အာဏာသိမ်းရန် ကြိုးပမ်းရေးအတွက် အမေရိကန်အစိုးရက ဗင်နီဇွဲလား စစ်ဘက်အရာရှိတို့နှင့် တွေ့ဆုံခဲ့

သြဂုတ် ၄ ရက်က ကရာကတ်စ်တွင် ပြုလုပ်ခဲ့သည့် အခမ်းအနားတစ်ခုအတွင်း မိန့်ခွန်းပြောနေသော ဗင်နီဇွဲလားသမ္မတ မာဒူရို (Photo – AFP)

ဗင်နီဇွဲလားသမ္မတ နီကိုးလက်မာဒူရိုကို ဖြုတ်ချရန်အစီအစဉ်များအား ဆွေးနွေးရန်အတွက် အမေရိကန်သမ္မတ ဒေါ်နယ်ထရန့်၏ အစိုးရအဖွဲ့မှ အရာရှိများသည် ဗင်နီဇွဲလား စစ်ဘက်အရာရှိများနှင့် လျှို့ဝှက်တွေ့ဆုံခဲ့သည်ဟု နယူးယောက်တိုင်းမ်တွင် စက်တင်ဘာ ၈ ရက်က ဖော်ပြခဲ့သည်။ သို့သော် နောက်ဆုံးတွင် မကူညီတော့ရန် ဆုံးဖြတ်လိုက်သည်ဟု သိရသည်။

ဆိုးရွားလှသည့် စီးပွားရေး၊ လူသားဆိုင်ရာ အကျပ်အတည်းများနှင့် ရင်ဆိုင်နေရသော ဗင်နီဇွဲလားနိုင်ငံထဲတွင် အကြမ်းဖက် ဆန္ဒပြမှုကြီးများဖြစ်ပေါ်ကာ နိုင်ငံထဲမှ လူအမြောက်အမြား ဆက်တိုက်စွန့်ခွာနေကြပြီး အိမ်နီးချင်းနိုင်ငံများ၌ သွားရောက်ခိုလှုံနေကြသည်။ ထိုစဉ် သမ္မတထရန့်မှာမူ မာဒူရို၏ လက်ဝဲအစိုးရအဖွဲ့ကို ပြင်းပြင်းထန်ထန် ဝေဖန်သူတစ်ဦး ဖြစ်သည်။

“ဗင်နီဇွဲလားနိုင်ငံ  ဒီမိုကရေစီစနစ်ကို စနစ်တကျနဲ့ငြိမ်းချမ်းစွာ ပြန်လည်ရောက်ရှိသွားရေးဟာ အမေရိကန်ရဲ့ ဦးစားပေးမူဝါဒ ဖြစ်နေဆဲပါပဲ” ဟု အမေရိကန် အမျိုးသားလုံခြုံရေးကောင်စီမှ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။ ဗင်နီဇွဲလားပြည်သူများ၏ နေ့စဉ်စိုးရိမ်ပူပန်မှုများကို အမေရိကန် အစိုးရက နေ့တိုင်းကြားသိမြင်နေရကြောင်း၊ ၎င်းတို့အားလုံး၏ တူညီသော ရည်မှန်းချက်မှာ အမိမြေထဲတွင် ဒီမိုကရေစီစနစ်ပြန်လည် တည်ဆောက်ရေးဖြစ်ကြောင်း ပြောခွင့်ရပုဂ္ဂိုလ် ဂါရက်မားကွက်စ်က ဆက်လက်ပြောကြားခဲ့သည်။

လျှို့ဝှက်ဆွေးနွေးမှုများထဲတွင် ပါဝင်ခဲ့သော အမည်မဖော်လိုသည့် အမေရိကန်အစိုးရအရာရှိများနှင့် ဗင်နီဇွဲလား စစ်တပ်အရာရှိဟောင်းတစ်ဦးတို့၏ ပြောကြားချက်အရ အာဏာသိမ်းရန်အစီအစဉ်များမှာ ရပ်ဆိုင်း သွားပြီဖြစ်သည်ဟု နယူးယောက်တိုင်းမ်၌ ဖော်ပြခဲ့သည်။

ထိုစဉ် ဗင်နီဇွဲလားနိုင်ငံခြားရေးဝန်ကြီး ဂျော့ဂ်ျအရီဇာက အမေရိကန်အစိုးရ၏ ဗင်နီဇွဲလား စစ်အာဏာသိမ်းရန် ကြိုးပမ်းမှုကို ပံ့ပိုးပြီး ၀င်ရောက်စွတ်ဖက်ရန် စီစဉ်နေမှုများကို ရှုတ်ချကြောင်း Twitter ၌ရေးသားခဲ့သည်။ “စက်ဆုပ်ရွံရှာစရာ သက်သေတွေကို အမေရိကန်မီဒီယာတွေ၊ သတင်းတွေမှာ တွေ့နိုင်ပါတယ်” ဟု ၎င်းကဆိုသည်။ သမ္မတမာဒူရိုသည်လည်း ၎င်းတွင် တွေ့ကြုံနေရသည့် ပြဿနာများစွာမှာ အမေရိကန်ကြောင့်ဟု အမြဲတစေ ပြစ်တင်နေတက်သူဖြစ်သည်။ သြဂုတ် ၄ ရက်ကဖြစ်ပွားခဲ့သော မောင်းသူမဲ့လေယာဉ်များဖြင့်  မာဒူရိုအား လုပ်ကြံရန်စီစဉ်မှုတွင်မူ မပါဝင်ဟု အမေရိကန်က ငြင်းဆိုထားသည်။

Ref ; AFP

အီကွေဒေါက လူသားချင်း ကူညီမှုလမ်းကြောင်းကို ဖွင့်လှစ်ပြီး ဗင်နီဇွဲလားများအတွက် နိုင်ငံကူးလက်မှတ်လိုအပ်ချက်ကို ရုပ်သိမ်းပေး

သြဂုတ် ၂၄ ရက်တွင် အီကွေဒေါနှင့်နယ်စပ် ပီရူးမြောက်ပိုင်းရှိ နှစ်နိုင်ငံနယ်စပ်စောင့်ကြည့်စင်တာ၌ ဗင်နီဇွဲလားနိုင်ငံသားများက တန်းစီနေကြစဉ် (Photo: AFP)

အီကွေဒေါသည် သြဂုတ် ၂၄ ရက်တွင် လူသားချင်းစာနာကူညီမှုလမ်းကြောင်းအား  ဖွင့်လှစ်ပေးခဲ့ပြီး စီးပွားရေးကျဆင်းနေသည့် ဗင်နီဇွဲလားမှ ထွက်ပြေးလာသည့် ဧရာမ ရွှေ့ ပြောင်းအခြေချများအား နိုင်ငံသို့ ၀င်ခွင့် ကန့်သတ်မှုများကို ရုပ်သိမ်းပေးခဲ့သည်။

လတ်တလောတွင် ပီရူးနယ်စပ်သို့ သွားရောက်ရန် ရွှေ့ပြောင်းအခြေချများ လိုက်ပါလာသည့် ဘတ်စ်ကား ၃၅ စီးသည် စောင့်ဆိုင်းနေကြောင်း အီကွေဒေါပြည်ထဲရေး ၀န်ကြီး မာအူရိုတိုစကန်နီနီကပြောကြားခဲ့သည်။ ပီရူး၊ ချီလီနှင့် ယင်းမှကျော်လွန်သော အခြားနိုင်ငံများတွင် အလုပ်အကိုင် အခွင့်အလမ်းများ ရှာဖွေနိုင်ရန်နှင့် ဆွေမျိုးများနှင့် ဆုံစည်းနိုင်ရန် ဗင်နီဇွဲလားထောင်ပေါင်းများစွာက ဖြတ်သန်းသွားလာနေသော အီကွေဒေါက ၎င်းတို့ တတ်နိုင်သမျှ ကူညီပေးသွားမည်ဖြစ်ကြောင်း ပြည်ထဲရေးဝန်ကြီးက ပြောကြားခဲ့သည်။

ပီရူးသည် ဒေသတွင်း၌ စီးပွားရေး တိုးတက်မှု အမြန်ဆုံး နိုင်ငံတစ်နိုင်ငံဖြစ်ပြီး လာမည့်နှစ်တွင် ၄ ဒသမ ၇ ရာခိုင်နှုန်း တိုးတက်မည်ဟု ခန့်မှန်းထားသည်။ ဗင်နီဇွဲလား နိုင်ငံသားများသည် ၎င်းတို့၏ နိုင်ငံသား သက် သေခံကတ်များကို စွန့်လွှတ်၍ နိုင်ငံကူးလက်မှတ်ထုတ်ယူရန် နောက်ဆုံးအချိန် သတ်မှတ်ထားသည့် ညသန်းခေါင်ကို ကျော်လွန်ပြီးနောက် ပီရူးနယ်စပ်သို့ ဖြတ်သန်းနိုင်ရန် ကြိုးပမ်းခဲ့ကြသည်။ သို့သော် ၎င်းတို့သည် ကိုလံဘီယာမှတစ်ဆင့် အီကွေဒေါသို့ ၀င်ရောက်ရန် နိုင်ငံကူးလက်မှတ် မလိုအပ်တော့ပေ။

ယခု တစ်နှစ်တည်းတွင် လူသန်းဝက်ခန့် ထွက်ပြေးလာခဲ့ကြသည့် အီကွေဒေါသည် ဗင်နီဇွဲလားနိုင်ငံသားများအား နိုင်ငံကူး လက်မှတ်ထုတ်ယူရန်အတွက် သီတင်းပတ်နှင့်ချီ အချိန်ယူရမှုကို ဖယ်ရှားပေးခဲ့ပြီး  ရွှေ့ပြောင်းအခြေချအကျပ်အတည်းအား လျော့စေရန် လုပ်ဆောင်ခဲ့သည်။ ယင်းအတွက်ကြောင့် ပီရူးကလည်းယင်းနှင့်အလားတူသော အရေးယူဆောင်ရွက်မှုများကို ထုတ်ပြန်ခဲ့ရသည်။

ဗင်နီဇွဲလား ရွှေ့ပြောင်းအခြေချ ပြဿနာအား ဒေသတွင်း၌ ပူးပေါင်းဆောင်ရွက်ရန်အတွက် ကုလသမဂ္ဂအထူးအဖွဲ့တစ်ဖွဲ့ကို အတွင်းရေးမှူးချုပ် အန်တိုနီယိုဂူတာရက်စ်က ဖွဲ့စည်းသွားမည်ဟု ၎င်း၏ ပြောခွင့်ရ ပုဂ္ဂိုလ်က သြဂုတ် ၂၄ ရက်တွင် ပြောကြားခဲ့သည်။

ဒေသဆိုင်ရာအစိုးရများက လက်တင်အမေရိကသမိုင်းတွင် အကြီးမားဆုံး အစုလိုက်အပြုံလိုက် နိုင်ငံမှထွက်ခွာမှု အကျပ်အတည်းကို ဖြေရှင်းနိုင်ရန် ရုန်းကန်နေရသည်။ ပြည်ပတွင် နေထိုင်နေသည့် ဗင်နီဇွဲလား ၂ ဒသမ ၃ သန်းအနက် ၁ ဒသမ ၆ သန်းကျော်သည် နိုင်ငံထဲ၌ စီးပွားရေးနှင့် နိုင်ငံရေးအကျပ်အတည်း နက်ရှိုင်းပြီး စားသောက်ကုန်၊ ဆေးဝါးနှင့် အခြားအခြေခံ လိုအပ်ချက်များ ရှားပါးခဲ့သည့် ၂၀၁၅ ခုနှစ် နောက်ပိုင်း ထွက်ပြေးလာကြသူများဖြစ်သည်။ ထို အကျပ်အတည်းကို ဆွေးနွေးရန် အာဂျင်တီးနား၊ ဘရာဇီး၊ ကိုလံဘီယာ၊ ပီရူး၊ ဥရုဂွေး၊ မက္ကဆီကို၊ ဗင်နီဇွဲလား အပါအ၀င် နိုင်ငံ ၁၃ နိုင်ငံပါသည့် ထိပ်သီးကို အီကွေဒေါက လာမည့်လတွင် ကျင်းပမည်ဖြစ်သည်။