ဘားအံမြို့ ဗိုလ်ချုပ်လမ်းမကြီးရှိ အဝေးပြေး ယာဉ်ရပ်နားစခန်းဟောင်းကို သက်ဆိုင်ရာက အပြီးရှင်းလင်း

အဝေးပြေး ယာဉ်ရပ်နားစခန်းဟောင်းကို သက်ဆိုင်ရာက ဖယ်ရှားရှင်းလင်းနေစဉ်

ကရင်ပြည်နယ်အစိုးရ၏ စီမံခန့်ခွဲမြေအဖြစ် သတ်မှတ်ထားသည့် ဘားအံမြို့၊ ဗိုလ်ချုပ်လမ်းမကြီးဘေးတွင် တည်ရှိသော အဝေးပြေးယာဉ်ရပ်နား စခန်းဟောင်းအား နိုဝင်ဘာ ၁ ရက် နံနက် ၆ နာရီက ပြည်နယ်ရဲတပ်ဖွဲ့၊ မီးသတ်၊ စည်ပင်သာယာ၊ မြို့နယ်၊ ခရိုင်အုပ်ချုပ်ရေး အဖွဲ့ဝင်များမှ ဘူဒိုဇာဖြင့် အပြီးရှင်းလင်းခဲ့ကြောင်း သိရသည်။

“အောက်တိုဘာ ၃၁ ရက်ည ၁၂ နာရီအထိ စောင့်ဆိုင်းပေးခဲ့ပြီး နိုဝင်ဘာ ၁ ရက် နံနက်ပိုင်းက စတင်ရှင်းလင်း ဖယ်ရှားခဲ့တာပါ။ ဖျက်သိမ်းစဉ်အတွင်း လာရောက် နှောင့်ယှက်သူတော့ မရှိပါဘူး။ ဖျက်သိမ်းရေး ကော်မတီက လွန်ခဲ့တဲ့ စက်တင်ဘာလက စတင်ပြီး ဒီနေရာမှာ နေထိုင်သူတွေကို ခေါ်ယူတွေ့ဆုံညှိနှိုင်းမှု ရယူခဲ့တာ ဖြစ်ပါတယ်” ဟု ဖျက်သိမ်းရေး ကော်မတီဝင်တစ်ဦးက ပြောကြားသည်။

ဘားအံမြို့၊ ဗိုလ်ချုပ်လမ်းမကြီးနံဘေး တွင် တည်ရှိသော အဝေးပြေး ယာဉ်ရပ်နားစခန်းဟောင်းသည် ယခင်အစိုးရလက်ထက်က သုသာန်ဟောင်း တစ်ခုဖြစ်ပြီး ထိုမှတစ်ဆင့် ယာဉ်ရပ်နားရာစခန်းအဖြစ် ပြောင်းလဲအသုံးပြုသည့် နေရာဟောင်းဖြစ်ကာ အဆိုပါ နေရာ၌ မထသ၊ ပို့ဆက်ဦးစီးဌာနတို့ကို ဖွင့်လှစ်ခဲ့ပြီး ယခုအခါ ကားဝင်းဟောင်း နယ်နမိတ်အတွင်း မိသားစုပေါင်း ၆၀ ခန့် နေထိုင်လျက်ရှိကြောင်း သိရသည်။

ယခုဖြိုဖျက် ရှင်းလင်းခဲ့သည့် ကားဝင်းဟောင်းသည် ယခင်အစိုးရလက်ထက်က ပုဂ္ဂလိက ကုမ္ပဏီတစ်ခုနှင့် ချိတ်ဆက်ရောင်းချသဖြင့် ၀ယ်ယူသူများမှ ၀ယ်ယူကာ ရောင်းဝယ်ဖောက်ကား နေထိုင်ခြင်းဖြစ်သည်။

“အစိုးရရဲ့ စီမံခန့်ခွဲခွင့်မြေဖြစ်တာ မှန်တယ်ဆိုပေမယ့် အဆောက်အအုံကတော့ ကျွန်တော်တို့ ပိုင်ဆိုင်ပါတယ်။ အခုပြောင်းရွှေ့ရမယ့် အနေအထားမှာ သူတို့ပေးတဲ့နစ် နာကြေးနဲ့ ဒီလိုအနေအထားကို ပြန်လည် ပေးသင့်ပါတယ်။ နောက်တစ်ချက်က ဒီလိုနေရာမျိုးမှာ မီနီမားကက်ဆောက်မယ့် လုပ်ငန်းရှင်ဆိုတာ ကျွန်တော်တို့ ဒေသခံပဲ ဖြစ်စေချင်ပါတယ်။ ခုလို အနစ်နာခံဖယ်ရှားပေးရတဲ့ နေရာမှာ တခြားပြည်နယ်က လုပ်ငန်းရှင်အတွက် ဖြစ်နေတာ ကျွန်တော်တို့ ၀မ်းနည်းစွာတွေ့နေရတာ ရင်နာမဆုံးဘူး” ဟု ဖယ်ရှားခံရသူ ဒေသခံတစ်ဦးက ပြောကြားသည်။

အဆိုပါ ကားဝင်းဟောင်း နေရာအား ဖယ်ရှားရှင်းလင်းပြီးပါက ယခင်အစိုးရလက်ထက် ကုမ္ပဏီအဆင့်ဆင့်သို့ လွှဲပြောင်းရောင်းချခဲ့သည့် ဘားအံမြို့မ ဘောလုံးကွင်းနေရာကို လက်ဝယ်ပိုင်ဆိုင်ထားသူ မွန်ပြည်နယ်၊ မော်လမြိုင်မြို့ရှိ ငွေမိုးကုမ္ပဏီအား မြေတစ်ဝက်ကို အစားထိုးပြန်လည် ပေးအပ်ဖွယ်ရှိကြောင်း ဘားအံမြို့ခံ တစ်ဦးက သုံးသပ်ပြောကြားသည်။

ဘားအံမြို့ အဝေးပြေးယာဉ်ရပ်နားစခန်း (ကားဝင်းဟောင်း) နှင့် ပတ်သက်၍ ခရိုင်အုပ်ချုပ်ရေးရုံးမှ ကားဝင်းဟောင်းအား ဖယ်ရှားရှင်းလင်းစဉ် နှောင့်ယှက်ခြင်း မပြုလုပ်ရန် မြို့ပြနှင့် ကျေးလက်ဆိုင်ရာ ဥပဒေ ၂၁/၂ အရ ထုတ်ပြန်ချက် ပြုလုပ်ထားပြီး နို့တစ်စာ၌လည်း သက်တမ်း (၄၁) ရက်၏ နောက်ဆုံးရက်အဖြစ် အောက်တိုဘာ ၃၁ ရက်ထိ မိမိနေထိုင်သော အဆောက်အအုံနှင့် နေရာထိုင်ခင်းများအား အပြီးတိုင် ဖျက်သိမ်းပေးပါရန်နှင့် ကားဝင်းအတွင်း ဆက်လက်နေထိုင်ခြင်း မပြုရန် နေထိုင်သူများအား ကြိုတင်အကြောင်းကြား ထားကြောင်း သိရသည်။

 

မင်္ဂလာဒုံမြို့နယ် စက်မှုဇုန်တိုးချဲ့ (၁) လမ်းရှိ နေအိမ် ၅၀ ခန့်အား ဇေကမ္ဘာကုမ္ပဏီက နိုဝင်ဘာ ဒုတိယပတ်အတွင်း ထပ်မံဖယ်ရှားမည်

နိုဝင်ဘာလအတွင်း ဇေကမ္ဘာကုမ္ပဏီက ဖျက်သိမ်းမည့် နေအိမ်များကို တွေ့ရစဉ်

မင်္ဂလာဒုံမြို့နယ် စက်မှုဇုန်တိုးချဲ့ (၁) လမ်းရှိ နေအိမ် ၅၀ ခန့်အား ဇေကမ္ဘာကုမ္ပဏီက  နိုဝင်ဘာ ဒုတိယပတ်အတွင်း ထပ်မံဖယ် ရှားမည်ဖြစ်ကြောင်း ဇေကမ္ဘာကုမ္ပဏီမှ တာဝန်ရှိသူတစ်ဦး၏ ပြောကြားချက်အရ သိရသည်။

“၃၁ ရက်မှာ မြောက်ပိုင်းခရိုင်တရားရုံးကို ဘီလစ်အရာရှိက အပ်ဝရမ်း ပြန်အပ်ရမယ်။ ၀ရမ်းပြန်အပ်တဲ့အခါမှာ ဘိလစ်အရာရှိက အကုန်လုံးကို မဖယ်နိုင်ဘူး။ ဒုတိယအကြိမ် ၀ရမ်းပြန်ကပ်မယ်။ နိုဝင်ဘာ ၁၃၊ ၁၄ လောက်တော့ ခန့်မှန်းတယ်။ ဒီကြားထဲမှာ ဘာမှမလုပ်ပါဘူး။ လာမယ့် နိုဝင်ဘာ ၁၃၊ ၁၄ ရက်မှာ ဦးကံထွန်းရဲ့ မြေဧကတွေပေါ်မှာ အိမ်မြေ ၅၀ ရှိပါတယ်။ အဲဒီအိမ်တွေကို ဖယ်ရှားသွားမှာပါ” ဟု ဇေကမ္ဘာကုမ္ပဏီမှ တာဝန်ရှိသူ တစ်ဦးဖြစ်သည့် ဦးမြင့်ဇော်က ပြောကြားသည်။

ရန်ကုန်တိုင်းဒေသကြီး မင်္ဂလာဒုံမြို့နယ် အောင်မင်္ဂလာ (၁) လမ်းနှင့် စက်မှုဇုံတိုးချဲ့  (၁) လမ်းကြားရှိ မြေဧက ၁၁ ဧကကျော်နှင့် ပတ်သက်ပြီး ဇေကမ္ဘာကုမ္ပဏီနှင့် လယ်သမား များအကြား ၂၀၁၂ ခုနှစ်ကတည်းက အမှုရင်ဆိုင် ခဲ့ခြင်းဖြစ်ပြီး ခြောက်နှစ်ကျော် အမှုရင် ဆိုင်ပြီးနောက် လယ်သမားများဘက်က ရှုံးနိမ့်ခဲ့ကြောင်း သိရသည်။

ယင်းသို့ အမှုရင်ဆိုင်ရာတွင် လယ်သမားများဘက်က အမှုရှုံးနိမ့်ခဲ့သည့်အတွက် အောက်တိုဘာ ၃၀ ရက်တွင် စက်မှုဇုံတိုးချဲ့ (၁) လမ်းရှိ လယ်သမားဟုဆိုသူ ဦးလှဌေး၏ နေအိမ်နှစ်လုံးအား ဇေကမ္ဘာကုမ္ပဏီမှ အနီရောင်အ၀တ်များ ၀တ်ဆင်ထားသည့် အလုပ်သမား ၁၅၀ ခန့် လာရောက်ဖယ်ရှားခဲ့ပြီး သွပ်ပြားများဖြင့် ခြံစည်းရိုး ကာရံခဲ့ကြောင်း သိရသည်။

ထို့ပြင် ဇေကမ္ဘာကုမ္ပဏီဘက်က နိုဝင်ဘာလ ဒုတိယပတ်တွင် လယ်သမားဟုဆိုသူ ဦးကံထွန်း အငှားချထားသည့် နေအိမ် ၅၀ ခန့်အား လာရောက် ဖယ်ရှားမည်ဖြစ်ကြောင်း သိရသည်။

နိုဝင်ဘာ ဒုတိယပတ်အတွင်း နေအိမ်များ ဖယ်ရှားမည်ဆိုခြင်းနှင့် ပတ်သက်၍ ဦးကံထွန်း၏ မြေကွက်ပေါ်တွင် ငှားရမ်းနေထိုင်သူများက နေစရာမရှိသည့် အခက်အခဲများ ဖြစ်ပေါ်လာမည်ကို စိုးရိမ်နေကြကြောင်း သိရသည်။

“အစ်မအိမ်မှာ ကျောင်းတက်နေတဲ့ ကလေးက လေးတန်းတစ်ယောက်နဲ့ တစ်တန်းတစ်ယောက်ရှိတယ်။ နောက်တစ်ခေါက် သူတို့လာဖျက်ရင် ကလေးတွေကို အခြားကျောင်း အပ်ဖို့အတွက်က စာသင်နှစ်ပြီးတော့ မှာဆိုတော့ ဘယ်ကျောင်းကမှ လက်ခံတော့မှာ မဟုတ်ဘူး။ စားဖို့တောင် အနိုင်နိုင်ဖြစ်နေတော့ ရွှေ့ဖို့ပြောင်းဖို့က မလွယ်ဘူး။ ကလေးတွေ ကျောင်းလေးပြီးမှပဲ လာဖျက်ပါလို့ မေတ္တာရပ်ခံချင်ပါတယ်” ဟု ဦးကံထွန်း မြေကွက်ပေါ်တွင် မြေကွက်ငှားရမ်းနေထိုင်သည့် မတင်တင်အေးက ပြောကြားသည်။

ဇေကမ္ဘာကုမ္ပဏီက ဖယ်ရှားမည့် မြေနေရာများပေါ်တွင် နေအိမ် ၅၀ ခန့်ရှိပြီး စာသင်ကြားနေသည့် ကလေး ၅၀ ကျော်နှင့် သက်ကြီးရွယ်အိုများလည်း ရှိကြောင်း သိရသည်။

“လာဖျက်ရင် အခြားဘယ်မှာ သွားနေရမလဲမသိဘူး။ မစီစဉ်ရသေးဘူး။ ဦးကံထွန်းဆီမှာ ငှားနေတဲ့ အိမ်တွေထဲမှာ သက်ကြီးရွယ်အိုက ၁၅ ယောက်လောက်ရှိတယ်။ ကလေးတွေလည်းရှိတယ်။ လာဖျက်ရင် ကလေးတွေ ပညာရေးလည်း ဒုက္ခရောက်ပြီပေါ့” ဟု ဒေါ်သန်းရီက ပြောကြားသည်။

“သူတို့ဖျက်ရင်တော့ မတတ်နိုင်ဘူး။ ကိုယ့်ဘက်က တတ်နိုင်သလောက် ရှင်းရမှာပဲ။ တရားရေးနဲ့ စီစဉ်တော့ တရားရေးနဲ့ပဲ လိုက်ရမှာပါ။ ဒီမြေကွက်ပေါ် နေထိုင်တဲ့သူတွေ အတွက်တော့ ဘာမှမစဉ်းစား နိုင်သေးဘူး။ သူတို့က အဓမ္မဆိုတော့ ကိုယ့်ကလည်း ဒါတွေ တားမြစ်တာပဲလေ။ မနေ့ကလည်း တားမြစ်ထားတဲ့ ကြားထဲကပဲ စာမထုတ်ဘာမထုတ်နဲ့ အဓမ္မ၀င်ဖျက်တာ။ မြေတိုင်းတာ လွဲသွားလို့သာ ပြန်သွားတာ” ဟု ဦးကံထွန်းက ဆိုသည်။

အဆိုပါ မြေနေရာများအား ဇေကမ္ဘာကုမ္ပဏီမှ အောက်တိုဘာ ၃၀ ရက် နံနက်မှ စတင်ကာ ဖျက်သိမ်းခြင်းများကို လုပ်ဆောင်ခဲ့ပြီး ယင်းနေ့တွင် နေအိမ်နှစ်လုံးအား ဖျက်သိမ်းခဲ့ကြောင်း၊ ကျန်ရှိသည့် နေအိမ်များအား မြေတိုင်းတာရန် ရှိသဖြင့် ဖျက်သိမ်းခြင်း မပြုသေးခြင်းဖြစ်ကြောင်း သိရသည်။