နိုင်ငံခြား ငွေကြေးဝယ်လိုအားနှင့် ရောင်းလိုအားတည်ငြိမ်စေရန် ရေးဆွဲထားသည့်လုပ်ငန်းစဉ်တွင် ပြည်တွင်းမှငွေချေးသူများကို ကျပ်ငွေ သို့မဟုတ် နိုင်ငံခြားငွေဖြင့် ချေးငွေပေးနိုင်ရေးအတွက် နိုင်ငံခြားဘဏ်များအား ခွင့်ပြုချက်ပေးရန် ထည့်သွင်းထား

ရန်ကုန်မြို့ရှိ နိုင်ငံတော် ဗဟိုဘဏ်ရုံး အဆောက်အအုံကို တွေ့ရစဉ် (ဓာတ်ပုံ-စည်သူအောင်)

နိုင်ငံခြားငွေကြေး ၀ယ်လိုအားနှင့် ရောင်းလိုအား တည်ငြိမ်စေရန် ရေးဆွဲထားသည့် လုပ်ငန်းစဉ်တွင် ပြည်တွင်းမှ ငွေချေးသူများကို ကျပ်ငွေ သို့မဟုတ် နိုင်ငံခြားငွေဖြင့် ချေးငွေပေးနိုင်ရေးအတွက် နိုင်ငံခြား ဘဏ်များအား ခွင့်ပြုချက်ပေးရန် ထည့်သွင်းထားကြောင်း မြန်မာနိုင်ငံ၏ရေရှည် တည်တံ့ခိုင်မြဲပြီး ဟန်ချက်ညီသောဖွံ့ဖြိုးတိုးတက်မှုစီမံကိန်း (၂၀၁၈-၂၀၃၀) MSDP အရ သိရသည်။

MSDP ၏ မဟာဗျူဟာ ၂.၁ တွင် နိုင်ငံခြားငွေလဲလှယ်နှုန်းနှင့် နိုင်ငံခြားငွေပေး ငွေယူရှင်းတမ်းကို ထိရောက်စွာစီမံခန့်ခွဲခြင်းကို ထည့်သွင်းထားခြင်းဖြစ်သည်။ နိုင်ငံခြား ငွေလဲနှုန်း အတက်အကျမြင့်မားခြင်းသည် ပို့ကုန်တိုးတက်မှု၊ နိုင်ငံခြားရင်းနှီးမြှုပ်နှံမှု စီးဝင်မှုနှင့် စီးပွားရေးတိုးတက်မှုတစ်ခုလုံးကို ထိခိုက်နစ်နာစေသည်။ ထိုနည်းတူစွာပင် စီးပွားရေး၏ ဖွဲ့စည်းမှုပြဿနာနှင်စပ်လျဉ်း၍ ဖော်ထုတ်ရာ၌ ငွေပေးငွေယူရှင်းတမ်းများတွင် လိုငွေဆက်တိုက်ဖြစ်ပေါ်နေခြင်းမှာ မေခရိုစီးပွားရေးကို ထိခိုက်စေသည့် ရလဒ်များ ရရှိလာစေသည်ဟု ဆိုသည်။

၂၀၁၅ ခုနှစ်နှောင်းပိုင်းတွင် အမေရိကန်ပြည်ထောင်စုဗဟိုဘဏ်နှင့် အခြားအဖွဲ့များ၏ လျော့ရဲသည့်ငွေရေးကြေးရေး မူဝါဒများကို ပြန်လည်တင်းကျပ်လာရာတွင် မြန်မာနိုင်ငံ၏ ငွေကြေးတန်ဖိုးမှာ သိသိသာသာ တန်ဖိုးလျော့ကျခဲ့သည်။ ကျပ်ငွေ တန်ဖိုးလျော့ကျခြင်း၏ အရေးကြီးအချက်များမှာ ၂၀၁၅ ခုနှစ် နှောင်းပိုင်းတွင် အတော်အတန် မြင့်တက်ခဲ့သော ဂဏန်း နှစ်လုံးရှိသည့် ငွေကြေးဖောင်းပွနှုန်း၊ သာမန်စာ ရင်းတွင်လိုငွေပြမှုမြင့်တက်လာခြင်းနှင့် နိုင်ငံခြားရင်းနှီးမြှုပ်နှံမှုစီးဝင်ခြင်း ပိုမိုနှေးကွေးလာခြင်းတို့ကြောင့် အနုတ်လက္ခဏာဆောင်သည့် နိုင်ငံခြားငွေပေးငွေယူရှင်းတမ်းများ ပေါ်ပေါက်လာခြင်းဖြစ်ကြောင်း သိရသည်။

မြန်မာနိုင်ငံတော် ဗဟိုဘဏ်အနေဖြင့်  ယင်းအခြေအနေကို ထိန်းချုပ်ရန် ကြိုးစားလုပ်ဆောင်ခဲ့သော်လည်း နိုင်ငံခြားငွေ အရင်းအမြစ်များ အကန့်အသတ်ရှိခြင်းနှင့် ငွေရေးကြေးရေးမူဝါဒ အကောင်အထည်ဖော်မှု လမ်းကြောင်းများ နည်းပါးခြင်းတို့ကြောင့်  နိုင်ငံခြား ငွေလဲလှယ်မှု နှုန်းထားမတည်ငြိမ်မှု နှင့် အနုတ်ပြသည့် နိုင်ငံခြားငွေပေးငွေယူ ရှင်းတမ်းများ ဆက်လက်တည်ရှိခဲ့သည်။ ထို့ ကြောင့် မေခရိုစီးပွားရေးစီမံခန့်ခွဲမှုကို သိ သာထင်ရှားသည့်ဖွဲ့စည်းပုံပြောင်းလဲမှုများ လုပ်ဆောင်သွားမည်ဖြစ်ပြီး ငွေလဲလှယ်နှုန်းကို အကောင်းဆုံး သတ်မှတ်ခြင်းနှင့် စီးပွားရေးတည်ငြိမ်မှုကို ကျယ်ပြန့်စွာပြန်လည်ဆောင်ကြဉ်းခြင်းတို့အတွက် ဗျူဟာတစ်ခုရှိ လာရန်ရည်ရွယ်ရန် လုပ်ငန်းစဉ်များကို သတ်မှတ်ထားသည်။

ယင်းလုပ်ငန်းစဉ်များတွင် ဈေးကွက်၏ ၀ယ်လိုအားနှင့် ရောင်းလိုအားတို့ကို တုံ့ပြန်ရန် မြန်မာကျပ်ငွေကို ပိုမိုလွတ်လပ်စွာနှုန်း ရှင်မျှောခွင့်ပြုရန်၊ ဗဟိုဘဏ်သည် ရည်ညွှန်း နိုင်ငံခြားငွေလဲလှယ်နှုန်းသတ်မှတ်နိုင်ရန်     နိုင်ငံခြားငွေ ဈေးပြိုင်လေလံစနစ်ဖြင့် ဆောင်ရွက်ရာမှ ဘဏ်အချင်းချင်းအကြား နိုင်ငံခြားငွေ အရောင်းအ၀ယ်ပြုလုပ်သော ဈေးကွက်သို့ ပြောင်းလဲခြင်းဖြင့် နိုင်ငံခြား ငွေလဲလှယ်မှုနှုန်းကို ပိုမိုလိုက်လျောညီထွေမှုရှိစေရန်၊ နိုင်ငံခြားငွေလဲလှယ်နှုန်း အတက်အကျ မြင့်မားခြင်းများကို တည်ငြိမ်မှုရှိစေ ရန်၊ နိုင်ငံခြားငွေလဲလှယ်နှုန်းဆိုင်ရာ ကြားဝင်ဆောင်ရွက်မှု လုပ်ထုံးလုပ်နည်းများ ချမှတ်ရန်၊ ငွေရေးကြေးရေးနှင့် ဘဏ္ဍာရေးမူဝါဒရှုထောင့်များဖြင့် ငွေဖောင်းပွမှု တည်ငြိမ်စေရန် စသည်တို့ပါဝင်သည်။

ထို့အတူ ဗဟိုဘဏ်ရှိ နိုင်ငံခြားငွေ အရန်ငွေအပေါ် အဓိကထား၍ ပိုမိုထိရောက်မှုရှိသည့် နိုင်ငံခြားငွေစီမံခန့်ခွဲမှုကို မြှင့်တင်ရန်၊ ပြည်တွင်းမှ ချေးယူသူများအား မြန်မာ ကျပ်ငွေ သို့မဟုတ် နိုင်ငံခြားငွေချေးငွေများ ပေးအပ်နိုင်ရန် နိုင်ငံခြားဘဏ်များအား ခွင့်ပြုချက်ထုတ်ပေးခြင်းနှင့် နိုင်ငံခြားဘဏ်များ သည် ပြည်တွင်းရှိ အဖွဲ့အစည်းများနှင့် ညှိနှိုင်းဆောင်ရွက်၍ ဘဏ်အချင်းချင်းစနစ်တ ကျငွေချေးငှားနိုင်သည့်စနစ်တို့ကို ဆောင်ရွက်နိုင်ရန်၊ ပြည်တွင်းဘဏ်များနှင့် နိုင်ငံခြားဘဏ်များအကြား ဘဏ်အချင်းချင်း နိုင်ငံခြားငွေရောင်းချသည့် ဈေးကွက်တွင် အရောင်းအ၀ယ်ကိစ္စရပ်များ လွယ်ကူအဆင် ပြေစေမည့် နိုင်ငံခြားငွေလဲလှယ်ရာတွင်ဖြစ်ပေါ်လာနိုင်သည့် ဆုံးရှုံးမှုများနှင့် မသေချာမှုများကို အနည်းဆုံးဖြစ်စေမည့် ငွေကြေးလေလံဈေးကွက် (Currency Swap) ဖွံ့ဖြိုး တိုးတက်လာစေရန်၊ အစိုးရ၏နိုင်ငံခြားငွေဖြင့် အခွန်ဝင်ငွေများအားလုံးကို အခြားနိုင်ငံပိုင် ဘဏ်များသို့ ၀င်ရောက်ခြင်းအစား ဗဟို ဘဏ်မှဆောင်ရွက်သည့် နိုင်ငံခြားရန်ပုံငွေသို့သာ စီးဝင်စေမည့် စနစ်တစ်ရပ်ဖော်ဆောင်ရန်၊ ဟွန်ဒီနှင့် အလားတူ တရားမ၀င် ငွေလွှဲပြောင်းခြင်းစနစ်များကို ပုံစံတကျပြုလုပ်ရန်တို့ကို လုပ်ငန်းစဉ်များတွင် ထည့်သွင်း ထားကြောင်း သိရသည်။

နိုင်ငံခြားငွေ ရောင်းဝယ်ရာတွင် လိုက်နာရမည့် သတ်မှတ်ချက်ဘောင်ကို ဗဟိုဘဏ်က ပယ်ဖျက်ခဲ့ပြီးနောက် နိုင်ငံခြားငွေလဲနှုန်း တစ်ဒေါ်လာ ၁၄၈၈ ကျပ်အထိ စံချိန်တင် ဆက်လက်မြင့်တက်

ရန်ကုန်မြို့ရှိ နိုင်ငံခြားငွေ လဲလှယ်ရောင်းဝယ်ရေး ကောင်တာတစ်ခုကို တွေ့ရစဉ် (ဓာတ်ပုံ-ကျော်ဇင်ဖြိုး)

နိုင်ငံခြားငွေ ရောင်းဝယ်ရာတွင် လိုက်နာရမည့် သတ်မှတ်ချက်ဘောင်ကို မြန်မာနိုင်ငံတော် ဗဟိုဘဏ်က ပယ်ဖျက်ခဲ့ပြီးနောက် နိုင်ငံခြားငွေလဲနှုန်း တစ်ဒေါ်လာ ၁၄၈၈ ကျပ်အထိ စံချိန်တင် ဆက်လက် မြင့်တက်ခဲ့ကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

နိုင်ငံခြားငွေ ရောင်းဝယ်ရာတွင် ဗဟိုဘဏ်၏ သတ်မှတ်ချက် (ဗဟိုဘဏ် ရည်ညွှန်း ငွေလဲလှယ်နှုန်း + ၀ ဒသမ ၈ ရာခိုင်နှုန်း) ဘောင်အတွင်း ဆောင်ရွက်ရန် ၂၀၁၂ ခုနှစ် နိုဝင်ဘာလအတွင်း ညွှန်ကြားခဲ့ခြင်းဖြစ်ပြီး ယခုဗဟိုဘဏ်က သြဂုတ် ၁၃ ရက်တွင် အမှာစာဖြင့် ပယ်ဖျက်ခဲ့ခြင်းဖြစ်သည်။ အဆိုပါ ညွှန်ကြားချက်မှာ နိုင်ငံခြားရသုံးငွေများ ရောင်းဝယ်ဖောက်ကားသည့် လုပ်ငန်းလိုင်စင် (Authorized Dealer License – A.D) ရ ဘဏ်များအားလုံး၊ နိုင်ငံခြားငွေများ ၀ယ်ယူရောင်းချ လဲလှယ်ပေးခွင့်လိုင်စင် (Money Changer License – M.C) ရရှိသူများအားလုံး အကျုံးဝင်သည်။

“ဗဟိုဘဏ်က ရည်ညွှန်းသတ်မှတ်ဈေးနဲ့ အပြင်ဈေးနှုန်း သိပ်မကွာအောင်၊ ပြင်ပပေါက်ဈေးနဲ့ ဘဏ်ကောင်တာဈေးနှုန်း မကွာအောင် လုပ်တဲ့သဘောပါ။ ဒီလိုလုပ်တဲ့အတွက် ဘဏ်တွေနဲ့ တရားဝင ငွေလဲကောင်တာတွေ အပြင်ပေါက်ဈေးအတိုင်း တရားဝင် အရောင်းအ၀ယ်လုပ်လို့ ကောင်းလာမှာပါ။ ငွေကြေးဈေးကွက်အတွက် ကောင်းတဲ့အပြောင်းအလဲလို့ ယူဆပေမယ့် သာမန်လူတွေအတွက် သိပ်နားမလည်တော့ ဈေးကွက်တော့ အလှုပ်အခတ် ဖြစ်သွားတယ်။ ဒီကိစ္စ ပြေလည်သွားရင် ကမ္ဘာ့ဒေါ်လာဈေး ကျတာနဲ့ ပြန်ကျလာမှာပါ။ ဒီနေ့တောင် ကမ္ဘာ့ဈေးကွက်မှာ ဒေါ်လာဆက်မတက်ဘူး။ ဒီမှာသာ တက်သွားတာပါ” ဟု နိုင်ငံခြားငွေကြေး လဲလှယ်ရောင်းဝယ်ရေး ကောင်တာပိုင်ရှင် တစ်ဦးက ပြောကြားသည်။

သြဂုတ် ၁၃ ရက်တွင် ကမ္ဘာ့ဒေါ်လာဈေး အညွှန်းကိန်း ၁၃ လအတွင်း အမြင့်ဆုံးနှုန်းအဖြစ် ၉၆ ဒသမ ၃၅ ပွိုင့်ဝန်းကျင်ရောက်ပြီး သြဂုတ် ၁၄ ရက်တွင် ၉၆ ဒသမ ၀၃ ပွိုင့်ဝန်းကျင်သို့ ပြန်ကျခဲ့သည်။ ဒေါ်လာသည် အမြင့်ဆုံးတန်းမှ ပြန်ကျပြီး ယွမ်ငွေတန်ဖိုး အကျရပ်သွားသော်လည်း ပြည်တွင်းဈေးကွက်တွင် ငါးရက်အတွင်း ကျပ် ၃၀ ကျော် မြင့်တက်ခဲ့ခြင်းဖြစ်သည်။

၂၀၁၆ ခုနှစ် ဒီဇင်ဘာ ၁၆ ရက်တွင် ဖြစ်ပေါ်ခဲ့သည့် တစ်ဒေါ်လာ ၁၄၃၈ ကျပ်စံချိန်ကို ဇူလိုင် ၃၀ ရက်တွင် ကျပ် ၁၄၄၀ ဖြင့် ချိုးခဲ့ပြီး ဇူလိုင် ၃၁ ရက်တွင် ၁၄၄၃ ကျပ်၊ သြဂုတ် ၁ ရက်တွင် ၁၄၄၇ ကျပ်၊ သြဂုတ် ၂ ရက်တွင် ၁၄၅၁ ကျပ်၊ သြဂုတ် ၃ ရက်တွင် ၁၄၆၅ ကျပ်၊ သြဂုတ် ၇ ရက်တွင် ၁၄၇၅ ကျပ်အထိ စံချိန်တင် ဆက်လက်မြင့်တက်ခဲ့သည်။ သြဂုတ် ၁၀  တွင် ၁၄၅၅ ကျပ်အထိ ကျဆင်းခဲ့သော်လည်း သြဂုတ် ၁၄ ရက်တွင် ၁၄၈၈ ကျပ်အထိ စံချိန်တင် ဆက်လက်မြင့်တက်ခဲ့သည်။

ဈေးကွက်အတွင်း ဒေါ်လာဈေး မြင့်တက်မှုကြောင့် နိုင်ငံတော်ဗဟိုဘဏ်သည် ပြည်တွင်းဘဏ်များ လေလံဈေးကွက်မှတစ်ဆင့် နေ့စဉ် ဒေါ်လာတစ်သိန်း ထုတ်ရောင်းလျက်ရှိပြီး ပုဂ္ဂလိကဘဏ်များကို ဒေါ်လာများ ထုတ်ချေးရန်နှင့် သွင်းကုန်လုပ်ငန်းရှင်များကို ဒေါ်လာထုတ်ရောင်းရန် စီစဉ်နေကြောင်း သတင်းများ ထွက်ပေါ်လျက်ရှိသည်။ သြဂုတ် ၁၄ ရက်အတွက် သတ်မှတ်ထားသော ဗဟိုဘဏ်ရည်ညွှန်း ငွေလဲနှုန်းမှာ ကျပ် ၁၄၆၀ ဖြစ်သည်။

ပြီးခဲ့သည့် ငါးလအတွင်း အမြင့်ဆုံး ဖြစ်ပေါ်ခဲ့သော ကမ္ဘာ့ဒေါ်လာဈေး အညွှန်းကိန်းများမှာ ဖေဖော်ဝါရီတွင် ၉၀ ဒသမ ၄၃ ပွိုင့်၊ မတ်တွင် ၉၀ ဒသမ ၃၇ ပွိုင့်၊ ဧပြီတွင် ၉၁ ဒသမ ၇၁ ပွိုင့်၊ မေတွင် ၉၄ ဒသမ ၈၃ ပွိုင့်၊ ဇွန်တွင် ၉၅ ဒသမ ၂၁ ပွိုင့်ဖြစ်ပြီး ဇူလိုင်တွင် ၉၅ ဒသမ ၃၉ ပွိုင့်ဝန်းကျင် ဖြစ်ပေါ်ခဲ့ကာ သြဂုတ် ၁၄ ရက်တွင် ၉၆ ပွိုင့်ကျော် ဖြစ်ပေါ်ခဲ့သည်။

၂၀၁၈ ခုနှစ် မေလမှစတင်ကာ ကမ္ဘာ့ဒေါ်လာဈေး အညွှန်းကိန်း သိသိသာသာ ပြန်လည်မြင့်တက် ခဲ့ခြင်းဖြစ်ပြီး  ပြည်တွင်းဈေးကွက်၌ ငါးလအတွင်း လအလိုက်ဖြစ်ပေါ်သော နိုင်ငံခြားငွေလဲနှုန်း အနိမ့်ဆုံးနှင့် အမြင့်ဆုံးနှုန်းများမှာ ဇန်န၀ါရီတွင် ၁၃၂၃-၁၃၅၄ ကျပ်၊ ဖေဖော်ဝါရီတွင် ၁၃၂၃-၁၃၃၁ ကျပ်၊ မတ်တွင် ၁၃၂၆-၁၃၃၄ ကျပ်၊ ဧပြီတွင် ၁၃၂၄-၁၃၃၂ ကျပ်၊ မေတွင် ၁၃၃၂-၁၃၅၁ ကျပ်၊ ဇွန်တွင် ၁၃၄၅-၁၄၀၇၊ ဇူလိုင်တွင် ၁၃၈၄-၁၄၄၃ တို့ဖြစ်ပြီး ဇွန်လတွင် ကွာဟချက် အများဆုံးဖြစ်ခဲ့သည်။

ပြည်တွင်းဈေးကွက်အတွင်း သြဂုတ် ၁၄ ရက်တွင် ဖြစ်ပေါ်သော အခြားနိုင်ငံခြားငွေကြေးများ၏ လဲလှယ်မှု နှုန်းထားများမှာ ယူရို ၁၆၇၅ ကျပ်၊ စင်ကာပူဒေါ်လာ ၁၀၇၂ ကျပ်၊ မလေးရှားရင်းဂစ် ၃၅၈ ကျပ်၊ ထိုင်းဘတ် ၄၄ ဒသမ ၅၀ ကျပ်၊ တရုတ်ယွမ် ၂၁၄  ကျပ်၊ ဂျပန် ယန်း ၁၃ ဒသမ ၂၀ ကျပ်၊ တောင်ကိုရီးယားဝမ် ၁ ဒသမ ၄၀ ကျပ်ဖြစ်သည်။

 

နိုင်ငံခြားဘဏ်များနှင့် ဖက်စပ်လုပ်ကိုင်မည့် ပြည်တွင်းဘဏ်များ၌ နိုင်ငံခြားသားပိုင်ဆိုင်မှု ၃၅ ရာခိုင်နှုန်း ထည့်ဝင်ခြင်းအတွက် မည်ကဲ့သို့ ခွင့်ပြုမည်ကို ဗဟိုဘဏ်၏ စိစစ်မှုခံယူရမည်

ပုဂ္ဂလိကဘဏ်လုပ်ငန်း တစ်ခု၏ ရန်ကုန်မြို့ရှိ ဘဏ်ခွဲတစ်ခုကို တွေ့ရစဉ် (ဓာတ်ပုံ-စည်သူအောင်)

နိုင်ငံခြားဘဏ်များနှင့် ဖက်စပ်လုပ်ကိုင်မည့် ပြည်တွင်းဘဏ်များ၌ နိုင်ငံခြားသား ပိုင်ဆိုင်မှု ၃၅ ရာခိုင်နှုန်း ထည့်ဝင်ခြင်းအတွက် မည်ကဲ့သို့ ခွင့်ပြုပေးသွားမည်ကို ဗဟိုဘဏ်၏ စိစစ်မှု ခံယူရမည်ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ ညွှန်ကြားရေးမှူးချုပ် ဦးအောင်နိုင်ဦးက ပြောကြားသည်။

“ဥပဒေဖြစ်တဲ့အတွက် အမိန့်ကြော်ငြာစာ ထုတ်စရာမလိုဘူး။ ဥပဒေအတိုင်း သွားဖို့ပဲရှိတယ်။ သို့သော် ဘဏ်တွေပေါ့ ကုမ္ပဏီဥပဒေအရဆိုရင် ဘဏ်တွေက ၃၅ ရာခိုင်နှုန်း နိုင်ငံခြားသားတွေရဲ့ ပိုင်ဆိုင်မှုကို ထည့်လို့ရတယ်။ ဘဏ်တွေရဲ့ အခန်းကဏ္ဍသည် ဗဟိုဘဏ်ကနေ ဘဏ်တွေအားလုံးကို စိစစ်ထိန်းကြောင်းတာဖြစ်လို့ ဗဟိုဘဏ်အနေနဲ့ ဥပဒေအရ ၃၅ ရာခိုင်နှုန်းတော့ ပေးမှာပဲ။ ပေးမယ့်အပိုင်းကို ဘယ်လိုပေးမယ် ဆိုတာကို လိုအပ်သလို သူနဲ့ မြန်မာနိုင်ငံသားနဲ့ လုပ်မယ့် အခြားဘဏ်ရဲ့ အခြေအနေတွေ အနေအထားတွေ ဒါတွေကို လိုအပ်တဲ့ စစ်ဆေးမှု လုပ်ကောင်း လုပ်ပါလိမ့်မယ် လုပ်ပြီးမှ သူတို့ခွင့်ပြုပေးမှာ ဗဟိုဘဏ်ရဲ့ စိစစ်မှုတော့ လုပ်ရမှာပေါ့နော်” ဟု ဦးအောင်နိုင်ဦးက ပြောသည်။

မြန်မာနိုင်ငံ ကုမ္ပဏီများ အက်ဥပဒေအရ ပြည်တွင်းပြည်ပ ဖက်စပ်လုပ်ငန်းများ၌ နိုင်ငံခြားသား ပိုင်ဆိုင်မှု ၃၅ ရာခိုင်နှုန်း ပိုင်ဆိုင်ခွင့် ပေးထားသည်။ သို့သော်လည်း ဖက်စပ်လုပ်ကိုင်မည့် ပြည်တွင်းဘဏ်များသည် ဗဟိုဘဏ်၏ ထိန်းကျောင်းမှုအောက်တွင် ရှိသောကြောင့် နိုင်ငံခြားသား ၃၅ ရာခိုင်နှုန်း ပိုင်ဆိုင်မှုကို မည်ကဲ့သို့ ပေးသွားမည်ကို ဗဟိုဘဏ်က ဆုံးဖြတ်ပေးမည်ဖြစ်ကြောင်း သိရသည်။

လက်ရှိအချိန်တွင်လည်း ပြည်တွင်းငွေလဲလှယ်နှုန်း အတက်အကျများ ဆက်တိုက် ဖြစ်ပေါ်နေသောကြောင့် နိုင်ငံတကာမှ ပြည်တွင်း၌ တိုက်ရိုက်လာရောက် ရင်းနှီးမြှုပ်နှံမည့် ရင်းနှီးမြှုပ်နှံသူများနှင့် ဖက်စပ်လုပ်ကိုင်မည့် ရင်းနှီးမြှုပ်နှံသူများ၏ ယုံကြည်မှုကို လျော့ကျလာနိုင်ကြောင်း ဦးအောင်နိုင်ဦးက ပြောကြားထားသည်။

မြန်မာနိုင်ငံတော် ဗဟိုဘဏ်အနေဖြင့် ယခုလက်ရှိကာလတွင် ငွေကြေးဖောင်းပွမှုကို ထိန်းသိမ်းရန် ရည်ရွယ်၍ ငွေကြေးမူဝါဒများအဖြင့် သီးသန့်ငွေလိုအပ်ချက် အတိုးနှုန်း မှုဝါဒနှင့် ငွေကြေးဈေးကွက်တွင် ငွေချေးစာချုပ်များကို ရောင်းဝယ်ခြင်း၊ နိုင်ငံခြားငွေလဲနှုန်းအတွက် Exchange သတ်မှတ်ပေးခြင်းနှင့် ပြည်တွင်းဘဏ်များ၌ နိုင်ငံခြားငွေ ရောင်းဝယ်လိုခြင်းများအတွက် နေ့စဉ် Auction ဆောင်ရွက်၍ ဈေးနှုန်းတည်ငြိမ်အောင် ဆောင်ရွက်ခြင်း၊ နိုင်ငံတော်၏ နိုင်ငံခြားသီးသန့်ငွေ (Foreign Exchange Reserve) အား စီမံခန့်ခွဲခြင်းစသော နည်းလမ်းများကို အသုံးပြုကာ ပြောင်းလဲလာသော ဈေးကွက် စီးပွားရေးစနစ်နှင့် ကိုက်ညီသည့် ငွေရေးကြေးရေးကဏ္ဍကို တည်ငြိမ်စေလျက် ဈေးနှုန်းများ တည်ငြိမ်ရေးကို ထိန်းသိမ်းရန်နှင့် မြန်မာကျပ်ငွေတန်ဖိုး ခိုင်ခံ့တည်မြဲစေရန် ကြိုးပမ်းဆောင်ရွက် လျက်ရှိကြောင်း သိရသည်။

 

လက်ရှိအစိုးရ သက်တမ်းအတွင်း ဗိုလ်ချုပ်ရုပ်ပုံပါငွေစက္ကူများ ထုတ်ဝေနိုင်ရန် ဆောင်ရွက်မည်ဟု ဗဟိုဘဏ် ဒုတိယဥက္ကဋ္ဌ ပြောကြား

၁၉၈၆ ခုနှစ်တွင် ထုတ်ဝေခဲ့သည့် ဗိုလ်ချုပ်အောင်ဆန်း ရုပ်ပုံပါ ၃၅ ကျပ်တန် ငွေစက္ကူအား တွေ့ရစဉ် (ဓာတ်ပုံ – Wikipedia)

ဗိုလ်ချုပ်အောင်ဆန်းရုပ်ပုံပါ ငွေစက္ကူများကို လက်ရှိအစိုးရ သက်တမ်းအတွင်း ထုတ်ဝေနိုင်ရန် ဆောင်ရွက်မည်ဖြစ်ကြောင်း မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးစိုးသိန်းက ပြောကြားသည်။

နေပြည်တော်ရှိ ပြန်ကြားရေး ၀န်ကြီးဌာနတွင် မေ ၂၉ ရက်က ပြုလုပ်သော နိုင်ငံတော်အစိုးရ၏ ပြည်သူ့အတွက် ဒုတိယ တစ်နှစ်တာ ကာလအတွင်း ဆောင်ရွက်မှုများနှင့် ပတ်သက်ပြီး ပြုလုပ်သော သတင်းစာ ရှင်းလင်းပွဲတွင် ၎င်းက ပြောကြားခဲ့ခြင်းဖြစ်သည်။

“ဒီဥစ္စာက Process ထဲမှာ ရှိပြီးသား။ အားလုံး ပြင်ထားဆင်ထားတာတွေ ရှိပြီးသား။ အဲဒါကြောင့် ဒီအစိုးရ လက်ထက်မှာ ထုတ်ကို ထုတ်မှာဖြစ်ပါတယ်။ တစ်ပြိုင်တည်း အကုန်ထုတ်လို့ မရဘူး။ ပြီးသွားတဲ့ ကိစ္စတွေမှာ တဖြည်းဖြည်းနဲ့ ထုတ်သွားမှာ ဖြစ်ပါတယ်” ဟု ဗဟိုဘဏ်ဒုတိယဥက္ကဋ္ဌ ဦးစိုးသိန်းက ပြောကြားသည်။

ငွေစက္ကူ ထုတ်ဝေခြင်းသည် အသေးစိတ်ပြီး နည်းပညာဆန်သည့်ကိစ္စ ဖြစ်သည့်အတွက် ကုန်ကျစရိတ် အပါအ၀င် စဉ်းစားရမည့်အချက်၊ အတည်ပြုရမည့် အချက်များရှိကြောင်း၊ ငွေစက္ကူ ထုတ်လုပ်ရန် စဉ်းစားသည့်ကာလမှ ထုတ်ဝေသည့် ကာလအထိ ကိုးလမှ တစ်နှစ်ခန့် အချိန်ယူ ဆောင်ရွက်ရကြောင်း၊ ငွေစက္ကူ တန်ဖိုးမှာလည်း အမျိုးမျိုး ရှိသည့်အတွက် မည်သည့်အချိန်တွင် စတင်ထုတ်ဝေနိုင်မည်ကို ပြောကြားနိုင်ခြင်း မရှိသေးကြောင်း ၎င်းက ပြောကြားသည်။

“ဒီလိုလုပ်ငန်းဟာ ဒီလောက်အထိ ကြာတတ်တယ်။ ဘယ်အချိန်လောက် ထွက်လာဖို့ဆိုတာ ခန့်မှန်းဖို့ ခက်ပါတယ်။ ဒီလုပ်ငန်းကို လုပ်တယ်ဆိုရင် လုံခြုံရေးနဲ့ဆိုင်တဲ့၊ ငွေစက္ကူရိုက်တဲ့ဝါဇီနဲ့ စီမံဘဏ္ဍာ ၀န်ကြီးဌာနနဲ့ ဗဟိုဘဏ်နဲ့ ပူးပေါင်းဆောင်ရွက်တာတွေ အများကြီး လုပ်ရတယ်။ ဒါကြောင့်မို့ အချိန်ယူရတယ်။ ဘယ်ရက် ထွက်လာမယ်လို့ ကျွန်တော်ပြောဖို့ ခက်ပါတယ်။ နောက်တစ်နှစ် မဟုတ်ပါဘူး။ ဒီလိုလုပ်ငန်းမျိုးဟာ ရှစ်လကနေ တစ်နှစ်လောက်အထိ အချိန်ယူ လုပ်ရတတ်တယ်။ ဒါပေမဲ့ လုပ်ထားတာတွေလည်းရှိတယ်။ ဒါကြောင့် အခုအချိန်မှာ ညှိနှိုင်းပြီး ဒီဇိုင်းပြောင်းတာတို့၊ လုံခြုံရေးပုံစံတွေ ထပ်ထည့်တာတို့ ဒီလိုဟာမျိုးတွေရှိတယ်။ အဲဒါကြောင့်မို့လို့ တစ်ခုပြီးတစ်ခု ထွက်လာမှာတော့ မဟုတ်ပါဘူး။ တဖြည်းဖြည်းနဲ့ ထွက်လာမှာပါ” ဟု ဗဟိုဘဏ် ဒုတိယဥက္ကဋ္ဌ ဦးစိုးသိန်းက ပြောကြားသည်။

ဗိုလ်ချုပ်အောင်ဆန်းရုပ်ပုံပါ ငွေစက္ကူ ထုတ်ဝေရန် ဆောင်ရွက်မှုမှာ မည်သည့်အခြေအနေ ရောက်ရှိနေပြီ ဆိုသည်ကိုလည်း လုံခြုံရေးလျှို့ဝှက်ချက် ဖြစ်သည့်အတွက် ပြောကြားနိုင်ခြင်း မရှိသေးကြောင်း၊ ဗိုလ်ချုပ်အောင်ဆန်းရုပ်ပုံဖြင့် ငွေစက္ကူများ ထွက်ရှိလာပါက မြန်မာနိုင်ငံ၏ စီးပွားရေးအပေါ် ရိုက်ခတ်မှု မရှိနိုင်ကြောင်း ၎င်းက ပြောကြားသည်။

“ကျွန်တော့်အမြင်အရ ပြောရရင် စီးပွားရေးရိုက်ခတ်မှုက ဇီးရိုးပါ။ လူတွေက ထင်နေတာက ဗိုလ်ချုပ်အောင်ဆန်းပုံနဲ့ ပိုက်ဆံတွေ ထွက်လာမယ်၊ ပိုက်ဆံတွေ ရိုက်ထုတ်လိုက်မယ်၊ အဲဒီလို ထင်နေတာပါ။ မဟုတ်ပါဘူး။ Currency ဆိုတာက အဟောင်းတွေရှိရင် အဟောင်းတွေ ပြန်သိမ်းတယ်။ သိမ်းပြီး အသစ်တွေ ထုတ်ပါတယ်” ဟု ဒုတိယဥက္ကဋ္ဌ ဦးစိုးသိန်းက ပြောကြားသည်။

မြိုင်မြို့နယ် ပြည်သူ့လွှတ်တော် ကိုယ်စားလှယ် ဦးအောင်ခင်ဝင်း တင်သွင်းသော “ရိုက်နှိပ်ထုတ်ဝေရန် ရှိလာမည့် ငွေစက္ကူများပေါ်တွင် ဗိုလ်ချုပ်အောင်ဆန်း ရုပ်ပုံများဖြင့် ရိုက်နှိပ်ထုတ်ဝေရန် ပြည်ထောင်စု အစိုးရအား တိုက်တွန်းကြောင်း” အဆိုအပေါ် ၂၀၁၇ ခုနှစ် နိုဝင်ဘာ ၁၇ ရက်တွင် ပြည်သူ့လွှတ်တော်၌ မဲခွဲဆုံးဖြတ်ရာ ထောက်ခံမဲ ၂၈၆ မဲ၊ ကန့်ကွက်မဲ ၁၀၉ မဲ ရရှိပြီး ပြည်သူ့လွှတ်တော်က အတည်ပြုခဲ့ကြောင်း သိရသည်။

 

လက်ရှိဘဏ်အတိုးနှုန်းကို လျှော့ချရန် အစီအစဉ် မရှိသေးကြောင်း ဗဟိုဘဏ် ဒုတိယဥက္ကဋ္ဌ ပြောကြား

ဇန်န၀ါရီ ၃၀ ရက်က ရန်ကုန်မြို့ရှိ မြန်မာနိုင်ငံတော် ဗဟိုဘဏ်ရုံးတွင် ပြုလုပ်သည့် သတင်းစာရှင်းလင်းပွဲကို တွေ့ရစဉ်(ဓာတ်ပုံ-ဇေယျာငြိမ်း)

မြန်မာနိုင်ငံတော် ဗဟိုဘဏ်အနေဖြင့် လက်တလောတွင် ဘဏ်အတိုးနှုန်းများကို လျှော့ချသွားရန် အစီအစဉ် မရှိသေးကြောင်းနှင့် ငွေကြေးဖောင်းပွမှုကို တည်ငြိမ်အောင် ထိန်းသိမ်းနိုင်မည့် အချိန်မှသာ အတိုးနှုန်းကို လျှော့ချသွားသင့်ကြောင်း ဇန်န၀ါရီ ၃၀ ရက်က ရန်ကုန်မြို့ရှိ မြန်မာနိုင်ငံတော် ဗဟိုဘဏ်ရုံးတွင် ပြုလုပ်သည့် သတင်းစာ ရှင်းလင်းပွဲမှ သိရသည်။

“အဲဒီတော့ Inflation ကိုလည်း အမြဲတမ်း Watch လုပ်နေတယ်။ Inflation ကိုကြည့်ရင် ကျွန်တော်တို့ တွက်တာက အတိုးနှုန်း ဘယ်လောက်ထားသင့်တယ်ဆိုတာ တွက်တာ။ ခေါင်းထဲမှာပေါ်လာတဲ့ ဘယ်လောက်ထားရင် ကောင်းမှာပဲဆိုတဲ့ Thinking မျိုးမဟုတ်ဘူး။ ကျွန်တော်တို့ Based လုပ်ပြီးတွက်တဲ့ ဒေတာတွေ အများကြီးရှိတယ်။ အဲဒီမှာ တိုင်းပြည်ရဲ့ Growth ပါမယ်။ Inflation ပါမယ်။ နောက်ပြီးတော့ Impliment ပါမယ်။ ဒါတွေအပြင် စီးပွားရေးထဲမှာ ပိုက်ဆံတွေ ဘယ်လောက်ရှိနေသလဲ၊ စီးပွားရေးထဲမှာ ပိုက်ဆံတွေ ဘယ်လောက် လည်ပတ်နေသလဲ။ ဒီအချက်အလက်တွေကို ကြည့်ပြီးတော့မှ ဒီအချိန်မှာ Interest Rate ကို ဘယ်လိုပြင်သင့်တယ် ဆိုတာကို ကျွန်တော်တို့ စဉ်းစားတာ ဖြစ်ပါတယ်။ ကိစ္စရပ် တစ်ခုတည်းအတွက် စဉ်းစားတာ မဟုတ်ပါဘူး။ Saver တွေအတွက်လည်း စဉ်းစားတယ်။ Lender တွေအတွက် Borrower တွေအတွက်လည်း စဉ်းစားတယ်။ နောက်ပြီး ဒီဥစ္စာကြောင့်ဖြစ်လာမယ့် Impact ကိုလည်း ထည့်သွင်းစဉ်းစားပြီးမှ ဒီ Interest Rate ကို ဆက်လုပ်တာ ဖြစ်ပါတယ်။ သင့်လျော်တဲ့အချိန်မှာ ပြောင်းသွားဖို့ဆိုတဲ့ အစီအစဉ်တွေကို အကုန်ချထားပြီးသား ဖြစ်ပါတယ်။ ဒါပေမဲ့ လောလောဆယ်မှာ အရေးကြီးတာက အဲဒီအခြေအနေတွေ လုံးဝမပေးသေးတဲ့အတွက် လုံးဝပြောင်းလဲဖို့ အစီအစဉ် မရှိပါဘူး” မြန်မာနိုင်ငံတော် ဗဟိုဘဏ်မှ ဒုတိယဥက္ကဋ္ဌ ဦးစိုးသိန်းက ပြောကြားသည်။

လက်ရှိအချိန်တွင် မြန်မာနိုင်ငံ၏ ငွေကြေးဖောင်းပွမှုနှုန်းထားသည် တစ်လချင်း တွက်ချက်မှုအရ ၄ ဒသမ ၅ ရာခိုင်နှုန်းဝန်းကျင် ရှိနေပြီး နှစ်အလိုက် တွက်ချက်မှုတွင် ငါးရာခိုင်နှုန်းအထိ ကျဆင်းမှုရှိကြောင်း၊ လာမည့်နှစ်တွင် ငွေကြေးဖောင်းပွမှုနှုန်းထားကို ၅ ဒသမ ၅ ၀န်းကျင်၌ ထိန်းသိမ်းထားနိုင်အောင် ဆောင်ရွက်နေကြောင်း သိရသည်။

“ဒီ Inflation ကို Totally Control လုပ်နိုင်အောင် ဒါပေမဲ့ Inflation Rate က ကျလာတာက ခြောက်လ ရှစ်လလောက်ပဲ ရှိသေးတယ်။ နောက်ထက် ၁၀ လလောက် ခြောက်လလောက် ထပ်ပြီးတော့ ဒီအတိုင်း ဆက်ပြီးတော့ ထိန်းသိမ်းထားနိုင်ရင် ဒါ Option တစ်ခုဖြစ်လာမှာပေါ့။ အဲဒီလိုစဉ်းစားတဲ့အခါမှာ ဘယ်တိုင်းပြည်မှာမှ ရှစ်ရာခိုင်နှုန်းကနေ ငါးရာခိုင်နှုန်းတော့ မချဘူး။ US မှာ ၀ ဒသမ ၂၅ လောက်ပဲချတယ်။ သေရောကျေရော။ ကျွန်တော်တို့စဉ်းစားရင် ၀ ဒသမ ၅ ပေါ့၊ သဘောတရား တစ်ခုက ၀ ဒသမ ၅ ချမယ်။ သူ့  Impact တွေ ဘာတွေရှိမယ်။ ဒီနေ့ချလိုက်လို့ ချက်ချင်းသိတာမျိုး မဟုတ်ဘူး” ဟု ဦးစိုးသိန်းက ပြောကြားသည်။

ဘဏ်အတိုးနှုန်းကို လျှော့ချသွားရန် စီစဉ်မှုအတွက် ဗဟိုဘဏ်အနေဖြင့် ငွေကြေးဖောင်းပွမှုနှုန်းထား၊ နိုင်ငံ့စီးပွားရေး အခြေအနေများကို အမြဲစောင့်ကြည့်နေကြောင်းနှင့် လက်ရှိအတိုးနှုန်းကို လျှော့ချရန်ကိုလည်း သင့်လျော်သည့် အခြေအနေ အရပ်ရပ်သို့ ရောက်ရှိပါက အတိုးနှုန်းကို လျှော့ချသွားမည် ဖြစ်ကြောင်း သိရသည်။

“နောက်ငါးနှစ်နေမှ နောက်သုံးနှစ်နေမှ ပြောင်းမယ် ဒါမျိုးမဟုတ်ဘူး။ ကျွန်တော်တို့က နေ့တိုင်းကြည့်နေတာ၊ ဒီအခြေအနေတွေကို သင့်လျော်တဲ့ အချိန်မှာ ဒီဥစ္စာကို စဉ်းစားပါမယ်” ဟု ဦးစိုးသိန်းက ပြောကြားသည်။

ထို့ပြင် အတိုးနှုန်းလျှော့ချရန် စဉ်းစားရာ၌ ဘဏ်၌စုငွေစုထားသည့် နိုင်ငံသားများ အတွက်ကိုလည်း ထည့်သွင်းစဉ်းစားရန် လိုအပ်ကြောင်း၊ စုငွေစုနေသည့် လူအများစုမှ ဘဏ်အတိုးနှုန်းအပေါ် စိတ်ဝင်စားမှု လျော့ကျကာ အပ်ငွေများ လျော့ကျသွားနိုင်ကြောင်း သိရသည်။

“ဘဏ်မှာသွားစုတဲ့ အထဲမှာ Wealther တွေလည်းပါတယ်။ ဒါပေမဲ့ Majority က Wealther က အရေအတွက်နည်းတယ်၊ Amount များတယ်။ ဒါပေမဲ့ Majority က အောက်က လူလတ်တန်းစားနဲ့ နည်းနည်းလေးနိမ့်တဲ့ လူတန်းစားပေါ့ဗျာ။ ခင်ဗျားတို့ ကျွန်တော်တို့လို လစာလေးရတယ်၊ ဘဏ်မှာသွားပြီး စုထားတယ်။ အဲဒီလူတွေက တကယ်လို့များ သူတို့စုတဲ့ပိုက်ဆံက သူတို့က ဒီအပေါ်မှာ အတိုးလေးကို မှီပြီးစားနေတာ။ ဒီမှာ Real Interest Rate က Gap က ဘယ်လောက်မှ ရှိတာမဟုတ်ဘူး။ အဲဒီဟာလေးများ Minus ဖြစ်သွားလို့ သူတို့ရဲ့ဘ၀တွေ ထိခိုက်သွားမှာလည်းစိုးတယ်။ Withdraw လုပ်သွားမှာလည်းစိုးတယ်။ ဒါက အဓိကထားပြီး စဉ်းစားရမယ့်အချက် ဖြစ်ပါတယ်” ဟု ဦးစိုးသိန်းက ပြောကြားသည်။

 

ဘဏ်လုပ်ငန်းဆိုင်ရာ စည်းမျဉ်းသစ်များနှင့် ပတ်သက်၍ ပြည်တွင်းဘဏ်များက ဆောင်ရွက်မည့် အစီအစဉ်များ ပြန်လည်တင်ပြထားပြီး မြန်မာ့စီးပွားရေး၊ ဘဏ်များနှင့် အိမ်ခြံမြေဈေးကွက် မထိခိုက်စေရန် ဗဟိုဘဏ်၏ ညွှန်ကြားချက်ဖြင့် လုပ်ဆောင်မည်

ရန်ကုန်မြို့ရှိ ပုဂ္ဂလိက ဘဏ်တစ်ခု၏ လုပ်ငန်းခွင်အားတွေ့ရစဉ်

ဘဏ်လုပ်ငန်းဆိုင်ရာ စည်းမျဉ်းသစ်များနှင့် ပတ်သက်၍ ပြည်တွင်းဘဏ်များက ဆောင်ရွက်မည့် အစီအစဉ်များ ပြန်လည်တင်ပြထားပြီး မြန်မာ့စီးပွားရေး၊ ဘဏ်များနှင့် အိမ်ခြံမြေဈေးကွက် မထိခိုက်စေရန် ဗဟိုဘဏ်၏ ညွှန်ကြားချက်ဖြင့် လုပ်ဆောင်သွားမည် ဖြစ်ကြောင်း ပုဂ္ဂလိကဘဏ် အသိုင်းအ၀ိုင်းမှ တာဝန်ရှိသူများက ပြောကြားသည်။

ဘဏ်များအနေဖြင့် ပုဂ္ဂိုလ်တစ်ဦးဦး သို့မဟုတ် စီးပွားရေးလုပ်ငန်းအုပ်စု တစ်ခုခု သို့မဟုတ် ဆက်နွှယ်နေသည့် မိတ်ဖက်အဖွဲ့ အစည်းအုပ်စု တစ်ခုခုသို့ ချေးငွေထုတ်ချေးရာတွင် မိမိ၏ အဓိက မတည်ငွေရင်း၏ ရာခိုင်နှုန်း ၂၀ ထက်ပို၍ ထုတ်ချေးခြင်း မပြုရန် မြန်မာနိုင်ငံတော် ဗဟိုဘဏ်က အမိန့်ကြော်ငြာစာ အမှတ် ၁၈/၂၀၁၇ ဖြင့် ထုတ်ပြန်ထားပြီး ယင်းစည်းမျဉ်းနှင့် ပတ်သက်၍ ပြည်တွင်းဘဏ်များက လက်ခံနိုင်သည့် ပမာဏသို့ ထားရှိမည့် အစီအစဉ်ကို ပြန်လည်တင်ပြထားကြောင်း သိရသည်။

ထို့ပြင် ဘဏ်များလိုက်နာရမည့် မ,တည်ငွေရင်း လုံလောက်မှုဆိုင်ရာ စည်းမျဉ်း၊ ငွေကြေးလွယ်ကူမှု အချိုးသတ်မှတ်ချက်ဆိုင်ရာ စည်းမျဉ်း၊ ရရန်ပိုင်ခွင့်များ အမျိုးအစား သတ်မှတ်ခြင်းနှင့် လျာထားခြင်းဆိုင်ရာ စည်းမျဉ်းများကို မြန်မာနိုင်ငံတော်ဗဟိုဘဏ်က အမိန့်ကြော်ငြာစာ အမှတ် ၁၆/၂၀၁၇၊ ၁၇/၂၀၁၇၊ ၁၉/၂၀၁၇ တို့ဖြင့် ထုတ်ပြန်သတ်မှတ်ထားသည်။

လတ်တလောတွင် ‘ပြည်တွင်းဘဏ်များက လက်ဝယ်ရှိ အပေါင်ရရှိထားသော အိမ်ခြံမြေများကို ရာဖြတ်ဈေးဖြင့် အတိုး၊ အရင်း ပေါင်းထားသည့်ဈေးဖြင့် ထုတ်ရောင်းမည်’၊ ‘ဗဟိုဘဏ်က အတိုးမပေးနိုင်သော ငွေချေးသူကို ခြောက်လအထိသာ လက်ခံမည် ဖြစ်သောကြောင့် ကျော်လွန်သော အတိုးနှင့်အရင်းများ ပြန်တောင်းမည်’ ဟူသော ပြောစကားများ ပျံ့နှံလျက်ရှိပြီး ယင်းအချက်များကြောင့် ကျဆင်းနေသော အိမ်ခြံမြေဈေးကွက် ထပ်မံထိုးဆင်းမည်ဟု ထင်မြင်ချက်များ ထွက်ပေါ်နေသည်။

“အခုသတင်းပြန့်နေသလို အပေါင်ရထားတဲ့ အိမ်ခြံမြေတွေကို အစုလိုက်အပြုံလိုက် ထုတ်ရောင်းတာတို့၊ အတိုးမပေးနိုင်တဲ့ အတိုးကို ခြောက်လအထိပဲ လက်ခံမယ့် ဗဟိုဘဏ်စည်းမျဉ်း တိုးတယ် ဆိုတာတို့ အခုအချိန်အထိ မရှိပါဘူး။ လုပ်မယ်ဆိုလည်း ဒါမျိုးက တရားဝင်ကြေညာပြီး အချိန်ယူပြီး လုပ်ရမယ့်ကိစ္စပါ။ လောလောဆယ်တော့ ဘဏ်တွေက ပမာဏကြီးမားတဲ့ ကြွေးမြီကိစ္စနဲ့ ပတ်သက်ပြီး ဗဟိုဘဏ်ကို တင်ပြစရာရှိတာတွေ၊ လုပ်မယ့်အစီအစဉ်တွေ တင်ပြထားပါတယ်။ ဗဟိုဘဏ်ရဲ့ ညွှန်ကြားချက်တွေ ပြန်လာရင် အဆင့်ဆင့်ညှိနှိုင်းပြီး ဆက်လုပ်သွားရမှာ ဖြစ်ပါတယ်” ဟု ပုဂ္ဂလိကဘဏ် တစ်ခု၏ မန်နေဂျင်းဒါရိုက်တာက ပြောကြားသည်။

ပုဂ္ဂလိကဘဏ် တစ်ခု၏ အဆင့်မြင့် တာဝန်ရှိသူ တစ်ဦးကလည်း “ဗဟိုဘဏ်ကလည်း မြန်မာနိုင်ငံရဲ့ ဘဏ်လုပ်ငန်း တိုးတက်ဖို့ အခုလို စည်းမျဉ်းစည်းကမ်းတွေ ချမှတ်တာပါ။ နိုင်ငံတကာ အဆင့်အတန်းသွားဖို့ အတွက် ဒါက လိုအပ်ချက်တစ်ခု၊ ဒါကိုသွားနိုင်အောင် တစ်ဆင့်ချင်း လုပ်ရမှာပေါ့။ တချို့ဟာတွေ ပြောင်းလဲဖို့ သုံးလ၊ တချို့က ခြောက်လ၊ တချို့က တစ်နှစ်။ ဒါမျိုးနှစ်တွေနဲ့ချီပြီး ပြုပြင်ပြောင်းလဲရမှာမျိုးတွေ ရှိပါတယ်။ ဒါတွေကို တစ်ဆင့်ချင်း လုပ်သွားရမှာပေါ့။ ဒီပမာဏကြီးမားတဲ့ ကြွေးမြီကိစ္စနဲ့ ပတ်သက်ပြီးတော့လည်း လက်ရှိမှာ စီးပွားရေးကလည်း နည်းနည်းအားပျော့နေတော့ မြန်မာ့စီးပွားရေး၊ ဘဏ်တွေအပေါ် ထားရှိတဲ့ ယုံကြည်မှု၊ အိမ်ခြံမြေဈေးကွက် မထိခိုက်စေဖို့ ဗဟိုဘဏ်ရဲ့ ညွှန်ကြားချက်နဲ့အညီ ဆောင်ရွက်သွားမှာပါ။ ဒီစည်းမျဉ်း စည်းကမ်းအသစ်တွေ အတွက်လည်း ဗဟိုဘဏ်က IMF တို့၊ World Bank တို့ရဲ့ အကူအညီ ယူထားပါတယ်” ဟု ဆိုသည်။

ပမာဏကြီးမားသောကြွေးမြီ ဆိုသည်မှာ ဘဏ်၏အဓိက မတည်ငွေရင်း၏ ၁၀ ရာခိုင်နှုန်းနှင့်အထက် ကျော်လွန်၍ ပုဂ္ဂိုလ်တစ်ဦး သို့မဟုတ် မိတ်ဖက်အဖွဲ့အစည်း သို့မဟုတ် ဆက်နွှယ်နေသည့် မိတ်ဖက်အဖွဲ့အစည်းသို့ ထုတ်ချေးသည့် ချေးငွေကို ဆိုလိုခြင်းဖြစ်သည်။ ဘဏ်အားလုံးသည် ပမာဏ ကြီးမားသော ကြွေးမြီဆိုင်ရာ သတင်းအချက်အလက်ကို သုံးလတစ်ကြိမ် ဗဟိုဘဏ်က သတ်မှတ်သောပုံစံဖြင့် ဘဏ်လုပ်ငန်း ကြီးကြပ်စစ်ဆေးရေးဌာနသို့ တင်ပြရမည်ဖြစ်ပြီး ဘဏ်၏ ပမာဏကြီးမားသော ကြွေးမြီအားလုံး၏ စုစုပေါင်းသည် ယင်း၏အဓိက မတည်ငွေရင်း၏ ရှစ်ဆထက် ကျော်လွန်ခြင်း မရှိစေရန် သတ်မှတ်ထားသည်။

 

ဘတ်ဂျက်လိုငွေအတွက် ပြည်တွင်းမှချေးယူမှုတွင် ဗဟိုဘဏ်မှ ငွေချေးယူမှုအချိုးအစားကို နှစ်စဉ် ၁၀ ရာခိုင်နှုန်း လျှော့ချသွားခြင်းဖြင့် ၂၀၂၀-၂၀၂၁ ဘဏ္ဍာနှစ်၌ ဗဟိုဘဏ်မှ ငွေချေးယူရန် မလိုအပ်သည့် အခြေအနေကို ရောက်ရှိရန် မျှော်မှန်းဆောင်ရွက်နေကြောင်း ဗဟိုဘဏ် ဒုတိယဥက္ကဋ္ဌ ပြောကြား

ဘတ်ဂျက်လိုငွေအတွက် ပြည်တွင်းမှ ချေးယူမှုတွင် ဗဟိုဘဏ်မှ ငွေချေးယူမှု အချိုးအစားကို နှစ်စဉ် ၁၀ ရာခိုင်နှုန်း လျှော့ချသွားခြင်းဖြင့် ၂၀၂၀-၂၀၂၁ ဘဏ္ဍာနှစ်တွင် ဗဟိုဘဏ်မှ ငွေချေးယူရန် မလိုအပ်သည့် အခြေအနေကို ရောက်ရှိရန် မျှော်မှန်းဆောင်ရွက်နေကြောင်း ဗဟိုဘဏ် ဒုတိယဥက္ကဋ္ဌ ဦးစိုးသိန်းက ပြောကြားသည်။

အောက်တိုဘာ ၂၄ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် နိုင်ငံတော်သမ္မတမှ ပေးပို့ထားသော ၂၀၁၇-၂၀၁၈ ဘဏ္ဍာနှစ် ပြည်ထောင်စုအစိုးရ အပ်ငွေစာရင်း၏ လိုငွေအား ဖြည့်ဆည်းရန်အတွက် မြန်မာနိုင်ငံတော် ဗဟိုဘဏ်မှ ချေးငွေရယူရန်နှင့် ပတ်သက်ပြီး လွှတ်တော် ကိုယ်စားလှယ်များ၏ ဆွေးနွေးချက်များအား ပြန်လည်ရှင်းလင်းစဉ် ၎င်းကထည့်သွင်း ပြောကြားခဲ့ခြင်း ဖြစ်သည်။

ဗဟိုဘဏ် ဒုတိယဥက္ကဋ္ဌ ဦးစိုးသိန်းက “အစိုးရမှ ဘတ်ဂျက်လိုငွေအတွက် ပြည်တွင်းမှ ချေးယူငွေမှာ ဗဟိုဘဏ် ငွေချေးယူမှု အချိုးအစားကို လက်ရှိအခြေအနေမှ နှစ်စဉ် ၁၀ ရာခိုင်နှုန်း လျှော့ချသွားခြင်းဖြင့် ၂၀၂၀-၂၀၂၁ မှာ အစိုးရက ဗဟိုဘဏ်မှ ငွေချေးယူရန် မလိုအပ်တဲ့ အခြေအနေကို ရရှိမယ်လို့ မျှော်မှန်းဆောင်ရွက်လျက် ရှိပါတယ်” ဟု ပြောကြားသည်။

လက်ရှိအခြေအနေများအရ အစိုးရသို့ ဗဟိုဘဏ်မှ လိုအပ်သည့် ငွေကြေး တစ်စိတ်တစ်ပိုင်းကို ထုတ်ချေးရန် လိုအပ်ဆဲဖြစ်ကြောင်း၊ ထိုသို့ထုတ်ချေးခြင်း မပြုပါက အစိုးရ ယန္တရား လည်ပတ်မှုတွင် ကြီးစွာသော ခက်ခဲမှုများနှင့် ရင်ဆိုင်ရမည် ဖြစ်ကြောင်း၊ ထို့ကြောင့် တင်းကျပ်စွာ မကန့်သတ်ထားခြင်း ဖြစ်ကြောင်း၊ သို့ရာတွင် နိုင်ငံတော်အစိုးရက ဗဟိုဘဏ်တွင် ငွေချေးယူသည့် အခြေအနေများကို တစ်စတစ်စ လျှော့ချသွားရန် စီစဉ်ဆောင်ရွက်လျက် ရှိကြောင်း ၎င်းက ဆက်လက်ပြောကြားသည်။

အစိုးရငွေချေး သက်သေခံလက်မှတ်များ ဈေးကွက်ဖြစ်သည့် ငွေကြေးဈေးကွက်၊ ငွေတိုက်စာချုပ်ဈေးကွက် ဖွံ့ဖြိုးတိုးတက်လာစေရန် ဆောင်ရွက်လျက်ရှိကြောင်း၊ အထူးသဖြင့် တစ်ဆင့်ပြန်လည် ရောင်းချသည့် ဈေးကွက်ဖွံ့ဖြိုး တိုးတက်ရေးသည် လွန်စွာအရေးကြီးသည့်အတွက် ယင်းဈေးကွက်ဖွံ့ ဖြိုးတိုးတက်လာပါက အစိုးရအနေဖြင့် ဗဟိုဘဏ်မှ ငွေချေးယူမှုကို သိသိသာသာ လျှော့ချသွားနိုင်မည်ဖြစ်ကြောင်း၊ ဘတ်ဂျက်လိုငွေ အတော်အသင့် မြင့်မားခြင်းသည် စိန်ခေါ်မှုတစ်ရပ် ဖြစ်သော်လည်း အဓိကအားဖြင့် ဘတ်ဂျက်လိုငွေကို ပြည်သူလူထုထံ ငွေတိုက်စာချုပ်နှင့် ငွေတိုက်လက်မှတ်များ ရောင်းချခြင်းဖြင့် ဖြည့်ဆည်းသည့် ပြည်တွင်း ငွေချေးစာချုပ် ဈေးကွက်၏ ဖွံ့ဖြိုးတိုးတက်မှု မရှိသေးခြင်းကြောင့် ဗဟိုဘဏ်မှ အစိုးရက တိုက်ရိုက်ငွေချေး ယူခြင်းသည် ပိုမိုကြီးမားသည့် စိန်ခေါ်မှုဖြစ်ကြောင်း ဗဟိုဘဏ်ဒုတိယ ဥက္ကဋ္ဌက ပြောကြားသည်။

အစိုးရက ဗဟိုဘဏ်မှ တိုက်ရိုက်ငွေချေးယူခြင်းကြောင့် ငွေကြေးဖောင်းပွမှု ဖြစ်နိုင်သည့် အလားအလာ တိုးမြင့်လာကြောင်း၊ ထိုသို့မဖြစ်စေရန် ဗဟိုဘဏ်အနေဖြင့် Deposit Auction များကို ပြုလုပ်၍ စီးပွားရေး စနစ်ထဲမှ ပိုလျှံငွေကြေးများကို နုတ်သိမ်းခဲ့သည့်အတွက် ငွေကြေးဖောင်းပွမှုကို အတော်အတန် ထိန်းသိမ်းထားနိုင်ခဲ့ကြောင်း၊ ၂၀၁၅-၂၀၁၆ ဘဏ္ဍာနှစ်တွင် ပျမ်းမျှငွေကြေးဖောင်း ပွမှုနှုန်း ၉ ဒသမ ၉၉ ရာခိုင်နှုန်းရှိခဲ့ပြီး ၂၀၁၇ ခုနှစ်  သြဂုတ်လတွင် ပျမ်းမျှငွေကြေးဖောင်းပွ မှု ၄ ဒသမ ၇၀ ရာခိုင်နှုန်းသာ ရှိသည့်အတွက် ငွေကြေးဖောင်းပွမှုကို ထိန်းသိမ်းနိုင်ခဲ့ကြောင်း၊ ငွေကြေးဖောင်းပွမှုသည် ငွေလဲလှယ်နှုန်းအပေါ်  အသင့်အတင့် လွှမ်းမိုးမှု ရှိနိုင်သော်လည်း ငွေလဲလှယ်နှုန်းကို အဓိက လွှမ်းမိုးသည့်အရာမှာ ကုန်သွယ်မှုပိုငွေ၊ လိုငွေဖြစ်ကြောင်း ဦးစိုးသိန်းက ပြောကြားသည်။

 

ဟောင်းနွမ်းစုတ်ပြဲနေသည့် တန်ဖိုးငယ် ငွေစက္ကူများ လဲလှယ်ပေးရန် ရန်ကုန်မြို့ရှိ ပုဂ္ဂလိကဘဏ်များအား မြန်မာနိုင်ငံတော် ဗဟိုဘဏ်က ကျပ် သိန်း ၉၆၀၀ ဖိုး ထုတ်ပေးထား

အများပြည်သူ လက်ဝယ်တွင် ရှိနေသော ဟောင်းနွမ်းစုတ်ပြဲနေသည့် တန်ဖိုးငယ် ငွေစက္ကူများ လဲလှယ်ပေးနိုင်ရန်အတွက် ရန်ကုန်မြို့ရှိ ပုဂ္ဂလိကဘဏ်များကို မြန်မာနိုင်ငံတော် ဗဟိုဘဏ်က ကျပ် သိန်း ၉၆၀၀ ဖိုးထုတ်ပေးထားကြောင်း နိုင်ငံတော်ဗဟိုဘဏ် (ရန်ကုန် ဘဏ်ခွဲ) ငွေကြေးဌာနမှ သိရသည်။

ရန်ကုန်မြို့ပေါ်ရှိပုဂ္ဂလိကဘဏ်များ  အနေဖြင့် ဟောင်းနွမ်းစုတ်ပြဲနေသည့် တန်ဖိုးငယ်ငွေစက္ကူ ကျပ် ၅၀ တန်၊ ၁၀၀ တန်၊ ၂၀၀ တန်၊ ၅၀၀ တန်တို့အား ငွေစက္ကူအသစ်များနှင့် လဲလှယ်ပေးခြင်းလုပ်ငန်းကို ဆောင် ရွက်လိုပါက ငွေကြေးဌာန၊ မြန်မာနိုင်ငံတော် ဗဟိုဘဏ်၊ ရန်ကုန်ဘဏ်ခွဲကို အဆိုပြုတင်ပြနိုင်ကြောင်း သိရသည်။

ယင်းလုပ်ငန်းကို ဆောင်ရွက်ရန်အတွက် ပုဂ္ဂလိကဘဏ်များအနက် ကမ္ဘောဇဘဏ်က ဘဏ်ခွဲ ၁၂ ခု၊ ကမ္ဘာ့ရတနာဘဏ် က ဘဏ်ခွဲ ၁၂ ခု၊ မြန်မာအရှေ့တိုင်းဘဏ် က ဘဏ်ခွဲ ရှစ်ခု၊ သမ၀ါယမဘဏ် (CB ဘဏ်) က ဘဏ်ခွဲခြောက်ခု၊ မြ၀တီဘဏ်က ဘဏ်ခွဲ သုံးခု၊ မြန်မာ့ရှေ့ဆောင်ဘဏ်က ဘဏ်ခွဲ နှစ်ခု၊ မြန်မာနိုင်ငံသားများဘဏ်က ဘဏ်ခွဲနှစ်ခု၊ အာရှစိမ်းလန်းမှုဖွံ့ဖြိုးရေး ဘဏ်က ဘဏ်ခွဲ နှစ်ခု၊ ဧရာဝတီဘဏ်က ဘဏ်ခွဲ နှစ်ခု၊ ရိုးမဘဏ်က ဘဏ်ခွဲ တစ်ခု တို့ဖြင့် ချိတ်ဆက် ဆောင်ရွက်လျက် ရှိသည်။

ဘဏ်အလိုက်ထုတ်ပေးထားသည့် တန်ဖိုးငယ်ငွေစက္ကူတန်ဖိုးမှာ ကမ္ဘာ့ရတနာဘဏ် ကျပ်သိန်း ၂၄၀၀၊ ကမ္ဘောဇဘဏ် ကျပ် သိန်း ၂၀၀၀၊ မြန်မာအရှေ့တိုင်းဘဏ် ကျပ် သိန်း ၁၆၀၀၊ သမ၀ါယမဘဏ် ကျပ်သိန်း ၁၂၀၀၊ မြ၀တီဘဏ် ကျပ်သိန်း ၆၀၀၊ မြန်မာနိုင်ငံသား များဘဏ် ကျပ်သိန်း ၄၀၀၊ အာရှစိမ်းလန်း မှုဖွံ့ဖြိုးရေးဘဏ် ကျပ်သိန်း ၄၀၀၊ ဧရာဝတီ ဘဏ်ကျပ်သိန်း ၄၀၀၊ မြန်မာ့ရှေ့ဆောင်ဘဏ် ကျပ်သိန်း ၄၀၀၊ ရိုးမဘဏ် ကျပ်သိန်း ၂၀၀ တို့ဖြစ်ကြောင်း သိရသည်။

အဆိုပါ ငွေစက္ကူအသစ်များ လဲလှယ်ပေး လုပ်ငန်းဆောင်ရွက်ရာတွင် ဘဏ်ခွဲများသည် တန်ဖိုးငယ်ငွေစက္ကူအသစ်များကို မြန်မာနိုင်ငံတော်ဗဟိုဘဏ် ငွေကြေးဌာနနှင့်ညှိနှိုင်း၍ ကြိုတင်တောင်းခံရခြင်းဖြစ်ပြီး ဘဏ်ခွဲများသည် ညှိနှိုင်းရရှိသည့် ပမာဏ အတိုင်း ဗဟိုဘဏ် ငွေကြေးဌာနတွင် သတ်မှတ်ရက်၌ ကနဦး လာရောက်ထုတ်ယူရမည်ဖြစ်သည်။ ငွေစက္ကူသစ်များ လဲလှယ်ပေးရန်ဘဏ်ခွဲတွင် ကောင်တာသီးခြားဖွင့်လှစ်ထားပြီး ဆောင်ရွက်ရမည်ဖြစ်ပြီး လိုအပ်သော ကြော်ငြာစာ ကပ်ထားနိုင်ကြောင်း သိရသည်။