အာဆီယံ အသန့်ရှင်းဆုံး ခရီးသွားမြို့တော်ဆု ပါဝင်ယှဉ်ပြိုင်နိုင်ရေး ပြည်မြို့ သန့်ရှင်းသာယာ လှပရေးအတွက် စည်းကမ်းမဲ့ ဈေးဆိုင်၊ ပလက်ဖောင်း ကျူးကျော်များ၊ ကျူးကျော်နေအိမ်များကို လိုက်လံစစ်တမ်းကောက်ယူ

ပြည်မြို့ မြောက်စောင်းတန်းလမ်းရှိ လမ်းဘေးဈေးဆိုင်များကို အောက်တိုဘာ ၁၃ ရက်က လိုက်လံစစ်ဆေးစဉ်

အာဆီယံ အသန့်ရှင်းဆုံး ခရီးသွားမြို့တော်ဆု ပါဝင်ယှဉ်ပြိုင်နိုင်ရေး ပဲခူးတိုင်းဒေသကြီး (အနောက်ပိုင်း) ပြည်မြို့အတွင်း သန့်ရှင်းသာယာ လှပရေးအတွက် စည်းကမ်းမဲ့ ဈေးဆိုင်၊ ပလက်ဖောင်း ကျူးကျော်များ၊ ကျူးကျော်နေအိမ်များကို လိုက်လံစစ်တမ်း ကောက်ယူနေကြောင်း သိရသည်။

အဆိုပါ စစ်တမ်းကောက်ယူမှုအား အထွေထွေအုပ်ချုပ်ရေး ဦးစီးဌာန၏ ညွှန်ကြားချက်ဖြင့် အောက်တိုဘာ ၁၃ ရက် နံနက်ပိုင်းက ပူးပေါင်းအဖွဲ့ ဖွဲ့စည်း၍ လိုက်လံစစ်တမ်း ကောက်ယူနေခြင်းဖြစ်ပြီး ပြည်မြို့မြောက်စောင်းတန်း တစ်လျှောက်ရှိ ဈေးဆိုင်များ၊ လမ်းရှည်လမ်း၊ မီးရထားဘူတာဝန်းကျင်ရှိ ကျူးကျော်တဲများ၊ ကမ်းနားလမ်း ကျူးကျော်နေအိမ်များနှင့် ပလက်ဖောင်း ပိတ်ဆို့နေမှုများကို လိုက်လံစစ်တမ်း ကောက်ယူခဲ့ကြောင်း သိရသည်။

“ပြည်မြို့ သန့်ရှင်းသာယာ လှပရေးအတွက် စည်းကမ်းမဲ့ဈေးဆိုင်ခန်းတွေ၊ ကျူးကျော်ဈေးဆိုင်ခန်းတွေနဲ့ တောင်းရမ်းစားသောက်တဲ့သူတွေ ပတ်သက်ပြီး ကွင်းဆင်းစစ်ဆေး ဆောင်ရွက်တာဖြစ်တယ်။ ပြီးတော့မှ လုပ်ငန်းစဉ် အဆင့်ဆင့်ကို နောက်ထပ် စီမံရေးဆွဲ ဆောင်ရွက်သွားမှာ ဖြစ်ပါတယ်။ မြို့စည်ပင်သာယာ လှပသွားရင် မြို့အနေနဲ့ ပြိုင်ပွဲတွေ ၀င်ပြိုင်ဖို့ အစီအစဉ်တွေလည်း ရှိပါတယ်။ အဲဒါကြောင့် ကြိုတင်ဆောင်ရွက်တဲ့ အနေနဲ့ ဒါကို ဆောင်ရွက်ရခြင်း ဖြစ်ပါတယ်” ဟု ပူးပေါင်းအဖွဲ့ခေါင်းဆောင် ပြည်ခရိုင် လူမှုဝန်ထမ်း ဦးစီးဌာန လက်ထောက်ညွှန်ကြားရေးမှူး ဦးအောင်ကျော်ဦးက ပြောကြားသည်။

ပဲခူးတိုင်းဒေသကြီးအတွင်း ခရိုင်မြို့နှစ်မြို့ဖြစ်သည့် တောင်ငူနှင့် ပြည်မြို့တို့အား ၂၀၁၀ ပြည့်နှစ် ဇန်န၀ါရီတွင် ဘရူးနိုင်းနိုင်ငံ၌ ကျင်းပမည့် အာဆီယံ အသန့်ရှင်းဆုံး ခရီးသွားမြို့တော်ဆုအတွက် ၀င်ရောက်ယှဉ်ပြိုင်နိုင်ရန် လျာထားပြီး ခေတ်မီမြို့တော်၊ ရေမြောင်းများ စနစ်ကျ တူးဖော်ခြင်း၊ အမှိုက်သိမ်းစနစ်များ ကောင်းမွန်အောင် ဆောင်ရွက်နေခြင်း၊ ကမ်းနားလမ်း သန့်ရှင်းသာယာ လှပရေးအတွက် ပြင်ဆင်ခြင်းနှင့် ကျူးကျော်များနှင့် စည်းကမ်းမဲ့ ဈေးဆိုင်ခန်းများကို လိုက်လံစစ်တမ်း ကောက်ယူနေခြင်းတို့ ဖြစ်ကြောင်း သိရသည်။

စစ်တမ်းကောက်ယူမှုများ ပြီးစီးပါက သက်ဆိုင်ရာဌာနများနှင့် ညှိနှိုင်းကာ ပညာပေးခြင်း၊ စည်းကမ်းထိန်းသိမ်းခြင်း၊ အကောင်ထည်ဖော် ဆောင်ရွက်ခြင်းတို့ ဆောင်ရွက်သွားမည်ဖြစ်ပြီး ဖယ်ရှားရှင်းလင်းမှုများ ဆက်လက် လုပ်ဆောင်မည် ဖြစ်ကြောင်း သိရသည်။

ဆွာတမံမှ ဆည်ရေတိုးခြင်းကြောင့် အိမ်ခြေ ၃၈၀ ကျော်ပျက်စီးပြီး ကျပ်သိန်းပေါင်း ၁၂၀၀ ကျော်ဆုံးရှုံးခဲ့ကာ လူလေးဦး သေဆုံးသော အခြေအနေမှာ ပျက်စီးဆုံးရှုံးမှု နည်းပါးသော အခြေအနေဖြစ်ကြောင်း ရေတာရှည်မြို့နယ် အုပ်ချုပ်ရေးမှူး ပြောကြား

ဆည်ရေတိုးခံခဲ့ရသော ဆွာချောင်းနံဘေးမှ ကြာအင်းရွာအား ရေကျပြီးနောက် စက်တင်ဘာ ၃ ရက် ညနေပိုင်းက တွေ့ရစဉ်

ပဲခူးတိုင်းဒေသကြီး ရေတာရှည်မြို့နယ် ဆွာမြို့ရှိ ဆွာတမံမှ ရေပိုလွှဲလက်တံမြောင်းမှာ သြဂုတ် ၂၉ ရက်က ပြိုကျမှုဖြစ်ပွားခဲ့ရာ ဆည်ရေထိုးဆင်းမှု ဖြစ်ပွားပြီး အိမ်ခြေပေါင်း ၃၈၀ ကျော် ပြိုလဲပျက်စီး၍ ကျပ်သိန်းပေါင်း ၁၂၇၉ ဆုံးရှုံးခဲ့ကြောင်း သိရသည်။

ထို့ပြင် ဆည်ရေနှင့် မျောပါရာမှ လူလေးဦးသေဆုံး၊ လူနှစ်ဦး ပျောက်ဆုံးမှုလည်း ဖြစ်ပွားခဲ့ပြီး ယင်းအခြေအနေမှာ ပျက်စီးဆုံးရှုံးမှု နည်းပါးသော အခြေအနေသာ ဖြစ်ခဲ့ကြောင်းနှင့် မြို့နယ်မှတာဝန်ရှိသူများ အချိန်မီ ကာကွယ်ကူညီ ပေးနိုင်ခဲ့ခြင်း၊ ဆည်ရေတိုးခြင်းမှာလည်း ညပိုင်းမဟုတ်ဘဲ နေ့လယ်ပိုင်းတွင် ဖြစ်ပွားခဲ့ခြင်းတို့ကြောင့် ယခုလောက်သာ ပျက်စီးဆုံးရှုံး သေဆုံးခဲ့ခြင်းဖြစ်ကြောင်း ရေတာရှည်မြို့နယ် အုပ်ချုပ်ရေးမှူး ဦးမင်းနိုင်အောင်က ပြောကြားသည်။

ယင်းအခြေအနေနှင့် ပတ်သက်ပြီး ရေတာရှည်မြို့နယ် အုပ်ချုပ်ရေးမှူး ဦးမင်းနိုင်အောင်က “လုံးဝပြိုလဲ သွားတာပေါ့နော်။ ပြိုလဲတယ်ဆိုတာ တချို့က ရေနောက်ပါသွားတယ်၊ ရေလုံးအရှိန်ကြောင့်ပေါ့နော်။ ရေနောက်ပါပြီးတော့ လုံးဝပြိုကျသွားတာတော့ ၁၈၅ လုံးရှိပါတယ်။ အဲဒီ ၁၈၅ လုံးအပါအ၀င် ကျန်တဲ့ဟာကတော့ သာမန်ပျက်စီး သွားတာပေါ့။ ပျက်စီးတယ်၊ အမိုးလန်သွားတယ်၊ တချို့ကတော့ ထရံတွေဘာတွေ ကွာသွားတယ်။ ယိုင်သွားတယ်ပေါ့နော်။ ကျန်တဲ့ အိမ် ၃၀၀ ကျော်ကတော့ အဲဒီလို အနေအထားပါဗျ။ ပျက်စီးတာက ၃၀၀ ကျော်နဲ့ လုံးဝပြိုလဲသွားတာကတော့ ၁၈၅ လုံးပါ။ ဒီဟာနဲ့ပတ်သက် ပြီးတော့ လူမှုဝန်ထမ်း ကယ်ဆယ်ရေးဌာနက တစ်သိန်းထောက်ပံ့ပါတယ်။ သဘာဝဘေး အန္တရာယ်စီမံခန့်ခွဲမှု ကော်မတီ ဗဟိုအဆင့်က နေပြီးတော့ တစ်အိမ်ကို နှစ်သိန်းနှုန်း၊ ဒီနေ့လာထောက်ပံ့သွားပြီ ဖြစ်ပါတယ်။ ထပ်မံပြီးတော့ ကယ်ဆယ်ရေးနဲ့ သဘာဝဘေးအန္တရာယ် စီမံခန့်ခွဲရေး ဌာနဖြစ်တဲ့ လူကယ်ပြန် ဦးစီးဝန်ကြီးဌာနကနေပြီး အိမ်သုံးပစ္စည်းတွေ ဖြန့်ဝေနေပြီ ဖြစ်ပါတယ်။ ဒီလိုပဲ တိုင်းဒေသကြီး အစိုးရအဖွဲ့ အစီအစဉ်နဲ့ ဆန်၊ ဆီ၊ ငါး သေတ္တာ၊ ခေါက်ဆွဲခြောက် ဒါတွေကိုလည်း အရင်ရက်တွေကလည်း ဖြန့်ထားတယ်။ ၂ ရက်နေ့ကနေ ၄ ရက်နေ့အထိ လက်ရှိဖြန့် ထားပေးပြီး ဖြစ်ပါတယ်” ဟု ပြောကြားသည်။

သြဂုတ် ၂၉ ရက် နံနက် ၅ နာရီခန့်က ဆွာတမံမှ ဆည်ရေတိုးခြင်းကြောင့် လူ ၁၀ ဦးခန့် ပျောက်ဆုံးခဲ့ရာ လေးဦးအား အကောင်းအတိုင်း ပြန်တွေ့ခဲ့သော်လည်း လေးဦးအား သေဆုံးလျက် တွေ့ရှိခဲ့ရပြီး နှစ်ဦးမှာ စက်တင်ဘာ ၃ ရက်အထိ ပျောက်ဆုံးနေဆဲဖြစ်ကြောင်း သိရသည်။ ထို့ပြင် ရေတာရှည်မြို့နယ်ရှိ ကျေးရွာအုပ်စုပေါင်း ၁၈ ရွာရှိ ကွင်းပေါင်း ၁၀၂ ကွင်းမှ မိုးစပါးစိုက်ဧက ၃၂၉၂၁ ဧကအထိ ရေလွှမ်းမိုးမှု ဖြစ်ပွားခဲ့သော်လည်း ရေများပြန်လည်ကျဆင်းမှု မြန်ဆန်ခဲ့သောကြောင့် ပျက်စီးဆုံးရှုံးမှု နည်းပါးခဲ့ပြီး နုန်းထိုး၍ ပျက်စီးသွားခဲ့သော မိုးစပါးစိုက်ဧက ၆၀၀ ခန့်သာ ပျက်စီးသွားခဲ့ကြောင်း၊ အဆိုပါ ပျက်စီးဧကများတွင် မိုးစပါးအစား အာလူးနှင့် ကြက်သွန်ကဲ့သို့သော မီးဖိုချောင်သီးနှံများကိုသာ အစားထိုးစိုက်ပျိုးရန် ဆောင်ရွက်ထားကြောင်း ဦးမင်းနိုင်အောင်က ပြောကြားသည်။

“လယ်မြေအနေနဲ့တော့ ဧကသုံးသောင်းမှာ ကျွန်တော်တို့က ဧက ၆၀၀ ပဲ ပျက်စီးတဲ့အတွက် ၀.၀၂ ရာနှုန်းလောက်ပဲ ပျက်စီးပါတယ်။ မပြောပလောက်ပါဘူး။ လူအသေအပျောက် အနေနဲ့လည်း လက်ရှိအနေအထားအရ လေးဦးပဲ သေဆုံးတာပေါ့နော်။ လေးဦးပဲ သေဆုံးတဲ့အတွက် ရာနှုန်းအင်မတန်ကို နည်းတယ်လို့ ပြောလို့ရပါတယ်။ ဒါကလည်း ရေပိုလွှဲကစပြီးတော့ ရေပေါက်တာနဲ့ ကျွန်တော်တို့က သက်ဆိုင်ရာ ဌာနဆိုင်ရာတွေကို ကျေးရွာအုပ်စုအလိုက် ချက်ချင်းလိုက်ပြောနိုင်တယ်။ ရပ်ကျေးအုပ်ချုပ်ရေးမှူးတွေကိုလည်း ကျွန်တော်တို့က ဖုန်းနဲ့တစ်ပြိုင်တည်း ချိတ်ဆက်ပြီးတော့ ရွာမှာဟန်းစပီကာတို့၊ လော်စပီကာတို့နဲ့ ဆော်သြပြီးတော့ ကုန်းမြင့်တဲ့နေရာတွေ၊ ဘေးလွတ်ရာတွေကို အမြန်ဆုံး ရွှေ့ပါဆိုတော့ အမြန်ဆုံး ရွှေ့ပြောင်းနိုင်တာ လည်းပါတယ်။ နောက်တစ်ချက်က ညပိုင်းမဖြစ်ဘဲ မနက်မိုးလင်းပိုင်းမှ ဖြစ်တဲ့အတွက် လူတွေရွှေ့ပြောင်းရတာ မြင်မြင်ထင်ထင်ဖြစ်တယ်၊ လွယ်ကူတဲ့အတွက် လူအသေအပျောက်နှုန်းက တစ်မြို့နယ်လုံးနဲ့စာရင် အင်မတန် နည်းသွားတာ ဖြစ်ပါတယ်” ဟု ၎င်းကဆက်လက် ပြောကြားသည်။

ဆွာတမံမှ ရေပိုလွှဲပဲ့ကျမှုကြောင့် ရေကြီးခြင်းများ ဖြစ်ပွားခဲ့ရာ ရေတာရှည်မြို့နယ်တွင် ရေဘေးရှောင်ပြည်သူ ၄၉၃၈၂ ဦးရှိခဲ့ပြီး ရေဘေးကယ်ဆယ်ရေးစခန်း ၄၃ ခု၊ တောင်ငူမြို့နယ်တွင် လူဦးရေ ၂၄၆၇၂ ဦးအား ကယ်ဆယ်ရေးစခန်း ၄၄ ခု၊ အုတ်တွင်းမြို့နယ်တွင် လူဦးရေ ၁၄၆၀ ဦးအား ကယ်ဆယ်ရေးစခန်း ခုနစ်ခု၊ ကျောက်ကြီးမြို့နယ်တွင် လူဦးရေ ၄၇၃ ဦးအား ကယ်ဆယ်ရေးစခန်း ၁၂ ခု တို့တွင် ယာယီရွှေ့ပြောင်း ထားခဲ့ရကြောင်း၊ ပဲခူးတိုင်းအရှေ့ခြမ်းမှ အခြေခံပညာ ကျောင်းပေါင်း ၃၁၉ ကျောင်းအား ယာယီပိတ်ထားခဲ့ရပြီး ရေဖြင့်မျောပါပြီး သေဆုံးသူ လေးဦး၊ ပျောက်ဆုံးသူ နှစ်ဦးရှိခဲ့ကြောင်း သိရသည်။

 

ဆွာတမံမှ ဆည်ရေတိုးခြင်းကြောင့် ပဲခူးတိုင်းဒေသကြီး အရှေ့ခြမ်းမှ အခြေခံပညာကျောင်းပေါင်း ၃၁၉ ကျောင်း ယာယီပိတ်ထားခဲ့ရ

ဆွာဆည် ရေတိုးခြင်းကြောင့် တောင်ငူမြို့ပေါ်ရပ်ကွက်မှ စာသင်ကျောင်း ယာယီပိတ်ထားရသည်ကို သြဂုတ် ၃၁ ရက် နံနက်ပိုင်းက တွေ့ရစဉ်

ပဲခူးတိုင်းဒေသကြီး ရေတာရှည်မြို့နယ် ဆွာမြို့ရှိ ဆွာချောင်းတမံ၏ ရေပိုလွှဲလက်တံ မြောင်းနံရံမှာ သြဂုတ် ၂၉ ရက် နံနက် ၄ နာရီခန့်က ပြိုကျမှုကြောင့် တောင်ငူခရိုင်မြို့နယ်များနှင့် စစ်တောင်းမြစ်အနီး ကျေးရွာများ၊ အနိမ့်ပိုင်း နေရာများတွင် ရေကြီးရေလျှံမှုများ ဖြစ်ပွားခဲ့ရာ ပဲခူးတိုင်းဒေသကြီး အရှေ့ခြမ်းမှ အခြေခံပညာ ကျောင်းပေါင်း ၃၁၉ ကျောင်းအား ယာယီပိတ်ထားခဲ့ရကြောင်း ပဲခူးတိုင်းဒေသကြီး ပညာရေးမှူးရုံးမှ သိရသည်။

ပဲခူးတိုင်းဒေသကြီး အရှေ့ခြမ်းတွင် ရေကြီးခြင်းကြောင့် ရေတာရှည်မြို့နယ် တစ်မြို့နယ်လုံးမှ အခြေခံပညာ ကျောင်းပေါင်း ၂၆၂ ကျောင်း၊ တောင်ငူမြို့နယ်တွင် ၄၁ ကျောင်း၊ ထန်းတပင်မြို့နယ်တွင် ၁၂ ကျောင်း၊ အုတ်တွင်းမြို့နယ်တွင် တစ်ကျောင်း၊ ဒိုက်ဦးမြို့နယ်တွင် နှစ်ကျောင်း၊ ဖြူးမြို့နယ် တစ်ကျောင်း ရှိခဲ့ရာ စုစုပေါင်း ၃၁၉ ကျောင်းအား ယာယီပိတ်ထားရခြင်း ဖြစ်ကြောင်း ပဲခူးတိုင်းဒေသကြီး ပညာရေးမှူးရုံးမှ တာဝန်ရှိသူ တစ်ဦးက ပြောကြားသည်။

တောင်ငူမြို့နယ်တွင် အခြေခံပညာကျောင်းများ ယာယီပိတ်ထားရသည့် အခြေအနေနှင့် ပတ်သက်ပြီး တောင်ငူမြို့နယ် ပညာရေးမှူး ဒေါက်တာနော်ဥမ္မာထွန်းက “ဒီနေ့က ၁၃ ကျောင်းထပ်ပိတ်တော့ အားလုံးပေါင်း ၅၄ ကျောင်းရှိသွားပြီ။ ကျောင်းပိတ်ရတာ၊ ကျွန်မတို့ ရေစ၀င်တဲ့နေ့ကနေပြီးတော့ ၂၉ ရက်ကနေပြီးတော့ ၁၃ ကျောင်းပိတ်တယ်။ အဲဒီတုန်းကတော့ ရေမ၀င်သေးဘူး။ အဲ့ဒိုးအင်း အုပ်စုဘက်ကလေ အရင်ပိတ်ထားလိုက်တယ်။ အဲဒီနေ့က ရေမ၀င်သေးဘူး။ ဒါပေမဲ့ ကြိုတင်ပိတ်ထားတယ်။ မနေ့က ၃၀ ရက်မှာ ခုနစ် ကျောင်းထပ်ပိတ်တယ်။ အဲဒါတော့ ရေ၀င်ပြီပေါ့နော်၊ အခုဒီနေ့မနက်မှာ ၁၃ ကျောင်းထပ်ပိတ်တယ်။ မိုးကောင်းအုပ်စု ဘက်ကကျောင်းတွေကို ၁၃ ကျောင်းထပ်ပိတ်ရပါတယ်။ အဲဒီတော့ အားလုံးပေါင်း ၅၄ ကျောင်းပေါ့။ အထက်တန်းကျောင်းက အခု အ.ထ.က ၄ မိုင်ကို ပိတ်ထားတာပေါ့နော်။ အ.ထ.က ၆ ကကျတော့ ကယ်ဆယ်ရေး စခန်းဖွင့်ထားတာ၊ အထက်တန်းကျောင်းက နှစ်ကျောင်းပဲ ရှိပါတယ်။ ကျောင်းက ရေကျပြီ ဆိုတာနဲ့ စနေ တနင်္ဂနွေ ပြန်တက်မယ်လို့ စီစဉ်ထားပါတယ်” ဟု သြဂုတ် ၃၁ ရက်က ပြောကြားသည်။

ယာယီပိတ်ထားသော ကျောင်းပေါင်း ၃၁၉ ကျောင်းတွင် အထက်တန်းဆင့် ၁၃ ကျောင်း၊ အလယ်တန်းဆင့် ၃၇ ကျောင်း၊ မူလတန်းအဆင့် ၂၆၉ ကျောင်းပိတ်ထားခဲ့ရပြီး အဆိုပါကျောင်းများမှ ကျောင်းသား ကျောင်းသူပေါင်း အထက်တန်းဆင့် ကျောင်းသား ၅၈၆၆ ဦး၊ အလယ်တန်းဆင့် ကျောင်းသား ၂၂၃၈၅ ဦးနှင့် မူလတန်းအဆင့် ကျောင်းသား ၃၃၂၅၅ ဦးရှိခဲ့ရာ စုစုပေါင်း ကျောင်းသား၊ သူ ၆၅၅၀၆ ဦးတို့အား ယာယီပိတ်ထားခဲ့ရခြင်း ဖြစ်ကြောင်း သိရသည်။ ယခုပိတ်ထားရသော ကျောင်းများမှာ သြဂုတ် ၂၉ ရက်က ဆွာမြို့ရှိ ဆွာဆည်မှ ရေများထိုးဆင်းခြင်းကြောင့် ရေကြီးရေလျှံမှု ဖြစ်ပွားကာ ဒုတိယအကြိမ်အဖြစ် စာသင်ကျောင်းများအား ယာယီပိတ်ထား ခဲ့ရခြင်းဖြစ်သည်။

ပဲခူးတိုင်းဒေသကြီးအတွင်း ပြီးခဲ့သော ဇူလိုင်လ နောက်ဆုံးအပတ်အတွင်းက မိုးဆက်တိုက်ရွာသွန်း၍ ရေကြီးရေလျှံမှုများ ဖြစ်ပွားခဲ့ရာတွင် ပဲခူးတိုင်းဒေသကြီး အတွင်းရှိ မြို့နယ်ပေါင်း ၁၄ မြို့နယ်မှ စာသင်ကျောင်းများအား ပထမအကြိမ်ဖြစ် ယာယီပိတ်ထားခဲ့ရပြီး ပဲခူးမြို့နယ်တွင် ၃၀ ကျောင်း၊ က၀မြို့နယ်တွင် ၂၇ ကျောင်း၊ သနပ်ပင်မြို့တွင် ငါးကျောင်း၊ ဝေါမြို့နယ်တွင် ၃၈ ကျောင်း၊ ဒိုက်ဦးမြို့နယ်တွင် ၁၂ ကျောင်း၊ ညောင်လေးပင် မြို့နယ်တွင် ၄၅ ကျောင်း၊ ရွှေကျင်မြို့နယ်တွင် ၈၉ ကျောင်း၊ ကျောက်တံခါး မြို့နယ်တွင် ကိုးကျောင်း၊ တောင်ငူမြို့နယ်တွင် ၁၁ ကျောင်း၊ ထန်းတပင်မြို့နယ်တွင် နှစ်ကျောင်း၊ အုတ်တွင်းမြို့နယ်တွင် ၁၄ ကျောင်း၊ ဖြူးမြို့နယ်တွင် ၃၆ ကျောင်း၊ ကျောက်ကြီးမြို့နယ်တွင် ၄၅ ကျောင်း၊ စုစုပေါင်း စာသင်ကျောင်း ၃၆၃ ကျောင်းအား ပိတ်ထားခဲ့ရသေးကြောင်း သိရသည်။

 

တောင်ငူမြို့တွင် စစ်တောင်းမြစ်ရေ အနည်းငယ်ကျဆင်းပြီး မြစ်အောက်ဘက်ရှိ မြို့နယ်များတွင် ရေကြီးမှုများ ကြုံတွေ့ခဲ့ရသော်လည်း ကြိုတင်ပြင်ဆင်နိုင်ခဲ့ဟုဆို

အုတ်တွင်းမြို့နယ် ဇီးဖြူသောင်ကျေးရွာသို့ သွားသောလမ်းတွင် ရေကျော်နေသည်ကို စက်တင်ဘာ ၁ ရက်က တွေ့ရစဉ်

ပဲခူးတိုင်းဒေသကြီး တောင်ငူခရိုင် ရေတာရှည်မြို့နယ် ဆွာမြို့ရှိ ဆွာတမံမှ ဆည်ရေများ ထိုးဆင်းခြင်းကြောင့် တောင်ငူခရိုင် အတွင်းရှိ မြို့နယ်များတွင် ရေကြီးရေလျှံမှု ဖြစ်ပွားခဲ့ရာ စက်တင်ဘာ ၁ ရက်တွင် တောင်ငူမြို့၏ စစ်တောင်းမြစ်ရေမှာ အနည်းငယ် ကျဆင်းသွားခဲ့ပြီး စစ်တောင်းမြစ်အောက်ဘက်ရှိ မြို့နယ်များတွင် ရေကြီးမှုများ ကြုံတွေ့ခဲ့ရသော်လည်း ကြိုတင်ပြင်ဆင်နိုင်ခဲ့ကြောင်း အုတ်တွင်းမြို့နယ် အုပ်ချုပ်ရေးမှူးက ပြောကြားသည်။

ယင်းအခြေအနေနှင့် ပတ်သက်ပြီး အုတ်တွင်းမြို့နယ် အုပ်ချုပ်ရေးမှူး ဦးစိုးလင်းက “မနေ့က အုတ်တွင်းမြို့နယ်မှာ ကယ်ဆယ်ရေးစခန်း ခြောက်ခုပေါ့။ အဲဒါကို အိမ်ထောင် စုက ၃၇၆ စု၊ လူဦးရေက ၁၄၆၀ ပေါ့။ အဲဒီမတိုင်ခင် တစ်ညမှာပဲ တောင်ငူမှာဖြစ်ထား တယ်ဆိုတော့ ကယ်ဆယ်ရေး စောင့်ဆိုင်းပြီးတော့ လာပြီးကူညီကြတယ်ဆိုတော့ ချက်ချင်းကြီး အဆင်ပြေသွားတယ်။ ဒီနေ့မှာတော့ ၈၉၉ ဦးရှိတော့တာ။ ကယ်ဆယ်ရေး စခန်းကတော့ မနေ့က အရေအတွက်အတိုင်းပဲ ရှေ့မှာကြိုပြီးတော့ အကြောင်းကြား ထားတာလေးရှိတော့ သူတို့လည်း Alart ဖြစ်ပါတယ်။ ကားလမ်းမှာ ရေကျော်တဲ့ နေရာကတော့ ဒီမနက် က ပထမတုန်းက လူကိုလမ်းလျှောက်ပြီးသွားလို့ရတဲ့ အခြေအနေပဲ။ အဲ့ဒါကို ကျွန်တော်တို့က ကြိုးလေးနဲ့ တားလိုက်ပြီးတော့ ကူးလို့ရအောင် လုပ်ပေးလိုက်တာ ဆိုတော့ အခုချိန်ဆိုရင် ဆိုင်ကယ်မောင်းပြီးတော့ သွားလို့ရတဲ့ အခြေအနေပဲ။ ကားကြီးတွေကတော့ နည်းနည်းမသွားရဲသေးဘူး။ အဲဒီလိုဖြစ်နေတာ” ဟု ပြောကြားသည်။

ဆွာတမံမှ ဆည်ရေတိုးခြင်းကြောင့် သြဂုတ် ၂၉ ရက်တွင် ဆွာမြို့နှင့် ရေတာရှည် မြို့နယ်တို့တွင် လည်းကောင်း၊ သြဂုတ် ၃၀ ရက်တွင် တောင်ငူမြို့နယ်တွင် လည်းကောင်း၊ သြဂုတ် ၃၁ ရက်တွင် အုတ်တွင်းမြို့နယ်၊ ကျောက်ကြီးမြို့နယ်၊ ဖြူးမြို့နယ်တို့မှ အနိမ့်ပိုင်းနေရာများအထိ ရေ၀င်ရောက်မှု ဖြစ်ပွားခဲ့ပြီး မြစ်ရေမှာလည်း စိုးရိမ်ရေအမှတ် ၆၀၀ စင်တီမီတာအထက် ၆၉၃ စင်တီမီတာအထိ မြင့်တက်ခဲ့သည်။

အဆိုပါ မြစ်ရေမှာ သြဂုတ် ၃၁ ရက် ည ပိုင်းတွင် အနည်းငယ် ကျဆင်းလာခဲ့ပြီး စက်တင်ဘာ ၁ ရက် နံနက်ပိုင်းတွင် မိုးဇလဦးစီးဌာန၏ ထုတ်ပြန်ချက်အရ ၆၅၆ စင်တီမီတာ (တစ်ပေခွဲခန့် လျော့နည်း) အထိ ကျဆင်းသွားကြောင်း သိရသည်။ ထိုကဲ့သို့ မြစ်ရေကျဆင်း သွားသော်လည်း မြစ်ရေအမှတ်မှာ စိုးရိမ်ရေအမှတ် ၆၀၀ စင်တီမီတာ အထက်တွင် နှစ်ပေခန့် ဆက်လက် ကျန်ရှိနေသောကြောင့် ရေဘေးကယ်ဆယ်ရေး စခန်းများအား ဆက်လက် ဖွင့်လှစ်ထားရဆဲဖြစ်ပြီး ရေဘေးသင့် ပြည်သူများမှာလည်း အခြားလုပ်ငန်းများ လုပ်ကိုင်နိုင်ခြင်း မရှိသေးဘဲ ရေဘေးကယ်ဆယ်ရေး စခန်းများတွင်သာ နေထိုင်နေရသေးကြောင်း သိရသည်။

ယင်းအခြေအနေနှင့် ပတ်သက်ပြီး တောင်ငူမြို့ အမှတ် (၉) ရပ်ကွက်နေ ကိုဇော်မင်းက “မိုးတွေကလည်းရွာ၊ ရေတွေကလည်း ကြီးနေတော့ ဘာအလုပ်မှ လုပ်လို့မှမရတာ။ ဒါပေမဲ့ အခုလာပြီးတော့ ပံ့ပိုးတဲ့လူတွေ၊ ကူညီတဲ့လူတွေပေါ့။ သူတို့ပေးလို့ အဆင်ပြေတယ် အကုန်လုံး” ဟု ပြောကြားသည်။

အုတ်တွင်းမြို့နယ် ဇီးဖြူသောင်ရွာမှ ကိုဝင်းက “မနေ့က တစ်နေကုန် တက်လိုက်တယ်။ တက်ပြီးတော့ တက်လိုက်ပြီးတော့ အခုတော့ နည်းနည်းပြန်လျော့နေပါပြီ။ အခုလက်ရှိ ဒီမှာချည်းပဲ နေကြရတာ။ လူတွေလည်း တစ်အိမ်နဲ့တစ်အိမ် ပေါင်းပြီးနေကြရတာပေါ့။ နိမ့်တဲ့လူတွေက မြင့်တဲ့အိမ်တက်ပြီး နေကြပေါ့။ သူ့မိသားစုလိုက် မိသားစုလိုက်၊ ရေတွေကတော့ မသန့်ဘူးပေါ့။ လက်ရှိရေတွေပဲ သုံးနေရတာ စိတ်တွေလည်းညစ်လို့” ဟု ပြောကြားသည်။

ဆွာတမံမှ ရေပိုလွှဲ ပဲ့ကျမှုကြောင့် စစ်တောင်းမြစ်ရေကြီးခြင်း ဖြစ်ပွားခဲ့ရာ ရေတာရှည်မြို့နယ်တွင် လူဦးရေ ၅၀၂၈ ဦးအား၊ ကယ်ဆယ်ရေးစခန်း ၂၂ ခု၊ တောင်ငူမြို့နယ်တွင် လူဦးရေ ၂၄၆၇၂ ဦးအား ကယ်ဆယ်ရေးစခန်း ၄၄ ခု၊ အုတ်တွင်းမြို့နယ်တွင် လူဦးရေ ၁၄၆၀ ဦးအား ကယ်ဆယ်ရေးစခန်း ခုနစ်ခု၊ ကျောက်ကြီးမြို့နယ်တွင် လူဦးရေ ၄၇၃ ဦးအား ကယ်ဆယ်ရေးခစန်း ၁၂ ခုတို့တွင် ယာယီရွှေ့ပြောင်း ထားခဲ့ရကြောင်း၊ ပဲခူးတိုင်းအရှေ့ခြမ်းမှ အခြေခံပညာကျောင်းပေါင်း ၃၁၉ ကျောင်းအား ယာယီပိတ်ထားခဲ့ရပြီး ရေဖြင့်မျောပါပြီး သေဆုံးသူ လေးဦး၊ ပျောက်ဆုံးသူ နှစ်ဦးရှိကြောင်း သြဂုတ် ၃၁ ရက်တွင် ပဲခူးတိုင်းဒေသကြီး အစိုးရအဖွဲ့၏ ထုတ်ပြန်ချက်များအရ သိရသည်။

ရွှေကျင်မြို့နယ် ဘောကထာ​ကျေးရွာတွင်​ နေအိမ်ပေါ် သစ်ပင်လဲကျပြီး သုံးဦးသေဆုံးကာ ကလေးသုံးဦး ပြင်းထန်စွာဒဏ်ရာရ

ရွှေကျင်မြို့နယ် ဘောကထာ​ကျေးရွာတွင်​ နေအိမ်ပေါ် သစ်ပင်လဲကျမှု ဖြစ်ပွားအပြီး တွေ့ရစဉ်

ပဲခူးတိုင်းဒေသကြီး ရွှေကျင်မြို့နယ် ဘောကထာကျေးရွာအုပ်စု ဘောကထာကျေးရွာတွင် သြဂုတ် ၂၆ ရက် နံနက်အစောပိုင်းက မိသားစုခုနစ်ဦး အိပ်နေသော နေအိမ်ပေါ်သို့ သစ်ပင်တစ်ပင် အလိုအလျောက်လဲကျပြီး လူသုံးဦးနှင့် ၀က်နှစ်ကောင် သေဆုံးကာ ကလေးငယ်သုံးဦး ပြင်းထန်ဒဏ်ရာ ရရှိခဲ့ကြောင်း ရွှေကျင်မြို့နယ် အုပ်ချုပ်ရေးမှူးထံမှ သိရသည်။

ယင်းအခြေအနေနှင့် ပတ်သက်ပြီး ရွှေကျင်မြို့နယ် အုပ်ချုပ်ရေးမှူး ဦးထွန်းထွန်းလင်းက “မနက် ၄ နာရီခွဲမှာ ဖြစ်တာပါ။ ဘောကထာ ကျေးရွာမှာပါ၊ အဲဒီမှာတော့ မိသားစုအားလုံး စုစုပေါင်း ခုနစ်ယောက်ရှိတဲ့အထဲမှာ သုံးယောက်ကတော့ နေရာတင်ပဲ ဆုံးတာပေါ့လေ။ နောက်ထပ် သုံးယောက်ကတော့ ရွှေကျင်ဆေးရုံကိုပို့တယ်။ ရွှေကျင်ဆေးရုံကတစ်ဆင့် ပဲခူးဆေးရုံမှာ ရောက်နေပါတယ်။ ကလေးသုံးယောက်က အကြီးဆုံးကလေး တစ်ယောက်ကတော့ ဘာမှမဖြစ်ပါဘူး” ဟု ပြောကြားသည်။

ဖြစ်စဉ်မှာ သြဂုတ် ၂၆ ရက် နံနက် ၄ နာရီခွဲခန့်က ရွှေကျင်မြို့နယ် ဘောကထာကျေးရွာအုပ်စု ဘောကထာကျေးရွာတွင် မိုးရွာပြီး လေတိုက်ရာမှ ဘောကထာရွာနေ ဦးသန့်ဇင်ဦး (၃၆ နှစ်) ကျပန်းလုပ်သူ၏ နေအိမ် (၄x၄) ပင်ပတ်လည် သက်ငယ်မိုး၊ ပျဉ်ခင်း၊ ထရံကာနေအိမ်ပေါ်သို့ အမြစ်တစ်ခြမ်းဆွေးနေပြီး လုံးပတ် ၁၈ ပေခန့်၊ အမြင့် ၈၅ ပေခန့်ရှိ သက်တမ်းရင့် ညောင်ပင်ကြီးတစ်ပင် လဲကျမှု ဖြစ်ပွားခဲ့ခြင်းဖြစ်သည်။

သစ်ပင်လဲကျသည့် အခြေအနေနှင့် ပတ်သက်၍ မြို့နယ်အုပ်ချုပ်ရေးမှူး ဦးထွန်းထွန်းလင်းက “သူက လေးပင်အိမ်လေးပါ။ ဘေးမှာပေါက်နေတဲ့ ညောင်ပင်က အပင်အိုပေါ့။ အပင်အိုဆိုတာ မီးလောင်ပြီးတော့ ဆွေးမြေ့နေတဲ့အပင် ဖြစ်ပြီးတော့ အခြေမခိုင်ဘဲနဲ့ လဲကျသွားတာ ဖြစ်ပါတယ်။ သူတို့ကို ရပ်ရွာက အုပ်ချုပ်ရေးမှူး တွေကလည်း ပြောပြီးသား၊ ကြိုတင်ပြီးတော့ အသိပေးပြီးသား။ ဒီအပင်ကို လှဲဖို့၊ ခုတ်ဖို့။ နောက်ပြီး ကာယကံရှင်တွေ ကိုယ်တိုင်ကိုက သေခါမှသေရော ဒီမှာပဲနေမယ် ဆိုပြီးတော့ သူတို့က မလှဲကြတာပေါ့။ မိုးက နည်းနည်းပဲ ရွာတာပါ။ နဂိုကတည်းကတော့ ဆွေးမြေ့နေတဲ့အပင် ဖြစ်ပါလိမ့်မယ်။  အခြေမခိုင်ဘဲနဲ့ လဲကျသွားတဲ့ သဘောပါ” ဟု ပြောကြားသည်။

လူနေအိမ်ပေါ်သို့ သစ်ပင်လဲကျရာမှ အိမ်ရှင်ဦးသန့်ဇင်ဦးပါ မိသားစုခုနစ်ဦးတွင် ဦးသန့်ဇင်ဦး၊ ဇနီးဖြစ်သူ မလှဌေး (၃၄ နှစ်) နှင့် သမီးဖြစ်သူ အမြတ်သဇင် (၁၀ နှစ်)၊ ဒုတိယတန်းကျောင်းသူတို့မှာ အခင်းဖြစ်နေရာတွင် သေဆုံးခဲ့ကြောင်း၊ ကျန်လေးဦးအနက် သားဖြစ်သူများဖြစ်သည့် မောင်ကောင်းမြတ်စံ (တစ်နှစ်ခွဲ)၊ မောင်ပိုင်ဇင်အောင် (၁၁ နှစ်) မောင်ပိုင်ဇင်စိုး (၄ နှစ်) တို့မှာ သစ်ပင်ပိ၍ အသီးသီး ထိခိုက်ဒဏ်ရာ (စိုးရိမ်ရ) များ ရရှိခဲ့သဖြင့် ရွှေကျင်မြို့နယ် ခုတင် ၁၀၀ ဆေးရုံသို့ ပို့ဆောင်ကုသ ပေးခဲ့ရကြောင်း၊ ထိုသို့ ပို့ဆောင်ကုသစဉ် ဒဏ်ရာများမှာ ပြင်းထန်သောကြောင့် ပဲခူးဆေးရုံကြီးသို့ ဆက်လက်လွှဲပြောင်း ကုသပေးထားကြောင်း၊ လူသေဆုံးမှု၊ ထိခိုက်မှုများအပြင် နေအိမ်အနီးတွင် မွေးထားသော ၀က်နှစ်ကောင်မှာလည်း သေဆုံးခဲ့ကြောင်း ရွှေကျင်မြို့နယ် ရဲတပ်ဖွဲ့မှူးရုံး၏ ရဲမှတ်တမ်းများအရ သိရသည်။

ထိခိုက်ဒဏ်ရာရရှိပြီး ပဲခူးဆေးရုံသို့ ထပ်မံလွှဲပြောင်း ကုသပေးခဲ့ရသော ကလေး သုံးဦး၏ အခြေအနေနှင့် ပတ်သက်၍ မြို့နယ်အုပ်ချုပ်ရေးမှူး ဦးထွန်းထွန်းလင်းက “ကလေးနှစ်ယောက်ကတော့ စိုးရိမ်ရတဲ့ အနေအထားလေး ရှိနေပါတယ်။ အငယ်ဆုံးလေးကတော့ တအားကြီးတော့ မစိုးရိမ်ရဘူး။ အဲဒါကတော့ ကျွန်တော်တို့ ဒီမြို့နယ်အဖွဲ့တွေ၊ လွှတ်တော် ကိုယ်စားလှယ်တွေကနေ ပေါင်းစပ်ပြီးတော့ သူတို့လိုအပ်တဲ့ ဆေးဖိုးဝါးခတွေ ကိစ္စတွေ၊ သွားလာရေး ကိစ္စတွေ အဲဒါလေးတွေ ဆောင်ရွက်ပေးနေတယ်” ဟု ဆက်လက် ပြောကြားသည်။

အခင်းဖြစ်ပွားရာသို့ ရွှေကျင်မြို့နယ်မှ လွှတ်တော်ကိုယ်စားလှယ်များ၊ ရွှေကျင်မြို့ နယ် အုပ်ချုပ်ရေး တာဝန်ရှိသူများ၊ မြို့နယ်ရဲ တပ်ဖွဲ့ဝင်များနှင့် ဒေသခံများက သွားရောက်ကူညီ ဆောင်ရွက်ခဲ့ကြပြီး အခင်းဖြစ်သည့် အခြေအနေနှင့် ပတ်သက်ပြီး ရဲတပ်ဖွဲ့မှ သေမှုသေခင်း ဖွင့်လှစ်ကာ စစ်ဆေးဆောင်ရွက်  လျက်ရှိကြောင်း၊ အဆိုပါ သစ်ပင်လဲကျခြင်းကြောင့် နေအိမ်မှာလည်း ပျက်စီးသွားခဲ့ကြောင်း သိရသည်။

 

ရန်ကုန်-မန္တလေး လမ်းမဟောင်းဘေးတွင် ရပ်ထားသော ကွန်တိန်နာယာဉ်အား မုန့်များတင်လာသော ကုန်တင်ယာဉ်က နောက်မှဝင်တိုက်မှု ဖြပ်ပွားပြီး တစ်ဦးသေဆုံး

ပဲခူးတိုင်းဒေသကြီး တောင်ငူမြို့နယ် ရန်ကုန်-မန္တလေး လမ်းဟောင်းပေါ်တွင် သြဂုတ် ၁၉ ရက် နံနက်ပိုင်းက လမ်းဘေး၌ ရပ်ထားသည့် ကွန်တိန်နာယာဉ်အား မုန့်များတင်ဆောင်လာသော ၁၂ ဘီးကုန်တင်ယာဉ်က နောက်မှဝင်တိုက်မိပြီး ယာဉ်မောင်းတစ်ဦး သေဆုံးကာ ယာဉ်နောက်လိုက်တစ်ဦး ထိခိုက်ဒဏ်ရာ ရရှိသွားခဲ့ကြောင်း ကျွန်းကုန်းနယ်မြေရဲစခန်းမှ သိရသည်။

ဖြစ်စဉ်မှာ သြဂုတ် ၁၉ ရက် နံနက် ၂ နာရီခန့်က၊တောင်ငူမြို့နယ် ရန်ကုန်-မန္တလေး လမ်းမဟောင်းပေါ်တွင် လမ်းမအတိုင်း၊ မန္တလေးဘက်မှ ရန်ကုန်ဘက်သို့ ယာဉ်မောင်းဖြိုးကျော် ၃၀ နှစ်(ဘ) ဦးနိုင်ဝင်းထွန်း ဥယျာဉ်စုရွာ၊ တောင်ငူမြို့နေသူ မောင်းနှင်သော YGN 6E/—— အ၀ါရောင် ကွန်တိန်နာတွဲကားသည် တောင်ငူမြို့နယ် မဟင်ကျေးရွာအုပ်စု၊ ဥယျာဉ်စုကျေးရွာအနီး ကားလမ်းဘေးတွင် အချက်ပြမီးပြလျက် ယာဉ်အားရပ်နားထားစဉ် လားရာတူအတိုင်း နောက်မှ ယာဉ်မောင်း အောင်ဝင်းစိုး ၃၅ နှစ် (အဘ၊ နေရပ်၊ လိပ်စာစုံစမ်းဆဲ) မောင်းနှင်ပြီး ယာဉ်နောက်လိုက် ထွန်းသိန်း ၃၆ နှစ်(ဘ) ဦးခင်မောင်ဝင်း၊ ချမ်းမြေ့သာဇံ မြို့နယ် မန္တလေးမြို့နေသူ၊ လိုက်ပါလာသော 7B/—- နီဆန်း ဒီဇယ်ဖြူ/နီကျား ၁၂ဘီးယာဉ် (မုန့်ကုန်တင်ယာဉ်) မှ အရှိန်အထိန်းနိုင်ပဲ ၀င်ရောက်တိုက်မိ ခဲ့ခြင်းဖြစ်သည်။

ယာဉ်မတော်တဆမှု ဖြစ်ပွားရာသို့ ကျွန်းကုန်းနယ်မြေရဲစခန်းမှ တာဝန်မှူး ဒုရဲအုပ် တိုးဝေကျော်နှင့် တာဝန်ရှိသူများက သွားရောက်စစ်ဆေးခဲ့ရာ နောက်မှဝင်တိုက်သော မုန့်ကုန်တင်ယာဉ်မောင်း အောင်ဝင်းစိုးတွင် ဦးခေါင်းစုတ်ပြဲပွင့်ထွက်ဒဏ်ရာ ရရှိကာ၊ ယာဉ်နောက်လိုက် ထွန်းသိန်းတွင် ယာဉ်ခြေကျိုးပဲ့ဒဏ်ရာ၊ ပေါင်စုတ်ပြဲဒဏ်ရာနှင့် ၀ဲလက်ဖျံ၊ မျက်ခုံး၊ ၀ဲပါးတို့တွင် ပွန်းပဲ့ဒဏ်ရာများ ရရှိသွားခဲ့သဖြင့် လူမှုကူညီရေးယာဉ် တစ်စီးဖြင့် တောင်ငူမြို့ ပြည်သူ့ဆေးရုံကြီးသို့ ပို့ဆောင်ကုသပေးစဉ်၊ ယာဉ်မောင်းဖြစ်သူ အောင်ဝင်းစိုးမှာ အခင်းဖြစ်စဉ်ရရှိသော ဒဏ်ရာဖြင့် သေဆုံးသွားခဲ့ကြောင်း၊ ယာဉ်မတော်တဆမှုကြောင့် နောက်မှဝင်တိုက်သော ယာဉ်မှာ ရှေ့ခေါင်းခြမ်း တစ်ခုလုံး ပျက်စီးသွားခဲ့ပြီး အတိုက်ခံရသော ကွန်တိန်နာယာဉ်မှာ ယာဉ်နောက်ပိုင်း အနည်းငယ်သာ ပျက်စီးသွားခဲ့ကြောင်း ကျွန်းကုန်း ရဲစခန်း၏ ရဲမှတ်တမ်းများအရ သိရသည်။

အဆိုပါ ယာဉ်မတော်တဆမှု ဖြစ်စဉ်နှင့် ပတ်သက်ပြီး ယာဉ်တိုက်မှုဖြစ်ကာ လူသေဆုံးမှုဖြစ်ပွားစေပြီး ယာဉ်အား မဆင်မခြင် မောင်းနှင်သည့် ယာဉ်မောင်း အောင်ဝင်းစိုးအား အရေးယူပေးရန် ဒုရဲအုပ်တိုးဝေကျော်မှ တရားလိုလုပ် တိုင်တန်းသဖြင့် ကျွန်းကုန်းနယ်မြေ ရဲစခန်းမှ ယာဉ်(ပ) ၉/၂၀၁၈၊ ရာဇသတ်ကြီးပုဒ်မ ၃၃၈/၃၀၄-က ဖြင့် အမှုဖွင့် အရေးယူထားကြောင်း သိရသည်။

ပဲခူးမြစ်ရေ ပြန်လည်မြင့်တက်လာပြီး စိုးရိမ်ရေမှတ်သို့ ပြန်ရောက်နိုင်

ပဲခူးမြစ်ရေ ပြန်လည်မြင့်တက်လာ၍ နေအိမ်များအတွင်း ရေများ ၀င်ရောက်စဉ်

ပဲခူးမြစ်ရေ ပြန်လည်မြင့်တက်လာသောကြောင့် ပဲခူးမြို့ပေါ် ရပ်ကွက်အချို့တွင် တတိယအကြိမ် ရေကြီးနစ်မြုပ်မှုများ ဖြစ်ပေါ်နေပြီး စိုးရိမ်ရေအမှတ်အထိ ပြန်လည်ရောက်ရှိနိုင်ကြောင်း ပဲခူးတိုင်းဒေသကြီး မိုးလေ၀သနှင့် ဇလဗေဒဇ ဦးစီးဌာနမှ လက်ထောက်ညွှန်ကြားရေးမှူး ဦးကျော်သန်းက ပြောကြားသည်။

“ဒီနေ့မြစ်ရေက ၈၆၅ စင်တီမီတာကို ရောက်ရှိနေပါတယ်။ မြစ်ရေတိုးနှုန်းတော့ လျှော့သွားတယ်။ တစ်နာရီကို တစ်စင်တီမီတာနှုန်းတော့ တက်နေတယ်။ ပဲခူးမှာ မိုးများမယ်။ မြစ်ညှာမှာ မိုးများမယ် ဆိုရင်တော့ စိုးရိမ်ရေအမှတ် ရောက်လာနိုင်ပါတယ်။ အများကြီးတော့ မကျော်လောက်ပါဘူး။ စိုးရိမ်ရေအမှတ် ရောက်တာနဲ့ ထုတ်ပြန်ကြေညာပေးမှာပါ” ဟု ပဲခူးတိုင်းဒေသကြီး မိုး/ဇလ လက်ထောက်ညွှန်ကြားရေးမှူး ဦးကျော်သန်းမှ ပြောကြားသည်။

မိုးသည်းထန်စွာ ဆက်တိုက်ရွာသွန်းခြင်း ပဲခူးမြစ်ဖျားပိုင်းတွင် မိုးများခြင်း ပင်လယ်ရေထရက်များနှင့် တိုက်ဆိုင်ခြင်းတို့ကြောင့် သြဂုတ် ၁၅ ရက် ညနေပိုင်းမှစ၍ ပဲခူးမြစ်ရေ ပြန်လည်မြင့်တက်လာပြီး ပဲခူးမြို့ပေါ် ရပ်ကွက်များဖြစ်သော ကျွန်းသာယာရပ်ကွက် မဇင်းရပ်ကွက်၊ ကျောက်ကြီးစုရပ်ကွက်၊ ဇိုင်းတောင်ရပ်ကွက်တို့တွင် ယခုနှစ်အတွင်း တတိယအကြိမ် ရေကြီးနစ်မြုပ်မှုများ ဖြစ်နေကြောင်း သိရသည်။

“ရေက မနေ့က ညနေကစပြီး ပြန်တက်လာတာ။ တိုးနှုန်းကလည်း မြန်တယ်။ တစ်ညတည်းနဲ့ အကုန်ပြန်မြုပ်ကုန်တယ်။ မိုးကလည်း ပြန်ပြီးရွာတာ နေ့တိုင်းဆက်တိုက် ဖြစ်နေတယ်။ လမ်းမပေါ်တွေတော့ မကျော်သေးဘူး။ ရပ်ကွက်လမ်းတွေတော့ ပြန်မြုပ်ကုန်ပြီ။ ပြန်ပြီးနေလို့ရတာ တစ်ပတ်လောက်ပဲ ရှိသေးတယ်။ အခုချောင်းဘေးက အိမ်တွေတော့ လှေနဲ့ ပြန်သွားနေရပြီ။ အခုလည်း ထပ်တက်နေတယ်ဆိုတော့ အားလုံးအရမ်း စိုးရိမ်နေကြတယ်” ဟု ကျွန်းသာယာရပ်ကွက်သား တစ်ဦးက ပြောကြားသည်။

ပဲခူးမြစ်ရေ မြင့်တက်မှုကြောင့် ဇူလိုင် ၁၁ ရက်ခန့်က ပထမအကြိမ် ပဲခူးမြို့တွင် ရေကြီးနစ်မြုပ်မှုဖြစ်ခဲ့ပြီး ပြန်လည်လျှော့ကျသွား၍ ဇူလိုင် ၁၉ ရက်တွင် ဒုတိယအကြိမ် ပြန်လည်မြင့်တက်လာပြီး ဇူလိုင်၂၈ ရက်တွင် စိုးရိမ်ရေအမှတ် ၈၈၀ စင်တီမီတာကို ကျော်လွန်ကာ စံချိန်တင်အမှတ် ၉၆၈ စင်တီမီတာသို့ ရောက်ရှိခဲ့ပြီး ပြန်လည်လျှော့ကျ သွားခဲ့သည်။

ယခုအခါ ရေဘေးကယ်ဆယ်ရေး စခန်းများမှ ရေဘေးသင့်ပြည်သူများ ပြန်သွားပြီး တစ်ပတ်ခန့်သာရှိသော အချိန်အတွင်း တတိယအကြိမ် ပြန်လည်၍ ရေကြီးနစ်မြုပ်ခြင်းဖြစ်ကာ သြဂုတ် ၁၇ ရက်ညနေပိုင်း တိုင်းတာချက်များအရ ၈၆၅ စင်တီမီတာသို့ ပြန်လည်ရောက်ရှိလာပြီး မိုးဆက်လက် ရွာသွန်းပါက စိုးရိမ်ရေအမှတ်သို့ ရောက်ရှိလာနိုင်ကြောင်း သိရသည်။

ရေကြီးမှုကြောင့် ပဲခူး၊ ရန်ကုန်နှင့် ကရင်ပြည်နယ်တို့တွင် ငါးမွေးမြူရေးကန် ဧက ၃၂၀၀ ကျော် ပျက်စီးဆုံးရှုံး

ပဲခူးတိုင်းဒေသကြီး ပဲခူးမြို့နယ်တွင် ငါးမွေးမြူရေးကန် ၁၂၉၁ ဧကနှင့် ညောင် လေးပင်မြို့နယ်တွင် ၃၅ ဧက၊ ရန်ကုန်တိုင်း ဒေသကြီး ကွမ်းခြံကုန်းမြို့နယ်တွင် ၁၀၄၄ ဒသမ ၅၇ ဧကနှင့် ကော့မှူးမြို့နယ်တွင် ၆၄ ဧက၊ ကရင်ပြည်နယ်တွင် ဧက ၈၀၀ကျော် ပျက်စီးဆုံးရှုံးခဲ့ကြောင်း သိရသည်။

သို့သော် မွန်ပြည်နယ်တွင် ပျက်စီးမှုများနှင့် ပတ်သက်ပြီး တွက်ချက်နေဆဲဖြစ်၍ မသိရသေးကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။

“သဘာဝဘေးအန္တရာယ် ထိခိုက်နစ်နာဆုံးက ငါးမွေးမြူလုပ်ငန်းကို တိုက်ရိုက်ကန်တွေနစ်လို့ ထိခိုက်နစ်နာဆုံးရှုံးသလို သွယ်ဝိုက်တဲ့နည်းနဲ့ စိုက်ပျိုးမြေ ဆုံးရှုံးမှုကလည်း မွေးမြူရေး အစာတွေအတွက် ထိခိုက်မှုတွေ ရှိနေတယ်။ ထူးထူးကဲကဲ ရှေ့နှစ်ရက်ကနဲ့ ဒီနေ့အထိ ထူးကဲဒီရေတွေတက်တယ်။ ကမ်းရိုးတန်းဒေသတွေမှာ ပုစွန်ကန်တွေ၊ ငါးကန် တွေ ရေကြီးနစ်မြုပ်တယ်။ ထူးကဲဒီရေကလည်း နှစ်ပေါင်းများစွာထဲက ဒီလောက်ထိ မတက်ဖူးဘူးလို့ ပြောကြတယ်။ သုံးခွမြို့နယ် မှာဆိုတာတွေ ကျိုးတဲ့အထိ ဖြစ်တယ်လို့ သိရတယ်။ သဘာဝဘေးအန္တရာယ်က ပဲခူး၊ ကရင်နဲ့ မွန်မှာ မိုးရေတွေများလို့ ရေကြီးသလို အခုလည်းပဲ ပင်လယ်ဒီရေတက်တဲ့အတွက် ကမ်း ရိုးတန်းဒေသမှာ ဘာတွေဆုံးရှုံးမှု ဖြစ်လာမလဲမသိဘူး။ အခုစိုးရိမ်နေတဲ့ ဧရာဝတီမြစ်ရဲ့ရေက ဇလွန်အပါအ၀င် ဓနုဖြူတို့မှာ စိုးရိမ်ရေအမှတ်ကို ကျော်လွန်ရေများနေပြီး မိုးရာသီ ကုန်ဆုံးဖို့ ဆိုတာက စက်တင်ဘာလ တစ်ဝက်ကျော်ကျော်လောက် ကျန်သေးတယ်။ တစ်လကျော်ကျော်လောက် အတောအတွင်းမှာ အခုမြင့်နေတဲ့ရေတွေနဲ့ နောက်ထပ်ရွာမယ့် မိုးရယ်၊ အခုလို ထူးကဲဒီရေတွေ တက်လာရင် အရင်နှစ်က မြုပ်ခဲ့ဖူးတဲ့ ဧရာဝတီတိုင်းရဲ့ ငါးကန်ရှိတဲ့ဒေသနဲ့ ပဲခူးတိုင်း၊ ရန်ကုန်တိုင်းက စိတ်ပူစရာတွေ ဖြစ်နေတယ်” ဟု မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေ အတွင်းရေးမှူး ဦးဝင်ကြိုင်က ပြောကြားသည်။

လက်ရှိအချိန်တွင် ဆော်ဒီဈေးကွက် ပိတ်ထားမှုကြောင့် ငါးဈေးကွက် ကျဆင်းနေပြီး ယခုနှစ်တွင် အစာကုန်ကြမ်းဈေး စံချိန်တင် မြင့်တက်နေမှုများကြောင့် မွေးမြူရေး လုပ်ငန်းရှင်များ အခက်အခဲ ကြုံနေရကြောင်း၊ အစာဖိုး၊ မျိုးငါးဖိုး၊ ကန်ခ၊ အလုပ်သမားစရိတ်၊ ကျန်တဲ့စရိတ်တွေအားလုံး ရှုံးနေကြောင်း၊ မွေးမြူရေး လုပ်ငန်းတွေက ကန်ကို ရေထည့်ထားပြီး ပစ်ထားရမယ့်ပုံစံ ဖြစ်နေကြောင်း၊ အရင်းအနှီးမရှိသူများ ထပ်မွေးနိုင်တော့မည့် အခြေအနေ မရှိတော့ကြောင်း၊ လက်ရှိအချိန်တွင် ရေဘေးကြောင့် ဆုံးရှုံးမှုများ ရှိခြင်းကြောင့်  ငါးမွေးမြူရေး လုပ်ငန်းကိုပါ စွန့်လွှတ်ရမည့် အခြေအနေ ရှိနေကြောင်း ငါးမွေးမြူရေးလုပ်ငန်း လုပ်ကိုင်နေသူများထံမှ သိရသည်။

၂၀၁၅ ခုနှစ်တွင် ရေကြီးမှုများကြောင့် ဧရာဝတီတိုင်း၊ ရန်ကုန်တိုင်း၊ ပဲခူးတိုင်းတို့တွင် ငါးမွေးမြူရေကန်ပေါင်း ဧက ၃၅၀၀၀ ၀န်းကျင် ဆုံးရှုံးနစ်နာခဲ့ပြီး ရခိုင်ပြည်နယ်တွင် ပုစွန်မွေးမြူရေးကန်ဧက ၅၈၀၀၀ ဆုံးရှုံးကာ စုစုပေါင်း ကာလတန်ဖိုး ကျပ်ဘီလျံ ၅၀ ဆုံးရှုံး နစ်နာခဲ့ကြောင်း သိရသည်။ ၂၀၁၆ ခုနှစ်တွင် ရေကြီးမှုကြောင့် မွေးမြူရေးကန် ဆုံးရှုံးနစ်နာမှုသည် ၂၀၁၅ ခုနှစ်တွင် ဆုံးရှုံးမှု နည်းပါးရှိပြီး၂၀၁၇ ခုနှစ်တွင် ယခင်နှစ်နှစ်ထက် လျော့နည်းသွားကြောင်း သိရသည်။

 

ကျောက်ကြီးမြို့မှ နှစ် ၁၀၀ ကျော်သက်တမ်းရှိ ရှေးဟောင်းပိဋကတ်တိုက် အဆောက်အအုံတစ်ခု ပြိုကျပျက်စီး

ပဲခူးတိုင်းဒေသကြီး ကျောက်ကြီးမြို့ တောင်ငူတန်းရပ်ကွက်တွင် ရုပ်ရှင်မင်းသမီး ကြီးဒေါ်တင်တင်နွဲ့မိသားစုတို့ လှူဒါန်းထားခဲ့သော မင်းကျောင်း ဘုန်းတော်ကြီးကျောင်းဝင်း အတွင်းမှ သက်တမ်း ၁၀၀ ကျော်ရှိသော ရှေးဟောင်းပိဋကတ်တိုက် အဆောက်အအုံမှာ ဟောင်းနွမ်းဆွေးမြည့်ကာ သြဂုတ် ၁၃ ရက် ညပိုင်းက အလိုအလျောက် ပြိုကျပျက်စီးမှု ဖြစ်ပွားခဲ့ကြောင်း သိရသည်။

မင်းကျောင်း ပိဋကတ်ကျောင်းတိုက်ကြီးမှာ ရှေးကျပြီး ရုပ်ရှင်မင်းသမီးကြီး ဒေါ်တင်တင်နွဲ့ မိသားစုတို့က လှူဒါန်းခဲ့သည့် အခြေအနေနှင့် ပတ်သက်ပြီး အသက် ၉၃ နှစ်ရှိသည့် ဦးသောင်းက “ဒီတိုက်တွေ ဆောက်တုန်းကတော့ ကျွန်တော်တို့လည်း မမီဘူးပေါ့လေ။ ကျွန်တော်တို့ ကြီးလာတဲ့ အချိန်ကျတော့ ဒါကြီးကို တွေ့ရတာပေါ့။ ကျွန်တော့်အသက်က ခုနှစ်ပြောမယ် ဆိုရင်တော့ ၈၇ ခု တန်ခူးလဖြစ်မယ်။ ဒီပိဋကတ်တိုက်နဲ့ ပတ်သက်လို့ ပထမဆုံး တည်ဆောက်ခဲ့တာက ရန်ကုန်မြို့က ဦးလှစိန်၊ ဒေါ်အုန်းတင်၊ နောက်တစ်ဆင့်က သူ့သားဖြစ်သူ ကိုသက်ထွန်း၊ တင်တင်နွဲ့ ရုပ်ရှင်မင်းသမီးကြီး သူတို့တည်ဆောက်ခဲ့တယ် ဆိုတာကို ကျွန်တော်သိရပါတယ်” ဟု ပြောကြားသည်။

ကျောင်းတိုက်ကြီး ပြိုကျသည့် ဖြစ်စဉ်နှင့်ပတ်သက်ပြီး မင်းကျောင်း ဘုန်းကြီးကျောင်းတွင် သီတင်းသုံး နေထိုင်သော ဆရာတော် ဦးတေဇက “အနောက်ဘက်ခြမ်း ထောင့်ကနေပြီးတော့ အက်လာတယ်။ အက်လာတဲ့ အခါကျတော့ ဘုန်းကြီးက ခုံနဲ့ခုပြီးတော့ တက်ပြီးတော့ အဲဒီအက်တဲ့ကြားထဲကို သံချောင်းတွေများ ရှိလား မရှိဘူးလား ဆိုပြီးတော့ နှိုက်ကြည့်တာ။ ဘာသံချောင်းမှ မတွေ့ဘူး။ အဲဒါလည်း ဒါကတော့ မပြိုလောက်ပါဘူး ဆိုပြီးတော့ ထားလိုက်တယ်။ နောက်ပြီး အောက်ဘက်ဆင်းပြီး တံမြက်စည်းလှည်းတော့ အောက်ခြေမှာ နိမ့်ဆင်းသွားတယ်။ ကိစ္စမရှိဘူး၊ ဖြစ်လာရင်လည်း နည်းနည်းတော့ လှုပ်ရှားလာမှာပဲ ဆိုပြီးတော့ နေလိုက်တာ။ ညကျတော့ ပဋ္ဌာန်းပွဲသွားတာ။ နောက်ကဖုန်းလာတယ်။ ဘုန်းကြီးနေတဲ့တိုက်တော့ ပြိုသွားပြီ ဆိုပြီးတော့။ ပြိုတော့ ဘယ်တတ်နိုင်မလဲကွာဆိုပြီး နောက်နေ့ မနက်ကျတော့ ဘုန်းကြီးရေနွေးအိုးတည်တဲ့ နေရာဘက်က အကုန်လုံးပါသွားတာ” ဟု မိန့်ကြားသည်။

တောင်ငူမြို့တွင် ပစ္စတိုသေနတ်၊ လက်ပစ်ဗုံး ကိုင်ဆောင်ပြီး မူးယစ်ဆေးဝါးများ ဖြန့်ဖြူးနေသူ မူးယစ်တရားခံပြေးအား ဖမ်းဆီးရမိ

ဖမ်းဆီးရမိသော လက်နက်နှင့် မူးယစ်ဆေးဝါးများအား တွေ့ရစဉ်

ပဲခူးတိုင်းဒေသကြီး တောင်ငူမြို့တွင် ၂၀၁၆ ခုနှစ်အတွင်းက တောင်ငူမြို့နယ် အမှတ် (၃) နယ်မြေရဲစခန်းမှ မူးယစ်ဆေးဝါးများ ဖမ်းဆီးရမိ၍ အမှုဖွင့်ထားသော တရားခံပြေး တစ်ဦးအား ၂၀၁၈ ခုနှစ် သြဂုတ် ၁၁ ရက် မွန်းလွဲပိုင်းက တောင်ငူမြို့နယ် ကန်ရိုးကျေးရွာအနီးတွင် စိတ်ကြွရူးသွပ်ဆေးပြား ၅၄၀၀ ကျော်၊ ပစ္စတိုသေနတ် တစ်လက်၊ လက်ပစ်ဗုံး တစ်လုံး၊ ကျည်ဆန် (အကောင်း) များနှင့် ငွေစက္ကူရောရာ ကျပ်သိန်း ၂၀ ကျော် ဖမ်းဆီးရမိခဲ့ကြောင်း တောင်ငူခရိုင်ရဲတပ်ဖွဲ့မှ သိရသည်။

ဖမ်းဆီးရမိသည့် အခြေအနေနှင့် ပတ်သက်၍ တောင်ငူခရိုင် ရဲတပ်ဖွဲ့မှ ဒုစရိုက်နှိမ်နင်းရေး တာဝန်ခံ ရဲအုပ်တင်ဦးက “ဒီကောင် လွယ်ထားတဲ့အိတ်ထဲက မူးယစ်ဆေးဝါး ၅၄၈၁ ပြား သိမ်းဆည်းတယ်။ နောက်ပြီး ငွေက ၂၂ သိန်းကျော် ရပါတယ်။ ဒီကောင့်ဆီက ၃၈ ပစ္စတိုတစ်လက်၊ ၎င်းကျည် ၂၂ တောင့်၊ ပွိုင့်တူး တူးကျည် ခြောက်တောင့်နဲ့ သက်သေခံပစ္စည်း၊ မူးယစ်ဆေးဝါး ၅၀၀၀ ကျော်ကို သိမ်းဆည်း ရမိခဲ့ပါတယ်။ ဖမ်းဆီးရမိတဲ့ အတွက် ဖားသု (ခ)ဖားထူး(ခ)ဒီငြိမ်းကို ဆက်လက်ပြီး စစ်ဆေးတဲ့အခါမှာ သူဟာ တောင်ငူမြို့ပေါ်တွင် မကဘူး။ ပဲခူးမြို့မှာ ရံဖန်ရံခါ သွားပြီးတော့လည်း ဖြန့်ဖြူးရောင်းချတယ်လို့ သိရတယ်။ ဒီကောင့်ကို ဖမ်းဆီးရမိတဲ့ အတွက်လည်း ကျွန်တော်တို့ တောင်ငူမြို့ပေါ် အနေနဲ့ မူးယစ်ဆေးဝါး ဖြန့်ဖြူးရောင်းချတဲ့ကောင် တစ်ယောက် လျော့နည်းသွားတာ ဖြစ်ပါတယ်” ဟု ပြောကြားသည်။

ဖြစ်စဉ်မှာ လွန်ခဲ့သော ၂၀၁၆ ခုနှစ်အတွင်းက တောင်ငူမြို့ အမှတ် (၃) နယ်မြေရဲ စခန်းတွင် မယ(ပ)၃/၂၀၁၆၊ မူးယစ်ဆေးဝါးများနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၉(ဂ)/၂၀ (က)/၂၂(ခ)/ ၂၁ ဖြင့် အမှုဖွင့်ခံထားရပြီး ထွက်ပြေးတိမ်းရှောင်နေသော တရားခံပြေး ဖားသု (ခ) ဖားထူး (ခ) ဒီငြိမ်း (ဘ) ဦးမြင့်စိုး၊ သာယာကုန်းလမ်း၊ ၂၃ ရပ်ကွက်၊ တောင်ငူမြို့နေသူသည် MARK-X အမျိုးအစား ခဲရောင်ကား တစ်စီးဖြင့် မူးယစ်ဆေးဝါး ဖြန့်ဖြူးရောင်းချနေခဲ့ကြောင်း၊ တောင်ငူမြို့ရှိ တည်းခိုခန်း တစ်ခုတွင် တည်းခိုနေထိုင်ကာ ကားတစ်စီးဖြင့် လှုပ်ရှားသွားလာနေသည့်အပြင် ၎င်းထံတွင် သေနတ်နှင့် လက်ပစ်ဗုံးများ ရှိနေသည်ကို ကြိုတင်သတင်းရသောကြောင့် ရဲတပ်ဖွဲ့ဝင်များအား ရန်ပြုမည်ကို စိုးရိမ်ရပြီး ခရိုင်ရဲတပ်ဖွဲ့မှူးထံ သတင်းပေးပို့ပြီးမှ စနစ်တကျ စောင့်ဆိုင်းဖမ်းဆီးခဲ့ရကြောင်း ရဲအုပ်တင်ဦးက ဆက်လက်ပြောကြားသည်။

ယင်းအခြေအနေနှင့် ပတ်သက်ပြီး ရဲအုပ်တင်ဦးက “၁၀ ရက်နေ့ညက လမင်းအိမ် တည်းခိုခန်းမှာ လာပြီးတော့ တည်းတယ်လို့ အမာခံ သတင်းပေးက ပြောပါတယ်။ အဲဒီတော့ လမင်းအိမ် တည်းခိုခန်းမှာ တည်း၊ မတည်းကို အတည်ပြုခဲ့တယ်။ ဒီကောင့်မှာလည်း အန္တရာယ်ပြုနိုင်တဲ့ လက်နက်တွေပါတယ်။ လက်ပစ်ဗုံးတွေ ပါတယ်လို့လည်း သတင်းရရှိပါတယ်။ ကျွန်တော်တို့ကလည်း ကိုယ့်တပ်ဖွဲ့မှူး ထိခိုက်မှုမဖြစ်အောင် ခရိုင်ရဲတပ်ဖွဲ့မှူးကို သတင်းတင်ပြတယ်။ ဒီလက်နက်တွေ ပါတဲ့အတွက် ဘယ်လိုဖမ်းမလဲဆိုတာ နည်းလမ်းတွေ ဆွေးနွေးရပါတယ်။ ဒီကောင်က တရားခံပြေးဖြစ်တယ်။ လက်ကလည်း ယဉ်တယ်။ ဒီကောင့်ကို ဖမ်းတာနဲ့ ဒီကောင်က လက်ပစ်ဗုံးနဲ့ ခွဲမယ်။ သေနတ်နဲ့ပစ်မယ်ဆိုတဲ့ သတင်းတွေလည်း ရတဲ့အတွက် ကိုယ့်တပ်ဖွဲ့ဝင်တွေ ထိခိုက်မှု မဖြစ်အောင် အစီအစဉ်တွေကို စီမံပြီး ခရိုင်ရဲတပ်ဖွဲ့မှူးကို တင်ပြပါတယ်” ဟု ပြောကြားသည်။

ထိုသို့တင်ပြပြီးနောက် တောင်ငူခရိုင်ရဲ တပ်ဖွဲ့မှူး ယာယီဒုတိယရဲမှူးကြီး ထိန်ဝင်း၏ အနီးကပ်ကြီးကြပ်မှုဖြင့် တောင်ငူခရိုင် ရဲတပ်ဖွဲ့ဝင်များ၊ မြို့နယ်ရဲတပ်ဖွဲ့ဝင်များ ပူးပေါင်း၍ တရားခံပြေးဖားသု ရောက်ရှိနေသော တောင်ငူမြို့နယ် ကန်ရိုးကျေးရွာ၊ ရန်ကုန်-မန္တလေး၊ ကားလမ်းမဟောင်းနံဘေး၊ သွန်းရွှေစင် စတိုးဆိုင်ရှေ့တွင် ၀င်ရောက် စစ်ဆေးခဲ့ကြောင်း၊ ထိုသို့စစ်ဆေးရာတွင် တရားခံပြေး ဖားသု(ခ)ဖားထူး(ခ)ဒီငြိမ်းထံမှ WY စာတန်းပါ စိတ်ကြွရူးသွပ်ဆေးပြား ၅၄၈၁ ပြား၊ ၃၈ ပစ္စတို (စတီးရောင် BABILON DOY CIA VITORIA အင်္ဂလိပ်စာတန်းပါ) တစ်လက်၊ ၉ မမ ပစ္စတို ကျည်ငါးတောင့်၊ 38 SUPER AUTO စာတန်းပါ ကျည်ဆန်ခုနစ်တောင့် (ကောင်း)၊ ပွိုင့် ၂၂ ကျည်ခြောက်တောင့် (ကောင်း)၊ နာနတ်သီးဗုံး ရွှေရောင်စနက်တံ တပ်ဆင်လျက် လက်ပစ်ဗုံးတစ်လုံး၊ ငွေရောင် ခြောက်လုံးပြူး သေနတ်ပုံစံ ဂက်စ်မီးခြစ်တစ်ခုနှင့် MARK-X အမျိုးအစား ခဲရောင် မော်တော်ယာဉ်တစ်စီး ဖမ်းဆီးရမိခဲ့ကြောင်း ရဲမှတ်တမ်းများအရ သိရသည်။

အဆိုပါ ဖြစ်စဉ်နှင့် ပတ်သက်၍ လက်နက် သို့မဟုတ် ပေါက်ကွဲစေတတ်သော ပစ္စည်းများနှင့် ခဲယမ်းများ ကိုင်ဆောင်ပြီး မူးယစ်ဆေးဝါးများ ဖြန့်ဖြူးရောင်းချသူ တရားခံပြေး ဖားသု(ခ) ဖားထူး (ခ) ဒီငြိမ်းအပေါ် ဥပဒေအရ အရေးယူပေးရန် ရဲအုပ်တင်ဦးက တရားလိုလုပ်ပြီး တောင်ငူမြို့မ အမှတ် (၁) ရဲစခန်းတွင် အမှုဖွင့် တိုင်တန်းရာ တောင်ငူမြို့မ ရဲစခန်းက သက်ဆိုင်ရာ ပုဒ်မများဖြင့် အမှုဖွင့် အရေးယူနိုင်ရန် ဆောင်ရွက်လျက် ရှိကြောင်း သိရသည်။