ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ဇာတ်ကားကို ကျပ်သိန်းပေါင်း ၁၅၀၀၀ ကျော်ဖြင့် ၂၀၁၉ ခုနှစ်တွင် စတင်ရိုက်ကူးမည်

ဇန်န၀ါရီ ၂၅ ရက်က သာသနာရေးနှင့် ယဉ်ကျေးမှုဝန်ကြီးဌာနတွင် ပြုလုပ်သော လုပ်ငန်းညှိနှိုင်း အစည်းအဝေးကို တွေ့ရစဉ်

ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင်ဇာတ်ကားကို ကျပ်သိန်းပေါင်း ၁၅၀၀၀ ကျော်ဖြင့် ၂၀၁၉ ခုနှစ်တွင် စတင်ရိုက်ကူးမည်ဖြစ်ကြောင်း ဇန်န၀ါရီ ၂၅ ရက်က သာသနာရေးနှင့် ယဉ်ကျေးမှုဝန်ကြီးဌာနတွင် ပြုလုပ်သည့်  ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ရိုက်ကူး ထုတ်လုပ်နိုင်ရေးလုပ်ငန်းကော်မတီ ဒုတိယအကြိမ် လုပ်ငန်းညှိနှိုင်းအစည်းအဝေးမှ သိရသည်။

သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက “ကျွန်တော်တို့အားလုံးက ဗိုလ်ချုပ်ရုပ်ရှင် ဇာတ်ကားသိက္ခာရှိရှိ ပေါ်ထွန်းလာဖို့ကို ၀ိုင်းဝန်းကူညီပံ့ပိုးတဲ့အလုပ်ကိုပဲ လုပ်မှာဖြစ်ပါတယ်။ နောက်ထပ်အလှူငွေ ကျပ်သိန်းခုနစ်ထောင်ရအောင် အလှူခံသွားပေးပါမယ်။ သိန်း ၁၅၀၀၀ လောက်နဲ့ ကျွန်တော်တို့ ရိုက်ကူးနိုင်ဖို့အတွက်ကို ပထမအကြိမ် အစည်းအဝေးမှာတော့ အကြမ်းဖျင်းညှိနှိုင်းခဲ့ပါတယ်။ ရုံးခန်းဖွင့်ပွဲမှာ ပထမအကြိမ် အလှူငွေပေးအပ်ပွဲကို တစ်ဆက်တည်းကျင်းပသွားမှာ ဖြစ်ပါတယ်။ အလှူရှင်တချို့တော့ ကမ်းလှမ်းထားပါတယ်။ တိကျတဲ့ကတိတော့ မရသေးပါဘူး။ ကျပ်သိန်း ၇၀၀၀ ရဖို့ ကျွန်တော် တာဝန်ယူပါတယ်” ဟု ပြောကြားသည်။

ယင်း ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ဇာတ်ကားကို ဒါရိုက်တာ မင်းထင်ကိုကိုကြီးက ရိုက်ကူးမည်ဖြစ်ပြီး သက်ဆိုင်ရာ ၀န်ကြီးဌာနမှ လိုအပ်ချက်များအား ထောက်ပံ့မည်ဖြစ်ကြောင်း သိရသည်။

ကာကွယ်ရေးဝန်ကြီးဌာန အမြဲတမ်းအတွင်းဝန်က “ဒီဗိုလ်ချုပ်အောင်ဆန်း အတ္ထုပ္ပတ္တိရုပ်ရှင်နဲ့အတူ မြန်မာ့တပ်မတော်ရဲ့ သမိုင်းကလည်း ယှဉ်တွဲပြီးပါလာတဲ့အတွက်ကြောင့် သမိုင်းကြောင်းအထောက်အထားက ခိုင်မာဖို့လိုတယ်လို့ ကျွန်တော်တို့ မှတ်ယူပါတယ်။ ကျွန်တော်တို့ဘက်ကလည်း သမိုင်းပိုင်းဆိုင်ရာ အထောက်အထားနဲ့ ပတ်သက်ပြီးတော့လည်း ဆက်လက်စစ်ဆေးပြီးတော့ ကူညီဆောင်ရွက်သွားမှာ ဖြစ်ပါတယ်။ ဗိုလ်ချုပ်အောင်ဆန်းရဲ့ အသုံးအဆောင်ပစ္စည်းတွေ၊ ရုပ်ပိုင်းဆိုင်ရာ ပစ္စည်းအကြောင်းအရာတွေ ကျွန်တော်တို့ မော်ကွန်းတိုက်မှာ ရှိပါတယ်။ သမိုင်းအထောက်အထားနဲ့ ပတ်သက်ပြီးတော့ ကျွန်တော်တို့စစ်ဆေးသွားမှာ ဖြစ်ပါတယ်” ဟု ပြောကြားသည်။

အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ အတ္ထုပ္ပတ္တိ ရုပ်ရှင်ရိုက်ကူး ထုတ်လုပ်ရေးလုပ်ငန်း၏ ရည်ရွယ်ချက်သည် အမျိုးသားခေါင်းဆောင်ကြီး၏ ဂုဏ်သိက္ခာနှင့်ထိုက်တန်စွာ၊ ပြည်ထောင်စု မြန်မာနိုင်ငံသားအားလုံး၏ ဂုဏ်သိက္ခာနှင့် ထိုက်တန်စွာ အောင်အောင်မြင်မြင် ဆောင်ရွက်ရန်ဖြစ်ကြောင်း ပြည်ထောင်စုဝန်ကြီးသူရ ဦးအောင်ကိုက ပြောကြားသည်။

ဇန်န၀ါရီ ၂၅ ရက်က သာသနာရေးနှင့် ယဉ်ကျေးမှုဝန်ကြီးဌာနတွင် ပြုလုပ်သည့် ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ရိုက်ကူး ထုတ်လုပ်နိုင်ရေးလုပ်ငန်းကော်မတီ ဒုတိယအကြိမ် လုပ်ငန်းညှိနှိုင်းအစည်းအဝေးသို့ ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ရိုက်ကူး ထုတ်လုပ်ရေးလုပ်ငန်းကော်မတီနှင့် ဆပ်ကော်မတီအသီးသီးတွင် တာဝန်ယူထားသည့် ၀န်ကြီးဌာနများမှ အမြဲတမ်းအတွင်းဝန်၊ ဌာနဆိုင်ရာအကြီးအကဲများ၊ မြန်မာနိုင်ငံ ရုပ်ရှင်အစည်းအရုံးမှ တာဝန်ရှိသူများ၊ ရုပ်ရှင်သရုပ်ဆောင်လူမင်းနှင့် ဦးမင်းထင်ကိုကိုကြီးတို့ တက်ရောက်ဆွေးနွေးခဲ့ကြောင်း သိရသည်။

ငွေစက္ကူများပေါ် ပြန်လည် ရောက်ရှိလာတော့မည့် ဗိုလ်ချုပ်အောင်ဆန်း ရုပ်ပုံလွှာများ

နိုဝင်ဘာ ၁၇ ရက် ပြည်သူ့လွှတ်တော် အစည်းအဝေးတွင် ငွေစက္ကူများအပေါ်၌ ဗိုလ်ချုပ်အောင်ဆန်းရုပ်ပုံဖြင့် ရိုက်နှိပ် ထုတ်ဝေရန် အစိုးရအား တိုက်တွန်းသည့်အဆိုကို တပ်မတော်သား လွှတ်တော်ကိုယ်စားလှယ်များနှင့် ပြည်ခိုင်ဖြိုးပါတီဝင် လွှတ်တော်ကိုယ်စားလှယ် တစ်ဦးက မတ်တတ်ရပ် ကန့်ကွက်စဉ် (ဓာတ်ပုံ-မျိုးမင်းထက်)

အနာဂတ်တွင် ရိုက်နှိပ်ထုတ်ဝေရန်ရှိ လာမည့် ငွေစက္ကူများအပေါ်၌ ဗိုလ်ချုပ်အောင်ဆန်း ရုပ်ပုံများဖြင့် ရိုက်နှိပ်ထုတ်ဝေရန် ပြည်သူ့လွှတ်တော်က အစိုးရကို တိုက်တွန်းထားသည့်အတွက် အဆိုပါကိစ္စကို ၂၀၁၇ ခုနှစ် ထင်ရှားကျော်ကြား ဖြစ်ရပ်တစ်ခုအဖြစ် ဖော်ပြအပ်ပါသည်။

အောက်တိုဘာ ၂၇ ရက်က ကျင်းပသည့် ဒုတိယအကြိမ် ပြည်သူ့လွှတ်တော် ဆဋ္ဌမပုံမှန် အစည်းအဝေး၌ အမျိုးသားဒီမိုကရေစီအဖွဲ့ချုပ် (NLD) ပါတီ၊ မြိုင်မဲဆန္ဒနယ်မှ လွှတ်တော်ကိုယ်စားလှယ် ဦးအောင်ခင်ဝင်းက ရှေ့လာမည့် အနာဂတ်တွင် ရိုက်နှိပ်ထုတ်ဝေရန်ရှိသည့် ငွေစက္ကူများပေါ်၌ ဗိုလ်ချုပ်အောင်ဆန်းပုံဖြင့် ထုတ်ပေးရန် ပြည်ထောင်စုအစိုးရအား တိုက်တွန်းကြောင်း အဆိုတစ်ရပ် တင်သွင်းခဲ့သည်။

အဆိုရှင်က မြန်မာနိုင်ငံတော် ဗဟိုဘဏ်ဥပဒေအရ ဗဟိုဘဏ်က ငွေစက္ကူများနှင့် ဒင်္ဂါးများ၏ တန်ဖိုးအဆင်အပြင် ဖွဲ့စည်းပါဝင်သည့် ၀တ္ထုပစ္စည်း အခြားခွဲခြားနိုင်သော လက္ခဏာများကို အစိုးရအဖွဲ့၏ သဘောတူညီချက်ဖြင့် သတ်မှတ်ရမည်ဟု လည်းကောင်း၊ ဗဟိုဘဏ်သည် မည်သည့် ငွေစက္ကူအမျိုးအစားကိုမဆို ပြောင်းလဲသုံးစွဲရန် လိုအပ်ပါက အစိုးရအဖွဲ့၏ သဘောတူညီချက်ဖြင့် ဆောင်ရွက်နိုင်သည်ဟု လည်းကောင်း၊ ယင်းဆောင်ရွက်ချက် အခြေအနေများကို အနီးစပ်ဆုံး ကျင်းပသည့် ပြည်ထောင်စုလွှတ်တော် အစည်းအဝေးသို့ တင်ပြအတည်ပြုချက် ရယူရမည်ဟု လည်းကောင်း ပြဋ္ဌာန်းထားသည့်အတွက် အစိုးရအဖွဲ့နှင့် ပြည်ထောင်စုလွှတ်တော်ကသာ အဓိကကျနေသောကြောင့် ပြည်ထောင်စုအစိုးရအား တိုက်တွန်းကြောင်း အဆိုတင်သွင်းရခြင်းဖြစ်ကြောင်း ပြောကြားခဲ့သည်။

ငွေစက္ကူဆိုသည်မှာ လူတိုင်း၏ လက်ထဲတွင် ကိုင်တွယ် သုံးစွဲနေသည်ဖြစ်၍ နှစ်ကြာရှည် သုံးစွဲလာသည့်အခါ ဟောင်းနွမ်းခြင်း၊ စုတ်ပြဲခြင်း၊ ရေနစ်၍ ပျက်စီးခြင်း၊ မီးလောင်၍ ပြာဖြစ်ခြင်းစသည့် ပျက်စီးခြင်းအမျိုးမျိုးကြောင့် လျော့နည်းသွားမှု ရှိလာမည်ဖြစ်ကာ လျော့နည်းသွားမှုများကို အစားထိုးသည့်အခါဖြစ်စေ၊ မြန်မာနိုင်ငံတော် ဗဟိုဘဏ်၏ ဖြေကြားချက်အရ လုံခြုံရေးအဆင့်အတန်း တိုးမြှင့်ထုတ်ဝေသည့်အခါ ဖြစ်စေ၊ အရွယ်အစားအသစ်ဖြင့် ထုတ်ဝေသောအခါ ဖြစ်စေ၊ ရှေ့အနာဂတ်တွင် ထုတ်ဝေမည့်အခါတိုင်း ဗိုလ်ချုပ်အောင်ဆန်း ရုပ်ပုံများဖြင့် ထုတ်ဝေသွားရန်ဖြစ်ကြောင်း အဆိုရှင်က လွှတ်တော်သို့ ဆွေးနွေးတင်ပြခဲ့သည်။

မြန်မာနိုင်ငံတော် ဗဟိုဘဏ်၏ ဖြေကြားချက်အရ ၂၀၀၉ ခုနှစ်တွင် ကျပ် ၅၀၀၀ တန် ငွေစက္ကူများ၊ ၂၀၁၂ ခုနှစ်တွင် ကျပ် ၁၀၀၀၀ တန် ငွေစက္ကူများ၊ ၂၀၁၄ ခုနှစ်တွင် အရွယ်အစားသစ်ဖြင့် ကျပ် ၂၀၀ တန်၊ ကျပ် ၅၀၀ တန်၊ ကျပ် ၁၀၀၀ တန် ငွေစက္ကူများ၊ ၂၀၁၄-၂၀၁၅ ဘဏ္ဍာနှစ်တွင် လုံခြုံရေးအဆင့်အတန်း တိုးမြှင့်သည့် ကျပ် ၅၀၀၀ တန် ငွေစက္ကူနှင့် ကျပ် ၁၀၀၀၀ တန် ငွေစက္ကူများ ထုတ်ဝေခဲ့ကြောင်း သိရှိရပြီး ထိုသို့ ရှစ်နှစ်ကျော်အတွင်း၌ ငါးကြိမ်ရိုက်နှိပ် ထုတ်ဝေခဲ့ရာ နှစ်နှစ် သုံးနှစ် တစ်ကြိမ်ခန့် ထုတ်ဝေပေးခဲ့သည်ကို တွေ့ရှိရကြောင်း၊ ထို့ကြောင့် ၂၀၁၇ ခုနှစ်မှစ၍ နောက်ပိုင်း ရိုက်နှိပ်ထုတ်ဝေမည့် ငွေစက္ကူများကို ဗိုလ်ချုပ်အောင်ဆန်းရုပ်ပုံများထဲမှ သင့်လျော်သည့်ပုံများဖြင့် ရိုက်နှိပ်ထုတ်ဝေသွားရန် ဦးအောင်ခင်ဝင်းက တင်ပြခဲ့သည်။

ထို့နောက် ယင်းအဆိုကို ထောက်ခံခဲ့သည့် သရက်မဲဆန္ဒနယ် အမျိုးသားဒီမိုကရေစီအဖွဲ့ချုပ်ပါတီမှ ပြည်သူ့လွှတ်တော် ဦးကံမြင့်က ငွေစက္ကူများနှင့် ပတ်သက်၍ မျက်မှောက်ကာလတွင် ကမ္ဘာ့အလယ်၌ နိုင်ငံအတွက် ဂုဏ်ယူဝင့်ကြွားနိုင်မှု မရှိသည့် ဆင်ရုပ်၊ ခြင်္သေ့ရုပ်များဖြင့် သုံးစွဲနေရသည်မှာ တွေးမိတိုင်း ရှက်စရာကောင်းလှသည်ဟု ဆွေးနွေး ပြောကြားခဲ့သည်။

၎င်းအဆိုကို ပြည်သူ့လွှတ်တော်က လက်ခံဆွေးနွေးမည် ဖြစ်ကြောင်း ဆုံးဖြတ်ခဲ့ပြီး နိုဝင်ဘာ ၁၇ ရက်တွင် အဆိုအပေါ် ပြည်သူ့လွှတ်တော် ကိုယ်စားလှယ် ကိုးဦးက ဆွေးနွေးရာတွင် လွှတ်တော်ကိုယ်စားလှယ် ရှစ်ဦးက အကြံပြုထောက်ခံ ဆွေးနွေးခဲ့ပြီး တပ်မတော်သား ပြည်သူ့လွှတ်တော်ကိုယ်စားလှယ် ဒုတိယဗိုလ်မှူးကြီး ကျော်မင်းလှိုင်က ငွေစက္ကူပုံစံအသစ် ရိုက်နှိပ်ခြင်းကို လတ်တလောအခြေအနေအရ မဆောင်ရွက်သင့်ပါကြောင်း အကြံပြုဆွေးနွေးခဲ့သည်။

၁၉၅၂ ခုနှစ် ငွေကြေးအုပ်ချုပ်မှုအဖွဲ့မှ စတင်ကာ ၂၀၁၂ခုနှစ်အထိ နှစ် ၆၀ ကာလအတွင်း ငွေစက္ကူရိုက်နှိပ်မှု ၁၉ ကြိမ် ရှိခဲ့ပြီး ၁၉၉၀ ပြည့်နှစ်အထိ ထုတ်ဝေခဲ့သည့် ငွေစက္ကူများတွင် ဗိုလ်ချုပ်အောင်ဆန်းပုံများကို မျက်နှာစာတွင် ဖော်ပြခဲ့သည်ကို တွေ့ရှိရကြောင်း၊ လွတ်လပ်ရေး ရပြီးနောက် ငွေစက္ကူများ စတင်ထုတ်ဝေစဉ်ကပင် လူပုဂ္ဂိုလ်နှင့် စပ်လျဉ်း၍ အမျိုးသားခေါင်းဆောင်ကြီး ဗိုလ်ချုပ်အောင်ဆန်းပုံ၊ ဆရာစံနှင့် သခင်ဖိုးလှကြီးတို့၏ ပုံများကို ထည့်သွင်းဖော်ပြပေးခြင်းမှာ အထွတ်အမြတ် တန်ဖိုးထားခြင်း၊ အသိအမှတ်ပြုခြင်း၊ လွတ်လပ်ရေးကြိုးပမ်းမှု သမိုင်းနှင့် မျိုးချစ်စိတ်ဓာတ် ရှင်သန်စေရေးတို့အတွက် နောင်လာနောက်သားများ အားကျအတုယူစေရန်အတွက် ဖြစ်ကြောင်း၊ ဒေါင်း၊ ခြင်္သေ့နှင့် ဆင်ဖြူတော်များကို ရိုက်နှိပ်ဖော်ပြခြင်းမှာ မြန်မာတိုင်းရင်းသား အားလုံးက မြတ်နိုးတန်ဖိုးထားပြီး နိုင်ငံတော်၏ အမှတ်လက္ခဏာ တစ်ရပ်အနေဖြင့် အသိအမှတ်ပြုထားခြင်းကြောင့် ဖြစ်ကြောင်း၊ မည်သည့်အဖွဲ့အစည်းကိုမှ ကိုယ်စားပြု ဖော်ပြခြင်း မဟုတ်ပါကြောင်း ဒုတိယဗိုလ်မှူးကြီး ကျော်မင်းလှိုင် က ဆွေးနွေးတင်ပြခဲ့သည်။

ထို့ပြင် ငွေစက္ကူများကို ကိုင်တွယ်မှု၊ သယ်ဆောင်မှု၊ ထိန်းသိမ်းမှုပိုင်းတွင် လွန်စွာ အားနည်းသည်ကို တွေ့ရကြောင်း၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ဓာတ်ပုံ၊ ရုပ်တုများကို နိုင်ငံသူ၊ နိုင်ငံသားများက အမြတ်တနိုးထား ဂုဏ်ပြုနေမှုကြောင့် သပ်ရပ်တင့်တယ်ပြီး လေးစားကြည်ညိုဖွယ် ဖြစ်နေသော်လည်း ငွေစက္ကူတွင် ရိုက်နှိပ်ဖော်ပြထားသည့် ဗိုလ်ချုပ်ပုံများကတော့ ကိုင်တွယ်ရာတွင် စနစ်ကျမှုမရှိခြင်း၊ ထားသိုမှု၊ သယ်ဆောင်မှုများတွင် အလေးထားမှု မရှိခြင်းများကြောင့် ဟောင်းနွမ်းမှေးမှိန်ပြီး စုတ်ပြဲနေတာကို စိတ်မကောင်းစွာ မြင်တွေ့ကြရမှာဖြစ်ကြောင်း ဒုတိယဗိုလ်မှူးကြီး ကျော်မင်းလှိုင်က ဆိုသည်။

ဗိုလ်ချုပ်အောင်ဆန်း၏ ဂုဏ်၊ စွမ်းဆောင်ရည်တွေကို အောက်မေ့သတိရပြီး နိုင်ငံတော်၏ ငွေစက္ကူတွင် ဗိုလ်ချုပ်အောင်ဆန်းပုံဖြင့် ရိုက်နှိပ် ထုတ်ဝေသင့်သည့်အတွက် အဆိုကို ထောက်ခံကြောင်း ဒေါ်ဝင့်ဝါထွန်းက တင်ပြခဲ့သည်။

အဆိုအပေါ် “တကယ်တမ်းကျတော့ ငွေစက္ကူနဲ့ ငွေဒင်္ဂါးများ ထုတ်ဝေခြင်းဟာ မြန်မာနိုင်ငံတော် ဗဟိုဘဏ်ရဲ့ တာဝန်ဖြစ်တဲ့အတွက် အားလုံးတင်ပြသွားသလိုပဲ ကျွန်တော်တို့ မြန်မာနိုင်ငံတော် ဗဟိုဘဏ်အနေနဲ့လည်း ရှေ့အနာဂတ်မှာ ရိုက်နှိပ်ထုတ်ဝေရန် ရှိလာမည့် ငွေစက္ကူများအပေါ် ဗိုလ်ချုပ်အောင်ဆန်း ရုပ်ပုံများနဲ့ ရိုက်နှိပ်ထုတ်ဝေရန် ဆိုတာဟာ တကယ်တမ်းတော့ မြန်မာနိုင်ငံတော် ဗဟိုဘဏ်ရဲ့သဘောထားနဲ့လည်း တစ်ထပ်တည်း ဖြစ်ပါတယ်။ အပြစ်မဲ့အဆိုလည်း ဖြစ်တဲ့အတွက် မြန်မာနိုင်ငံတော် ဗဟိုဘဏ်အနေနဲ့ ပြည်ထောင်စုအစိုးရရဲ့ လမ်းညွှန်ချက်နဲ့အညီ ဥပဒေနဲ့အညီ ဆောင်ရွက်သွားမှာ ဖြစ်ပါကြောင်း ထောက်ခံတင်ပြပါတယ်”ဟု ဒုတိယဥက္ကဋ္ဌ ဦးစိုးမင်းက ပြောကြားခဲ့သည်။

ရှေ့အနာဂတ် ကာလတွင် ရိုက်နှိပ်ထုတ်ဝေရန် ရှိလာမည့် ငွေစက္ကူများအပေါ်တွင် ဗိုလ်ချုပ်အောင်ဆန်း ရုပ်ပုံများဖြင့် ရိုက်နှိပ်ထုတ်ဝေရန် ပြည်ထောင်စုအစိုးရအား တိုက်တွန်းကြောင်းအဆိုကို ပြည်သူ့လွှတ်တော်က အတည်ပြုပေးရန် မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ ဦးစိုးမင်းက ထောက်ခံတင်ပြခဲ့ပြီး အဆိုရှင် ဦးအောင်ခင်ဝင်းကလည်း အဆိုကို လွှတ်တော်က အတည်ပြုပေးရန် တင်ပြခဲ့သည်။

ထို့နောက် အဆိုနှင့်ပတ်သက်၍ ပြည်သူ့လွှတ်တော်၏ အဆုံးအဖြတ် ရယူရာတွင် လွှတ်တော်ဥက္ကဋ္ဌ ဦးဝင်းမြင့်က အဆိုကို ကန့်ကွက်ဆန္ဒမဲရှိပါက မတ်တတ်ရပ်ပေးရန် ပြောကြားခဲ့သည့်အတွက် တပ်မတော်သား ပြည်သူ့လွှတ်တော် ကိုယ်စားလှယ်များနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင် လွှတ်တော်ကိုယ်စားလှယ် တစ်ဦး စုစုပေါင်း ၁၀၉ ဦးက မတ်တတ်ရပ် ကန့်ကွက်ခဲ့ကြပြီး အဆိုအပေါ် ကြားနေမဲ မရှိဘဲ ထောက်ခံဆန္ဒမဲ ၂၈၆ မဲဖြင့် ပြည်သူ့လွှတ်တော်က အဆိုကို အတည်ပြုကြောင်း ဆုံးဖြတ်ခဲ့သည်။

အနာဂတ် ကာလတွင် ရိုက်နှိပ်ထုတ်ဝေရန် ရှိလာမည့် ငွေစက္ကူများအပေါ်တွင် ဗိုလ်ချုပ်အောင်ဆန်း ရုပ်ပုံများဖြင့် ရိုက်နှိပ်ထုတ်ဝေရန် အစိုးရကို တိုက်တွန်းသည့် အဆိုအား ပြည်သူ့လွှတ်တော်က အတည်ပြုခဲ့သည့်အတွက် ဗိုလ်ချုပ်အောင်ဆန်းရုပ်ပုံများဖြင့် ငွေစက္ကူများကို ပြန်လည်မြင်တွေ့ရမည်ဖြစ်ပြီး လွှတ်တော်၏ ဆုံးဖြတ်ချက်ကို အစိုးရအနေဖြင့် လိုက်နာဆောင်ရွက်ရမည် ဖြစ်သည်။

သို့သော် မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ ဦးစိုးမင်းအနေဖြင့် ဗိုလ်ချုပ်အောင်ဆန်း ရုပ်ပုံဖြင့် ရိုက်နှိပ်ထုတ်ဝေမည့် ငွေစက္ကူများနှင့် ပတ်သက်၍ မည်သည့်နှစ်တွင် ထုတ်ဝေမည်၊ ငွေစက္ကူပုံစံ စသည့် အချက်အလက်များကို လွှတ်တော်သို့ ရှင်းလင်းတင်ပြခဲ့ခြင်း မရှိပေ။

ထို့အတူ သရက်မဲဆန္ဒနယ်၊ အမျိုးသားဒီမိုကရေစီအဖွဲ့ချုပ်ပါတီမှ ပြည်သူ့လွှတ်တော် ကိုယ်စားလှယ် ဦးကံမြင့်က ၂၀၁၆ ခုနှစ် နိုဝင်ဘာ ၂၂ ရက်က ကျင်းပသည့် ပြည်သူ့ လွှတ်တော် အစည်းအဝေး၌ မြန်မာပြည်တစ်ဝန်းတွင် ကိုင်တွယ် သုံးစွဲနေသော ငွေစက္ကူအမျိုးမျိုးပေါ်ရှိ ဆင်တံဆိပ်နှင့် ခြင်္သေ့တံဆိပ် ရုပ်ပုံများအစား အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ရုပ်ပုံပါသော ငွေစက္ကူများဖြင့် အစားထိုးရိုက်နှိပ် ထုတ်ဝေသုံးစွဲရန် အစီအစဉ်ရှိ မရှိကို မေးမြန်းခဲ့ဖူးသည်။

အဆိုပါ မေးခွန်းအပေါ် မြန်မာနိုင်ငံတော် ဗဟိုဘဏ် ဒုတိယဥက္ကဋ္ဌ ဦးစိုးမင်းက “ငွေစက္ကူအသစ် ရိုက်နှိပ် ထုတ်ဝေမယ်ဆိုရင် လှည့်လည်သုံးစွဲလေ့ရှိတဲ့ ငွေပမာဏကို လဲလှယ်ပေးနိုင်ဖို့အတွက် လှည့်လည် သုံးစွဲလျက်ရှိတဲ့ ပမာဏနီးပါးကို မှာကြား ရိုက်နှိပ်သိုလှောင်ထားရမှာ ဖြစ်ပါတယ်။ လှည့်လည် သုံးစွဲလျက်ရှိသော ငွေစက္ကူ (Denomination) တစ်ခုကို အပြည့်အ၀ လဲလှယ်ပေးနိုင်ဖို့ ဆိုရင်တော့ ရိုက်နှိပ် သိုလှောင်ရမယ်ဆိုရင် ဘီလျံ ၁၀၀ လောက် ကုန်ကျမှာဖြစ်ပါတယ်။ ဒါ ဟာ Denomination တစ်ခုအတွက်ပဲ ဖြစ်ပါတယ်။ အားလုံးအသုံးများတဲ့ Denomination တွေအတွက် ရိုက်နှိပ်မယ် ဆိုလို့ရှိရင်တော့ ဘီလျံ ၃၀၀ လောက် ကုန်ကျဖွယ်ရှိပါတယ်။ ပုံစံသစ် ငွေစက္ကူတွေ ထုတ်ဝေမယ်ဆိုရင် လက်ရှိ လှည့်လည်သုံးစွဲနေတဲ့ ငွေစက္ကူတွေကိုလည်း ဖျက်ဆီးဖို့ လိုအပ်မှာဖြစ်ပါတယ်” ဟု ဖြေကြားခဲ့သည်။

ထို့ကြောင့် ကုန်ကျစရိတ် ပိုများလာနိုင်ခြင်း၊ ပုံစံအမျိုးမျိုး ရှိနေသည့်အတွက် ပြည်သူများက ငွေစက္ကူအပေါ် ယုံကြည်မှုအားနည်းလာနိုင်သည်ကို ထည့်သွင်းစဉ်းစားပါက ငွေစက္ကူအပေါ်တွင် မရေမရာ၊ ဇဝေဇ၀ါ ဖြစ်ပေါ်ခြင်းများ ရှိလာနိုင်သည့်အတွက် လက်ရှိ လှည့်လည်သုံးစွဲနေသည့် ငွေများကို လဲလှယ်ရန်အတွက် အခက်အခဲရှိကြောင်း၊ မြန်မာနိုင်ငံတော် ဗဟိုဘဏ်အနေဖြင့် ငွေစက္ကူများကို နိုင်ငံစီးပွားရေး တည်ငြိမ်သည့်အချိန်၊ အနှောင့်အယှက် မဖြစ်စေနိုင်သော သင့်လျော်သည့် ကာလ၌ ပုဒ်မ ၆၅ နှင့် ပုဒ်မ ၆၆ ပါပြဋ္ဌာန်းချက်များနှင့်အညီ ဆောင်ရွက်သွားမည် ဖြစ်ကြောင်း၊ ငွေစက္ကူ ရိုက်နှိပ်ရာတွင် ငွေစက္ကူဒီဇိုင်း ရေးဆွဲခြင်း၊ ဒီဇိုင်း အတည်ပြုခြင်း၊ မှာကြားခြင်း၊ ရိုက်နှိပ်ခြင်း၊ ကြိုတင်သိုလှောင် ထားရှိခြင်း လုပ်ငန်းစဉ်များ ရှိသည့်အတွက် အချိန်ကာလ တိကျစွာ သတ်မှတ်နိုင်ခြင်း မရှိသေးကြောင်း ဦးစိုးမင်းက ရှင်းလင်းဖြေကြားခဲ့သည်။

သို့သော် ၂၀၁၇ ခုနှစ်၌ ပြည်သူ့လွှတ်တော်က အစိုးရအနေဖြင့် အနာဂတ်တွင် ရိုက်နှိပ်ထုတ်ဝေရန် ရှိလာမည့် ငွေစက္ကူများအပေါ်၌ ဗိုလ်ချုပ်အောင်ဆန်း ရုပ်ပုံများဖြင့် ရိုက်နှိပ်ထုတ်ဝေရန် အဆိုတင်သွင်းကာ အတည်ပြုဆုံးဖြတ်ခဲ့သည့်အတွက် အစိုးရအနေဖြင့် ဆောင်ရွက်ရတော့မည် ဖြစ်သည်။

ငွေစက္ကူ အမျိုးအစား ပြောင်းလဲသုံးစွဲခြင်းနှင့် ပတ်သက်၍ ပုဒ်မ ၆၆ တွင် “ဗဟိုဘဏ်သည် မည်သည့် ငွေစက္ကူအမျိုးအစားကိုမဆို ပြောင်းလဲသုံးစွဲရန် လိုအပ်ပါက အစိုးရအဖွဲ့၏ သဘောတူညီချက်ဖြင့် ဆောင်ရွက်နိုင်သည်။ ယင်းဆောင်ရွက်ချက် အခြေအနေကို အနီးစပ်ဆုံး ကျင်းပသည့် ပြည်ထောင်စုလွှတ်တော် အစည်းအဝေးသို့ တင်ပြ၍ အတည်ပြုချက် ရယူရမည်” ဟု ပြဋ္ဌာန်းထားသည်။

ငွေစက္ကူ ထုတ်ဝေခြင်းနှင့် ပတ်သက်၍ သမိုင်းကိုပြန်ကြည့်ပါက မြန်မာနိုင်ငံတော် ဗဟိုဘဏ်အနေဖြင့် ငွေစက္ကူများ ထုတ်ဝေခဲ့ရာ၌ ၁၉၄၈ ခုနှစ်၊ ၁၉၅၂ ခုနှစ်မှာ ဒေါင်းပုံ၊ ခြင်္သေပုံပါသည့် တစ်ကျပ်တန်၊ ငါးကျပ်တန်၊ ၁၀တန်၊ ၁၀၀ တန် ငွေစက္ကူများ ရိုက်နှိပ်ထုတ်ဝေခဲ့ပြီး ၁၉၅၈ ခုနှစ်တွင် ဗိုလ်ချုပ်အောင်ဆန်း ပုံပါသည့် တစ်ကျပ်တန်၊ ငါးကျပ်တန်၊ တစ်ဆယ်တန်၊ တစ်ရာတန် ငွေစက္ကူများ ရိုက်နှိပ်ထုတ်ဝေခဲ့ကြောင်း၊ ၁၉၆၅ ခုနှစ်တွင်လည်း တစ်ကျပ်တန်၊ ငါးကျပ်တန်၊ တစ်ဆယ်တန် ငွေစက္ကူများမှာ ဗိုလ်ချုပ်အောင်ဆန်းပုံဖြင့် ပုံစံသစ် ငွေစက္ကူများ ထုတ်ဝေခဲ့သည်။

ထို့ပြင် ၁၉၉၄ ခုနှစ်တွင် ၂၀ တန်၊ ၅၀ တန်၊ ၁၀၀ တန် ငွေစက္ကူများကို ခြင်္သေ့ပုံဖြင့် ရိုက်နှိပ် ထုတ်ဝေခဲ့ပြီး ၁၉၉၈ ခုနှစ်မှာ ကေသရာဇာခြင်္သေ့ပုံဖြင့် တစ်ထောင်တန် ငွေစက္ကူ ထုတ်ဝေခဲ့ကာ ၂၀၁၄ ခုနှစ်တွင် ၂၀၀ တန်၊ ၅၀၀ တန်၊ ၁၀၀၀ တန်များကို အရွယ်အစားသစ်ဖြင့် ထုတ်ဝေခဲ့သည်။

၂၀၀၉ ခုနှစ်တွင် ၅၀၀၀ တန် ငွေစက္ကူကို စတင်ထုတ်ဝေခဲ့ပြီး ၂၀၁၂ ခုနှစ်တွင် တစ်သောင်းတန် ငွေစက္ကူကို ထုတ်ဝေခဲ့ကြောင်း၊ ငါးထောင်တန်နှင့် တစ်သောင်းတန် ငွေစက္ကူများကို လုံခြုံရေးအဆင့်အတန်း တိုးမြှင့်ကာ ၂၀၁၄ ခုနှစ်၊ ၂၀၁၅ ခုနှစ်တို့တွင် ထပ်မံထုတ်ဝေခွဲခဲ့ကြောင်း သိရသည်။

ဗိုလ်ချုပ်အောင်ဆန်း၏ ရုပ်ပုံဖြင့် ငွေစက္ကူများအပေါ်တွင် ရိုက်နှိပ် ထုတ်ဝေမည့်ကိစ္စနှင့် ပတ်သက်၍ အမြင်အမျိုးမျိုး ရှိနေကြပြီး တိုင်းရင်းသား စည်းလုံးညီညွတ်ရေးကို ဖော်ဆောင်နေသည့်အချိန်တွင် တိုင်းရင်းသားများ၏ ပုံရိပ်များကိုလည်း ထည့်သွင်းပေးရန် တောင်းဆိုမှုများ ရှိလာပါက ဆောင်ရွက်ပေးမည်လား ဆိုသည့်မေးခွန်းထုတ်မှုများလည်း ရှိနေသည်။

“ကျွန်တော်တို့ အနေနဲ့ကတော့ ဒီဗိုလ်ချုပ်အောင်ဆန်းရဲ့ ရုပ်ပုံနဲ့ ငွေစက္ကူအပေါ်မှာ ရိုက်နှိပ်ဖို့ကိစ္စက ဘာမှကန့်ကွက်စရာ မရှိပါဘူး။ သို့သော်လည်းပဲ ဒီလိုကိစ္စမျိုးတွေက သူ့အခြေအနေ အချိန်အခါအရ စဉ်းစားသုံးသပ်ပြီးတော့ ဆောင်ရွက်သင့်တဲ့ ကိစ္စမျိုးလို့ တော့ ယူဆတယ်လေ။ ဗိုလ်ချုပ်အောင်ဆန်းရဲ့ ရုပ်ပုံတွေကို ထည့်တာတွေကို ကျွန်တော်တို့ လက်မခံတာလည်း မဟုတ်ဘူး။ ဒါပေမဲ့လည်း အခုကျွန်တော်တို့ တိုင်းရင်းသား စည်းလုံးညီညွတ်ရေး ဖော်ဆောင်နေတဲ့ ကာလတွေမှာ အဲဒီတော့ တိုင်းရင်းသားတွေရဲ့ ပုံရိပ်တွေကိုလည်း ထည့်သွင်းပေးပါလို့ တောင်းဆိုလာခဲ့ရင်ရော ဆောင်ရွက်ပေးမှာလား။ ဆိုပါဆို့ဗျာ လွတ်လပ်ရေး ရယူပေးခဲ့တဲ့နေရာမှာ ဗိုလ်ချုပ်အောင်ဆန်း တစ်ယောက်တည်းလို့ပဲ အသိအမှတ်ပြုမှာလား။ အဲလိုမျိုးပေါ့နော်။ ဒီနိုင်ငံကြီးကို ၀ိုင်းဝန်း တည်ဆောက်နေကြတဲ့နေရာမှာ တခြားတည်ဆောက်ခဲ့တဲ့ ပုဂ္ဂိုလ်တွေပေါ့ ပါဝင်ခဲ့တဲ့ပုဂ္ဂိုလ်တွေ၊ တကယ့် အထင်ကရပုဂ္ဂိုလ်တွေလည်း ရှိပါတယ်။ တိုင်းရင်းသားတွေထဲမှာလည်း ရှိပါတယ်။ နောက်ပြီးတော့ မြန်မာနိုင်ငံရဲ့ ပထမဆုံးသမ္မတဆိုရင် ရှမ်းတိုင်းရင်းသားပေါ့ ကျွန်တော်တို့ စော်ဘွားကြီး စပ်ရွှေသိုက် အဲဒီပုဂ္ဂိုလ်တွေရဲ့ ရုပ်ပုံတွေကို ထည့်သွင်းဖော်ပြပါလို့ တောင်းဆိုလာရင်ရော သဘောတူပါ့မလား။ ဒါတွေက ပြောစရာတွေ ဖြစ်လာလိမ့်မယ်”ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီမှ ပြည်သူ့လွှတ်တော် ကိုယ်စားလှယ် ဦးစိုင်းသီဟကျော်က ပြောကြားသည်။

ထို့ပြင် ဦးစိုင်းသီဟကျော်က “အဲဒီတော့ ဘာမဟုတ်တဲ့ တံတားနာမည်လေးတောင်မှ ဗိုလ်ချုပ်အောင်ဆန်း နာမည်တစ်ခုတည်း ထည့်ဖို့ပြောတာတောင်မှ ပဋိပက္ခပုံစံမျိုးပေါ့နော် သဘောမတူတဲ့ ကိစ္စရပ်တွေဖြစ်လာတယ်။ နောက်ပြီးတော့ ဗိုလ်ချုပ်ကြေးရုပ်တွေကို တစ်နိုင်ငံလုံးအနှံ့ လိုက်ပြီးတော့ စိုက်ထူတဲ့ ကိစ္စတွေမှာလည်း ဒါဝေဖန်ချက်တွေ များနေတဲ့ကာလမှာ ဒီလိုမျိုးတွေက စဉ်းစားသုံးသပ်သင့်တဲ့ အနေအထားပါလို့ ပြောချင်ပါတယ်။ မလုပ်ဖို့ မပြောပါဘူး။ သူ့အချိန်နဲ့သူ နောက်ပြီးတော့ လုပ်မယ်ဆိုရင်လည်းပဲ ကျွန်တော်တို့ သွားချင်နေတဲ့ ဖက်ဒရယ်လို့ခေါ်တဲ့ တန်းတူညီမျှမှုဆိုင်ရာ ကိစ္စရပ်တွေ၊ ပုံရိပ်တွေပေါ်အောင် ပါအောင်ပေါ့လေ ဆောင်ရွက်သွားနိုင်ရင် ပိုပြီးတော့မှ တစ်ဦးတစ်ပေါ် တစ်ဦး အမြင်စောင်းစေတဲ့ ကိစ္စရပ်မျိုးတွေ၊ ၀ိဝါဒကွဲတဲ့ ကိစ္စရပ်တွေ လျော့နည်းစေနိုင်မှာပေါ့လေ” ဟု သုံးသပ်ပြောကြားသည်။

အမျိုးသားရင်ကြားစေ့ရေး ပြန်လည်တည်ဆောက်နေသည့် ကာလမျိုးတွင် အဆိုပါကိစ္စရပ်များကို သတိထား ဆောင်ရွက်သင့်ကြောင်း ဦးစိုင်းသီဟကျော်က ဆိုသည်။

ဗိုလ်ချုပ်အောင်ဆန်းရုပ်ပုံပါ ငွေစက္ကူများကို မည်သည့်အချိန်၌ စတင်ထုတ်ဝေမည်လဲ၊ မည်သည့်ပုံစံမျိုးနှင့် ထုတ်ဝေလာမည်လဲ၊ ထုတ်ဝေလိုက်သည့် ငွေစက္ကူများနှင့် ပတ်သက်၍ အကျိုးဆက်က မည်ကဲ့သို့ ရှိမည်လဲ ဆိုတာကို စောင့်ကြည့်သွားရမည် ဖြစ်သည်။

ဗိုလ်ချုပ်အောင်ဆန်းမြင်းစီးကြေးရုပ်အား ၂၀၁၈ ခုနှစ် အောက်တိုဘာတွင် နေပြည်တော် သပြေကုန်းတွင် ထားရှိရန် စီစဉ်ထား

ဗိုလ်ချုပ်အောင်ဆန်း မြင်းစီးကြေးရုပ်အား ၂၀၁၈ ခုနှစ် အောက်တိုဘာလတွင် နေပြည်တော် သပြေကုန်းတွင် ထားရှိနိုင်ရန် စီစဉ်နေကြောင်း ဗိုလ်ချုပ်ကြေးရုပ်ဖြစ်မြောက်ရေး ကော်မတီနာယက ဦးဝင်းထိန်က ဒီဇင်ဘာ ၃ ရက်တွင် မီဒီယာများအား ပြောကြားသည်။

ဦးဝင်းထိန်က “အနည်းဆုံး ၁၀ လ လောက်ကြာမယ်။ တွက်ကြည့်တာပေါ့။ အခု ၁၂ လပိုင်းဆိုတော့ နောက်နှစ် အောက်တိုဘာ ဆိုပြီးမယ်ပေါ့။ ရန်ပုံငွေက သိန်း ၁၅၀၀ လောက်သုံးမယ်။ အမြင့် ၁၈ ပေ၊ မြင်းစီးကြေးရုပ်။ ရန်ပုံငွေကတော့ ကတိပေးထားတာတော့ သိန်း ၂၅၀ လောက်တော့ ရနေပြီ။ သို့သော်လည်းပဲ ဖြတ်ပိုင်းနဲ့အလှူခံမှာတွေရှိတယ်။ ပြည်သူအများပါတယ်ဆိုတဲ့ သဘောပါအောင်လို့။ တစ်ဦးချင်း စပွန်ဆာတွေကတော့ ပေါ်တော့ ပေါ်လာမှာပါ။ ပန်းပုပညာရှင်က ပြည်က အရုပ်ကိုထုတဲ့ ပန်းပုဆရာကြီး ဦးမြင့်ဆန်း။ ဗိုလ်ချုပ်ရုပ်တွေ များတယ်ဆိုတာကတော့ ဘယ်လိုခေါ်မလဲ။ Psychology နဲ့ ဆိုင်သွားပြီ။ တစ်ချိန်တုန်းက ဗိုလ်ချုပ်ပုံတွေကို ဖြုတ်ဖို့ဖြစ်လာတဲ့ အချိန်တုန်းက လူတွေက မခံမရပ်နိုင်ဖြစ်တယ်။ အခု ပွင့်လာပြီဆိုတော့ ဖြုတ်တာနဲ့ ကာမိအောင်လုပ်တယ်ကွာဆိုပြီး ဖြစ်လာတာ။ ဒါတွေက ဘယ်တတ်နိုင်မလဲ။ လူတွေရဲ့ခံစားချက်ပဲလို့ ပြောရမှာပေါ့။

အများဆုံးက ၁၅ ပေတွေ ပဲများတော့ လောလောဆယ်တော့ အမြင့်ဆုံး ကြေးရုပ်ဖြစ်လာမှာပေါ့”  ဟု သတင်းထောက်များအား ပြောကြားသည်။

ဦးဝင်းထိန်က“ဒီကော်မတီမှာ အဓိက အရေးကြီးတာက ပြန်ကြားရေး။ ပြန်ကြားရေးက မြင်းစီးရုပ်လုပ်မယ့်အကြောင်းကို ပုံမှန်မီဒီယာတွေကို ထုတ်ပြန်ပေးဖို့လိုတယ်။ ဒီဇိုင်းအတည်ပြုတဲ့အချိန်မျိုး၊ နောက်ပြီး လုပ်ငန်းစတဲ့အချိန်မျိုး။ နောက်တစ်ချက်ကတော့ ဘဏ္ဍာရေး၊ ဘဏ္ဍာရေးက အားလုံးသိတဲ့ အတိုင်းပဲ ရှင်းရှင်းလင်းဖြစ်မှ” ဟု ပြောကြားသည်။

နေပြည်တော်ကောင်စီဥက္ကဋ္ဌ ဒေါက်တာမျိုးအောင်က “နေပြည်တော်ရဲ့ ဒါမျက်နှာစာလေ။ နောက်တစ်ခုက နိုင်ငံရေးစကားနဲ့ပြောမယ်ဆိုရင် ပြည်သူတွေမျှော်နေတဲ့ ဗိုလ်ချုပ် အသွင်အပြင်လက္ခဏာ ဒီမှာရောက်လာပြီဆို တာ ပြသဖို့ ဒါအားလုံးက သမိုင်းဝင်ဖို့လိုတယ်။ ယုံကြည်ပါတယ်။ စေတနာရော၊ လုပ်အားရော အပြည့်အ၀ ပါမယ်ဆိုတာ”  ဟု ပြောကြားသည်။

ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ဇာတ်ကားကြီး ရိုက်ကူးဖြစ်မြောက်ရေးနှင့် သမိုင်းအထောက်အထား လွဲမှားမှုမရှိစေရေး ကြီးကြပ်ဆောင်ရွက်ရန် ကော်မတီတစ်ရပ် ပြည်ထောင်စုအစိုးရ စတင်ဖွဲ့စည်း

ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင်ဇာတ်ကားကြီး ရိုက်ကူးဖြစ်မြောက်ရေးအတွက် သမိုင်းအထောက်အထားလွဲမှားမှု မရှိစေရေး ကြီးကြပ်ဆောင်ရွက်ရန် ဗိုလ်ချုပ် အောင်ဆန်းအတ္ထုပ္ပတ္တိရုပ်ရှင်ရိုက်ကူး ထုတ်လုပ်ရေးလုပ်ငန်း ကော်မတီကို ပြည်ထောင်စု အစိုးရအဖွဲ့ရုံးက နိုဝင်ဘာ ၂၄ ရက်စွဲဖြင့် ဖွဲ့စည်းလိုက်ကြောင်း နိုဝင်ဘာ ၂၆ ရက်ထုတ် နိုင်ငံပိုင်သတင်းစာတွင် ဖော်ပြထားသည်။

ထိုကော်မတီ၏လုပ်ငန်းတာဝန်များမှာ ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ဇာတ်ကားကြီး ရိုက်ကူးဖြစ်မြောက်ရေးအတွက် သမိုင်းအထောက်အထား လွဲမှားမှုမရှိစေရေး ကြီးကြပ်ဆောင်ရွက်ရန်၊ ပါဝင်မည့် သရုပ်ဆောင်များအား ဇာတ်လမ်း၊ ဇာတ ညွှန်းနှင့် ကိုက်ညီမှုရှိစေရေးအတွက် ကြပ်မတ်ဆောင်ရွက်ရန်၊ ရရှိသော ရန်ပုံငွေဖြင့် ကိုက်ညီသည့် အရည်အသွေးမီ ရုပ်ရှင်ဇာတ်ကားကောင်း ဖြစ်ပေါ်လာစေရေး ကြပ်မတ် ဆောင်ရွက်ရန်၊ ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ဇာတ်ကားကြီး အဆင်ပြေရိုက်ကူးပြီး မြောက်စေရေးအတွက် ဆက်စပ်ဝန်ကြီးဌာနများနှင့် ညှိနှိုင်းပေါင်းစပ်ပေးရန်၊ ဗိုလ်ချုပ်အောင်ဆန်းအတ္ထုပ္ပတ္တိရုပ်ရှင်ဇာတ်ကားကြီး အမြန်ဆုံးပြီးမြောက်စေရေး ကြပ်မတ် ဆောင်ရွက်ရန်နှင့် ဗိုလ်ချုပ်အောင်ဆန်း  အတ္ထုပ္ပတ္တိရုပ်ရှင်ဇာတ်ကားကြီး ပြီးမြောက် စေရေးအတွက် လိုအပ်သော ဆပ်ကော်မတီများ ဖွဲ့စည်းဆောင်ရွက်သွားရန်တို့ဖြစ်ကြောင်း သိရသည်။

ဗိုလ်ချုပ်အောင်ဆန်းအတ္ထုပ္ပတ္တိ ရုပ်ရှင်ရိုက်ကူး ထုတ်လုပ်ရေးလုပ်ငန်း ကော်မတီတွင် ဥက္ကဋ္ဌအဖြစ် သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကို၊ အတွင်းရေးမှူးအဖြစ်သာသနာရေးနှင့် ယဉ်ကျေးမှုဝန်ကြီးဌာန အမြဲတမ်းအတွင်းဝန်၊ တာဝန်ခံညွှန်ကြားရေးမှူးချုပ် ဦးထွန်းအုံ၊ တွဲဖက်အတွင်းရေးမှူး (၁) အဖြစ် အမျိုးသား ယဉ်ကျေးမှုနှင့် အနုပညာတက္ကသိုလ် (ရန်ကုန်) မှ ပါမောက္ခချုပ် ဦးအောင်နိုင်မြင့်၊ တွဲဖက်အတွင်းရေးမှူး (၂) အဖြစ် ဗိုလ်ချုပ် အောင်ဆန်း အတ္ထုပ္ပတ္တိ ရုပ်ရှင်ရိုက်ကူးရေးအဖွဲ့၊ မြန်မာနိုင်ငံရုပ်ရှင်အစည်းအရုံး ဥက္ကဋ္ဌ (ငြိမ်း) ဦးလူမင်းတို့ကို တာဝန်ပေးအပ်ထားသည်။

ကော်မတီ၏ အဖွဲ့ဝင်များအဖြစ် နိုင်ငံခြားရေး ၀န်ကြီးဌာန အမြဲတမ်းအတွင်းဝန် ဦးမြင့်သူ၊ ပြည်ထဲရေးဝန်ကြီးဌာန အမြဲတမ်းအတွင်းဝန် ဦးတင်မြင့်၊ ကာကွယ်ရေးဝန်ကြီးဌာန အမြဲတမ်းအတွင်းဝန် ဗိုလ်မှူးချုပ်စန်းဝင်း၊ ပြန်ကြားရေးဝန်ကြီးဌာန အမြဲတမ်း အတွင်းဝန် ဦးမျိုးမြင့်မောင်၊ ပြည်ထောင်စု စာရင်းစစ်ချုပ်ရုံး အမြဲတမ်းအတွင်းဝန် ဒေါ်ခင်စန်းဦး၊ သမိုင်းသုတေသနနှင့် အမျိုးသား စာကြည့်တိုက်ဦးစီးဌာနညွှန်ကြားရေးမှူးချုပ် ဦးအောင်မြင့်၊ ပြည်သူ့ကျန်းမာရေး ဦးစီးဌာန ညွှန်ကြားရေးမှူးချုပ် ဒေါက်တာသာထွန်းကျော်၊ အမျိုးသားမှတ်တမ်းများ မော်ကွန်းတိုက်ဦးစီးဌာန ညွှန်ကြားရေးမှူးချုပ် ဦးဆန်းမြင့်၊ မြန်မာ့သမိုင်းအဖွဲ့ – အဖွဲ့ဝင် ဒုတိယ ညွှန်ကြားရေးမှူးချုပ် (ငြိမ်း) ဦးသိန်းလှိုင်၊ မြန်မာ့သမိုင်းအဖွဲ့ – အဖွဲ့ဝင် ညွှန်ကြားရေးမှူး(ငြိမ်း) ဦးမြဟန်၊ မြန်မာနိုင်ငံရုပ်ရှင် အစည်းအရုံး ဥက္ကဋ္ဌ ဦးဇင်ဝိုင်း၊ မြန်မာနိုင်ငံ ရုပ်ရှင်အစည်းအရုံးမှ ဦးသူရ (ခ) ဦးဇာဂနာ နှင့် ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် ရိုက်ကူးရေးအဖွဲ့မှ ဒါရိုက်တာ ဦးမင်းထင်ကိုကိုကြီးတို့ဖြင့် ပါဝင်ဖွဲ့စည်းထားသည်။