အကြမ်းဖက်မှုဖြစ်စဉ်နောက်ပိုင်း ဘင်္ဂလားဒေ့ရ်ှမှ မြန်မာနိုင်ငံသို့ ၀င်ရောက်လာကြသူများ မိုးတွင်းကာလတွင် စားနပ်ရိက္ခာ အကူအညီမရသဖြင့် အခက်အခဲများ ဖြစ်ပေါ်

အောင်သပြေကျေးရွာအနီးတွင် ရောက်ရှိနေထိုင်သူများ၏ တဲများအား တွေ့ရစဉ်

အကြမ်းဖက်မှုနောက်ပိုင်း ဘင်္ဂလားဒေ့ရ်ှနိုင်ငံမှ မြန်မာနိုင်ငံသို့ ၀င်ရောက်လာကြသူများမှာ မိုးတွင်းကာလတွင် စားနပ်ရိက္ခာ ထောက်ပံ့မှု အကူအညီမရသဖြင့် အခက်အခဲများ ဖြစ်ပေါ်နေကြောင်း သိရသည်။

ဘင်္ဂလားဒေ့ရ်ှနိုင်ငံမှ ၀င်ရောက်လာပြီး မောင်တောမြို့နယ်မြောက်ပိုင်း အောင်သပြေကျေးရွာတွင် ခိုလှုံရောက်ရှိနေသူ ဦးရွှေလှမောင်က “အခုစားဝတ်နေရေး အခက်အခဲ ဖြစ်ပေါ်နေပါတယ်။ အလုပ်တွေလည်း မရှိပါဘူး။ မြို့ပေါ်သွားပြီး အလုပ်လုပ်မယ်ဆိုရင်လဲ မဖြစ်ပြန်ဘူး။ ရပ်ရွာအုပ်ချုပ်ရေးက ပြောထားတဲ့အတိုင်း နေနေရတယ်။ ဒေသအခြေအနေကလည်း ဘာဖြစ်လာမလဲဆိုတာ ပြောဖို့ခက်တော့ နေတဲ့ရွာမှာပဲ ကင်းစောင့်နေရတယ်။ ရောက်စကတော့ အစိုးရကရော၊ လူမှုအဖွဲ့အစည်းတို့ ကြက်ခြေနီအဖွဲ့တို့ကလာပြီး ကူညီထောက်ပံ့တာရှိတယ်။ အခုမိုးတွင်းကာလမှာတော့ လမ်းကဆိုးလို့ မရောက်လာကြတော့ဘူး။ ဒါကြောင့် စားနပ်ရိက္ခာ အခက်အခဲ ရှိနေတာပါ။ အခုကျွန်တော်တို့ အခက်အခဲက စားနပ်ရိက္ခာ အခက်အခဲဖြစ်ပြီးတော့ ဆန်အပါအ၀င် ငါးပိ၊ ဆီ၊ ဆား အရေးပေါ် လိုအပ်နေပါတယ်” ဟု ပြောကြားသည်။

ဘင်္ဂလားဒေ့ရ်ှနိုင်ငံ ဘင်ဒရာဘင်ခရိုင် တန်းဆိပ်မြို့နယ်အရှေ့ပိုင်းတွင် တောင်ယာလုပ်ငန်းလုပ်ကိုင်ကာ နေထိုင်လာခဲ့သူများ ဖြစ်သော်လည်း ဘင်္ဂလားဒေ့ရ်ှအစိုးရက တောင်ယာလုပ်ငန်း လုပ်ကိုင်ခြင်းကို ကန့်သတ်လာခြင်းကြောင့် အလုပ်လက်မဲ့ဖြစ်ကာ အခက်အခဲများ ဖြစ်ပေါ်လာသဖြင့် ရခိုင်ပြည်နယ်သို့ ၀င်ရောက်လာခြင်းဖြစ်ကြောင်း သိရသည်။

“ကျွန်တော်တို့က တောင်ယာလုပ်ငန်းကို လုပ်ကိုင်ပြီး နေလာခဲ့တာပါ။ ဒါပေမဲ့ အခုဆိုရင် ဘင်္ဂလားဒေ့ရ်ှအစိုးရက တောင်ယာလုပ်ဖို့ တောကိုမီးမရှို့ရဘူးလို့ တားမြစ်လာတဲ့အခါ ကျွန်တော်တို့ အလုပ်လက်မဲ့ဖြစ်လာတယ်။ နောက်စိုက်ခင်းကထွက်တဲ့ အသီးအနှံတွေကိုဆိုလည်း ငွေကောက်ခံတယ်။ ၀ါးတွေ ခုတ်ရောင်းရင်လည်း ဂိတ်တွေက မသွားရဘူး တားလာတယ်။ နောက်ပညာရေး၊ ကျန်းမာရေးအတွက် ကျောင်းမရှိဘူး။ ဆေးခန်းမရှိဘူး။ ဆိုတော့ ကျွန်တော်တို့ ဘယ်လိုမှနေလို့ မရတော့တဲ့အတွက် မြန်မာနိုင်ငံထဲကို ၀င်လာတာပါ။ ဒီမှာ ဘယ်လိုအခက်အခဲရှိရှိ ပြန်တော့မသွားတော့ဘူး” ဟု ၎င်းက ဆိုသည်။

အောင်သပြေကျေးရွာတွင် ရခိုင်တိုင်းရင်းသား မိသားစု ၂၄ စု၊ လူဦးရေ ၈၁ ဦးတို့မှာ သက်ဆိုင်ရာမှ ထောက်ပံ့သည့် တာပေါ်လင်တဲများတွင် နေထိုင်ကြပြီး မိုးတွင်းကာလ အလုပ်လက်မဲ့ဖြစ်နေ၍ စားဝတ်နေရေး အဆင်မပြေမှုများ ဖြစ်နေကြောင်း သိရသည်။

အဆိုပါ မိသားစုများသည် မတ်လအတွင်းမှ စတင်ကာ ရခိုင်ပြည်နယ်အတွင်းသို့ ရောက်ရှိလာခဲ့ခြင်းဖြစ်ကာ ရွက်ဖျင်တဲထိုးပြီး အောင်သပြေရွာနှင့် ကပ်လျက်နေရာတွင် နေထိုင်ကြရသော်လည်း ၀င်ငွေရသော အလုပ်ကိုင်များ လုပ်ကိုင်နိုင်ရန် အခွင့်အလမ်းများ မရှိခြင်း၊ လယ်လုပ်ငန်းနှင့် သစ်ဝါးခုတ်ပြီး ရောင်းချစားသောက်ရန် အတွက်လည်း တောတောင်သို့ သွားရောက်ရန် စိုးရိမ်နေရခြင်းများကြောင့် စားသောက်ရေးနှင့် ကျန်းမာရေးအတွက် အခက်အခဲများ ဖြစ်ပေါ်လာခဲ့ရခြင်း ဖြစ်ကြောင်းလည်း သိရသည်။

၂၀၁၈ နှစ်ဆန်းပိုင်း ဖေဖော်ဝါရီ ၂၁ ရက်မှ စတင်ကာ လက်ရှိအချိန်အထိ မောင်တောမြို့နယ်မြောက်ပိုင်း အောင်သပြေကျေးရွာတွင် ဘင်္ဂလားဒေ့ရ်ှနိုင်ငံ ဘန်ဒရာဘန်ခရိုင် တန်းဆိပ်မြို့နယ် မော်တုတ်ကြီးကျေးရွာမှ ရခိုင်အိမ်ထောင်စု ၂၄ စု စုစုပေါင်း လူဦးရေ ၈၁ ဦး၊ သစ်တုံးနားခွဆုံ ကျေးရွာသစ်တွင် ဘင်္ဂလားဒေ့ရ်ှနိုင်ငံ ဘန်ဒရာဘန်ခရိုင် တန်းဆိပ်မြို့နယ်၊ လမားကျေးရွာမှ မြိုမိသားစု ၃၀ စု၊ လူဦးရေ ၁၅၅ ဦးနှင့် ဒိုင်းနက်မိသားစု လေးစု၊ လူဦးရေ ၂၇ ဦး၊ စုစုပေါင်း လူဦးရေ ၁၈၂ ဦးနှင့် သုပဏ္ဏကကျေးရွာတွင် ဘင်္ဂလားဒေ့ရ်ှနိုင်ငံ အလယ်ခေါ်တော်ခရိုင် ဘော်ဘီတီကျေးရွာမှ မြိုမိသားစု ၁၁ စု၊ လူဦးရေ ၆၃ ဦး၊ တောင်ပြိုနယ်စပ် နံ့သာတောင် ကျေးရွာတွင် ရခိုင်လူမျိုးခြောက်ဦးနှင့် မီးတိုက်ကျေးရွာတွင် ဘင်္ဂလားဒေ့ရ်ှနိုင်ငံ ဘန်ဒရာဘန်ခရိုင် အလီခေါ်တောင်မြို့နယ် ရွမ်ဘို (ဒိုင်းနက်) ရွာမှ ဒိုင်းနက်လူမျိုး ၁၃ ဦးတို့ ရောက်ရှိနေခြင်းဖြစ်ပြီး စုစုပေါင်း လူဦးရေ ၃၄၅ ဦး ရောက်ရှိနေခြင်း ဖြစ်ကြောင်းလည်း သိရသည်။ ၎င်းတို့သည် ဘင်္ဂလားဒေ့ရ်ှနိုင်ငံတွင် ဘိုးဘွားလက်ထက်ကပင် နေထိုင်ခဲ့သူများ ဖြစ်သော်လည်း နေထိုင်စားသောက်ရေး ခက်ခဲခြင်း၊ အစ္စလာမ်ဘာသာဝင်အချို့မှ လူမျိုးရေး၊ စီးပွားရေး အနိုင်ကျင့် ခြိမ်းခြောက်ခြင်းတို့ကြောင့် မောင်တောမြို့နယ်မြောက်ပိုင်းရှိ ဆွေမျိုးများနှင့် ဆက်သွယ်ကာ ၎င်းတို့ဆန္ဒအလျောက် မြန်မာနိုင်ငံတွင် နေထိုင်ရန် ရည်ရွယ်ချက်ဖြင့် ထွက်ပြေးလာကြခြင်းဖြစ်သည်။

ဘင်္ဂလားဒေ့ရ်ှမှ ပြန်ဝင်လာသူများအား ကျန်းမာရေးစောင့်ရှောက်ရန် ပြန်လည်လက်ခံရေးစခန်းနှင့် ကြားစခန်းများတွင် ကျန်းမာရေးဝန်ထမ်းများ အလှည့်ကျ တာဝန်ချမည်

ဘင်္ဂလားဒေ့ရ်ှနိုင်ငံဘက်မှ ပြန်လည်ဝင်ရောက်လာသူများအား ကျန်းမာရေး စောင့်ရှောက်မှုပေးရန် ပြန်လည်လက်ခံရေးစခန်းနှင့် ကြားစခန်းများတွင် ဆေးပေးခန်းများ ပြင်ဆင်ထားပြီး ကျန်းမာရေးဝန်ထမ်းများကို အလှည့်ကျ တာဝန်ချထားပေးမည်ဖြစ်ကြောင်း သိရသည်။

ကျန်းမာရေးနှင့် အားကစားဝန်ကြီးဌာန အနေဖြင့် မောင်တောဒေသအတွင်းသို့ တစ်ဖက်နိုင်ငံမှ ပြန်လည်ဝင်ရောက်လာသူများကို ကျန်းမာရေး စောင့်ရှောက်မှုပေးရန် တောင်ပြိုလက်ဝဲ ပြန်လည်လက်ခံရေးစခန်း၊ ငါးခူရပြန်လည် လက်ခံရေးစခန်းများနှင့် လှဖိုးခေါင်ကြားစခန်းတို့၌ လိုအပ်သည့် ကြိုတင် ပြင်ဆင်မှုများအား ဆောင်ရွက်ထားကြောင်းနှင့် ဇူလိုင် ၁၇ ရက်က ကျန်းမာရေးနှင့် အားကစားဝန်ကြီးဌာန၊ ဒုတိယညွှန်ကြားရေးမှူးချုပ်နှင့် ရခိုင်ပြည်နယ် ကျန်းမာရေးဦးစီး ဌာနမှူးတို့နှင့်အတူ ပူးပေါင်းလိုက်ပါပြီး မောင်တောဒေသအတွင်းရှိ ပြန်လည်လက်ခံရေးစခန်းများ၊ ကြားစခန်းနှင့် ပြန်လည်နေရာချထားပေးမည့် နေရာများသို့ ကွင်းဆင်းခဲ့ကြောင်း သိရသည်။

“ပြန်လည်လက်ခံရေးစခန်းတွေအပြင် အခုကြားစခန်းတွေမှာပါ ကျန်းမာရေး စောင့်ရှောက်မှုတွေ ပေးနိုင်ဖို့ ပြင်ဆင်ထားတယ်။ အခု လှဖိုးခေါင်ကြားစခန်းမှာဆိုရင် ပုံမှန်ကျန်းမာရေး စောင့်ရှောက်မှုတွေအပြင် ကိုယ်ဝန်ဆောင်မိခင်တွေ မီးဖွားနိုင်ဖို့ သားဖွားခန်းတွေ၊ ဆေးဝါးနဲ့ ဆေးပစ္စည်းတွေ ထောက်ပံ့ထားတယ်။ စခန်းတွေအတွက် ကျန်းမာရေး ၀န်ထမ်းတွေကိုလည်း အလှည့်ကျပုံစံနဲ့ တာဝန်ချထားပေးမယ်။ နောက် ရေကောင်းရေသန့်ရဖို့တွေ အိမ်သာနဲ့ ပတ်ဝန်းကျင် သန့်ရှင်းမှုရှိဖို့အတွက်လည်း ပြင်ဆင်နေပါတယ်” ဟု ကျန်းမာရေးနှင့် အားကစားဝန်ကြီးဌာနမှ ဒုတိယညွှန်ကြားရေးမှူးချုပ် ဒေါက်တာသန်းထွန်းအောင်က ပြောကြားသည်။

လက်ရှိ ဘင်္ဂလားဒေ့ရ်ှနိုင်ငံဘက်မှ ပြန်လည်ဝင်ရောက်လာသူများအား ကျန်းမာရေး စောင့်ရှောက်မှုပေးနိုင်ရန် ပြန်လည်လက်ခံရေး စခန်းများအပြင် ကြားစခန်းများတွင်ပါ ဆေးပေးခန်းများ ပြင်ဆင်ဆောင်ရွက်လျက် ရှိကြောင်းနှင့် ပြည်ထောင်စုအစိုးရ၊ ရခိုင်ပြည်နယ် အစိုးရတို့ အနေဖြင့် ရခိုင်ပြည်နယ်အတွင်း နေထိုင်လျက်ရှိသော လူ့အဖွဲ့အစည်းများအား ဘာသာရေး၊ လူမျိုးရေး၊ ကျား/မ ဆိုင်ရာ သို့မဟုတ် နိုင်ငံသားဖြစ်တည်မှုတို့ အပေါ် အခြေခံသည့် ခွဲခြားမှုများကို မပြုလုပ်ဘဲ ထိုအဖွဲ့အစည်းများအားလုံး တူညီသော ကျန်းမာရေးဆိုင်ရာ ဆေးကုသခွင့်များ တစ်ပြေးညီရရှိရန် လုပ်ဆောင်ပေးလျက်ရှိကြောင်း သိရသည်။

ဝန်ကြီးဌာနအနေဖြင့် ဆေးရုံများအားလုံး၌ မည်သည့်လူမျိုးဖြစ်စေ၊ မည်သည့်ဘာသာ ကိုးကွယ်သည်ဖြစ်စေ၊ ကျား/မဖြစ်စေ၊ မည်သည့်နိုင်ငံသားဖြစ်စေ ဆေးကုသခွင့်ရရှိရေးအတွက် ဆောင်ရွက်လျက်ရှိပြီး ထိုသို့ဆက်လက် ဆောင်ရွက်နိုင်ရေးအတွက် ဆေးရုံများနှင့် ကျန်းမာရေးဌာနများ အားလုံးသို့ ညွှန်ကြားချက်များ ထပ်မံထုတ်ပြန်သွားရန် ရှိကြောင်းနှင့် ရွေ့လျားဆေးအဖွဲ့များဖြင့် ဆေးကုသပေးခြင်းနှင့် ပြည်သူ့ကျန်းမာရေး စောင့်ရှောက်မှုလုပ်ငန်းများ (ကာကွယ်ဆေးထိုးနှံပေးခြင်း၊ အာဟာရ စောင့်ရှောက်မှုပေးခြင်း၊ မိခင်နှင့် ကလေးကျန်းမာရေး စောင့်ရှောက်မှုလုပ်ငန်းများ စသည့်လုပ်ငန်းများ) ဆောင်ရွက်ရာ၌လည်း ခွဲခြားမှုမျိုး မရှိစေရေးအတွက် ဆောင်ရွက်ထားပြီး ပြည်နယ်၊ ခရိုင်၊ မြို့နယ်နှင့် အောက်ခြေအဆင့်များအားလုံးသို့ ညွှန်ကြားချက်များ ထုတ်ပြန်ထားကြောင်း သိရသည်။

ကုလသမဂ္ဂလုံခြုံရေးကောင်စီက မြန်မာနှင့် ဘင်္ဂလားဒေ့ရ်ှနိုင်ငံများသို့ သွားရောက်ခဲ့သည့် အချက်အလက်ရှာဖွေရေး ခရီးစဉ်နှင့် ပတ်သက်၍ ကြေညာချက် ထုတ်ပြန်

ကုလသမဂ္ဂလုံခြုံရေးကောင်စီအဖွဲ့ဝင်များသည် ဧပြီ ၂၈ ရက်မှ မေ ၁ ရက်အထိ မြန်မာနှင့် ဘင်္ဂလားဒေ့ရ်ှနိုင်ငံများသို့ အချက်အလက် ရှာဖွေရေးခရီးစဉ်တစ်ရပ် သွားရောက်ခဲ့ပြီးနောက် မေ ၁၀ ရက်တွင် ကြေညာချက်တစ်စောင် ထုတ်ပြန်ခဲ့သည်။

ယင်းတွင် လုံခြုံရေးကောင်စီက ဘင်္ဂါလီ မွတ်စလင်ဒုက္ခသည်များ နေရပ်သို့ ဘေးကင်းလုံခြုံစွာ ပြန်နိုင်ရေးအတွက် အားထုတ်မှုများကို အရှိန်မြှင့်ရန် မြန်မာနိုင်ငံအား တောင်းဆိုခဲ့သည်။ သို့သော် လူ့အခွင့်အရေး ချိုးဖောက်မှုများဟု ရည်ညွှန်းသည့် အစောပိုင်းမူကြမ်းမှ စာသားများကို ဖြုတ်ထားပစ်ခဲ့သည်။

ဘင်္ဂါလီမွတ်စလင်ဒုက္ခသည်များနှင့် ရခိုင်ပြည်နယ်အတွင်း၌ ပြည်တွင်း၌ပင် နေရာရွှေ့ပြောင်းခံရသည့် လူများအား ဘေးကင်းလုံခြုံစွာ၊ မိမိတို့၏ သဘောဆန္ဒအလျောက် သိက္ခာရှိစွာ ပြန်လာနိုင်ရေးအတွက် အထောက်အကူဖြစ်စေသည့် အခြေအနေရပ်များ ဖန်တီးရေးအတွက် အားထုတ်မှုများကို အရှိန်မြှင့်ရန်နှင့် ပဋိပက္ခဖြစ်ပွားရခြင်း၏ ဇာစ်မြစ်အကြောင်းရင်းများကို ဖြေရှင်းရန် ကုလသမဂ္ဂလုံခြုံရေးကောင်စီက မြန်မာနိုင်ငံအား တောင်းဆိုခဲ့သည်။

ပြင်သစ်နှင့် အမေရိကန်ပြည်ထောင်စုတို့က ကျောထောက်နောက်ခံပြုပေးလျက် ဗြိတိန်နိုင်ငံက ရေးသားသည့် ယခင်မူကြမ်းတစ်ရပ်တွင် လူ့အခွင့်အရေးချိုးဖောက်မှုများ နှင့် ပတ်သက်သော စွပ်စွဲချက်များကို ပွင့်လင်း မြင်သာမှုရှိသည့် စုံစမ်းစစ်ဆေးမှုများပြုလုပ်ရန် စာသားများကို ထည့်သွင်းထားခဲ့သော်လည်း ယင်းတို့အား တရုတ်နိုင်ငံက ပယ်ချခဲ့သည်။

မေ ၈ ရက်က လူ့အခွင့်အရေးဆိုင်ရာ စောင့်ကြည့်ရေးအဖွဲ့ (HRW) ၊ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (AI) ၊ အခွင့်အရေးများ ခုခံကာကွယ်ရေးအဖွဲ့ (Fortify Rights) နှင့် R2P ဆိုင်ရာ ကမ္ဘာ့စင်တာတို့ ပါဝင်သော NGO အဖွဲ့ လေးဖွဲ့က  မြန်မာနိုင်ငံတွင် ကျူးလွန်ခဲ့သည်ဟုဆိုသော လူသားဆန်မှုကို ချိုးဖောက်သည့် ရာဇ၀တ်မှုများအတွက် အပြည်ပြည်ဆိုင်ရာ ရာဇ၀တ်ခုံရုံး (ICC) သို့ လွှဲပြောင်းပေးရန် ကုလသမဂ္ဂအား တောင်းဆိုခဲ့သည်။

ရခိုင်ပြည်နယ်မြောက်ပိုင်းတွင် ၂၀၁၇ ခုနှစ် သြဂုတ်လအတွင်းက ပြုလုပ်ခဲ့သော တပ်မတော်စစ်ဆင်ရေးတစ်ရပ်ကြောင့် ဘင်္ဂါလီ မွတ်စလင် ၇၀၀,၀၀၀ ကျော် ထွက်ပြေးသွားခဲ့ပြီးနောက် မြန်မာနိုင်ငံသည် နိုင်ငံတကာ အသိုင်းအ၀ိုင်း၏ စောင့်ကြည့်မှုကို ခံနေရသည်။

မြန်မာနိုင်ငံက တပ်မတော်စစ်ဆင်ရေးသည် အကြမ်းဖက်သမားများကို ချေမှုန်းရန် ရည်ရွယ်ခြင်းဖြစ်ကြောင်း ပြောကြားခဲ့ပြီး ကုလသမဂ္ဂ၊ ဗြိတိန်၊ ပြင်သစ်နှင့် အမေရိကန်တို့က စွပ်စွဲသည့် လူမျိုးစုလိုက် သုတ်သင်မှု ဟူသည်ကို ပယ်ချခဲ့သည်။

ဘင်္ဂလားဒေ့ရ်ှနိုင်ငံဘက်သို့ ရောက်ရှိနေပြီး မြန်မာနိုင်ငံ၌နေခဲ့ကြောင်း အထောက်အထားရှိသူမှန်သမျှ နှစ်နိုင်ငံသဘောတူညီစာချုပ်ပါအတိုင်း အမြန်ဆုံးပြန်လည်လက်ခံရန် ဆန္ဒရှိကြောင်း ပြည်ထောင်စုဝန်ကြီး ရှင်းလင်း

ရန်ကုန်မြို့၌ ဧပြီ ၁၉ ရက်က ပြည်ထောင်စုဝန်ကြီး ဒေါက်တာဝင်းမြတ်အေး ဦးဆောင်သော ကိုယ်စားလှယ်အဖွဲ့ ဘင်္ဂလားဒေ့ရ်ှနိုင်ငံသို့ သွားရောက်ခဲ့သည့် ခရီးစဉ်နှင့်ပတ်သက်၍ မီဒီယာများအား ရှင်းလင်းပြောကြားနေစဉ်

ဘင်္ဂလားဒေ့ရ်ှနိုင်ငံဘက်သို့ ရောက်ရှိနေပြီး မြန်မာနိုင်ငံ၌နေခဲ့ကြောင်း အထောက်အထားရှိသူမှန်သမျှကို နှစ်နိုင်ငံသဘောတူညီစာချုပ်ပါအတိုင်း အမြန်ဆုံးပြန်လည်လက်ခံရန် ဆန္ဒရှိကြောင်း ပြည်ထောင်စုဝန်ကြီးများက ရှင်းလင်းပြောကြားသည်။

ရန်ကုန်မြို့ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ၌ ဧပြီ ၁၉ ရက်ကပြုလုပ်သည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး ခေါင်းဆောင်သော မြန်မာကိုယ်စားလှယ်အဖွဲ့ ဧပြီ ၁၁ ရက်မှ ၁၃ ရက်အထိ ဘင်္ဂလားဒေ့ရ်ှနိုင်ငံ ကော့ခ်ဘဇားနှင့် ဒါကာသို့ သွားရောက်ခဲ့သည့် ခရီးစဉ်နှင့်ပတ်သက်၍ သတင်းစာရှင်းလင်းပွဲတွင် ပြည်ထောင်စုဝန်ကြီးများက အထက်ပါကဲ့သို့ ထည့်သွင်းပြောကြားခဲ့ခြင်းဖြစ်သည်။

“ကျွန်တော်တို့ အမြန်ဆုံးပြန်လည်လက်ခံဖို့ ကျွန်တော်တို့မှာ ဆန္ဒရှိတယ်။ ဒီမှာနေခဲ့ဖူးတဲ့ လူမှန်သမျှကိုလည်း ဦးရေသတ်မှတ်ချက် မဟုတ်ဘဲနဲ့ ကျွန်တော်တို့သတ်မှတ် နှစ်နိုင်ငံသဘောတူစာချုပ်ထဲမှာပါတဲ့အတိုင်း ကျွန်တော်တို့ ချက်ချင်းပြန်လက်ခံချင်တဲ့ ဆန္ဒရှိတယ်။ ဒီရာသီဥတုကလည်း မုတ်သုံရာသီကလည်း ၀င်တော့မယ်။ ဒါကြောင့် ကျွန်တော်တို့ အဲဒီဘက်ကိုသွားတယ်။ သွားတယ်ဆိုတာ ဘာလဲဆိုတော့ ပြန်လည်လက်ခံဖို့ နှောင့်နှေးနေတဲ့အတွက်ကြောင့် နှောင့်နှေးနေတဲ့အချက်တွေ ဘာတွေရှိလဲ။ ဘာကြောင့်နှောင့်နှေးရလဲဆိုတာကို သိအောင်လို့ ကိုယ်တိုင်သွားတာဖြစ်ပါတယ်။ သွားတဲ့အခါကျတော့ အခုပြောတဲ့အတိုင်းပဲ တကယ်ပဲနှောင့်နှေးကြောင်းက ပုံစံတွေကို သူတို့ ပုံစံတကျ ဖြည့်ထားတာမရှိဘူး။ ဖြည့်ပြီးတော့ ပို့တဲ့ပုံစံတွေကလည်း ပုံစံမကျလို့ ကျွန်တော်တို့မှာစစ်ဆေးရတာ ခက်တယ်။ ဒါကြောင့် ကြန့်ကြာတယ်။ ဆိုတော့ အဖြေကထွက်ခဲ့ပါတယ်” ဟု ဒေါက်တာဝင်းမြတ်အေးက ရှင်းလင်းပြောကြားသည်။

“ကျွန်တော်တို့မှာ ပုံစံရှိပါတယ်။ ဘယ်သူရယ်၊ ဘယ်ဝါရယ်ဆိုပြီးတော့ လက်ခံတာ မဟုတ်ပါဘူး။ အဲဒီပုံစံမှာ သူကြိုက်တာသူဖြည့်။ ကျွန်တော်တို့က သဘောတူထားတာက ဘာကိုသဘောတူထားလဲဆိုတဲ့ အခါကျတော့ ဒီနိုင်ငံမှာ နေခဲ့ဖူးတဲ့လူ ဖြစ်ရမယ်။ ဒီနိုင်ငံသားဖြစ်စရာမလိုဘူး။ ဒီနိုင်ငံမှာ နေခဲ့ဖူးတဲ့ အထောက်အထားရှိတယ်ဆိုရင် အဲဒီလူအနေနဲ့ လက်ခံမှာပဲ။ ကျွန်တော်တို့ အနေနဲ့အခုနတုန်းက ဘင်္ဂါလီလို့ခေါ်တာ။ ရိုဟင်ဂျာလို့ ခေါ်တာဆိုတဲ့ဟာက စိတ်ဝမ်းကွဲစေတဲ့ကိစ္စကြောင့်မို့လို့ ကျွန်တော်တို့ နိုင်ငံတော်အတိုင်ပင်ခံက အဲဒီမှာရှိတဲ့ လူတွေအားလုံးကို ရခိုင်ပြည်မှာရှိတဲ့ မွတ်စလင် Community ကလူတွေလို့ သတ်မှတ်ထားတယ်” ဟု နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေက ပြောကြားသည်။

ထို့ပြင် သတင်းစာရှင်းလင်းပွဲ၌ နှစ်နိုင်ငံ သဘောတူညီချက်အရ ပြန်လာလိုသူများအနေဖြင့် ဖြည့်သွင်းရမည့် သတ်မှတ်ပုံစံကွဲလွဲနေခြင်းများနှင့် ပတ်သက်၍ ၀န်ကြီး ဒေါက်တာဝင်းမြတ်အေးက နှစ်ဦးနှစ်ဖက်ဆွေးနွေး သဘေားထားသည့်ပုံစံ Hard Copy Soft Copy များ ဘင်္ဂလားဒေ့ရ်ှဘက်သို့ ပေးလိုက်သော်လည်း ၎င်းတို့ပြန်ပို့လိုက်သည့် ပုံစံသည် လုံးဝမတူသည့်ပုံစံဖြစ်နေကြောင်း ပြောကြားသည်။

“အဓိက ကတော့ ဘာတွေမပါဘူးလဲဆိုတော့ ဓာတ်ပုံမပါဘူး။ လက်မှတ်မပါဘူး။ လက်မှတ်ပါဖို့က ဘာလို့အရေးကြီးသလဲဆိုတော့ လက်မှတ်ထိုးတဲ့အခါကျမှ သူတို့တွေဟာ နယ်စပ်ဖြတ်ကျော်လာတဲ့သူတွေဆိုတာကို စိစစ်လို့ရမယ်။ လက်ဗွေမပါဘူး။ ဓာတ်ပုံတို့မပါဘူး။ အဲဒါတွေပါတယ်ဆိုရင် ကျွန်တော်တို့ဆီမှာ မှတ်တမ်းတွေယူထားတာရှိတယ်။ အဲဒါတွေနဲ့ ယှဉ်ကြည့်လိုက်ရင် အကုန်လုံးထွက်လာစရာရှိတယ်။ အဲဒီတော့ မြန်မာဘက်က ဘာမှထပ်ပို့စရာမလိုဘူး” ဟု ဒေါက်တာဝင်းမြတ်အေးက ပြောကြားသည်။

ထိုသို့ ဘင်္ဂလားဒေ့ရ်ှဘက်မှ ပြန်ပို့သည့်ပုံစံများသည် သတ်မှတ်ထားသောပုံစံများ မဟုတ်ကြောင်းကို ဘင်္ဂလားဒေ့ရ်ှနိုင်ငံခြားရေးဝန်ကြီး သိရှိသွားသည့်အတွက် နှစ်ဖက်သဘောတူထားသည့်ပုံစံအတိုင်း ပြန်ပို့နိုင်ရန်အတွက် ဘင်္ဂလားဒေ့ရ်ှဝန်ကြီးက ၎င်းတို့ဘက်တွင် မှာကြားမှုများ ပြုလုပ်ပြီးဖြစ်ကြောင်းနှင့် မြန်မာဘက်သို့လည်း အမြန်ဆုံးပြန်ပို့မည်ဟု ပြောဆိုကြောင်း ဒေါက်တာဝင်းမြတ်အေးက ပြောကြားသည်။

ဘင်္ဂလားဒေ့ရ်ှနိုင်ငံမှ ၀င်လာသူများ ယာယီနေရာချထားမည့် ဒါးကြီးဇားကျေးရွာ၌ ယာယီဆေးရုံ သို့မဟုတ် ကျေးလက်ကျန်းမာရေးဌာနဖွင့်လှစ်ရန် လုပ်ဆောင်မည်

 

ရခိုင်ပြည်နယ်မြောက်ပိုင်းတွင် ကျန်းမာရေးစောင့်ရှောက်မှု ပေးနေသည့် ကျန်းမာရေးဝန်ထမ်းများအား တွေ့ရစဉ်

ဘင်္ဂလားဒေ့ရ်ှနိုင်ငံမှ ရခိုင်ပြည်နယ်အတွင်းသို့ ၀င်လာသူများ ယာယီပြန်လည်နေရာချထားမည့် ဒါးကြီးဇားကျေးရွာ၌ မြေပြင် အခြေအနေနှင့် လိုအပ်ချက်အပေါ်မူတည်၍ ယာယီဆေးရုံ သို့မဟုတ် ကျေးလက်ကျန်းမာရေးဌာန ဌာနခွဲဖွင့်လှစ်နိုင်ရန် လုပ်ဆောင်မည်ဖြစ်ကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

လက်ရှိတွင် ပြန်လည်လက်ခံရေးစခန်းများ (တောင်ပြိုလက်ဝဲနှင့် ငါးခူရ) နှင့် ယာယီ ပြန်လည်နေရာချထားမည့် ဒါးကြီးဇားကျေးရွာတို့၌ ကျန်းမာရေးစောင့်ရှောက်မှုလုပ်ငန်းများ ဆောင်ရွက်ရန်အတွက် လိုအပ်သော ဆေးအဖွဲ့များအား ဖွဲ့စည်းဆောင်ရွက်မည် ဖြစ်ကြောင်း၊ ဖွဲ့စည်းသွားမည့် ဆေးအဖွဲ့များအနက် နယ်စပ်ဝင်ထွက်ပေါက်ဆေးခန်းတွင် လက်ထောက်ကျန်းမာရေးမှူးနှစ်ဦးစီ၊ သားဖွားဆရာမနှစ်ဦးစီ၊ ပြည်သူ့ကျန်းမာရေး ကြီးကြပ်  (၂)  တစ်ဦးစီ၊ ကြက်ခြေနီလေးဦးစီနှင့် ပြည်သူ့ကျန်းမာရေးအဖွဲ့တွင် လက်ထောက် ကျန်းမာရေးမှူးတစ်ဦးစီ၊ ပြည်သူ့ကျန်းမာရေး ကြီးကြပ် (၂) တစ်ဦးစီ၊ ယာဉ်မောင်းနှစ်ဦးစီ ထားရှိပေးနိုင်ရန် စီစဉ်ထားကြောင်း သိရသည်။

ဆေးအဖွဲ့များအတွက် လိုအပ်သော ဆရာဝန်နှင့် ကျန်းမာရေးဝန်ထမ်းများအား အခြားသော ပြည်နယ်/တိုင်းဒေသကြီးများမှ အလှည့်ကျခေါ်ယူကာ အင်အားဖြည့်ဆည်းပေးမည်ဖြစ်ပြီး ရခိုင်ပြည်နယ်အတွင်းနှင့် မောင်တောမြို့နယ်အတွင်းမှ ဒေသခံအခြေခံ ကျန်းမာရေးဝန်ထမ်းများနှင့်အတူ ပူးတွဲ တာဝန်ထမ်းဆောင်နိုင်ရေး စီစဉ်ဆောင်ရွက်မည် ဖြစ်ကြောင်း သိရသည်။

ဘင်္ဂလားဒေ့ရ်ှနိုင်ငံမှ ရခိုင်ပြည်နယ်အတွင်းသို့ ၀င်ရောက်လာပါက ပြန်လည်လက်ခံနိုင်ရန်အတွက် စီစဉ်ပေးထားပြီး ကုန်းလမ်းဖြင့် ၀င်ရောက်လာသူများအတွက် မောင်တောမြို့နယ်၊ တောင်ပြိုလက်ဝဲမြို့နှင့် ရေလမ်းဖြင့် ၀င်ရောက်လာသူများအတွက် ငါးခူရ ကျေးရွာများအား ရွေးချယ်ထားကြောင်း သိရသည်။

ဘင်္ဂလားဒေ့ရ်ှနိုင်ငံသို့ ရွှေ့ပြောင်းသွားသူများ မြန်မာနိုင်ငံအတွင်းသို့ ပြန်လည်ဝင်ရောက်လာပါက တစ်ပတ်လျှင် ငါးကြိမ်စီ လက်ခံပေးမည်ဖြစ်ပြီး တစ်ကြိမ်လျှင် စခန်းတစ်ခု၌ ဦးရေ ၁၀၀ မှ ၁၅၀ ခန့်အထိ လက်ခံ ပေးနိုင်မည်ဟု ခန့်မှန်းထားကြောင်း၊ ပြန်လည်လက်ခံပါက လူဝင်မှုဆိုင်ရာလုပ်ငန်းများ (National Verification Card ထုတ်ပေးခြင်း၊ Bioetric မှတ်တမ်းပြုလုပ်ခြင်း) နှင့် အခြားလိုအပ်သည်များအား သက်ဆိုင်ရာဌာနများမှ ဆောင်ရွက်ပေးမည်ဖြစ်ပြီး ကျန်းမာရေးနှင့် အားကစားဝန်ကြီးဌာနအနေဖြင့် ကျန်းမာရေးစောင့်ရှောက်မှုနှင့်  ကျန်းမာရေးဆိုင်ရာ စီမံခန့်ခွဲမှုလုပ်ငန်းများအား ဆောင်ရွက်မည်ဖြစ်ကြောင်း သိရသည်။

တောင်ပြိုလက်ဝဲနှင့် ငါးခူရ ပြန်လည်လက်ခံရေးစခန်းများ၌ လက်ခံထားသော လူထုအား အဆိုပါစခန်းများ၌ တစ်ညနေထိုင်ရန် စီစဉ်ပေးမည်ဖြစ်ပြီး နေထိုင်ရေးနှင့် စားသောက်ရေးများ စီစဉ်ပေးမည်ဖြစ်ကြောင်း၊ နောက်တစ်နေ့ နံနက်တွင် အဆိုပါ ပြန်လည်လက်ခံထားသောလူထုအား ဒါးကြီးဇားကျေးရွာသို့ ပို့ဆောင်ပေးမည်ဖြစ်ပြီး ဒါးကြီးဇား ကျေးရွာ၌ ယာယီနေထိုင်ရမည်ဖြစ်ကြောင်း နှင့် ဤအစီအစဉ်အတိုင်း ဆောင်ရွက်ဖြစ်မည်ဆိုပါက ကျန်းမာရေးနှင့် အားကစားဝန် ကြီးဌာနအနေဖြင့် ပြန်လည်ဝင်ရောက်လာသည့် လူထုအား မောင်တောမြို့နယ် တောင်ပြိုလက်ဝဲမြို့၊ ငါးခူရကျေးရွာနှင့်ဒါးကြီးဇားကျေးရွာများ၌ ကျန်းမာရေးစောင့်ရှောက်မှုပေးနိုင်ရေး စီစဉ်ဆောင်ရွက်ပေးမည်ဖြစ်ကြောင်း သိရသည်။