အခွန်ရှောင်မှုအတွက် စုံစမ်းစစ်ဆေးခံရပြီးနောက် လူမြင်ကွင်းမှ ဖန်ပင်းပင်း ပျောက်ကွယ်နေ

X – Men  နှင့် Iron Man ဇာတ်ကားများတွင် ပါဝင်ခဲ့သည့် တရုတ်ထိပ်တန်း အမျိုးသမီးသရုပ်ဆောင်တစ်ဦးဖြစ်သည့် ဖန်ပင်းပင်းသည် အခွန်ရှောင်မှုအတွက် စုံစမ်းစစ်ဆေးခံရပြီးနောက် လူမြင်ကွင်းမှ ပျောက်ကွယ်နေသည်မှာ သီတင်းပတ်များစွာရှိပြီဟု မီဒီယာများက ဖော်ပြခဲ့သည်။

ဖန်သည် ထိန်းသိမ်းခံထားရသည်ဆိုသော သတင်းများအပါအ၀င် ၎င်း၏ကံကြမ္မာနှင့် ပတ်သက်ပြီး တရုတ်နိုင်ငံတွင် ကောလာဟလများပျံ့နှံ့နေသည်။ အသက် ၃၆ နှစ်အရွယ် ဖန်ကို သြဂုတ် ၃၁ ရက်တွင် လော့စ်အိန်ဂျလိစ် လူဝင်မှုကြီးကြပ်ရေးရုံး၌ တွေ့ရှိခဲ့သည်ဟုလည်း ဟောင်ကောင်သတင်းစာ Apple Daily က ဖော်ပြခဲ့သည်။ ဖန်သည် ဂျက်ကီချန်း၏အကြံပေးမှုဖြင့် အမေရိကန်တွင် ခိုလှုံခွင့်တောင်းခံရန် ဆုံးဖြတ်ခဲ့သည်ဟု သတင်းရင်းမြစ်တစ်ဦး၏ ပြောစကားကို  Apple Daily က ကိုးကားဖော်ပြခဲ့သည်။

ထိပ်တန်းအမျိုးသမီးသရုပ်ဆောင် တစ်ဦးဖြစ်သည့် ဖန်ပင်းပင်းသည် များပြားသည့် အနုပညာကြေးရရှိမှုကိုဖုံးကွယ်ရန် စာချုပ်လိမ်လည် ချုပ်ဆိုခဲ့သည်ဟု ရုပ်သံသတင်းတင်ဆက်သူ Yongyuan က  ဇွန်တွင်အွန်လိုင်း၌ ဖွင့်ချခဲ့သည်။

အသက် ၃၆ နှစ်အရွယ်ရှိ ဖန်သည် အခွန်ရှောင်ရန် Cell Phone 2 ဇာတ်ကားအတွက် သရုပ်ဆောင်ကြေးကို စာချုပ်နှစ်ခုဖြင့် ချုပ်ဆိုခဲ့သည်ဟု Cui က ပြောကြားခဲ့သည်။  ယင်းစွပ်စွဲချက် များထွက်ရှိခဲ့ပြီးနောက် ဖန်သည် ဇာတ်ကားရိုက်ကူးမှု သုံးနှစ်ပိတ်ပင်ခံခဲ့ရပြီး တရုတ်နိုင်ငံမှ ထွက်ခွာခွင့်လည်း တားမြစ်ခံခဲ့ရသည်ဆိုသော ကောလာဟလများ ထွက်ရှိခဲ့သည်။

ရိုက်စ်တာသတင်းဌာနက ဖန်ကို  ဆက်သွယ်၍  မရခဲ့ပေ။  ဖန်၏အေးဂျင့်ကို ဖုန်းဆက်မေးမြန်းခဲ့ရာတွင်လည်း မဖြေဆိုခဲ့ပေ။ ဖန်အကြောင်း မေးမြန်းခဲ့မှုကို တရုတ်နိုင်ငံခြားရေးဝန်ကြီးဌာန၏ ပြောခွင့်ရပုဂ္ဂိုလ်တစ်ဦးက“ဒါကို သံတမန်ရေးရာ မေးခွန်းတစ်ခုလို့ သင်ယူဆလား” ဟု ပြန်လည်ဖြေဆိုခဲ့သည်။ ပေကျင်းပြည်သူ့လုံခြုံရေးဗျူရိုက ယင်းအကြောင်းအရာကို မှတ်ချက်ပေးရန် ငြင်းဆိုခဲ့သည်။

ဖန်သည် Follower ၆၂ သန်းရှိသည့် လူမှုမီဒီယာ Weibo တွင်လည်း ပျောက်ကွယ်နေသည်မှာ သုံးလနီးပါးရှိပြီဟု မီဒီယာများက ဖော်ပြခဲ့သည်။ ဖန်သည် Montblance နာရီ၊  De Beers စိန် ကုမ္ပဏီ အပါအ၀င် ပြည်ပကုန်ပစ္စည်းများအတွက်လည်း  ကြော်ငြာများရိုက်ကူးပေးခဲ့သည်။ ၎င်းသည် Forbes မဂ္ဂဇင်းက ထုတ်ပြန်သည့် ၂၀၁၇ ခုနှစ် ၀င်ငွေအများဆုံးရ အမျိုးသမီးသရုပ်ဆောင်စာရင်းတွင် ဒေါ်လာ ၄၃ ဒသမ ၇၈ သန်း ဖြင့် နံပါတ် ၁ နေရာတွင် ဖော်ပြခံခဲ့ရသည်။

ဖန်ပင်းပင်းကို အမေရိကန်တွင် ခိုလှုံခွင့်တောင်းခံရန် အကြံပေးခဲ့သည်ဆိုသော စွပ်စွဲချက်များကို ဂျက်ကီချန်း ငြင်းဆို

အခွန်ရှောင်မှု အရှုပ်တော်ပုံ ပေါ်ပေါက်ခဲ့ပြီးနောက် ဖန်ပင်းပင်းကို အမေရိကန်တွင် ခိုလှုံခွင့်တောင်းခံရန် ၎င်းက အကြံပေးခဲ့သည်ဆိုသော စွပ်စွဲချက်များကို ဟောင်ကောင်သရုပ်ဆောင် ဂျက်ကီချန်းက ငြင်းဆိုခဲ့သည်။

နာမည်ကြီး သရုပ်ဆောင်တစ်ဦးဖြစ်သည့် ဖန်ပင်းပင်းကို သြဂုတ် ၃၁ ရက်တွင် လော့စ်အိန်ဂျလိစ် လူဝင်မှုကြီးကြပ်ရေးရုံး၌ တွေ့ရှိခဲ့သည်ဟု ဟောင်ကောင်သတင်းစာ Apple Daily က ဖော်ပြခဲ့သည်။ ဖန်သည် အနုပညာသက်တမ်း နှစ် ၂၀ အတွင်း အကြီးမားဆုံး အရှုပ်တော်ပုံမှ လွတ်မြောက်ရန် ဂျက်ကီချန်း၏ အကြံပေးမှုဖြင့် အမေရိကန်တွင် ခိုလှုံခွင့်တောင်းခံရန် ဆုံးဖြတ်ခဲ့သည်ဟု သတင်းရင်းမြစ်တစ်ဦး၏ ပြောစကားကို Apple Daily က ကိုးကားဖော်ပြခဲ့သည်။

ယင်းကိစ္စတွင် ဂျက်ကီချန်း ပါဝင်ပတ်သက်မှုရှိသည်ဆိုသော ပြောဆိုမှုသည် အဓိပ္ပာယ်မရှိကြောင်း ၎င်း၏ ကုမ္ပဏီက ETtoday သတင်းဝက်ဘ်ဆိုက်ကို ပြောကြားခဲ့သည်။

ဖန်၏ အခွန်ရှောင်မှု အရှုပ်တော်ပုံအား စုံစမ်းစစ်ဆေးမှုသည် ပြီးစီးပြီဖြစ်ကြောင်း၊ စစ်ဆေးတွေ့ရှိမှုကို ထုတ်ပြန်ရန်အတွက် အာဏာပိုင်များက စက်တင်ဘာလလယ်တွင် သတင်းစာ ရှင်းလင်းပွဲတစ်ခု ပြုလုပ်မည်ဖြစ်ကြောင်း Apple Daily က ဖော်ပြခဲ့သည်။ ထိပ်တန်းအမျိုးသမီး သရုပ်ဆောင်တစ်ဦးဖြစ်သည့် ဖန်ပင်းပင်းသည် များပြားသည့် အနုပညာကြေးရရှိမှုကို ဖုံးကွယ်ရန် စာချုပ်လိမ်လည်ချုပ်ဆိုခဲ့သည်ဟု ရုပ်သံသတင်းတင်ဆက်သူ Cui Yongyuan က ဇွန်တွင် အွန်လိုင်း၌ ဖွင့်ချခဲ့သည်။ ဖန်ကမူ ယင်းစွပ်စွဲချက်များကို ငြင်းဆိုခဲ့သည်။

Cui ၏ စွပ်စွဲချက်များ ထွက်ရှိခဲ့ပြီးနောက် အခွန်အာဏာပိုင်များက ကျန်ဆုပြည်နယ်တွင် အနုပညာရှင်များကို စုံစမ်းစစ်ဆေးရန် ညွှန်ကြားခဲ့သည်။ အမည်ထုတ်ပြန်ခဲ့ခြင်း မရှိသော်လည်း ဖန်၏ စတူဒီယိုသည် ကျန်ဆုပြည်နယ်တွင် အခြေစိုက်သည်ဟု သိရသည်။ အသက် ၃၆ နှစ်အရွယ်ရှိ ဖန်သည် အခွန်ရှောင်ရန် Cell Phone 2 ဇာတ်ကားအတွက် သရုပ်ဆောင်ကြေးကို စာချုပ်နှစ်ခုဖြင့် ချုပ်ဆိုခဲ့သည်ဟု Cui က ပြောကြားခဲ့သည်။ ယင်းစွပ်စွဲချက်များ ထွက်ရှိခဲ့ပြီးနောက် ဖန်သည် ဇာတ်ကားရိုက်ကူးမှု သုံးနှစ်ပိတ်ပင်ခံခဲ့ရပြီး တရုတ်နိုင်ငံမှ ထွက်ခွာခွင့်လည်း တားမြစ်ခံခဲ့ရသည်ဆိုသော ကောလာဟလများ ထွက်ရှိခဲ့သည်။

ယခုနှစ် ကိန်းရုပ်ရှင်ပွဲတော်၏ ဂျူရီအဖွဲ့တွင် ပါဝင်ခဲ့သည့် ဖန်သည် Forbes မဂ္ဂဇင်း၏ ၂၀၁၆ ခုနှစ် ၀င်ငွေအကောင်းဆုံး အမျိုးသမီးသရုပ်ဆောင်များစာရင်းတွင် ဒေါ်လာ ၁၇ သန်းဖြင့် နံပါတ်ငါးနေရာတွင် ဖော်ပြခံခဲ့ရသည်။

ဖန်ပင်းပင်း စာချုပ်ကိစ္စပေါက်ကြားခဲ့ပြီးနောက် တရုတ်ရုပ်ရှင်လုပ်ငန်း၌ အခွန်စစ်ဆေးမှု စတင်

Photo: AFP

တရုတ်ထိပ်တန်းအမျိုးသမီး သရုပ်ဆောင်တစ်ဦးဖြစ်သည့် ဖန်ပင်းပင်းက များပြားလှသည့် အနုပညာကြေးရရှိမှုကို ဖုံးကွယ်ရန် စာချုပ်လိမ်လည်ချုပ်ဆိုခဲ့သည်ဆိုသော စွပ်စွဲချက်များ ထွက်ရှိခဲ့ပြီးနောက် တရုတ်အာဏာပိုင်များက ရုပ်ရှင်နှင့် ရုပ်သံလုပ်ငန်းမှ ထိပ်တန်းအနုပညာရှင်များ၏ ၀င်ငွေများကို စုံစမ်းစစ်ဆေးခဲ့သည်ဟု တရုတ်မီဒီယာများက ဖော်ပြခဲ့သည်။

တရုတ်အခွန်စည်းကြပ်မှုဆိုင်ရာ အာဏာပိုင်အဖွဲ့ State Authority of Taxation က အလုပ်တစ်ခုတည်းအတွက် Yin-Yang ဟုခေါ်ဆိုသည့် စာချုပ်နှစ်ခုချုပ်ဆိုမှုကို စုံစမ်းစစ်ဆေးရန် အခွန်ဌာနကို ဇွန် ၃ ရက်က ညွှန်ကြားခဲ့သည်။

ရုပ်သံသတင်းတင်ဆက်သူ Cui Yongyuan က ဖန်ပင်းပင်း၏ စာချုပ်အသေးစိတ် အချက်အလက်များကို အွန်လိုင်းတွင် ဖွင့်ချခဲ့သည်။ Cui ၏ ကနဦးဖွင့်ချမှုတွင် ဖန်သည် ဒါရိုက်တာ Feng Xiaogang ရိုက်ကူးသည့် Cell Phone 2 ဇာတ်ကားအတွက် ဒေါ်လာ ၁ ဒသမ ၅၆ သန်း ရရှိခဲ့သည်ဟု ပြသခဲ့သည်။ ယင်းဇာတ်ကားတစ်ခုတည်းအတွက် ဒုတိယစာချုပ်တွင် ဒေါ်လာ ၇ ဒသမ ၈ သန်းဟု ဖော်ပြထားကြောင်း Cui က ထုတ်ဖော်ပြောကြားခဲ့သည်။ ဖန်သည် ၎င်းရရှိသည့် အနုပညာကြေး ဒေါ်လာ ၉ ဒသမ ၃ သန်းအစား ၀င်ငွေနည်းပါးသည့် စာချုပ်ကိုသာ အခွန်အာဏာပိုင်များကို ထုတ်ပြန်ရန် ရည်ရွယ်ပြီး ယင်းသို့လုပ်ဆောင်ခြင်းဖြစ်နိုင်သည်ဟု Cui က အရိပ်အမြွက် ပြောကြားခဲ့သည်။

ဖန်ကမူ မရိုးသားမှု တစ်စုံတစ်ရာ ပြုလုပ်ခဲ့ခြင်းမရှိဟု ငြင်းဆိုခဲ့ပြီး ယင်းစွပ်စွဲချက်များကို တုံ့ပြန်ရန် ဥပဒေအဖွဲ့ကို ငှားရမ်းခဲ့သည်။ ယခုနှစ် ကိန်းရုပ်ရှင်ပွဲတော်၏ ဂျူရီအဖွဲ့တွင် ပါဝင်ခဲ့သည့် အသက် ၃၆ နှစ်အရွယ်ရှိ ဖန်သည် ၂၀၁၆ ခုနှစ် ၀င်ငွေအကောင်းဆုံး အမျိုးသမီး သရုပ်ဆောင်စာရင်းတွင် ဒေါ်လာ ၁၇ သန်းဖြင့် နံပါတ်ငါးနေရာတွင် ဖော်ပြခံခဲ့ရသည်ဟု Forbes က ထုတ်ပြန်ခဲ့သည်။