကို အပြည့်အ၀ ရရှိမည်ဖြစ်ကြောင်း၊ အာမခံချက်ရှိကြောင်း ဆက်လက်ပြောကြားသည်။

“Citizen လျှောက်လို့ရှိရင် အခုနပြောတဲ့ နိုင်ငံသားဖြစ်မှုလမ်းစဉ်ထဲ ၀င်လိုက်တာနဲ့ NVC ကတ်ကိုင်ပြီးပြီ။ ကိုင်ပြီးတာနဲ့ ဒီနိုင်ငံသားဖြစ်ဖို့ ထိုက်တဲ့ဥပဒေအရ ဖြစ်ထိုက်တဲ့လူ ဖြစ်ဖို့အတွက်က ငါးလလို့ သတ်မှတ်ထားပါတယ်။ ငါးလအတွင်းမှာ ရမှာဖြစ်ပါတယ်။ ဒါကိုလည်း ဒီအတိုင်းကိုပဲ Exercise လုပ်နေတယ်။ တကယ်ပဲငါးလအတွင်းမှာ ရတဲ့လူတွေရှိတာဖြစ်ပါတယ်။ ဒါကတော့ ကျွန်တော်တို့ အခုလက်ရှိရှိနေတဲ့ ဥပဒေအတိုင်းပဲ သွားရမှာဖြစ်ပါတယ်” ဟု ပြည်ထောင်စုဝန်ကြီး ဒေါက်တာဝင်းမြတ်အေးက ဆိုသည်။

ဘင်္ဂလားဒေ့ရ်ှနိုင်ငံဘက်မှ ပေးပို့လာသည့် ၈၀၃၂ ဦး၏စာရင်းနှင့် ဖြည့်စွက်ထားသောပုံစံများမှာ နှစ်နိုင်ငံအကြား သဘောတူညီထားသော Physical Arrangement ပါ ဖောင်ပုံစံအတိုင်းမဟုတ်ကြောင်း၊ ၎င်းတို့ ဆန္ဒအလျောက် ပြန်လာလိုကြောင်း ဖော်ပြလက်မှတ် ရေးထိုးထားမှု၊ လက်ဗွေပုံစံနှင့် ဓာတ်ပုံများ ပါဝင်ခြင်းမရှိကြောင်း၊ မြန်မာဘက်အနေဖြင့် ၎င်းပုံစံများကို စိစစ်ရန်ခက်ခဲကြောင်းလည်း ဘင်္ဂလားဒေ့ရ်ှဘက်သို့ အသိပေးခဲ့ကြောင်း ဒေါက်တာဝင်းမြတ်အေးက ပြောကြားထားသည်။

ဘင်္ဂလားဒေ့ရ်ှမှ ပြန်လည်လက်ခံမည့်သူများအား NVC ကတ်ထုတ်ပေးမည်ဖြစ်ပြီး နိုင်ငံသားအဖြစ် လျှောက်ထားပါက ၁၉၈၂ ခုနှစ် နိုင်ငံသားဥပဒေနှင့်အညီ နိုင်ငံသားအဆင့်အတန်း သတ်မှတ်ပေးမည်ဖြစ်ကြောင်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ ပြည်ထောင်စုဝန်ကြီး ဦးသိန်းဆွေက ၂၀၁၇ ခုနှစ် စက်တင်ဘာ ၂၈ ရက်က မီဒီယာများကို ပြောကြားထားသည်။

“ဒီကနေ ထွက်ပြေးသွားတဲ့သူတွေဖြစ်တဲ့အတွက် ပြန်လည်လက်ခံတဲ့သူတွေပါပဲ။ အဲဒီသူတွေကို NVC ထုတ်ပေးဖို့ စီစဉ်ထားပါတယ်။ NVC ထုတ်ပြီးသွားရင် သူတို့တွေအနေနဲ့ ဆန္ဒရှိတယ်ဆိုရင် နိုင်ငံသားအဖြစ် လျှောက်ထားတယ်ဆိုရင် ၁၉၈၂ ဥပဒေနဲ့အညီ သူတို့ရရှိနိုင်တဲ့ နိုင်ငံသားအဆင့်အတန်းကို သတ်မှတ်ပေးသွားမှာဖြစ်ပါတယ်” ဟု ၀န်ကြီးဦးသိန်းဆွေက ပြောကြားခဲ့သည်။

ထို့ပြင် ဘင်္ဂလားဒေ့ရ်ှနိုင်ငံသို့ ထွက်ပြေးသွားသည့် မြန်မာနိုင်ငံ၌နေခဲ့သူများအား နှစ်နိုင်ငံ သဘောတူစာချုပ်ပါအတိုင်း အမြန်ဆုံးပြန်လည်လက်ခံရန် ဆန္ဒရှိကြောင်း ပြည်ထောင်စုဝန်ကြီး ဒေါက်တာဝင်းမြတ်အေးက သတင်းစာရှင်းလင်းပွဲ၌ ပြောကြားသည်။

ဘင်္ဂလားဒေ့ရ်ှက ဘင်္ဂါလီမွတ်စလင် ၁၀၀၀၀၀ အား လာမည့်ဇွန်တွင် ကျွန်းတစ်ကျွန်း၌ နေရာပြန်လည်ချထားမည်

Photo:AFP

ဘင်္ဂလားဒေ့ရ်ှက ဘင်္ဂါလီမွတ်စလင် ၁၀၀၀၀၀ ခန့်အား လာမည့်ဇွန်တွင် နိုင်ငံတောင်ဘက် ကမ်းရိုးတန်းအလွန်ရှိ လူသူကင်းမဲ့သော ကျွန်းစုတစ်ခု၌ နေရာပြန်လည်ချထားမည်ဖြစ်ကြောင်း သဘာဝဘေး စီမံခန့်ခွဲရေးဆိုင်ရာ အတွင်းရေးမှူး ရှာကာမယ်က ဧပြီ ၄ ရက်တွင် ဒါကာ၌ ကုလသမဂ္ဂအေဂျင်စီများကို ပြောကြားခဲ့သည်။ ၂၀၀၆ ခုနှစ်ကမှ ဘင်္ဂလားပင်လယ်အော်၌ ပေါ်ထွက်လာခဲ့သော နုန်းများဖြင့် ပြည့်နေသည့်ကျွန်းစုဖြစ်သည့် ဘာရှန်ချာတွင် ဒုက္ခသည် ၅၀၀၀၀ ခန့်အတွက် ခိုလှုံစရာများကို တည်ဆောက်ထားကြောင်း၊ ကျန်သောခိုလှုံစရာနေရာများအား နှစ်လအတွင်း တည်ဆောက်ပြီးစီးမည်ဖြစ်ကြောင်း ကာမယ်က ပြောကြားခဲ့သည်။

ဒုက္ခသည်များအား နေရာပြန်လည်ချထားရန် ၂၀၁၅ ခုနှစ်တွင် စတင်အဆိုပြုချိန်ကတည်းက ပြင်းပြင်းထန်ထန်ဝေဖန်မှုများ ကြုံခဲ့ရပြီး ဇွန်လပထမသီတင်းပတ်တွင် နေရာပြန်လည်ချထားမှုကို စတင်မည်ဖြစ်ကြောင်း ကာမယ်က ပြောကြားခဲ့သည်။ ဒုက္ခသည်များအတွက် ကြီးမားသောခိုလှုံစရာနေရာ ၁၄၄၀ ကျော်ကို ဘင်္ဂလားဒေ့ရ်ှရေတပ်က မေ ၃၁ ရက်မတိုင်မီ ပြီးစီးအောင် တည်ဆောက်မည်ဟု ၎င်းက ပြောကြားခဲ့သည်။

ထိုကျွန်းစုသည် ဒီရေတက်မှုများနှင့် မုတ်သုံမုန်တိုင်းများ၏ဒဏ်ကို ခံနိုင်ရန်အတွက် ရေတပ်က ယင်းဒုက္ခသည်စခန်းအနားတစ်လျှောက် တမံများဆောက်ခြင်း၊ မြေနိမ့်ပိုင်းများအား မြေဖို့ခြင်းတို့ကိုလည်း လုပ်ဆောင်နေသည်။ မြန်မာမှ ဘင်္ဂါလီမွတ်စလင်များ အစုလိုက်အပြုံလိုက်သည် ဘင်္ဂလားဒေ့ရ်ှသို့ ၀င်ရောက်လာခဲ့ပြီးနောက် ထိုဒုက္ခသည်များကို ကျွန်းစုတွင် နေထိုင်နိုင်ရေးအတွက် လုပ်ဆောင်ရန် ဒေါ်လာသန်း ၂၈၀ ကို ဘင်္ဂလားဒေ့ရ်ှက ပြီးခဲ့သော နိုဝင်ဘာတွင် ခွဲဝေသတ်မှတ်ခဲ့သည်။

မုတ်သုံရာသီ နီးကပ်လာနေချိန်တွင် ထိခိုက်ခံစားရနိုင်ခြေ အမြင့်ဆုံးဒုက္ခသည်များအား ၎င်းတို့ဆန္ဒရှိပါက စစ်တကောင်းဆိပ်ကမ်းမြို့ အနောက်ဘက်ရှိ ကျွန်းငယ်တစ်ခုသို့ ပြောင်းရွှေ့နိုင်ရန် ကမ်းလှမ်းမည်ဟု ကာမယ်က ပြောခဲ့သည်။