မြန်မာနိုင်ငံမှ ပဲမျိုးစုံကို အိန္ဒိယက အထူးသီးသန့်လိုင်စင်ဖြင့် ဆက်ဝယ်နေသည့်အပြင် ဘင်္ဂလားဒေ့ရှ်၊ ပါကစ္စတန်နှင့် နီပေါတို့မှ အ၀ယ်လိုက်သဖြင့် မတ်ပဲတစ်တန်လျှင် ကျပ်ငါးသောင်းနီးပါး ဈေးမြင့်တက်

ပခုက္ကူမြို့နယ်ရှိ ပဲစင်းငုံစိုက်ခင်းကို တွေ့ရစဉ်(ဓာတ်ပုံ-သက်ထိန်ဝင်း)

မြန်မာနိုင်ငံမှ ပဲမျိုးစုံကို အိန္ဒိယနိုင်ငံက အထူးသီးသန့်လိုင်စင်ဖြင့် ဆက်လက် ၀ယ်ယူလျက် ရှိသည့်အပြင် ဘင်္ဂလားဒေ့ရှ်၊ ပါကစ္စတန်နှင့် နီပေါနိုင်ငံတို့မှ အ၀ယ်လိုက်လာနေပြီး ပြည်တွင်းဈေးကွက်၌လည်း မတ်ပဲဈေးမှာ သြဂုတ်လအတွင်း ဖြစ်ပေါ်ခဲ့သည့် ဈေးထက် ကျပ်ငါးသောင်းနီးပါး ဈေးတက်လာကြောင်း မြန်မာနိုင်ငံပဲမျိုးစုံနှင့် နှမ်းကုန်သည်များ အသင်းမှ သိရသည်။

“အဓိကက ဇွန်လပိုင်းမှာ ထွက်လိုက်တဲ့ အမိန့်ကြော်ငြာစာမှာတော့ မတ်ပဲတန်ချိန် တစ်သိန်းခွဲ၊ ပဲတီစိမ်းတန်ချိန် တစ်သိန်းခွဲ၊ ပဲ စင်းငုံက တန်ချိန်နှစ်သိန်းကို သြဂုတ်လကုန်ပိုင်း နောက်ဆုံးထားပြီး ပစ္စည်းပို့ရမယ်ဆိုပြီး စာထွက်တယ်။ မတ်ပဲက ဇွန်လပိုင်းလလယ်ကနေ သြဂုတ်လပိုင်းလောက် အထိမှာ တန်ချိန်တစ်သိန်းခွဲနီးပါး တင်ပြီးသွားပြီ။ တင်ပြီးတဲ့အချိန်မှာ စက်တင်ဘာလပိုင်း လဆန်းမှာ ဘာထပ်ထွက်လာလဲဆိုတော့ သူတို့ခွဲခြမ်း စက်ရုံတွေကို သီးသန့်လိုင်စင်အနေနဲ့ ထုတ်ပေးတဲ့ ၀ယ်ယူခွင့် ထွက်လာတာ တွေ့ရတယ်။ စက်တင်ဘာလပိုင်း ထဲမှာလည်း မတ်ပဲက ဆက်ဝယ်တဲ့အခါ သြဂုတ်လပိုင်းဈေးထက် အခုချိန်မှာ ပိုရတယ်” ဟု မြန်မာနိုင်ငံ ပဲမျိုးစုံနှင့် နှမ်းကုန်သည်များ အသင်းမှ အတွင်းရေးမှူး ဦးမင်းကိုဦးက ပြောကြားသည်။

“လက်ရှိမှာ မတ်ပဲက FAQ တစ်တန် ကိုငါးသိန်းလောက်သွားတယ်။ သြဂုတ်လပိုင်းမှာ လေးသိန်း၊ လေးသိန်းခွဲပ တ်လည်ပဲ ရှိတယ်။ ပဲစင်းငုံလည်း ထို့အတူပါပဲ။ လေးသိန်းရှစ်သောင်း လောက်ရှိတယ်။ သြဂုတ်လပိုင်းတုန်းက လေးသိန်းငါးသောင်း လောက်ပဲရှိတယ်။ ပြောရရင်တော့ အိန္ဒိယဘက်က တန်ချိန်နှစ်သောင်း၊ တန်ချိန်တစ်သောင်းခွဲ စသည့်ဖြင့် သီးသန့်လိုင်စင်လေးတွေ ထွက်လာတဲ့ အခါကျတော့  သူတို့က ဆက်ဝယ်တာလည်းပါတယ်။ ဘင်္ဂလားဒေ့ရှ်၊ ပါကစ္စတန်၊ နီပေါတို့ကလည်း အထိုက်အလျောက် ၀ယ်လာတယ်။ အ၀ယ်များလာတော့ ပြည်တွင်းဈေးလည်း အထိုက်အလျောက် ပြန်တက်လာတယ်” ဟု ၎င်းကဆိုသည်။

၂၀၁၈ ခုနှစ် ဧပြီလဆန်းတွင် အိန္ဒိယနိုင်ငံက ပဲ Quota ပြန်လည်သတ်မှတ်ခြင်း မပြုသည့်အတွက် ဧပြီလတွင် ကျပ် ၄၅၆၀၀၀၊ မေလတွင် ကျပ် ၃၈၂၀၀၀ အထိ ကျဆင်းခဲ့ပြီး မေ ၄ ရက်တွင် အိန္ဒိယနိုင်ငံ၏ ပဲတင်သွင်းခွင့် Quota ကို မတ်ပဲ၊ ပဲတီစိမ်းတန်ချိန်သုံး သိန်းတင်သွင်းရန် ကြေညာလိုက်သည့်အတွက် မတ်ပဲဈေး အနည်းငယ် ပြန်တက်လာရာ ၂၀၁၈ ခုနှစ် ဇွန်လလယ်တွင် ပဲဈေး ငါးသိန်းကျော်အထိ ပြန်တက်လာခဲ့သည်။

၂၀၁၈ခုနှစ် စက်တင်ဘာ ၇ ရက်တွင် မတ်ပဲ FAQ ကျပ် ၄၅၅၅၀၀၊ မတ်ပဲ SQ ကျပ် ၆၂၃၀၀၀ အထိ ဈေးရှိခဲ့သည်။ စက်တင်ဘာ ၁၀ ရက်က မတ်ပဲ FAQ ကျပ် ၅၀၃၅၀၀၊ မတ်ပဲ SQ ကျပ် ၆၇၆၀၀၀ ဈေးရှိခဲ့ရာမှ စက်တင်ဘာ ၁၈ ရက်တွင် မတ်ပဲ FAQ ကျပ် ၅၀၀၀၀၀၊ မတ်ပဲ SQ ကျပ် ၆၇၉၀၀၀ အထိ ဈေးရှိခဲ့ကြောင်း ဘုရင့်နောင် ကုန်စည်ဒိုင်မှ ထုတ်ပြန်ချက်များအရ သိရသည်။ စက်တင်ဘာ ၂၁ ရက်က မတ်ပဲ FAQ ကျပ် ၄၉၉၅၀၀၊ မတ်ပဲ SQ ကျပ် ၆၆၆၀၀၀ အထိ ဈေးတက်လာခဲ့သည်။

မြန်မာနိုင်ငံတွင် ပဲမျိုးစုံ သီးနှံစိုက်ပျိုး ထုတ်လုပ်မှုသည် စုစုပေါင်း စိုက်ပျိုးသီးနှံ ထုတ်လုပ်မှု၏ ၂၁ ရာခိုင်နှုန်းခန့် စိုက်ပျိုးလျက်ရှိသည်။ မြန်မာနိုင်ငံသည် အာရှတွင် ပဲအများဆုံး တင်ပို့သည့် နိုင်ငံဖြစ်ပြီး ကမ္ဘာပေါ်တွင် ကနေဒါပြီးလျှင် ပဲအများဆုံး တင်ပို့သည့် နိုင်ငံဖြစ်သည်။

 

အိန္ဒိယက မြန်မာနိုင်ငံမှ ပဲတန်ချိန်ငါးသိန်းဝယ်ယူရန် Quota သတ်မှတ်ချက်ကို သုံးလအတွင်းသာ တင်သွင်းရန်သတ်မှတ်ခဲ့သော်လည်း စက်တင်ဘာလလယ်အထိ အထူးကုန်စည်ဝယ်ယူခွင့်နှင့် ဆက်လက်ဝယ်ယူလျက်ရှိသဖြင့် ပဲဈေးဆက်လက်မြင့်တက်

အိန္ဒိယနိုင်ငံက မြန်မာနိုင်ငံမှ ပဲတန်ချိန်ငါးသိန်းဝယ်ယူရန် Quota သတ်မှတ်ချက်ကို ဇွန်၊ ဇူလိုင်၊ သြဂုတ်အထိ သုံးလအတွင်းသာ တင်သွင်းရန် သတ်မှတ်ခဲ့သော်လည်း စက်တင်ဘာလလယ်အထိ အထူးကုန်စည်ဝယ်ယူခွင့်နှင့် ဆက်လက်ဝယ်ယူလျက်ရှိသဖြင့် မတ်ပဲ SQ တစ်တန်လျှင် ကျပ် ၆၇၉၀၀၀ အထိ ဆက်လက်မြင့်တက်လာကြောင်း ဘုရင့်နောင်ကုန်စည်ဒိုင်မှ သိရသည်။

“အိန္ဒိယက ဆက်ဝယ်နေတော့ အခုချိန်မှာ ပဲဈေးက ဆက်တက်နေပါတယ်” ဟု ဘုရင့်နောင်ရှိ ပဲကုန်သည်တစ်ဦးက ပြောကြားသည်။

၂၀၁၈ ခုနှစ် ဧပြီလဆန်းတွင် အိန္ဒိယနိုင်ငံကပဲ Quota ပြန်လည်သတ်မှတ်ခြင်း မပြုသည့်အတွက် ဧပြီတွင် ကျပ် ၄၅၆၀၀၀၊ မေလတွင် ကျပ် ၃၈၂၀၀၀ အထိ ကျဆင်းခဲ့ပြီး မေ ၄ ရက်တွင် အိန္ဒိယနိုင်ငံ၏ ပဲတင်သွင်းခွင့် Quota ကို မတ်ပဲ၊ ပဲတီစိမ်းတန်ချိန် သုံးသိန်းတင်သွင်းရန် ကြေညာလိုက်သည့်အတွက် မတ်ပဲဈေး အနည်းငယ်ပြန်တက်လာရာ ၂၀၁၈ ခုနှစ် ဇွန်လလယ်တွင် ပဲဈေး ငါးသိန်းကျော်အထိ ပြန်တက်လာခဲ့သည်။

၂၀၁၈ ခုနှစ် စက်တင်ဘာ ၇ ရက်တွင် မတ်ပဲ FAQ ကျပ် ၄၅၅၅၀၀၊ မတ်ပဲ SQ ကျပ် ၆၂၃၀၀၀အထိ ဈေးရှိခဲ့သည်။ စက်တင်ဘာ ၁၀ ရက်က မတ်ပဲ FAQ ကျပ် ၅၀၃၅၀၀၊ မတ်ပဲ SQ ကျပ် ၆၇၆၀၀၀ ဈေးရှိခဲ့ရာမှစက် တင်ဘာ ၁၈ ရက်တွင် မတ်ပဲ FAQ ကျပ် ၅၀၀၀၀၀၊ မတ်ပဲ SQ ကျပ် ၆၇၉၀၀၀ အထိ ဈေးရှိခဲ့ကြောင်း ဘုရင့်နောင်ကုန်စည်ဒိုင်မှ ထုတ်ပြန်သော ဈေးနှုန်းအချက်အလက်များအရ သိရသည်။

၂၀၁၈ ခုနှစ် သြဂုတ်လအထိ ပြည်ပသို့ ပဲမျိုးစုံတန်ချိန် ခြောက်သိန်းကျော်သာ တင်ပို့ထားကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ အမြဲတမ်း အတွင်းဝန်ဦးတိုးအောင်မြင့်က ပြောကြားထားသည်။

“သြဂုတ်လအထိ တန်ချိန်ခြောက်သိန်း တင်ပို့ထားပါတယ်။ ပဲတင်ပို့မှုမှာ Market Demand ပေါ်မူတည်ပြီးတော့ မပြည့်လည်း ဈေးတွေကျနေရင် မရောင်းဘဲကိုင်ထားတာ ပိုကောင်းတယ်လေ။ လျာထားချက် ပြည့်မီအောင် ရှုံးရှုံးရောင်းတယ်ဆိုတာမျိုးက  Market Economy မှာ မလုပ်သင့်ဘူးပေါ့” ဟု အမြဲတမ်းအတွင်းဝန် ဦးတိုးအောင်မြင့်က ဆိုသည်။

၂၀၁၇ခုနှစ် သြဂုတ်လအတွင်း အိန္ဒိယနိုင်ငံ၏ ပဲတင်သွင်းမှု မူဝါဒပြောင်းလဲမှုကြောင့် မြန်မာနိုင်ငံမှပဲများ အိန္ဒိယနိုင်ငံသို့ တင်ပို့ရာတွင် အခက်အခဲများ တွေ့ကြုံခဲ့ရသည်။ ၂၀၁၇-၂၀၁၈ဘဏ္ဍာနှစ်တွင် မတ်ပဲ၊ ပဲတီစိမ်းနှင့် ပဲစင်းငုံတန်ချိန်တစ်သန်းကျော် တင်ပို့နိုင်ခဲ့သော်လည်း ဈေးနှုန်းများ ကျဆင်းမှုကြောင့် ပြည်ပတင်ပို့မှုမှာ ဒေါ်လာသန်း ၇၀၀ ကျော်သာ ရရှိခဲ့ကြောင်း သိရသည်။

မြန်မာနိုင်ငံ၏ ပဲမျိုးစုံစိုက်ပျိုးထုတ်လုပ်နိုင်မှုသည် အရှေ့တောင်အာရှနိုင်ငံများအနေဖြင့် ဦးဆောင်နိုင်ငံတစ်ခုဖြစ်ကြောင်း၊ ၂၀၁၇-၂၀၁၈ ခုနှစ်တွင် မိုးရာသီတွင် စိုက်ဧကပေါင်း  ၃ ဒသမ  ၈၉ သန်းနှင့်ဆောင်းရာသီတွင် ၇ ဒသမ ၀၇ ဧကသန်းပေါင်းဖြင့် စုစုပေါင်း ပဲမျိုးစုံစိုက်ဧရိယာ ဧကသန်းပေါင်း ၁၀ ဒသမ ၉၆သန်းကို စိုက်ပျိုးထုတ်လုပ်နိုင်ခဲ့ကြောင်း စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူက သြဂုတ် ၁၈ ရက်က ပြောကြားသည်။

 

လက်ရှိအချိန်အထိ ပြည်ပသို့ ပဲမျိုးစုံ တန်ချိန် ခြောက်သိန်းကျော်သာ တင်ပို့ထား

၂၀၁၈ခုနှစ် လက်ရှိအချိန်အထိ ပြည်ပသို့ ပဲမျိုးစုံတန်ချိန်ခြောက်သိန်းကျော်သာ တင်ပို့ထားကြောင်း စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ အမြဲတမ်းအတွင်းဝန် ဦးတိုးအောင်မြင့်က ပြောကြားသည်။

“သြဂုတ်လအထိ တန်ချိန်ခြောက်သိန်း တင်ပို့ထားပါတယ်။ ပဲတင်ပို့မှုမှာ Market Demend ပေါ်မူတည်ပြီးတော့ လျာထားချက် မပြည့်လည်း ဈေးတွေကျနေရင် မရောင်းဘဲ ကိုင်ထားတာ ပိုကောင်းတယ်လေ၊ လျာထားချက် ပြည့်မီအောင် ရှုံးရှုံးရောင်းတယ်ဆိုတာမျိုးက  Market Economy မှာ မလုပ်သင့်ဘူးပေါ့”  ဟု ဦးတိုးအောင်မြင့်ကဆိုသည်။

အိန္ဒိယနိုင်ငံ၏ ယခုနှစ်အတွက် ပဲဝယ်ယူမည့်ကိုတာ(Quota) သတ်မှတ်ချက်ကို သြဂုတ်လအထိသာ ၀ယ်ယူမည်ဟုသတ်မှတ်ခဲ့သည့်အတွက် မိမိပဲမရောင်းလိုက်ရမည်ကို စိုးရိမ်ပြီး အလုအယက်ရောင်းချခြင်းမျိုးဖြစ်ပေါ်လာကာ ပြည်တွင်း၌ ပဲဈေးထပ်မံကျဆင်းနေကြောင်းနှင့် ယင်းအခြေအနေအတွက် နည်းလမ်းရှာဖွေ ထိန်းကြောင်းနိုင်ရေး ၀ိုင်းဝန်းဆွေးနွေး အဖြေရှာရမည်ဖြစ်ကြောင်း နိုင်ငံတော်ဒုတိယသမ္မတ ဦးဟင်နရီဗန်ထီးယူက ပြောကြားထားသည်။

မြန်မာနိုင်ငံတွင် ပဲမျိုးစုံသီးနှံစိုက်ပျိုးထုတ်လုပ်မှုသည် စုစုပေါင်းစိုက်ပျိုးသီးနှံထုတ်လုပ်မှု၏ ၂၁ရာခိုင်နှုန်းခန့် စိုက်ပျိုးလျက်ရှိသည်။မြန်မာနိုင်ငံ၏ ပဲမျိုးစုံစိုက်ပျိုးထုတ်လုပ်နိုင်မှုသည် အရှေ့တောင်အာရှနိုင်ငံများအနေဖြင့် ဦးဆောင်နိုင်ငံတစ်ခု ဖြစ်ကြောင်း၊ ၂၀၁၇-၂၀၁၈ ခုနှစ်တွင် မိုးရာသီတွင် စိုက်ဧကပေါင်း  ၃ ဒသမ ၈၉ သန်းနှင့်ဆောင်းရာသီတွင် ၇ ဒသမ ၀၇ ဧကသန်းပေါင်းဖြင့် စုစုပေါင်း ပဲမျိုးစုံစိုက်ဧရိယာ ဧကသန်းပေါင်း ၁၀ ဒသမ ၉၆ သန်းကို စိုက်ပျိုးထုတ်လုပ်နိုင်ခဲ့ကြောင်း စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဒေါက်တာအောင်သူက ပြောကြားသည်။

အိန္ဒိယက ယခုနှစ်ပဲဝယ်ယူမည့် Quota သတ်မှတ်ချက်ကို သြဂုတ်လအထိသာ သတ်မှတ်ခဲ့သည့်အတွက် မိမိပဲ မရောင်းရမည်ကိုစိုးရိမ်ပြီး အလုအယက် ရောင်းချခြင်းမျိုး ဖြစ်ပေါ်ကာ ပြည်တွင်း၌ ပဲဈေး ထပ်မံကျဆင်းနေဟု ဆို

မြန်မာ့ပဲမျိုးစုံ၊ ပြောင်း၊ နှမ်း စိုက်ပျိုး ထုတ်လုပ်တင်ပို့ ရောင်းချမှု ဖွံ့ဖြိုးတိုးတက်ရေး ဆွေးနွေးပွဲကို တွေ့ရစဉ် (ဓာတ်ပုံ-နီလာ)

အိန္ဒိယနိုင်ငံ၏ ယခုနှစ်အတွက် ပဲဝယ်ယူမည့်ကိုတာ (Quota) သတ်မှတ်ချက်ကို သြဂုတ်လအထိသာ ၀ယ်ယူမည်ဟုသတ်မှတ်ခဲ့သည့်အတွက် မိမိပဲ မရောင်းလိုက်ရမည်ကို စိုးရိမ်ပြီး အလုအယက် ရောင်းချခြင်းမျိုးဖြစ် ပေါ်လာကာ ပြည်တွင်း၌ ပဲဈေးထပ်မံကျဆင်းနေကြောင်းနှင့် ယင်းအခြေအနေအတွက် နည်းလမ်းရှာဖွေထိန်းကျောင်းနိုင်ရေး ၀ိုင်းဝန်းဆွေးနွေးအဖြေရှာရမည်ဖြစ်ကြောင်း နိုင်ငံတော်ဒုတိယသမ္မတ ဦးဟင်နရီဗန်ထီးယူက သြဂုတ် ၁၈ ရက်က ရန်ကုန်မြို့ရှိ ကုန်သည်စက်မှုအသင်းချုပ်၌ ကျင်းပသည့် မြန် မာ့ပဲမျိုးစုံ၊ပြောင်း၊ နှမ်းစိုက်ပျိုးထုတ်လုပ် တင်ပို့ရောင်းချမှုဖွံ့ဖြိုးတိုးတက်ရေးဆွေးနွေးပွဲတွင် ပြောကြားခဲ့သည်။

“အိန္ဒိယနိုင်ငံက ဒီနှစ်ကိုတာ (Quota) ကို  သြဂုတ်လအထိသာ ၀ယ်ယူမယ်လို့ သတ်မှတ်ခဲ့တဲ့အတွက် မိမိပဲမရောင်းလိုက်ရမှာ စိုးရိမ်ပြီး အလုအယက်ရောင်းချတာမျိုး ဖြစ်လာပြီးတော့ ပြည်တွင်းဈေးနှုန်းတွေ ထပ်မံကျဆင်းနေတာကြောင့် ဒီလိုအခြေအနေတွေကို ကျော်လွှားနိုင်အောင် ဘယ်လိုနည်းလမ်း တွေရှာဖွေထိန်းကြောင်းကြမလဲဆိုတာကို ဒီနေ့ ၀ိုင်းဝန်းညှိနှိုင်းဆွေးနွေး အဖြေရှာရမှာ ဖြစ်ပါတယ်” ဟု ဒုတိယသမ္မတဦးဟင်နရီဗန်ထီးယူက ပြောကြားသည်။

အိန္ဒိယနိုင်ငံကိုအဓိကတင်ပို့နေသည့် မတ်ပဲနှင့် ပဲစင်းငုံတို့၏အဓိကဈေးကွက် အခြေအနေ၊ ရှေ့ဆက်ဖြစ်ပေါ်လာမည့်အခြေအနေများကို ပဲစိုက်ပျိုးထုတ်လုပ်သူ တောင်သူများအား အသိပေးနိုင်ရန် လိုအပ်ကြောင်း၊  သို့မှသာ တောင်သူများအနေဖြင့် ဈေးကွက်ရှိပြီး အကျိုးအမြတ်ရရှိနိုင်မည့် သီးနှံများကို ပြောင်းလဲစ်ိုက်ပျိုးနိုင်မည်ဖြစ်သည်။

“မတ်ပဲနဲ့ ပဲစင်းငုံအစား တောင်သူတွေအတွက် အကျိုးရှိစေမယ့်သီးနှံတွေ ပြောင်းလဲစိုက်ပျိုးနိုင်ဖို့ ဆွေးနွေးတဲ့ အခမ်းနားပဲ ဖြစ်ပါတယ်။ နိုင်ငံလူဦးရေရဲ့ ၇၅ရာခိုင်နှုန်းဟာ လယ်ယာကဏ္ဍနဲ့ပတ်သက်တဲ့အသက်မွေး ၀မ်းကျောင်းလုပ်ငန်းတွေကိုပဲ လုပ်ကိုင်နေကြတဲ့အတွက် မြန်မာနိုင်ငံဟာ လယ်ယာကဏ္ဍကို အခြေခံတဲ့စိုက်ပျိုးရေးနိုင်ငံဖြစ်ပါတယ်” ဟု ဒုတိယသမ္မတက ပြောကြားသည်။

မြန်မာနိုင်ငံ၏လယ်ယာကဏ္ဍတွင် ဆန်စပါးနှင့်ပဲမျိုးစုံမှာ အဓိကစိုက်ပျိုးထုတ်လုပ် သည့်သီးနှံများဖြစ်သည်။ဆန်စပါးသည် ပြည်တွင်း၌အဓိကကျသည့် စားနပ်ရိက္ခာဖြစ်သည့် အတွက် ပြည်တွင်းဖူလုံရေးကို အဓိကထားပြီး ပိုလျှံသည်ကို ပြည်ပတင်ပို့ခြင်းဖြစ်သည်။

“ပဲမျိုးစုံကိုတော့ ပြည်တွင်းမှာ ပဲအမျိုးအစားအချို့ကိုစားသုံးပြီးတော့ ကျန်တဲ့ပဲ အားလုံးကို ပြည်ပဈေးကွက်ရှိသလောက် တင်ပို့နိုင်တဲ့ဖြစ်တဲ့အတွက် ၂၀၁၆-၂၀၁၇ ဘဏ္ဍာနှစ်အထိ လယ်ယာထွက်ကုန် ကဏ္ဍမှာ နိုင်ငံခြားငွေ အများဆုံးရရှိတဲ့ သီးနှံဖြစ်ပါတယ်။ ဒါပေမဲ့ ၂၀၁၇-၂၀၁၈ဘဏ္ဍာ နှစ်မှာတော့  အများဆုံးတင်ပို့နိုင်တဲ့ မတ်ပဲ၊ပဲစင်းငုံဈေးတွေ အလွန်အမင်းကျဆင်းသွားတဲ့အတွက် ဒုတိယအများဆုံးတင်ပို့နိုင်တဲ့သီးနှံအဖြစ်သာ ရှိနေခဲ့ပါတယ်”  ဟု ၎င်းက ဆိုသည်။

 

ဝိတ်​​ပေါ့ပဲတီစိမ်းများကို ငါး​မွေးမြူ​ရေး လုပ်​ငန်းရှင်​များ ၀ယ်​ယူအသုံးပြု​နေမှုကြောင့်​ အ​ရောင်းသွက်​​နေ

မန္တလေးပဲဈေးကွက်တွင် အရောင်းအ၀ယ် ပြုလုပ်နေကြစဉ် (ဓာတ်​ပုံ-မန္တ​လေးကုန်​စည်​ဒိုင်)

မန္တ​လေးမြို့ရှိ ပဲသန့်​စင်​စက်​ရုံများမှ စွန့်ပစ်​ပစ္စည်း ၀ိတ်​​ပေါ့ပဲတီစိမ်းများကို ရန်​ကုန်​တိုင်း၊ ဧရာဝတီတိုင်း၊ ပဲခူးတိုင်းတို့မှ ငါးလုပ်​ငန်းရှင်​များက ငါးစာအဖြစ်​ အသုံးပြုဝယ်​နေသည့်​​ အတွက်ကြောင့်​ ၀ိတ်​​ပေါ့ပဲတီစိမ်းများ မန္တ​လေးဈေးကွက်​တွင်​ အ​ရောင်းသွက်​နေသည်​ဟု ဦးစိုးဝင်းမြင့်​ (စိုးဝင်းမြင့်​ပွဲရုံ) က ​ပြောကြားသည်​။

မန္တ​လေးမြို့တွင်​ တရုတ်​ပြည်​သို့ ပဲတင်​ပို့မှုအတွက်​ ပဲသန့်​စင်​စက်​ရုံ ၁၀ ရုံခန့်​ရှိပြီး အဆိုပါ ပဲသန့်စင်စက်များမှ ပဲတီစိမ်း အိတ် ၁၀၀ သန့်စင်​လျှင်​ ၀ိတ်ပေါ့ပဲအနေဖြင့် ငါး အိတ်မှ ၁၀ အိတ်အတွင်း ထွက်ရှိပြီး ၀ိတ်ပေါ့ ပဲတီစိမ်း တစ်ပိဿာလျှင် ​​ကျပ် ၅၈၀ နှုန်းဖြင့် လက်ရှိ မန္တလေး ပဲဈေးကွက်တွင် အရောင်းသွက်လျက်ရှိကြောင်း သိရသည်။

“တရုတ်ဝယ်လက်အနေနဲ့ ပဲတီစိမ်း များ ယနေ့ခေတ်တွင် တိုက်ရိုက် မတင်ပို့ဘဲ စက်ရုံများတွင် ပြန်လည်သန့်စင် ထုပ်ပိုးပြီး တင်ပို့ကြတယ်။ မန္တ​လေး အ၀ယ်တော် ကိုယ်စားလှယ်များက ကိုယ်ပိုင် သန့်စင်စက်တွေ တည်ထောင်ပြီး တရုတ်ပြည်ကို ပို့ကြတယ်။ ပဲတီစိမ်းအိတ် ၁၀၀ မှာ Damage အနေနဲ့ ငါးအိတ် မှ ၁၀ အိတ်အကြား စွန့်ပစ်ပစ္စည်းအဖြစ် ထွက်ရှိတယ်။ အရင်တုန်းက ဒါတွေကို ရန်ကုန်အခေါ် (၀ိတ်ပေါ့ ) စွန့်ပစ်ပစ္စည်း ဖြစ်ခဲ့တယ်။ ဒီဘက်နှစ်များတွင် ရန်ကုန်တိုင်း၊ ဧရာဝတီတိုင်း၊ ပဲခူးတိုင်းတို့မှာရှိတဲ့ ငါးလုပ်ငန်းရှင်များက ပြောင်းဖူးစေ့ဈေး မြင့်လာတဲ့အတွက် အစားထိုးအဖြစ် ပဲတီစိမ်း (စက်ရုံ စွန့်ပစ်ပစ္စည်း) များဝယ်ယူပြီး အစားတောင့် လုပ်ရာတွင် ပြန်လည်အသုံးပြုကြတယ်။ သန့်စင်စက်ရုံမှ ပဲတီစိမ်း စွန့်ပစ်ပစ္စည်းများကို အစားစက်ရုံ ပြန်လည်ဝယ်ယူနေသည့် အတွက် ပဲတီစိမ်းဈေး ကျနေပေမဲ့ ၀ိတ်ပေါ့ ပဲဈေးနှုန်း မကျဘဲ ဖြစ်နေတယ်” ဟု ဦးစိုးဝင်းမြင့်​က ​ပြောကြားသည်​။

ဇွန်လဆန်းက စတင်ထွက်ရှိသည့် ပဲတီစိမ်းများမှာ ဇူလိုင်လ နောက်ဆုံးအပတ် သြဂုတ်လဆန်းလောက်တွင်​ နေပြည်တော် တပ်ကုန်း၊ မင်းဘူး၊ အောင်လံ၊ ပျော်ဘွယ်၊ ရမည်းသင်း၊ ပခုက္ကူ၊ စလင်း၊ မကွေး၊ စလင်း၊ မုံရွာ၊ ရွှေဘို စသည့် နယ်ပေါင်းစုံကနေ မန္တ​လေး ဈေးကွက်ထဲ အိတ်ပေါင်း ၃၀၀၀၀ ကျော်လောက် ​နေ့စဉ်​၀င်ရောက်နေပြီး ပေါ်ဦးပေါ်ဖျား ကာလတွင် သုံးတင်းဝင် တစ်အိတ်လျှင် ငွေကျပ် ၁၂၈၀၀၀ နှုန်းဖြင့် စတင်ခဲ့သော်လည်း ယခုလှိုင်လှိုင် ပေါ်ထွက်ချိန် ဇူလိုင်လကုန်ပိုင်းတွင် ကျပ် ၉၅၀၀၀ နှုန်းအထိ ကျဆင်းနေ​ကြောင်း သိရသည်​။

ဖောက်ပြန်နေတဲ့ရာသီဥတုနဲ့ ဈေးကွက်ကြားမှာ အညာတောင်သူတို့ နာလန်ထူပါ့မလား

အညာဒေသရှိ စိုက်ပျိုးရေး လုပ်ငန်းခွင်တစ်ခုကို တွေ့ရစဉ်

“လက်ရှိ နှမ်းညိုဈေး တစ်တင်း ၄၂၀၀၀ ကတော့ တောင်သူတွေ အဆင်ပြေတယ်။ အတော်ကို ဈေး ကောင်းတယ်လို့ ပြောလို့ရတယ်ဗျ။ မကောင်းတာက ကျွန်တော်တို့ နှမ်းခင်းတွေ အထွက်လျော့တာပဲ”ဟု မြိုင် မြို့နယ်တောရွာမှ တောင်သူကိုစိုးဝင်းကျော် ပြောလိုက်တာဖြစ်ပါတယ်။

ပခုက္ကူ သီးနှံဈေးကွက်ထဲကို မြိုင်နယ် နဲ့ ပုလဲမင်းတိုင်ပင်အရပ်က ထွက်တဲ့ နှမ်းညိုတွေ ဇူလိုင်လကုန်ပိုင်းမှာ စ၀င်ရောက်လာပြီး ဈေးကွက် အဖွင့်ကတော့ တောင်သူအတွက် အားရစရာကောင်းပါတယ်။

ပြီးခဲ့တဲ့ ၂၀၁၇ ခုနှစ် နှမ်းညိုပေါ်စမှာ တစ်တင်း ကျပ်၂၈၀၀၀ လောက်ပဲ ပေါက်ဈေးရှိပြီး ဒီနှစ်မှာတော့ တစ်တင်း ကျပ် ၄၀၀၀၀ အထက် ပေါက်ဈေးရှိပါတယ်။ ဈေးကောင်းလို့ တောင်သူတွေ အဆင်ပြေမှာပဲ ထင်ရပေမယ့် ရာသီဥတုက တောင်သူတွေကို မျက်နှာသာမပေးပါဘူး။ ပုံမှန်မဟုတ်တဲ့ မိုးရွာသွန်းမှုနဲ့ ရက်ရှည်မိုးခေါင်မှု ကြုံတွေ့လိုက်တာကြောင့် သီးနှံအထွက်နှုန်းက ဆိုးဆိုးရွားရွား ကျဆင်းပါတယ်။ ပုံမှန်ရာသီဥတုနဲ့ တစ် ဧက ၁၀ တင်း၊ ၁၅ တင်းကြားထွက်တဲ့ နှမ်းဟာ ဒီနှစ်မိုးခေါင်ပြီး အသီးအဆန်မအောင်တာကြောင့် တစ်ဧက လေးတင်းရဖို့ မလွယ်ပါဘူး။

“မိုးဦးကောင်းလိုက်တဲ့အတွက် တောင်သူအများစုကတော့ အထွက်ကောင်းမယ် ထင်ထားတယ်။ ဒါပေမဲ့ ဇွန် ၁၂ ရက်နောက် ပိုင်းကစပြီး အခုနှမ်းရိတ်ချိန်အထိအောင် မိုးထပ်မရွာဘူး။ မိုးမရတဲ့အတွက် နှမ်းအသီးတွေက သီးရုံပဲသီးပြီး အထဲမှာ အဆန်ကောင်းကောင်း မပါဘူး။ နောက်သီးနှံစိုက်ဖို့ မရိတ်ရင် မဖြစ်တာကြောင့် ရိတ်သိမ်းစရိတ်နဲ့ အထွက်နှုန်းမကိုက်လည်း ရိတ်ရတာပဲ”ဟု မြိုင်မြို့နယ်မှ ကိုဗညားက ပြောပါတယ်။

 

■ ကုန်ဝင်အနည်းအများနဲ့ ဈေးနှုန်း

မိုးဦးနှမ်းဟာ ပခုက္ကူဈေးကွက်ကို တစ်နေ့ အိတ် ၃၀၀ နဲ့ ၅၀၀ ကြားလောက်ပဲ ၀င်ပါသေးတယ်။ ကုန်ဝင်နည်းသေးတာရော ၀ယ်လက်သမားတွေ ၀ယ်လိုအား ကောင်းတာရောကြောင့် မိုးဦးသီးနှံ နှမ်းညိုဈေးက အမြင့်ဘက်မှာ ရှိပါတယ်။ ဈေးနှုန်းအမြင့်ဟာ ဘယ်လောက်အထိရှိမယ်ဆိုတာ သေချာမသိပါ ဘူး။ ကုန်ဝင်များလို့ အ၀ယ်မနိုင်ရင် ဈေးက ကျသွားတတ်ပါတယ်။ ဒီလိုဖြစ်စဉ်မျိုးက တောင်သူတွေ နှစ်စဉ်ကြုံနေကျပါ။ သီးနှံ ပေါ်စဆို ဈေးကောင်း၊ သီးနှံလှိုင်လှိုင်ပေါ်ပြီဆိုရင် ဈေးကျပါတယ်။ ရိတ်သိမ်းခြွေလှေ့မှုတွေ ပြီးလို့ ကုန်ဝင်များချိန်မှာ ဈေးကျမယ်ဆိုရင် တောင်သူအထိနာပါမယ်။

“တောင်သူကတော့ သီးနှံပေါ်တာနဲ့ ရောင်းရတာပါ။ ဈေးကျလို့ဆိုပြီး လက်ထဲမထားနိုင်ပါဘူး။ ပေးစရာ၊ ၀ယ်စရာအတွက် သီးနှံပေါ်တာနဲ့ ရောင်းကြတာပဲ။ တောင်သူအနေနဲ့က ဈေးလည်းဘယ်လောက်ရှိမယ် ဆိုတာ ကြိုမသိတော့ မစိုက်ဘဲနေဖို့ဆိုတာလည်း မဖြစ်ပါဘူး။ ရှုံးခါမှရှုံးဆိုပြီး ဈေးကောင်းမျှော် စိုက်ကြရတာပါ။ ရွာမှာလည်း တခြား အလုပ်ကိုင်မရှိပါဘူး။ တောင်သူလုပ်ငန်းနဲ့ စားဝတ်နေရေး ဖြေရှင်းကြတာပါ” ဟု  မြိုင်မြို့နယ် တောရွာမှ ကိုစိုးဝင်းကျော်က ပြောပါတယ်။

 

■  ပဲတီစိမ်းဈေးကွက်နဲ့ အထွက်နှုန်း

ပခုက္ကူ၊ မြိုင် နဲ့ ရေစကြိုနယ်က ပဲတီစိမ်း (စိမ်းကြီး ) နဲ့ ပဲတီစိမ်း (စိမ်းသေး) ဆိုပြီး ထွက်ပါတယ်။ ပဲတီစိမ်းကြီးက မြစ်ရေ၀င်ဒေသတွေမှာ ရေသွင်းစိုက်ပျိုးတာဖြစ်ပြီး ပဲတီစိမ်း (သေး) ကတော့ ကုန်းယာမြေတွေကနေ မိုးဦးသီးနှံအနေနဲ့ ထွက်ရှိတာဖြစ်ပါတယ်။ လက်ရှိ ပဲတီစိမ်း (ကြီး ) ဈေးက အရည်အသွေး လိုက်ပြီး ဈေးနှုန်းကွာခြားပါတယ်။ အရည်အသွေးမြင့်တဲ့ ပဲတီစိမ်း (ကြီး) ဟာ ဈေး ကောင်းရပါတယ်။ တစ်တင်းကို ကျပ် ၃၀၀၀၀ အထက်ရှိပါတယ်။ ဒီဈေးနှုန်းဟာ တောင်သူတွေအတွက် အကျိုးအမြတ်ရှိတဲ့ ဈေးနှုန်းပါ။

သို့ပေမဲ့လို့ ဒီနှစ် ပဲတီစိမ်းဆွတ်ခူးချိန် ခြွေလှေ့ဖို့ အခြောက်ခံချိန်မှာ မိုးသည်းထန်စွာ ရွာသွန်းမှုကြောင့် အရည်အသွေးပိုင်း ထိခိုက်မှုတွေ ရှိခဲ့ပါတယ်။ ပဲတီစိမ်းအသီးတွေ အရည်အသွေးထိခိုက်တာကြောင့် အညို အမည်းစွဲတာ၊ မှိုစွဲတာတွေ ကြုံပါတယ်။ ဒါကြောင့်လည်း ဈေးကွက်ထဲမှာ တစ်တင်းကို အနိမ့်ဆုံး ကျပ် ၁၈၀၀၀ အထိ ကျဆင်းသွားပါတယ်။ ဒီလို အရည်အသွေးထိခိုက်မှုကြုံ တာက တစ်နယ်လုံးဖြစ်တာကြောင့် တောင် သူတွေ အများကြီးထိခိုက်ပါတယ်။

“ကျွန်တော်တို့က ဆောင်းရာသီမှာ စိုက်ကြတာပါ။ တကယ်ကို အသီးဆွတ်ချိန် မှာ မိုးကရွာလိုက်တော့ အတော့်ကို ခက်ခဲပါတယ်။ မိုးမိပြီး မှိုစွဲတယ်။ ခြွေလှေ့တဲ့အချိန် နေပူပြတော့ အရောင်ပျက်ကုန်တယ်။ စိမ်းနေရမယ့် ပဲတီစိမ်းက အညိုအမည်းစွဲတယ်။ အဲဒီတော့ ဈေးအနှိမ်ခံရတယ်။ တောင်သူကတော့ စိုက်ပြီးမှ ဘာမှမတတ်နိုင်ဘူး။ ရတဲ့ဈေးနဲ့ ရောင်းရတာပဲ။ ဒီနှစ်ကတော့ တောင်သူတွေ ဈေးကောင်းပေမယ့် ဥတုဖျက်လို့ သီးနှံပျက်ပြီး တောင်သူတွေ အဆင်မပြေပါဘူး” ဟု ရေစကြိုမြို့နယ် ကျော်ထင်ကုန်းရွာမှ ကိုဘိုညီက ပြောပါတယ်။

ကုန်းယာမြေများက ထွက်ရှိတဲ့ ပဲတီစိမ်း (သေး) ကတော့ ဈေးကွက်ထဲကို ပြီးခဲ့တဲ့ရက်ပိုင်းက ပဲစ, ရောက်ပါတယ်။ တစ်တင်းကို ကျပ်၂၈၀၀၀ ကနေ ၃၀၀၀၀ ၀န်းကျင် ပေါက်ဈေးရှိပါတယ်။ တောင်သူတွေ သဘောကျတဲ့ ဈေးနှုန်းပါ။ သို့ပေမဲ့ ရာသီဥတုက တောင်သူတွေဘက်မှာ မရှိပါဘူး။ သီးနှံစိုက်ပျိုးစ မေနဲ့ ဇွန်လဆန်းမှာ မိုးက အတော့်ကိုရွာပါတယ်။ တစ်ကယ်ကို သီးနှံဖြစ်ထွန်းမယ့် ပွင့်တဲ့ဖူးတဲ့ အချိန်မှာ မိုးကမရွာပါဘူး။ အကျိုးဆက်ကတော့ အထွက်လျော့ပြီး စိုက်ပျိုးစရိတ်အရင်း ရဖို့ ခက်ခဲတာပါပဲ။ သီးနှံဈေးကောင်းပေမယ့်  သီးနှံမထွက်တဲ့အခါ တောင်သူတွေမှာ ငေးမောရုံကလွဲ ဘာမှမတက်နိုင်ပါဘူး။

“ပဲတီစိမ်းက တစ်မိုးလောက် ကောင်း ကောင်းရလိုက်ရင်ကို အတော်လေးအဆင် ပြေသွားမှာပါ။ ပဲတီစိမ်းလည်း အတော်ကို ဆွတ်ရခူးရမှာပါ။ အခုကတော့ မိုးက ခါးပြတ်သွားတဲ့အတွက် အသီးဘာမှမရပါဘူး။ လက် ရှိ လုပ်သားစရိတ်အရဆိုရင် ပဲတီစိမ်းတစ်တင်းရဖို့ ကျပ် ၁၂၀၀၀ လောက် ကုန်ပါတယ်။ ဒါက စိုက်စရိတ်နဲ့ ခြွေလှေ့စရိတ်မပါဘူး။ ပဲတောင့် ဆွတ်ခသက်သက်ပါ။ တောင်သူတွေအတွက်ကတော့ နောက်မိုးရွာရင် အဆင်ပြေကောင်းပါတယ်”ဟု ပခုက္ကူမြို့နယ် ကိုင်းကျေးရွာမှ ကိုသက်ခိုင်က ပြောပါတယ်။

 

■ စက်မှုလက်မှု လယ်ယာမှ လူသားအရင်းပြု လယ်ယာလား

ဒီနှစ် အညာမှာ ကြုံတွေ့နေတဲ့ ရာသီဥတု အခြေအနေအရ တောင်သူတွေ အဆင်ပြေဖို့ မလွယ်ပါဘူး။ အဓိကပြဿနာက ဈေးကွက်မဟုတ်ဘဲ ရာသီဥတုဖောက်ပြန်မှုကြောင့် အထွက်နှုန်းကျဆင်းတဲ့ ပြဿနာပါ။ အညာတောင်သူတွေအနေနဲ့ကတော့  ဈေးကောင်းရင် အထွက်လျော့။ အထွက်ကောင်းရင် ဈေးကျဆိုတဲ့ ပြဿနာကို နှစ်စဉ်နှစ်တိုင်းလို ခံစားနေရပါတယ်။ ဒါကို ဘယ်လိုကုစားမလဲဆိုတာ တိကျတဲ့အဖြေမရှိပါဘူး။ တောင်သူလည်း ထင်တစ်လုံးနဲ့ လုပ်ကိုင်နေရသလို ပွဲစားလည်း ထိုနည်းတူပါပဲ။ လက်ရှိ ပဲလောကမှာ ဘာက ရောင်းဝယ်ကောင်းတယ်ဆိုတာ ပြောဖို့ခက်ပါတယ်။ အထူးသဖြင့် အညာဒေသထွက် ပဲနှမ်းပါ။

တောင်သူတွေ ခက်ခဲတဲ့ နှစ်တွေမှာ အ ညာဒေသတစ်ဝိုက် နွားမွေးမြူရေးခြံအမည်ခံတွေ အများအပြား ပေါ်လာပါတယ်။ ကျေးရွာတွေထိအောင်ဆင်းပြီး နွားဝယ်ပါတယ်။ နွားဈေးကလည်း အတော်ကောင်းတယ်ပြော ရမှာပါ။ ယခင် တစ်ကောင် ၁၅ သိန်းမရှိတဲ့ နွားက အခုဆို သိန်း ၂၀ လောက်ရှိပါတယ်။ လယ်ယာလုပ်ငန်းထဲမှာ သုံးချင်တယ်ဆိုရင် နွားတစ်ရှဉ်း သိန်း ၃၀ မကျော်ဘဲနဲ့ အဆင် မပြေပါဘူး။ တောင်သူကတော့ လုပ်ငန်း မကောင်း နွားဈေးကောင်းတော့ ကြွေးပူဆပ်ဖို့ ရောင်းတဲ့သူများပါတယ်။ ဒီအခြေအနေ ဟာ သိပ်ကောင်းတယ်လို့ မယူဆပါဘူး။

 

အညာဒေသ စိုက်ပျိုးရေးလုပ်ငန်းခွင်တစ်ခုကို တွေ့ရစဉ်

လက်ရှိ ဒေသတွင်း လယ်ယာလုပ်ငန်းက နွားကို လုံးဝလွှတ်မရသေးပါဘူး။ သဘာဝ မြေသြဇာအတွက် နွားချေး သုံးရတုန်းပါပဲ။ တချို့သော သီးနှံတွေ ပေါင်းသင်၊ မြက်ရှင်း ထွန်ပိတ်လုပ်ဖို့က နွားကို လုံးဝလိုအပ်ပါသေး တယ်။ စက်မှုလယ်ယာ ပြောင်းလဲရအောင်လည်း သီးနှံဈေးက မကောင်း၊ လက်ရှိလုပ်ငန်းကလည်း တောင့်ခံဖို့ခက်ပါတယ်။ တောင်သူတွေ နွားရောင်းတာများလာရင် ဒေသတွင်းကနေ ထွက်သွားတဲ့နွားကနေ တိုးပွားတဲ့နွား မမျှပြီး တောင်သူတွေ နွားပိုင်ဆိုင်ရေးက လက်လှမ်းမီဖို့ ပိုဝေးပါလိမ့်မယ်။ ဒါကို သေချာ မကြီးကြပ်နိုင်ဘူးဆိုရင် ထွန်စက်လည်းမ၀ယ်နိုင် နွားလည်းမ၀ယ်နိုင်တဲ့ တောင်သူတွေအဖို့ လူကိုယ်တိုင်ထွန်ယက်ရပါလိမ့်မယ်။ ပြင်ဆင်ပြောင်းလဲမှုတွေ မလုပ်ဘူးဆိုရင် နွားအစား လူဝင်ထွန်ယက်ဖို့က မဝေးပါဘူး။

■  ပဲစင်းငုံသင်ခန်းစာနဲ့ အနာဂတ်အလားအလာ

ပဲစင်းငုံဟာ အညာတောင်သူတွေအတွက် အရေးပါတဲ့ သီးနှံပါ။ ၂၀၁၇ ခုနှစ် မတိုင်ခင်အထိ တစ်တင်းကို အနိမ့်ဆုံး ကျပ် ၂၄၀၀၀ ကနေ ကျပ် ၅၀၀၀၀ အထိ ရောင်းရပါတယ်။ သို့ပေမဲ့ အဓိက၀ယ်ယူရာ အိန္ဒိယ နိုင်ငံက တင်ပို့ခွင့် ပိတ်လိုက်တဲ့နောက် ပြည်တွင်းပဲဈေးကွက် ပျက်သွားပါတယ်။ ယနေ့ အထိ နာလန်ပြန်မထူပါဘူး။ ပြည်တွင်းမှာပဲ တ၀ဲလယ်လယ် ရောင်းနေကြရတာပါ။ ဒါကို သင်ခန်းစာယူပြီး တောင်သူတွေဆီ သီးနှံဈေးကွက်အခြေအနေတွေ အသိပေးသင့်ပါတယ်။ ရာသီဥတုကိုလည်း အသိပေးရပါမယ်။ ဘယ်သီးနှံကတော့ အဓိကတင်ပို့နိုင်ငံမှာ ဘယ်ဈေးရှိတယ်။ လာမယ့်နှစ် ဘယ်လိုဖြစ် နိုင်တယ်။ ရာသီဥတုက ဘယ်သီးနှံစိုက်သင့် တယ်ဆိုတာ အသိပေးရပါလိမ့်မယ်။ တောင် သူတွေအနေနဲ့ မိရိုးဖလာနည်းအတိုင်း ဆက်သွားမယ်ဆိုရင် ဘ၀က ပိုပြီးနစ်မွန်းရဖို့ပဲ ရှိပါတယ်။

အညာဒေသမှာ မြို့နေထိုင်သူထက် တောနေထိုင်သူက များပါတယ်။ အဓိက စီးပွားရေးလုပ်ငန်းက တောင်သူလုပ်ငန်းပါ။ ကျန်တဲ့ ရောင်းရေးဝယ်တာက တောင်သူလုပ်ငန်းကို အများကြီး မှီခိုရတာပါ။ ဆန်၊ ဆီ၊ ဆားလို အခြေခံစားသောက်ကုန်ကနေ အ၀တ်အထည်၊ ရွှေငွေအထိအောင် မှီခိုရတာပါ။ တောင်သူလုပ်ငန်းအဆင်ပြေမှ အခြားသော လုပ်ငန်းတွေ ရောင်းရေးဝယ်တာ ကောင်းပါတယ်။ ဒါကြောင့်လည်း အညာမှာ ‘တောဆူ မှ မြို့သာတယ်’ လို့ ပြောကြတာပါ။

ပြီးခဲ့တဲ့ နှစ်နှစ်လောက်ကစပြီး တောအရပ်က ဆူဆူဖြိုးဖြိုး မရှိတော့ပါ။ ရာသီဥတု ညည်းရ၊ ဈေးကွက်ကို ညည်းရပါ။ အစိုးရ ပိုင်းအနေနဲ့ အညာတောင်သူတွေနဲ့ပတ်သက်ပြီး သေသေချာချာ လေ့လာဖို့လိုပါပြီ။ စာရွက် ပေါ်က ကိန်းဂဏန်းနဲ့တင် ကျေနပ်မနေကြပါနဲ့။ ပြည်သူတွေ ဘာတွေခံစားနေရလဲဆိုတာ သေချာမြင်အောင်ကြည့်ပါ။ ဈေးကွက်အသစ်တွေရှာပါ။ နည်းပညာသစ်တွေ ဖြန့်ဝေပါ။ ဒီလိုမှ မလုပ်နိုင်ဘူးဆိုရင် မကြာခင်အချိန်အတွင်း အညာယာခင်းပြင်ဟာ ထွန်ယက်သူကင်းပြီး ခြောက်သွေ့နေမှာကတော့ သေချာပါတယ်။ အပြောင်းအလဲ မလုပ်နိုင်ဘူးဆိုရင် ဖောက်ပြန်နေတဲ့ ရာသီဥတုနဲ့ ဈေး ကွက်ကြားမှာ အညာတောင်သူတို့ နာလန်ထူဖို့က ခက်ခဲနေဦးမှာ အသေအချာပါပဲ။

မုန်တိုင်းမိုး ရွာသွန်းမှုကြောင့် မိုးမိအရောင်ပြောင်း ပဲတီစိမ်းများကို တရုတ်ဝယ်လက်များ ၀ယ်ယူနေ

မုန်တိုင်းမိုးရွာသွန်းမှုကြောင့် မိုးမိ အရောင်ပြောင်းပဲတီစိမ်းများကို ယခင်က မန္တလေး ပဲခွဲစက်နှင့် ရန်ကုန်ရှိ ပဲခြမ်းခွဲစက် ပဲတီစိမ်း ခွဲစက်တို့က ၀ယ်ယူအသုံးပြုပြီး ယခုနှစ် ထူးထူးခြားခြား တရုတ်ဝယ်လက်များကလက်ရှိ မန္တလေးဈေးကွက်ထဲတွင် ရောက်ရှိနေသည့် ပဲတီစိမ်းမိုးမိ၍ အစိမ်းရောင်မှ အညိုရောင် ပြောင်းသော ပဲတီစိမ်းများကိုပါ ၀ယ်ယူနေကြောင်း မန္တလေး ပဲကုန်သည်များထံမှ သိရသည်။

အဆိုပါပဲများမှာ မေလအတွင်းနှင့် ဇွန်လဆန်းများတွင် ရွာသွန်းခဲ့သော မုန်တိုင်းမိုးများကြောင့် စိုက်ခင်းများတွင်လည်းကောင်း၊ ရိတ်သိမ်းချိန်တွင်လည်းကောင်း ထိခိုက်မှုများ ဖြစ်ပေါ်ကာ အထွက်နှုန်းလျော့နည်းသွားပြီး အရည်အသွေးပိုင်းကြောင့် ဈေးနှုန်း ကျဆင်းသွားခြင်းဖြစ်ကြောင်း မန္တလေးမြို့မှ ဦးစိုးဝင်းမြင့်(စိုးဝင်းမြင့်ပွဲရုံ)က ပြောကြားသည်။

“ဒီနှစ်တော့ နည်းနည်းထူးခြားတယ်။ပဲတီစိမ်းက မိုးမိလိုက်တဲ့အခါမှာအစိမ်းရောင်ကနေ အညိုရောင်ပြောင်းလဲသွားတယ်။ပြောင်းလဲသွားတဲ့ ပဲတီစိမ်းကို ထူးထူးခြားခြား ဈေးပေးဝယ်တယ်။ ၀ယ်ပေမဲ့ အရောင်ပြောင်း ပဲတီစိမ်းကို ဈေးနှိမ့်ဝယ်တယ်။ ဈေးချဝယ်တယ်။ ချဝယ်နေပေမဲ့ အိန္ဒိယဘက်ကလည်း ပဲတီစိမ်း တန်တစ်သိန်းခွဲ ၀ယ်မယ်လို့ သတင်းကြောင့် တရုတ်က ရသလောက်ဝယ်ယူနေတယ်။ ဒါပေမဲ့ မြန်မာတောင်သူတွေအနေနဲ့ မုန်တိုင်းမိုးနှစ်ကြိမ်မိသောကြောင့် အရောင်ပြောင်း ပဲတီစိမ်းဈေးကို အနှိမ်ခံပြီး ၀ယ်ယူခြင်း ခံနေရတယ်။ မကြာပါဘူး။ အိန္ဒိယက ချက်ချင်းဝယ်ယူရင် ဈေးက ပြန်တက်လာမှာပါ။ ဒါပေမဲ့ ပြီးခဲ့တဲ့နှစ်ဈေးနဲ့ဆိုရင် သုံးတင်း တစ်အိတ်ကို ပြီးခဲ့တဲ့နှစ် ဒီအချိန်မှာ ဒီရာသီမှာ သုံးတင်းတစ်အိတ်ကို ရှစ်သောင်း ၀န်းကျင်ပဲရှိတယ်။ ဒီနှစ်က အမြင့်ဆုံးဈေးကနေ ကျနေတယ်လို့ ပြောပေမဲ့ သုံးတင်းတစ်အိတ်ကို တစ်သိန်းတစ်သောင်းလောက်ရှိတယ်။ တစ်တင်းကိုတော့ ဈေးတစ်သောင်းလောက် ကွာနေတယ်။ ပဲတီစိမ်းဈေးက တစ်သိန်းအောက် အလွန်အမင်း ကျမသွားနိုင်ဘူးလို့ ခန့်မှန်းရတယ်။ မန္တလေးဈေးကွက်ကို တစ်နေ့ တန် ၁၀၀ တစ်တင်းခွဲအိတ်အိတ်နှစ်သောင်း လောက်ဝင်နေတယ်။ ၀င်သလောက်လည်း ကုန်ပါတယ်” ဟု ၎င်းက ပြောကြားသည်။

လက်ရှိမန္တလေးဈေးကွက်တွင် မေလကုန်ပိုင်းက သုံးတင်းဝင်တစ်အိတ်လျှင် ငွေ ကျပ် ၁၂၈၀၀၀ ဈေးရှိနေသော ပဲတီစိမ်း (ထိပ်စ) မှာ ဇွန် ၁၄ ရက်တွင် ငွေကျပ် ၁၁၀၀၀၀ နှုန်းအထိ ကျဆင်းသွားပြီး ယမန်နှစ် ယခုရာသီတွင် သုံးတင်းဝင်တစ်အိတ်လျှင် ငွေကျပ် ၈၀၀၀၀ ၀န်းကျင်သာ ရှိခဲ့ကြောင်း ၎င်းက ဆက်လက်ပြောကြားသည်။

မိုးကြိုပဲတီစိမ်းများကို ပခုက္ကူ၊ မြင်းခြံ၊ ရွှေဘို၊ ရေစကြို၊ ကျောက်ဆည်တို့မှ အစောဆုံး ထွက်ရှိလာကာ မန္တလေးပဲဈေးကွက်သို့ နေ့စဉ်အိတ်ရေနှစ်သောင်းခန့် ၀င်ရောက်လျက်ရှိပြီး မကြာခင် နေပြည်တော်၊ တပ်ကုန်း၊ အောင်လံ၊ မကွေး၊ ရမည်းသင်းနှင့် ပျော်ဘွယ်တို့မှ ၀င်ရောက်လာမည်ဖြစ်ကြောင်း သိရသည်။

 

 

မြေထောက်ပဲကို တရုတ်နှင့်အိန္ဒိယ အပြိုင်ဝယ်ယူနေသောကြောင့် မန္တလေး ပဲဈေးကွက်တွင် ဈေးနှုန်းမြင့်တက်နေ

မန္တလေး ပဲဈေးကွက်တွင် အရောင်းအ၀ယ် ပြုလုပ်နေစဉ်

ယခုနှစ် ဇန်န၀ါရီလ မြေထောက်ပဲသစ် ဈေးကွက်တွင် စပေါ်ကတည်းက သုံးတင်းဝင် အိတ် တစ်အိတ်လျှင် ကျပ်တစ်သိန်းကျော်ဖြင့် ဈေးရှိခဲ့ပြီး သင်္ကြန်ပြီးနောက်ပိုင်းတွင် တရုတ် အ၀ယ်နှင့် အိန္ဒိယအ၀ယ် အပြိုင်ဝယ်ယူ နေသောကြောင့် မန္တလေး ပဲဈေးကွက်တွင် မြေထောက်ပဲဈေးနှုန်း မကျဘဲ မြင့်တက်နေကြောင်း မန္တလေး ပဲကုန်သည်များထံက သိရသည်။

ယမန်နှစ် မြေထောက်ပဲသစ်ဈေးသည် ဇန်န၀ါရီ လပေါ်ပေါ်ချင်း သုံးတင်ဝင်အိတ် တစ်အိတ်လျှင် ကျပ်ခုနစ်သောင်းကျော် ဈေးရှိပြီး ယခုနှစ်တွင် မြေထောက်ပဲ ဈေးကွက်ထဲ ၀င်ဝင်ချင်းပင် ဈေးနှုန်းတစ်သိန်းကျော်ဖြင့် စ၀င်ပြီး ဈေးနှုန်းမကျဘဲ  တစ်သိန်းနှစ်ထောင်နှင့် တစ်သိန်းတစ်သောင်းကြား ဈေးနှုန်းရှိနေကြောင်း၊ မြေထောက်ပဲ လှိုင်လှိုင်ပေါ်သည့် မတ်လနှင့် ဧပြီလတွင် ဈေးမကျသည့်အတွက် ဇွန်၊ဇူလိုင်လတွင်  ပိုမိုဈေးတက်လာနိုင်ကြောင်း မန္တလေးမြို့ စိုးဝင်းမြင့်ပွဲရုံမှ ဦးစိုးဝင်းမြင့်က ပြောကြားသည်။

“လှိုင်လှိုင်ပေါ်တဲ့ မတ်လ၊ ဧပြီလတွေ မှာဈေးမကျဘဲ သင်္ကြန်အပြီး လှောင်လက်တွေ တစ်သိန်းအောက် ဈေးကျမယ်လို့ ထင်ထားပေမယ့် မြေထောက်ပဲက တခြားသီနှံတွေလို မဟုတ်ဘဲ တရုတ်ဝယ်လက်နဲ့ အိန္ဒိယ ၀ယ်လက် အပြိုင်ဝယ်နေတာကြောင့် ဈေးကမကျဘဲ ရာသီလှိုင်လှိုင်ပေါ်ချိန်တောင် ဈေးနှုန်းက လက်ရှိဈေးနှုန်းသည် ကြမ်းခင်းဈေး သဘောဖြစ်နေတယ်။ နောက်ခြောက်လပိုင်း ခုနစ်လပိုင်းမှာ ဒီထက် ဈေးနှုန်းတက်လာစရာ အကြောင်းပဲရှိတယ်။ အရင်က အိန္ဒိယနိုင်ငံက ၀ယ်နေတယ်။ အခုလေးနှစ်လောက် ကစပြီး တရုတ်ပြည်က ၀ယ်လာတယ်။ အိန္ဒိယ ၀ယ်လက်တစ်ခုတည်းတုန်းက ဈေးကစားပြီး ၀ယ်ကြတယ်။ အခုတရုတ်ပြည်က စားသုံးမှုလည်းရှိပြီး သူတို့ဆီမှာ ပြုပြင်ပြောင်းလဲမှုလုပ်ပြီး တတိယနိုင်ငံများကို ကုန်ချောအဖြစ်နဲ့လည်း ရောင်းချကြတယ်။ အိန္ဒိယအ၀ယ်သမားတွေ အရင်လိုဈေးချပြီး ၀ယ်လို့မရဖြစ်အောင် တရုတ်ဝယ်လက်က တောက်လျှောက် ၀ယ်နေတဲ့ သဘောဖြစ်နေတယ်” ဟု ဦးစိုးဝင်းမြင့်က ပြောကြားသည်။

မြေထောက်ပဲဈေးနှုန်း ယခင်က သုံးတင်းဝင် တစ်အိတ်လျှင် ကျပ်တစ်သိန်းကျော်အထိ မရောက်ရှိခဲ့သော်လည်း ၂၀၁၇ ခုနှစ်တွင် မြေထောက်ပဲဈေးနှုန်းသည် ထူးခြားနှစ်ဟု ပြောလို့ရပြီး နောက်ဆုံးပိတ်ဈေး တစ်သိန်း နှစ်သောင်းအထိ ဈေးရှိခဲ့သည့်၂၀၁၈ခုနှစ် မြေထောက်ပဲသစ်ဈေး ပေါ်ပေါ်ချင်းပင် တစ်သိန်းကျော်ဈေး ရှိခဲ့သည်။

မြေထောက်ပဲသည် မိုးများသည့် ဒေသများနှင့် အပူပိုင်းဒေသများတွင် စိုက်ပျိုး၍ မရဘဲ ရာသီဥတု သင့်တင့်မျှတသည် ဧရာဝတီမြစ်ရိုး အထက်ပိုင်း မတ္တရာ၊ စဥ့်ကူးအထက်ပိုင်းမှစပြီး ကသာ၊ ဗန်းမော်ဒေသအထိ စိုက်ပျိုးကြကာ ချင်းတွင်းမြစ်ရိုး အထက်ပိုင်း ကလေး၊ ကလေးဝတို့တွင် စိုက်ပျိုးကြပြီး မြန်မာနိုင်ငံတွင် ကသာ၊ ဗန်းမော်ဒေသမှ ထွက်သည့် မြေထောက်ပဲသည် အရောင်ညို အလုံးကြီးပြီး ဈေးကွက်ဝင် အကောင်းဆုံး မြေထောက်ပဲ ဖြစ်ကြောင်း သိရသည်။

၂၀၁၈-၂၀၁၉ ဘဏ္ဍာနှစ်အတွင်း မြန်မာ့ပဲစင်းငုံတန်ချိန်နှစ်သိန်း တင်သွင်းခွင့်ပေးရန် အိန္ဒိယထံ တောင်းဆိုခဲ့သော်လည်း အကြောင်းမပြန်သဖြင့် ပဲစင်းငုံ ထပ်မံစိုက်ပျိုးထုတ်လုပ်ရန် လုံးဝမသင့်လျော်တော့ကြောင်း ပဲနှမ်းကုန်သည်အသင်း ထုတ်ပြန်

မန္တလေးကုန်စည်ဒိုင်တွင် ရောင်းချရန်ခင်းကျင်းပြသထားသည့် ပဲမျိုးစုံအား တွေ့ရစဉ်

၂၀၁၈-၂၀၁၉ ဘဏ္ဍာနှစ်အတွင်း မြန်မာ့ပဲစင်းငုံတန်ချိန်နှစ်သိန်း တင်သွင်းခွင့်ပေးရန် အိန္ဒိယအစိုးရ တာဝန်ရှိသူများထံ တောင်းဆိုခဲ့သော်လည်း အကြောင်းမပြန်သဖြင့် ပဲစင်းငုံ ထပ်မံစိုက်ပျိုးထုတ်လုပ်ရန် လုံးဝ မသင့်လျော်တော့ကြောင်း မြန်မာနိုင်ငံ ပဲမျိုးစုံနှင့် နှမ်းကုန်သည်များအသင်း၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်းက ၂၀၁၈ ခုနှစ် ဧပြီ ၂၈ ရက်တွင် ကျင်းပပြုလုပ်သည့် ပဲမျိုးစုံ တင်ပို့မှုဆိုင်ရာ ပေါင်းစပ်ညှိနှိုင်းရေး အထူးလုပ်ငန်းအဖွဲ့အစည်းအဝေး ဆွေးနွေးဆုံးဖြတ်ချက်အရ ပဲစင်းငုံစိုက်တောင်သူများသို့ အကြံပြုကြေညာချက် ထုတ်ပြန်ထားသည်။

၂၀၁၈ ခုနှစ် မတ် ၁၉ ရက်တွင် ပဲမျိုးစုံ တင်ပို့မှုဆိုင်ရာ ပေါင်းစပ်ညှိနှိုင်းရေးအထူးလုပ်ငန်းအဖွဲ့ ဥက္ကဋ္ဌ ဦးဆောင်သည့်အဖွဲ့နှင့် အိန္ဒိယ အစိုးရတာဝန်ရှိသူများ နယူးဒေလီမြို့တွင် တွေ့ဆုံဆွေးနွေးခဲ့ပြီး ပဲစင်းငုံတန်ချိန် နှစ်သိန်းအား သီးသန့် Quota အဖြစ် ၂၀၁၈-၂၀၁၉ ဘဏ္ဍာနှစ် (၁.၄.၂၀၁၈-၃၁.၃. ၂၀၁၉) အတွင်း တင်သွင်းခွင့်ပေးရန် တောင်းဆိုညှိနှိုင်းခဲ့ခြင်းဖြစ်သည်။

ထို့ပြင် မတ် ၂၂ ရက်တွင် ရန်ကုန်မြို့၌ ကျင်းပသည့် Myanmar-India Business Conclave Forging Partnerships for Economic Integration အခမ်းအနားတွင် တွေ့ဆုံဆွေးနွေးရာ၌လည်း မြန်မာပြည်သီးသန့် Quota သတ်မှတ်ခြင်းနှင့် ပတ်သက်ပြီး အကူအညီပေးရန် မေတ္တာရပ်ခံခဲ့ရာ အလေးထား စဉ်းစားပေးပါမည်ဟုလည်း သို့ရာတွင် ကန့်သတ်ကုန်စည်အဖြစ် သတ်မှတ်ရက် ကုန်ဆုံးရက်ဖြစ်သည့် ၂၀၁၈ ခုနှစ် မတ် ၃၁ ရက်မှ ယနေ့အချိန်အထိ အိန္ဒိယ အစိုးရဘက်မှ ကြေညာချက်တစ်စုံတစ်ရာ ထွက်ရှိခြင်း၊ အကြောင်းပြန်ခြင်းမရှိခဲ့ကြောင်း သိရသည်။

အိန္ဒိယအစိုးရအနေဖြင့် ၎င်းတို့ပြည်တွင်း၌ ပဲစားသုံးမှု ပမာဏအားလုံးဖူလုံစွာ စိုက်ပျိုးထုတ်လုပ်နိုင်အောင် နည်းလမ်းမျိုးစုံဖြင့် ကြိုးပမ်းနေခြင်း၊ ယခင် ၁၀ စုနှစ်ပေါင်းများစွာက ပြည်တွင်း၌ စိုက်ပျိုးထုတ်လုပ်မှု နည်းသည်ဖြစ်စေ၊ များသည်ဖြစ်စေ ပြည်ပမှ ပေါက်ဈေးဖြင့် တင်သွင်းခဲ့သော်လည်း ယခုနှစ်ပိုင်းမှစ၍ လုံးဝပိတ်ပင်သည့် နည်းလမ်းကို ဆောင်ရွက်နေခြင်း စသည်တို့ဖြင့် ၎င်းတို့ နိုင်ငံ၏မူဝါဒကို ပြောင်းလဲကျင့်သုံးလျက်ရှိရာ မြန်မာ့ပဲစင်းငုံဈေးနှုန်းများမှာ စိုက်ပျိုးစရိတ် အောက်ထက် များစွာ ကျဆင်းခဲ့ပြီး ကျဆင်းသည့် ဈေးနှုန်းဖြင့်ပင် ပြည်ပမှဝယ်ယူမှု လျော့ကျခဲ့၍ ပြည်တွင်းရှိကုန်သည်များ၏ ငွေအရင်းအနှီးနှင့် နည်းမျိုးစုံဖြင့်ရရှိသည့် ချေးငွေများဖြင့် ၀ယ်ယူ၍ သိုလှောင်ရုံများ၌ အပြည့်အလျှံ သိုလှောင်နေရသည့် အခြေအနေသို့ ရောက်ရှိနေခြင်းဖြစ်သည်။ ယင်းကဲ့ သို့လက်ကျန်ပဲစင်းငုံများအား တင်ပို့ရန်ခက် ခဲနေသည့် အချိန်အခါတွင် ထပ်မံ၍စိုက်ပျိုး ထုတ်လုပ်ပါက ပို၍ဖြေရှင်းရခက်ခဲသည့် အခြေအနေသို့ ရောက်ရှိသွားမည်ဖြစ်ကြောင်း သိရသည်။

သို့ဖြစ်ပါ၍ တောင်သူများအနေဖြင့် မကြာမီ စိုက်ပျိုးချိန်ကျရောက်မည့် ပဲစင်းငုံ (2019 Crop) များအား စီးပွားဖြစ်စိုက်ပျိုးထုတ်လုပ်ရန် လုံးဝမသင့်လျော်တော့ဘဲ မိမိ စိုက်ပျိုးမြေနှင့် ကိုက်ညီမည့် အခြားဈေးကွက်ရှိ ဆီထွက်သီးနှံနှင့် ပဲအမျိုးအစားများအား ပြောင်းလဲစိုက်ပျိုးသင့်ကြောင်း မြန်မာနိုင်ငံပဲ မျိုးစုံနှင့် နှမ်းကုန်သည်များအသင်း၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်းက ကြေညာချက် ထုတ်ပြန်ထားခြင်းဖြစ်သည်။