ဘင်္ဂလားပင်လယ်အော် အရှေ့အလယ်ပိုင်းတွင် ဖြစ်ပေါ်နေသော လေဖိအားနည်းရပ်ဝန်းသည် ၃၆နာရီအတွင်း မုန်တိုင်းငယ်အဖြစ်ပြောင်းလဲနိုင်ပြီး မြန်မာ့ကမ်းရိုးတန်းနှင့်နီးကပ်သဖြင့် စောင့်ကြည့်ရန်လို

ဘင်္ဂလားပင်လယ်အော် အရှေ့အလယ်ပိုင်းတွင် ဖြစ်ပေါ်နေသော လေဖိအားနည်း ရပ်ဝန်းသည် ၃၆ နာရီအတွင်း မုန်တိုင်းငယ် အဖြစ်ပြောင်းလဲနိုင်ပြီး မြန်မာ့ကမ်းရိုးတန်းနှင့်နီးကပ်သဖြင့် စောင့်ကြည့်ရန်လိုအပ်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူးချုပ် ဒေါက်တာဦးကျော်မိုးဦးက ပြောကြားသည်။

“လက်ရှိတော့ လေဖိအားနည်းရပ်ဝန်း အဖြစ်နဲ့ ဘင်္ဂလားပင်လယ်အော် အရှေ့အလယ်ပိုင်းနဲ့ မြန်မာ့ကမ်းရိုးတန်းအနီးမှာ ဖြစ်နေတယ်။ ဒီဟာက နောက် ၃၆နာရီအတွင်းမှာတော့ မုန်တိုင်းငယ် အဖြစ်ရောက်နိုင်တယ်။ ၂၀၊ ၂၁လောက်မှာ အိန္ဒိယနိုင်ငံ ကိုဖြတ်နိုင်တယ်လို့ ခန့်မှန်းရတယ်။ လောလောဆယ်မှာ မြန်မာ့ကမ်းရိုးတန်းနဲ့နီးတဲ့ အတွက်ကြောင့်မို့လို့ စောင့်ကြည့်ရမဲ့အနေ အထားတော့ရှိတယ်” ဟု ဒေါက်တာဦးကျော်မိုးဦးက ပြောကြားသည်။

မိုးလေ၀သနှင့် ဇလဗေဒညွှန်ကြားမှုဦးစီးဌာန၏ စက်တင်ဘာ ၁၈ ရက် ညနေ ၅နာရီ မိနစ် ၃၀အချိန် တိုင်းထွာချက်များအရ ဘင်္ဂလားပင်လယ်အော် အရှေ့အလယ်ပိုင်းနှင့် ယင်းနှင့်ဆက်စပ်လျက်ရှိသော မြန်မာကမ်းရိုးတန်းအနီးတွင် လေဖိအားနည်းရပ်ဝန်းတစ်ခု ဖြစ်ပေါ်နေကြောင်း၊ အဆိုပါ လေဖိအားနည်းရပ်ဝန်းသည် ပိုမိုအားကောင်းလာကာ နောက်(၃၆)နာရီ အတွင်း မုန်တိုင်းငယ် (Depression) အဖြစ်သို့ ရောက်ရှိနိုင်ကြောင်း သိရသည်။

ထို့ပြင် ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် မုတ်သုံလေအားကောင်းရာမှ အားအလွန်ကောင်းနေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအသင့်အတင့် ရှိနေကြောင်း သိရသည်။

စက်တင်ဘာ ၁၉ရက်နေ့ မိုးရွာသွန်းနိုင်မှု အခြေအနေသည် စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်နှင့် ရခိုင်ပြည်နယ်တို့တွင် နေရာကျဲကျဲ၊ နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ မန္တလေးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ကာ ရွာရန်ရာနှုန်းပြည့်ဖြစ်ကြောင်း သိရသည်။

ယင်းအပြင် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းကြီးနိုင်ကြောင်း၊ မိုးသက်လေပြင်းကျစဉ် ရေပြင် /မြေပြင်လေသည် တစ်နာရီလျှင် မိုင်(၄၀)အထိ တိုက်ခတ်နိုင်ကြောင်း ၊ကျန်မြန်မာ့ပင်လယ်ပြင်တွင် လှိုင်းအသင့်အတင့်ရှိမည်ဖြစ်ပြီး၊ လှိုင်းအမြင့်သည် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုး တန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၉)ပေမှ (၁၂)ပေခန့်နှင့် ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၄)ပေမှ (၇)ပေခန့် ရှိနိုင်ကြောင်း သိရသည်။

နောက်(၂)ရက်အတွက်ခန့်မှန်းချက် အနေဖြင့် မြန်မာနိုင်ငံအလယ်ပိုင်းဒေသများတွင် ထစ်ချုန်းမည့်အခြေအနေများ ဖြစ်ပေါ်နေမည်ဖြစ်ကြောင်း သိရသည်။

မိုးနှောင်းကာလတွင် ဘင်္ဂလားပင်လယ်အော်၌ လေဖိအားနည်းရပ်ဝန်း သုံးကြိမ်ဖြစ်ပေါ်နိုင်ပြီး နှစ်ကြိမ်သည် မုန်တိုင်းငယ်အဖြစ် ပြောင်းလဲနိုင်သဖြင့် ရေကြီးရေလျှံမှုကို ဆက်လက်သတိပြုရန်လို

သြဂုတ်လဆန်းပိုင်းက ပဲခူးတိုင်းဒေသကြီးတွင် ရေကြီးရေလျှံမှု ဖြစ်ပွားနေသည်ကို တွေ့ရစဉ် (ဓာတ်ပုံ- မျိုးထက်ပိုင်)

မိုးနှောင်းကာလတွင် ဘင်္ဂလားပင်လယ်အော်၌ လေဖိအားနည်းရပ်ဝန်း သုံးကြိမ် ဖြစ်ပေါ်နိုင်ပြီး နှစ်ကြိမ်သည် မုန်တိုင်းငယ်အဆင့်သို့ ပြောင်းလဲနိုင်သဖြင့် ရေကြီးရေလျှံမှုအား ဆက်လက်သတိပြုရန်လိုကြောင်း မိုးလေ၀သပညာရှင် ဦးချစ်ကျော်က ပြောကြားသည်။

“မိုးနှောင်းမှာဖြစ်တဲ့ မုန်တိုင်းတွေက မြန်မာနိုင်ငံကိုတော့ မ၀င်ဘူး။ ဒါပေမဲ့ မိုးတော့ရမယ်။ စက်တင်ဘာမှာ လေဖိအားနည်းရပ်ဝန်း သုံးကြိမ်ဖြစ်ရင် ၁၀ ရက်တစ်ကြိမ်လောက် ဖြစ်မယ့်သဘောရှိတယ်။ အဲဒီတော့ မိုးရမယ်။ မိုးရရင် မြစ်ထဲမှာ ရေကများလာနိုင်တယ်။ ပင်လယ်ဘက်က ရေတက်ရေကျရှိမယ်။ အဲဒီဟာနဲ့ လေဖိအားနည်းရပ်ဝန်း ဖြစ်တာနဲ့ သွားတိုက်ရင် မြစ်တွေထဲက ရေတွေက ပင်လယ်ထဲကို မထွက်နိုင်တော့ဘူး။ ဇလွန်၊ ငါးသိုင်းချောင်း၊ သာပေါင်း၊ ပန်းတနော်တို့၊ မြစ်ဝကျွန်းပေါ် ဒေသတွေ ရေသွားကြီးနိုင်တယ်” ဟု ဦးချစ်ကျော်က ပြောကြားသည်။

ထို့ပြင် ပဲခူးတိုင်းဒေသကြီးတွင်လည်း ရေကြီးရေလျှံမှုကို သတိပြုရန်လိုကြောင်း၊ ရွှေကျင်၊ စစ်တောင်း မြစ်ရေတို့သည် ပဲခူးလွင်ပြင်ဘက်တွင်လည်း ရေကြီးနိုင်ကြောင်း၊ ယခုဖြစ်စဉ်သည် တတိယ ရေကြီးကာလ ဖြစ်ကြောင်း၊ မုန်တိုင်းဖြစ်မည့် အရေအတွက် များနေသဖြင့် ရေကြီးရေလျှံမှု များပြားလာနိုင်ကြောင်း ဦးချစ်ကျော်က ပြောကြားသည်။

“ဘယ်လောက်ပမာဏထိ မိုးများမယ် ဆိုတာကို မပြောနိုင်ဘူး။ ဒီလိုဖြစ်တဲ့အတွက် မိုးရမယ့် ပမာဏများတယ်။ ဒီရေအတက်အကျနဲ့ဆိုရင် ရေကြီးရေလျှံမှု ကြာသွားနိုင်တယ်။ ပြည်သူလူထုကို ဒေသအာဏာပိုင်တွေက ကြိုတင်ပြင်ဆင်ဖို့ လုပ်ရမယ်” ဟု ဦးချစ်ကျော်က ပြောကြားသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ မိုးနှောင်းကာလ မိုးလေ၀သ ခန့်မှန်းချက်တွင် စက်တင်ဘာ ၁ ရက်မှစပြီး မြန်မာနိုင်ငံ တစ်ဝန်းလုံးမှ အနောက်တောင် မုတ်သုံလေ ဆုတ်ခွာသည့်နေ့ကို မိုးနှောင်းကာလအဖြစ် သတ်မှတ်ကြောင်း၊ အနောက်တောင် မုတ်သုံလေသည် စက်တင်ဘာ ၁၆ ရက်မှ ၂၀ ရက်အတွင်း မြောက်ပိုင်းဒေသများမှ လည်းကောင်း၊ စက်တင်ဘာ ၂၂ ရက်မှ ၂၇ ရက်အတွင်း အလယ်ပိုင်း ဒေသများမှလည်းကောင်း၊ စက်တင်ဘာ ၂၈ ရက်မှ အောက်တိုဘာ ၃ ရက်အတွင်း မြစ်ဝကျွန်းပေါ် ဒေသများမှ လည်းကောင်း၊ အောက်တိုဘာ ၄ ရက်မှ ၉ ရက်အတွင်း မြန်မာနိုင်ငံ တစ်ဝန်းလုံးမှ ဆုတ်ခွာဖွယ်ရှိကြောင်း သိရသည်။

“မုတ်သုံလေက မြစ်ဝကျွန်းပေါ်ကနေ အောက်တိုဘာ ၃ ရက်နေ့ ထွက်မယ်ဆိုရင် တောင်ပိုင်းဒေသက ၁၀ ရက်နေ့မှာ ထွက်မယ်။ နောက်လည်းမကျဘူး။ စောလည်း မစောဘူး။ ပုံမှန်ပဲ၊ အရင်တုန်းကဆိုရင် စက်တင်ဘာလကုန်၊ အောက်တိုဘာ ၁ ရက်ဆိုရင် တစ်ပြည်လုံးကနေ မုတ်သုံလေဆုတ်သွားတယ်။ အခုနှစ် မိုးရွာရက်က ရက်ပေါင်း ၁၄၀ လောက်ရှိတယ်။ အရင်နှစ်တွေကဆိုရင် မိုးရွာရက်က ၁၂၀၊ ၁၃၀ လောက်ပဲ ရှိတယ်” ဟု ဦးချစ်ကျော်က ပြောကြားသည်။

ထို့ပြင် ဘင်္ဂလားပင်လယ်အော်တွင် လေဖိအားနည်းရပ်ဝန်း သုံးကြိမ်ဖြစ်ပေါ်နိုင်ပြီး နှစ်ကြိမ်သည် ပိုမိုအားကောင်းကာ မုန်တိုင်းငယ်အဖြစ်သို့ ရောက်နိုင်ကြောင်း၊ ကပ္ပလီပင်လယ်ပြင်နှင့် ဘင်္ဂလား ပင်လယ်အော်တို့တွင် မုတ်သုံလေအား အနည်းငယ်မှ အားအသင့်အတင့် ရှိနိုင်ကြောင်း သိရသည်။

 

နောက် ၄၈ နာရီအတွင်း ဘင်္ဂလားပင်လယ်အော်တွင် လေဖိအားနည်းရပ်ဝန်းဖြစ်ပေါ်နိုင်

နောက် ၄၈ နာရီအတွင်း ဘင်္ဂလားပင်လယ်အော်တွင် လေဖိအားနည်းရပ်ဝန်းဖြစ်ပေါ်နိုင်ကြောင်း မိုးလေ၀သနှင့် ဇလဗေဒ ညွှန်ကြားမှုဦးစီးဌာနမှ သြဂုတ် ၁၁ ရက်တွင် ထုတ်ပြန်ထားသည်။

“ သြဂုတ်လမှာ ဘင်္ဂလားပင်လယ်အော် မှာဖြစ်တဲ့ မုန်တိုင်းတွေက မြန်မာနိုင်ငံကိုတော့ မ၀င်ရောက်ဘူး။ ဒါက မိုးတော့ပေးမယ်။ အခုဘင်္ဂလားပင်လယ်အော် အနောက် မြောက်ပိုင်းတွေမှာဖြစ်တဲ့ လေဖိအားနည်း ရပ်ဝန်းတွေကတော့ ရှမ်းပြည်အထိ မိုးမပေးဘူး။ အဲဒါကြောင့် သံလွင်မြစ်ဘက်ကို မစိုးရိမ်ရဘူး။ သူက ပေးမှာက ဧရာဝတီမြစ်အနောက်ဘက်ခြမ်းတွေကိုပေးမှာ၊ ရခိုင်ပြည် နယ်၊ မကွေးတိုင်း၊ ချင်းပြည်နယ်၊ စစ်ကိုင်း တိုင်းအောက်ပိုင်း အဲဒီလိုနေရာတွေ မိုးပေးမှာ၊ အဲဒီလိုမိုးပေးတဲ့အတွက် ချင်းတွင်းမြစ်ရ နေရေဆင်းမယ်။ ရခိုင်ပြည်နယ်ဆိုရင်လည်း ကုလားတန်မြစ်ပေါ့၊ ဒီကောင်တွေက ရေပြန်ကြီးလာမယ်။ အခုလေဖိအားနည်းဖြစ်ရင် စစ်တောင်းမြစ်ဝှမ်းပေါ်မှာလည်း သွားရွာမယ်။ သွားရွာတော့ ရွှေကျင်တို့၊ မဒေါက်တို့ ရေတွေက ပြန်တက်လာနိုင်တယ်။ လေဖိအားနည်းရပ်ဝန်းကနေ မုန်တိုင်းငယ်အဆင့်ထက် မကျော်ဘူး။ မုန်တိုင်းအဆောက်အအုံကြီးရင်တော့ မိုးပမာဏများနိုင်တယ်”  ဟု မိုးလေ၀သပညာရှင် ဦးချစ်ကျော်က ပြောကြားသည်။

သြဂုတ် ၁၂ ရက်တွင် မိုးရွာသွန်းနိုင်မှု အခြေအနေသည် စစ်ကိုင်းတိုင်းဒေသကြီးအောက်ပိုင်းနှင့် မကွေးတိုင်းဒေသကြီးတို့တွင် နေရာကျဲကျဲ၊ နေပြည်တော်နှင့် မန္တလေး တိုင်းဒေသကြီးတို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး ကချင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ဒေသအလိုက်နှင့် စစ်ကိုင်းတိုင်းဒေသကြီးအထက်ပိုင်းနှင့် တနင်္သာရီတိုင်းဒေသကြီးတို့ တွင် နေရာကွက်၍ မိုးကြီးနိုင်ကြောင်း သိရသည်။

သြဂုတ်လ ဒုတိယပတ်အတွင်း ဘင်္ဂလားပင်လယ်အော်တွင် လေဖိအားနည်းရပ်ဝန်း ထပ်မံဖြစ်ပေါ်နိုင်

အုတ်ကျင်းဂုန်နီစက်ရုံအတွင်း ပြည်ထောင်စုဝန်ကြီးနှင့်အဖွဲ့ ၀င်ရောက်လေ့လာစဉ် (ဓာတ်ပုံ-ကျော်ကျော်ထွန်း Facebook)

ယခုလဒုတိယပတ်အတွင်း ဘင်္ဂလားပင်လယ်အော်တွင် လေဖိအားနည်းရပ်ဝန်းတစ်ကြိမ် ထပ်မံဖြစ်ပေါ်နိုင်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာန၏ သြဂုတ်လ ဒုတိယ ၁၀ ရက်ပတ် မိုးလေ၀သ ခန့်မှန်းချက်အရ သိရသည်။

“လောလောဆယ် သင်္ချာပုံစံပြုမော်ဒယ်တွေအရတော့ တွက်ထုတ်ထားတာမှာဖြစ်ဖို့ ရာခိုင်နှုန်း ၂၀၊ ၃၀ ရာခိုင်နှုန်း လောက်ပဲရှိတယ်။ ဒါပေမဲ့ ဖြစ်လာခဲ့ရင် ၁၀ ရက်ပတ် ခန့်မှန်းချက်ထဲမှာ လေဖိအားနည်းရပ်ဝန်း တစ်ခုဖြစ်နိုင်တယ်ဆိုပြီး ထုတ်ထားတာ။ သြဂုတ်လထဲမှာ လေဖိအားနည်းရပ်ဝန်း ဖြစ်လာတဲ့အခါမှာ အချို့လေဖိအားနည်းရပ်ဝန်းတွေ၊ မုန်တိုင်းငယ်တွေက မြန်မာနိုင်ငံကို မိုးပေးသလို အချို့ကလည်း မြန်မာနိုင်ငံကို မိုးပေးနေတဲ့ တိမ်တိုက်တွေကို ဆွဲယူသွားတာ ရှိတယ်။ ပြီးခဲ့တဲ့ ဇူလိုင်လထဲမှာ ဖြစ်ခဲ့တဲ့ လေဖိအားနည်းရပ်ဝန်းနဲ့ မတ်လမှာဖြစ်ခဲ့တဲ့ လေဖိအားနည်းရပ်ဝန်းတောင် မတူဘူး။ လေဖိအားနည်းရပ်ဝန်း၊ မုန်တိုင်းတည်နေရာ သူတို့ရွေ့မယ့် အရွေ့ရယ်၊ ဦးတည်ရာပေါ် မူတည်ပြီးတော့ မိုးရတာမရတာကွာတယ်။ အကြမ်းဖျင်းအားဖြင့်တော့ ဘင်္ဂလားပင်လယ်အော်မှာ လေဖိအားနည်းရပ်ဝန်းဖြစ်ရင် မိုးရနိုင်တယ်။ မနေ့ကဖြစ်တဲ့ မုန်တိုင်းငယ်ဆိုရင် ဒီဘက်မှာရှိတဲ့ တိမ်တွေကိုပါ ယူသွားတဲ့အတွက် မြန်မာဘက်မှာ မိုးလျော့သွားတယ်” ဟု မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူးချုပ် ဒေါက်တာဦးကျော်မိုးဦးက ပြောကြားသည်။

ခန့်မှန်းချက်တွင် ဘင်္ဂလားပင်လယ်အော်တွင် လေဖိအားနည်းရပ်ဝန်းတစ်ခု ဖြစ်ပေါ်နိုင်ကြောင်း၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေအား အသင့်အတင့်မှ အားကောင်းနိုင်ကြောင်း သိရသည်။

ထို့ပြင် ဒုတိယ ၁၀ ရက်ပတ်အတွင်း စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ရှမ်းပြည်နယ်(မြောက်ပိုင်း၊ အရှေ့ပိုင်း)နှင့် မွန်ပြည်နယ်တို့တွင် ရွာသွန်းမြဲထက်ပိုနိုင်ပြီး စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(တောင်ပိုင်း)၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်နှင့် ကရင်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း၊ မိုးရွာရက်အနေဖြင့် စစ်ကိုင်းတိုင်းဒေသကြီးအထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ခုနစ်ရက်မှ ကိုးရက်ခန့်နှင့် စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ချင်းပြည်နယ်နှင့် ကယားပြည်နယ်တို့တွင် လေးရက်မှ ခြောက်ရက်ခန့် မိုးထစ်ချုန်းရွာနိုင်ကြောင်း သိရသည်။

ယင်းအပြင် သြဂုတ်လ ဒုတိယ ၁၀ ရက်ပတ်အတွင်း ဧရာဝတီမြစ်ရေသည် မြစ်ကြီးနားမြို့၊ ဗန်းမော်မြို့၊ ရွှေကူမြို့၊ ကသာမြို့နှင့် သပိတ်ကျင်းမြို့တို့တွင် လေးပေမှ ငါးပေခန့်၊ မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့၊ ညောင်ဦးမြို့၊ ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် တစ်ပေမှ သုံးပေခန့် မြင့်တက်လာနိုင်ကြောင်း၊ ချင်းတွင်းမြစ်ရေသည် ခန္တီးမြို့၊ ဟုမ္မလင်းမြို့နှင့် ဖောင်းပြင်မြို့တို့တွင် လေးပေမှ ခြောက်ပေခန့်နှင့် မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့တို့တွင် တစ်ပေမှ သုံးပေခန့် မြင့်တက်နိုင်ကြောင်း သိရသည်။

သြဂုတ် ၆ရက်တွင် ဘင်္ဂလားပင်လယ်အော်၌ လေဖိအားနည်းရပ်ဝန်း ဖြစ်ပွားခဲ့ပြီး မုန်တိုင်းငယ်အဖြစ် ပြောင်းလဲခဲ့ကာ အိန္ဒိယသို့ ၀င်ရောက်ခဲ့ပြီး မြန်မာနိုင်ငံသို့ သက်ရောက်မှု မရှိခဲ့ကြောင်း သိရသည်။

ဘင်္ဂလားပင်လယ်အော်တွင် ဖြစ်ပေါ်ခဲ့သော လေဖိအားနည်းရပ်ဝန်းသည် မုတ္တမကွေ့သို့ ၀င်ရောက်ခဲ့ပြီး ၎င်းအရှိန်ကြောင့် မွန်၊ ကရင်နှင့် တနင်္သာရီတို့တွင် မိုးများမည်

ဘင်္ဂလားပင်လယ်အော်တွင် ဖြစ်ပေါ်ခဲ့သော လေဖိအားနည်းရပ်ဝန်းသည် မုတ္တမကွေ့သို့ ၀င်ရောက်ခဲ့ပြီး ၄င်းအရှိန်ကြောင့် မွန်နှင့် ကရင်ပြည်နယ်တို့တွင် မိုးများမည်ဖြစ်ကြောင်း မိုးလေ၀သနှင့် ဇလဗေဒညွှန်ကြားမှုဦးဌာနမှ ညွှန်ကြားရေးမှူးချုပ် ဒေါက်တာဦးကျော်မိုးဦးက ပြောကြားသည်။

“လေဖိအားနည်းရပ်ဝန်းက တဖြည်းဖြည်း အားလျော့သွားပြီ။ လေဖိအားနည်းရပ်ဝန်းကြောင့် မွန်၊ ကရင်၊ တနင်္သာရီတို့မှာ နောက်နှစ်ရက်လောက်ထိ မိုးရဦးမယ်။ ရန်ကုန်တို့ ဧရာဝတီတို့ကတော့ မိုးရွာပေမယ့် မွန်၊ ကရင်၊ တနင်္သာရီတို့လောက်တော့ မိုးမများနိုင်ဘူး။ မုတ္တမကွေ့ကိုပဲ ၀င်ရောက်မှာ ဖြစ်တယ်။ မုန်တိုင်းမဖြစ်တော့ဘူး” ဟု ဒေါက်တာဦးကျော်မိုးဦးက ပြောကြားသည်။

မိုးလေ၀သနှင့် ဇလဗေဒ ညွှန်ကြားမှုဦးစီးဌာန၏ မေ ၂ ရက် ထုတ်ပြန်ချက်တွင် ပဲခူးတိုင်း၊ ရန်ကုန်တိုင်း၊ ရှမ်းပြည်နယ် (တောင်ပိုင်း)၊ ချင်း ပြည်နယ်နှင့် ကရင်ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာခဲ့ကာ မှတ်သားဖွယ်ရာ မိုးရေချိန်များအနေဖြင့် နေပြည်တော် (ဇေယျာသီရိမြို့နယ်) တွင် ၃ ဒသမ ၈၂ လက်မ၊  ပျဉ်းမနားမြို့တွင် ၃ ဒသမ ၇၈ လက်မ၊ ပေါင်မြို့တွင် ၃ ဒသမ ၀၇ လက်မ၊ နေပြည်တော်လေဆိပ် (ဧလာ) တွင်  ၃ ဒသမ ၀၃ လက်မ၊ မော်လမြိုင်မြို့တွင် ၁ ဒသမ ၉၇ လက်မ၊ နေပြည်တော် (ဇမ္ဗူသီရိ မြို့နယ်) တွင် ၁ ဒသမ ၈၉ လက်မ၊ ရေးမြို့တွင် ၁ ဒသမ ၈၅ လက်မ၊ ကျိုက္ခမီမြို့တွင် ၁ ဒသမ ၇၇ လက်မ၊ လယ်ဝေးမြို့နှင့် နေပြည်တော် (ဥတ္တရသီရိမြို့နယ်) တို့တွင် ၁ ဒသမ ၆၅ လက်မစီ ရွာသွန်းခဲ့ကြောင်း သိရသည်။

မေ ၃ ရက် မိုးလေ၀သခန့်မှန်းချက် အနေဖြင့် မကွေးတိုင်းဒေသကြီးနှင့် ရခိုင်ပြည်နယ်တို့တွင် နေရာကွက်ကျား၊ စစ်ကိုင်းတိုင်းဒေသကြီးအောက်ပိုင်းနှင့် မန္တလေး တိုင်းဒေသကြီးတို့တွင် နေရာကျဲကျဲ၊ နေပြည်တော်၊ စစ်ကိုင်းတိုင်းအထက်ပိုင်း၊ ဧရာဝတီတိုင်း၊ ကချင်ပြည်နယ်၊ ရှမ်းပြည်နယ် (မြောက်ပိုင်း) နှင့် ချင်းပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး မွန်ပြည်နယ်တွင် ဒေသအလိုက် နှင့် ပဲခူးတိုင်းနှင့် ကရင်ပြည်နယ်တို့တွင် နေရာကွက်၍ မိုးကြီးနိုင်ပြီး ရွာရန်ရာနှုန်း ၈၀ ဖြစ်ကြောင်း သိရသည်။

ထို့ပြင် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းကြီးနိုင်ကြောင်း၊ မိုးသက်လေပြင်းကျစဉ် ရေပြင်/ မြေပြင်လေသည် တစ်နာရီလျှင် ၃၅ မိုင်မှ မိုင် ၄၀ အထိ တိုက်ခတ်နိုင်ပြီး ကျန်မြန်မာ့ပင်လယ်ပြင်တွင် လှိုင်းအသင့်အတင့် ရှိမည်ဖြစ်ကြောင်း၊ လှိုင်းအမြင့်သည် မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက် နှင့် ကမ်းလွန်ပင်လယ်ပြင်တို့တွင် ရှစ်ပေမှ  ၁၀ ပေခန့်နှင့် ရခိုင်ကမ်းရိုးတန်းတစ်လျှောက်တွင် လေးပေမှ ခြောက်ပေခန့် ရှိနိုင်ကြောင်း သိရသည်။

မိုးရာသီကာလအတွင်း ဘင်္ဂလားပင်လယ်အော်တွင် မုန်တိုင်းလေးကြိမ် ဖြစ်ပေါ်နိုင်ပြီး မုန်တိုင်းများကြောင့် ရေကြီးရေလျှံခြင်းနှင့် လေပြင်းတိုက်ခတ်ခြင်းများကို သတိပြုရန် လိုအပ်ဟုဆို

မန္တလေးမြို့တွင် ဧပြီ ၂၇ ရက် ညနေ ၆ နာရီက လေပြင်းတိုက်ခတ်မှုကြောင့် သက်တမ်းရင့်သစ်ပင်ကြီး လဲပြိုခဲ့သည်ကို တွေ့ရစဉ် (ဓာတ်ပုံ-ဌေးလှအောင်)

မိုးရာသီကာလအတွင်း ဘင်္ဂလားပင်လယ်အော်တွင် မုန်တိုင်းလေးကြိမ် ဖြစ်ပေါ်နိုင်ပြီး မုန်တိုင်းများကြောင့် ရေကြီးရေလျှံခြင်းနှင့် လေပြင်းတိုက်ခတ်ခြင်းများကို သတိပြုရန်လိုအပ်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာန ညွှန်ကြားရေးမှူးချုပ် ဒေါက်တာဦးကျော်မိုးဦးက ပြောကြားသည်။

“မိုးတွင်းကာလမှာဖြစ်တဲ့ မုန်တိုင်းတွေကတော့ မြန်မာနိုင်ငံကို ၀င်လေ့မရှိဘူး။ ဒါပေမဲ့ စက်တင်ဘာနဲ့ အောက်တိုဘာလမှာဖြစ်တဲ့ မုန်တိုင်းအချို့ကတော့ မြန်မာနိုင်ငံကို ၀င်လေ့ဝင်ထရှိတယ်။ မုတ်သုံဝင်ပြီး ဇွန်၊ ဇူလိုင်၊ သြဂုတ်၊ စက်တင်ဘာ လ၀က်လောက်အထိကတော့ ဘင်္ဂလားပင်လယ်အော်မှာ မုန်တိုင်းဖြစ်မယ်။ ဒါပေမဲ့ ကျွန်တော်တို့နိုင်ငံကို မုန်တိုင်းဝင်လေ့ဝင်ထမရှိဘူး။ ဒါပေမဲ့ ဘာရမလဲဆိုတော့ မိုးအမြောက်အမြားရတဲ့ အတွက်ကြောင့် ရေကြီးရေလျှံမှုတွေ ဖြစ်နိုင်တယ်။ နောက်တစ်ချက်က မြန်မာနိုင်ငံကို မ၀င်ပေမယ့် ဘင်္ဂလားပင်လယ်အော်မှာဖြစ်တဲ့ မုန်တိုင်းတွေဆိုရင် ရေကြီးရေလျှံမှုအပြင် လေဒဏ်ပါခံစားရတဲ့ အနေအထားရှိတယ်။ ပြီးခဲ့တဲ့ နှစ်နှစ်၊ သုံးနှစ်မှာလည်း တွေ့ခဲ့ရတယ်။ အဲဒီတုန်းက မုန်တိုင်းတွေက မြန်မာနိုင်ငံကို တိုက်ရိုက်မ၀င်ခဲ့ဘူး။ သူတို့ကြောင့် ရေကြီးရေလျှံမှုတွေ ဖြစ်ခဲ့တာရှိတယ်။ အဲဒါကြောင့် ဒီဟာတွေကိုလည်း သတိပြုဖို့လိုပါတယ်” ဟု ဒေါက်တာဦးကျော်မိုးဦးက ပြောကြားသည်။

ဧပြီနှင့် မေလတွင်ဖြစ်သည့် မုန်တိုင်းများသည် မြန်မာနိုင်ငံသို့ ၀င်ရောက်မှုများခဲ့ကြောင်း၊ မုန်တိုင်းတစ်ခုဖြစ်ခဲ့သည်ဆိုပါက မိုးလေ၀သသတင်းကို စောင့်ကြည့်နားထောင်သင့်ကြောင်း၊ မုန်တိုင်းဘေးဒဏ် သင့်နိုင်သည့်နေရာအဖြစ် ဖော်ပြပါက မုန်တိုင်းမဖြစ်ခင် ကြိုတင်ပြင်ဆင်မှုများကို ဆောင်ရွက်သင့်ကြောင်း၊ သဘာဝဘေးအန္တရာယ် ကာကွယ်ရေးအဖွဲ့များ၏ လမ်းညွှန်ချက်အတိုင်း လိုက်နာဆောင်ရွက်သင့်ကြောင်း ဒေါက်တာဦးကျော်မိုးဦးက ပြောကြားသည်။

မိုးလေ၀သနှင့် ဇလဗေဒညွှန်ကြားမှုဦးစီးဌာန၏ မိုးရာသီကာလ ခန့်မှန်းချက်တွင် အနောက်တောင်မုတ်သုံလေသည် ၂၀၁၈ ခုနှစ် ဇွန်လပထမရက်သတ္တပတ် (မြန်မာသက္ကရာဇ် ၁၃၈၀ ပြည့်နှစ် နယုန်လပြည့်ကျော်) တွင် မြန်မာနိုင်ငံ တစ်နိုင်ငံလုံးသို့ ၀င်ရောက်ဖွယ်ရှိပြီး ၂၀၁၈ ခုနှစ် အောက်တိုဘာ ပထမရက်သတ္တပတ် (မြန်မာသက္ကရာဇ် ၁၃၈၀ ပြည့်နှစ် တော်သတင်းလပြည့်ကျော်)တွင် မြန်မာနိုင်ငံတစ်ဝန်းလုံးမှ ပြန်လည်ဆုတ်ခွာသွားဖွယ်ရာ ရှိကြောင်းလည်း သိရသည်။

ထို့ပြင် မိုးဦးကာလသည် ၂၀၁၈ ခုနှစ် အနောက်တောင်မုတ်သုံလေ မြန်မာနိုင်ငံအတွင်းသို့ စတင်ဝင်ရောက်သည့်နေ့မှ ဇွန်လကုန်အထိဖြစ်ကြောင်း၊ ဘင်္ဂလားပင်လယ်အော်တွင် လေဖိအားနည်းရပ်ဝန်း သုံးကြိမ်ဖြစ်ပေါ်နိုင်ပြီး နှစ်ကြိမ်တွင် ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်သည်။ ယင်းကာလအတွင်း အနောက်တောင်မုတ်သုံလေသည် အားအသင့်အတင့်မှ အားကောင်းနိုင်ကြောင်း၊ မိုးရွာသွန်းမှု အခြေအနေသည် ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရခိုင်ပြည်နယ်နှင့် မွန်ပြည်နယ်တို့တွင် ရွာသွန်းမြဲထက်ပိုပြီး စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ကယားပြည်နယ်နှင့် ကရင်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း သိရသည်။

ယင်းအပြင် မိုးလယ်ကာလသည် ၂၀၁၈ ခုနှစ် ဇူလိုင် ၁ ရက်မှ သြဂုတ်လကုန်အထိဖြစ်ကြောင်း၊ ဘင်္ဂလားပင်လယ်အော်အလယ်ပိုင်းနှင့် မြောက်ပိုင်းတို့တွင် လေဖိအားနည်းရပ်ဝန်း သုံးကြိမ်ဖြစ်ပေါ်နိုင်ပြီး တစ်ကြိမ်တွင် ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်ကြောင်း၊ ယင်းကာလအတွင်း အနောက်တောင်မုတ်သုံလေသည် အားအသင့်အတင့်မှ အားကောင်းနိုင်ပြီး မိုးရွာသွန်းမှု အခြေအနေသည် ချင်းပြည်နယ်နှင့် ရခိုင်ပြည်နယ်တို့တွင် ရွာသွန်းမြဲထက်ပိုပြီး စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာသွန်းနိုင်ကြောင်း သိရသည်။

ဆက်လက်ပြီး မိုးနှောင်းကာလသည် ၂၀၁၈ ခုနှစ် စက်တင်ဘာ ၁ ရက်မှ အနောက်တောင်မုတ်သုံလေ မြန်မာနိုင်ငံတစ်ဝန်းလုံးမှ ပြန်လည်ဆုတ်ခွာသွားသည့် နေ့အထိဖြစ်ကြောင်း၊ ဘင်္ဂလားပင်လယ်အော်တွင် လေဖိအားနည်းရပ်ဝန်း နှစ်ကြိမ်ဖြစ်ပေါ်နိုင်ပြီး တစ်ကြိမ်တွင် ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်ကြောင်း၊ ယင်းကာလအတွင်း အနောက်တောင်မုတ်သုံလေသည် အားအနည်းငယ်မှ အားအသင့်အတင့်ရှိနိုင်ကြောင်း၊ မိုးရွာသွန်းမှု အခြေအနေသည် စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း မိုးဇလက ထုတ်ပြန်ထားသည်။

ဧပြီတွင် ကပ္ပလီပင်လယ်ပြင်နှင့် ဘင်္ဂလားပင်လယ်အော်၌ လေဖိအားနည်းရပ်ဝန်း နှစ်ကြိမ်ဖြစ်ပေါ်နိုင်ပြီး တစ်ကြိမ်သည် ပိုမိုအားကောင်းကာ မုန်တိုင်းငယ်အဖြစ်သို့ ရောက်ရှိနိုင်

ဧပြီလတွင် ကပ္ပလီပင်လယ်ပြင်နှင့် ဘင်္ဂလားပင်လယ်အော်၌ လေဖိအားနည်းရပ်ဝန်း နှစ်ကြိမ်ဖြစ်ပေါ်နိုင်ပြီး တစ်ကြိမ်သည် ပိုမိုအားကောင်းကာ မုန်တိုင်းငယ်အဖြစ်သို့ ရောက်ရှိနိုင်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာန၏ ဧပြီလပတ် မိုးလေ၀သခန့်မှန်းချက်အရ သိရသည်။

ခန့်မှန်းချက်တွင် ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် လေဖိအားနည်းရပ်ဝန်း နှစ်ကြိမ်ဖြစ်ပေါ်နိုင်ပြီး တစ်ကြိမ်တွင် ပိုမိုအားကောင်းလာကာ မုန်တိုင်းငယ်အဖြစ်သို့ ရောက်ရှိနိုင်ကြောင်း၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့်အတင့်မှ တိမ်ထူထပ်ပြီး ကျန်ဘင်္ဂလားပင်လယ်အော်တွင် တိမ်အသင့်အတင့် ဖြစ်ထွန်းနိုင်ကြောင်း သိရသည်။

မိုးရွာသွန်းနိုင်သည့် အခြေအနေသည် စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ် (အရှေ့ပိုင်းနှင့် တောင်ပိုင်း)၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ရွာသွန်းမြဲထက်ပိုနိုင်ပြီး စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်မြောက်ပိုင်း၊ ချင်းပြည်နယ်နှင့် ရခိုင်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း၊ တနင်္သာရီတိုင်းဒေသကြီးနှင့် ကချင်ပြည်နယ်တို့တွင် ၁၄ ရက်မှ ၁၇ ရက်ခန့်၊ ပဲခူးတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ၉ ရက်မှ ၁၃ ရက်ခန့်နှင့် စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင် ၄ ရက်မှ ၈ ရက်ခန့်အထိ မိုးရွာနိုင်ကြောင်း သိရသည်။

နေ့အပူချိန်များအနေဖြင့် ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင် ဧပြီလ၏ ပျမ်းမျှအပူချိန်ထက် ၁ ဒသမ ၅ ဒီ ဂရီစင်တီဂရိတ်ပိုနိုင်ပြီး စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ဧပြီလ၏ ပျမ်းမျှအပူချိန်ခန့်သာရှိနိုင်ကြောင်း သိရသည်။

မိုးကြိုကာလအတွင်း မုန်တိုင်းတစ်ကြိမ်မှ နှစ်ကြိမ်ခန့်ဖြစ်ပွားလေ့ရှိပြီး မုန်တိုင်းများ၏ ၄၄ ရာခိုင်နှုန်းဝန်းကျင်သည် မြန်မာနိုင်ငံကို ၀င်ရောက်လေ့ရှိသည်ဟု သိရသည်။

ဘင်္ဂလားပင်လယ်အော်တွင် ဖြစ်ပွားသော မုန်တိုင်းများ၏ ခြောက်ရာခိုင်နှုန်းသည် မြန်မာနိုင်ငံသို့ ဖြတ်ကျော်ခဲ့ပြီး မုန်တိုင်းသက်ရောက်မှုများကို သတိပြုရသောဒေသများသည် ရခိုင်ပြည်နယ်တည်ရှိသည့် ရခိုင်ကမ်းရိုးတန်းဒေသ၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးတို့ ပါဝင်သည့် မြစ်ဝကျွန်းပေါ် ကမ်းရိုးတန်းဒေသတို့ဖြစ်သည်။

ဘင်္ဂလားပင်လယ်အော် အရှေ့တောင်ပိုင်းနှင့် ယင်းနှင့်ဆက်စပ်လျက်ရှိသော ကပ္ပလီပင်လယ်ပြင်၌ ဖြစ်ပေါ်နေသော လေဖိအားနည်းရပ်ဝန်းကြောင့် မြန်မာနိုင်ငံတောင်ပိုင်းနှင့် မြစ်ဝကျွန်းပေါ်ဒေသတွင် အအေးလျော့နေဦးမည်

ဘင်္ဂလားပင်လယ်အော် အရှေ့တောင်ပိုင်းနှင့် ယင်းနှင့် ဆက်စပ်လျက်ရှိသော ကပ္ပလီပင်လယ်ပြင်တွင် ဖြစ်ပေါ်နေသော လေဖိအားနည်းရပ်ဝန်းကြောင့် မြန်မာနိုင်ငံ တောင်ပိုင်းနှင့် မြစ်ဝကျွန်းပေါ်ဒေသတို့တွင် အအေးလျော့နေဦးမည်ဖြစ်ကြောင်း မိုးလေ၀သနှင့် ဇလဗေဒညွှန်ကြားရေးမှူးချုပ် ဒေါက်တာ ဦးကျော်မိုးဦးက ပြောသည်။

“လေဖိအားနည်းရပ်ဝန်းက သိပ်ပြီးတော့ အားမကောင်းဘူး။ အားကောင်းလာနိုင်တဲ့ အနေအထားလည်း သိပ်မတွေ့ရဘူး။ အိန္ဒိယနဲ့ တရုတ်ဘက်ကနေ လေဖိအားကြီးရပ်ဝန်းက ထိုးနေတယ်။ အဲဒီအတွက်ကြောင့် လေဖိအားနည်းရပ်ဝန်းနဲ့ အားပျက်သွားနိုင်တယ်။ အခုပုံစံနဲ့အတွက်ဆိုရင်တော့ အားကောင်းလာနိုင်တဲ့ အနေအထားတော့ မတွေ့ရဘူး။ လေဖိအားနည်းရပ်ဝန်းကြောင့် မြန်မာနိုင်ငံတောင်ပိုင်းနဲ့ မြစ်ဝကျွန်းပေါ်လောက်မှာပဲ အအေးပေါ့သွားနိုင်တယ်။ ကျန်တဲ့နေရာတွေက အအေးပိုနေဦးမှာ။ အိန္ဒိယနဲ့ တရုတ်ဘက်ကနေ လေဖိအားကြီးရပ်ဝန်းကြောင့် ကျန်တဲ့နေရာနဲ့ အထက်ပိုင်းတွေက အအေးပိုနေဦးမှာ။ လေဖိအားနည်းရပ်ဝန်းက အားပိုကောင်းလာရင်တော့ အထက်ပိုင်းတွေက အအေးလျော့သွားနိုင်တယ်” ဟု ညွှန်ကြားရေးမှူးချုပ် ဒေါက်တာဦးကျော်မိုးဦးက ပြောကြားသည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ ဇန်န၀ါရီ ၆ ရက် ထုတ်ပြန်ချက်တွင် ဘင်္ဂလားပင်လယ်အော် အရှေ့တောင်ပိုင်းနှင့် ယင်းနှင့်ဆက်စပ်လျက်ရှိသော ကပ္ပလီပင်လယ်ပြင်တောင်ပိုင်းတွင် လေဖိအားနည်းရပ်ဝန်းတစ်ခု ဖြစ်ပေါ်နေကြောင်း၊ ဘင်္ဂလားပင်လယ်အော်မြောက်ပိုင်းနှင့် အနောက်အလယ်ပိုင်းတို့တွင် အများအားဖြင့် သာယာနေကြောင်း သိရသည်။

ထို့ပြင် မိုးရွာသွန်းမှုအနေဖြင့် ရှမ်းပြည်နယ်အရှေ့ပိုင်းနှင့် ကယားပြည်နယ်တို့တွင် နေရာစိပ်စိပ်၊ ပဲခူးတိုင်းဒေသကြီးတွင် နေရာကျဲကျဲနှင့် ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ရခိုင်ပြည်နယ်တို့တွင် နေရာကွက်ကျား မိုးရွာခဲ့ကြောင်း၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းခဲ့ကြောင်း၊ မှတ်သားဖွယ်ရာ မိုးရေချိန်များအနေဖြင့် ကိုကိုးကျွန်းမြို့တွင် ၀ ဒသမ ၃၅ လက်မ၊ မိုင်းဆတ်မြို့နှင့် လွိုင်ကော်မြို့တို့တွင် ၀ ဒသမ ၁၆ လက်မစီ၊ ဘောလခဲမြို့တွင် ၀ ဒသမ ၁၂ လက်မစီ ရွာသွန်းခဲ့ကြောင်း သိရသည်။

ညအပူချိန်များအနေဖြင့် ကယားပြည်နယ်တွင် ဇန်န၀ါရီလ၏ ပျမ်းမျှအပူချိန်ထက် ၇ ဒီဂရီစင်တီဂရိတ်၊ ပဲခူးတိုင်းဒေသကြီး၊ ရှမ်းပြည်နယ် (အရှေ့ပိုင်းနှင့်တောင်ပိုင်း)၊ ချင်းပြည်နယ်နှင့် မွန်ပြည်နယ်တို့တွင် ဇန်န၀ါရီလ၏ ပျမ်းမျှအပူချိန်ထက် ၅ ဒီဂရီစင်တီဂရိတ်မှ ၆ ဒီဂရီစင်တီဂရိတ်အထိ၊ ဧရာဝတီတိုင်းဒေသကြီး၊ ရခိုင်ပြည်နယ်နှင့် ကရင်ပြည်နယ်တို့တွင် ဇန်န၀ါရီလ၏ ပျမ်းမျှအပူချိန်တို့ထက် ၃ ဒီဂရီစင်တီဂရိတ်မှ ၄ ဒီဂရီစင်တီဂရိတ်ထိ၊ စစ်ကိုင်းတိုင်းဒေသကြီး အထက်ပိုင်း၊ ကချင်ပြည်နယ်နှင့် ရှမ်းပြည်နယ် (မြောက်ပိုင်း) တို့တွင် ဇန်န၀ါရီလ၏ ပျမ်းမျှအပူချိန်တို့ထက် ၂ ဒီဂရီစင်တီဂရိတ်ပိုကြောင်း သိရသည်။