ကန့်ကွက်စာများ ဖြန့်ဝေမှုဖြင့် ကရင်နီလူငယ် ၁၀ ဦးအား နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ)၊ (ဂ) တို့ဖြင့် လွိုင်ကော်မြို့နယ် တရားရုံးတွင် ဒုတိယအကြိမ် ရုံးတင်ရာ အာမခံမယူဘဲ ထောင်အချုပ်ဖြင့် တရားရင်ဆိုင်နေသည့် လူငယ်သုံးဦးမှာ လက်ထိတ်ခတ် မခံသောကြောင့် အမှုမစစ်ဖြစ်

လွိုင်ကော်မြို့နယ် တရားရုံးအား ဇူလိုင် ၁၂ ရက်က တွေ့ရစဉ်

ကယားပြည်နယ် (ကရင်နီ) သမိုင်းအမှန်နှင့် ဗိုလ်ချုပ်အောင်ဆန်းရုပ်တု စိုက်ထူခြင်းမပြုရန် ကန့်ကွက်စာများ ဖြန့်ဝေမှုဖြင့် ကရင်နီလူငယ် ၁၀ ဦးအား နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ)၊ (ဂ) ဖြင့် ကယားပြည်နယ် လွိုင်ကော်မြို့နယ် တရားရုံး၌ ဇူလိုင် ၁၂ ရက်တွင် ဒုတိယအကြိမ် ရုံးတင်ရာ အာမခံမယူဘဲ ထောင်အချုပ်ဖြင့် တရားရင်ဆိုင်နေသည့် လူငယ်သုံးဦးမှာ လက်ထိတ်ခတ် မခံသောကြောင့် အမှုမစစ်ဆေးဖြစ်ခဲ့ကြောင်း သိရသည် ။

“တရားရုံးကတော့ လုပ်ထုံးလုပ်နည်းနဲ့အညီ ခေါ်လာဖို့ ဆိုပြီးတော့မှ ပြောတယ်။ လက်ထိတ်ခတ် ခေါ်လာဖို့ ပြောတယ်ပေါ့။ ဒါပေမဲ့ ဒီလူငယ် သုံးယောက်ကတော့ လက်ထိတ်ခတ် မခံတဲ့အတွက် အခြေအနေက ရုံးထုတ်ဖို့ အဆင်မပြေတော့ဘူးပေါ့နော်” ဟု ကရင်နီပြည်လူငယ်များသမဂ္ဂ အထွေထွေအတွင်းရေးမှူး ခွန်းဘားနဒ်ဘုတ်က ပြောကြားသည် ။

လွိုင်ကော်မြို့နယ် တရားရုံးတွင် တရားစွဲဆို ခံနေရသူများအနက် သုံးဦးဖြစ်သော ကိုဒီးဒီ၊ ခွန်းဖိလစ်စိုးအောင်နှင့် ခွန်းမျိုးလှိုင်ဝင်းတို့မှာ ဇူလိုင် ၁၁ ရက်တွင် ဒီးမော့ဆို တရားရုံးက နိုင်ငံတော် အကြည်ညိုပျက်စေမှု ၅၀၅ (ခ)၊ (ဂ) ဖြင့်ပင် ပထမအကြိမ် ရုံးတင် စစ်ဆေးရာ အာမခံမယူသဖြင့် လွိုင်ကော် ထောင်အချုပ်ဖြင့် တရားရင်ဆိုင်နေသူများ ဖြစ်ပြီး ၎င်းတို့ သုံးဦးအား မြို့နယ်အလိုက် ပုဒ်မများတပ် တရားစွဲဆိုရန် စီစဉ်ထားကြောင်း သိရသည်။

ဇူလိုင် ၁၂ ရက်တွင် လွိုင်ကော်မြို့နယ် တရားရုံးက လူငယ် ၁၀ ဦးအား အထွေထွေ အုပ်ချုပ်ရေးဦးစီးဌာန အရာရှိတစ်ဦးက တရားလိုပြုလုပ်၍ နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ)၊ (ဂ) ဖြင့် ဒုတိယအကြိမ် ရုံးထုတ် စစ်ဆေးရာ ပထမအကြိမ်ကဲ့သို့ ပင် တရားစွဲဆိုသည့် လူငယ်များအနက် သုံးဦး၏ အချက်အလက်များ မပြည့်စုံခြင်းတို့ကြောင့် မြို့နယ်တရားသူကြီးက အချက်အလက် ပြည့်စုံစွာ ပြန်တင်ရန် ညွှန်ကြားပြီး တတိယအကြိမ် ရုံးချိန်းကို ဇူလိုင် ၂၅ ရက်သို့ ထပ်မံ ချိန်းဆိုခဲ့ကြောင်း သိရသည်။

နိုင်ငံတော် အကြည်ညိုပျက်စေမှုဖြင့် ပထမအကြိမ် တရားရုံးဆင့်ခေါ်ရာ တရားသူကြီးက လူငယ်တစ်ဦးလျှင် အာမခံကြေး ကျပ်သိန်း ၃၀ တင်အာမခံပြီး ဒုတိယအကြိမ် ရုံးချိန်းကို ဇူလိုင် ၁၂ ရက်သို့ ချိန်းဆိုခဲ့ကြောင်း၊ တရားစွဲခံရသည့် လူငယ်များထဲတွင် ကိုဒီးဒီ၏ ဇနီးဖြစ်သူနှင့် ညီမဖြစ်သူတို့မှာ စာဝေစဉ်က မပါရှိသော်လည်း အမှုတည်ဆောက်ရာတွင် အခြားသူများ၏ ဓာတ်ပုံများဖြင့် ရုံးတင်ခဲ့ကြောင်း စွပ်စွဲခံရသူများထံမှ သိရသည်။

ကယားပြည်နယ်အတွင်း နိုင်ငံတော်အကြည်ညိုပျက်စေမှုဖြင့် တရားစွဲခံရသူ လက်ရှိအချိန်အထိ ကရင်နီလူငယ် ၁၁ ဦးရှိပြီး ငြိမ်းစုစီပုဒ်မဖြင့် တရားစွဲဆိုရန်အတွက် ကရင်နီလူငယ် ၁၆ ဦးကိုလည်း အမှုတည်ဆောက်နေသဖြင့် အာဏာပိုင်များက လာရောက် စစ်ဆေးချက်ယူနေကြောင်း သိရသည် ။

တရားစွဲခံရသော လူငယ်များမှာ ကယားပြည်နယ်တွင် အာဇာနည်နေ့ ကျင်းပခွင့် တားမြစ်ခြိမ်းခြောက် ခံထားရသည့် ၂၀၁၂ ခုနှစ်မှစ၍ နှစ်စဉ် အာဇာနည်နေ့ကို မပျက်မကွက် ပါဝင်လှုံ့ဆော်ခဲ့ကြသူများ ဖြစ်သည့်အပြင် ဒေါ်အောင်ဆန်းစုကြည် ရွေးကောက်ပွဲစည်းရုံးရေး ခရီးစဉ်တွင် နေ့၊ ည လုံခြုံရေး ယူပေးခဲ့ကြသူများလည်း ပါဝင်ကြောင်း ၊ မိမိတို့ဌာနေများတွင် NLD အား မဲပေးရန် စည်ရုံးပေးခဲ့သူများလည်း ဖြစ်ကြောင်း သိရသည်။

ခန္တီးမြို့တွင် ပြုလုပ်မည့် ဗိုလ်ချုပ်ကြေးရုပ် စိုက်ထူခြင်းနှင့် အခမ်းအနား အစီအစဉ်များတွင် နာဂရိုးရာ ၀တ်စားဆင်ယင်မှုဖြင့် တက်ရောက်ခြင်း မပြုရန် နာဂအမျိုးသားရေးရာကောင်စီ ထုတ်ပြန်

ခန္တီးမြို့တွင် ပြုလုပ်မည့် ဗိုလ်ချုပ်ကြေးရုပ် စိုက်ထူခြင်း လှုပ်ရှားမှုနှင့် အခမ်းအနား အစီအစဉ်များတွင် နာဂရိုးရာ ၀တ်စားဆင်ယင်မှုဖြင့် တက်ရောက်ခြင်း မပြုရန် နာဂအမျိုးသားရေးရာကောင်စီက ၂၀၁၈ ခုနှစ် ဇူလိုင် ၇ ရက် နေ့စွဲဖြင့် ထုတ်ပြန်ခဲ့သည်ဟု သိရသည်။

“စာထွက်ထားတာက Public Statement တော့ မဟုတ်ဘူး။ လွန်ခဲ့တဲ့ လေး၊ ငါး ရက်လောက်က ပေးထားတာ။ အခုဟာက ခန္တီးမှာ ဗိုလ်ချုပ်ကြေးရုပ် စိုက်ထူကြမယ်ဆိုပြီး လူတွေက ပြောကြတယ်။ ဒီဟာနဲ့ ပတ်သက်ပြီး ဘယ်လိုလုပ်မှာလဲ ဆိုပြီး ဒေသခံတွေ ကြားထဲမှာ သဘောထား ကွဲလွဲတာတွေ အများကြီး ရှိလာတာပေါ့။ ကျွန်တော်တို့ နာဂ အမျိုးသားရေးရာကောင်စီဟာ ဆိုလို့ရှိရင် ကျွန်တော်တို့ နာဂ လူမှုအရပ်ဘက် အဖွဲ့အစည်းတွေကြားထဲမှာ မိခင်အဖွဲ့အစည်း တစ်ခုအနေနဲ့ ကျန်တဲ့ နေရာဒေသတွေမှာလည်း ဗိုလ်ချုပ်ကြေးရုပ် စိုက်ထူတာနဲ့ ပတ်သက်ပြီးတော့ ပြဿနာတွေ ရှိနေတဲ့အတွက် ဒီဟာထဲမှာ ကျွန်တော်တို့ အနေနဲ့ မပါဝင်ဖို့ပေါ့။ ဒေသ အာဏာပိုင်တွေအနေနဲ့ လုပ်နေတာကလည်း ဒေသအတွင်းမှာ လိုအပ်တဲ့ ပြည်တွင်းငြိမ်းချမ်းရေးနဲ့ အမျိုးသား ပြန်လည်သင့်မြတ်ရေးအတွက် ဒါတွေဟာ အထောက်အကူ မပြုစေဘူးပေါ့။ အဲဒါတွေက ကျွန်တော်တို့တတွေဟာ မပါဝင်သင့်တဲ့ အကြောင်းပေါ့။ ကျွန်တော်တို့ ဖြစ်ချင်တာက အခု ကျွန်တော်တို့ ပြောနေလုပ်နေတဲ့ ဟာတွေက ဗိုလ်ချုပ်အောင်ဆန်းကို မထီလေးစား လုပ်တာ မဟုတ်ဘူး။ ဗိုလ်ချုပ် ဗန်းပြပြီးတော့ လုပ်နေတဲ့ ပုံစံမျိုးတွေ ဒါတွေဟာ မသင့်တော်ဘူးလို့ မျှော်လင့်တယ်။ ပြီးတော့ ဒီလို လုပ်နေမယ့်အစား ကျွန်တော်တို့က ဘယ်လို ဖြစ်ခိုင်းစေချင်လဲ ဆိုတော့ ဗိုလ်ချုပ်အောင်ဆန်း ရုပ်တုကို ကျွန်တော်တို့ ကိုယ်တိုင် စိုက်ချင်တာ၊ ကျွန်တော်တို့ ကိုယ်တိုင် လုပ်ပေးချင်တာ အဓိပ္ပာယ်ရှိတဲ့ ဗိုလ်ချုပ်အောင်ဆန်း ရုပ်တုပေါ့။ အခုဟာက ဗိုလ်ချုပ်အောင်ဆန်း ပေးအပ်ခဲ့တဲ့ ကတိက၀တ်တွေက ဘာမှမရှိဘဲနဲ့၊ ဗိုလ်ချုပ်ပေးခဲ့တဲ့ ကတိတွေကျတော့ တန်ဖိုးမထားဘဲနဲ့ သူတို့အနေနဲ့ လုပ်နေတာဟာ သဘာဝမကျဘူးလို့ ကျွန်တော်တို့အနေနဲ့ မြင်တယ်။ ကတိက၀တ်တွေ ဖော်ဆောင်ပေးခြင်း မရှိဘဲနဲ့ ကျွန်တော်တို့ကြားထဲမှာ ရင်ကြားစေ့ရေး မဟုတ်ဘဲနဲ့ ပိုပြီးတော့ ရင်ဘတ်တွေ ပိုကွဲထွက်စေမယ့် အနေအထားမျိုးတွေ ရှိတယ်ပေါ့ ။ အဲဒါ မဖြစ်သင့်တဲ့အရာလို့ မျှော်လင့်တယ်” ဟု နာဂ အမျိုးသားရေးရာကောင်စီဥက္ကဋ္ဌ ဦးအထောင်းမကူရီက ပြောကြားသည် ။

ယခု ထုတ်ပြန်ခဲ့သည့် စာသည် နာဂအဖွဲ့အစည်းများနှင့် နာဂ လူထုအတွင်းအတွက်သာ ထုတ်ပြန်ခြင်းဖြစ်ပြီး ဗိုလ်ချုပ်ရုပ်တုနှင့် ပတ်သက်၍ တရားဝင် ကြေညာချက် တစ်စောင်ကိုလည်း မကြာမီ နှစ်ရက် သုံးရက်အတွင်း ထုတ်ပြန်ရန် ရှိသည်ဟု ၎င်း၏ အဆိုအရ သိရသည် ။

“ အခုထုတ်တဲ့ စာက ဗိုလ်ချုပ်ကြေးရုပ်ကိစ္စနဲ့ ပတ်သက်ပြီးတော့မှ ပါဝင် ပတ်သက်ခြင်း မရှိဖို့ပါ ။ ဗိုလ်ချုပ်ကြေးရုပ်ကိစ္စနဲ့ ပတ်သက်လို့ကလည်း ကြေညာချက် တစ်စောင်ကို နောက် နှစ်ရက် သုံးရက်အတွင်းမှာ ထွက်ဖို့ ရှိပါတယ်။ ဒီကိစ္စနဲ့ ပတ်သက်ပြီးတော့လည်း ကျွန်တော်တို့ နာဂအဖွဲ့အစည်းတွေ ကြားထဲ မှာ ဆွေးနွေးမှုတွေ ရှိနေပါတယ်။ ဘာလဲဆိုတော့ နာဂအဖွဲ့အစည်းတွေ ကိုယ်၌က အစမသိတာ။ စလုပ်တဲ့ အချိန်မှာ နာဂအဖွဲ့အစည်းတွေကို တိုင်ပင်ပြီး လုပ်မယ်ဆိုရင် လုပ်ငန်းစဉ် (Process) ကို သိနေရမယ်။ ကျွန်တော်တို့က လုပ်ငန်းစဉ်ကို မသိရဘဲနဲ့ ဗိုလ်ချုပ်ကြေးရုပ် ဘွားခနဲ ရောက်လာတော့ ဘယ်သူတွေပါလို့ ပါမှန်းမသိ။ ဘယ်သူတွေ လုပ်လို့ လုပ်နေမှန်း မသိ အဲဒါမျိုးပေါ့။ ဆိုတော့ အဲဒါကလည်း နည်းနည်း ဇဝေဇ၀ါ ဖြစ်စေတာပေါ့။ ပြောမယ်ဆိုရင် အစိုးရ လုပ်တယ်ဆိုရင်လည်း လုပ်ငန်းလုပ်တဲ့ နေရာမှာ သေသေချာချာ ညှိနှိုင်း တိုင်ပင်တယ်ဆိုတာ မရှိဘူး။ လုပ်ချင်တဲ့ဟာကို ဇွတ်လုပ်သွားတာချည်းပဲ။ အဲဒါတွေ မဖြစ်သင့်ဘူး။ မြန်မာနိုင်ငံအရေးနဲ့ ပတ်သက်ပြီး ဒါတွေကို တန်ဖိုးထားတယ် ဆိုရင် ဒါတွေကို ရှေ့တန်း မတင်သင့်ဘူး။ မြန်မာနိုင်ငံ တိုးတက် ဖွံ့ဖြိုးဖို့အတွက် အမျိုးသားရင်ကြားစေ့ရေးအတွက် အလုပ်လုပ်ချင်တယ် ဆိုရင် ဒါတွေကို ရှေ့တန်းတင်ပြီးတော့ မလုပ်သင့်ဘူးလို့ မျှော်လင့်ပါတယ်။ အတင်းအဓမ္မ လုပ်နေမယ်ဆိုရင် ဒေသတွင်းမှာ မလိုလားအပ်တဲ့ ပဋိပက္ခတွေ ကျွန်တော်တို့ဆီမှာ ပြဿနာတွေက အများကြီးရှိတယ်။ ပြဿနာတွေ ထပ်တိုးအောင်တော့ မလုပ်သင့်ဘူးလို့ ကျွန်တော့်ဘက်က ပြောကြားချင်ပါတယ်”ဟု နာဂရေးရာ အမျိုးသားကောင်စီဥက္ကဋ္ဌ ဦးအထောင်းမကူရီက ပြောကြားသည် ။

ခန္တီးမြို့သို့ ရောက်ရှိလာသော ဗိုလ်ချုပ်ကြေးရုပ်မှာ ဇူလိုင် ၁၂ ရက်အထိ သင်္ဘောပေါ်တွင် ရှိနေဆဲဖြစ်ပြီး ဇူလိုင် ၁၄ ရက်တွင် သင်္ဘောပေါ်မှ ချကာ ဇူလိုင် ၁၅ ရက်တွင် ခန္တီးမြို့အတွင်း လှည့်လည်မည် ဖြစ်ကာ ဇူလိုင် ၂၁ ရက်တွင် ဖွင့်ပွဲ ပြုလုပ်မည်ဟု သိရသည်။

“သူတို့က ၇ ရက်နေ့က ထုတ်ပြန်ထားတာ။ ဗိုလ်ချုပ်ကြေးရုပ် ဖြစ်မြောက်ရေးကော်မတီထဲမှာလည်း ခန္တီးမှာတော့ အထူးသဖြင့် ရိုးရာယဉ်ကျေးမှုဘက်က နာယကတွေပါ ထည့်ထားတာလေ။ ထည့်ထားတဲ့ အခါကျတော့ ကျွန်တော် နားမလည်တဲ့အပိုင်းက ဗဟိုယဉ်ကျေးမှု အဖွဲ့တွေကလည်း ကျွန်တော်တို့ ကော်မတီထဲမှာ ပါတယ်။ ….. ကျွန်တော်တို့ကတော့ ပါတီအနေနဲ့သော် လည်းကောင်း အစိုးရအနေနဲ့ ဦးဆောင်ပြီး လုပ်တာ မဟုတ်တဲ့အတွက် တိုင်းရင်းသား တစ်ယောက်အနေနဲ့ ဗိုလ်ချုပ်ကို တန်ဖိုးထားတဲ့အနေနဲ့ ကိုယ့်ဝတ်စုံလေးတွေနဲ့ တက်မယ်။ နောက်ပြီးတော့ အားလုံးကလည်း ပါတီက ကျန်တဲ့ ပါတီကလည်း ကိုယ့်ဝတ်စုံနဲ့ကိုယ်တက်ဖို့။ ကျွန်တော်တို့တတွေကတော့ ကိုယ်စားလှယ် သုံးယောက် က ရှမ်းရယ်၊ နာဂရယ်၊ ဗမာရယ် သုံးယောက် ရှိတော့ ကိုယ့်ဝတ်စုံနဲ့ ကိုယ်တက်ဖို့ ညှိထားပြီးပြီ။ ကျွန်တော်တို့က အရင်ကတည်းက ရင်ထဲမှာ ရှိပါတယ်။ ဒါပေမဲ့ ထပ်ဆင့်ပြီး ဗဟိုယဉ်ကျေးမှု နာယကတွေကလည်း ထပ်ဆင့်ပြီးတော့တောင် မှာလိုက်သေး။ တတ်နိုင်ရင် ကိုယ့်ရိုးရာယဉ်ကျေးမှု ၀တ်စုံလေးတွေနဲ့ တက်ရောက်ဖို့ပေါ့။ ဖဲကြိုးဖြတ် ဖွင့်မယ့် အခမ်းအနားထဲ ပါခဲ့ရင်လည်း ရိုးရာဝတ်စုံလေးတွေနဲ့ တက်ဖို့ မှာသွားတာ။ နာဂရိုးရာယဉ်ကျေးမှုကော်မတီ နာယကတွေက မှာသွားတာ” ဟု နာဂ တိုင်းရင်းသားတစ်ဦး ဖြစ်သည့် တိုင်းဒေသကြီး လွှတ်တော်ကိုယ်စားလှယ် ဦးမောင်တေးက ပြောကြားသည်။

ဗိုလ်ချုပ်အောင်ဆန်းရုပ်တု စိုက်ထူခြင်း မပြုရန် ကန့်ကွက်စာ ဖြန့်ဝေမှုဖြင့် ကရင်နီလူငယ် လေးဦးအား နိုင်ငံတော် အကြည်ညိုပျက်စေမှုပုဒ်မ ၅၀၅ (ခ)၊ (ဂ) ဖြင့် ပထမအကြိမ် ရုံးတင်တရားစွဲဆိုရာ အာမခံမယူဘဲ ထောင်အချုပ်ဖြင့် တရားရင်ဆိုင်မည်ဟု သိရ

ကရင်နီ လူငယ်လေးဦးအား နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ)၊ (ဂ) ဖြင့် ပထမအကြိမ် ရုံးတင် တရားစွဲဆိုရာတွင် လာရောက် ၀န်းရံသူများကို တွေ့ရစဉ်

ကရင်နီ (ကယား) သမိုင်းအမှန်နှင့် ဗိုလ်ချုပ်အောင်ဆန်းရုပ်တု စိုက်ထူခြင်း မပြုရန် ကန့်ကွက်သည့်စာများ ဖြန့်ဝေမှုဖြင့် ကရင်နီ လူငယ်လေးဦးအား ကယားပြည်နယ် ဒီးမော့ဆို တရားရုံးတွင် နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ)၊ (ဂ) ဖြင့် ဇူလိုင် ၁၁ ရက်တွင် ပထမအကြိမ် ရုံးတင် တရားစွဲဆိုရာ ၎င်းတို့က အာမခံမယူဘဲ ထောင်အချုပ်ဖြင့် တရားရင်ဆိုင်ကြမည် ဖြစ်ကြောင်း သိရသည်။

“အစိုးရက တရားဥပဒေစိုးမိုးရေးကို လုပ်တာ မဟုတ်ဘူးပေါ့နော်။ တက်ကြွလှုပ်ရှားတဲ့ လူငယ်တွေကို ဖိနှိပ်တဲ့အရာလို့ပဲ ကျွန်တော်တို့မြင်တယ်။ လူငယ် ခေါင်းဆောင်ပိုင်းတွေကို ဥပဒေအမျိုးမျိုး တပ်ပြီးတော့ တရားစွဲတယ်။ နောက်ပြီးတော့ ဒီလိုမျိုး ရည်ရွယ်ချက်ရှိရှိ မြို့နယ်အလိုက်ကို ပုဒ်မတစ်ခုတည်းနဲ့ စွဲတယ်ပေါ့နော်။ ဒါဟာ လူငယ်ရဲ့လှုပ်ရှားမှုတွေကို ဖိနှိပ်တာဖြစ်တယ်။ ဒီကိစ္စလှုပ်ရှားတဲ့ နိုင်ငံသားတွေကို ဖိနှိပ်တာဖြစ်တယ်။ နိုင်ငံသားရဲ့ အခွင့်အရေးကို အစိုးရကနေ ပြောင်ပြောင်တင်းတင်း ချိုးဖောက်တာ ဖြစ်တယ်။ အစိုးရရဲ့ ပြည်သူတွေအပေါ် အကြမ်းဖက်မှု ဖြစ်တယ်လို့ ကျွန်တော် ပြောချင်ပါတယ်”ဟု ခွန်းဖိလစ်စိုးအောင်က ပြောကြားသည်။

တရားစွဲဆို ခံရသော ဌာနေတိုင်းရင်းသား ကယန်းနှင့် ကယော လူငယ်များဖြစ်သည့် ကိုဒီးဒီ၊ ခွန်းဖိလစ်စိုးအောင်၊ ခွန်းသောမတ်စ် နှင့် ခွန်းမျိုးလှိုင်ဝင်းတို့ဖြစ်ပြီး ခွန်းသောမတ်စ် မှလွဲ၍ ကျန်သူသုံးဦးမှာ လွိုင်ကော်မြို့နယ် တရားရုံးတွင် ပြီးခဲ့သည့် ဇူလိုင် ၅ ရက်က နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ)၊ (ဂ) ဖြင့် တရားစွဲဆိုခဲ့သော လူငယ် ၁၀ ဦး တွင် ပါဝင်သူများဖြစ်ပြီး တရား ရင်ဆိုင်နေကြသူများ ဖြစ်ကြောင်း သိရသည်။

“၂၀၁၈ ခုနှစ် ဇန်န၀ါရီ ၁၉ ရက်မှာ ၀န်ကြီးချုပ် အယ်လ်ဖောင်းရှိုက ပြောခဲ့တယ်ပေါ့နော်။ ကျွန်တော်တို့နိုင်ငံက ဒီမိုကရေစီစစ်စစ် ရပြီလို့ပြောခဲ့တယ်။ သူပြောတဲ့ ဒီမိုကရေစီ စစ်စစ်ဆိုတာက ခရိုနီတွေအတွက်၊ အချောင်သမား လူတန်းစားတွေအတွက်ပဲ ဖြစ်တယ်။ ကျွန်တော်တို့ရဲ့ပြည်သူလူထုတွေအတွက် ဒီမိုကရေစီစစ်စစ် မဟုတ်ဘူးဆိုတာ သက်သေအထောက်အထား သာဓကတွေက ပြဋ္ဌာန်းလိုက်ပြီပေါ့”ဟု တရားစွဲ ခံထားရသော ခွန်းမျိုးလှိုင်ဝင်းက ပြောကြားသည်။

ထို့ပြင် ဇွန် ၂၆ ရက်မှစ၍ ကယားပြည်နယ်တွင် မယ်စဲ့၊ ဖားဆောင်း၊ ဖရူဆို၊ ဒီးမော့ဆို၊ ရှားတော၊ လွိုင်ကော် စသည့်မြို့နယ်များသို့ လည်းကောင်း၊ ရှမ်းပြည်တောင်ပိုင်း မိုးဗြဲ နှင့် ဖယ်ခုံမြို့များသို့ ဗိုလ်ချုပ်ရုပ်တု တည်ဆောက်ခြင်းကို ကန့်ကွက်ကြောင်းနှင့် ကရင်နီ သမိုင်းအမှန် ရေးသားထားသော စာများ ဖြန့်ချိခဲ့သောကြောင့် မြို့နယ်အလိုက် တရားစွဲဆိုမှုများ ပြုလုပ်မည်ဖြစ်ပြီး ဇူလိုင် ၃ ရက်တွင် ဆန္ဒထုတ်ဖော်ခဲ့ကြသော ဌာနေ တိုင်းရင်းသား လူငယ် ၁၆ ဦးကိုလည်း ငြိမ်းစုစီ ဥပဒေဖြင့် တရားစွဲဆိုရန် ကိုယ်ရေးအချက်များကို တာဝန်ရှိသူများက လာရောက် တောင်းဆိုခဲ့ကြောင်း သိရသည်။

“ဒီပုဒ်မက အာမခံချက်ရတဲ့ ပုဒ်မလည်း မဟုတ်ဘူး။ ကျွန်တော်တို့ ရင်ဆိုင်ပါတယ်။ သမိုင်းကိစ္စကို ကျွန်တော်တို့ ဖြန့်တယ်။ ဖြန့်တော့ အာဏာပိုင်တွေ ဒီလိုပုဒ်မတွေနဲ့ စွဲတယ်။ ကျွန်တော်ပြောချင်တာ ဘာလဲဆိုတော့ ဒီပြည်နယ်မှာရှိတဲ့ လူထုတွေ အားလုံးတွက် သမိုင်းအမှန်ကို သိခွင့်မရှိကြတော့ဘူးလား။ ဒီလိုဖိနှိပ်တဲ့အတွက် ကျွန်တော်တို့လည်း ရင်ဆိုင်ရဲတယ်။ ရင်ဆိုင်ဖို့လည်း ကျွန်တော်တို့ အခု အာမခံချက် လျှောက်လည်း မလျှောက်ဘူး။ ရင်ဆိုင်သွားမယ်။ တစ်နည်းအားဖြင့် ပြောရရင် ဒီမှာရှိတဲ့ လူငယ်တွေ အားလုံး သမိုင်းတရားခံ မဖြစ်ဖို့အတွက် ကျွန်တော်တို့ ဒီလှုပ်ရှားမှုတွေ စတင်ပြီး လုပ်ကြတယ်။ လုပ်ကြတော့ ခုလို ကြုံတွေ့ရတယ်ပေါ့။ ဆိုတော့ ဘာမှပူစရာ မလိုဘူး။ ကိုယ့်သမိုင်းအမှန်ကို ကိုယ့်လက်ထက်မှာ မသေသွားဖို့ အရေးကြီးတယ်။ သမိုင်းအမှန်ကို ဖော်ထုတ်တဲ့ လူတွေမှာ သေရိုးမျိုးမရှိဘူး။ ကျန်ခဲ့တဲ့ လူတွေလည်း ဒီသမိုင်းအမှန်ကို ဆက်လက် ဖော်ထုတ်ဖို့ အရေးကြီးတယ်။ ကိုယ့်လက်ထက်မှာ သမိုင်းအမှန် မပျောက်ဖို့ အရေးကြီးပါတယ်”ဟု ခွန်းသောမတ်စ်က ဆိုသည်။

အာမခံ မယူသဖြင့် ထောင်အချုပ်ဖြင့် တရားရင်ဆိုင်ကြမည် ဖြစ်သောကြောင့် ဒီးမော့ဆို တရားရုံးမှ လွိုင်ကော်အကျဉ်းထောင်သို့ အချုပ်ကားဖြင့် ပို့ဆောင်ရာ ဌာနေ တိုင်းရင်းသား ကရင်နီအင်အားစု လူငယ်များက လာရောက် ၀န်းရံလာကြကြောင်း သိရသည်။

တရားစွဲခံရသော လူငယ်များမှာ ကယားပြည်နယ်တွင် အာဇာနည်နေ့ ကျင်းပခွင့်ကို တားမြစ်ခြိမ်းခြောက် ခံထားရသည့် ၂၀၁၂ မှ စ၍ နှစ်စဉ် အာဇာနည်နေ့အား မပျက်မကွက် ပါဝင် လှုံ့ဆော်ခဲ့ကြသူများ ဖြစ်သည့်အပြင် ဒေါ်အောင်ဆန်းစုကြည် ရွေးကောက်ပွဲ စည်းရုံးရေး ခရီးစဉ်တွင် နေ့ညလုံခြုံရေး ယူပေးခဲ့ကြသူများလည်း ပါဝင်ကြောင်း၊ ၎င်းတို့ဌာနေတွင် NLD အား မဲပေးရန် စည်ရုံးပေးခဲ့သူများလည်း ဖြစ်ကြောင်း သိရသည်။

ကယားပြည်နယ်သည် ယခင်က ကရင်နီပြည်နယ်အဖြစ် သမိုင်းအစဉ်အလာအရ သီးခြားလွတ်လပ်စွာ တည်ရှိခဲ့သည်ကို ၁၈၇၅ ခုနှစ် ဇွန် ၂၁ ရက်တွင် ဗမာဘုရင် ကိုယ်စားလှယ် ကင်းဝန်မင်းကြီး ဦးကောင်းနှင့် အင်္ဂလိပ်အစိုးရဘက်မှ ဆာဒေါက်ကလပ်ဖောဆစ် တို့ လက်မှတ်ရေးထိုးခဲ့သည့် သမိုင်းမှတ်တမ်း အထင်အရှားရှိကြောင်း သိရသည်။

ကယားပြည်နယ် (ကရင်နီ) ၏ သမိုင်းအမှန်နှင့် ဗိုလ်ချုပ်အောင်ဆန်းရုပ်တု မစိုက်ထူရန် ရေးသားထားသော စာများ ဖြန့်ချိသဖြင့် လူငယ် ခုနစ်ဦးအား နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ)၊ (ဂ) ဖြင့် တရားစွဲ

လွိုင်ကော်မြို့နယ် တရားရုံး ဇူလိုင် ၅ ရက်ရုံးချိန်းမြင်ကွင်း

ကယားပြည်နယ် (ကရင်နီ) ၏ သမိုင်းအမှန်နှင့် ဗိုလ်ချုပ်အောင်ဆန်းရုပ်တု မစိုက်ထူရန်အတွက် ရေးသားထားသော စာများ ဖြန့်ချိသဖြင့် လူငယ်ခုနစ်ဦးအား အထွေထွေအုပ်ချုပ်ရေးဦးစီးဌာန အရာရှိတစ်ဦးက နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ) (ဂ) ဖြင့် လွိုင်ကော်မြို့နယ် တရားရုံးတွင် ဇူလိုင် ၅ ရက် က တရားစွဲဆိုခဲ့ကြောင်း သိရသည်။

ယင်းသို့ တရားစွဲဆိုရာတွင် တရားရုံးက အာမခံပေးခဲ့ပြီး အဆိုပါ လူငယ်ခုနစ်ဦးမှာ အာမခံဖြင့် ဆက်လက် တရားရင်ဆိုင်ရမည် ဖြစ်ကြောင်း သိရသည်။

နိုင်ငံတော် အကြည်ညိုပျက်စေမှုဖြင့် တရားရုံး ဆင့်ခေါ်ရာ၌ လူငယ် ၁၀ ဦးအမည်ဖြင့် ခေါ်ယူရာတွင် လူငယ်သုံးဦးမှာ မည်သူမှန်း မသိရှိရခြင်း၊ နေရပ်လိပ်စာ မတိကျခြင်းများကြောင့် စွပ်စွဲခံရသူ မစုံသောကြောင့် တရားလိုဖြစ်သူအား ပြန်လည်စိစစ်ပြီးမှ တင်ရန် တရားသူကြီးက တရားလို ထွေအုပ်အရာရှိအား ပြောကြားခဲ့ကြောင်း လူငယ်တစ်ဦးလျှင် ကျပ်သိန်း ၃၀ ဖြင့် အာမခံပြီး ဒုတိယအကြိမ် တရားရုံးချိန်းကို ဇူလိုင် ၁၂ ရက်သို့ ပြန်လည် ချိန်းဆိုခဲ့ကြောင်း သိရသည်။

“၁၂ ရက်နေ့ ပြန်ချိန်းတယ်ပေါ့နော်။ စွပ်စွဲခံရသူတွေ မစုံလို့။ သူတို့လာပေးတဲ့ဟာတွေက အဖေ၊ အမေ နာမည်လည်းမပါသလို တချို့ နာမည်ကလည်း မှားနေတာပေါ့နော်။ ဘယ်သူမှန်းလည်း မသိဘူးပေါ့နော်။ တချို့ဆို ကျွန်တော်တို့လည်း မသိဘူးပေါ့နော်။ အဓိက ကတော့ အဖေ၊ အမေ နာမည်တွေ မပါတာရယ်၊ နောက် နာမည် မပြည့်စုံတာရယ်ပေါ့နော်။ ကက်သရင်းဆို အများကြီးရှိတယ်လေ။ ဒီအမှုကို ဘယ်သူက စွဲတာလဲပေါ့နော်။ မေးခွန်းထုတ်ချင်တယ်။ သူတို့ အဓိက ကတော့ ကျွန်တော်တို့ကို နှိပ်ကွပ်ဖို့ပဲ လုပ်တယ်လို့ ထင်တယ်။ အမှန်ဆို ကျွန်တော်တို့ကိုတော့ တရားစွဲချင်တယ်။ အဲဒီလိုမျိုး ပေါ့ပေါ့လျော့လျော့ လုပ်တယ်ဆိုတာ ဒီတရားစွဲတဲ့ လူတွေရဲ့သဘော မဟုတ်ဘူးဆိုတာလည်း ကျွန်တော်တို့ မေးခွန်းထုတ်ချင်တယ် ။ နောက်တစ်ခုက တရားရုံးအနေနဲ့လည်း ဒီလို အချက်အလက် မပြည့်စုံတာကိုပေါ့နော်။ ဘာလို့ လက်ခံလဲ မေးခွန်းထုတ်ချင်တယ်။ နောက်တစ်ခုက မပါတဲ့လူတွေကိုလည်း ဆွဲထည့်တယ်ဆိုတော့ ဒါ ဒီလိုလုပ်လို့ ရလားပေါ့နော်။ ကျွန်တော်တို့ အဲဒါတွေကို မေးခွန်းထုတ်ချင်ပါတယ်” ဟု စွပ်စွဲခံရသူ တစ်ဦးဖြစ်သော ကိုဒီးဒီက ပြောဆိုသည်။

စွပ်စွဲခံရသူ ၁၀ ဦးတွင် သုံးဦးမှာ မတိကျ မသေချာသောကြောင့် ပြန်လည် တင်ပြရန် တရားသူကြီးက တရားလိုအား တောင်းဆိုထားပြီး စွပ်စွဲခံရသူ ကိုဒီးဒီ၏ ဇနီးနှင့် ညီမဖြစ်သူတို့မှာလည်း စာဖြန့်ဝေစဉ်က မပါဝင်ခဲ့သော်လည်း စွပ်စွဲခံသူ ၁၀ ဦးစာရင်းတွင် ပါဝင်နေကြောင်း သိရသည်။

ယခု စွပ်စွဲခံရသူ ခုနစ်ဦးမှာ ဌာနေ တိုင်းရင်းသားလူငယ်များ ဖြစ်ကြပြီး ကယား၊ ကယန်း၊ ကယော လူမျိုးများဖြစ်သော ကိုဒီးဒီ၊ ခွန်းမျိုး လှိုင်ဝင်း၊ ခွန်းဖိလစ်၊ စောလားဘွယ်၊ ခွန်း ဖရန်စစ္စကို၊ မရိုစီကျော်၊ မကာမေးလာ ဖြစ်ပြီး ကိုဒီးဒီမှာ စစ်အစိုးရ လက်ထက်တွင် ဖွဲ့စည်းပုံအခြေခံဥပဒေအား ကန့်ကွက်မဲပေးရန် စည်းရုံးလှုံ့ဆော်မှုဖြင့် အနှစ် ၃၀ ကျော် ထောင်ချခံခဲ့ရပြီး ၂၀၁၇ ခုနှစ်ဒီဇင်ဘာက KNPP နှင့် တပ်မတော် ပဋိပက္ခဖြစ်စဉ်တွင် အရပ်သားတစ်ဦး သေဆုံးသည်ကို ဖော်ထုတ်ပေးရန် ဆန္ဒထုတ်ဖော်ရာ ထောင်ဒဏ် တစ်လခန့် ကျခံခဲ့သူဖြစ်ကြောင်း သိရသည်။

တရားစွဲခံရသော လူငယ်များမှာ ကယားပြည်နယ်တွင် အာဇာနည်နေ့ ကျင်းပခွင့်ကို တားမြစ်ခြိမ်းခြောက် ခံထားရသည့် ၂၀၁၂ ခုနှစ်မှစ၍ နှစ်စဉ် အာဇာနည်နေ့အား မပျက်မကွက် ပါဝင်လှုံ့ဆော်ခဲ့ကြသူများ ဖြစ်သည့်အပြင် ဒေါ်အောင်ဆန်းစုကြည် ရွေးကောက်ပွဲ စည်းရုံးရေးခရီးစဉ်တွင် နေ့ ညလုံခြုံရေး ယူပေးခဲ့ကြသူများလည်း ပါဝင်ကြောင်း၊ မိမိတို့ ဌာနေများတွင် NLD အား မဲပေးရန် စည်းရုံးပေးခဲ့သူများ ဖြစ်ကြောင်း သိရသည်။

ဇွန် ၂၆ ရက်မှစ၍ ကယားပြည်နယ်တွင် မယ်စဲ့၊ ဖားဆောင်း၊ ဖရူဆို၊ ဒီးမော့ဆို၊ ရှားတော၊ လွိုင်ကော် စသည့် မြို့နယ်များသို့ လည်းကောင်း၊ ရှမ်းပြည်တောင်ပိုင်း မိုးဗြဲနှင့် ဖယ်ခုံမြို့များသို့ ဗိုလ်ချုပ်ရုပ်တု တည်ဆောက်ခြင်းကို ကန့်ကွက်ကြောင်းနှင့် ကရင်နီသမိုင်း အမှန်အား ရေးသားထားသော စာများ ဖြန့်ချိခဲ့ကြောင်း၊ အိတ်ဖွင့်ပေးစာ တစ်စောင်ကို ကယားပြည်နယ်အစိုးရသို့ ဇွန် ၁၈ ရက်တွင် ပေးပို့ခဲ့ကြောင်း သိရသည်။

ထို့ပြင် ကယားပြည်နယ် (ကရင်နီ) လွိုင်ကော်မြို့လယ်ရှိ ပန်းခြံအတွင်း တည်ဆောက်နေသည့် ဗိုလ်ချုပ်အောင်ဆန်းရုပ်တုအပေါ် ကန့်ကွက်ရှုတ်ချကြောင်း ဇူလိုင် ၃ ရက်တွင် ကရင်နီအင်အားစုများ စုပေါင်း၍ လွိုင်ကော်မြို့အတွင်း လှည့်လည် ဆန္ဒထုတ်ဖော်ရာ ရဲဝန်ထမ်းများနှင့် ဆန္ဒပြသူများ ရုန်းရင်းဆန်ခတ် ဖြစ်ပွားခဲ့ကြောင်း သိရသည်။

စကုမြို့တွင် ထားရှိမည့် ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများ၏ ကြေးသွန်းရုပ်တုများ မကွေး၊ မင်းဘူး၊ စကုမြို့များသို့ စီတန်းလှည့်လည် သယ်ဆောင်

ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများ၏ ကြေးသွန်း ရုပ်တုများကို စီတန်းလှည့်လည် သယ်ဆောင်လာစဉ်

မကွေးတိုင်းဒေသကြီး မင်းဘူး (စကု) မြို့တွင် ထားရှိမည့် ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများ၏ ကြေးသွန်းရုပ်တုများကို ဇူလိုင် ၄ ရက် နံနက်က မကွေး၊ မင်းဘူး၊ စကုမြို့များသို့ စီတန်းလှည့်လည် သယ်ဆောင်ခဲ့ကြောင်း သိရသည်။

အဆိုပါ ရုပ်တုများကို အများပြည်သူ လှူဒါန်းငွေဖြင့် ထုလုပ်ခဲ့ပြီး စကုမြို့ သကျမဉ္ဇူဘုရားအနီးရှိ အာဇာနည်ဗိမာန်၌ ထားရှိမည်ဖြစ်ကြောင်း၊ ဗိုလ်ချုပ်အောင်ဆန်း အပါအ၀င် အာဇာနည်ခေါင်းဆောင်ကြီး ကိုးဦး၏ ကြေးသွန်းရုပ်တုများကုို မန္တလေးမြို့ မှ စတင်သယ်ယူခဲ့ပြီး မကွေးမြို့ သံဃာရာမကျောင်းတိုက်မှ တစ်ဆင့် မကွေး၊ မင်းဘူး၊ စကုမြို့များသို့ စီတန်းလှည့်လည် သယ်ဆောင်ခဲ့ကြောင်း၊ ယင်းသို့ သယ်ဆောင်လာစဉ် လမ်းတစ်လျှောက်ရှိ စာသင်ကျောင်းများမှ ကျောင်းသူကျောင်းသားများနှင့် အများပြည်သူက စိတ်ဝင်စားမှု များခဲ့ကြောင်း သိရသည်။

မင်းဘူး (စကု)မြို့နယ် ပြည်သူ့လွှတ်တော် ကိုယ်စားလှယ် ဦးဝင်းဝင်းက “လူငယ်တွေ နောင်လာနောက်သားတွေ ကျွန်တော်တို့ တိုင်းပြည်ရဲ့ အနာဂတ်သားကောင်းတွေ ပေါ်ထွန်းလာဖို့အတွက်ကို ဒီအာဇာနည် ကိုးဦးရုပ်တုတွေ ထားရှိခြင်းအားဖြင့် နောင်အနာဂတ် မျိုးဆက်တွေမှာ အာဇာနည်စိတ်ဓာတ်တွေ ပေါ်ထွန်းလာဖို့၊ စံနမူနာထားနိုင်ဖို့ မြို့မိမြို့ဖတွေနဲ့ အများပြည်သူ ပူးပေါင်းပြီးတော့ ဒီရုပ်တုတွေ ထားနိုင်ဖို့ ကြိုးစားခဲ့တာပါ”ဟု ပြောကြားသည်။

ဦးဝင်းဝင်းက ဆက်လက်၍ “ စကုမြို့ မှာ အကျပ်အတည်း ကာလကတည်းက နိုင်ငံရေးအစဉ်အလာရှိတဲ့ ပုဂ္ဂိုလ်တွေကနေပြီးတော့ နှစ်စဉ် အာဇာနည်နေ့ရောက်တိုင်းမှာ လွမ်းသူ့ပန်းခွေချတာတွေ၊ ဂါရ၀ပြုတာတွေ ရှိခဲ့ပါတယ်။ အခု ပြည်သူ့အစိုးရ လက်ထက်မှာ ခမ်းခမ်းနားနား ဖြစ်အောင် အာဇာနည် ခေါင်းဆောင်ကြီးတွေရဲ့ ရုပ်တုတွေကို အခုလာမယ့် အာဇာနည်နေ့မှာ ဖွင့်ပွဲလုပ်ပြီးတော့ အလေးပြုသွားကြမှာပါ” ဟု ပြောကြားသည်။

မင်းဘူး (စကု) မြို့ ကြေးရုပ်ဖြစ်မြောက်ရေး ကော်မတီမှ ဦးနေမျိုးကျော်က “ ဗိုလ်ချုပ်အောင်ဆန်းလို့ ပြောလိုက်ရင် တစ်မျိုးသားလုံးရဲ့ ခေါင်းဆောင်ကြီး ဖြစ်တဲ့အတွက် လူတွေစိတ်ထဲမှာ ဗိုလ်ချုပ်ဟာ ကွယ်လွန်တဲ့အချိန်မှာ ၃၂ နှစ် ငါးလကျော်လေးပဲ ရှိသေးတယ်။ အင်မတန် ငယ်ရွယ်နုနယ်တဲ့ လူတစ်ယောက်ဆိုတာ မေ့နေတတ်ပါတယ်။ ဒါကြောင့်မို့လို့ ကျွန်တော်တို့ စကုမြို့မှာထားရှိမယ့် ဗိုလ်ချုပ်အောင်ဆန်း ရုပ်တုကိုတော့ အသက် ၂၆ နှစ်နဲ့ ကျဆုံးသွားချိန် ၃၂ နှစ် ကြားထဲမှာရှိတဲ့ တို့အမျိုးသားခေါင်းဆောင်ဟာ လူငယ် တစ်ယောက်။ ဒီ လူငယ်တစ်ယောက်ဟာ တိုင်းပြည်ကို ခေါင်းဆောင်နိုင်ခဲ့တယ်။ ဒီ လူငယ်တစ်ယောက်ဟာ တိုင်းပြည်ကို လွတ်မြောက်အောင် လမ်းပြနိုင်ခဲ့တယ်။ ဒီ လူငယ်တစ်ယောက်မှာ တိုင်းပြည်ကို ခေါင်းဆောင်နိုင်တဲ့ အရည်အချင်းတွေ ရှိတယ်။ ဒီ လူငယ်တစ်ယောက်မှာ လူကြီးတွေပင်လျှင် မထားနိုင်တဲ့ ကိုယ်ကျင့်စံတွေ၊ ရဲဝံ့စွန့်စားတဲ့ သတ္တိတွေ၊ တည်ကြည်ဖြောင့်မတ်တဲ့၊ သံလိုက်ဓာတ်လို ဆွဲငင်မှု အင်မတန်အားကြီးတဲ့ သူရဲ့ ဂုဏ်ရည်တွေဟာ အဲဒီလူငယ်လေး တစ်ယောက်မှာ ရှိတယ်။ တို့အမျိုးသားခေါင်းဆောင်ဟာ လူငယ်တစ်ယောက်ပဲ ဆိုတာကို နှောင်းလူတွေကို သိစေချင်ပါတယ်။ ကျွန်တော်တို့ တိုင်းပြည်ဟာ အဘက်ဘက်က ချွတ်ခြုံကျပြီးတော့ ဒီမိုကရေစီနိုင်ငံကို သွားဖို့ကာလမှာ လူငယ်တွေရဲ့အားမာန်တွေ၊ လူငယ်တွေရဲ့ တုိုင်းပြည်အပေါ်မှာ ပေးဆပ်နိုင်တဲ့ အခွင့်အလမ်းတွေ အများကြီးငံ့လင့်တဲ့ တိုင်းပြည်ပါ။ ဒါကြောင့်မို့လို့ ဒီနေ့ လူငယ်တွေဟာ တို့အမျိုးသားခေါင်းဆောင်ဟာ ငါတို့လုိုပဲ လူငယ်တစ်ယောက်ပဲ။ လူငယ်တွေဟာ တိုင်းပြည်ကို ခေါင်းဆောင်နိုင်တယ် ဆိုတာကို မြင်စေချင်ပါတယ်”ဟု ဆိုသည်။

အဆိုပါ ကြေးသွန်းရုပ်တုများကို မန္တလေးမြို့ တမ္ပ၀တီရပ်မှ ဆရာဦးဝင်းမောင်၏ ကြီးကြပ်စီမံမှုဖြင့် ပြည့်ဝကြေးသွန်းလုပ်ငန်းမှ ပညာရှင် ဦးအောင်မိုးက ရှစ်လခန့် အချိန်ယူသွန်းလုပ်ခဲ့ကြောင်း၊ ဗိုလ်ချုပ်အောင်ဆန်း ကြေးရုပ်သည် အမြင့်သုံးပေရှိပြီး အခြားအာဇာနည် ခေါင်းဆောင်ကြီးများ၏ ရုပ်တုများသည် နှစ်ပေစီ အမြင့်ရှိကြောင်း၊ ကြေးသွန်းရုပ်တု အားလုံးအတွက် သွန်းလုပ်ခနှင့် အာဇာနည်ဗိမာန်တွင် ထားရှိပြီးသည်အထိ ကုန်ကျစရိတ် ကျပ်သိန်း ၃၀၀ ကျော် ရှိမည်ဖြစ်ကြောင်းသိရသည်။

ကယားပြည်နယ် လွိုင်ကော်မြို့တွင် ဗိုလ်ချုပ်အောင်ဆန်းရုပ်တု စိုက်ထူခြင်းကိစ္စ ပါတီက ညွှန်ကြားထားခြင်းမရှိဟု NLD ပါတီ ပြောရေးဆိုခွင့်ရှိသူ ပြောကြား

ကယားပြည်နယ် လွိုင်ကော်မြို့တွင် ဗိုလ်ချုပ်အောင်ဆန်းရုပ်တု စိုက်ထူခြင်းကိစ္စသည် ပါတီကညွှန်ကြားထားခြင်းမရှိဟု အမျိုးသားဒီမိုကရေစီအဖွဲ့ချုပ် (NLD) ပါတီ ပြောရေးဆိုခွင့်ရှိသူ ဒေါက်တာမျိုးညွန့်က ဇူလိုင် ၄ ရက်တွင် ပြောကြားသည်။

ကယားပြည်နယ်၌ ဗိုလ်ချုပ်အောင်ဆန်းရုပ်တု စိုက်ထူခြင်းနှင့် ပတ်သက်၍ ပြည်နယ်အစိုးရနှင့် ဒေသခံပြည်သူများအကြား အဆိုပါကိစ္စအပေါ် အငြင်းပွားနေခြင်းနှင့် စပ်လျဉ်း၍ မေးမြန်းမှုပေါ် ဒေါက်တာမျိုးညွန့်က ထိုသို့ပြောကြားခြင်းဖြစ်သည်။

“ကျွန်တော်တို့က ဗိုလ်ချုပ်ရုပ်တု စိုက်ထူခြင်းနှင့် ပတ်သက်ပြီးတော့ ပါဝင်လုပ်ဆောင်ရမယ်။ ဦးဆောင်ပြီး လုပ်ကိုင်ရမယ်။ ကျွန်တော်တို့ ဒီဟာကို တစ်စုံတစ်ရာ ညွှန်ကြားထားတာ လုံးဝမရှိပါဘူး။ ကျွန်တော်တို့ ပါတီအနေနဲ့။ အကယ်၍ ဒေသတစ်ခုက ပြည်သူတွေက မိမိတို့ဆန္ဒအရ အမျိုးသားခေါင်းဆောင်ကြီးကို ဂုဏ်ပြုတဲ့အနေနဲ့ နောင်လာနောက်သားများအတွက် သူတို့စိုက်ထူချင်တယ်ဆိုရင် သူတို့ရဲ့ဆန္ဒအရ သူတို့ကိုယ်ပိုင်စိုက်ထုတ်ရန်ပုံငွေနဲ့ သူတို့ပါဝင်တဲ့ ဒေသခံအဖွဲ့အစည်းတစ်ခု ဗိုလ်ချုပ်ကြေးရုပ်ဖြစ်မြောက်ရေးအဖွဲ့တစ်ခု ဖွဲ့ပြီးတော့ လုပ်ဆောင်ခြင်းပဲ ဖြစ်ရမှာပါ” ဟု ဒေါက်တာမျိုးညွန့်က ပြောကြားသည်။

အဆိုပါ ဗိုလ်ချုပ်အောင်ဆန်းရုပ်တုကို လွိုင်ကော်မြို့ရှိ ကန္ဒဟေ၀န်ပန်းခြံတွင် စိုက်ထူရန် ပြည်နယ်အစိုးရအဖွဲ့က လုပ်ဆောင်နေခြင်းဖြစ်သည်။

ယင်းကဲ့သို့ ပြုလုပ်ရာတွင် ဒေသခံပြည်သူများ၏ ဆန္ဒနှင့်အညီ ပြုလုပ်ရမည်ဖြစ်ကြောင်း ဒေါက်တာမျိုးညွန့်က ဆိုသည်။

“ကျွန်တော်တို့ သက်ဆိုင်ရာဒေသမှာရှိတဲ့ ပါတီဝင်များကတော့ ကောင်းမွန်တဲ့ လုပ်ရပ်တစ်ခုဖြစ်တဲ့အတွက် ပူးပေါင်းပါဝင်တာမှာ ဘာမှကန့်ကွက်စရာ မရှိပါဘူး။ အဓိကကတော့ ဒေသခံပြည်သူများရဲ့ဆန္ဒနဲ့လုပ်တာ ဖြစ်ရမယ်။ ဒေသခံပြည်သူများ၏ ထည့်ငွေနဲ့ပဲ ဖြစ်ရပါမယ်။ ပါတီကသော်လည်းကောင်း၊ အခြားအာဏာပိုင် အဖွဲ့အစည်းကသော်လည်းကောင်း တွန်းအားပေး တိုက်တွန်းပြုလုပ်ခြင်း ဒါမျိုးမရှိရပါဘူး” ဟု ၎င်းက ပြောကြားသည်။

ဗိုလ်ချုပ်ကြေးရုပ် စိုက်ထူခြင်းနှင့် ပတ်သက်၍ ဒေသခံပြည်သူများက သဘောမတူကြောင်း ပြောကြားရာတွင် မည်သည့်အရာကို သဘောမတူသနည်းဟု ပြည်သူများအား မေးမြန်းရမည်ဖြစ်ကြောင်း ဒေါက်တာမျိုးညွန့်က ဆက်လက်ပြောကြားသည်။

“ကျွန်တော်တို့ ဘာကိုသဘောမတူတာလဲ ဆိုတာကိုတော့ မေးရမှာပါ။ ဗိုလ်ချုပ်က ကျွန်တော်တို့ မြန်မာတစ်မျိုးသားလုံး ပိုင်တာမဟုတ်ပါဘူး။ ကျွန်တော်တို့ တိုင်းရင်းသားအားလုံး ပိုင်တာပါ။ ပြည်နယ်တိုင်းရင်းသားများ တောင်းဆိုနေတဲ့ ကျွန်တော်တို့ ဖက်ဒရယ်မူ၊ ပြည်ထောင်စုမူဟာ ဗိုလ်ချုပ်ဦးဆောင်ပြီး ရေးဆွဲခဲ့တဲ့ ပင်လုံစာချုပ်ကနေ ပေါက်ဖွားလာတာပါ။ အဲဒီတော့ တိုင်းရင်းသားအားလုံးနဲ့ သက်ဆိုင်တဲ့ ကျွန်တော်တို့ အမျိုးသားခေါင်းဆောင် ဗိုလ်ချုပ်အောင်ဆန်းကို အကယ်၍ ဒေသခံပြည်သူအချို့က မိမိတို့ရဲ့ စိုက်ထုတ်ငွေနဲ့ အမှတ်တရ စိုက်ထူခြင်းဟာ တိုင်းရင်းသားအရေးကိုရော ဒေသခံပြည်သူများရဲ့ စိတ်ဓာတ်ကိုရော ဘယ်လိုမှထိခိုက်စရာ အကြောင်းမရှိပါဘူး။ မိမိတို့ကိုယ်တိုင် အကယ်၍ အခြားသော မိမိတို့ တိုင်းရင်းသားခေါင်းဆောင်တွေ ရုပ်တုကို စိုက်ထူမယ်ဆိုရင် ကျွန်တော်တို့ လုပ်ထုံးလုပ်နည်းတွေ ရှိပါတယ်။ ဒီလုပ်ထုံးလုပ်နည်းတွေအရ သက်ဆိုင်ရာ အာဏာပိုင်တွေထံ တင်ပြပြီးတော့ ကျွန်တော်တို့ စိုက်ထူခွင့်ရှိပါတယ်။ ဒါပေမဲ့ ဒေသခံပြည်သူကပေါ့။ ဒီဗိုလ်ချုပ်ကြေးရုပ်က ငွေလေး သိန်းဆယ်ဂဏန်းနဲ့ မပြီးပါဘူး။ ရာဂဏန်းနဲ့ချီပြီးတော့ လုပ်ရပါတယ်။ သက်ဆိုင်ရာအာဏာပိုင်တွေရဲ့ မြေနေရာ ခွင့်ပြုချက် တောင်းရပါတယ်။ တစ်ခါတစ်ခါ ကျွန်တော်တို့ရုပ်တုကိုပါ သူတို့က ပုံစံကိုပါ တင်ပြရပါတယ်။ အဲဒီလို အဆင့်ဆင့်တင်ပြပြီး မိမိရဲ့ငွေကြေးစိုက်ထုတ်မှု၊ ရုပ်တုကိုလည်း ပြုလုပ်ပြီးတဲ့အခါကျမှ စိုက်ထူခြင်းကို ကန့်ကွက်မယ်ဆိုရင်တော့ ဒါမသင့်တော်ဘူးလို့ ထင်တယ်” ဟု ဒေါက်တာ မျိုးညွန့်က ပြောကြားသည်။

မိမိတို့အနေဖြင့် ကန့်ကွက်ရခြင်းမှာ ဗိုလ်ချုပ်အောင်ဆန်းကို မလေးစား၍ မဟုတ်ကြောင်း၊ ကရင်နီ(ကယား) ပြည်နယ်သည် အင်္ဂလိပ်ကိုလိုနီလက်အောက်သို့ မကျရောက်ခဲ့ကြောင်း၊ ၁၉၄၇ ခုနှစ်တွင် ဗိုလ်ချုပ်အောင်ဆန်းနှင့် တိုင်းရင်းသားခေါင်းဆောင်များအကြား ချုပ်ဆိုသည့် ပင်လုံစာချုပ်တွင် ကရင်နီပြည်နယ်အနေဖြင့် မပါဝင်ကြောင်း၊ ဧည့်သည်တော်အဖြစ်သာ ကရင်နီပြည်နယ် ခေါင်းဆောင်များကို ဗိုလ်ချုပ်က ဖိတ်ကြားခဲ့ကြောင်းနှင့် လက်ရှိနိုင်ငံရေး အခြေအနေများအရ ကန့်ကွက်ခြင်းဖြစ်ကြောင်း ကရင်နီပြည်လူငယ်များသမဂ္ဂ ဗဟိုကော်မတီဝင် ကိုဥတ္တရာအောင်က ပြောကြားသည်။

“ကျွန်တော်တို့က အခုအချိန်မှာ မလုပ်စေချင်ဘူး။ အခုအချိန်မှာ ငြိမ်းချမ်းရေးကိစ္စတွေ၊ ကျန်တဲ့ဖွံ့ဖြိုးရေးကိစ္စတွေ အများကြီးရှိတယ်။ ဒီသိန်း ၈၀၀၀ လောက် ကုန်ကျမယ့် ငွေကြေးတွေကို ကျွန်တော်တို့က ပြည်နယ်တွေမှာ စာသင်ကျောင်းတွေ၊ ပညာရေးစနစ်တွေမှာ သွားပြီးအကုန်ကျခံ။ အားလုံး ကျွန်တော်တို့ ငြိမ်းချမ်းမယ့်တစ်နေ့ ဖက်ဒရယ်တွေ၊ ဘာတွေ ကျွန်တော်တို့ တိုင်းရင်းသားရော အစိုးရနဲ့ရော အားလုံးပြေလည်သွားမယ့် တစ်နေ့မှာ ဒီလိုမျိုးဗိုလ်ချုပ်ကြေးရုပ်ကို တိုင်ပင်ပြီး ကျွန်တော်တို့ လုပ်လို့ရပါတယ်” ဟု ကိုဥတ္တရာအောင်က ပြောကြားသည်။

ဗိုလ်ချုပ်ရုပ်တုစိုက်ထူခြင်းကို ကန့်ကွက်သည့် အနေဖြင့် ဒေသခံပြည်သူများက ဇူလိုင် ၃ ရက်တွင် ကယားပြည်နယ် လွိုင်ကော်မြို့အတွင်း လှည့်လှည်ဆန္ဒထုတ်ဖော်ခဲ့ရာ ရဲတပ်ဖွဲ့ဝင်များနှင့် ရုန်းရင်းဆန်ခတ် ဖြစ်ပွားခဲ့သည်။

လွိုင်ကော်မြို့ရှိ ကန္ဒဟေ၀န်ပန်းခြံတွင် ဗိုလ်ချုပ်အောင်ဆန်းကြေးရုပ် စိုက်ထူခြင်းကို ကန့်ကွက်ကြောင်း နှိုးဆော်စာ ဖြန့်ဝေခဲ့ခြင်းအတွက် ကယန်းတိုင်းရင်းသား လူငယ် ၁၀ ဦးကို အစိုးရက ရာဇသတ်ကြီး ဥပဒေပုဒ်မ ၅၀၅(ခ)၊ ၅၀၅(ဂ) တို့ဖြင့် တရားစွဲဆိုထားကြောင်း သိရသည်။

ကယားပြည်နယ်တွင် ဗိုလ်ချုပ်ရုပ်တု တည်ဆောက်မည့်အပေါ် ဆန့်ကျင်ကန့်ကွက်သော ဒေသခံများအား အကြမ်းဖက်ဖြိုခွင်း တရားစွဲဆိုခြင်းကို ကန့်ကွက်ကြောင်း ဗကသများအဖွဲ့ချုပ် ထုတ်ပြန်

ကယားပြည်နယ် (ကရင်နီ) တွင် ဗိုလ်ချုပ်အောင်ဆန်းရုပ်တု တည်ဆောက်မည့် လုပ်ရပ်အပေါ် ဆန့်ကျင်ကန့်ကွက်သော ဒေသခံများအား အကြမ်းဖက်ဖြိုခွင်း တရားစွဲဆိုမှုကို ကန့်ကွက်ကြောင်း ဇူလိုင် ၄ ရက်က ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်မှ ထုတ်ပြန်ချက်တစ်စောင် ထုတ်ပြန်ခဲ့သည်။

ကြေညာချက်တွင် ဇူလိုင် ၃ ရက်က ကယားပြည်နယ် (ကရင်နီ) တွင် ဗိုလ်ချုပ်အောင်ဆန်းရုပ်တု တည်ဆောက်ခြင်းအား ဌာနေတိုင်းရင်းသား လူထုလူတန်းစား အဖွဲ့အစည်းများမှ ဦးဆောင်၍ စစ်ကြောင်းသုံးရပ်ဖြင့် ချီတက်ကန့်ကွက်ခဲ့ကြကြောင်း၊ ထိုသို့ငြိမ်းချမ်းစွာ စီတန်းလှည့်လည် ဆန္ဒဖော်ထုတ်ခြင်းအား ရဲတပ်ဖွဲ့မှ အင်အားသုံးရိုက်နှက် ဖြိုခွင်းတရားစွဲဆိုသည့် လုပ်ရပ်အား ကန့်ကွက်ရှုတ်ချကြောင်း ထုတ်ပြန်ချက်တွင် ရေးသားထားသည်။

ထို့ပြင် အခြေခံဒီမိုကရေစီ အခွင့်အရေးဖြစ်သော လွတ်လပ်စွာ ဆန္ဒဖော်ထုတ်ခြင်းအား အကြမ်းဖက်ဖြိုခွင်းမှုသည် ဒီမိုကရက်တစ်အမည်ခံ အစိုးရအနေဖြင့် ဒီမိုကရေစီစနစ်အား ကျောခိုင်းပြီး စစ်အာဏာရှင်များနည်းတူ ပြုမူလိုက်ခြင်းဖြစ်သည်ဟု ယူဆကြောင်း၊ ဗိုလ်ချုပ်အောင်ဆန်းရုပ်ထုတည် ဆောက်ရာတွင် ဌာနေတိုင်းရင်းသားများ၏ ဆန္ဒသဘောထားများကို လျစ်လျူရှု၍ ဆက်လက်လုပ်ဆောင်နေခြင်းသည် အာဏာရှင်ဆန်သောလုပ်ရပ်ဖြစ်ပြီး မဟာလူမျိုးကြီးဝါဒကို စစ်အာဏာရှင်များနည်းတူ ကျင့်သုံးလိုက်ခြင်းပင်ဖြစ်ကြောင်း ကြေငြာချက်တွင် ဖော်ပြထားသည်။

ထို့ကြောင့် ဗကသများအဖွဲ့ချုပ်သည် မဟာလူမျိုးကြီးဝါဒနှင့် ကျဉ်းမြောင်းသော အမျိုးသားရေးဝါဒအား ဆန့်ကျင်ပြီး အကြမ်းဖက် ဖြိုခွင်းတရားစွဲဆိုမှုအား ကျူးလွန်သော ရဲတပ်ဖွဲ့၊ ပြည်နယ်အစိုးရ၊ ပြည်ထောင်စုအစိုးရ၏လုပ်ရပ်အား ပြင်းပြင်းထန်ထန် ဆန့်ကျင်ရှုတ်ချပြီး ဌာနေတိုင်းရင်းသားများ၏ သဘောဆန္ဒအတိုင်း ဗိုလ်ချုပ်အောင်ဆန်းရုပ်တု တည်ဆောက်ခြင်းအား အမြန်ဆုံးရပ်တန့်ရန်နှင့် စွဲဆိုထားသော အမှုများအား ပြန်လည်ရုပ်သိမ်းပြီး ဥပဒေမဲ့ အကြမ်းဖက်ခဲ့သော ရဲတပ်ဖွဲ့အား အရေးယူပေးရန် မိမိတို့ ဗကသများအဖွဲ့ချုပ်မှ တောင်းဆိုလိုက်သည်ဟု ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်က ထုတ်ပြန်ကြေညာခဲ့သည်။

ကရင်နီ (ကယား) ပြည်နယ်အတွင်း တည်ဆောက်နေသည့် ဗိုလ်ချုပ်ရုပ်တုအပေါ် ကန့်ကွက်ရှုတ်ချကြောင်း ကရင်နီအင်အားစုများ စုပေါင်း၍ လွိုင်ကော်မြို့အတွင်း လှည့်လည်ဆန္ဒထုတ်ဖော်ရာ ရဲတပ်ဖွဲ့ဝင်များနှင့် ဆန္ဒပြသူများ ရုန်းရင်းဆန်ခတ်ဖြစ်ပွား

တည်ဆောက်နေသည့် ဗိုလ်ချုပ်ရုပ်တုအပေါ် ကန့်ကွက်ရှုတ်ချကြောင်း ကရင်နီအင်အားစုများစုပေါင်း၍ လွိုင်ကော်မြို့အတွင်း လှည့်လည်ဆန္ဒထုတ်ဖော်ရာ ရဲတပ်ဖွဲ့ဝင်များနှင့် ဆန္ဒပြသူများ ရုန်းရင်းဆန်ခတ် ဖြစ်ပွားနေသည်ကို တွေ့ရစဉ် (ဓာတ်ပုံ-မခိုင်)

ကရင်နီ (ကယား) ပြည်နယ်အတွင်း တည်ဆောက်နေသည့် ဗိုလ်ချုပ်အောင်ဆန်းရုပ်တု ထုလုပ်နေခြင်းအပေါ် ကန့်ကွက်ရှုတ်ချကြောင်း ဇူလိုင် ၃ ရက်တွင် ကရင်နီအင်အားစုများစုပေါင်း၍ လွိုင်ကော်မြို့အတွင်း လှည့်လည် ဆန္ဒထုတ်ဖော်ရာ ရဲတပ်ဖွဲ့ဝင်များနှင့် ဆန္ဒပြသူများ ရုန်းရင်းဆန်ခတ်ဖြစ်ပွားခဲ့ကြောင်း သိရသည်။

ကျောင်းသားရုံးစစ်ကြောင်း၊ ကယန်းမျိုး ဆက်သစ်လူငယ်ရုံးစစ်ကြောင်းနှင့် ချိကယ်စစ်ကြောင်းတို့ဖြင့် လွိုင်ကော်နာရီစင်အ၀ိုင်းပတ်အထိ အသီးသီးချီတက်လာရာ အုပ်ချုပ်ရေးပိုင်းမှ တာဝန်ရှိသူများက တားမြစ်သဖြင့် လွှတ်တော်ဝင်းတွင် တည်ဆောက်ထားသော ဟစ်တိုင်သို့ သွားခွင့်ပြုရန်တောင်းဆိုရာ လွှတ်တော်မှ ချီတက်ခွင့်ပြုမိန့်ထဲပါမှသာ ခွင့်ပြုနိုင်မည်ဖြစ်ကြောင်း မြို့နယ်အထွေထွေအုပ်ချုပ်ရေးမှူးက ပြောဆိုရာမှ ဆန္ဒပြသူများက သံဆူးကြိုးများကို ကျော်ဖြတ်သဖြင့် ရုန်းရင်းဆန်ခတ်ဖြစ်ပွားခဲ့ကြောင်း သိရသည်။

တည်ဆောက်နေသည့် ဗိုလ်ချုပ်ရုပ်တုအပေါ် ကန့်ကွက်ရှုတ်ချကြောင်း ကရင်နီအင်အားစုများစုပေါင်း၍ လွိုင်ကော်မြို့အတွင်း လှည့်လည်ဆန္ဒထုတ်ဖော်ရာ ရဲတပ်ဖွဲ့ဝင်များနှင့် ဆန္ဒပြသူများ ရုန်းရင်းဆန်ခတ် ဖြစ်ပွားနေသည်ကို တွေ့ရစဉ် (ဓာတ်ပုံ-မခိုင်)

ရုန်းရင်းဆန်ခတ်ဖြစ်ပွားသဖြင့် ဆန္ဒပြခေါင်းဆောင်တစ်ဦးဖြစ်သူ ဖိလစ်စိုးအောင်အား ဖမ်းဆီးရာ လွှတ်တော်သို့ချီတက်နေသော လူစုက ဖမ်းဆီးထားသော ရဲကားရှေ့တွင်ပိတ်၍ ပြန်လည်တားဆီး ဆန္ဒထုတ်ဖော်ရာ ရဲအရာရှိများက ညှိနှိုင်းပြီး မိနစ် ၃၀ အကြာတွင် ခေါင်းဆောင်ဖြစ်သူအား ပြန်လွှတ်ပေးသဖြင့် သပိတ်စစ်ကြောင်းကို လူစုခွဲခဲ့ကြကြောင်း သိရသည်။

“လိုရင်းပြောရမယ်ဆို ပြည်နယ်အစိုးရတွေအသုံးမကျလို့ ကျွန်တော်တို့ လမ်းပေါ်ထွက်ရခြင်း ဖြစ်တယ်။ ပြည်သူ့အစိုးရလို့ပြောပြီး ပြည်သူ့သဘောထားတွေကိုမယူဘဲနဲ့ ငါ့မှာအာဏာရှိတယ်ဆိုပြီး ထင်တိုင်းကြဲ ထင်တိုင်းပြုနေတဲ့ ဒီလိုအစိုးရမျိုးကို ကျွန်တော်တို့ ပြင်းပြင်းထန်ထန် ကန့်ကွက်တယ်။ ဒီလို မကန့်ကွက်ဘူးဆိုရင် ကျွန်တော်တို့သမိုင်း ရိုင်းသွားလိမ့်မယ်။ ဒါပထမအချက်။ ဒုတိယအချက်အနေနဲ့ ကျွန်တော်တို့တိုင်းရင်းသား နယ်မြေမှာ တိုင်းရင်းသားပါတီတွေရှိတယ်။ တိုင်းရင်းသား စာပေယဉ်ကျေးမှုကော်မတီတွေရှိတယ်။ တိုင်းရင်းသားလူငယ်တွေ ရှိလျက်သားနဲ့ ဒီအင်အားစုတွေကို မတိုင်ပင်မဆွေးနွေးဘဲနဲ့ ငါတော်တယ် ငါတတ်တယ်လုပ်တဲ့ ဒီလိုအစိုးရမျိုးဟာ ကျွန်တော်တို့       ပြောင်ပြောင်တင်းတင်း ပြင်းပြင်းထန်ထန် ဆန့်ကျင်ရလိမ့်မယ်။ ကျွန်တော်တို့ပြည်နယ်ဟာ  သီးခြားလွတ်လပ်သော ပြည်နယ်ဆိုတာ သမိုင်းမှတ်တမ်းတွေ အများကြီးရှိခဲ့တယ်။ အခု ကျွန်တော်တို့ ဗိုလ်ချုပ်အောင်ဆန်းရုပ်တုကို ကန့်ကွက်တာဟာ ဗိုလ်ချုပ်အောင်ဆန်းကိုမုန်းလို့ မဟုတ်ဘူး။ ဗမာကို မုန်းလို့ မဟုတ်ဘူး။ ဗိုလ်ချုပ်အောင်ဆန်းကို ချစ်လို့ကန့်ကွက်တာ။ မဖြစ်သင့်မဖြစ်ထိုက်မှာစိုးလို့ ကန့်ကွက်တာ။ ဗိုလ်ချုပ်နာမည်ကို ပျက်အောင်လုပ်တာ။ ဗိုလ်ချုပ်ရုပ်လုံးကို ပျက်အောင်လုပ်တာ လက်ရှိ NLD အစိုးရ ဖြစ်တယ်” ဟု ဦးဆောင်သူတစ်ဦးဖြစ်သော ခွန်းမျိုးလှိုင်ဝင်းက ကန့်ကွက်ဆန္ဒထုတ်ဖော်ခြင်းအပေါ် ရှင်းလင်းသည်။

လွှတ်တော်သို့ချီတက်နေသော လူစုက ဖမ်းဆီးထားသော ရဲကားရှေ့တွင်ပိတ်၍ ပြန်လည်တားဆီး ဆန္ဒထုတ်ဖော်စဉ် (ဓာတ်ပုံ-မခိုင်)

ဆန္ဒထုတ်ဖော်သူများမှာ တိုင်းရင်းသား သွေးခွဲနေမှုအား အလိုမရှိ၊ ကရင်နီသမိုင်းမှန် ဖျောက်ဖျက်သူအလိုမရှိ၊ ပြည်နယ်အစိုးရမှ အတင်းအဓမ္မဗိုလ်ချုပ်ရုပ် တည်ဆောက်နေမှု အလိုမရှိ စသည့်ကြွေးကြော်သံများဖြင့် လှည့်လည်ခဲ့ကြကြောင်း သိရသည်။

ဇွန် ၂၆ ရက်မှစ၍ ကယားပြည်နယ်တွင် မယ်စဲ့၊ ဖားဆောင်း၊ ဖရူဆို၊ ဒီးမော့ဆို၊ ရှားတော၊ လွိုင်ကော် စသည့်မြို့နယ်များသို့ လည်းကောင်း၊ ရှမ်းပြည်တောင်ပိုင်း မိုးဗြဲနှင့် ဖယ်ခုံမြို့များသို့ ဗိုလ်ချုပ်ရုပ်တုတည်ဆောက်ခြင်းအား ကန့်ကွက်ကြောင်းနှင့် ကရင်နီ သမိုင်းအမှန် ရေးသားထားသောစာများ ဖြန့်ချိခဲ့ကြောင်း၊ အိတ်ဖွင့်ပေးစာတစ်စောင်ကို ကယားပြည်နယ်အစိုးရသို့ ဇွန် ၁၈ ရက်တွင် ပေးပို့ခဲ့ကြောင်း သိရသည်။

ကယားပြည်နယ်သည် ယခင်က ကရင်နီပြည်နယ်အဖြစ် သမိုင်းအစဉ်အလာအရ သီးခြားလွတ်လပ်စွာ တည်ရှိခဲ့သည်ကို ၁၈၇၅ ခုနှစ် ဇွန် ၂၁ ရက်တွင် ဗမာဘုရင်ကိုယ်စားလှယ် ကင်းဝန်မင်းကြီး ဦးကောင်းနှင့် အင်္ဂလိပ်အစိုးရဘက်မှ ဆာဒေါက်ကလပ်ဖောဆစ်တို့ လက်မှတ်ရေးထိုးခဲ့သည့် သမိုင်းမှတ်တမ်း အထင်အရှားရှိကြောင်း၊ ယင်းအခြေအနေ မတိုင်မီက ကရင်နီပြည်သည် နယ်လေးနယ်ဖြင့် ကိုယ့်စောဖျာများ (တိုင်းရင်းသားစော်ပွားများဖြစ်သော စောဖျာများ) အုပ်ချုပ်၍ မည်သူ့ကိုမျှ ကျူးကျော်ခြင်းမပြုခဲ့ဘဲ ဗမာဘုရင်နှင့်ဆက်ဆံရေးရှိခဲ့ပြီး လက်အောက်ခံ မဟုတ်ကြောင်း ကရင်နီသမိုင်းစာအုပ်များမှ သိရသည်။