ဖိလစ်ပိုင်တွင် တစ်ပတ်အတွင်း သုံးဦးမြောက်အဖြစ် ဒုတိယမြို့တော်ဝန်တစ်ဦး ပစ်သတ်ခံခဲ့ရ

တာနူအန်မြို့တော်ဝန် ဟာလီလီ လုပ်ကြံခံရသည့်နေရာ၌ ဖိလစ်ပိုင်အထူးရဲတပ်ဖွဲ့ဝင်များက ဇူလိုင် ၄ ရက်တွင် စစ်ဆေးနေစဉ် (Photo: AP)

ဖိလစ်ပိုင်တွင် ပြီးခဲ့သော သီတင်းပတ်အတွင်း တတိယအကြိမ်မြောက် ပြောင်ပြောင်တင်းတင်း လုပ်ရပ်အဖြစ် မြို့တော်မနီလာတောင်ဘက်ရှိ မြို့ငယ်တစ်မြို့မှ ဒုတိယမြို့တော်ဝန်တစ်ဦးသည် ဇူလိုင် ၇ ရက်တွင် ပစ်သတ်ခံခဲ့ရကြောင်း ရဲတပ်ဖွဲ့က ထုတ်ပြန်ခဲ့သည်။

Trece Martires မြို့၏ ဒုတိယမြို့တော်ဝန် အလက်ဇန္ဒားလူဘီဂန်နှင့် ၎င်း၏ယာဉ်မောင်းတို့သည် ပစ်ကပ်ဗင်ကားတစ်စီးဖြင့် သွားလာနေစဉ် ကာဗိုက်ပြည်နယ်မှ ဆေးရုံတစ်ရုံအရှေ့တွင် ဗင်ကားစီးလာသော သေနတ်သမားများက ပစ်သတ်သွားခဲ့ခြင်းဖြစ်ကြောင်း ရဲတပ်ဖွဲ့က ထုတ်ပြန်ခဲ့သည်။ သေနတ်သမားများမှာမူ လွတ်မြောက်သွားခဲ့သည်။

တစ်ပတ်အတွင်း ဒေသဆိုင်ရာတာဝန်ရှိသူများ ဆက်တိုက်ပစ်သတ်ခံခဲ့ရမှုများတွင် လူသတ်သမားများနှင့် ယင်းကဲ့သို့ လုပ်ကြံရသည့် စေ့ဆော်မှုများကို ဖော်ထုတ်နိုင်ရန် အထူးစုံစမ်းစစ်ဆေးရေးအဖွဲ့တစ်ဖွဲ့ကို ဖွဲ့စည်းခဲ့သည်။ တရားမ၀င် လက်နက်များ ကာလရှည်ကြာပျံ့နှံ့နေသည့် ဖိလစ်ပိုင်တွင် ယခုကဲ့သို့ ဆက်တိုက်လုပ်ကြံမှုများကြောင့် ပိုမိုထိရောက်သော သေနတ်ထိန်းချုပ်မှုများ ပြုလုပ်ရန် တောင်းဆိုမှုများ ပြန်လည်ထွက်ပေါ်လာခဲ့သည်။

ဇူလိုင် ၂ ရက်တွင် မနီလာတောင်ဘက် တာနူအန်မြို့မှ မြို့တော်ဝန်အန်တိုနီယိုဟာလီလီသည် အလံတင်အခမ်းအနားတစ်ခုတွင် နိုင်ငံတော်သီချင်း သီဆိုနေစဉ် လက်ဖြောင့်သေနတ်သမား၏ ပစ်ခတ်မှုကြောင့် သေဆုံးခဲ့သည်။ နောက်တစ်ရက် ဇူလိုင် ၃ ရက်တွင် နိုင်ငံမြောက်ပိုင်း ဂျင်နရယ်တီနီယိုမြို့မှ မြို့တော်ဖာဒီနန်ဘိုတီသည် SUV ကားဖြင့် သွားနေစဉ် ဆိုင်ကယ်စီးလာသည့် သေနတ်သမားများက ပစ်သတ်သွားခဲ့ခြင်းဖြစ်သည်။ ထိုနှစ်ဦးအား လုပ်ကြံသူများသည်လည်း လွတ်မြောက်နေဆဲဖြစ်သည်။

ဟာလီလီနှင့် ဘိုတီတို့ လုပ်ကြံခံခဲ့ရမှုအား မျက်မြင်သက်သေများက မှတ်တမ်းတင်ခဲ့သည့် ဗီဒီယိုများအား အွန်လိုင်းတွင် ကြည့်ရှုမှု များပြားခဲ့ပြီး ဥပဒေစိုးမိုးမှုကင်းမဲ့မှုကို စိုးရိမ်မှု တစ်ဖန်ထွက်ပေါ်လာခဲ့သည်။ သမ္မတရိုဒရီဂိုဒူတာတေး၏ တရားမ၀င် မူးယစ်ဆေးဝါးနှိမ်နင်းရေးစစ်ပွဲတွင် မူးယစ်ဆေးကုန်သည်များဟု သံသယရှိသူ အများစုပါဝင်သည့် လူ ၄၀၀၀ ကျော် သေဆုံးခဲ့ချိန်တွင် ယခုကဲ့သို့ မြို့တော်ဝန်များအား ဆက်တိုက်လုပ်ကြံမှုများကြောင့် ဖိလစ်ပိုင်သည် အာရှ၏ လူသတ်မြို့တော်ဖြစ်သည်ဟု အတိုက်အခံ အထက်လွှတ်တော်အမတ်တစ်ဦးက သုံးနှုန်းခဲ့သည်။

၂၀၁၆ ခုနှစ်တွင် ဒူတာတေးက သမ္မတရာထူး စတင်ထမ်းဆောင်ခဲ့ပြီးနောက်ပိုင်း မြို့တော်ဝန်ကိုးဦးထက်မနည်း သေဆုံးခဲ့ပြီးဖြစ်သည်။ ထိုကိုးဦးထဲတွင် တရားမ၀င် မူးယစ်ဆေးဝါးကုန်သွယ်မှုနှင့် ဆက်နွှယ်မှုရှိသည်ဟု ဒူတာတေးနှင့် အစိုးရက စာရင်းသွင်းထားသည့်လေးဦးလည်း ပါဝင်သည်။

ဟာလီလီသည် တရားမ၀င် မူးယစ်ဆေးဝါးကုန်သွယ်မှုနှင့် ဆက်နွှယ်မှုစာရင်းတွင် ထည့်သွင်းခံခဲ့ရသည်။ ၎င်းကမူ မည်သည့်ပတ်သက်မှုမျှ မရှိကြောင်း အပြင်းအထန် ငြင်းဆိုခဲ့သည်။

မူးယစ်ဆေးဝါးကုန်သွယ်မှုနှင့် ဆက်နွှယ်သည့် အစိုးရတာဝန်ရှိသူများ၏ စာရင်းအား စစ်ဆေးခွင့်ပြုရန် ဒေသဆိုင်ရာ အစိုးရတာဝန်ရှိသူများအဖွဲ့တစ်ဖွဲ့က ဒူတာတေးအစိုးရကို တောင်းဆိုခဲ့ပြီး ထိုစာရင်းတွင် သံသယရှိသူများအား ထည့်သွင်းခြင်း သို့မဟုတ် ပယ်ဖျက်ခြင်းတို့အား အသိပေးရန် တောင်းဆိုခဲ့သည်။ ထိုစာရင်းသည် အသတ်ခံရမည့်စာရင်းဖြစ်သည်ဟု လူ့အခွင့်အရေး စောင့်ကြည့်သည့်အဖွဲ့များက ဝေဖန်ခဲ့ကြသည်။

Ref: AFP

စွမ်းအင်ဆာလောင်နေသော ဖိလစ်ပိုင်တွင် နျူကလီးယားစွမ်းအင်ကို သုံးစွဲရန်အတွက် ပြန်လည်လှုံ့ဆော်လာ

၂၀၁၄ ခုနှစ် မတ် ၄ ရက်က မနီလာတွင် လျှပ်စစ်ဓာတ်အားလိုင်းများအား ပြင်ဆင်နေသော လျှပ်စစ်ဝန်ထမ်းများကို တွေ့ရစဉ် (Photo : AFP)

ဖိလစ်ပိုင်နိုင်ငံသား ၀င်ဖရေး ဒိုတောရက်စ်သည် ၁၉၈၀ ပြည့်လွန်နှစ်များက အရှေ့တောင်အာရှရှိ တစ်ခုတည်းသော နျူကလီးယားစွမ်းအင် စက်ရုံအတွက် နည်းပညာရှင်တစ်ဦးအဖြစ် ငှားရမ်းခံရသည်။ သို့သော် ယင်းနောက် ဆယ်စုနှစ် တစ်ခုလုံးတွင် လုံးဝအသုံးပြုခဲ့ခြင်း မရှိသည့် ထိုစက်ရုံသို့ တောရက်စ်က လမ်းညွှန်ခရီးစဉ်များ သွားရင်းသာ အချိန်ကုန်ခဲ့သည်။ ဖိလစ်ပိုင်သည် လျှပ်စစ်စွမ်းအား ၆၂၁ မီဂါဝပ် ထုတ်လုပ်နိုင်သော Bataan နျူကလီးယား စွမ်းအင်စက်ရုံအတွက် ဒေါ်လာ ၂ ဒသမ ၃ ဘီလျံ အသုံးပြုခဲ့သော်လည်း အာဏာရှင်အစိုးရ ဖြုတ်ချခံရပြီး ဆိုးရွားသော ချာနိုဘိုင်း နျူကလီးယားဖြစ်စဉ် အပြီးတွင် ထိုစက်ရုံသည် ချောင်ထိုးခံခဲ့ရသည်။

သို့သော် ယခုအခါ အသက် ၅၆ နှစ်ရှိပြီဖြစ်သည့် တောရက်စ်သည် လာမည့်လေးနှစ်အတွင်း အနားမယူမီ ထိုစက်ရုံ ပြန်လည်လည်ပတ်မှုကို မြင်တွေ့ခွင့် ရဖွယ်ရှိသည်။ ကမ္ဘာတွင် စီးပွားရေး တိုးတက်မှု အရှိန်အဟုန်အမြင့်ဆုံး နိုင်ငံတစ်နိုင်ငံ ဖြစ်သည့် ဖိလစ်ပိုင်၌ စွမ်းအင်လိုအပ်မှု မြင့်တက်လာချိန်တွင် စွမ်းအင်ဝန်ကြီးဌာနက နျူကလီးယားစွမ်းအင်ကို ပြန်လည်အသုံးပြုရန် တစ်ဖန်အာရုံစိုက်လာခဲ့ပြီး ထိုအစီအစဉ်အား အလျင်အမြန် စတင်ရန်အတွက် သမ္မတရိုဒရီဂို ဒူတာတေးကို တိုက်တွန်းခဲ့သည်။

ဖိလစ်ပိုင်က နျူကလီးယား စွမ်းအင်စီမံကိန်းအတွက် အသင့်ရှိနေကြောင်း သမ္မတအမိန့်ဒီကရီ ထုတ်ပြန်ပေးရန် စွမ်းအင်ဌာနက သမ္မတဒူတာတေးကို တောင်းဆိုခဲ့ကြောင်း စွမ်းအင်ဌာန အတွင်းဝန် ဂျာရာဒိုအာဂေဇာက ပြောကြားခဲ့သည်။ ဈေးနှုန်းသက်သာစွာနှင့် ယုံကြည်စိတ်ချရသော စွမ်းအင်ကို လိုအပ်နေချိန်တွင် နျူကလီးယားစွမ်းအင်က အသင့်တော်ဆုံးဖြစ်ကြောင်း၊ ယင်းသည် အောင်မြင်သော စီးပွားရေးများတွင် ပုံစံတစ်မျိုး ဖြစ်ကြောင်းလည်း ၎င်းက ပြောကြားခဲ့သည်။

ဖိလစ်ပိုင်တွင် နျူကလီးယား စွမ်းအင်ကို သုံးစွဲရန်အတွက် ယခင်က ကြိုးပမ်းမှုများသည် ဘေးကင်းလုံခြုံရေးဆိုင်ရာ စိုးရိမ်မှုများကြောင့် ပျက်ပြားခဲ့သည်။

အာဏာရှင်မားကို့စ်သည် စွမ်းအင်အကျပ်အတည်း ကြုံနေရမှုအား တုံ့ပြန်ဖြေရှင်းရန် ၁၉၇၆ ခုနှစ်တွင် Bataan နျူကလီးယားစွမ်းအင် စက်ရုံအား တည်ဆောက်ရန် ညွှန်ကြားခဲ့သည်။ ထို့ပြင် နျူကလီးယား စွမ်းအင်သည် ၁၉၇၀ ပြည့်လွန် အစောပိုင်းနှစ်များ၌ အရှေ့အလယ်ပိုင်းမှ ရေနံရောင်းဝယ်မှု ပိတ်ပင်ထားခြင်းအား ဖြေရှင်းမှုတစ်ခုဖြစ်ကြောင်း မားကို့စ်က လက်ခံခဲ့သည်။

၁၉၈၄ ခုနှစ်တွင် တည်ဆောက်မှုပြီးစီးခဲ့သော ထိုစက်ရုံကို မားကို့စ် အစိုးရ ဖြုတ်ချခံခဲ့ရမှုနှင့် အလွန်အမင်း ပြင်းထန်သော ချာနိုဘိုင်းနျူကလီးယား အကျပ်အတည်း ဖြစ်ပေါ် ခဲ့ပြီး နောက်နှစ်နှစ်အကြာတွင် အစိုးရက ထိုစက်ရုံအား အသုံးမပြုဘဲ ထားခဲ့သည်။

မြို့တော်မနီလာမှ ကီလိုမီတာ ၂၀၀ (၁၂၅ မိုင်) အကွာရှိ ထိုစက်ရုံအား အစိုးရက ၂၀၀၉ ခုနှစ်တွင် ခရီးသွားများအား အခကြေးငွေယူ၍ စတင်ပြသခဲ့ပြီး ပြုပြင်ထိန်းသိမ်းရေး စရိတ်ကို သက်သာစေရန် လုပ်ဆောင်ခဲ့သည်။ ထိုစက်ရုံအတွက် နှစ်စဉ်ထိန်းသိမ်းရေး စရိတ်အဖြစ် ယခုနှစ်တွင် ပီဆို ၃၂ သန်း (ဒေါ်လာ ၆၁၂၀၀၀) သတ်မှတ်ထားကြောင်း သိရသည်။

Bataan စက်ရုံအား ပြန်လည်ဖွင့်လှစ်မှုသည် ရွေးချယ်စရာတစ်ခု ဖြစ်သလို နျူကလီးယားစက်ရုံသစ် တစ်ရုံ တည်ဆောက်မှုကလည်း ရွေးစရာတစ်ခုဖြစ်ကြောင်း အာဂေဇာက ပြောကြားခဲ့သည်။ သို့သော် စက်ရုံဟောင်းအတွက် ကုန်ကျစရိတ်သည် ကနဦး အသုံးစရိတ်ထက် လေးဆကျော် ပိုမိုများပြား နေခြင်းကြောင့် ဒဏ်ရာများစွာကို ဖြစ်ပေါ်စေမည်ကို ၎င်းက လက်ခံခဲ့သည်။

 

အကြီးမားဆုံး အကြောင်းအရာ

ဖိလစ်ပိုင်တွင် စွမ်းအင်သုံးစွဲမှု၏ ထက်ဝက်ကျော်ကို ကျောက်မီးသွေးမှ ရရှိနေပြီး သဘာဝဓာတ်ငွေ့နှင့် ပြန်လည်ပြည့်ဖြိုးမြဲ စွမ်းအင်များမှ ငါးပုံတစ်ပုံကျော်ကို ရရှိနေကာ ကျန်သောဝေစုကိုမူ ရေနံမှ ရရှိနေခြင်းဖြစ်သည်။ ယခုနှစ် ပထမသုံးလပတ်တွင် စီးပွားရေး တိုးတက်မှုနှုန်းသည် ၆ ဒသမ ၈ ရာခိုင်နှုန်း ရှိမှုနှင့်အတူ တရုတ်ကဲ့သို့ပင် စီးပွားရေးတိုးတက်မှု အားကောင်းသော ဖိလစ်ပိုင်တွင် ၂၀၄၀ ပြည့်နှစ်မတိုင်မီ စွမ်းအင်သုံးစွဲမှုသည် မီဂါဝပ် ၆၇၀၀၀ အထိ သုံးဆမြင့်တက်နိုင်သည်ဟု ခန့်မှန်းထားသည်။

အရှေ့ပိုင်း၌ ရင်းနှီးမြှုပ်နှံရမှုသည် ကြီးမားသော်လည်း လောင်စာကုန်ကျစရိတ် နည်းပါးသော နျူကလီးယားစွမ်းအင်ကို သုံးစွဲပါက လျှပ်စစ်စွမ်းအင်အတွက် ကုန်ကျစရိတ်သည် ကျဆင်းမည် ဖြစ်ကြောင်း ဖိလစ်ပိုင် နျူကလီးယား သုတေသန အင်စတီကျုမှ ဒါရိုက်တာကားလို့ အာစီလာက ပြောကြားခဲ့သည်။ ဖိလစ်ပိုင်တွင် အကြီးမားဆုံး အကြောင်းတစ်ခုမှာ ကမ္ဘာ၌ ဈေးအကြီးဆုံး စွမ်းအင်ကို သုံးစွဲနေရခြင်းဖြစ်ကြောင်း ၎င်းက ပြောကြားခဲ့သည်။

စွမ်းအင်ဖြန့်ဖြူးသည့် မနီလာ လျှပ်စစ်စွမ်းအင်ကုမ္ပဏီက ညွှန်ကြား၍ ကောက်ယူခဲ့သည့် ၂၀၁၆ ခုနှစ် လေ့လာမှုတစ်ခုတွင် စွမ်းအင်အတွက် ဈေးအကြီးဆုံး နိုင်ငံများ၌ ဖိလစ်ပိုင်သည် နိုင်ငံပေါင်း ၄၄ နိုင်ငံ အနက် အဆင့် ၁၆ ၌ ရပ်တည်ခဲ့ပြီး ဂျပန်က ထိပ်ဆုံး၌ ရပ်တည်ခဲ့ကြောင်း သိရသည်။ ဖိလစ်ပိုင်တွင် လျှပ်စစ်ဓာတ်အားကို အစိုးရက အရှုံးခံ စိုက်ထုတ်ပေးခြင်း မရှိပေ။

Bataan နျူကလီးယားစက်ရုံ ပြန်လည်လည်ပတ်နိုင်ရေးအတွက် အစီအစဉ်များကို နျူကလီးယား ဓာတ်ပေါင်းဖိုများ တည်ဆောက် သည့် ကုမ္ပဏီများဖြစ်သော Korea Hydro & Nuclear Power ကုမ္ပဏီနှင့် ရုရှား၏ Rosatom ကုမ္ပဏီတို့က တင်သွင်းခဲ့ပြီး ကုန်ကျစရိတ်များသည် ဒေါ်လာတစ်ဘီလျံမှ သုံးဘီလျံကျော်အတွင်းရှိကြောင်း အင်ဂျင်နီယာ မော်ရိုမာဆယ်လိုက ပြောကြားခဲ့သည်။ ၎င်းသည် ပြီးခဲ့သော မတ်တွင် အငြိမ်းစားမယူမီ ထိုစက်ရုံ ပြုပြင်ထိန်းသိမ်းရေးကို ကြီးကြပ်ခဲ့သူဖြစ်သည်။

တရုတ်ထိပ်တန်း နျူကလီးယားစွမ်းအင်စက်ရုံ တည်ဆောက်သည့် ကုမ္ပဏီဖြစ်သော China Nuclear Engineering and Construction နှင့် ဘယ်ဂျီယမ်၏ Tractebel ကုမ္ပဏီတို့ အပါအ၀င် အခြားကုမ္ပဏီများကလည်း စိတ်ဝင်စားမှု ပြသခဲ့ကြောင်း မာဆယ်လိုက ပြောကြားခဲ့သည်။

စက်ရုံသစ်တစ်ရုံအား တည်ဆောက်မှုသည် ဆယ်စုနှစ်တစ်ခုခန့် ကြာမြင့်နိုင်ချိန်တွင် ငါးနှစ်ခန့်သာ ကြာမြင့်နိုင်သည့် Bataan စက်ရုံ ပြန်လည်လည်ပတ်မှုက ဖိလစ်ပိုင်ကို နျူကလီးယားစွမ်းအင် သုံးစွဲရန်အတွက် အတိုဆုံးလမ်းကြောင်း ဖြစ်လာမည်ဖြစ်ကြောင်း ၎င်းက ပြောကြားခဲ့သည်။ “ကျွန်တော့်အမြင်အရဆိုရင် နျူကလီးယားမူဝါဒကို ဒူတာတေး သမ္မတသက်တမ်းမှာ ထုတ်ပြန်နိုင်တယ်လို့ ထင်တယ်။ ဒါပေမဲ့ Bataan စက်ရုံကို ပြန်ပြီး လည်ပတ်နိုင်ဖို့က အဝေးကြီး လိုသေးတယ်” ဟု မာဆယ်လိုက သုံးသပ်ခဲ့သည်။ ဒူတာတေးကလည်း ဖိလစ်ပိုင်က နျူကလီးယား စွမ်းအင်အား သုံးစွဲခြင်း ပြု၊မပြုကို ဆုံးဖြတ်ရန်မှာ ဘေးကင်းလုံခြုံမှုက ထိပ်တန်းဦးစားပေး ဖြစ်လာမည် ဖြစ်ကြောင်း ပြောကြားထားသည်။

 

အလွန်အမင်း အငြင်းပွားဖွယ်ဖြစ်မှု

ယူရေနီယံတင်သွင်းရမှု၊ စွန့်ပစ်ပစ္စည်း၊ ဖျက်သိမ်းရသည့် စရိတ်တို့အပြင် ဘေးကင်းလုံခြုံရေးဆိုင်ရာ စိုးရိမ်မှုများကို ထောက်ပြလျက် တက်ကြွလှုပ်ရှားသူများက ဖိလစ်ပိုင်တွင် နျူကလီးယားစွမ်းအင်ကို ပြန်လည် အသက်သွင်းရန် ကြိုးပမ်းနေမှုအား ဆန့်ကျင်မှုသည် အားကောင်းနေဆဲဖြစ်သည်။ Bataan စက်ရုံ ပြန်လည်လည်ပတ်ရန် ကြိုးပမ်းမှုအား ဆန့်ကျင်ကြောင်း အကြိမ်ကြိမ် သတိပေးခဲ့သည့် ဘူမိဗေဒပညာရှင် ကယ်ဗင်ရိုဒိုဖိုက ထိုစက်ရုံသည် လတ်တလောတွင် ငြိမ်သက်နေသော မီးတောင်ရှင် တစ်လုံးကိုဖြတ်လျက် တည်ရှိသည့် ငလျင်ကြော တစ်ခုပေါ်တွင် ရှိနေကြောင်း ထောက်ပြခဲ့သည်။

ယင်းနေရာတွင် နျူကလီးယား ဘေးအန္တရာယ်တစ်ခု ဖြစ်ပွားပါက ဖိလစ်ပိုင်တစ်ခုတည်းတွင် မဟုတ်ဘဲ ပိုမိုကျယ်ပြန့်သော နေရာတွင်ပါ သက်ရောက်နိုင်ကြောင်း၊ ယင်းအတွက် ထိုစက်ရုံ ပြန်လည်စတင်ရန် ဖိလစ်ပိုင် တစ်နိုင်ငံတည်းက မဆုံးဖြတ်သင့်ကြောင်း၊ အပြည်ပြည်ဆိုင်ရာ အဏုမြူစွမ်းအင် အေဂျင်စီ (IAEA) က ဆုံးဖြတ်သင့်ကြောင်း ရိုဒိုဖိုက ပြောကြားခဲ့သည်။ ယခုနှစ်ကုန်တွင် ဖိလစ်ပိုင်သို့ လာရောက်ရန် စီစဉ်ထားသော IAEA က ထို အစီအစဉ်အား အတည်မပြုနိုင်ဟု ယုံကြည်ကြောင်းလည်း ၎င်းက ပြောကြားခဲ့သည်။

Ref : Reuters

၂၀၁၉ ဆီးဂိမ်းစ်တွင် ထည့်သွင်းမည့် အားကစားနည်း ၃၀ အား ဖိလစ်ပိုင် အိုလံပစ်ကော်မတီ အဆိုပြု

၂၀၁၇ မလေးရှား ဆီးဂိမ်းစ်ပြိုင်ပွဲတွင် ရွှေတံဆိပ်ရရှိခဲ့သည့် မြန်မာခြင်းလုံးအသင်း အောင်ပွဲခံနေစဉ် (ဓာတ်ပုံ – ညီညီစိုးညွန့်)

ဖိလစ်ပိုင်အိုလံပစ်ကော်မတီသည် ၂၀၁၉ ခုနှစ်တွင် ကျင်းပမည့် အကြိမ် (၃၀) မြောက် ဆီးဂိမ်းစ်ပြိုင်ပွဲ၌ ထည့်သွင်းကျင်းပမည့် အားကစားနည်း ၃၀ အား စတင်အဆိုပြုခဲ့ကြောင်း သိရသည်။

ဆီးဂိမ်းစ်ပြိုင်ပွဲနှင့် ပတ်သက်သည့် ပထမအကြိမ် အစည်းအဝေးကို ပြီးခဲ့သည့် ရက်ပိုင်းက ဖိလစ်ပိုင်နိုင်ငံ၌ ကျင်းပရာ မြန်မာနိုင်ငံ အိုလံပစ်ကော်မတီ၊ ကျန်းမာရေး အားကစားဝန်ကြီးဌာနမှ တာဝန်ရှိသူများ တက်ရောက်ခဲ့သည်။ ယင်းအစည်းအဝေးတွင် အရှေ့တောင်အာရှ နိုင်ငံ ၁၁ နိုင်ငံမှ တာဝန်ရှိသူများ တက်ရောက်ခဲ့ပြီး အိမ်ရှင်ဖိလစ်ပိုင်နိုင်ငံမှ အဆိုပြုသည့် အားကစားနည်းများတွင် ပြိုင်ပွဲအမျိုးအစားများ ထပ်တိုးခြင်း၊ အားကစားနည်းသစ်များ ထပ်တိုးကျင်းပရန် တောင်းဆိုနိုင်မည် ဖြစ်သည်။ ဖိလစ်ပိုင်နိုင်ငံက အဆိုပြုထားသည့် အားကစားနည်းများတွင် ၎င်းတို့အား သာသည့် တိုက်ခိုက်ရေး အားကစားနည်းများ အပြင် Dancesport ၊ Arnis ၊ Kurah  စသည့် အားကစားနည်းများကို ထည့်သွင်းကျင်းပရန် စီစဉ်ထားသည်။ မြန်မာအားကစားအဖွဲ့ ရွှေ တံဆိပ်မျှော်မှန်းနိုင်သည့် လှေလှော်အားကစားနည်းမှာ ပါဝင်လာခြင်းမရှိဘဲ မြန်မာနိုင်ငံအပါအ၀င် နိုင်ငံအချို့ပူးပေါင်း၍ တောင်းဆိုသွား ဖွယ်ရှိနေသည်။ မြန်မာနိုင်ငံအိုလံပစ်ကော်မတီသည် လှေလှော်အားကစားနည်းမှ ရိုးရာ လှေ၊ အပြည်ပြည်ဆိုင်ရာလှေနှင့် ကနူး/ကယက်ပြိုင်ပွဲအမျိုးအစား သုံးခုစလုံးပါဝင်လာရန် တောင်းဆိုမည်ဖြစ်ပြီး ပြိုင်ပွဲဝင်နိုင်ငံများအနေဖြင့် တောင်းဆိုလိုသည့် အားကစားနည်းများကို ဇွန် ၁၃ ရက် နောက်ဆုံးထား၍ ပေးပို့ရမည်ဖြစ်သည်။ ဖိလစ်ပိုင်အိုလံပစ်ကော်မတီသည် ပြိုင်ပွဲဝင်နိုင်ငံများ တောင်းဆိုသည့် အားကစားနည်းအချို့ကို ထပ်တိုးပြီး အားကစားနည်း ၃၀ ကျော်ဖြင့် ကျင်းပဖွယ် ရှိနေသည်။ လှေလှော်အားကစားနည်းသည် ၂၀၁၇ ခုနှစ်က မလေးရှားနိုင်ငံ၌ ကျင်းပသည့် (၂၉) ကြိမ်မြောက် ဆီးဂိမ်းစ်ပြိုင်ပွဲတွင်လည်း ပါဝင်ခဲ့ခြင်းမရှိဘဲ ဖိလစ်ပိုင်ဆီးဂိမ်းစ်တွင် ထပ်မံမပါဝင်ပါက မြန်မာအားကစားအဖွဲ့ အနေဖြင့် ရွှေတံဆိပ်ရရှိမှု လျော့ကျသွားဖွယ် ရှိနေသည်။

(၂၉) ကြိမ်မြောက် မလေးရှားဆီးဂိမ်းစ်ပြိုင်ပွဲတွင် မြန်မာနိုင်ငံအနေဖြင့် ရွှေခုနစ်ခု၊ ငွေ ၁၀ ခု၊ ကြေး ၂၀ ခုဖြင့် နိုင်ငံအလိုက် ဆု ရရှိမှုတွင် အဆင့် (၇) နေရာ၌ ရပ်တည်ခဲ့သည်။ မြန်မာအားကစားအဖွဲ့အတွက် ရွှေဆုများကို ပိုက်ကျော်ခြင်းအသင်း၊ ခြင်းလုံးအသင်းနှင့် ၀ူရှူးအဖွဲ့တို့မှ နှစ်ခုစီ၊ သေနတ်ပစ်အဖွဲ့မှ တစ်ခုတို့ ရရှိခဲ့သည်။ မလေးရှားဆီးဂိမ်းစ် ပြိုင်ပွဲတွင် အိမ်ရှင်မလေးရှားက နိုင်ငံအလိုက် ပထမနေရာတွင် ရပ်တည်ခဲ့သည်။

 

ဖိလစ်ပိုင်အိုလံပစ်ကော်မတီ အဆိုပြုထားသည့် အားကစားနည်းများ

ပြေးခုန်ပစ်၊ ရေကူး၊ မြားပစ်၊ ကြက်တောင်၊ ဘေ့စ်ဘော/ Soft Ball ၊ ဘတ်စကက်ဘော၊ ဘိလိယက်၊ ဘိုးလင်း၊ လက်ဝှေ့၊ စက်ဘီး၊ မြင်းစီး/ပိုလို၊ ဓားရေး၊ ဘောလုံး၊ ဂေါ့ဖ်၊ ကျွမ်းဘား၊ ဂျူဒို/ဂျူဂျစ်ဆု၊ ကရာတေး၊ ရွက်လှေ၊ ပိုက်ကျော်ခြင်း/ခြင်းလုံး၊ သေနတ်ပစ်၊ Squash ၊ တိုက်ကွမ်ဒို၊ သုံးမျိုးစုံ၊ ဘော်လီဘော၊ အလေးမ၊ နပန်း/Kurash ၊ ၀ူရှူး၊ Arnis ၊ Dancesport ၊ မွေလက်ဝှေ့

ဒူတာတေးအား ဝေဖန်သူ တရားရုံးချုပ်တရားသူကြီးအား ဖိလစ်ပိုင်တရားရုံးချုပ်က ရာထူးမှ ဖယ်ရှား

ရာထူးမှ ဖယ်ရှားခံခဲ့ရသော တရားရုံးချုပ် တရားသူကြီး ဆီရီနိုက မေ ၁၁ ရက်တွင် တရားရုံးအပြင်ဘက်၌ နှုတ်ဆက်နေစဉ် (Photo: AFP)

လူ့အခွင့်အရေးနှင့် မူးယစ်ဆေးဝါးနှိမ်နင်းရေး စစ်ပွဲအတွက် ဖိလစ်ပိုင်သမ္မတရိုဒရီ ဂိုဒူတာတေးနှင့် အတိုက်အခံဖြစ်ပွားခဲ့ပြီးနောက် ထုတ်ပယ်ခံရရန် အခြေအနေကြုံခဲ့ရသည့် တရားရုံးချုပ် တရားသူကြီးအား ထုတ်ပယ်ရန် တရားရုံးချုပ်က မေ ၁၁ ရက်တွင် မဲခွဲဆုံးဖြတ်ခဲ့သည်။ တရားသူကြီး မာရီယာ လောဒေဆီရီနိုအား ထုတ်ပယ်ရန် ကြိုးပမ်းခဲ့မှုကြောင့် ဆန္ဒပြသူ ၂၀၀၀ ခန့်သည် မနီလာရှိ တရားရုံးချုပ်သို့ ချီတက်ခဲ့ကြပြီး ယင်းထုတ်ပယ်မှုသည် ဖိလစ်ပိုင်ဒီမိုကရေစီအား ကြီးမားသော ခြိမ်းခြောက်မှုဖြစ်ကြောင်း ဝေဖန်ခဲ့ကြသည်။

ဖိလစ်ပိုင်၏ပထမဆုံး အမျိုးသမီး တရားသူကြီးချုပ်ဖြစ်သော ဆီရီနိုသည် သမ္မတအား ဝေဖန်တိုက်ခိုက်ခဲ့ပြီးနောက်ပိုင်း ပစ်မှတ်ထား ခံခဲ့ရသူများတွင် ပါဝင်သည့် ထင်ရှားသော ဝေဖန်သူတစ်ဦးဖြစ်သည်။ ၎င်းအား ထုတ်ပယ်ရန် တရားရုံးချုပ်တွင် မဲခွဲမှု၌ ထောက်ခံမဲ  ရှစ်မဲ၊ ကန့်ကွက်မဲခြောက်မဲတို့ဖြင့် အတည်ပြုနိုင်ခဲ့ပြီး ထိုဆုံးဖြတ်ချက်သည် တရားရုံးထံမှ နောက်ထပ်အရေးယူ ဆောင်ရွက်မှု မလိုအပ်မချင်း ချက်ချင်းသက်ရောက်မည်ဖြစ်ကြောင်း တရားရုံးပြောခွင့်ရ ပုဂ္ဂိုလ်သီအိုဒိုတီက ပြောကြားခဲ့သည်။

ဆီရီနိုသည် ပြီးခဲ့သောနှစ်များအတွင်း အခွန် ပီဆိုနှစ်သန်း (ဒေါ်လာ ၄၀၀၀၀) အား ပေးဆောင်ရန် ပျက်ကွက်မှုအပြင် တရားရုံးဆုံးဖြတ်ချက်များအား လိမ်လည်မှုများ ပြုလုပ်ခဲ့မှုတို့ဖြင့် စွပ်စွဲခံခဲ့ရသည်။ ထို့ပြင် ခမ်းနားသော ဟိုတယ်များတွင် နေထိုင်မှုနှင့် ဇိမ်ခံယာဉ်တစ်စီး ၀ယ်ယူမှုအပြင် လေယာဉ်စီးရာတွင် အထူးတန်းများမှ စီးနင်းမှုတို့ဖြင့် အလွန်အကျွံသုံးစွဲခဲ့ကြောင်းလည်း စွပ်စွဲခံခဲ့ရသည်။ ထိုစွပ်စွဲချက်များအား ၎င်းက ပြတ်ပြတ်သားသား ငြင်းဆိုခဲ့သည်။ ဆီရီနိုသည် သီးခြားဖြစ်စဉ်အဖြစ် အောက်လွှတ်တော်တွင် စွပ်စွဲပြစ်တင်မှု အဆိုတင် သွင်းခံရမည့်အရေးရင်ဆိုင်နေရပြီး ထိုလုပ်ရပ်သည် ဒူတာတေးက ၎င်း၏ ရန်ဘက်များအား ဖျက်ဆီးပစ်ရန်နှင့် တစ်ဦးတည်း အာဏာ ချုပ်ကိုင်နိုင်ရန်အတွက် ကျယ်ကျယ် ပြန့်ပြန့်ကြိုးပမ်းမှု၏ တစ်စိတ်တစ်ပိုင်းဖြစ်ကြောင်း ဝေဖန်သူများက စွပ်စွဲခဲ့ကြသည်။

ဆီရီနိုအား ထုတ်ပယ်မှုသည် သေလု မျောပါးဖြစ်နေသော ဖွဲ့စည်းပုံအခြေခံဥပဒေဆိုင်ရာ ဖိလစ်ပိုင်ဒီမိုကရေစီ၏ နောက်ဆုံးထွက်သက်အား တရားရုံးက အဆုံးသတ်လိုက်ချိန်တွင် နောက်ထပ် အာဏာရှင်အတွက် ခေတ်သစ် စတင်လိုက်ခြင်း ဖြစ်ကြောင်း ဒူတာတေး၏အတိုက်အခံဖြစ်သော ထောင်ဒဏ်ကျခံနေရသည့် အထက်လွှတ်တော်အမတ် လိုင်လာဒေလီမာက ကြေညာချက် ထုတ်ပြန်ခဲ့သည်။

တရားရုံးချုပ်က ထုတ်ပယ်လိုက်သည့် ဆုံးဖြတ်ချက် ချမှတ်ခဲ့ပြီးနောက် မိနစ်ပိုင်းအတွင်း ဆီရီနိုက တရားရုံးချုပ်ထဲမှ ပြုံးလျက် ထွက်လာခဲ့ပြီး တိုက်ခိုက်မှုသည် မပြီးဆုံးသေးကြောင်း ထောက်ခံသူများအားပြောကြားခဲ့သည်။ ယင်းထုတ်ပယ်မှုအား ပြန်လည် စဉ်းစားရန်အတွက် ဆီရီနိုက အဆို တင်သွင်းနိုင်သော်လည်း ထိုကြိုးပမ်းမှုသည်  အချည်းနှီးဖြစ်နိုင်ကြောင်း ဖွဲ့စည်းပုံအခြေခံဥပဒေဆိုင်ရာ ကျွမ်းကျင်ပညာရှင် ပါစစ်ဖီကို အဂါဘင်က ပြောကြားခဲ့သည်။

တရားမ၀င် မူးယစ်ဆေးဝါး နှိမ်နင်းမှု နှင့် ဆက်နွှယ်နေသည်ဟု ၎င်းက စွပ်စွဲထားသော တရားသူကြီးများသည် ကိုယ့်ကိုယ်ကိုယ် လာရောက်အဖမ်းခံရန် ဒူတာတေး၏ ညွှန်ကြားချက်အား ဝေဖန်ခဲ့ပြီးနောက် ဆီရီနိုနှင့် သမ္မတအကြား စတင်အချင်းများခဲ့ကြသည်။