ပျောက်ဆုံးနေသည့် န၀မတန်းကျောင်းသူနှစ်ဦးအား ပဲခူးမြို့တွင် ပြန်လည်တွေ့ရှိ

ဇူလိုင် ၂ ရက် ညနေပိုင်းက ပျောက်ဆုံးခဲ့သည့် န၀မတန်းကျောင်းသူနှစ်ဦးအား ခြောက်ရက်ကြာတွင် ပဲခူးမြို့ နန်းတော်ရာ ရပ်ကွက်၌ ပြန်လည်တွေ့ရှိခဲ့ကြောင်း လူကုန်ကူးမှု တားဆီးနှိမ်နင်းရေး ရဲတပ်ဖွဲ့မှ ဇူလိုင် ၈ ရက်က သတင်းထုတ်ပြန်ချက်အရ သိရှိရသည်။

ဖြစ်စဉ်မှာ ဇူလိုင်၂ ရက် ညနေပိုင်းက ကြည့်မြင်တိုင်မြို့နယ် ကရင်အမျိုးသားရပ်ကွက်တွင် နေထိုင်သည့် မမြသက်ကေခိုင် နှင့် မိန်းကလေး သူငယ်ချင်းတစ်ဦးဖြစ်သည့် မမြသော်သော်ဟန်တို့သည် ကျူရှင်သွားမည်ဟုဆိုကာ နေအိမ်မှထွက်သွားပြီးနောက် နေအိမ်သို့ ပြန်လည်ရောက်ရှိလာခြင်းမရှိဘဲ ပျောက်ဆုံးနေခဲ့ခြင်းဖြစ်ကြောင်း သိရသည်။

ပျောက်ဆုံးခဲ့သည့် န၀မတန်းကျောင်းသူနှစ်ဦးမှာ ကြည့်မြင်တိုင်မြို့နယ်၊ အ.ထ.က (၄) တွင် ပညာသင်ကြားနေသောသူများဖြစ်ကြောင်း သိရသည်။
၎င်းတို့နှစ်ဦးပျောက်ဆုံးပြီးနောက် သက်ဆိုင်ရာမိသားစုက ကူညီရှာဖွေပေးရန် ဇူလိုင် ၅ ရက်တွင် လူမှုကွန်ရက်၌ အကူအညီတောင်းခံခဲ့ပြီး ဇူလိုင် ၈ ရက်တွင် ပဲခူးမြို့ နန်းတော်ရာရပ်ကွက်တွင် ပြန်လည်တွေ့ရှိခဲ့ခြင်းဖြစ်ကြောင်း သိရသည်။

“န၀မတန်းကျောင်းသူ ကလေးနှစ်ဦး ဘယ်လိုပျောက်ဆုံးကြောင်းကို ပဲခူး နန်းတော်ရာ ရပ်ကွက် ရပ်ကွက်ရုံးမှာ အကြောင်းစုံ စစ်ဆေးနေတုန်းပါ။ အသေးစိတ်ကို ပြန်လည် ထုတ်ပြန်ပေးပါမယ်”ဟု လူကုန်ကူးမှု တား ဆီးနှိမ်နင်းရေး ရဲတပ်ဖွဲ့မှ ရဲအရာရှိတစ်ဦးက ပြောကြားသည်။

ပဲခူးမြို့ ပြည်တွင်းပြည်ပ စက်မှုဇုန်ရှိ Bellmart Myanmar အထည်ချုပ်စက်ရုံ အလုပ်သမား ၄၀၀ ခန့် ဆန္ဒထုတ်ဖော်

ပဲခူးမြို့ ပြည်တွင်းပြည် ပစက်မှုဇုန် အတွင်းရှိ Bellmart Myanmar အထည်ချုပ်စက်ရုံတွင် အလုပ်သမားများ လုပ်ငန်းခွင် မ၀င်ဘဲ စက်ရုံဝင်းအတွင်း ဆန္ဒပြနေစဉ်

ပဲခူးမြို့ ပြည်တွင်းပြည်ပစက်မှုဇုန်ရှိ Bellmart Myanmar အထည်ချုပ်စက်ရုံ၌ ဇွန် ၁၂ ရက်တွင် အလုပ်သမား ၄၀၀ ခန့်က တောင်းဆိုချက် ၁၀ ချက် မရရှိသောကြောင့် လုပ်ငန်းခွင် မ၀င်ဘဲ စက်ရုံဝင်းအတွင်း ထိုင်သပိတ် ပြုလုပ်၍ ဆန္ဒထုတ်ဖော်ခဲ့ကြောင်း သိရသည်။

ဖြစ်စဉ်မှာ ပဲခူးမြို့ ပြည်တွင်းပြည်ပ စက်မှုဇုန်အတွင်းရှိ Bellmart Myanmar အထည်ချုပ်စက်ရုံတွင် အလုပ်သမား ၄၃၀ ခန့်ရှိ၍ အလုပ်သမား အခွင့်အရေးများ ဆုံးရှုံးနေသည်ဟုဆိုကာ အလုပ်သမား ၄၀၀ ခန့် ထိုင်သပိတ်ဖြင့် ဇွန် ၁၁ ရက် နံနက်မှစ၍ ဆန္ဒထုတ်ဖော်ခဲ့ကြကြောင်း သိရသည်။

အလုပ်သမားများက (၁) အလုပ်သမားများအား လုပ်သက်ကြေးအဖြစ် တစ်နှစ်လျှင် ကျပ်တစ်သောင်း လစာထုတ်တိုင်း စလစ်ထဲ ထည့်ပေးရန်၊ (၂)အလုပ်သမားများကို အချိန်ပိုခွဲခြား၍ မခိုင်းစေရန်၊ (၃) မြန်မာနိုင်ငံ၏ အလုပ်သမားဥပဒေကို လေးစားလိုက်နာရန်၊ (၄) အလုပ်ရှင်နှင့် အလုပ်သမားများ နှစ်ဦး သဘောတူ ချုပ်ဆိုထားသော အလုပ်ခန့်ထားမှုဆိုင်ရာ သဘောတူညီချက် စာချုပ်ကို အလုပ်ရှင်ဘက်မှ လေးစားလိုက်နာရန်၊ (၅) အခြေခံ လုပ်ခလစာ ကျပ် ၄၈၀၀ သတ်မှတ်ပြီးနောက် ယခင်က ရရှိသော အလုပ်ခန့်ထားမှုဆိုင်ရာ ကျွမ်းကျင်ကြေး ဖြတ်တောက်ထားခြင်းကို ပြန်ပေးရန်၊ (၆) အလုပ်သမား အဖွဲ့အစည်းအား အသိအမှတ်ပြုရန်၊ (၇) လုပ်ငန်းခွင် တည်ငြိမ်မှု၊ အေးချမ်းမှု၊ ကုန်ထုတ်လုပ်မှုကို ထိခိုက်စေသော နေရာရွှေ့ပြောင်းခြင်းအား အလုပ်သမားများကို မပြုလုပ်ရန်၊ (၈) လုံလောက်သော ဆေးဝါးများ လုပ်ငန်းခွင်အတွင်း ထားရှိပေးရန်၊ (၉) Gatepass ဖြင့် ထွက်သော အလုပ်သမားများကို ရက်မှန်ကြေး မဖြတ်တောက်ရန်၊ (၁၀) လုပ်သက်ခွင့် တစ်နှစ်ပြည့်ပြီး ခွင့် ၁၀ ရက် မယူလျှင် ထိုခွင့် ၁၀ ရက်အား တစ်နှစ်ပြည့်သည့်နေ့၌ လုပ်သက်ခွင့်လစာ ချက်ချင်းရှင်းပေးရန် စသည့် ၁၀ ချက်ကို တောင်းဆိုခဲ့သည်။

ထို့နောက် အလုပ်သမားများဘက်မှ ကိုယ်စားလှယ်တစ်ဦး၊ အလုပ်ရှင်ဘက်မှ ကိုယ်စားလှယ်တစ်ဦး၊ ပဲခူးတိုင်းဒေသကြီး အလုပ်သမားရေးရာရုံးမှ တာဝန်ရှိသူများ၊ ပဲခူးမြို့နယ် အထွေထွေအုပ်ချုပ်ရေး အဖွဲ့များနှင့် ဇွန် ၁၁ ရက် မွန်းလွဲ ၁ နာရီမှ ည ၁၀ နာရီအထိ ညှိနှိုင်းဆွေးနွေး ကြသော်လည်း အလုပ်ရှင်ဘက်မှ အချက်ရှစ်ချက်သာ လိုက်လျောပြီး အမှတ်စဉ် (၁)၊ (၂) အချက်ကို လိုက်လျောမှု မရှိသောကြောင့် ယခုကဲ့သို့ ဆက်လက် ဆန္ဒထုတ်ဖော်ရခြင်း ဖြစ်ကြောင်း သိရသည်။

“ကျွန်တော်တို့ အခုတောင်းဆိုနေတာ လုပ်ခလစာအတွက် မဟုတ်ဘူး။ အလုပ်သမား အခွင့်အရေးအတွက် တောင်းဆိုနေတာ။ အခု လုပ်ခလစာ ၄၈၀၀ ကျပ်တော့ပေးပြီး အရင်တုန်းကပေးတဲ့ အခွင့်အရေးတွေကို ပြန်ရုပ်သိမ်းနေတယ်။ ကျွန်တော်တို့ တောင်းဆိုတဲ့ အထဲမှာ တောင်းဆိုမှု အသစ်က နံပါတ် (၁) အချက်ပဲ ရှိတယ်။ ကျန်တာတွေက အရင်က ရနေကျ ပုံမှန်အခွင့်အရေးတွေပါ။ ဒီနှစ်ချက်ကိုတော့ အလုပ်ရှင်ဘက်က မလိုက်လျောဘူး။ ကျွန်တော်တို့ကလည်း ဒီတောင်းဆိုချက် ၁၀ ချက်ရမှ အလုပ်ပုံမှန်ဆင်းမယ်။ မရမချင်း အေးချမ်းစွာနေ့တိုင်း ထိုင်သပိတ် ပြုလုပ်နေမှာပဲ” ဟု ဦးဆောင်သူ အလုပ်သမား ကိုအေးမင်းသန့်က ပြောကြားသည်။

ထို့ပြင် ပဲခူးမြို့ ပြည်တွင်းပြည်ပ စက်မှုဇုန်အတွင်း မေလအတွင်းကလည်း ဖိနပ်စက်ရုံနှစ်ခုတွင် အလုပ်သမားများ ဆန္ဒထုတ်ဖော်ခဲ့ကြပြီး Bellmart Myanmar အထည်ချုပ်စက်ရုံရှိ အလုပ်သမားများ ဆန္ဒထုတ်ဖော်ခြင်းမှာ စက်ရုံသုံးခုမြောက် ဖြစ်ကြောင်း သိရသည်။

 

ပဲခူးမြို့တွင် လူနှစ်ဦးက သံဃာတစ်ပါးထံမှ ငွေကျပ်ရှစ်သောင်း လုယူပြီး သံဃာတော်အား သတ်သွား

ပဲခူးမြို့ ရပ်ကွက်ကြီး (၈) မြေတိုင်း (၂၈/B) ရွှေမြင့်မိုရ်ဦးကျောင်းတွင် မေ ၁၂ ရက် ည ၁၁ နာရီခန့်က သံဃာတော်တစ်ပါးထံက ငွေကျပ်ရှစ်သောင်းခန့်ကို လူနှစ်ဦးကလု၍ သံဃာတော်အားသတ်မှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ပဲခူးမြို့ ဥသာမြို့သစ်ရပ်ကွက်ကြီး (၈) ရွှေမြင့်မိုရ်ဦး ဘုန်းကြီးကျောင်းတွင် မေ ၁၂ ရက် ည ၁၁ နာရီခန့်က သီတင်းသုံးနေသော သံဃာတော်အရှင် ဦးဝိမလ လူအမည် ဦးမိုးကျော်ဆိုသူအား ငထိုက် (ခ) ၀င်းထိုက်နှင့် ပဲပြား (ခ) ၀င်းကျော်သူ (၁၆ နှစ်) (အဘနေရပ်စုံစမ်းဆဲ) ပဲခူးမြို့နေသူတို့ ရောက်လာပြီး “ဘုန်းကြီးအထိုးမခံချင်ရင် ပိုက်ဆံပေး” ဟု ခြိမ်းခြောက်ပြောဆိုခဲ့ပြီး ငွေစက္ကူရောရာ ကျပ်ရှစ်သောင်းအားလုယူ၍ သတ်ပြီး ထွက်ပြေးသွားကြောင်း အတူနေ ဦးဝိစက္ကဏက အမှတ် (၃) ရဲစခန်းသို့ သွားရောက်တိုင်ကြားခဲ့သည်။

သတင်းပေးတိုင်တန်းချက်အရ ပဲခူးမြို့ ဒုမြို့နယ်ရဲမှူး ခိုင်သန်းနှင့်အဖွဲ့ သွားရောက်စစ်ရာ သံဃာတော်ဦးဝိမလမှာ တစောင်းအနေအထားဖြင့် ၀ဲမျက်ခုံးဖူးရောင်ပေါက်ပြဲ၊ နှာခေါင်းဖူးရောင်၊ ယာခြေသလုံး ပေါက်ပြဲဒဏ်ရာများဖြင့် သေဆုံးနေကြောင်း တွေ့ရှိခဲ့သည်။

ပဲခူးမြို့တွင် နိုင်ငံတော်သမ္မတ ဦးဝင်းမြင့်၏ မြန်မာနှစ်သစ်ကူးမိန့်ခွန်းကို ကြိုဆိုထောက်ခံသည့် ဆိုင်းဘုတ်တင်အခမ်းအနား ပြုလုပ်

ပဲခူးမြို့ ဗိုလ်ချုပ်ကြေးရုပ်ရှေ့တွင် နိုင်ငံတော်သမ္မတကြီး ဦးဝင်းမြင့်၏ မြန်မာနှစ်သစ်ကူး မိန့်ခွန်းအား ကြိုဆိုထောက်ခံသော ဆိုင်းဘုတ်တင် အခမ်းအနားကို ဧပြီ ၂၂ ရက် နံနက် ၇ နာရီခွဲ၌ စတင်ကျင်းပခဲ့ကြောင်း သိရသည်။

အခမ်းအနားသို့ ပဲခူးတိုင်းဒေသကြီး ၀န်ကြီးချုပ် ဦးဝင်းသိန်း၊ ပဲခူးတိုင်း အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဦးသိန်းဒန်၊ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် ဗဟိုအမျိုးသမီးကော်မတီဥက္ကဋ္ဌ ဒေါက်တာဒေါ်မေ၀င်းမြင့်၊ အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးအောင်စိုးတို့ တက်ရောက် ဖဲကြိုးဖြတ်ဖွင့်လှစ်ခဲ့ပြီး NLD ပါတီအဖွဲ့ဝင်များ၊ လွှတ်တော်ကိုယ်စားလှယ်များအပါအ၀င် အင်အား ၂၀၀ ကျော် တက်ရောက်ခဲ့ကြောင်း သိရသည်။

“အစ်မတို့ ဒီနေ့လုပ်တာကတော့ သမ္မတကြီးရဲ့ နှစ်သစ်ကူးမိန့်ခွန်းကို ကြိုဆိုထောက်ခံပွဲပေါ့။ သမ္မတကြီး ဦးဝင်းမြင့်ဟာ ပြည်သူ့လွှတ်တော်ဥက္ကဋ္ဌ လုပ်တဲ့အချိန်ကတည်းက ပြည်သူကိုမျက်နှာမူပြီး လုပ်ခဲ့တာပါ။ သူ့လက်ထက်မှာ တရားဥဒေစိုးမိုးရေးတို့၊ အဂတိတိုက်ဖျက်ရေးတို့ကို ပိုမိုလုပ်ဆောင်ပြီး ပြည်သူ့မျက်နှာကိုပဲကြည့်ပြီး လုပ်ဆောင်မယ်လို့ အစ်မနဲ့အတူ ပြည်သူတွေကလည်း ယုံကြည်ကြပါတယ်။ သမ္မတကြီးဖြစ်လာတော့ တရားဥပဒေစိုးမိုးရေးအတွက် သူ့လက်အောက်က ကိုင်တွယ်လို့ရတဲ့ဌာနတွေကို ကိုင်တွယ်လုပ်ဆောင်သွားမယ်လို့လည်း သိထားပါတယ်” ဟု ပဲခူး တိုင်းဒေသကြီး တိုင်းရင်းသားရေးရာဝန်ကြီး ဒေါ်နော်ဖွယ်ဆေးက ပြောကြားသည်။

ထို့နောက် သမ္မတကြီး၏ ကြိုဆိုထောက်ခံပွဲ အခမ်းအနားကို တစ်နာရီခန့်ကျင်းပပြီး နံနက် ၈ နာရီခွဲတွင် အခမ်းအနားပြီးဆုံးခဲ့ကြောင်း သိရသည်။

ပဲခူးမြို့တွင် တစ်နေ့တည်း လူသတ်မှုနှစ်ကြိမ် ဖြစ်ပွား

ပဲခူးမြို့အတွင်း ဧပြီ ၆ ရက်က ပဲခူးမြို့ အမှတ်(၂) ရဲစန်းအပိုင် နယ်မြေအတွင်း လူသတ်မှုတစ်ကြိမ်နှင့် ပဲခူးမြို့အမှတ် (၃) ရဲ စခန်းအပိုင် နယ်မြေတို့တွင် လူသတ်မှုတစ်ကြိမ် ဖြစ်ခဲ့၍ ပဲခူးမြို့တွင် တစ်ရက်အတွင်း လူသတ်မှုနှစ်ကြိမ် ဖြစ်ပေါ်ခဲ့ကြောင်း သိရသည်။

ဖြစ်စဉ်မှာ ဧပြီ ၆ ရက် နံနက် ၆ နာရီခန့် က မဇင်းရပ်ကွက် ရွှေဂူလေးဘုရားလမ်း အိမ်အမှတ် (၆၅၀) ရှိ ဒေါ်ခင်ဖြူဖြူရှိန် နေထိုင်သော မီးသွေးဒိုင်သို့ ယာဉ်မောင်းလင်းထက် ဆိုသူမှာ မီးသွေးများ တင်ဆောင်လာသောကားဖြင့် ရောက်ရှိလာစဉ် ခေါ်ခင်ဖြူဖြူရှိန်အား ဖုန်းဆက်ခေါ်ရာ ဖုန်းဝင်သော်လည်း ဖုန်းမကိုင်၍ ခြံစည်းရိုးကိုကျော်ပြီး ခြံထဲသို့ ၀င်ရောက်ခဲ့ကြောင်း၊ ခြံထဲသို့ ရောက်ရှိသောအခါ အိမ်တံခါးမကြီးနှင့် ခြေရင်းပြတင်းတံခါးတို့မှာ ပွင့်နေပြီး ခေါင်းရင်းဘက် ဦးခေါင်းပြု၍ ယာဘက်သို့ စောင်းလျက် သွေးအိုင်ထဲတွင် လဲနေသော ဒေါ်ခင်ဖြူဖြူရှိန်ကို တွေ့ရှိခဲ့သည်။

ထို့နောက် မဇင်းရပ်ကွက် ရွှေသာလျောင်းလမ်းတွင် နေထိုင်သော ဒေါ်ခင်ဖြူဖြူရှိန်၏ ခင်ပွန်းဖြစ်သူ ဦးဝင်းအောင်ဆိုသူအား ဖုန်းဆက်အကြောင်းကြားပြီး ဦးဝင်းအောင်က အမှတ် (၂) ရဲစခန်းသို့ ဖုန်းဆက် အကြောင်းကြားခဲ့သည်။

သက်ဆိုင်ရာ ရဲတပ်ဖွဲ့ဝင်များက စစ်ဆေးရာ ဒေါ်ခင်ဖြူဖြူရှိန်၏ လည်ပင်းတွင် ထိုးသွင်းဒဏ်ရာတစ်ချက်၊ ယာနဖူး ဖူးရောင်ဒဏ်ရာ တစ်ချက်ဖြင့် သေဆုံးနေကြောင်း စစ်ဆေးတွေ့ရှိခဲ့သည်။

“သူတို့ လင်မယားက နေ့ခင်းမီးသွေးဒိုင် အိမ်မှာနေပြီး ညဘက်ကျတော့ တစ်အိမ်စီမှာ အိပ်ကြတာ။ အခုသေဆုံးတဲ့သူနဲ့ ကျွန်တော်တို့က သူငယ်ချင်းတွေ ည ၉ နာရီ လောက်က ဂျပန်က သူ့သမီးဆီ ဖုန်းဆက်သေးတယ်။ ည ၉ နာရီနောက်ပိုင်းမှာ ဖြစ်တာလို့ ယူဆရပါတယ်။ ငွေက ၁၇ သိန်းလောက် ပါသွားတယ်။ ဖုန်းတွေဘာတွေ ယူမသွားဘူး။ စခန်းမှူးရော၊ ကျွန်တော်တို့ရော သုံးသပ်ထားတာတော့ အသိထဲက ဖြစ်ဖို့များတယ်။ ၀င်ကတည်းက လွယ်လွယ်ကူကူနဲ့ ဖွင့်ပေးလို့ ၀င်သွားတဲ့ပုံ ရုန်းရင်းဆန်ခတ်မှုတွေ မတွေ့ရဘူး” ဟု မဇင်းရပ်ကွက် အုပ်ချုပ်ရေးမှူးက ပြောကြားသည်။

အဆိုပါအမှုနှင့် ပတ်သက်၍ ခင်ပွန်းဖြစ်သူ ဦးဝင်းအောင်က အမှုဖွင့်၍ ပဲခူးမြို့ အမှတ်(၂) ရဲစခန်းတွင် (ပ) ၃၃၂/၂၀၁၈ ရာဇ သတ်ကြီး ဥပဒေပုဒ်မ ၃၀၂ ဖြင့် အမှုဖွင့်ထားပြီး တရားခံ ဖမ်းဆီးရမိရေးအတွက် ဆက်လက်ဆောင်ရွက်နေကြောင်း သိရသည်။

ထို့ပြင် ဧပြီ ၆ ရက်နံနက်ပိုင်းက အမှတ် (၃) စခန်းအပိုင် ဟံသာဝတီ လေယာဉ်ကွင်း အတွင်း၌လည်း လူသတ်ပြီး မီးရှို့ခံရသော အမျိုးသမီး အလောင်းအား တွေ့ရှိခဲ့သည်။

ထိုဖြစ်စဉ်မှာ ဧပြီ ၆ ရက်နံနက် ၆ နာ ရီခန့်က ဥဿာမြို့သစ်ရပ်ကွက်ကြီး (၈) တွင် နေထိုင်သော ၀ါးမရမ်းကျေးရွာ အုပ်ချုပ်ရေးမှူး ဦးချစ်ရွှေ (ခ) ဦးဝက်ကြီးထံသို့ ၀ါးမရမ်းရွာသား စောလွမ်းချိုဆိုသူက ၀ါးမရမ်းကျေးရွာအုပ်စု ဟံသာဝတီ လေယာဉ်ကွင်း စီမံကိန်းနယ်မြေ လေယာဉ်ပြေးလမ်း ဖောက်လုပ်ရန် သတ်မှတ်ထားသည့် မလေးရှားပိတောက်ပင်အနီး လေယာဉ်ပြေးလမ်းပေါ်တွင် အမျိုးသမီးတစ်ဦး သေဆုံးနေကြောင်း ဖုန်းဆက်အကြောင်းကြားခဲ့သည်။

ထို့နောက် ဦးချစ်ရွှေမှာ ရာအိမ်မှူး ဆယ်အိမ်မှူးများနှင့်အတူ သွားရောက်ကြည့်ရှုပြီး အမှတ် (၃) ရဲစခန်းသို့ ဖုန်းဆက်အကြောင်းကြားခဲ့ရာ ပဲခူးမြို့အမှတ် (၃) စခန်းမှ ခေတ္တစခန်းမှူး ရဲအုပ်နိုင်မြင့်နှင့်အဖွဲ့ သွားရောက်စစ်ဆေးရာ အမည်မသိ အမျိုးသမီးတွင် ၀ဲဘက်နို့အုံအောက် ထိုးသွင်းဒဏ်ရာ လေးချက်၊ ယာဘက် နို့အုံအောက် ထိုးသွင်းဒဏ်ရာ နှစ်ချက်၊ ကျောလယ်ထိုးသွင်းဒဏ်ရာ တစ်ချက်၊ ယာပေါင်ထိုးသွင်းဒဏ်ရာ တစ်ချက်၊ ၀ဲပေါင်ထိုးသွင်းဒဏ်ရာ တစ်ချက်၊ လည်ပင်း မီးလောင်ဒဏ်ရာများဖြင့် သေဆုံးနေကြောင်း စစ်ဆေးတွေ့ရှိရသည်ဟု သိရသည်။

“ကျွန်တော်တို့ ပဲခူးဘုရားပွဲမှာလည်း လုံခြုံရေးအင်အားတွေ သုံးထားတော့ လုံခြုံရေးအင်အား အခက်အခဲတွေလည်း ရှိနေပါတယ်။ လေယာဉ်ကွင်းက အမျိုးသမီးကတော့ သတ်ပြီးမှ မျက်နှာမမှတ်မိအောင် မီးတင်ရှို့ထားတဲ့ သဘောရှိတယ်။ ဒါကို မျက်နှာပေါ်က ပြာတွေဖယ်ပြီး သေဆုံးသူကို နီးစပ်ရာ သိရှိအောင် မျက်နှာကို ဓာတ်ပုံရိုက်ပြီး အွန်လိုင်းပေါ် တင်ပေးထားတယ်။ သေဆုံးသူလည်း ဘယ်သူဆိုတာ မသိရသေးဘူး။ တရားခံလည်း မမိသေးဘူး” ဟု တာဝန်ရှိ ရဲမှူးတစ်ဦးက ပြောကြားသည်။

အဆိုပါ လူသတ်မီးရှို့မှုနှင့် ပတ်သက်၍ အမှတ် (၃) ရဲစခန်းတွင် ( ပ) ၃၆၀/၂၀၁၈ ရာဇသတ်ကြီး ဥပဒေပုဒ်မ ၃၀၂ အရ အမှုဖွင့် အရေးယူ ဆောင်ရွက်နေကြောင်း သိရသည်။

ပဲခူးမြို့ရှိ ဘုရင့်နောင်မင်းတရားကြီး၏ ဟံသာဝတီမြို့ရိုးနှင့် ကျုံးတို့အား ပြန်လည်တူးဖော်မည်

ပဲခူးမြို့ရှိ ဘုရင့်နောင်ဧကရာဇ်မင်းတရားကြီး၏ ဟံသာဝတီမြို့ဟောင်းရှိ ကျုံးနှင့် မြို့ရိုးတို့အား ပြန်လည်တူးဖော်မည်ဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာန ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ပဲခူးဌာနခွဲ) ၏တာဝန်ခံ ညွှန်ကြားရေးမှူး ဦးညိုမြင့်ထွန်းက ပြောကြားသည်။

“တူးဖော်ဖို့ စတင်မှာက ၂၀၁၈-၁၉ ဘဏ္ဍာရေးနှစ်မှာ စလုပ်မယ်။ စမလုပ်ခင်မှာလည်း ထိရောက်တဲ့ အောင်မြင်မှုတွေရရှိအောင် ကွင်းဆင်းဆောင်ရွက်တာတွေ လုပ်နေပါတယ်။ ဒီကိစ္စမှာ ပဲခူးတိုင်းဒေသကြီးဝန်ကြီးချုပ် ကိုယ်တိုင်ကလည်း ဒုတိယမြန်မာ နိုင်ငံတော်ထီးစိုက်နန်းစိုက်ခဲ့တဲ့ ဘုရင့်နောင်မင်းတရားကြီးရဲ့ ဟံသာဝတီမြို့ဟောင်းကို ရှေးဟောင်းအမွေအနှစ်အဖြစ် ထိန်းသိမ်းသင့်တယ်လို့ ပြောပါတယ်။ အရင်တုန်းက ရေကြီးရေလျှံစနစ်တွေကို ဘယ်လိုကာကွယ် လုပ်ဆောင်ခဲ့လဲ။ ဒါကို တူးဖော်ခြင်းဖြင့်လည်း ပဲခူးမြို့ရဲ့ ရေကြီးရေလျှံမှုတွေကို ကာကွယ်နိုင်မယ်လို့ထင်ပါတယ်” ဟု ဦးညိုမြင့်ထွန်းက ပြောကြားသည်။

ပြန်လည်တူးဖော်ရန် ဆောင်ရွက်နေသော ဟံသာဝတီမြို့ဟောင်း၏ ကျုံးနှင့် မြို့ရိုးများပေါ်တွင်နေအိမ်များ၊ ဌာနဆိုင်ရာအဆောက်အဦးများ၊ ဘာသာရေးဆိုင်ရာ အဆောက်အဦးများရှိနေသဖြင့် ပြန်လည်တူးဖော်ရာတွင် အခက်အခဲများရှိနေကြောင်း သိရသည်။

ပဲခူးမြို့ရှိ ဟံသာဝတီမင်း နေပြည်တော်ကြီးကို ဘုရင့်နောင်မင်းတရားကြီးသည် အေဒီ ၁၅၅၃ ခုနှစ်တွင် စတင်တည်ထောင်ခဲ့ပြီး အေဒီ ၁၅၆၆ ခုတွင် တည်ဆောက်ပြီးစီးခဲ့ကြောင်း သိရသည်။

ဟံသာဝတီမြို့တော်ကြီးကို လေးထောင့်ပုံသဏ္ဌာန်တည်ဆောက်ပြီး မြို့ရိုးတစ်ဖက်လျှင် အရှည် ၈၅၀ တာ (တစ်တာ=ခုနစ်တောင်) (တစ်တောင်=တစ်ပေခွဲ)ဖြင့် ကာရံတည်ဆောက်ခဲ့ကြောင်း သာသနာရေးနှင့် ယဉ်ကျေးမှုဝန်ကြီးဌာနမှ သိရသည်။

ဟံသာဝတီမြို့ရိုး တစ်ဖက်လျှင် ဂိတ်ပေါက် ငါးခုထားရှိ၍ မြို့ရိုးလေးဘက်တွင် ဂိတ်ပေါက်၂၀ ရှိပြီး ဂိတ်ပေါက်များ၏အမည်များကိုလည်း မြို့စားများ၏ ဒေသအမည်များ အတိုင်းသတ်မှတ်ပေးပြီး တည်ဆောက်ခဲ့ကြောင်း သိရသည်။

ပဲခူးမြို့ ကမ္ဘောဇသာဒီ နန်းတော်အတွင်း ထိုင်းဘုရင့်သမီးတော် ဆုပန်ကလျာ မင်းသမီး၏ ရုပ်တုအား ပြန်လည်ထားရှိပြီးနောက် ထိုင်းလူမျိုးများ လာရောက်လေ့လာမှု များပြား

ပဲခူးမြို့ကမ္ဘောဇသာဒီ နန်းတော်ကြီး အတွင်းရှိ ထိုင်းဘုရင့်သမီးတော် ဆုပန်ကလျာရုပ်တုအား တွေ့ရစဉ်

ပဲခူးမြို့ကမ္ဘောဇသာဒီ နန်းတော်ကြီးအတွင်း ထိုင်းဘုရင့်သမီးတော် ဆုပန်ကလျာ ရုပ်တုမှာ ယခင်အစိုးရများ လက်ထက်ကပင် ရှိခဲ့သော်လည်း ထုတ်ဖော်ပြသခြင်း မရှိပဲ ယခုအစိုးရလထက်၂၀၁၇ ဒီဇင်ဘာ ၁၁ ရက်မှ စ၍ ခရီးသွားလုပ်ငန်း ဖွံ့ဖြိုးတိုးတက်ရေးအတွက် နန်းတော်ဝင်းအတွင်း ပြန်လည်ထားရှိခြင်းဖြစ်ကြောင်း သိရသည်။

“ဒီရုပ်တုရှိတာကတော့ အရင်တည်းက ရှိတာပဲ။ အခုမှ ပြန်ထားတာကတော့ ခရီးသွားလုပ်ငန်း ဖွံ့ဖြိုးတိုးတက်စေဖို့ပါ။ သူ့ရဲ့သမိုင်းကြောင်းကတော့ ဒုတိယမြန်မာနိုင်ငံကို ပြန်လည်တည်ထောင်ခဲ့တဲ့ ဘုရင့်နောင် မင်းတရားကြီး ယိုးဒယားနိုင်ငံကို ချီတက်တိုက်ခိုက်ပြီးနောက် ယိုးဒယားဘုရင်ကိုပဲ ဘုရင်ခံအဖြစ်ထားရှိပြီး အုပ်ချုပ်စေခဲ့ပါတယ်။ ယိုးဒယားဘုရင်ကလည်း နှစ်နိုင်ငံ ချစ်ကြည်ရင်းနှီးမူရအောင် သမီးတော် ဆုပန်ကလျာကို ဘုရင့်နောင်မင်းတရားကြီးထံ ဆက်သလိုက်တယ်။ ဆုပန်ကလျာ မင်းသမီးလည်း ဒီမှာပဲ ကွယ်လွန်ခဲ့တယ်။ အဓိက အများဆုံးကတော့ ထိုင်းနိုင်ငံသားတွေ လာပြီးလေ့လာ တာများပါတယ်” ဟု ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ပဲခူးဌာနခွဲ) မှ ညွှန်ကြားရေးမှူး ဦးညိုမြင့်ထွန်းက ပြောကြားသည်။

ဒုတိယမြန်မာနိုင်ငံတော်ကြီးကို ပြန်လည်တည်ထောင်ခဲ့သော ဘုရင့်နောင်မင်းတရားကြီး၏ နန်းတော်ကြီးကို မြန်မာမှသာမက ကမ္ဘာကပါ စိတ်ဝင်စားသောကြောင့် နှစ်စဉ်နိုင်ငံခြား ခရီးသွားများ လာရောက်လေ့လာကြပြီး တစ်ပတ်လျှင် နိုင်ငံခြားခရီးသွား ပျမ်းမျှ ၇၀၀ ခန့် လာရောက်လေ့ရှိကြောင်း သိရသည်။

ဘုရင့်နောင် မင်းတရားကြီး၏ ကမ္ဘောဇသာဒီနန်းတော်ကြီးကို လေးထောင့်ပုံသဏ္ဌာန်မြို့ရိုး ကာရံပြီး အေဒီ ၁၅၅၃ ခုနှစ်တွင် စတင်တည်ဆောက်ခဲ့ပြီး ဘုရင့်နောင် မင်းတရားကြီး၏ သားတော်နန္ဒဘုရင်လက်ထက် အေဒီ ၁၅၉၉ ခုနှစ်တွင် ရခိုင်ဘုရင်က မီးရှို့ဖျက်ဆီးခဲ့သောကြောင့် ပြာပုံဘ၀ဖြင့် နှစ်ပေါင်း ၄၀၀ ကျော်ခန့် မြေလွှာဖုံး၍ နစ်မြုပ်ပျောက်ကွယ်ခဲ့ကြောင်း သိရသည်။

ယခုတွေ့မြင်ရသော နန်းတော်ကြီးကို ရှေးဟောင်းသုတေသန ဦးစီးဌာနမှ ၁၉၉၀ ပြည့်နှစ်တွင် ပြန်လည် တူးဖော်ပြီး မြန်မာဗိသုကာပညာရှင် တမ္ပ၀တီဦးဝင်းမောင်က ဦးစီး၍ ဆောက်လုပ်ခဲ့ကြောင်း သိရသည်။ ကမ္ဘောဇသာဒီ နန်းတော်ကြီး၏ ပြတိုက်သို့ ၁၉၉၆ ခုနှစ် အောက်တိုဘာ၂၀ ရက်မှ စ၍ပြည်ပဧည့်သည်များအား ၀င်ကြေးကောက်ခံပြခဲ့သည်။

ထို့ပြင် ၁၉၉၇ မေ ၁၀ ရက်မှ စ၍ပြည်တွင်း ဧည့်သည်များကိုလည်း ၀င်ကြေးကောက်ခံ၍ ဖွင့်လှစ်ခဲ့ပြီး နိုင်ငံသား တစ်ဦးအတွက်က မေဧာဇနန်းတော်ကြီး အတွင်းသို့ ၀င်ကြေးမှာ ကျပ်၂၀၀ ဖြစ်ကြောင်း သိရသည်။

 

ပဲခူးတိုင်းဒေသကြီး အရှေ့ခြမ်းမြို့နယ်များတွင် အချိန်အခါမဟုတ် မိုးရွာသွန်းခဲ့ပြီး ဆောင်းသီးနှံ ပဲစိုက်ခင်းများ ပျက်စီးဆုံးရှုံးမှုရှိနိုင်ဟု ဆို

ပဲခူးတိုင်းအရှေ့ခြမ်းတွင် အချိန်အခါမဟုတ် မိုးရွာသွန်းပြီး မိုးမိသွားသော ပဲစိုက်ခင်းများကို ဇန်န၀ါရီ ၁ ရက် ညနေပိုင်းက တွေ့ရစဉ်

ပဲခူးတိုင်းဒေသကြီး အရှေ့ခြမ်းရှိ မြို့နယ်အချို့တွင် အချိန်အခါမဟုတ် မိုးရွာသွန်းမှုများဖြစ်ပွားခဲ့ပြီး စိုက်ပျိုးအောင်မြင်ပြီးသော ဆောင်းသီးနှံ ပဲစိုက်ခင်းများမှာ ထိခိုက်ပျက်စီး၍ အထွက်နှုန်းနှင့် ဈေးနှုန်းကျဆင်းမှု အခြေအနေများ ကြုံတွေ့နိုင်ကြောင်း ပဲစိုက်တောင်သူများထံမှ သိရသည်။

“မိုးက ညခင်းတုန်းက ရွာတယ်လေ။ ၂ နာရီထိုးလောက် ရွာလိုက်တော့ အပင်တွေလဲ ကုန်တာ။ ဒီနေ့တော့ နေသာတယ်၊ အပင်တွေလဲသွားပြီး ထပ်ကျသွားတယ်။ ဒီညဆက်ပြီး ရွာမယ်ဆိုလို့ရှိရင် အဲဒီပဲတွေက မှိုလည်းတက် လာမယ်၊ အစိတွေလည်း ကွဲကုန်တာပေါ့။ ကွဲကုန်ပြီးတော့ ခြွေလိုက်မယ်ဆိုလို့ရှိရင် ရောင်းဈေးမှာ ကောင်းကောင်းမရနိုင်တော့ဘူး” ဟု ညောင်လေးပင်မြို့နယ်မှ ပဲစိုက်တောင်သူ ဦးမင်းနိုင်က ဆိုသည်။

“အခုမိုးရွာပြီး စိုသွားလို့။ တအားစိုသွားရင် ပဲကပွသွားတယ်၊ ပွသွားပြီးတော့ မှိုတက်တယ်၊ မှိုပြီးလို့ရှိရင် သူက အ၀ါရောင်လိုက်တယ်၊ အ၀ါရောင်လိုက်တာထက် ပိုသွားရင် နယ်လိုက်လို့ရှိရင် ထက်ခြမ်းကွဲသွားတယ်၊ တချို့လည်း မှိုတွေဖြစ်သွားတာပေါ့။ အဲဒီလိုဆိုတော့ ရောင်းဈေး မကောင်းတော့ဘူးပေါ့” ဟု ပဲခူးတိုင်းဒေသကြီး အရှေ့ခြမ်းရေဖြူကန်ကျေးရွာမှ ပဲစိုက်တောင်သူ ဦးတင်ငွေက ဆိုသည်။

ဒီဇင်ဘာ ၃၁ ရက် ညပိုင်းကလည်း ပဲခူးတိုင်းဒေသကြီး ညောင်လေးပင်မြို့နယ် ရွှေကျင်မြို့နယ်နှင့် ကျောက်တံခါးမြို့နယ်တို့တွင် မိုးရွာသွန်းခဲ့ပြီး ၂၀၁၈ ခုနှစ် ဇန်န၀ါရီ ၁ ရက် နံနက် ၃ နာရီခန့်တွင် တောင်ငူခရိုင်အတွင်းရှိ မြို့နယ်များတွင်လည်း မိုးများရွာသွန်းခဲ့ရာ မိုးရေချိန်လက်မ၀က်ကျော် (၀ ဒသမ ၅၁)လက်မ ရွာသွန်းခဲ့ကြောင်း တောင်ငူမြို့ မိုးဇလရုံး မှတ်တမ်းများအရ သိရသည်။

ယခုဆောင်းရာသီ ကာလအတွင်း၌ အချိန်အခါမဟုတ် မိုးရွာသွန်းမှု ဖြစ်စဉ်များနှင့် ပတ်သက်ပြီး တောင်ငူမြို့နယ် မိုးဇလဦးစီးဌာန ဦးစီးမှူး ဦးမျိုးမြင့်အောင်က “အလယ်ပိုင်းမှာကတော့ တို့ဆီမှာ မရွာခင်ကတည်းက ရွာနေတာ၊ ပုဂံတို့၊ ညောင်ဦးတို့၊ ပခုက္ကူတို့။ ဒီလိုဖြစ်စဉ်တွေက အခုဆောင်းတွင်း တစ်ခုလုံးရော နွေရာသီရောက်တဲ့အထိ ရှိနေမှာ ဒီနှစ်က။ သဘောက ဘယ်လမှ မိုးမရွာတဲ့လရယ်လို့ ဒီနှစ် ဇန်န၀ါရီ၊ ဖေဖော်ဝါရီ၊ မတ်၊ ဧပြီမှာ ရှိမှာမဟုတ်ဘူး။ ပစိဖိတ်ဘက်က ဖြတ်တက်လာတဲ့ အရှေ့ဘက်ကလာတဲ့ လေပွေလှိုင်းဆိုတာ၊ အဲဒီလေပွေလှိုင်းဖြစ်စဉ်တွေက လာနီညာ ဖြစ်တာနဲ့အတူ သာမန်နှစ်ထက် စာရင်စိပ်တယ်။ ခါတိုင်းနှစ်က ဒီဆောင်းတွင်းနဲ့ နွေဘက်မှာ တစ်ကြိမ်၊ နှစ်ကြိမ်လောက်ပဲ ၀င်မယ့်အနေအထားရှိရင် အခုဆို သုံးလေးငါးကြိမ်ဝင်မယ်၊ ဘင်္ဂလားပင်လယ်အော်မှာကလည်း လေဖိအားနည်း ရပ်ဝန်းတွေက ရှိ နေမယ်။ ရှိနေမယ်ဆိုတော့ မိုးပေးတဲ့ဖြစ်စဉ် ခေါ်တာပေါ့။ မုန်တိုင်းကတော့ တို့ဘက်လာတဲ့ အနေအထားမျိုး မရှိဘူး။ မိုးပေးနိုင်မယ့် ဖြစ်စဉ်က သာမန်နှစ်တွေထက်စာရင် ကြိမ်ရေများမယ်။ အဲဒီတော့ ဒီဆောင်းတွင်းက အေးတစ်လှည့် နွေးတစ်လှည့်နဲ့ သွားမှာပဲ။ ဇန်န၀ါရီမှာလည်း မိုးရွာနိုင်တယ်၊ ဖေဖော်ဝါရီမှာလည်း ရွာနိုင်တယ်၊ မတ်လမှာလည်း ရွာနိုင်တယ်၊ လွတ်လွတ်ကျွတ်ကျွတ်ကြီး လုံးဝမိုးကင်းတဲ့လမျိုး၊ အနေအထားမျိုး မတွေ့ရဘူး” ဟု ဆိုသည်။

ပဲခူးတိုင်းဒေသကြီး အတွင်း၌ ယခုနှစ်ဆောင်းရာသီ စိုက်ပျိုးရေးနှင့် ရိတ်သိမ်းချိန် ကာလများအတွင်း၌ အအေးပေါ့၍ မိုးများအုံ့ဆိုင်းနေခြင်း၊ အချိန်အခါမဟုတ် မိုးရွာသွန်းခြင်းဖြစ်စဉ်များ မကြာခဏ ဖြစ်ပွားလျက်ရှိပြီး အချိန်အခါမဟုတ် မိုးရွာသွန်းခြင်းများကြောင့် စပါးရိတ်သိမ်းချိန်များတွင် ပျက်စီးမှု ကြုံတွေ့ရခြင်း၊ ဆောင်းသီးနှံ ပဲစိုက်ခင်းများ ပျက်စီးခြင်းတို့ ကြုံတွေ့ကာ အထွက်နှုန်းကျဆင်းမှုများ ကြုံတွေ့ရကြောင်း၊ ထို့ပြင် အမှန်တကယ် စိုက်ပျိုးစရိတ် လိုအပ်သည့် ထွန်ယက်စိုက်ပျိုးရေး လုပ်ကိုင်ချိန်၌ စိုက်ပျိုးရေးဘဏ်များမှ ချေးငွေထုတ်ချေးရာတွင်လည်း အချိန်မီ ထုတ်ချေးပေးနိုင်မှု မရှိခြင်းတို့ကြောင့် လယ်ယာစိုက်ပျိုး ကြသူများအတွက် အခက်အခဲများ ရင်ဆိုင်ခဲ့ရကြောင်း တောင်သူများက ပြောကြားသည်။

 

ဝင်္ဂဘော်ဆင်စခန်းသို့ အမိမဲ့ဆင်မလေးနှစ်ကောင် ထပ်ရောက်လာပြီး ရေရှည်တွင် ဆင်အစာအတွက် အခက်အခဲရှိနိုင်ကြောင်း စခန်းတာဝန်ခံပြောကြား

ဝင်္ဂဘော် ဆင်ထိန်းသိမ်းရေးနှင့် ပြသရေးစခန်းတွင် ထိန်းသိမ်းထားသော ဆင်ငယ်များအား တွေ့ရစဉ် (ဓာတ်ပုံ-မောင်အေး)

ပဲခူးမြို့၏မြောက်ဘက် ၁၄ မိုင်ခန့် အကွာ၊ အမြန်လမ်းမကြီးမိုင်တိုင် ၃၉ ၏အရှေ့ ဘက်အနီးရှိ ၀င်္ဂဘော် ဆင်ထိန်းသိမ်းရေးနှင့် ပြသရေးစခန်းသို့ စက်တင်ဘာလအတွင်း အမိမဲ့ ဆင်မလေးနှစ်ကောင် ထပ်မံရောက်ရှိလာ၍ အမိမဲ့ ဆင်ပေါက်လေး ခုနစ်ကောင်အထိ ရှိလာရာ လသားအရွယ် အမိမဲ့ဆင်ပေါက် ကလေးများကို နို့မှုန့်ဖျော်တိုက်နေရ၍ ရေရှည်တွင် ဆင်အစာအတွက် အခက်အခဲ ရှိလာနိုင်ကြောင်း စခန်းတာဝန်ခံ ဦးမြင့်စိုးက ပြောကြားသည်။

ဝင်္ဂဘော်ဆင်စခန်းကို၂၀၁၆ ခုနှစ် နိုဝင်ဘာ ၃ ရက်တွင် စတင်ဖွင့်လှစ်ခဲ့ပြီး စဖွင့်ချိန်တွင် ဆင်ကြီး ခြောက်ကောင်နှင့် ဆင်ပေါက်လေး နှစ်ကောင်သာရှိခဲ့ပြီး ယခုအခါ ဆင်ကြီးခြောက်ကောင်နှင့် အသေး ၁၁ ကောင် စုစုပေါင်း ၁၇ ကောင်ရှိကာ ချောင်းသာကြိုးဝိုင်း ဖိုးလွန်းချောင်းထဲမှ ရရှိသော ဆင်ပေါက်လေး ဧရာမောင်၊ ထားဝယ်မှ မိခင်ဆင်မကြီး သေဆုံးသွား၍ ဆင်စခန်းသို့ ရောက်ရှိလာသော ဆင်မလေးပန်းနုမေ၊ ဧရာဝတီတိုင်း ကြုံဖူးချောင်းအတွင်းမှ ရရှိသော ဆင်မလေး ဧရာမေ၊ နေပြည်တော်မှ ရောက်လာသော ဆင်မလေးယုယုဌေး၊ ဧရာဝတီတိုင်း ငရုတ်ကောင်းကျေးရွာမှ ရရှိသော ဆင်မလေး မေရီနှင့်  ယခုလအတွင်း ရောက်ရှိလာသော ရှစ်လသားအရွယ် ဧရာဝတီတိုင်း မြစ်တရာကြိုးဝိုင်းမှ တွေ့ရှိခဲ့သော ဧရာမိုး၊ သာပေါင်းမြို့နယ်မှ ရရှိသော တစ်လသားအရွယ် ဧရာမင်းတို့မှာ လသားအရွယ် အမိမဲ့ဆင်လေးများဖြစ်ကြပြီး နို့မှုန့်ကိုသာ အစာအဖြစ် တိုက်ကျွေးနေရ၍ ဆင်အစာအတွက် ရေရှည်တွင် စိုးရိမ်ရကြောင်း သိရသည်။

“ကျွန်တော်တို့ ၀င်္ဂဘော် ဆင်ထိန်းသိမ်းရေးစခန်းကို ရောက်လာတဲ့ ဆင်ပေါက်လေးတွေက အဓိကတော့ သူတို့အမေ ဆင်မကြီးတွေကို ဆင်မုဆိုးတွေ သတ်လိုက်လို့ ရောက်လာတာများတယ်။ နောက်ပြီး လူနေအိမ်တွေက သစ်တောတွေထဲ ကျူးကျော်ဝင်ရောက်လာတော့ စားကျက်မြေရှားပြီး လူနေအိမ်တွေအနား ရောက်လာတဲ့ ဆင်တွေကို မောင်းထုတ်လို့ မိခင်နဲ့ကွဲပြီး ရောက်လာတဲ့ ဆင်လေးတွေလည်းရှိတယ်။ အခုဆို အမိမဲ့ဆင်ပေါက်လေး ခုနစ်ကောင်အထိ ရှိနေပြီ။ လသားအရွယ်တွေဆိုတော့ Dumex နို့မှုန့်ပဲ ဖျော်တိုက်နေရတယ်။ နောက်ထပ်လည်း ရောက်လာဦးမယ် အခုဆင်လေးတွေလည်း ကြီးလာပြီဆို ဆင်လေးတွေ အစာအတွက် အခက်အခဲ ရှိလာနိုင်ပါတယ်။ ဆင်ကြီးခြောက်ကောင်ရှိတယ်။ သူတို့ကတော့ နတ်မျှားပင်လို့ခေါ်တဲ့ တံမြက်စည်းပင်တွေကို ကြိုက်တယ်။ ဆင်လေးတွေအတွက် အဆောင်တွေလည်း ထပ်ဆောက်နေပါတယ်။ ပွင့်လင်းရာသီ အမီတော့ ပြင်ဆင်မှုတွေ လုပ်နေပါတယ်။ ကျွန်တော်တို့ရဲ့ ဆင် စခန်းကိုလည်း လာရောက် လည်ပတ်ကြပါလို့ ဖိတ်ခေါ်ပါတယ်” ဟု ဆင်စခန်းတာဝန်ခံ ဦးမြင့်စိုးက ပြောကြားသည်။

ဝင်္ဂဘော် ဆင်ထိန်းသိမ်းရေးနှင့် ပြသရေး စခန်းသည် တဖြည်းဖြည်း လူသိများလာပြီး စဖွင့်ချိန်တွင် တစ်ပတ်အတွင်း လာရောက်လည်ပတ်သူ ၄၀ မှ ၅၀ အတွင်းရှိရာမှ ယခု နောက်ပိုင်းပွင့်လင်းရာသီ၌ တစ်ပတ်လျှင် ပျမ်းမျှ ၄၀၀ ခန့်ရှိကြောင်း သိရသည်။

H1N1 ရောဂါဖြင့် လူသေဆုံးမှု ဖြစ်ပွားခဲ့သော်လည်း ပေါင်းတည်မြို့၌ မြတ်စွယ်တော် လှည့်လည်ပူဇော်ခံ ပွဲတော် ကျင်းပမည်

 ယခုနှစ် မြတ်စွယ်တော်ပွဲတော်သို့ လာရောက်ကြသည့် ဈေးဆိုင်ခန်းများကို သြဂုတ် ၂၀ ရက်က တွေ့ရစဉ် (ဓာတ်ပုံ-ဝေလင်း)

ရာသီတုပ်ကွေး H1N1 ရောဂါဖြင့် လူသေဆုံးမှု ဖြစ်ပွားခဲ့သည့် ပဲခူးတိုင်းဒေသကြီး အနောက်ပိုင်း ပြည်ခရိုင် ပေါင်းတည်မြို့တွင် မြတ်စွယ်တော် လှည့်လည်ပူဇော်ခံပွဲတော်အား နှစ်စဉ်ကျင်းပသကဲ့သို့ ကျင်းပမည်ဖြစ်ကြောင်း သိရသည်။

ပေါင်းတည် မြတ်စွယ်တော် လှည့်လည်ပူဇော်ပွဲမှာ မြန်မာနိုင်ငံတွင် အထင်ကရပွဲတော် တစ်ခုဖြစ်ပြီး ဆင်များဖြင့် လှည့်လည်သည့် ပွဲတော်ဖြစ်ကာ သြဂုတ် ၁၂ ရက်က ပေါင်းတည်မြို့နယ် ကျွဲတဲကျေးရွာတွင်နေ ထိုင်သူ အသက်(၄၃ )နှစ်အရွယ် အမျိုးသမီးတစ်ဦးမှာ ပြည်မြို့ပြည်သူ့ဆေးရုံကြီးတွင် ဆေးကုသမှုခံယူရင်း သေဆုံးခဲ့ပြီး H1N1 ဖြင့် သေဆုံးသူဖြစ်ကြောင်း ကျန်းမာရေးဌာနက အတည်ပြုထားခြင်းကြောင့် မကြာမီ ပွဲတော်ကျင်းပမည့်အပေါ် ကျန်းမာရေး ကာကွယ်စောင့်ရှောက်မှုများ ပေးနိုင်ရန် စည်းဝေးနေသော်လည်း ဒေသခံအချို့မှာ စိုးရိမ်မှုများ ဖြစ်ပေါ်နေကြောင်း မြို့ခံများက ပြောကြားသည်။

“ဘုရားပွဲကတော့ နှစ်တိုင်းလုပ်နေကျဆိုတော့ ဒေသခံတွေအနေနဲ့ ဖြစ်စေချင်တာပေါ့။ အရေးကြီးတာက H1N1 ဖြစ်နေတဲ့ အခါကျတော့ လုံခြုံရေး စီမံချက်ကတော့ အများကြီးလုပ်ဖို့ လိုအပ်မယ်လေ။ ကျန်းမာရေးဌာန တွေအနေနဲ့ မလုံလောက်ဘူးဆိုရင် အရပ်ဘက် အဖွဲ့အစည်းတွေနဲ့ ဘယ်လိုပူးပေါင်း ဆောင်ရွက်မလဲ။ လုံခြုံရေးစီမံချက်ကို တိတိကျကျလုပ်ဖို့ လိုမယ်လို့မြင်တယ်” ဟု မြို့ခံကိုမိုးလှိုင်က ပြောကြားသည်။

ဘုရားဂေါပကအဖွဲ့များ အနေဖြင့်လည်း ကျန်းမာရေး အဖွဲ့များနှင့် တိုင်ပင်ကာ အသိပညာပေး ဆိုင်းဘုတ်များ ထောင်ခြင်း၊ နှာခေါင်းစည်းများ ဝေငှခြင်း၊ တစ်ရှူးများ ဝေငှခြင်းတို့ ပြုလုပ်ရန်ရှိပြီး အများစိုးရိမ်သလို ဆိုးဆိုးရွားရွားဖြစ်မည် မဟုတ်သလို နှစ်စဉ်နှစ်တိုင်း ကျင်းပမြဲဖြစ်၍ ဆက်လက်ကျင်းပမည် ဖြစ်ကြောင်း ဂေါပကအဖွဲ့မှ သိရသည်။

“နိုင်ငံတော် သတင်းစာတွေမှာပါတဲ့ အတိုင်းပဲလေ။ တစ်နိုင်ငံလုံး မစိုးရိမ်ရတဲ့အပိုင်း။ ကပ်ရောဂါမဟုတ်ဘူး။ များသောအားဖြင့် ကိုယ်ခံအားနည်းတဲ့သူတွေ၊ နဂိုရောဂါအခံရှိတဲ့သူတွေ အဖြစ်များတယ်။ ကျွန်တော်တို့က လည်း ဒါနဲ့ပတ်သက်ပြီး စီစဉ်ပြီးဆောင်ရွက် ထားတဲ့အတွက် စိုးရိမ်စရာမလိုဘူး။ ဒီနှစ် ကတော့ကျင်းပခွင့်က ထစ်ငေါ့ထစ်ငေါ့ ဖြစ်တယ်ဆိုတဲ့အပိုင်းမှာ တရားဝင်စာကို စောင့်ရတယ်။ ဟိုတုန်းကတော့ တရားဝင်စာကို လမ်းကြောင်းက သွားတာကသွားတာပဲ။ လုပ်နေကျလုပ်ငန်းက ပုံမှန်လုပ်နေတာပဲ။ တစ်ခါမှလည်း အထစ်အငေါ့ မရှိခဲ့ဘူး။ တစ်နိုင်ငံလုံးနဲ့ ပတ်သက်တော့ သတိထားလုပ်တဲ့ သဘောပဲ။ အခုခေတ်ကတော့ သဘောကျတဲ့ လူလည်းရှိတယ်။ သဘောမကျတဲ့လူလည်း ရှိတယ်။ ထောက်ခံတဲ့သူလည်းရှိတယ်။ မထောက်ခံတဲ့သူလည်းရှိတယ်။ ကျွန်တော်တို့ကတော့ ထောက်ခံသူများလို့ ကျင်းပတာပါ” ဟု သကျမုနိ မိုဃ်းကောင်းဘုရားကြီး မြတ်စွယ်တော် အခမ်းအနားစီစဉ်မှုအဖွဲ့ ဒုဥက္ကဋ္ဌဦးကျော်ဦးက ပြောကြားသည်။

မြတ်စွယ်တော် လှည့်လည်ပူဇော်ပွဲအား တော်သလင်းလဆန်း ၁၂  ရက်မှ လပြည့်နေ့အထိ (စက်တာဘာ၂ ရက်မှ ၅ ရက်) ကျင်းပလေ့ရှိပြီး မြတ်စွယ်တော် လှည့်လည်ရာတွင် ဆင်များ၊ ဒေ၀ါဝင်းရာဇာဝင်း၊ ဘုရားနိပါတ်တော် ဇာတ်သရုပ်ဖော်ထားသည့် နွားလှည်းယာဉ်များ၊ ယိမ်းကားများဖြင့် စည်ကားစွာ ကျင်းပလေ့ရှိကြောင်း သိရသည်။