မုတ်သုံဝင်လာပါက ဒုက္ခသည်စခန်းများတွင် ဖြစ်ပေါ်လာမည့် ပြဿနာများအတွက် ဘင်္ဂလားဒေ့ရ်ှနိုင်ငံ၏ တာဝန်သာဖြစ်ကြောင်း နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ပြောကြား

မုတ်သုံဝင်ရောက်လာပါက ဘင်္ဂလားဒေ့ရ်ှဘက်ခြမ်းတွင်ရှိသည့် ဒုက္ခသည်စခန်းများတွင် ရေကြီးရေလျှံမှုများ ဖြစ်ပေါ်လာနိုင်ပြီး နောက်ဆက်တွဲအနေဖြင့် ရေကြောင့်ဖြစ်သော ၀မ်းပျက်ရောဂါကဲ့သို့သော ရောဂါများကြောင့် အင်အားနည်းသော အသက်အရွယ်ကြီးရင့်သူများ၊ ကလေးသူငယ်များနှင့် မိန်းကလေးများမှာ သေကျေပျက်စီးနိုင်ကာ ထိုသို့ဖြစ်လာပါက ပြန်လည်လွှဲပြောင်းလက်ခံရေး လုပ်ငန်းစဉ်အား အချိန်နှောင့်နှေးကြန့်ကြာအောင် ပြုလုပ်သည့် ဘင်္ဂလားဒေ့ရ်ှနိုင်ငံ၏ တာဝန်သာဖြစ်ကြောင်း နိုင်ငံတော်အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေးက သတိပေးပြောကြားသည်။

အာဆာအကြမ်းဖက်သမားမျာ၏ အကြမ်းဖက်တိုက်ခိုက်မှုများကြောင့် ရခိုင်ပြည်နယ်မှ ဘင်္ဂလားဒေ့ရ်ှနိုင်ငံဘက်ခြမ်းသို့ နေရပ်စွန့်ခွာထွက်ပြေးသွားသူများ ပြန်လည်လွှဲပြောင်းလက်ခံရေး လုပ်ငန်းစဉ်နှင့်ပတ်သက်၍ မြန်မာနိုင်ငံအနေဖြင့် သံတမန်ရေး၊ နှစ်နိုင်ငံချစ်ကြည်ရေးကိုရှေးရှု၍ အရာရာကို ထိန်းထိန်းသိမ်းသိမ်း ပြောဆိုဆောင်ရွက်နေသော်လည်း ဘင်္ဂလားဒေ့ရ်ှနိုင်ငံကမူ ထိုသို့ မဟုတ်ဘဲ နိုင်ငံတကာအလယ်တွင် မြန်မာနိုင်ငံ ပြန်လည်လွှဲပြောင်းလက်ခံရေးလုပ်ငန်းစဉ်အား အချိန်ကြန့်ကြာမှုရှိအောင် အချိန်ဆွဲနေသည့်ပုံစံမျိုး ပုံဖော်နေသည်ဟု ဦးဇော်ဌေးက ပြောကြားည်။

“မုတ်သုံဝင်လာရင် ဒုက္ခတွေများကုန်မယ်။ ဒုက္ခများတဲ့အခါကျရင် အဲဒီမှာ သေကြ၊ ကျေကြတွေ ဖြစ်လာလိမ့်မယ်။ ဖြစ်လာရင်တကယ့်ကို ကျွန်တော်တို့နိုင်ငံကို အဆိုးမြင်ပြီးတော့ ၀ိုင်းပြီးတော့အပြစ်ဖို့ဖို့ ပြင်ထားတဲ့ သဘောရှိတယ်။ အဲဒီတော့ မြန်မာနိုင်ငံက ပြောနေတာက မိုးရွာတော့မယ်။ ဒီဒုက္ခတွေ ရောက်တော့မယ်။ ပြန်လည်လွှဲပြောင်းလက်ခံရေး လုပ်ငန်းစဉ်ကို မြန်မြန်စတင်ပါ။ အဲဒါမှ ဒီလူတွေအတွက် အဆင်ပြေမယ်ဆိုပြီး ကျွန်တော်တို့က ပြောတယ်။ အဲဒီတော့ မိုးရွာလို့ အဲဒီလိုမျိုးဖြစ်လာပြီဆိုရင် ကျွန်တော်တို့ အကြိမ်ကြိမ်အဖန်ဖန် ပြောထားတဲ့ ဘင်္ဂလားဒေ့ရ်ှနိုင်ငံရဲ့ တာဝန်ပဲဖြစ်ပါလိမ့်မယ်” ဟု ဦးဇော်ဌေးက ပြောကြားသည်။

ရခိုင်ပြည်နယ်မှ နေရပ်စွန့်ခွာထွက်ပြေးသွားသူများ ပြန်လည်လွှဲပြောင်းလက်ခံရေး လုပ်ငန်းစဉ်ကို အကောင်အထည်ဖော်ရန် မြန်မာ-ဘင်္ဂလားဒေ့ရှ် နှစ်နိုင်ငံအကြားတွင် ၁၉၉၃ ခုနှစ် ပြန်လည်လက်ခံရေး သဘောတူ ညီချက်များ အဓိကပါဝင်သည့် သဘောတူညီချက်စာချုပ် ချုပ်ဆိုထားပြီး အဆိုပါသဘော တူညီချက်တွင် နှစ်လအကြာ၌ ပြန်လည်လွှဲပြောင်းလက်ခံရေးလုပ်ငန်းစဉ်ကို စတင်ရမည်ဟူသော စာသားပါဝင်သည့်အတွက် မြန်မာနိုင်ငံအနေဖြင့် ပထမအသုတ်အဖြစ် လက်ခံရန် ဟိန္ဒူလူမျိုး၊ မွတ်စလင်လူမျိုး စုစုပေါင်း လူဦးရေ ၁၂၀၀ ကျော်ပါဝင်သော စာ ရင်းတစ်ခုကို ဘင်္ဂလားဒေ့ရ်ှနိုင်ငံဘက်သို့ ပေးပို့ထားသော်လည်း လက်ရှိအချိန်အထိ အကြောင်းပြန်ကြားခြင်းမရှိကြောင်း ဦးဇော်ဌေးက ပြောကြားသည်။

ထို့ပြင် မြန်မာ-ဘင်္ဂလားဒေ့ရှ် နှစ်နိုင်ငံ သဘောတူညီချက်တွင် နေရပ်စွန့်ခွာထွက်ပြေးသွားသူများ ဖြည့်စွက်ရမည့်ပုံစံပါရှိပြီး အဆိုပါပုံစံများကို Soft Copy ၊ Hard Copy များ ပေးထားသော်လည်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာ ၀င်းမြတ်အေး ဦးဆောင်သည့် ကိုယ်စားလှယ်အဖွဲ့ ဘင်္ဂလားဒေ့ရ်ှနိုင်ငံသို့ သွားသည့်အချိန်တွင် ဒုက္ခသည်များကို မေးမြန်းသည့်အခါ ဒုက္ခသည်များအနေဖြင့် အဆိုပါပုံစံများ ဖြည့်ရမည်ဆိုသည်ကို မသိရှိကြောင်းနှင့် နယ်မြေအုပ်ချုပ်ရေးအဖွဲ့များသည် အဆိုပါပုံစံများ ဖြည့်ရမည်ကို ဒုက္ခသည်များအား အသိပေး ပြောထားခြင်းမရှိကြောင်း ဦးဇော်ဌေးက ပြောကြားသည်။

ပြန်လည်လွှဲပြောင်း လက်ခံရေးလုပ်ငန်းစဉ်ကို နှစ်နိုင်ငံသဘောတူညီချက်အတိုင်း အမြန်ဆုံးစတင်နိုင်ပြီး မြန်မာနိုင်ငံတွင် အမှန်တကယ် နေထိုင်ခဲ့ဖူးသူများကို ပြန်လည်လက်ခံလိုက်ပါက ဘင်္ဂလားဒေ့ရ်ှနိုင်ငံ၏ ၀န်ထုပ်ဝန်ပိုးများ ကျသွားမည်ဖြစ်ကာ ထိုသို့ ပြန်လည်လက်ခံပြီးသူများကို ၎င်းတို့၏ မူလနေရာ သို့မဟုတ် မူလနေရာနှင့်အနီးဆုံးနေရာတွင် နေရာချထားပေးမည်ဖြစ်ပြီး ၎င်းတို့အနေဖြင့် မူလအလုပ်အကိုင်များ ပြန်လည်လုပ်ကိုင်စားသောက်နိုင်သည့်အခါ ကူညီထောက်ပံ့ရမည့်အနေအထားမှ လွတ်သွားမည်ဖြစ်ကြောင်းနှင့် နိုင်ငံတကာက လုပ်ကိုင်ဆောင်ရွက်နေသည့် စံနှုန်းသည်လည်း ထိုအတိုင်းပင်ဖြစ်ကြောင်း ဦးဇော်ဌေးက ပြောကြားသည်။

“သူတို့မူလနေရာတွေမှာ ပြန်ရောက်ပြီး မူလအလုပ်အကိုင်တွေလုပ်ပြီး သို့မဟုတ် တခြားအလုပ်အကိုင်တွေလုပ်ပြီး ၀င်ငွေအခွင့်အလမ်းတွေ ရလာပြီဆိုရင် နိုင်ငံတကာ ကူညီမှုတွေ မလိုတော့ဘူး။ ရေရှည်မှာ အဲဒီအတိုင်းပဲ ဖြေရှင်းမှရမယ်။ အဲဒီတော့ ရေတိုဖြေရှင်းချက်ရော၊ ရေရှည်ဖြေရှင်းချက်ရောက ဘင်္ဂလားဒေ့ရှ်-မြန်မာ နှစ်နိုင်ငံသဘောတူညီချက်အတိုင်း မြန်မြန်အကောင်အထည် ဖော်နိုင်ဖို့ပဲလိုတာ” ဟု ဦးဇော်ဌေးက ဆိုသည်။

ဘင်္ဂလားဒေ့ရ်ှနိုင်ငံသို့ ရောက်ရှိနေသည့် နေရပ်စွန့်ခွာသွားသူများ ပြန်လည်ခေါ်ယူရေးဆိုင်ရာ မြန်မာ-ဘင်္ဂလားဒေ့ရှ် နှစ်နိုင်ငံ ဒုတိယအကြိမ် ပူးတွဲလုပ်ငန်းအဖွဲ့ အစည်းအဝေးကို မေ ၁၇ ရက်က ဘင်္ဂလားဒေ့ရ်ှနိုင်ငံ အစိုးရဧည့်ဂေဟာတွင် ပြုလုပ်ခဲ့သည်။

အဆိုပါအစည်းအဝေးတွင် မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ ယခင်ပေးပို့ထားသည့် စိစစ်အတည်ပြုပြီး မွတ်စလင် ၇၇၈ ဦးနှင့် ဟိန္ဒူ ၄၄၄ ဦးအပြင် ဘင်္ဂလားဒေ့ရ်ှနိုင်ငံဘက်မှ လက်ခံရရှိခဲ့သည့် ၈,၀၃၂ ဦးအနက် (၂၀၁၈ ခုနှစ် မေ ၂ ရက်နေ့အထိ) စိစစ်ပြီး ၁,၁၀၁ ဦးအား ဆောလျင်စွာ ပြန်လည်ပို့ဆောင်ရေး လုပ်ငန်းစဉ်စတင်ရန် ဘင်္ဂလားဒေ့ရ်ှဘက်သို့ တိုက်တွန်းပြောကြားခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်ထားသည်။

မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ်မျဉ်းအနီး လူမနေရန် သတ်မှတ်ထားသည့် နေရာတွင် တိုးပွားလာသော ဘင်္ဂါလီများကို ရှင်းလင်း၍ ရသော်လည်း မြန်မာနိုင်ငံအတွက် ထိုးနှက်ချက် အသစ်များ ဖန်တီးထားသည်ဟု သုံးသပ်ပြီး မရှင်းလင်းဘဲထားခြင်းဖြစ်ဟု နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ပြောကြား

တောင်ပြိုနယ်စပ်ရှိ ခြံစည်းရိုး အပြင်ဘက်တွင် တရားမ၀င် နေထိုင်သူများအား တရုတ်အပါအ၀င် နိုင်ငံတကာ သံတမန်များ သွားရောက်တွေ့ဆုံစဉ်

မြန်မာ-ဘင်္ဂလားဒေ့ရှ် နှစ် နိုင်ငံနယ်နိမိတ်မျဉ်းအနီး မြန်မာပိုင်နက်အတွင်း လူမနေရန် သတ်မှတ်ထားသော နေရာတွင် တိုးပွားလာသော ဘင်္ဂါလီများကို မြန်မာလုံခြုံရေး တပ်ဖွဲ့ဝင်များဖြင့် ရှင်းလင်း၍ ရသော်လည်း ထိုသို့ရှင်းလင်းမှုသည် မြန်မာနိုင်ငံအတွက် ထိုးနှက်ချက် အသစ်များ ဖန်တီးထားခြင်း ဖြစ်နိုင်သည်ဟု သုံးသပ်ပြီး မရှင်းလင်းဘဲထားခြင်းဖြစ်ဟု နိုင်ငံတော် အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက ပြောကြားသည်။

ခြံစည်းရိုးအပြင်ဘက် မြန်မာ-ဘင်္ဂလားဒေ့ရှ် နှစ်နိုင်ငံ နယ်နိမိတ်မျဉ်းအနီး လူမနေထိုင်ရန် သတ်မှတ်ထားသည့် နေရာတွင် ယာယီတဲများ ဆောက်လုပ်ကာ လူဦးရေနှင့် အိမ်ထောင်စုများ တိုးလာပြီး ၎င်းတို့အား ရှင်းလင်းမှု မလုပ်ဆောင်ရခြင်း အကြောင်းနှင့် ပတ်သက်၍ ဦးဇော်ဌေးက The Daily Eleven သတင်းစာသို့ သုံးသပ်ပြောကြား ခဲ့ခြင်းဖြစ်သည်။

“နှစ်နိုင်ငံနယ်နိမိတ်မျဉ်းဟာ မြန်မာ့ပိုင်နက်ဖြစ်တယ်။ သူတို့တွေ အဲဒီနေရာမှာ နှစ်နိုင်ငံ သဘောတူညီချက်အရ နေလို့မရဘူး။ သို့သော် နေနေကြတယ်။ ဒီလိုနေတာကို မြန်မာအစိုးရက ဘာဖြစ်လို့ မရှင်းသလဲ။ အမှန်က မြန်မာဘက်က ရှင်းလို့ရတယ်။ မြန်မာအစိုးရရဲ့ သဘောအတိုင်း ရှင်းလို့ရတယ်။ သို့သော် ရှင်းတဲ့အခါကျရင် ပြဿနာတွေ ဖန်တီးဖို့ သူတို့ဘက်မှာ CCTV တွေ တပ်ထားတယ်။ ဘင်္ဂလားဒေ့ရ်ှဘက် အခြမ်းမှာ။ အဲဒီတော့ အဲဒီမှာ ကျွန်တော်တို့က ကိုယ့်နိုင်ငံ နယ်မြေပိုင်နက်ဖြစ်တဲ့ သဘောတူညီချက်အရ လုပ်လို့မရတာကို လာလုပ်တဲ့အတွက် ကျွန်တော်တို့က ကျူးကျော်တွေ ဖယ်သလိုပေါ့နော်။ အဲဒီလို ဖယ်လာအောင် လုပ်ထားတယ်။ အဲဒီတော့ မြန်မာအစိုးရက အဲဒီမှာ ရှင်းပြီဆိုရင် မြန်မာ့လုံခြုံရေး တပ်ဖွဲ့ဝင်တွေပေါ့နော်။ အထူးသဖြင့် ရဲနဲ့လုပ်ရမှာ။ လုပ်တဲ့အခါကျရင် ဒီမှာတာမွေမှာ ဖြစ်သလိုမျိုး ဆန္ဒပြသလိုပဲ။ ဟိုမှာကျတော့ အဲဒီမှာရှိတဲ့ မိသားစုတွေ အများကြီးရှိတယ်။ အဲဒါ တွေကို ဖယ်တဲ့အခါမှာ အဲဒီမှာ ဓာတ်ပုံတွေ၊ ဗီဒီယိုတွေ အထောက်အထားတွေနဲ့ မြန်မာနိုင်ငံကို ပက်ပက်စက်စက် ထိုးနှက်ချက် အသစ်တွေလုပ်ဖို့ ဖန်တီးထားတယ်ဆိုတာ ကျွန်တော်တို့က သုံးသပ်တာပေါ့နော်။ ဒီသုံးသပ်ချက် ရထားတဲ့အတွက် ကျွန်တော်တို့က သူတို့ကို မလုပ်ဘဲ ထားထားတာ။ လုပ်လိုက်ရင် ရတယ်။ သို့သော် လုပ်လိုက်ရင် သူတို့ထောင်ချောက်ဆိုတာ သိတဲ့အတွက် ဒီထောင်ချောက်ထဲကို မ၀င်ဘူး” ဟု ဦးဇော်ဌေးက ပြောကြားသည်။

လူမနေထိုင်ရန် သတ်မှတ်ထားသည့်နေရာတွင် လာရောက်နေ ထိုင်သူများ အနေဖြင့် ၎င်းတို့၏ စားဝတ်နေရေးအတွက် စားနပ်ရိက္ခာနှင့် ဆေးဝါးများ လုံလုံလောက်လောက် မပါသော်လည်း ၎င်းတို့အား အဆိုပါ နေရာတွင် ရေရှည်နေနိုင်ရေးအတွက် နိုင်ငံတကာ INGO များက ကူညီထောက်ပံ့နေပြီး ထိုသို့ ကူညီထောက်ပံ့မှုကို ဘင်္ဂလားဒေ့ရ်ှအစိုးရ၏ ခွင့်ပြုချက်ဖြင့် ကူညီထောက်ပံ့ နေခြင်းဖြစ်ကြောင်း ဦးဇော်ဌေးက ပြောကြားသည်။

“အဲဒီတော့ ဘင်္ဂလားဒေ့ရှ် ဘက်ကနေပြီးတော့ ခွင့်ပြုပြီးတော့ ကူညီနေတယ်။ အဲဒါတွေလည်း ကျွန်တော်တို့ ထောက်ပြတယ်။ နောက်ဆုံးအချက်က ဘင်္ဂလားဒေ့ရ်ှဘက်က ဘာကို မျှော်လင့်ထားသလဲ။ ဘာကို ရည်ရွယ်ထားသလဲ။ ဘာကြောင့် ဒီလိုမျိုး လုပ်နေသလဲဆိုတာ ကြည့်လိုက်ရင် အဲဒီမှာ ဘင်္ဂလားဒေ့ရ်ှဘက် အခြမ်းမှာ ခိုအောင်းဖို့ ကျင်းတွေတူးတယ်။ ဘန်ကာတွေ ဆောက်ထားတယ်။ တကယ့် ကျွန်တော်တို့ တိုက်ပွဲဖော်သလိုပေါ့နော်။ အဲဒီပုံစံနဲ့ အခြေခံ အဆောက်အအုံတွေ အဲဒီမှာ ဆောက်ထားတယ်။ ဆောက်ထားတော့ ဘာရည်ရွယ်ချက်လဲဆိုတော့ ဖြစ်ပေါ်လာတဲ့ နောက်ဆက်တွဲတွေ ကာကွယ်ဖို့ဆိုတာ ကျွန်တော်တို့က ပြောလို့ရတယ်။ သို့သော် အဲဒါတွေလည်း ကျွန်တော်တို့ နှစ်နိုင်ငံ နယ်နိမိတ်ဆိုင်ရာ သဘောတူညီချက်တွေအရ လုပ်လို့မရဘူး။ လုပ်လို့မရတဲ့အတွက် အဲဒါတွေကို မြန်မာနိုင်ငံက ကန့်ကွက်ထားတယ်။ စောစောက ပြောတဲ့ ထောက်ပံ့မှုတွေကိုလည်း ကန့်ကွက်တယ်။ ဘင်္ဂလားဒေ့ရ်ှဘက် အခြမ်းမှာ ဘန်ကာတွေ ဆောက်တာနဲ့ ပတ်သက်လို့လည်း ကန့်ကွက်ထားတယ်” ဟု ၎င်းကဆက်လက် ပြောကြားသည်။

ထို့ပြင် နှစ်နိုင်ငံ နယ်နိမိတ်မျဉ်းအနီးတွင် နေထိုင်သည့်အဖွဲ့များကို ဦးဆောင်သူမှာ ဒင်းန်မိုဟာမက် ဆိုသူဖြစ်ပြီး ၎င်းသည် အာဆာ ဘင်္ဂါလီ အကြမ်းဖက် အဖွဲ့အစည်းကို အခိုင်အမာ ထောက်ခံအားပေးသူ ဖြစ်ကာ ၎င်းကို ဖမ်းဆီးနိုင်ရေး အစိုးရက ဆောင်ရွက်နေကြောင်းနှင့် ဒင်းန်မိုဟာမက် ဦးဆောင်သည့် အဖွဲ့ထဲတွင် အကြမ်းဖက်သမားများ ပါဝင်နေသည်ဟု သိရကြောင်း ဦးဇော်ဌေးက ပြောကြားသည်။

“အကြမ်းဖက်သမားတွေက ကျွန်တော်တို့ မြန်မာအစိုးရက ဘင်္ဂလားဒေ့ရှ် အစိုးရဘက်ကို တောင်းဆိုထားတဲ့ အကြမ်းဖက်သမားတွေ စာရင်းမှာ ပါလာပြီး အဖမ်းခံရမှာလည်း ကြောက်တယ်။ အဲဒီတော့ ဒုက္ခသည် စခန်းတွေမှာ မနေဘူး။ အနီးအနားမှာရှိတဲ့ ရွာတွေမှာ မြေနေရာ ငှားပြီးနေတယ်။ ပြီးရင် နယ်နိမိတ်မျဉ်းနားမှာနေတဲ့ လူအုပ်ကြီးထဲမှာ ပျံ့နှံ့ပြီး နေနေတယ်။ ကျွန်တော်တို့ သုံးသပ်ချက်က နယ်နိမိတ်မျဉ်းမှာ နေထိုင်တဲ့ အုပ်စုကြီးထဲကနေပြီးတော့ နိုင်ငံတကာကိုလည်း မှားယွင်းတဲ့ အထောက်အထားတွေ ပေး၊ အမှားအယွင်းတွေ ပုံဖော်နေတယ်” ဟု ဦးဇော်ဌေးက ဆိုသည်။

ရခိုင်ပြည်နယ် မြောက်ပိုင်းတွင် အာဆာအကြမ်းဖက်သမားများ၏ အကြမ်းဖက် တိုက်ခိုက်မှုကြောင့် ဘင်္ဂလားဒေ့ရ်ှနိုင်ငံဘက် အခြမ်းသို့ ထွက်ပြေးသွားသော ဘင်္ဂါလီများ ရခိုင်ပြည်နယ်အတွင်း ပြန်လည် အခြေချ နေထိုင်နိုင်ရေးကိစ္စ၊ နှစ်နိုင်ငံနယ်စပ်အတွင်း ဖြစ်ပေါ်နေသော ကိစ္စများနှင့် ပတ်သက်၍ မြန်မာအစိုးရက အဆင်ပြေအောင် မည်မျှပင် ပူးပေါင်းဆောင်ရွက်မှုများ မြှင့်တင်နေသော်လည်း အဆင်ပြေမှုရှိခြင်း၊ မရှိခြင်းသည် ဘင်္ဂလားဒေ့ရ်ှနိုင်ငံ၏ ပူးပေါင်းဆောင်ရွက်မှုကောင်း၊ မကောင်း အပေါ် မူတည်နေသည်ဟု ၎င်းက ဆက်လက်ပြောကြားသည်။

ထို့အတူ နှစ်နိုင်ငံ နယ်နိမိတ် လူမနေထိုင်ရန် သတ်မှတ်ထားသည့် နေရာတွင် ၀င်ရောက် နေထိုင်နေသော ဘင်္ဂါလီများ၏ ပြဿနာကို ဖြေရှင်းရာတွင်လည်း နှစ်နိုင်ငံ သဘောတူညီချက်များကို အခြေခံပြီး ညှိနှိုင်းဖြေရှင်း ဆောင်ရွက်နိုင်ရေး အစိုးရက ကြိုးပမ်းဆောင်ရွက်နေကြောင်း နိုင်ငံတော် အတိုင်ပင်ခံရုံး ၀န်ကြီးဌာန ညွန်ကြားရေးမှူးချုပ် ဦးဇော်ဌေးက ပြောကြားသည်။

 

ခြံစည်းရိုးအပြင်ဘက် မြန်မာ-ဘင်္ဂလားဒေ့ရှ် နှစ်နိုင်ငံ နယ်နိမိတ်မျဉ်းအနီး လူမနေထိုင်ရန် သတ်မှတ်ထားသည့်နေရာတွင် လူဦးရေ၊ အိမ်ထောင်စုများတိုးလာ

မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ်မျဉ်းအနီး ယာယီနေထိုင်သူများနှင့် ပြည်ပမီဒီယာများ တွေ့ဆုံမေးမြန်းနေသည်ကို မေ ၂၃ ရက်က တွေ့ရစဉ်

ခြံစည်းရိုးအပြင်ဘက် မြန်မာ-ဘင်္ဂလားဒေ့ရှ် နှစ်နိုင်ငံနယ်နိမိတ်မျဉ်းအနီး လူမနေထိုင်ရန် သတ်မှတ်ထားသည့်နေရာတွင် လူဦးရေနှင့် မိသားစုများတိုးလာကြောင်း သိရသည်။

အဆိုပါနေရာတွင် မေ ၆ ရက်မှ မေ ၈ ရက်အထိ ယာယီတဲအသစ် ရှစ်လုံးဆောက် လုပ်ထားသည်ကို တွေ့ရကြောင်းနှင့် အဆိုပါနေရာတွင် ARSA အကြမ်းဖက်အဖွဲ့များမှ ရောနှောဝင်ရောက်နေသည်ဟု သိရသည်။

နှစ်နိုင်ငံနယ်စပ်မျဉ်းအနီး နေထိုင်ခွင့် မရှိသောနေရာတွင် လူဦးရေ၊ အိမ်ထောင်စုများ တရားမ၀င်တိုးလာမှုကို သတင်း ဖလှယ် မှုမရှိခြင်းသည် နှစ်နိုင်ငံအကြား ချုပ်ဆိုထားသော နယ်နိမိတ်စာချုပ်ပါ သတ်မှတ်ချက်များကို ချိုးဖောက်ရာရောက်သဖြင့် မြန်မာနိုင်ငံဘက်က တရားဝင် ကန့်ကွက်ကြောင်း မေ ၁၆ ရက် မွန်းလွဲပိုင်းတွင် မြန်မာဘက်ခြမ်း (တောင်ပြို-၀ဲဝင်ထွက်) တံတားအနီးရှိ ရှင်း လင်းဆောင်၌ ပြုလုပ်သည့် မြန်မာ- ဘင်္ဂလားဒေ့ရှ် နှစ်နိုင်ငံတပ်ရင်းမှူးအဆင့် တွေ့ဆုံဆွေးနွေးပွဲတွင် မြန်မာနိုင်ငံနယ်ခြား စောင့်ရဲတပ်ဖွဲ့ခွဲမှူးက ပြောကြားသည်။

မြန်မာ- ဘင်္ဂလားဒေ့ရှ် နယ်နိမိတ်မျဉ်းအနီး ယာယီနေထိုင်နေသူများနှင့် မြန်မာတာဝန်ရှိသူများ ဧပြီလအတွင်းက တွေ့ရစဉ်

အလားတူ နှစ်နိုင်ငံနယ်နိမိတ်မျဉ်းအနီး ဘင်္ဂလားဒေ့ရ်ှနိုင်ငံဘက်ခြမ်းတွင် CCTV ကင်မရာလေးလုံး တပ်ဆင်ခြင်းနှင့် လုံခြုံရေးဆိုလာမီးတိုင် ၁၀ တိုင် တပ်ဆင်ထားခြင်းများသည် တစ်ဖက်နိုင်ငံနယ်မြေ အခြေအနေများနှင့် လှုပ်ရှားမှုများကို စောင့်ကြည့်သတင်းရယူခြင်းဖြစ်၍ ကုလသမဂ္ဂ စည်းမျဉ်းအရ မလုပ်သင့်သည်ကို လုပ်သည့်သဘောဖြစ်၍ အမြန်ဖယ်ရှားပေးစေလိုကြောင်း၊ နှစ်နိုင်ငံနယ်နိ မိတ်မျဉ်းအနီး လူမနေထိုင်ရန် သတ်မှတ်ထားသည့် နေရာတွင် လူဦးရေတိုးလာမှုများကို ဘင်္ဂလားဒေ့ရှ် နိုင်ငံအနေဖြင့် လျစ်လျူရှုပြီး ထောက်ခံအားပေးသည့် သဘောဆောင်နေကြောင်း၊ အိမ်ထောင်စုများကို တိုးချဲ့လာမှု၊ ရွှေ့ပြောင်းလာမှုများကို ထိန်းသိမ်း ရန်အတွက် အသံချဲ့စက်ဖြင့် သတိပေး တားမြစ်မှုများ ဆောင်ရွက်နေရခြင်းဖြစ်ပြီး ဘင်္ဂလားဒေ့ရှ် နိုင်ငံဘက်မှ ပူးပေါင်းဆောင်ရွက်ပါက မိမိတို့အနေဖြင့် ထိုကဲ့သို့လုပ်ဆောင်ရန် မလိုကြောင်း၊ နှစ်နိုင်ငံနယ်နိမိတ်မျဉ်းအနီးရှိ အဆောက်အအုံမဆောက်လုပ်ရန် တားမြစ်ထားသည့် ဇုန်အတွင်း၌ တဲအသစ်များ ထပ်မံတိုးချဲ့ ဆောက်လုပ်ခြင်းများကို ရပ်ဆိုင်းပေးစေလိုပြီး ရိက္ခာလာရောက်ပေးပို့နေမှုများနှင့် လုံခြုံရေးလိုက်ပါကူညီပေးနေမှုများကို ကန့်ကွက်ပါကြောင်း မေ၂၃ ရက်က ဘင်္ဂလားဒေ့ရှ် နှစ်နိုင်ငံချစ်ကြည်ရေး တံတားအနီး ဘင်္ဂလားဒေ့ရ်ှဘက်ခြမ်းတွင် ပြုလုပ်ခဲ့သည့် မြန်မာ-ဘင်္ဂလားဒေ့ရှ် နှစ်နိုင်ငံနယ်ခြားစောင့်တပ်ရင်းမှူးများအဆင့် တွေ့ဆုံဆွေးနွေးပွဲတွင် မြန်မာဘက်က ကန့်ကွက်ခဲ့သည်။

အဆိုပါ Boundary Line တွင် ထရိန်း ကျေးရွာ၌ လူသတ်မှု၊ တပ်မတော်သားများ စီးလာသောယာဉ် ချုံခိုတိုက်ခိုက်ခံရမှုများ မဖြစ်ပွားမီ မော်လ၀ီဟာရှိမ်းတို့ ဦးဆောင်ပြီး ARSA အဖွဲ့ဝင် ၅၀ ကျော်ရှိခဲ့ပြီး လက်ရှိတွင် ARSA အဖွဲ့ဝင် ၂၀ ခန့်ရှိကြောင်း၊ အဆိုပါနေရာတွင် နေထိုင်သည့် အိမ်ထောင် စု ၁၀၅၀ တွင် အိမ်ထောင်စု ထက်ဝက်ကျော်သည် ဒုက္ခသည်စခန်းတွင် စာရင်းသွင်းထားပြီး ရိက္ခာထုပ်များ ရနေကြကြောင်း၊ မြန်မာ-ဘင်္ဂလားဒေ့ရှ် နှစ်နိုင်ငံ နယ်နိမိတ်မျဉ်းမှ မြန်မာနိုင်ငံဘက်ခြမ်းနယ်စပ် ခြံစည်းရိုးအကြား (နယ်စပ်မှတ်တိုင် – ၃၄ အနီး)တွင် နေထိုင်ခဲ့ပြီး ဧပြီ ၁၃ ရက်တွင် တောင်ပြိုလက်ဝဲ ၀င်ထွက်ဂိတ် (နှစ် နိုင်ငံချစ်ကြည်ရေး တံတားအနီး) မှ တောင်ပြို လက်ဝဲ စိစစ်ရေး စခန်းသို့ ၀င်ရောက်ခဲ့သည့် အဲဖ်တာအာလွမ်နှင့် မိသားစုများက မောင်တောခရိုင် အုပ်ျုပ်ရေးမှူးနှင့် တာဝန်ရှိသူများအား မေ ၁၅ ရက်တွင် ပြောကြားသည်။

ဘင်္ဂလားဒေ့ရှ် မူးယစ်ဆေး နှိမ်နင်းဖြိုခွင်းမှုတွင် လူ ၅၀ ကျော် သေဆုံး

ဧပြီ ၆ ရက်က တက်နက်ဖ်ကော့ဘဇားအဝေးပြေးလမ်းတွင် ခရီးသည်တင်ဘတ်စ်ကားပေါ်မှ ဖမ်းမိခဲ့သော ယာဘဆေးပြားများကို ဘင်္ဂလားဒေ့ရ်ှရဲတပ်ဖွဲ့က ပြသခဲ့စဉ် (Photo – AFP)

ဘင်္ဂလားဒေ့ရ်ှနိုင်ငံတစ်ဝန်းတွင် အာဏာပိုင်များက မူးယစ်ဆေးနှိမ်နင်းမှုကို အရှိန်မြှင့်လုပ်ဆောင်နေစဉ် မေ ၂၄ ရက်တွင် အပြန်အလှန်ပစ်ခတ်မှုများကြောင့် မူးယစ်ဆေးအရောင်းအ၀ယ်လုပ်သူ ကိုးဦးသေဆုံးခဲ့ရာ ၁၀ ရက်အတွင်း သေဆုံးသူ ၅၂ ဦး ထက်မနည်းရှိလာပြီ ဖြစ်သည်။

ဘင်္ဂလားဒေ့ရ်ှတွင် တစ်ရှိန်ထိုးတက်လာသည့် မူးယစ်ဆေးရောင်းဝယ်မှု အထူးသဖြင့် ယာဘဟု ခေါ်ဆိုသော မက်သာဖက် တမင်းဆေးပြားများကို ထိန်းချုပ်ရန် အပြင်းအထန်ကြိုးပမ်းနေစဉ် ယင်းနှိမ်နင်းမှု ဖြစ်ပေါ်လာခဲ့သည်။

လူ့အခွင့်အရေးအဖွဲ့များကမူ ယင်းသေဆုံးမှုများသည် တရားလက်လွန် သတ်ဖြတ်မှုများဟု ထုတ်ပြန်ခဲ့သည်။  မေ ၂၄ ရက်တွင် သေဆုံးခဲ့သူ ကိုးဦးအနက်နှစ်ဦးသည် မာဂူရာတွင် ပြိုင်ဘက်မူးယစ်ဆေး အရောင်းအ၀ယ်လုပ်သူများအကြား ပစ်ခတ်မှုကြောင့် သေဆုံးခဲ့သည်ဟု ခရိုင်ရဲအရာရှိချုပ် အီလီ အက်စ်ဟိုဆနီက ပြောကြားခဲ့သည်။

အရှေ့တောင်ပိုင်းရှိ Fen နှင့် Comilla ခရိုင်တို့တွင် လေးဦးသေဆုံးခဲ့ပြီး အခြားနေရာတွင် နောက်ထပ်သုံးဦးသေဆုံးခဲ့သည်ဟု တာဝန်ရှိသူများက ပြောကြားခဲ့သည်။

အစိုးရဦးစီးသည့် အမျိုးသားလူ့အခွင့်အရေး ကော်မရှင် (NHRC) က  မူးယစ်ဆေး နှိမ်နင်းသည့် လှုပ်ရှားမှုကို စိုးရိမ်ပူပန်ကြောင်း၊ တရားလက်လွန်သည့် သတ်ဖြတ်မှုများကို ထောက်ခံမည်မဟုတ်ကြောင်း ယခုသီတင်းပတ်တွင် ပြောကြားခဲ့သည်။

အာဏာပိုင်များသည် ပြီးခဲ့သည့်နှစ်တွင် ဆေးပြားသန်း ၄၀ ခန့်ကို စံချိန်တင် ဖမ်းဆီးမိခဲ့သော်လည်း ဈေးကွက်အတွင်း ဆေးပြားသန်း ၂၅၀ မှ ၃၀၀ ခန့်အထိ ရောက်ရှိခဲ့သည်ဟု ပြောကြားခဲ့သည်။

Ref ;AFP

ရခိုင်ပြည်နယ်တွင် ဘင်္ဂါလီ အကြမ်းဖက်အုပ်စုက ဟိန္ဒူများကို အစုလိုက်အပြုံလိုက် သတ်ဖြတ်ခဲ့သည်ဆိုသော Amnesty ၏ အစီရင်ခံစာကို မယုံကြည်ဟု ဘင်္ဂလားဒေ့ရ်ှနိုင်ငံခြားရေးဝန်ကြီး ပြောကြား

လွန်ခဲ့သောနှစ် သြဂုတ်လတွင် မြန်မာ နိုင်ငံ ရခိုင်ပြည်နယ်၌ ဟိန္ဒူအမျိုးသား၊ အမျိုးသမီးနှင့် ကလေး ၉၉ ဦးအထိ အစုလိုက် အပြုံလိုက် သတ်ဖြတ်ခဲ့သည့်အတွက် ဘင်္ဂါလီအကြမ်းဖက်အုပ်စုတွင် တာဝန်ရှိသည်ဟု အခိုင်အမာပြောဆိုထားသော အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့၏ ရုတ်တရက် ထွက်ပေါ်လာသော အစီရင်ခံစာကို ဘင်္ဂလားဒေ့ရ်ှနိုင်ငံခြားရေးဝန်ကြီး အဘူဟာဆန်မာမွတ်အလီက အံ့အားသင့်ကြောင်း ထုတ်ဖော်ပြောကြားခဲ့သည်။

မေ ၂၃ ရက်က နိုင်ငံခြားရေးဝန်ကြီးဌာနတွင်ပြုလုပ်ခဲ့သော သတင်းစာရှင်းလင်းပွဲတစ်ခုတွင် မေးမြန်းချက်တစ်ခုကို ဖြေကြားရာ၌ အပြည်ပြည်ဆိုင်ရာ လွတ်ငြိမ်းချမ်းသာခွင့် အဖွဲ့  အစီရင်ခံစာသည် အဘယ်ကြောင့် နောက်ကျလွန်းနေရသလဲဟု သူက မေးခွန်း ထုတ်ခဲ့ပြီး အစီရင်ခံစာထုတ်ပြန်ရခြင်း နောက်ကွယ်တွင် ရည်ရွယ်ချက်တချို့ ရှိကောင်းရှိနိုင်ကြောင်း မာမွတ်အလီက ပြောကြားခဲ့သည်။

ဘင်္ဂါလီတို့က မီးဖိုချောင်သုံးဓားများ၊ ဂေါ်ပြားများ၊ ကိုင်းညှပ် ကတ်ကြေးရှည်များကဲ့သို့သော အခြားလက်နက်များဖြင့် တိုက်ခိုက်ခဲ့သည်ဟု ၂၀၁၇ ခုနှစ်တွင် မြန်မာတပ်မတော်၏ထုတ်ပြန်ချက်ကို ကိုးကားလျက် ဘင်္ဂါလီများသည် ထိုလက်နက်များဖြင့် စစ်အခြေ စိုက်စခန်းများကို လက်နက်ကိုင်တိုက်ခိုက်ခြင်းအား မည်သို့လုပ်ဆောင်သလဲဟု သူက မေးခွန်းထုတ်ခဲ့သည်။

အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့၏ ယခုအစီရင်ခံစာကြောင့် ဘင်္ဂါလီများကို ပြန်လည်ပို့ဆောင်ရေးအတွက် မြန်မာ နှင့် ဘင်္ဂလားဒေ့ရှ် နှစ်နိုင်ငံဆွေးနွေးမှုများ အပေါ် အပျက်လက္ခဏာဆောင်သည့် အကျိုးသက်ရောက်မှုကို သူကပယ်ချခဲ့ပြီး ယနေ့အချိန်တွင် လူတို့ကအပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့၏ အစီရင်ခံစာကို မယုံကြည်ဟု နောက်ထပ်မေးခွန်းတစ်ခုကို သူက ဖြေကြားခဲ့သည်။

ဒုက္ခသည်များ ပြန်လည်ပို့ဆောင်ရေးကို မြန်မာနှင့်ဆွေးနွေးရာတွင် အလွန်ခက်ခဲနေသော်လည်း ဆွေးနွေးမှုများကို ဆက်လက် လုပ်ဆောင်လျက်ရှိပြီး ဘင်္ဂလားဒေ့ရ်ှက ပေးပို့ထားသော ဒုက္ခသည်စာရင်း ၈၀၃၂ မှ ၂၀၀၀ ကို မြန်မာဘက်က စစ်ဆေးအတည် ပြုပြီးပြီဟု မာမွတ်အလီက ဖြေကြားခဲ့သည်။

လွန်ခဲ့သော သြဂုတ်လတွင် ရဲကင်းများကို စီးနင်းတိုက်ခိုက်ချိန်နှင့် တစ်ပြိုင်တည်းမှာပင် အာဆာက မောင်တောမြို့နယ်မြောက်ပိုင်းရှိ ကျေးရွာစုများတွင် လူအစုလိုက် အပြုံလိုက် သတ်ဖြတ်မှုများကို လုပ်ဆောင်ခဲ့ခြင်းဖြစ်ကြောင်း ဘင်္ဂလားဒေ့ရ်ှနှင့် ရခိုင်ပြည်နယ်ရှိ ဒုက္ခသည်များကို တွေ့ဆုံမေးမြန်းမှုများက အတည်ပြုခဲ့သည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က ပြောကြားခဲ့သည်။ အာဆာသည် အခြားသောနေရာများတွင်ပါ ပိုမိုသေးငယ်သော အတိုင်းအတာဖြင့် အရပ်သားများအား အကြမ်းဖက်မှုကျူးလွန်ရာတွင် တာဝန်ရှိသည်ဟု ယခုတွေ့ရှိ ချက်များက ထောက်ပြခဲ့သည်။

ရခိုင်ပြည်နယ်တွင် ဘင်္ဂါလီအကြမ်းဖက်အုပ်စုက ဟိန္ဒူများကိုအစုလိုက် အပြုံလိုက် သတ်ဖြတ်ခဲ့သည်ဆိုသော အပြည်ပြည်ဆိုင်ရာ လွတ်ငြိမ်းချမ်းသာအဖွဲ့၏ အစီရင်ခံစာကို မယုံကြည်ဟု ဘင်္ဂလားဒေ့ရ်ှနိုင်ငံခြားရေးဝန်ကြီး ပြောကြား

မေ ၂၃ ရက်နေ့က ဘင်္ဂလားဒေ့ရှ် နိုင်ငံခြားရေးဝန်ကြီးဌာနတွင် ပြုလုပ်ခဲ့သော သတင်းစာရှင်းလင်းပွဲတွင် သတင်းထောက်များ၏ မေးမြန်းမှုကို ဖြေကြားနေသော နိုင်ငံခြားရေးဝန်ကြီး မာမွတ်အလီအား တွေ့ရစဉ် (Photo : Dhaka Tribune)

လွန်ခဲ့သောနှစ် သြဂုတ်လတွင် မြန်မာနိုင်ငံ ရခိုင်ပြည်နယ်၌ ဟိန္ဒူ အမျိုးသား၊ အမျိုးသမီးနှင့် ကလေး ၉၉ ဦးအထိ အစုလိုက် အပြုလိုက် သတ်ဖြတ်ခဲ့သည့်အတွက် ဘင်္ဂါလီလက်နက်ကိုင် အုပ်စုတွင် တာဝန်ရှိသည်ဟု အခိုင်အမာ ပြောဆိုထားသော အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ ၏ ရုတ်တရက် ထွက်ပေါ်လာသော အစီရင်ခံစာကို မယုံကြည်ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီး အဘူဟာဆန် မာမွတ်အလီက ထုတ်ဖော်ပြောကြားခဲ့သည်။

မေ ၂၃ ရက်နေ့က နိုင်ငံခြားရေးဝန်ကြီးဌာနတွင် ပြုလုပ်ခဲ့သော သတင်းစာရှင်းလင်းပွဲ တစ်ခုတွင် မေးမြန်းချက်တစ်ခုကို ဖြေကြားရာ၌ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ အစီရင်ခံစာသည် အဘယ်ကြောင့် နောက်ကျလွန်းနေရသလဲဟု သူကမေးခွန်းထုတ်ခဲ့ပြီး အစီရင်ခံစာ ထုတ်ပြန်ရခြင်း နောက်ကွယ်တွင် ရည်ရွယ်ချက်တချို့ ရှိကောင်း ရှိနိုင်ကြောင်း မာမွတ်အလီက ပြောကြားခဲ့သည်။

ဘင်္ဂါလီတို့က မီးဖိုချောင်သုံးဓားများ၊ ဂေါ်ပြားများ၊ ကိုင်းညှပ်ကက်ကြေးရှည်များ ကဲ့သို့သော အခြားလက်နက်များဖြင့် တိုက်ခိုက်ခဲ့သည်ဟု ၂၀၁၇ ခုနှစ်တွင် မြန်မာတပ်မတော်၏ ထုတ်ပြန်ချက်ကို ကိုးကားလျက် ဘင်္ဂါလီများသည် ဤကဲ့သို့သော လက်နက်များဖြင့် စစ်အခြေစိုက်စခန်းများကို လက်နက်ကိုင် တိုက်ခိုက်ခြင်းအား မည်သို့လုပ်ဆောင်သလဲဟု သူကပြောကြားခဲ့သည်။

အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့၏ ယခုအစီရင်ခံစာကြောင့် ဘင်္ဂါလီများကို ပြန်လည်ပို့ဆောင်ရေးအတွက် မြန်မာနှင့် ဘင်္ဂလားဒေ့ရှ် နှစ်နိုင်ငံ ဆွေးနွေးမှုများအပေါ် အပျက်လက္ခဏာ ဆောင်သည့် အကျိုးသက်ရောက်မှုကို သူကပယ်ချခဲ့ပြီး ယနေ့အချိန်တွင် လူတို့က အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့၏ အစီရင်ခံစာကို မယုံကြည်ဟု နောက်ထပ်မေးခွန်း တစ်ခုကို သူကဖြေကြားခဲ့သည်။

ဒုက္ခသည်များ ပြန်လည်ပို့ဆောင်ရေးကို မြန်မာနှင့် ဆွေးနွေးရာတွင် အလွန်ခက်ခဲ နေသော်လည်း ဆွေးနွေးမှုမျာကို ဆက်လက် လုပ်ဆောင်လျက်ရှိပြီး ဘင်္ဂလားဒေ့ရ်ှက ပေးပို့ထားသော ဒုက္ခသည်စာရင်း ၈၀၃၂ ထဲက ၂၀၀၀ ကို မြန်မာဘက်က စစ်ဆေးအတည်ပြုပြီးပြီဟု မာမွတ်အလီက ဖြေကြားခဲ့သည်။

လွန်ခဲ့သော သြဂုတ်လတွင် ရဲကင်းများကို စီးနင်းတိုက်ခိုက်ချိန်နှင့် တစ်ပြိုင်တည်းမှာပင် ARSA က မောင်တာမြို့နယ်မြောက်ပိုင်းရှိ ကျေးရွာစုများတွင် လူအစုလိုက် အပြုံလိုက် သတ်ဖြတ်မှုများကို လုပ်ဆောင်ခဲ့ခြင်း ဖြစ်ကြောင်း ဘင်္ဂလားဒေ့ရ်ှနှင့် ရခိုင်ပြည်နယ်ရှိ ဒုက္ခသည်များကို တွေ့ ဆုံမေးမြန်းမှုများက အတည်ပြုခဲ့သည်ဟု အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့က ပြောကြားခဲ့သည်။

ARSA အနေဖြင့် အခြားသော နေရာများတွင်ပါ ပိုမိုသေးငယ်သော အတိုင်းအတာဖြင့် အရပ်သားများအပေါ် အကြမ်းဖက်မှု ကျုးလွန်ရာတွင် တာဝန်ရှိသည်ဟု ယခုတွေ့ရှိချက်များက ညွှန်ပြလျက်ရှိသည်။

 

ဘင်္ဂလားဒေ့ရ်ှဘက်မှ ဆောက်လုပ်ရေးပစ္စည်းများ နယ်နိမိတ်မျဉ်းအနီးရှိ အဆောက်အအုံ မဆောက်လုပ်ရန် တားမြစ်ဧရိယာသို့ သယ်ဆောင်မှု ရှိနေသဖြင့် နှစ်နိုင်ငံနယ်စပ် လုံခြုံရေးအပေါ် ဆိုးကျိုး သက်ရောက်စေနိုင်ကြောင်း မြန်မာနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီးအား ခေါ်ယူအသိပေး

ဘင်္ဂလားဒေ့ရ်ှဘက်မှ အုတ်များ၊ ဆောက်လုပ်ရေးပစ္စည်းများ နယ်နိမိတ်မျဉ်းအနီးရှိ အဆောက်အအုံ မဆောက်လုပ်ရန် တားမြစ်ထားသည့် ဧရိယာသို့ သယ်ဆောင်လာမှုများ ရှိနေသည့်အတွက် နှစ်နိုင်ငံနယ်စပ် လုံခြုံရေးအပေါ် ဆိုးကျိုး သက်ရောက်စေနိုင်ကြောင်းဟု ပြည်ထောင်စုအစိုးရအဖွဲ့ရုံး ၀န်ကြီးဌာန ပြည်ထောင်စုဝန်ကြီးနှင့် အမျိုးသားလုံခြုံရေး အကြံပေးပုဂ္ဂိုလ် ဦးသောင်းထွန်းက မြန်မာနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီးအား ခေါ်ယူအသိပေးခဲ့ကြောင်း သိရသည်။

ပြည်ထောင်စုဝန်ကြီး ဦးသောင်းထွန်းသည် မေ ၂၃ ရက်တွင် ပြည်ထောင်စုအစိုးရအဖွဲ့ရုံး ၀န်ကြီးဌာန၌ မြန်မာနိုင်ငံဆိုင်ရာ ဘင်္ဂလားဒေ့ရှ် ပြည်သူ့သမ္မတနိုင်ငံ သံအမတ်ကြီး Mr. Manjurul Karim Khan Chowdhury အား ခေါ်ယူတွေ့ဆုံခဲ့ပြီး နှစ်နိုင်ငံ နယ်နိမိတ် မှတ်တိုင် အမှတ် (၃၄) နှင့် (၃၅) အကြား နယ်စပ် လုံခြုံရေးရာ ကိစ္စရပ်များအား ဆွေးနွေးကာ သတိထောက်လွှာကို ပေးအပ်သည့်ပွဲတွင် ပြောကြားခဲ့ခြင်း ဖြစ်ကြောင်း ပြန်ကြားရေးဝန်ကြီးဌာန၏ ထုတ်ပြန်ချက်အရ သိရသည်။

ပြည်ထောင်စုဝန်ကြီးက နယ်နိမိတ်မျဉ်း အနီးရှိ အဆောက်အအုံ မဆောက်လုပ်ရန် တားမြစ်ထားသည့် ဧရိယာအတွင်း ဘင်္ဂလားဒေ့ရ်ှနိုင်ငံက ဘန်ကာများ ဆောက်လုပ်ထားမှုအပေါ် မြန်မာနိုင်ငံက ကန့်ကွက်ထားသည့်ကိစ္စအား ထပ်လောင်း ပြောကြားခဲ့ကြောင်း သိရသည်။ ပြည်ထောင်စုဝန်ကြီးက ဘင်္ဂလားဒေ့ရ်ှဘက်မှ အုတ်များ၊ ဆောက်လုပ်ရေး ပစ္စည်းများအား နယ်နိမိတ်မျဉ်းအနီးရှိ အဆောက်အအုံ မဆောက်လုပ်ရန် တားမြစ်ထားသည့် ဧရိယာသို့ သယ်ဆောင်လာနေမှုများ ရှိနေသည်ကို ဘင်္ဂလားဒေ့ရှ် သံအမတ်ကြီးအား ထောက်ပြခဲ့ပြီး ယင်းလုပ်ရပ်သည် နှစ်နိုင်ငံ နယ်စပ်လုံခြုံရေးအပေါ် ဆိုးကျိုး သက်ရောက်မှုများ ဖြစ်ပေါ်လာစေနိုင်ကြောင်း ပြောကြားကြောင်း သိရသည်။

ပြည်ထောင်စုဝန်ကြီးက ဘင်္ဂလားဒေ့ရှ် နိုင်ငံအနေဖြင့် ဆောက်လုပ်ထားသည့် ဘန်ကာများ ဖယ်ရှားပေးရေးနှင့် အခြား အဆောက်အအုံများ ဆောက်လုပ်မှုကို တားဆီးပေးရန် တောင်းဆိုခဲ့သည်။ ဘင်္ဂလားဒေ့ရ်ှနိုင်ငံအနေဖြင့် နှစ်နိုင်ငံ သဘောတူညီချက်ပါ ပြဋ္ဌာန်းချက်များနှင့်အညီ လိုက်နာသွားရန် နှင့် နှစ်နိုင်ငံအကြား နားလည်မှု လွဲမှားစေမည့် လုပ်ရပ်များ လုပ်ဆောင်ခြင်းမှ တားဆီးပေးရန်လည်း ပြည်ထောင်စုဝန်ကြီးက ပြောကြားခဲ့ကြောင်း သိရသည်။

ဘင်္ဂါလီအရေးနှင့်ပက်သက်၍ မြန်မာအစိုးရကို ICC သို့တင်ရန် ဗြိတိသျှလွှတ်တော်အမတ်များ ကြိုးပမ်း

ဘင်္ဂလားဒေ့ရ်ှနိုင်ငံရှိ ဘင်္ဂါလီဒုက္ခသည်စခန်း တစ်ခုကို ဧပြီလ အတွင်းက တွေ့ရစဉ် (Photo – AFP)

အစိုးရကသဘောတူသော ဘင်္ဂါလီများကို လူမျိုးသုဉ်းသတ်ဖြတ်မှု၊ လူ့အခွင့်အရေး ချိုးဖောက်မှုတို့နှင့်သက်ဆိုင်သော သက်သေအထောက်အထားနှင့် ပက်သက်၍ မြန်မာအစိုးရကို အပြည်ပြည်ဆိုင်ရာ ရာဇ၀တ်မှုခုံရုံး (ICC) သို့ လွှဲပြောင်းပေးရန် ကြိုပမ်းမှုများကို ဗြိတိန်က ထောက်ခံသွားမည်ဖြစ်ကြောင်း ဗြိတိသျှလွှတ်တော် နိုင်ငံတကာဖွံ့ဖြ်ိုးရေးကော်မတီက လွှတ်တော်အမတ်များက ထုတ်ဖော်ပြောကြားခဲ့ကြသည်။

မြန်မာနိုင်ငံသို့ ပေးအပ်သည့် ဗြိတိန်အထောက်အပံ့ကို အပြည့်အ၀ပြန်လည်သုံးသပ်သွားရန်လည်း ၄င်းတို့က တောင်းဆိုခဲ့ကြသည်။ ဗြိတိန်သည် ၂၀၁၈ ခုနှစ်တွင် မြန်မာနိုင်ငံသို့ ပေါင်သန်း ၁၀၀ ထောက်ပံ့ကူညီခဲ့ပြီး ထိုပမာဏမှာ ဒီမိုကရေစီသို့ အသွင်ကူးပြောင်းနေပုံရသောကြောင့် ထိုအချိန်တုန်းက ပေးအပ်ရန် သဘောတူခဲ့သော ပမာဏဖြစ်သည်ဟုဆိုသည်။

ယင်းသို့အသွင်ကူးပြောင်းမှုကိုလည်း မတွေ့ ရသကဲ့သို့ စစ်မှန်သည့် ငြိမ်းချမ်းရေးလုပ်ငန်းစဉ် မှန်သမျှကိုလည်း မတွေ့ရကြောင်း ကော်မတီက ကောက်ချက်ချကာ မြန်မာအာဏာပိုင်တို့က နောက်ဆုံးအချိန်ရောက်မှ ဗီဇာငြင်းပယ်လိုက်သောကြောင့် ဗြိတိန်အထောက်အပံ့ စီမံကိန်းများကို လာရောက်ကြည့်ရှုကြရန် မြန်မာနိုင်ငံသို့ လာရောက်လည်ပတ်ခွင့်လည်း တားမြစ်ခံခဲ့ရသည်ဟု လွှတ်တော်ဖွံ့ ဖြိုးရေးကော်မတီက ဖြည့်စွက်ပြောကြားခဲ့သည်။

လုံခြုံရေးကောင်စီတွင် ဗီတိုအာဏာရှိသောအဖွဲ့ဝင် တရုတ်နိုင်ငံက အတိုက်အခံလုပ်ခဲ့သောကြောင့် ကုလသမဂ္ဂတွင် မြန်မာနိုင်ငံကို စုပေါင်းအရေးယူရေးမည့် စိတ်ကူးသည် ရပ်တန့်နေခဲ့ရသည်။

လုံခြုံရေးကောင်စီက မြန်မာနိုင်ငံကို ICC သို့ လွှဲပြောင်းပေးရေးနှင့် ထိပ်တန်းပုဂ္ဂိုလ်အားလုံးကို ပစ်မှတ်ထားသည့် ဘဏ္ဍာရေးပိတ်ဆို့မှုကို ပြုလုပ်နိုင်ရန် ဗြိတိန်နှင့် မဟာမိတ်နိုင်ငံများက ထောက်ခံမှုနည်းလမ်းကို ရှာဖွေနေကြောင်း ကော်မတီက ပြောကြားသည်။ မြန်မာနိုင်ငံသည် ICC တွင် ပါဝင်ရန် လက်မှတ်ရေးထိုးထားသော နိုင်ငံမဟုတ်ပေ။

ဘင်္ဂါလီများ ဘင်္ဂလားဒေ့ရ်ှနိုင်ငံသို့ ရောက်ရှိလာပုံကို ၄င်းအနေဖြင့် စုံစမ်းစစ်ဆေး၍ ရနိုင်၊ မရနိုင်ဆိုသည့် စီရင်ထုံးတစ်ရပ်ကို ရှာဖွေမည့် ICC ၏တရားစွဲဆိုရေးဆိုင်ရာ အကြီးအကဲ ဖာတူးဘင်ဆူးဒါး၏ လုပ်ဆောင်မှုကိုလည်း ကော်မတီက ကြိုဆိုသည်။

လွန်ခဲ့သောလက လုံခြုံရေးကောင်စီမှ သံတမန်များ မြန်မာနိုင်ငံကို လာရောက်လည်ပတ်ခဲ့ပြီးနောက် ဘင်္ဂါလီဒုက္ခသည်များ ဘေးကင်းစွာပြန်လာနိုင်ရေးကို ၄င်းတို့က တောင်းဆိုခဲ့သည်သာမက မြန်မာ့အချုပ်အခြာအာဏာကိုလည်း အသိအမှတ်ပြုကြောင်း ပြောဆိုခဲ့ကြသည်။ ၂၀၁၇ ခုနှစ် သြဂုတ်လတွင် ပဋိပက္ခဖြစ်ပွားခဲ့ပြီးနောက် ဘင်္ဂါလီ ၆၈၀၀၀၀ ကျော်သည် ရခိုင်ပြည်နယ်မှ ဘင်္ဂလားဒေ့ရ်ှနိုင်ငံသို့ ထွက်ပြေးခဲ့ကြသည်။

မြန်မာလုံခြုံရေးတပ်များက ဘင်္ဂါလီများအား မြန်မာနှင့် ဘင်္ဂလားဒေ့ရ်ှအကြား လူမနေသည့် ကမ်းမြောင်ဒေသမှ ထွက်ခွာသွားရန် လော်စပီကာများဖြင့် သတိပေးမှု ပြန်လည်ပြုလုပ်

မြန်မာနှင့် ဘင်္ဂလားဒေ့ရ်ှနိုင်ငံအကြား လူမနေသည့် ကမ်းမြောင်ဒေသမှနေ၍ ချက်ချင်းထွက်ခွာသွားရန် အမိန့်ပေးသည့် လော်စပီကာများဖြင့် ထုတ်လွှင့်မှုကို မြန်မာလုံခြုံ ရေးတပ်များက မေ ၂၀ ရက်တွင် ပြန်လည်ပြုလုပ်ခဲ့ကြောင်း ဒုက္ခသည်များက ပြောကြားခဲ့သည်။

မြန်မာနိုင်ငံ ရခိုင်ပြည်နယ်မှ ထွက်ပြေးလာသော ဘင်္ဂါလီဒုက္ခသည် ၇၀၀,၀၀၀ အနက် အများစုသည် ဘင်္ဂလားဒေ့ရ်ှနိုင်ငံရှိ စခန်းများတွင် နေထိုင်နေကြသော်လည်း ပမာဏ အနည်းငယ်သည် နှစ်နိုင်ငံအကြား နယ်စပ်ရှိ ကြားခံနယ်မြေတစ်ခု၌ နေထိုင်လျက်ရှိသည်။

အဆိုပါဒေသ၌ သောင်တင်နေသော ဘင်္ဂါလီများကို ယင်းနေရာမှ ချက်ချင်းထွက်ခွာ၍ ဘင်္ဂလားဒေ့ရ်ှနိုင်ငံထဲသို့ ၀င်ရောက်ရန် အမိန့်ပေးသည့် လော်စပီကာများဖြင့် ထုတ်လွှင့်မှုကို ရပ်ဆိုင်းရန် မြန်မာနိုင်ငံက ဖေဖော်ဝါရီလအတွင်း သဘောတူခဲ့သည်။

မြန်မာတပ်မတော်သည် သံဆူးကြိုး ကာရံထားသည့် အခြားဘက်တွင် စခန်းချ နေထိုင်လျက်ရှိသော ဒုက္ခသည်များနှင့် နီးကပ်သည့် နေရာမှ တပ်ဖွဲ့ဝင်အချို့ကိုလည်း ပြန်လည်ရုပ်သိမ်းပေးခဲ့သည်။

သို့သော် ယခုသီတင်းပတ်အကုန်တွင် သတိပေးခြင်းမရှိဘဲ လော်စပီကာဖြင့် ထုတ်လွှင့်မှုများကို ပြန်လည်ပြုလုပ်ခဲ့သည်ဟု ဘင်္ဂါလီ အသိုင်းအ၀ိုင်းခေါင်းဆောင်များက ပြောကြားခဲ့သည်။ ယင်းသည် နယ်ခြားဒေသ ကန့်သတ်ဇုန်၌ တင်းမာမှုများ ပိုမိုကြီးထွားအောင် ပြုလုပ်နေခြင်းဖြစ်သည်ဟု ဆိုသည်။

“သူတို့ မနေ့က အကြိမ်ပေါင်းများစွာ ထုတ်လွှင့်ပါတယ်။ ဒီမနက်မှာလည်း ထပ်ပြီးလွှင့်ပါတယ်။ ဒါက သိပ်ကို စိတ်အနှောင့်အယှက်ဖြစ်ရပြီး နာကြည်းအောင်လုပ်နေတာပါ” ဟု ယင်းဒေသ၌ နေထိုင်နေသည့် ဘင်္ဂါလီ ခေါင်းဆောင်တစ်ဦးဖြစ်သော မိုဟာမက်အရစ်က ပြောကြားခဲ့သည်။

အဆိုပါထုတ်လွှင့်မှုများကို မြန်မာဘာသာစကားဖြင့်လည်းကောင်း၊ ဘင်္ဂါလီဘာသာစကားဖြင့်လည်းကောင်း ထုတ်လွှင့်ခဲ့ပြီး မြန်မာနိုင်ငံ၏ တရားစီရင်ရေးလက်အောက်၌ရှိသော နေရာမှနေ၍ ထွက်ခွာသွားခြင်း မပြုပါက တရားစွဲဆိုမှုနှင့် ရင်ဆိုင်ရမည်ဖြစ်ကြောင်း သတိပေးခြင်းဖြစ်သည်။

ဒေသခံ ဘင်္ဂလားဒေ့ရ်ှနယ်ခြားစောင့် တပ်ဖွဲ့မှ စစ်ဦးစီးမှူးတစ်ဦးဖြစ်သော ဒုတိယ ဗိုလ်မှူးကြီး မန်ဇူရူးဟက်ဆန်ခန်းက ယင်းအနေအထားကို ၎င်းတို့အနေဖြင့် အနီးကပ် စောင့်ကြည့်နေသည်ဟု ပြောကြားခဲ့သည်။

“သူတို့က စခန်းအနီးက နယ်စပ်ခြံစည်းရိုးတွေတစ်လျှောက်က သစ်ပင်တွေမှာ လော်စပီကာတွေ ချည်ထားတာ ကျွန်တော်တို့ သတိပြုမိပါတယ်” ဟု ဟက်ဆန်ခန်းက ပြောကြားခဲ့သည်။

Ref; AFP

နှစ်နိုင်ငံနယ်နိမိတ်မျဉ်းအနီး အဆောက်အအုံ မဆောက်လုပ်ရဇုန်အတွင်း ဆောက်လုပ်ထားသည့် အဆောက်အအုံများ ဖျက်သိမ်းရန်အတွက် ပူးတွဲလုပ်ငန်းအဖွဲ့အစည်းအဝေးတွင် မြန်မာဘက်က ဘင်္ဂလားဒေ့ရ်ှအား တောင်းဆို

ဒုတိယအကြိမ် ပူးတွဲလုပ်ငန်းအဖွဲ့ အစည်းအဝေးကို ဘင်္ဂလားဒေ့ရ်ှနိုင်ငံ အစိုးရဧည့်ဂေဟာတွင် မေ ၁၇ ရက်က ပြုလုပ်နေစဉ်(ဓာတ်ပုံ- Dhaka Tribune)

နှစ်နိုင်ငံ နယ်နိမိတ်မျဉ်းအနီး အဆောက်အအုံ မဆောက်လုပ်ရဇုန်အတွင်း ဆောက်လုပ်ထားသည့် အဆောက်အအုံများ ဖျက်သိမ်းပစ်ရန်အတွက် ပူးတွဲလုပ်ငန်းအဖွဲ့အစည်းအဝေးတွင် မြန်မာဘက်မှ ဘင်္ဂလားဒေ့ရ်ှနိုင်ငံအား တောင်းဆိုခဲ့ကြောင်း မေ ၁၈ ရက်တွင် နိုင်ငံခြားရေးဝန်ကြီးဌာနက သတင်းထုတ်ပြန်သည်။

ဘင်္ဂလားဒေ့ရ်ှနိုင်ငံသို့ ရောက်ရှိနေသည့် နေရပ်စွန့်ခွာသွားသူများ ပြန်လည်ခေါ်ယူရေးဆိုင်ရာ ဒုတိယအကြိမ် ပူးတွဲလုပ်ငန်း အဖွဲ့ အစည်းအဝေးကို မေ ၁၇ ရက်က ဘင်္ဂလားဒေ့ရ်ှနိုင်ငံ အစိုးရဧည့်ဂေဟာတွင် ပြုလုပ်ခဲ့ကြောင်း ထုတ်ပြန်ချက်အရ သိရသည်။

အဆိုပါ ဒုတိယအကြိမ် ပူးတွဲလုပ်ငန်း အဖွဲ့အစည်းအဝေးသို့ မြန်မာနိုင်ငံ နိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးမြင့်သူနှင့် ဘင်္ဂလားဒေ့ရ်ှနိုင်ငံ နိုင်ငံခြားရေးဝန်ကြီးဌာန၊ နိုင်ငံခြားရေးအတွင်းဝန် မစ္စတာရှာ ဟီဒူလ်ဟတ်ခ်တို့က ပူးတွဲသဘာပတိအဖြစ် ဆောင်ရွက်ခဲ့ကြောင်း သိရသည်။

ပူးတွဲအစည်းအဝေး တက်ရောက်ခဲ့သည့် မြန်မာကိုယ်စားလှယ်အဖွဲ့တွင် သက်ဆိုင်ရာ ၀န်ကြီးဌာနများနှင့် ရခိုင်ပြည်နယ်အစိုးရတို့မှ ကိုယ်စားလှယ်များလည်း ပါဝင်ကြောင်း သိရသည်။

ယင်း အစည်းအဝေးတွင် ပြန်လည်ဝင်ရောက်လာသူများအတွက် အဆင်ပြေစေမည့် ပတ်ဝန်းကျင် ဖန်တီးထားရှိမှု အခြေအနေ၊ လုံခြုံရေးအစီအမံများ၊ ဘင်္ဂလားဒေ့ရ်ှနိုင်ငံသို့ ရောက်ရှိနေသည့် နေရပ်စွန့်ခွာသူများ၏ လက်ရှိအခြေအနေ၊ နိုင်ငံတကာ နယ်နိမိတ်မျဉ်းအနီးတွင် နေထိုင်လျက်ရှိသည့် နေရပ်စွန့်ခွာသူများနှင့်ပတ်သက်၍ ဖြစ်ပေါ်တိုးတက်မှုများနှင့် လူမှုအသိုက်အ၀န်းနှစ်ခုအကြား ယုံကြည်မှု တည်ဆောက်ရေးနှင့် ပြန်လည်ဝင်ရောက်လာမည့်သူများအကြား ဘင်္ဂလားဒေ့ရ်ှဘက်မှ သတင်းအချက်အလက်များ ဖြန့်ဝေဆောင်ရွက်ပေးမည့် အစီအစဉ်များနှင့် ပြန်လည်ခေါ်ယူရေးနှင့် ပြန်လည်နေရာချထားရေး လုပ်ငန်းစဉ်များတွင် ကုလသမဂ္ဂဆိုင်ရာ အဖွဲ့အစည်းများ ပါဝင်နိုင်မှု အခြေအနေတို့နှင့်ပတ်သက်၍ နှစ်ဖက်အမြင်ချင်းဖလှယ်ခဲ့ကြကြောင်း သတင်းထုတ်ပြန်ချက်တွင်ပါရှိသည်။

မြန်မာကိုယ်စားလှယ်အဖွဲ့က UEHRD လုပ်ငန်းစဉ်များ အပါအ၀င် ပြန်လည်လက်ခံရေးအတွက် စီစဉ်ထားရှိမှုများ၊ မြန်မာနိုင်ငံတွင် နေထိုင်ခဲ့ကြောင်း စိစစ်ရေးလုပ်ငန်းစဉ်များ၊ နိုင်ငံသားစိစစ်ရေး ကတ်ထုတ်ပေးမှု အခြေအနေနှင့် ပြန်လည်ခေါ်ယူရေး၊ နေရာချထားရေးနှင့် ပေါင်းစည်းရေးဆိုင်ရာ လုပ်ငန်းစဉ်များတွင် ပူးပေါင်းဆောင်ရွက်နိုင်ရန်အတွက် မြန်မာအစိုးရနှင့် ကုလသမဂ္ဂအဖွဲ့အစည်းများနှင့် ဆွေးနွေးနေမှု အခြေအနေများကို အသိပေးပြောကြားခဲ့ကြောင်း သိရသည်။

ထို့ပြင် မြန်မာနိုင်ငံအနေဖြင့် ဘင်္ဂလားဒေ့ရ်ှနိုင်ငံသို့ ရောက်ရှိနေသည့် စိစစ်ပြီး နေရပ်စွန့်ခွာသွားသူများ ပြန်လည်လက်ခံရန် ကြိုးပမ်းဆောင်ရွက်ထားရှိမှုနှင့် အဆင်သင့်ဖြစ်နေမှုများကို ထပ်လောင်းပြောကြားခဲ့ပြီး၊ ယခင်ပေးပို့ထားသည့် စိစစ်အတည်ပြုပြီး မူဆလင် ၇၇၈ ဦးနှင့် ဟိန္ဒူ ၄၄၄ ဦးအပြင် ဘင်္ဂ လားဒေ့ရ်ှနိုင်ငံဘက်မှ လက်ခံရရှိခဲ့သည့် ၈၀၃၂ ဦးအနက် (၂၀၁၈ ခုနှစ် မေ ၂ ရက် နေ့အထိ) စိစစ်ပြီး ၁၁၀၁ ဦးအား ဆောလျင်စွာ ပြန်လည်ပို့ဆောင်ရေးလုပ်ငန်းစဉ် စတင်ရန် ဘင်္ဂလားဒေ့ရ်ှဘက်သို့ တိုက်တွန်းပြောကြားခဲ့ကြောင်း သတင်းထုတ်ပြန်ချက်အရ သိရသည်။

ထို့အတူ ၁၉၉၈ ခုနှစ်တွင် ချုပ်ဆိုခဲ့သည့် မြန်မာ-ဘင်္ဂလားဒေ့ရှ် နှစ်နိုင်ငံအကြား နတ်မြစ်မြောက်ပိုင်း ကုန်းနယ်နိမိတ် သတ်မှတ်ခြင်းဆိုင်ရာ သဘောတူစာချုပ် အပိုဒ် ၁၄ ပါ အချက်ကို ချိုးဖောက်လျက် နှစ်နိုင်ငံနယ်နိမိတ်မျဉ်းအနီး အဆောက်အအုံမဆောက်လုပ်ရ ဇုန်အတွင်း ဆောက်လုပ်ထားသည့် အဆောက်အအုံများ ဖျက်သိမ်းပစ်ရန်အတွက် ဘင်္ဂလားဒေ့ရ်ှနိုင်ငံအား တောင်းဆိုခဲ့ကြောင်း သိရသည်။

ဘင်္ဂလားဒေ့ရ်ှဘက်မှ ပြန်လည်ခေါ်ယူရေး လုပ်ငန်းစဉ် စတင်နိုင်ရန်အတွက် စီစဉ်ဆောင်ရွက်ထားရှိမှုနှင့် နှစ်နိုင်ငံအကြား သဘောတူညီချက်များနှင့် စိစစ်ရေးပုံစံများနှင့်ပတ်သက်၍ ပြန်လည်ဝင်ရောက်မည့်သူ များအကြား နားလည်သဘောပေါက်မှု မြှင့်တင်ရန် ဆောင်ရွက်သွားမည့် အစီအမံများ အပါအ၀င် ဘင်္ဂလားဒေ့ရ်ှဘက်၌ ကြားစခန်းများ ဆောက်လုပ်ပြီးစီးမှု အခြေအနေတို့နှင့် ပတ်သက်၍ ဘင်္ဂလားဒေ့ရ်ှဘက်သို့ မေးမြန်းမှုများပြုလုပ်ခဲ့ကြောင်းလည်း သိရသည်။

ရခိုင်ပြည်နယ်ရှိ ပြည်သူအားလုံးအတွက် စဉ်ဆက်မပြတ် လူမှုစီးပွား ဖွံ့ဖြိုးတိုးတက်မှု၊ အသိုက်အ၀န်းများအကြား သဟဇာတဖြစ်မှု၊ ငြိမ်းချမ်းရေးနှင့် တည်ငြိမ်မှု ပြန်လည်ရရှိစေရန် ပတ်ဝန်းကျင် ဖန်တီးရာတွင် နိုင်ငံတကာ အသိုက်အ၀န်းအနေဖြင့် အတူတကွ လက်တွဲဆောင်ရွက်သွားရန် မြန်မာကိုယ်စားလှယ်အဖွဲ့က တိုက်တွန်းပြောကြားခဲ့ကြောင်း၊ ယင်းသို့ ဆောင်ရွက်ရာတွင် နှစ်ဖက် အပြန်အလှန်နားလည်မှု၊ ဓမ္မဓိဋ္ဌာန်ကျကျ အပြုသဘောဆောင်သည့် ပူးပေါင်းဆောင်ရွက်မှု၊ အပြန်အလှန်လေးစားမှုနှင့် နှစ်နိုင်ငံ သဘောတူညီချက်များကို လေးစားလိုက်နာရေးသည် ပြန်လည်ခေါ်ယူရေးလုပ်ငန်းစဉ်တွင် ကောင်းမွန်သောရလဒ်များ ရရှိစေမည်ဖြစ်ကြောင်း အလေးထား ပြောကြားခဲ့ ကြောင်း ထုတ်ပြန်ချက်တွင်ပါရှိသည်။

အလားတူ တတိယအကြိမ် ပူးတွဲလုပ်ငန်းအဖွဲ့ အစည်းအဝေးအား နေပြည်တော်၌ ကျင်းပသွားမည်ဖြစ်ပြီး ကျင်းပမည့် နေ့ရက် နှင့်အချိန်တို့အား သံတမန်လမ်းကြောင်းမှ တစ်ဆင့် ဆက်သွယ်ဆောင်ရွက်သွားမည် ဖြစ်ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။